كاتب الموضوع :
أمي روحي
المنتدى :
القصص المكتمله
الـــ ج ـــزأ الــثــاني والأربـــ ع ـــون
في غرفة ياسر
ياسر: كان يعدل مرزامه عند المرايه تذكر كلام أخته غاليه يوم خطوبته لنجود
غاليه: ياخوي ابي اكلم بموضوع وأنت حر بما إن نجود رفضت الشوفه لأنها كانت منحرجه مرة ويقولون خجولة وانت راضي فيها
ياسر: ايوه راضي وعجبني حياها
غاليه: حلاة البنت بحياها بس هذا من حقك ياخوي هذا شارعه ربي مو منا وترا البنت ماقولها شماته بس مابيك تسعجل وتملك حتى تشوفها لأنها عاديه واحسكـ انت وياها مو متناسبين لابالطول ولا بالشكل
ياسر: ابتسم لأخته بحنان وحط يدهـ على كتفها الله لايحرمني من اهتمامكـ ياختي بس ماعمري شرطت الجمال ترا البنت الي كنت ابيها يوم اني بالثانوي كانت بنت عاديه مرة وكانت اختها الله يرحمها اجمل منها بس كانت معجبتني بحياها وبرائتها وطيبتها طبعا كانت صغيره بس الحب ماكان يفرق بين صغير وكبير وان كانت نجود عاديه وفيها طيبة ودين ابوها راح تكون تاج راسي وعيوني الي اشوف فيها
غاليه: ريحتني ياخوي بس خفت تنصدم يوم الملاكـ حبيت انبهكـ قبل مايفوت الفوت حينها ماينفع الصوت
ياسر: فاق من سرحانه على دخول أخته الجوهرة جايبه له البخور
خالد: دخل عليهم ظلم وتفريق تبدين العريس الصغير قبل الكبير
الجوهرة: حرام عليكـ بس كان بغرفة قريبه قلت ابخره واروح لكـ
خالد: وهو يبخر غترته ياشيخه واضح حبكـ له قوليها بدون لف ودوران
الجوهرة: كلكم اخواني وغلاكم زي بعض
ياسر: بعده عن المبخرة ياشين الغيره بعد
خالد: ههههههههههههههههههه ايه طويل وعريض شايف نفسه علي عارف ماقدر عليه
ياسر: ماتشوفني كل شوي استعرض بعضلاتي عليكـ ههههههههههههه
يوسف: ماشاءالله عليكم جالسين هنا وتضحكون تأخرنا على الناس اول بيت خالي بعدها بيت ابو عبدالمجيد
خالد: من حظنا عمكـ ببتهم الي بالرياض كان نروح طريق له للعقيق ربي رحمنا
ياسر: عادي نضرب طريق كل شي لعيونهم فدوة
نزلو عند أمهم وكلهم نزلو على راسها يبوسنها
أمهم: ظلت ماسكه ياسر مع يدهـ ودموعها بعيونها
ياسر: نزل على يدها وباسها وطلع مع إخوانه
خالد: قبل يطلع دعواتكـ يمه يقولها بفرح وضحكه
ياسر: كان ساكت وهادي ويرسم ابتسامه بوجهه
ضحكو وطلعو وركبو السيارة خالد طاير من الفرحه ياسر ماقدر يترجم شعوره هو فرح او يتظاهر بالفرح دعى ربه انه يسعدهـ مع نجود وتعوضه عن عذاب سنن مرت عليه اتمنى يانجود تكوني بلسم جروحي وتنسيني كلمراة السنين الي مريت فيها
======================
في جناح شجون
شجون: كانت بغرفتها تنوم بندر
فارس: دخل عليها بهدوء قالها نايم
شجون: هزت براسها بإيه
فارس: جلس على طرف السرير من الجهه الثانيه ويناظر بندر النحيل وهو بحضن أمه حسد بندر لأنه ينعم بحضن شجون
شجون: ابتسمت له ياقلبي هو اول مرة يلعب كذا
فارس: ابتسم لها ليه ايش عندهـ
شجون: جت عندنا مشاعل ولعبته بس ماخفيكـ خفت عليه يتعب
فارس: يلمس شعر بندر بحنان بسم الله عليه وعيونه على شجون
شجون: حطته بسريرهـ ويوم شافت فارس طلع من الغرفه راحت وياهـ
فارس: جلس على الكنبه الي بقسمهم ويفرفر بالتلفزيون
شجون: وقفت عندهـ تبي اسوي لكـ شي تشربه
فارس: بدون مايطالعها أي عصير جاهز
شجون: راحت وفكت له عصير كوكتيل وحطته بكوبين وحطت معاها بسكويت وحطته قدامه ومدت له كوب العصير
فارس: أخذ الكوب وهو يسرق النظرات لها بس مايبي يحسسها انه ميت فيها وكان يطالع بالتلفزيون بس باله معاها لف عليها ترا بعد ثلاثة ايام موعده، عند الدكتور
نزار والله ياهو دكتور شلطر عجبني احسه احسن مليون مرة من ذاكـ الدكتور الخايس
شجون: وهي تناظر كاستها تجمع كلماتها لعل قلبه يحن او يلين مستعدة تسوي أي شي لضناها حشاشة جوفها رفعت عيونها له تصدق اني استخرت واستخرت بس مارتحت ابد لهذي العمليه
فارس: ناظرها بعدين لف بس انا مرتاح ومقتنع مرة
شجون: فارس ممكن تفهمني ليه انت مصمم على هالعمليه طيب انا موافقه بس اعرضه على طبيب ثالث ورابع ايش خسرانين ليه نستعجل بعدين نندم
فارس: الدكتور نزار محذرني ان كل ماطول المدة راح يتعب اكثر ولاحظي ترا الدكتور نزار يقول الحاله الي وصل لها بندر لأن امه اهملته فترة حملها
شجون: عقدت حواجبها مستغربه جراته يرمي عليها الغلط بدون مايقول انه هو من اسباب تردي حالتها ماحبت تشد معاهـ تعرف ان اول حمله توفيت شعاع الله يرحمها بعدها ابوي وبعدها اختي فرح الي موتها هزني واثر فيني
فارس: رفع يده ارجوك شجون مابي اتذكرها مجرد تذكري ان خالة ولدي ماتت هالميته وربي اضيق ناظرها لاتزعلي مني بس غصب عني
شجون: رصت على كوب العصير تفرغ كل غضبها منه ردت الحمد لله ماتت فداء لغيرها
فارس: خلاص لاتعيدي وتزيدي بسالفتها راحت الله يستر عليها
شجون: نرجع لموضوعنا مع الظروف الي مريت فيها شي طبيعي ولدي راح يتعب
فارس: لانك اخفيتي حملكـ ورحتي وماخليتني اهتم فيكـ
