السلام عليكم ورحمة الله وبركاته ...

صبـــــــــــــــاح\\
الهــدايا المغلفة..
المعطـرة بمحبتكم..

مســـــــــــاء\\
الصحبـــــة الرائعة..
لقلوبكم الطيبة..

هذا مفـــــــــــاجئتي لكم أحبتــــي ..
واعذروني على القـــــــــصور..
لا اريــــــد إلا دعوة صـــادقة من قلوبكم..
أن يحقق الله لي مــــــرادي ويصلح شأني كـــله..


البـــــــارت الواحد والثمــــانون ...



اتسئلين القلب عما به
ألستّ تدرين بما قد دهاهْ ؟

أنت التي أججت أشواقه
أنت التي لوعته في صباهْ

رحماك ! هذا الصوت كم غصةٍ
أثارها .. وكم حنين دعاهْ

لا تعجبي .. قلبي فراش الهوى
يقفز للنار وفيها رداهْ


المرحوووم بإذن الله تعالى ..غازي القصيبي...

أرتجفت غصب عنها..
وهي تحس بوجهه على كتفها..
همس لها بحبه..بعشقه..
وهو يدري إنها ماتجهل غلاتها عندهـ..
قبلها على خدها عيونها وجبينها..
حالتهم تخوفها..ترعبها..
ماتبيه يستمر في اللي يسويه..
لازم تقاومه وتبعده عنها..
رفع يدينها ولفها على رقبته..
قبلها على شفايفها بعمـــق..

حس فيها تحاول تبتعد عنه..
زاد من توثيقه لها..
شالها عن الارض وهي بكت بصوت مخنوووق..
خافت من تصرفاته..
ماتبيـــــــه..بعدها مجروحة منه..
مرعوووبة من تجربتها معها..
كانت بغير إرادتها..
غـــصب عنها..
أذاها كثيييير..

نيمها على السرير وهو حاضنها..
غازي بحنية\هششش إهدي يا جنونـــــي..
ما راح اجبرك علي شيء..
هششش خلاااص إهدي ياقلبي..

كانت تبكي وهي تشهق بقوووة..
ترتجف غصب عنها..
مو قادرة تتحكم في خوفها ورعبها منه..
ضمها له أكثر وهي تبعدهـ عنها..
وتترجاهـ يسامحها..
مابتتقبل لمسه لها كزوجة..
ماتقدر نفسها تكرهه..
تكــــــــــرهـ إجبارهـ لها..

هديل تبكي\سامحني..سامحني..
غازي بمحبة\أنتي اللي ابيك تسامحيني..
أنا احبـــك..أعشقك..
إرحمي الشيب اللي في راسي..
لاتزيدينها بخوفك..
والله ما اجبرك..لا تخافين مني..


لا جيت أنا بــ أسامحك..
تبكي الجراح ما ودها..
مشتاق ودي أصافحك..
عيت يدي لا أمدها...
آه. .يـــا الجراح .. راح اللي راح ..
وراحتي .. من يا ترى بيردها ..؟؟
يا حب.. ياذ كرى واســم..
مدري انا ابكي عليك من العذاب أو ابتسم..
صدقني في يأسي .. نفسي تبي نفسي تبيــــــك ..
لا يا دفا شمسي تبيـــــــك..
ليه خنتني ..الله عليك ..
آآآآهـ يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس شجوني .. ينبت في قلبي جـــرح ..
ناظرني يا خلي .. جرح انا كلــــي ..
وشلون أبـ أرضى الصلح ..؟؟

الأمير بدر بن عبدالمحــسن..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لآ شِفت لِك مجروح .. حآوِل تِدآوية
دآوَه مِن بآب الإحسـآن دآوَهـ ..
وإن شِفت لِك مِن يبكِي .. فـ لآ تسألة لية ؟
الدَمْع مآ عُمرة نِزل مِن فَضـآآوة ....

أول مرة تسويها وتطلع من البيت من غير امها..
حتى مرام أعتذرت وقالت ما بتقدر تروح معها..
أرسلت لها السواق مع شغالتها..
ولزيادة الحذر منها طلبت من اخوها يروح معها..
إبراهيم\طيب وين بنروح؟؟
خلود\مشوار قريب..لازم اروح وبعدها نرجع البيت ان شاء الله..
إبراهيم\طيب..بســ
خلود\بس وشهو..؟؟
ابراهيم\ولا شيء..إذا قلت لك بتزعلين وتهاوشيني..
خلود بهدؤ\قول ما راح اهاوشك..
إبراهيم\أنا أخوك..صح صغير..بس لما اكبر باصير ولي امرك..
وأنتي دائماً متضايقة مني ولا يعجبك كلامي..وتحبين تقهريني..
انا مدري ليه تكرهيني..أمي تقول عشانك زعلانة على ابوي لما مات..
ليه أنا ابوي مامات؟؟أنا مثلك..أبوي مات مقتول..
بس ماقسيت عليكم وكرهتك..يمكن لو معي إخوان وكرهتيهم مثلي يكون عادي..
مالي غيركم بعد ربي..وكرهك لي يحسسني إني مالي بيت..
تدرين إني خططت اهرب من البيت كثير مرات..
بس ارجع لأنكم خواتي وأنا اخوكم الوحيد..
أخاف احد يزعلكم او يضايقكم..
خواتي صاروا مثلك ياخلود..يتضايقون مني..
مايسمعون كلامي ولا يحترموني..

وقفت السيارة عند العيادة..
ونزل ابراهيم قبل خلود..
وهي ظلت جالسة مكانها مصدوومة من كلام اخوها..
كل اللي قاله صدق..هو مات ابوه اللي هو ابوها..
يتيم مثلها..بس قسوتها عليه يتمته من امه وخواته..
تمنت لو تحضنه لو تعتذر منه وتبوس يدينه يسامحها..
عمره مابين لها مقدار جرحها له..
كان يتهاوش معها ويعاندها مثل ماتعاندهـ..
يبين لها ان كلامها وتصرفاتها ما تضايقه..
ولأنها اول مرة تطلب منه طلب..
وطلبها كان فيه أمان لها..
تبيه يروح معها عشان يحرسها..
يعني هو سندها وهو عضيدها..

نزلت من السيارة وهي تبكي..
كان واقف عند باب العيادة ينتظرها..
وقفت جنبه ومسكت يده..
رفعتها لفمها من فوق نقابها وقبلتها..
ماتكلمت لان مالها قدرة تتكلم وهي تبكي..

مشت ويدها في يدهـ وطلبت الدخول عند الدكتور الشايب مثل ماسمته..
دخلت اخوها معها وهي مرتاحة لدكتورها اللي كبير في السن وسليط في اللسان..
حست إنها بدت تتقبله..
عرفته على أخوها وهي مبسوطة..

خلود\دكتور هذا أخوي ابراهيم..
الدكتور\الله يحييه..
ابراهيم\مشكور..من انت..؟
الدكتور\أنا دكتور نفسي..
أحاول اساعد أختك في مشكلة..
ابراهيم\تدري إني حسبتك ابوي لما دخلت..
حتى هذي السبحة اللي في يدك..تشبه سبحة ابوي..
شف هذي هي..

طلع سبحة ابوهـ من جيبه وعرضها لـ الدكتور ..
خذتها خلود منه وضمتها بين يديها وهي تبكي..
ابراهيم بغصة\اعذرها يادكتور..
صار لنا سنين وهي مقاطعتني واليوم رضت علي..
سحبت ابراهيم لها وضمته وهي تبكي بصوت عالي..
خلود\والله اسفة يا رووح اختك..
سامحني عساني فدوة لك يا اخوي..
غبييية والله اني غبيية..

طلع الدكتور من المكتب وتركهم لحالهم..
لانه أنتبه على ابراهيم يمسح دموعه..
مايبي الدكتور يشوفه يبكي..

أخذ جواله واتصل على مرام..
مرام\هلا يالشايب..
مسفر بهدؤ\مرام..صاحبتك صار معهم شيء مو زين..؟؟
مرام\هي قالت لك شيء..؟؟
مسفر\لا ماقالت..
مرام\اممممم ولد جيرانهم يبي يتزوجها..
هذي ثالثة مرة يطلب وهي ماوافقت..
بس هو راعي مشاكل وسجون..
مسفر\الله يقطع هذي الأشكال ويفك الناس منهم..
مرام\وش بتسوي يالشايب..
انتبه لا تكشفك ترى بتحكمك اعدام..
مسفر\هي بتكشفني بس ماهو الحين..
اما ولد الجيران يبي له سم فيران..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت من النوم ..
وهي تحس بصداع قوي براسها..
حتى عيونها تحرقها إذا فتحتهم..
تنهدت بضيق..
لانها تعرف هذي الحالة لما تجيها..
إذا نامت وهي تبكي..
تصحى تعبانة ودايخة طول الوقت..

حست فيه يقبلها على خدها..
فتحت بسرعة..
خجلت منه ومن قربها الكبير منه..
لمت منشفتها عليها اكثر ..
وجلست بسرعة..
لما حست بيدهـ تسحبها له..
وقفت بسرعة أخذت ملابس من الكبت ودخلت دورة المياهـ..
أستندت على الباب..
وهي تتذكر كيف صحت من النوم وهي تصرخ مرعوبة..
كيف ضربته وحاولت تهرب منه..
وهو كان ضامها له..
ويحاول يوعيها على انها كانت نايمة وشافت كابوس..
لما صحت من صدمة الكابوس..
تعلقت عيونها بعيونه..
صدمها حلمها فيه هذي المرة..
صدمـــــها كثييير..

تحممت بسرعة ووقفت قدام المرايه تشوف ظهرها..
خف عليها كثييير وصار احسن من اول..
كان يهاوشها اذا تركت الكريم ماحطته..
ولما يهددها يحطه لها غصب عنها ..
تحطه هي بسرعة وتمنعه ينفذ تهديدهـ..

طلعت من دورة المياهـ..
وهو كان نايم وحاط ذراعه على عيونه..
ولما سمع الباب شال يدهـ وركز عيونه عليها يتاملها..
تجاهلته ووقفت عند التسريحة..
مشطت شعرها وفردته على طوله..
وانتبهت عليه يدخل دورة المياهـ ..
تنفست براحة بعد ماطلع من الغرفة..

راحت لذياب وهي تتذكر إنها ماسمعته يبكي..
طول امس..
يمكن غازي اهتم فيه ونيمه..لانها كانت تعبانة..
قربت منه وشالت الغطاء من عليه..
هديل بمرح\ورعي بعدهـ نايم..
يالله قوووم يا قلبي..
شالته من فراشه وضمته لها تبوسه..
وتسوي حركات تضايقه عشان يصحى..
بس استغربت انه ما تجاوب معها..
نادته وضربت على خدهـ ..
حطت بيدها ماء من الكاس..
مررته على وجهه ورقبته..
بس مارد عليها ولا تحرك..

أرتجفت بخوف وهي تشهق مجزوعة..
هديل بخوف\ذيـــ...ــاب..يــوومــهـ.....
قووم حبيبي..ياروحي انت وش فيــ....ـك؟؟
يووومه تكفى قوووم لا تفجعنـــــي..
تكفى يا ذياب لا تفجعني تكـــفى..
ياربي ياحبيبي لا تاخذهـ مني..
لاتاخذهـ منــــــــــي..
ذياب ما اتفقنا كذا يا فديتك..
قلت لك أول ماشفتك لا تترك الدنيا قبلي..
آآآآآآهـ يا قلب أمك تكفى قوووم..

ضمته لها اكثر وهي تصرخ بخوووف..
هديل تبكي\غااااااااااااااااااازي..

طلع من دورة المياهـ لابس بنطلونه وشعره مبلول..
حتى قميصه مالبسه..
جلس عندها على ركبه مصدووم من شكلها..
كانت جالسة على الأرض..
ضامة ذياب على صدرها وتهتز..
غازي\وش فيـــك..؟؟
هديل\ذذيــ....ـياب..مايصحى..
آآآآآآآآآهـ مايرد علــي..

أخذه من بين يديها..
وهو يحس برجفة قوية تسيطر على كل جسمه..
حس بعجز كبييييير..
نفس العجز اللي حس فيه لما كانت رسل بنته تموت..
ضم ذياب له وهو يسمي عليه..
تمالك اعصابه وسدحه على الارض..
تطمن لما شاف صدرهـ يتحرك..
دليل على انه يتنفس..
رفع جفونه يعاين عيونه..
نيمه على جنبه اليسار..
وضرب بخفيف على مؤخرة راسه..
صحى ذياب وهو يبكي بصوت عالي وحااااد..
بكى لحتى استفرغ من حبسه للهواء وهو يبكي..
ضمته هديل لها وهي تبكي معه بخوووف..
ضمهم غازي وهزهم بحضنه..
يواسيهم ويواسي نفسه..

كان بيفقد ولدهـ..
كان راح يصيبه القنووط من رحمة الله..
أستغفر الله وهو يحاول يهدي هديل اللي كانت تبكي..
أخذ ذياب منها ودخلها دورة المياهـ ..
غازي بحنية\بدلي ملابسك..
وبنمشي بعد ساعة المطار..
إن شاء الله نوصل روما الليلة...
هديل برجاء\لاتخليه ينام..
الحين نروح بس لاتخليه ينام..

بدلت ملابسها بسرعة..
لمت شنطتها وشنطة غازي..
حتى اغراض ذياب كانت تلمها وهي تبوسها..
جلسها غازي وحط ذياب بحضنها..
خلاها تستوعب انه بخير وماصار فيه شيء..
وطعنته لما سمعها تقول..
هديل بآآسى باكي\هو اللي ما اعتبرني ميته..
هو الوحيد اللي يحبني..
ما ابيه يموت واتيتم من بعدهـ..

واللي حس نفسه يتيم وماله عزوة من بعدك وش تقولين فيه..؟؟!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

حطت يدها على الجدار وهي تسمي بالله..
جلست ع الدرج بسرعة بعد ما حست بدوخة قوية..
غمضت عيونها وانتظرت لحتى حست بدوختها تخف عليها..
وقفت بتعب ونزلت الدرجات الباقية..
صرخت برعب لما حست بنفسها تفقد التوازن وتطيح على ظهرها لآخر الدرج..

شوق\يووووومـــــــــه..
آآآآآآآآآآآآآآآآآآهـ يووومه بامووووت..

طلعت امها من المطبخ وهي تركض لها..
صرخت بخوف لما شافت شوق طايحة على الارض وتنزف..
جلست عندها وهي تبكي..
ام غازي\شووق..بسم الله عليك..
اذكري ربك يوومه..تشهدي فديتك تشهدي..
شوق تصرخ وهي لامة يدينها على بطنها..
\بأموووت يوووومه...آآآآآآآآهـ..
يوومه لحقي علـــــــــي..
ام غازي برعب\تشهدي أول..
قولي اشهد انه لا اله الا الله..واشهد ان محمدا رسول الله..
تشهدي ياقلب امك...
شوق باستسلام\اشهد انه لا الله الا الله..وان محمدا رسول الله..

قامت ام غازي من عندها بسرعة..
اتصلت على طالب وقالت له يجي البيت بسرعة..
ويتصل على الاسعاف يدلهم على البيت..

رجعت لشووق وبكت لما ادركت ان بنتها بتولد خلال دقايق..
مستحيل تصبر لحتى يجي الاسعاف..
ذاب قلبها على بنتها اللي تصرخ بألم..
وتستجدي بالله يرحمها ويخفف عنها..

أخذت وسادات من على الكنب..
حطتها تحت راس شوق..
وقررت تولد بنتها قبل تموت والجنين في بطنها يموت ورى امه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


دخلت الشقة وهي ضامة ذياب على صدرها..
تحاول تخفي وجها عنه لا يشوف مدى إحراجها..
غازي يبتسم\صراحة تمنيتك تكفخينه..
تراه طبيب متدرب ماهو مسئول..
هديل بقهر\شفت البروود..
بس يستاهل فتنت عليه وخليتهم يطردونه من الغرفة..
غازي بغمزة\طبعاً بيطردونه لانه وراك من يسندك..
ووراهم من ينكبهم اذا غلطوا علينا..
هديل بابتسامة\أحياناً تنفع النذالة..
غازي\على الطاري..
نيمي ذياب بفراشه وتجهزي فيه ضيوف جايين يزورونك..
هديل بفرح\صوفي...؟؟
غازي\إيه صوفي وضيوف ثانين..
هديل\مييين لا يكون ماكس..؟؟
غازي\لساتك حاقدة على ماكس..؟؟
هديل\على ماكس وصاحبه ولا راح اسامحهم..

دخلت غرفة النوم ونيمت ذياب بفراشه..
وصلوا روما في وقت متأخر..
أخذوهـ لـ المستشفى..
قبل لا يتوجهون لشقتهم..
والطبيب طمنهم وطلب منهم يزورونه بعد 10 ساعات تكون النتائج وضحت لهم..
ويحددون متى وقت العملية يكون..

راحوا على الموعد وحدد لهم وقت العملية..
بعد ثلاث ايام..

سمعت صوت جرس الباب..
بدلت ملابسها وسرحت شعرها..
طلعت من الغرفة وهي متوقعة تقابل صوفي..
أنصدمت لما شافت سارة وراكان وعبدالله..
رجعت غرفتها بسرعة مفتشلة من راكان شافها بلبسها وشعرها..

أبتسمت بفـــــــرح..
لما ادركت إن هلها معها في ايطاليا..
أنبسطت كثير..
بدلت ملابسها بسرعة ولمت حجابها على راسها..
طلعت لهم وسلمت عليهم..
ماكان في الصالة الا عبدالله وسارة..

هديل مبسوطة\هلا والله فديييييييييييتكم..
ضمها عبدالله بقوووة وسلم على راسها..
عبدالله\والله اشتقت لك..
هديل\فديييييييييته الإيطالي..
عبدالله\كيفك وكيف ورعك؟؟
والله مشتاقين لكم مرة..حتى لهواشه..
هديل\عساني فدوة لك يا ابو علي..
الحمدلله أنا بخير وورعي بخير..
سارة\وهـ يابعد تســـــبدي..
ماتبين ترحبين فيني..؟؟
هديل\هههههههههه السووووري يا بعدهم انتي..

ضمتها وهي تضحك مبسووطة بشوفتها..
سارة\وش رايك فيني..؟؟
هيت زوجي وعيالي وربعي وجيييتك..
هديل\يافديييييييييتك ..
والله والله فرحت فيكم ونسيت كل شيء..
سارة بحنية\طمنيني عنك كيفك؟؟
كيف ولدك؟؟وزوجك كيفه معك..؟؟

جلسوا وهديل متمسكة بيد سارة..
هديل\الحمدلله حالنا يسرك..
ذياب وأنا بنسوي العملية بعد ثلاث أيام..
وإن شاء الله ربي يهونها..ويشافيها..
سارة\آآآآآآآآآمين يارب العالمين...
عبدالله\أبوي وجدتي وكلهم يسلموون عليك..
هديل\أبوي ماجاء معكم..واخواني..؟؟
عبدالله\جدي معتكف في الحرم..
إن شاء الله لما ينهي إعتكافه بيجي هنا..
أما عمامي وجدتي فابوي ماخلاهم يجون..
هديل بإستغراب\ليـــه.؟؟
سارة بحدة\عبيييد رح مع زوج عمتك وراكان..
عيب تجلس مع الحريم..
عبدالله\لا عندي رسالة ابي اوصلها لهدوولة من ابوي..
سارة\خلاااص بعدين..هي بتطير يعني..؟؟
قول لها بعدين..يالله رووح..
عبدالله\اووووف منك..
طيب رايح..هدوولة ترى بانام عندك الليلة..
هديل تبتسم\عيوووني لك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كنت آسولف وقلت آسمه . .
بــ [ آلخطآ ]
عضيت شفآهي وآرتبكت
وآللي سمعني من ربكتي
آبتسم وقآل : ....
كمـــل محد سمع ..

راح عبدالله وسارة هاوشت هديل..
سارة\وش عيوني لك..عيب استحي على وجهك..
خليه يروح معنا الفندق..
هديل\مالك شغل خلييه يونسنا..
سارة\ههههههههه ماظنتي زووجك بيتحمله..
هديل\لا عادي غـــاز........

