كاتب الموضوع :
احاسيس منسيه
المنتدى :
القصص المكتمله
البارت الخامس والثلاثون
افتحت فمها بصدمه وعيونها تعبى دموع وبتعثر بكلماتها وفرحه:مفلح
مفلح ببتسامه هاديه:ايه..
احذفت نفسها في حظنه تصيح بصوت عاالي :لاتخليني مفلح رحت وخليتني يروحون لك اهناك مايقولون لي ..والله والله مايقولون لي..كان تكلم بكل الي صار لها بسرعه وكانها خايفه لايروح او يعاتبها...كم مره قلت لخالتي بروح وترفض حتى يوم جيتك بالسجن والله كان بسلم عليك بس خفت لاتلف عني وتروح كل البنات في الكليه يتكلمون علي انك ماتبيني اشهقت بقوه وان وان حتى انك رفضت اني ازورك باالسجن
عقد حواجبه حواطها بيديه وضمها له اكثر :هاا هاا انا ماجيت ابكيتس ..اهدي ياقلبي اهدي..
حاولت تسكت وهي تشهق بخفيف ابعدها منه وامسك وجهها بيديه الثنتين
لمياء تبلع ريقها ودموعها على خدها:بتروح مره ثانيه..
تنهد بهدؤ وابتسم:لا ..اطلع كل شي وبان
لمياء تمسك بثوبه بخوف:سامحني..
امسك يدها وراح الى عتبة باب المطبخ اجلس وجلسها جنبه ناظر بملامح وجهها بتامل:وش اسامحتس عليه
لمياء بخجل وتردد عشت شفايفها:لاني دعيت عليك
مفلح برفعة حاجب وهدؤ:داعيه علي انا
لمياء بسرعه :بس استغفرت كان زعلااانه ..نزلت راسها بألم ووجع...دعيت عليك مو من قلب بس قمت ليالي وشهور ادعي لك من قلب ربي يطلع ويرجعك لنا
مفلح يغمض عيونه بتعب:طلعت برئ ورجعت يالمياء وحياتنا وشو فكرتي عنها..
لمياء تبلع ريقها :فكرت انك ترجع وبس
مفلح:قلتي لاحد اني ناوي..لف براسه عنها بتوتر..ناوي ..مرر السانه على شفايفه ..اصدمت علياء برجله لف لها بسرعه ارتاح انه ماقال ناوي اطلقتس ناظر بعلياء شوي
مد يديه لوجهها وحاوطه:مشالله من هاذي
لمياء ببتسامه :علياء بنت الهنوف
مفلح بستغراب:بنت الهنوف
لمياء :كان حامل يوم دخلت وولدت عقب ..
مفلح :خابر انها حامل بس بذالسرعه قد بنتها كبيره
لمياء تناظرها بحب:توى عمرها بس خمس شهووور
شالها من عربتها حطها بحظنه وناظرها بحنان
لمياء بهدؤ :انت طيب
مفلح يتنهد ويناظرها:طيب الحمدالله ...كل شي جاءني فجاءه وراح فجاءه..
لمياء تقرب منه وتمسك يده بتردد:علمني عن كل شي خالتي درت انك جيت..
مفلح يمسك يد علياء الي تخربش دقنه وبهدؤ:عمر في البدايه اتهمني كذب والحين امسكوه رشوه باالجامعه وتهم بلخبطته ببحوث طلبه اسجنوه وطلب من شرطة جده تبلغ عن سحبه التهمه عني لاانه ادلى من البدايه بكذب ..ووضح الامر لهم
لمياء براحه:مصير الحق يطلع..الله حسيبه وش سويت له عشان يضلمك
مفلح ببتسامه سخريه وبشرود:وحده بوحده والبادي اظلم..
لمياء بستغراب ناظرت له وعدم تفاعله بالغضب من عمر نزلت عيونها لعلياء تسحب اشماغه من طرف
لمياء تمد يدها له:عطني اياها
مفلح يهز راسها بمعنى لا..قرب عربيتها برجله حطها فيه ولف للمياء ببتسامه مريحه:افضي لي انا..
لمياء ببتسامه حب وخجل:فاضيه لك..
امسك يدها وباسها:ليش ماجيتي للعشاء
لمياء :ماقالو لي انك بتجي
مفلح بضحكه:مسوين مفاجاءه على قولة محمد محذر العيال حتى ابوي ماقال له الا عقب ماصريت عليه يعلمه..
لميا تبتسم :فهد معهم يوم راحو ماقال لنا ..طيب قولي متى جيت..؟؟؟ناظرته ببتسامه ..مريتو الحلاق صح
مفلح :سنايدي اخوتس يمسك العلم..دخلنا النعيريه على الحلاق سيده ومساعد مفصل لي ثوب مرينا خذيناه ودخلن عليهم بالمسجد يصلون العشاء
لمياء بنظره محب مذنب:وش سوت خالتي
قربها له حط راسها على كتفه:يوووه افرحت اكثر منتس ..ونزل عينه لها
لمياء تفتح فمها بخوف لايفسره غير:والله فرحانه ..
مفلح :ههههههه بس ياشينها ردة فعلتس
ارتاحت انه اضحك ماخذاها جد وزعلت انه ماقدر موقفها واعرف انها فرحانه:وش كان تبيني اسوي..
مفلح بهدؤ:مدري بس انصدمت ..
لمياء تبعد راسها منه وتناظر اعيونه بعتب ورجى:مفلح طلبتك لاتفسر اي شي مني على كيفك
مفلح :وش تبيني اسوي اذا مالقيت له تفسير وانا الي احاول افسره
لمياء بدموع تمسك وجهه بيديها:انت الي تقول اني احبك قبل تاخذني ليش ماتصدق الحين..
مفلح يناظرها بسرعه:انا الي اقوله موب انتي ...بس انا ابي اسمع العلم منتس انتي..
لمياء تعبر مره ثانيه :اذا قلت لك احبك صرت تستهزي فيني وترفع خشمك علي..
مفلح ببتسامه متعجبه:انا الي بستهزي في مشاعرتس ..
لمياء تنزل راسها:ماقصد كذا ..وبتردد ارفعت راسها..اذا قلت احبك وش ردة فعلك
مفلح يناظرها وعقب:هههههههههههههههه..
لمياء تعكف شفايفها ببكى:وش فيك..
مفلح يصد عنها:بس انا ماحبتس..
بكت على طول ووقفت:شفت ماتحس والله اني تعبت منك ..
وقف وضمها من ورى:امزززح ياالبى قلبتس.انا اموت فيتس وقسم باالله ماهي بحياة الي عشتها بعيد منتس ..
لمياء تغمض عيونها ماسكه صوتها من البكى :وانا بعد..
ضمها بقووه وراحه:احبتس ياانتس لعبتي بحسبتي ..
لمياء تلف له ناظرت بسرعه لعلياء الي تململت بكرسيها وبكت ابتسمت له :بقولك قبل تبكي ازياده وتنسيني
مفلح يمسح دموعها ويبتسم :قولي
لمياء ترجع شعرها ورى وبتردد:هو اثنين بس بخلي الاولى...والثاني نزلت راسها بخجل...انا خذيت صورتك لي ماقطعتها..
مفلح يبتسم ويرفع حواجبه:عاارف بس شفتي اني ساكت..ماابي احرجتس
لمياء ترفع راسها لها وتبتسم بحب
مفلح يقربها منه :والشي الاول متى بتقولينه لي
لمياء تضحك بخجل:بسيط بس الحين موب قايلته
مفلح يمسح ظهرها بحناان:مستحيه
لمياء تعض شفايفها:ايه
مفلح يضحك:يابعد عمري استحي العمر قدامنا وقولي كل الي تبين..
ابتسمت من داخلها براحه ورفعت راسها له:بروح انوم علياء وش بتسوي
مفلح :بروح معتس
لمياء ببتسامه:زين..راحت لعلياء شالته تقدم منها وشال علياء منها
مفلح يمشي جنبها:تشبه لتس
لمياء في نفسها لاني اشبه الهنوف وهي تشبه الهنوف بس ماحبت تقول له :ايه امي تقوله
مفلح :بس بعد واضح في دم غير دمكم
لمياء تنهد وتخليه يتقدم قبلها يرقى الدرج
....
في بيت المفلح
ام مفلح :وين مفلح موب معكم
ابتسم فهد وناظر للهنوف الي اضحكت
ساره تهزها وصوت قصير:راح للمياء
الهنوف:ايه نادني باالمطبخ عقب ماتعشو يبيني اناديها بس قلت له انها ماجات وقال انا بروح لها
سااره ببتسامه:الله يهنيهم ..هههههه ودي اشوف وش بتسوي
الهنوف بخوف:الله يستر منها تخربها ترى
ام فهد لابو فهد:وش فيك ماعلمتنا
ابو فهد:علمني فهد وحذرني لاعلمكم
ابو مفلح بتشجيع :كفو اعيالي الي مشو امورهم بالكتمان
ام مفلح بسعاده:لاعشانهم راحو لمفلح وجابوه وغيره علمونا
ام راشد:ههههه معاد الا رجاجيل ياحافظ الا مراح يقولون لتس شي
مساعد يتنهد:ماقصر محمد والله لو تشوفونه اهناك ان تقولون اخوه المسجون حتى عقب مأجلونا عشان يتممون اجراتهم ووجهه صاير اسود
ابو مفلح بعجز :الحمدالله الي خاوى له واحد مثل محمد ينحط على الجرح يبرى
ام مفلح بصوت خانقته العبره :وش حنى بلى مفلح ..كان حنى بلحالنا في الديره
مساعد بفجعه:يويلي انشهد انكم جحدتوني..
ابو فهد:ههههههه كلكم مافيه فرق بينكم
فهد:انا ودي ان عندي اخوو حتى لو يجحدوني
الهنوف تناظر اهلها بسرعه شافت ابوها يبتسم بهدؤ وامها تناظر فهد بعتب
ابو مفلح:الله يجعل فيك البركه
ابو فهد:الي جرب البنات وذاق حلاوت جلساتهن بيتمنى ان ذريته كله بنات
ام مفلح:الله يخليهن ويمتعك بالصحه ..
الهنوف بصوت واطي وحزين لساره:ابوي يبي يزوجني
ساره تنهد وتلف له:هو صادق وش تنتظرين
الهنوف بالم:بوافق بس على عبدالعزيز
ساره :ارجع يخطبتس
الهنوف:ايه قبل شهر بس رفضت
ساره :طيب وش بتسوين
الهنوف:اهم شي ان الحين مطلق يبعد عن طريقي وسواء عبدالعزيز ولا حتى غيره ماعاد يفرق..
......
دلال بحب:ناايس مررره ..يسلموو حبيبي
تراخى باالكنبه وناظرها بسرحان:اول مره اشتري فستان لمره
دلال بفرحه وخجل ابتسمت له:الله يخليك لي..انا بروح اقايسه
هز راسه لها راحت لغرفة تبديل الملابس البسته وقفت قدام المرايه بفرحه وهي تشوفه مظبوط عليها رتبت شعرها واطلعت له
سلطان يوقف ويقرب منها ماسك اكتافها ابتسم :حليتي الفستان وناسبتس كثير..
دلال تبتسم وتقرب منه:ذوقك انت ولا فيه مساعده
سلطان يمسك يدها ويقربها لجنبه:لا ذوقي انا...
دلال تناظر لعيونه بحب:انا احبك
سلطان بتغير في ملامح وجهه ابتسم بسرعه وهز راسه لها:حبيبتي والله..
حست بااحباط من برودة كلمته ابتسمت بحيويه:الحين بحط الغداء برى
سلطان يمسح خدها ببتسامه:لابنروح لقصر سانكونتير بيعجبتس وبعده بنتغداء بمطاعم القصر ..حلوو
دلال بضحكه:طبعن حلوو ..دقايق وبغير ملابسي
....
الهنوف تلبس عباتها بسرعه :بروح اشوف وش سوت ذالمفعوصه ..لو داريه مفلح بيجي ماخليتها عند لمياء
سااره :ههههه مسيكينه مادرت وش انتو فيه
ام فهد :بسرعه الهنوف
الهنوف:ياله ياله.. باي اسويره
ساره:باي
اطلعت الهنوف لهم بالسياره اركبت وحركو
فهد :الحمدالله بتروح لمياء الحين وباقي انتي
الهنوف تحرك شفايفها بملل:الله يخليك فهد تراني مستانسه لاتعكر مزاجي
ابو فهد يتنهد:الحمدالله على سلامة مفلح ورجعته لهله ومرته
ام فهد بفرحه:اي والله كان خمس سنين ولحين سبع شهوور يالله يارب لك الحمد
عند لمياء حطت علياء بسريرها بغرفتها حست بحراج من نظرات مفلح الي ماقدرت تلف بعيونها له
مفلح :بطفين المبات عشان ترقد
لمياء:لاترقد عادي باالانوار
مفلح بحباط :الله يعين
لمياء تحس بوجهها يحمرخذت نفس واجلست جنب علياء تهدهدها اجلس وراءها وضمهاا له
لمياء بخجل:برقدها
مفلح يشتنشق رائحة شعرها بشوق:رقديها ماقدر اتحمل بعدتس اكثر خليني جنبتس..
لمياء بحب ممزوج بخجل:الله يحفظك من كل مكروه ويخليك لي
مفلح يتنهد:خذي نفس وغمضي عيونتس
لمياء بضحكه:علياء شوفها تناظر لو ابعد يدي عنها صاحت
مفلح :خلينا من علياء شوي لاتخليني اكرهها
لمياء بسرعه :لا خلااص كل شي الا علياء بغمض ..غمضت امسك خدها ولف وجهها له
لمياء بتوتر :بفتح
مفلح يقبلها بشوق حست براسها يدوور وقلبها تزيد دقاته ابعد منها وابتسم
مفلح :افتحي
افتحت عيونها ونزلت راسها بخجل شديد
مفلح يبتسم لخجلها:مسرع ونسيتي ايامنا
لميا تاخذ نفس وبتردد:ماتعودت عليك روحت بسرعه
حط راسها على صدره وضمها بحنان يمسح شعرها :العوض في المقبلات
لمياء تنهد براحه:انشالله
الهنوف تفتح الباب بسرعه شافتهم ورجعت اسرع
مفلح يبتسم بفشله:نسيت اني ببيتكم
لمياء توقف وتبتسم بحراج:مراح تسكت وبتحرجني..
مفلح يضحك:مراح نعطيها فرصه امشي معي..
لمياء :وين
مفلح يرفع حواجبه لها:معي بنروح لبيتنا
لمياء بتردد:مستحيه على طول روحت معك
مفلح يسحبها من يدها ويمشيها قدامه:روحي البسي عباتتس
لمياء برجى :مستحيه من اهلك واهلي خله بكره
مفلح بصرار وعقدت حاجب:لا ..لف لعلياء الي بكت..بسرعه خلي امها تجيها انا بطلع برى انتظرتس
لمياء:لاتروح ابي امشي معك
مفلح :ههههه مهيب هينه الهنوف
لمياء تبتسم :عارفتها بتحرجني..راحت لدولابها خذت عباتها ووقفت جنبها
لمياء تناظره :ياله
مفلح يعض شفايفه:اموت فيتس ..وش تسوين فيني
امسكت عضده لاشعوري بخجل:احرجتني..
مشى وهو ماسك يدها :بوسيني المره الثانيه على ذالكلام لاتنحرجين
اضحكت افتح الباب ووقف عنده
مفلح بصوت عالي شوي:الهنوف
اسمعت صوته يناديها قامت من السرير بسرعه ووقفت عند الباب :الحمدالله على السلامه ابو سعد وهناك الخلاص
مفلح :الله يسلمتس ..حنى رايحين تبين شي كلمه منا منا
الهنوف تضحك:لا سلامتكم الايام جايه
مفلح يبتسم ويناظر لمياء الي ماسكه ضحكتها:ترانا موب هوينين نردها في بنتس لازعلتينا
الهنوف :ههههه كل شي الا بنتي استسلمت
مفلح ببتسامه هاديه:عند لمياء لازومن عليتس تستسلمين ..
الهنوف :الله يهنيكم..
مفلح :امين ..تصبحين لى خير
الهنوف:وانتو من اهله ..
اطلعت لمياء مع مفلح والهنوف راحت لغرفة لمياء ادخلت على علياء ماسكه رضعتها وترضعها
ابتسمت بحنان وخذتها من سرير لمياء :راحو واتركوتس...اطلعت من حجرة لمياء وادخلت لحجرتها حطتها على سريرها واجلست جنبها تناظرها والعبره بحلقها
الهنوف:راحت لمياء وخلتني بعد..كل الي نبيهم يروحون وببقى انا وانتي ...
انسدحت جبنها ويدها تمسح شعرها برحمه:انا بعرس وبيعوضتس ربي ابو خير من ابوتس
تنهدت بضيقه نفس ونامت على ظهرها بتعب وعيون مليانه دموع
....
اليوم الثاني في بيت المفلح
ام مفلح بدموع وشيلتها على عيونها:الحمدالله الي رده لي
لمياء تناظر مفلح ببتسامه وهو يحوط كتفها بيديه:من دعاتس الله يخليتس لي
ام مفلح براحه :الله يسعدكم
مفلح :وينه ابوي
ام مفلح :راح للورشه وراح معه مساعد
مفلح :وش اخباره مساعد معكم
ام مفلح :ماقصر في شي... تسنع وصار رجال
مفلح:ولمياء وش سوت يمه عقبي ..ناظر لمياء ببتسامه..
ام مفلح بحنان تناظر لمياء:حزين على فرقاك وومالها خاطر زين ابد ..
لمياء بصدق وحياء نزلت راسها:موب ارخيص ابد
مفلح ببتسامه حب تنهد براحه:ولا انتو برخيصين كلكن غاليات
ام مفلح بعتذار تناظر لمياء :اهم شي ماتشيلين بخاطرتس علينا يوم انا انروح ونخليتس
لمياء ببتسامه:هاذيك الفتره زعلت الحين كل راح..
