صباح الخير .......لالالالالا هموس اي فرح واي زواج الي تبغينه نفرح فيه وانتي نغصتي فرحتنا بشجون وفرحتي دلالوه ..يعني لازم شجون تكمل دورها كضحية الى نهاية الرواية والا الين تنكشف الخبيثة ......يوووه رجعتيني لهدولة وسليمانوه بس الفرق انو هديل ماكانت حامل

فويرس وشجون

يعني بالي سويته صرت رجال .......يعني لما كتلة شحوم مومتربية الفرق بينها وبين شجون بس فلوسها والا هي ماتسوى ظفرها من جميع النواحي اجل دامك تبغي الراحة ابشر فيها وبالفضايح الي يارب ياكريم ماتنقطع الفضايح لسنين قدام .........ربي كتب لك كم حسنة وشجون على ذمتك لكن يالله كمل حياتك بذنوبك ولا بتنسى شجون ولا بتروح من بالك

اما كتلة الشحوم لاتفرح لانو نهايتها قربت فوق ماتتصور لانها حفرت لنهاية انسانة ماضرتها بس ربي بيجازيها شجون تحمل ولد فارس غصب عن الكل وبأبعادها عنه خدمتها ماضرتها بس هي خليها تحترق لانها ماحملت ولا بتحمل وفارس الي صار لها بجسمه بيصير عليها عصبي ومابيطيق منها كلمة ولا حركة خليها تتمتع بنفسه الخايسة وخصوصا انها سبب بعد مصدر الراحة يستاهل الي بيجيه ومنتظرة هاليوم على نار وماراح افرح بشي الا اذا جاء هاليوم الي دلالوه تاخذ حقها

اما شجون وولدها الله يتممه لها على خير اهم شي عمها عرف وبيعرف كيف ياخذ حق فويرس الي حتى وهو مع شجون يقول على ورق يضحك على مين بهالحكي وهو عارف ومتأكد انو اخذ شي مايستحقه بس لرب العباد حكمة

بنشوف بنت الحسب الله لايشبعها ولا يفرحها ولا يريح بالها ويرجع ماضيها يهز كيانها ويهدد امنها وفويرس ينفر منها ولا يلقى مكان راحة له ولو انا من ابوه وامه مانستقبله لاهو ولا بقرته الي فرحان فيها هذي وهي عادية مافيها جمال لوهي فتنة شكان سوى
وربي مقهورة حدي ...........حرام عليك هموس ضيقتي خلقي كان زوجتي مشاري وسحر وبعدين اجرمتي في شجون حرمتيها وحرمتينا نعيش فرحة زواج مشاري الي كنا ننتظره لانو مستحيل شجون بتحظر العرس الي بيكون بطنها برز فيه

بس عسى العمة وبناتها يهتمو بشجون ويخلوها تهتم بحالها وصحتها وشكلها ودامها طلعت بدون ملابس ان شاء الله يشترو لها ملابس تبرز جمالها المدفون وتتغير نفسيتها وفويرس بيجي اليوم الي بيترجاها ترضى فيه وبرجوعها له


غلابوه ومشاعل

غلابوه الي منتظرة انو يطلق مشاعل ماخليتيه يطلقها لايكون بتبلي مشاعل فيه طول عمرها هالمتخلف مريض الشك حسبي الله عليه موهو على اساس يكره فويرس المفروض يدور الي ينكد عليه ويكسر غروره مو يروح يخليه يطلق اليتيمة ويتمسك بكتلة الشحوم الي بيجلس طول الوقت يفوشر بالنسب المضروب الله ياخذه هو وكتلة الدسم دلالوه بساعة وحدة

مشاعل ماتدري عن البلوة الي ارخصتي عمرك ورجعتي له وحملتي منه بس ان شاء الله قريب ترتاحي منه ومن ولده وخلي حقده ينفعه

سحر ومشاري
ماادري كنت متحمسة لزواجهم وقرب سحر لشجون وعيشتها معاها وبتملي عليها الوقت بس الحين طار وتبخر الحماس ودام دلالوه نجحت بخطتها المؤقته حمدوه بعد بينجح لذلك مابي وينحرق دمي بعدين .....بس مااقول الا الله يصبرنا