عضت شفايفها ومانطقت باسمه..
قطعت كلامها ورفعت عينها بعين سارة..
سارة بمحبة\ماسمعت..
هديل تتنهد\اقصد عادي..ماراح يغلبه عبووود..
سارة\بصراحة عليك زووج..
مدري كيف صدتيه..
هديل\ههههههههه لو مو متزوجة أنتي عطيتك إياهـ..
سارة بعتب\خليك عاقلة وإحتفظي بزوجك طول ماهو زوجك..
بكره اذا افترقتوا ارخصيه بكيفك..
هديل\ماعلينا من هـ الحكي..
امي ليه ماجات..؟؟توقعت إنها ممكن تجي..
بعد إتفاقي مع علي وحنان..
سارة\حنان سقطت الله يعوضها خير..
هديل\لاااااا..الله يعوضها..
متى صار هذا الشيء..؟؟
سارة\قبل ثلاث أيام..
ولاكانت هي وعلي بيجون مع عبوود..
هديل\وأمـــــــــي..؟؟
سارة\علي مايبيها تجيك الا وهو معها..
والله العالم عن اسبابه..
هديل\هادي كيفه..؟؟
سارة\الحمدلله بخير..
سالت سلمان عنه وقال انه سافر..
هديل\سافر..؟؟
يعني جاي إيطاليا ولا وين راح..؟؟
سارة\سافر أستراليا..
هديل\الله يرده بالسلامة..
سارة\تعالي ليش ماتردين على جوالك؟؟
ولا تتصلين على هلك..؟؟
مو عيب عليك..ولا رجعتي لزوجك نسيتي هلك؟؟
هديل تضحك\ههههههههههههه انتي غريبة عجيبة..
أتصلت عليهم بس مايردوون..
سارة\مايردون؟؟!
عنبوا ابليسك جيبي عذر يتصدق..
هديل\مالك شغل..حرة شخصية..

اندق جرس الباب ..
طلع غازي من البلكونة اللي كان جالس فيها مع راكان وعبدالله..
فتح الباب ودخلت صوفي ومعها ماكس..
رحب فيها غازي وهي طنشته ودخلت من دون ماتسلم عليه..
ضحكت هديل لما شافت حركة صوفي..
وزاد عليها غازي لما كان بيصكها بالباب قبل تدخل..
تغيضه دائماً بحركاتها..

ضمتها بقووووة وهي تقبلها على خدها..
صوفي بفرح\يارثت الثياب..كم إشتقت لك..
هديل\ههههههههههه أحبـــك..
صوفي\آآآهـ وأخيراً عدتي إلى هنا..
هديل\لم استطع فراقك اكثر..
صوفي\يالك من قزمة كاذبة..
هديل\أعرفك..هذه قريبتي سارة..
صوفي تصافحها\أهلاً تشرفت بمعرفتك..
سارة\هديلووهـ وش ذا الطويلة تقول..؟؟
هديل تبتسم\سارة هذي صديقتي واختي وحبيبتي فاطمة..
سارة\هذي الطويلة المخلعة اسمها فاطمة..
هديل\سارة واللي يرحم امك لاتنكبينا مع صوفي..
سارة\وشش قلت انا..؟؟
صوفي\الن تفهم قريبتك علينا..
سارة\يس افكوورس..
صوفي تبتسم\نااايس..
هديل\سارة ترى فاطمة مصممة ازياء معروفة..
سارة\بجد..؟؟خليني افلس زوجي بعد تسبدي..
اجي ايطاليا والتقي بمصممة ازياء..
عسى امي راضية علي بس..
هديل\هههههههههه فديتك يا السوري..
صوفي\أين وولفي..؟؟
هديل\نائم الآن..
صوفي\امممم سأذهب لاراهـ..
هديل تمسكها\والله ماتروحين..
ادري بتصحينه من نومه بحركاتك..
صوفي\هههههههههه مابك أتركيني..
هديل\لا..لن تري وولفي الآن..
أعرف ماستفعلين..لم انسى كيف كنتي توقظينه..
صوفي\أرجووك ديييل..
أنا مشتاقة له كثيراً..
هديل\صوفي حبيتي..
إن استيقظ الآن لن ينام بسهولة..
وانا اريد أن أسهر معك..
سارة\وش عندكم..هديلووهـ دخليني جو معكم..
هديل\اول خليني اضيف ضيوفي..
عيييب ساعة من جيتوا ماضيفتكم..
سارة\وتحسبين بنشرهـ عليك..؟؟
ما اتصلتي علينا من بعد مارحتي معه..
فكيف نشرهـ اذا ماضيفتينا..
هديل تبتسم\الله لا يطيح مسلم بلسانك..

راحت المطبخ جهزت القهوة الإيطالية..
لأنها المتواجدة عندها..
ومن الحلويات اللي موجودة مع اللي جابتهم سارة وصوفي..
نادت عبدالله..
أخذها منها وضيف الموجودين..

رجعت لصوفي وسارة..
وأنتبهت على كلام سارة..
سارة\وت وت اممم يو تفصلين..؟؟
صوفي\؟؟؟؟؟؟؟؟؟؟
سارة\ردي يامال الطرم..
المفروض تحاولين تفهمين كلامي..
مثل ما احاول اوصل لك السؤال..
هديل\ههههههههه سارة..
شوي وتكفخينها..
سارة\بتنفقع مرارتي..
كل ما قلت لها شيء تبتسم وتقول وت..
هديل\لانها ماتفهم عليك ياقلبي..
سارة\أقول لها أنتي جميلة ورشيقة..
ابي ادهن سيرها بكم كلمة عل وعسى تصمم لي فستان..
أرجع فيه لبعد تسبدي..
صوفي حمقت\وجع..
سارة بشهقة\هئئئئئئئئئئئئئئئ انا وجع..؟؟!
هذا وانا اقول يالطويلة يالنحيفة..يالجميلة..
أجل لو قايلة يالماصلة الناشفة المعجزة وش تقولين..
صوفي\ما اللذي تقولينه ايتها المتنمرة..
آآآهـ بكل تاكيد لن احبك ولن أرضى بالكلام معك..
لانك لا تعرفين كيف تنسيقين الوان ملابسك..
هل يرتدي أحداً ما في هذا العصر ماترتدين..؟؟
أنظري الى حجابك لا يتناسب لونه ابدأ مع لون عينيك..
أو هذا البنطال اللذي ترتدينه..هل تعلمين ان نوعية قماشه..
تجعلك تبدين اكثر سمنة مما أنتي عليه..
أنتي مشروع يجب أن اقوم بإصلاحه..
سارة\عنبوا ابليسها حكت ما سكتت..
جب يالعصلا..الشرهه على بنت عمي اللي مصاحبتك..
هديل\هههههههههههه خلااااص هشششش..
اسكتوا يادوبااات..
ههههههههههههههههههههه

كملت صوفي وسارة سب في بعض ولاهم فاهمين وش يقولون..
وهديل كل ماحاولت توقفهم تضحك ويعصبون على بعض زيادة..
هديل\ستووووب..صوفي أنتي لم تفهمي ماتقوله سارة..
هي تقول بانها من اشد المعجبين بازياءك..
وكم تمنت لو تلتقي بك شخصياً..
صوفي بابتسامة\اوووهـ عزيزتي..
أنا آسفة لم افهم ما قلتي لي أعذريني..
هديل\سوسو فاطمة معجبة بأناقتك..
وبإختيارك لملابسك..حتى ملامحك تشبه لعارضات ازياء معروفات..
بس رسومك أجمل منهم بكثير..
سارة مبسووطة\يافديتها..شكـــراً من ذوقك عزيزتي..
وهـ ياهدووول فشلة سبيتها وهي تمدحني..

هديل\ههههههههههههه ياربي سامحني..
منعت حرب لاتقوم في بيتي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سلمت على راكان قبل يطلع مع هله..
طلبت عبدالله يظل عندها بس عبدالله مارضى..
فهمت ان راكان هاوشه وحذرهـ مايبقى عندها..
ودعتهم..
وبعدهم طلع ماكس ومعه صوفي..
سالت صوفي كيف رجعت لماكس..
بس ماقدروا يتكلمون وسارة ماتفهم عليهم..
فتواعدت معها تزورها من بكره وتقول لها كل شيء..

دخلت غرفة النوم..
تحممت ولبست بجامتها..
نامت بس ظلت تفكر في غازي..
نظراته غريبة عليها..
هو بان عليه معصب لما جاو هلها..
بس ماله حق يزعل او يهاوش..
غمضت عيونها وهي تدرك غن سبب غضبه ماهم هلها..
بل لأنها طلعت قدام راكان بلبسها وشعرها مكشوف..
تنهدت بضيق..بيقلب الأمور عليها..
اللي يشوف حالتهم بهذا الوقت..
بيقول مستحيل هذولاء يستمرون..
وهي بتقول بالعكس هذا التفاهم بينا..
أجل لو قابلتونا في وقت الهواش والتملك وش تقولون..؟؟

وقفت وطلعت من الغرفة..
شهقت بقوة لما شافته مشغل التلفزيون..
ويشوف شريط فديو خاص فيها مع ذياب..
قربت منه ووقفت ورى الكنبة..
انتبه عليها ومد يدهـ لها..
حطت يدها بيدهـ من غير وعي..
وهي تشوف لقائها الاول مع ذياب..
لما كانت صوفي تصورهم..
أبتسمت وهي تشوف حجم ذياب صغير بحضنها..
كان باين عليها التعب والحزن..

حتى كلامها لذياب صدمها كثيـــــــــر ..
نست اغلب كلامها له..
تتكلم عن ابوهـ..وإنها بتنسبه له وبـ الاسم اللي لازم يحمله..
حست بيد غازي تضغط على يدها بقووووة..

صرخت بخجل لما شافت إنها تتحضر عشان ترضعه من صدرها..
حطت يدينها على عيون غازي..
هديل\لاااااااا..لا تشوووف..مالك دخل لا تشووف..
غمض عيووونك..
ضحك على تصرفها وبعد يدينها من على عيونه..
مشت بسرعة تبي تطفي التلفزيون..
ماتبيه يشوفها بهذا الشكل بتموت من الإحراج..
مسكها قبل تطفي التلفزيون وهو يضحك على تصرفاتها..
حاولت تخلص نفسها من بين يدينه..
هديل\لااااا ابعد..غازي لا تشوووف..
قليل ادب مالك شغل تشوف شريطي..
غمض عيووونك..
غازي يضحك\ههههههههههه أقووول إجلسي..

جلس وضمها في حضنه..
وعاد اللي فاته من الشريط..
وثقها له بقوووة وهي تتحرك تبي تفلت منه وتاخذ الريموت من يدهـ..


إلى الملتقى فجر الثلاثاء بإذن الله تعالى..

كونوا بخيــــــــــــر ..


صدووود’’’’

السلام عليكم ورحمة الله وبركاته ...



صبـــــــــــــــاحكم \\
طـــهر ونقــــاء..
بطـــــهر المـــــــــاء..

مســــــــائكم\\
تفائــــل ..
بحجـــــــم الســماء...

كيــــــــــفكم الـــ ليلااااااااااااس..؟؟
أحبتــــــي في كل مكـــــــــان..؟؟!!

حابة ارحب بأحبتـــي اللي أنضموا لنا وصاروا من ركاب السفينة..
وجودكم بالقرب منا يسعدنا ويزيد من متعة رحلتنا..
فأهلاً بكــــــــــم..
وشــكراً بحجم السماء لقدومكم..


من فترة مو قصيرة وصلني طلب من احد الغاليات على قلبي وقلوبكم بعد..
تطلبني يكون فيه بارت هدية لرابطة هديل..
انا أجلت طلبها لحتى يجي هذا البارت..
ووعدتها بما إنها أهدت رابطة هديل بارت قوي..
راح يكون لرابطة غازي بارت أقوى ..

أحبــتي رابطة هديل..بزعامة الغالية وردة الزيزفون..
البارت إهـــداء لكم
من رابطة غازي..بزعامة الغالية همــسات وردة ..

البارت الثانـــي والثمـــانون ..

لا تقولي "

لا تقولي : أنت حبي

ربمّا غرّتك مني

كلمة شاعر ترضي شياطين الشباب

ربما ضلل أهواءك شيء في اكتئابي

ربما أغوتك ألوان نقابي

لا تقولي .... أنا أهواك ...

لأن الليل دنيا شاعريه

و لأن البدر طفل

أسند الرأس على صدر الغمام

مغمضا ً أضواءه ... غير خيوط ذهبية

رقصت في روض عينيك

فراشات سلام

و لأن الشوق ينمو في الظلام

فغداً نصحو مع النور ..

يموت الصمت ... يغشانا الكلام


المرحوووم بإذن الله تعالى ..غازي القصيــــــــــبي ..


مشت بسرعة تبي تطفي التلفزيون..
ماتبيه يشوفها بهذا الشكل بتموت من الإحراج..
مسكها قبل تطفي التلفزيون وهو يضحك على تصرفاتها..
حاولت تخلص نفسها من بين يدينه..
هديل\لااااا ابعد..غازي لا تشوووف..
قليل ادب مالك شغل تشوف شريطي..
غمض عيووونك..
غازي يضحك\ههههههههههه أقووول إجلسي..

جلس وضمها في حضنه..
وعاد اللي فاته من الشريط..
وثقها له بقوووة وهي تتحرك تبي تفلت منه وتاخذ الريموت من يدهـ..
غازي\ههههههههه بعد تنحرجين من صوفي..
زين اللي طردتيها..تستاهل الحقوودة..مخبيتك عني ولاعبة لعبتها..
هديل وقفت الشريط\هي مو حقوودة..وانت تستاهل..
والقضية اللي رفعتها عليك أنا طلبتها تتنازل..
وقبل لا تفرح مو عشانك تنازلنا..عشانها وعشان نفسي..
بعدين لو ننكشف نروح السجن بتهمة تظليل العدالة..
أخذ الريموت منها\عادي ولو انسجنت..صار عندي خبرة في هذي الأمور..
ولا تحاولين توقفين الجهاز..أبي اكمل الفلم..
هديل بغيض\يعني عادي أموووت..؟؟
غازي بوله\بسم الله عليك..كنت حاب أنسجن..اتعاقب..
أنضرب أو اخسر كل شيء..عشانك أنتي ماهو عشان غيرك..
هذي الأشرطة ماقدرت اشوفها..
لانه وصلني خبر إنك هاربة من بيت هلك..
تركت الأشرطة هنا ورجعت الرياض..

هديل\طيب خلني اقووم ونتفاهم ..وخر يدينك..
غازي يشغل الشريط\أقوول أنثبري مكانك..
هديل\ما ابي اجلس بحضنك..وخر عني..
غازي\هششش خلينا نسمع البطلة وش تقول لولد البطل..
هديل بقهر\بطل في عينك..وقف الشريط..

حط كفه على فمها ورفع الصوت يسمع وش تقول لذياب..

هديل بحنية\فتح عيونك يا قلبي..
ذياب ياروح أمك..بدت حياتي من جديد بقدومك..
صار عندي ام واب وعزوة يا ابوي..
سميتك ذياب..لانه من حقك انت البكر وانت الكبير وانت ذياب..
ولازم تنتسب لأبوك وهلك..
أنت ولد حلال ولد ابوك النذل..
ما بادفن حقوقك تحت خوفي وهروبي..
تنتمي له غصبن عليه...مع ان هذا لا يشرفك ولا يشرفني..
صوفي قالت انسبك لي ولهلي...
بس الدين له كلمته يا ابوي وانت تنتسب لابوك...
ما نعصي ربي عشان نهرب من ابوك...

شد يدينه عليها لما حس فيها تحاول تبتعد عنه..
كانت تبي تهرب منه..
لازال رايها ماتغير فيه..نذل..
وكلامها لذياب تقدر تعيده عليه بكل ثقة..
ذياب ينتسب له غصب عنها وعنه..

هديل لذياب \انا هديل أمك...
وابيك اليوم والحين توعدني ماتروح وتخليني..
ولاتفكر تنتمي لاحد غيري..
وتكفى يا ابوي لا تترك الدنيا من دوني...

مسحت دموعها وهي تضحك لما شافته فتح عيونه..
هديل بصوت مخنوق\فديت اللي مايشبع نوم..
توك صاحي وتتثاوب..لازم تشرب حليب..
احممم ذيبو يا ابوي غمض عيونك زين..تراني ما اعرف..
اذا عورتك ارفسني زين ؟؟..حبيبي انت...

غمضت عيونها تقاوم دموعها..
رجعت لها ذكريات هذيك الفترة من حياتها..
وحدتها خوفها..ضياعها..ألمـــها..

غازي\كل هذا انا يا هديل..؟؟!
واقول إنســــي..؟؟بالله كيف تنسين..؟؟
كيف عرفتي إنك حامل..؟؟وإنك متزوجة..؟؟
كيف عشتي سنينك من دوني..؟؟لازم اعرف..

قبلها على كتفها وهي سحبت نفسها منه بسرعة..
وقفت طفت التلفزيون وخرجت الشريط..
والتفتت عليه بتحدي..

هديل بجمود\هذي ايام ماتعنيك..مالك حق تشوفها ولا تدري عنها..
هذي أيامي مع ذياب وبس مالك شغل فيها..
لاتظن عجزت عنه وعن حالي..
أشكرك على ذياب..ولوما ذياب ماكنت معك اليوم..

وقف وقرب منها\جاوبي عن اسئلتي..
هديل\بأجاوبك..بس مو الحين..
لما تضربني وتشوهني..ولما تخليني عمياء ما افرق الليل عن النهار..
ولما تخليني انكر كل هلي واعترف إنك ابوي وامي ونفسي..
إن سويت كل هذا اوعدك أجاوبك عن اسئلتك..
غازي\سويتها مرة ماني عجزان اسويها مرة ثانية..
هديل بحقد\حلو الإعتراف..
بدل قناع المبحة والندم اللي إنت لابسة..
خلك طبيعي وكن غازي..
بعد العملية بارجع مع راكان..
وأتمنى لو تظل في هذي الديرة وماترجع السعودية..
لأنها ماراح تتسع لنا..إما انت أو أنا..

غازي بجمود\مابترجعين ياهديل..
إصحي من احلامك..وواجهي الواقع..
مكانك هنا ..
هديل\هلي بيأخذوني منك..
ماعدت لحالي ولاتظن بتقدر تأسرني بقصرك..

غازي بحدة\يمكن ياخذونك..
بس أنتي اللي بترفضين ترجعين معهم..

هديل بسخرية\لاني ما اقدر أعيش من دونك..؟؟
غازي\هذا سبب..والسبب الثاني لاتستعجلين عليه يا جنوني..

بأي حق يملك كل هذي الجرئة..
واثــــق..مثل ماعهدته دائماً واثق..
هي بترفض تبتعد عنه وبتظل معه..؟؟
الذيب مايهرول عبث..
وماقال اللي قاله..
إلا وهو مخطط لشيء ممكن يكسرني ويجبرني اظل معه..
بس لازال ينسى إنه رباني على اسلوبه ومـــكرهـ ..

دخلت الغرفة ومن خوفها من ثقته..
قفلت الباب وتركت المفتاح على الباب..
تخاف يكون معه مفتاح ثاني ويدخل..

نامت وبسبب افكارها رجعت لها الكوابيس..
ذكرت نفسها إن ما التزم بوعــدهـ إرجعي لإنتقامك..
انتي رضيتي بحالكم عشان تعالجين ذياب ويتركك بعدها..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أخذت وسادات من على الكنب..
حطتها تحت راس شوق..
وقررت تولد بنتها قبل تموت والجنين في بطنها يموت ورى امه..

ام غازي\شوق سمي بالله..
أنا جنبك وباولدك..لازم تساعديني وتساعدين ضناك..
شووووق إصحي يا بنت إصحي..

ضربتها على خدها وغسلتها بماء بارد..
ام غازي\تكفين يومه..لايموت الولد في بطنك..
أنتي في حالة ولادة..لازم تولدين..

بكت شوق وصرخت من الامها..
وامها تهديها وتساعدها بولادتها..
كانت تفقد وعيها غصب عنها وأمها تجبرها تصحى..

وصل الإسعاف ومعهم طالب..
ولما دخل البيت تفاجىء بحال زوجته وأمها..
تصنم بمكانه وماقدر ينادي المسعفين يدخلون..
ولاكان يسمع ام غازي اللي تهاوشه وتطلب منه يطلع..
ام غازي بعصبية\طاااالب..
طالب\هاهـ..
ام غازي\هوى ابليس في النار..
خلهم يدخلون خلاص زوجتك ولدت..
طالب بحيرة\هي حية..؟؟
ام غازي\الحمدلله على كل حال..
خلهم يجون يهتمون في الولد..

