صباح الخيرات ......تسلم ايدك همس ابداع كالعادة بارت جميل ومشوق .........مازال هناك الكثير والكثير من الاسئلة والاستفسارات الي ننتظر اجابة لها مع ابطالك والاحداث المنتظرة

فارس وفرح

فرح مصدقة حالها جالسة تلمع بنفسها واصلها الي حتى لو هو صحيح ماراح ترفع من قدرها الي واصل للحظيض بسبب دشارتها واعتقد نهايتها بتكون مأساوية في النهاية .........زمهما كانت الاسباب الي دفعتها لبيع جسدها حتى لو كان الجاني الاول ابوها بس هذا مايعني انها تدخل في عالم الرذيلة بكل بجاحة لو انها لجات الى ربها وسوت سوايا اختها ربي بيكون معاها وباخذ لها حقها لانها مظلومة
اصلا اعتقد انو عادي عندها الي تسويه لانها ماتربت على الدين والاخلاق وشجون لولا علاقتها بغريب وكلامه الي راكز براسها كان حتى هي فاقدة لاشياء كثيرة

الحين بنشوف غرورها الي مجملة نفسها فيه لما يشوفها فارس والي معاه في حفلة ابو رامي الي معروف نوعها وغرضها وبتعرف انو الي مايستر على حاله ربي مايستر عليه ونظرة فارس لها صحيحة وكلامه ينطبق عليها بنشوف ردة فعلها هي وصديقاتها قال بنات هوامير قال الا بنات ليل عديمات شرف وهالشي بيطيحها من عين فارس اكثر وماراح تقدر تتكبر عليه وهي تبيع جسدها

اما فارس كلامه اكد لي انو تعرضر لصدمة قوية كرهته في جنس حوااء وخلته يتصرف هالتصرفات الوقحة بس ايش الي صار وايش دخل شعاع بالموضوع مااعتقد انو شعاع مسوية شي يسود الوجه والا كان مشاري وعبد الرحمن اخذو منها موقف

مها وياسر

بصراحة هالبنت طايحة من عيني وماراح تاخذ من سواياها الا اهانة وتفشيلة من ياسر ........وبصراحة احتقرت بنات عمها بدل ماينصحونها ويكونو حازمين في الموضوع يسمعوها وعادي عندهم السالفة انها تغري رجال غريب عنها مو محرم لها ........ياخسارة المهنة والوظيفة الي هي فيها لانها الظاهر تشتغل مو لحاجة فيها لا تشتغل علشان تدشر وتستعرض بنفسها ......في ناس احوج منها للوظيفة وماهي حاصلة لهم
بس راح يعلمها ياسر درس يأدبها ويعلمها قدرها زين


شجون

هالبنت تنرحم بصراحة والله يعوضها عن هالحياة الموجعة والمتعبة لانها صابرة وتدور لقمتها بالحلال ومحافظة على نفسها وتدور لقمتها بطريق صعب ومتعب بس اهم شي انو حلال ومايغضب الله

واعتقد انو غريب هو ياسر بس كيف ومليه غير اسمه ماادري كل هالاشياء بنتأكد منها مع الاحداث واعتقد انو مانسى شجون وبينقدها لانو هم الابطال الرئيسيين في الرواية ومن البداية اجتمعو مع بعض


سحر

سحر اعتقد انها تحب مشاري بسبب حنانه وتعامله الحلو معاها من الصغر وهي يتيمة ومحتاجة لاهتمام ومشاري كان مصدر هالاهتمام لذلك تعلقت فيه وحبته وخواطرها واشعارها عنه .........فارس بعيد عنها مااعتقد مثل كلام البنات ........وان شاء الله بيتحقق حلمها وبيكتمل فرحها .........بس ايش سالفة زوج امها وولده اعتقد بيكون له ظهور بالاحداث الجاية ويمكن يكونو مصدر ضيق ورعب لسحر


في انتظارك ياقلبي

السلام عليكم و رحمه الله و بركاته

صباح الخير و الرضا من الرحمن

أبدعتي يا همس .. بارت يحرق الأعصاب من فرح يا قهري منها ..!

=======================
(( شجون ))

خيالات و ذكرى غريب ما هي رايحه منها لانه كان الوحيد اللي مرافق لها في

طفولتها يعني ما قد ذكرت موقف مع فرح حتى و هم اطفال أما الاب و فالله

المستعان ما اتوقع بيوم وعى انه شجون بنته .. زين منها أنها باتت عند ام صلاح

تتجنب ابوها لانه اللي مثله ما ينضمن ابد ...

==============================
(( فرح و فارس ))

يا قهري منها هالحيه .. سبحان الله ماهي يم البراءه و لا لابق لها الحيا

يعني من زود الذكاء اللي يشوف لبسج بيقول هذي تعرف حيا م مستحى

بس الطيور على اشكالها تقع ..

طاحت على فارس اللي شكله متعقد من الحريم كلهم و هالشيء لها علاقه

كبيره باخته شعاع .. فارس احسه يلعب بالنار و ما هو قد التحدي مع فرح لان

الانسان ضعيف قدام المغريات و خصوصا مع وحدة مثل فرح ..

اتوقع السهره اللي بيروحون لها اللي مسويها ابو رامي و راح يشوف فرح فيها

و يعرفها عدل .. ردة فعله اتوقع راح تكون صدمه كبيره ...

