السلام عليكم ورحمه الله وبركاته

يسلمو حبوبه على البارت الموجع لاخلا ولا عدم

لااااااا حرااااااام عليك والله ماتوقعت ان ابو فيصل هو الي يموت توقعت ابو فايز والله صعب ان عامود البيت
ينهم ووجود الاب يعزز الوحده بالثقه والعزوه والسند

منال ياقلبي تلاقيها من خيال الماته فايز والا من موت ابوها الي هد حيلها والا من فهود الله يكون بعونها ويعوضها خير
ويارب انها تريح قلبها وتسعدها

فايز الله يخذك انت وشينة الحلايا غديروه جعل حوبة منال ماتعداكموربي ياخذ حقها من عيونكم
لاولله فايزوه توك تحس باهميه منال عندك وانت الي بغيت تموت على بال ماجبت سحيله ام الخلاقين عند اهلك
وانها الكل بالكل ومنال مغصوب عليها وين كلامك من قبل

وغدير صحيح ان محالك مايسر بس هذا فعل يدك الي تاخذ واحد من غير رضا ولا علم اهله تستاهل الي يجيها
ليتك ماطعتيه وخذتيخ وش استفدتي هذا هو محملك سبب الي صار

فيص فعلاا انت مفاجاه الله يخليك عزوه وسند لامك وخواتك والله انك ارجل من فايزوه وامثاله



هل صدمتم بــ الفجيعة الي أصابتهم او توقعتم ان ابو فيصل هو الي راح يموت؟
تنين الصراحه ماتوعته حسبته ابو فايز

وش رايكم بظهور الشخصية الجديدة الي كانت مختفية طوال أحداث القصة من جميع النواحي ( فيصل )
وكيف كان موقفه مع فايز ؟
رهيب هالرجال والله انه رجال من ظهر جال وفعلا الي خلف مامات وموقفه عجبني مرره بس في نفس
الوقت تاثرت من بكيه
الأهم والأهم فايز وغدير السؤال للمرة المليون وش نهاية علاقتهم؟
يارب انهم يفترقون عشان يعرفون معاناة منال


وفايز وتصرفاته الغير موزونة ؟
خبل طوول عمره خبل واناني

معاذ ومصارحته مع ايمان بخصوص موضوع فايز هل أثار الشفقة >> من وجهة نظري كثير !!
انا ولا حرك فيني شيء بالعكس قلت يستاهل كل الي هو فيه

نفسيات عائلة بو فيصل بــ الكامل
ماينلامون الي راااااح كان عامود البيت والسند زالظهر الي يحميهم من غدر الزمن والبشر
بس الحمد اللهانهم متماسكين وعلى قلب واحد


وبالأخير ماجد وظهورة الي بغير بوقته وتصرفاته الجريئة وش توقعكم كتب لها بــ المسج ؟؟
يمكن كتب انها تجس نبض منال اذا تطلقت انها ممكن تاخذه او لااااا
او انها هل يمكن انها تنفصل عن زوجها او لازالت تحمل له مشاعر

الجزـــــــــــ 14 ــــــــزء

بعد اسبوع من الأحداث الي مرت


قرأت المسج والصدمة معتلية وجهها لما شافت اسم المرسل

منال بخاطرها : ليتني ما فتحت المسج ماجد انهبل ولا وشو

ايمان بقهر سحبت جوالها : ورا تفتحين مسجي يمكن من معاذ

الصدمة الي انرسمت على وجه منال انتقلت لــ ايمان وهي تقرأ المسج

( كيفها طمنيني عنها بالي مشغول عليها )

