انا الي اشكرك عزوزتي على اول رد جاني بعد طول انتظار
فديتك وربي ماقصرتي ياااااااذوق كفيتي ووفيتي ياغلااااااااااي

ا

صباح الرومنسيه
صباح المشاعر المتدفقة

هموسه بارت من اروع ماقرأت
يعطيك ربي العافيه

فارس ودلال وشجون
الحين بدات عيوب دلال تظهر ومن قبل ماكنت تشوف غير النسب اللي يشرف والمال*
وشجون صارت هي اللي تناسب غرورك
انت مايهمك الا الجمال ليش وافقت تأخذ دلال مع انها مافيه زود وكلها شحوم*
والا عشان تقهر شجون هذه الدنيا درات وشجون احلوت وصارت هي الاولى*
طيب ليش تقول لها ان دلال تدق عليك بزر انت يعني والا قصدك شوفي هي وشلون متلهفه علي*
بس عجبني رد شجون عليك وتحطيمك لانك شخص تافه ما يهمك الا المظهر الخارجي عمرك مافكرت بالجوهر*
شجون لازم تقوي نفسها اكثر وتكره فارس عشان ما يقدر يتجاوز حدوده خاصه انه كان يقول مرجعها عشان ولدها خلاص التزم بالاتفاق*
دلال تستاهلين اللي يصير فيك من اول وانت تكرهينه في شجون بس الحين جأ دورك تذوقين من نفس الكأس
انتظر ردة فعلك لما تشوفين شجون أكيد بتنجلطبن وتعرفين ليش رجعها*

مشاعل وسلطان
وأخير اعترفوا لبعض كناري الحب مابغوا*

غلاب وسكبيه
اعتقد انها بتقدر تنسيها مشاعل وهو بعد لازم تكون إرادة قويه على نسيانها موب كل موقف بيجلس يقارن بينها وبين مشاعل*
البنت تزوجت وخلاص أنساها*

غلو
الوحده اللي هي فيها مالها حل الاانك تزوجينها وتريحين مشاعل وسحر من حنتها

ياسر
يمكن بنت الاستاذ محمد تكون هي زوجة المستقبل اذا فرضنا انها تشافت بعد العمليه
وتقدر تنسيه شجون
بس هو بيقدر ينسها*
اذا من قبل لايعرف هي وين مانساها وشلون الحين وهو عارف هي وين عايشه

صلاح والعنود
خلاص البنت عايفه ولا راح ترجع لانها عرفت قيمة اللي فقدتها فيعني موب لازم الحنه هذه

هموسه دمتي مبدعه

صباح الخير ........تسلم ايدك هموسة على البارت الحلو ماقصرتي ياقلبي بس مابرد قلبي في كتلة الشحوم .....عسى البارت الجاي فيه الي يسر الخاطر

شجون وفويرس وكتلة الشحوم

كتلة الشحوم مهما سوت ومها تفسخت ماراح تغير من وضعها شي ........لاجمال ولا درابة ولا اخلاق وين بتتوفق لاوكرامة مافي خليها تسوي الي تسويه ماراح توصل لربع شجون وتحمد ربها الثور ساكت وصابر عليها وهي مافيها الي يسر القلب .........اجل كاشخة ولابسة فستان توب لربع الفخد شي يقرقع بقلبي هالفيلة ماعندها مراية تشوف الكتل المتحركة الي تهتز يمين يسار تقولون منخضة لبن يادافع البلا الناس تستر عيوبها وهذي تستعرض فيها والي يقهر ماخذة مقلب بنفسها
خليها تشوف شجون بزواج عبد الرحمن وتشوف زينها وعسى تسمع بأذونها كلام الناس والمقارنة بين الجمال الرباني والاصباغ المزيفة الي تحطهم ولا سوت شي غير لما تسمع الحريم يدمون بشحومها يمكن تعرف قدرها وتطب منجلطة وتريحنا منها .........لاصقة بفويرس الي من قبل وهو مو مهتم فيها كيف والجمال الساحر عنده وحلاله

اما شجون زين تسوي خلي برودها وهدوءها هو سلاحها في التعامل مع فويرس اليوم مو قادر يترك الغرور والكذب عنه بس بيجي اليوم الي كل التزييف بيروح وحتى لو انكسر شجون لاترضى عنه كزوج الا اذا صار رجال يخاف ربه رجال همه يغسل ذنوبه رجال تايب عن كل الي سواه من خطايا هذيك الساعة ممكن انها تعيش معاه عيشة طبيعية لما تحسه فعلا تغير وصار مثل اخوه وابوه ساعتها توثق انو بيخاف الله فيها وبولدها اما اذا ظل سطحي ومااعتقد ابد طالما كتلة الشحوم زوجته الي لابد هي الي بتطلع كل الي سواه في خواته وفي شجون راح يندم ويتعلم درس ينفعه للممات

مشاعل وسلطان

واخيرا استقرت حياتهم وتخلصو من الحواجز الي بينهم عقبال شجون تعيش مرتاحة وسعيدة مثلهم ....اخيرا تلاشت الشكوك بينهم بس لو يطلعون من البيت الي هم فيه احسن لان ام سلطان ماتنطاق فرق بينها وبين ام غلاب كل يوم ملوعة كبودنا بدانوه عساها تتزوج وتفكنا وابو سلطان لازم يحط لها حد لانها تجاوزت حدودها ماعندها احترام لاحد تعايب في الناس كأنها احسن من غيرها مالت عليها الحسودة