شجون: لانكـ ابد مو متقبلني كيف تتقبل ولد مني
فارس: اتقبلك غير واتقبل ولدي شي ثاني
شجون: الي راح راح مع ان الدكتور ياسر قايل ان الي فيه عيب خلقي ماقال سؤ تغذيه
فارس: رفع يده بعصبيه ياشيخه هذاك دكتور حده بيطري مايعرف ساسه من راسه مادري ليه مرفع فيه مرة
شجون: فارس طلبتكـ لاتستعجل بعملية بندر لو يجيه شي راح تندم انت قبلي طلبتكـ يافارس هذا ولدي حشاشة جوفي
فارس: عدلت جلسته يعني مو ولدي انا بعد اشوفه يذبل واتفرج عليه
شجون: معاك حق خلينا نعرضه على دكتور ثاني نسافر فيه برا بس دكتور نزار ابد مو متطمنه له حتى طريقة كشفه تختلف عن الدكتور ياسر كان حريص ويعيد الكشوف مرة واثنين وثلاثة
فارس: سكت شوي خلاص خليني أفكر
شجون: ابتسمت بفرح يعني نعرضه على دكتور ثاني
فارس: قلت ابفكر وارد عليكـ ناظر ساعته يالله تأخرت على بيتي تصبحين على خير يوم جاء يبي يطلع لف عليها شكرا على الضيافه الحلوة وابتسم لها
شجون: ابتسمت بيتكـ انت موضيف ولاغريب
فارس: فرح لردها والود ودهـ يرجع لها ويضمها بس مايبيها تقول انه ميت عليها وتغتر وتشوف حالها عليه طلع وركب سيارته مبسوط حيل وهو يتدكر ابتساماتها خلاص مابي ازعلها ابودي بندر لدكتور ثلني ماصدقت نتصافى وياها وشوي شوي نقترب من بعض أكثر راح لأهل دلال وركبها معاهـ وهو ساكت
دلال: كانت تسولف معاهـ بس هو سرحان مو يمها ناظرته ايش فيكـ سرحان حبيبي
فارس: بعد يدها عن لحيتها افكر بعملية بندر
دلال: بدون نفس ايش فيها
فارس: شجون مو مرتاحه للدكتور نزار وطلبتني اغيره او نسافر فيه برا
دلال: بعصبيه حاولت تكتمها خوفا من فارس وأنت طعتها
فارس: قلت لها ابفكر بس لو فكرتي بكلامها معاها حق ايش راح نخسر لو عرضناهـ على دكتور ثاني
دلال: تصدق يافارس ان شخصيتكـ تغيرت حيل وين فارس الي جذبني بشخصيته المهيبه الي اذا قال كلمة ماحد يكسرها له
فارس: انقهر من كلامها والحين شايفتني دلخ يعني كلمة تجيبني وكلمة توديني
دلال: حاشاكـ حبيبي بس بعد رجعة شجون حسيت شخصيتكـ تغيرت ولنت مرة كأنها ماسكتكـ مع يدكـ الي توجعكـ يمكن علشان ولدكـ بندر بسرعه تغير رايكـ وتسمع لكلامها حتى نسيت مين شجون وبنت مين وأخت مين
فارس: كبرتي السالفه وهي مالها داعي كل السالفه ان المراه طلبت مني اغير طبيب ولدي لمصلحته فقط لاغير
دلال: شجون ماتبي شي يربطها فيكـ افهم يافهيم وقامت وتركته
فارس: وقعت كلمة دلال بقلبه وقع كبير جلس يرددها بقلبه شجون ماتبي شي يربطها فيني شجون مو متقبلتني بس اليوم نظراته غير تناظرني بحنان ومو معقولة تضحي بولدها ابدسوت المستحيل ورجعت ليوتركت ياسر علشان ولدها معقولة تضحي فيه بس ليه ماتبي العمليه ونزار محذرني من التأخر فيها ياربي مو قادر افكر ابد
==================
في بيت ابو راشد
بعد مانتهة من ملاكـ خالد وياسر كل واحد منهم راح لبيت اهل زوجته
خالد: جالس بالمجلس ينتظر دخول هناء عليه
هناء: كانت لابسه فستان ابيض مشجر بأسود ساتان ماسك على جسمها بموديل ناعم رولت شعرها وحطت مكياج خفيف هناء مو جميله وملفته بجمالها بس فيها ملح يجذب الي يتعود عليها متوسطت الطول وزنها 55 متناسب مع طولها الي يجملها طيبة قلبها وهدوئها
هيفاء: مسويه نفسها ماهمها وهي تحترق جواتها ماتعرف ليه ماطلع حب خالد الا يوم خطب اختها توها تعرف ان الي كانت تسويه كبرياء وتغلي والا كانت تفرح لطاريه بس خلاص كبريائها خلها تفقد انسان يحبها ويغليها ومفضلها على غيرها بس دايم الغرور والكبرياء يهدم سعادة المتكبر ويخليه يخسر الي حوله بدون مايحس
هناء: لفت على أختها احس اني مرتبكه حيل هيفاء
هيفاء: تبلع عبرتها لاترتبكي حبيبتي خالد ولدنا ونعرفه من زمان واختارك وفضلكـ على غيركـ على غيركـ
هناء: حطت يدينها على خدودها وهي تبتسم ياربيه احس خدودي ولعت نار
امها: يالله يابنتي الرجال ينتظرك له ربع ساعة
هناء: ان شاءالله يمه ياربيه احس رجولي مو شايلتني
هيفاء: هاتي يدكـ حبيتي اوصلكـ للباب
خالد: كان جالس وكل ماسع صوت باب يفتح يرفع راسه ينتظر دخولها طالع ساعته وجلس يعدل كبكه رفع راسه لقاها قدامه مع خاله وولد خاله وصلوها وخلوها
هناء: تتمناهم يظلون عندها ظلت واقفه
خالد: ابتسم ووقف قرب لها ومد يدهـ يسلم عليها
هناء: مدت يدها الي ترجف له
خالد: ظل ماسكـ يدها الباردة وترجف وقرب لجبينها وباسها
هناء: يوم قرب وشمت عطرهـ غمضت عيونها وزادت ضربات قلبها
خالد: مازال ماسك يدها جلس معاها على الكنبة طلع من جيبه خاتم الماس وحطه بأصبعها وباس يدها بهدووء
هناء: خلاص مو قادرة تصبرصارت ترجف اكثر من قبل
خالد: حس انه زاد احراجها تركـ يدها وسكت شوي بعدين لف عليها كيفكـ هناء
هناء: بصوت هادي الحمد لله
خالد:مبررروكـ
هناء: يالله ترد الله يباركـ فيكـ
خالد: ماودكـ تباركين لي وابتسم