ناظرت منال بــ ايمان طالبة تفسير للمسج

سكرت ايمان المسج وهي مفتشلة من ماجد والموقف المحرج الي حطها فيه



@@@@@@@@@@@@@@



كيفك يبه ؟؟

بو فايز بهم وضيق : الحمد لله يا فايز انت كيفك

فايز بتنهيدة : انا منيب خير يا يبه

بو فايز : ليتني ما زوجتك منال قلبي حارقني على بيت اخوي بو فيصل ما يستاهل

فايز بقهر: يبه لاتحرق دمي الي فيني يكفيني يبه ابي منال وابي ولدي حاس اني بختنق

بو فايز : ننزل الشرقية بكرة ونحاول

فايز بضيق : يبه رحت وحاولت وفيصل معيي

بو فايز معجب بــ فيصل : ونعم والله بـ فيصل طلع رجال ومن ظهررجال وقايم بــ امه وخواته وقايم بدراسته ومو مخليهم محتاجين شيء

فايز بحرقة وحاس ان فيصل الي يصغره بــ عدة سنين افهم واعقل منه : يبه الكل لايمني ان الي صار مني وانا ما اتحمل الي فيني يكفيني حتى غدير مطلع حرتي فيها ومبكيها ومأذيها وكأني ابي اطلع الي فيني فيها وساعات ارتاح لا شفتها تضايق وارجع الوم نفسي و ان هي مالها ذنب انا تزوجتها وانا الي علقتها فيني وانا الي ركضت وراها مفروض ما اتعبها واصونها واحكم عقلي يبه انا مشتت وتعبان ومو قادر افكر او ارتاااح

@@@@@@@@@@@@@


حبيبي فيصل خليني اشوف وش عنده

فيصل بقهر : يحلم يشوف ظفرك لا عرف قدرك وعرف من تكون منال ساعتها اخليه يشوفك

ريم بــ تأييد لــ فيصل : صادق فيصل انتي عطتيه وجه وشوفي النتيجة وين وصلتي

منال وهي تلبس فهد الي صار سنة اشهر شيال جنينز وقميص ابيض وكاب جينز وبوت ابيض وطالع يزنن ويتأكل : ما عليه عشان عمي مو عشانه

ريم بقهر : حتى عمي هو السبب بإلي نحننا فيه وما نبي نشوفه ولو نقطع الي بيننا مثل اول احسن

ام فيصل : ريــــم عيب الي تقولينه هذا عمك وابوك كان يبغى هالشيء ولا تسويين شيء يغضب ابوك انتي ترضين يقولون ما عرف بو فيصل يربي بناته

ريم بقهر: ينقطع لسان الي يقوله





خفق قلبه وهو يشوفها ممشية فهد معها ورافعة شعرها بطريقة مهملة الي يموت عليه ويعجبه ضعفت ضعفت كثير ضغط على يده بقهر حاس انها مكسورة مو هي منال الي عرفها وتزوجها ابتسمت بحلاوة وهو الي يعشق ابتسامتها الي تجمع بين الدلع والغرور صدق ما يحس بالنعمة الا الي يفقدها لما حس انه بتضييع من يده عرف قدرهاا


جلس لما شافها جلست وفيصل كانت نظراته تذبح ولو تحرق النظرات كان احرقته

بو فايز بحب : كيفك يابنت اخوي

منال بتنهيدة تتبعها ابتسامة : كلنا بخير يا عمي ما نشكي باس وهي تربت على كتف فيصل : فيصل ماهو مقصر علينا عساه ذخر وعز لنا

بو فايز : ونعم بــ فيصل كلنا متأمنين عليكم معه

فيصل بنظرة ما تتفسر : الله ينعم بحالك ما عليك زود

تكلم فايز بعد فترة وبنبرة تقطع القلب وتحنن القساة على بعض : كيفك يا منال

نبرته اوجعتها لكن ما عفت عنه ناظرته بطرف عينها : الحمد لله

فايز معاملتها له تتعبه : كيف فهد

منال وهي تبوسه بحب : بخير مو قاصره شيء
نزلته من حضنها عشان يروح لأبوه لكن فهد عييا يروح كان متشبث بــ امه

فايز وهو يبلع ريقه : منال منتي ناوية تنورين حياتي وتجين انتي وفهد

فيصل بعصبية : معصي ترجع معك انا قلت لك رجعة معك مستحيل ترجع

بو فايز بصبر : فيصل

فيصل حس انه زودها ومفروض يحترم عمه لكن كلمة فايز استفزته : السموحة منك يا عمي

بو فايز : لا يهمك بس انا ابغى اسمع راي منال خليها تتكلم ونشوف رايها

ناظرت فايز ونقلت نظرتها لــ عمها : الي يشوفه فيصل انا ابيه يا عمي لأن ( واخنقتها العبرة ) محد يبي مصلحتي بعد ابوي الا فيصل

