نهاية البارت الواحد والعشرين ...

نهاية البارت الثاني والعشرون ..

البارت الثالث والعشرون

آسوم ...
أنحطت يديه على جتفي...وضمني له بحركه جمدتني ..
ضم جتوفي له ... انقطع نفسي ..ودقات قلبي صارت أدق وأدق أكثر ..
وكأنها ودها تطلع .....تحرك رآسي فور ضمه لي وجمدت بعدها وكأنني انشليت ...
خاطري لو تبلعني الآرض ولا أنحط بها الموقف..ثواني واشوفه بهت فيني بنفس تبهيتتي به ....
وبعدها ... دفرني عنــه ... بغيت أطيح بس مسكت يديه بالارض بقوة ..
مع أني ماكنت ماسكه بشي ... بس حطيت يدي على الارض وكأنني أتمسك بها عن أطيح ...
ثواني يلس يطالعني وكأنه مب مستوعب اني انا ..أطالعته وأنا مب قادره اخوز عيوني عنه من الصدمه
هذا ..!!
هذا!!
منصور ماغيره ... ياربي حطيت يدي على شفايفي مب مصدقه ان هو.. ..
وهو أنسحب بسرعه ..
ياربي شو اسوي والله خاطري اقوم وأركض الحين واطلع من بيتهم ..
ياربي شو إلي خلاني أطاوع فطوم وآفج عباتي وشيلتي وألبس شيلة بيت ..
هذا ماجنيته على نفسي ...
حسيتها فشيله ماوراها فشيله ... حتى اني ماقدرت اطالع ويهوه إلي حولي ..
لآن الصمت كان سيد المكان .... قاومت دموعي إلي كان ودها تنزل ..
مستحيل تنزل مستحيل ...
خذيت نفس علشان اطالع إلي حولي ... رفعت عيوني صوب كل وحده منهن شفتهن!!
يطالعني وهن متلومات مني ومستحيات ...
ومايعرفن شو يقولن .. أو إلي يبررنه ...قامت فطوم وهي تأشر لي اني أيي معاها ..
قمت بخطوات مثقله ودخلنا غرفة ...
اطالعتني فطوم وقالت : أسفه أسوم والله ... هذا ولد خالوه منصور ...
ومثل ماقلت لج اخواني مب موجودين ويانا منصور على غفله ...
هزيت رآسي ولآ كأن شي مستوي وماتكلمت ...
الكلمات ماودها تطلع من الصدمه والفشله .. الموقف إلي انحطيت فيه جدام الكل كان فضيع ومخزي .. عيل واحد غريب يضمني جيييه!!!!
نوره ...
بتثاقل قمت من مكاني ... ومسحت دموعي إلي تسيل ...
ومشيت رايحه صوب غرفتي بكل هدوء ماودي حد يشوفني بها الشكل ...
من دخلت غرفتي .. ركضت لشبريتي وطحت عليها... اكتم عبراتي ...
آآآه .. يامحمــد الله يسسامحك ولا انته داري عني وعن إلي فقلبي من ألم , ولوعه , وعذاب ...
طول ها السنين أصبر نفسي واحاول انساك والحين ظهرت.. وكبر حبك في قلبي ...
والقدر بيخليني أخذ أخوك للأسف !!!
وأنته بس يالس تبتسم لي بكل بروده ... ومب حاس بالي بقلبي ...
مسحت دموعي .. شو ها الحياه ... أحس حياتي كلها تعيسه ...
كلها ألم ...كلها معاناه ... أستغفر الله ...
بقوة ضغط على بطن يدي بأصابعي .. هو مايستاهل اني أعذب نفسي عليه وهو مب حاس فيني ...
فرحني رد خالي عليه أني برد لشغلي بعد أسبوع ..
بعد مايا عندي وكلمني ...
لآن حالتي انتكست في يومين لدرجه أني ماقدرت أطلع من غرفتي من نفسيتي المتحطمه ..
اخاف أشوفه أو أشوف علي واتحطم اكثر ...
ومشاعري تطلع بكل وضوح .. وعدم تقبلي لعلي ...
جذابه لو أقول اني قويه .. بس طلعت من غرفتي ...
أحاول اقوي عمري وأرضى بالواقع ...
مشيت في الطابق العلوي من غرفتي إلي في نص الممر ...
بس وقفت شوي وأطالعت ورايه ... غرفة محمد كانت في اخر الممر ....
غرفة محمد أكيد تغيرت لآن بعد مادمجوا غرفته بغرفه كانت لعايشه أستوت غرفه وصاله ..
ونفس الشي غرفة علي إلي في أخر الممر من الجهه الثانيه إلي أندمجت مع غرفة أمي ...
معقوله غرفة أمي إلي مادخلتها بعد ماتوفت بصير لي ...
خذيت نفس وانا نازله من السلالم .... وقفت وأنا اشوفه راكب السلم ...
من طاحت عيونه عليه ...
نزلهن وكمل طريقه ....بدون مايلتفت لي حتى ...
قاومت موجة بكاء أرتفعت لحنجرتي ...
كان ودي لو يعطني نظره بس أو يسلم عليه مب انه يطالعني جي ولا كأني موجوده ...
حسيت بنفسيتي أستوت وأسوء وأسوء من قبل ...
مب كافي الا فيني محمد أرجوك لا تزيدني ...محمد لاتعذبني أكثر مما أنا متعذبه ...
نزلت دمعه ورا دمعه ... مسحتها بسرعه ...
شفت علي صاعد على أول السلالم ...
وقته هذا ماودي أشوفه والله ... بسرعه خذيت نفس ورسمت على ويهي إبتسامه ...
إبتسامه مادري إذا طلعت بالشكل الصحيح ..
مادري شو الاحساس إلي أجتاحني بس أحساس ...
فيه ألم وقهر ... ألم أني بكون خاينه لعلي في التفكير يوم بشوف محمد, وقهر ..
قهر أني واقفت على علي بعدم تفكير وأقتناع بالشكل الصحيح ...لآني أحس انه غلط ...
وأكبر غلط ... مادري بس هذا احساسي من اشوف علي ...
ببتسامه اطالعني ... بس اختفت وهو يقول: شو فيهن عيونج نوره ....
قاومت موجة البكى مره ثانيه ...
ماودي أصيح ويشوفني علي .. بس نزلت عيوني وقلت بخنقه: مافيهن شي .. يمكن شي دخل فيهن .. مسحت عيوني وكاني أوهم علي أن شي طاح فيهن ..
بس صارت دموعي تنزل ...حاولت أقاوم وانا اطالع علي ...
كان يطالعني بصدمه وقال: نوره من صدقج أنتِ تصحين؟؟...
هزيت راسي بلا وانا ابلع الموجه إلي ودها تطلع للمره الثالثه ...
صوته ارتفع وهو يقول: هو , ليكون قالج شي ... نوره ... قولي لي ان أزعج وأذاج ماعليج منه انا براويه... والله ما أبا اشوف ها الدموع في عيونج مره ثانيه ...
هنا فقدت السيطره على نفسي وصحت ...وبسرعه ركضت لغرفتي....
انسدحت على شبريتي وملاذي الوحيد .. ياربي علي شافني ..
شافني أصيييح الحين شو بسوي ؟!....
دسيت رآسي في المخده أكثر ...
مرت دقايق طويله وأنا طايحه مغمضه عيوني و أمسح دموعي إلي بعدهن ينزلن بشكل متقطع ... فتحت عيوني ويلست وانا أسمع دق الباب..
وبسرعه مسحت عيوني وخشمي ... وقلت بعدها : ادخل !!!
انفتح الباب شوي وشوي لين أنفتح نصه ودخل ....
أذهلني دخوله لغرفتي ...
أطالعته بستغراب وصدمه .. وبلا وعي ... ومب مصدقه وجوده ...
آقترب مني بتردد ... وأطالعني بنظرات أستغربت منها ....
نظرات غير تذكرني .... بقبل ... بأيام محمد الحنون ...
إلي يأخذني لحضنه ويعطني كل الحنان والحب والرعايه بدون حواجز وبدون أي عواقب ... محمد صديقي ... وحبيبي ...
أقترب مني .... ويلس على شبريتي ...
وكأني مغيبه عن العالم وأنا أشوفه .... تجمعت الدموع فعيوني ...
أطالعته في عيونه وانا أشوف نظرته اختلفت كان فيها ارتباك وشي ثاني ....
دموعي نزلت , مستحيل ممخد الحين في غرفتي ..
هذا حلم من آحلامي إلي دوم احلمهن .... هذا مجرد وهم ...
أو من كثر ما اتخيله وأحلم به أستوى شبح ويا غرفتي ...
وها النظرات في عيونه ... يا يوهمني ...
ويعيشني خيال....وأمال زايفه ....
آمال أن ممكن ها العيون تحبني وتكن لي لو القليل من المشاعر ..
أرتفعت يديه ... ومسكت جتفي ..
وبرقه ضمني لصدره ... خذت نفس أشم ريحة عطره .....
كانت ريحة مسك ممزوجه بدهن عود وعود ..ريحه أسكرتني ...
هل هذا حلم أولا!!
دسيت رآسي فصدره أخذ حنان وأشم ريحته ...
أريح قلبي التعبان حتى لو كان في الحلم ..مديت يديه لخصره وحاوطتهن به ...
ضميته لي اكثر وكأني أريد ادخل في صدره ....
موجة الصياح راحت عني وأنا فصدره ... آحس براحه ...
وبكل شي راح عني ... ماودي ارفع راسي وأنش من الحلم ..
أبا أتم فيه ...اتم فصدره إلى الآبد ..
مسكت أصابعي كندورته وكأني أمنعه يروح عني ...
ماودي يتحرك ...غمضت عيوني وأانا أريح رأسي على صدره بنعومه ..
حسيت بيده تمسح على شعري ....
وأصابعه تتغزر في كل جزء من خصلات شعري ..
وتملس أذني وطرف ويهي بنعومه وحنان... ماقدر اوصف شعوري بها اللحظه ..
الا بقشعريره تملىء جلدي .... تدقق قلبي ... غمضت عيوني أستمتع بها اللحظه ...
فتحتهن على مهل ... أنا في غرفتي ... أطالعت السقف وأنا أسترجع إلي أستوى ...
معقوله كان حلم ... معقوله !!
حسيته وكأنه حقيقه بس اصلا مستحيل يكون حقيقه مستحيييل كنت اتمناه حقيقه ...
لآني احس بقلبي أرتاح بعد ها الحلم ...
والحقيقه أنه أستمتعت بكل لمسه وضمه ...
أرتسمت إبتسامه على شفايفي وحسيت بالخجل... وربي أحلى حلم مر عليه فحياتي .. دسيت ويهي في المخده آآآه ...وإبتسامتي أتسعت ... وأنا أتخيل حضنه لين الحين .. فجأة ..
أختفى كل ها الشعور وأنا أتذكر ... الواقع المرير ...
وعلي!!
ياربي .. كيف نسيت كيف رحت في تخيلاتي ..
حرام أكون جيييه وآنا فذمة ريال ثاني ...
أستغفر الله .. بس شو الحل وشو أسوي ...
ماأقدر أغير قلبي ولو شوي ...
.................
آسوم
نشيت اليوم الصبح ومالي نفس حق شيء ...
لآن مزاجي بعده متعكر من إلي أستوى امس ..
أخ اخيس موقف مر عليه فحياتي.. اففف بعده منصور فبالي ياربي ...
شوه ها مادري متى بيطلع من راسي صرت اتخيله فكل مكان...
لزم انتقم من منصور !؟ ها ؟! شو انتقم منه انا وويهي ...
أحسن لي أنطب بروحي متفشله ...
اليوم عرس خالي زايد ... بصراحه فيني القليل من الحماس ...
يعني خاطري اتعدل وأستعرض قوتي .. أووه قصدي جمالي إلي مافي مثله ...
