الفصل العاشر

(سما)


دخلنا المنزل جميعنا في نفس الوقت ......


• عمر : انا هموت وانام ...ابقو-------

توقف عمر عن الكلام .... وتوقفت ريناد هي الأخرى عن مضايقةبراء.
وتوقفت جيلان عن الحركة .......................


• .........:ايه مالكوا .... مش ناويين تسلموا عليا ولا ايه

تحولنا بنظرنا جمعا اليه .... رأيته كما اعتدت ان اراه
بعين طفلة لم تتجاوز 5 ... بعين فتاة تستقبل 15 بعين امرأة على اعتاب 25
رأيته كما اراه دائما واثق من نفسه كل الثقه ....
قطع مسلسل الصمت هذا صوت عمر

• عمر : بابا ... حمد الله على السلامة

الشيء الذي عجزنا جميعا على تصديقه هو رؤية ابي الشيء الذي جعل العالم يتوقف من حولنا هو رؤية ابي
اقتربنا من ابي نحن 4 ويسبقنا عمر كالعادة
تقدمت اخوتي وانا اقول
• حمد الله على السلامة يا بابا ..
لم اضمه .... لم ارتمي بحضنه واخبره ان اشتياقي له تخطى الحدود ...... لم اتعلق برقبتة واسأله هل احضر لي حلوى ؟ .... لم اسابق اخوتي للوصول اليه .
اكتفيت فقط بان يلمس خدي خده .... او لم يلمس لا اكترث كثيرا
ابتعدت سريعا عنه كطفل لمست يديه النار .......
براء وريناد فعلوا مثلي .... اما جيلان فأكتفت بمد يديها
وهي تقول

• جيلان ( بسخريه ) : حمد الله على السلامة يابابا ..... غريبة جيت بدري المره دي

نظرات ابي لها لو تقتل لكانت جيلان الان في تعداد الموتى
وعمر كالعادة هو المختلف فهو الوحيد الذي ضم ابي

• عمر : ازيك يا بابا
• حسين : الله يسلمكوا .... اخباركم ايه

واخيرا تحدث ابي بصوته الذي يدل على شخصيته
صوته الذي يؤكد للعالم اجمع ان هذا الرجل هو الرجل الاكثر ثقة على وجهه الاطلاق ..... هو الاكثر غرورا هنا
• حسين : غريبة كنتوا فين مع بعض كده

عمر كان الاسرع بالاجابه وحتى وان لم يكن ... كان سيحظى بشرف الاجابة

• عمر : كل واحد فينا كان في كليته ... والنهارده كان اول يوم لسما في الشغل

• حسين : بجد مبروك ياسما ..... ويا ترى عرفين انتي مين ولا لأ

• سما : لا ...يعرفوا بس ان اسمي سما حسين

• حسين : كويس واخيراااا ..... صحيح هي فين وصال ؟

هذه المرة كان السبق الصحفي لجيلان ( فهي محبة لفعل الخير (

• جيلان ( بسخرية اكثر من المرة الاولي ) : وصال فرحها كان من اسبوعين واضح انك نسيت المعاد اللي حددته

الدهشة والصدمة هي العامل المشترك بيننا ... هل حقا لا يتذكر

• حسين : ليه هو النهارده كام

• عمر: 25/10

تغيرت ملامح ابي وكأن ما يسمعه لغة لم يتعلمها .......

