كاتب الموضوع :
♫ معزوفة حنين ♫
المنتدى :
القصص المكتمله
الجزء السادس عشر
اشكو الى الله الكروب وادمعي حرا سكوب
والوذ بالصبر الجميل وحكمة الدهر الدئوب
واسلم الصعب الجموح الى معالجة الغيوب
ثقة وايمانا بمن رحماته تحي القلوب
أول ما وصلوا عندي حسيت خلاص ريولي ما تقدر تشليني وودي اطيح...ما حسيت الا حميد يتجدم مني
ويطبع بوسة بين عيوني بعدها علت اصوات التبريكات وأنا احس عمري ضايعة بينهم
شوي والا وقف حميد عندي وانا بعدي ما شفت شكله زين
أول ما رفعت راسي شفت جدامي عمي سالم يتجدم يبغي يبارك لي
همس في أذني بعد ما باسني :الف مبروك يا عليا ...
ابتسمت له بس ما وحالي الا واشوف جدامي عمي ابو مروان يتجدم ويسلم علي
وبعده بو حميد الي باسني على راسي وهو يوصي حميد علي (كانه حلم أول ما تفتحين عينج على شخص تردين تغمضينهم وتفتحينهم تشوفين شخص ثاني يعني ما تعرفين سلمتي على منو ومنو بعده ما سلم عليج )
بعدها وصلت لانسان ما كان ودي اسلم عليه لاني ما أعرف شو بيكون رده فعلي شفت ابوية يتجدم صوبي ويبوس راسي ويلوي عليه ما عارضت رغبتي في الصياح لاني بديت اصيح في حظنه بهدوء ولو اني حسيت انهم حسوا اني صحت
ناصر:بس يا عليا ...بتخربين كشختج ...وبعدين انا كل يوم بنط عندكم خخخخخخخخ لا تحاتين
ابتسمت لتعليق ابوية وبعدها يت عندي لميا تعدل شوي من المكياج الي نزل
لين الحين ما حسيت بوجود الانسان الي عندي ولا حتى سمعت صوته .. بس ما حسيت الا بايد دافية تمسك ايدي عشان الصورة الي بنتصورها كلنا ...
بعد لحظات حسيت المكان بدى يفضى بالتدريج وابوية وعمامي بدوا ينسحبون بهدوء وحسيت بحرارة صوب اذني
اكتشفت بعد لحظات أنه حميد يهمس لي باذني: مبوووووووووووووك
قلت بصوت اقرب للهمس بعد ما صديت صوبه :الله يبــارك فيــ.........
بس قطع علي كلامي .... نظرات حميد الي ما عرفت افسرها بلعت ريجي ولا كملت جملتي وصديت جدام وأنا حاسة اني من كثر الخوف من هالانسان الي عندي قمت اتنافض
يلست اطالع الناس ولفتت نظري انسانة يالسة على الطاولة الي قريبة من الكوشة وهالانسانة اول مرة اشوفها بس فعيونها قهر غريب ما فهمته ...وخاصة نظراتها لي الغاضبة
بس انتبهت أنها لابسة فستان ليش هب لابسة عباة والمعرس دخل .....ما أظن أنها هب مواطنة لأن ملامحها تدل على انها مواطنة
صديت الصوب الثاني وأنا احاول اتفادى نظرات هالحرمة
شوي شوي تجدموا العيايز يسلمون علينا وحسيت قلبي عورني على أم حميد الي تمت لاوية على حميد وتدموعها تذرف من الفرحة ..............اخر شي سمعتها تقوله له ...خل بالك من عليا والي كان رد حميد عليها ابتسامه اكثر من باردة
ما حسيت بالوقت لاني أحس الانسان الي عندي اكثر من بارد وخاصة الي لازم يكون نقيض البرود خاصة في هالليلة وفي هالمكان
شوي قام حميد وهو يطالعني ويقول: يلا راحينا
عقدت حياتي من هالبرود الي في هالانسان ....ما اعرف حسيت كل شي اختفى في لحظة من حولي وما تم جدامي الا عيون حميد
الي حسيت البريق يلمع فيها لمع غير طبيعي
بس لثواني بس ورديت للواقع على صوت حميد:هههههههه هب ناوية تقومين ..
وقالي بنبرة حسيت ويهي احمر منها:ولا عايبتنج عيوني
قمت بشوي شوي بعد ما يت لميا تساعدني على القومة
شفت ويه لميا مبتسم
وكأنها مبتسمة على عيوني الي احسها تنبع خووووووووووووف من كثره
حسيت بايد حميد دافية تحضن ايدي وهو يساعدني على المشي لين اخر القاعة
.................................................. ....