أمبونه خاطري أتعدل بروحي ..
ومن قلت ها الشي حق فطوم وشموه طااااخ على راسي أونه بتفشلينا ...
مادري يتحرني بمشي على شورهن ..
وبعد موت رضيت أني اتعدل في البيت يعني تيني وحده وتعدلني ..
خذيت لي شاور طويل بالماي الحار ..
بصراحه الماي الحار يخليك ماودك تطلع من الحمام بعد ساعتين طلعت ...
الحمدالله أني قاومت وطلعت ولا كنت ببات في الحوض اليوم ...
لبست بجامه .. وانسدحت .. أريح ..تعبت ووايد وانا اتسبح ...
غمضت عيوني خاطري أرقد ...
بس مديت يدي صوب تلفوني أطالع الساعه كانت 3 الا ..
أحسن لي أقوم لآن على الساعه 4 بتي المعدله ...
مديت يدي بكسل وقمت.. احسن لي أكل شي عن أيوع بعدين ...
سويت لي توست وصبيت لي عصير برتغال ويلست أشرب وأكل .. بعد ماخلصت .. تقربت من الدريشه .. الجو كان مغيم ... وحلو يااااااااي ياربي .... بأفكار جهنميه قررت أطلع برع ...
وببجامتي .. ما أظن حد في البيت .... وإذا شافني العامل ..
تراه عادي الا عاف ويهي من كثر مايشوف شعري ...
وأصلا ما اظن فها الوقت يكون موجود لان العصر على 4 أيي ....
حطيت يدي على خدي ياربي .... نفاف ...
يلست على العشب وطحت عليه أخذ حريتي ....رفعت يدي فوق .. أخ محلا الجو ...
قطرات المطر كانت تلمس ويهي وتعطني شعور مريح ممزوج ببروده وريحة المطر المميزه ...
إبتسمت .. وقمت يالسه وحطيت يدي ورا ظهري ورفعت راسي لفوق ...
اطالعت السماء كانت تقريبا مغطاه بسحاب بني ممزوج ببياض ...
فتحت فمي ودي أطعم المطر ...
ضحكت وأنا أحاول أدخل ولو على الاقل وحده بس للاسف ماشي دخل ...
قمت أمشي .. كانت في ورود مزروعه ورا البيت ...
أممم من زمان ماطلعت وفتشت الحوي بها الطريقه ...
تغيرت ووايد أشياء وأنا دافنه نفسي في البيت امبين كتبي والحين بشغلي إلي أرد منه تعبانه ويالله أيلس مع أهلي ....
قطفت لي ورده صفرا عجبتني بصراحه ماأعرف شو نوعها .. بس عجبتني ...
وبمسخره حطيتها على شعري وكان في مقبض أسود صغير محطوط على قصتي خوزته وثبت الورده به ... عدلت قصتي وحطيتها على طرف ...
وفي بركة الماء إلي عند الزراعه يلست أشوف شكلي ... صدق أني هنديه ...
بجامه سماويه وورده صفرا .... صوت أرتطام قوي خوفني ..
وقفت بسرعه .. وأنا أشوف الباب الوراني ينفتح ..
كانت هناك بقرة عوده واقفه وفيها قرون ... بصراحه ماأعرف إذا كانت بقره أو ثور ..
ولكن .. جمدت محلي بخوف ... أكره ماعندي البقر لآنهن مسويات لي أزمه ...
ومن طاحت عيونها عليه اطالعتني بنظرات مرررعبه ...
وربي مب قادره اتحرك من الخوف ...
ماقدر أحس ريولي ماتشلني ...
ودي أصارخ بس ماأقدر لاني أحس أن صوتي أختفى ...
ياربي شو الحل .. خايفه الآ ميته خوف ...
شفتها تتقدم مني .. هنا .. بغيت أمووت ...
لالالا .. لزم أشرد ولا بروح في خبر كان .. اخرت على ورا ...
ومن لمحتني هي .. تمت تنفخ ... وتطلع صوووت ...هنا...
بلا احساس صرخت .. وركضت بأقصى سرعه ..... ركضت بجنون ...
لزم أسرع وأسرع ولا بموت ... صوت خطواتها السريعه ورايه ....
قطعت نفسي .... بمووت خلاص بتجتلني وبتقطعني ..
دموعي صارت تنزل من الخوف ياربي ما أبا أموت بها الطريقه ...شفت سيارة حمد داخله ...
ركضت صوبها ....وبأقصى سرعه ...... ياربي أخافها توصلني وتجتلني ...
وصلت سيارة حمد وتعلقت بدريشه المفتوحه ....
اطالعته ودموعي تنزل ... حاولت أخذ نفس وأشوف حمد ...
وحمد كان يطالعني بصدمه وعداله خالي سلمان ...
بوزت وانا اتمسك بدريشة حمد وأقول بصوت متقطع وفيه صياح: أعععععع حمد!!
تمسكت اكثر وأنا أشوف الاثنين الي يالسين في الكرسي الوراني ....
أطالعتهم بعدم استوعاب .. من هذيل ؟؟؟ أخ لالالا
... أطالعت حمد من الفشله ودموعي تنزل اكثر ..
وقلت وأنا أنتفض : والله البقره يالسه تروغني ... والله كانت بتجتلني وبعد فيها قرون تخوف ... تمسكت اكثر بالسياره وأنا أتذكر البقره .. واطالعت ورايه ...
فتحت فمي بصدمه ..!!
أبدا مب معقوله؟؟؟
البقره كانت تاكل من العشب ؟؟؟ وأطالعنا بعيون خايفه ؟؟؟
كيف وانا كنت أحسبها تروغني كيف؟؟؟ أرتفعت الحراره لويهي ...
وألتفت صوب حمد إلي يطالعني بنظرات ناريه .. في هذيج اللحظه .. عادي كان يجتلني ويقطعني مليون قطعه .. الا ينتفني ...هاي النظره أعرفها زيييين ..
ياربي اليوم شو بسلمني منه ؟؟ كيف بشرد عنه ..
غطيت يدي بويهي وأنا أهزه من الفشله ...
وخوزت يدي عن ويهي ببلاها وإبتسمت بغباء الا وزعت إبتسامات على الحضور ...
وبشوي شوي ولاكأني سويت شي انسحبت .. وخلت يدي دريشة السياره ..
مشيت بخطوات هاديه وبعدين ركضت .... لين وصلت ليدار يغطيني ...
أندسيت وراه أخذ نفس .. الله ياخذها من بقره يعلها ماترد ..وايجت أشوف إذا السياره راحت .. وكانت مب موجوده ...
أطالعت صوب البقره بعدها الهرمه تاكل كلها الحوت ...
وبضيقه دورت أكبر حصاه وتقربت منها وفريتها بها ....
وبعصبيه صرخت عليها : يعلج ماتردين يالحيييوانه ..
وبضيقه اكثر يلست ادور عصى كبيره ولقيت وتقربت منها أضربها ....
وقلت : ماعليه بتشوفين .. الله يفضحج مثل مافضختني ...الهرمه .. الحيوانه ....
ومن تقربت منها شفتها أطالعني وتنافخ .. عاد هنيه انتفضت ....
وصرخت راكضه للبيت ... دخلت البيت ...
وسكرت الباب ... تساندت عليه ... ياربي من ها البقره صدق نذله ...
يتني موجة ضحك ...
ياربي وقته وربي ماقدرت اوقف نفسي يلست اضحك وأضحك ..ينيت من الخاطر ...
سكت وأنا اسمع صوت ورايه ...
عضيت شفتي التحتيه وأنا اشوف حمد داخل من الباب ..
رص على ضروسه ..
وتقرب مني بعصبيه وقال: انا كم مره قايل لج البسي شيله يوم تظهرين من ها الباب هاااااااا.... وبسخط اكثر قال: لا وبعد المصبيه بعد ظاهره ببجامتج وتصارخين ومسويه عمرج ياهل ... أنتي ماتستحين .. فضحتني ...
بوزت وبخوف قلت : انزين البقره راغتني شو أسوي ... ولا محد بيشوف رقعت ويهي ...
تقرب مني أكثر وقبض ذنيه أأأأخ دوم ها ماعنده غير ذني يقبضها ....وبعدها مسك شعري .. صرخت ..: والله توبه حمد اخر مررره ....
ضرب راسي وقال : كل يوم تقولين لي أخر مره بس ماشي فايده ماتفيد وياج الرمسه ...
أبتعدت عنه وأنا ماسكه رأسي من الالم .. حست بوزي بقهر ..
الحمدالله ان الامور جي صارت ....
إبتسم حمد فجأه وقال: مايحتاي لا نظره شرعيه ولا شيء..الريال شافج وأنتي على حقيقج .. أخافه يكنسل ....
فتحت فمي بعدم أستوعاب وقلت: ها!!!
ظهرت علامات القهر على ويه حمد وقال: سكري ها الحلج ... خطيبج هذا إلي كان يالس ويانا ورا وكان وياه ولد عمه ياالفضيحه شافج بعد....
سكرت فمي أبلع ريجي... بعدني مب مستوعبه إلي يقوله حمد؟؟ أي خطيب ؟؟؟
راح حمد... يلست أفكر ...من ها الخطيب ...
شوووه خطيبه ترا رفضته وأبويه قالي بصير إلي أباه ....
حاولت أسترجع أشكال إلي كانو في السياره ... واحد وكأني أعرفه ؟ ياربي وين شايفتنه ؟؟ أممممم ... مادري ... بس شكله مألوف بشكل كبير ...
اما الثاني ... ما أعرفه يمكن يكون ربيع حمد ما أدري... قهر ...
مادري شو ها الويه اللوح إلي عندي كله تفشيل ...
ويخسي أذا كان هذاك الخطيب المزعوم أخذه أما إذا الثاني ياااالبي ... جميييل ووسيم ...
جانه هو الخطيب شكلي بعض يدي حسره .. عنبوه ها الآشكال حد يرفضهم ياحلاته بسسس ... رمشت بعيوني وأنا أتذكره ....
كان لبس نظاره شمسيه علشان جي ماشفت عيونه ....
مادري بس من شكله يذكرني بحد ...ضحكت ..غبيه أصلآ يالله خذيت نظره خاطفه عليهم ...
وكنت بيلس اتأمله ... أقول بلا خرابيط .. صرخت وأنا اشوف ساعتي ..
4 ونص يالهوي ... سرت وبسرعه أشوف تلفوني لقيت أتصال من المعدله وبسرعه اتصلت لها وأونها واصله عند البيت ...
بدت تعدلني .... احترت بالالوان لآن لون فستاني رصاصي على أحمر ...
يعني الشغل بالآحمر فقلت أحسن يكون احمر ويتخلله بعض من اللون الفضي...
والمعدله تبا تسويه أحمر وذهبي بس أنا مارضيت تخربط على ويهي ...
وأخر شي سوت لي إلي أباه .... وخليتها تلف شعري على فوق وتنزل منه خصلات فير...
أطالعت عمري في المنظره ياربي ... أحسه ووايد ...
ومطلع شكلي غير ... بصراحه لآني ماأتعدل ووايد ..
غير في المناسبات ومب بها الشكل بعد فأحس شكلي غلط... بصراحه ما ارضاني شكلي ...
كان الروج أحمر فاقع ... والشدو كثيف ... ياربي .. كنت بقوم وبغسله ...
بس المعدله عصبت عليه ... اونها تعبت عليه لين طلع بالشكل المناسب ..
وأونه بجنن واني أنا مب متعوده علشان جي أشوفه غير ...سكت ... خله يولي ...
يمكن يوم ألبس الفستان يطلع غير ... أستوت الساعه 7 ...
لبست فستاني واكسسوراته وماقدرت أخرط الخراطي ....
