كاتب الموضوع :
دانة ليبية
المنتدى :
قهوة ليلاس
ألة الزمن بيدي و أنا بــ اختياري رجعتها زمن وراء لــ زمن ما كان فيه أي تكلفة او بهرجة
زمن عاشوا فيه أجدادنا عيشة كريمه بعيدة كل البعد عن كماليات الحياة فــ كانت شاقه نعم
قاسية نعم , متعبة نعم , بس عاشوها بــ حلولها و مرها .. الزمن اللي اخترته زمن
البادية و بيت الشعر و الرعي ...
كان يا مكان في قديم الزمان في البادية و بين رمالها الذهبية الحاره من لهيب الشمس ,, كانت وضحة ( اللي هي أنا )
بنت الشيخ ماجد شيخ القبيلة ,, بنت و لا كل البنات زين وجه و حلاوة منطوق و إبداع أفعال ,, كانوا شباب القبيلة
يتقاتلون عليها كلن يبي قربها لو بــ روحه ,, و بنات القبيلة كانن يغارن منها و من زينها ,, بس في منهمن صديقاتها
و قريبات منها حيل و يحبن جلستها لإنها متواضعة و سوالفها حلوه ,, و أقرب البني لها كانن البدور ( بوح ) و
حنين ( حنو ) و نوف بنت عمها ( نوف بنت نايف ) و الزين ( زوزو ),, كانن دايمن يجلسن معها و
يتعلنن بالليل على شبة الضو في ركن منزوي في القبيلة و كانت سوالفهن حلوة و كلها مزح و كانت دايما وضحه تقول لهن
ألغاز و هن يفكرن فيها ,, لإن وضحه مشورة بــ ألغاها الصبعه ...
في يوم كانن جالسات جلستهن المعتادة و وضحه قالت لهن لغز " كان يقول .. شين في السماء يلمع و في الأرض
يلذغ و شين الصنعه الصناع .. و هن منتمجات بأفكارهن اسمعن صوت عوي الذيب ..
حنين كانت اصغرهن و تخاف من ظلها من اسمعت الصوت و هي تفز و تصرخ ..
حنين بــ خوف : عووذه وش هذا يا وضحه و الله انه رحنا فيها
وضحه بــ قوة : اقول اقعدي و استعيذي من الشيطان هذا بس الصوت و انرعبتي منه و شلون لا شفتيه قدامج هني
البدور و الزين كانن يضحكن على خوف حنين المبالغ فيه
و النوف بــ قوتها المعتادة و صوتها الواثق : اقول يا شحيته و محيته بسكن من الضحك اللي ماله داعي كلن يخاف
مهو بس حنين
البدور و الزين صخن مرة وحدة بعد كلام النوف
شوي و سمعن صوت طخ نار و صوت رجال قوي و واثق ... و يقومن يفزن و كل وحدة منهن مسكت صخرة
بيدتها ...
النوف و وضحه مع بعض : عندك يا ولد الأجواد من انت ..
و يقرب لهن الصوت و يطلع ولد عم وضحه و اخو النوف .. نايف و ماسك البندقية بيده و هو يقول بـ صوته الواثق
نايف : أنا نايف يا النوف .. خلاص بعد الطخ الذيب بعد كملن جلستكن و لا تطولن الليل سرى و أنا اخوج ...
البنات الخوف راح منهن و قعدن يكملن الجلسة .. إلا بصوت نايف من ثاني يصوت للنوف ..
نايف : النوف لاهنتي تعالي بـغيتج بكلمة يا أخوج ..
قامت النوف و قربت منه و هي تسأله وش يبي ..
نايف : يا خوج ما كلمتي بنت عمج العنيدة عن العرس , ما انطحت الحب اللي بـ رأسها بعد
النوف : لا و الله و أنا أختك بــ كلمها من جديد و اشوف وش هي ترسى عليه
نايف بـ شرود و عينه على مكان جلسة البنات : ايه ايه كلميها
نوف مشت رادة للبنيات يكملن الجلسة و مشى الوقت علىيهن بـ مكانهن
في طريق الرجعة للشق كان بيت البدور و الزين أول القبيلة و بعده بيت حنين و كملن النوف و وضحه دربهن
و استغلت النوف الوقت و افتحت الموضوع من جديد و كان رد وضحه أنها بكرا من شقه الضو راح تجمع
شيوخ و شباب و حريم القبيلة و تقول رأيها ...