بو فايز ويناظر فيصل : وش الي يبيه فيصل نحنا حاضرين

فيصل بعد صمت ويتبعه تنهيده : الطلاق نبي منال تطلق


@@@@@@@@@@@@@@@@@


الله يخليك اسمعيني ولا تقفلين جوالك ماصدقت تفتحينه

منال بتنهدة : نعم يا فايز

فايز : لسى على قرارك

منال : فايز قلت لك الي يبغاه فيصل ابيه

فايز بعذاب : بس انا ابيك ومستحيل افرط فيك

منال بإستهزاء : هالكلام سمعتك تقوله لغدير

فايز : منال لاتدخلين المواضيع ببعضها

منال بقهر : المواضيع كلها متداخلة في بعض فاكر نفسك مين يا فايز تلعب ببنات خلق الله انت ما حترمتني يا فايز وبصراحة معاد صرت اثق فيك ولا امنك على نفسي و ولدي

فايز : راح اخليك فترة تفكري وارجع اكلمك

منال : شهر كامل اتوقعها فرصة كافية اني فكرت فيها واتخذت القرار الصحيح


@@@@@@@@@@@@@@@



اثنينهم بالمجلس واحد منهم يصير صديقه
والثاني يصير نسيبه وولد خالته

ماجد ما كان حاب انه يشوف فايز يحس انه حقير وواطي وما يستاهل النعمة الي هو فيها

اما فايز لما يتذكر كلام منال عنه يحس بــ نار تكوي قلبه لكنه مو متأكد بس هي قالت اخو صديقتها وهذا احتمال كبير انه يكون ماجد

معاذ وهو داخل بالقهوة : وراكم ساكتين وما تأخذون أخبار بعض

ابتسموا اثنينهم وبداخلهم اشياء دفينة ما توصف من الحقد والبغض

وماجد بشوفة فايز تجددت اشياء بقلبه وفي خاطره افكار ممكن تكون من صالحه


@@@@@@@@@@@@@@@



كيفك يا ريم

ريم بجفاء : الحمد لله وانتي وش اخبارك

نورة بألم من رد واسلوب ريم : ريم وش هالرد ترا حنا مالنا ذنب ويعلم الله ان قلوبنا محروقة مثلكم ويمكن اكثر

ريم وعيونها تتغرغر بالدموع : ما يحس بــ النار الا الي واطيها

نجلاء : افا يالريم هالكلام لنا

منال تلطف الجو : ماعليكم ريم عصبية شوي بس تحبكم وتعزكم كثير

نورة : ونحنا بعد والله

كانوا البنات شفقانين على شوفة منال وفهد قرروا انهم يقعدون كم يوم بالشرقية وممكن يلينون منال ويخلونها ترجع لبتها


@@@@@@@@@@@@@@@@



حالها أليم تعبانة ومقهورة ما رتاحت لا في بلدها ولا مع زوجها ساعات تفكر وتقول انها لو مارجعت وظلت في بلادها اكرم لها ما أحد يبيها ونظرات زوجها أليمة موت عمه بكمل 6 أشهر ويمكن أكثر ولسى تشوف اللوم بعيونه
غمضت عيونها بقهر وألم ونزلت دموعها وهي تتذكر كلامه لخويه وهو يحكيله عن بنت عمه وانه شفقان عليها ويبي يرجعها بأي طريقة كان كلامه صادق من نبرته واسلوبه هالكلام من زمان صار بس بتفكيرها فيه دايم كأنها لسى سمعته امس
والي حارق قلبها وجارحه كلام الدكتورة الإنجاب في مثل حالتك صعب ويبغى له صبر ما في شيء يربطها بــ فايز لألحين
وصارت تشوف صده بشكل دايم ساعات تأخذ ما في خاطره لكنها ما تستفيد شيء يكون ساكت وساعات يعصب وساعات تحفظ كرامتها وما تسأله والجو بالشقة صاير كئيب ولا يطاق
ضربت مسند الكنبة وهي تصيح وشهقاتها تعلى وتعلى ولا أحد حاس فيها حتى أهلها ان شكت لهم راح يلومونها وما حد راح يرحمها