هناء: حطت حرتها بخصلها عند اذنها كل شوي تدخلها منزلة راسها مبروكـ
خالد: الله احلى مباركة اسمعها اليوم
راشد: طق الباب ودخل عليهم عطاهم عصير وموالح وحطهم عندهم لف على خالد تبوني اجلس عندكم اخدمكم ماعندي مانع وغمز بخبث لخالد
خالد: عارف انه يعاندهـ لا مشكور مانبي شي
راشد: متأكد ياخوي اخاف تعطشون شي اختي تبي منديل ماقدر اخليكم خايف عليكم
خالد: مو كأن خالي يناديكـ
راشد: جلس وحط رجل على رجل وبيدهـ بسكوت لاماعليكـ خالكـ تلقاهـ الحين بسابع نومه قلت اجي اوسع صدر المعارس وأأمن خوف اختي المسكينه
خالد: رويشد تبي تقوم او اسحبكـ مع رجولكـ لللصالة
راشد: افاااااا لا قمنا بعذر أختي لو خافت منكـ اتاريك موسهل وأنا اقولها ترا خالد حليل موب يعض طلعت حمش
خالد: هههههههههههههه طيب سكر الباب لاهنت
راشد: هههههههههههههههه اوريكـ طردة محترمه طلع وخلاهم وهي ميت ضحكـ على خالد
هناء: كانت تسمع كلامهم وتبتسم
خالد: لف عليها يوووم مابغى من جد نشبه
هناء/ ابتسمت اكثر بس ماعلقت
خالد: لاا ابنادي رويشد يجلس معانا ماطلعت هالابتسامه الحلوة الي حرمتني منها الا يوم جاء ايه لنا الله هو له غلا وابتسامه وانا لي تكشيرة ايه ياسحرة ماحد يحبني
هناء: نست نفسها رفعت راسها يووووهـ من قال
خالد: انبسط من عفويتها وحماسها قالها بهمس تصرفاتكـ تقول بس حبيتني ماحبيتني انا أ ح ب كـ
هناء: عضت على شفايفها ونزلت راسها وحمرت خدوها
خالد: حط اصبعه تحت دقنها وخلا وجهها مقابل لوجهه ناظريني هناء لاتحرميني من عيونكـ
هناء: ناظرته وبعيونها كلام قراها خالد من عيونها
خالد: فيكـ شي هناء مو راضيه فيني قبلتني منحرجه من أمي او ايش احس بنظراتكـ شي مو قادر افهمه
هناء: بعدت عنه ولفت بوجهها عنه قالت بحزن بالعكس ياخالد ماعمري فكرت بزوج مستقبل الا تجي صورتكـ قدامي بس احاول اتلافها ابعدها عن بالي وعن قلبي
خالد: ليه؟؟؟
هناء: لفت عليه وناظرته بحزن من يومكـ صغير كانت أختي هيفاء هي حلمكـ كيف افكر بواحد يفكر بأختي استغربت يوم تقدمت لي مرة استغربت ماخبي عنكـ لو غيري متقدم لها واحد كان يحب أختها راح ترفضه بس أنا ماقدرت
خالد: ليه ماقدرتي
هناء: لان عقلي رافضكـ وقلبي قابلكـ وقلبي غلب عقلي
خالد: اعجب بكلامها واسلوبها وفرح وارتاح اكثر وتأكد انه ماغلط يو اختارها ابقولكـ شي هناي قلتيها يوم اني صغير احبها ويمكن بسن المراهقه بس سبحان الله كبرنا وتغيرنا والانسان وهو صغير ومراهق يحب بقلبه ويغمض عقله يمكن حبيت هناء لان امي كانت تردد علي زوجتكـ زوجتك كبرت على انها زوجتي بس يوم كبرت عرفت اني انا وهيفاء غير متكافئين ابد اسمع كلامها عن طريق اخواتي تفكيرها اسلوبها وبنفس الوقت اسمع كلامكـ تفكيركـ حواراتكـ كنت اتعمد اجلس معاهم او اجيبهم بعد أي عزيمه علشان يتحمسون ويسولفون ب أريحيه قالت هيفاء ردت عليها هناء اشوف حرصكـ واهتمامكـ بأمي دايم امي تردد واخواتي نزور بيت خالي صالح البنات كلهم نايمات بعد مدارسهم الا هناء واضح تعبانه ومرهقه بس هي الي تستقبل وهي الي تفرح بجيتنا اعجبت بهناء وزاد تعلقي فيها بعد عملية أمي وانا اشوف حرصكـ عليها وكل يوم تدقين تسألين وتزورين كثير جيت بيوم ودخلت على أختي جوهرة اعرف حكمتها وبعد نظرها قلت لها ايش رايك بهناء فرحت مرررة وقالت البنت طيب قلبها فوق ماتتصور وخجوله وحبوبه وزين ماخترت ياخوي استخرت وخطبتكـ صدقيني هناء ماقول كذا ابعد الشببهه عن نفسي بس هيفاء بحسبة أختي ومالها بالقلب مكان
هناء: ابتسمت وتغيرت معالم وجهها
خالد: ابتسم وفرح لإبتسامتها واشراقة وجهها طالع ساعته يووم تأخرت
هناء: بدررري
خالد: فشيله لصقت عندكم تلقين أهلكم نامو الحين وقام
هناء: عادي ينامون بغرفهم انا ايش دخلني وابتسمت له
خالد: ماعليك راح انشب لكـ حتى ليلة العرس وقرب لها وباسها مع خدها وطلع
هناء: استحت من حركته بس زاد حبها له وحست بفراغ كبير يوم طلع حست انها مشتاقه له ومن زمان ماشافته دخلت غرفتها فرحت ان اهلها نامو بدلت ملابسها وجلست تفكر فيه وحست بشوق كبير الا يدق جوالها برسالة فتحته لقت من خالد تصبحين على خير ياحلى عروسه جعلني اشوفك بحلمي وعلمي ابتسمت وارسلت له تلاقي خيرررر غلاي
=======================
في غرفة هيفاء
هيفاء: سمعت صوت باب غرفة أختها عرفت ان خالد طلع طلعت دمعه من عينها مسحتها بسرعه كيف تغارين من أختك ياهيفاء ادعي لها
حتى ياسر الي كان حلمي وأملي فقدته خالد الي كان يجري وراي فقدته من بقى لك ياهيفاء لاتكون راح تعنسي وتجلسي لا ولد ولا تلد لا لسه الطريق قدامي
ياربي ابعد عني هالضيقه وهالوساوس الي اتعبتني وارهقتني
============
في بيت آخر عريس آخر ينتظر عروسته
ينتظر سعادة راح تقبل عليه
ينتظر شريكه يرتجي تكون شريكته بحزنه وفرحه
ياسر: جالس مع ابو عبدالمجيد ينتظر نجود
نجود: تتمكيج على مهلها
