صباحك معطر بذكر الرحمن
يعطيك العافيه همس

العنود
ارتحتي الحين يوم خربتي حياتك وحياة غيرك
تعتقدين ان صلاح بيتزوجك عندي إحساس انه يبي ينتقم من مشاري وبس
ويخرب عليك حياتك
لكن اذا قرر يتزوجك صورة مشاري راح تكون دايما في وجهه وما راح يعيش سعيد ابد
وبكذا تكونين جنيتي على نفسك

مشاري
من قبل قلنا انك طيب ولايمكن تأخذ وحده صديقك يبيها عمك كان يبي الخير لبنته
بس هي ابد موب وجه خير
كنت عارف ان صلاح يحبها عمرك ما شكيت انها تحبه خاصه ان تعاملها معك جاف
والا طيبة قلبك عمت عيونك عن كل شئ

مشاعل وغلاب
ابد ما حبيت غلاب هذا
بس مشاعل استسلمت لواقعها وراح تتعايش مع حياتها الجديده

سلطان
خسرت حبك بسبب طيشك وكلام ماله معنى
يمكن دانه تقدر تعوضك بس انت بتنسى وتقدر تعيش معها

فارس
عله وربي الحين استفزت ولد عمك حتى قال اللي قاله عن خواتك
ليش زعلت ياترى شعاع كانت على علاقه وانت اكتشفتها وهذا اللي مخليك
ما تبي تصالحها مع ان أخلاقها ما تقول انها راعية حركات

شجون
ياحياة الشقى مين اللي جاي في تالي الليل اذا قلنا انه أبوها ليش طيب يضرب الباب
وين مفتاحه والا المخدرات ضيعت عقله ولا عاد يعرف وينه
واذا قلنا اختها يمكن مسويه مصيبه واحد جايبها

همس في انتظار المزيد من الاحداث

السلام عليكم ورحمه الله وبركاته

امي روحي تسلم يدينك ياعسل على هالرائع والله يكثر م امثالها
وان شاء تكون مثل خواتها واحسن

العنود ومشااري وسحر

حسبي الله عليك ياعنود والله انك حقيره ونذله وخاينه والحمد لله الي ربي نجا مشاري منك وتراه هو الربحااااان
والا انتي خسرانه خسارة ماتعوض وخلي شينه الحلايا واخوها ينفعونك وان شاء الله تذوقين الذل والمراره من
يدينهم وهالبندر الي طايرة به راح يسود عيشتك وخاصه انها بيذلك على خيانتك لزوجك ويمكن يجلس يشك فيك
وترى مشاري ماكان يبغيك ابوك الخبل الي ذبك علييه وورطه والا هو مافكر فيك اساسا

مشاري لاتزعل ولا يضيق صدرك وربي بيعوضك الي احسن منها وابرك وياريت تاخذ سحوره يتيمه
وطيبه وهي الي تستاهلك وتستاهلها وتنقذها من شر زوج امها وولده وان شاء ربي يرزقك ربي منها الصبيان والبنات
وام سحر احسها انانيه تفضل مصلحتها هي وعيالها على بنت اليتيمه الي ماخافت الله فيها ويطلقك احسن لك
لانه لو باقي عليك ماخيرك بينه وبين زواج بنتك من ولده

سلطان ومشاعل
الصراحه الغلط مدري غلط مين بس سلطان ماينلام مارضى على اخته وهو يشوفها تنهان من فارس ويسكت
وبنفس الوقت ماله حق يتعرض لشرف بنات عمه مهنما كان ذيلاا شوفاتك
وتخليك بهالطريق المهينه عن مشاعل كلفتك كثيرررر واتوقع انه دانه ماراح تقدر تنسيك حب مشاعل

مشاعل اخذتي الامو على ظاهرها وياخوفي من زوج الغفله الي فضلتيه لا يوريك نجوم القليه
خاصه انه من البداايه وهو خبيث واصطاد بالماي العكر

فارس
ماااااااحبيته احسه مغرور ومتسرع والي يبيه لازم يصير مهما كااااان جالس يتحكم بمصير خواته على كيفه
بالرغم من انه غلطانن الا انه يكابر اهم شيء يرضي غروره لدرجه انه هدم سعاده اخته وولد عمه ولا همه
وشعاع مخليه ميته بالحياه وهوعايش يومه جعل تجيك الي تطير النوم من عينك وشكل فرح هي الي بتطيره
لانكم اثنينكم تستاهلون بعض

شجون
الله يعينك ياارب عايشه بين اخت فاجره وابو سكير همه نفسه وملذاته وذيابه الشواره فاتحه فمها عليك تبي
تنهشك وانا اتوقع ان الي جاك هو غريب

هموووسه جعل يمينك ماتمسها الناااااار

مسائكم معطر بذكر الرحمن
اشكر مشرفتنا بياض على اهتمامها وحرصها على روايتي وياقلبي تراني غلطت بالعد وماقدر اغير لاني مخزنتها باللورد على هذا الترقيم اشكرك على دقتك وحرصك وردودك الرائعة
حبياتي العسولات وردتي وامولتي وعبق الرياحين
والله اني ممتنه لكم لو اشكركم ماوفيكم حقكم
تابعتوني بكل المنتدين ان دل على شي يدل على حرصكم على تشجعي
والله يقدرني اكون عند حسن ظنكم
وان روايتي تعجبكم
ردوكم فاقة روايتي وماصارت روايتي حلوة بعد توفيق الله الا من تشجعيكم لي
دام نبض قلوبكم وحبر اقلامكم
تقبلو خالص شكري وتقديري
دمتم لي بود
محبتكم دوما وابدا همووسه