@@@@@@@@@@@@@@@


تصدقين يـــ إيمان

ايمان : وشو

منال بنبرة تحسس ايمان : ماجد تو كان عندنا و متصل بــ فيصل دايم فيصل يقول حتى ساعات يتغدون مع بعض ويتعشون

ايمان بهتت من اسلوب منال وحاولت تغير الموضوع وبضحكة مصطنعة : تدرين منال رحت شفت البيبي طلعت بنوتة وراح اسميها منال

منال ركزت على تصريفة ايمان وعدت الموضوع : ومن ألحين راح تكون لــ فهد

ايمان بإرتياح : مايبيلها كلام مو بـــ كيفك


@@@@@@@@@@@@@


ممكن نتفاهم

فايز بتنهيدة : على وشو

غدير تحاول تمسك نفسها : على حياتي معك مو مركز انك هاملني وبالطالعة والنازلة بــ تطلع فيني بطريئة مو منيحه فايز احكيلي انا خطأت بــ شو بترجاك احكيلي وان كنت غلطانة بــ شي واحد انا مستعدة لم اغراضي وروح لبلادي واخلصك مني وترتاح
انا صبرت من شانك يا فايز وكمان بصبر اذا بدك لكن هيك بتعاملني طول هالفترة من غير سبب هاد شيء بدمر نفسيتي اطلع فيني يا فايز اطلع انا غدير الي بتعرفا كسرتني مثل ما كسرت بنت عمك ( وبقهر وصوتها يحتد ) انت أناني يا فايز وما تفكر الا بحالك وبس بتعمل تصرفات وبتحمل أخطائك ناس مالهم ذنب في شيء حتى لما مات عمك صرت بتحملني هالشيء انا مالي ذنب انا كان طلبي اني اتعرف ع اهلك واكون زوجتك بالنور وهاد الشيء أي بنت في حالتي بـ تريده وانت الي طلبت تعرفني انا ما أصريت هاد هو جزاتي منك هاد



@@@@@@@@@@@@@@@@



وبعدين معاك وبعدين معاك انت تبي تذبحني

ماجد ببرود : انا قايلك طلاق منال بصير على يدي ومن تخلص عدتها انا الي بتزوجها

ايمان بقهر: مـــاجد انت وش قاعد تقول ترا زياراتك الي مالها سنع هذه مهيب عاجبتني

ماجد : وش فيك تصارخين تعرفت ع الرجال كفرت سويت شيء خطأ

ايمان : تواصلك معه مو لــ الله وبعدين مهوب من سنك عشان تصادقه خلي البنت في حالها الي فيها يكفيها خليها في حالها
وبعدين لا تفكر لحظة وحدة انها بتوافق عليك انت فاهمني


@@@@@@@@@@@@@@@@



تفكر وتفكر وتفكر حياتها صارت لغز وحله مو عندها بإختصار لانه صعب
من كلام ايمان ان فايز تعبان ويبي يرجعها لكن كيف هالشيء يتصدق وهي شافت كل شيء بعينها لما كانت عنده طيب وزوجته وينها وش صار عليها برجعني وبتكون حياتنا مع بعض نفس أول ولا بطلقها ولا وش السالفة

مسكت جوالها بترسل مسج تحيره وتسحبه بالكلام
لكنها قرأت المسج الي وصلها قبل لحظات وهي مو دارية فتحت عيونها مذهولة من الي قرأته

( زوجك متنعم بحياته ووبعدك عنه فاتح له هالمجال وانتي الله اعلم بحالتك )


فاعل خيرررر


!!!!!!!!!!!!!!