==============================
(( مشاعل و سلطان ))

أنا اللي فهمته ان سلطان ولد نوال أخت مشاري يعني اخت مشاعل بعد

فــ سلطان هو ولد اخت مشاعل شلون يكون بينهم حب .. و لا انا مخي

ضرب و تداخلت الاحداث معاي ...؟؟

=============================
(( مها ))

يا غباء البنات مرات تصير علينا طلعات اللحين من نظرة حبيتيه و حاله

و هو لا درى عن وجودج بالحياة ,, تفكير مراهق أو غبي ان صح القول

و الشباب ما يحبون البنت الخفيفه اللي تطيح عليهم .. فالله يستر من

تاليها ...

==============================
(( سحر ))

احترت ف من تحب ,, بس الأرجح انه فارس و الكره اللي تقوله ما هو الإ

غبطاء عشان ما تفضح نفسها لانها عارفه نظرة فارس للحريم ككل ...

=============================

سلمتي يارب

و بــ انتظارج دايم

..
..
..

مسائكم معطر بذكر الرحمن
اشكر وردتي الي تتواجد معاي بالمنتدى هذا والثاني فديت وردتي بس
اما مشرفتنا بياض الصبح مشكووورة ياروحي على اهتمامك
ولله ماستمريت هنا الا عيونك بس انتي ووردةة لاجل عيون تكرم مدينة
مالقيت تفاعل هنا بس يكفيني وجودكم انتم وتفاعلكم انتم تغنوني عن الف رد
لاحرمني الله منك ياغلى واجمل عسولات