• جيلان : عن ازنكوا انا طالعة انام

هذه اول الحاضرين هروبا لتتلوها براء


• براء (بصوت اقرب للهمس ) : وانا كمان طالعة انام

اما ريناد لم تبرر .... رحلت هكذا دون مبرر ....
كنت انا اخر الراحلات ... صعدت الى الاعلى وتركت ابي خلفي ....
اعذرني يا ابي ولكن انت السبب ... واعذروني انتم فأنا لم اصلي بعد .....الى اللقاء




(جيلان)

لقد عاد ابى........ لقدعاد مرة اخرى الى هذا المنزل........فأين انتى يا امى؟هل مازلت تذكرين هذا الموعد؟ام هو الاخر قد ذهب فى طى النسيان...............
فليسامحك الله على ما فعلته بى........
اعدت صورة والدتى الى مكانها مرة اخرى واغلقت الصندوق ووضعته فى اعلى جزء فى دولابى.......اعدتها الى المكان الذى لا ازوره الا مرة كل عام..............
ابتعدت عن دولابى كما ابتعدت عن ابى ........واقتربت من النافذة....................
كم اشتقت اليك نافذتى العزيزة...انت الاخرى اصبحت كأخوتى لا اراكى الا صدفة او ربما لسبب ما
لم اعد احتمل هذه الغرفة....فغرورى لم يعد يريد الحبس اكثر من ذلك
نظرت الى المرآه وبدأت فى وضع لمساتى....

- زى القمر.....ايه الحلاوة دى.....ياخواتى اجنن
ضحكت ضحكتى المميزة وانا اخرج من غرفتى ......سأرى من سعيد الحظ الذى سيحظى بشرف مواجهة غرورى لهذا اليوم

*********

السلام عليكم ورحمة الله....السلام عليكم ورحمة الله
اعلم...اعلم ان صلاتى تأخرت عن وقتها ساعة تقريبا وربما اكثر...ولكن انا لم اتعمد هذا.......
ارجوكم لا اريد النقاش فى هذا الموضوع....فانا خاطئة واعترف بهذا
اخذت صورة والدتى من فوق مكتبى والقيت بنفسى فوق سريرى

- شوفتى ياميادة بابا قاعد تحت....واخيرا وصل ربنا لوحده يعلم هو كان فين
- يارب بقى امتى اخلص دراستى واسافر بجد تعبت من البيت ده....والله يا ماما ده لو بيت اشباح كان هيبقى فيه حركة اكتر من كده
- ما علينا ارجع واسئلك سؤال كل يوم ....انتى اتجوزتى الحاج اللى قاعد تحت ده ازاى...؟؟
- تقريبا عندى بكرة كويز.....احتمال بس مادة ايه والله العظيم ما اعرف...اتصل باى حد من البنات واشوف
- بس غيداء النهاردة كانت تحفة فنية....لو شوفتيها
- عمر هو اللى وصلنى النهاردة مش وصال....خلاص وصال اتجوزت انتى نسيتى ولا ايه؟؟؟

وضعت صورة والدتى بجانبى....الشئ الوحيد الذى انا على يقين منه الان ......اننى سأجن بالتاكيد بعد دقائق ان لم اكن قد جننت بالفعل
نهضت من على سريرى سريعا كما ابتعدت عن والدى . بنفس السرعة خرجت من غرفتى
وسأرى من هو سعيد الحظ الذى سيحظى بشرف مقابلة جنونى
********

(ريناد)
فتحت درجى واخرجت صورة والدتى ..
اهذا هو الذى تمنيت ان تتزوجيه...اهذا هو الرجل الذى حاربت اخيك من اجله ...اهذا هو كل ما حلمت به.....اى جنون هذا الذى كنت تعنين به... اجبينى هل انت سعيدة .....اجبينى ...هل هذا هو حلمك..
هل هذا الجنون كان يدعى حب فى عالمك
سامحك الله على ما فعلت بك وبى.....رحمك الله
اعدت صورة امى واغلقت الدرج ونهضت من فوق مكتبى سريعا ......كما ابتعدت عن ابى سريعا
عذرا سيدتى فرؤية صورتك تلك بماضى احارب لنسيانه
..........:انت بتعملى ايه هنا
ريناد:خالو سوف لقيت صورة ماما
...........:انت بتعملى ايه هنا
ببراءة طفلة قدمت اليه ما فى يدها وهى تقول
ريناد:كنت بدور على صورة ماما...بص لقيت صورة هنا....بس مش لقيت صورة بابا
......................................
ريناد:طنط سوسان(سوزان)النهاردة قالت لصبحتها ( لصحابتها)انى هطلع شبهك وشبه ماما
...................:اطلعى برا...واوعى تتدخلى الاوضة دى تانى
ريناد:بس انا كنت بدور على ماما
...............:بقولك اطلعى برا.....برا برا ....ربنا ياخدك ويريحنى منك