[COLOR="Blue"]
[COLOR="Blue"] الـــــ ج ـــــزا الـــســـــــادس2
في بيت ابو شجون
شجون: تعبانه من الشغل دخلت غرفتها هي واختها استغربت ان فرح تأخرت ماجت وهي قايله انها راح ترجع الليله بدري قالت اكيد هونت وعجبتها السهره وراح تجلس اكثر تحممت ولبست قميصها القديم الي تغلسه وتلبسه وتششق من كثر الغسل ونامت ماحست بالي حولها من زود التعب بس نصف الليل قامت على طرق الباب بــــــــــقــــــــوة فزت من فراشها مفزوعه وخايف تأكدت من تسكير باب غرفتها بس الباب يدق اكثر خافت مرة ياربي منو الي يطق الباب ياربي ارحمني وينك يافرح ليه مارجعتي ليه خليتني لوحدي
ابو شجون كان نايم بعد سكره: قام من قوة صوت طرق الباب بعصبيه خير خير من عند الباب وفتح الباب بعصبيه شديده بس هدات عصبيته يوم شاف الي عند الباب
شجون: ارتاحت شوي انه فيه ابوها وانه مايعرف منو الي يطق الباب يعني ماجاب لها رجال من برا بس راحتها ماكملت لانها سمعت صوت الي عند الباب وهو يكلم ابوها
الرجال: انت سعد حمود
سعد: ايه انا انت منو ؟؟؟؟؟؟؟
الرجال: معك المباحث الجنائيه
سعد: تغير وجهه خير ايش تبون مني؟؟؟
العسكري: بنتك فرح متهمه بقضية قتل
سعد: ق ت ل انت وش تقول
العسكري: بسرعه قدامنا لاتضيع علينا الوقت وركبوه بملابس البيت معاهم بالسياره
شجون: حطت يدها على راسها وتحس الدنيا تدور فيها جلست على االأرض مو مصدقه الي تسمعه قتل اختي فرح تقتل لاااااااااااا مو معقوله ليه يافرح ليه تسوين كذا ليه اكيد كانت بسكرها وماحست بنفسها قامت تدور بغرفتها وتصفق بيدينها ياربي مو معقوله الي يصير
**************************
في مركز الشرطة
شجون: انتظرت حتى الفجر اذن وبسرعه دقت على ام طارق اليمينيه توصلها لمركز الشرطة بفلوس وجالسه في السيارة الف فكرة وفكره تدور براسها آهـ يافرح ايش وصلتينا له من مصيبه لمصيبه اكبر دخلت بسرعه لمركز الشرطه تجري بالممرات ماتعرف وين تروح لقت ابوها جالس على أحد الكراسي جلست جنبه ايش صار يبه
سعد: الله ياخذها من بنت من قالها تسكر وتوهقنا هالتوهيقه كيف نطلع منها الحين قام يدور بالممرر ويفرك ايدينه ياليت ربي شالها وريحني منها فضحتنا الله يفضحها
شجون: تناظر ابوها بألم تقول بقلبها مو انت الي ربيتها على السكر والضياع هذي هي النتيجه
سعد: لا الغبيه ماقتلت مالقت تقتل الا ابو رامي الي انتشلها من فقرها وعطاها ورباها احسن تربيه مالقت غيره الي كان منعم علينا بكل شي وماقصر علينا باي حاجه
شجون: بعصبيه الله هو المنعم سبحانه هو ماعطانا الي بعد ماشرا شرف بنتك منك وصار يتاجر بشرفك وشرفها على حثالة الأرض
سعد: بعصبيه انتي جب ولاكلمه يوم قرب يضربها قربت لهم الحارسه تعالي معي تشوفين اختك
شجون: حمدت ربها ان دخلت الحارسه بالوقت المناسب مرت بممرات السجن وهي تتحسر على حالهم الي وصلته اختها لهم اول شي بيوت دعارة والحين سجون وقضايا فتحت الباب ودخلتها وطلعت وخلتهم لحالهم شجون ناظرت بأختها باحتقار بس شافت وحده ماكأنها فرح كان شعرها مو مرتب ومكياجها سايل على وجهها ومحيوس وعلامات ارهاق التحقيقات والسهر من امس حتى الحين واضحه على وجهها
فرح: مارفعت رأسها لأختها وكانت تناظر الأرض
شجون: باحتقار وتريقه كفو يابنت أمي من داعرة الى قاتله ايش هالوظايف الحلوة والمرموق هالي صرت تترقي فيها آهـ يعني ماعجبتك وظيفة الدعارة رحت تجربي وظيفه غيرها برافو عليك من جد اهنيك
فرح: وهي منزلة راسها للارض ساكته بدون أي تعليق
شجون : بعصبيه يعني مارراح ترتاحي حتى توطي بروسنا للأرض حتى تخلي سيرتنا على كل لسان دمرتينا الله حسبيك ايش استفدتي من سكرك هاه ايش استفدتي من دشارتك وضياعك الحين قولي لي منو يفيدك ويحميك من حد السيف ابوك والا ابو رامي ضيعوك وتخلو عنك آسفه قصدي أنتي تخليتي عن ابو رامي الي حضنك ودلعك ووو اخرتها قتلتيه
فرح: بحقد لو يعيش لأقتله واقتله الف مرة ترفع يدها قتلته بيدي هذي وارتحت منه وريحت البنات منه
شجون: بعصبية و قربت منها لا بعد مبسوط انك قتلتيه ايش انتي مخلوقه من ايش ردي علي هزت براسها بحسرة خسارة أمي تكون ام لك او تتسمين بنت لفوزيه عبدالرحمن الي كانت من خيرة الحريم وينها تشوف بنتها الداعره وينها تشوف بنتها القاتله تدشر وتسكر وتقتل بدون رحمة ولاتتحسر ولاتتندم بالعكس تفتخر كل منكر تسوينه ماتندمي عليه خلاص قلبك صار حجر مايحس ولايخاف من الرب الي فوقه انتي ابد ماعندك تأنيب ضمير ماتحسي ماتندمي من وين مخلوقة انتي من وين ليتنك ماصرتي أختي ولاعرفتك بيوم عارك راح يلازمني طول عمري راح ادفع ثمن فضايحك بدون ذنب جنيته حسبي الله عليك حسبي الله عليك
فرح: ماراح اندم بعد اليوم ليتني من زمان قتلته وريحت ضميري وريحت الناس منه ومن اجناسه انا قتلت قاتل قتل برائة كم طفلة كان لازم اقتله ايه لازم اقتله ومن زمان بعد