العنود وصلاح

الي صار لهم درس كانو محتاجينه والعنود تنلام اكثر من صلاحوه لانها عاشت مع مشاري وشافت تعامله معاها وانو ماقصر عليها بس هي غرورها خلاها تكون صيدة سهلة لنسرين واخوها ولو هي تخاف ربها عرفت كيف تحافظ على بيتها بس من حظ مشاري لانها ماتناسبه والحمد لله تزوج الي تستاهله وصار ابو .......والعنود اذا ربي كاتب لها زواج هالمرة لازم تتزوج واحد يناسب ظروفها


غلاب وسبيكة

اعتقد انو سبيكة بتقدر تكسب غلاب بس هي تكون عاقلة وتتحمل اي زلة من غلاب وراح تكسبه وترتاح في النهاية


ياسر

يعني الي دخل الاستاذ محمد بس دام بنته تعبانة مااعتقد انها بتقدر تتزوج وحالتها الصحية تعبانة وياسر محتاج وحدة تنسيه وحدة وتكسب قلبه وتملى بيته عيال ونجود حتى لو تعالجت بتحتاج سنين علشان تقدر تتزوج وتحمل وعمرها بيضيع مااعتقد راح تناسب ياسر ومازلت اعتقد انو بيتزوج غلوي

غلاوي

ياقاهرة الكل بخفة دمها ........عساها تتزوج الي يعرف قدرها ........بس هموس حرام تزوجيها لفواز الي مستحيل بيكون بينهم تكافؤ لابالعمر ولا بالتفكير هو ماباقي عليه الا سنتين ويدخل الاربعين والي بعمره يميلون للجدية ويفضلون الزوجة الراكدة بينما طبيعة غلا غير بزواجه منها بيكبت شخصيتها وبيجرحها بأقل تصرف هو يبغي له وحدة على الاقل بالثلاثين .... وغلا صغيرة حيل عليه ......وان شاء الله تتزوج يسور وترتاح من الفراغ الي تعاني منه ......

وفعلا الاهل نعمة لعيالهم اذا كانو نفس اهل غلا بس لو هم نفس اهل دلالوه او دانوه او ابو شجون الي دمرو عيالهم بسبب تربيتهم الغلط مايستحقو الابوة ابد