مفلح :افاا يمه تبي تجيني وتروحون وتخلونهااا خلتوني اهوجس ليل الله نهاره
ام مفلح بضحكة منحرجه:ابوك يرفض والصدق بعد انا مانيبها تدخل السجن ولاتجيه
مفلح :الحمدالله على هالساعه ..انا بروح الحين تبون شي
لمياء بسرعه:وين ترووح
مفلح ببتسامه:تعالي معي
لمياء تناظر خالتها بخجل
ام مفلح تضحك:روحيي انا بروح لا ام راشد
مفلح:ياله بنتظرتس بالسياره
قامت ورقت فوق بسرعه البست عباتها خذت شطنتها اليد ونزلت لهم تحت
مفلح يوقف ويناظرها :ياله
هزت راسها:ياله..
وفي السياره مفلح يستنشق الهواء :يازين هواء النعيريه على الحرام انه غير..
لمياء :ووع اكره الرياض ماحبها
مفلح بستفسار:ليه خذيت فيها جووله بعد ماطلعت ماتوقعتها كذا ولازم اوديتس له..
لمياء بهدؤ تهز اكتافها:مافيها شي زين راحت لها الهنوف وابعدت منا وروحت لها انت وابعدت
مفلح:بغير نظرتس لها اذا روحتي معي بتصير احلى وبتحبنيها ..ناظر لها وارفع حواجبه بثقه
لمياء ببتسامه:الاشخاص الي نحبهم يغيرون لنا افكارنا الشينه عن اي شي ..اكيد بتغير نظرتي لهاا
مفلح يمسك يدها ويبوسها وعينه على الشارع:تمنيت ايام السجن ان الايام ترجع اشبع من عيونتس واذوب في ضحكتتس خفت لايصير شي ويفرقنا النصيب
لمياء تهز راسها بخوف امسكت يده الى على يدها واضغطت عليها :ماكنت احسن منك ابد وكانها سنين مرت ..التفكير ياخذني كل يوم لاتبعد مني بسبب تفاهات الي اتكلم بها لك كل يوم وماحسستك بانك معرس
مفلح يوقف عند الاشاره ويلف لها تنهد ولف لها:بعلمش بشي حطيه براستس وصدقيه ..
لمياء تهز راسها بتفهم
مفلح بحب:انا حبيتس من يوم عرفت انتس انتي الي بالمطبخ وعشقت اعيونتس وحتى نبرة صوتتس وعرفتها من كل الاصوات لاتفكرين بيوم انه حب وليد لحظه لا حب سكن قلبي وبنيتيه بحركاتس البريئه
ابلعت ريقها محاوله ماتنزل دموعها وعتب على نفسها وشكها فيه:وانا بعد حبيتك بس ماعترفت لنفسي خايفه ان كل كلامك كلام لعاب
ابتسم ولف للشاره يمشي :افااا ماتعرفين نظرات العشاق ..
لمياء بدلع ممزوج بقهر:ياكثر مابكيت وانت تقولي اعرف نظرااتس وتهزى فيني تقهرني ..
مفلح :هههه بس صح علي..لف لها بتاكيد
لمياء :ايه ..وبتردد.ليش تقول هاك اليوم انتس تحبيني وانا ااكرهتتس
مفلح :توني ادري اني ماعندي قلب ..لف وجهها له برقه وحنان ونظره لها ونظره لشارع..جرحتتس!!..
لمياء بهدؤ:موب مهم اهم شي حياتنا الحين
مفلح يوقف جنب الطريق ويلف لها:كل شي ضايقتتس فيه قوليه لي
لمياء تمرر السانها على شفايفها وتاشر باصبعها :بس عندي سؤال واحد
مفلح يبتسم :اسالي
لمياء بتردد :ترى قد كلمتك اختي نوف تلعب عليك وخذيته منها وقلت انك ماتحب الي خاطبها
مفلح يهز راسه مقاطع كلامها:خاابر انه انتي انا ماقلت اني اعرفتس من سبعين صوت ..بس كان الاكيد اني ماقول مراح اقول احبها وانتي ماتعبرين لي عن مشاعرتس..
لمياء :بس لو قلت احبها كان اكيد بقول احبك
مفلح يناظرها بستغراب وابتسامه:كذابه ..ياالميه عارفتس انا.. عنيده وشايفه نفستس
لمياء ترفع حواجبها:لاولاالله موب عنيده ولا شايفه نفسي الي شايف نفسه طق عمر مستحقره ..وناظرته بتحدي
مفلح يدز راسها باصابعها بخفيف:خبلتس يامرتي العزيزه مادريتي ليه طاقه
لمياء تذكرت شي بعدين اضحكت :الا ومرسل لي رساله بالبر
مفلح :دريتي انه انا
لميا تنزل راسها:ايه
مفلح :ليه تدقين علي
لميا :اختي الهنوف هي الي دقت عقب عرفت انه انت
مفلح يلف بجسمه عنها ويحرك سيارته لشارع العام بصمت
اسكتت لمياء بتوتر من صمته ولفت لدريشه تناظر برى
.....
جهزت الفطور وراحت تقومه وقفت عند راسه شافته راقد وعاقد حواجبه ابتسمت بحب ومدت يدها تقومه
دلال:حبيبي ياله الفطور جاهز
افتح عيونه وناظرها :مابيه
دلال:ليش الوقت تاخر
سلطان يغمض عيونه ويعطيها ظهره:قلت مابيه
دلال بستغراب راحت منه اجلست على الكنبه عند الفطور تنهد بصوت خافت حاول النوم يجيه مره ثانيه..تافف واجلس
سلطان بقهر:احد عطاتس الاذن تقوميني
دلال بستغراب تلف له:اجل اخليك راقد الى متى
سلطان بعصبيه:للوقت الي ابي..حلوووه ذي الى متى ...تعديتي احدودتس
دلال بصدمه من تغيره تلعثمت :مادريت خلاص مراح اقومك
سلطان يبعد الحاف عنه بقوه:وش عقبه ...وبصوت منزعج تافف بقوه ..
افتحت عيونها بقوه وشعور انه ماتقبلها يذبحها شافته ادخل الحمام تنفست بسرعه وقوه تبعد عنها التوتر عدلت جلستها
حاولت ماتلف له وهو يطلع من الحمام ويروح للمرايه امسح وجهه من بقايا المويه وراح لدولاب البس بدله رسميه وحذف جاكيتها على الكرسي متجه للفطور بدون اي كلمه
دلال بتردد:تبي حليب او كافي
مد يده على الفطور وعينه عليه متجاهلها
دلال تبلع ريقها بألم:طيب علمني ليش زعلان تونا امس مستانسين..
سلطان يلف لها بجمود:انتي المستانسه بس
نزلت راسها بوجع ولفت بجلستها عنه
لف منها وكمل فطوره
قامت من الكنبه ووقفت عند الشباك
سلطان بصوت امر:جهزي حالتس بنطلع
دلال بهدؤ :مالي نفس اليوم بجلس
سلطان بتطنيش لكلامها:اغسل ايدي انزل تحت القاتس وراي ...وقف واطلع
خذت نفس وراحت لدلاوب تبدل
افتح باب الرئيسي وقف عنده وبرودة الهؤا تلفح وجههه خذ نفس وانفثه
دلال تناظر لبسه لابس البدله دون جاكيتها والجو بارد بعض الشي :بتبرد
لف لها شافها ومشى لقدام الحقته بقهر وغيض من تحكمه فيها بس راضيه اهم شي راضي علي
ادخل السياره صك الباب ادخلت وراء ومشى
دلال تمد يدها على يده الي على الدريكسون:يدك بااارده
سلطان يتنهد :لا مهيب بارده
دلال :لو لبست جاكيتك
سلطان يمسح شعره بتوتر وضيقه وقف جنب الطريق:وين تبين تروحين..
دلال ترفع حواجبها بستغراب:انت الي طلعتني
سلطان بتشتت :ابي اطلعتس اي مكان بس وين اروح
دلال وهي تحس به مشتت ونظراته ذابله :بروح للبحر اذا ممكن
سلطان بهدؤ:ممكن ممكن ..عدل طريقه ولف للبحر وقف على الشاطئ انزلت وراحت توقف عند البحر انزل وراءها ووقف جنبها ويديه بمخباته
دلال بصوت باكي فجاءه:تقسى علي كثير
سلطان بنظره جانبيه بارده وهو على حاله:كذا طبعي موب لتس بس انتي..
دلال تلف له وببكى :بس انا غير انا زوجتك..ا
خذا نفس لف لها قرب منها وامسك وجهها بين ايديه :زوجتي تحملني..
دلال بضعف :متى ترحمني وتحس فيني
سلطان يضمها لصدره بحنان:لاتصيرين حساسه كل دقيقه والثانيه باكيه
دلال تدفن راسها بصدره :ابيك تعيش معاي مرتاح
سلطان يبعدها عنه ويديه محوطه كتفها راح يمشي بها على جنب الشاطئ:وانا مرتاح مايحتاج
دلال تهز راسها بقلة حيله
سلطان :الجو حلو والمكان بعد
دلال تبتسم :عشان تعرف ان ذوقي مضمون
سلطان يرد لها الابتسامه:عارف من زمان ..
دلال :الوقت بدري وين بروح عقب
سلطان :خلينا باهاالمكان الحلو وبعدين نفكر وين نروح
دلال تلف له:ابي اروح اتسوق
سلطان بهدؤ وصبر:طيب بعد الظهر انا بروح عندي شغل وانتي تسوقي..
دلال بحباط:ليييش روح معي
سلطان يناظر للبحر بشرود:خلاص بروح معتس مافيه مشكله
دلال بفرحه تبوس خده:فديتك يابعد عمري
سلطان ببتسامه:كل هذا عشان سوق
دلال :ايه عشان سوق وعشانك معي
سلطان:ياقلبي ...انا ابغى كبكات لبدله وبالطو نسائي اختاريه انتي
دلال :من عيوني
سلطان:تسلم عيونتس لتس ولي
......
الهنوف ترضع بنتها وتناظر نوف :قال امبارك لتس شي
نوف:يقول ان مطلق هون واسمح لتس
الهنوف براحه:الله يجزاه خير يخليني اعيش حياتي مايعقدني...
نوف:بس معرسه معرسه
الهنوف بملل تجلس بنتها قدامها وبهدؤ:علياء وانا نبي رجال يتكفل فينا ويحمانا وعبدالعزيز هو المناسب
نوف:طيب ارجع يخطبتس
الهنوف :امي قالت لامه ان حنى وافقنا
نوف بزهق:ايه طيب صار شي ولا ماصار
الهنوف ترفع شعرها عن وجهها :ايه كلم ابوي وقاله ان حنى وافقنا وعبدالعزيز قال انه مسافر دوره وبيجي عقب عيد الفطر ووبنحدد العرس بعدين
نوف:خلينا نشوفتس بفستان الزفاف باالعرس
الهنوف ترفع راسها لنوف ببتسامه:لا مابي حفله ولاعرس ولا راح البس فستان ولا شي
نووف تقرب منها وتمسح شعرها بحنان:من حقه يسوي لنفسه عرس وتلبسين فيه فستان مثل كل البنات
الهنوف بتعب نفسي:خلاص سويت عرس وخلصت اذا يبي عرس ياخذ وحده ثانيه
نوف تناظرها ببتسامه:مايقدر ياخذ وحده ثانيه..عقب ماارتبط بالزين
الهنوف ببتسامة ألم:جعله النفاد ذالزين
نوف بعتب:استغفري ربتس يابنت واحمديه لاتتسخطين
الهنوف تقرب عليا منها لبستها حذيانها ووقفت :انا بروح وياها للحوش
نوف:براحتتس
...
نوره :كلكم معزومين ولا احد يقعد
مفلح :انا عني بجي وغيري كيفه..
نوره :قل لاامي وابوي اجبرهم يمكن تمسكهم النعره ويجلسون
مفلح :ابشري بمشيهم قدامي..
نوره :ههههه جعلك تسلم
مفلح :الله يسلمتس..مع السلامه
صكه منها ولف للمياء :نوره عازمتنا لعشاء في البر
لمياء ببتسامه :اليوم
مفلح :ايه اليوم لاجاء العصر روحنا لهم ...
لمياء :طيب ..انا بروح اقول لخالتي اجل
مفلح يمسك يدها :خليها لاجاء العصر قولنا لها
لمياء ترجع تجلس:طيب..
مفلح يقربها منه وبببتسامه:وش رايتس نسحب عليهم ونجي جنبهم لين تجي حزت العشاء
لمياء تضحك:اني خابرتها نوره والله ان تدق لين تشوفنا عندها
مفلح ببتسامه :بقفل الجوال وقفلي جوالتس ..انشرف لنا على حزم وتعلميني وش حالتس عقبي
لمياء تعض شفايفها بخجل من نظراته الهاديه:راضيه على شرط ان تعلمني بعد
مفلح :هههه على هالخشم راضين بالي تبين
لمياء تمسك يده بحب وتبوسها:الحمدالله الي ربي اعقلك علي
مفلح:له الحمد ماجلستنا محيرتس خمس سنين...ضمها لصدرها بحبور وراحه
تنهدت براحه وهو يمسح شعرها ويعلمها وش سوى بدوامه ورجعته له
...
بعد ماجاء العصر ام فهد في حجرة الهنوف تصحيها تصلي
ام فهد:قومي صلي نوره عازمتنا في البر وبنروح
الهنوف بنعاس:طيب ..
ام فهد:انا بنروح انا وابوتس وفهد لسوق وبعده بنروح لهم مناك تعالي مع لمياء
الهنوف تبعد الحاف وتفتح اعيونها بعتراض :لا والله وش ابي بلمياء هي ورجلها خليهم ياخذون راحتهم
ام فهد:بنروح لسوق ومناك بنشوف نقدر نجيتس ولا لا
الهنوف تقوم من سريرها وتوقف :بتقدرون انا بصلي وبجهز حالي وعلياء
ام فهد :ماعليه ...انتهبي لنفستس اطلعت ام فهد والهنوف تصلي وتلبس خلصت ولبست علياء انزلت تحت البيت فاضي جلست علياء في الارض وكلمت اهلها
الهنوف:يمه وينكم تاخرتو
ام فهد:الساعه قدها خمس انا بنروح وتعالي مع لمياء توهم مامشو
الهنوف بتعتب:الله يهديتس يمه اجبرتيهم فيني
ام فهد:اعرسي خلي رجلتس يلتزم بتس ويقضي حوايجتس
الهنوف بصدمه من كلام امها وكانها مضايقتهم ابلعت ريقها:طيب مع السلامه..صكته وعبرتها بحلقها غمضت عيونها وسندت راسها على الجدار
مدت علياء يديها على رجل امها واسحبت طرف فستانها الفيروزي بضيقة خاطر لفت لها واسحبتها لحظنها جلستها فيه وارجعت تغمض عيونها بدون لاتفكر باي شي
دق جوالها اختها غزيل حطت صامت وعينها في الفراغ كررت المكالمه ماردت دقت لمياء ترددت وارفعته بالاخير
الهنوف بهدؤ:هلاا
لمياء :ياله شوفينا برى ننتظر..
الهنوف بجمود:انا منيب رايحه
لمياء بستغراب:ليه كلهم مجتمعين ..خلي منتس الدلع امشي..
الهنوف باصرار:لا انا تعبانه وعلياء بتخاف بالظلام
لمياء بشك:اصلن صوتتس ماش وش فيتس..
الهنوف :مافيني شي مع السلامه ببدل لعلياء موسخه..صكته ابلعت ريقها ونزلت راسها لعلياء بحظنها
الهنوف ببتسامه:اصبري ياقلبي على ماما مجروحه ومالها غيرتس..
علياء تنط بفرحه وهي تشوف امها تناظرها اضحكت الهنوف واقعدت تلاعبها وتدغدغها ببطنها وعلياء تضحك
لمياء واقفه عند الباب :جاهزين..
الهنوف تلف لها بسرعه :خوفتيني
لمياء تقرب منها:اسم الله عليتس ..ليش رفضتي وانتي كان تبين تجين
الهنوف تصد منها :حسيت ان مالي نفس وتعبانه
لمياء تاخذ منها علياء:انا بسبقتس لسياره ...والافكار الي تجي براستس ابعديها وخليتس واثقه من نفستس عمر الكلام ماثر فيتس سوا شين او زين وش صار لتس..
الهنوف تنزل راسها بوجع وتسكت..
لمياء بحناان:فديتتس لاتاخذتس الافكار بعيد قومي معي تكفين
الهنوف بجمود:بروح موب لشي عشان بس احس ان الي عايش حياته مبسوط وانا هناا تعيسه انه ماثر فيني..
لميا بالم في داخلها لحالتها ..مأثر فيتس واضح التاثر ياالهنوف..
الهنوف توقف:بلبس عباتي روحي لمفلح ابطيتي
ابتسمت لها لمياء وطلعت قبلها لمفلح اركبت وعلياءبحظنها
مفلح يلف لها ببتسامه وفرحه:هلا هلا بشيخة البنات ..مد يدها لها ..عطيني اياها
لمياء تمدها له وببتسامة:ها خذت مكانة منصور
مفلح يحط علياء بحظنه ويبوسها لف جسمها لها:مشالله مشالله ..انفث عليها ..ولف للمياء..الله عليها الهنوف ماصبرها عا...اقطع كلامها والهنوف تفتح بابها اركب وسلمت عليهم
مفلح يمشي بسياره وعلياء مازلت بحظنه:شدي حيلتس يالمياء وجيبي مثل ذالانتاج
لمياء تبتسم من تحت البرقع وبغرور:انا لو اجيب بنت بتجي مثل علياء ولا بعد احلى منها بشرط انها تشبهني ... الخوف من اشبهك
الهنوف ساكته وعينها على علياء الي ماتشوف االا جانب وجهاا وبشرود راح فكرها لبعيد
مفلح يناظر لمياء بضحكه :وش نكستس على راستس ..