شجون: كانت صاده عن اختها يوم سكعت كلامها لفت بهدوء شافت اختها تجمعت دموعها بعيونها سكتت واستغربت من ردها يعني يوم تقتلينه ماكتي سكرانه
فرح: وهي مازالت عيونها على الأرض ابد ماكنت سكرانه كنت بكامل قواي العقليه
شجون: بعصبيه اجل ليه قتلتيه ليه وطيتي روسنا اكثر من ماهي واطيه يافرح
فرح: تعرفي ليه قتلته ؟؟؟
شجون: باستغراب ايوه ليه؟؟؟
فرح : بحزن وألم قتلته قبل مايقتل برائة طفله مالها ذنب غير ذنب ابوها انه مدمن مخدرات شفتها يسحبها ابوها لابو رامي للانسان الي مافيه ذرة رحمة البنت عمرها تسع سنوات نفس عمري يوم يجيبني ابوي له البنت كانت تصرررخ وتترجى ابوها مايتركها مع ابو رامي
فرح : انتهت السهره وراحت تلبس عباتها علشان ترجع للبيت بس دخل ابو يسحب بنته صغيره عمرها تسع سنوات
الطفلة: بابا مابي ادخل بابا ارجوك لاتتركني
ابوها: يسحبها بقوة بدون أي رحمة حبيتي تعالي لاتخافي ابصير جنبك وهذاك الرجال يبي يعطيك الي تبغين من العاب وفلوس تشترين فيها الي تبغين
ابو رامي: كان جالس على كرسي ومعاه كاسة الخمر وابتسم بخبث يوم شاف الطلفة تعالي حبيتي جنبي
الطفلة: بابا مابي
ابوها: شدها بقوووة
فرح: عيونها على الطفلة ماصارت تشوف غيرها رفعت عيونها لابو رامي وشافت الخبث والكيد فيهم
الطلفة: وصلها ابوها لابو رامي
ابو رامي: رمى كبس الهروين على ابوها وحضن الطلفة ويسحبها للغرفة
الطلفة: وهي تشوف ابوها يتركها ويبعد عنها بابا تعال بابا لاتتركني ارجوك ماما تبيني رجعني لها ارجووووك
ابوها: جلس بزاويه وفتح الكيس وصار يشم فيها مثل الكلب المسعور ماهتم ببكاء بنته ولاترجيها له ماتت عنده الرحمة وماتت الابوة والغيرة على بنته
فرح: تناظر الاب بحقد وكراهيه راحت لابو رامي اطلب مني الي تبي بس اترك البنت بحاله انا بسدد قيمة سم هالرجال الحقير واعطيك زيادة عليه بس اتركها
ابو رامي : باستحقار طسي عني ولا لك خص بشي انتي حدك تشتغلي عندي زي الجزمة البسك من زبون لزبون بعدين ارميك
فرح: ماهتمت بتجريحه اهم ماعندها هالبنت الي ترتعش خوف من ابو رامي قربت من الطلفة وضمتهاارجوك اتركها هذي طفلة والله لاعطيك الي تبي بس اتركها
اب
ابو رامي: عصب قوة على فرح وهي حاضنة الطلفة بقوة والطلفة حست بلأمان معاها وحضنتها بقوة قرب من فرح وشد شعرها من قدام حتى رفعت راسها له الظاهر نسيتي نفسك قلت لك ياحيوانه ابعدي عن وجهي وخلي الغزال معاي لاتخربين جوي دفه فرح بقوة على الأرض وسحب البنت منها والبنت ارجوك لاتخليني بابا ماما لاتخلوني وصارت تصرخ بقوة وكل شوي يزيد صراخها وبكاها
فرح: حاولت تسكر اذانها بس كانها تسمع نفس صوتها بنفس عمر هالبنت تخيلت ترجيها لابوها تخيلت كيف تمنيت امها تحميها من ابوها وابو رامي تخيلت موقفها يوم رجعت للبيت وهي محطمه منكسره طفلة ماتعرف من الحياة غير اللعب بس خلوها تعرف الهم والكدر والتعاسه حرموها من الطفوله والانوثه تخيلت كيف يوم رجعت لببت وهي تعبانه وكانت ترتجف تحت بطانيتها وتتدكر الي صار لها وتبكي بقوة تذكرت انها غابت اسبوع عن المدرسه وكانت بفراشها مريضه يدخل ابوها يعطيها مسكن ويخليها ماقدر حتى يوديها للمستشفى خاف ينفضح
تذكرت يوم رجعت للمدرسه كانت تحسد البنات الي ماحد مسهم بسوء تمنت ا نتجي معلمة او مرشدة تسالها ليه غابت اسبوع ليه تغير نستواها فجاه بس للاسف ماحد حس فيها تخيلت كيف حرموها الضحك من قلب والفرح بعد ماسلبو شرفها بعز طفولتها بعد الي جاها ماضحكت ولافرحت من قلب تتصنع الفرح وضحك اغراء تذكرت ابوها كل ماتخلص فلوسه يسحبها لابو رامي كانت تبكي وتترجاه مابي اروح يبه لهم تكفى مابي ارجوووك بس ابوها بدون رحمة
مع ذكرياتها الأليمه وصراخ البنت الي ادمت جراحها الي حاولت تخفيه سنين تحركت بعصبيه للمطبخ واخذت سكين وركضت لابو رامي الي كان بدون قلب حاضن البنت ولاهمه صراخها كانت يتلذذ ويتمتع بدون أي رحمة او شفقة ماحس بدخول فرح عليهم بسرعه فرح طعنته كم طعنه بظهره حتى طاح قدامها والبنت هربت ماتعرف فرح وين هربت ماحست الا برجال يمسكونها ويجيبونها هنا
شجون: مبهورة من الحقايق الي تنكشف قدامها اول مرة فرح تعلمها عن ماضيها اول مرة فرح تفتح قلبها لها عجزت تتكلم او حتى ترد عليها
فرح: بحزن رفعت عيونها لشجون عرفتي ليه قتلته المفروض تجين هنا ياختي تهنيني لاني قتلته وريحت البنات من انجس مخلوق شفته بحياتي وتعاتبيني لاني ماقتلته من زمان وريحت وارتحت
شجون:بألم بس منوا جبرك تستمري معاه ليه ماتركتيه وارتحتي منه
فرح: بحزن تعرفي مين اجبرني استمر معاه
شجون: ايه مينا جبرك
فرح: تناظر أختها بحب انتي اجبرتيني
شجون/ انــــــــــــــــــــــا !!!!!!!!!!! ايش دخلني انا؟؟؟
فرح: انتي الي لاوين ذراعي فيك ابوي وابو رامي