@@@@@@@@@@@


فيصل يمه تتوقع ابوك لو انه هنا رضى ان منال تتطلق الي انتوا شايفينه ابووكم شافه الله يرحمه وما جاب سيرة الطلاق على لسانه

فيصل بقهر : يمه افهميني فايز مستقوي علينا قال ان عمه مات بتصرف فينا لكن هو ما عرف لألحين من هو فيصل

ريم كانت مأييدة لــ فيصل

كانت منال ساكته ولا كأن الموضوع يعنيها وفي بالها فكرة وحدة تبغى تنفذها لكنها مترددة

فيصل بحنان الدنيا : منال الكل تكلم في موضوعك وانتي صاحبة الشأن ما سمعنا صوتك

منال : فيصل بكرة احجز لي لجدة

!!!!!!!!!!!!!!!!!!



@@@@@@@@@@@@@@@@@


الكل أخذها بالأحضان وكأنهم مو مصدقين ان منال بينهم وفي وسطهم كانت تدوره عيونها ومو لا قيته هي محتارة بين الكلام الي يوصلها هو متنعم بحياته وعاجبه فراقها ولا كلام ايمان هو الصح يبغى وصلها ومجيها بأسرع وقت


ابو فايز : ام فايز قومي دقي على فايز وقولي له ان منال وولده بــ جدة

ام فايز : إن شاء الله يبـــ



دخل الصالة بالحظة نفسها وشاف شنط بالصالة خفق قلبه وهو يدعي ربه ان الي فباله صحيح سمع ازعاج بالمجلس وهرول ناحيته
طاحت عيونه عليها هي الي كانت مواجهه الباب


ام فايز : هذا هو يبه جاء قبل أدق

ناظرته منال بطرف عينها وهالها منظره كان منعم دقنه وكاشخ وكأن كلام ايمان هو الخطأ كان هالشيء ماكان في صالح فايز

قبضت يدها وودها تخنقه يترجاها تجي وصوته يقطع القلب
وألحين كاشخ ومنعم شكله من صدق عاجبه فراقي

بو فايز : وشرايك بالمفأجأة يا فايز


فايز بحنان وشوق ووده يصيح من الفرحة : أحلى مفأجأة نورتي بيتك يا منال

ماردت عليه فيصل عجبه ردة فعل منال وأبد ما كانة عاجبته الفكرة لكن هذا قرارها وما يقدر يقول شيء قدامه

غرقت عيون منال هالمكان الي هي جالسة فيه كان ابوها جالس فيه ووقفة فايز على الباب نفسها وقفته قبل فترة بدت تدمع حالها اندمر وانكسرت نفسها منال الي ما كان احد يشوف ضعفها الحين صارت دموعها تنزل بـــ سرعة وقدام أي احد

فيصل بقهر وحنان : منال وش فيك تبين نمشي شقه مفروشة مضايقة هنا

هزت منال راسها وهي تمسح دموعها

فيصل قام على استفسار بو فايز وفايز وام فايز

فيصل بتنهيدة : ما عليش يا عمي نبي نشوف لنا شقة مفروشة

فايز وجوده مثل عدمه عيونه مانزلت عن منال حتى ولدده ما سأل عنه وما حس بغيابه : فيصل خلكم هنا وان ما تبون تشوفوني انا بــ ستأجر شقة

فيصل بحزم : لا مشكور مع السلامة
راحت منال تأخذ فهد من عند البنات الي فايز ما لحق حتى يبوسه او يضمه

لزم انه هو الي يوصلهم وما رفض له فيصل طلبه من كثر اصراره


@@@@@@@@@@@@@

الووو

ماجد : الووو كنت عارف انك راح تتصلين فيني

منال : ممكن اعرف من تكون انت وش دخلك فيني وفي حياتي

ماجد : لا مو ممكن تعرفين من اكون لكن وش دخلني بحياتك هذا اهم شيء وبعدين هذا جزاي اعلمك وما اخلي الماء تمشي من تحتك وانتي مو دارية

منال بقهر وعصبية : مالك دخل مالك دخل وانا ابي اكون غبية ومغفلة بس ان شفت شيء منك والله مارح تتعدى