فتحت عينى ونظرت الى نفسى مرة اخرى.....هل ترين لقد اصبحت اشبهه واشبهك الى حد ما
هل ترى سيدتى اى عذاب جعلتنى اعيش به ......
فتحت باب حجرتى ليصل الى مسامعى صوت براء وجيلان
• جيلان:يا بنتى العبى صح بقى....خنقتينى
• براء:انا بلعب صح شوفى انتى بتعملى ايه
• جيلان:لا يا حبيبتى انتى اصلا مبتعرفيش تلعبى
• براء:على اساس انك لينر......لينر....ان شاالله عنى ما نطقت اسمه
• جيلان:لينردبتو ياحوله

اذا اخبرتمونى ان براء وجيلان يجلسان سويا....لن اصدقكم
• ريناد:بتعملوا ايه
• براء:بنقشر بطاطس....هنكون بنعمل ايه بنلعب بلاى استيشن
• ريناد:لا بجد ظريفة.......ماخدتش بالى
• براء:هههههههههههههههه اقعدى ليه واقفة.....بس والنبى يا حاجة وانتى جاية هاتى الموبايل معاكى فى طريقك
• ريناد:خدى

جلست على نفس الكنبة التى تحمل براء وجيلان....حدث يسجل فى التاريخ نحن الثلاثة بجانب بعضنا البعض بمحط ارادتنا.........


(اسماء)

• امنية:وبس ياستى ....دى كل الحكاية

• اسماء:وامتى حصل ده كله ان شاء الله

• امنية:من سنة ونص تقريبا

• اسماء:سنة ونص..!!!

• امنية:ايوه...

• اسماء:انا مش هقول اى حاجة دلوقتى...احنا كلنا هنعلق بكرة على الموضوع ده اكيد براء وغيداء معندهمش فكرة

• امنية:براء عندها فكرة عامة اما غيداء مقلتلهاش حاجة

• اسماء:طب بكرة هنشوف كل حاجة

• امنية:ان شاء الله...ماتنسيش بكرة عندنا كويز


• اسماء:فاكرة ياختى .....فاكره هى دى حاجة تتنسى....المهم هتركنى هنا ولا تحت عماركوا

• امنية:متفرقش كتير هركن هنا وخلاص

• اسماء:اوك ......سلام اشوفك بكرة

• امنية:ان شاء الله اشوفك بكرة

انا مازلت هنا لم ارحل .....الى اين انتم راحلون....انتم تعرفون بالطبع من انا...اليس كذلك؟
عظيم....
انا الفتاه الاكثر حظا على الاطلاق ....فلقد رزقنى الله باعظم صداقة على الوجود
انا وامنية اصدقاء منذ 7 سنوات اما الباقيين منذ 3 سنوات فقط بالرغم من ان علاقتى ببراء وغيداء لم تتجاوز 5 سنوات الا انها اقوى من هذه الارقام جميعا
انا الفتاه رقم 2 فى عائلتى فيسبقنى ولد وتتلونى فتاه وبعد ذلك ياتى التوأم الاغرب فى الوجود (عبد الرحمن-غادة) حتى اسمائهم لا تتشابه
• اسماء:انا جيت....... يا اهل المنزل يا اهل الدار اسمعوا وعوا انا جيت
• اسراء:يعنى لازم تدخلى بزفة

• اسماء:ايوه .....لازم اعلن عن وجودى


• اسراء:ههههههههههه..قال وجودك هو حد يعرفك اصلا

لن اعرها اهتمام الان....فسأحترم وجودكم..ولكن لا تعتادوا على هذا الامر
• اسماء:ماما....مامتى....mama..يا حاجة ......سحورتى