دخلوا المسعفين..
واخذوا الولد من ام غازي...قصوا عنه الحبل السري..
ونقلوا شوق على الحمالة لسيارة الإسعاف..
وبان معهم وجود كسر في الحوض..

وصلوا المستشفى وطالب كان بحالة ضيـــاع..
وقف سيارته ورى الإسعاف ..
وتهاوش مع الأمن اللي طلبوه يركنها بمواقف السيارت..

ماسمحوا له يشوفها دخلوها غرفة المعاينة قبل ما يشوفها..
ولدهـ أخذوهـ لـ الحضـــانة..
ظل واقف بالممر ينتظر أم شوق تطلع..
محتاج يتطمن عليها..
يشوفها..يتاكد بنفسه إنها بخير..
أنتبه على ام غازي وهي طالعة من الغرفة..
مسك يدينها بقوووة وشد عليها..
طالب\بشري يومـــه..كيفها..؟؟
وش صار معها..؟؟
ام غازي تمسح دموعها\الحمدلله..هي بخير..
ولادتها طبيعية والولد بخير..
طالب\بعدها تتوجع..؟؟
ام غازي بحنية\عطوها مسكنات..
لأن الكسر يألمها..
طالب\الحمدلله على كل حال..
وش صار معها؟؟ليه طاحت؟؟
ام غازي\قدرة الله..انا طلعت من المطبخ على صوت صراخها..
لقيتها طايحة بآخر الدرج..
وكانت بحالة ولادة..

بعد نص ساعة سمحت له الطبيبة يدخل عند شوق..
كانت نايمة وملامحها ماتشبه لها..
وايقن إن تعب الولادة مايرحم..
قبلها على جبينها ..
طالب\الحمدلله على السلامة يالغالية..
ومبرووك ماخلفتي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ألا ياقلبي القاسي دقيقه بس من وقتك
دقيقه بس نتفاهم وأبين لك معزتها
وأنا أدري لو بتعطيني ساعاتك وأيامك
أعجزأجيب لك كلمه توضح لك برائتها
أشوفك فعيوني كون وأشوف الكون مايكفيك
ولكنك على كبرك تضيق وماتوفيهـــا..


تلفتت حواليها بحنين غريب..
بهذا المكان انجــــــرحت وأنهانت..
منه ومن خواتـــه..
في هذا المكــــان كان يتفلسف عليها..
ويشرح لها ليه سموا النافورة نافورة تريفي..
تذكرت كلام راجح عن الأسطورة الخاصة بنافورة تريفي..
تقول الأسطورة ..
أرمي قطعة نقود وان تمنيت أمنية خاصة لك..فقد تتحقق..
وان تحققت تلك الأمنية فأنت ستعود الى هذه النافورة وتتمنى من جديد..
وستعــــــــــــــــــود دوماً..

وقف قريب منها وذياب بحضنه..
غازي\تذكرين زيارتنا لهذا المكان..؟؟
هديل بصد\لا ما اذكر..
غازي\يحق لك تنسين ماكانت مريحة لك..
وانا واثق إنك مانسيتي..
هديل\تذكر انا وش قلت لك لما قلت لي تمني..؟؟
غازي يبتسم\تمنيتي لو تختفين من حياتي..
هديل بجمود\وأنت بكل ثقة قلت مستحيل..
صار وهربت منك يا غازي واختفيت من حياتك..
وكنت صادق بكلامك..أنت ماتركتني ولا يوم ولا لحظة..
كنت مشاركني كل شيء..حتى لما اتناساك..
تعاقبني في الكوابيس بكل قســـوة..
طلبت من ربي يحرمك إنسان غالي على قلبك مثل ماحرمتني من كل هلي..
وحرمك منـــي..وبعذر الموووت..
صدقت إن الدنيا سلف ودين..
وكماتدين تُدان..؟؟
غازي بهدوء\كان لك فضل كبير علي..
ورغم إنه كان قاسي..بس كان نافع كثيــــر..
هديل\؟؟؟؟؟؟؟؟؟؟؟؟؟؟
غازي بحنية\إنسي كل شيء..
العملية بكـــرهـ..ولازم نروح المستشفى الحين..
بتنامون الليلة هناك..

ماردت عليه وفضلت تنهي الموضوع والكلام..
إذا الماضي حضر بينهم في كل لحظة بيدمرهم..
توجهوا لـ المستشفى وهي أتصلت على سارة وقالت لها..
كانت بتتصل على أمها بس هو اخذ الجوال منها..
ناظرته بزعل وصدت عنه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصلوا المستشفى ودخلت غرفتها الخاصة..
نيمت ذياب وقرأت عليه الأذكار..
أخذوه من عندها وقالوا بيظل عندهم حتى وقت العملية..

حست بضيقة قوية تسيطر عليها..
أخذت جواله واتصلت على امها..
هديل\السلام عليكم..
ام علي\هلا والله..وعليكم السلام ورحمة الله..
يالله تحيي صاحبت الصوووت..هديل عسى عيني ماتبكيك..
كيفك يوومه وكيف ولدك..؟؟
هديل تبتسم\فديييت روحك يالغالية..الحمدلله أنا بخير..
وذياب بخيـــر..بكره العملية يومه..
ام علي\الله يقومك بالسلامة يووومه ويقر عينك بشوفته طيب ومتشافي..
هديل برجاء\اللهم آآآآآآآآآآآآآآآمين..
ام علي\هديل إصدقيني القول..
كيــف زوجك معك؟؟لايكون مضايقك أو قاهرك..؟؟
هديل بهدؤ\لا يومه تطمني أنا بخير..
وامورنا الحمدلله زينة ومرتاحين..
ام علي\يومه انا نبهت سارة عليك..
والله افتشلت منها..كنت اتمنى اكون انا معك او غادة..
هديل بحنية\فديتها والله السوري لها غلاتكم..
ولاتشيلي هم راسها والف سيف تنام عندي الليلة..
ام علي تضحك\ههههههههه توني متهاوشة معها..
تقول بعدك ماسويتي العملية تبي تقش الاسواق..
هديل\ههههههه الدوووبة هي جاية في مهمة لازم تأديها..
ومن عيوني لما اطلع من هنا ما اخلي شيء بخاطرها..
ام علي\أمنتك على نفسك يا هديل..
لاتقهرينها ولا تخلينه يقهرك..
نفسك أغلى علي منك ومن ضناك وزوجك..
هديل بغصة\أحبـــك يومه..
ام علي\عساك من هل الجنة ياروح امك..
سلمي على قلبك الطيب..
هديل\الله يسلمك..وصلي سلامي لابوي وعسوولة وغادة..
وإخوانــي كلهمممم يومه كلهم..
ام علي\إن شاء الله فمان الله يافديتك..

قفلت الجوال..
ونزلته على الطاولة..
رفعت راسها وناظرت في غازي..
هديل\بنت عمي بتجي عندي الليلة..
ابيك تطلع من هنا ولا ترجع..

فسخ جاكيته ورماهـ على الكنبة..
نام ع السرير وحط ذراعه على عيونه..
غازي\كلمت ولد عمك وقلت له أنتهت الزيارة..
بكرة يوم جديد..ويزورونك بعد العملية..
هديل بقهر\أنا قلت لها تجي..أبيها تكون عندي..
غازي\وانا ابيك عندي..
ولا واحد منا تتحقق أمانيه..
تعالي نامي..
هديل بغيض\قوم إطلع برا..أنت مستحيل تتغير..
أي شيء يضايقني تسويه..إطلع برا إطلع..

وقف وراح لها..جلسها على الكنبة غصب عنها..
جلس جنبها وثبت وجها قدام وجهه..
غازي بهدؤ\ما ابيك تتوترين وتخافين..
بإذن الله انتي وذياب بتكونون بخيـــر..
العملية ماراح تكون صعبة..
هديل برجفة\مو اكيد راح تنجح..
أخاف ما اقدر أساعدهـ..
أبيه يكون بخير..لو يقدرون يأخذون النطق مني ويعطونه إياهـ..
هو كل شـــــيء أحبه..ما ابيه يموووت..
ما ابيه يموووت..

ضمها وهي بكت بخوف..
ومن دون اي تحفظ تكلمت عن طفولة ذياب..
كيف كانت تصحى على صوت بكاهـ ..
وكيف أدركت إنه مريض ويعاني لم يغمى عليه فجأة..
تكلمت عن العابه وعن لقافته لما يرمي اي شيء بيدهـ ع الأرض بقووة..
وحتى لو كانت تترجاهـ مايرمي اغراضها يرميها وهو مبسوووط ويضحك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


رحبت بمرام ودخلتها مجلس النساء..
مستغربة من زيارتهاالمفاجئة من غير موعد..
مرام\أدري من غير موعد..بس كنت مارة منهنا قلت اسلم..
خلود تبتسم\حياك الله البيت بيتك..
مرام\من هذا المصارع اللي واقف عند باب بيتكم..؟؟
خلود تتنهد\ولد جيرانا..
مرام بابتسامة\عيـــسى..؟؟
خلود بعصبية\ووجع..ليه تتبوسمين..؟؟
مرام\أعووذ بالله ماقصدت شيء..قووومي نادي أمك ابيها في سالفة..
خلود بفضول\وش تبين في أمي..؟؟
مرام\عنبوا ابليسك نادي امك ابيها..
خلود\طالعة مشوار الجمعية..وش تبين فيها..؟؟
مرام بزعل\الله يسامحك يا خلود ليه مارحتي معها..
خلود\إبراهيم راح معها..وانا توني راجعة من مشوار..
مرام\راجعة من وين..؟؟
خلود\امممممم احم ..أنــ....كنت عند الدكتور..
مرام تخفي إبتسامتها\دكتوري..؟؟
خلود\ماهو دكتورك لحالك..حتى انا صار دكتوري..
مرام\ياسلام من متى..؟؟
خلود\إيه دكتوري..بصراحة صرت ارتاح لهذاك الشايب..
أحس براحة لما اتكلم معه..
مرام\اممم كيف مافهمت..؟؟
خلود\مدري بس هو طيب..صح يهزئني ويرفع ضغطي...
بس طيب مرة ومايجامل بكلامه..إنسان واقعي وصريح..
مرام بخبث\وش رايك تتزوجينه..؟؟
خلود\ماعندي مانع..
مرام\لا فديتك عندي اللي أحسن من الشايب..
بس أنتي عطيني الضؤ الأخضر..
خلود\صايرة خطابة مع وجهك..؟؟
مرام\إسمعي مني ماتبين ترتاحين من ولد جيرانكم المؤذي..؟؟
خلود\ياليت..بس ما ابي ابتلي برجال ثاني..
إن كان الشايب بيخطبني بأوافق عليه وبشرووط..
بس واحد ثاني ولا يقرب..
مرام\امممم والله مسفر ولد أختي طيب وخلووق ويهبل..
خلود بعصبية\نعــــــــــــم..منهوالطيب؟؟منهو الخلوووق؟؟
أقول عدلي كلامك قبل أذبحك..
مرام بصدمة\أعوذ بالله..وش فيه فديت طووله وعرضه..؟؟
وش اللي مو عاجبك فيه؟؟
خلود\نسيتي إنه قاتل ومحكوم إعدام..؟؟
مرام تشهق\ميــــــــــــن المحكوم إعدام ..؟؟
خلود\ولد أختك ..مو كان بيذبحني هذاك اليووم..
مرام\حسبي الله على عدوووك..فجعتيني..
وبعدين الى متى تتبلين المسكين..؟؟
خلووود\هذاك مو مسكين عســاهـ الــ.......
مرام تكتم فم خلود\إنطمي ولا كلمة..
لاتدعين على ولد أختي أذبحك..
مو توك تقولين موافقة على الشايب..؟؟
خلود تبعد يدها\وش جاب الشايب النبيل الجنتل..
عند مسفر المجرم القاتل الجاني..
مرام تضحك\ههههههههههههه نفسيـــة انتي جداً..
كلامي ماهو معك..كلامي مع الكبيرة امك..
خلود\لا تخليني أطردك من البيت..
مرام\كل هذا عشان الشايب..
طيب وإذا الشايب نصحك برجال طيب بتوافقين..
خلود\طبعاً لا..
مرام\مو توك تقولين تثقين فيه ومن هـ الكلام..
خلود\أثق فيه هو يعني شوي مو كثير..أحس وراه سالفة..
بس بينه وبين ولد اختك..اكيد هو..
مرام بخبث\أجل مبروووووووووووك يا كنتنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانوا الممرضات راح يأخذونها لإجراء تحاليل..
لكن غازي منعهم من لمسها..
أستغربت تصرفــه..
طلع من الغرفة ورجع بعد وقت معه كوب ماء..
مدهـ لها وهي مارضت تاخذهـ..

هديل بهدؤ\انت دكتور..ومااعتقد إنك نسيت..
إن احد قوانين إجراء العمليات لا أكل ولا شرب قبل العملية..
غازي\هذي العملية غير..أشربي ..
هديل\إشرب أنت اول..
غازي\شربت برا..
هديل بحدة\أنت إلى متى بتظل تعاملني بتملك..؟؟
تعتقد إني ما ادري وش ناوي عليه..؟؟
أنا باتبرع لذياب..حياتي وموتي فدوة له..
ما راح اسمح لك تغدر فيني..وتحملني جميـــلك..
ما ابي لك دين برقبتي..وإذا أنت تبرعت لذياب..
بيكون لك دين عندي..
غازي بقسوة\أنتي ضعيفة وماتقدرين..
هديل بقهر\لا أقدر..أنا ولدته..
وهذا أكبر دليل على إني قادرة ع العملية..
غازي\أنسي الحرب اللي بيني وبينك..
إنسي كرهك لي..هديل أنتي أضعف مما توهمي نفسك..
أنا جاهز للعملية..وبأتبرع لذياب..
هديل تبكي\والله العظيم ماتسويها..
أنا مو غشيمة يا غازي...
إذا انت سويت العملية الشلل نتيجة حتمية ولو بعد سنين..
أنا ماهي صعبة علي..
بأتالم بهذا الوقت وبعدها مابيكون فيه أضرار..
صرخت بقهر\انا بأسوي العملية مو أنت..
كون لي عوون وسند ولو مرة في حياتي..
خلني أحس إني أهمك اكثر من نفسك..

غازي\لك اللي تبين من بعد العملية..
لما اصحى انفذ وعدنا وترجعين لهلك..
بس إن كنتي انتي فمابينا وعد..
هديل\هددني بكيفك..
وإن صحيت..تحمل ذنوبك..

ألتفتت على صوت الباب..
شهقت من الصدمة..
لما شافت أمها وابوها وعلي..
هديل بنحيب\يووووومه..
ضمتها بقوووة وهي تبكي..
وأمها تحضنها وتقبلها على جبينها وراسها..
هديل بزعل\والله محتاجتكم...
بسني غربة يووومه..بسني قهر منكم..
إلى متى باظل ساكتة انتظر وصلكم..
ام علي\كله منهم..كنت باقولك امس..
بس اخوك حلفني ما اعلمك..
هديل\لانه دوووب..كنت بادخل العملية قبل اشووفكم..

أبتعدت عن أمها وضمت ابوها وقبلت جبينه ويدينه..
هديل\تقبل الله ياالغالي..
ابوعلي\منا ومنك يا روح ابوك..
ماظنيت سفرك قريب ولاكنت باجلها..
هديل بمحبة\الحمدلله لكل شيء حكمة..
ابوعلي\الحمدلله..طمنيني عنك..
هديل بخوف\الحمدلله طيبة..
بعد شوي باروح العمليات..
علي بهدؤ\بس غازي قال هو بيسوي العملية عنك..
هديل\لا غازي مايصلح..
رفضووهـ..
علي بحدة\لاتكذبين علي..
هديل بغصة\سألتك بالله تكون لي عون ماهو بفرعون..
أنا باسوي العملية..هذا روحي وقلبي..

دخلوا الممرضات واخذوها معهم لقسم العمليات..
مشت معها امها وابوها..
وعند باب القسم ودعوها..
بس غازي دخل معها القسم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
دكتوٌر تكفى جهز الغرفة الحينً
ونادَ استشاريينِ علمّ الجراحهِ

بنجيكِ انآ والليّ عشقتهِ من سنينّ
منّ بـعدنآ ماشافتّ العينّ راحهِ

دكتورّ تكفىَ مانبيَ انكوٌنَ شخصينّ
شفِ لكِ !! طريقهِ تختصرَ هالمسآحهِ

مالوٌمكّ !! اليا قلتّ عنآ مجانينّ
العقلّ رآح ّوسمّح الله مراحهّ

حنا انتبنّج منّ تجيّ العينّ بالعينَ
مآحنآ بحآجهِ للمخدرَ صرآحهِ

دكتورَ لحظهِ .. بسّ تبيّ تبديَ منينَ ؟
ابيكّ تبدىَ فيّ .. !! ماقوىَ صياحهِ

ماقوىَ نزيفّ الدمَ منّ نآسّ غالينّ
وماقوىَ علىً دمعٌه بحزة مطاحهِ

دكتورّ تكفىً بسَ اعلمكَ !! بامرينّ
وديّ صبآحيّ مايفارقّ صباحهِ

هالآدميّ يسوىً بعينيّ ملايين ّ
حكمتّ قلبهِ واستطعتً اكتساحهِ

لكنّ امانهِ تبتديّ فينيّ الحين ّ
حآولَ تخيّطناّ !! بسلكّ الجراحــهِ



غازي برجاء\تبين أترجاك..
ما اتحمل أشووفك تعبانة ومريضة..
خليها هذي المرة فيني أنا..
هديل برفض\لا..
غازي\أنا وأنتي جاهزين للعملية..
هديل لا تخليني اجبرك..
هديل برجاء\تكـــفى لا تسويها وتجبرني..
أدري إنك تقدر تمنعني بالقوة..
بس لا تجبرني الحين..
خلني راضية باللي راح اسويه..

لم يدينه حوالينها وضمها له بقووووة..
قبلها على خدها وهو يهمس لها بكلمته القديمة..
الكلمة اللي رددها عليها آخر أيامها في إيطاليا..
دمعت عيونها لما ادركت إنه ينتظر منها كلمة اخيرة..
ماقدرت تنطق مسمووح..ولا تبادله مشاعر الحب..
أبتعدت عنه وعيونها في عيونه..
تشوف حبه في عيونه..ويشوف الصد في عيونها..
تنهد بآآآسى وقبل يدها ..

دخلت مع الممرضات بأحد الغرف..
لبست ملابس العملية..وهي تقرأ كل اللي حافظته من القرآن..
طلبتهم تشوف ذياب قبل تبدأ العملية..
سمحوا لها بس من خلف الزجاج..
بكت على شكله والأجهزة حوله والاكسجين عليه..

قرأت عليه من بعيد ودعت الله يحميه..
سمت بالله و نامت بالبنج..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


أبتسمت وهي تسمع تعليق طالب على ولدهـ..
كان يكلم راجح وكل شوي يطلع بسالفة ولادة جديدة..
طالب\أقووولك ولد وحن في الملاهي..
طلع وصار يلعب معنا..
راجح\هههههههههههههه يالنذل ما احد ياخذ منك حق او باطل..
طالب\طيب خلاص باقولك الصدق والله يعيني اقووله..
لان لساني كذووب وإن ماكذبت او لفقت احس بشيء غلط..
راجح\الله يعينك على نفسك..
يالله قوول..
طالب\كنت امشي في الشركة وجنبي صاحبي..
إلا وجوالي يدق..عاد شفت الاسم وعبست وجهي وعقدت حواجبي ورديت..
تفاجئت بصوت ام زوجتي وأم أخوي تصرخ وتستنجد..
خير اللهم إجعله خير وش صاير..
إلا وتقول إلحق زوجتك زحلطن في الدرج وهي بتولد ومدري وشهو..
عاد أنا كنت باقفل الجوال واصكه في جبين صاحبي..
ألحين كل هذا الإزعاج عشان شوق بتولد..وانا حسبت إني ماسددت الفاتورة..
راجح فاطس ضحك من اول السالفة\هههههههههههه لا الحمدلله طلعت سلامات..
أنت مسدد الفاتورة تطمن..
طالب\إيه عاد تدري خفت يقولون ماسددت وانا مسدد..
المهم اتصلت بسيارة الإسعاف..
قلت انتوا فاضين..قالوا وش في خاطرك..
قلت ابد إذا كنتوا فاضين نبي فزعتكم المدام عندها ولادة..
وجاو واخذنا ام البطل المستشفى والبطل يسوق الإسعاف..
راجح\لبى اللي يسعف امه..
طالب\ههههههههههه بعد ماكسرها اسعفها..هب عليه من ولد..