نجلاء: بسرعه الرجال له نصف ساعه ينتظرك،
نجود: غبيه انتي أي رجال مايصلح تجينه كلكـ لازم تحسسينه بثقل
نجلاء: اقول بسرعه بلاسماجه
نجود: ناظرتها بتهديد نجلاء عن الغلط
نجلاء: ياشيخه قسم ترفعين الضغط وطلعت من غرفتها
عبدالمجيد: صح اصغير من نجود بس واحد حازم ومايرضى بالغلط قابل نجلاء وينها الحين الرجال له نصف ساعه جالس
نجلاء: اختك تغث وترفع الضغط
امهم: خلاص لاتضغطون عليها انا اروح لها لاحد يتعبها
نجود: حطت الروج وتعدل فيه
امها: حبتي نجودي يالله ياسر ينتظركـ
نجود: سمي يمه قامت وعدلت فستانها وماعجبتها تسريحة شعرها حاولت تعدل فيه
عبدالمجيد: دخل معصب نجوووود سااااعه يالله خلصينا السوالف خلصت وهو بس يناظر ساعته
نجود: ليه يناظر ساعته ايش وراهـ المفروض الليله ماعنده غير زوجته يفرغ نفسه
عبدالمجيد: اقول بلاثقل دم وروحي له
نجود: خلني اتضبط
عبدالمجيد: اكثر من كذا مابقى شي بسرررعه خلصينا
نجود: لاترفع صوتكـ علي عبدالمجيد
عبدالمجيد: جاء يبي يرد الا دخل ابوهـ
ابوهـ : خير ليه صوتكم طالع فشلتونا عند الرجال
عبدالمجيد: بنتكـ الي تبي تفشلنا معاهـ من اول ليله شوفها لاطعته نصف ساعه وعليها
نجود: يوم شافت ابوها سوت نفسها متأثرة يبه والله اني اتضبط وخنقتها العبرة
ابوها:خلاص يبه لاتتعبين حالكـ ياسر راح يقدركـ بس يابنتي لاتتأخرين اكثر وانا ابوكـ
نجود: سم يبه الحين اجي
ابوها : طلع من غرفتها راح لعبدالمجيد اسمع وانا ابوكـ مارضى على نجود احد يضايقها تبيها تتعب ونخسرها تذكر ايش صار لها قبل سنتين بغت تروح من بين ايدينا بسبب عمتك يوم تزعلها
عبدالمجيد: لو تخفون يبه من دلعكم لها راح تكون مرة طيبه وترا مو اول وحدة ولا آخر وحدة معاها القلب بس انتم افرطتو بدلعها وراح تندمون والا وحدة تستقبل زوجها كذا وتسكتون عنها
ابوها: ماني فاضي الحين ابدخل اختك على زوجها تعال معانا
نجود: تمشي مع ابوها واخوها بحياء ماعندها أي شعور تجاهـ ياسر لأنها اصلا ماركزت فيه يوم تروح للمستشفى دخلت وهي منزلة راسها
ياسر: استغرب من تأخرها بس كل شوي يطلع عذر دخل محمد وولده وبينهم وحدة قصيرة طولها 150 تقريبا ونحيفه متوسطة البياض ماقدر يعرف ملامحها لانها منزلة راسها وبعيدة عنه وقف بكل أدب واحترام وقرب لهم
محمد: هاهـ وانا عمكـ ترا عطيتكـ اغلى ماعندي تراها عيوني الي اشوف فيها
ياسر: ابتسم بحنان واحترام وتقدير لاستاذه وحبيب قلبه محمد ولايهمكـ راح تكون عيوني الي اشوف فيها
نجود: سمعت ردهـ زادت ثقتها بنفسها رفعت عيونها وتلاقت مع عيون ياسر فهت فيه ونست ان ابوها واخوها ابعدو عنه ماتخيلت شكله كذا متخيلته رجال عادي سماره مزود وسامته وعيونه الوساع تزيد جاذبيته لحيته الي تحاوط وجهه تزيد هيبته طووويل عنها مرة وعريض بالنسبه لها
ياسر: ابتسم لها بحنان وبصوته الفخم مبروك علينا يانجود
نجود: فهت اكثر يوم ابتسم ردت عليه بإبتسامه مبروكـ على الجميع
ياسر: اشر على الكنبة تفضلي تعبتي وانتي واقفه
نجود: ابتسمت وراحت تجلس وعدلت بفستانها
ياسر: جلس يسألها متى تخرجت توظفت اولا
نجود: كانت تجاوبه بكل بهدوء ورزانه
ياسر: ماحب يصير جاف ويعرف ان الزوجة تحب الغزل من زوجها ناظرها بحنان ماشاء الله ماتخيلتكـ حلوة كذا نجود >>> طبعا يجاملها لاتصدقون بعد انتم
نجود: فرحت وماتخيلت ان رجال بوسامة ياسر راح يعجب فيها ابتسمت له من ذوقكـ
ياسر: خلص كلامه تمناها تسأله عن حياته بس كانت ساكته عذرها لانها عروسه أكيد مستحيه ناظر ساعته تأخرت عن إذنكـ
نجود: قامت تودعه انتبه لنفسكـ
ياسر: انصدم من جفافها معاهـ بس قال لأنها لسه عروسه تستحي لف عليها قبل يطلع ممكن رقم جوالكـ
نجود: عطته رقمها
ياسر: وانا آخر رقمي 434 ان جتك رسالة فهو انا
نجود: اوكـ
سكرت الباب من ياسر وراحت لأهلها
نجلاء: ركضت لغرفتها هاهـ يابنت بشري كيفه معاك وكيف شكله ووو
نجود: مبسوطه وتفسخ ذهبها اكلتني استني علي
نجلاء: متحمسه قولي بسررررعه
نجود: من ناحية حلو فهو امممم وسيم
نجلاء: مايطلع نصف جمال خطيبي
نجود: وجع ايش جاب لجاب هذا مررة وسيم وطووووووووووويل
نجلاء: هههههههههههههه اجل كيف صرتي عندهـ راح تكوني انتي وياهـ رقم عشرة ههههههههههههههه
نجود: طقتها مع كتفها طسي هناكـ ماراح اسولف عليكـ شي ابنام
نجلاء: تحط يدها على فمها توووبه بس قولي لي ايش قالكـ
نجود: جلس يسألني عن حياتي بعدين تكلم شوي عند دراسته وسكت ناظر ساعته وطلع
نجلاء: ليه مسألتيه زي ماسألكـ او مستحيه
نجود: مو سالفة مستحية بس ايش اسأله اقوله كيف طفولتك الي قضيتها بعيد عن أمكـ الي مالها قلب ورمتكـ او اسأله ايش كنت تشتغل يوم انك صغير انا كتب ربي لي يانجلاء اني ابتلي بزواج من رجال ماضيه مؤسف
نجلاء: هيه انجنتي انتي احمدي ربكـ ان خطبكـ دكتور ملتزم ووسيم زيه
نجود: وهو يحمد ربه اني قبلته
نجلاء: ياشيخه وربي تغثني