الــ ج ـــزأ الــخامس
في فرنـــســـــــــــــا
قي حفلة صاخبه تسمع فيها كاسات الخموور وصوت الموسيقا الصاخبه وضحكات ال****** يعلو الحفل ودخان السجائر يغطى الجو الكئيب بمعصية الخالق المنان
عادل: هاه وش رايكم مو الجو جنان
احمد: ايه جنان وبس شوف المزيونات هناك من كل الجنسيات الشقراء والسمراء آه بس شكل السهره حلوة والا ايش رايك يافارس
فارس: وهو يتلفت مبهور من جمال القاعه ايه من ناحية جنان فهي فعلا جنان شكلها حلوة
عادل: ايه بس جهزو فلوسكم
احمد: لـــــيــــــش
عادل: ايش الي ايش وانت ووجهك مافيه ليله حلوة بحضن وحده من هالبنوتات الا بفلوس
احمد: يحك راسه بس الحاله ماش
عادل: عاد وش نسوي لك تبي والا تسهل حتى تصير حالتك كاش هههههههههههه
احمد: لاخلاص ادفع بعدين ادبر عمري
عادل: اجلسو الحين تبدأ الحفلة
ابو رامي: يصعد عتبات المسرح معلن عن راقصات من مختلف الجنسيات
بدات الراقصات واحدة تلو الأخرى اخيرا فتح الستار عن راقصه جميله الكل تطلع وترقب من تكون طلعت تتبختر بمشيتها لابسه فستان يعري اكثر من مايستر لونه احمر توب من فوق وماسمك على صدرها ومبرز جماله أكثر بعدين يتوسع من تحت الصدر طولع نصف الفحذ في قمة فتنتها وجمالها
احمد: هيه هيه فارس موهذي فرح
فارس: طلعت عيونه وهو يشوفها رص على اسنانه وقال بقهر نصابه محتاله وتقول انا بنت اكبر هوايمر الرياض وطلعت داشره بنت داشر بس الحين اوريكم فيها
عادل: شده مع يده اجلس يارجال تبي تمشكلنا مع ابو رامي
فارس: جلس بعصبيه قايل لكم احذرو منهم ولايغركم اشكالهم لا ومسويه ثقل البارح ماترقص ولا شي وهي سربوته هنا
احمد: بضيق اقول خلها تولي هي وصاحبتها اصلا كنا نستلى فيهم بس
فارس: بس والله ماخليها الا احرجها قدام الكل وقام وخلاهم
عادل: بعصبيه رفيقك هذا جد مجنون ليتني مادعيتكم
احمد: من زمان مجنون توك تعرف
فارس: راح لابو رامي قال تسمح لي رقصه مع احلى بنات الحفله الكل طالعو فيه
فرح: وقفت عن التمايل والرقص وحركات الاغراء يوم شافت فارس يتكلم ماتوقعت جيته قالت بقلبها ايش جابه هذا
ابو رامي: بس تقدر على القيمه هذي غاليه
فارس: افا عليك اطلب وانا حاضر
ابو رامي طلب مبلغ وفارس طلع من محفظته فلوس واعطاه اياه
احمد: جد جد الولد انجن
عادل : بقوة شكل البنت فتنته وسرقت قلبه وعقله ايه مالومه على هالجسم والاغراء تفتن بلد مو بس رجل
فارس: طلع المنصه وهو يطالعها بنظرات استحقار طبعا هي بس تشوفه لانه وهو يرقى لها معطي الحضور ظهره وفرح وجهه
فرح : قرات بعيونه الشر وارتبكت
فارس:قرب جهتها ومسك يدها ولفها لفتين والكل يناظرفيهم قال بصوت عالي ابو رامي طلعت حلوة من بعيد قبيحه من قريب ابي غيرها هذي ماتعجبني ابد وبعد عنها باشمئزاز قدام الكل
ابو رامي: استغرب وانصدم من كلامه بس مايقدر يرفض طلبه لأنه دافع فلوس كثيره وطلب راقصه غير فرح
الكل انصدم من كلامه
فرح: ماتت قهر من رده جرحها طعنها
فارس:شاف تعابير وجهها الي حمر من القهر ابتسم بسخرية وقال بصوت هادي اول مرة اشوف بنت غنيه راقصه وداعره وداشرة وساقطة ولو فيه مرادف اقوى واشين قلت عنك بس حتى الافلظ تعجز توصف حقارتك ودنائتك
فرح: بعصبيه قالت من بين اسنانها حقير ووقح
فارس: باتسامة اغاظة مو احقر واوسخ منك ياحلوة
فرح: تركت المنصة كلها ودخلت داخل وهي تغلي من جوا
نادين: استقبلتها برا المنصه ياويلي اكيد احمد معاه
فرح: بعصبيه حريقه فيه وفي خويه وراحت وخلتها
رها: مالومها موقفه معاها موسهل فشلها قدام الكل وراح يمسكها عليها ابو رامي ويهزأها فيه الله يعينها بس
نادين: ايه المسكينه بس اكيد احمد راح يزعل مني
رها: ياشيخه خليهم يولون انتي معطيتهم اكبر من حجمهم الله ياخذهم كلهم ويرحينا من اشكالهم
نادين: طلعت من الغرفه الخاصه فيهم وراحت مكان الحفل تدور على احمد لقته حاضن وحده اسيويه ويرقص معاها انقهرت وولعت غيره قربت منه ومسكت كتفه بنعومة
احمد: لف ناظر مين الي مسكت كتفه ابتسم بسخريه قال خير
نادين : ممكن دقايق من وقتك احمد
احمد: بنظرات استحقارماتشوفيني مشغول يطالع بالي معاه سارقه عقلي هالقمر
نادين: وهي تبلع عبرتها دقايق احمد ارجوك
احمد: ابتعد عن الي معاه سوري حبيتي دقايق وارجع لك خربت جوي هذي لف على نادين خير
نادين: مسكت يده وطلعت برا هي وياه ممكن تفهمني احمد
احمد: افهم ايش افهم انك انت وخوايتك اكبر نصابات واكبر داشرات واكبر وسخات وحقيرات
نادين: احمد بس
احمد: لابس ولاشي تتظاهرون انكم بنات اكابر وانتم كل ليلة بحضن رجال
نادين: افهم ظروفنا احمد
احمد: أي ظروف الي تخليك تشتغلي ***** وفوق هذا ***** نصابه
نادين: والدموع متحجره بعيونها بس انا احمد حبيتك
احمد: هههههههههههه مسكينه لاتكوني صدقتي اني حبيتك انا بس كنت اباخذ الي ابيه وادوسك عليك باي ياغبيه
نادين: طعنها جرحها زود عن جرحها ركضت لغرفه الخاصه فيهم وجلست تبكي
رها: حطت يدها على كتفها ايش فيك حبيتي ايش قالك