أم غازي\أستغفر الله ياربي..
أنت متى بتعقل..؟؟كل هذا ذم في ولدك..
طالب\يستاهل مو هو اللي كسر أمه..كسر زوجتي..عصقوولتي..
شوق بتعب\هههههه خلاص طالب سامحه..
طالب\عشان عيونك الحلوين نسامحه..
ام غازي\كلمك غازي..؟؟
طالب\إيه كلمني وقلت له إنها ولادة في المستشفى وبخير..
ماجبت له طاري عن البيت و الكسر..
ام غازي\كذا احسن..الله يشفي ولدهـ ويقومه لهم بالسلامة..
والله ليتني عندهم..
المسكينة ما احد معها من هلها..
طالب\اممم بلى هلها عندها هناك..
راجح قالي إن اخوها كلمه وطمنه عليهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صبَاحَ الخِيرْ وِإنْ غَرّد عَلى ذِيگ السوَاقي طيرْ
صبَاحَه والضمَا والجُوعْ تلاعبْ غَفلةالسّاقِي...
مَادامِگ مِلْهِمِي يِسعِدْ صبَاحْ ٍالصّــد وَالتّقصِيرْ
صِبَاح آلبُعدْ وِإنْ حَرگ حَنِينْ أعمَاقِگ أعْمَاقِيْ..
صِبَاح تِزهِرْ أَورَاقه عَلى غِصْن العتَبْ نُوّيـرْ
يِبَللهَا نِدَى هَمسْ القلُوبْ وطِيفِـگ البَاقيْ..
تمرْ بخِيرْ هَالضِيقه مِنَ الخَاطِر تِمرْبخِيـرْ
تِغيبْ الشّمْس وِيغِيب الحَنِين وتسگنَ أوْرَاقِي...

فتحت عيونها بتعب..
وهي تحس بوخز موجع بجفونها..
بين رمشات جفونها لمحت عيونه تتأملها..
وإبتسامته تحييها..
حاولت تتكلم بس ماقدرت بسبب العطش..
حطت يدها على يدهـ..
نزل راسه وقبلها بحنية..
غازي بمحبة\الحمدلله ع السلامة يا أطهر ذنوبي..
هديل بوجع\ذذ......ذيــ....
غازي بهدؤ\الحمدلله بخير..
صحى قبلك بيومين..خوفتيني عليك..
هديا تبكي\ششــ....شفتك تموت..
غازي\وأنا شفتك تهربين..
أحبك ياهديل..

أبتسمت بألم..واشرت على رقبتها..
قرب منها كوب ماء ورفعها بخفة يشربها..
غازي\هششش بس شوي..لا خلاص..
أبعد الماء عنها وهي باقي عطشانة..
غازي\تحملي شوي..
هديل\باشوف ذياب..
غازي\الحين اجيبه لك..
وانادي امك وابوك..

غمضت عيونها تحبس دموع الخوف..
حتى وهي في العملية وتحت البنج مسيطر عليها..
حنيته مغلفتها القساوة..

أبتسمت وهي تشوف أمها وابوها عندها..
سلموا عليها وتحمدوا لها بالسلامة..
ابوعلي\اللهم لك الحمد والشكر..
مبرووك نجاح عمليتكم يابنتي..
هديل بغصة\نجحت عملية ذياب..؟؟
ابوعلي\الحمدلله نجحت وربك شافاهـ..
هديل\اللهم لك الحمد بعدد حملة عرشك وملائكة سماواتك..
الحمدلله والله رديت لي الروح يوبه..
ابوعلي\الحمدلله ..الحمدلله..
هديل\يوممه وش فيك..؟؟
ابوعلي\مافيها الا العافية..
هديل\يووومه..؟؟!
ام علي\...............
علي\الحمدلله على سلامتك وسلامة ورعك..
هديل\الله يسلمك..بالله عليك كيف حاله.؟؟
شفته احسن من اول..تكلم..؟؟
علي\صلي على النبي ياهديل..
توكم مسوين العملية..لازم ياخذ فترة وتصلح امورهـ إن شاء الله..
هديل\يوومه انتي شفتي ذياب..؟؟
علي بحنية\أمي مابترد عليك..
هديل\ليييه..؟؟يوومه وش فيك؟؟
علي\امس هاوشت غازي وتوطت في بطنه..
وطردته ما يشوفك..واليوم وصلنا المستشفى الا وهو قدامنا..
قال لنا إنك صحيتي وصرتي بخير..وبيروح يجيب ذياب..
هديل تناظر أمها\يووومه..؟؟
ام علي\الحمدلله على سلامتك..
أجر وعافية يا بعدي..
هديل\تعالي جنبي..
قربت منها ضمتها وبكت غصب عنها..
هديل\يومه إذكري ربك..ليه ضايقة كذا..
الحمدلله انا بخير وولدي بخير..
ام علي تبتسم\كنت خايفة عليكم..
هديل بهمس\صدق طردتي غازي امس..؟؟
ام علي\إيـــه طردته..
هديل\كيف طاوعك وراح..؟؟
ام علي\قلت له انا أم هديل..
و........... ولازم يطيعني..
هديل بتعب\فديتك ياروحي..
لاتزعلين أنا بخير والله..
ام علي بزعل\لاتحلفين وانتي كذابة..
بترجعين معي السعودية..
هديل\أكيد بأرجع معكم..الحمدلله تمت العملية..
ام غازي بحسرة\لاتقولين اكيييد يوومه لاتقولين..
قولي ان شاء الله..

ناظرت امها محتارة من نظراتها وزعلها..
وش صار بينها هي وغازي..
وليه طردته من عندي..؟؟
وليه شاكة إني بأرجع معهم..؟؟

أبتعدت عنها لما دخل غازي وذياب معه..
جلست بمساعدت علي وضمت ذياب على صدرها بمحبة..
بكت وهي تحس فيه تعبان..
نزلت وجها على صدرهـ وخبته فيه..
شمت ريحته وقبلته على صدره ورقبته ووجهه..

خرجت أمها لما شافت غازي جلس جنب هديل..
وهذا كان تصرف أبوها واخوها..
هديل تبكي\وش قال الطبيب..؟؟
غازي\تطمني..الحمدلله هو بخير..
هيل\وش صار وقت العملية..؟؟
غازي\أستخدموا الحبل السري اللي اخذوه منك بعد ولادة ذياب..
ومع اللي خذوهـ منك قدروا يحييون الالياف اللي حوالين النخاع..
والحمدلله هذا ذياب بخير..
هديل تبتسم\الحمدلله رب العالمين..

غازي بجمود\أمك مصممة ترجعين معها السعودية..
هديل بهدؤ\إيه إن شاء الله بأرجع معهم..
لما اتحسن أنا وذياب..
غازي\العلاج باقي ماخلص..
والسفر ماهو زين بحالة ذياب وحالتك..
هديل\أدري..ماراح نسافر الا لما يسمح لنا الطبيب..
غازي\وأنا مو سامح لكم..
هديل تتنهد\غازي ماهو وقت حرب وهواش..
متفقين نرجع بعد ما يتعالج ذياب..
غازي بغموض\وذياب الى الحين ما تعالج..
ما انتهى علاجه ولا علاجك..
هديل\انا مافيني شيء..
وذياب قد ما يلزم علاجه أنا مستعدة..
غازي\معناتها قولي لهلك إنك ماراح تسافرين معهم..
هديل ببرود\لا بأقول لهم يأجلون السفر..لحتى نقدر نسافر..
غازي بغيض\لاتعلبين معي..
أعصابي هذي الأيام ابداً ماتتحمل ..
وقبل لا تسالين..هذا تهديد مو نصيحة..

طلع من الغرفة..
وهي شدت يدينها حوالين ذياب..
وش اللي صار بينهم..
هو وأمـــي مو طبيعيين..
لازم اعرف ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


همي طواني واكثر الناس لا هيّن
ماحدٍ درا عني ولاحـدٍ نشدنـي ...

نزل في مطار روما..
يدري إن هله كلهم موجودين في إيطاليا..
بس مايبي يقابل احد منهم..
مايبي يقابل احد غير هديل..
مر عليها أكثر من اسبوع بعد العملية..
تمنى لو يشوفها ولو من بعيد..

توجه لأحد الفنادق ..
رمى شنطته اللي تحوي أهم الأوراق الخاصة بقضية غازي..
صلى ونام على سريرهـ..
غمض عيونه بس ماقدر ينام..
يحس بنار تاكل في صدرهــ ..
كل شيء صار واضح ومفهوم عندهـ ..
مايبي هديل تعرف اللي هو عرفه..
ولا يبي غازي يدري إن كل ماضيه صار عند هادي..
يتمنى لو يقدر يدفنه مثل ما طلعه من دهاليز النسيان..

أنسب حل لهديل هو إبتعادها عن غازي..
حياته كانت صعبة كثييير..
وقسوته وجبروته كانت نتيجة للي صار معه..
مايبي ينتقم منه ولا يفضح ماضيه..
كل اللي يخطط له هو إبتعاد هديل عن غازي..
لازم يتركها ترجع لـ هلها..

رد على جواله لما شاف اسم علي..
تطمن إنهم رجعوا السعودية..
وامه زعلانة على هديل وعليهم ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جالسة جنبه في السيارة..
تحاول تكتم شهقاتها ماتطلع منها..
ناظرها بطرف عينه..
غازي\مايسوى كل هذا الزعل..
تحملي إسبوع مواعيد وبعدها ترجعين لامك..
هديل بقهر\هي قالت لي..
مابترجعين معي..وأنا قلت اكيييد بارجع معك يومه..
وطلعت تعرفك اكثر مني..
غازي\إن عرفتني أمك أكثر منك هذا خطاك ماهو خطاي..
هديل\أنا ابي اعرف وش صار بينك وبينها..
أمي كانت معي ولا هي معي...
فيه شيء كبير مضايقها ومزعلها..
كل ماشافتك صدت عنك..وكل ماشافتني ادمعت عينها..
غازي أنت وش سويت لامـــي..؟؟
غازي بغموض\في المزرعة بتعرفين..
هديل\لا الحين ابي اعرف..
وبعدين انا قلت لك ما ابي ارجع المزرعة ما ابيييييييييي..
غازي\لازم ترجعــــين..

كمل طريقه وهي بكت لما تذكرت وداعها لأمها..
هديل برجاء\يوومه خليك معي..
اخلص مواعيد ذياب ونرجع مع بعض..
ام علي بزعل\لايومه..ابوك واخوانك بيقدرون يرجعونك..
انا ما اقدر على شيء..
هديل بغصة\ما احتاجهم كثر حاجتي لك..
ام علي تبتسم بحسرة\بكرهـ ترجعين وبتكونين بخير..
حلفتك بالله يا هديل..لاتسوين شيء ما انتي مقتنعة فيه..

أنتبهت على السيارة واقفة عند القصر..
نزلت من السيارة ووقفت مكانها..
تبي تروح الملحق..
بس هو مسك يدها وشال ذياب منها..
اخذها معه لــ داخل القصر..

صابتها نفس حالة الحنين..
كل شيء حوالينها له ذكريات..
وإن كان اقل قليلها ممتع..
إلا إنها ذكريات مغلفة بالقسوة..

أخذت ماريا ذياب من يدين غازي..
وأمرها تخليه معها..
دخل المكتب ويدهـ في يدها..
جلسها وجلس جنبها..

غازي بهدؤ\تبين تعرفين ليه أمك زعلانة..؟؟
تمنت لو تقول لا ما ابي اعرف..
لو تهرب من قدامه ووتخبىء بعيد عنه..
ليه خايفة من اللي بيقوله..
ليه تحس إنها تحتضر وأنفاسها بتفارقها اول مايتكلم..
غازي\أولاً جاوبيني..
أنتي ناوية على الفراق..؟؟
هديل بخوف\لاتظن إني راضية على اللي بيصير..
أنا ابي الطلاق لاني ادري مانقدر لبعض..
انا مستحيل اسعدك او ارضيك..
ومستحيل اقدر انسى اللي صار بينا..
تنازلت عن حقدي عليك هذي الشهرين..
دفنت انتقامي منك عشان اعالج ذياب وبعدها نفترق..
بينا وعد..

غازي بجمود\صح بينا وعد..
وقلنا لما يتعالج ذياب نفترق..
بس يالغاليـــة..ذياب بعدهـ ماتعالج..
هديل\الحمدلله عمليته نجحت..
غازي\نجحـــت..؟؟
صح هي نجحت لمدة الثلاثة اشهر القادمة..
أو الستة اشهر..او السنة..
أكثر من سنة ماراح يتحمل الا بعملية ثانية
يمكن اخطر واكبر من هذي..

شهقت بخوف ووقفت..
هديل بغصة\ببـ.....بســ هم قااالوا..........
وقف وقرب منها..
غازي\أدري وش قالوا..بس النتائج عكس ما قالوا..
فيه طريقة ثانية لعلاج ذياب..
لا أنا ولا أنتي نقدر ننقذ أليافه..
هديل بصراخ\لااااااا..
لاتقووول بيموووت..هم مو الله..
مايقدرووون يحكمون بمووته..
مالهم حق يقولون بيمووت..
غازي\ذياب محتاج أخ ..
من مشيمة اخـــوهـ نقدر ننعش ألياف ذياب..
وبكذا وبقدرة الله نمنع عنه الشلل والعمى..
محتاجين اخ لذياب يا هديل..


إلى الملتقى بإذن الله تعالى فجر السبت ..

كونوا بخيــــــــــــــــر ..


صدووود’’’

[COLOR="Black"]
السلام عليكم ورحمة الله وبركاته ..


صبــــــــــاح\\
الشوق لـلقاء أحبتنا...


مســــــــــاء\\
التألــــــق بصفات تميزنا..



النص بالمرفقات



إلى الملتقــى بإذن الله تعالى فجر الثلاثاء ..

كونوا بخيـــــــــــــــــــــر ..


صدووود ’’’

السلام عليكم ورحمة الله وبركاته ...


صبــــــــــــاح \\
إنجــلاء الهـــم..


مســـــــــــــــاء\\
عودة مســـافر^^

كيـــــفكم الــ ليلااااااااااااااس؟؟
أحبتـــــــــي في كل مكـــــــــان ..؟؟

الكثيرات سألوني..
إذا كانت الرواية مبنية على حياتي الخاصة..
وإن كنت احكي لكم تجربة مريت فيها انا شخصياً..
الإجـــابة لا والحمدلله..
لم أمر بتجربة هديل ولا اي من شخصيات الرواية..
ربما هناك تشابه في مشاعر فقدان غالي..
أو الشوق لأحبة فرقنا عنهم القدر..
وربما وصف لاماكن كثيرة أنا زرتها ولكن بظروف تختلف عن ظروف أبطالنا..
وغير هذا لا صلة له بحياتي الخاصة..


همسة\\
إطمــــــــئنوا احبتــــــي ..
لازلت على وعدي..لن تنتهي الرواية بإذن الله الا كما خططت انا لها..
نهايتها لن تكون مختصرة وظالمة لاحداثها..
أنا وعدتكم أن أوصلكم إلى الميـــناء بأمان..
انا على وعدي فــ كونوا على وعدكم با البقاء بقربي...

البــــارت إهـــداء لجميييع أحبتــــــــــي ..
وانا وعدت الرابطة اللي يجاوبون صح يكون البارت لهم..
فيه بنات جاوبوا صح بس ماحددوا من اي رابطة..
وبنات جاوبوا صح وأنا اعرف من اي رابطة..
وعشان ينتصر فيس العدل << فيسي العادل ^^
وما ابيـــكم تتهاوشون..لأن الرابطتين جاوبوا صح وعفسوا الدنيا بتوقعاتهم..
قررت يكون البارت إهـــداء لــ رابطة ذياب ^^
وبكــذا نجمع رابطة الجلمود ورابطة الحمامة <<ويستمر فيس العدالة ’’
ودمتم بخيــــــــــــــــــر ,,


البــــــارت الرابــع والثمـــانون ..

أقول أحبك...
في زمنٍ يخجل الناس فيه من الحب
لا يخجلون من الحقد
والكبر والعنف
لكنما الحب يجرح فيهم إباء الفحولة
يحرجهم..
يتلعثم واحدهم حينما يذكر الحب
لكنني من دون لحظة شك
ودون هنيهة خوف

أقول أحبك !..
أكتبها في الدفاتر
أعلنها في المنابر
أزرعها في الغيوم
وأنقشها في الرمال
أقول أحبك
من غير
أن أتحفظ أو أتردد
أو أتراجع..
أكتب حبك
شعراً ونثراً.. وتاريخ وجدٍ
وعصر حنينٍ وقرن غرام
وهذا الصباح
نهضت فلاحظت أن السماء أرق
لأني أحبك
إن الورود أشد احمراراً
لأني أحبك
إن الغيوم ترش الرذاذ
لأني أحبك
قلت: صباحك نور وورد وغيم وحب...

المرحوم بإذن الله تعالى غازي القصيبي...


انتبه على شيء في يدها..
كانت ورقة صغيرة..
فتحها وقرأ المكتوب فيها..
فهم رسالتها ومضمونها..

..ما اقدر أكون واعية..

تناولت منوم عشان ماتكون واعية ...
تفضل تكون جثة من غير وعيها..
طعنة قوووية وجهتها له..
لإنسانيته..لرجولته..

وقف بسرعة وابتعد عنها..
الغضب سيطر عليه..
لأي درجة وصل فيها الخوف..
وإحتقارها له بهذا الشكل..
يتمنى يرجع لها يوعيها غصب عنها..
يضربها يعاقبها..
خايف عليها من نفسه..
اللي سوته كبييير كثير في حقه..
كان بامكانها تظل في غرفتها ولا تهينه ..
ليه جاته..؟؟!
جاتك عشان ذياب ماهو عشانك..
هذا كان راح يكون ردها عليه..
ماهو عشانك..
ماراح يتركها تسيء له ..
لازم يعاقبها..

تفضل تكون جثة..جماد..
وكأني حـ.....
أبي روحك..
وما ابي أي شيء ثاني..

فتح الورقة مرة ثانية والأحرف قدامه كأنها مكتوبة من نار..
تزيد من غيظه وقهرهـ..
ما اقدر أكون واعية..

يتامل خطها ويدري إنها كتبت برجفة..
لاحظ شيء ثاني في الورقة..
قلبها للجهة الثانية..
وصدمته كلمتها الخايفة من عقابه..
أثبتت له إنها تعرفه اكثر من نفسه..
ومتوقعة ردت فعله غضب وبعدها عقاب..
كلمة ياما رددتها عليه من غير حق..
أجبرها تقولها مرات ومرات..
عشان تسلم من عقابه وطيشه..
دائماً تهزمة..
إما بهمسها..أو نظراتها..

ســــــامحني ..

لو ماكانت خايفة من عقابه لها لما تصحى..
ماكانت بتكتب سامحني..
كانت بتجرحه بكلامها من غير إهتمام...

دار في مكانه وكل ماوقعت عينه عليها..
يصد عنها بسرعة..
صار يردد في باله..
أعذرها..
لا تلومها..
هذا أقل شيء تقدر هي تسويه..
أنت تسببت في خوفها وكرهها لك..
لاتلومها لوم نفسك وابتعد عنها..
تغير..لازم تتغير معها..
سامحها عشان تقدر تسامحك..

خرج من غرفته ووقف على البلكونة..
مشتاق لها..وصدها عنه يعذبه..
لازال أناني في حبه لها..
يعترف لنفسه مثل ماهي تواجهه بحقيقته..
مايقدر يسمح لها تروح عنه..
تغيب عن حياته..
سنتين كان متصبر لانها بحكم الميتة..
صعبة عليه تكون حية وماتكون معه..
يبيها له ومعه..
ولو مارضت..
ويدري إنها مستحيل ترضى..
وهذا يثبت انانيته وتملــكهـ ..