يلست على الشبرية بعد ما حسيت أن باب الغرفة تسكر علينا انا وحميدا لي يالس على الكرسي الي جدامي
شفت حميد نظراته مضطربة وأطالعني بنظرة ما عرفت افسرها
فجأة شفته يفصخ الغترة والعقال بعصبية وتوتر وهو يفرهم على الكرسي الي يالس عليه
حميد:اوووووووووووووف ...هب جنه حر
شفته يقوم من مكانه وهو يفتح عقم كندورته وكأنه انسان بيختنق ويبغي يتنفس
توجه للدريشة وفتحها وتم يطالع برع
ما أعرف شو حسيت لحظتها ...حسيت بخوف غريب من هالانسان ...ما اعرف كل شي حزين تذكرته الحين
تذكرت وايد اشياء خلاص صرت معرسة ....خلاص ما بشوف ابوية مثل قبل ....خلاص راحت ايام الدلع
تذكرت امي لحظتها وتذكرت وايد اشياء حتى اني تذكرت دكتوري الي كان دايما يهزبني في الجامعة
تجدم حميد مني وهو حاط ايده ورا ظهره
وشل الكرسي الي كان يالس عليه .................وحطاه جدامي على طول ويلس عليه
رفع راسه يطالع فوق وهو يحك أخر راسه وطالعني بنظرة الصراحة حسيته غبي منها:شـــــحـــــالج عليا
ما اعرف شو استوالي بس لمحت لمعة في عين حميد كانت لمعة البريق الي دايما اشوفها
طالعته بنظرات خوف وفجأه أنفجرت بالصيااااااااااااااااح وأنا احظن ويهي بكفوفي
حسيت حميد فج عينه وثمه وهو يطالعني مصدوووووووووووووووووووووم
حتى ما قدر يتكلم من كثر الصدمة الي كان فيها
بلع ريجه بخوف وهو يجدم ايده لجتفي بحذر ويضرب على جتفي بخفة (يطبطب للي ما فهمها ههه ):شفيج عليا
:شي يعورج ....حد قالج شي ....أنا ضايجتج
هزيت راسي بمعنى :لااااااااااااااااااااااااء
شفته يرفع حواجبه :عيل ليش تصيحين
ساعتها تميت اصيح بصوت عالي :ابغي ابوية
حميد وعلى ويه علامة تعجب
:هــــــا
ساعتها حسيت بشعور غريب داخلي ليتني ما عرست ...يعني شو بيستوي اذا ما عرست كنت ما انحطيت في هالموقف ...كنت بيت ابوية مرتاحة شو الي خلاني أعرس
يا ربي أرحمني من هالخوف ومن هالشعور
شفت حميد يقوم من مكانه
بس ما شفت شي غير هذا لاني كنت يالسة اصيح وهب منتبه
فجأة تذكرت ..........أنا ليش أصيح شو السالفة
رفعت راسي بشوي شوي وانا ادور بعيوني حميد
شفته واقف عند الدريشة وهو يتامل برع ...
حسيت ان حميد بيكرهني على دلعي هالليلة
بحركة لا ارادية مني وأنا احرك ريلي ضربت الكرسي وطلع صوت من الرخام
صد حميد من هالصوت علي وهو يطالعني
اول ما تلاقت عيني بعينه ابتسم لي بحنان
وقالي بنبرة هادية:هديتي
تميت اطالعه وانا متلومة في حد ما يبغي يعيش مع هالانسان ...عطوني سبب أني ما أحبه
شفته يتجدم مني ويلس على الشبرية وهو يبتسم
طالعته وقلت:حميد انـــا آسفة
بس ما وحالي أمل الا وحميد يحط طرف اصابعه على شفايفي
حميد: ما ألومج ...كل وحدة أظن يصير لها هالشي يوم عرسها
رفعت واحد من حياتي باستغراب مخلوط بشوية غيرة :وأنت شعرفك
فاجأتني ضحكة حميد الي هزت المكان :ههههههههههههههههههههههههههههههههه
لحظتها استوعبت الي قلته .وحسيت ويهي احمر
حميد وهو يبتسم:لاء والله .........من الحين تغارين وتحاسبيني على الي اقوله ...الله يعيني بس
ابتسمت بهدوء وانا انزل راسي
قام حميد وياب لي كلينكس وهو يبتسم
استغربت منه وخاصة انه جرب الكلينكس من ويهي ومن عيوني بالتحديد
حميد:أحس الصراحة لو ظلت عيونج جيه ما أظن طول الليل بيلي رقاد من الخوف ههههههه
ابتسمت من تعليق حميد الي كان يبغي فيه يغير الجو أكثر من انه يتمصخر علي
ابتسمت له بس نقزت على صوته
حميد:أوووووووووووه أخيرا ما بغيتي يا بنت الحلال تبتسمين
ضحكت على حميد الي حسيت اني اكتشفت فيه اشياء ما كنت اعرفه