في انتظارك ياقلبي

[FONT="Fixedsys"] الــ ج ـــزأ الــثــامن والـــثـــلاثــــووون


في يوم زووواج ريوووف وعبدالرحمن:graaam (172):
في غرفة عبدالرحمن
عبدالرحمن: كان غرقان بنومته
غلا: دخلت عليه غرفته وجلست جنبه هزته دحوم دحيم قوم
عبدالرحمن: فتح عيونه وناظر ساعته لقاها الساعه سبعه وهو مانام الا بعد ماصلى الفجر جلس خير غلو
غلا: الخير بوجهك بس ترا ربعكـ هونو
عبدالرحمن: عقد حواجبه كيف هونو
غلا: لازم اترجم ربعك اجلو العرس
عبدالرحمن: من جدكـ
غلا: لا من خالي هذا وقت مزح
عبدالرحمن: شاف وجه غلا جاد ومافيه حتى ابتسامه خاف ليه ايش صاير
غلا: مقدر ومكتوب ياخوي كل تأخير فيها خيره ترا
عبدالرحمن: عدل جلسته غلا كلميني زين ليه أجلوه ايش السبب
غلا: مادري بس الظاهر أن العروسه كانت تقيس فستانها للمرة المليون من الفرحه والبارح لبسته ولفت فيه مسويه سندريلا وانشق من تحت وماعندها غيره قامو أجلو العرس
عبدالرحمن: شدها مع شعرها الحين مقومتني علشان تلعبين باعصابي يالعوبا
غلا: ياخوي كنت طفشانه قلت ابخلي ليوم زواجه نكهه خاصه
عبدالرحمن: أي نكهه يرحم والديك وراي عرس ياغلو تعرفين كيف عرس يعني سهره حلوة تبغيني اروح لعروستي وأنا انعس
غلا: قامت وحطت يدينها على خصرها وأختكـ طفشانه تبغاك تسليها البارح يالله نمت كله من الخاينات سحير وميشو وامي وابوي فديتهم جو عندي بس صلو الفجر وراحو عني مشغولين بزواجكـ ياقلبي هم وانت خامد لاشغل ولامشغله فز قوم ساعدهم
عبدالرحمن: طيب قمت اطلعي وسكري الباب
غلا: مابي فز قدامي علشان أتأكد إنكـ قمت
عبدالرحمن: قام من سريرهـ وشدها مع يدها جهة الباب شكلي عطيتكـ وجه أكثر من اللزم أنا ابشوتكـ برا طلعها وسكر الباب بس وقف جنب الباب خاف إنها زعلت بسرعه فتح الباب وشافها منزلة راسها بحزن ورايحه لغرفتها راح لها وضمها غلو تراني امزح وربي
غلا: وهي منزلة راسها لارد
عبدالرحمن: غلو وربي امزح
غلا: لفت عليه وبعيونها دموع كل الي احبهم راح يتركوني وينسوني أنت وسحر وحتى ميشو
عبدالرحمن: مستحيل انساكـ انتي أختي قطعة مني ضمها لصدره بقوووة
غلا: بعدت عنه أكلت المقلب وطار نومكـ
عبدالرحمن: زين يالمجنونة وانا الي متقطع قلبي عليكـ
غلا: كيف صدقتني اصلا ماصدقت تتزوج وافتكـ منك وترا البكاء وهالدموع والمسلسل الهندي مخليته لسحير انا ماعندي دموع وطلعت لسانها وراحت لغرفتها
عبدالرحمن: يناظرها وربي عارف انكـ ماتمثلي وان الفراغ متعبكـ بس تجير يوفي وتملا عليكـ فراغكـ فديت هالريوف الله يجيب الليل واشوفها
==============
في بيت اهل ريوف
خواتها جايات بدري
ريم: يمه عسى ريوف نامت البارح
أمها: والله مادري يابنتي كان سوا انا واخوها وهي وطلعت تنام مادري جد نامت او لا البنت لها اسبوع ماتاكل كويس وحالتها حالة خايف مرررة
منال: اليوم تخاف بكره تنبسط تخبرين يوم زواجك يا حنان
حنان: يوووه قومت الدنيا وماجلستها وتعبتي أمي وفواز ياروحي هو
فواز: توه يدخل عليهم وآخرتها امرها من بكره وحاط يدي على قلبي والبنت خشتها من هنا لهنا وماعندها خلاف
الكل ضحكوووو بس قطع ضحكهم الجرس يدق
ولد حنان راح يفتح الباب بعدين رجع بسرعه جدي جاي
البنات: خافو لجيت ابوهم يعرفون مايجي ال اوراه مشكله
الأم: تغطت وماقامت من مكانها
الابو: جاي والشرر يتطاير من عيونه
فواز: بكل احترام هلا يباكـ حياك توم انور البيت
الابو: لاهلا ولامسهلا من يشوفكـ يرجي خير بالبيت
فواز: ايش فيك يبه عين من الله خير
الابو: بصوت عالي قلت لكـ مافيه خير مادامي اشوفك الحين يوم تجي لولدي هاني ايش دخلك فيه وليه تخانقه
فواز: يبه هاني يمشي مع شلة موز ينين ابد يبه انا كنت جاي وهو يفحط مع ربعه مسكته ونصحته وقلت له ان شفتك مع هالربع ماراح يصير خير لأني انا اخوه الكبير ومصلحته تهمني وربي مانصحته الا من حبي له
ابوهـ : هاني احسن منك يارخمه
البنات العبره بحلقوهم وهو يهزء اخوهم الكبير قدامهم
فواز: نزل عيونه للأرض مارد
ابوهـ : هاني يوزن بلد بعلقه وصلاحه عندهـ أم مربيته زين مو مثل العوبا الي عندكـ مارفع راسي غيرهـ وعارف انكـ حاقد عليه وان الي عندكـ تراسه راسكـ أنت وخواتكـ طلعت من البيت وخليته لكم كله وماكفاكم وجاي ورا عيالي تنكد علي
فواز: رفع عيونه يبه عمر أمي ماحضرتنا عليكـ طول عمرها توصينا نبركـ ونطيعكـ يبه وربي ماسويت كذا الا من خوفي عليكـ انت وأخوي يبه فتح عيونكـ على الي يصير حواليكـ هاني يمشي مع ناس أكبر منه عرفت ايش معنى اكبر منه
ابوهـ : تـف تخسى انت تشككني بولدي
هاني: مسح وجهه وتغيلات ملامح وجهه الله يسامحكـ يبه
ابوه: وانت الله لايسامحكـ جاء يبي يطلع لف على زوجته الي متغطيه ضفي عيالكـ وشرك عني ياوجه النحس ابي اعيش براحه تعبتوني الله يتعبكم وطلع من البيت
البنات: جلسو وكل وحده تمسح دمعتها بسرعه علشان مايشوفهم فواز
فواز: بكل ثبات الي صار مابي ريوف تدري عنه وقام عنهم
ريم: يوم راح اخوها انفجرت ليه كذا يسوي فينا وربي أكرهه ماحسه ابوي
حنان: الله يسامحه ياعمري يافواز الي ماعمرهـ حس إن عندهـ ابو ومسحت دموعها
منال: صح يكرهنا بس يكرهـ فواز أكثرنا
الأم/ بحزن لأن فواز من صغرهـ هو الي يدافع عني مرة عصب علي ورماني بالليل بالشراع قال لكم لاحد يفتح لها الباب فواز صبر حتى نام ابوهـ وفتح لي الباب وكانت معاه بطانيته لان الجو كان برد ومطر قلت له مابي ادخل ابوكـ راح يطقك بكرهـ قالي ان مادخلتي ابطلع معاك وكان يومها برابع ابتدائي يوم اصبحنا الصبح الا يطقه ابوهـ طق الى هالحين قدام عيوني حتى انه انحرج من سؤال المدرسين والطلاب له من وين لك الزراق بجسمكـ تكمل كلامها رد عليهم طحت من السلم
حنان: وهي تمسح دموعها اذكر ذاك اليوم وربي مانساها اذكره يضربه وانا كنت صغيره وادعي على ابوي لأني ماحسه ابو