عارف ابو رامي ان اغلى انسانه عندي واحافظ عليها انتي وكل مايشوفني اطفش منه او احاول انسحب يهددني فيك هو عارف اني انا خلاص انتهيت وماعندي شي احافظ عليه يلوي ذراعي فيك وانا جنوني احد يمسك بأذى ناظرتها بحب وحنان ممزوج بحزن ودعومها تسيل على خدها بهدوء ماتتخيلي ياشجون كنت فخورة فيك كل ماشوفك متمسكه بدينك ومحافظه على شرفك يزيد تضحيتي لك اقول يمكن امي ترتاح بقبرها لو بقى لها بنت شريفه قالت بألم وحسرة خسرت وحدة وبقى لها وحده مسحت دموعها مازالت وصيتها بأذني وهي تقولي لو جاني شي يافرح وصيتك اختك صح كنت صغيره يومها بس مانسيت ولاكلمة من كلمتها حتى ريحتها مازلت اتذكرها حناها نظراتها خوفها علي ووفرحتها بالي ببطنها
لفت تناظر شجون بحب وحزن والله اني احبك وكنت أتالم وانا أشوف نظرة الكره والاستحقار بعيونك نزلت راسها للأرض وماكنت الومك لاني اعرف اني أي شريف او شريفه راح ينظر لي نفس نظرتك تمنيت تحبيني زي ماحبك تمنيت تحضنني وتسمعين لهمي وغمي كنت استغل نومتك اقرب من عندك وانتي تعبانه من شغل شريف أتأمل وجهك وهو هادي بدون نظرات الكره الي تناظريني فيها تمنيت نكون زي اختين بالعالم نشتكي ونساعد بعض بس للأسف سعد الي يسمونه ابوي سكنا ببيت عنبكوت كله خيوط حزن وألم ربطنا بخيوطه وفرقنا عن بعض ينتقم منا بذنب ماسويناه
شجون: ركضت لها وحضنتها
فرح: فرحت يوم اختها حضنتها كانت عطشانة لحنان شخص قريب بكت بقوة بكت كل حزنها الي كتمته سنين كل ألمها كانت تبكي بقوووة كم تمنيت أحضنك وابكي على صدرك كل ماأجي من سهرات ابو رامي كل ماجي وانا لعبة يتسلون فيها الرجال ويرمونها بعد مايخلصون منها جربوني رجال بجنسيات مختلفه كنت ارجع واكره نفسي اتحمم وافرك جسمي اطلع للحمام ارجع كل الي ببطني كنت اشيل هم اتمنى افضفض اتمنى ارتمي بحضنك اشتكي همي وغمي بس ماحبيت اكدرك واحزنك اكثر قررت اشيل همي لوحدي
شجون: صعب تبكي وصعب تطلع دموعها قساوة الحياة خلتها كذا بس هالمره تلاشت كل قوتها وضمت اختها وبكت بحضنها
الحارسه: يالله وقت الزياة انتهى
شجون وفرح كانو ضامين بعض ومايسمعون شي غير شهقاتهم
الحارسه: بعدت بينهم
فرح: مسكت يد أختها وحضنت وجه شجون بيدها انتبهي لنفسك وسكري باب غرفتك عليك زين ارجوك ياختي امنتك عرضك وشرفك ضحيت بكل شي وتحملت الذلة والاهانة علشان تبقين شريفه وعفيفه طلبتك لاتفرطين بشرفك ابد
شجون: بحول الله ابحافظ عليهم لو على جثتي
فرح: وهي تمسح دموعها وتبتسم فخورة بأختها رغم حزنها الي يقطع قلبها كفو يابنت أمي
الحارسه: يالله بسرعه الزيارة انتهت
شجون : طلعت من زنزانة اختها محطمة كئيبه حزينه كانت تمشي بدون هدف كلام اختها يتكرر بإذنها ندمت انها مانصحتها بلين وعطف ندمت انها ماقتدت بنبيها يوم ينصح عمه ابو طالب بلين ومايأس منه حتى مات
تنهدت بحسرة لو كنا مع بعض كان فكرنا بطريقه نهرب فيها من جحيم ابوي بس تخليت عنها لذئاب بشريه ماترحم احد آآآآآآهـ يافرح انتي الي تحملتي كل شي لحالك
**************************
في الثمامه
احمد: تذكر فرح
فارس: وهو يقلب النار ايه الله لايعيدها ايش بلاها
احمد: يقولون قتلت ابو رامي
فارس: رفع راسه من جدك
احمد: ايه سبحان الله هذيك ملكة الجمال الناعمه تقتل
فارس: تلاقاها سكرانه وماحست بنفسها وقتلته
احمد: ايه يمكن ههههههههههههههههههههه
فارس: الله لايبارك فيها ولا بأهلها الي ماربوها
احمد: استغفر ربك يمكن اهلها ماقصرو بس هي دشرت وماقدرو عليها
فارس: لو بنتي ذبحتها ودفنتها خليها تولي بس ناس داشرة الله لايعيدهم
***************************
في سيارة فارس
فارس : مشغل أغاني وداخل جو معاها وصل للبيتهم بس قبل مايدخل للبيت تذكر ان معاه غرض لبيت أخته نوال راح لبيت أخته وشاف عبدالرحمن توه وصال للبيت
عبدالرحمن: شاف فارس بس ماعبره جاء يبي يدخل بدون أي كلمة
فارس: بتريقه لاسلام ولاكلام تراني مسلم والله مو يهودي
عبدالرحمن: لف طالعه من فوق لتحت ببرود قال السلام عليكم
فارس: حلوو عبرتنا بتسلميه وعليكم السلام
عبدالرحمن: ايه اخاف ربي مو زي غيري مايعبر أخته الي من لحمه ودمه ولا بسلام مدة اربع سنين
فارس: تزيد عصبيته اذا احد ذكره بشعاع بعصبيه وهو عاقد حاوجبه انا ابفهم الحين انت ايش دلخك جرحتك بشي اهنتك بشي أختي وانا حر فيها
عبدالرحمن: يطالعه باستحقار عارف انهم خواتك وتعذبهم زي ماتبغى
فارس: لاتتقط كلام ماله معنى ماعذبتهم ولاشي شعاع تستاهل ماجاها ومشاعل انقذتها من انسان مايستاهل ولايقدرها لإنسان كفو و شاريها
عبدالرحمن : تكتف ماشاءالله متى صار غلاب كفو ويستاهل مو دايم تستحقره وتعايره بإنه ولد الهنديه والحين كبر بعينك
فارس: ايه مانكر هو مافيه عيب الا إنه ولد هنديه بس شرى أختي مع إنه سمع ولد عمها الي هو خطيبها يقذفها لو غيره صدق وابعد عنا بس هو فزع وستر على أختي