منع نفسه لا يرجع غرفته..
توجه لغرفتها..
غرفتها اللي قضى فيها ليالي من دونها..
يناظرها بكل زاوية..
يتخيلها ويتكلم معها..
يسألها كيف ماتت..
تالمت وهي تحترق ..؟؟
نادته او نادت غيــرهـ ..؟؟

أنتبه على علبة المنوم..
أخذها وقرأ الاسم..
فتح العلبة وطلع كل الحبوب اللي فيها..
رماها في مغسلة الحمام..
ورمى العلبة بالسلة..

نام على فراشها ..
وشم ريحتها جنبه..
دفن وجهه في وسادتها..
وضمها له..
حس بملمس غريب تحت يدهـ..
رفع وسادتها وناظر اللي تحتها..
وكانت صدمته أكبــــر..
لأنه عرف هذي وش تكـــون..؟؟
ماينسى أي شيء صار بينهم..

قبل الوردة..
وهو يذكر كيف مررتها على خدها..
وابتسمت له بعذاب..
فكـــيف ينسى أول إبتسامة عطتها له..
ولو كانت تراوغه وتخدعه..
كانت اول إبتسامة..
وأول مرة تمثل الرضى..


أنت طيفك مرني..
مرني ليل وفجر ..
مرني باحلى العمر..
آآآآهـ من يقوى الصبر ..
التجافي موت ..
طول صدوود صاحبك يالعيون السود ..
ماسمع من صاح بك..
صاح من هم وغضب ..
ها الجفا ماله سبب ..
وانت من خان وكذب ..
ليه احبك موت ..

بدر بن عبدالمحسن ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خافت من غضبه وصراخه عليها..
بس ماسمحت له ينهي الموضوع ويهرب مثل عادته..
مسكت يده وحاولت تهديه..
مرام بهدؤ\صل على النبي واسمعني..
مسفر بقهر\عليه الصلاة والسلام..
مرام واللي يرحم امواتك إبعدي عني..
المصيبة اللي سويتيها تحملي نتايجها..
مرام\مسفر وش ذنب البنت الحين؟؟
مسفر بغضب\مالها ذنب الا إنك مصاحبتها..
كيف تسمحين لنفسك تخطبين وتحلين وتربطين من راسك..؟؟
أنتي واعية وش سويتي ؟؟
مرام\البنت موافقة عليك..
صدقني هي خير لك وأنت خيرها باذن الله..
مسفر\لاتجننيني..
أنا ماطلبتها عشان توافق..
ولا طلبت منك تسعين في الموضوع..
حابة تلعبين إلعبي بحياتك أنتي..
ماهو بحياتي ولا بحياتها..
مرام بزعل\كل اللي سويته عشانك..
أبيك تستقر وترتاح..
مسفر\وانا ماطلبت منك..
مرفوع عني القلم عشان ما ادبر اموري..
ما اشتكيت لك عن زواج ولا عن شيء..
ليه ما اهتميتي بامورك وخليتيني بحالي..
مرام\تظن إني مو فاهمة عليك..؟؟
أنت تنتظر وهم ماراح يتحقق..
هي متزوجة وعندها ولد..
قبل سنين وقفت بوجهي وقلت ماراح اخذ ولدها منها..
اليوم انت لازم تستوعب إنك ماتقدر تأخذها من زوجها..
مسفر بصراخ\مـــــــــــرام..
لاتتكلمين عنها ولا تفكرين تسحبينها لموضوعك..
مرام تبكي\أنا آسفة..بأكلم ام خلود واعتذر منها..
مسفر بسخرية\وينتهي الموضوع..؟؟!
بكل بساطة تعشمين الناس وتصكينها بوجهم..
والمصيبة الأكبر..تخدعين البنت وتقولين بنزوجك الشايب..
انتي ناسية إني مو شايب..
مرام بقهر\أنت اللي أوهمتها إنك شايب..؟؟
مسفر\أنا كنت أعالجها..
ماكانت بتتقبل تتكلم مع شخص تكرهه ولها معه موقف صعب..
حاولت أكون لها بصورة اب..
لانها مابتتقبل الكلام الا مع من تحس بامان معه وراحة..
مرام بتهور\وهي حستها معك أنت..
مسفر أنت نفسك الشايب اللي تعالجها..
مسفر بقهر\ياصبر الأرض عليك..

طلع من عندها خايف لا يكبر الموضوع اكثر..
فجعته بكلامها لما قالت خطبت لك خلود..
من اعطاها الحق تتصرف وتقرر من حالها..
حس وكأنها غدرت فيه..
قيدته بوعد هو ماوعدهـ..
تقول أم البنت تقولك حياك الله..
مثلك ماينرد..
وبكل وقاحة تتكلم عن هديل..
تشبه الولد بالزوج..

قرر يزور ام خلود ويعتذر منها على كلام مرام..
له خطط كبيرة في حياته..
وإنسانة وحدة يتمناها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وعدتك ان لا احبك..
ثم امام القرار الكبير
جبنت..
وعدتك ان لا اعود
وعدت..
وان لا اموت اشتياقا
ومت
وعدت مرارا..
وقررت ان استقيل مرارا
ولا اتذكر اني استقلت..

نزار القبانــي..


صحت من نومها وكل أطرافها بحالة خدر..
عيونها تخونها وماترضى تظل مفتوحة..
عقلها وحواسها تنبها بحالة توتر..
حاولت تتذكر آخر شيء صار معها..
ماقدرت لحتى فتحت عيونها وشافته..

نايم جنبها مستند على ذراعه..
عيونه تتأملها..
ويدهـ تعبث بغرتها..
لحظات مرت عليها وعيونها بعيونه..
هدؤ يسيطر عليهم..
رضى غريب يحسون فيه..
رمشت بعيونها بفزع لما تذكرت إنها في غرفته وهي بنفسها جاته..

شهقت بخوف وجلست بسرعة..
حطت يدها على صدرها..
وناظرت نفسها بإرتباك...
توها وعت على نفسها..
أستوعبت هي وش سوت..
قدمت نفسها له بكل سهولة..
وهي اللي حلفت مايعرفها..
عضتها شفايفها بندم..
أنتي وش سويتي..؟؟
غبيـــة..غبية..

ألتفتت عليه..
وأنتبهت على إبتسامته..
أرتعبت اكثر..
تجمعت الدموع في عيونها..
وارتجفت شفايفها بسبب الغصة اللي خنقتها..
صدت عنه تخفي ملامحها عنه..
وش توقعتي يكون ردت فعله..؟؟
يصدك وهو اللي يتمناك..؟؟
ولا يقدرك ويـ.........

لمت يدينها عليها..
ضمت نفسها لما سيطرت عليها رجفة قوية..
ماقدرت تمنع شهقات مكتوومة ماتطلع..
ماتوصل لقلبه وتحننه عليها..
همس لها من بعيد..
غازي بحنية\مالمستك..

ألتفتت عليه بسرعة بكل جسمها..
قربت منه وركزت عيونها في عيونه..
هديل بخوف\إحــ...ـللــ..ــف..
غازي بهدؤ\والله مالمستك..

صرخت بآآآآهـ مكتومة..
وبعكس كل توقعاته..
لمت يدينها حوالين رقبته وضمته لها بقووووة وهي تبكـــي..
صدقته..حلف وصدقته..
ما استغل غياب وعيها وتملكها..
ماجرحها جرح جديد..
تركه لها وهو اللي يتمناها..
حسسها بإن لها حق ترفض وتقبل..
لها حق تبعد وترجع..
قبلت جبينه وابتعدت عنه بسرعة..

خرجت من غرفته ولا ألتفتت عليه..
سمعت صوت ضحكته مبسووط باللي سوته..
أول مرة تضمه لها بدون إكراهـ منه..
أول مرة تقبله وكأنها تشكـــرهـ..
تركها تبتعد عنه براحتها..
يكفيه لمحت فرح تخيلها بعيونها..

دخلت غرفتها وهي تضحك وتبكي بنفس الوقت..
يحترمني..أنا مو جارية عندهـ..
ماني سلف ودين..ولاجيته بالرخيص..
يهمه رضاي..
بديت تعالجني..
بديت ترجعني لنفســـــــي..

بلحظات فرحها تذكرت ذياب..
كيف أنقذك يا ذياب..؟؟


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فديت الي اذآ ابطي
سآل عنــي وينهآ البطــــه ".,
فديت كل الكلام الي رسمه بغمزهـ من عينه
اقول ابطيت آسفة..
يقول لعنبوآ هالبنت و الحشمه ..

سلم على سارة وجلس جنبها..
راكان\وين بطتي..؟؟
لفت وجها عنه ولا كلمته..
راكان\ههههههههه من جدك أنتي زعلانة..؟؟
سارة\لاتكلمني..
راكان\طيب لما اروح مرة ثانية أجيبها لك..
سارة بغرور\شكــراً مانبي منتك..
زوجي بعد تسبدي جابها لي..
راكان\أوووف اجل بعد تسبدس جابها لك..
من وييين أكيد ماهي من شارع الماركات..
سارة بغيض\ولو من سوق أبو ريالين..
أنت وش دخلك..جبت الغالي وعطيته بطتك..
وأنا مسكينة ما أهديتني..
راكان\هههههههه عنبوا ابليس..
ما انتي كنتي معي هناك..
ليه ما اشتريتي اللي خاطرك فيه..؟؟
سارة\قلت أنت بتشتري ماله داعي اقولك..
بس طلعت غلطانة..مافكرت فيني وانا مبحلقة عيوني فيك..
ماحسيت على دمك وقلت ابشري باللي يسرك..
راكان\وانتي خليتي شيء ماقشيتيه..
كاسرتيهم في السعر وجلطتيهم..
ولما جات على خاتم غادة استجنيتي..
سارة تمثل الزعل\مانمت هذاك الليلة..
تسان ابتسي وابتسي..
ابيك تحس على دمك ولاعبرتني..
راكان\هههههههههههه الله يخليك لعين ترجيك يا سويرة..

دخلت غادة سلمت عليهم..
وقربت من سارة وراكان وهي معقدة حواجبها..
غادة بضيق\وخري من جنب بعد تسبدي..
سارة\تعقبين يالبطة..
خذيتي الخاتم وش تبين أكثر..
غادة تمد إصبعها لسارة\قومي قبل اتوطى في مصارينك..
وشوفي الخاتم مزين صوباااعي..
سارة\ياشينه في يدك..
إصبعك مسواك مايحلا عليها..عطيني اجربه..
يدي ريانة وأصابعي كنز..
غادة بسخرية\دا بوووعدك ياولية..
وخري من جنب زوجي اقولك..
راكان بعدها من مكاني..
راكان\يابعد راكان والله..
تعالي ماعليك منها العذوول..

مد يدهـ وبعد سارة من جنبه بدفاشة..
مسك يد غادة وجلسها جنبه..
راكان بمحبة\هلا وغلا..
غادة بدلع\هلا فيك ياقلبي..
سارة\ياتسببببببببدي مايلبق أبد ابد..
غادة بدلع زيادة\لايكون تاخرت عليك حبيبي؟؟
راكان بوله\يابعد حبيبك والله..
تدللي أنتي بس..
سارة\ابي خاتم..
غادة\ركووني باروح المكتب الله يخليك لا تقول لا..
سارة\لعنبوا ابليسكم يالحرييييم..
تدلعين عنده وركوني ومدري وشهو..
عشان تروحين المكتب..
إنثبري مافيه مكتب ولا شغل..
ماعندنا حريم يشتغلون..
بيتك وزوجك أولى فيك من مكتب وخرابيط..
غادة تعض شفايفها\جب لا تخربين تفكيرهـ ركووني ذو عقلية متفتحة..
راكان\خرطي..مافيه مكتب..
قلنا إذا كنتي مرتاحة تروحين المكتب..غير كذا إنسي..
غادة\ياخرابت البيوووت..
ياناشرة الفتن بين الزوجين..
أنتي ماعندك بيت تنثبرين فيه وتفكينا..
كل يوم ناشبة لنا..؟؟
سارة بشهقة\ألحين انا ناشرت فتن يا مبيد الحشرات العائلي..
أنا خرابت بيووت يا كيس السمنت المتنقل..
أنا ياللي خذيتي الخاتم وأنا ظليت ابتسي من الحسرة..
راكان\ههههههههههههههههه
يارب لا تبلانا بكيد الحريم..
كل هذا غل بقلوبكم فديتكم..
طلعوا طلعوا..إعتبروني ماني موجود..
غادة بغرور\لافديتك..أنهيت وصلة اليوم مع ناشرت الفتن..
الحقوودة ليش جبت لي خاتم ماجبت لها..
سارة\مالت بس..
هو عطاك خاتم بس عطى غيرك إسوارة وعقد..
لا تفرحين بنفسك يالمهبوولة..
شفته بعيوني يقز وحدة شقراء عصلاء..
عيونها حمر وشعرها اخضر..
ولابسة اللهم إسترنا ولا تغضب علينا..
ما ابي اخرب بيتك ولا كنت قلت لك كل الحقيقة..
بس حرام انتي حامل مانبي نولدك قبل وقتك..
غادة\تسذووووب..
صح إنها تكذب يا راكان..؟؟
راكان\أكيد تكذب..غيرانة منك يا بطة..
سارة\أجل ليه ما أهديتها العقد والإسوارة؟؟
غادة بقهر\إيه ليه ما اهديتني العقد..
سؤال يقرقع في قلبي ماقلته لك..
وين العقد والإسوارة..إعترف..؟؟
راكان بصدمة\أ...آآم مو عندنا موعد مع الطبيبة اليوم..
جهزي نفسك باوديك بعد المغرب..
سارة الله لا يسلمني إن مررتها لك على خير..

طلع من الصالة بسرعة وسارة تضحك عليه..
سارة\يستاهل اجل يهديك ومايهديني..
آآآهـ ياقلبي والله أرتحت لأني ورطته..
خييييير لا تناظريني كذا..جزاتي كشفته لك..
يالهووووي..

طلعت سارة ورى راكان وهي تضحك على غادة..
اللي كانت جالسة وتضرب أسداس في أخماس وتتوعد في راكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

جلس في المجلس الرجالي المتواضع..
ولاحظ إحراج إبراهيم منه..
سولف معه وقهواهـ..
مسفر بهدؤ\إبراهيم أبي الوالدة في موضوع مهم..
الله يسعدك ممكن تناديها..
إبراهيم بحدة\وليه تبي أمي..؟؟
ومن تكون أنت؟؟
مسفر يبتسم\أنا صاحب أبوك الله يرحمه..
ولازم اكلم أمك..
إبراهيم\الله يرحمه..اللي تبي تقوله لامي وقله لي وأنا اوصله لها..
مسفر\أنت اطلب أمك تجي هنا وتسمع وش بأقول..

قدر يقنع إبراهيم ينادي أمه..
دخلت ام خلود وسلمت عليه من بعيد..
جلست جنب ولدها..
مسفر\أنا مسفر بن نايف الجالي..
مرام تصير خالتي..
ام خلود تبتسم\هلا والله فيك..
إيه عرفتك من تكون..
مسفر\الله يحييك..
والله يا خالة ماني عارف كيف أفهمك الموضوع..
ام خلود بهدؤ\مرام شرحت لي كل شيء ياولدي..
أنت رجال طيب وحطك الله في طريقنا..
ما انكر إني أستغربت كلامها عن الشايب..
وفهمتني ليه سويت اللي سويته..
مسفر تورط\السموحة منك يا ام إبراهيم..
يشهد الله ماقصدت الا كل خير..
ومافي نيتي إلا صالحها وراحتها..
أم خلود\العيب مايجي إلا من هل العيب..
وانت دقيت بابنا وطلبت عندنا..
وإن ربي كتبها لك فهي لك..
مسفر مصدوم\......................
ام خلود\بس طلبتك طلب..
مسفر بهدؤ\تم إن شاء الله..
ام خلود\ابراهيم إطلع يا امك شوي..
ابراهيم\يومه انا اخوها..
ام خلود\لاتعصاني فديتك..

وقف بضيق وطلع من المجلس..
ظل يتحلطم بقهر..
ام خلود\إن الله وفق وكتب لكم الزواج..
أبيك تظل مسفر الشايب لحتى تملكون والله يوفقكم..
مسفر بصدمة\لا يا خالة..
هذي حياة جديدة ومن حقها توافق وهي على بينة..
مايصير نخدعها..أنتي ومرام تفكيركم غلط..
ام خلود\انا امها واعرف مصلحتها..
واعرف بنتي وتفكيرها..لو تدري قبل الملكة إن انت الشايب..
ماراح توافق عليك..
مسفر\إن ماوافقت فهذا قرارها..
ولا احد يقدر يجبرها..
ام خلود\ياولدي همنا كبييير..
خلود أكبرهم بس والله إني شايلة همها اكثر من إخوانها..
مايخفيك خوفها وكرهها لكل رجال يمشي على الارض..
أنت دكتور وقدرت تخليها تحس باخوها اللي هجرته من بعد موت ابوها..
والله ماذكرتك الا بكل خير..
وقالت لولا العيب كانت بتخطبك لنفسها..
ابي اتطمن عليها همها علي كبير..
مسفر بضياع\إن شاء الله كل شيء بيتم على خير..
ام خلود تبتسم\الله يجزاك الجنة وينور دربك ويسعدك ياقادر ياكريم..
تقدر تطلبها من عمامها..باقول لابراهيم يعطيك رقم ولي أمرها..
مسفر محاولة اخيرة\صعب ياخالة اعقد عليها قدام الناس وأنا شايب..
ام خلود براحة\بتكون شايب عندها هي وبس..
موافقتها باعطيكم إياها على مسفر الشايب..
بس الحقيقة بتكون أنت مسفر الطيب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عـلى هونك على قلبي ..
ترآ مآ أقوى تبخـتـارك
دخيلك لا تضيعني..
ترفق بـي .. علـى هونــــك ......!

وقفت بنص الدرج بإرتباك..
لما رفعت راسها وشافته واقف أسفل الدرج..
عيونه تتاملها بلبسها الراقي..
بشعرها المتمرد..
والأهم والأجمل روحها الجديدة..
يشوفها اليوم غير عن كل يوم عرفها فيه..
تنزل الدرج بخطوات هادية مترددة..
ماتدري بدلعها العفوي كيف تذوب قلبه..

أخجلتها نظراته لها..
وتمنت لو مالبست من فساتين صوفي..
اللي أهدتها لها بآخر زيارة لها..
فستان هادي جداً..
مرسوم على جسمها يوصل لتحت الركبة بشوي..
بسيور رفيعة من على الكتف..
لونه وردي..

وقف قدامه وسألت نفسها..
ليـــه مبسوطة ..؟؟
ليه تتجملين لــ المرة الثانية..
وليه نفسك ماخنقها الرعب لما شفتيه..؟؟

أبعدت عيونها عن عيونه بضعف..
ماعندها جرئته ولاقوة مشاعرهـ..
حبه لها واضح بكل رمشة ونظرة يوجها لها..
هي ماتبي حبه بقدر ماتبي الراحة..
وراحتها تاهت عنها ولا تدري وين بتلقاها..
معه.؟؟ أو بعيـــد عنه..؟؟

ماتكلم..ولا هي تكلمت..
حتى إبتسامتها العملية ماقدرت تظهرها..
خافت يحضنها او يحاول يتقرب منها..
ويقتل شيء توهـ بدأ ينمو بداخلها..

ناظرت ذياب بحضن ابوهـ..
مدت يدينها له وهو تعلق برقبتها..
فتح فمه وحطه على خدها..
ضحكتها حركته غصب عنها..
همست بكلمة\بــس..

وانحرجت اكثر من نظرات غازي المركزة عليها..
صدت عنه وتمنت لو تبعد عنه..
لو تظل لحالها من دون مراقبته ووجودهـ..
رجعت ذياب لحضنه وابتعدت عنهم..

أخذت معطفها وحجابها وطلعت من القصر..
سمعت صراخ ذياب يبيها ترجع او تاخذه معها..
بس فكرهـ مخيفة ضايقتها..