أمه: الله يسامحه انا يهني يضربني طلقني تعودت بس أكثر شي يوجع قلبي اذا شفته يهين فواز
منال: الله يستر لايعرف زوج ريوف عنه اكثر ويصير يعايرها بأبوها زي زوجي مرة رمى علي كلمه بس يوم زعلت وجيت عند أهلي وعطاها فواز كم كلمة بعدها تأدب بس مازلت شايله عليه
ريم: أنا مرة أم زوجي رمت علي كم كلمه ان ابوكم راميكم ومو يمكم بس كنت ارد بوقتها
حنان: الله يسامحه الي يخلينا نواجه زي هالمواقف
أمهم: انتم تزوجتو واستقريتو وريوف بالطريق وإن شاءالله ان شاب يخاف ربه يقولون بار بأهله ومايصير واحد بار وعادته مو زينه بس قلبي على فواز الي مو راضي يتزوج ويتطمن قلبي عليه
ريم: خسارة كان يبي يملك بس قامو من الملاكـ بسبب شرط البيت
أمهم: ترجيته مايلغي الملاكـ بس الله يهديه رفض
حنان: وبنت اخوكـ هي الي شرطت البيت ماتخيلت بنت اخو تشرط بيت مستقل عن عمتها
أمهم: الله يوفقها تزوجت وراحت بسبيلها
منال: ربي راح يعوض اخوي احس منها مليون مرة
أمهم: رفعت يدينها يارب عوضه عن تعبه بدنياهـ بزوجة تسعد قلبه وترجع البسمه لوجهه
فواز: راح لغرفة ريوف يبي يتطمن عليها خاف انها سمعت شي فتح غرفتها بهدوء وفرح انها منقلبه على جنبها قال الحمد لله ماصحت بس يوم جاء يبي يسكر الباب سمعة شهقه من شهقاتها قرب لها وجلس وراء ظهرها مد يده على شعرها يمسح عليه
ريوف: لفت عليه وضمته وهي تشاهق
فواز: وهو ضامها افا عروستنا تبكي كذا راح يخرب وجهك ترا ويهاف عبدالرحمن منك
ريوف: مابي اتزوج مابي
فواز: ريوف خابركـ عاقله وتفكيركـ اكبر من عمركـ ايش جاكـ
ريوف: وان صار زوجي زي ابو او صار يعايرني فيه مابي ياخوي خلني عندكـ ارجوكـ انا مبسوطه عندكـ انت وامي
عبدالرحمن: حرام عليكـ تصدمينه الرجال له اسبوعين من ملكتو وهو ناشب لي كل شوي يجي يتعذر بأي شي يجي وباين الفرحه بعيونه
ريوف: تضمه بكره راح يتغير تذكر منال يوم تتخانق مع زوجها مافيه رجال زيكـ فواز
اهلها طلعو فوق حسو ان فواز عند ريوف يوم سمعو بكاها عرفو انها سمعت صوت ابوها
أمها: جلست جنبها يابنتي زوجكـ الكل يمدح فيه ويقولون مايطلع عن شور أمه وابوه لاتخافين مافيه بار قلبه مو حنين ترا
ريوف: ليتني ماوفقت وبكت
حنان: يالله ريوفي بلا دلع كلنا فرحانين غ=فيكـ لاتخربين فرحتنا
منال: عاد ماشاءالله أم زوجكـ صغيره واحسها راح تصادقك واخته دمها عسل مادري احس العايله كلها طيبين حتى خالاته وبنت عمه افرحي ان ربي جاب لك حمولة واضح الطيبه فيهم
فواز: ويشهد الله ابوه يحط فوق الراس تحسه كفو وكلامه موزون وناظر بريوف عاد العريس حدث ولاحرج رجال قليل اشوف زيه اخلاق وذوق بالتعامل
ريوف: كأنها ارتاحت
ريم: يالله ياجماعه خلوني معاها علشان ادخل غصب تتحمم شويات وتجي الكوافيره
كلهم طلعو لف عليهم فواز لاتخلونها لحالها عارف ان نفستها تعبانه دراسه وزواج شايله همه لأنها اصلا ماتعرف عبدالرحمن من قبل ولا أهله وهي طبيعتها خجوله وهاديه وكمل اليوم ابوي وهي اصلا كرهت الزواج بعد ابوي صارت لها عقده بس بعون الله راح يقدر عبدالرحمن يطلعها من العقد الي تراكمت عليها انا معلمه كل شي عن طبعها
حنان: ليه ياخوي أخاف بكره يعايرها
فواز: لاتخافين انا اعرف الرجال زين الي اشوفه رجال فاهم وعاقل وراح تشوفين ان شاءالله
منال: الله يسعدها ويستر عليها وربي شايله همها فديت قلبها
حنان: وانا زيكـ يالله منول نروح نجهز أغراضنا قريب يأذن الظهر
================
في بيت غلاب
غلاب: فتح عيونه مالقى سبيكه جنبه جلس على سريره ناظر الحمام شاف بابه مفتوح يعني مو فيه قام وأخذ فوطته ودخل وتحمم طلع يدورها مالقاها عرف انها تحت لبس ملابسه وتعطر ونزل
سبيكه: كانت لابسه بناجامي لونه اورنجي غامق مستشورة شعرها وفاكته ومسطعه الكحل تبي تشوف تقبل غلاب لها او لسه مايتقبل الجنسيه الهنديه زي أول كانت تجهز السفره يوم سمتع خطواته مركزة عيونها على كل تصرف يبدر منه