مسكت تلفوني وأتصلت لشموه خذت فتره لين ردت قلت لها: ها وين متى بتون ...؟؟
شموه : الحين وصلنا .. انتي تلبستي ؟؟
أستعجلتها وأنا أقول:هييييه لبست ..
شموه: عيل نزلي ...سكرت عن شموه ....
ومسكت عباتي مال الراس وشليتها في يدي ..ولبست نعالي الكعب ...
مادري ليش ابا أطول بعدني ...
بروحه طولي 168 بس ماعليه بنكشخ الا يوم هو ..
نزلت من السلم وأنا ياله امشي واخاف أطيح على ويهي ...
على أخر السلم حسيت أني بطيح وبسرعه تمسكت في طرف السلم نفخت ياربي دومي يوم أحاول أركز على شي تني ردت فعل معاكسه ...
تقربت من شموه وأنا اشوفها تعدل فستانها وعطيتها ظهري قايله : خرطيه ...
ألتفت لظهري وخرطت الخراطي ... التفت صوبها ..
وفتحت فمي ببلاها .. ياربي هاي شموه ... جيييه مستويه ...
غربلات عدوها تجننن ...إبتسمت شموه وقالت: طالعه تجننين ...
رديت لها الابتسامه وأنا اقول: أنتي أكثر متغيره ووايد...
كانت شموه لابسه فستان فوشي مع شعرها إلي مسوتنه باف... و شدو أسود ممزوج بفوشي وروج فوشي لماع عاطي لشفايفها انتفاخ بسيط .. بصراحه تسلب الالباب ...
دخلنا القاعه ...
ووقفت عند امي إلي كانت عند المدخل تقرب بالحريم وفجيت عباتي وعلقتها وأطالعت أمي ..
خزتني امي بنظره وهي تقول: وشعنه ماتسلمين على الحريم ...
بستهبال قلت: بخيس مكياجي ...
بعصبيه وقهر لفت أمي عني ... إبتسمت مادري ليش دوم أحب انرفز بأمي تقربت منها بعد ما خفن الحريم وقلت : يالله اليوم أم حمد مستويه عروس ... لالا أبو حمد اليوم مابيرقد الليل ...
فتحت أمي عيونها وبعصبيه قالت: شو ها الرمسه الماصخه ..
حركة حواجبي: علينا علينا ها الحركات مايمشن علينا ...
ضربتني أمي على جتفي وهي ناسيه الناس وقلت : أسكتي ياها اللسان إلي يباله قص ... ماعليه دواج في البيت ...
أبتعدت عنها وقلت: أمي انتي ماعندج غير تهديدات ..
مشيت وانا متفيزره ... رايحه صوب بنات أهلنا .....
مشيت صوب بنات خالاتي ... يلست امبينهن ويلسنا نسوالف ونضحك ...
بعد فتره شفت حركات اليهال ... تخريب وتقصيص للكوشه .. قهروني ... قمت وأنا أقول: بروح أأدب ها المفاعيص ...
يلست أروغ اليهال عن الكوشه واستخدم كل أسالايب الشريره من فتح للعيون ونظرات مرعبه .... حتى انهم يلسوا يطالعوني بخوف ..
وانا أصرخ عليهم ومن داخلي ودي أضحك ...
نطرت حاجب وأنا اشوف واحد ولد يطالعني وحاط يديه على الكوشه ...
فتحت عيوني أطالعه مب مصدقه ...
كان يغمز لي ... ويسوي بويهه حركات ...
انفجرت أضحك عليه ... من صدقه هذا الحين يالس يغازلني ...
أستمر في غمزه لي ... ياربي هذا ناوي يجتلني ...
تقربت منه ويلست قايله : ليش تغازلني ماتستحي ؟؟
بحركة حواجب وجمال شيوخي فيه قال : شو تبيني أسوي يوم أني شفت غرشوب ...
حطيت يدي على شفايفي .. وانا أحس بمستحى ..
ياربي ها الياهل يشوفني غرشوب ..
إبتسمت وقربت خدي له وقلت: أنزين عط الغرشوب بوسه ...
أبتعد وهو يقول: أم عيييييييييب انا ريال ما ابوس البنات ...
ضحكت : فديت الريال ...
عصب وهو يقول: لاتتفديني عيب ...
مسكت من يديه وركبته على الكوشه غصب عنه ...
وهو عصب وويهه أحمر وقال : ما ابا أبا أنزل ...
مسكته بيديه وانا اقول: ياالله يول بعصاتك ....
إبتسم وقال بحماس : ولايمهج ...
بدلت الغنيه لغنيه تناسب اليوله ... ويلس ييول .... وأنا أصفق له ....
تقرب منى وقال : أنعشي يالله ... حركة رأسي وانا أقوله : ما أقدر شعري مب مبطل ...
نزلت معاه بعد ماخلص يوله .... يلست أسأله .. هو يسوالف ويايه ...
شكله صغير بس عمره 9...
ياربي يوم ضحك طلعت غمازه على طرفه اليسار ياااااااي ...
تخبلت صدق ها الولد خبلبي لو هو كيبر جان زين ...
استغفر الله صدق اني منحرفه... أستمتعت وأنا أسمع سوالفه مال القنص والبوش ...
وأنه دوم يروح ويا أبوه للعزبه والقنص ....
سبحان الله مع أنه صغير بس له لسان وتصرفات واحد كبير...
مسكت ذقنه وأنا أقول: يالله محلااااااااك ...
عبس وقال: عيب عليج ...
هزيت رأسي : لا مب عيب ...
سمعت صوت ورايه يقول: ذياب وينك من الصبح أدورك ...
ألتفت صوبها وأنا حاطه يدي على راس ذياب .. ياربي ...
محلااااها كانت تملك جمال صارخ مع نظراتها إلي كانت كلها غرور ..
أكيد أمه هاي لآن يشبها ووايد...و لآنها تنشاف صغيره بعد...
نزلت عيوني لذياب ببتسامه .. اطالعني وراح صوبها ...
رديت صوب أول القاعه عند امي ويلست أرحب بالحريم إلي ماخلصن ...
شفت ذياب خاطف من عدالي وبسرعه مسكته ...
وقلت: وين رايح ؟!
أشر لي على سويج في يده وقال: بودي هذا حق اخويه ..
وقفت أفكر ... ليش ما اسير أبصص على الريايل .. صح فكره جهنميه .. ياااااي ...
بشوف يولتهم ...
مسكت يده وانا أقول : بروح وياك مب زين تروح بروحك ...
هز رآسه مصدق... لبست عباتي على رأسي بسرعه ومسكت يده وسرت معاه...
لفيت عباتي زين على جسمي وانا أحس أن في مهب خفيفه خاري ...
خليت يد ذياب وهو راح ...
تجدمت شوي أحاول أطالع ... تحمست وياهم وأنا اتجدم ...
قبضت العباه زين على رآسي وأنا اشوف الريايل ....
أتسعت إبتسامتي وانا أشوف الي يفرون السلاح فوق...
وعاد من الحماس ... خوزت يدي عن عباتي وتجدمت ومسكت باليدار ...أطالع أكثر ....
بس فجأة وبدون سابق انذار يت مهب وحركة عباتي وطيرتها عن راسي...
فتحت عيوني يارب وقته الحين هاي تتطير, والحمدالله ان المنطقه كانت ظلااااااام ..
شو اسوي الحين تحركة صوب عباتي كانت في منطقه مضيئه ..
وما اقدر اتحرك من مكاني لآن اذا طلعت بشوفوني الريايل إلي هناك أخ ...
بوزت الله يغربل العدو شو اسوي كله مني حطيت عمري في موقف ماأقدر أطلع منه .. بصيييييييييح ... الا بموووت من الصييييييياح ...
يلست تحت وأنا ضامه جسمي وأنتفض بخوف...
ياربي لو عندي التلفون على الاقل بتصل لحد يساعدني وينقذني من ها المصيبه إلي حطيت عمري فيها .. أتخيل الحين لو حد شافني شو بسوي ...
حسيت بالعباه تنحط على رآسي بطلت عيوني ووقفت سيده وأنا أمسكها زين وألفها على جسمي المكشوف ....
اطالعت صوب إلي ياب عباتي ووقفت ببلاها اطالع ياربي هذا ريال ...
ياربي شو أسوي ...
حسيت بمخي تسكر , وبلا حاسيه يلست أطالعه ...
أعرف ها الشكل ...
نــوره ..
عقب حن من علياء ظهرت من غرفتي وانا أحس بتعب في جسمي....
يمكن يفسرون يلستي في غرفتي خجل ... بل العكس يلستي فغرفتي ..
دفن لقلبي ومحاوله للخلاص من مشاعر غير مناسب للوضع إلي انا فيه...
بس محاولاتي كلها كانت هباءاً منثوره ....
مهما حاولت أدفن مشاعري وأقتل الحب إلي في قلبي ...
ماأقدر لآن ها الحب مدفون فقلبي لآعمق مكان فيه ...
ما أقدر أتخلص منه ... نزلت بعيون يملئها الحزن ...
مادري إذا علياء لاحظت عليه ها الشيء وأني حتى الآبتسامه ما أقدر أبتسمها ....
مادوي أطلع من غرفتي علشان مايخوني قلبي من أشوف محمد وترد لي المشاعر إلي مب قادره أتخلص منها ...بس حسيت بتغير جو وأنا يالسه مع خالي وحرمة وعبدالله ومايد ...
عن جو الغرفه الخانق ... ودي أيلس وياهم بس خايفه ...
خايفه أن بأي لحظه يرد محمد البيت ... واشوفه ... وهذا إلي حصل ...
دخول محمد بروحه زلزلني ... وخلاني بلا وعي ...
أترجف وانا احاول أسيطر على عمري ومشاعري...
والحــلم بعده فبالي حاولت أنساه بس مازلت أذكره بكل وضوح ....
مارفعت عيوني صوب محمد ..
حاولت أتجاهله بكل جهد ...بس مع الوقت مهما حاولت فعيوني تخوني وتخليني أطالعه...
هو بعد .... لا كأنه مهتم فيني ... كيف يهتم فيج ...؟؟
نوره طلعي ها الافكار من رآسج أنتي الحين على ذمة علي ماتفهمين ...
بس ما أقدر قلبي يدق .... يدق و يحس بوجود محمد بس ..
تعبت من اليلسه ... تعبت وأنا اشوفه جدامي أحسن لي أنسحب...
ولا أستحمل ها العذاب واخاف آني بأي لحظه أنهار وتدمع عيوني ......
التفكير تعبني ..والحب تعبني تعبت وكل شي تعب فيني...
بجهد قمت وأنا أحس بدوخه ... أطالعني خالي وقال: وين سايره بنتي ؟؟
رفعت عيوني له وقلت بهزت رآس: فوق خالي ....
لحظات وخالي يتأملني وقال: فيج شي تعبانه ؟؟
نفخت وانا احاول أتماسك ومب عارفه شو اقول لخالي وقلت: ماشي خالي مب تعبانه ....
بس حسيت بالدوخه تزيد ورديت أيلس محلي بسرعه قبل ما أطيح ..
رجعت رآسي على ورا وغمضت عيوني وأنا أحاول اتنفس...
حسيت بخنقه وضيقه... فتحت عيوني وانا اشوفهم ملتفين حولي ....
حاولت أخذ نفس ...عدل محمد رآسي على ريله ...
وياي بخوز الشيله عن رآسي بس أنا مسكتها بلا شعور .... هذا شو يسوي ؟؟؟
شفت علآمات الصدمه على ويهه وهو يطالعني ...
وبعدها مسك يدي وخوزهن عن شيلتي ورفع راسي وخوزها عني...

نهاية البارت الثالث والعشرون ...

حاولت أقاومه بس ماقدرت ....
اطالعته بعيون دامعه ... ليش يبطلها ليش ؟؟؟
غمضت عيوني وأنسابت الدموع منها ...