لمياء بقهر مخفي وعناد:وانت بعد وش نكسك ..وتخزه بنظره من الي شفتها باالمطبخ
مفلح يتنهد وهو يهز راسه :اول مره احب مطبخ...
لمياء:ههههه.
بكت علياء بحظنه واقعدت تحرك راسها بقوه وترجع راسها على صدره بسرعه
مفلح :ههههه ...متمرده من ذلحين
الهنوف بهدؤ:لمياء عطيني ايااها
خذتها لمياء ومدتها للهنوف الي اقعدت تسكتها وتطلع رضعتها من الشنطه لف مفلح للمياء بستفسار من هدؤها..
هزت لمياء راسها له معنى بعدين اسكت وكملو طريقهم
....
لف شال رصاصي حول رقبته وجاكيته الاسود بيده يمشي في مطار هيثرو ودلال تمشي وراءه بسرعه متناسي وجودها وراه
مسعود بحترام يوقف قدامه:طويل العمر
سلطان يبطي مشيه:هلااا
مسعود:انا راجع الحين لسعوديه طلبتني بشيي..
سلطان ياشر بمعنى لااا ويكمل مشيه
مسعود يناظر دلال الي تمشي وراءه ارفع حواجبه بنتقاد وكمل طريقه لرحلة المتوجهه لرياض
وقف برى عند السياره بالمواقف لف لها شافها تمشي بكبر وراسها رافعته وتناظر بالناس صد عنها وادخل بالسياره المخصصه لهم
لفت من جهتها واركبت جنبه ورى
دلال بقهر :كاني مامشي معك
سلطان بتطنيش لها:العايله ارجعت للبلد..
صالح يناظر لقدام ومميل راسه بحترام :للحين موجوده بلندن وطويلة العمر ناويه ترجع بعد يومين
سلطان يرجع راسه لمسند السياره بهدؤ :بيت عبد الرحمن فيه احد
صالح :الظاهر انه طويل العمر ماجاء والبيت فاضي
سلطان مغمض عيونه:ودنا لبيته ...
صالح :تامر ..
دلال بقهر ممزوج بستغراب:ليش مانروح لبيتك انت
سلطان يلف راسها له وهو مازال مسنده :انا بروح لبيت عبدالرحمن ..تبين بيتي روحي له..
دلال تبلع ريقها :لا خلاص بروح معك
ابتسم بستهزاء ولف منها يناظر برى
بعد مانزلو ببيت عبدالرحمن زوج موضي دق سلطان لعبدالرحمن وعطاه خبر وادخل داخل للبيت
دلال تناظر للبيت بنبهار:شي خيالي ..
سلطان:انا بطلع ..ناظر الساعه ..عندي موعد عشاء بتاخر
دلال بتافف:وش اسوي وحدي
سلطان يلف ويرقى الدرج:اطلعي ماعندي مشكله
دلال بفرحه ماتوقعت موافقته اتبعته فوق شافته بوحده من الحجر بابها على الصاله الدائريه بوسط الدور الفوقي ادخلت شافتها وكانها لشخص واحد ناظرت له يفسخ البالطو ويلبس جاكيت البدله راح للمرايه رتب شعره بيده مرجعه لورى على عجله
دلال تقرب منه:كبكات البدله
سلطان يلف لها :وينها
دلال :معي ..نزلت راسها لشنطتها وطلعتها تقدمت منه اسحبت يده وبدات تلبسه اياها
سلطان يناظرها بهدؤ تنفس بعمق خلصت وامسك يديها قبل تسحبها
سلطان بطيبه وتقدير لحبها له:شرف لي البسها وادخل فيه اجتماع مهم ...وبستطراد لكلامه..ولا مساتتس عليها ..نزل راسه وباس يدها..
دلال تبلع ريقها بخجل:اجتماع موفق .. مدت يدها وابعدت خصله خفيفه من على جبهته
اترك يديها ولف للمرايه تعطر ولف طالع من الحجره..
دلال بهيام تناظر ظهره المتناسق مع طوله الفارع وشعره المغطي رقبته من ورى لف لها فجاءه
سلطان وهو يرسل لها بوسه بفمه ويبستم طالع
ابتسمت بفرح وحيويه وهي تلف بالحجره بسعاده غامره (اجل لو يقول احبتس وش بتسوي )
...
في النعيريه وبواحد من امكان الكشتات
مفلح يبطي مشيته:خربتي مخطاطتنا ياالهنوف
لمياء توهقت انه مادرى ان الهنوف يالله رضت تجي معهم وبسرعه :لا عادي موب لازم كنسله
الهنوف تناظر لهم وبقهر من امها:وش مخطاطاتكم
لمياء تناظر مفلح بغيض وهو مادرى عنها:كان ناوين نوقف بمكان بعيد الى ان يجي وقت العشاء
الهنوف :وقف ابو سعد وقف..
مفلح ياحاسب ويوقف بستفراب
لمياء تلف لها :وش بغيتي
الهنوف تفتح الباب :خلاص هذاك هم اشوفهم
مفلح بسرعه :والله ماتنزلين
الهنوف وقد انزلت :نزلت وش فيها انا ودي امشي شوي وبعدين من بعدهم اشوفهم
لمياء بقهر:الهنووووف اركبي بس
مفلح :اركبي وانا اخوتس مرتن ثانيه نروح بلحالنا
الهنوف تاخذ نفس وبعناد:الجوء فاضي وهم شوفوهم قراب .. مدت يدها لشنطتها الكبيره حطتها على كتفها واسحبت علياء صكت الباب ومشت
مفلح :يوووه العنيده
لمياء تلف عليه بقهر:ليش قلت كذا وهي متحسسه من البدايه تجي معنا
مفلح يناظرها برفعة حاجب:ماعطيتيني خبر قبل..
لمياء تنهد وتلف عنه:نفسيتها تعبانه
مفلح يحرك السياره بتجاه ثاني :وانا وش دراني .. انها بتاخذها جد ماهيب على خبري
لمياء بحزن:مهيب على خبر احد ..
مفلح :ليه ..!!
لمياء :اصدمها بطلاقه لها كثير..
مفلح :ليه مهيب تبي تطلق..
لمياء تنهد:اول ايه الحين تحبه
مفلح بصدمه:تحبه
لمياء تبتسم من ردة فعله:ايه تحبه
مفلح بستغراب:ياسبحانه مغير ولا يتغير ..وش الي حببها فيه
لمياء تناظره وترفع حواجبها:مزيون وشخصيه وامير واسلوب
مفلح يناظرها وفجاءه مد يده واسحب برقعها فاسخه منها
لمياء براعه :وش فيك
مفلح يبتسم :ابي اشوف ملامحتس انتي من جدتس تقولين الكلام لي
لمياء تبتسم وتنزل طرحتها على كتوفها:ايه من جدي هذاك سلطان وصادقه بالي فيه ..ناظرهابقهر وهي كملت.. وانت رجلي الي احبه فيك مثل الي فيه بس فرق انك مظهر ومخبر
مفلح يمد يده على خدها ويسحبه بخفه:حبيتي انتي
لمياء تضحك:صدق انت غير عنهم كلهم
مفلح يناظرها بحب :اجل تستاهليني بكل مافيني
لمياء تخزه بنظره استهزاء فيها الضحكه..
مفلح يضحك:واستاهلتس بكل مافيتس ..
وقف وافتح بابه نازل :انزلي خلينا يازوجتي العزيزه نفضى لحالنا مره متزاعلين مره نتكلم في احوال الناس..
لميا تضحك وتروح لجهته مد يده لها امسكته واقعدو يمشون قريب من الجبل
عند الهنوف الي راحت لهم تمشي كان بينهم وبينها جبال صغيره تقدر تشوفهم من ورءاها حست بتعب من شيل علياء نزلت قدامها وجلست رافعه برقعها
خذت نفس كبير من التعب وانفثته على علياء الي غمضت عيونها بقوه اضحكت الهنوف شالتها عن التراب الي بدت تمسكه
ارفعت راسها لصوت قريب منها
الصوت:الغزلان حتى بالنعيريه..
الهنوف تنزل برقعها وتنزل علياء من حظنها
الرجال يقرب منها بسيارته :السلام عليكم ...اسكتت ماردت عليه وهي تنفض عباتها من التراب
:البنت لش
الهنوف :مالك دخلن بذالامور
الرجال :ياويل حالي كانها لش قد رحتي علينا منتي صوبنا..
الهنوف تبلع ريقها بصعوبه وبسرعه عشان يعرف انها موب بلحالها:اهلي اقريب وبيجوني الحين
الرجال يناظرهن بشغف وبحسره:اكيد انها لش تشبهش ابي اعرف وش انتي منه
الهنوف بقهر ترفع علياء من الارض وشنطتها على كتفها وبقوه:انا معرسه استح على وجهك
الرجال يمشي بشويش يشوفها تمشي رايحه منه:علميني وش رجلش
الهنوف تحس بشي بصدرها خوف وقلق وحباط من حالتها وكره لسلطان:افضل لك ابعد
الرجال يوقف سيارته وبصوت عالي:الله يستر عليكن والله اني ماقد شفت مثل زينش ...
اسرعت بمشيها لفت بتشوفها شافته واقف بمحله ماتحرك وهو يناظرهن حست براحه انه مالحقها طنشته قربت من اهلها شافهم فهد وراح لها
فهد ياخذ منها علياء:وينكم جاين منه
الهنوف:حطني مفلح وراح هو ولمياء..راحت منه للحريم سلمت عليهن واجلست جنب امها
ام فهد :وين لمياء
الهنوف :راحت هي ومفلح
ساره :بيجون
الهنوف :ايه يقولون الى ان تجي حزت العشاء ويجون
نوره بقهر:هين امفيلح وانا عازمته وراح بلحاله
ام راشد:هههههه توه يامي جاي خليه يبرز بمرته كل مابغى
ام مفلح بحب:جعل ربي يخليه لي ويسعده معها
ام فهد :امين
الهنوف تلف على ساره :وينتس يالقاطعه
ساره تبتسم:فضلت اني اخذ معهدي كورسات صيفيه عشان اخلص بسرعه
الهنوف:الله يعينتس
ساره تلفت:وينها علياء مشتاقه اعض خدودها
الهنوف:اجل اشوى اني ماجبتها
ساره براعه:ماجبتيها
الهنوف تبتسم:مع فهد
نوره :بروح اجيبها ...راحت نوره لهم تجيبها منهم عيوو يعطونها اياها ورجعت بسرعه للهنوف
نوره :اهنيفه روحي جيبيها منهم
الهنوف:ليه ماخذيتيها
نوره بقهر:عيا امساعد وتعنتر معه افهيدان
الهنوف تناظر العجز يسولفون وقفت :خليها عندهم ..خلنا نروح نتمشى شوي
ساره توقف معها:ياله
نوره تنهد :انا راعية العشاء بجلس
الهنوف تضحك:امشي بس العشاء موب انتي الي بتزينينه
راحن يمشن على غروب الشمس حول سيارات اهلن
الهنوف بهدؤ توقف:راعي السياره موب ناوي على خير
نوره تلف لسياره الي واقفه من بعيد:ليه وش فيتس
الهنوف :وقفني وان جايتكم الحمدالله الي ربي ستر علي
ساره :ليه ماجيتي مع لمياء ومفلح
الهنوف :الا جيت معهم بس قلت لهم يوقفوني بعيد وجيت وهو صادفنا بنص الطريق
نوره بستغراب:يالحقتس كذا
ساره بتساؤل :شافتتس ولا يعرفتس
الهنوف تنهد :شافني وانا ماشفته..عقب تغطيت
نوره :ايه خلاص وقفي عشان كذاا..
ساره :معليتس منه شوي الا ان يظلم اليل ويروح
الهنوف تنهد وتلف :اجل خلنا نرجع ..
لفن ورجعن معها شافن الحريم قايمات يصلن المغرب وكل وحده راحت لجهه تصلي
بعد ماصلو المغرب جماعه اجلسو على ارض مرتفعه شوي
لمياء تبتسم :ووش قلت له
مفلح يحط راسه على كتفها ومحاوطها بيديه:علمته اني خاطب لي وحده واحبها
لمياء تمسك يديه الى عليها بفرحه :وتحبك وتموت بترابك
مفلح يضمها له اكثر:ابو بدر رجال ينشرى وبنته الله يوفقها وانا ربي يتنيني لمياء ام عيالي لين خذيتها
لمياء تبتسم بحب:فديتك لو انك تعرف تقهر بس على قلبي ماء زلال
مفلح يرفع راسه من كتفها ويبتسم بخبث:يعني اعلمتتس عادي
لمياء بستغراب:وش به
مفلح بدون اهتمام مدد رجليه قدام ويديه ورى ظهره وبتفكير:وش اسمها نسيت ..المهم انها احذفت علي رقمها يوم صلحت لكم الباص ..وبتذكر...ايه ايه اسمها مشاعل
لمياء تقرب صوبه الى ان ناظرت بعيونه:خذيته
مفلح يبتسم :ايه وكلمتها بس اسبوع وعقبه الغيتها بكبرها
لمياء بحباط:وبعد شفتك يوم خذيت رقم وحده بالسوق يومنا بالجبيل
مفلح يعدل جلسته ويمسكها برقبتها بمزح:يوم علمتي علي
لمياء تضحك:قهرتني يوم عطيتها الرقم وعلمت
مفح يهدها وبهدؤ:ليه قهرتتس
لمياء بخجل:لاني كان ماقدر اقول احبك بس اميلك وقهرتني وانت تعطيها الرقم
مفلح :غايره منها
لمياء بسرعه:ذيك الحزه لا والله بس الحين بنت ابوها تهقوى
مفلح يطقها على ظهرها بخشونه:كفووو
لمياء بالم ويدها على ظهرها:اااي..
مفلح يمسح ظهرها بعتذار وضحكه:فديت مرتي مارخمها
لمياء بتفكير:لو اني طقيتك مع ظهرك يوم قلت لي انك تكلم مشاعل وش كان بتسوي
مفلح :بنسدح من الوجع
ناظرته واضحكت عارفه انه يستهزي فيها
مفلح :بس ماسئلتيني ليه كلمت مشاعل
لمياء تلف عنه:مايحتاج اسأل
مفلح :بس بقول لتس كلمتها بعد ماعرفت انتس بالباص ابي اشوف وش ذالي مخاويتهن
لمياء تقاطعها:بس انا موب صديقتهن ومتعدويه معهن
مفلح :خليني اكمل
لمياء تنزل راسها :طيب
مفلح :ماجابتس طاريتتس سالتها عن بنات (قبيلتهم....) وقلت لها ان وحد من اخوياي بياخذ منهم قالت لي انهن مغرورات.. لف لها بتساؤل..هي صادقه
لمياء بكرهه لها:ماعليك منها تكرهني ..وبتردد حست بالألم وكملت..كان مرسله معي رساله لك تبي تقهرني
مفلح يلف لها :متى
لمياء وهي منزله راسها:قبل تفسخ خطبتك
مفلح بحراج صد براسه منها ومعه عود من الشمع يقطعه قطع صغيره:سالفه سخيفه اقطعيها
لمياء بدون شعور تناظر للرمال تحت رجليها:مااقدر انساها .اسحبتني سريتا من درجات الدرج وانا ماحس بنفسي ماكنت اقدر اشيل روحي من اآلام والجرح والخووف من تفكيرك
مفلح يقاطعها:ماله داعي تعودين ذالكلام
لمياء ببتسامة سخريه :ايه ماثر فيك انا اسهر اليالي وانت راقد مرتاح تحذف الي تبي وتمشي
مفلح بصوت عالي شوي:وانتي متاكده اني ارقد مرتاح ولا هامني!!.. انا مثلتس اسهر وعيني جافيها النوم الى ان عرفت ان مالتس دخل بالسالفه
لمياء بستهزاء:بالسالفه السخيفه هاا
مفلح بعصبيه :لاتكلميني بذاالسلوب
لمياء بنفعال:توك تقول سخيفه ماجازت لك وشف كيف ترجع وتحط علي الغلط
مفلح يتنفس بضيقه:هذا شي ماضي ماله داعي ترجعين تفتحيه
لمياء توقف بقهر:مصيرها بتنفتح لو خذيتها بهدؤاه افضل وانت ترجع وتحسسني ان الي تاثرت منها بس
مفلح بستغراب وقهر:ماحسست بهذا الشي ابد..ولا فسرته ابد كذا
لمياء :مافسرته انت بنفسك مستسخف السالفه ماتاسفت ولا حسيت بحالك
مفلح يوقف ويسحب يدها بعصبيه تمشي قدامه:امشي امشي..