عبدالرحمن: يطالعه باحتقار ويتكبم وهو راص على اسنانه غرورك وانانيتك راح يعمونك انك تشوف الي حولك على حقيتهم تخسر الطيب زي سلطان وشعاع وتكتسب الحقير زي غلاب والله اني اشوف الحقد والكره بعيونه
فارس: كلها اوهام يافليلسوف زمانك مسوي فيها انك فاهم كل شي وانت من جنبها اصلا غلاب ماصدق ان عايله زينا ترضى فيه ايش جاب عايلتنا لعيالتهم علشان كذا شارينا
عبدالرحمن: خلك بأوهامك وخلك برجك العالي راح يجي يوم تسقط منه وتنكسر وماتلقى أحد حولك عن ادنك ماعندي وقت اضيعه على مغرور وأناني زيك
فارس: يطالع عبدالرحمن وهو داخل لبيتهم بدون مايعبره اقال استغفرالله نفسيه هالولد مادري مين طالع عليه رمى الي الغرض بالحوش وطلع وهو معصب وراح لبيتهم
*************************
في بيت ابو مشاري
غلا: شفتو يابنات البنت الي كانت معانا هذيك المزيونة الي اسمها فرح ايش صار عليها
سحر: خلاص غلو الله يستر عليها
غلا: ايه والله الله يستر عليها بس مابان عليها انها كذا شكلها حيل رقيه وناعمه
مشاعل: يووه غلا قلنا خلاص حرام نتكلم ببنات الناس
غلا: ايه والله انكم صادقين الله يستر عليها بس انا وربي انصدمت يوم سمعت الخبر
سحر: خلاااااااااااااااااااااااااااص ماتفهمين انتي
غلا: بسم الله علي ايش بلاها هذي معصبه تراني مو أنا الي غصبتك على حمتو
سحر: يوووه بدت تخربط بالحكي
مها: غلو قلبي ماتشوفيهم متضايقات خلاص خليهم
غلا: ياختي من خطبتهم وكل وحدة ماده بوزها وحطاه حرتها علي لأني ضعيفة مسكينه ماخذ حقي
مها: من جنبها ضعيفه
غلا: شوفي أشكالهم هذي أشكال بنات مخطوبات ترا سحر لسه زواجك يعني راح تظلي سنيتن وانتي محزنة كذا والا ميشو مابقى غير شهر معذورة بس غويلب يجنن شكله حليو ينسيك حزنك
مشاعل: تنهدت بضيق ليه احزن شوفي مشاري ياقلبي هو زوجته صدمته وهو مسوي انه مبسوط ولا على باله
سحر: ايه صح كيفه الحين
مشاعل: ياقلبي هو يضحك ويسولف بس أكيد يحترق جواته
مها: بعذره مافيه وحدة زي جمال العنود تفسخ منه وماينصدم
سحر: أي جمال يرحم والديك بنظري مشاري احلى منها
غلا: أجل احس ان خالي مشاري ماهمه واضح بوجهه انه مبسوط ولا على باله شي
سحر: جد تتكلمي غلا
غلا: ايه جد ادور فيه أي لمحة حزن ماشوفها
مشاعل: بحزن ماعتقد بس احسه يكابر
غلا: انتي حزينه ومتنكده على فراق سليطين وتشوفي كل الناس زيك
مشاعل: الله يسعده خلاص مسحته من قلبي
غلا: ماعتقد
مها: غلا ايش فيك اليوم تخطبي بالكلام
غلا: سوري ان زعلتكم بس طبعي صريحه
سحر: يمدحون بلع اللسان احيانا
غلا: آسفه اخاف اغص فيه وماجنبي مويه
سحر: ياملغك
غلا: عارفه بس ارحم من النفسيات الي اشوفهم
مها: غلاااااا ايش فيك
غلا: ياختي فلوها بعدين ترا سحورة امون عليها
سحر: فديتك كل حلالك بس نقطينا بسكاتك اليوم
غلا: اجل ليه مجمتعين الا علشان نسولف صح مهاوي اخبار يسورك
مها: مافيه جديد مو صوبي ابد وانا بديت اطفش منه تصدقون بنات غير فيني اشياء كثيرة صرت ماحب اتعطر ولا اوسع نقابي تخيلو مرة ادور عليه فترة راحته علشان اسلمه ملف مريض لقيته يتسنن ماشاءالله عليه كلنا بفرتة الراحة نروح كوفي ونريح ونسول فالا هو سيدا يروح يصلي بغرفة قريبه من مكتبه يصوم اثنين وخميس عودني على اشياء ةعطاني دروس بأخلاقه افكر احول للمستوصف الحي او وحدة صحيه خاصه بالحريم بدون اختلاط لأنه مرة سوا محاضرة ونصح الي يشتغلون من النساء يحرصون قدر استطاعتهم مايختلطون بالرجال الاللضرورة يابخت الي راح تتزوجه اشتغلت معاه ماعمري شفته يسرق النظرة او يلين معاي بكلمة لا أنا ولاغيري
سحر: وهي متهمه فيه ماشاءالله عليه قليل زيه
غلا: يمكن انتي تكوني زوجته
مها: ماتوقع ابد مادخلت مزاجه واضح من تصرفاته
مشاعل: اذا شفت اخوي مشاري او سمعت بواحد زي ياسر اتمنى فارس يكون زيهم
غلا: عاد كل الرجال بكفه وخالي فويرس بكفه
مشاعل: عمري ماشفت اخو زي قسوته
غلا: ياحبي لدحوم صح يعصب مني بس يجي يترضاني
مشاعل: عبدالرحمن حنون شوفيه كيف مع شعاع بس فارس دلال أمي له خربه معطيته صلاحيات لكل شي تحبه بجنون صح تحبنا بس من يومنا صغار ان الولد افضل عندها
سحر: بس ابوك مافضله عليكم واحسه شديد معاه
مشاعل: ليه بس تعرفي جلوس الأب قليل موزي الأم
غلا: صحيح شوفي أمي من يومنا صغار وهو ماتفرق بالمعامله بين ولد او بنت
مها: بس لاتظلمون فارس كان حنون مع شعاع بس بعد الي صار قلب عليها
مشاعل: طيب انا ليه خرب حياتي واجبرني على غلاب او يقاطعني ماسويت أي غلط ومع ذلك ظلمني
مها: يمكنه يحس انه كفو لك وان سلطان مايستاهلك
غلا: مهاوي كأنك دافعي عن فويرس ليكون حاطه عينك عليه بس
مها: ياختي قدام خشته من يومي صغيره ماعبرني فارس يدور بنت ملكة جمال تناسب جماله وترضي غروره
غلا: ترفع ايدنها للسماء الله يكون بعونك يالي راح تتزوجين فويرس
****************************
بعد مرور اسبوعين على الاحداث
ابو مشاري: ايه ياسر تلقاني هناك بالحارة الغربيه انتظرك لاتتأخر