صح سبااااااااااااال ههههههه ويعطي في الويه............... بس طيب وحنون ومرح بس يوم ينقلب الله لا يراويكم
هذا الي كنت مكتشفته لين لحظتها
غمضت عيني للحظة احاول اطرد كل هالافكار واعيش مع حميد بفكري بعد
فتحت عيني وانا اتنهد شفت حميد يطالعني بعيون يمكن لمحت فيها نظرة اعجاب
بس عكر علينا هالحظة رنة المبايل لا ردج الله ههههههههههههههههههههه
قام حميد وتوجه للتلفون والي زاد استغرابي كيف توتر من مجرد ما شاف الرقم وفر المبايل على الشبرية وهو صار خليط من توتر وعصبية وغموض
حميد وهو يشل فوطته من الشنطة :أنا رايح اتسبح ...تلبسي انتي و خلصي امورج
عقدت حياته وانا الاحظ انه ما قدر يجمع جملته
قال وهو معصب:قصدي سوي اي شي ... المهم ما بتاخر أنا
راح الحمام والي زاد استغرابي صوت الباب الي احسه بغا ينجلع من قوة المبايل
قمت ورحت الغرفة الثانية الي في السويت الي حاجزتنه حميد بنفس الفندق الي عرسنا فيه
تميت امش المكياج وافتح التسريحة الي حسيت ايدي انكسرت وانا احاول افججها
رحت ويبت شنطتي الصغيرة الي حاطيلي اياها ليوم واحد
وشليت القميص النوم الي احسه شوي مستور
كان طويل وبيج هب ظاهر مني الا الايد ...أدري بتستغربون مني وبتقولون شو هالعروس بس الصراحة استحي اول يوم البس الي اشتريتهم يوم رحت ويا أم حصة
ابتسمت على طاري حصة :فديت قلبها ان شاء الله ربي يحفظها ويرزقها بالريل الصالح
شليت القميص الاشبه بالفستان والي ريحة بخوره دوختني ويا اغراضي الي محتاجتنها والفودة
وتوجهت للحمام
طلعت بعد ما تاكدت أن شكلي حلو وخاصة أني حطيت شوية جلوز وجحال خفيف
طلعت وأنا انشف شعري
رحت صوب
غرفتنا وانا امشي بترد وخوف فضيح صايبني
حتى حسيت ان من كثر مستحياي بطيح في مكاني ...وقفت عند الباب وانا اشوف حميد يالس على الشبرية وهو لابس وزار وفانيله ويكتب في مبايله الظاهر انه يطرش مسج
تجدمت وأنا أحاول اتجاهل حميد عشان لا انحرج.... حسيت اول ما دخلت رفع راسه يطالعني وحط المبايل على الطاولة الي عند الشبرية
رحت صوب المنظرة وحطيت عليه علبه الطقم ...........ورحت صوبه وخاصة أني حاسة ان فيني شي غلط وانا اشوف نظراته كلها علي
يلست على الشبرية وتلحفت باللحاف عدل وانا يالسة
صديت صوب حميد الي اول ما صديت انفجر بالضحك:هههههههههههههههه ما توقعت تستحين هالقد
استغربت منه وكأن الوضع عنده عادي
فجاة بلع ريجه حميد وهو يقولي :عليا أنا اسف
قلت له بصوت هادي واقرب للهمس:على شووووووو
حميد:على كل شي ...على العرس الي صار بسرعة وما تجهزتي عدل ...على اني ما باخذج شهر عسل بس انتي تدرين بظروفي وانا أوعدج السنة الياية ال 45 يوم كلها لعيونج بس امري وتدللي والسنة ما باقي عليها غير ثلاث شهور
عليا:بس انت كنت تقدر تطلع
حميد:ليت والله ...لكن ما احب حد يرمس عليه ويقولون امسات ظاهر اجازة واليوم بعد
حسيت اني بديت اكلم حميد عادي حتى بدون مستحى كانه بعده مديري في الشركة لا اكثر ولا اقل
عليا: وكم يوم اجازتك
قال حميد وهو يحج طرف راسه ويبتسم كانه توهق:أسبوووووووع
عليا:فجيت عيوني وانا أقووووووول :أسبووووووووووووووووووووووع
حسيت حميد تلوم وتجدم مني بحركة سريعة وطبع بوسة هادية على خدي وهو يقول :قتلج اوعدج اني اعوضها لج ....خلاص وعدتج أنا
حسيت قفط ويهي من حركته الي مول ما توقعتها ....وخاصة أن حميد كل شوي يتقرب مني
.................................................. ...........................................