اما فكرة مشاري عن زواج ياسر من غلا والله انو جابها ياليت يتزوجها غلاوي ماتنعاف وامه داعيه له الي بياخذها يالله ننتظرك هموس تزوجيهم وتجمعيهم وغلاوي بتنسي ياسر الوهم الي موقف حياته عليه وبملاها عليه ضحك وفرفشة بس زوجي مها اول علشان لاتحقد على غلاوي


هموس بعلن اضرابي خلاص مابرد على البارتات الجاية

الين تخلصينا من كتلة الشحوم ويبرد قلبي وعلشان

تسرعي في هاليوم وتعجلي علينا

بنات مين تنظم معاي في الاعتصام وتطالب بنفي دلالوه

من الرواية بأسرع وقت

تسلم يدك على البارت الرائع

وننتظر البارت الجاي على نار

مساء الخير هموسه يعطيك العافيه
يعني بنأخذ فاصل بعد الحزن هذا الكله
مره شجون تقطع القلب خربت عليها فرحتها بس عمرك ما حسيت ولا اهتمت في احد غير نفسك*
أناني وهذا موب جديد عليك
كسرت فرحتها حسبي الله عليك هذا وانت فرحان ومرتاح وانت جالس معها
البنت ناشره الفرح على الكل وحبينها بس انت وارك وحده عله هي تحسب انها خربت حياة شجون ماتدري انها خربت حياتها هي*
الحين فارس بيفضى لك وهو عاد يبي ولد وبيصر انك تروحين تكشفين وأكيد ان فيك عيب يمنع من الحمل
ليش عندي إحساس انك بتخفين عليه ان فيك عيب او بتتفقين مع الدكتور وتقولين ان العيب منه
وهو عاد الله خير بيصدقك
وبعدين تولد شجون ويعرف الحقيقه وبكذا بطلقك بس قبل يبرد قلبي فيك شوي صح مااحب الرجال يمد يده على مره بس انت الضرب فيك حلال
ثم يطلقك ونرتاح*
انا أضم صوتي لزيزفونه نبي الفكه من العله مره بطه كبدي

زين ان عمها درى عن حملها عشان يساعدها ترتاح ولما تقوم بالسلامه يعرف كيف يتصرف مع فارس
عمتها موب مقصره معها وراح تهتم فيها هي وبناتها اعتقد في فتره غيابها بتتغير للا فضل
والكل بيتفجاء من التغير*

غلاب ومشاعل
الشك بيخرب عليك حياتك هذا مرض نفسي صعب علاجه خاصه اذا تمكن منك
من اول كنت تعرف وش كثر كان سلطان يحبها وهي تحبه ليش خذتها طيب عشان تقهر فارس وانت الحين اللي جالس تحس بالقهر انقلب السحر على الساحر

مشاري وسحر
ننتظر زواجكم وفرحكم بفارغ الصبر تعبنا حزن وهم*

والله فكرة مشاري موب شينه ان ياسر يتزوج غلو*
اذا اقتنع ياسر في الاول بالزواج خاصه انها متعلق في طيف حبيبته
بس هو شكله بيدا يفكر في الموضوع خلاص لمتى وهو عايش على وهم