النوف وصلت هـ الكلام لـ نايف اللي كان طول ليلة يتقلب على جمر الإنتظار و الشوق لـ رأي وضحه ...
و من شقة الضو و هو قايم ينطر متى بس ينادي عليهم الشيخ ماجد ...
و ما صدق يوم سمع صوت صبي عمه الشيخ ينادي لجل الكل يجتمع ....و كان أول الواصلين لبنت عمه
و بعد ما تجمع الكل طلعت وضحه من الشق من بيت ابوها و تروح توقف يم ابوها الشيخ وهي تدني من اذنه
و قالت له اللي تبي و هو سمح لها لإنه واثق من بنته ...
وضحه بـ صوت واثق قوي : صبحكم الله بالخير يا ربعي و جماعتي
جاها الرد متفرق من الكل ... صبحتي بالخير يا بنت ماجد ...
وضحه : أنا جمعتكم اليوم و أنا بــ حيرة من أمري , تقدم لي أكثر من شخص يطلب القرب من ابوي الشيخ
و أنا ماني مبدية أحد على أحد كلن فيه خيره و رجال صالح بس أنا لي شرط على منهو يكون حليلي و هو أنه
يحل هــ اللغز اللي بــ قوله و من يجيب لي الإجابة كنت له حليلة ...
شباب القبيلة المقصودين كل منهم تحفز بــ يسمع اللغز زين و عشان يكون هو الفايز بــ وضحه ....
نايف كان ساكت و الوضع ماهم بـ معجبه بس مادام اعمه الشيخ راضي بيسمع اللغز و عساه يكون الفايز
قالت وضحه لغزها اللي كان صعب و مامن أحد عرفه و كلن قام يدلو بـ دلوه عسى تكون إجابته صحيحه
و لما طال الوقت و لا حدن جاوب قالت وضحه معكم سبع ايام بـ لياليها و تعطوني الإجابة و لا يامن تقدمتوا
ماني بــ حل لـ والد منكم ... ومشت رادة للشق ...
و شوي و يجنها البنات ( نوف و البدور و الزين و حنين ) و هن يتضاحكن على شكل الشباب برا بعد كلام
وضحه .. و على بعض كلام الحاقدات من بنات القبيلة و خصوصا الشقحه بنت الشيخ مناحي ( الشريرة تأخذ هالشخصية *ــ* )
اللي قامت تلعي و تزيد و أن وضحه شايفة حالها على قل سنع و هنا زين عشان تشوف حالها عليهن
و قامن ( البدور و الزين ) و كــ عادتهن يتمصخرن عليها و على لبسها الأقشر و شعرها المتعرج الخشن .. هن
يتمصخرن و البنات يتضاحكن عليها .. لما قطعت نوف الضحك و سألت وضحه عن إجابة اللغز ...
وضحه : نوف و انتي خارتي غبية و لا ممن ينضحك عليهن أقولج الأجابة عشان تروحين تقولينها لـ نايف
نوف بـ ضحكه : أخ منج يا بنت عمي ذهينه و ما ينضحك عليج ابد ..
و استمر الحال على ماهو عليها طول الأيام الي جات ما عدى الشباب اللي قاموا يروحون كل قبيلة و يسألون
عن إجابة اللغز و لــ غاية أخر يوم وما بقى إلا ربع ساعة و ينتهي الوقت و محد قال الإجابة لوضحه تجمعوا
أهل القبيلة عشان يعرفون الأجابة منها إلا نايف ما كان موجود و محد يعرف له مكان ...
طلعت وضحه و هي بـ زينها و حشمتها و معاها أبوها الشيخ ماجد وعمها أبو نايف و هي تمسي على الجماعة
و توها تبي تقول الإجابة إلا يسمعون صوت جاي من وراء و هو صوت نايف يقول الإجابة الصح ...
و وقتها بس ارتاح قلب وضحه و تبسمت لأبوها و عمها و قالت أنا لك يا ولد عمي ...
اللي من سمع كلمتها و هو يقرب من عمه الشيخ و ابوه و يحب رأسهم و وضحه وقتها دخلت الشق عند البنات
.............
و بــ كذا انتهيت و رجعت الة الزمن لــ عام 2011
================
<< فيس فاهم الموضوع غلط
..
..
..
|
16-12-11, 12:22 AM
جديد مواضيع قسم قهوة ليلاس
العرض العادي