غلاب: نزل وتفاجأ بالي لابسه بنجامي غامق وشعرها مغطي ظهرها
سبيكه: انصدمت يوم شافته واقف متفاجيء تدعي ربها انه يخيب احساسها حابته ماتبي تخسره
غلاب: اشرق وجهه بإبتسامة اعجاب ايش هالحلا كله قرب منها سمي على يابنتي ماتحمل كل هالحلا
سبيكه: لفت عليه وهو كان قريب منها مرة بخوف جد عجبكـ شكلي او تجاملني
غلاب: قلت لكـ ماحب اجامل وربي انكـ كذا احلى من البارح الف مررررة
سبيكه: يعني متقبلني باللبس البنجامي
غلاب: تغير وجهه مسك يدها ورفعها لشفايفه ماخطبتكـ الا لاني ابغى أحد من خوالي لاتمسك براسكـ اني كنت ماحب الهند ابدا ياسبيكه هذاكـ اول انا خطبتكـ علشان اسمك زي أمي ولانكـ بنت خالي وفرحت يوم شفت فيك شبه منها مسكها وجلس معاها على الكنبه اقدر اقولك انا حبيتك من اول ماسافرنا سوا او من يوم اشتغلت عند ابوك وانتي دايم تردين علي بالتلفون بس مابي اغشكـ انا خطبتك علشان ريحة أمي والحمد لله شفتك ودخلتي قلبي
سبيكه: وهي بحضنه رفعت نفسها ممكن أسألك سؤال وتجاوبني بصراحه مادامكـ صريح معاي حيل
غلاب: أسألي
سبيكه: بتردد نزلت عيونها بعدين رفعتها له وزوجتكـ الاولى ماكنت تحبها
غلاب: تضايق من سؤالها بس مايقدر يلومها هي زوجته لازم تعرف كل شي عنه ناظرها بحنان ماله داعي قلبي نجيب سيرتها الي راح راح خلاص
سبيكه: بحزن يعني كنت تحبها
غلاب: ماقدر اغشك او أكذب عليك اقولكـ ماحبها انا تزوجتها انتقام
سبيكه: انتقام !!!!
غلاب: سالفه طويله بإختصار كان اخوها حاقرني لان ولدي هنديه زتزوجتها انتقام
سبيكه: ارتاحت يعني ماحبيتها
غلاب: سكت وتنهد بقوة ماقدر اكذب عليكـ اقولكـ ماحبيتها لف عليها حبيتها بس ياكثر الحب الي زي مايبدا ينتهي
سبيكه: تضتيقت وسكتت
غلاب: لف وجهها بطرف اصبعه ليه القمر تخرب جمالها
سبيكه: وهي خاقنتها العبرة شفت أجمل منها
غلاب: عدل جلسته شوفي حبيتي مشاعل ماكانت أجمل منك كانت بنت عاديه زيها زي غيرها ماقول شينه ولا اقول جميله بس كان جمالها بأخلاقها وطيبتها كنت كارهها حببت نفسها بطيبتها وانتي متزوجك برغبه راح اعشقك يوم تملكيني بطيبتك وتتحملين غلطاتي
سبيكه: ارتاحت لكلامه وانت تحمل غلطاتي بعد وغيرتي الشديده عليكـ
غلاب: بشكلك هذا مو بس اتحملك الا كلي فداك هههههههههههههه
سبيكه: استحت وضحكت وحمرت خدوها
غلاب: طلع من جيبه تذكرتين وحطها على حجرها
سبيكه: حاجز لنا
غلاب: تتوقعين وين؟
سبيكه: بفرح لاتقول عند خوالي وبنت خالي
غلاب: الا راح نزورهم ونتمشى بالهند وبعدها سيرلانكا ونرجع
سبيكه: تبغى تحضنه من الفرحه بس مستحيه لسه عروس
غلاب: قرب خده مافيه بوسات ولاضمات ولاشي
سبيكه: نزلت راسها مستحيه
غلاب: قربها لحضنها وضمها كذا تفرح الزوجه مع زوجها
سبيكه: تجرأت وضمته ومرتاحه لصراحته معاها ومصممه انها تكسبه بأخلاقها زي ماكسبته مشاعل حاسه انه طيب بس محتاج حنان يعوضه عن الي فات
==================
بيت ابو عبدالرحمن
الكل مجتمع عندهم والكوافيره تعبت من العصر عندهم
نوال: لبست فستان زيتي فخم وحطت تسريحه اناسب شعرها واضح من فخامة لبسها إنها أم العريس
غلا: تناظر أمها يمه لايشوفكـ ابوي اخاف يتخربط ولا يقدر يواجه الناس
نوال: ياشين بنتي اذا قلبت مصريه
غلا: من جد يمه شكلك يجنن
نوال: طيب روحي خليها تضبط شعرك احسه تمكر من العصر وهي مكرته والبسي ابشوف زينكـ
غلا: ايش اسوي تقول شعرك سايحك مايمسك بسرعه التمكيرهـ يمه شكلك متوحمه بفلبينه يوم تحمللين فيني وصار شعري كذا
نوال: ايه كانت عندي شغاله فلبنيه تجنن وشكلي توحمت فيها صرتي طبق الاصل عنها
غلا: يمه حرام عليك قلت لك بس شعري ايش دخل وجهي وخشتي الحين
نوال: فديت زينة البنات بس يالله ابروح اشوف ايش صار على البنات
غلا: مالت كل وحده منهم كل ماتسوي تسريحه تقول لامابي كذا سلطان مايبه كذا وهذيك مشاري مايحب المكياج الثقيل عقدو الكوفيره مالت عليهم
نوال: بكرة راح تتزوجي وتصيري زيهم