هموسه دمتي مبدعه

الـ ج ــزأ الـــثـــامــن والـعــشـروون
يوم قبل زواج سحر ومشاري
في بيت ابو مشاري
الكل حايس الشغاله مع أم فارس يرتبون البيت من فوق لتحت ومشاعل فرحت بموافقة زوجها انها تجي معاهم ومع اصرار أم غلاب جت مع مشاعل تساعدهم حلفت عليها مشاعل وأمها بس هي قالت ان منعتوني حسستوني غريبة بينكم
مشاعل: علشاني مايتعبونها وهي حامل خلوها تروح لغرفة مشاري ترتبها وتفرش مفرش فخم ابيض راحت للحمام وحطت فيها اكسسوارات حلوة ووزعت الروايح العطرية الي تناسب الحمام
مشاري: دخل هلكان وتعبان لأنه كان مع العمال يعلقون عقود على بيتهم ابو مشاري مصمم الا ينور البيت بالعقود لو انها حركه قديمه الا إنه متمسك فيها
مشاعل: شافته ووجهه محمر يووه لايتعبك المكيف
مشاري: يناظر بغرفته نظرات اعجاب وش هالزين كله ميشو تعبتي نفسك ريحتها فايحه من بعيد ومفرش ولا اروع
مشاعل: مافيه تعب من زمان مشتريتها قلت ابفرشها ليلة زواجك والحمد لله ربي قدرني عليه
مشاري: كلفتي حالك وزوجك معاك
مشاعل: تقول بقلبها مادفع ولا ريال بعت ذهبي وجبت لك ابتسمت بوجه اخوها الحمد لله مافيه تعب ولاشي
مشاري: فتح الحمام يوووه خسارة اخربه ابروح لحمام الجناح الثاني مخليته يلق ماشاءالله ههههههههههههههه
مشاعل: ضحكت فديت عمرك بس ليه متعب نفسك مامعاك أحد يساعدك
مشاري: ماقصرو العيال فارس و عبدالرحمن وسلطان وكل شوي اجلس اجلس بس اخوك مايصبر ابتحمم وانزل لهم
مشاعل: يوووه ثانيه
مشاري: ابتسم لاخلصنا بس يبون يجون راعين القهوة والشاهي والفرشات ابي اتاعبهم وافرش وأتاكد من شغلهم
مشاعل: تتحمم وتنزل وتتحمم ثانيه وتنزل
مشاري: ايه حتى يأذن العشاء ويتكون آخر تحمم خليني الق قبل تجي سحورة
مشاعل: ههههههههههههه فديتك انتي وياها
مشاري: جاء يبي يطلع ماقصرتو والله تعبتو انفسكم حيل معاي وخصوصا انتي وحملك وجيتي تساعدينا
مشاعل: ماعندي أغلى منك اخوي تعرف غلاتك عندي يامشاري ماينافسها الا غلا ابوي وأمي
مشاري: ودي اقرب ابوسك مع جبينك بس فشيله ابتحمم وابوسك على راحتي ابتسم وطلع
مشاعل: الله يوفقك مع سحورة ويعوضك خير يارب
نوال: طقت الباب اهلين شكلي تأخرت
مشاعل: لا ماتأخرتي ولاشي
نوال: تعرفين مابي اخلي سحورة أمها لسه ماجت واخاف تستفرد فيها المجنونة وتطفشها جتهم الي تنقش وانا طلعت جري لكم بس خليت شغالتي تسبقني للبيت من زمان علشان تساعد خالتي لفت تناظر يوووه ايش كل هالكشخه ذوقك يجنن ميشو
مشاعل: عيونك الي تجنن شغغلات بسيطه كملت غرفته فديت عمره
نوال: الله يسعده اليوم ودوم الا ماقلتي لي ليه جايه خالتك عيب والله استحيت وهي تشيل مع امي والشغالات وتحط
مشاعل: ياختي جننتي حلفت عليها رفضت يوم شفتها شالة بخاطرها خفت تزعل كذا طبعها نوال راحتها تساعد الكل يافديتها بس عمري ماشفت اطيب منها