حسيت به يقيس نبضي وبعدها يطالع درجة حرارتي من لمست يده يبهتي ...
تقشعر جلدي ...
فتحت عيوني بشوي شوي ... أطالعته بعيون شبه مسكره ...
كان يطالع جهة خالي ... آآآآآه ...
يلست أتأمل تفاصيل ويهه ...
بدأت من رقبته من الغدة الدرقيه (( علامه من علامات الجمال في الريال "اللقمه إلي اكلها أدم عليه السلام من الشجره ومابلعها ))
وأرتفعت لذقنه ولحيته إلي كان فيها شعر خفيف لشفايفه المزمومه ...
وبعده لخشمه الحاد ... وبعدها لعيونه الكبار إلي يطالعن خالي ...
وحواجبه الكثاف إلي يتحركن لحركات ويهه ...
وبعده لشعره النعيم إلي ممشط بأهمال .... آآآآه تنهدت .....
قاومة رغبه جامحه للمس لحيته .... ياربي أنا تخبلت ... شو فيني ...
غمضت عيوني بقوة احاول أمنع نفسي من التفكير فيه أكثر ....
فتحت عيوني وأنا أحسه حط رآسي على المخده ... كان يطالعني ..
بلعت ريجي بأرتباك من نظرته لي ...
بس هو قال بدون أي انفعال في ويهه : هذا من قلت الأكل ..
أبعدت عيوني عنه وأطالعت طرفي اليمين ...ماودي يشوف عيوني وتنكشف مشاعري له ...
مجرد دقيقه ويلست راده الشيله على رآسي ...
آسوم
أعرف ها الشكل ...
بس!!
ماعرفته لآن كان متلثم !!!
بس ها العيون أعرفها وجد شفتها بس مادري وين ؟؟
مسكت بالعباه علشان ما أطير وتفضحني مره ثانيه وعيوني بعدها متسمره عليه وهو يطالعني بعد ... بس نزل عيونه بسرعه .... ومشى مروح ...
ياربي ...
هذا
زورو ...
عضيت شفايفي يا زورو وأنقذني من إلي أنا فيه ....
رجعت القاعه ونفخت وأنا حاطه يدي على قلبي ...
من ها الشخص أن شاء الله مايكون حد يعرفني ولا رحت في خبر كان وأخواتها , رديت صوب بنات خالاتي وشفتهن ياكلن ..
ويلست أكل وياهن لآني ميته يوع حدي ....
أصلآ انا مب يايه العرس الآ علشان الأكل ...
حطيت يدي على خدي أفكر بهذاك الشخص وأنا أحس بالفضيحه أن حد شافني بها الشكل ... ضربت راسي يالله ماجنه عشرين واحد شافني في موقف لآ أحسد عليه ..ياربي مادري ليش دوم أحط عمري في ها المواقف ... ليش ؟؟
إبتسمت بدخول العروس .. كانت جميله ...
ياااي صح كل بنت تتمنى تعيش ها الليله وتعيش ها اللحظات ..
وتلبس الفستان الابيض وعريس الغفله يشوفها بأحلى حلى ..
بس مرات اخاف من العرس يوم أفكر بمشاكل الحريم الكثيره , ريلها مايهتم فيها , يخونها , مهملنها ومهمل عيالها ...
صح أني مستحيل أخلي ريل يهزني ولو قليل ويتحكم فيني ..
بس فكرت أني الحين اعرس مب داخله مزاجي أبا أعيش حياتي شوي وبعدين أروح للهم والعيال ...سرنا نسلم على العروس ....
مع دخلت خالي زايد وأخوان العروس معاه لبست عباتي وتغشيت ...
ويوم طلعوا اخوانها .. فجيت العباه ...ورحت صوبهم ....ببتسامه باركة لزايد وعروسه ... ويلست عدال العروس أتصور معاهم ...
أطالعت ساعتي وصلت عشر ونص ياربي لزم ارد البيت لآن باجر عليه دوام .. دوام مخالف ...
بسرعه أتصلت لحمد ...
رن ورن ورن لين رد .. قلت له بسرعه: حمد أبا أرد البيت ..
حمد : طالعي أمي لآني بردكن رباعه ...
قلت بعصبيه : حمد أنا باجر عليه دوام ...
حمد وهو يسكتني: لا والله أبويه رد من وقت ومنو تبين أمج وأختج يردهم بن عروه ..تريي شوي ولا طالعينهن متى بردن ...
بقهر سكرت عنه ,ورحت صوب أمي وانقهرت منهن..
هن ما وراهن دوامات ويبن يتمن بعدهن جييه نص ساعه علشان تصوير العروس وجي أففف ..
عاد خالي وحرمته تأخرو في اليلسه على الكوشه ....
أطالعت ساعتي ياربي وصلت 11 ونص شو ها كيف بقوم الساعه خمس الحين ..
بصيييييح ...حسيت بدموعي بتنزل الساعه بتوصل الحين 12 وشي.. قهر وربي قهر انا بروحي ميته تعب ...
بعد موت قدرت اطلعهن من القاعه ...
جتفت يدي وأنا في السياره على الآقل ربع ساعه يبالنا لين نوصل ....
وخطف الوقت ووصلنا البيت والساعه قريب الوحده ... آآآه يا القهر .. لين ابدل وأخلص أموري صارت الساعه وحده وشي ...
بوزت بقهر يااااااربي مافيني رقاد الحين شو بسوي الساعه كانت 2 الا ....
فتحت عيوني ...
كان ضوء الشمس إلي داخل من الدريشه مغطي جزء من الغرفه ...
غمضت عيوني ودي أكمل نوم ولو قليل .... بس فتحتهن بسرعه ... شمس ؟؟!
ياااااااربي الشمس طلعت ... قمت واقفه على الشبريه ...
وانا قابضه التلفون إلي كان بيطيح على الارض ...مسكته بقوة وأنا أطالع الساعه ياااااااااااااااااااربي 7 ..
ياويلي تأأأأأأأأأأأأأخررررررت ...
وبعجله خذيت لي شاور سريع ولبست عباتي ...
نص ساعه لين أوصل ياربي ..
عضيت صبوعي على تأخري وأنا أقول : بشير سوى زياده سرعه ...
زاد الدريول سرعته ... ياربي مادري كيف ماسمعت المنبه ...
أعرف عمري من أأخر رقادي لزم جيييه يستوي بي ... الحين بتأخر نص ساعه أو أكثر عن الدوام وبلقى زهبه محترمه .. رحماااك يارب..
من وصلت المستشفى أسرعت بخطواتي لغرفة التبديل وبدلت عباتي وملابسي بسرعه ..
طلعت اتلفت ببلاه .. ياربي ماودي حد يشوفني ....
اندسيت بسرعه ورا اليدار بخوف يوم شفت رئيسة الممرضات إلي يمشن وراها الممرضات ...
ويوم شفتهم تجدموا ركضت وراهن بسسرعه وأنضميت لهن ...
بعض البنات يوم شافني ضحكن أخ منهن يلست أحط صبعي جدام فمي وأقول: آش آش آش...
بس للاسف وقفت رئيسة الممرضات وأطالعت صوبي ..
إبتسمت إبتسامه كبيره وبغباء واضح ...
رفعت حاجبها وهي تقول: هلا بالشيخه أسماء...
رفعت طرف شفتي الفوقيه أف منها هاي أكره وحده عندي بتموت ان ما تمسخرت ...
وبغضب بان على ويها قالت: ليش متأخره لين الحين ؟,.
بسرعه قلت: كان في حادث مستوي ...
هزت رآسها بعدم تصديق وقالت: ترا هاي أخر مره لاتعيدينها ...
هزيت رآسي بنعم أمشي وياها...
الطواري ...
حطيت يدي على شفايفي برعب .....
لآن من قبل شوي يايبن عمال محروقين بسبب ان واحد من المصانع احترق ..
ماكان واحد وثنين بل تخطت أعدادهم العشره وأكثر ...
كانت أشكالهم مشوهه الحروق مغطيه جزء كبير من أجسامهم إلي محروق ويهه وإلي جزء من يديه وجزء من ويهه وإلي معظم جسمه محروق ...
رعب لآن ها الحاله لآول مره تمر عليه ..
تطهير الحروق وأعاطهم الادويه وقياس الV/S وتزويدهم بالسوائل لآنهم فقدوها بشكل كبير, سويته بكل خوف وأنا أشوف أشكالهم إلي معوره قلبي ومدخله الرعب في نفسي بنفس الوقت ... وماأنكر أني متحمله لوعت الجبد إلي فيني متحملتنها لآخر درجه ...
ركضت على أقرب حمام في طريجي مب قادره أتحمل أكثر ....
وطلعت كل في بطني ... وبعدها صورهم في بالي ...
يارب الحمدالله أن تحملت بس أخر واحد إلي كان شبه محروق وبشكل أكثر عن البقيه خلاني ماأقدر أتحمل أكثر ....
ما اقول غير : أقول الحمد الله الذي عافنا مما ابتلاهم به وفضلنا على كثير ممن خلق تفضيلا..
خذيت نفس وأنا احاول أخوز اللوعه عني ..
ياربي بسير اشرب لي ماي لعلها تخوز شوي ...
مسكت دبة الماي ويلست على واحد من الكراسي إلي في الممرات أشرب ...
بعدها اللوعه ماخازت عني ....وقفت و مشيت رايحه صوب الرسبشن ..
ودي أخذ بعض من الملفات إلي وصتني بهن رئيسة الممرضات ... وقفت ..
ياربي شو ها الجمال ؟؟!
بشرتها البيضه المايله للصفار والنقيه ورشاقة جسمها وكانها بنت بعمر 14 ...
وقصرها إلي يعطيها عمر أصغر مع لبسها إلي كان عباره عن فستان قصير يوصل لتحت الركب باللون الاصفر الهادي منقوش عليه ورد باللون البنفسجي...
وعيونها إلي شبه ماتكون صغيره وشفايفها إلي منفرجه عن أجمل إبتسامها شفتها بحياتي ..تميت أطالعها وأنا مبهوته ...
صدق أنها مثل إلي في المسلسلات ... وأحلى منهن بعد بمليون مره ...
تحركة صوبها مب مصدقه اني اشوفها , بجمالها يمكن تشبه كيم تي هي , وبرقت ملامحها يمكن تشبه لي دو ها ...
إبتسمت وأنا اشوفها أطالعني وقلت لها بالانجليزيه : أي خدمه؟
ردت عليه بلكنتها العربيه الي صدمتني: ودي أشوف ولدي الدكتور ..؟؟
فتحت فمي , ياربي تتكلم مثلنا هاي ...
وآنا فاتحه فمي أطالعتني وهي تحرك حواجبها بستغراب مني ...
سكرت فمي بسرعه وقلت: شو اسمه ؟؟
قالت ببتسامه حلوه : مايد عبيــد الــ.....
فكرت منو ولدها هذا مايد ؟؟ ما اعرفه؟؟
بس فجأه فتحت عيوني أيوووا أممممممممممممه أممممممممممه ياربي هذي أممممه ما اصدق ...
قاومة رغبه عنيفه أني أقفز واقفز وأصفع ويهي ...
بس إبتسمت إبتسامه كبيره وأنا أوديها قسم الجراحه ...
كان طالع من عمليه ... من شافني إبتسم , ياربي ...
ماقدر أتحمل أبتسامته... بس أختفت إبتسامته يوم شاف أمه وتحولت لأستغراب ...
أقترب من أمه ولوى عليها وهو يكلمها كلمه أنجليزيه وكلمه عربيه وعلى كم كلمه كوريه ..
علامات الاستفهام ظهرت على رآسي وأنا اسمعهم يالله فهمت كم كلمه !!
فكرت شوي أنا شو موقفني عندهم .. حاولت أنسحب ..