ياسر: سم ياعم دقايق وانا عندك انا بس انتظر آخرالإشارة تفتح واجيك
ابو مشاري: انتظرك سكر السماعه وقرب عن بيت ناس فقراء نزل اكياس الرز واللحم والسكر حتى يجي ياسر
ياسر: هلا ياعم وباسه مع راسه خل عنك انا ابساعدك طقو الباب وعطاهم ياسر ظرف فلوس ودخل هو وابو مشاري
الشايب: ماقصرتو تعبتو انفسكم
ابو مشاري: وش دعوة تعبكم راحه جبت لك دكتور يكشف عليك
الشايب: والله مادري كيف اشكرك
ابو مشاري: الشكر لله وانا اخوك
ياسر: كشف عليه ياعم لازم تمرنا بالمستشفى قلبك تعبان شوي بس بعون الله الأمر بسيط بس لازم آخذ له اشعة اتأكد بكرة ابرسلك واحد يجيبك للمستشفى ويتررد فيك حتى تطيب بعون الله
الشايب: والله الدنيا بخير مادام فيها ناس طيبين امثالكم
ابو مشاري: حط يده على كفته شرواك يالغالي واسمح لنا نبي نمشي تعرف ناس متحاجين قريب منكم
الشايب: اعرف بس انتبه وترا حارتنا فيها ناس ابد موطيبين قبل اسبوع ماسكين بنت داشرة متهمه بقضية قتل يعني انتبهو منهم
ياسر: بابتسامه قرب منه وباسه على راسها لاتخاف ياعم الحافظ الله عن اذنك
الشايب: الله يحفظكم
ابو مشاري: يوم طلع هو وياسر تبي ترجع للبيت الحين
ياسر: معاي اغراض ابوزعها على الي هنا وارجع ان شاءالله
ابو مشاري: خلاص اجل انت روح للبيوت الي يمين وانا اروح للبيوت الي هناك
ياسر: طيب تصبح على خير
ابو مشاري: وانت من أهله
***********************
في بيت ابو شجون
شجون : كل ليله تمر عليها من اسوا لياليها مع انها يوميا تزور اختها الي تغيرت احوالها وزاد قربها من ربها وترهق نفسها بالشغل حتى اثر على مستواها يالله كملت شهادة الثانويه رغم ظروفها الصعبه ونظرات البنات لها والغمز واللمز عنها مع ذلك ماستحت من اختها ولا انحرجت تحب أختها ومستحيل تستعار من وحدة ضحت بنفسها علشان تحميها نالت الشهادة بتقدير جيد حمدت ربها انها مارسبت باي مادة
بس بمجرد قدوم الليل تبدا مرحلة العذاب والخوف عندها تحاول جاهدة توفر لابوها االمال لكنها عرفت من تضجره وعصبيته انه مايكفيه
تحممت نفس عادتها ولبست قميصها المهتري وسكرت النور بس ابوها دق عليها الباب لصقت بالباب سم يبه تامرني بشي
سعد: ايه يابنتيتي تعالي ابيك شوي
شجون: ارتاحت يوم سمعت كلمة يابنتي كم تعشق هذه الكلمة التي حرمت منها سنين عديده طلعت وجلست عنده بالصاله
سعد: بهدوء شوفي يابنتي انتي ماشاءالله عليك بنت عاقله وباره بابوك وتشوفيني من روحت هالحيوانه الي نزلت روسنا بالتراب وحالتنا حاله
شجون: يبه فرح ماخطت بـس
سعد: لاتكملين خليها راحت وراح تاخذ جزاها بس شوفة عينك الوضع ماينصبر عليه
شجون: والله يبه اني اشتغل شغلي مضاعف هذا الي قدرت عليه
سعد: قرب لها وبابتسامة خبث لايابنيتي انا جاني واحد اسمه راجي مو سعودي بس بنك متحرك قالي ابوفر لك الي تبي بس خل بنتك تشتغل معي
شجون: قامت معصبه يبه ماكفاك دمرت اختي تبي تدمرني بعد يبه انت ابو او عدو ماهمك غير الفلوس تدمر بناتك وحدة وراء الثانيه
سعد: وقف بعصبيه وبان وجهه الثاني اقول جب ولاكلمة انا مواعده بعد ساعه تجهزي ويالله قدامي
شجون: يبه نسيت وصية أمي لك يبه فوزية الي كنت تموت فيها لاتفرط ببناتها الله يخليك
سعد: بلاكلام فاضي ولايكثر تجهزي وروحي للرجال مواعدني يعطي الي ابي ويعطيك فلوس مضاعفه وتصيري بنت نعمه
شجون: وهي تبكي انت ايش مو اب تبي تدمر بناتك وحدة وراء الثانيه ترا ربي راح يسألك عنا والحين والله ماروح لو على موتي
سعد: وهويشدها من شعرها تروحين يعني تروحين
شجون: تحاول تفك نفسها منه بكل قوتها خلاص الحين ياموت ياحياة حاولت تقاوم شد ابوها وتتحمل الألم قالت خلاص يبه راضيه بس اببدل ملابسي واغسل وجهي واطلع لك
سعد: وهو يفكها زين ايه هذي بنيتي الي اعرفها قرب يضمها لاتخليني اعصب ثانية حبيتي مهما كان انتي بنتي واحبك وان ضربتك اضرب قلبي ترا تعرفين الاب مستحيل يقسى على بناته يالله حبيتي بسرعه علشان مانتأخر عليه احس راسي راح ينفجر لازم اخذ الهروين الي معه
شجون: سم يبه دقايق واجيك دخلت غرفتها واخذت عباتها وفتحت الشباك مع انه ضيق تحملت وحاولت تطلع منه أي تأخير مو من صالحها حاولت بكل قوتها تدخل منه تحملت الألم بس لازم تطلع اخيرا قدرت تطلع بيد مجروحه وقلبه يقطر الم وحزن وحسرة على ابو مايخاف ربه ببناته راحت تجري بالشارع بدون هدف وين تروح ماتدري بس اهم شي تنجي من ابوها وينك يافرح كنتي تحمميني من ابوي بعد ربي زاد خوفها من كل سيارة تمر من جنبها الوقت متأخر من الليل وطلوعها الحين قمة الخطرشافت رجال باين عليه علامات الصلاح ركضت بسرعه ناحيته
انتهى الجزا
انتظر توقعاتكم
مين الرجال الي راحت له شجون
غريب او ابو مشاري ؟؟؟؟؟؟؟؟؟؟؟
والي راحت له ايش راح يكون بينهم من أحداث ؟؟؟؟
توقعاتكم تنور روايتي
وانتظرها بفارغ الصبر[/COLOR