لمياءبغيض توقف وتسحب يدها:انت تقول لي السالفه السخيفه على قولتك انت تفتحها او انا افتحها بس ماشفتك ريحتني او تعذرت منها او حتى وعدتني ماترجع لها خجلان من نفسك على الي سويت
مفلح بدون شعور امسكها من طرف قميصها وارفعها صوبه بقهر:ماسويت شي انقد على نفسي فيه ياخيبه عقلتس الي ماكبر... دزها قدامه بخفيف وراح يركب في جهته
تنفست بقلق وتوتر..حست بغيض منه وكيف اقلب السالفه عليها وكانها المذنبه اضرب بوررري بقوه وخلى يده على البوري بعصبيه لفت وتجهت لمكانها اركبت وصكت بابها مشى بدون اي كلمه وهي ترجع تلف طرحتها عليها وتلبس برقعها
ماكانو بعيد عن مكان اهلهم مشى الى ان قرب منهم وقف عند الحريم انزل متجه لرجاجيل ولمياء اجلست بالسياره مسنده راسها بالسيت ومغضمه عيونها بالم
سلم عليهم واجلس
راشد :خلصت امورك
مفلح :ايه ببداء من يوم السبت بعد ماترجع اوراق تعيني مره ثانيه
راشد:زين زين الحمدالله
مساعد:محمد يقول انه بينزلونك مرتبه عن الاولى
مفح يناظر ابوه الي متعنز على المركى وجنبه ابو فهد مبتسم وقدامه علياء جالسه وتناظره وهو يعلم ابو مفلح بشي فيها ويتكلمون
مفلح بهدؤ:ايه بنزل مرتبه اسكت لايدري عنها احد
راشد يحط ايده على كتفه :ماعليك سنه سنتين ويرجعونك لها
مفلح ببتسامه:الله كريم ..وش السياره الي واقفه قريب منكم اتعرفونه
راشد :لا وينها فيه ماشفناها
مفلح ياشر من ورى جلسة الحريم:ورى سيارت مناك هايلوكس
مساعد يوقف:ماشفنا احد ..
فهد يوقف معه :بروح معك
ابو فهد يلف لمفلح ببتسامه:حي ذالعين بذا الشوف توسعت اصدورنا..
مفلح بببتسامه جامده:الله يديم شوفك بصحه وعافيه ..
عند مساعد وفهد الي شافو السياره من بعيد
مساعد:انا واله اني خفت بلحاله ذاه
فهديوقف:شكلها مافيها احد
مساعد يشوف السياره تحرك عقب ماشافتهم وتلف راجعه لورى
مساعد:زين الله فكنا منه
فهد يمسك ثوبه ويركض راجع:ببلس عليك يالرخمه
مساعد يركض وراءه :لاتلعب علي والله ان يصدقونك
ام مفلح :ذاصوت العيال
ام راشد تحط راسها على المركى منسدحه:ايه يتسابقون
الهنوف تلف للمياء الي جالسه جنبها وسرحانه:الحلوه سرحانه فيني
لمياء ببتسامه:لا شبعت وانا اسرح فيتس
الهنوف ببتسامه حلوه وبغمزه:اجل في مين
لمياء :في مفلح
الهنوف تضحك:لا فيه تحسن صرتي تصرحين بالمشاعر بسرعه
لمياء بتصريفه :وينها علوي ودي ابوسها
الهنوف:عند ابوي ..
نوره تجي وتجلس عندهن:اذا تقدرين تروحين وتجيبنها حصريه لهم
لمياء توقف وببتسامه:انا الي بجيبها انتي محد يطيعتس
راشد ماسك يديها وموقفها قدامها
مفلح يحرك شعرها بفوضويه ويبتسم:ترانا نحلها من الحين
مساعد بصوت عالي:ايييه ترى انا حاجزه يالاخوان
فهد:انا بعيي اسمح لي بنت امير وتاخذ واحد مثلك لادراسه ولا منصب
مساعد بتصديق لاامر وقهر منه لانه علمهم بخوفه من السياره:فيك خير اعترض
راشد يضحك:شباب هونوه ماتردون وش بيصير فيكم وش بلاكم
مفلح بستهزاء:بلاهم اعقولهم ..اسحب علياء من قدام راشد وحطها بحظنها وهو متراكي بظهره على المركى
دقت على فهد ارفع جواله ورد
فهد:هلااا لموي
مفلح يسكت من لعبه لعلياء وعينه تسرق النظرات لفهد
لمياء :ابي علياء ماشفتها من امس
فهد:اصبري لبكره
لمياء بقهر:لاتستخف دمك ..لااكلم ابوي
فهد :طيب طيب ..شوفيها مع مفلح كلميه يجيبها لتس
لمياء بغيض:انت الي جبهاا منه انا واقفه عند السياره ..وصكته منه
ابو فهد يلف لفهد:وش يبون منك
فهد برتباك:لمياء تبي علياء واقفه عند السياره بوديها لها
مفلح :استرح انا بوديها
فهد يتنهد براحه:زين
وقف شاف زولها واقفه وتناظر للجهه الثانيه راح لها اسمعت صوت احد جاي ولفت شافته وبحظنه علياء ارتبكت نظرتها ونزلت عينها لتحت
مفلح واقف جنبها ارفعت عينه فيه :عطني اياها
مفلح يبوس علياء:موب معطيتتس اياها انا جاي ابيتس ترجعين
لمياء بهدؤ ناظرت له:معك كانها معي ..لفت منه وارجعت
ناظرها بهدؤ وهي ترجع تجلس مع الحريم لف وارجع يجلس معه مستغرب ردة فعلها ماعندتت وحست بالقهر
مساعد:وش فيك رجعت بها
مفلح يجلس :سلمت عليها وكفاها
فهد بستهزاء:والله ماصدق ان لمياء تسوي كذا
مفلح :صدق الي يقوله لك عقلك
فهد :والله عقلي يقول انك خرشتها وعييت تعطيها اياه
مساعد :وش دخلك فيهم عيا ماعيا
راشد ماسك ضحكته:انفوسكم ماش اليله ...معاد به عزيمه اجل
مفلح يتربع ويوقف علياء على رجليها قدامه:حطو لهم سفره بلحالهم
راشد :ههههههه
ابو مفلح يلف لهم:وش فيكم
ابو فهد يناظر علياء :ماخذتها لمياء
مفلح :لا ماخذتها قمت مالقيتها ..انا بروح لهم الحين بعطيها اياها
فهد يناظره بستغراب وهو يشوفه يوقف ويلبس حذيانه مشى عنهم وفهد يلف لمساعد:موب قبل شوي يقول سلمت عليها ويكفي
مساعد:يارجال وده يروح لها
راشد يناظرهم ويضحك
تحنحن وهو مقبل على الحريم
ام فهد:اقلط حياك الله
شافته ومعه علياء تقدم افسخ حذيانه جنب الفرشه واجلس جنب ام فهد
ام فهد ويدها على فخذه:الجمعه المباركه الي شفناك فيها
مفلح :الله يبارك فيتس ..امسك يدها وباسه ..وش لونتس الله يرضى عليتس
ام فهد بحنان:طيب بشوفكم كذا
مفلح يرفع راسه للموجودين :وين لمياء
لمياء بصوت هادي:لبيه
مفلح :تعالي اخذي علياء..
ابتسمت وقامت تاخذها منه وقفت عنده ومدت يدها لعلياء الي تمسكت بكمام ثوبه وهي تكشر بتبكي
لمياء بفشله مدت يدها واسحبتها بشوي اسحب مفلح يديها الى ان تفككت منه كانت تفلت تبي ترجع له ..خذتها لمياء بحراج منه عطتها الهنوف وراحت من ورى السيارات بسرعه
خذت نفس بسرعه ويدها على قلبها من نظرته الجامده وعصبيته بتفكك يدين علياء منه
ساره بستغراب:لمياء وش فيتس
لمياء تلف مننها:مافيني شي
ساره :صلو العشاء
لمياء تبلع ريقها وتفكيرها مشتت:مدري عنهم انا بروح
ساره :خلتس انا الي بروح ..راحت منها ساره وهي حست بتعب وجلست في الارض بدون فرش عنزت راسها على باب السياره
....
جالسين على كراسي بمطعم عربي بجلسات خارجيه
ناصر: بروح انا وسطام
ام سلطان:وين تروحون
سطام يوقف:اقريب خاله نبي نشتري اشرطة بلاستيشن
موضي:خليهم يروحون وحنى ببنتظرهم
ام سلطان :روحوو
رفيف توقف:بروح معهم
موضي تلف لشغالتها:روحي معها
الشغاله:حاضر مدام
موضي:انتبهو عليها
سطام :لاتوصين حريص
راحو وموضي تلف لامها:النايفه كلمتتس امس مارديتي عليها
ام سلطان:دقت متاخره
موضي ببتسامه:مابشرتتس انها حامل
ام سلطان بفرحه:جعله امبااااارك لبى روحها ..يالله يارب انك ماتحملها شر اضحكت ...قد الناييفه بتصير ام
موضي تضحك:فديتها اني ماستوعبت انها بتجيب طفل
ام سلطان تاخذ جوالها:بكلم سلطان وابشره...دقت عليه تاخر مارد
سلطان بعد ماتاخر وبصوت هادي:هلا والله
ام سلطان :هلاا فيك وش لونك
سلطان :بخير بشريني عنتس
ام سلطان بفرحه:الحمدالله وش ابشرك به
سلطان ببتسامه:بخير انشالله
ام سلطان :النايفه حامل
سلطان بعدم استيعاب وفرحه:جعلها ذريه صالحه ..ماعلمتني
ام سلطان:هههه حتى انا قالت لي موضي
سلطان :افااا ماهقيته منها تعلمني بنفسها..
ام سلطان:بتستحي منك ..ادق عليها ماترد
سلطان :لادقون وقتهم ليل..
ام سلطان :اجل مع السلامه
سلطان :مع السلامه ...
صكه منها ولف لدلال
سلطان :ماله داعي ناخذ موعد
دلال تكمل حديثها قبل يقطع عليه التلفون وترفع حواجبها بقهر:ليه مانعالج وش ننتظر..
سلطان يتنهد وينفخ فمه بهدؤ:موب الوقت المناسب
دلال :بس الاسبوع الجاي بروح ايطاليا مايمدي
سلطان يوقف وياشر لها توقف:قضينا من السالفه ..خلينا نتمشى ابرك
انصدمت منه كيف يرفض علاجها وهو مدخل لندن ضمن الرحله عشان العلاج
باحد شوارع لندن وفي طريق اللعاب الكمبيوتر
سطام :عندي ذالشريط دور غيره
ناصر يلف للراعي المحل ويكلمه:اخرج لنا اشرطه اخرى لانريد مصارعه
راعي المحل:حسناا ..
ناصر يناظر لرفيف وراه ومعها الشغاله
ناصر:مايا امسكيها مع يدها لاتبعد
مايا :اوكي سير..
لفو وكملو تشري
رفيف بصوت عالي :ناصر خالووو سلطان شوف
اسحبت يدها من الشغاله بقوه وراحت تركض له
اطلعت من المحل وناظرت بتجااه سلطان الي مر معه تركض له :خالوووو سلطان
وقف ولف لورى شافها ابتسم بحب ونزل فارد يديه لها احظنته بقوه وهي تضحك بفرح
ابعدها منه باس يديها:يسلم لي ربي عيونتس ماخطتني
رفيف مبسوطه:شفتك بعيوني
سلطان يناظر دلال ويضحك:الله يحفظها لتس ..وقف وناظر لناصر وسطام الي اقبلو عليه
ناصر يلفلف شفايفه بعدم رضا وهو يشوف دلال سلم على سلطان وابعد من سطام الي سلم عليه بدوره
سلطان يكلم سطام:الله يحيك مع الاهل ولا تخليها الاخيره .
سطام برجوله:انتو اهلي واخواني مابينكم فرق..
سلطان يمسك كتفه ويبتسم بتشجيع:رجال ولا فيك قصور
ناصر يناظر دلال ويناظر سلطان :متى بترجعون
سلطان :الوقت الي يصلح لنا ..وش تسون
سطام:بنشتري اشرطه بلاستيشن وبنروح لخالتي وموضي يحترونا
ناصر :موب رايح اتسلم عليهم
سلطان:بالرياض انشالله..لف لدلال..ياله
رفيف:انا بروح معك
سلطان :انا مشغول مره ثانيه..اشر لشغالتها تمسكها تقدمت الشغاله وامسكته ورفيف تناظر الشغاله وتسحب نفسها منها
رفيف ببكى :خلها تتركني خالووو مابيهم بروح معك
سلطان ينحني ويبوسها ابتسم وراح وهي تصيح بصوت عالي
ناصر بستغراب:شفتها
سطام:من هي
ناصر:دلال كاشفها
سطام يهز اكتوفه:بالعكس متحجبه وساتره
ناصر بتفكير:لا خلك انت ماتعرفها بس لو اقول لموضي ..لف لسطام بعجله ..خلاص خلنا نرجع لهم ابي اقولهم
سطام يهز راسه بنتقاد ويلف راجع معه
دلال توقف جنبه وتناظره :ماسلم علي ناصر..ولاكاني موجوده ونظرته ماعجبتني
سلطان ناظرها بسخريه وصد منها:فاقده سلامه
دلال :من حقوقي اهتمام اهلك فيني
سلطان ببرود:لااا وش ذالحقوق الي اخترعتيه ..مايهمتس بحياتتس الا انا وبس اهلي وغيرهم مالتس فيهم..
دلال بحراج:ابيهم يتقبلوني
سلطان بنزعاج وتافف ارفع يده وعينه على النهر بمعنى خلااص ...اسكتت وهو يتنهد بقلة صبر
ناصر يجلس جنب موضي وبسرعه:لقيت سلطان يتمشى هنا
ام سلطان بستغراب:سلطان هناا
ناصر:هي ودلال معه ماعليها غطاء
سطام:ماعليكم منه متحجبه
موضي تناظر ناصر:وش قصدك
ناصر:عليها احجاب بس وجهها كاشف
ام سلطان بنظرة تعجب:انا عارفه انه متغير وهذا اول دليل
موضي :وينه فيه ليش ماقال لنا
سطام:يمكن حب تكون سفره له وهو زوجته
موضي تنهد:صادق لهم حياتهم بعد
...
اوصلو للبيت متاخر لان مفلح اجبر الهنوف ترجع معهم وفهد ومساعد بعد وكان يمشي على راحته وبعد مانزلهم مر واحد من اخوياه ياخذ اوراق
جالس على المركى وجنبه واقف علي يوريه بعض الاوارق الي لازم يكون على بينه منها
علي :مفلح معي
مفلح يرفع انظره له:لا والله موب معك وش كان تقول
علي يتنهد :اصلن مجيك تالي ذاليل غلط بجيك انا بكره
مفلح بعناد :بجلس لين افهم وبعد ابي اتقهوى
علي يناظر ساعته 12 وبستغراب:ابشر بالقهوه
اسكت مفلح وعلي اطلع منه وقف متجه للباب الخارجي تردد يطلع انفخ بفمه ورجع داخل..
برى عند لمياء تناظرلقدام بملامح جامده ملتزمه الصمت من شافته يروح للهنوف ويجبرها تروح معهم وفهد ومساعد كانو يتكلمون في السياره وهي حاطه نفسها نايمه الى ان اتجه لبيت صديقه وقالها تنتظره ولها ساعه تنتظره ماجاء
ومستحيل تدق عليه يطلع لانها عارفه انه متعمد يتاخر وهو على علم بوجودها معه
علي يحط القهوه قدامه:تقهوى والله مدري وش مقصدك من طلبها
مفلح يوقف:انا ماشي
علي يوقف بسرعه:منتب صاحي والقهوه ماشربت شي
مفلح يتعداه يبي يطلع:السموحه اعذرني منيب في عقلي..اسكت علي ومفلح يطلع للباب الخارجي اسمعت صكت الباب البيت الرئيسي خذت نفس وتنهدت
مفلح يركب ويصك بابه :تاخرت
لمياء تبلع ريقها وبكذب:لا نمت شوي فماحسيت ..
مفلح يناظرها وبهدؤ وتاكيد:مانمتي وعلى هالحال لين جيت
لمياء بستغراب :الي يرضيك ..جلست على هالحال لين جيت فرحان!!..
حرك السياره واسكت مشو للبيت وهو يسترق النظرات لها متصلبه بجلستها وعاقده حواجبها
وصلو للبيت انزل انتظرها عند الباب الى ان جاته وقفها بيده ناظرته بستنكار
وقف برى على عتبة الباب الرئيسي :قبل ندخل للبيت اسحبي كلامتس الي قلتيه
لمياء بعناد:ليش انا... وانت ياحبيبي ..!!
مفلح يفسخ شماغه ويحطه على كتفه بزهق:لان كلامتس كله غلط
لمياء:تاسف على كلامك وانا مستعده اسحبه
مفلح يقرب يده منها بتهديد:اتاسف انسي انسيييي ..الظاهر انتس خرمانه مافيتس امل..ادخل لداخل البيت غمضت عيونها بعبره خذت نفس والحقته بسرعه ادخلت جناحهم افسخت عباتها علقتها على المعلاق ورى الباب شافته جالس بالصاله وازرار ثوبه العلويه مفتوحه وشماغه محذوف على الكنب
مشت بتجاهه ابلعت ريقها ووقفت عنده وبنبره حزينه وكسيره:انا اسفه اسحب كلامي..
ناظرها بجمود ووقف جنبها:وكاني الظالم وانتي المظلومه..
لمياء ترفع عيونها فيه بألم مدت يديها لعيونه وغطتها برعشه غمض بهدؤ:ليش تقسي نظرتك لي ..انا اسفه الي تبي بسويه والكلام الي تبي بقوله لاتزعل..
ابعد يديها عن عيونه:انا ماقصدت امشيتس واخليتس اله تسوي الي ابي وبس..قرب منها ويده تحاوط ظهرها ..اعرفي الغلط وتغاضي اشوي اعرفي ان انا الرجال ولي شخصيه ماقدر اتنازل عن شي هاذي بيئه وهذا مجتمع عشتي فيه وهذا طبع ارجاله ..قربها منه اكثر وضمها له بهدؤ..تبين يعني ابكي واعتذر وانوح عند بابتس عشان تدرين اني غلطة في حقتس ..
لمياء ببكى:موب قصدي..بس انك تحط الغلط علي كله
مفلح :ماقلت كذا انا غلطان ومشيت في غلط قلت لتس تقطعين الموضوع مامانه فايده نفتحه وكل شي واضح انتي بريئه وانا استعجلت في حكمي انتي عارفه اني الغلطان ..ابعدها منه وناظر لعيونها المليانه دموع..ليش تصرين تفتحينه وعندتس الثقه من برائتس
لمياء تنزل عيونها بحراج وصوت بكاها يزيد:لانه بصدق ماثر فيني للحين
مفلح يهزها بخفيف:ليه ماثر فيتس ليش قولي لي ..انتي غلطانه
لمياء تهز راسها بلااا
مفلح بنبره قويه:ماثر فيتس من ناحيتي اومن ناحيته النجس..