نجود: جت تبي ترد دق جوالها ناظرت الرقم طلع آخره434 حطته على جنب
نجلاء: مين...؟؟؟
نجود: هو يدق
نجلاء: طيب ردي
نجود: مجنونة انتي تبغينه يظن اني ميته عليه الثقل زين يابنت
نجلاء: اما ثقل مالت عليكـ عطيته خير قال مايشله جيبي اروح انام ابركـ لي
نجود: جتها رساله فتحتها ((( آسف ازعجتكـ بس حبيت اطمتكـ اني وصلت واقولكـ تصبحين على خير ... انتبهي لنفسك ونوم العوافي يارب )))
ابتسمت يوم قرتها فرحت بإهتمامه فيها حطت جوالها ونامت على جنبها تتذكر ابتسامته وسامته مو مصدقة هذا زوجها سبحان الله كنت اتمنى عبدالعزيز ولد عمي وهو مابغاني وخطب بنت عمي عثمان الي اقرب لي من روحي السبب ماعجبته الحين ياعبدالعزيز تزوجني واحد مافيه أي وجه مقارنه بينك وبينه جمال ومركز ودين وخلاق وشخصيه بس ماراح اغلط معاكـ ياياسر واجري وراك زي ماجريت وراء عبدالعزيز وخلاني ابيك انتي تجري وراي زي ماجراء عبدالعزيز وراء ندى الي ماهتمت فيه وتركـ الي تحبه مووووووووت
الحمد لله رزقني واحد ينسني حب عبدالعزيز اتمنى اشوف وجه بنات اقاربي اذا شافو ان هالمزيون زوجي ليت من شاف وجهكـ ياعزوز وعرفت ان ربي عوضني احسن واخير منكـ
===============
في غرفة خالد
خالد: مبسوووط مررررررة كل مايتدكر كلام هناء وخجلها وحبها له الي واضح من عيونها يتقلب بفراشه يحاول ينام مو قادر الفرحه طيرت النوم من عيووونه
آآآآآآآآه ياهناء متى يجي زواجنا بسسس احس بشووق لك قووووي مرررة
===================
في بيت ياسر
ياسر: دخل غرفته وبدل ملابسه ناظر بالبيت اخيرا راح تجي وحدة تملي علي حياتي وتكون لي كل شي ناظر جواله تردد يكلمها او لا بس دق الجوال مافيه رد ارسل رسالة انتظر ردها مالقى شي
حاس او متأكد انها مانامت بس قال يمكنها منحرجه ومستحيه وماتبي ترد
بس البنت الي جلست معاها مو خجولة ذاك الخجل الي يمنعها تكلمه
حط جواله على الطاولة الي جنبه وانسدح على ظهره ويطالع السقف يتذكر شكل نجود مايحس بشي تجاهها بس قال يمكن مع الايام يجي الحب والشوق
يتذكر نظراتها وردها يدور فيهم البرائة الي يعشقها بعيون الانثى مالقى يحس فيها عزة وشموخ وكبرياء مكبوت بس هذا شي حلو بس لايزد عن حده مستحيل بنت استاذي تكون متكبرة او متعجرفه اكيد لاني اول مرة اشوفها ومو متعودين على بعض ومو فاهمين بعض مع الايام راح يذوب الجليد
======================
في بيت ابو مشاري
غلا: دخلت على حدها ولقت خالتها ام فارس وجدها موجودين بالصالة يتقهون سلمت عليهم وجلست معاهم شوي
ام فارس: حيا الله من جانا من زمان عنكـ غلو
غلا: انشغلت بالاختبارات شوي
ابو مشاري: البنت ماتبي تجلس مع الشيبان ودها تقوم بس مستحيه تقوم
غلا: مسويه البنت العاقله لا وش دعوة يبه انتم الخير والبركة مشتاقه لكم وجيت اسلم عليكم
ابو مشاري: يشرب قهوته ويطالعها بنصف عين يعني الزيارة بس لنا
غلا: اكيد يبه ان ماجيت لكم من اجي له
ابو مشاري: ماهقيت وانا ابوك وضحك
غلا: افا يبهم و كانك طيحت وجهي
ام فارس: ضحكت عليها يابنتي ترا سحر مو فيه بس شجون مع بندر فوق
غلا: قامت بسرعه اجل اخليكم تشربون قهوتكم براحتكم وراحت فوووق
ابو مشاري: وهو يضحك قايل لك موع لشاننا
غلا: لفت عليهم وهي بالدرج هالا يبه بس ابيكم تكملون سواليفكم وراحت وخلتهم وهي تركض بالدرج وصلت لجناح شجون وتطق عليها طقات هاديه
شجون: استغبرت من يطق بابها بهدوء اكيد خالتي فتحته لقت غلا بوجهها غريبه من وين طب العقل والهدوء عليكـ
غلا: دخلت وجلست على الكنبه وحطت رجل على رجل ياختي قررت اركد وابطل هبال خلاص اخوي تزوج وقريب اصير عمة
شجون: بفرح الله يبشركـ بالخير
غلا: فتحت عيونها على ايش؟!؟!؟
شجون: ان ريوف حامل
غلا: ياليل الإشاعات ومن قال إنها حامل
شجون: توكـ تقولي قريب اصير عمة
غلا: لاآآآآآآ قصدي ان شاءالله اذا حملت اصير عمة
شجون: الله يرزقهم الذرية الصالحة
غلا: المهم وين بندوري
شجون: تنهدت بضيق توهـ نايم تعبان ياروح أمه احس العلاج الجديد حق الدكتور نزار ابد ماناسبه كأنه قوي عليه
غلا: هالزفت نزاروه ابد مارتحت له ليه ماتغيرونه
شجون: كلمت فارس ووعدني بخير شكله الحمد لله اقتنع يغيرهـ
غلا: اممممم نزلت راسها شجوني جايه اشاوركـ بموضوع محيرني
شجون: حركات وتطورات صارت غلاوي تستحي وراكدة شكل الموضوع دسم هههههههههههه
غلا: رفعت راسها لابس فيه تقرير مصير ياحياة او موت
شجون: ياعيني اكيد خطاب
غلا: تقدرين تقولين
شجون: ههههههههههه لا ماتحمل انا غلو تستحي
غلا: ايش قالو لك فاسخه الحياء ايه استحي بس حياء مبطن بجراة
شجون: فديت الي قلبتها محل خياطة قولي لي من هو؟؟؟
غلا: قامت وجلست جنب شجون شجونه ماجيت الا انكـ الوحيدة الي ارتاح لرايها الي خطبني اخو ريوف بس محتارة مرررة
شجون: والنعم فيه ان كان زيها ايش راي ابوكـ واخوكـ فيه؟؟؟