انجلبت الطرف الثاني وأنا منزعجة من صوت المبايل الي يرن فتحت عيني شوي شوي وانا أحاول اتذكر الي صار
أول ما فتحت عيني شفت حميد راقد على بطنه وهب حاسس بشي قمت شوي شوي
عشان لا ازعجه وتوجهت لمبايله الي ازعجني وخرب علي رقادي
شليت المبايل وطالعته........... كان ظاهر عندي رقم
حطيت المبايل على السايلنت ورحت عشان اتسبح واتجهز طبعا في الحمام الثاني
شليت اغراضي وجلابية مغربية بنفسجية و علبة المكياج وتوجهت للغرفة الثانية
تسبحت وتلبست ويلست احط مكياج خفيف يليق علي
أول ما خلصت سمعت أصوات وأشياء تتحرك الظاهر أن حميد قام وهاي حشرته في الغرفة الثانية
أول ما سمعت صوت باب الحمام يتسكر تاكدت ان حميد نش
قمت بسرعة من مكاني و رحت غرفتنا وحطيت ثيابي بعد ما حطيت عطري المفضل ديور
ورحت اعدل الفراش
ما لحق حميد الا وطلع الصراحة الحين تاكدت ليش يقولون الرياييل ما يطولون لين ما يخلصون سباحة
طلع وهو لابس كندورة بنية وينشف شعره بالفوطة
اول ما طلع طالعني وهو يبتسم :ما شاء الله خلصتي
اكتفيت بابتسامة
قرب مني حميد وطبع بوسة على راسي :صباحية مباركة ههههههههههه ...اقولج شي وما تزعلين هب لايق عليج دور المستحية ...مب متعود....... متعود على عليا الي أول ما أظهر ما تخلي سبة ما تسبني
ابتسمت بمستحى وانا احس ويهي قفط من تعليقه ...يعني كان يعرف اني اسبه
يا ربي كل شي في هالانسان يذبح ...عيونه غمازاته حتى شعره لو مب طويل بس رووووووعة
تجدم مني وهو مستغرب هدوئي
يا ربي هذا شو ما يستحي عنبو تونا ما كملنا يوم كامل مع بعض وماخذ علي وايد شكله
حميد :ممكن تسكيرلي العقم
بلعت ريجي وانا أطالعه :ان شاء الله
تجدمت أنا عشان اعقمه
لاحظت حميد لوا على جتفي وانا احس عمري خلاص بذوب بين ايده واحس انه لاحظ هالشي خاصة وان صوتي شبه مبحوح واصوات نفسي تعلى شوي شوي
حميد:ترا البنفسج خباااااااال عليج ...بس انا وصلاوي ما أبغيج تلبسيلي بنفسج
عليا:هههههه
ابتسمت على تعليق حميد
حميد:يا رب دووووووووم هالضحكة
رديت لحالة الهدوء والمستحى من قال هالجملة
بعد ما سكرت عقم كندورته فلت عمري من ايده
وشفته يروح صوب المنظرة يلبس ساعته وهو يقول:يلا انا بروح اصب بترول في السيارة البسي عباتج عشان نروح بيت قوم امي تراج معزمة عندهم اليوم
من اولها عزايم يعني ما بطلعني
صد علي حميد وهو يحط العقال على راسه :لأنا اليوم بنروح الفجيرة وبنرد بعد اربع تيام
عويت بوزي لاني تذكرت انه بيداوم بعد هالاسبوع
حميد:وييييييييييل حالي على البوز المعواي انا
ابتسمت له
شل حميد سويجه وتجدم صوبي مط غزوزي بالخفيف:ثواني وراد لا تطولين
ابتسمت له وانا أشوفه يطلع من الغرفة ويسكر الباب وراه
.................................................. ..................................................
حسيت عمري غريبة معنهم اهلي بس احساس غريب ياني من ابتعد عني حميد ويلس الصوب الثاني حسيت عمري كان حد جلع قلبي من مكانه
ما اعرف ليش صرت أخاف من مشاعري صوب حميد الي في طريجها للحب الجنوني معنه الي كان بينا مجرد مواقف خلت الكره ينجلف حب
وخلتني أوافق عليه بدون تردد ............الصراحة اتمنى يكون اختياري لحميد صحيح لأني لو اكتشفت بعدين انا اختياري غلط ممكن يصير بي شي
صديت راسي وانا اشوف الباب ينفتح واول ما شفت كندورة
رفعت راسي اطالع ويه الانسان الي داخل وكان ابوية
الصراحة هب بس ابتسمت شقييييييييييييت الحلج بعد
قمت من مكاني وانا مبتسمة
شفت ابوية اول ما دخل قال بصوت عالي وهو يطالعني مبتسم :السلاااااااااااااااااااااااااام عليكم
ما حسيت بعمري .........ولا سويت حساب للموجودين........... واتجهت لابوية الي فتح حظنه وهو يبتسم
ناصر:فدييييييييييت هالويه انا ....تصدقين امس ما ياني رقاد وانتي هب في البيت ..هههههههه معندج مب يايبتلي الا المصايب لكن بعد
ضحكت على تعليق ابوية وانا امسح بطرف صبعي الدمعة الي نزلت
لوا ابوية على جتفي وسلم على الكل
وراح يلس على القنفة وهو لاوي علي
ناصر:ما شاء الله الكل موجودين ....ناقصنا بس بو مروان وينه ما بي
أم مروان :لاء ظاهر اليوم ويا ربعه ..