لمياء بعبره:منك انت
مفلح يلف براسه وينفخ بفمه بتوتر:طبيعي تصير ردة فعلي كذا فكرت بشي اجعني وفي البنت الي احب ...نزل راسه لها وهي يطل عليها لانها منزله راسها...محد يعرفني الا اسئلني وش سبب تغيري وضيقي حتى مدير عملي اصر يعطيني اجازه لوولا رفضي ..ليه كلهم شافو تغيري وحزني وانتي ماشفتيه ..ضمها له بفقده وشوق..انا حسيت بندم وقهر بيوم العيد وانا اشوفتس تناظريني بحقد وكره حسيت اني فقدتتس ..لمياء انا رجل ناضج وكبير بمافيه الكفايه اني اقول لتس كلام صادق ..رجاءن عطيني على قد ثقتي فيتس
لمياء تشهق بخفيف:مراح اعيدها ووواوعدك ..
مفلح ببتسامه:خلاص راح الزعل
ابتسمت ورفعت راسها له بطفوله:راح اهم شي انت
مفلح يضمها له وبنظره جذابه:انا عتبان بس ..مازعل منتس ابد ..
..
بعد مامضت الاسابيع فتحت ابواب المدارس دوامت الهنوف بكليتها القديمه مع لمياء حست براحه وهي تاخذ اول راتب لها تصدقت عن عمها مضحي وشكر لله لانها شالت همها وهم حاجايات علياء مع ان ابوها رافض انها تشتري اي شي لعلياء
في نص ارمضان وبعد صلاء التراويح
لمياء تنزل تحت بعباتها وقفت جنب خالتها:ياله خاله
ام مفلح :ياله
اطلعن لجمعيه الخيريه لتحفيظ القران موديهم مساعد
اسمعت جوالها يدق طلعت من شنطتها وردت
لمياء :هلا وغلاا
الهنوف:هلاا فيتس ..وينكم
لمياء :طلعن للجمعيه ..
الهنوف بحباط:مراح تجون اليوم
لمياء :بكره بنجي انشالله..وش لونها علياء
الهنوف:طيبه ومشتاقه لتس
لمياء ببتسامه:تشتاق لها العافيه ياحبي لهاا ..
الهنوف:بكره انشا الله موب تغيرون وعدكم
لمياء :لا مراح نغيره جاين انشالله ..باي
الهنوف:باي ..
ام فهد :جهزتي شي من اغراضتس
الهنوف بدون اهتمام:لااا ..وينها علياء
ام فهد بنبره قويه:وش تنتظرين
الهنوف بزهق:بالله يمه وش تبين اجهز
ام فهد :وش باقي على العيد مايمديتس
الهنوف بقهر:انا ماتملكت اجهز ايش
ام فهد :بس عطونا مهرتس وكل شي رسمي
الهنوف بجمود:اذا تملكت مالتس الا الي يرضيتس
ام فهد تناظر علياء وبعتب:خليني احس انتس راضيه لو قدامي على الاقل
الهنوف بملل:ماقدر ..الايام جايه ماندري عنها..وقفت لعلياءء الي تحبي ومتجهه لدرج البيت خذتها وحطتها بالمشايه
ادخلت عليهم غزيل وبزرانها وحامل باالشهر الرابع
منصور بفرحه:خاله شوفي خذيت ممتاز
الهنوف تاخذ ورقته وببتسامه تشجيع :حبيبي انت شطوور ..ارفعت عيونها له..يوم الخميس اغمزت له بمرح ..المفاجاه
منصور يضحك مبسوط
غزيل:يوم الخميس معزومين
الهنوف:روحو انتو منصور مايبي عزيمتكم
منصور يجلس بحظن الهنوف:ايه بروح مع الهنوف وعلياء مابيكم
غزيل:اناا راضيه كيف ابوك
منصور:ابوي بخليه يوافق غصب
..
ببيت موضي عندها النايفه وجنبها سلطان الصغير تأكله
موضي:شفتها كاشفه بعد مروحنا للمطار جالسين بمطعم بس ماقلت له شي..وماستغربت لاان ناصر قايل لنا من قبل.
النايفه بستغراب:سبحان الي يتغير ولا يغير سلطان عاد
موضي تنهد بحزن:اسلوبه استفزازي ومستهزي حتى بمشاعرها قدامنا ..
النايفه بتفكير:اخافه تعبان او شي
موضي تهز راسها بعدم تركيز:انا بحاول اخليه يقري عند شيخ
النايفه تضحك بستبعاد:لوتموتين مارضى مستخبله انتي
موضي تاخذ الجوال بتحدي وتناظر النايفه الي تهز اكتافها
النايفه:خبله انتي
سلطان:مرحبا
موضي:السلام عليكم
سلطان :وعليكم السلام
موضي:وينك بالرياض
سلطان:ايه نعم ..بغيتي شي
موضي:ابيك تمرنا لو فاضي
سلطان :مشغول ...
موضي بحباط:متى تفضى..؟؟
سلطان:عندي رحله للقاهر ..
موضي:متى الرحله..؟؟
سلطان:بكره الفجر..مع السلامه
موضي بستغراب:مع السلامه
صكته ولفت لنايفه:الظاهر اني بستسلم
النايفه:ارسلي له رساله مهدي لموضوعتس والله حاسه لو يدري انتس تبين تودينه لشيخ ان يزعل عليتس زعله كبيره
موضي بتردد:خوفتني مالت عليتس ماتخلين الواحد يصمل...بس برسله
النايفه :وريني قبل تروح له
اكتبتها موضي على عجله
موضي :اسمعي(سلطان اتمنى انك تاخذ الموضوع بلطافه واعرف انه في الاخير لك القرار انا حابه تعرض نفسك على شيخ ماقصدت بكذا ان فيك شي بس حتى تحس بالراحه في نفسك وترتاح اتمنى تاخذ القرار الصح لصالح نفسك)
النايفه تضحك:بلطافه ..يالخوافه ..
موضي ترسله وتلف لنايفه:يارب يوافق مع اني اضن انه بيمسحه من يقراء بدايته
رفيف تدخل عليهن بصياح وصت عالي :مامااااا
موضي :وش فيتس
رفيف:مايا خذت دفتر الواني
موضي بصوت عالي:مااااايااااا
النايفه بقرف:ياررربي ازعاجكم وانتو ماعندكم الابزرين..
موضي تناظرها بستهزاء:خلينا نشوف الي ببطنتس
الناييفه بحب تحط يدها على بطنها:ياحبيي له بس..غرفته مجهززه من الحين
موضي بحنان لاخوها وبحزن على حاله:ارسلها لكم
النايفه تنهد:قلت له اني مادري وين بولد بسترالياا ولا هناا وقالي باخره الى قرب الولاده وتكفل بكل شي بالغرفه حتى العاب الي بالغرفه
موضي:شفتيها
النايفه:ارسلي صورتها بالكتالوج اذا بتعجبني او يبدلها..بس اعجبتني الله يحفظه فديت روحه الله يخليه لنا..
جات الشغاله بدفتر الوان رفيف وراحت للباب الي يطق
النايفه:لايكون احد جايتس ماقلتي لي
موضي بستغراب:لا ماعطيت احد موعد ولا احد قال بجي
سلطان يدخل من باب الرئيسي المطل على صالات الكبيره وجالسات فيها البنات ناظرت النايفه موضي بهدؤ..
موضي بصوت واطي وخوف:يممه..
تقدم منهن قامن سلمن عليه واجلسو
سلطان يناظر موضي ببتسامه مستهزي مستغرب ناقد:وش اعتراضتتس علي ياأم سلطان..
موضي بحراج ماتوقعته بيجي ابددد:مالي اي اعتراض عداك العيب بس حالتك ماتسر ضعفان وحتى وجهك مسود وخاطرك ماش...
ساكت ويناظرها
توترت وكملت:حتى بعض اطبوعك تغيرت مع ان هذا شي يخصك بس استغربنا تبدل رايك فيه
عنز يديه على ركبته وبهدؤ :دلال ماتخصني ولا راح اجبرها على الغطاء في اي مكان..
موضي بسرعه:هاذي مرتك وتخصك ليش تقول هالكلام..
سلطان يسحب اشماغه لقدام:ماتخصني ابددد..
موضي تنهد بقهر:طيب هاذي الهنوف تغطت ونفس دلال
سلطان ببرود:الهنوف تغطى غصبن عن خشمها..
النايفه بعد صمت وبتردد:اصلن الهنوف بتغطى لو ماقلت لها
موضي بتردد ممزوج بقهر:ماخذ السالفه اعناد مع الهنوف الى ان راحت وهي زعلانه منا
سلطان بنقباض في صدره لف لها وبعقد حاجب وسخريه:هي الزعلانه ولا حنا..
موضي تستجره بالكلام لعدم معرفتهم للحين لطلاقها:الهنوف ماتسوي شي يزعل انا متاكده
سلطان يوقف ويتنهد:الي هو ..هي الزعلانه ولاحنى راحت لحياتها..وش بينفعتس لو عرفتي سبب زعلها..لف لموضي اسكتت وصدت منه
اطلع من البيت وصك الباب بهدؤ
لفت النايفه على موضي وبزعل:هي الزعلانه شفتي وش قال
موضي تناظرها بستغراب
النايفه:وش بيفيدتس لو عرفتي سبب زعلها اكيد هو الي بادي
موضي تنهد بهم:لو نواف يقدر يكلمه يغير حياته شوي
النايفه :اذا احملت دلال انا متاكده انه بيتغير
موضي تلف لها:ارفض انها تعالج
النايفه بصدمه وصوت عالي :ليييش
موضي :مدري
ام سلطان جالسه في الصاله وعندها دلال وناصر معه كتاب الانجليزي حاطه قدامه ويناظر بالتلفزيون
ام سلطان:امتس عندها احد من خواتس
دلال تنفخ اظافرها:كلهم برى انا الوحيد الي هنا
ام سلطان :وانتي ليش ماقدر روحتي لها تزورينها
دلال تناظر لها:روحت لها لما رجعنا من لندن
ناصر يلف لها:ليش ماروحتو ليطاليا ماكنتي تقولين بنروح
دلال بنرفزه:كله من اخوك دق علينا وخرب رحلتنا
ناصر بصوت عالي:احترمي نفستس تقولين عنه كذا
ام سلطان ساكته وتناظر لتلفزيون
دلال بستطراد وتوضيح:يعني كنا رايحين ترويح عن الشغل ومن حق سلطان بعد يرتاح
ام سلطان:صادقه ماكان لازم يدق نواف هذا اجازه سلطان وعطلهم
دلال توقف :انا بطلع لفوق بكره عندنا سفره تعويض عن الي خربتوه
ناصر بقهر يناظرها رقت فوق وناصر يلف لامه
ناصر:يمه وش صادقه بعد اجل يرضيتس تقول عن نواف خرب علينا
ام سلطان :اذا راضي سلطان انت بعد ترضى
ناصر بستنكار:وش الي يخلي سلطان راضي والله لو يدري ان تزعل
ام سلطان بنظره شارده:لو بيزعل غطاءها بلندن
عند دلال فوق تروشت البست بجامها بيضاء فكت شعرها حطت مكياج ناعم خلصت ولفت طالعه من غرفة مشت بالردهه الواسعه وادخلت بغرفة الجلوس تلفتت بملل ترددت تدق عليه خذت نفس واضغطت رقمه انتظرت شوي الى ان سمعت صوت الرنين باسياب الجناح تسكر من جهة سلطان ادخل بالغرفه لفت له وراحت بسرعه تضمه بشوق
سلطان بحنان:ملاانه صح
دلال بدلع:مررره انتظر بكره بفراغ الصبر
سلطان يمسك يديها ويبوسها:على خير ..
دلال بحب:تحت استار الكعبه بدعي من كل قلبي ربي يرزقنا بولد
سلطان ببتسامه:الله يقبل منتس ..خلينا نرتاح الحين تستعدين للعمره
دلال بضحكه:يعني انت مستعد وتحمل
سلطان :انا تحملت اقوى من كذا.. تنهد ولف عنها..بنام نعساان حدي
دلال تمشي ورءاها:وين افطرت
سلطان :بالشركه
دلال :طيب بتنام عن السحور
سلطان :مالي نفس حتى لكوب مويه ..ادخل بالحجره وهي وقفت بنص الردهه بزهق تشوفه يلبس بجامته ويدخل بسرير
..
لمياء بضحكه وحب:فديتهااا علويه ماحلاها
الهنوف تمشط شعرها وترجع تمسكه واحد بربطه كبيره
لمياء تناظرها :صغنونه الجديله
الهنوف:هههه ماتوصل لرقبتي قصيته مره
لمياء بعجاب:بس غيررر وكانتس بيبي
الهنوف تاخذ علياءء وتبوسها :هذا من حظه عبدالعزيز ..تمنيت لوه للحين طويل وارفعه مثل العجايز واصير رفله والبس جلابيات
لمياء تضحك:حتى لوتسوين كذا شكلتس مايهئ
الهنوف توقف علياء قدامه وتمشيها بشويش:مدري وش اسوي اكتب وجودها معي شرط بالعقد
لمياء :اكيد اكتبيه..عشان لو لا سمح الله يرفض وجوده بالبيت تجبرينه بالعقد
الهنوف بستبعاد:لو يرفضها اطلع قبلها..موب مجبوره فيه
لمياء :واذا صار لتس اعيال منه وش بتسوين بهم بعد
الهنوف تحس بمغص في بطنها امسكته بقووه وبالم:مستحيل مابيهم..
لمياء تخزها بنظرات:اذا حبيتي ابوهم بغيتيهم
جلست علياء ولفت لها افتحت فمها بتكلم ادخلت امها ونوف معها ولدها عقب ماجاءت من وحده تقهوويها ومرو نوف بطريقهم جايبينها
نوف تحط ولدها جنبها وهو يخطي متمسك بالكنب:وش لونتس على الدوام
الهنوف براحه:كل شي زين خاصه ان كل دكتوراتي واغلب الاداريات يعرفوني فتاقلمت معهم بسرعه
ام فهد:روحتي امس لموعد علياء
الهنوف:ايه الحمدالله كل شي سليم واحمرار الداخلي لعينها يقول الطبيب اسبوعين ادوام على قطره وبيروح
ام فهد:من ارسلت سميره لنا المويه مقري فيها وهي متعافيه
الهنوف:حتى النوم صارت طبيعيه ..
نوف تسحب علياء لحظنها وتبوسها:مامشت
الهنوف:هههه بدري مرره الحمدالله حبت ..
لمياء :انا بجيب لي اكل جوعانه ..
الهنوف :جيبي لي شي خفيف اذا فيه بطاطا عشان علياء
لميا :من عيوني
...
الظهر طارت الطائره المتوجهه لجده بعد ساعه الاربع اوصلو فضل سلطان على طول يمشي لمكه بدون لاينتظر وقت الافطار اعتمرووو وخلصو
وبعد المغرب افطر بمطعم وارجعو لجده على طول
دلال بالبيت الكبير بجده واقفه بغرفة النوم وتسكر سحاب فستانها:اول مره اروح لمكه وارجع ماصليت التروايح
سلطان يجلس بتعب على الكنب:مره ثانيه ..
دلال تقرب منه:ادلك رجليك
سلطان يعدل جلسته:لا لا .. تحمل على نفسه ووقف قدامها
سلطان بنظره هاديه وابتسامه جذابه:اليوم حاب اعيشتس ليله غير عن كل اليالي
دلال تبتسم وتقرب منه:انا ملك يديك
قرب منها وباسها بهدؤ:انا اسف اسف بالفعل وسامحيني يادلال..
دلال بهيمان وحب:وليش تاسف انا مازعل منك كل شي منك احلى من العسل واطيب منه..
ضمها لصدره بألم وهم يعتليه:خليني انسى كل شي اليله وخليني اعيش معتس بس انتي لا اول مره.. اوفي بشي من حبتس وقلبتس الي ملكتيني اياها
ابتسمت وحظنته بقوه وفرحه...
تناظر مفلح وتمسح رجله من الدم وبخوف من ملامح وجهه المتوجعه:متاكد انك طلعته
مفلح بالم:ايه ايه..الله لايوفقه الي احذفه عند الباب
خلصت من مسحه ولفته بشاش امسك يدها بالم
مفلح :اي اي خليه خليه ..
لمياء ببتسامه ماسكه ضحكتها:هاذي قزازه ..لو يبقى في رجلك شي مادرينا عنه تسمم
مد رجله مره ثانيه:لفيها... اذا روحت للمستشفى شقوها
لفتها مره ثانيه خلصت اسحبت مخده من الكنب وحطتها عليه
وقفت وانفضت يديها:انا بنزل تحت اخلي الشغاله تكنسه لايجي عمي ماشافه بعد
مفلح بقهر:انا ودي ادري من الي احذفها عند الباب من هو
لمياء :يارب ماتعرفه ناوي على مشكله
مفلح:لاتدعين خلين ابرد حرتي
لمياء تقرب منه وتمسك يديه بقلق:تعورك جدا
مفلح يبتسم:لا بس لو شفتني وانا اصرخ طحت من عينتس
لمياء تضحك:وينها القزازه الي برجلك اخافها بعد اصغنونه
مفلح بغيض:بتشوفينها تحت مليانه دم ..