نظراته وعدم محاولته مضايقتها..
تنبئها إنه مخبي شيء كبيير..
ليه ماعاقبني على اللي سويته امس..؟؟
ليه يتبسم ويبين إنه طيب..
معقولة يخطط لشـــيء.؟؟
أكيد يخطط..
مو محتاجين أخ لذياب..؟؟
بس انا ما اقدر أعطيه اخ..
فيه حل ثاني أكيد..
وغن ماكان فيه فراح ينعاد اللي صار أمس..
لاني ما اقدر..والله ما اقدر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


احتويتك في خفوقي همس محتـاج لجـواب
وارتضيتك حلم ليل وحرف بكفوف الـبريـد ..
كل حرفٍ من حروفك خالط احساسي وذاب
عانقه نبضي وشوقي جاري مجـرى الوريد ..


ناظرت نفسها في المراية..
مبسوووطة بشكلها وروعتها..
تشوف كل شيء فيها غير..
حتى عيونها تتخيل إن لونهم تغير..
ضحكت على تفكيرها..
حطت آخر اللمسات على وجهها..
وناظرت غرفتها برضى تـــام..

أخيـــراً تجرئت تلبس الفستان الابيض..
أستغنت عن الطرحة وباقي التفاصيل..
لبست الفستان وسرحت شعرها..
مكياج أول مرة تسويه..
كانت دائماً تحط هادي ومايغير ملامحها..
بس اليوم زادت جرئة مكياجها واعجبتها النتيجة..

حست قلبها بيوقف لما سمعت خطواته داخل جناحهم..
أبتسمت بحب لما فتح الباب ..
وقف مبهوور بالغرفة وبزوجته..
أبتسم برضى وفرحة كبيـــرة..
كان يظن إنها مستحيل تلبسه بعد ما هددها بالطلاق..
لانها أخفته عن عيونه واعتقد إنها تخلصت منه..

يشوف حبها له وخجلها..
قفل الباب وقرب منها وإبتسامته تزيد..
وقف قبالها وحط يدهـ على كتفها..
رفع وجها له وظل يتأملها لحظات..
راجح بحب\روعة ياروعة..
رشا تبتسم\أحبك من هنا إلى الشمس..
راجح\أحبك من الشمس إلى هنا..

ضحكت بحب وضمته..
لم يدينه عليها وهو يضحك..
لأنها تتذكر مثل ماهو يتذكر..
لما كانت صغيرة تقوله أحبك من هنا إلى الشمس..
وهو يقول لها العكــــــــــس..

كانت بتقوله عن حملــــها..
بس أوهمت نفسها إنها مو متأكدة..
وبسبب ثاني تخاف يعصب عليها او يهاوشها..
هي صارت بخير..
نومها صار طبيعي..
تركت العلاج وهي واثقة بقرارها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ما علمك صوت المطر كيف أحتريك ..؟
و إلا المطر .. ما جاب لي طاري أبد ..!
كم قلت لك في غيبتك وش كثر أبيك
أشتقت لك تقول لي .. وأنا بعد ..!

ركضت تحت المطر وهي تضحك مبسووطة..
وكانها رجعت بزر مايهمها شيء..
وقفت تحت المظلة التابعة لـ الملحق..
وجلست على المرجيحة..

ناظرت لـ القصر وشافته واقف على البلكونة يناظرها..
أشر لها بيدهـ وردت عليه بنفس الإشارة..
ناداها ترجع القصر..
بس هي هزت راسها بالرفض..
غازي بصوت عالي\بتبردين وتدخلين..
هديل بعناد رفعت مفتاح الملحق واشرت فيه له..
ضحك وصرخ عليها\سرووووووق ..
هديل بنفس صراخه\منكم نتعــــــــــــلم..
غازي بجنون\أحبــــــــــــــــــــك..

نزلت راسها ولا ردت عليه..
وكانت ردت فعلها متوقعة له..
عضت شفايفها من شدة خجلها..
وقفت بسرعة لما اشتد المطر..
ودخلت الملحق..
قفلته وتركت المفتاح على الباب..
عشان مايقدر يدخل إذا كان معه سبير..
شغلت التدفئة وتجاهلت كل تفكير يسبب لها ضيق وزعل..

إعتاقه لها لما هي جاته بنفسها..
تعني لها الكثيـــر..
أحيت شيء ميت بداخلها..
أقصت عن بالها فكرة إنه يرفض كونها جثة..
ولو كانت بوعيها ماكان بيتركها..
تبي تظل متفائلة وتفسر أي شيء يصير بينهم بنية طيبة..
ولو إنها تعرف نواياهـ كلها تملكية..

أتصلت على ابوها..
ولما طلبت أمها تعذر لها إنها نايمة..
كلمت عسوولة..
وحاولت تراضيها لانها زعلانة عليهم..
هديل بزعل\طيب أنا وش ذنبي..؟؟
هم ماجابوك لي..قلت لعلي يجيبك بس مارضى..
ام حسين\طلبتيني ولا جابني لك.؟؟
والله يالعصا الليلة تصك جنوبه الوجه الودر..
هو قال إنك مارضيت أجيك..
هديل بتبلي\الكذوووب..يتبلاني يومه لا تصدقينه..
جايب عبيد وسويرة..جننوني هبلو فيني..
ام حسين\أقول أنتي مطولة هناك؟؟
هديل\والله مدري يومه باقي ماقررنا..
نخلص مواعيد ذياب ونرجع بعون الله..
ام حسين\تدرين إن رويكن عطاني عقد وإسوارة..
هديل\هههههههههههه مبروووكة عليك..
ام حسين\ماهي لي يالهبلاء..
عطاني إياها قال هديتك متى مارجعتي..
هديل بإستغراب\هديتي أنا..؟؟
ام حسين\إيه هديتك انتي..
هديل\وليش يهديني..؟؟
ام حسين\يهديك عشان رجوعك بالسلامة انتي وولدك..
تدرين إنها طابت لي..وخاطري فيها..
هديل بخبث\أقووول يا ام حسين..
هديتي حطيها بـ الصندوق لحتى ارجع..
عيب عليك عجوز وش كبرك تسرقين هديتي..
الجدة\ههههههههههههه روحي عسى عيني ماتبكيك..
إيه يومه إضحكي وإنبسطي..الدنيا فانية يا فديتك..

الدنيا فانية..الدنيا فانية..
هزت راسها بعد ماقفلت من عسوولة..
وهي تردد كلمتها..
الدنيا فانية..
صدقتي يومه الدنيا فانية..
ولا يبقى غير وجهه سبحانه وتعالى..
حسيتي إني تغيرت يا عسوولة..
عساني أرجع مثل ماكنت..
إدعي بس إنه يعتقني دوم ماهو يوم..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


آخاف لا قآلو النآس وشلونكـــ؟!
آنطق بدون شعوووور ..موجوعه..

ردت على الشيخ بالموافقة..
والتفتت على أمها بخووف..
لما سمعتها تشهق وتبكي ..
خلود بسرعة\خلاص يومه والله اقول لـ الشيخ لا يعقد لنا..
ما ابي الشايب ولا غيرهـ..ابراهيم ناد الشيخ تكفى..
ام خلود تضمها\لا يومه..
أنا فرحانة لك بس شايلة هم زعلك..
خلود مافهمت\لا ان شاء الله ماراح ازعل ولا اشكي منه..
شايب طيب وفيه الخير..
صدقيني مابيظلمني..أنا عرفته وجلست معه..
وبأظل ازور عيادته لحتى احس براحة اكبر..
ام خلود\لا مافيه تروحين لعيادته الا بعد الزواج..
خلود بحيرة\أي زواج..؟؟
ام خلود\حفلة زواجكم..
خلود تضحك\ههههههههه يومه فديتك..
هذا شايب يمكن على الساعة 7 وهو نايم..
لايعرف سهر ولا خرابيط..قالت حفل ههههههههه
ام خلود بإرتباك\لا لازم حفلة..وتنزفين وترقصين بعد..
خلود\أبشري نسوي حفلة ولا يهمك..
وارقص فيها بعد..بس الشايب لازم ينام بدري..
وش رايك نسوي الحفلة والشايب نايم..
حرام اخاف يكون فيه روماتيزم او ضغط وسكر بسم الله عليه..
الله يحفظ لي شايبي..
مرام\ياويلك ياويلك يامسفر ياويلك..
أنا مسافرة مع تركي مابنحضر زواجكم..
خلود\تحضرين غصب عن خشمك..هذا جدك ياللي ماتستحين..
إبراهيم\احم خلوود زوجك يبي يشوفك..
خلود\لبى الشواب ههههههههههههه..يبي يتطمن لا اكون شينة..
مرام\خلوود لا تستهينين فيه تراهـ جــــدي حبيبي..
خلود\جب لاتوصيني على شايبي فديته..
والله مبسوطة لاني تزوجت شايب..
عاقل ومؤدب ودكتووور..
إبراهيم\أي شايب..؟؟
ام خلود\ولا حد..قله بتجيه خلود ينتظر علينا شوي..
خلود تبتسم\يوومه حرام اخليه ينتظر..
يمكن ينام في المجلس ونتوهق فيه..
خليني اشوف وش يبي صارت الساعة ست ونص..
بعد نص ساعة بينام..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فزت بمكانها بسرعة لما حست بأرجولها تتحرك..
صرخت بخوف ووقفت بسرعة..
ناظرت فيه وهو يضحك عليها..
لما استوعبت إنه كان يحاول ينيمها على الكنبة..
لأنها كانت نايمة وهي جالسة..
ضربته على كتفه..

هديل بقهر\كيييييف دخلت هنا..
أنا كنت ادري إنك بتجي وسهرانة أنتظرك..
غازي يبتسم\فديت اللي تنتظرني..عشان كذا نايمة وانتي جالسة..
وهذا انا جيت ياقلبي..
هديل بإحراج\ابي اعرف كيف تقدر تدخل هنا..
عشان كذا ظليت سهرانة..
غازي\لااا سر ما اقدر اقوولك..
هديل\بلى علمني..الباب مقفول ماتقدر تدخله منه..
ولا تكذب علي وتقول من الشباك..
قول الصدق..
غازي بتفكير\اممممممم مصممة..؟؟
هديل بحماس\إيه..أبي اعرف..
غازي\مافيه شيء من غير مقابل..
هديل\قلتها لي زمان لما اهديتني عسوولة..
مافيه شيء من غير مقابل..
غازي يبتسم\حلووووو حلوو..
يعني فاهمة اللعبة..
هديل بعناد\مو فاهمة شيء..
ولا تحاول تضيع الموضوع..
كيف تدخل الملحق وهو مقفل..
غازي\اقولك إذا قلتي لي..؟؟
هديل بحذر\أقولك أيش بالضبط..؟؟
غازي بوله\اللي أنتي مخبيته عني..
هديل\مو مخبية عنك شيء..
بلى مخبية عنك أشياء..
غازي\لا مو الأشياء اللي في بالك الحين..
شيء ثاني أمووت وتقولينه..
هديل بشك\مو فاهمة عليك..
شيء..وشيء..تكلم بالعقل..
غازي بحنين\أنا احبك..
وما ابيك تنسين هذا الشيء ابداً..
هديل بخجل\اللي مايهمني أنساهـ..
والحين قلي كيف دخلت..؟؟
غازي\الحمدلله إني عرفت..
كنت بأتهور واسمح لك عني تغيبين..
هديل بخوف\عرفت أيـــش..؟؟
انا مو فاهمة عليك..
غازي\أدري إنك مو فاهمة..
إفهمي شيء واحد..
أنا أحبــــــــــــــــك..

خافت منه..
خافت من ثقته بشيء مجهوول عنها..
ماهو ذياب ولا اخــوهـ..
لا شيء أكبر من إنها تستوعبه..

أنصدمت لما مسك يدها ومشاها معه..
سحبت يدها منه وتراجعت بخطواتها..
غازي\ماتبين تعرفين كيف أدخل هنا..؟؟
هديل بتردد\ما أبي أعرف شيء..
غازي\وانا ابي اعرف كل شيء..

أبتعدت عنه بخوووف..
تبي تصرخ فيه لا تخوفني..
لاتعقدني منك ومني..
كمل جميلك وحررني منك بالكامل..

صدت وتوجهت لـ الباب..
تبي تطلع من الملحق وتروح القصر..
مسكها قبل تطلع..
غازي\وين رايحة..؟؟
هديل\القصر..كيف تركت ذياب لوحدهـ..؟؟
إبعد يدينك باروح..
غازي\لاتروحين في المطر..تعالي من هنا..

مشت وراهـ وتغلب إحساس الفضوول..
على الخووف والإرتباك..
توجه لآخر زاوية في غرفة النوم..
وقفها على الجدار..
وهي تلفتت حواليها تناظر الباب اللي دخل منه..
بس ماكان فيه باب ولا شباك..
رفعت عيونها فيه بقهر..
وهو ابتسم على نظراته..
غازي\اول ابي المقابل..
هديل بصد\ماعندي شيء أعطيك إياهـ..
لا اليوم ولا بعد سنين..
غازي إبتسامته تزيد\ابي المقابل..
بوسة وضمة مثل الصباح..
هديل بإحراج\أي صباح..؟؟
غازي عقد حواجبه\اللي سويتيه الصباح عيديه الحين..
هديل\من عيوني..
ابتسم لها وقرب منها..
بكسته على بطنه بقوووة..
هديل\تبي زيادة..؟؟
بكسته مرة ثانيه وهي مبسووطة..
هديل\كيف دخلت..؟؟
غازي\ههههههههههه
الحمدلله على السلامة..
رجعتي يا فديتك..

انحنى ومسك حلقة مخفية لونها بلون الارضية..
رفعها بقوووة..
وكانت عبارة عن مفتاح لباب ارضي..
نزل ومد يدينه لها..
غازي\تعالي..
هديل بتردد\لا إبعد..أنا انزل لحالي..
غازي\هههههه مابتقدرين الارضية بعيدة عنك..
هديل بعناد\مالك شغل..صح قصيرة بس بأوصل..
إبعد لا تمسكني..
غازي\طيب يا قصيرة إنزلي أشووف..
ولا تكسرين كافي عاهات..
هديل بقهر\أنت العاهة..
غازي\طيب يالله..

جلست ع الأرض ونزلت رجلينها..
درست وضعها وشافت إن طريقتها غلط..
قلبت وضعيتها وشددت يدينها على الأرضية..
تحاول توصل رجلينها لــ الأرض بس ماقدرت توصلها..
هديل\هههههههههه بأطييييح..
غازي\وش أسوي..؟؟
هديل\ههههههههههه والله خلاص ما اقدر..يديني تخوني..
غازي يضحك\يعني وش أسوي..؟؟
هديل\آآآآهـ غااازي إمسكني بالله عليك..
غازي مبسوط\يالبيييه..

أنفكت يدينها وصرخت وهي تحس فيه يمسكها قبل تطيح..
نزلها على الارض وهي ضربته على صدرهـ..
هديل\تبيني امووت..مافيه على قلبك..
غازي\والله عسل..

مشت قدامه وهي ماتدري وين تمشي..
يكلمها ولا ترد عليه..
تبي تكتشف المكان اللي هو مخبيه عنها..
وقفت عند تحفة كبيرة ..
عبست ملامح وجها وتعوذت من الشيطان..
وابتعدت عنها بسرعة..
مشى جنبها وحط يدهـ حوالين خصرها..
غازي\وين رايحة..؟؟
هديل\مالك شغل..
غازي\أبي اعترف لك بشيء..
هديل بنظرات شك\مابيعجبني إعترافك..
ما ابي اسمعك..
غازي\ههههههه تدرين إنك من اول يوم جيتي فيه المزرعة..
كنت انام معك في الملحق..
أحيان ما انام..أظل صاحي وأراقبك..
هديل بهدؤ\لاتكمل..
غازي\كل ليلة تبكين قبل تنامين..
تنامين وتبكين من غير وعي..

بعدت يدينه من حواليها..
ومشت بخطوات كبيرة هاربة منه ومن كلامه..
دخل يدهـ بجيبه..
وطلع الورقة اللي أعطته إياها صوفي..
آخر مرة زارتهم في المزرعة..

قرأ اللي فيها للمرة الألف..
ولازالت نفس المشاعر تنبض في قلبه..
فز بمكانه وركض يدرو عليها لما سمعها تصرخ بصوت عالي وتبكي..



إلى الملتقى بإذن الله تعالى فجر السبت ..

كونوا بخيـــــــــــــــــــــر ..


صدووود’’’

السلام عليكم ورحمة الله وبركاته ...

صبـــــــــــــــاح\\
التميــــــــز بقلوب لا يملكها غيــركم ..

مســـــــــــــاء\\
البقاء حتى الفنــاء..

كيــــــــــــفكم الـــ ليلاااااااااااااااس ..؟؟
أحبتــــــــــي في كل مكــــــــان..؟؟


أنا كنت راح أكتب باقي الرواية وأنزلها كاملة اليوم..
ليس بسبب إنتقادات او هجوم من احد..
بل لظرووف خاصة جداً..
ولازالت ظروف غير مستقرة..
فإن ثبتت ظروفي يكون وداعنا..
وإن تاخرت بضعة اسابيع فانا معكم..

شكــــــــــــــــــراً بحجم السمـــاء..
لكل من تواجدوا لاجلي ولأجل الرواية..
ولمن سجلوا لـ المشاركة معنـــــــا..
شـــرف كبير وجودكم احبتـــــــي ..

اللي خلف الكواليـــــــس ^^
وحشتونـــــــــي ..<<فيس النشبة ..




\\\
لـــ من تدخل الرواية وهي شاهرة سيف تسميه (إنتقاد)
قائلة لدي إنتقادات لك يا صدود..فتحملي ما اقول..شئتي ام ابيتي..
فتدخل الأخرى بنفس الإسلوب وبنفس السيف..ومطالبة إياي بالرد عليها..
ألا ترون بان ردوودكم مكررة كــ المواقف اللتي تدعون تكرارها في الرواية..؟؟!!
ثم أتفقت أنا وغيري بأنكم لا تملكون أية ثقافة عن الإنتقاد..
نعم فانتم لا تستطيعون الكلام بأدب واسلوب محترم..
فترشقون آرائكم كما ترشق الحجارة..
وتصرخون بي لِم لا تردين علينا..؟؟
لاني لن أتكلم مع من لا يملكون أسلوباً محترماً وراقياً في الكلام..
ومن تجربة خاصة تكلمت مع بعضاً من هذه الفئة..
وندمت لاني وجهت لهم حرفاً..فلم يكونوا كفئاً لــ الكلام والنقاش..
ولذلك اعتذر لنفــسي لأني أجبرتها على مجارات من لايفقهون عن ما يتكلمون..


البــــــــــــارت إهـــداء لـ الجميــــــع ..
ولغاليتي معزوفة حنين @ الجوود ..
عاشقة رضى ربها..



البارت الخــامس والثمــانــــون ..


كيف استطاعت نفاذاً لقلبي؟
ويا ويح قلبي!
منذ سنين تجمّد كيف يعيشُ

الفتى دون قلبٍ يدقّ؟
ودون دماء تسيلْ؟
تحنطتُ لكنني لم أبح
فمشيت ولم يدر من مرّ بي

أنني دون قلبْ
فمن أين أقبلت ترتجلين القصائد
تستمطرين الكواكب زخة وجدٍ
تثيرين زوبعة في الرميم؟

أنا قد تقاعدت سيدتي
من مطاردة الوهم عبر صحارى الخيال
تقاعدت من رحلتي في تخوم الرجاء
وعبر بحار المخاض المليئة
موجاً عنيفاً
تقاعدت أعلنت للناس أني
قد كنت منذ سنين طوال ومتّ
فمن يفضح السر؟
من يحفر القبر؟

المرحوم بإذن الله تعالى..غازي القصيبي..


بعدت يدينه من حواليها..
ومشت بخطوات كبيرة هاربة منه ومن كلامه..
دخل يدهـ بجيبه..
وطلع الورقة اللي أعطته إياها صوفي..
آخر مرة زارتهم في المزرعة..

تحس بالأرض تحتها مثل الماء..
خطواتها متعثرة هاربة منه..
وهاربة من ذكريات صارحها فيها..
كان يشاركها الملحق باول ايامها..
ينام عندها..؟؟!
يسمعها تبكي..يعني يسمع كلامها وندائها لربها..
لأبوها..ندائها لـ هادي..
يسمع صراخها وهي تشوف كوابيس هو الملك فيها..

كان معي بلحظات خوفي منه ومن المكان..
خوفي من غربة انكتبت علي..
من إنسان غريب عني ومتملكني..
يسهر عندي وينام..
يعني حتى البرد اللي جمدني جمدهـ..