غلا: كان اشوته ايش دخله فيني انا ابروح لزواج مو عندهـ
نوال: بس راح ترجعي للبيت ويشوف زينك وتسهري معاه سهرة حلوووة
غلا: لايمه الثقل زين مايجيبني على كيفه
نوال: بكرة نشوف وراحت وخلتها
غلا: ايه تشوفون وتسمعون بعد بس وينه الي أمه داعيه عليه
البنات يالله سحر ا طلعي نشوف فستانكـ
سحر: كانت لابسه فستان بني مشكوك ماسك على جسمها وصابغه شعرها بني غامق تسريحتها ماسكه غرتها فارقتها بالنص وشادتهم على وراء بعدين مسويه بف فوق شعرها ةفاكه الباقي ومكرته وحاطه تاج ناعم يفصل البف عن غرتها ولابسه حلق بني غامق طويل ومكياجها كان ذهبي ناعم
البنات: صفرو يوم طلعت تجنني خيال
سحر: ناظرت المرايه يارب يعجب مشاري ياقلبي هو
غلا: ياليل ترانا رايحين لعرس مو لمشاريكـ
سحر: اهم شي اعجبه هو والا الباقي مو لازم صح ياخاله
نوال: انتا اشهد اهم شي رجالنا
غلا: قومي البسي ميشوو لاتحوم كبدي بسرعه
ميشو: دخلت للغرفه ولبست والكوفيره عدلت تسريحتها لبست فستان ابيض ماسك على الجسم ومشكوك شعرها جابته على جنب ومرولته وحطت كرستاله على جنب ومكياج شوي ساطع
غلا: كلوووووووش راح تغطين على عروستنا بفستانك الابيض ومكياجكـ
مشاعل: تناظر نفسها تعمدت البس ابيض لأن سلطوني ماشافني بفستان ابيض لازم نعيش لحظات حلوووة
غلا: سكرت فمها ياليل حتى هذي اقول شجوني قومي البسي وربي حومو كبدي هالمهبولات عندهم هوس رجالهم
شجون: قامت تلبس فستانها الاسدو الامع ممسوك عند الخصر بسبيته سوداء بس قماش مو لماع كان عند الصدر على مفتوح على شكل قلبين ومسويه تسريحه فخمه كانت الكوفيره ماسكه غرتها على جنب ومثبته فيها كرستالات صغيره على غرتها ةعلى الفرقه الثانيه بعدين لفت باقي شعرها وخصلته تخصيل مؤقت صار سعرها كله اسود غامق الا الي لافته كان اسود بخصل ثلجي
تفننت الكوفيره برسم عيونها حطت لها ظل اخضر يناسب عيونها وكحل اسود يبن جال عيونها أكثر وتشعبت بتظليله ذهبيه خفيفه تحت الحواجب وكلوس وردي لامع طلعت للبنات
البنات سكتو ماحد تكلم
شجون: ماتعودت على مكياج ساطع خافت انها موحلوة ناظرتهم ليه ماطلع شكلي حلو ارةح امسحه احس شكلي غلط صح
غلا: قربت الا ماشاءالله تبارك الله عليك ايش خليتي حرام عليك راح تسرقي الأنظار
سحر: ياحسرة راح يقولون هذي زوجة اخو هذي ايش جاب لجاب
شجون: ابتسمت لاتجاملوني بنات من جد حلو شكلي اولا
مشاعل: قربتها للمرايه شوفي شكلك وأنتي احكمي
شجون: وقفت قدام المرايه ابتسمت لتغير شكلها عاد سبحان الله ماتعودت للمكياج الصارخ
نوال: بس ماشاءالله زدتي جمال على جمالكـ
غلا: شوفي هذي الي راح تطيح عقل وقلب وفويرس جد
شجون: تغير وجهها لطاريه
نوال: لاحظت تغير وجهها يالله انتي روحي البسي مابقى غيركـ ترانا تأخرنا على اخوكـ ابروح اشوفه قبل مايطلع للرجال فديت قلبه
غلا: جلست هونت البس
كلهم لـــــــــيـــــــــــه ؟!؟!؟
غلا: تنتظر بشجون بعد هالميزونة تحطمت شكلي يبي يطلع غلط بعدها
شجون: ضحكت عليها وجلست جنبها مازين من العقد لباسه ياختي انتي تلبسين بس قميص وتبتسمين ابتسامتك المعودة تطلعين جنان
غلا: اجل ابروح للزواج بقميصي وابتسمت بقوة
سحر: شدتها مع يدها بلادلع قومي بسرعه ترا الكوفيره مستعجله
غلا: اجل ماعلي منكم جهزو مدح كثير ابغى رفع معنويات لو مجامله اهم شي مدح وراحت تلبس فستان نيلي غامق فوق ساتان بفتحتة سبعه على الصدر وعنده اكمامه شك بعدين حزام طويل يفصل بين الصدر والي تحت باقي فستانها جوبير نيلي ضيق بعدين يتوسع على تحت الكوفيره مسكت غرتها وشتها على الجوانب بعدين طلعت خصلات ناعمه بدون مثبت على وجهها يناسب نعومة شعرها قسمت شعرها اربع اقسام وكل قسم جابته على جهة يعني صارت متداخله بعدين رولت آخر شعرها وخلته صار شكلها كيوت مررة
شجون/ لابعد تقولي غطيت عليك ماشاءالله تجنني
غلا: عن المجامله شوشو
شجون: ماجامل وربي ايش رايكم بنات
مشاعل: روووعه الف خاطب على بابكم وراح تشوفي والا سحورة