سالم:هخخخخخخخخخخخ شياب اخر زمن
ابتسمنا على تعليق عمي سالم يلست انقل نظراتي في الصالة
أول الصالة يالسة ام مروان وام حميد يسولفون وبعيد عندهم شوي يالسين الثنائي المرح مروان وشهاب بس هالمرة منى وياهم الظاهر محد عندها خخخخخخ
والطرف الثاني من الصالة يالسة نورة وسارة ويا عمي سالم وعندهم لميا
وشوي بعيد للمكان الي كل شوي نظرتي تخوني صوبه يالس حميد وعبيد والظاهر في موضوع مهم لأني لاحظت تعابير ويه عبيد معصبه شوي ومتشنجة
ما حسيت الا بابوية يصاصرني في اذني :علاية
صديت صوبه وأنا ابتسم :هلا
ناصر:مستانسة
نزلت راسي بشويه مستحى عنبو ما كملنا يوم وكل حد يسألني من صوب:الحمدالله
ناصر:ان شاء الله دوووووووم...ما أوصيج علاية أغدي حرمة ولا تفشليني
عليا:ههههههههه ان شاء الله أبوية
ناصر:اممممم ...كنت ابغي اقولج شي عليا ...أدري مب مفروض أقولج اياه الحين المفروض قبل لا تعرسين لكن تعرفين استحيت والحين يا الوقت المناسب لاني ابغي يكون عندج علم
عليا طالعت ابوية بخوف:خيييييييير
ناصر:لاء خير ان شاء الله ....بس عليا أنتي فيج عادة مب حلوة لما الواحد يعصب تراددينه ابغي هالعادة تتغير بعد العرس يعني وايد اشياء بتصير في حياتج يمكن تعصب حميد او يصير بينكم اي شي ...ما ابغيج تراددينه وهو معصب
رفعت واحد من حواجبي باستهزاء :ليش ان شاء الله منو هو
ناصر:هههههههههههههههههههه من الحين ...عليا أنتي بعدج صغيرة وما تعرفين هالسوالف والصراحة ببدأ أندم اني زوجتج وانتي صغيرة
عليا:هههههههه انزين خلاص ان شاء الله ما برد عليه تامر بشي ثاني بعد
ناصر:هيه ........عمرج لا تعايرينه بشي يعني...... والله بيت ابوية كنت عايشة بحرية ترا حميد ما عنده حرية زيادة عن اللزوم ...يعني انتي خلاص الحين حرمة يعني اعقلي شوي هب وقت ما تبين تظهرين ووقت ما تبين تردين .................. تراه ما يحب هالسوالف
عوزيت بوزي وانا الصراحة انصدم من الكلام الي ينقال لي............ كنت اسمع ان الزواج ارتباط ولوعة بس ما توقعته جيه
تنهدت :بس انت كان عادي عندك
ناصر:شفتي كييييييييييف ...لا تقارنين عليا قلتلج
عليا:خلاص ان شاء الله
ناصر:فديت بنتي الشاطرة أنا
.................................................. .................................................. ...............