رفعت راسها وهي تحس بضيق وكئابة من المكان..
ماتدل الطريق عشان ترجع..
لازم هو يطلعها..
وبنفس الوقت تبي تظل لحالها..
تبي تسترجع أوقاتها الوحيدة بملحقها..
وكل ذكرى راح تتذكرها بتشركه فيها..

ناظرت حوالينها بإستطلاع..
تنتظرهـ يطلع لها او يناديها..
رجعت على نفس الطريق اللي مشت عليه..
اللي مطمنها إن المكان اللي هم فيه له طريق واحد بس..
مالاحظت وجود متاهات او مداخل غريبة..

ثبتت بمكانها وارهفت سمعها..
سمعت خطوات سريعة تقترب منها..
يرافقها تنفس سريع..
ماشكت يكون غازي..
لان غازي ماتعداها...
فيه شخص وراها يقترب منها بسرررعة..
حاولت تركض..
تبي تهرب منه ..
الخوف سيطر عليها..
صرخت باسمه بصوت عالي..
لما حست بشيء يلتف على أرجولها..
وشيء غريب يلمس ركبها من ورى..

ظلت تصرخ بكل صوتها وهي مغمضة عيونها..
حست بيدن غازي تلمها بقوووة لصدرهـ..
وسمعت صوت ضحكته عاااالي وهو يسمي عليها..
صرخت فيه وهي تبكي بخووف..
هديل بجنون\إبعــــدهـ عنـــــــــــــــــي ..
وخرهـ عني وخــــــــــرهـ..
يوممممممممممممممممممه..
غازي يضحك\ههههههههههه بسم الله عليك..
هششش إهدي مافيه شيء يخووف هششش خوفتيه...

حركت ارجولها بسرعة تبي اللي حوالينها يتركها..
وهي تصرخ بغازي يبعد اللي عليها..
شال يدينه من عليها وانحنى بسرعة..
فك اللي حوالينها وهي أبتعدت بسرعة ووقفت بعيد عنه..
أرتفع وهو شايل ذياب بين يدينه..

كانت ترتجف بمكانها..
والشهقات تمنعها لا تتنفس براحة..
الخوف متحكم فيها ولا فهمت سبب ضحك غازي..
لحتى شافت ذياب بحضنه..
حطت يدينها على فمها بصدمة ..
ولاقدرت تتحكم بدموعها..
قرب منها وهو يبتسم وضمها له وضم ذياب..
حطت وجها بحضن ذياب وبكت بخووف..
وذياب بكى زعلان منها لما صرخت وخوفته..
غازي بحنية\ليه تخوف أمك..كنت بتجلطها يا ابووك..
هديل بصوت باكي\ماعرفت وش يكون..
حسبته كائن..
غازي ماقدر يكتم ضحكته\ههههههههههههههه كائن مرة وحدة..
الحين هذا الذيب كائن غريب..
هديل\والله خفت منه..
وبعدين انت السبب..ليه خليته لحاله..؟؟
غازي\قال يبيك فرحت اجيبك له..

خذته من يدين غازي وضمته لها بقوووة..
بكت غصب عنها..
لازالت تحس برجفة الرعب اللي صابها مسيطرة عليها..
دائماً يضمها ويركض لها لما يشوفها بعد ماتغيب عنه لوقت طويل..
وهي من الظهر هاربة من ابوهـ وجالسة في الملحق..
غازي بحنية\إستهدي بالله ..
هديل بغصة\خووفتـــه مني..
غازي\بينتقم لنفسه بس خليه يستوعب وش سويتي فيه..
هديل تمسح دموعها\ههههههه بيتعلق بشعري اعرفه...
المفروض نتوطاك انا وهو..كيف قدرت تخليه لوحدهـ..
غازي\ماريا كانت معه..
هديل\كيف قدر يدخل هذا المكان..؟؟
انت من وين تدخل..؟؟
غازي\ذيب طالع لأبووهـ.
عرف الطريق مو مثلك كم سنة ماتدلين..
هديل بقهر\ماكنت ادري إن ابوهـ موسوس وجاسوس..
هذي حركات الجواسيس..ليه بنيت هذا الطريق..؟؟
غازي\هههههههههه اتجسس على اروع كنز..
هديل بصد\إختصر..ليه بنيته.؟؟
غازي\وليه ابنيه؟؟مو انا اللي سويته..
اللي بنى القصر بنى هذا الممر معه..
الملحق كان ورشة نحت..وانا سويتها ملحق للقصر..
هديل\امممممم وين الباب الثاني لممرك يالجاسوس..
غازي\تعالي وإكتشفي بنفسك..

اخذ ذياب منها ومشت جنبه..
ألتقوا بماريا عند الباب وكانت مرعوبة..
ماريا\أنا أسفة سيدي..
لقد ركض داخلاً ولم أستطع الإمساك به..
هديل بقهر\ليش مادخلتي وراهـ..
غازي\ماتحب الأماكن الضيقة..تخاف منها..
ماريا\أنا أسفة..
هديل\لو صار فيه شيء..كنت باذبحك أنت ياجلمود..
غازي بنص عين\يعني معصبة عشان ذياب
ولا لانك أنهبلتي من الخوف يالخوافة..؟؟
هديل تشهق\هئئئئئئئئ هذا المكتب..
غازي يبتسم\إيه المكتب..
هديل\الحين ماريا تعرف هذا المكان..؟؟
غازي\ماريا تعرف كل شيء هنا..
لانها عاشت في هذا البيت من سنين طويلة..
وهي اللي دلتني على هذا الممر..
هديل\تدري إنك مجرم..؟؟
غازي بوله\تدرين إنك قمر..؟؟
هديل تبتسم\حالتك اليوم مستعصية..
وش عندك مبسوط..؟؟
غازي\لانك معــي..
هديل\مو على طول..
غازي بهدؤ\مو قلنا نبي أخ لذياب..؟؟
هديل\سنة وينتهي عرضك..
غازي يقرب منها\سنتين..
هديل\يثبت حملي وارجع عند هلي..
وبعدها خذ عيالك وأطلع من حياتي..
غازي\معـــصي ولا تبعدين خطوة..
هديل بجمود\ابي اراجع دكتور ذياب..
غازي\هذا هو قدامك..
هديل بقسوة\سمعتك يادكتور فاشلة جداً..
ما انقذت بنتك فكيف تنقذ ولـــدي..؟؟
غازي\جبارة يا حمامة..
هديل\بعض ماعندكم يا جلمووود..

شالت ذياب وخرجت من المكتب..
وقبل لا تقفل الباب سمعت صوته..
غازي\نيميه بفراشه..
الليلة دور أخوهـ..
هديل بحقد\إحلم على قدك..
وأنا اقرر مو أنت..
غازي يغيضها\إن وقفت عليك ما جاء بعد عشر سنين..

طلعت غرفتها ونامت جنب ذياب وهي ضامته لها..
وعينها على باب الغرفة..
تخاف يدخل عندها..
عاتبت نفسها وين راحت الراحة اللي كانت مصاحبتها طول اليوم..
من اول ماصحت وهو جنبها..
وعرفت إنه مالمسها..
كانت مبسوطة ومرتاحة..
ليه لما واجها بموضوع الطفل الثاني..
تجمدت وقست..؟؟
هي قررت يثبت حملها وترجع لهلها..
تدري ما احد بيرضى بوضعها..
وبنفس الوقت ماتبي تعيش معه مجبوورة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت المجلس وشهقت بقووة لما شافت رجال فيه..
طلعت بسرعة قبل يشوفها أخذت عبايتها وطرحتها..
لبستها وهي معصبة ورجعت المجلس..
ماردت على امها ولا على مرام اللي يسالونها وش صار معها..

خلود\السلام عليكم..
مسفر وقف\وعليكم السلام ورحمة الله..هلا..
خلود بقهر\نعـــم وش تسوي هنا..؟؟
مسفر\؟؟؟؟؟
خلود\جدك وينه..؟؟
مسفر\جدي..؟؟
خلود\إيه جدك..اللي هو زوجي..
مسفر مصدوم\امك ماقالت لك..؟؟
خلود\وش تقولي..؟؟

جلس وهو مصدووم من الموقف اللي أنحط فيه.
كيف يشرح لها إنه هو الشايب او الجد مثل ماتقول..
كان يظن إن أمها او مرام بيقولون لها..
بس شكلهم معتمدين عليه..
مايشوف منها الا عيونها اللي تناظره بكرهـ..
لو تدري انه هو زوجها كيف بتقتله..؟؟
مسفر ابتسم على تفكيره\خلود إجلسي نتفاهم..
خلود\نتفاهم؟؟
أسمع أنا زوجت جدك وبمقام جدتك..
وتفاهم مابينا..جدك وينه..؟؟
مسفر\جدي في السيارة..
خلود\...في السيارة؟؟
مسفر بهدؤ\إيه تعبان وبيرجع البيت..
قال اتفاهم معك بالنيابة عنه..
خلود بقهر\تعبان وانت جالس هنا..؟؟
رجعه البيت يرتاح وياخذ علاجه..
وبكره يجي ونتفاهم..أنت لا تدخل بينا..
مسفر\لا بكره هو بيسافر..
الحين لازم اقولك هو وش يبي منك..
خلود\قوول..
مسفر\طيب إجلسي..
خلود\قوول اللي عندك ومالك شغل..
ولاتنسى ترى أنا جدتك أسمع كلامي..
مسفر\طيب ياجدتي..
زواجكم الإسبوع الجاي موافقة..؟؟
خلود\أدري أمي قالت لي..
مسفر\طيب نبي اللي في خاطرك..
خلود\اللي في خاطري..؟؟
مسفر\إيه جدي يقول إذا عندك شروط أو طلبات هو حاضر..
خلود\سلامته ما ابي شيء..
شغلي مابأتركه محتاجته..
وما ابي نبعد عن هلي..
مسفر\لك اللي تبين..وإذا فيه شيء ثاني لاتترددين..
خلود\لي اللي أبي..؟؟
أنت وش دخلك تقرر..هو اللي يسمح مو أنت..
مسفر بفشلة\احم احم لاني اعرف جدي..
مابيمنعك من الشغل..
خلود بطفش\والحين مع السلامة..
الشايب في السيارة ينتظرك يا مال العافية..
مسفر كاتم ضحكته\فمان الله..

مد يدهـ يبي يصافحها..
وسحبها بسرعة لما شاف عيونها تنبىء بضرب أو شتم..
أشر بيدهـ فمان الله وطلع من المجلس..

جلس في سيارته يضحك بصوت عالي..
يحس كل اللي يصير معه حلم وبيصحى منه..
دخلت مرارم السيارة وظلت تناظره مصدومة من ضحكه..
مسفر\صدق من قال شر البلية مايُضحك..
مرام\دووم الضحكة إن شاء الله..
وش صاير معك..أشوفك لا مفقووش ولا مطعون..
حتى انا ماطقتني ولا توطت في بطني..
كيف تفاهمتوا..؟؟
مسفر\هههههههههههه تقول إنها جدتي..
ههههههههههههه ومتزوجة جدي الشايب..
بعد بكره بتقول ياولدي..هههههههههه
مرام\هههههههههههه هي جدتك..؟؟
مسفر\لاحول ولا قوة الا بالله..
والله شايل همها لما تعرف..
مرام مصدومة\باقي ماعرفت..؟؟ماقلت لها؟؟
مسفر\هههههههه لا ماقلت لها..
شفتها مرتاحة لـ الشايب..
اما أنا تمنت لو تحرقني..
مرام\كييف بتقول لها..؟؟
مسفر\خليها علي هي زوجتي وزوجت الشايب..
مرام\مسفر كان المفروض تقول لها اليوم..
مسفر\ماراح اقولك ليش أنتي ماقلتي لها..
ولا اعاتبك اكثر من اول..
مرام\كان بإمكانك تنهي الموضوع لو مو عاجبك..
مسفر بعصبية\نعـــم كيف انهيه..؟؟
مرام\مو أنت قابلت امها..
ليش ماقلت لها إن الموضوع ماله اساس..
ولا تعيد كلامك إنك أنحرجت معها وماعرفت تتصرف..
أعرفك زين يامسفر ما احد يغلبك في الكلام..
مسفر\مو مسالة غلبتني او غلبتها..
ماني متعود أجرح احد..الحرمة ظنت إني جاي اخطب بنتها..
فكيف بتنصدم إذا قلت لها خالتي ملفقة موضوع من بالها أعذرينا..
مرام\لا مو كذا ياحنون..كنت بتقدر تسحب نفسك من الموضوع..
بس لان السالفة اعجبتك..
ولأن خلود مسيطرة على اغلب تفكيرك هذي الفترة استمريت فيه..
مسفر\لاتسوين محللة نفسيه علي..
لا شاغلة فكري ولا شيء..
وكسر الخواطر ماهو سهل مثل ماتتصورينه..
ماقدرت اكسر في خاطر ام خلود ولا في خاطر خلود..
وسكري الموضوع ولو سمحتي لا تدخلين بيني وبينها..
أنا بافهمها كل شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مالهم صوت ..
غربوا والزمان سكوت .. ليتهم ماقربوا
وهقوني بالوصل .. علقوني بالأمل
هذا شيء لايحتمل ..
التجافي موت ..

ألتفتت على صوت عبدالله اللي يناديها..
عبدالله\يومه ليش ما كلمتي عمتي هديل..؟؟
ام علي\كلمتها قبل لا اصلي الظهر..
عبدالله\صدقتك..
ام علي بعصبية\احسن قوول كذابة..؟؟
عبدالله\محشوومة..بس أنتي ماكلمتيها..
ام علي\وانت مالك شغل..
اكلمها او لا..
عبدالله\بلى لي شغل..
لاتحسبيني مو فاهم ولا ادري وش صاير بينكم..
انا سمعت كلامك مع غازي..
ام علي بصدمة\سمعت كلامنا..؟؟
عبدالله\إيه سمعته..
بس هو يكذب عليك..
ام علي بقهر\ولا كلمة يا عبيد..
والله لو عرفت إنك تكلمت عن اللي سمعته مع أحد ما اسامحك..
عبدالله\ماني ناقل كلام..
بس ما ابيك تظلين متضايقة بسبب كذبه عليك..
ام علي\عبييييد..؟؟
عبدالله\هديل وش ذنبها قولي لي..؟؟
ليه تقاطعينها وماتردين عليها..؟؟
ام علي بغصة\إسكت يا عبدالله انت مو فاهم شيء..
عبدالله\قلتي ليه ضربت هديل..؟؟
هو مستحيل يضربها لانه يحبها..
أنا متاكد هو يكذب عليك لما قال إنه ضربها وأوجعها..
شفته كيف يهتم فيها زرتهم في بيتهم يومه والله هو طيب معها كثير..
ام علي تكتم قهرها\صح يا عبدالله..أدري إنه يكذب علي..
مابيضربها ولا بيوجعها..هي زوجته وأم ولدهـ..
عبدالله\طيب ليه انتي زعلانة..؟؟
ام علي\لاني أحب هديل..
أبيها ترجع تعيش عندنا هنا..
ولو يحبها مابيحبها كثري انا..
عبدالله\وغادة تبينها تعيش معك..؟؟
ام علي تبكي\ما ابي الا هديل..
ليتني مارجعت الا وهي معي..
ياخوفي تسوي اللي في بالي..
عبدالله\يومه لا تبكين..تكفين..
ام علي\اطلع من عندي يا عبدالله..
رحم الله والديك أطلع من عندي..

خرج من غرفتها..لا اقتنع بكلامها ولا قدر يقنعها..
هو سمع كلامها مع غازي..
وسمعها كيف تبكي وتترجاه يترك هديل ترجع معها السعودية..
وهو مارضى وحلف مايتركها تروح منه..

طلع جواله واتصل على رقم..
بعد ثواني رد عليه..
عبدالله\السلام عليكم..
عبدالله\وعليكم السلام..أهلاً يا صديقي..
عبدالله\ولكم ولكم..ياماي نيم..وير از غازي..؟؟
عبدالله\هههههههه لا اعرف..لماذا لا تتصل به..؟؟
عبدالله\وت يو مي ذير از يو..
عبدالله\هههههههههه لا افهم ماذا تقول..
عبدالله\عنبوا ابليسك كيف اتكلم معك..؟؟
عبدالله\وجع..
عبدالله\تعقب ماوجع الا في سيقان حرمتك يا القطو..
لو رجال تلبسها عباية وتصكها بوكس تلبس طرحة..
عبدالله\ياصديقي دائماً تتصل بي ولا افهم ماتريد..
إتصل بديل وهي ستخبرني ماذا تريد انت..
عبدالله\وت .. افري دي نو بربلم مع السلامة ياماي نيم..

قفل الجوال وهو مصمم يتعلم اللغة الانجليزية..
وظل يردد في باله من تعلم لغة قوم امن مكرهم.
لايكون يسبني مثل ماسبيته ويضحك علي..
أكيد الهياط ماهو محصور بس فيني..
يالبى سميي بس ولو يسب المهم سميي..
ألحين زوج عمتي كيف القاهـ مايرد علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هآت همك .. هآت جرح بيـوم هآنـك
و هآك قلبي .. هآك روحي و القوآفي
ولو يجيني مآ يجيني بس .. عشآنـك
بذمتي مآ أقول له : يآ جرح كآفي ..

وقفت بسرعة لما شافته على الخيل جاي لها..
مسحت دموعها بشكل سريع وهفت على وجها بيدينها ..
تحاول تخفي معالم البكاء من عليها..
مشت بعكس إتجاهه بخطوات هادية..
وقفت غصب عنها لما وقف قدامها..
وصار يدور حوالينها..
مد يدهـ لها يناديها تركب معه على الحصان..
غازي\تعالي..
هديل بهدؤ\أبي امشي...أنت روح..
غازي\مدي يدك..مشتاق أتمشى معك..

شاف ترددها ولاحظ ملامحها الباكية..
نزل لها شالها وركبها على الحصان..
ضربت الحصان بسرعة قبل يركب معها..
ضحكت بمرح لما ابتعدت عنه وسمعته يهددها ترجع..
هديل\الضيق في القبوور..تذكر..
غازي يبتسم\إيه اذكر..وقفي لاتبعدين..
هديل\ما ابي صحبتك..

ضربت الحصان أكثر وأبتعدت عنه أمتار طويلة..
كملت طريقها ولا التفتت عليه..
تستاهل مرة ترتكتني بآخر المزرعة من نذالتك يـ النذل..
خلك لحالك الحين..
ياليت تجي عاصفة ويضربك المطر مثل ماضربني بيومها..
يالنذل يـ القاسي يا الجلموود..

وقفت الحصان ونزلت من عليه..
وهي متفاجئة بـ اللي تشوفه..
مشت مبهورة بـشكل المبنى اللي قدامها..
أبتسمت بألم ودموعها تهددها..
حطت يدها على فمها وجلست على ركبها بضعف..

تتذكر لما شال كروم العنب ومنعهم مايزرعونها في المزرعة..
ولما جرد الأرض وصارت غير صالحة لـ الزراعة..
كان يمنعها ما تبتعد عن القصر والإسطبلات..
ماكان يبيها تجي لهذا المكان وتشوف وش يسوي..

سمعت صوت يقترب منها..
ما التفتت لانها تدري مابيكون غيرهـ..
وقف عندها وهو مبتسم بحسرة..
غازي\وقفت بنايته بعد موتك..
كنت بأحرقه مثلك..بس ماطاوعني قلبي..
إحساس البني آدم..لما يذنب يحب يحتفظ بشيء يذكره بذنبه..
أنا احتفظت بأشياء كثير تخصك..
جديلتك..دفتر خواطرك..
صورك اللي اخذتها لك وأنتي ماتدرين..
وأبعدت عسولة عني ماحبيت اشوفها من دونك..
ما احد سألني وينك..؟؟
ولا احد عاتبني..ابوك وهادي عاتبوا نفسهم ولا عاتبوني..
بعد رجوعك اصحى من النوم وأفكر هي صدق حية..
أشك بنفسي وانتي قدامي واقول حلم أو وهم..