سحر: ناظرتها من فوق لتحت يعني مو قد كذا
غلا: احلى منك ياسحير
سحر: ههههههههههههه شفتو عارفه انها حلوة بس تتدلع علينا ناس ماتجي الا بالعين الحمراء
نوال: بنيتي حلاها فيها عن إذنكم ابروح اشوف عريسنا
عبدالرحمن: كان واقف قدام المرايه لابس مشلحه الاسوود وساعة وكبكب اقنر
نوال: فتحت الباب عليه بهدوء
عبدالرحمن: لف وشاف أمه قدامه فتح يدينه لها
نوال: ضمته وخنقتها العبرة بس ماسكتها
عبدالرحمن: باسها مع راسها ويدينها ورفع عيونه لها وشاف دمعة تنزل من عينها مسحها بأصبعه افا يالغاليه تبكين بليلة عرسي
نوال: من فرحتي لكـ ياعبدالرحمن مو مصدقة عيوني عبدالرحمن الي كان بين يديني باللفه صار واقف أنت اول فرحة لي بدنياي دارت الدنيا بسرعه وأشوف طفلي وفرحتي واقف الحين قدامي ولابس مشلحه عريس وأحلى عريس بعيوني
عبدالرحمن: رفع يدها وباسها بحنان كله من فضل ربي ثم فضلك يمه أنتي وابوي الله يقدرني أسعدكم أنا وزوجتي حتى آخر يوم بعمري
نوال: بريت فيني أنا وابوكـ وخالتكـ الله يرحمها ماجاب لها الإبتسامه طول اربع سنين غيركـ وراح ربي يعوضكـ بزوجة حنونة وتبر فيكـ زي مابريت فينا
عبدالرحمن: ناظر بعيد ليتها معانا الحين وينها تشوفني كانت دايم تكرر كلمة ابي اشوفكـ عريس
نوال: يوم شافته تغير وجهه لذكرى شعاع مسكت يدهـ حبيبي ماوصيكـ على زوجتكـ خلها بعيونكـ ترا أهلها مافرطو فيها الا لأنهم واثقين فيكـ شكل البنت خجوله وناعمة وهادية وعلى كلامكـ جاها من ابوها كثير ان عوضتها الحب والحنان راح تكون لك عيونك الي تشوفه فيها خل ابوكـ مثالكـ الأعلى تزوجني وأنا عمري 16 سنة يتمية الأم وعوضني كل شي كنت اخطي ويغمض عيونه يوجهني بحنان ماذكره قسى علي بيوم والحين صار لي كل شي بدنياي
عبدالرحمن: والله يايمه ارتاح وأنا اسمع نصايحكـ لو غيركـ خافت على ولدها وقالت لاتخليها تستغلكـ ولاتسمع كلامها بس ماستغرب من أم عبدالرحمن هالحنان حنيتي على سحر وعاملتيها زي بنتكـ وأكثر راح تظلين حنونة ياأم عبدالرحمن والله يقدرني اسعدكـ طول عمركـ
نوال: ضمته سعادتي من سعادتكـ انت وزوجتكـ وعيالكـ ان شاءالله
غلا: خيااااااانة ماسمح
نوال: بعدت عن حضن ولدها ومسحت دمعتها وهي تبتسم لبنتها
غلا: اوووف اوووف ايش الكشخه ياخوووووي تجنن تهوووس من جد زبدتك راح تسيح يوم تشوفكـ
عبدالرحمن: مرة زبدتي مرة قشتكي ارسيلكـ على بر
غلا: حسب الظروف اذا صار الجو حر زبدتك برد قشطتكـ ماعلينا قرب هات بوسة مباركيه
عبدالرحمن: قربها وحضنها متى تعقلين مادري
مشاعل: مبروووووووووووووووكـ احلى ياخطيررر إنت
عبدالرحمن: يعدل مشلحه تراني أصدق
سحر: دخلت وفتحت عيونها لاصدق من جد طالع شكلكـ جنان
عبدالرحمن: وهو يعدل مشلحه ويرفع راسه ايه احلى من مشاريك وأنتي سلطانكـ
سحر: لا تبطي مشاريي مافيه أحلى منه
مشاعل: بفرحة ولا سلطاني
غلا: خلكم منهم ياخوي غيرانين منكـ احلى منهم خصوصا سليطين ولا خالي مشاري أحبه ماقدر أقول فيه شي
شجون: جالسه بغرفة ثانيه مع بندر تسمه ضحكاتهم ومزحهم فرحانه لفرحه تتذكر فرحة البنات بشكلها الكل منهم متمحسه علشان زوجها يشوفها الا هي مافيه أي حماس تتمنى تضحكـ من قلب زيهم قطع تفكيرها جوالها يرن برقم تكرهه ردت ببرود هلا
فارس:وهو كاشخ بالغترة والثوب فرح يوم سمع صوتها خلصتو
شجون: ايه خلصنا بس البنات عند العريس يسلمون عليه
فارس: خاف انتبهي وادخلي بغرفه بعيدة لايشوفكـ شويات وأجيكـ
شجون: بدون توصيه انا جالسه بغرفة بعيده عنهم أصلا ومسكرة
فارس: خايف عليها طيب دقايق وأجيكـ
نزل بسرعة وركب سيارته دق جواله بسرعه رفعه يظنها شجون شاف دلال حطه على درج السيارة دقت ثانيه مارد
دلال: وهي عند المشغل مع أفنان مادري ليه مايرد
أفنان: يمكن مع العريس وزحمه ماسمعه
دلال: جلست على الكنبة بحزن ليته ياأفنان ليته تغير حيل علي بعد رجوع الحيه له
أفنان: صدقيني اليوم راح تصيرين انتي العروسه شكلك طالع جونان