بس وقفني صوتها وهي تزقرني التفت صوبها تقربت مني وقبضت يدي تقول وهي تحني راسها شوي : شكرا لج على توصيلي ...
حسيت بالخجل والتوتر من حركتها وقلت وأنا ألوح بيدي : لالا عادي ماسويت شي كبير ....
إبتسمت وأنا رايحه وقلت: سمحولي عندي شغل ....
نفخت وانا أبتعد عنهم ياربي يالله متحمله ومسيطره على عمري ..
ياااااي ماقدر ..أبا افرغ إلي فقلبي ...
سرت فزاويه محد فيها وحطيت يدي على اليدار ورديت رآسي على ورا بضحكه ...
وبعدها صرت أقفز وأقفز ...
وحاطه يديه على ويهي ... ياربي إبتسامته طيرت قلبي وعصافيره ...
عضيت شفتي السفليه وحطيت يدي علي شفايفي أمنع صرخه تطلع مني ...
بعد ماخذت نفس وطلعت إلي فخاطري .. ألتفت ورايه بمشي ..
ماصدقت إلي شفته ؟! ها!! ليش جيييه ؟ ليشش؟؟
لزم يعني يشوفني فكل المواقف المحرجه لزم ...
شفت الآبتسامه على ويهه مع نظره فيها ضحكه مب قادر يكتمها ...
حسيت بالحراره كلها ترتفع لويهي ... ورصيت على اسناني و ركضت ...
نوره
مر الآسبوع ببطئ شديد ..
حسيت فيه بملل بس يلستي مع حرمة خالي وخالي وعياله غير جوي شوي ,
طبعا من غير علي وسلطان إلي طول الأيام يكونون في ابوظبي وبس الخميس والجمعه والسبت يتواجدون , ومحمد إلي كان معظم أيامه شفتات ليليه ...
أرتحت شوي من عدم تواجد محمد في البيت في الفتره المسائيه و في الصباح يكون نايم , بس بعدها الآفكار مسيطره عليه , والتوجس إن ممكن في أي لحظه يرد البيت أو يقوم من النوم بس حاولت بقدر ماأقدر أني ما أكون موجوده من الساعه 7 المساء سيده اتعشى واروح غرفتي .. ومن أشوفه أحاول أنسحب بكل هدوء ....
هذا حالي ... وحالي الثاني ويا علي كان نفس الشيء الخميس والجمعه والسبت الي يقضيهن علي ويانا تخليني أفقد أعصابي بتواجده ...
ومرات أحمد ربي أنه يكون طالع نص وقته بس في نص آوقاته الصابحيه والمسائيه يكون متواجد ... مما خلى مزاجي زفت ومب قادره أركز على شي ...
غمضت عيوني ودي أنام لآن باجر بروح الدوام أخيراً , أخيراً بنشغل بشي وبريح عقلي من التفكير وقلبي من الآلم...
الآلم والتفكير إلي أتعبني وهد حيلي...
تعبت خلاص وودي أشغل عمري بشيء ينسيني شوي من إلي أعيشه وإلي مقبله عليه.....
فتحت عيوني على صوت المنبه من أول رنه , وربي متشوقه للسيره ...
خذيتي لي شور سريع وتلبست ... أطالعت ساعتي كانت 6 ... ياله ينزل تحت ... نزلت ... ومثل كل صباح الهدوء يغطي المكان ....
شفت خالي مثل كل يوم يالس وهو يقرأ الجريده ويشرب قهوته الصباحيه ...
ومحمد إلي مندمج في قهوته واوراقه...
خذيت نفس , نوره قوي عمرج لاتضعفين جدام خالح ومحمد ... لاتخلين محمد يكتشف مشاعرج هاي من عيونج بس ..
مشيت صوبهم وقلت: صباح الخير ..
كل من خالي ومحمد رفع عيونه صوبي وهو يردد: صباخ النور ...
إبتسم خالي وأنا اسلم عليه وأبوس خدوده ..
وقال: تعالي يلسي عدالي ..
يلست عدال خالي في الكرسي إلي على يمينه ضم خالي جتوفي وهو يحب يبهتي قايل: شو أصبحتي اليوم ؟؟
إبتسمت بمستحى وأنا أطالع خالي : الحمدالله .. وأنته شو أصبحت ؟
حسيت بالمستحى لضم خالي لي جدام محمد ...
رفعت عيوني أطالعه , ونزلتها بسرعه وأنا اشوفه يطالعني... ياربي ...
عضيت شفتي السفليه يوم عرفت أن محمد عليه دوام صباحي يعني ياحسره بروح وياه, شو ها المصيبه أنا ناقصه ....
ما قدرت أقول شي يوم قالي :يالله نروح عن نتأخر ...
شليت شنطتي ببؤس وبحسره ...
وسرت وراه صوب السياره... يلست في الكرسي القدامي ...
ما أنكر أن حالتي رعب ..
مسكت نفسي مسكتها لآخر درجه حتى اني حسيت رقبتي تيبست وأنا لفه صوب الدريشه , حتى كلمه وحده مانطقتها ولا هو نطقها طول الدرب بس كانا نسمع الراديو...
وصلنا أخيرا ... نزلت بدون ما أصد صوبه حتى , ياربي الحمد الله أني ماسويت شي يكشف التوتر إلي كان فيني ... استقبلتني أسوم
بألاحضان ...
ياربي كيف كنت مشتاقه لها .... وكله تضحك من تشوفيني ياربي أسوم نفسها ماتغيرت في ها الآشهر إلي خطفت ... بل الخبال زاد عن حده ...
مر شهر على دوامي في المستشفى , بس الحمدالله أن أغلب أوقاتي أروح دوام صباحي وأروح مع الدريول والخدامه وبعض المرات الي يداوم فيهن محمد أروح وياه وهن كانن ينعدن على الأصابع ...وكان عندي يومين بس شفت ليلي ...
تنهدت بقهر حدي مترفزه من هذا الطالب إلي سميته بألامير الوسيم صار له شهر ملعوزني ومأذني.. سلامات وأخبار ويحاول يسوالف ويايه ...
هذا واحد من طلاب الطب المتدربين ..
وهو إلي لوح لي هذيج المره عند الرسبشن...
كنت أتحراه دكتور بس طلع واحد من طلاب الطب ...
بكل صراحه ما آنكر أبدا أنه أجمل مخلوق شفته في حياتي حتى أنه أحلى عن محمد بوووايد ...
جمييل لدرجه أظنه اجمل ما خلق الله سبحانه وتعالى ..
صح في أول فتره تميت مبهوته فيه لآخر درجه ومن أشوفه أيلس أطالعه وأنا مب مصدقه بالي أشوفه جدامي ...
بس بعدين حسيته تمادى من عطيته سالفه ...
بس صدق من يشوف ها الجمال يخرس ...
أسوم تخبلت عليه بس الحين خف خبالها عليه من قلت لها عن حركاته والحمدالله ماسارت تضاربه اونه ليش يضايقني .... الله يخليج يا أسوم ^^...
أبعدت عيوني عنه ومشيت رايحه والله مب ناقصتنه هذا بعد , بس هو وقف جدامي وقال ببتسامته الجمييله : ممرضه نوره شو عندج الحين ؟؟
رديت بقتضاب : ماشي ...
مادري ليش قلت ماشي يمكن من التوتر إلي فيني وكنت متلخبطه ومب عارفه شو اقوله ..زادت إبتسامته وقال: عيل شو رايج نروح نشرب كوفي ؟...
فتحت عيوني لوقاحته , ياربي من صدقه هذا ؟؟
نزلت عيوني عنه وقلت: سمحلي تذكرت أن ربيعتي تتريني بروح صوبها ...
سمعت صوته إلي فيه خيبة أمل : خلاص مره ثانيه أوكيه ...
نفخت بقهر وأنا ماشيه .. ياربي هذا ويهه لوح يشوفني مب عاطتنه ويه ودوم اتهرب منه بس هو يحاول بكل الطرق ويايه ..
مسكت ملفات المرضى في قسم الباطنيه لآن لزم أوزعهن على طلاب الطب , والآرف الأمير الوسيم كان معاهم ...
اخ يالقهر يعني ماياز إلآ عندي ...
إبتسمت بخبث لآن فكره عجيبه يت في بالي .. يلست أطالع ملفات المرضى ....
بواسير , تحاميل شرجيه , أمساك , أسهال وألخ ..
جمعتهن وحطيتهن على طرف ومن ياء الأمير الوسيم ببتسامته إلي تخطف الآنفاس عطيته له بسرعه ... زادت إبتسامته وهو يقول : ياسبحان الله وياكثر مانلتقي ...
بدون ما أحس بادلته الآبتسامه بس ماكانت رد لأبتسامته بل إبتسامه خبيثه للي سويته له ... بعد ماخلصت توزيع الملفات ...
يالله قدرت أكتم ضحكتي بالبلوه إلي حطيته فيها ...
ومن قلت لآسوم ماتت ضحك .... لآن شكله بيتعذب ووايد ...
على اخر الدوام مسكت قرشة الماي بشرب منها , بس وقفت شرب وأنا أشوف كوب كوفي منمد لي , بعلامات أستفهام أطالعت فوق ...
نزلت قرشة الماي ..آآآخ شو ها هذا شو يبا مني ؟
بنص إبتسامه قال: خذي ...
ماعرفت شو أسوي أو كيف أرد عليه وأرفض الكوفي ...
بس من الآصرار إلي شفته في عيونه خذت الكوفي منه بتردد ...
هز رآسه وهو يطالعني بلوم : شو ها الحركات عذبتيني اليوم !!
عضيت شفتي السفليه وأنا أحس بالحراره والاحمرار يصعد لويهي ...
نزلت عيوني تحت ياربي يالفششيله ...
كان ودي أروح بس هو سد الطريج عني وقال: وين سايره بعدني ماكملت كلآمي , أنتِ قاصده ها الحركه ؟؟
سكت وبعدها كمل : يعني كل ها الحالات عاطتني اياهن اليوم مره وحده ...
وبعدها ضحك : والله انج صرتي تعيبني أكثر واكثر ...
سكت منخرسه ....
مب مصدقه إلي يقوله وحسيت بقهر , قهر عظيم هذا شو يتحسب عمره , سكت ووايد عنه وهو تمادى , تمادى ووايد .. الحين يقول أني عيبته وبعدين شو بقول ...
شو يتحرى عمره وشو يتحراني ...
بكل عصبيه أطالعته بعيون كلها قوه : لو سمحت قوم عن طريقي ...
إبتسم وقال: عصبتي !
غمضت عيوني وأنا أقول بصوت طلع بكل عصبيه : أقولك قوم ...
صوت من ورايه خلاني ألتفت بسرعه : نوره ...
هذا محمد... نقلت نظري له ...
وكل العصبيه إلي كنت احسها أختفت ....
بس حل محلها الخوف وأنا أشوف على ويهه تقطيبه وغضب ...
نقل نظره أمبيني وأمبين هذاك الوسيم ..
وبعدها قال بكل غضب كان باين على ويهه : شو تسوين ؟؟
عضيت شفتي السفليه... وهذاك أنسحب بسرعه ....
أقترب مني محمد وقال: شو كان يقولج؟؟
بتوتر أطالعته وقلت : ماشي بس عطاني ها الكوفي ...
ياربي ماقدرت أجذب بس وديت عمري بداهيه .. الحين بشو بفكر ...
ظهرت إبتسامة مسخره على شفايفه وهو يقول: لا والله ...لا العلاقه أمبينكم أوكيه ... مساعه تبتسمين له والحين تأخذين من عنده الكوفي وتعطين وياه في الكلام .. شو ها ؟؟! انتي صاحيه ؟!
مب مصدقه إلي يقوله محمد , أنا ماعطيت وياه في الكلام دوم كنت أتهرب منه وهو يلحقني ...