نادين: خلاص كرهت كل شي مليت طفشت ليه مو من حقنا نعيش زي البنات الي غيرنا حتى الحب محرومين منه ليه كذا بس ليه وبكت اكثر
فرح: وهي تتظاهر انها مانجرحت ولا كسرها تصرف فارس اقول بلادلع وشوفي رزقك هالأشكال اكبر نصابين ومحذرتك تتعلقي فيهم
ابو رامي: فتح الباب معصب هيه انتي وياها مسفركم على حسابي علشان تجلسون بغرفكم كافي فشلتنا رفيقتكم طالع بفرح باستحقارشكل صلاحيتك انتهت يافرح
فرح: تناظره بحقد ماحد جبرك تشغلني عندك الف يتمنوني
ابو رامي: قرب منها وشدها مع شعرها وخلاها توقف قدامه اشوف طلع لك لسانك يابنت .... دفها لجهة الباب اقولك طسي لشغلك بسررعه وبلا كلام فارغ
فرح: ناظرته بتحدي ماعاش من يهني او يجبرني على شي مابيه انا الليله مالي مزاج وماراح اطلع لزباينك
ابو رامي: الله الله والله طلع لك لسان يافروحه وصرتي تتحديني ان ماطلعتي الحين والله لاربيك واعطيك درس ماتنسينه وانتي تعرفي كيف راح احرق قلبك قدام عيونك
فرح : هدات عصبيتها وانكسرت قدام تهدديه يعرف كيف يمسكها مع يدها الي توجعها طلعت من الغرفه بدون أي كلمة
رها ونادين: رحمو فرح وخافو من ابو رامي وطلعو بسرعه لتلبية حاجات زباينه الحيوانيه
**********************
في بيت ام سحر
ام سحر: سحر يابنتي سند يبيك لولده حمد
سحر: يمه كم مرة اقولك ماهضمه هالولد مابيه يمه مابيه
ام سحر: بحزن براحتك يابنتي
سند: وليش سندريلا ماتبين ولدي مو مالي عينك
ام سحر: بخوف وتفاجات بدخوله لا وش دعوه الله يهديك سحر ماتلقى احسن من حمد بس تقول لسه صغيره وتبي تكمل دراستها
سحر: بضيق عن إذنكم وراحت للغرفه عند اخوانها الصغار
سند: وهو يجلس بعصبيه مادري هالبنت شايفه حالها على ايش كله من عمها وجدتها الي دلعوها اكثر من اللازم
ام سحر: ماقصرو معاها والله رحموها يتميه وانا تزوجت وخليتها لو مو عارفه حنانهم عليها كان ماخليتها
سند: بعصبيه والا ندمانه على زواجك مني احمدي ربك اخذتك
ام سحر ماقلت شي الله يهداك
حمد: ياولد
سند: ادخل وانا ابوك ماقدامك احد
حمد: يبوس راس خالته قريبا اريحكم مني وادخل بدون استأذان اذا صارت سحر حلالي
ام سحر: بمجامله ان شاءالله ياوليدي
سند: الا يابوك ماتشوف لك بنت غيرها سحر خربوها اهلها بالدلال
حمد: وأنا ماعجبني وشدني فيها الا دلعها ودلالها يبه وان اخذتها راح تصير مثل الزبده تموع بين ايديني ابدلعها وادلالها اكثر
سند: يابوك الدلال للحريم يخرب
حمد: الا دلال سحر جملها ماخربها دق جواله عن اذنكم وطلع للحوش هلا وغلا بشيخة البنات هلا بالي سرقت العقل سرق اشتقت لك ياعمري
وريف : اكيد حبيبي اشتقت لي
حمد: ان ماشتقت لك حياتي منو اشتاق له
سند :حمد حمد
حمد: حبيتي ابوي ينادي باااااي اموووووووواح
*************************
في المستشفى
مها: حطت ورود على مكتب ياسر وعطرت مكتبه وطلعت
طيف: ليه تأخرتي
مها: وهي مبسوطه اليوم راح يرجع يسوري لنا ياشين هالدوره اخذته اسبوع كأني لي عنه سنه كامله
طيف: اوص هذاه جاء
ياسر: مر من عندهم بخطى ثابته وقف وطلب من طيف اوراق وهو عاقد حواجبه ومارفع عيونه صوبهم ابد
طيف : تفضل
ياسر: اخذ الملف وراح
مها: ياويل قلبي جنني هالرجال سرق قلبي وعقلي
طيف: ااااف كيف تحبينه شايف حاله حيل
مها: ياختي ايش اسوي بقلبي حول مايحب غير هالثقيل اقولك ابروح ادور عذر اروح له
طيف: اركدي بس وربي ماراح يعطيك وجه
مها: ايش اسوي مشتاقه له موووت يالله ابقوله اني تبادلت انا وومرضته وابصير عنده
طيف: براحتك بس متأكدة ماراح يعبرك
مها: ان ما عبرني هالمرة ابتركه
طيف: ترفع يدينها يارب مايعبرك
مها: ضربتها مع راسها وجع ايش هالفال وراحت لمكتب ياسر
ياسر: كان يقلب بالملفات يتجهز لدخول اول مريض عليه
مها: دقت الباب بخجل السلام عليكم
ياسر: وهو منزل راسه ويقلب بالملف وعليكم السلام
مها: دكتور ترا تبادلت انا وممرضتك الخاصه فيك
ياسر: رفع راسه وهو عاقد حواجبه مستغرب
مها: خافت من نظراته
ياسر: لــيــه؟؟؟
مها: بارتباك وهي تفرك يدينها قالت لي وظيفتك مكتبي اريح مني تبادليني قلت اوكيه مافيه مشكله
ياسر: نزل راسه وانا بعد ماعندي مشكله اهم شي ا ن الي تكون معاي نظاميه وتجي بدري ووتحجب كويس وتتستر وماتتعطر
مها: عرفت انه يدق بالكلام عليها لان بالطوها كاشف الي تحته من ملابسها الضيقه وفتحت نقابها واسعه وريحة عطرها يشمها البعيد قبل القريب قالت اوك مافيه مشكله
ياسر: شوف لي المرضى ووزعي الارقام عليهم ودخليهم بالدور
مها: فرحانه طيب راحت بسرعه لطيف تاخذ الارقام عطيني بسرعه الارقام
طيف: ماشاءالله ماسرعه وافق اكيد خاق عندك
مها: أي خاق يرحم والديك كذبت عليه قلت ممرضتك تبغى مكاني ماكأني ناشبه ببلعومها حتى بادلتني وماعبرني بالعكس دق علي باكلام علشان لبسي وعطري
طيف: الحمد لله اجل راح تتركينه
مها: وهي تحط يدها على قلبها الا صرت امووووووووووت فيه وهـ بس ياحلاته
طيف: الحمد لله على نعمة العقل بس