مسكت يدهـ ووقفت على ارجولها..
شدت عليها وعيونها في عيونه..
هديل بغصة\مامت..
أبتسم بندم ولم يدينه حوالينها..
ضمها له بقوووة..
بين لها بعض من كل..
وهي مثل مايعرفها..
قلبها يغلب عقلها..
دائماً حنونة..ماتحب الندم يتملك أحد كثر ماتملكها..
هذي ثاني مرة تطمنه..
الأولة لما قالت إن جروح ظهرها ماهي منه..
وهذي الثانية وهو واثق إنه غلط في حساباته..

غازي بحنية\تعالي شوفيه من داخل..
هديل تبتسم\لا مو اليوم..
باشوفه إن شاء الله لما تنهيه..
غازي بمحبة\أعجبك..؟؟!
هديل تغيضه\شوي مو كثير..
غازي\ههههههههههه لو ماقلتي كذا كنت باشك فيك..
هديل تبتسم\لا تجعل إنك تعرفني..
صابت معك هذي المرة..
غازي بوله\وكل مرة..
هديل\اممم ما ابي اشوف نفسي وكذا..
بس الأحرف الناقصة فوق.. V و E ..
صــح ..؟؟
غازي\ومن غيرك يحق له يشوف نفسه..
صـح يا جنوني..

أبتعدت عنه وقربت من البناية..
غازي\أدخلــي..
هديل\لابس أشوفها من برا..
غازي\باين عليك الفضوول ذابحك..
هديل\ليش بنيتها..؟؟
غازي\طلبت شركة البناء تنهيها بسرعة..
كنت راح اجيبك هنا واعترف لك إنك زوجتي..
أنهي المأساة اللي بديتها..
ضيعت الطريق لك..كيف ارضيك وكيف اعترف لك..؟؟
بس الله قدر لنا غير اللي خططت له..
هديل كيف عرفتي إنك زوجتـــي..؟؟!
جاوبيني..

تراجعت بخطواتها وعينها بعينه..
عضت شفايفها واشرت براسها علامة الرفض..
صدت عنه تبي ترجع القصر..
خلنا ننسى..
إذا شفتني ناسية متناسية..
جاملنــــــي..
إنســـى معي..وخلنا نكذب على بعـــض..
طلبتني في يوم نكون اصحـــاب..
خلنا اصحاب لحتى ينقطع اللي بينا وننتهي..
تحمـــلني كثر ماتحملتك زمان..
لا تسألنـــي..عن شيء يضايقك اكثر من ما يضايقني..

رفعت راسها وشافته على حصانه قدامها ومد يدهـ لها..
مدت يدها له ورفعها جلسها قدامه..
حست فيه يضمها أبتسمت غصب عنها ..
غازي\حصانك هرب وخلاك..
ولاني أحبــك باخذك معي..
هديل\الله يكثر خيــرك..

ناظرت المبنى مــرة أخيـــرة..
هناك كان بيعلن لها إنها زوجته..
بيعترف لها..بس مثل ماقال..
الله قدر وحكم بغير اللي خطط له..
حمــامتي..
مبنى زجاجي بشكل حمامة لامة أجنحتها..
تذكر همسه لها بيوم من الأيام..
ناداها الحمامة الكسيـــرة..
وللأسف لازالت كسيـــرة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فديت شمآغكـ الاحمر ..
و عطر العود حين اقبلت ..

طالب بمحبة\مساء الحب يا ام الوليد..
شوق\هلا..
طالب\ماشاء الله الوجه منوور اليوم..
والحالة تمام..
شوق تبتسم\الحمدلله..صرت احسن..
طالب\إيه كذا إبتسمي..
تكشيرتك تخوف..
شوق تذكرهـ\يقولون الولادة صعبة..
طالب\هههههههههه على ذمة القايل..
بما إن النفسية مرتاحة..
جبت لك هدية ماهي قدرك عندي..
شوق تبتسم\هههههههه تو الناس..
طالب عقد حواجبه\لازم تنقدين يعني..
وش اسوي أنتي مكشرة وامك ملازمة عندك..
وانا ابي جو رومنسي..
شوق\طيب يالرومنسي ماتقصر..
يكفيني وجودك..
طالب\الله لايحرمني منك يا ام تيتشر..
تفضلي يالغالية..

أخذت الهدية منه وهي مبتسمة..
فتحت الهدية ..
كانت طقم ذهب راقي..
فتحت البطاقة وتفاجئت بالصورة اللي طاحت..
شالتها وضحكت لما أدركت وش تكون..
طالب\وش رايك فيني قول وفعل..؟؟
شوق نزلت راسها بإحراج\مالك حل أبداً..
طالب\ههههههه..
قلت لك أنتي في حضني وعقبال ولدنا..
وهذا هو جاء الوليد..
شوق\الله يحفظه ويحفظ ابووهـ..
طالب\ويحفظك يا بطة..
شوق\لاتقول بطة..
طالب\واحلى بطة بين بطات العالم كلهم..

رد على جواله قبل تكلمه..
وكان غازي..
سولف معه شوي وعلق على شوق وطريقة ولادتها الجديدة..
طالب\ألحين بتبكي أختك..
خذ سنعها وقل لها تخلي عنها الدموع والهبال..
قال إكتئاب قال مدري وشهو..
شوق\اللهم عافهم مما إبتليتنا..
أخذت الجوال منه وردت على غازي..
شوق\هلا ابو ذياب......الحمدلله طيبة.....لا والله بخير لا تشيل هم.......
هههههههه تعرف طالب يحب يهايط............إيه وصلت هديتك فديتك..........
تعيش وتهدي..........الحمدلله المهم طيبين..؟؟
ألـــو غازي.............ألووو تسمعنـــي............ويـــنك.....؟؟

قفلت الجوال واعطته لطالب..
طالب\وش فيك..؟؟
شوق\أعتقد انقطع الخط..مارد علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وعدت
بإلغاء عينيك من دفتر الذكريات
ولم اكن أعلم أني سألغي حياتي
ولم اكن أعلم أنك
رغم الخلاف الصغير أنا..
وأني أنت
وعدتك أن لا أحبك
با للحمــــــــاقة
ماذا بنفسي فعلت؟؟!
لقد كنت أكذب من شدة الصدق
والحمد لله أني كذبت ...

نزار القبـــاني ...


سحبت الجوال من يدهـ وقفلت الخط..
وقف مصدوم من حركتها ومن نظراتها..
عقد حواجبه غير راضي بتصرفها أبداً..
هديل ببرود\الحمدلله هي بخير..
ولدها بخيــر..وصلتها الهدايا..
والاهم من هذا كله أمها معاها..
لا الاهم زوجــها معها..
يعطيها دم إذا احتاجت دم..
ويكون متاكد إن الدم بعروقها دم مسلم مو كافر..
يأذن باذون ولــدهـ..ينسبه له ويفرح فيه..
تصحى وهي متاكدة إن هلها حوالينها..
ماهي يتيمة ولا مقطوعة من شجرة..

ندمت لأنها تكلمت..
لانها سمحت لنفسها تعاتبه وتبين له ضعفها بايام ولادتها..
الغصة خنقتها ولا قدرت تكمل كلامها..
نزلت جواله على الكنبة وصدت طالعة من عندهـ..
وقفت لما سمعت صوته..
غازي\إقبال عزالدين عمره 29 سنة..
رجل مغربي مسلم متغرب في إيطاليا..
هو اللي تبرع لك بالدم..
الغيبوبة اللي دخلتي فيها..
كانت بسبب الكسر اللي صار معك براسك..
بعد ماضربك الحصان وفقدتي النظر..
ولدتي طبيعي ومن شد الأعصاب دخلتي بغيبوبة...
طبيبتك قالت لو ولدتي بعملية ماكانت الغيبوبة واردة عندهم..
حيرتهم غيبوبتك وبعد الفحوصات عرفوا السبب..

ياكـــــــثر ما أهمــــك..
ويــاكثر ما اجرحك وتجرحنـــي..
يـــارب آآلف بينا وريحنا..
تعبني وتعبته ..
أصلـــح حالنا ياربي يا حبيبي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


أسالك بالله جاوب
سؤالـــــــــــي .؟
وأسألك بالله اصدق
بالجـــــواب
في غيابي مر في بالك
خيـــالي؟
ولا ما يفرق حضوري
والغياب؟ ..

مدت يدها تصافحه..
وقرات عدم الرضا على معالم وجهه..
قربت منه وقبلته على خــدهـ..
ضحك وضمها له بقوووة..
ياسمين\الحمدلله على السلامة..
سلمان\الله يسلمك ياقلبي..
طمنيني كيفك وهديل كيفها..؟؟
ياسمين\الحمدلله إحنا بخير..
ولاتنسى إسمها نرجس..
سلمان\أول ماناديتها هديل..
ألحين صعب اغيرهـ..
ياسمين\هذي رغبت هديل..
سلمان\بعدها زعلانة..؟؟
ياسمين\المسالة مو زعلانة..
هي ماتبي احد يسمي باسمها..
حتى اخوها طلبت منه يغير اسم بنته بس هو مارضى..
سلمان\الله يصلح حالها..
ياسمين\وش سويت في اللي قلت لك..؟؟
سلمان\اممممم صعبة علي يا قلبي..
شهرين كثييير..
ياسمين\سلمان شووف كم سنة مرت..
مشتاقة لأخوي خلينا نروح الله يخليك..
سلمان\ما اقدر هذي الفترة على آخر السنة ممكن نسافر هناك..
ياسمين بزعل\هذا نفس كلامك قبل آخر مرة..
سلمان\جاء الموعد وانتي حامل بآخر شهورك..
وتوك مخلصة نفستك..

تضايقت منه وخرجت من الغرفة..
جلست في الصالة زعلانة وتمنع دموعها..
قرب منها ولم يدهـ على كتفها..
شالت يدهـ عنها بجفاء..
سلمان\مين مزعلك..؟؟
ياسمين بقهر\أنت..
سلمان بمحبة\وش مسوي فيك أنت..
مايستحي كل يومين مزعلك..
ياسمين\مثل ماتحب يا أنت..
إنت مع أهلك مرتاح ومبسوط..
بس أنا حارمني من اهلي..
سلمان\أفا يعني هلي مو هلك..؟؟
ياسمين\لا تحرف كلامي..
أنا محتاجة اشوف أخوي..
سلمان إفهمني..
سلمان بحنية\أووف أنتي ما احد يخبي لك مفاجئة ابد..
إن شاء الله تكون نرجس قادرة ع السفر ونروح لاخوك..
مرتاحة الحين..
ياسمين\يعني مابننتظر سنة..بس شهوور؟؟
سلمان\بس شهور..وش رايك في أنت؟؟
ياسمين\حبيبي انت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

تدروون كيــف إنســان يجني على إنسان ..؟؟
يسقيــــه من نبــع الغــلا ليــن يرويه ..
وإذا عرف إنه وصـــــل بـ مرحلة إدمـــان ..
يصـــــد عنه ويهجـــرهـ ما ســـأل فيـــه..

جلست جنب مرام وهي تعدل فستـــانها..
وتحاول تكبت غضبها تحت إحساس الخجل اللي سيطر عليها..
تضايقت ليش ماجاء ياخذها بنفسه من صالة الأفراح..
كل امورهم ومشاويرهم مسفر هو اللي يقضيها..
المهم هو اللي جابه..والحفل هو اللي قايم فيه..
كل شـــي يتدخل فيه..
بينما الشايب ماله ظهور ولا وجود..
مختـــفي عنهم..ولا فكر يسأل..
بدت تندم بصمت على تسرعها وموافقتها لـ الزواج منه..
كانت تظن إنه بيهتم فيها من بعد ماتصير زوجته..
يزورها او يكلمها..
ماتبي رومنسية ولا هدايا ومهر..
تبي حنان ابوها اللي فقدته مفجووعة..

ماكانت تسمع تصويات مرام لها..
ولا رفعت راسها تشوف مسفر اللي ماخذهم الفندق..
حست بالعبرة تخنقها..
تبي أمـــها معها..وحتى لو شايب..
هذي اول مرة تكون مع رجل غريب عنها..
حتى عمامها وأهلها ما تطيقهم ولا كانت تقابلهم..
هدت نفسها وهي تردد..
شايب مسكين تعبان عشان كذا ما اخذها من القاعة..
وارسل شوفيرهـ مسفر الصغير لها..
إيه هو لازم يخدمنا انا جدته وهذاك جدهـ..
فكرت إن الشايب نايم من الساعة 7 وناسي إن الليلة عرسه..
أنبست على تفكييرها براحة..

وصلوا الفندق ونزلت مرام وساعدت خلود تنزل من السيارة..
نزلت وطارت عيونها بمسفر اللي واقف قريب منها..
ويدها في يدهـ..
سحبت يدها منه بسرعة وعيونها تتوعد فيه..
لاحظت نظرات سخرية على وجهه وإبتسامة غريبة..
طنشته ودخلت الفندق مع مرام..
أستئذنت منها مرام إنها بترجع مع تركي اللي كان وراهم في سيارته..
تمسكت فيها خلود وطلبتها تظل معها..
مرام بندم\آسفة ياقلبي سامحيني..
بس مسفر بيوصلك لجناحك..
خلود بغيض\ولا يخطي معي خطوة..وصليني لجدك وبعدها روحي..
مرام\لا ما اقدر مابيسمحون لي أطلع معك..
مسفر يوصلك له لا تخافين..
خلود\أبد ولا يوصلني ولا شيء..
خذيه معك هذا الطايش ماشفتي لما كان بيسوي فينا حادث..
مرام بصدمة\خلوود لاتظلمينه وتتبلين عليه..
خلود\الشايب وينه..؟؟المفروض يستقبلني هنا..
ولا كل هذا نوم يقطع ابليس..
مسفر\يالله ياجدتي..الشايب عطاني مفتاح جناحكم..
أوصلك ويصير خير..

دخلت الأصنصير مقررة ماترد عليه..
عادي يوصلني لجناحي..
مو هو حفيد زوجي يعني يخدم جدهـ وجدته..

مرام\لو خليت امها تعلمها من زمان مو احسن..؟؟
مسفر\تدري مني وتكون معي أحسن..
هذا تركي واقف عند الباب ينتظرك..
فمان الله..
مرام\فمان الله ..الله يوفق بينكم..

دخل وقفل الاصنصير..
أبتعدت عنه ولاحظ حركتها..
وصلوا لجناحهم وهي تزيد رجفتها وخوفها..
فتح الباب ببطاقته..
أشر لها تدخل..
دخلت وزاد نبض قلبها بشكل مخيف..
قفل الباب وهي ناظرت حوالينها بس ماكان لزوجها أثر..
تأكدت إنه نايم ولا يدري عنها..
تنهدت براحة مصاحبها ندم..

فسخت عبايتها ورفعت طرحتها عن وجها..
مشت بهدؤ وتجولت في الجناح..
لاتخافين أنتي عرفتيه طيب..
ويشبه ابووك..حتى سبحته تشبه سبحة ابووك..
إحترميه وإهتمي فيه..
وماراح يعطيك الا حنانه وطيبته..
قررت تدخل غرفة النوم وتشوف اغراضها اللي رتبتها لها مرام..
تبي تبدل الفستان اللي ماشافه زوجها..
ترددت تدخل غرفة النوم خافت يصحى ويشوفها..

لفت راجعة لـ الصالة وهي مقررة..
تنام فيها وبفستانها..تبي هذي الليلة تنتهي..
بندمها وافكارها الفارغة..
شهقت بقوووة واختفى اللون من وجها..
لما شافت مسفر واقف وساند ظهرهـ على باب الجناح..
ويراقبها واقفة قدامه..
هي ظنت إنه طلع من الجناح بعد مادخلت وقفل الباب..
بس مثل ماهو واضح لها..
إنه دخل بعدها وقفل الباب..

من شدة خوفها وصدمتها فقدت توازنها..
جلست على ركبها ولمت يدينها على كتوفها العريانة..
محاولة تستر نحرها صدرها وكتوفها..
هي مو متاكدة إن زوجها في الغرفة القريبة منها..
مو متأكدة إنه ممكن يحس فيها إذا صرخت ونادته..
ماتثق في مسفر الحفيد اللي واقف قدامها..
رجعت لها كل عقدها وكرهها لــ جنس الرجال..
هذا رجل ماخاف ربه ولاحشم عرض جدهـ..

حاولت تصرخ لما شافته يقرب منها..
حاولت توقف وتهرب منه..
بس حست بكل اعضائها تتشنج..
حست بطعم الدم في فمها..
لسانها قسى والمها بشكل قوي..
ركض لها لم يدينه حوالينها..
فسخ شماغه ودخل طرف منه في فمها..
ضمها بقوووة وفك يدينها عن بعض بالغصب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وعدتك
أن لا أبالي بشعرك حين يمر أمامي
وحين تدفق كـ الليل فوق الرصيف
صرخت..

وعدتك
أن أتجاهل عينيك, مهما دعاني الحنين
وحين رأيتهما تمطران نجوما
شهقت...

وعدتك
أن لا اوجه أي رسالة حب إليك
ولكنني رغم أنفي
كتبت...

وعدتك
أن لا أكون بأي مكان تكونين فيه
وحين عرفت بأنك مدعوة للعشاء
ذهبت..

وعدتك
أن لا أحبك
كيف؟
وأني؟
وفي أي يوم تراني وعدت؟
لقد كنت أكذب من شدة الصدق,
والحمد لله أني كذبت..

نزار قبــاني ...


فتحت الورقة تقرأ اللي فيها للمرة الرابعة..
وصلت لها ماريا بطاقة دعوة من غازي..
يطلب منها تعشى معه على بلكونة غرفته..
وختم رسالته بكلمة..إلا الأصفـــر ..

تدري إنها عقدته بـ اللون الأصفر..
ولما لبسته له من قبل كانت توصل له رسالة..
بــ ليلة رجوعها له..
وبـ الليلة اللي راحت لغرفته ونامت عندهـ..

حست إن نهاية هذي الليلة بتكون عندهـ..
خافت ودورت على حبوبها المنومة..
بس مالقتها..تضايقت وهي تدور عليها..
تمالكت نفسها وهي تردد..
مابيجبرني على شيء..
بيحترمني ويحترم رفضي له..
ماهو ضروري أخذ حبوبي معي..
ماراح يجبرني..


ناظرت فستانها الموف..
من مجموعة صوفي اللي خصصتها لها..
قصير ماسك على صدرها بسيور دقيقة..
لبست عقدها الهدية منه..
المكتوب عليه أطهر ذنوبي..
ناظرت الخاتم اللي لبسها إياهـ..
مافسخته الا بيوم عملية ذياب..
ولما صحت كان بإصبعها وهي واثقة هو اللي لبسها إياهـ..

العشاء على بلكونة غرفته مثل ماهو مكتوب في البطاقة..
فتحت باب بلكونتها بهداوة..
وقفت وناظرت بإتجاهـ غرفته..
كان واقف ينتظرها..

قرات المعوذات لما حست بالخوف يتملكها..
وهي تردد كلمة ماراح يجبرني..
قرب منها ومسك يدها وهو يقيمها بنظرات الإعجاب..
قبلها على جبينها وهي ابتعدت عنه بسرعة..

وقفت على حاجز البلكونة..
ظهرها له ويدينها تشد على الحاجز بقوووة..
وقف قريب منها لفها عليه ..
رفع راسها له بس هي غمضت عيونها بسرعة..
لاحظ إرتجافها وعرف إنها خايفة منه..
مرر أصابعه على عقدها..
وهو يبتسم بمحبة..
غازي\أبي اشوف عيونك..ناظريني..
هديل بخوف\أنت اخذت حبوبي..
غازي بهمس\إيه رميتها..
فتحي عيونك..
هديل بندم\ما ابي..
غازي\عشـــاني..

كلمته صدمتها منه..
عشاني..؟؟
تمنت لوتقول مالك شان عندي..
بس عاهدت نفسها تترك التجريح..
لاتجرحه ولا يجرحها..
هذا قرارها وقراهـ..
كانت بتفتح عيونها..
بس سالفة اخو لـ ذياب خوفتها..
فشدت على عيونها اكثـــر ..

تنهد لما لاحظ شدها اقوى على عيونها..
بعد ثواني حست فيه يقبل العقد اللي لابسته..
وبكذا اجبرها تفتح عيونها وتناظرهـ ...




إلى الملتقــــــــــى بإذن الله تعـــــالى فجر الثلاثاء..
إذا قدرت قبل الموعد المحدد فمن عيــوني ما اقصر معكم..


كونوا بخيــــــــــــــــــــر ..



صدووود’’’