فوائد سورة الكهف ....والحكمة منها


ماهي الحكمه من قراءة سورة الكهف كل جمعه
السلام عليكم ورحمة الله وبركاته


دائما نقرأ سورة الكهف بتشجيع من أهلنا ومعلماتنا ولكن مع الأسف قد يجهل البعض الحكمة من قرأة هذه السورة..
كل القرآن خير وبركةلأنه كلام الله المنزل على عبده محمد وهي معجزته الخالدة
وكما قال الرسول عليه أفضل الصلاة والسلام "خياركم من تعلم القرآن وعلمه"..وحتى تتعلم أكثر علينا أن نفهم محكم آيته..
سورة الكهف من السورة المكية وهي إحدى خمس سورة بدأت ب (الحمد لله) (الفاتحة الأنعام الكهف سبأ فاطر) وهذه السورة ذكرت أربع قصص قرآنية هي أهل الكهف صاحب الجنتين موسى u والخضر وذو القرنين. ولهذه السورة فضل كما قال النبي(ص) : " من قرأ سورة الكهف في يوم الجمعة أضاء الله له من النور ما بين قدميه وعنان السماء" وقال (ص)" من أدرك منكم الدجال فقرأ عليه فواتح سورة الكهف كانت له عصمة من الدجّال" والأحاديث في فضلها كثيرة.