لمياء:بجيبها معي ..انزلت تحت وقفت عند الباب الخارجي شافت القزاز نادت الشغاله تنظفه ووقفت تشوفها دورت قزازه نادت الشغاله قبل تكبه بالزباله تدور قزقزه بها دام
عضت شفايفها واضحكت اركضت فوق شافته مغمض عيونه قربت منه وباست خده
فتح عيونه وناظره ببتسامه:خفتي صح
لمياء تناظرها وتمدها له:قزازه وفيها بعد قرطاسه ملفوفه..فديت روحك ياحبيبي ماصبرك جعله اخر االالام
مفلح :الله يخليتس لي وتدخل فيني قزازه كل يوم واتقولين لي فديتك ماصبرك..مد يده ياخذ القزازه وخرتها بسرعه
لمياء :خلني احذفها وش تبي بها
مفلح :بخشها في الدرج اوريها اعيالي
لمياء :ههههه بطحنها عشان ماعاد تلقاها امحق ذكرى
مفلح يناظرها :تعالي قربي
ناظرته وقربت جالسه جنبه على الارض
مفلح يحط يده على بطنها:مافيه شي قريب
لمياء ببتسامه:عند الله
مفلح بحب:الي عند الله قريب ..مشتاق لولدي احكي له كيف ابوه يعشق امه
لمياء ترفع راسها له وبنبره مليان حب وشوق مدت يدها لخده:احبك وتحبك كل نبضه تنبض بصدري...
امسك يدها وباسها بعمق تنهد وقربها منها ضامها لصدره
...
الساعه 9 صباح وقف عند البحر غمض عيوونه وخذا نفس وتفكيره مشتت حس بطعنات بقلبه وهو يسمع جواله مايوقف عن الدق
مسعود بتردد :طويل العمر انت تبعان
لف له غمض عيونه وافتحها بسرعه:خلنا نمشي
مسعود:ابشر..
اركبو وحركو للمطار
مسعود:نواف والوالد بالمغرب
سلطان يناظر ساعته وبعجله:ابي اروح لهم مظطر اخذ اوارق من ابوي وبنسافر مناك للولايات.. لف لمسعود بعتذار..بنتاخر عن الاهل ذالمره
مسعود بسرعه :لا لا ابد الاهل عندهم غيري انا تحت امرك
سلطان:تسلم ماتقصر
افتحت عيونها ببتسامه تذكر ليلة البارحه وكيف امطرها بكلمات الحب والقبلات ابتسمت بفرحه احذفت الحاف وراحت للحمام تروشت والبست فستان موف خلصت تجهيز نفسها ولفت لطاولة الطعام شافت اورقه مدت يدها عليها
افتحتها ويدها ترتعش بصدمه وخوف وحزن ..لا لا والله مايسويها فيني بعد الي صار..تأملت الشيك بمبلغ مليون ريال وورقة ملكية البيت الموجوده فيه..وورقة طلاقها..
احذفتها جنبها وارحت في نوبة بكاء شنيعه وهستيريه حست باطرافها مخدره ودموعها تسيل بقوه خذت جوالها ودقت عليه كم مره وهو يناظر للبحر بعده اقفله لركوبه لطياره اعرفت انها انتهت من حياته انزلت تحت شافت الخدم وقفو بعد ماشافوها تشهق ببكى وترنح
دلال بصوت عالي:احد يكلم لي سلطااان
وحده من الخدم المصريات عندها خبر من تعليمات سلطان دقت على السواق يجهز السياره وراحت لدلال
الخادمه:السيد سلطان امرني ان نحن نجمع الاغراض تبعك ونوصلك لااهلك لو بتحبي طبعن تجلسي بالبيت فدائ اصلن من حقك وحنى تحت امرك
دلال بصياح ونهيار:مابي بيت ولا ابي مليون ابي سلطاااااان..
...
اخر ليالي العشر وليلة عيد الفطر هاديه تمام في بيت الراشد كلهم راحو لدوره قبل اسبوع مع راشد لجده ثلاث شهور..عكس بيت ابو فهد الي ازعاجهم واصل لاخر الحاره عندهم ام مفلح وعيالها ورجلها
وكلهم مجتمعين بالخيمه برى في الحوش
ابو فهد:اذا فزتو لكن وجهي ان تروحن ولا احد يردكن
لمياء بفرحه تقرص الهنوف :يارب نفووز
الهنوف تضحك:لاتأملين
ابو مفلح :من الي شارك فيها
مفلح:ياربتس يالمياء شاركتي ناخذه لنا
ام فهد:شاركت بس مهيب فايزه
ام مفلح :ههههه ويلتس من الله
مساعد:يارب صدق تفوز بنروح له كلنا
مفلح :تبطي والله تطبه
فهد:بتفووز علياء انا حاس..
الهنوف بثقه:وانا بعد حاسه انه ذالمره غير
ابو فهد:وينه فيه الشاليه
لمياء:بالخبر يبه غالي مايدخله الا امراء ولا تجار
ام فهد :اووه وتبن تروحون له
ابو فهد:هههههه انتي اليوم محطمه
ابو مفلح:ماتدرين الا ان ربي يرزقهن اياه
ام فهد:اذ فازو مالهن الا من يروح معهن وموب لازم احد يودينا
ابو فهد يلف لها:وش انتي ناويه تروحين عليه ومن معه
ام فهد:لافازن لكل حادث حديث...
....
الساعه 10 مساء وصل من المطار يحضر العيد بين اهله استقبلته امها بعيون دامعه وعتبانه
ام سلطان بقهر :ليش طلقتها ..
وقف ويده بمخباته بنظره جامده:سااامح منها ..
ام سلطان ويدها على راااسها :ياووويلي منك وش حظك ياولد مهره بيسوي
موضي توقف جنبه وبعتب :ليه ياسلطان
سلطان برفعة حاااجب يبتسم:باخذ غيرها
ام سلطان بحزن وبصوتها عبره:متى اشوفك مستانس متى اطمئن ..انت عارف انك اغلى من روحي الي اهناه موب جايني طعم لفرح وانت حزين
النايفه بتردد:اكيد انها زعلانه
سلطان بنبره متعبه غمض عيونه:تعبت وانا اجاملها...خذا نفس ولف طالع من البيت اتجه للمجالس شاف اخوانه كلهم ومعهم محمد وابو منصور وبعض رجاجيل القبيله
سلطان:مسكم بالخير
الجميع:مسه بالرضى والسرور
اجلس جنب نواف :كل شي جاهز
نواف:ايه علمت الطباخ الغداء يجهز على ااذن الظهر
سلطان :الله يعطيك العافيه..
ناصر بتردد:انا لاعيدت بروح لرياض
سلطان يلف له:لا
ناصر برجى:طلبتك قبل تبداء المدارس من جديد..
سلطان برفض قاطع:لا
ناصر بحباط يناظر لرجاجيل الي كان يناظرونهم
سلطان:بكره بعد الغداء بنتوجه لخالتي حصه نسلم عليها وعقبه ترجع معي للبيت الي تبي من ربعك يجيك..
ناصر:ونواف ليه يروح
طنشه سلطان واقعد يكلم الرجاجيل
في داخل البيت
ام سلطان تبكي وموضي عندها والنايفه واقفه عند راسها
موضي برحمه:خلااص يمه
ام سلطان :بموت وهاذي حالته...
النايفه بخوف:اسم الله عليتس الله يخليتس لنا ..
موضي تنهد :وماعنده مجال لتفاهم ..
النايفه تبوس راس امها:خلاص يمه ..ارتاحي ..
ام سلطان تمسح دموعها بتعب:الله يستر من الي بسويه بعد ..
النايفه تنهد :تبون نمشي الحين
ام سلطان :انتو روحو انا بقعد .. بكره بروح اسلم على اختي ,,
موضي توقف :اجل مع السلامه ننتظرتس بكره كلهم بيكونون ببيتي
ام سلطان:عمتتس الجوهره بتجي
موضي:ايه
ام سلطان:بتدري انه طلق ومراح تخليني في حالي
النايفه:طنشيهاا...
...
اليوم الثاني بعد المغرب كان سلطان واخوانه عند خالته كبيره بالسن ومعه محمد سلموو عليها واطلعو
سلطان يلف لاخوانه:بتمشي الحين
نواف:ايه بروح لرياض ابي اسلم على عمامي وبعده بروح مع الوالد لجده
ناصر يمثل الاسى :وانا ارجع للبيت بلحالي
محمد:اذا باالبيت بلحالك تعال معنا انا وسلطان بنطلع شوي مشوار قريب ..
سلطان:لا يرجع للبيت
ناصر بقهر :هذا عيد وكل الناس معيده وانا جالس منطق بالبيت كاني مره..
سلطان بقوه:كلم الي تبي من ربعك خلهم يجونك ..انت فيك عقل تفهم ..
ناصر بزهق وتردد:ياليل ذالخوياء مابيهم اذا تسمح لي اكلم سطام يجيني كلمته
سلطان يمسكه مع عضده بقهر :اخوياك الي هناا كلمهم وبس..رافع راسك عليهم ؟؟..
ناصر بخوف:بروح للبيت الحين وبكلمهم..
احذف سلطان يده عليه بقوه واتجه لسياره الحقه محمد ونواف راح لسيارته وناصر بعبره اتجه لسياره الي فيها سواقه
محمد بتردد:فشلته قدامنا
سلطان :ماينفع معه شي..
حركو السياره طالعين لشارع العام المليان عالم وبزران..ورجاجيل واقفين عند البيبان يسلمون ويحضرون مكرمات العيد ..
ناظر لقدام رطب شفايفه بتوتر ولف لمحمد وبدون مقدمات:انا ابي وحده من خواتك..
محمد بسرعه ورفض:والله ماتمسك يدها وانا بعد حي..
سلطان ببرود:ليه
محمد بقهر وعتب:تمشي وتطلق الحريم وش ذنب خواتي..
سلطان :انا خلاص ابي اسس لي حياه واستقر..
محمد بستفسار وغيض:والاخيره!!..هذا موب كلامك من اول ليش طلقتها
سلطان:دلال خذيتها وانا نفسيتي تعبانه وماتقبلت وجودها بحياتي ..تعبت من الصبر معها
محمد بتاكيد وثقه:و نفسيتك تعبانه للحين..وتطلب وحده من خواتي
سلطان بصرار:ايه ابي عاقله وخواتك ماينقصهن شي ..
محمد يهز راسه :انااا خابر علتك زين ولا اقدر اسلمك وحده من خواتي عشان ينسنك اياها..
سلطان يصد منه وبهدؤ:اغيابها عله عجزت اداويها
محمد بألم:هذا البلااا ..وترضاها على اخوتي تخطبهن ويقعدن بلا قلب معك
سلطان يرفع وحده من حواجبه بستهزاء:مثل مارضيته على النايفه
محمد بحراج ماحب يوضحه:هاذي وحده بوحده وخلصنا.
سلطان:ان وافقت انت..ولا خطبت من الجماعه الباقين
محمد :بس من اسالني ترى بعلمه بالحقيقه ولا راح اخفي عليهم شي..
سلطان :هات علمني وش بتقول لهم
محمد بصرار:بحذرهم منك انت انسان قاسي ان اصلحن لك ولا وريتهن الباب الي يبي بنته تعيش مرتاحه لايوافق وبنات الجماعه مابيك تضرهن ولا ابي يجيك منقود من اهلهن..
سلطان يناظرها بهدؤ:ليه وش جاك مني..
محمد :ماجاني منك الا الزين بس خابرك والله ماتعتق ياسلطان ان تقعد عليل لين تموت..
اسكت سلطان وركز نظره بالطريق بقوه ومحمد يناظر لشارع ويناظر له
.....
بعد ماانتهى العيد والكل انتظم بصفوف الدراسه صار الجؤ هادي في بيوتهم اللهم وقت العصر اذا تجمعو في حوشهم او جاهم احد
في بيت المفلح جالسين في الصاله كلهم ومعهم مفلح الي جالس على المركى ينتظر لمياء لين تنزل
ام مفلح :وش فيها
مفلح :تعبانه مارقدت البارح
مساعد:انا بعد يمكن العشاء فيه شيي
مفلح :مدري ...لف للمياء الي وقفت عند الباب متمسكه فيه وقف وراح لها
مفلح بهتمام:وش فيتس
لمياء بوجع:مدرري ماقدر اوقف
مفلح يمسكها مع اذراعها:امشي عسى ناصل بدري
ام مفلح :تبون اجي معكم
مفلح:لا لا مايحتاج الله يرضى عليتس ..
اطلعو متجهين لسياره وراحو للمستشفى
الهنوف بتعب وقهر:تعاالي
ناظرتها علياء واسرعت في الحبي بحفاضتها لبرى الغرفه
فهد يشيلها :دعاية بمبرز..
الهنوف بزهق:امسكها زهقتني ..ادخل معها فهد لداخل لبستها لبسها ومدتها لفهد
الهنوف:اخذها معك انا عندي شغل على الاب
فهد :ابشري ..انا نازل لمساعد بروح نتمشى شوي عند الابل
الهنوف تناظر الساعه اربع العصر:ماعليه انتبه عليها
اطلع فهد وارجعت تشتغل وتسجل بينات البنات بسجلاتهن المنتظمه
في مستشفى الـ بالنعيريه واقف عند الرسيبشن ينتظرها تطلع
نص ساعه واطلعت ومعها ورقة شافته واقف ويديه على الطاوله
لمياء ببتسامه:ابو سعد
لف لها ببتسامه:لبيه
لمياء :خلاص
مفلح يلف ويمسكها مع يدها وراحو يمشون لبرى المستشفى :وش قالو لتس
لمياء بضحكه:حاامل
مفلح يوقف وبفرحه:في ذمتتس
لمياء تضحك:ايه
مفلح يرفع يدها ويبوسها وبسعاده:الله يسعدتس مثل مافرحتيني ..انا بصير ابوو انا عندي ولد ياربي لك الحمد
لمياء ببتسامه مبسوطه :بس لاتحبه اكثر مني
مفلح يفتح لها الباب ويضحك:محد ياخذ مكانتس في القلب..صك الباب واتجه لمكانه اركب ولف لها ياخذ يدها ويبوسها مره ثانيه
مفلح بفرحه:اطلبي كل الي تمنين انا حاضر
لمياء بحب وشوق:سلامتك روحك..حبك لي هي الي ابي وبس..
...
اليوم الثاني في كلية البنات وبوقت البريك اطلعت الهنوف ونهى زميله لها بالاداره للكفترياء يشترون كافي
نهى :اليوم شوي البنات
الهنوف تلفت :ايه يوم الاربعاء يامكثرهم الي يغيبون
نهى:ماكنتي تجين الاربعاء
الهنوف تلف لها بضحكه:صح بس وش دراتس ماعرفتتس الا هالسنه
نهى تحرك حواجبها:اعرف سحر
الهنوف بتفكير:من سحر ماعرفها في حياتي ماعرفت وحده باسم سحر
ادخلن بالمقصف ولفت لها نهى:الا قد اخطبتتس لاخوها
الهنوف:اهاا ايه ذكرتها
نهى: ليش رفضتي
الهنوف تبتسم:كان مخطوبه لواحد من معارفنا
نهى بتردد:لو ارد واخطبتتس لخالي بتوافقين ..ناظرت لها بخجل وتشجيع..ترى هو مهندس
الهنوف بهدؤ:بس انا مطلقه وعندي بنت ..اصلن معاد لي خاطر بالعرس
نهى بسرعه:عادي والله قلت له عنتس ومدحتس قال عادي حتى بنتتس عادي عنده ..حرام والله ان توتس صغيره ليش تقوقعين على نفستس
الهنوف ببتسامه تاشر لها تسكت:انا خلاص مخطوبه..
نهى بحباط :يووه ..والله احسكم مناسبين بعض توه بالسابع والعشرين وطيب مرررره
الهنوف برتباك:الله يوفقه يستاهل وحده غيري
نهى :والله يستاهلتس ..مدت يدها على شعر الهنوف الي اوصل لاسفل رقبتها وحركته..طالعه صغنونه وبريئه.. ماخليتيني اتدلع بتس عندهم
العنود بنحراج منها اضحكت:وش دعوى فيه غيري الف..اطلعو البنات من القاعات شرت نهى والهنوف وارجعن لغرفتهم مرت عليهن لمياء
لمياء :ماخذاها الاانتو تاكلون وتسولفون
نهى:سنتين وتخرجين صبرن جميل
الهنوف بستهبال:يااااااله سنتين
لمياء :ههههه
الهنوف تحسب على يدها :سنه حامل وسنه الي وراءها وش بتسوين به..
نهى:ههههه ناقه
لمياء بدون اهتمام:ربيه مع علياء اصلن ناويه ارضع علياء معه..وترفع حواجبها للهنوف
الهنوف تناظرها ببتسامه:يعني بتصيرين امها
لمياء بحب اضحكت:يالبيه بس من تجيبين غيرها باخذها مع اولدي..
الهنوف تمشي عنها :وانا بعطيتس اياها اصلن...راحت معها نهى ولمياء تضحك
...
ساره تكلم الهنوف بتلفون :مبروك حمل لمياء
الهنوف:الله يبارك فيتس ..وش اخبار نوره
ساره :طيبه بخير وتسلم عليتس
الهنوف :الله يسلمها
ساره :اليوم بيعلنون الجوائز الساعه عشر
الهنوف بتعب:برقد وووقتها متاخر
ساره بستغراب:الساعه عشر بدري,,
الهنوف:تكفين بنفوز من مليون واحد
ساره :انا الي ببشرتس انشالله
الهنوف تضحك:طااايب ..ياله في امان الله..