*************************
في بيت ام صالح
شجون: مو مرتاحه ابد في بيتهم الشايب ابو صالح نظراته لها تخوفها
ام صالح: شجون وراك ماتردين علي من الصبح اناديك يالله حطي لنا الغداء
شجون: آسفه خاله بس كنت اجهز شنطتي
ام صالح: ليش رجعت اختك
شجون: لابس مشكورة ياخاله لازم اروح اشوف ابوي وبيتنا
ام صالح: براحتك
شجون: حطت غداهم وراحت للبيتهم تنهدت وهي تمشي بالطريق بحر الشمس الي تحرقها بس ماحست بحرارتها تعودت عليها اهـ بس الله يعيني لو شافني ابوي آآآآآآآآآآآآه بس يتيمه وأنا عندي ابو البنات يحسون بلأمان عند آبائهم وأنا احس بقمة الخوف بوجوده الله يسامحك يبه دخلت بهدوء للبيت وقلبها يوجعها دورت بعيونها ماشافت ابوها شكله طالع سكرت قرات وردها وسكرت الباب بشويش البيت مغبر لازم تنظفه لو تنظفه من اليوم لبكره ماراح ينظف من خيوط العنكبوت الي صنعها ابوها بيديه وضيع بناته حطت شنطتها ودخلت للمطبخ تدور مكنسه وهي تدور ماحست الابيد تشد شعرها فزت وحطت يدها على قلبها وصارت ترجف
ابوها: وين كنتي كل هالمده يالحقيره
شجون: وهي خايفه كنت ببيت ام صالح
ابوها: لانت ملامحمه وترك شعرها ايه توك تصيرين بنتي بس عاد مارحتي الا عند هالعجوزالفقيره الوحده تدور ببيت اغنياء تترزق عندهم
شجون: انقهرت من تفكيره انه راح بعيد يبه انا رحت اشتغل عندهم كنس وطبخ مو شي ثاني
ابوها:دفها عنه اعرفك غبيه وراح تظلين طول عمرك غبيه مو زي اختك الذكيه الي دخلي باليوم الف الفين حبيبة قلب ابوها
شجون: عمري ماصرت حبيتك ان كنت ابشتغل بالدعارة زيها هذا بدال ماتحافظ علينا يبه تبيعنا علشان فلوس تشتري فيها سمومك
ابوها: قرب لها زي الثور الهايج وشدها مع بلوزتها ووقفها وعيونها تطير منها الشرر ان عمرك جبتي سيرت اختك بلسانك الوسخ قطعته لك وان ماجت اختك بكره راح اشغلك غصب عنك زيها ودفها ثانيه جهة الصاله
شجون: والله لو على موتي ماشتغل زيها امي ولدتني بشرف وانا راح اموت شريفه زيها مافي قوة بالعالم تجبرني اسوي الحرام
ابوها: مافيه شيطان بالعالم الا ركبه وتعصيني بعد انا اوريك الحين ياحيوانه ياحقيره واشوف تقدرين تعصيني او لا وجرها مع شعرها متجه فيها للباب
شجون: تصرخ بأعلى صوتها يبه فكني مابي الله يخليك والله لاشتغل ليل نهار واترك الدراسه بس اشتغل حلال يبه الله يخليك فكني وصارت تبكي بقوووة
ابوها: وهو معصب مره يشدها للباب وماهمه ترجيها
شجون: ابوس رجولك يبه فكني انا بنتك حرام عليك تسوي فيني كذا ربي راح يسألك عن الي تسويه فيني
ابوها: قلبه حجر لايحن ولايرحم فتح باب البيت الا بـــ..
فرح: ايش الي صاير؟
ابوها: فك شجون هلا والله ببنت ابوها هلا والله بالي لها الخافق يهلي
فرح: تركته وماعبرته وراحت لشجون وجلست بالأرض تكلمها
شجون: فرحت بدخلت اختها بالوقت المناسب بس دموعها ماقدرت تمسكها بدون ماتحس ضمت فرح
فرح: استغربت ان شجون تضمها من زمان ماضمتها سنين وهم مبتعدات عن بعض
ابوها: دف شجون عن فرح ادخلي لغرفتك لابارك الله فيك ولاتسوين لنا فلم هندي وتخربن فرحتي برجعت بنتي
شجون: قامت بسرعه لغرفتها
فرح:حزنت لأن ابوها ابعدها عن حضن اختها
ابوها: مسكها مع يدها تعالي يابنتي والله البيت ماينفع بدونك و...
فرح: ماخلته يكمل كلامه فتحت شنطتها وعطته فلوس عن إذنك انا تعبانه حيل من السفر عارفه ان ابوها مايشتاق لها الا علشان الفلوس والا هي ماهمته
ابوها: وهو عيونه على الفلوس يعدها ايه ارتاحي ياقلب ابوك انتي روحي ياروحي انتي وطلع بسرعه يشتري السم الي يشربه
فرح :دخلت للغرفه تشوف عن أختها فرحانه انها ضمتها متعشم هان المياه ترجع لمجاريها مع شجون مشتاقه لأختها موووت
شجون: بحقد عساك انبسطتي بسفرتك
فرح: مات آخر أمل لها ان شجون تعاملها كأخت وبدون استحقار كتمت مابداخلها وحاولت تكابر قدام أختها الحمد لله كانت خوش رحله انبسطنا انا والبنات مرة باريس روووعه ليتك كنتي معاي
شجون: وعيونها منتفخه من البكاء بسم الله علي
فرح: المهم لاعمرك تعاندين ابوي
شجون: اجل تبيني اسكت له واطيعه بكل شي وابيع نفسي زي مابعتيها
فرح: بعصبيه مالك شغل فيني لاتتوقعين بكلامك هذا راح تحطميني لا انتي ولاعشره من امثالك يقدرون يحطموني وهي تتخيل كلام فارس لها وزادت عصبيتها على اختها اكثر
شجون: اعصابك بس لايطق فيك عرق يالواثقه
فرح: مازالت معصبه ايه واثقه غصب عنك انتي واشكالك
شجون: ابروح لبسطت ام صالح ابرك لي من مقابلة وجهك
فرح: يوم طلعت اختها تنهدت بضيق وجلست على السرير وحطت راسها بين ايدينها ضايقه من كل شي طفشانة من كل شي بس ماتقدر تفضفض تتمنى تركتي بحضن اختها تشكي لها همها والمها بس مو قادرة أختها تستحقرها وهي ابد ماتولمها
******************************
في استراحة الشباب
حمد: قريبا اعرس واخلي العزوبيه
ابراهيم: على مين تبي تعرس وريف او حنان او مادري وشسمها الثالثه والرابعه والى اخره
حمد: لا مهبول انت ولاوحده من هذولي