دلال: وقفت عند المرايه كانت لابسه فستان أحمر لاصق بجسمها كانت فتحت الظهر واصله آخر فقرة من ظهرها بعدين من قدام فتحه كبيرة على الصدر بعدين ماسكـ بفتحه الى نصف الفخذ صابغة شعرها أصفر ورافعته بتسريحة الطاووس تتوقعين راح أعجبه
أفنان: وقفت جنبها شوفي بياضكـ وجسمكـ أي رجال راح يخق معاكـ كيف واحد متزوج زي شجون لاتنسين من هي شجون قطعة بنت كأنها صومايله بجنسية سعودية وضحكت بدلع
دلال: ابعدت عن المرايه هذا الي مجنني بنت قبيحه لا راحت ولاجت كان طول عمره يستحقرها ويتقزز منها يرجعها ويطير فيها ويسناني بالمرة
أفنان: أكيد ساحرته أو مستغلته لأنه شفقان على العيال وجابت له هالولد طار فيه بس صدقيني مردهـ لك وراح تشوفين هالليله
دلال: ابدق ثانيه يارب يرد ابغاه يشوفني قبل ماروح دقت مارد مافيه أمل ياربي
أفنان: دقي ثانيه
دلال: وهي فاقدة الأمل دقت
فارس: أزعجته بإتصالاتها رد هاهـ تراكـ أشغلتيني
دلال: لاحبيبي بس تراني خلصت ورجعت مع أفنان ببيتها انتظركـ تجيني
فارس: بدون نفس وهو يسوق وسواقكم وينه ؟؟؟؟
دلال: فارس انا متزوجتكـ انت مو سواقنا
فارس: خلاص مشغول الحين اذا خلصت امركـ تجهزي سكر السماعه ورماه على المرتبه اووووف والله انها لصقة وصل لبيت ابو عبدالرحمن ودق على شجون
شجون: ماردت كانت مشغولة مع بندر ماسمعته
فارس: عصب وينها هذي الله يستر ماشافها عبدالرحمن او ابوه دق على غلا
غلا: اهلين خالي
فارس: ابدخل جوا قدامي أحد
غلا: شويات ياخالي اشوف لكـ غرفة الحريم نزلت بسرعه وسمعت سحر ومشاعل كل وحدة بزاويه تكلم زوجها
سلطان: هاهـ حبيتي أقدر اشوفكـ
مشاعل: بدلع حبيبي خلها مفاجأة الليلة إذا رجعنا
سلطان: ايش يصبرني
مشاعل: حبيبي علشاني
سلطان: لعيونكـ اسوي أي شي أمرنا لله
مشاعل: امووووواح انتبه لنفسك حبيبي
سلطان: لا والله هونت شوفي لي الدرب بس ابشوفكـ تبوسني وتبغاني اسكر
مشاعل: هههههههههه خلاص حبيبي بدون بوسات
سلطان: تقولي حبيبي وتبغاني أسكر يسمع الرجال ينادونه ومطنش
مشاعل: قلبي فشيله اسمعهم ينادونكـ
سلطان: دحيم ينبسط واحنا ننكرف وننحرم من زوجتانا معصي خليهم بس
مشاعل: يالله حبيبي لاتحرجني أكثر
سلطان: أجل بعد الزفة ابآخذكـ اوكي
مشاعل: اوكـ قلبي
سحر: ميار جننتي ناويه تخرب تسريحتي
مشاري: وهو يبعد عن الناس فديت هالصوت وراعيه تعرفي اشتقت لكـ من الصبح ماشفتكـ
سحر: كانت متحمسه تحكي له عن ميار بس نست كل شي بغزله وأنا بعد اشتقت لكـ
مشاري: بس موزي شوقي لكـ
سحر: حبيبي تعرف ان شوقي لكـ ماينوصف
مشاري: ان كنتي مشتاقة لي ابشوفكـ
سحر: خلها اذا رجعنا الحين اسمع فارس دخل
مشاري: تغير وجهه وليه دخل؟؟؟
سحر: مادري عنه بس سمعت غلو تقول تراه تحت
مشاري: من جد أخوي مايستحي انا مارضى يدخل عليكم جوا وربي ذابحني الشوق بس احترام لزوجته مادخلت مو كل الي بالبيت محارمي ابدق عليه
سحر: حبيبي طلبتكـ لا
مشاري: علشان مرة ثانيه يصير زينا مايدخل عيب الي يسويه
سحر: حبيبي خابرتكـ هادي حكيم ايش جاكـ
مشاري: هادي دايم الا اذا أحد قرب لكـ او شافكـ تطير الحكمة كلها
سحر: بدلع يعني تغار علي مشاري
مشاري: يالبى هالبحه يالبى هالدلع سحورتي مافيه زواج ابشغل سيارتي ونروح خلاص باركنا لهم مولازم نحضر
سحر: لااااااا قلبي ارجوكـ لاتحرجني
مشاري: اجل لاتدلعين عندي ترا اجيب العيد ماعلي منهم
سحر: خلاص قلبي ماراح اقول شي سمعت صياح ميار يوووه شكلها صحت
مشاري: ماعطلكـ عنها ياقلبي
فارس: دخل وشاف غلا احلى حركات طالعه حليوة
غلا: ترفع راسها عارفة اني اجنن واحلى الموجودين بعد بقلبها لو تشوف شجون ايش تسوي
فارس: متحمس يشوفها بس عزة نفسه مايبي يطلبها لحالها وين مشاعل ونوال ابسلم عليهم واباركـ لهم
غلا: دقايق اناديهم تقول بقلبها وربي عارفه انكـ ميت تشوفها بس مسوي ثقل بس ماراح أناديها عناد راحت ونادت مشاعل ونوال بس[/FONT][/COLOR]