نوال: اجل مابي اتأخر عليهم ابنزل احلف عليها هي وخالتي انا والشغالات نكمل الباقي طلت على الحمام يووووه خيال طلع شكله لو تشوفك غلاوي تنشب لك بس حظك لاهيه هناك
مشاعل: ايه كان تقلب كل اكسسوارة وتسالني بكم ومن وين جايبتها اعرفها واعرف لاقافتها ابلبس عباتي واروح لهم شكل الحوش مليان علشان الشغل تحت
نوال: ايوه بس مافيه عمال راحو بس خذي احتياطك عن اذنك ابروح تحت اساعدهم
مشاعل: نزلت ولبست عباتها دقت على مشاري باقي عمال او لا لأني ابروح لبيت ابو عبدالرحمن
مشاري: لا ياختي مافيه احد خذي راحتك
سلطان: كان يرش الارض قبل مايفرشون العمال
مشاعل: طلعت من باب البيت
مشاري: توهـ مسكر منها نادى سلطان حاسب ياخوي ابعد المويه حتى تمر مشاعل وراح لها يمسك يدها خاف تزلق مع المويه
سلطان: كان وجهه للباب سمع اسمها حس بقشعريره مو طبيعيه وهي واقفه قدامه بعاباتها غصب عنه بحركة لا اراديه رفع عيونه ثواني الا يسحب الي ويلف بكل جسمه ويعطيها ظهره
مشاعل: مسكت يد مشاري وهي ميتة خجل قالت بهمس كان قلت لي ياخوي
مشاري: ابتسم ومسك يدها بحنان ماعليك اخاف اقولك العيال قدامك تهونين ماتروحين وأنا ابيك تتطمنين على سحورة وضحك
مشاعل: نست خجلها ونست ان العيال وراهم يشتغلون ايه قول كذا هههههههههههههههه
سلطان: استغفر ربه وكمل شغله مع الشباب صح مو طايق فارس بس لعيون مشاري وعمه مستعد يسوي أي شي
============
في مكان ثاني كانت عيون تراقب كل شي يصير مقربة كرسيها وتطل مع الشباك الي يطل على حوش عمها
العنود: مقفله باب غرفتها وتابع حركاتهم الكل مبسوط هذا يشتغل وهذا يأشر للعمال وهي نيران تحرك قلبها شافت مشاري وهو ماسك يد وحده من عباتها واضح انها مشاعل وواضح فرحه وضحكته نزلت دمعتها وهي تشوفه ووتخيل مسكته ليدها قبل وسواليفه ومزحه عليها مسحت دمعتها الله يوفقك يارب طق باب غرفتها رجعت الكرسي وسكرت الشباك وفتحت الباب
سلطانة: ياحليلهم بيت عمي من الفجر وهم حالة
العنود: تتظارهر قدام أختها ايه الله يوفقهم وجلست على طرف السرير
سلطانة:جلست دقيت على غلو اشوف اخبارهم تقول شوشتي طايره اليوم بس اسنع وادبر بسحير حتى الفطور مافطرت
العنود: ضحكت الي يسمعها يصدقها
سلطانة: وهي تبتسم ايه صايرة الكل بالكل مالت عليها بس تلقينها مجننة سحر وتقول ادبرها ههههههههههههههه
العنود: تغصبت الضحكه تبي تظهر انه ماهمها تقول بقلبها يابختك ياسلطانة ليتني اضحك من قلب زيك
سلطانة: عارفه ان أختها تتظاهر سكتت ورفعت عيونها لها عرفتي بصلاح
العنود: لفت الجهه الثانيه الله يشفيه عرفت
سلطانة: ربي أخذ حقك منه
العنود: ناظرت أختها حبيتي سلطانة لاتتشمتي فيه بالعكس حزنت عليه مرة
سلطانة: لايكون مازلتي تحبيه وناويه ترجعي له
العنود: مستحيل ارجع له مالي بالزواج خلاص لا من صلاح ولاغيره وحبه قتله من يوم ارسل طلاقي بجواله
سلطانة: اجل ليه الي ماتستحي جايه لك قسم بغيت اذبحها