قفلت السماعة في وجهه

وهي تسمع اخوها يفتح باب الشقة وهي ترتجف


@@@@@@@@@@@@@@@


كانت تبكي بألم وقهر لها يومين من رجعت وما شافت شيء منه وكأنه كان منتظر ها اللحظة من زمان حجز لها وقص لها التذكرة في يومين وخلص كل شيء ولأ كأنها عاشت احلى ايام عمرها معه شافها تلم اغراضها وثيابها وما حرك ساكن حتى ما ناقشها جرحها فايز جرحها وكوى قلبها وعذبها وذلها قدام اهله وأهلها غمضت عوينها وهي تسمع مرت ابوها تناديها من وصلت وهي خدامة لمرت ابوها لكنها ارحم من عيشتها معه


@@@@@@@@@@@@@@@


بو فايز : الله يسلمك يا ولدي

فيصل : وش فيه يا عمي كيفه ألحين

ام فايز وهي كاتمة بكوتها : ضغطه مرتفع يا ولدي وتعبان غير الطيحة الي طاحها سوت له كسر بــ ذراعه

فيصل برحمة : لا بأس عليه يا عمتي إن شاء الله بقوم بــ صحة وعافية

ام فايز : الله يسمع منك وين منال يا ولدي خلها تجي تشوف زوجها

فيصل يرقع : نايمة المغرب إن شاء الله بجيبها هي وفهد


@@@@@@@@@@@@@@@


كانوا مضطرين يجون دخلوا الغرفة هي واخوها وولدها وهي تقدم رجل وترجع الثانية ماتبي يأخذ فكرة عنها انها رحمته او حنت له لكن ع قولة أخوها عشان عمه ومرت عمه

تغطوا البنات لما سمعوا فيصل يتنحنح : السلام عليكم

الكل : وعليكم السلام

ابو فايز : يا الله انك تحيي فيصل وام فهد وفهد تفضلوا

فيصل : كان مستحي من البنات سلم عليهم وبلغ منال انه ينتظرها برا

منال بخجل : الحمد لله ع السلامة يا فايز

فايز بإبتسامة متعبة : الله يسلمك ويخليك وحشتيني يا منال وو حشني فهد

نجلاء : يا بختك يا منال هذه اول ضحكة تطلع من قام

الكل ضحك ومنال مستغربة خجلها وهدؤها

فايز بتعب : منال قربي لي فهد

قامت منال وقربت له فهد واضطرت تجلس جنبه كان ميت عليها

فايز بهمس : منال لعاد ترجعين الشرقية

منال سوت نفسها ما تسمع

بو فايز وكأنه حس بــ فايز : ها يا منال وش قررتي إن شاء الله بترجعين لبيتك ورجلك

نورة : ترا غدير سافرت بلادها وما لك فيها والجو كله لـ فهد وأمه

انحرجت منال وكان ودها فيصل يكون معها

فايز بتعب : ريحيني يا منال

منال : وغدير بالسهولة هذه تخليت عنها

فايز استفهم نبرة منال

منال : اذا الي تحبها استغنيت عنها بالسهولة هذه كيف تبغاني امن على نفسي وولدي معك

ام فايز طرطعت ولدها مريض ويتعذب عشان ترجع له وهي تقسى عليه حتى في مرضه : يمه فايز نام وارتاح ولا تسمع الي يغثك

منال بنبرة مختلطة بين القوة الضعف : سا محوني بس صدقوني هذا هو كلام العقل لو كل واحد يفكر بكلامي بشوفه صحيح أنا ابد مو كذا لا تظنون اني مغرورة او حابة اتسلى فيكم واقهركم انا تحملت كثيرررر عشانكم وانتم مرة وحدة انقهرتو مني وانا مو غلطانة مو غلطانة