ركبت السيارة وانا اشوفهم واقفين عند الباب كنهم يودعونا ما أعرف رايحين وين عاد...... الا الفجيرة
ثلاث ساعات بالكثير ونوصل
يلست اطالع حميد الي كان يقول كلماات لعبيد اقرب للنغزات ما فهمتها طنشت الموضوع وصديت على صوب المسجل ابغي افتحه
بس نقزني صوت مبايل حميد الي رن الصراحة وايد يرن مبايلة منو يتصل هالقد
شليت المبايل ابغي اشوف الرقم
بس أول ما شليته فتح حميد بابه وركب وانا على حالتي اطالعه والمبايل في ايدي
شفته بحركة سريعة سحب المبايل من ايدي وفراه في ثبانه بعصبية
شغل السيارة ونزل جامتي وهو يشاور لهم
حميد:يلا عيل فداعة الرحمن
الكل :مع السلامة
ناصر:هالله هالله في عليا
حميد:لا توصي في عيوني
ابتسمت لتعليقه الي وايد فرحني
أول ما طلعنا من جراج بيت عمي
سمعت حميد يرمس وهو يطالع الشارع وراص على السكان بعصبية :أول وآخر مرة تفتشين مبايلي مفهوم
عقدت حياتي مستغربة من الي جلبه مرة وحدة ومستغربة ليش معصب هالقد ليش شو فيه المبايل يخاف اني اشوفه
عليا:ليش
حميد :بـــــــــس بدون ليش
حسيت اني ضايعة جدام هالانسان بغيت ارد عليه لكن سكت لأن هاي وصية ابوية
صديت الصوب الثاني وطالعت الشارع ويلست اطالع الشارع طول الدرب
لين ما شفت حميد وقف عند شيشة البترول ونزل من السيارة
يلست اطالعه وهو يدخل الشيشة ويروح صوب ماكدونالز وشفته وقف في الدور
يلست اتصدد يمين ويسار بملل وانا اطمش على الناس
لفتت نظري سيارة مورانو سودة وقفت عندي شوي والا نزلت منها وحدة شكلها هب غريب علي
يلست اطالعها وهي تنزل من السيارة وتروح الشيشة شكلها هب غريب مشيتها هالمكياج هالستايل هب غريب
بس وييييييييييين شايفتنه وين وين يا ربي؟؟؟؟؟؟؟
نقزت مرة وحدة وأنا أصرخ صرخة خفيفة على صوت الباب الي انفتح فجأة
شفت حميد طالعني مستغرب بعدين ضحك:ههههه سرحانه فيني ولا شو
رفعت حياتي بتكبر:لاء هب فيك ...ما كنت منتبها.......... وانت فتحت الباب فجاة
ابتسم حميد وهو يركب السيارة ويصك الباب
وحطا جيس الاكل في ثباني
ليش ان شاء الله شو يتحراني كرسي
حميد:وهو يطلع السيارة من البارك: ظهريلي
الماك جيكن مالي يوعان ...هيه صح خذتلج لحم انتي ما تاكلين دياي صح
صديت الصوب الثاني :ما اشتهي أكل أنا
شفت حميد منشغل وهو يطلع السيارة من البارك ويتصدد يمين ويسار :امممممم ليش
عليا قلت بصوت فيه شويه استفزاز:بـــــــــــــس من دون ليش
شفت حميد يصد صوبي فجأة :زين أنا يوعان ظهرلي اكلي ما علي منج انا
رفعت حياتي وأنا اشوفه يطالع جدام ويبتسم
لاء والله هب جنه وايد خذا ويه علي
حميد:ههههههههههههههههههههههههههههههههههه يلا جلدي
فتحت الجيس بقهر وظهرت له سندويجته فتحتها وعطيته اياها
شفته ياكل باليمين وماسك السكان باليسار عنبو ناوي ينفدنا
صديت الصوب الثاني وانا أطالع الشارع واسمع النشيد الي حطنها حميد :انا العبد الذي كسب الذنوب
بس ما حسيت الا بهمبرجر ينمد صوبي
أول ما صديت شفت حميد يطالع الشارع وماد ايده صوبي:كلي شوي عشان خاطري
عليا:ما ابغي
حميد طالعني:قلنا علشان خاطري
عليا:انزين ما اكل دياي
حميد: انزين شي لحم في الجيسة
تنهدت وانا افتح الجيسة ................ما ابغي ارد حميد
وطلعت السندويجة لاحظت حميد ابتسم وهو يقول :فدييييييييييييت هالويه أنا
عليا طالعت حميد:أمممممممم حميد
حميد :عيونه امري
عليا:ممكن أسألك سؤال
رفع حياته وهو يقول :أوف كورس سويتي
عليا:هههه أمممم
حميد:أمممممممممممم ..........شو قولي
عليا:انت مطوع
فاجئتني ضحكة حميد الي مول ما توقعتها :ههههههههههههههههههههههههههههههههههههههههههههههههه هههههههههههههههههههه ليت والله
عليا عقدت حياتي :وليش تضحك
شفته مرة وحدة يتنهد بس تنهيدته كان فيها شوية حزن:لا ولاشي
ابتسم وصد صوبي
:شو الي خلاج تظنين اني مطوع
عليا :امممممممممم النشيدة يعني حاطلي نشيدة قلت يمكن مطوع
حميد:ههههههههههههههههههههههههه والله عليا يوم عن يوم اكتشف صدق ان عقلج عقل ...
عليا:عقل شو
حميد :ما اقدر اقول اخاف تزعلين ...