العنود: كانت تبكي وتقولي سامحيني العنود كنت أغار منك ومن حياتك مع مشاري كنت بحجيم مع زوجي الاول وانتي كنتي زبدة بيد مشاري غيرتي اعمتني عن كل شي يوم شفت اخوي يبك صرت اكثر بالكلام عارفه انه غلط وعارفه انك كنتي مبسوطة مع مشاري بس الشيطان حريص
سلطانة: فتحت عيونها من جد حقيره شين وقوة عين لا وجايه تعترف بعد
العنود: خافت من الحوبة يوم شافت حال أخوها تقولي عارفه كلامي مو سهل وعارفه راح تكرهيني بس اتمنى تسامحيني وأمي مستعده تجيك وتنفذ أي طلب تبينه بس ترجعي لاخوي ترا اكثر شي همه ومتحسر عليه أكثر من عينه انتي يقول رجعوها لي ومستعد اعوضها عن كل الي فات
سلطانة: ايش رديتي
العنود: قلت الله يسامحكم كلكم والي جاني لو مارضيت فيه كان مايجيني غلطت بحق زوجي الأول مشاري وربي انتقم له مني بس رجعه ماراح ارجع وارجوك يانسرين عيني لاتشوفك والله يسامحك حاولت تناقشني بس رفضت اسمع أي كلمة زيادة
سلطانة: ضمتها كفو يابنت ابوي وربي يعوضك احسن منه
العنود: قالت بقلبها كان رازقني بزين الرجال بس ماعرفت قدره الا بعد فوات الآوان
=============
في بيت ابو عبدالرحمن
مشاعل: فتحت الباب ودخلت الا تسمع فوق صوت غلا علقت عباتها وراحت لهم خير خير غلو ليه صوتك طالع
غلا: ياختي جننتي أمي حطتها عندي وبلشت فيها ست وستين نقش يمكن اوريها تقول مابي ابي انعم
سحر: ماردت كانت تقلب بالدفتر
مشاعل: طيب خليها تختار عي بنفسها
غلا: اصلا ماتبي بس علشان خالي ميشو يبي تبي تحط علشانه واضح انها مغصوبه تحطه
سحر: مالك شغل انا بعد احبه من زمان
غلا: واضح ماعمره طب يدك
سحر: حبيته الحين كيفي
غلا: ايه قولي كذا سحبت الدفتر قسم هذا يجنن
سحر: اووف ميشو ياختي خذيها لبيتكم مو قادرة اركز من الفجر مزعجتني
غلا: تقلد صوت سحر ميشو خذيها لبيتكم مالت عليك مضحيه بالجمعه هناك علشانك وتطرديني بعدين ماصار بيت مشاعل مشاعل لها بيت جدي صار بيتك مع مجنونك فلان بن فلان وترقص بحواجبها الي هناكـ >>>
سحر:ابتسمت لها بتريقة شرحك متعوب عليه
غلا: ماتصدقين كيف تعبت وانا احاول اوصلك المعلومة
مشاعل: معاها الدفتر وتقلب فيه هذي جونان شوفيها سحورتي
سحر: مرررة تجنن ناظرت النقاشة خلاص ابغى هذي
غلا: سحبت الدفتر بنت الذين هالبقرة من زمان اقولها لها رافضة والحين يوم قالت لها ميشو تقلد دلعها ايه تجنن
سحر: هههههههههههههههههه مابي شورك استريحي
غلا: قامت وجفتها مع راسها مالت عليك وعلى الي يعطيك آرائه اصلا
بدت الخضابة تنقش سحر وغلا حطت رجل على رجل على اكنبة مسكت جوالها اهلين عريسنا
سحر: فز قلبها يوم سمعت طاريه
مشاعل: تناظر بغلا وسحر تبتسم
غلا: ايه موذيتنا مايعجبها العجب ليتك تأجله كم سنة حتى البنت تكبر وكذا
سحر: تناظرها مقهورة شوفي مشاعل ايش تسوي غلاوي
غلا: بدون مبالات جلست تخربط على مشاري فجأة دق جوالها وهي حاطته على إذنها فزت ورمته
سحر ومشاعل والخضابه ماتو ضحك عليها