وقصص سورة الكهف الأربعة يربطها محور واحد وهو أنها تجمع الفتن الأربعة في الحياة: فتنة الدين (قصة أهل الكهف) فتنة المال (صاحب الجنتين) فتنة العلم (موسى والخضر) وفتنة السلطة (ذو القرنين). وهذه الفتن شديدة على الناس والمحرك الرئيسي لها هو الشيطان الذي يزيّن هذه الفتن ولذا جاءت الآيةالكريمة (وإذ قلنا للملائكة اسجدوا لآدم فسجدوا إلّا إبليس كان من الجنّ ففسق عن أمر ربّه أفتتّخذونه وذرّيّته أولياء من دوني وهم لكم عدوّ بئس للظّالمين بدلا) آية (50 )وفي وسط السورة أيضا. ولهذا قال الرسول صلى الله عليه وسلم . أنه من قرأها عصمه الله تعالى من فتنة المسيح الدجّال لأنه سيأتي بهذه الفتن الأربعة ليفتن الناس بها. وقد جاء في الحديث الشريف: "من خلق آدم حتى قيام الساعة ما فتنة أشدّ من فتنة المسيح الدجال" وكان الرسول صلى الله عليه وسلم . يستعيذ في صلاته من أربع منها فتنة المسيح الدجال.
وقصص سورة الكهف كل تتحدث عن إحدى هذه الفتن ثم يأتي بعده تعقيب بالعصمة من الفتن:

1. فتنة الدين: قصة الفتية الذين هربوا بدينهم من الملك الظالم فآووا إلى الكهف حيث حدثت لهم معجزة إبقائهم فيه ثلاثمئة سنة وازدادوا تسعا وكانت القرية قد أصبحت كلها على التوحيد. ثم تأتي آيات تشير إلى كيفية العصمة من هذه الفتنة (واصبر نفسك مع الّذين يدعون ربّهم بالغداة والعشيّ يريدون وجهه ولا تعد عيناك عنهم تريد زينة الحياة الدّنيا ولا تطع من أغفلنا قلبه عن ذكرنا واتّبع هواه وكان أمره فرطا * وقل الحقّ من رّبّكم فمن شاء فليؤمن ومن شاء فليكفر إنّا أعتدنا للظّالمين نارا أحاط بهم سرادقها وإن يستغيثوا يغاثوا بماء كالمهل يشوي الوجوه بئس الشّراب وساءت مرتفقا) آية 28 – 29.
فالعصمة من فتنة الدين تكون بالصحبة الصالحة وتذكر الآخرة.


2. فتنة المال: قصة صاحب الجنتين الذي آتاه الله كل شيء فكفر بأنعم الله وأنكر البعث فأهلك الله تعالى الجنتين. ثم تأتي العصمة من هذه الفتنة (واضرب لهم مّثل الحياة الدّنيا كماء أنزلناه من السّماء فاختلط به نبات الأرض فأصبح هشيما تذروه الرّياح وكان اللّه على كلّ شيء مّقتدرا * المال والبنون زينة الحياة الدّنيا والباقيات الصّالحات خير عند ربّك ثوابا وخير أملا) آية 45 و46. والعصمة من فتنة المال تكون في فهم حقيقة الدنيا وتذكر الآخرة.

3. فتنة العلم: قصة موسى مع الخضر وكان موسى r ظنّ أنه أعلم أهل الأرض فأوحى له الله تعالى بأن هناك من هو أعلم منه فذهب للقائه والتعلم منه فلم يصبر على ما فعله الخضر لأنه لم يفهم الحكمة في أفعاله وإنما أخذ بظاهرها فقط. وتأتي آية العصمة من هذه الفتنة قال الله تعالى (قال ستجدني إن شاء اللّه صابرا ولا أعصي لك أمرا) آية 69. والعصمة من فتنة العلم هي التواضع وعدم الغرور بالعلم.


4. فتنة السلطة: قصة ذو القرنين الذي كان ملكا عادلا يمتلك العلم وينتقل من مشرق الأرض إلى مغربها عين الناس ويدعو إلى الله وينشر الخير حتى وصل لقوم خائفين من هجوم يأجوج ومأجوج فأعانهم على بناء سد لمنعهم عنهم وما زال السدّ قائما إلى يومنا هذا. وتأتي آية العصمة قال الله تعالى (قل هل ننبّئكم بالأخسرين أعمالا * الّذين ضلّ سعيهم في الحياة الدّنيا وهم يحسبون أنّهم يحسنون صنعا) آية 103 و104. فالعصمة من فتنة السلطة هي الإخلاص لله في الإعمال وتذكر الآخرة.

ختام السورة: العصمة من الفتن: آخر آية من سورة الكهف تركّز على العصمة الكاملة من الفتن بتذكر اليوم الآخرة قال الله تعالى (قل إنّما أنا بشر مّثلكم يوحى إليّ أنّما إلهكم إله واحد فمن كان يرجو لقاء ربّه فليعمل عملا صالحا ولا يشرك بعبادة ربّه أحدا ) آية 110
فعلينا أن نعمل عملا صالحا صحيحا ومخلصا لله حتى يقبل والنجاة من الفتن إنتظار لقاء الله تعالى

مسائك دعوات مستجابه
همس
يعطيك العافيه بارت اتضح لنا فيه بعض الغموض

فرح _ شجون _ الاب
تضحيه فرح عشان اختها كبرتها في عيني لو كان قالت لها من الاول ما كان هذا وضعهم
على الاقل تلاقي احد يوقف معها بس هي فضلت انها تضحي بنفسها
حسبي الله على الاب اللي زي هذا
وحسبي الله على المخدرات اللي تضيع العقل وتخلي ابو يبيع طفله
والله وانا اقرأ المشهد بكيت معقوله طفله تبيعها عشان مزاجك وبعدين
اذا خلصت ساعة راحتك تدور على شئ ثاني تبيعه
سمعت قصص ان الواحد يبيع نفسه عشان المخدرات الله يحفظنا ويحفظ عيالنا
وعيال المسلمين
ريحتي العالم من شره وارتحتي الحين عشان أختك واقفه معك
بس هي وش راح يكون مصيرها
اعتقد انها شافت ابو مشاري وهو بيعطف عليها ويأخذها معه بيتها
ياليت يكون توقعي صحيح عشان تفتك من الاب هذا
وبعدين يموت بجرعه زايده من المخدرات وبكذا نرتاح منه
اذا راحت مع ابو مشاري وعاشت هناك اعتقد ان فارس بتعجبه أخلاقها ويمكن يفكر فيه كزوجه
لانها غير البنات اللي يعرفهم

ما زلنا في انتظار زوال غموض فارس وشعاع
همس
دمتي مبدعه