كلام محمد قهرني شو يتحسبني مب متربيه ...
أرمس أي واحد منيه والدرب ..أنفجرت بقهر مره وحده : أنا صاحيه, وماحيد عمري مسويه شي غلط ..
سكت بعد ها الجمله ... وبعدها رفعت نظري صوبه ولعيونه مباشراً.....
وبسرعه تجمعت الدموع في عيوني ونزلت بدون امر مني و كملت بصوت مخنوق: لو سمحت أنته مالك خص فيني...
لفيت عنه ومشيت .... خايس ...
ليش يرمسني جيييه ليش يقولي ها الكلام ... ليش يشوفني في ها الموقف ..
الله لا يسامحك ياإلي مادري شو اسمك ..حرااام عليك يا محمد ...
بسرعه ظهرت ورقتين من التيشو من جيبي ومسحت عيوني وخشمي وأنا أحاول أوقف دموعي إلي ماطاعت توقف ..
بحاول أتجاهل محمد بكل ما أملك...
والحمدالله أن كان عليه شفت ليلي اليوم ...ورجعت البيت ويا الدريول ...
ولا ظهرت من غرفتي ...
خلااااص تعبت , تعبت ....
ماودي أشوف محمد ولا هذاك إلي صار يأذني أكثر وأونه يستسمح مني ... تعبت منهم ...
لزم ألقى حل ... والحل الوحيد أني اغير المستشفى ...
ها الفكره فبالي من أيام .... واليوم رحت لخالي وخبرته عنها ...
اول شي أستغرب بس مع أصراري وافق ....
ولآول مره أجذب على خالي وايب له أعذار مادري أصلا من وين طلعتها ....
أعذار مادري كيف أقتنع خالي بها ...
بس كانت هناك مشكله وهو الجواز كان منتهي .... بس خالي قال أنه بجدده خلال ها الآيام ....
خبرت أسوم عن السالفه وأحتجت ...
بس أنا مصره أغير ولا أشوف محمد بعدني وأشوفه نظراته لي ....
وأحساسي بشوفته إلي يعذبني أكثر...
صح كلامه قهرني هذيج المره ... بس تعبت من شوفته وتذكر حبي له حبي المحرم ...
يسد شوفته فالبيت ألي أحاول بكل جهدي أني أشرد من اشوفه ياء بس في المستشفى مرات انجبر أشتغل وياه ...
بعد أسبوع...
عطاني خالي جوازي .... فرحت بصراحه ....
أن شاء الله باجر بسير للمستشفى إلي في إمارتنا وبقدم هناك رتبت أوراقي مع جوازي في ملف وحطيتهم على ينب وطحت على شبريتي وأنا احس براحه شوي أني بنقل وبفتك ....
بعد الدوام .. قلت للدريول يروح صوب المستشفى علشان اقدم أوراقي هناك ...
نزلت نظري للملف إلي في يدي ...
وفتحته وأطالعت أوراقي إلي فيه وحده وحده ..ومسكت جوازي ...
فتحته .... صوره يديده لي كانت فيها ... كنت متصورتنها من فتره مب بعيده .....
نزلت نظري لآسمي ...
بس وقفت القرايه وأنا مب مستوعبه إلي أشوفه ...!!!!!!!

نهاية البارت الرابع والعشرون ...

عدت القرايه ... مره ومرتين وثلاث وأربع ....
حتى أني غمضت عيوني وفتحتهن أبا أتأكد أن إلي أشوفه صدق ...
لالا ماصدق .. كيف! كيف!!!
معقوله إلي أشوفه ....
رفعت يدي صوب قلبي وضغط عليه أحاول أخفف من سرعته ودقاته إلي صمت ذني ...
تجمعت الدموع في عيوني ... وانا أقراه للمره المليون ..
نوره خالد زوجة محمد سعيد سلطان الـ...........
نزلت دموعي وأنا بعدني مب مصدقه إلي أشوفه ...
أنا حرمة محمد ؟! كيف ؟؟ يعني ريلي هو محمد مب علي ...
مب قادره أستوعب أبداً ....
الرؤيه صارت ضبابيه ...
أنفرجت شفايفي عن إبتسامه ... وتتبعها ضحكه خفيفه....
ضحكي أختلط مع بكائي بفرحه وعدم تصديق....
لآن ها الشي مش قادره اصدقه ...
صرت أقرص زندي يمكن انا في حلم وأستيقظ منه ...
بس القرص حسيته وألمني ....
عضيت شفايفي وأنا أخذ نفس....ياربي صدق هذا !! صدق!!
سمعت صوت الخدامه وهي تقول: نوره ليش أنتي أبكي بسم الله شو فيه ...
هزيت رآسي وأنا أمسح دموعي إلي مب طايعه توقف وببتسامه قلت: مافيه شي ..
وقفت السياره عند بوابة المستشفى وقالي الدريول : ماما نحنا في أوصل ...
رفعت عيوني صوب البوابه ....
ودقايق يلست أفكر ....
خلاص هونت ودي أرجع البيت الحين لآن مالي نفس أنزل وأنا بها الحاله ...
قلت : أرجع البيت...
طول الدرب وأنا اعيد القرايه ...
ياربي كيف .؟؟ بعدني مب مستوعبه ...
ليش محد خبرني ليش ماقالوا لي أن محمد مب علي ؟؟
بس كيف محمد وخالي قالي أن علي خطيبي ؟؟
شو صار وخلى محمد ياخذني ؟؟
صرت مب قادر أستوعب أو أخمن..
بس مع كل ها التساؤلات إلي فراسي حاسه بفرحه غريبه ..
ما اقدر أوصفها ... كنت أتحاشى محمد ..
وطول الليل أصيح علشانه وعلشان أني أحبه ومب قادره أتقبل علي وهو في قلبي ...
والحين هو زوجي وآنا حتى ماكنت أدري ؟
ودي أعرف كيف أستوى ها الشي ؟
والله بعدني مب مصدقه ... لزم أسأل وأستفسر !!
تساؤلات كثيره كانت تدور في رآسي لين وصلت للبيت ...
بأحساس غريب نزلت البيت ...
ياربي أحس أن بعد إلي اكتشفته كل شي فيني تغير وأول شي نفسيتي ...
أحس عمري متحفزه , وخايفه ,ومتوتره , ومتلخبطه ,ومصدومه ...
مصدومه لآن حتى في أحلامي ماكنت أتوقع ولو 1% أن يمكن يستوي لي ها الشيء أن ممكن ... يكون محمد زوجي ...
محمد إلي حبيته طول حياتي ولآ حد غيره خذ قلبي ... محمد إلي عشقته من صغري ...
رفعت يدي اليمين وحطيتها على قلبي لعلي أخفف من دقاته إلي ودها تطلع ..
أطالعت صوب الكراج ...
تنفست بعمق الحمدالله محمد مش موجود , مشيت صوب البيت ودخلت ...
كعادة يوم خميس بعد صلآة المغرب ألقاهم يالسين في الصاله من علياء وخالوه مهره وسلطان وحرمتة وولده ...وعلي ...
بأبتسامه خجوله سلمت على الحضور بدون علي وسلطان ....
أرتحت الحين لآني ماصرت أتحسس من تواجد علي بها اللحظه أستوى بالنسبه لي انسان عادي حاله من حال سلطان ...
بس بعدها دقات قلبي تصم ذني لآفكاري عن محمد ...
بس كيف بسأل خالوه مهره أو علياء ماعندي الجرأة وما أظن أتجرأ واسأل خالوه خاصتاً ...
بروحه ها الموضوع يثير في نفسي الخجل والتوتر والرجفه ...
بس لزم أسأل وأحسن شي أني أسأل علياء. ...
نزلت بعد مابدلت ملابسي ويلست على أعصابي ...
أغتنم الفرصه علشان أروح مع علياء لمكان وأسألها لآني مب قادره أتنظر ولا دقيقه وحده ...
وبعد موت سرت معاها المطبخ بحجة ترتيب العشاء ...
غمضت عيوني أحاول أنطق بكلمه وحده بس ..آآآه خانتني شجاعتي ..
ماأقدر أستحي ...
أصلآ بكل شي يخص محمد أستحي ...
وللاسف رجعنا الصاله بدون أي نقاش عن السالفه ...
لمت نفسي على جبني...
صحيح أني أبا اعرف شو إلي أستوى وخلى محمد يكون ريلي ؟
بس ما أقدر أستحي أسألهم ...
بعد العشاء كانت الساعه تشير للتسعه والنص ..
إلي راح ينام وإلي يالس يطالع التلفون وإلي يالس بحاله ....
كنت يالسه أقرآ مسجات أسوم إلي ترسلها ...
أسوم يالسه أطالع مسلسل كوري ومتخبله عليه ..
وإلي صدمني أنها الحين في الحلقه الخامسه يعني من رجعت وهي أطالعه شكلها حتى اهلها ماشفتهم ...
مجرد لحظات وأسمع علياء تقولي : نوره شو رايج نلعب بلآي ستيشن "ملل" ...
بدون تفكير قلت : أوكي ...
مــرت الساعات ونحن نلعب ...
صرنا نضحك شوي ...
ونضارب كلامياً شوي ...
ونصرخ شوي ..
ومرات تقوم علياء وتقفز عليه بضربات وقرصات تضحكني وتعورني بنفس الوقت واردهن لها .. وأخرها إذا فازت علياءتقوم بقفزه أوصريخ
وإذا فزت أنا أضحك وأغايضها ...
لين تعبنا ....
أطالعت تلفوني وفتحت فمي بلآ تصديق وصرخت: عليوه شوفي الساعه الحين بتستوي 1 .... ضحكت علياء وهي تطيح على ظهرها : ياربي ماحسينا بالوقت ...
واطالعتني بطرف عينها : خلينا نكمل ...
بوزت : والله تعبت ناشه من الفير وودي أرقد...
حركة علياء شفايفها بقهر وقالت: أوكي باجر بنكمل ...
ضحكت على شكلها...
شكلها تبا تكمل السهره بس أنا تعبت خلآاااص وودي أرتاح شوي , بعد مشاق اليوم ..
سبقتني علياء لآني رحت المطبخ علشان أشل لي غرشة ماي بارده ....
طلعت من المطبخ ماشيه صوب الدري ...
بس وقفت على صوت فتح الباب وبردة فعل طبيعيه أطالعت صوبه ...
صارت دقات قلبي أدق وكأنها ودها تخترق صدري .....
وأنا اطالعه , أتأمله ...
صح الدنيا ظلام ...
بس كنت أشوفه ...
وهو يتحرك ..ويرفع يده صوب سفرته ويعقها على جتفه...
وبعدها يفتح عقم كندورته بسرعه وبيدين ترتجف ...
ليش يرتجف ؟شو فيه ؟؟
وقفت مب قادره أتحرك ...
لين تجدم ووصل صوبي...
رفعت عيوني لويهه ... ياربي ...
كان أحمر والتعب باين فيه ...
باين لدرجة أن شكله يتألم وحتى أنه مب قادر يوقف أو يمشي ...
تحركة صوبه بسرعه.. وهو بسرعه مسك في حد الدري ...
بعيون خايفه متألمه قلت: محمد شو فيك؟؟
كنت خايفه , قلبي معورني ومقطعني على شكله...
أطالعني وكأن توه ينتبهه لوجودي ...
وإبتسم إبتسامه خفيفه وهو يقول : نوره ...
خوز يده عن الدري وكان بيكمل صعوده بس وقف فجأة وهو يمد يده وده يتمسك بطرف الدري مره ثانيه بس ماكان قادر ...
أندفعت له بسرعه ومسكته من كندورته اسانده بجسمي .....
رفعت رآسي فوق أطالعه ...
كان حاط يده على رآسه وهو مغمض عيونه ..
أرتفعت يديه صوب ويهه وبتردد حطيت يدي على يبهته ...