مشاعل: صدق من قال حبل الكذب قصير
غلا: فاطسة ضحك دقيقه بنات ابشوف من خرعني واوريه شغله شافت الرقم ياويل حالي هذا خالي ميشو كأنه حاس فيني سوت نفسها عاقله اهلين خالي العريس
مشاري: وهو يبتسم اهلين غلو كيفك بشريني عنك
غلا: ماعليها ماعندها خلاف وتناظر سحر
مشاري: شكلك ماتسمعي زين سألت عنك لسه ماجاء دور عروستي
غلا: ابختصر عليك الطريق عارفه راح تلف وتدور علشان تسأل عنها امممم نقشت نقشة ماشي حالها شويات تخلص اصور لك يدها او اقولك اصور لك هي بشوشتها علشان تشوفها قبل الكشخه وبعد الكشخه علشان تعرفها على حقيتها وماتنصدم فيها بعدين تشوتها وتجلس على كبدي
سحر: تأشر لها بيدها يعني الوعد قدام ماتقدر تتحرك لأنه الي تنقشها ماسكه يدها
غلا: فتحت السبيكر
مشاري: اصلا مايحتاج كشخه ولاشي فديت قلبها زينه بدون شي راضي فيها لو تربطه شعرها قرنين بليلة عرسها زي يومها صغيرة
غلا: رمت جوالها خطيرررررررررررر خالووووووووووووووو اخذته بسرعة ترا عروستك سمعت كل كلامك
مشاري: مادامك فاتحه السبيكر وهي تسمعني نامي زين اميرتي ولاتتعبي حالك وان ضايقتك العوبا غلو دقي علي وأنا اادبها لكـ لاوصيك
غلا: سكرت السبيكر هذا جزاتي ياخال
مشاري: مع السلامة يامجنوتنا راح ازوجك قريب بس اصبري علي
غلا: تناظره يوم سكر شكله يبي يزوجوني يبي الفكه مني عارف اني راح الصق بكبده واستنر بجناحه علشان سحورتي لاصقه لاصقه ياخال مافيها فكه
=================
في حوش ابو مشاري
شغلو الانوار من المغرب وجلسو على الفرشات استعداد لبكره
عبدالرحمن: راح نسهر الليلة مع عريسنا علشان يودع العزوبيه
سلطان: وهو يشرب القهوة ايه تنهى بحياتك قبل الحبسه
مشاري: ابتسم بقلبه جربت الزواج مو جديد علي بس مع اميرتي غير ان شاءالله
فارس: بكل غرور ايه تجيك وحدة تلصق فيك لاتطلع لاتروح عني غريبات هالحريم يصلقون لصقى فكس
سلطان: مايهضمه ولايلف يشوفه اذا تكلم
ابو مشاري: مابلع كلام فارس مازال حاقد عليه بعد شجون لف على مشاري عاد يابوك يرفعون العمال الفرشات وبكره نغسل الحوش ونفرش ثانيه اليوم ماشاءالله المغرب الكل جانا وسلم علينا ماقصرو اجل كيف بكره
سلطان: يناظر مشاري بحب أكيد الكل يحب مشاري من فيه مايحبه
فارس: الا كيف ام زوجتك الخايس
مشاري: رجع لها بعد ماعطاني الوعود والمواثيق مايجرحها بكلمة
فارس: كيف رضت ترجع له
مشاري: علشان عيالها يبون ابوهم
فارس: يع من يبيه هذاك الشيبه
ابو مشاري: كثير رجال تصرفاتهم تطفش وماتنحب مو بس هو
فارس: انقهر من رد ابوهـ سكت مارد
غلاب: جاي يبي ياخذ امه وزوجته ويسهر معاهم شوي بس يوم شاف سلطان سهران معاهم جن جنونه دخل وسلم بدون نفس دق على جوال مشاعل
مشاعل: كانت مبسوطة مع البنات دق جوالها سم غلاب
غلاب: اطلعي بسرعة
مشاعل: شويات يجيبون العشاء نتعشاء سوا كان ابوي ينتظرك ترا