ابتسمت له وانا اطالع جدامي
حميد:هيه عشان لا انسى أميه قالتلي أقولج ان يوم الاحد بتروحين بوظبي وياها عشان عرس بنت خالة امي
عليا :هيه اول يوم بيكون لك دوام صح
حميد:هههههههه هيه للأسف يعني
طالعته بخوف وقلت :لازم اروح
حميد :هيه لازم بنت خالة امي هاي
تبين حرمتي ما تروح هكي لميا الي بس مالجة وبتسير
والله لميو فايجة انا لاء
عليا:وبنبات هناك بعد
حميد :هيه شو بيردكم نصاص الليالي عيل
عليا:اوكي
حميد:الا انتي متى بداومين
عليا :مالي مزاج الحين بشوف بعدين
شفت حميد يطالعني بطرف عينه :والله لو كنت انا مديرج جان راويتج شقا مالج مزاج
عليا:هههههههههههههههههه الحمدالله عيل نقلتني من عندك
.................................................. ..................................................
فتحت عيني شوي شوي وانا متضايجة من الصوت الي شال الغرفة شل
فتحت عيني وانا أطالع حميد الي يالس يدور ما اعرف شو
عليا:شو تدور
صد صوبي حميد:صبااااااااااااااااح الورد ...شو قمتي
وين ما بقوم وانت شال الدنيا شل
عليا:صبااااااااااااااح النور
حميد:ادور مبايلي ما اعرف وينه
عليا:هب في الصالة
حميد :هييييييييييييييه الصالة زين ذكرتي
طلع من الغرفة ورديت غمضت عيني أكمل رقادي
بس ما وحالي الا وحميد يرد يدش :عليا غناتي روحي ايبلي السفرة الحمرة
اووووووووووووف يعني اخرب رقادي عشان غترتك روح ايبها روحك
قمت من مكاني بكسل
ورحت صوب غرفة الثياب وطلعت الغترة وناولتها له
شلها ورديت انا يلست على الشبرية اترياه يظهر عشان اكمل رقادي
شفت حميد بعد ما لبس ساعة وخيس عمره من كثر العطر الي رشه يا صوبي
حميد:يلا الغلا بروح انا ...اقول لا تنسين تجهزي الظهر بوديج بيت ابوي عشان تروحين العرس
هزيت راسي بمعنى ان شاء الله
ابتسم حميد وباسني على راسي وظهر
تنهدت ورديت عقيت عمري على الشبرية
أبغي ارقد شوي بس مول ما ياني رقاد تجلبت يمين يسار ماشي فايدة
أووووووووووف تافف وانا أطالع الساعة كانت سبع ونص
ياالله ابغي ارقد
تافف وانا اقوووووووووووووم عشان اروح اتسبح
تسبحت ولبست مخورة بنية وفتحت شعري الي كان مبلل ورحت صوب الشبرية أعدلها
لان هب حلوة حرمة معرسة وما تعدل فرشها روحها ...هذا كلام ام حصة
ما اعرف عاد اذا صح لا لاء؟؟؟؟؟؟؟؟؟؟؟هههههههههههههه
رحت عشان احط مكياج ... بس غيرت رايي ما ابغي احط والعصر بروح الصالون عشان
احط للعرس
اكتفيت بجحال وجلوس خفيف ورحت الصالة الي تحت ويلست كانت الساعة على حدود التسع تقريبا
أمممممممممم ...شو اسمها الخدامة نسيت والله
أووووووف الحين انا راعية بيت بالله عليكم أنا وين والزواج وين
رحت متوجهه للمطبخ التحضيري الي داخل البيت الي يقولون انه بيتي وما يخصني بشي فيه
سويتلي هوت جوكلت ورحت الصالة
شغلت التلفزيون وحطيت جنل 2
ويلست اطالع كانوا حاطين فلم
Scream 2
يلست اطالع بس شوية وبدلت لاني حسيت بشوية خوف وقشعرية تحاوط جسمي
نقزت مرة وحدة على صوت تلفون البيت الي رن
رحت شليت المبايل
عليا:الو
لميا:هلا وغلا صباااااااااااح الورد يا ورد
عليا:صبااااااااااااح الجوري الغلا
لميا:هلا وغلا شحالج
عليا:بخير الحمدالله
لميا :شو قايمة
عليا:هيه من سبع
لميا :ههههههههههههههههههههههههههه مول ما تليق عليج كلمة عروس عنبو سبع
عليا:هههههههه شسوي عاد
لميا:اممممممممم انزين ...عمو قالتلي اقولج انا بنروح بوظبي من وقت يمكن نظهر 10 عسب نوصل العصر لانا بنروح الصالون
عليا:حشا من وقت
لميا:هههههههههههه عاد قولي شي
عليا:وين اقدر ............المهم
لميا :امري
عليا:
بتلبس وبحط ثيابي وما عليج
لميا :خلاص عيل هي بتمر علي انا واماية وبعد شوي بنمر عليج
عليا:أوكي الغلا
سكرت من لميا واتصلت بحميد الي ما قدرت اقوله الا كلميتين وقالي اوكي وسكر في ويهي عنبو هب دوام
هذا
قمت ورحت جهزت شنطي وتلبست
ويوني قوم عمو
.................................................. .....................................