ابراهيم: خابرك تحب اكثر وحده وريف اكيد هي سعيدة الحظ
حمد: لاوريف ولاغيرها انجنيت انت هذولي بس اتسلى فيهم بس هذا زواج تعرف ايش معنى زواج يعني وحدة تأمنها على بيتك وعيالك
ابراهيم: طيب من هي؟؟؟
حمد: حط يده على قلبه حبية الطفولة سحورة
ابراهيم: ايه صح نسيتها بنت زوجة ابوك قصدك
حمد: ايه هي
ابراهيم:وهي تحبك وضامن انها راح توافق عليك
حمد: انا اخبرها يومها صغيره ماطقيني بس الحين تتغطى وماتجلس بمكان انا فيه بس ماعليك الحب يجي بعد الزواج
ابراهيم: ايه ماعلي بس يمكن ترفضك
حمد: وهو يلعب بالوت لا ماتقدر ترفض لأبوي طلب علشان عيون أمها واخوانها الصغار فهمت ياذكي
ابراهيم: بس حرام عليك تضغط عليها من جهة امها يمكن البنت ماتبيك
حمد: مايهم اهم شي انا ابيها ومابي غيرها تحمد ربها بعد اني ابتحمل دلع اهل ابوها لها لو غيري مارضي فيها
ابراهيم: ياأخي وانت وصي عليها لاتخطبها وخل غيرك يتحملها
حمد: أقول العب ولايكثر قال لاتخطبها قال
**********************************
في بيت اهل صلاح
نسرين: الله يالعنود من زمان عن بعض
العنود: ايه والله اني مقصره بحقك بس اعذريني ياروحي غصب عني تعرفين الزواج وارتباطته
نسرين: بضيق ايه اعرف سكتت شوي مبسوطه معاه العنود
العنود: بضيقه الحمد لله على كل شي
نسرين: بس مرة شفته شين مرة مايقارن بجمالك العنود ابد مو لايق لك
العنود: تتهرب المهم ماعلينا كيفك انتي وايش صار على موضوعك مع زوجك
نسرين: تطلقنا
العنود: افااا ليه
نسرين: عجزت اتحمل عاداته يالعنود والحمد لله ربي موسعها لنا وخلى الطلاق حل لمشاكلنا ليه اجبر نفسي مع انسان عادته ماتحملها او اجبر نفسي مع شخص ماحبيته بس أخاف من اسم مطلقه يلصق فيني هذا تخلف
العنود: سكتت ماردت
نسرين: قامت وجابت علبة شكولاته فاخره ذوقي
العنود: اخذت حبها واكلتها يم طعمها بجنن
نسرين: جلست جنبها ايه ليه مايكون طعمها جنان وهو اخوي صلاح هو الي جايبه خصيصا يوم عرف انك راح تجيني
العنود: نزلت نصف الشكولاته من يدها وبلعت ريقها وارتبكت
نسرين: تتابع العنود بنظراتها
العنود: بارتباك صح على طاري صلاح هو كيفه بعد رجعته ووين اشتغل
نسرين: اشتغل بمستشفى مدير علاقات عامه ولسه عزابي بعدك يالعنود اول مرة يالعنود اشوف رجال يحب زي صلاح ماحبك تخيلي أمي ناشبه بحقله تدور له عن عروسه رافض يقول ماراح اتزوج ابد
العنود:بحزن جد يانسرين
نسرين: ايه جد تخيلي مرة ارتب غرفته لقيته مازال محتفظ برسايلك يوم كنتو صغار سألته لسه محتفظ فيهم قال حب الطفوله انحفر بقلبي مستحيل انساها الله لايسامحه الي فرقكم عن بعض نذل وخاين خان صديقه الي أمنه على أسراره الى هالحين صلاح مايطقه ولايطق سيرته
العنود: بس الي سمعته ان مشاري ماله دخل بالي صار هذا ابوي وعمي
نسرين:خل عنك هالنذل قال لأخوي هالكلام بس أخوي هزأه وقاطعه الى يومك مايكلمون بعض
العنود: شافت الساعه يالله ياروحي تأخرت لازم اروح الحين
نسرين: قامت وباستها لاتقطعين زوريني ثانيه الحين رجعت من استراليا ومالك حجه تقطعين
العنود: انتي زوريني بعد مو بس أنا
نسرين: ببيت أهلك اوك بس ببيتك مستحيل صلاح يسمح لي
العنود: طيب حبيتي ببيت أهلي مو مشكلة مع السلامه ياروحي لبست عباتها وطلعت تبي تروح على رجولها لبيت أهلها بعدين يجيها مشاري بعد ماينتهي دوامه يوم فتحت باب السوق شافت الي ماتمنت تشوفه علشان ماتنتفح جراحها
صلاح: توه طالع من الشغل لبق سيارته وفتح باب بيتهم كان لابس تي شيرت اسود ضيق مبين عضلات جسمه وفاتح ازاراه الفوقيه ومطلع بياضه اكثر ولابس نظرات سود ومبين اللبس بياضه وشقار شعره شاف مراة طالعه من بيتهم عرفها من تحت غطاهاكيف مايعرف الا سرقت قلبه واشغلت تفكيره حب الطفوله العنود نزل راسه وابعد عن الباب
العنود: قلبها دق الف دقه يوم شافته طلعت بسرعه متجه لبيت اهلها وبقلبها سبحان الله ماتغير جماله وجاذبيته
صلاح: تكى على باب بيتهم ويراقبها وهي تمشي نفس خطواتها الثانبته ماتغيرت طولها وجسمها الي حفظه من كثر ماتابعها زمان دخل لليت ويشوف بوجهه نسرين
نسرين: هاه كحلت عيونك ههههههههههههههه تراني ماقصرت مدحتك عندها وقلت لها نفس ماوصيتني
صلاح: ابتسم وسكر الباب كفو يابنت ابوي
***********************************
في سيارة مشاري
مشاري: مشغل القرآن ينتظر العنود تطلع من بيت أهلها يوم ركبت معاه سكر ورد السلام عليها هلا والله بقمر قلبي مسك يدها اشتقت لك
العنود: سحبت يدها بهدوء الفجر شايفتك
مشاري: بابتسامه عذبه احسبي ياروحي من الفجر الى هالحين كم ساعه تقريبا ست ساعات مو هالست ساعات تعذب قلب العاشق الولهان
العنود: سكتت وماردت قالت بقلبها وعادي تعذب غيرك علشان تسعد نفسك اناني وراح تظل طول عمرك اناني
مشاري: جرحته بسكوتها دايم تجرحه ببرودها بس متصبر فتح شريط القرآن وكمل سماعه لأنه عارف مايشفي جروحه ولايهدي حزنه المكتوم غير القرآن