• سحر(ام اسامة):انا هنا يا اسماء

• اسماء:ازيك يامامتى .....واو ريحة الاكل تجنن

• سحر:روحى صلى الضهر الاول....وعقبال ما تخلصى تكون فاطيما بنت خالتك جت ونحط الغدا

• اسماء:ايه ده بجد فاطيما جايه النهاردة
• سحر:اســماء ....روحى الحقى الضهر وبعدين نتكلم

• اسماء:حاضر...حاضر..هو فى ام كده

• سحر:اســـــــماء

• اسراء:اسماء موبايلك بيرن

لقد القيت بحقيبتى بجانب الباب.......يارب ارحمنى من هذه العادة


• اسماء:السلام عليكم......ايوه يابيبو

• براء:وعليكم السلام...سوسو لحظة هدخل اوضتى

• اسماء:طب يللا

• براء:سوسو احنا بجد عندنا كويز بكرة......عشان خاطرى قولى لأ
• اسماء:ايوه بجد عندنا ....واتأكدت وانا مروحة

• براء:طب ماشى......اسماء بقولك.....

• اسماء:لا من غير بقولك وقولتلك انا عايزة الحق اصلى الضهر عشان الحاجة اللى بره مش هتأكلنى النهاردة اشوفك بكرة فى الكويز......سلاااااااااااااااام

• براء:عمرك ما هتتغيرى ياسوسو (ديل الكلب عمره ما يتعدل)...اشوفك بكرة.....سلام

دعونى الان ارجوكم لاصلى وبعد ذلك اذهب سريعا لاتناول الطعام فهذه التى تدعى فاطيما ستقضى عليه اذا تأخرت........الى اللقاء


(فطيما)


• فطيما : مش هتنزل تسلم على خالتوا ؟

• اسلام : لا .... مش دلوقتي .... وانا راجع اخدك هبقى اطلع اسلم عليها
• فطيما : طيب تمام ..... هتيجي على الساعة كام كده؟

• اسلام : انا هخلص شغل على الساعة 5:30 وبعدين هلف اعمل شوية حاجات وعدي عليكي لما اخلص

• فاطيما : يعني 8 تكون هنا؟

• اسلام : تقريبا ....

• فاطيما : خلاص تمام ..... بس ابقى رن عليا في الطريق

• اسلام:ok......سلام

• فاطيما : سلام

انتم تعرفون هويتي .... ولمن لا يعرفني اعتذر فانا لا املك الوقت الان ....

وانا على وشلك الموت بسبب الجوع ... واسماء لن تتذكرني ...( بنت خالتي وعرفاها)

اراكم لا حقا

*********************************



انا هنا ...نعم هذه انا .... (نور) او في الحقيقة ( نورهان ) ولكن بعد التعديل والحذف اصبح نور واعتدت عليه
في اواخر 22 وبعد شهرين تقريبا سأكمل 23
هذه هي سنتي الاخيره قبل الامتياز ... وانتهي من الدراسه ( دي اخرة اللي يدخل طب (


• وصال : نور .... نور ..... شوفي البنت اللي وقفه هناك دي

• نور : ههههههههههه بطلي

• وصال : انا قلت حاجه

• يوسف : بدأت وصلت النم

• نور ووصال ( في نفس الوقت ) :وانت مالك!!

هههههه هذا هو عقاب من يجلس بجانبي انا ووصال ..