ساره :في حفظه وبوسي لي علياء
الهنوف :توصل ..باي
صكته ولفت لعلياء اسحبت الدفتر من يديها وبضيقه:لعنبو غيرتس ماخليتي شي ماخربتيه
بكت علياء بقوه وهي تمسك ببجامت امها وترقى تبي الدفتر
وخرتها الهنوف بقوه وراحت تحط الدفتر بالدرج افتح الباب وادخل ابوها ولفت له ببتسامه
الهنوف:هلا ابوي
ابو فهد يتجه لعلياء شالها وهزه لانها تبكي وببتسامه:وش لونكم
الهنوف :الحمدالله طيبين بوجودك
ابو فهد يجلس على السرير :وش فيها تبكي
الهنوف:تبي الدفتر خربته
ابو فهد:عطيها اياها برضاي عليتس
الهنوف بستسلام :ابشر..راحت لدرج وطلعت غيره خذت علياء من ابوها وحطتها بلارض وحطت الدفتر باحضنها
واجلست جنب ابوها
ابو فهد:اموركم تمام
الهنوف:الحمدالله
ابو فهد بهدؤ:عبدالعزيز جاء ويبي يتملك
ابلعت ريقها وخذت نفس :متى يبي يتملك
ابو فهد:بعد بكره يوم الخميس
الهنوف تنزل راسها:طيب
ابو فهد يوقف:الله يكتب لتس الخير
الهنوف توقف جنبه وببرود :امين
حب راسها واطلع من الحجره غمضت عيوونها بقووووه رصت على سنونها ..بنسى بنسى بنسى بتزوج عبدالعزيز وبنساااه طلقني ولاعاد اسئل عني افتحت عيونها ولفت لعلياء الي صارت تشقق الاوارق وتحذفها في كل جهه راحت لها واجلست جنبها متربعه تشوف وش تسوي بسرحان مدري كيف تغيرت وانا الي كل شي عندي الا الذل ..الحين صرت ارتجيه وهو حاذفني ومطلقني كيف ارضى على نفسي التفكير فيه وهو حاقر حبي ومشاعري له وعلى طول اعرس
تنهدت بتعب وامسكت يدين بنتها الي لفت لها تبي تجلس بحظنها شالتها ووقفت نازلها تحت
شافت فهد موجود وحاط البلاستيشن الساعه تسع ونص راحت عنده واجلست
فهد يبدل الشريط:مارقدتو يادجاج
الهنوف :كان فيني نوم بس طار مني
فهد يقرص خدود علياء :اكيد هاذي طيرته
الهنوف تبتسم:ايه هي
فهد يناظر ساعته :يوه يوه المسابقه
الهنوف:وش مسابقته
فهد:اليوم اعلان الفايزين
الهنوف:ااها
فكك فهد البلاستيشن وابعده من يدين علياء حاط على قناتهم
فهد :توقعين نفووز
الهنوف:لا ماتوقع
فهد:اه ماقلتي ماظن..ياليت .. لا ماتوقع على طول
الهنوف توقف:لااني اصدق..انا بجيب لي ساندوتش تبي
فهد:ايه عشاكم اليوم مدري وش فيه
الهنوف:احرقته موب صوبه تكلم اهلها..
راحت منه وهو يتابع الاعلانات وعلياء تلعب بالقير
...
في بيتهم بالمزرعه ادخل سلطان وصك الباب خذا نفس بعمق واتجه لصاله تلفت مابه احد موجود..اجلس بشرود وانظاره للفرش وكانه يقيمه
اتجهت لصاله سلمت وجلست ساكت مارد شافته سرحان بعمق
ام سلطان بصوت عالي:سلطاان فيك شي
ارفع راسه بهدؤ:هلاا
ام سلطان :وش تفكر فيه سرحان ماحسيت فيني
سلطان :انا خطبت
ام سلطان بصدمه وراعه:من هي بعد..
سلطان:من اهلتس
ام سلطان بسرعه وخوف:وافقو عليك
سلطان :ايه خطبت من ابو عايد اليوم ووافق بتملك الصبح
ام سلطان بصوت عالي وعصبيه :والله ورب البيت ان ادق عليهم واكنسل كل شي..
سلطان يرفع وحده من حواجبه ببتسامه سخريه بارده:حتى لوتدقين اليوم بروح بكره واتمم الامر ..
ام سلطان تهز راسها بالم وخوف:ماتعرف الله وش تبي تفشلني عند اهلي وتتطلق بناتهم
سلطان بهدؤ:معاد به طلاق..
ام سلطان وصوتها خانقته العبره :ماترحم حالي وتروف به..
سلطان :حالتس زين..بس اطلب انتس ماتفكرين فيني
ام سلطان بحزن :كانك تبي تفرض رايك بعد على قلبي وامومتي وتجبرني ماهتم فيك
سلطان بقوه:ايه لاتفكرين فيني انا بدبر حياتي بالي يرضيني
ام سلطان بغيض:يرضيك عيشتك اعزوبي ولا حياتك مع كل بنت كم ليله..
سلطان بجمود:هذا الافضل لي ...واذا خذيتها خليتها في بيت اهلها الوقت الي ابي بجيبها..
ام سلطان تحط يديها على وجهها وتجهش بالبكاء :لاتظلمها ماقدر اشوف ذي دبرتك ولا توجعني
سلطان ببرود:يبوني حتى وهاذي شروطي سبق وعلمتهم ووافقو
ام سلطان تنشج وبصوت عالي:الله لايوفقك معها..
ناظرها بقهر ورص على اسنانه يتمالك نفسه بهدؤ:مايهون علي دمعتس..بس جرحتيني ياالغاليه ...وقف ورقى فوق وصوت ابكاها ياصله افتح باب الجناح بقوه وصكه باقوى ..ازفر بغيض ومشى بالاسياب بتوتر ادخل الحجره
ارفع سماعة التلفون ودق لمسعود
سلطان بتعب:مسعود احجز لي لرحلة القاهره ابيه بدري
مسعود:ابشر طويل العمر
صكه وجلس على السرير اتملكها بكره واخذها معي واذوقهم الغبينه والقهر بس انا ماتوعدت امشي اموري بالخفاء رص على قبضة يده بقوه امك امك ياسلطان بكيتها وارضيت غروري وبتفكير دعت علي مااتوفق اظن ان اموري بتسهل وهي غاضبه
انفخ بفمه نزل اشماغه وارجع ينسفه مره ثانيه وقف وانزل لها تحت شاف ناصر توه يدخل
ناصربسرعه:السلام عليكم
سلطان يوقف وبهدؤ:الساعه عشر
ناصر:انا في المجالس ومعي العيال
سلطان :يابعدي اخوي صرت رجال وصرت تجلس بالمجالس
ناصر بحراج:راح واحد من العيال يورينا حمامه نص ساعه ورجعنا
سلطان يعض شفايفه بتردد :انا بروح
ناصر بستغراب من كلامه وتردده وفرحه انه ماسوى به شي:وانا بعد بروح ارقد
سلطان يمر من جنبه وهو يتكلم:انا مسافر وبتاخر..وقف ولف له وبتهديد رص عينه عليه..اسمع خبرر انك فارقت البيت او اتجريت وسويت لك مشكله.. والله وبالله ان اسجنك بالبيت وحتى الدراسه ماتعبرها.. لف واطلع منه وناصر تتغير ملامح وجهه للغضب ازفر بقوه وراح لغرفة امه طق الباب وادخل شافها منسدحه على سريرها شافته وصدت منه
ناصر يجلس جنبها على السرير:يمه شكلتس ضايقه
ام سلطان :لا موب ضايقه وين جيت منه الساعه قدها عشر
ناصر يتنهد:من المجالس
ام سلطان :طيب روح ارقد
ناصر يوقف:سلطان مرني وقال انه مسافر ويمكن يتاخر
ام سلطان تناظره بشك :راح ولا توى
ناصر:لا قد راح ..دقي عليه اذا تبينه بس احذري ترى يتهدد
اسفهته ام سلطان هو اطلع من غرفتها
ام سلطان بتفكير:سافر وهو بيتملك بكره .. خذت جوالها ودقت على محمد
ام سلطان :السلام عليكم
محمد :هلا ومرحبا وعليكم السلام
ام سلطان بدون مقدمات :محمد ياابوي عندك علم بعرس سلطان
محمد:ايه الله يطول بعمرتس
ام سلطان بقهر:بكره بيتملك ولااا بيسافر انت خابر كل شي علمني
محمد:بيتملك وبيسافر ..
ام سلطان بقهر:اجل بياخذها معه
محمد:هذا الي واضح لي
ام سلطان بالم:مع السلامه
بمواقف السيارات بالبيت بالرياض اشر لمسعود يشغل السياره وارسل لمحمد (محمد ولا عليك امر مايصبح الصبح الا وانت عند ابو عايد انا مسافر وخلى البنت تشوف نصيبها )
لف لمسعود :امس معي بالبيت فاضي ونبي نسرح سوء ابي اقضي بعض الشغالات قبل نروح
مسعود يسوق السياره:ابشر ..
...
الساعه عشر
الهنوف تضحك بقووه وهي تلف لجوالها الي دق باسم ساره
ردت بفرحه :الله يبارك فيتتس ههههه
ساره تضحك:شفتي اني اقول لتس
الهنوف بعدم تصديق:ماصدقت لين اقرصني فهد
ساره :امي يومهم يعلنون الهنوف بنت ناصر بن متعب الـ... الفائزه االولى تقول عوده ماسمعت
الهنوف :هههههه ترى من الحين معزومين معي
ساره بثقه :مايحتاج جايه جايه
الهنوف:ههههه الله يحيتس
ساره :ياله مع السلامه تتلقين المهنين
الهنوف تضحك:مع السلامه...
صكته منها والتفت على فهد
فهد:بيوافق ابوي
الهنوف:ايه هو قاله..بس ماظن بيروح امي بتروح
دق جوالها باسم لمياء ردت عليها
لمياء بقهر:ادق ومشغول
الهنوف:هههه هذا ضريبة الشهره
لمياء :ههههه مبرووووك
الهنوف:الله يبارك فيتس
لمياء:اطلع اسمتس ماطلع اسم علياء
الهنوف:ايه انشالله بدات حظ قادم
لمياء تضحك:امين الله يسمع منتس...هااا نجهز اغراضنا
الهنوف:انتي منتي معزومه ..
لمياء بتنطيش:متى قالو يبداء نروح لها
الهنوف:ههههه خلاص جهزي اغراضتس يوم اول يوم العيد الاضحى
لمياء:حلووو باقي شهر ...ياله هاتس مفلح بيبارك لتس
الهنوف :هاتيه
مفلح ياخذ السماعه :مبرووووك..
الهنوف:الله يبارك فيك
مفلح :انا اقول للمياء لو تخلوني نروح انا وهي وانتو تلحقونا بعدها بيومين
الهنوف تضحك:انا ناويه اروح ليلة العيد مايفتحون الا انا معهم
مفلح:ههههههه اجل مالنا نصيب
الهنوف:حياكم الله بس معنا
مفلح:الله يحيتس ..على حسب الظروف..ياله تمسي على خير
الهنوف:وانتو من اهله ..صكوه منها ودق جوالها بكل خواتها وصديقاتها
فهد بزهق:ليتتس مافزتي ..
الهنوف تصك التلفون من سميره وتلف له بصدمه:ياالحسود كله عشان شويت مكالمات
فهد:انها هي السبب..
الهنوف توقف وتاخذ علياء :لا تقول لاامي او ابوي اذا قامو بكره بقول لهم
فهد :يصير خير ...
....
بعد ماصلت الظهر طوت سجادتها وحطتها في مكانها خذت التلفون ودقت لنواف
ام سلطان بجمود:نواف
نواف بستغراب :لبيه
ام سلطان:سلطان اعرس
نواف يتنهد بتعب:متى
ام سلطان تبكي:اليوم الصبح اعرس وخذاها معه
نواف بيلع ريقه وخوف من الي بتسويه امه:وش فيتس فديتتس
ام سلطان:ماعرس الحين وخذاها الا انه يطنشنا ولعاد يفكر فينا
نواف:افاا يمه هذا سلطان كل العمر الابو لكم والابن والاخو وشلون جاي ببالتس انه بيخليكم ويبعد
ام سلطان تنهد وبحسره:تعالو اخذوني من البيت ...
نواف :ابشري انا موب بالرياض بروح من يجيبتس
ام سلطان بضيقه:مايحتاج تروحون عندي الي بيجيبيني بس ابيك انت
نواف:يمه الله يهديتس اناموب موجود
ام سلطام بعناد:بجلس لين تجي
نواف:ابشري الصبح بكره انا موجود
ام سلطان :مع السلامه..صكته منه ولفت لناصر الي راجع من المدرسه
ناصر يحب راسها:وش لونتس
ام سلطان:طيبه انا بروح لموضي بكره جهز حالك تروح معي
ناصر بسرعه وستبعاد:لاااا انا بجلس بالبيت وبروح لمدرستي
ام سلطان بغيض:بروح وبتاخر عندها وبتروح معي وتجي كل يوم تدرس
ناصر برجى:لااا يمه لاتزعلين ..سلطان محذرني اطلع ولا اروح منا ولا مناك ..
ام سلطان بعصبيه :بتروح غصب عنك
ناصر يبعد منها ويرفع يديه بمعنى لا :لا حبيبتي انا جالس هناا الى الابد ..لف ورقى منها ركض لفوق
تنفست بقهر دقت على جووواله مغلق حطته جنبها بقهر وطفت التلفزيون الي كانها على كبدها..
البس اشماغه رتبه بعشوائيه واطلع برى الفندق وقف جنب مسعود
سلطان بنظره متامله لسياره الي قدامه:مابيها
مسعود:بعد اذنك ..انت قلت ابيها
سلطان يلف له وبستغراب:انت منت خابر سيارتي الي لي دايم
مسعود بحراج:الا طويل العمر مالقينا سيارة لكزس سوداء.. دقيت عليك وسالتك وقلت ماعليه الي تلقى
سلطان بستنكار:انااا
مسعود :ايه انت.. ماصدقتني شف مكالمات المستلمه ..بس في صوتك النوم لو يعني رديت مادريت
سلطان يتنفس بهدؤ:ماعليه ..احجز لك لسعوديه لاتربط نفسك معي..
مسعود:ابشر ..الي تأمر به
...
يوم الخميس بعد صلاة العصر انزلت لتحت ونادت الشغاله
الهنوف:سيريتا سوي اكل علياء خضار وخلي انا بجي اخذ
سيريتا :اوكي مدام
لفت لغرفة امها خذت نفس وطقت الباب افتحته وادخلت
الهنوف:السلام عليكم
ام فهد:وعليكم السلام
الهنوف:انا بروح لسوق وباخذ علياء وبنمر منصور
ام فهد:لاا اليوم ملكتتس
الهنوف:توى العصر وهي بعد المغرب
ام فهد:لا خليها بكره
الهنوف:انا وعدت منصور متى مافضيت اوديه
ام فهد بضيقه:والحين فاضيه
الهنوف بعناد:ايه وبروح
ام فهد :قولي لابوتس اذا وافق
الهنوف:بيوافق ..
لفن على الباب الي انفتح وادخل معه ابو فهد
ابو فهد :زين لقيتكم سواء
ام فهد:عسى خير
ابو فهد بحزن:عم عبدالعزيز توفى
صدمه تحول لفرح تحول لحزن وتانيب ضمير اسكتت ونزلت راسها
ام فهد بصدمه:الله يرحمه متىىىى
ابو فهد:صلينا عليه العصر
ام فهد بالم :الله يرحمه ويجبر كسر اهله
ابو فهد:الظاهر اليوم مافيه شي وبنسكت الى ان يجون يحددون لها موعد ثاني
الهنوف بسرعه :عادي لو سنه ماعندي مشكله
ابو فهد يتنهد:الله يعينهم ويجبر مصابهم
اطلعت منهم بهدؤ رايحه لفوق ادخلت الحجره وحطت يدها على صدرها تهدي من رجيفه الله يسامحك ياقلبي فرحان لمصاب غيرك بس انه خلصني منه لاكان لمده قليله تنفست وراحت لسرير علياء راقده للحين هزتها بخفيف الى فتحت عيونها وارجعت تغمضها شافتها تبي النوم للحين فخلتها وراحت توقف عند الشباك
....
مرت ايام الاسبوع وتلاها اسبوع واسبوع وبدات المدارس تفضى من طلابها الي بدو يغيبون لقرب الاجازه
نهى:ياله ودعناكم الله
الهنوف تسلم عليها :في اامان الله ...
اطلعت الهنوف لبرى تنتظر سايقها يجي لفت لصوت لمياء وراءها
لمياء :مارحتي
الهنوف :اوووف تاخر
لمياء :بروح معتس
الهنوف :وينه مفلح
لمياء :قلت له معاد يجي ياخذني ..
الهنوف تلف لها :ليه
لمياء بقهر:كلن عارف وين يوقف سيارته ويتجمعن عنده
الهنوف:هههه وش دراتس
لمياء :كم مره اذا جيت اركب الي جالسه الرصيف وتقز والي متعنزه على صدام سيارته وتحذف كلمه منا ومناك ..ازفرت بقهر وغيض ..الله ياخذهن ذالبنات
الهنوف:طيب وش عليكم منهن
لمياء:لا حبيبتي انه بعد متكي ويناظر
اضرب بوري اسكتن وراحن متجهات لسواق مرو بيت لمياء وحطوها اهناك على وعد تجيهم العصر مع خالتها انزلت الهنوف في بيتهم افسخت غطاها ومرت المطبخ تشرب مويه
الهنوف بصدمه :علياءءء ..وبقهر ..سيريتا سيريتا
سيريتا تطلع من المخزن :نام ماما
الهنوف تاشر لعياء:شوفي وش سوت
سيريتا باسف:اسفه ماما والله انا مشغول مافي شوف
نزلت الهنوف على بنتها الي كبت الحليب وعليه المويه وجالسه وسطه تحركه بيديها وتاكل منه شالتها ودخلت لامها وابوها الجالسين بالصاله سلمت عليهم ورقت فوق دخلتها للحمام على طول افسخت عباتها وراحت لحمام روشتها وغيرت لها لفتها بالفوطه وحطتها على السرير
الهنوف بتعب:تعبتيني موجوده في كل مكان ...اوووف ماتخلين محل ماوصلتي له ..بدلت ملابسها ولفت لها
انزلو للغدا تحت
ابو فهد بشوق:مرحبا اعداد نجم سطع نوره
الهنوف تمدها له :فديتك جعل ترحب بك الملائكه
ابو فهد بصدق:هاذي غير حبها طغى عليكم كلكم
فهد:حتى انا ياولدكم الوحيد
ابو فهد:حتى انت يالوحيد والله انها الحين تساويك بالغلا وقد زادت
فهد:لااا يبه لاتخليني اكرهها
ام فهد :مصمله تروحين
الهنوف بنبرة استعطاف:انشااالله اذا رضى ابوي
ابو فهد:وين ناوين
ام فهد:يبون يروحن لشاليه الي فازو فيه
ابو فهد:ايه انا وعدتهم ان فزتو تروحن ..انا موب رايح وفهد بعد موب رايح محتاجه
الهنوف بحباط:من الي بيودينا
ابو فهد:شوفو مفلح ولمياء اذا بيروحون
ام فهد:معليه الساعه مباركه خوتهم ..