غلا: كلهم يمدحونه رجال على قولتهم هادي واخته تمدح حنانه واهتماهم فيهم بس
شجون: بس ايش ؟؟؟
غلا: فيه حاجزين يخلوني اتردد
شجون: ايش هم ؟؟؟
غلا: أكبر مني حيل ياشجون
شجون: مسكت يدها عمر العمر ياغلا كان عيب بالزوج او الزوجة اكبر كثال نبينا محمد عليه الصلاة والسلام مو تزوج عائشة رضي الله عنها وعمرها تسع سنين وهو عمره 55 سنة يعني الفرق بينهم 48 سنة مو بسيطة ابد مع ذلك كانو اسعد زوجين بالكون عطاها الي تبي من دلال وحب واهتمام
وبرضو تزوج خديجه وهي اكبر منه عمرها 40 وهو عمره 25 لو احنا قلنا مستحيل فلانة الكبيرة تاخذ الشاب الصغير بس تزوجها وكانو بعد اسعد زوجين
يعني العمر ياقلبي احنا فرضناهـ بعاداتنا بس والا رسولنا وصانا نزوجالي نرضى دينه وخلقه ماقال عمرهـ كبير او صغير
ياما ناس تزوجو متناسبين بالعمر ماعاشو عيشه هنيه
مقياس الرجال بأخلاقه ودينه مو بعمره
وهذاكـ بنفسكـ تقولين حنون على أخته وبار بأمه ورجال زي كذا مايفرط فيه ابد
صدقيني الي فيه خير لاهله راح يكون فيه خير لك ولعيالكـ ان شاءالله
اما مسألة عمر شكل حلو مو حلو مركز عمل هذا كله شكليات ديننا ورسولنا ماوصانا الا على شيئن الدين والخلق بـس
غلا: فيه شي ثاني بعد
شجون: ايش هو؟؟؟
غلا: هو ابيضاني ابرصاني وانا سمروايه اخاف بيوم يحقرني على سماري انتي شفتي بياض ريوف زوجة اخوي ماشاءالله تلق لق تقل نجفه يعني انا شاذة عنهم شفتي خواتها كلهم قريبين من بياض ريوف انا مررة سمراويه
شجون:تراكـ سمارويه بس حلووة مرة ومراسمكـ حادة الله يحفظكـ وبعدين أكيد خواته قايلن له عنكـ وراضي فيك ماقال شي
غلا: تحكـ راسها ماتقدر تقول لشجون انه شافها سكتت
شجون: ايش فيكـ سرحتي
غلا: لا معاكـ بس افكر بكلامكـ بس فيه نقطة أخيرة
شجون: ايش هي حبيتي ؟؟؟
غلا: انا مرجوده وهو مرررة هادي وبارد
شجون: احلى شي تحطين مويه باردة على مويه حارة شوي تطلع احلى للشرب وماتتتعب بس لو كنتو كلكم حارين او على قولتك مرجوجين مامشت حياتكم انتي تطلفين حياته بمزحكـ ومرحكـ وهو يهديكـ بحكمته وهدوئه
غلا: لو تفتحين مكتب استشارات ترا تكسبين شوري عليك افتحي مكتب وراح تشوفي كيف الناس عليك زي النحل
شجون: طقتها مع كتفها اهم شي اقتنعت العسل الي قدامي
غلا: ياختي انتي تقنعين بلد مو بس غلاوي المكسينه والله ياشجونه طول الليل اجيبها من هنا الى هنا بس عجزت اقتنع رحت لأمي فديتها بس ماقتنعت وانتي ماشاءالله عليك ماسرعكـ اقنعتيني ناظرت ساعتها يووهـ تأخرت على أمي مشكوورة شجونه
شجون: غلا
غلا: وهي ماسكه الباب سمي
شجون: عدوكـ السم ... بس وصيتك استخيري وان ارتحتي لاتفرطي فيه اهم شي ترا تاخذين انسان يخاف ربه فيكـ ويرحمكـ وان ماحبكـ مايظلمكـ ولايجرحكـ
غلا: حزنت على حال شجون سمي من عيوني ومشكورة حبيتي ماقصرتي ريحتني الله يرح قلبكـ
شجون: جعلها دوم الراحة
يوم طلعت غلا جلست شجون على الكنبه حلوة الساعات الي تقضيها غلا او أي بنت بالدنيا يجيها خاطب تروح تشاور اهلها وتفكر وتستخير وتحس انها بالخيار يا ايه يا لا مو مجبورة توافق عليه وهو ينتظر موفقتها على أحر من الجمر
تنهدت بضيق يوم تذكرت حالتها ماجربت هالشعور الي تحس فيه أي بنت انها معززة ومكرمة وان الرجل ينتظر موافقتها وينظر لها عزيزة ومكرمة
سمعت صوت بندر صحى قامت له وضمته لصدرها بس بندر كل يوم يذبل بعد العلاج الجديد يارب حنن قلب ابوه عليه وسخر لنا دكتور شاطر يارب
==========================
في بيت دلال
دلال: كانت جالسه تشوف التلفزيون دق جوالها ناظرت الرقم شافته وليد خلاص تحس طفشت منه وضميرها معذبها وعارفه ان الي تسويه غلط له اسبوعين يدق ساحبه عليه ترمت جوالها على جنب الا تجيها رسالة فتحتها وليتها مافتحتها
من وليد ((( مسويه تسحبين لا ياحلوة موكل مرة تسحبين واسكت الحين توصلكـ وحدة من صورك وعندي كثير ان ماجيتني لشقتي والله ثم والله توصل زوجكـ فارس ايه فارس تراني عرفت من زوجك ووين بيتكـ مع السلامة ياحلوة دقايق وتوصلك صورة من صوركـ )))
رمت جوالها وهي ترتعش لااااااا مو معقوووووووووولة يارب بس يهدد انا مارسلت له أي صورة له جتها نغمة رسالة جلس قلبها يدق بقوووووة فتحتها بيد ترجف شافة صورتها رمت جوالها وجلست تبكي محتارة ايش تسوي
دقت على وليد
وليد: يطلع زيقارته من فمه خيرررر
دلال: ارجوكـ وليد الله يستر عليكـ دنيا ودين الله يستر على أهلكـ وخواتك لاتفضحني استر علي انا متزوجه حرام عليكـ مابعدت عنكـ هالفترة الا تأنيب ضمير وعرفت ان الي اسويه خطأ
وليد: بدررري يامدام توكـ تعرفين خطاكـ لاياروح امكـ انا وليد مو أي واحد ياتجين لي انا واثنين من ربعي والا والله لاعطي زوجكـ صورك وتحملي ماجاكـ عاد تعرفين فويرس مو سهل راح يدمركـ ويذبحكـ ويدوسكـ برجوله
فاقترح عليكـ تجين تسهرين ليلة معانا احسن لكـ من الفضايح