العنود: سرحانه بكلام نسرين وشوفتها لصلاح بعد اربع سنوات فراق قلبت جراحها كانت تحاول تكتم عشقها له بس بعد ماشافته وعرفت انها مازال يحبها ماراح تقدر تخبي حبها وعشقها له استغفرت ربها وحاولت تركز على الشريط
****************************
في بيت سند
سحر: يمه كيف اتزوج حمد وانا ابد ماحبه او بالأصح ماطيقه
ام سحر: ياروح امك الحب يجي بعد الزواج شوفيني انا كنت اموت بأبوك ويوم مات الله يرحمه توقعت ماراح اتزوج بعده وهذاني الحمد لله تزوجت ابوحمد وجبت اربع عيال منه وعايشه حياتي
سحر: يمه كيف عشتي معاه بدون حب
ام سحر: حطت يدها على كتف بنتها يابنتي لاتغرك المسلسلات مافيه حب الابعد الزواج
سحر: يمه ماختلفنا والا آني مهبوله ماقتنع بزوج الا لازم حابته قبل زواجي بس يمه حمد ابد ماهضمه قلبي مو مرتاح له من يومي صغيره ماطيقه
ام سحر: يابنتي انا زوجة ابوه وماعمري شفت منه شي يكدر خاطري غيره يكره زوجة الاب هو بالعكس يحبني ومقدرني وابشرك بعد ابوه يحذره من دلع اهل أبوك له وهو مبسوط يقول راح ادلعها اكثر
سحر: يمه طلبتك لاتضغطين علي اكثر مابيه يعني مابيه
ام سحر: بحزن براحتك يمه بس لاتنسين اخوانك الاربع امانه برقبتك اذا انحرمو من حنان الأب بسببك
سحر: بعصبيه والله ان كان ابوهم قاسي ومهددك يتركك علشان ولده حمد ولا اهتم بالاربعه الباقين فهو خسران ليه حمد ولده والاربع هذولا مو عياله
ام سحر: بضيق شكلي مكتوب لي طول عمري اما ارمله او مطلقه وراحت وخلت بنتها بحيرتها
سحر: ياررربيه ايش اسوي الحين الله يفكني منك ياحمد من وين طلعت لي آآآخ يالقهرررر
***************************
في ملحق ابو مشاري
سلطان: متى ابوك يحن على قلب عاشق وولهان ويزوجني بأختك
فارس: انت خطبتها وضمنتها انها من نصيبك وعمك المحترم رافض يزوج بنته قبل ماتنهي دراستها الجامعيه
سلطان: ايه انا عارف اجل ليش كلمتك انت وخشتك ابيك تتوسط لي عنده موقادر اصبر اكثر من كذا فارس
فارس: وقالو لك ان ابوي ياخذ برأيي كلم نسيبك مشاري هو الي كلمته عند ابوي منفذه مو انا تعرف هو حبيب البابا موزيي ياحسرة
سلطان: نسيت انك دلوع الماما ههههههههههههه
فارس: ضربه بالمخده الي جنبه اقول اسكت بس
سلطان: قام وهو يضحك والله ماضيع وقتي معاك اروح للي ينفعني ابرك لي جلس جنب مشاري
مشاري: كان يشرب شاهي ويقرا الجريدة
سلطان: هلا بالنسيب
مشاري: حط جريدته وابتسم هلا وغلا
سلطان: احم احم
مشاري: بابتسامه اكبر بدون مقدمات وتنحنح ايش بغيت
سلطان: ابيكم تحنون ياخي تعبت وربي وأنا انتظر مليت من العزوبيه ودي استقر
مشاري: الله كل هذا طيب استقر من منعك
سلطان: تعرف عمي الي هو ابوك الله يحفظه مانع يتم زواج الا اذا خلصت دراستها
مشاري: وانت ماتبي تنتظرها ليه مشاعل ماتستاهل انتظارك وصبرعلشانها
سلطان: افا يابو بندر لو مابيها واموت فيها ماطلبت اتزوجها وأنا ماراح اعارض تكمليها دراستها تتزوجني وتكمل تعليمها معاي ان شاء الله تبغى تعليم عالي ماعندي مشكله مسك يد مشاري طلبتك يابوبندر ان كان لأختي العنود غلا عندك انك تتوسط لي عند عمي يقدم زواجي
مشاري: تنهد بضيق لأنه تذكر العنود رد بهدوء ياخوي ياسلطان خاطرك عندي موهين وسعادتك تسوى ملايين ابشر بالي يسرك ابحاول بابوي والله يقدم مافيه خير وصالح
سلطان: قام يبي يحب راسه
مشاري: افااا لاتكبرني
سلطان: من ماعمي ياخوي لاتلومني ايه هذا ولد العم مو فـويرس
فارس: وهو يلعب سوني مع ربعه فـويرس بعينك
سلطان: ضحكه بفرحه وطلع لسيارته رفع عيونه لشباك مشاعل قريبا ياميشو تكوني تحت عيني مايفرق بيني وبينك غير المووت ان شاءالله بس الله يحنن قلب عمي علي عاجلا غير آجل
مشاعل: بغرفة اختها شعاع الي قريبه لغرفتها كانت تطل على سلطان وهو يطالع غرفتها بفرح طلع وهـ بس فديته
شعاع: وهي تحاول تتعدل بسريرها الله يعينك كل مايجي يسهر هنا تراقبينه وتنتظرينه حتى يطلع
مشاعل: وهي تطل بهدوء علشان مايشوفها ولاراح أمل فيه احد يشوفه ويمل منه سكرت الستارة يوم راح سلطان وجلست على طرف سرير شعاع وحطت يدينها على رجول اختها احبه ياشعاع اموت فيه
شعاع: بحزن الله لايفرق بينكم
مشاعل: توها تنبه لنفسها بحزن آمين
شعاع: لاحظت اختها ايش حطت يدها على يد أختها ايش فيك ياقلبي
مشاعل: لاحياتي مافيني شي
شعاع: حبيتي اتمنى من ربي انه يطول بعمري وأشوفك مزفوفه لسلطان لإنسان يحبك بصدق وأثبت حبه لك بطلبه الزواج منك
مشاعل: رفعت عيونها لأختها وشافت دموع شعاع تحجرت بعيونها رمت نفسها على حضن اختها وبكت
شعاع: حاولت تتماسك ولاتنزل منها ولادمعه بلعت عبره وراء عبره كأنها تبلع حجر بعد حجر
*****************************
انتهى الجزا
وانتظر ردودكم على احررر من الجمر فلا تبخلون علي فيها
حكمة اعجبتني :
الـحـيـاة مـلـيـئـة بـالـحِـجـارة فلا تـتـعـثـروا بِـهـا بـل إجـمـعـوهـا
وابـنـوا بِـهـا سُـلـمـاً تـصـعـدون بِـه نـحـو الـقِّـمـة
دمتم لي بود
اختكم همس شعري دائما ((( امي هي روحي )))