يارب كان حار وووايد ...بدون ما آحس رفعت يديه الاثنين وحطيتهن على خدوده ...
وبخوف قلت: محمد انته محموم ...
ماكان يقدر يبطل عيونه ....
لدرجه أن نزل ويلس على الدري ...
نزلت معاه ويلست عداله...
بخوف رجعت وحطيت يداي على ويهه ..
وبعدها نزلتها ولمست رقبته ونزلتهن ليديه ومسكت يده اليمين ..
وانمدت يدي اليسار ومسكت يده اليسار وجمعتهم ببعض وبصوت هامس قلت : محمــد !!
وبصعوبه حاولت وياه لين قام ..
كان تعبان لدرجه فضيعه ممكن تكون درجة حرارته وصلت لـ40 ..
تحملت ثقل جسمه الي متساند على جسمي ..
لين وصلت الغرفه ...وبصعوبه فتحت الباب...
كان الظلام طاقي على أجواء قسمه ...
ولعت ليت الصاله يوم دخلت لقرب فص التشغيل مني ..
ومشيت بصعوبه لين وصلت غرفته وفتحتها وبسرعه مشيت صوب شبريته وطحت وياه عليها ...رفعت رآسي ألتقط أنفاسي ..
ياربي يالله أتنفس بذلت مجهود كبير , تحركت بقوم بس ماقدرت ...
أخ ...يد محمد كانت محاوطه خصري وممتده لجتفي ...
عضيت شفايفي وأنا أرفع يده عني وبصعوبه خوزتها ...
يلست أتنفس ..
وبعدها لفيت جسمي صوبه أطالعه..
حاولت أعدل طيحته لآن كان طايح على بطنه...
وعدلته وخليته يطيح على ظهره..
وقمت وشغلت الابجوره وأسرعت لغرفتي ويبت جهاز الحراره وقست حرارته ياربي مثل ماكنت متوقعه كانت أربعين ..
وبخطوات بطيئه طلعت من الغرفه ...
وسرت المطبخ التحضري ماله ...
دورت لي طاسه وصبيت فيها ماي بارد وطلعت من البراد قطع ثلج ...
ويلست ادور منشفه صغيره ولقيت ..غسلتها بالماي الحار وعصرتها وبعدها حطيتها في الطاسه ويا الماي المثلج...
رديت الغرفه ... لقيته ضام عمره ...
شكله بردان من الحمى ... حطيت الطاسه على الطاوله وتقربت منه
...كان يتعرق ...
وشبه مايكون واعي ...
من حطيت يدي على يبهته حسيتها نار تشتعل ...
وبسرعه طلعت المنشفه من الماي وعصرتها ...
وحطيتها على يبهته ....
ورفعت يدي صوب أزرار كندورته الباقيه ويلست أفتحهن واحد واحد ...
لو يفج كندورته يكون أحسن ...بس صعبه ...
بس لزم يفجها لآن شكله متضايق منها ....
تقربت منه وصرت أضربه على ويهه بشوي شوي أباه يقوم ..
فتح عيونه بصعوبه... قلت له بصوت هامس: محمد فج كندورتك ...
عقد جواجبه .. وبنزعاج يلس وبطل كندورته ..
خذيت نفس وأنا أحس بالحمرار يصعد لويهي ...
بطلها وسيده رفع اللحاف وطاح متلحف ...
مسكت المنشفه الي طاحت من يبهته ...وبللتها بالماي ..
وتجدمت صوبه برفع اللحاف عنه شوي ...
بس وقفت حركتي يوم شفته فاتح عيونه بتعب ويطالعني ....
إبتسمت بحنان ...
فديته شكله بريئ وهو تعبان ... و و جمييل ..
رفعت يديه وبتردد مسحت على شعره بشوي شوي ...
غمض عيونه ... رفعت يدي عن شعره ...
بس هو رفع يده بسرعه ومسكها وقربها لخده وحطها عليه ...
تسارعت دقات قلبي وصغرت عيوني متوتره ....
تمت يدي على خده لفتره من الزمن ...
لين حسيت يدي خذت حرارة خده العاليه ..
حاولت أبعد يدي عنه وقدرت ...
حطيت المنشفه على يبهته وصرت كل خمس دقايق أبللها بالماي وأحطها على رقبته ويبهته...
ركبت فوق الشبريه..
وأنا أنتظر الجهاز مال الحراره يعطني النغمه ..
أطالعت الجهاز بعد مارن بعدها الحراره مرتفعه بس وصلت ل39 يعني شوي خفت ...
تقدمت منه لآن أنجلب على يده اليمين مماخلني فوق شبريته ..
مديت ريولي فوق الشبريه أريحهن وتثاوبت ..
تعبانه وودي أنام بس ما اقدر أخليه جييه ...
فتحت عيوني بشوي شوي ...
إبتسمت لطيف ويهه إلي مجابل ويهي وعيونه إلي أطالعني ...
أنا في حلم ولا علم ..
أرتخت أجفاني بكمل نومي ...
بس وقف قلبي وأنا أتذكر أنا وين وأني أصلا مارديت غرفتي أمس واني أنسدحت بلآ وعي وقلت برقد ثواني وبقوم ...
رديت فتحت عيوني شوي وأطالعته من تحت أهدابي ...
ورديت أغمضهن بقوة .. ياربي لالا بعد يالس يطالعني يارب مايكتشف اني واعيه ...
حسيت به يتحرك ... وألتفت يديه لتحت خصري والثانيه لفوقه ..
وضمني له بقووة ... أرتجفت أوصالي وغمضت عيوني أكثر ...
وبعدها بفتره خاز عني ...
بس بعده كان محاوط خصري ..
ماقدرت أمسك أنفاسي الي تسارعت وأرتاجف جسمي إلي بعده ماخاز ...
حسيت أنفاسه تقترب مني ..
حتى صارت قرب شفايفي ...
الافكار تصاعدت لراسي ,لا يمكن يسويها!!...
أرتفعت يدايه تلقائياً وحطيتهن على صدره أدفعه عني ...
فتحت عيوني وهو قام من الشبريه ودخل الحمام , رفعت يدي وحطيتها على قلبي أتنفس ...
ياربي ... حسيت بالدم يتصاعد لويهي ...
وأنا أتذكر شو كان راح يسوي ...
قمت من على الشبريه وأنا اسمع صوت دش الماي ...
وبسرعه ركضت صوب الباب أبا أطلع قبل مايخلص سبوح ...
فتحت باب صالته وأنا التفت يمين ويسار ..
وأدعي ربي أن مايكون حد واعي, ويوم ماشفت حد بالممر ....
ركضت لغرفتي بأسرع مايمكن ووصلتها وفتحت الباب وسكرته بسرعه وتساندت على الباب أخذ نفس ... يتني موجة ضحك ..
ياربي أول مره أركض جييه وكأني مسويه جريمه ...
حطيت يدي على فمي أكتم ضحكني ...
خف ضحكي واناأحس بالحمرار يتصاعد لويهي ..
ودي انط واصرخ وأضحك بصوت عالي ... ياربي أحس بالراحه ... راحه جمييله .. مريحه .. ممزوجه بسعاده ماتنوصف ... أن محمد ريلي ...
عضيت لساني على فكرت أنه ريلي وتقربت من شبريتي وطحت عليها على طول وبعدها دفنت ويهي في المخده ...
دقايق واسمع صوت منبهه تلفوني ... أممم ؟؟ شكلها الساعه 5 ونص يالله بقوم أصلي وبعدها برد أرقد ...
طول اليوم والابتسامه في ويهي وفيني حفوز ...
حتى أن الكل أستغرب حالي الغريب حتى علياء قالت لي: شو فيج اليوم مشططه ...( متحفزه) .. ويوم أشوفه ويهي يتلون قوس قزح من المستحى ,أرتبك , وأحاول أني ما أطالعه ...
على العصر رحت المطبخ أسوي كيكه مع علياء ...
وخبصنا الدنيا ... علياء تبا فوق الكيكه كريمة كاكاو وأنا أبا بيضه لآن الكيكه بيضا ..
بس علياء مصره ..شوي وبتكفخني ...
وأخر شي رضخت لعلياء لآنها عادي تسوي فيه جريمه ....
ها البنت مزاجيه وعصبيه وتمشي شورها علينا غصب ...
ضحكت على الكريمه إلي صارت تملىء المطبخ من تخبيص علياء ..
وصارت تضربها بالخلاط بقوة ...
وطاااخ وأطيييح تحت وتخيس الآرضيه ...
قبضت بطني على شكل علياء وهي خايسه بالكريمه من راسها لريولها ...
وعلياء بدورها معصبه وتلعنها ...
مشيت بحذر عن الكريمه لآن ودي اروح أيب الكريمه الي في الثلاجه علشان نسوي ثانيه... وماحسيت بعمري الآ وانا زالقه على الكريمه إلي كانت على الارض ...
غمضت عيوني وأنا متاكده أني خلاص ميته ميته ...
جسم مسكني من ورا ....
مسكني بقوة من خصري وضمني عن أطيح ...
أرخيت رآسي على صدره ودقات قلبي تصم ذنيه والخوف مالي قلبي ...
خذيت كم نفس اطمن نفسي ...
ورفعت عيوني وراسي صوب إلي ضامني من وراء ...
تلون ويهي ونزلت رآسي بسرعه ..وهو خلاني بعد ماثبتني على الآرض ...
أستحيت من نظرات علياء لي ولمحمد إلي كانت ببتسامه خبيثه ..
أستعدت توازني .. ووقفت متصلبه وأنا أسمعه يقول بحده : علياء يبي دلة القهوه ...
بخربطه تجدمت وقلت وأنا صاده عنه بروح ايب الدله : انا بيبها ..
بس وقفني وهو يقول: انا قلت علياء ... بسرعه علياء ...
صغرت عيوني وأنا أعض شفايفي بفشيله ...
أنزين شو فيها لو يبتها أنا ؟! ليش يفشلني جيييه ..
أعتفست من تصرف محمد .. ماحبيت ها الموقف ... وجدام علياء بعععد ...
وكملت يومي بمزاج معكر على ألاخر .. ياربي مب قادره أعدل مزاجي بعد ماخربه محمد لي ....
السبت ..
نشيت من الفير وصليت وبعدها تلبست لآن عليه دوام , وروحت يا الدريول ....
أول ماوصلت المستشفى ....
سرت ابدل ملابسي في الغرفه واتريا أسوم لين توصل ....
أرعبني منظرها وهي داخله بكل بؤس ...
وعيونها تحتهن هالات ...
ورأسها على طرف ..
وشفايفها نازله على تحت ..
تقربت منها بسرعه وقلت: أسوم شوو فيييج بسم الله عليج؟
.. بوزت وحركة اهدابها بتعب ...
وبعدها تنفست بعمق ..وقالت: لاتسألين عن حالي .. حالي ماهو بخير ..
وبعدها حطت يديها على قلبها ...
وصارت ادق عليه بشوي وكملت: قلبي يوجعني .. آآه ياقلبي ..
خفت .. أسوم الفرفوشه أبدا مب جييه , اكيد شيء فيها ..
تقربت منها أكثر وانا اقولها: سلامت قلبج أسوم خوفتيني شو فيج ...
بوزت أكثر وحركة رأسها لورا وهي تغمض عيونها وكأنها تبا تصيح ...وقالت بصوت حزين : ماااتت ...
أرتعبت لكلمت الموت وأنقبض قلبي وقلت بسرعه : منوه مااااااات ؟؟؟
عيونها حمرن وهي تقول: جيونا ...
عقدت حواجبي أفكر .. ب ها الاسم .. جيونا ؟؟
وبعدها قلت: من هاي؟؟
مسحت عيونها المدمعه وهي تقول: لو تشوفين هان كانغ وهو يشوفهم يلحفونها يوم ماتت كيف شكله ودموعه تنزل ونظرة الحزن الي كانت مرتسمه على ويهه ... أأخ بغيييييييييت أموت والله امس طول الليل اصيييح واعيد اللقطات ...بموووت ما اقدر..