غلاب: وهو راص على اسنانه اطلعي بسرعه بس من الباب الخلفي
مشاعل: اصلا انا ببيت زوج أختي تعالي هناك
غلاب: تنهد براحة خلاص اباخذ امي واجيك وسكر السماعه رجع لهم عن اذنكم
ابو مشاري: افا وانا عمك تعشاء معنا
غلاب: عندي دوام ماقدر اسهر انتظر أمه تطلع وأخذها
سلطان: بقلبه فكه ماحبه هالغثيث
=================
الكل تفرق كل واحد لبيته
غلا: كانت نايمه مع سحر بنفس سريرها وتلعب بشعرها من يصدق آخر ليله معاك
سحر: وهي تناظر السقف راح افقد هبالك غلاوي
غلا: ياشيخه الي يسمعك يقول راح تبعد كلها خطوتين وراح تشوفيني قدام خشتك اربع وعشرين ساعه
سحر: ابتسمت هذا الي مريحني
غلا: بعدت يها عنها سبحان الله مين يصدق كنت راح تتزوجين حمتو والحين راح تتزوجين احلى واحن رجال عرفته
سحر: ابتسمت بقوة فديته
غلا: طقتها على راسها وجعه استحيت يابنت
سحر: هههههههههههه ايش سويت
غلا: مجرد ماجيب طاريه استحي اختشي دبري حالك مو تفتحين لي هالخشه فديته تقلد صوتها مالت جد الي اختشو ماتو
سحر: طيب ولايهمك راح استحي امممم راح نشوف عريسك تستحين عند طاريه او لا
غلا: ياخت انا الحياء بعته بحراج بن قاسم لاني ابيه ولاهو يبيني
سحر: مسكت يدها وحضنتها كنتي لي أخت وصديقه وبنت عم انا ممتنه لعمي وعياله ربي رحمني انه حرمني من أهلي وعوضني بأهل زيكم وخنقتها العبرة
غلا: ماتبي تبكي اقول صرفت الموضوع اقول أخمدي ابرك لك ترا عريسك موصيك تنامي باستها على راسها وطلعت وخلتها سكرت الباب تنهدت بحزن الله يعيني على فراقك ماتخيل بيتنا بدونك سحورتي
================
في غرفة مشاري
مشاري: تحمم ودخل غرفته ابتسم يوم شاف نظافتها وترتيبها مابي انام على السرير اخربه طلع للغرفه الثانيه فيه سريره القديم نفر واحد ماغيره اول اذا تعب ينام عليه لأن العنود تخاف من العدوة ماتتحمل الانفلونزا حط راسه على مخدته تخيل سحر يومها صغيره اول مادخلت اول ابتدائي كان هو بثالث متوسط هو الي ودها مع غلا
سحر كانت لابسه شرايط بيض ومريولها الجديد الي المفروض تفرح فيه بس مافرحت وكانت تمنع عبرتها لاتنزل عكس غلا الي لابسه نفس المريول وطول الطريق تسولف على خالها ومبسوطة اول مانزلو بسرعه غلا تبي تدخل للمدرسه بس سحر رفضت تنزل
مشاري: مسك يدها ليه حبيتي ماتبين تنزلين
سحر: ماتقدر ابي ماما
مشاري: رحمها أمها توها متزوجة وهي عمها توها أخذها ومربيه عنده سجورتي اول ماتطلعين ابوديك لبنده تشترين شكولاته على كيفك وتوريني كتبك الجديدة
سحر: نزلت دموعها مابي ادخل مابي
غلا: شدتها مع يدها يالله بسرعه ندخل
مشاري: بسها مع خدها علشاني لاتبكين والخميس راح اروح فيك انتي وغلو للملاهي اوك
سحر: تحب الملاهي هزت راسها طيب راحت مع غلا وكل شوي تلف تناظره
مشاري: ابتسم على ذكراها سبحان الله الحين الطفلة البريئة زوجتي آآآآآهـ الله يجيبك يابكرة غمض عيونه ومن التعب نام بسرعة
===================