دلال: وهي تبكي ارررجوووووكـ وليد طلبتكـ ابوس رجولكـ استر علي الله يستر عليكـ وزاد بكاها
وليد: لك مهله ان طلع هالاسبوع قبل ماتجين لي وربي لافضحكـ وسكر السماعه بوجهها
دلال: تدق عليه بس سكر جوالها جلست تبكي بقوووة بس سمعت صوت الباب يفتح بسرعه ركضت للحمام وغسلت وجهها
فارس: دلال دلال وينكـ
دلال: وهي جايه مسرعه له سم قلبي بغيت شي
فارس: اووف ليه عيونك مورمه كذا ايش صاير لكـ لايكون اهلكـ فيهم شي
دلال: لا الحمد لله بس وحدة من صديقاتي صار لها حادث وتأثرت شوي
فارس: عسى ماجاها شي قوي
دلال: بحزن تمنت تموت بس ماماتت
فارس: خليها تستغفر ربها وتحمد ربها انه انقذها
دلال: ونعم بالله
فارس: يالله حطي لنا الغداء تراني تعبان مرررررة
دلال: حطت الغداء وكلام وليد يرن بإذنها وماقدرت تآكل شي
فارس: يشوفها سرحانه بس ماهتم اكل كم لقمه وقام لفراشه
دلال: شالت الصحون وغسلتها وهي تفكر بمصيرها جلست على طرف السرير وتناظر فارس وعيونها تدمع خلاص قربت نهايتي ياربي محتارة اسلم نفسي للحقير وليد واستر على نفسي او ماروح ويفضحني
كيف اسلم نفسي واكون زانيه كيف طلعت للصالة انتي السبب يادلال انتي الي سلمتيهم رقبتكـ مو بس فارس الحين الي يبي يعرف حتى اهلي وراح يكملون علي بالذبح ماراح احد يرحمني ليه كله مني غيرتي على فارس وقهري خلاني ارجع للي كنت فيه انا السبب انا السبب ليتني ترمته وكلبت الطلاق ولا سويت كذا الحن ايش راح اسوي ياربي تعيني يااااااااارب
==================
في المستشفى
هيفاء: تدوام وهي مالها خلق تحس محطمه ومالها خلق شي جلست على كرسيها تنتظر مواعيد دخول المرضى لانها جياه بدررري
طق باب مكتبها عدلت نقابها تخاف انه وسيع يبان شي رفعت راسها لقته صلاح معاه طفل اشقر وعيونه خضر استغربت من هو هذا الطفل
صلاح: جيت بدري قبل المرضى لاني ماحجزت لولدي
هيفاء: مادرت انه له ولد ماتعرفه الا سطحي بس استغربت ان الولد شكل اجنبي بس قالت يمكن على ابوهـ لانه ابيض اهلين حياكـ تفضل
صلاح: جلس على الكرسي ولدي توني جايبه من بريطانيا بس اختلف الجو عليه وكل يوم يتعب من صدرهـ حبيت تكشفين عليه وتشوفين ايش الدواء والحميه الي تناسبه
هيفاء: قامت من كرسيها لان السستر لسه ماجت لازم هي تنومه على السرير وهي اصلا تحب الأطفال وتحب تشيلهم حتى لو كانت فيه السستر
باسل:ضم ابوهـ بقوة
صلاح: شاله معاهـ ونومه على السرير
هيفاء: مستغربه من نظرات الحزن الي بعيونه ونظرات الألم والخوف الي مو طبيعي كل ماتقرب له تكشف عليه يبعد عنها ويمسك يد ابوهـ رحمته مرة وحست نفسيته تعبانه ايش السبب مادري معقولة امه مطلقه ومأثر على نفسيته خلصت من كشفها والف سؤال وسؤال يدور ببلها بس ماحبت تسأل لانه مو من شغلها ولا اختصاصها
صلاح: رجع وحضن ولدهـ بكل حنان
هيفاء: صرفت له ادوية مناسبه وعطته موعد للزيارة
========================
في مزرعة جد نجود
كان حاط عزيمه بمناسبة ملاك بنت ولدهـ محمد وعازم ياسر
الجد اصلا حاب ياسر من اول ماتعرف عليه
نجود: كانت مبسوطه مرة تبي توري عبدالعزيز زوجها الي بنظرها ماله منافس وان نجود الف يتمناها احلى من عبدالعزيز
البنات: يوم وصل ياسر اجتمعو على الشباكـ شوفوهـ زوج نجود
عزيزة: والله انكـ مو سهلة يانجيد كل هالحلا زوجكـ
نجود: فرحانه ان اخت عبدالعزيز تقول كذا
نجلاء: بسم الله على زوج أختي لايجيه شي
جلسو البنات وحطو قداهم الشاهي والمكسرات
سارة: متى وصل عريسكـ
نجود: اليوم الفجر وصلت طيارته استقبله اخوي عبدالمجيد
عزيزة: اجل سكن عندكم؟؟؟
نجلاء: لا استاجر شقة مفروشه وسكن فيها
رحاب:ماشاءالله عليه رززة مرررة
نجود: وانا رزة ومو سهله بعد
عزيزة: ياحليلكـ والله انك ماخذه بنفسك مقلب
نجود: زعلت وقامت من عندهم
رحاب: ليه تزعلينها تعرفينها حساسه مرة وماتتحمل مزحكـ الثقيل
عزيزة: وهي تاكل مكسرات ياختي الله يعين زوجها على نفسيتها
=============
في مجلس الرجال
ياسر : بعد ماخلص من غداهم همس لعبدالمجيد يسأله يقدر يشوفها او لا
عبدالمجيد: اكيد راح لها
نجود: متنرفزة من كلام عزيزة الي خرب فرحتها جالسه لحالها بغرفتهم الخاصه بعيال محمد بمزرعة جدها
عبدالمجيد: ترا زوجكـ طالب يشوفكـ ويجلس معاكـ شوي آخر المزرعة عند شبك الارانب
نجود: والله انكـ فاضي انتي وياهـ مالي مزاج شي عبدالمجيد
عبدالمجيد: استحي على وجهكـ يابنت اول ماوصل اقولكـ ليه ماتنظرينه وامر فيه تسلمين عليه وتفطرينه لا مجودي فيني نوم يقلد كلامها والحين مالي مزاج اقول قومي بس
نجود: وهي خانقتها العبرة غصب يعني
عبدالمجيد: ايه غصب تراني مو ابوي الي يدلعكـ ومالي خلق دلعكـ الزايد
نجود: قامت بعصبيه وأخذت جلالها وطلعت لياسر
ياسر: كان جالس يناظر الارانب سمع صوت خطواتها لف عليها بإبتسامه بس اختفت إبتسامته يوم شافها مكشرة سلامات ايش فيكـ
نجود: تحاول تخفي ضيقها لا مافيني شي حمد لله على سلامتكـ