بعد العصر جاوهم بيت خالتها نمشه وجلسو بالحوش كلهم مع الشيبان
ام فهد:تخاوينا لشرقيه
ام مفلح :بروح مع ابو مفلح لاامه وبيروح معنا مساعد
ام فهد:ومفلح
ام مفلح:مدري عنهم والله شوفيه
الهنوف تلف للمياء :ابوي مشغول وبياخذ معه فهد خلي مفلح يودينا..
لمياء :مايقدر يودينا عنده دوام ارفضو اجازته ..
الهنوف:اذا عنده دوام كلنا بنهون
لمياء :حررام
الهنوف بملل:كان ودي اروح اغير جو احس بملل
مفلح يعلي صوته:تبون احد يوديكم
لمياء :ياليت
مفلح :انتي منتي من ضمنهم
لمياء براعه:لاتكفى اذا راحو بروح
مفلح بصرار:لا وانا من يجلس عندي
ابو مفلح:انت مداوم وهي خلها تروح مع اهلها
مفلح:لا لا مافيها اي اقناع ولا شي
اسكتت لمياء بحباط وقهر.
الهنوف تبتسم وتلف لها:عاد الحين بيشوف كان بنروح
..
بكره صيام يوم عرفه ابو فهد حمل حاله وفهد وراحو للابل والبيت هادي حتى علياء اخذتها لمياء معها لان الهنوف جاتها حمى وتعبانه
نوره :وينها علياء
لمياء :راحت مع مفلح لسوبرماركت
ام مفلح:امتس ماراحت مع ابوتس
لمياء :لا اجلست مع الهنوف
نوره :خلونا نروح لهم المغرب
لميااء:تعبانه مره واذاروحنا بتهتم الهنوف من علياء
ام مفلح:بنروح لهم بكره نفطر عندهم
لمياء:وينها ساره
نوره:راحت لبنات عمها
...
ام سلطان بتعب وقلق:قد له شهر وزياده لاجاء ولا دق
نواف بتعب:يمه ارتاحي
النايفه :امي صادقه هاذي اول مره يسويها دايم اذا راح لازم يدق يتطمن على البيت واهله
نواف:دق علي
ام سلطان تناظره بقوه:متى
تنهد واسكت
ام سلطان:نواف علمني الصدق
ماقدر يكمل الكذبه وببتسامه محرجه :قبل شهر
ادخل عليهم ناصر ومعه حمامه مربوطه بخيط ورابطها بيده
نواف:خير ياهايدي
ناصر:هههههه بحطها بالشباك وبربط الخيط بالحديد
النايفه :هههه لا واضح تاثير الصداقه
ام سلطان بضيقه:لاتصرفني وخله يدق علي دبر الرقم من اي مكان
نواف:ابشري تامرين
ناصر:متى يجي ابي اطلع اروح مثل الناس
النايفه:اطلع احد ماسكك
ناصر:كل ماجيت اطلع ولا اروح لرياض قلت اخافه حظي الشين ويجي سلطان
نواف:وليه وش فيه لاشافك
ناصر يرقى الدرج بحباط وقهر:مهددني اطالع من البيت وقد له شهر ماشرف..
....
الساعه سبع بعد صلاة العشاء جالسه ومسنده راسها على الكنب مغمضه عيونها
ام فهد:وش لونتس الحين
الهنوف ببتسامه متعبه:الحمدالله اليوم طيبه
ام فهد:الحمدالله ..خالتتس بكره بتفطر عندنا ...
الهنوف:قد لي يومين ماشفت علياء ولا كلمت اسال عنها ..انتظر لبكره بعد!!..
ام فهد:نامي الحين يجي بكره بسرعه
الهنوف تضحك :تلعبين علي
ام فهد:ههههه
وقفت وبيدها جوالها:انا برقى لفوق
ام فهد:والعشاء
الهنوف:مابيه
ام فهد:اتعشى بلحالي
وقفت الهنوف بتردد ولفت لامها
ام فهد:خلاص روحي
تنهدت بهم :شوي وبنزل ..رقت لفوق ادخلت حجرتها ودقت للمياء
الهنوف:الووو
لمياء :اهلين
الهنوف :وش اخباركم اخبار علياء
لمياء :طيبه وبخير
الهنوف:نامت
لمياء:لا راحت مع مفلح للسبورماركت
الهنوف:لمياء فديتتس اذا جاء خليه يمرني بها
لمياء برفض:لا الصباح رباح
الهنوف برجى:توى الساعه تسع خليه يجيبها امانه يالمياء موب اجيني النوم
لمياء بتردد :بدق له وبساله يمكن يرفض
الهنوف:قولي له اني مصره وابيها تجي
لمياء :من عيوني ..مع السلامه
الهنوف :ترى انتظر برى بالحوش ..
لمياء ببتسامه:طيب ..صكته منها ودقت لمفلح
مفلح :هلاا
لمياء :حبيبي الهنوف تبي بنتها
مفلح :الحين في ذالوقت !!..
لمياء :تنتظر كم بالحوش
مفلح :لا لا بكره بجيبها له بعد الظهر
لمياء :انا اعرفهاا مصره البنت ان قلت مفلح ارفض بتحن علي
مفلح :طيب مالها الا يرضيها بمر بها امها
لمياء :فديتك الله يخليك لي ..مع السلامه
مفلح :مع السلامه..لف مغير اتجاهه لبيت ابو فهد وعلياء تلعب بمصاصتها بفمها
اوصل للبيت ودق للهنوف البست اجلالها واطلعت له
الهنوف بمتنان:مشكور مفلح الله لايهينكم
مفلح يمد لها علياء :في الخدمه ...علياء بنتنا غاليه وحبيبه
الهنوف:تسلم ...مع السلامه
مفلح يحرك :ماتشوفون شر..
ادخلت للبيت افسخت اجلالها ناظرت لعلياء بضحكه وشوق:ياقلبي انتي وش مسويه ...
اضحكت علياء وصارت تنطط بحظنها ضمتها بقوه وغمضت عيونها بألم
الهنوف :ابعدتي عني يومين كانها دهور ...
ام فهد واقفه عند الباب وبعتب:كلمتيهم
الهنوف بهدؤ:ماقدرت اصبر وانا طيبه مافيني شي
ام فهد تنهد :وش تسوين لعرستي
الهنوف تناظره امها :لعرست بس انا ماعرست ...مشت من امها ورقت لفوق ادخلت بحجرتها حطت علياء بسريرها اجلست قدامها على الارض
الهنوف بحب تمسح شعرها وتبعده من عيونها :لاتخليني انتي بعد يكفي واحد ...
...
في بيت المفلح عند نوره ولمياء
نوره :اتكلم جد انا..
لمياء بتردد:مدري والله اخاف ترفض
نوره :عادي بنحطكم بالشاليه وبنروح لدبي اهناك ماتحتاجون احد خاصه وخالتي معكم واذا تبون تطلعون اخذو تاكسي
لمياء :اذا جاء بكره بقول للهنوف
نوره :خلاص بكره قولي لها بدري عشان تاخذون احسابكم
لمياء :بشوف مفلح اخاف يرفض
نوره تغمز لها:انتي وخططتس ..راح نمشي اول العيد الساعه تسع الصبح اذا سلم راشد على عمانه
لمياء بتفكير:يعني اليله لازم استنفذ قل طاقتي لرجى مفلح
نوره :هههه ورينا ...
لمياء بحماس:بتشوفين ..قولي لساره تجهز
نوره :مايحتاج بتجي...وين جوالي هذا صوته
لمياء توقف:تحت المخده ..انا برقى استعد..
نوره تاخذ جوالها:حظ موفق..ردت على راشد الي قالها تجهز بيمرها الحين ,,,
..
من بكره الساعه عشر الصبح دق جوالها افتحت عيونها بنعاس وخذته
الهنوف:هلا
لمياء بفرحه:ياله استعدي بكره ماشين للخبر
الهنوف تجلس وبستغراب:وش تقولين
لمياء برجى:الهنوف امانه وافقي راشد ونوره بيروحون لدبي وقالو عادي لو نمر ونحطكم بالشرقيه وساره راح تكون معنا وامي بعد ..وامس قلت لمفلح ووافق اجي معكم
الهنوف تضحك بفرحه:قولي والله
لمياء بصدمه:موافقه
الهنوف:ههههه اكيد
لمياء تنفس براحه:اشوى قلت الحين بقعد ساعه اترجاها
االهنوف تبعد الحاف وتوقف:لا لا انا لي خاطر بهالتمشيه ..بلبس وانزل لاامي اقولها واستعد
لمياء بحماس:طيب الوعد بكره..
الهنوف:ياله مع السلامه..راحت للحمام تغسلت واطلعت لبرى البست بنطلون جينز سماوي وقميص درجه افتح طلت على سرير علياء شافتها باديه تفتح عيونها شالتها بحب :ياله خلينا ننزل لماما ونروح نجهزز ملابستس لسفره ... غيرت لها ونزلو سوى
ام فهد تناظرهم نازلين وقفت جنبها الهنوف حبت راسها وصبحت عليها
ام فهد :صباح النور
الهنوف تجلس وبراحه:بعد الظهر رايحين للمول نشتري ملابس لبكره
ام فهد:ايه روحي اشتري شي حلو لان امه بتجي معه
الهنوف تناظرها وبستغراب:من هو
ام فهد:قبل شوي كلمتني ام عبدالعزيز تقول بيجون بكره يتملكون
الهنوف بقهر :يبطييييييي بكره..
ام فهد بغيض:الى متى
الهنوف :بكره بروح انا وعلياء لشرقيه ولو يصير الي يصير ماأجلتها عشان اتملك
ام فهد:انا كلمت ابوتس وبيجي بعد الظهر
الهنوف بعناد وغيض:كلميه لايجي ترى لو اموت ماتملكت ..اذا رجعت يصير خير
ام فهد:الناس لعلبه بيدتس متى مابغيتي
الهنوف :مثل مارعيت اظروفهم يراعون ظروفي
ام فهد بعصبيه :وش ظروفتس
الهنوف تصد منها:لمياء كلمتني بنروح مع راشد ونوره وساره يحطنا بالشاليه ويروحون لدبي ..ماقصرت وانا اتحمل ابي اطلع اغير نفسيتي شوي ..لو سمحتي يمه انا احس ..راعيني شوي الناس موب يهمونتس بس انا اهمتس لاتحسسيني بالغبينه يمه..!!
ام فهد تنهد بقلة حيله :بكلم ابوتس لا يجي وبكلمها تأجلها الى بعد الاجازه
الهنوف براحه:فدييتس الله يخليتس لي ولا يحرمني منتس
ام فهد:من الي بيروح غيركم
الهنوف:انا وانتي اكيد ولمياء وساره
ام فهد:خالتتس نمشه
الهنوف:موب تقول بتروح مع ابو مفلح لامه وام راشد ومساعد
ام فهد:وخواتس
الهنوف:بكلمهن اكيد واقول لهن
بعد الظهر راحت هي وعلياء وامها لسوق الى اذان العصر بعد لفو لبيت خالتهم نمشه بيفطرون عندهم
اجلسو الى بعد العشاء بعده ارجعو للبيت على اتفاق بكره بعد صلاة العيد لا سلمو على الجماعه يمشون
...
وقف عند باب المسجد البس حذيانه ولف لمحمد
سكر ازرار البالطو وناظر لمحمد:نواف ماراح
محمد:كلمته امس ويقول انه بيسلم على الاهل بالرياض وبيروح مع الوالد لجده
سلطان ياخذ نفس ومشى طالعين لطريق الرئيسي:وش اخبارهم
محمد بهدؤ :صدمتني ولا توقعتها منك
سلطان يرفع راسه لفوق وببرود:تعبت منهم
محمد بعتب:اهلك..!!
سلطان يغمض عيونه بقهر:علمتهم لايحاجوني في اي شي اسويه ومن خصوصياتي مافاد وكل يوم والثاني الي يزعل والي يعاتب ويسال ليه كذا..؟؟ وليه ماسويت كذ..!!
محمد :من حقهم
سلطان بقوه:لاااا ..من حقهم لو انا راضي بس انا رافض وسبق وقلت لهم لاحد يتدخل
محمد بتردد:وتهرب لااخر الدنياء عقاب لهم
سلطان بهدؤ:انا ماعقبهم انا ابي ارتاح واعيش الحياه الي ابي مافيها سؤال
محمد:قد لك شهرين مامريت عليهم ..تبي الحقيقه نواف جاء لمصر يحسبك اهناه
سلطان يلف لها بسرعه :وش دراك
محمد :مالقاك ودق علي ...قلت له انك منتب موجود
سلطان يلف له براسه :وقلت له اني هناه
محمد:هو الي توقع حاس انك بباريس بس غريبه ماجاء..
لف سلطان راسه من محمد وناظر للي اصدمت فيه بقوه اثبت في مكانه ومد يده لها يمسكها لاتطيح
البنت بأسف :انا اسفه لم ارك..
سلطان :لاباس
البنت بمتنان :شكرا لك ..اسحبت يدها الي ضل ماسكها شوي..
انتبه لنفسه وهدها :على الرحب والسعه
البنت بدلع وتفكير:من اليونان هل هذا صحيح
سلطان يهز راسه لها بمعنى لا :لست منهم ..عفوا سنذهب
البنت توقف قدامه بعجاب وغنج:لاظنك من هنا
محمد:ماذا تريدين ؟؟..
البنت تناظر له وعقب لمحمد وترجع تناظر لسلطان تكلمت بالعربي :انتو سعوديين اجل
لفو لبعض بستغراب وناظرو لها
سلطان بستهزاء:وحضرة جنابتس سعوديه
النبت تضحك:ايه.. عرفتكم من هذا ..وتاشر لمحمد(كان شعره كثيف بس من الجوانب مافيه شي)
سلطان ببتسامه:خلصتي كلام
البنت تبتسم :مستعجل..اليوم عيد ريحو معنا باالكفتريا مسوين احتفال
سلطان بسخريه اضحك:لااا..لو سمحتي لنا حنى نبي نروح
البنت تقرب منه وبرجى:وش فيها حنى هناه كلنا مغتربين ..تعال لمنا
محمد:انتي المغتربه حنى راجعين بكره
البنت مالفت لمحمد وقربت من سلطان وبأمل:مراح تندم ...كلهم فله
سلطان يحط يده تحت لحيها ويرفعه له:انصحتس ماتصرين على رايتس
البنت ببتسامه ذايبه ودلع:وليش ماصر
سلطان بثقه:يوم يومين ورايح ..وش بتسوين بعدها
البنت :عطني عنوانك بالسعوديه
سلطان بنزعاج :ابعدي مني يابنت ..اشر بيده بخفيف ..داما انتس في الاوله
البنت تناظره بقهر وغرور:لاتشوف نفسك حيل
سلطان ارفع راسه وبكبر وتاكيد:عاجبتس الوضع..
البنت بغيض:ترى ماانت الى انسان واطي
اسكت سلطان وناظرها بهدؤ ومحمد تقدم قدامه ودزها مع كتفها
محمد:يكرم عن الفاظتس
ناظرتهم البنت ووقفت بغيض:كريه والكلام الي ابي اقوله ماتقدر تردني لاانت ولا هو
سلطان بدون اهتمام طلع صوت بفمه:امش محمد ...
تعداها ومشى والحقه محمد
سلطان:ماكان مديت يدك عليها لو طنشتها
محمد بقهر:اصبر اصبر انا برجع ..لف محمد للبنت شافها واقفه وتناظرهم بقهر واستهزاء ارجع لها وسلطان تنفس بصبر ولف لهم يناظرهم
وقف عندها طلع جواز من جيبه افتحه ومده لها نزلت عينها له دون لاتاخذه قرات الاسم وصوره شمسيه صغيره لسلطان افتحت فمها بصدمه ولفت براسها من محمد تناظر سلطان الي يناظرها
تقدم منها محمد واصطرها حطت يدها على خدها وارجعت لورى ناظرها محمد بقوه وتحدي ولف لسلطان
سلطان ماقدر يمسك نفسه واضحك:ليه ..؟؟
محمد بغرور :اقرفني تكبرها
لفو مكملين مشيهم على طريق العام
سلطان يناظر الساعه:ساعه على الرحله
محمد :منت مغير رايك
سلطان:لا ابد انا جالس هنا ..
محمد يوقف ويسلم عليه :اجل في امان الله ..
سلطان:في حفظ الكريم ...
مشى محمد شوي ووقف ولف لسلطان
محمد بتردد:متى ناوي تشرفنا بالرياض
سلطان ببتسامه هاديه:لاصفا جوي..
هز محمد راسه وراح
نهاية البارت الخامس والثلاثين
|
08-03-12, 10:36 PM
المشاركة رقم: 41
جديد مواضيع قسم القصص المكتمله
العرض العادي