.... فتحت فمي ببلاها ...
هذي خوفتني ووقفت قلبي والحين تي تقول أعيد اللقطات ..
أخر شي يطلع المسلسل ...
رفعت يدي وضربتها على ظهرها وبقهر قلت : مايرزا علينا ها المسلسل وقفتي قلوبنا علشانه ... اطالعتني أسوم بنفس نظرت الحزن وهي تقول : انتي ماتحسين ...
والله أنا قلبي يعورني ... حاولت أجاريها أوني متاثره وبداخلي بضحك على شكلها ...
أسوم ..
يوزت بقهر لنوره أدري فخاطرها تضحك عليه , بس أنا بسرعه أتأثر ...
حطيت يدي على قلبي أخفف من الحزن إلي فيه , طول اليوم وأنا سرحانه .. أفكر ...في البريك نوره قاطعت أفكاري وقالت :أسوم أبتسمي بسج من التبويز ..
طلعت إبتسامه بالغصب على شفايفي ..
وبعدها رحت أتمشى بروحي ونوره راحت لشفتها ..
ماصدقت عيوني وأنا اشوف ذياب !! كان يتمشى أمبين الغرف ويطالع فيهن ...
خطيت بخطوات هاديه لين وصلت له ..
ومسكته من ورا وحاولت اشله ...
وهو يلس يحرك أريوله ويصرخ فنزلته بسرعه وأنا أضحك ...
يوم شافني تغيرت ملامحه من الغضب للهدوء وهو يأشر عليه : انتي!!
هزيت رأسي بهيه ..
وتقربت منه وحبيته على خده ...
أبتعد عني وهو يمسح خده ويقول : وعععع لاتحبيني ...
حطيت يدي على خصري وقلت: ياسلام ليــ ...
سكت وأنا اشوف واحد واقف قريب منا ... كان منصور ...
أطالع ذياب صوبه وراح يربع له ..
إبتسم منصور لذياب وقال: وين روحت أمك تدورك سير صوبها ...
أطالعني ذياب وحرك حواجبه : هاي .. وأشر عليه وكمل : تغازلني ...
حطيت يدي على فمي ياقوة عينه اونه أغازله .. فضحنننني ...
زادت أبتسامة منصور وهو يطالعني ... وقال: أم ماتستحي ثرها ..
ضحك ذياب: هيه والله ...
حط منصور يده على ظهر ذياب ولفه وهو يأشر على حرمه كانت واقفه شوي بعيد عنا وقال: يالله روح الحين بتروحون ...
بوز ذياب وقال : شموه تصيح ولا.. لآن بعد ماعطوها الابره تمت تصييح ووايد فانا خفت وروحت...
منصور بحنيه : لا خلاص هي ماتصيح الحين لآن عطوها مصاص فسكتت , روح عند أمك بتعطيك حلاوه ومصاص ...
تحرك ذياب وربع صوب أمه ..
التفت لي منصور مكشر ..
رمشت بعيوني وأنا أقول : شو صلة القرابه امبينكم ؟؟؟
رفع منصور حواجبه وقال: ليش ؟؟
فتحت عيوني واطالعته بفشيله وبعدها قلت بقهر : ماشي سلامك لاتقول محد غصبك ..
يلس أونه يفكر وهو يطالعني ..
. حسيت ويهي أشتعل نار لنظراته وبعدها قال: ولد أختي ...
هزيت رآسي " أها" ...
وبعدها تكلمت بغباء : هييه انته بعد ولد خالة فطوم حرمة خالي هيج المره ...
وسكت ...
وأختبص ويهي لكل الالوان ...
أن شو يالسه أخبص ...
ليش أذكره وأذكر عمري بأفضع المواقف الي مرت عليه ...
إبتسمت لين ضحكت ..
وبعدها لفيت وكأني مب مسويه شي ومشيييت ...
ولفيت على أول لفه جدامي وقبضت رأسي ..
يعني بلا ها الغباء ...

غباااااائي ماله حدود ... انا شو سالفتي بالضبط ...
نسيت عمري وانا أشوف الكوري خاطف ياربي محلااااه هذا الي يبرد القلب ولا بلاااش ..
بعد المغرب يلست ويا أبوي الي توه راد من السفر وأمي وشموه ...
أبويه يكلم أمي بالألغاز ..
عاد أنا أوني أطالع التلفزيون بس أذوني وياهم ...
أمي : هييه حمد يعرفه قال
أبويه : زين عيل, والله ماندري بس لزم نشاور البنت ..
أمي بعصبيه : هذاك مابغته وفشلتنا في العرب ..
والحين تبا تفشلنا بنسايب أخويه ...
دام الريال زين مالها حق ترفضه ...
حركة رآسي ..
ماعليه اتحروني بوافق وعلى رمست أمي والله برفض ...
تحلموا بس انتوا ...
اطالعت صوب أمي وقلت: هب موافقه ..
اطالعتني أمي بقهر : شو أنتي عكفيج .. أسكتي مب ناقص الا نشاور البنات الحين ...
يا سالم لاتخلي البنت تركب راسك وتمشي شورها علينا ..
قمت من مكاني وتقربت من ابويه: أبويه تغصب بنتك ..مب حرام ها الشي ..
مسح أبويه على شعري وقال: صلي أستخاره ...
إبتسمت : أن شاء الله أبويه بصلي ...
مرن يومين ... امممم بصراحه ماصليت أستخاره ...
ما ابا اصلا وبرفض ...
سرت صوب أبويه وخبرته برفضي ...
أني ما أرتحت وقلبي منقبض مثل كل مره ... وأبويه ماقال شي ..
بس حمد عصب ..
ومسكني من رقبتي وهو يقول: قبل ربيعي وفضختيني فيه والحين هذا بتفضحيني فيييه بعد ...
حاولت أخوز يديه عني وانا أصرخ : قوم عني يالخايس بخبر أبويه عليك ...
خلاني وقال: طفح الكيل منج .. أبا أعرف شو سالفتج ...
سار حمد صوب غرفته وسكرها بقوة ....
قبضت رقبتي من الالم .
. الله يخسه عورلي إياها ..
حركة راسي أعيب وأنا أقول بنفس صوته: طفح الكيل ... أي كيل أنته وويهك..
نوره..
اليوم عليه شفت ليلي في الطواري...
وبعدها الساعه عشر وأنا بخلص وحده ...
انقبض قلبي وأنا أشوف وحده وكأني اعرفها .. هذي مها ...
مها الي كانت ويايه في الثانويه ...
إلي خضت معاها تجربه من أفضع ماتكون ...
كان بطنها منتفخ ... كأنها حامل ...
ومعاها زوجها .. واحد شيبه ..
علامات الكبر واضحه عليه يمكن أعطيه في السبعين...
ياسبحان الله أخر شيء أستوى فيها جذيه خذت شايب ...
كان الالم في ويها ..
مسكت ملفها ... هي حاليا في الشهر التاسع ...
ومثل ماقالت للممرضه الحين أنها تحس بالم في البطن وأن ماء الجنين نزل عليها ...
مسكتها مع الممرضه ورحنا لوحده من الغرف
حطيت لها حزام التخطيط ...
أول شي ماظهر شي ..
بعدين طلع خط طويل يطلع ان وقت الولاده قرب ...
أسرعت الممرضه إلي ويايه لبرع تنادي الدكتوره ..
اطالعتني مها بعيونها التعبانه وبعدين قالت بصوت خفيف: تذكريني بوحده ..
سكت عنها لآني ما اباها تعرفني ...
ويت الدكتور وقاست لها كم سانتي فاتح معاها ... وراحوا لغرفة العمليات ...
مشيت العرق إلي كان على جبيني ... مها ذكرتني بوايد أشياء , أيام الطفوله ...
بس أنزعجت من شوفتها اليوم .. وحسيت بخنقه ...
مرن الساعات بسرعه , أطالعت ساعتي ...
كانت قريب الوحده والحين الدريول بيي وبشلني ...
اليوم محمد مادري عنه وماودي أرد وياه أصلا من هذاك اليوم ...
وأنا أحسه جاف صوبي مادري شو فيه مايكلمني مايحسسني أني حرمته...
وكأنه مايباني ومغصوب عليه ..
الله يسسامحه ..نزلت دمعه من عيني ومسحتها بسرعه ما ابا اصيييح ..
أبا أنسى محمد ومها وكل شيء ...
تحركة في ها الليل الموحش وركبت السياره وانطلقت مع الدريول ها المره كنت بروحي معاه ..
خفت لآخر درجه ..
البشكاره نايمه وانا أتصلت له ايني بدون محد يدري , صح خبرت خالي ...
بس خالي مايدري أني بتأخر ها الكثر ..
سندت رآسي على الدريشه وانا أقرأ آية الكرسي وبعض من الاذكار والسور القصيره ..
وأستغفر ربي ..
وأنا سرحانه بأفكاري ...
فزيت لصوت عالي ياي من جانبي ...
خفت وانا اقول: سلمان شو فيه ؟؟؟
حرك الدريول رآسه وهي يقول : مافي أدري ..
وصارت السياره تروح تحت وفوق وبصوره سريعه وتسوي صوت..
قلبي أنقبض وأنا خايفه الا ميته خوف ياربي شو أستوى ...
صرخ الدريول : هذا في تاير خربان ممكن ...
وسار على ينب الطريج ويالله وقفت السياره بصعوبه ...
نزل من السياره وبعد دقيقه رد وهو يتحرطم: تاير في بنجر الحين نحنا شنو يسوي؟
لزم في بدل!! ...
أترجفت بعنف ياربي شو ها المصيبه الحين أنا في ها الوقت مع الدريول والسياره مبنجره ...
شو بسوي ؟؟
صرت أعرق وأنشف بخوف وانا اشوف الدريول يطلع التاير الاحتياطي من ورا ...
مرت دقايق واسمع صوت سياره وقفت عدالنا...
أطالعتها من دريشتي المنزله ...
كانوا مجموعة شباب .. يلسوا يسولفون مع الدريول ويتخبرونه ...
وبعدها شفتهم يلتفتون صوبي وهم ينزلون من السياره ...
حسيت برعب ... وتغشيت بالغشوه بسرعه...
تقرب واحد منهم مني وقال: السلام عليج يا الشيخه ..
رديت عليه وأنا أبلع ريجي : وعليكم السلام ...
قالي بصوته الضحوكي : ياالشيخه تبينا نوصلج ...
أطالعت صوبه منصدمه وهزيت رأسي بلا وبعدها قلت بصوت يرتجف: ما أبا مشكور ماتقصر ... شوي واسمع صوت باب السياره إلي في جهتي ينفتح ..
نقزت للطرف الثاني بخوف ...
وأنا اشوفه بيدخل السياره ...
صرخت عليه : ياقليل الادب شو تبا ليش داخل ...
ضحك وقال: لاتخافين ماباكلج ...
بسرعه فتحت باب الطرف الثاني وطلعت برع ..
ضميت يدي لصدري خافيه مرتعبه ...
بمووت ... ياربي أرحمني ...
نجني من هذيله إلي مايخافونك ...
تحركة لورا ...
ودموعي تملىء وجهي ...
رحتي يانوره ... خلاااص ...
مشيت مبتعده عنهم ...
وهم يطالعوني بنظراتهم إلي تخوف..
وأحس هذاك الي دخل عليه السياره يتجدم صوبي ...
رفعت صبوعي لضروسي أعضهن من الخوف ...
غمضت عيوني لضوء سياره ...
وقفت السياره قريب مني .. ونزل صاحبها .... شهقت شهقه قويه وأنا اشوفه ...

نهاية البارت الخامس والعشرون