ياسر: الله يسلمك مسك يدها وراحو يتمشون سوا جلسو على طوبيتن جنب بعض وجلس ياسر يسولف بمواضيع كثيرة
نجود: انسجمت لسواليفه ونست ضيقها
ياسر: يطالعها ترا شكلك احلى اذا انبسطتي مو لايق عليكـ تكشرين
نجود: تذكرت ضيقتها وانقلب مزاجها زاد فيه بنات مايعرفون الادب او يراعون المشاعر يقطون كلام كبر الجبال وعادي ولا همهم
ياسر: ردي عليهم بالمثل ولاتكدري خاطركـ ترا يانجود فيه ناس دفش اسلوبهم مهما زعلتي راح تتعبي وماراح يتغيرون او يدارون على مشاعركـ لهذا ردي عليهم بوقتها وبس
نجود: ماعرف انا حساسه ياسر وماحب اجرح احد قدامي
ياسر: ابتسم لها فديت الحساسه بس عاد تعرفين يجمل البنت حساسيتها
نجود: تحس بفخر وعزة كل مايمدحا وتزيد ثقتها بنفسها
=====================
في بيت غلاب
غلاب: اليوم عندهـ طلعه مع ربعه وطالب من سبيكه تسوي له عشاء
سبيكه: حطت القدر على النار وبعد مازان الدجاج طلعته وحطت الرز وجلست تنتظره بس ماحست بنفسها الا وهي نايمه على الكنبه انتبهت بصوت غلاب وهو يصارخ سبيكه سبيكه قامت مفزووووعة لزوجا شمت ريحة الحرق عرفت سر تعصبيه جت له وهي تشوف الغضب بعيونه
غلاب: خلاااااص طفش من تصرفاتها واهمالها ونومها اليوم طلعته ايش راح يقول لربعه يوم شافه جايه اخدته العصبيه من برودها وقرب شوي يضربها الا يتذكر شكل مشاعل وهي بين رجوله تصارخ وامه الي تحميها وجت بعض الضربات عليها اصوات ترجيهم وصراخهم بأذنه مر من عند سبيكه وطلع من البيت وهو معصب
سبيكه: جلست على الارض تبكي اول شي يوم قرب منها ماتت من الخوف منه بس يوم طلع وهو زعلان حزنت لزعله ليه انا كذا ياربي خلاص اكيد راح يكرهني وماراح الومه معذوور انا مهمله انا ماستاهله دق تلفون البيت رفعته لقت امها اول ماسمعت صوت امها جلست تبكي بقووة
محمودة: بسم الله عليك ايش فيك يابنتي
رشاد: وقف مكانه خايف بنته فيها شي شال السماعه ايش فيك غلاب ضايقك بشي زعلكـ
سبيكه: وهي تشاهق لا يبه انا الي زعلته
رشاد: إرتاح وتطمن عليها اهم شي غلاب ماضربها او ظلمها عطاها أمها هي تعرف تهديها أكثر منه
محمودة: قولي لي ايش صار لك بالضبط
سبيكه: حطت لأمها الي صار لأمها
أمها: ابتسمت شويات ونجيكـ حبيتي هدي راح اجيك وتعرفين انتي وغلاب السبب بالي صار بس لازم أتأكد
سبيكة: بسرررعة يمه ارجووكـ وابيكـ انتي وابوي تساعدوني ارضيه مابي اهسره يمه مابي
أمها: هدي حبيتي مسافة السكه وجاينكـ سكرت منها ودني لبنتنا ومر فيني على الصيدليه
رشاد: ليه ايش فيها بسم الله عليها
أمها: بإبتسامه شكلنا قريب يصير عندنا حفيد يارشاد
رشاد: جــــــــــــد ماصدق
=======================
في بيت موسى
العنود: اقنعت موسى يسافرون هم والعيال لمكه وياخذون عمرة سواء وبعدها يشونهم جدة
موسى: جمع عياله ترا آخر الاسبوع ان شاءالله راح نسافر لمكه ناخذ عمرت ووتتمشون شوي بجدة ونرجع هنا
منار ومازن فرحوو مرررة
العنود: يوم شافت فرحتهم انبسطت حي بس تبخرت فرحتها يوم سمعت كلام فيصل
فيصل: روحو انتم انا ابجلس عند جدتي
انوار: وانا بعد
موسى: مو على كيفكـ انت وياها رجولنا على رجلكم راح نسافر سفرة عائلية والسفرة خالتكم مقترحتها علشان تبسطكم
فيصل: اول شي مبسوطين هنا ماشتكينا لأحد ومانبي رحمه من احد ثاني شي قلتها سفرة عائليه وزوجتك ترتها خارج العائلة
موسى: عصب احترم خالتك ياولد ماتعرف لاتحمشني ولاتحشمها هذا جزاتها دايم توصيني عليكم
أنوار: تناظر العنود بحقد وكرهـ
العنود: خلاص يابو فيصل هدي الله يخليكـ ويمكن مالهم مزاج للسفرة هم صادقين ليه نجبرهم عليها نأجلها وهم يختارون لنا متمشيه ثانيه
مازن : لايخاله نبي نروح
منار: ايوه ودنا نروح بس تغير وجه منار يوم شافت نظرات التهديد من اختها
مازن: ماهتم بتهديد اخوهـ له
العنود: ضمته حبايب قلبي آخر الاسبوع راح ناخذ شاليه وتسبحون فيه على راحتكم بدال السفرة
موسى: فيه شاليها لصديقي يأجرها استاجر واحد لنا ان شاءالله
يالله عن ادنكم ابروح اصلي لاتتاخر يافيصل ومازن
فيصل: يوم طلع ابوهـ ترا مسرحياتكـ ماتمشي علينا وعرفينا انك حيه تلدغ من تحت
أنوار: بعدين ريحي نفسكـ مانبي لاسفرة منكـ ولاشاليه ماطفشتي من ثوب الطيبة المزور الي انتي لابسته
مازن وميار: راحمين خالتهم بس لسه صغار لو قالو شي عارفين ان الوعد قدام
العنود: وهي تشوفهم يبعدون عنها بعون الله راح اكسب قلبوكم بيوم وماراح ايأس
*
*
*
انتهى هذا الجزأ
انتظر توقعاااااااااااااااااااااااااااتكم على احر من الجمرررررر
&&&&&&&&&&&&&&&&
فائدة:
قال بعض السلف : خلق الله الملائكة عقولاً بلا شهوة ، وخلق البهائم شهوة بلا عقول، وخلق ابن آدم وركب فيه العقل والشهوة ، فمن غلب عقله شهوته التحق بالملائكة ، ومن غلبت شهوته عقله التحق بالبهائم
|
06-09-12, 10:46 PM
جديد مواضيع قسم القصص المكتمله
العرض العادي