يوم زواج سحووورة & مشاري
غلا: تحوس بغرفة سحر وكل شوي تطق باب حمام سحر يالله سحر اطلعي اخاف انك انتحرتي ترا خالي اليف والله مايعض
سحر: تسمعها وطنشتها وتضحك على جنونها
غلا: اقول سحورة تسمعيني او ادق على خالي يجي ينقذك اخاف غرقتي بالبانيو
سحر: جالسه بحمام دافي ورغوة الشامبو عليها وماترد عليها مطنشتها
غلا: زين أخذت الجوال وقربت عن باب الحمام تراني ادق ومعاي جوالي قسم
سحر: عارفه انها تكذب طنشتها علشان ترفع ضغطها
غلا: عرفت انها ماصدقتها فتحت السيبكر الو خال
مشاري: هلا غلووو
سحر: قامت من غير شعورها ورغوة الصابون فيها ولبست روب الحمام
غلا: خال تعال ماكلت كلمتها لان سحر اخذت الجوال وسكرته
مشاري: استغرب ليه سكرته عاد الاتصال مالقى رد حس ان غلا تلعب باعصاب سحر عارف غلا وجنونها ترك جواله وكمل شغله
سحر: وهي شادة شعر غلا جد انتي هبلا او ايش
غلا: أي مادري يقولن مجنونة بس اتوقعها اشاعات مغرضه
سحر: كلميني جد ايش تستفيدي اذا سويتي كذا جننتني تراك
غلا: وهي تتوجع ليه طنشيني خفت عليك اعرفك خوافه وتحبي خالي بجنون وسامعه انه من الحب ماقتل خفت تقتلي نفسك
نوال: دخلت وشافتهم كذا
سحر: بسرعه تركت غلا
نوال: ناظرت غلا بعتاب لاتكوني مسويه مقلب فيها حرام عليك غلا خلي البنيه تودعنا بخير جننتيها بمقالبك ترا حبيتي ترا مقالبك تحرجها وتضايقها واحنا نحبها ونبغاها تودعنا بخير وذكريات حلوة زي ماودعتنا
سحر: خنقتها العبرة وضمت نوال والله ياخاله اني احبكم وماذكر الا كل خير منك انتي وعمي وعيالك وصعبان علي اترككم وبكت
نوال: دمعت عيونها فديتك سحورة احمد ربي انك راح تتزوجي اخوي علشان اضمن شوفتي لك
سحر: تشوف الدموع ايه بدينا بالأفلام الهنديه دموع وحزن واحنا بفرح يالله بس فلوها وخلونا ننبسط
نوال: بعدت سحر عن حضنها يالله حبيتي كملي تحممك وانتي سحر ياويلك لو ضايقتيها روحي وخليها بحالها
غلا: تناظر سحر يوم قربت سحر من جنبها شدتها سحرر وحضنتها بقوووة راح افقدك يالدوبا وجلست تبكي
سحر: ضمتها بقووة وانا وربي
غلا: ماتخيل يومي بدون اشوفك سحورة انتي اختي وصديقتي وروحي
سحر: يكفي غلووو وربي انك تقطعين قلبي
غلا: ماتبي تضيق صدرها بعدتها عن حضنها ومسحت دموعها وانتي صدقتي اني ابكي بس ابعيش المسلسل الهندي الي عشتيه انتي وأمي قبل شوي
سحر: ضحكت فديتك بس
غلا: يالله مابقى شي جهزي حالك شويه وتجي الكوافيره راح تصيري احلى عروسه
سحر: بخوف تتوقعين اعجبه
غلا: تعجبينه ونصف
سحر: يارب اعجبه انا احس اني ولاشي قدام العنود واحسه يحبها حيل
غلا: بلا سخافه خالو مشاري ماحسه كله حب احسه احترام وترا العنود ملامحها حاده انتي ملامحك طفوليه وناعمه والاحظ خالي مرة مبسووطه وينبسط اذا تكلمت عنك يالله يخفي ابتسامته
سحر: يارب غلا يارب وربي اني احبه واموت فيه بس اتمنى يحبني زي ماحبه
غلا: يحبك اكثر ان شاءالله ويابختك فيه
سحر: تنهدت ايه وربي يابختني فيه امنيه مستحيله تحققت لي
غلا: شدتها مع روبها بس امنيتي تكملي تحممك احس الشامبو لصق على جسمك يالله خلصينا
=====================
في بيت ابو مشاري
مشاعل: يمه مادقيتو على شجون تعزمونها انا ادق عليها جوالها مسكر
فارس: يتابع بحماس بس بصمت
دلال: نفسها تجلد مشاعل بس ماتقدر تقول شي بهمس قالت إف
فارس: طالعها بنظرة يعني خير
دلال: خافت وسكتت
ام فارس:لايبنتي مادقيت عليها ابوك قايل لاحد يضايقها يكفي ماجاها والظاهر انها مغيره رقم جوالها
مشاعل: بحزن اشتقت لها
ام فارس: حبت تغير الموضوع كيف الحمل معاك
مشاعل: ماعليه بكرة ادخل الشهر الثالث
فارس: الله يتمم عليك عقبالنا خوفي اطلع عقيم زي اخوي مشاري
امه: بسم الله عليك حبيبي
مشاعل: بدون نفس تفاؤلو بالخير تجدوه وقامت من عندهم
فارس: اتمنى تعطيني ريق حلو ماتكلمني الا من وراء خشمها
أمه: حبيبي مع الحمل المرة ينقلب مزاجها لاتلومها ياروحي
فارس: اووف اكره دلع الحريم
أمه: بحنان بكره تدلع عليك دلال
فارس: خليها تحمل ويصير خير
============[/COLOR]