كنت لابسة فستان أزرق فاتح من فوق خطين بالكرستال وتحت ما فيه شي الا طريقة الحزام والكسرات الي تحت وحاطة مكياج سماوي مخلوط بالسموكي
عاد العيايز عند بعض الله يعين على الحش هههههههههههههههههههه
أم حميد:وييييييييييه هاي هب أم وليد بلاها جيه استخفت
أم مروان :علمي علمج ...تتحرا عمرها بنت العشرين ولا الثلاثين يمكن
أم حميد:هههههههههههههههههه
صديت الصوب الثاني وانا ابتسم
أم حميد:الا الساعة كم الحين
عليا :تسع ونص عمو
ام حميد :وييييييييييه يوم عروستهم دخلت تسع وربع عيل اكيد عرسهم بسرعة بيخلص
ام مروان :أحسن بعد ........جان خلص من وقت بنروح الشارجة اليوم
تشققت على هالخبر ...لاني احس عمري وايد اشتقت لحميد الي عمري ما توقعته حنون وطيب ورومنسي لهدرجة
كنت اتريا بس يدخلون المعرس ونظهر والحمدالله ما تاخروا وايد لان المعرس دخل على الساعة 11 الا ربع
الظاهر المعاريس بيسافرون اليوم عشان جيه خلصوا العرس من وقت
ابتسمت بفرح لما قاموا قوم عمو عشان نروح
قمنا بنروح وطبعا عند الباب سلامات وكل وحدة ماسكة عمو من صوب الا باتي عندنا الليلة والا ما اعرف شو
بس عمو تحججت بأم مروان أن بنتها منى مريضة
ومن هناك منو هب مريضة ولا شي.......... بس الظاهر عمو هب وايد ويا هل امها
وما علقت على موضوعهم
المهم ركبنا السيارة ويا الدريول وروحنا طريج الشارجة ما اعرف ليش تذكرت لحظتها أن حرام نركب ويا الدريول ونحن بكامل كشختنا
بس طنشت
ويا كثر ما اطنش أنا
.................................................. .............
فتحت باب الصالة وانا مبتسمة اني وصلت
استانست يوم دخلت وشفت سيارة حميد موجودة أكيد نايم وخاصة ان الصالة ظلام
وما فيها صوت
فصخت وقايتي وعباتي وحطيتهم على ايدي وتوجهت للدري بصعد فوق
بس كل ما اصعد فوق أسمع صوت ما أعرف وين مصدره............ استغربت من هالصوت
وصلت قريب الصالة الي فوق ولقيت الليت مفتوح الظاهر حميد مشغل التلفزيون ويطالع
بس أول ما وصلت على اخر الدري وقفت مكاني وانا منصدمة من الي جدامي
لحظتها بس عرفت وتاكدت أنــــــــي فعلا أغبى انسانة على وجه هالكون
الحيييييييييييييين فعلا الدنيا فهمتني معنى المثل الي يقول
((لا تعشقي البحر ترا البحر غدار ))
تعرفون شو الي وقفني مكاني والدمعة في عيوني تعرفون شو الي خلاني استغرب
تعرفون شو شفت
شفت حمييييييييييييييد الطيب الحنووووووون المثالي بنظر الكل
يـــــــــــــــالس وفحضنه وحدة
هيييييييييييييييه لا تستغربون وحدة؟؟؟؟؟؟؟؟؟؟؟؟؟؟؟؟؟؟؟؟؟؟
انتهى البارت
تحياتي خويتكم سامية المقام
اممممممممم ظنكم الي شفته صدق ولا في سوء تفاهم؟؟؟؟؟حميد بشو بيبرر تصرفه
وانا شو بيكون موقفي؟ظنكم الدنيا بتكتفي بهالدرس لي ولا في دروس ثانية؟
وشو بقول لهلي ريلي يخوني وما كملنا أسبوع ؟؟ولا في أشياء بتصير وبتغير الموضوع؟
حميد شو موضوعه وشو سالفته وكيف حياته؟؟ وعليا الي هيه أنا يقولون كائن بشري شو مصيري؟؟؟
|
24-11-11, 01:12 PM
المشاركة رقم: 16
خويتكم سامية المقام
احبكم في الله
جديد مواضيع قسم القصص المكتمله
العرض العادي