اعرف وصال من الصف الرابع بجانب انها جارتي واصبحت مؤخرا زوجة اخي .... هذا يعني ان وصال تحمل القاب كثيرة فهي اختي ( التي لم تلدها امي ) ، صديقتي منذ الطفولة ، جارتي ، وزوجة اخي
انا ووصال صداقتنا تجاوزت حدود الكلام ...........
فهي كل ما املك .... هي كل شيء


• يوسف : نورهان

• وصال : نور

• نور : نعم

• وصال : مش بقولك صحبتي وعارفاها

• نور : في ايه ....؟

• يوسف : مفيش بس ارحمي الناس شويه

• نور : هههه لا بجد في ايه

• وصال : مفيش ... بس قولتله لو قعدت تنادي عيها نورهان من هنا لبكره مش هترد

• نور :ههههههههه افتكرت في حاجه

• وصال : فكره لما كنا في في ثانوي ودخل M \اسامة
وفضل ينادي ... ( نورهان سيد العربي ) ....... ( نورهان سيد العربي ) ...... ( نورهان سيد العربى)
وانت ولا كأنك هنا لحد فهزيتك وقلتلك نور ردي
وانت بكل برود تقولي ارد ليه ده بينادي على نورهان


• نور : هههههههههههه وكان خلاص هيمشي رحت وقفت وبنفس البرود قلت نعم

• وصال : ياعيني كان هيتشل منك

• نور : ههههههههههه هو اللي غلط حد قاله يناديني نورهان

• يوسف : هههههه ...... لا بجد غلط

• نور : شوفت ازاي

تعرفت على فتيات كثيرة .... وصادقت فتيات اكثر
ولكن مثلها هي لم اجد

• وصال : اه صحيح .... دكتور اسلام مناقشة Masters بتاعته بعد شهر

اتراجع عن كل الذي قلته ..... انا لا اعرف تلك الفتاة
(من هذه)

• نور : ...... ( ابوس ايدك اسكتي هنروح في داهيه)

• وصال : نور انت سمعتي اللي انا قلته د/ اسلام

• نور : ياشيخه افتكري حاجه عدله قال اسلام قال

• وصال : ليه كده

• يوسف : اسلام مين ...؟

• نور : دكتور اكبر منا بسنتين او3 سنين .... بس مش نوعك المفضل
• يوسف : يعني .... !

• نور : يعني تحسه محتاج يشرب بريل

• وصال : ههههههه لا مش للدرجة دي

• نور : والله بجد محتاج بريل

• وصال : الصراحة الواد معملش حاجه

• نور : معرفش انا بشوف كده .... كفايه انو free اكتر من اللازم .... ok اخته مش محجبه وقالتي حريه شخصيه وقلنا ماشي
بس احنا مجتمع شرقي ...يعني مشفش اختي وقفه في ولد واروح اسلم عليه

• وصال : انت قولتيها هو حر .... وبعدين هو واثق في اخته

• نور : مش حكاية ثقة....حكاية مبدأ

• وصال : الموضوع عادي ... انا لما كنت بقف مع ولاد عمر كان عادي

• يوسف : نعم ياختي ...... ! نعم بتقولي ايه ....!

ههههههههه لقد نسينا تماما وجود يوسف ..... الى كل من يهمه الامر.. اقرأ الفاتحة على وصال
فأخي من العقليات الرجعيه في هذا الموضوع





انتهى الفصل 10

ههههههههههههههههههه
قفلة تجنن
هههههههههههههههه
اوبس نسيت ارحب وابارك
باول رواية ليكي
يا هلا ومرحبا بيكي في ليلاس
ومبروك اول رواية ليكي يا قلبي
تسلم الايادي يا سوسو
القصة جميلة
مشوقة وسلسلة
عجبني استخدامك للهجة المصرية وخصوصا انها مش منتشرة في كتابات الانترنت
عندي نصيحة ، خلي بالك من الاخطاء الاملائية وحاولي تراجعي باستمرار عشان ميبقاش فيه غلطات
بس استمري منتظرة الباقي
في حفظ الله

مبروووووووووووووووووك الرواااااااااااااااااااااايه

بصراحه اعجبتني كثيير

صحيح في خوات كده مش كانهم خوات

عجبتني شخصياااتهم

اكيد بالبارتات الجايه بيلتقوو بامهاتهم

بانتظااارك لاتطووولييين علينا