السلام عليكم و رحمة الله و بركاته

مساء الخير و الرضا من الرحمن

همس يسعد ايامج يارب على هالبارت ..تدرين موجع هالبارت لما نشوف و نسمع

حال شبابنا المسلمين اللي على شاكلة عادل و أحمد و غيرهم و اللي مثل ابو رامي

اللي يبيع و يشتري بشرف بناتنا و يستغل ضعفهم و حاجتهم .. ربي يسلط عليهم

و يأخذهم بعجائب قدرته أن ما انتهوا و تابوا لربهم ...

==============================
(( شجون ))

ياقلبي عليها تكسر الخاطر .. شيء مولم لما يكون الاب اللي هو الحامي مصدر

القلق و الضياع و الخوف بالنسبة لها الحياة وقتها بتكون صعبه و رعب أن صح القول

و المصيبة ان الكل عارف ان هالاب مضيع المذهب و مضيع بناته فصاروا فريسه

سهله للكل مثل أبو صالح استضعف هالمسكينة و أن ما وراها احد و كان بيحاول معاها

بس زين منها قالت جحيم ابوي و لا جنه ام صالح ...

=========================
(( فرح ))

تستاهل اللي سواه فيها فارس عجبني و الله بس عساها تتوب بس للأسف فيه شيء

ماسكة عليها ابو رامي و هو لاوي ضراعها و اتوقع شيء يخص شجون لان الشيء

الوحيد الزين فيها حبها و خوفها على اختها ...

=========================
(( ابو فرح ))

مدري هالكلمة يستاهل تنقال له أو لا .. بس الأكيد لا الابوه حماية و دفاع بس

لما العقل يغيب في ظلمات المسكر و المنكر أذا على الابوه السلام .. مدري

كل هذا حب في زوجته اللي ما تحمل غيابها المفروض يكون العكس و يجمي بناتها

و يربيهم تربيه صالحه .. و لا هي ردة فعل عكسية انه شاك ان شجون ماهي

بنته لاختلاف اشباها عن فرح ..بيجي له يوم و يفوق على نفسه و عساه ما يندم وقتها...

=========================
(( العنود و مشاري ))

يا شينها هالعنود على شنو شايفه نفسها ..حب طفولة و راح و اللحين انتي زوجه

المفروض بدل لا تفكرين بصلاح تفكرين في مشاري اللي مسويج يادهينه لا تنكتين

بس سبحان الله محد معجبة اللي عنده و زاد هالشيء بس كلام سوسن امحق رفيقه

اللي تشيش رفيقتها على زوجها ..مشاري إنسان مسالم ما اتوقع انه زواجه من

العنود كان بتخطيط منه بس اكيد دايم ظن السوء هو السباق للفكر ...

=========================
(( صلاح ))

يا خبثه اللحين المرآه تزوجت و ربي ستر عليها ليش قاعد تنبث في الماضي أصلا

ما اتوقع انها يحبها . لو يحبها بيخليها تعيش حياتها مع زوجها بسعاده و لا يفكر

يدمر حياتها .. و حتى لو تطلقت العنود عشان يتزوجها ما اظن راح يقبل فيها

نوعه ما يحب يكون الثاني و اللي يسويه مجرد كسر خشم لمشاري ...

=========================
(( مشاعل و سلطان ))

توني فهمت العلاقه بينهم اختلطت علي الأمور في البارت السابق كنت اظن انه سلطان

هو ولد نوال ..الله يوفقهم باين انهم يحبون بعض بس من بعيد لبعيد ...

=========================
(( سحر ))

الله يستر عليها من هالحمد وووععع ما حبيته الكريهه اللي يلعب على البنات هالهبل

و يبي يتزوج سحر عشان يظلمها معاه و كلامه كله مجرد تحسين صوره و لا ما أظن

وراء اشكاله حياة زوجيه سعيده .. بس مادري احسها ممكن توافق بس عشان

أمها و اخوانها بس هل اهل ابوها راح يوافقون .. اتوقع ان ولد عمها <<نسيت اسمه

ممكن يعرف هالحمد و يفضح سوالفه ...

========================

سلمتي يارب

بـــ انتظارج

..
..
..