فايز : طيب قوليلي وش الي تبغينه وش الي اقدر اسويه لك عشان يريحك

منال بتنهيدة: انك تطلقني

فايز بتعب : هذا مستحيل يصير مستحيل أخلي ولدي يتربى بيد واحد غيري

فيصل بقهر ونسى انه في بنات عمه بالغرفة : وانا مستحيل أخلي منال تنهان وتنضام فوق الإهانة الي شافتها منكم اسمح لي يا عمي عطيناكم منال قلنا بتعزونها وبتعيشونها ملكة لكن صدمتونا فيه حتى ابوي الله يرحمه ( تنهد ) ماتوقع هذا كله يصير منكم ما انسى شكله لما رجع من جدة ووجه مسود وتعبان ويحاول يضحك لكن الضيقة بوجهه كانت باينة ولا ننسى شكله يوم انه مرمي ع السرير وكلنا نصيح من حوله هذه رغبة منال قالت لي تبي جدة قلت هذا قرارها ما ناقشتها قلت يمكن تبي تعيش بين اهل ولدها معاً شايف بعيونها التعب والضيم والقهر ( حط يده على كتف منال ) هذي منال قدامكم الي تبيه انا حاضر فيه يمكن اكون متهور لين قلت نبي طلاق لــ منال
ام فهد وش رايك بالموضوع و انسي الكلام الي قلته

الكل وجهه انظاره لــ منال ينتظرون ردها وبــ هالكلمة بتحدد مصيرها


@@@@@@@@@@@@@@


منال انتي لازم تغيرين رقمك هأ الأنسان راح يخرب حياتك

منال بحيرة : مارح اغير رقمي اتعبني التفكير اتعبني ولازم اعرفه

ايمان بخوف : حقك تتعبين بس خذي نصيحتي

ريم : هالخايس لألحين يراسلك

منال بقهر : ايه قاهرني يتكلم بثقة وينقلي كل الي صار حتى يوم طاح فايز صاير يتحمد له بالسلامة

ايمان وودها تخنق ماجد ومستغربة كيف عرف رقم منال وكيف صار يعرف اسرار بيت منال


@@@@@@@@@@@@@@


مستغربة نفسها وحالتها مشاعرها متلخبطة انفاسها محبوسة وغصتها خانقتها صحيح هذا هو الي تبغاه لكن......
ناظرت جوالها ولقته لألحين مضوي وكلمته الي انقالت ترن بأذونها

انتي طالق

حاولت تسند نفسها بــ الجدار وهي تشهق ومتألمة ومحروق دمها ماتوقعت النهاية كذا نهايتها اليمة وغير متوقعة طاحت من طولها بــ عنف
وصياح ولدها يرثي حالها من حولها


@@@@@@@@@@@@@





الكل عايش حياته ومتهني فيها الا هي الضربة الي طاحت فيها قبل 7 سنوات جاتها قوية افقدتها عقلها و افقدتها نص حياتها ماتعرف أحد ولا تعرف حتى نفسها جمالها هو هو لسى باقي لكن حياتها الصحية مهملة نظراتها تايهة مؤلمة حزينة
توجع من يناظر لها وحتى أبسط الامور ما تقدر تديرها أمها قايمة فيها وكأنها رجعة طفلة من جديد
ما تعرف أحد الكل يحاول يذكرها فيه لكن محاولاتهم كلها تنتهي بالفشل ابنها ماتعرفه لكن من تشوفه ابتسامتها الجميلة تنرسم على وجهها هو مستغرب هالإنسانة مين هذي ومين تكون يقولون له انها هي امه لكن يحاول مايصدق
عمره الحين 9 سنوات

حاول فايز اكثر من مره يردها له ويهتم فيها لكن ما وثقوا فيه وقالوا ما صنتها بصحتها لين تهتم لها في تعبها ومرضها


فايز حياته ماشية عادية ممله الندم لاحقه في حياته وضميره مو مرتاح الألم متسيد قلبه لكن ما ينفع الصوت لين فات الفوت
يسير على ولده و يشوفه و متعلق فيه وفهد متعلق في ابوه
فايز من يدخل بيت عمه يتألم وينقهروما يحب يكون فيه وتهاجمة ذكريات أليمة ما يحب يتذكرها

بيت عمه الكل ماهم معاه مثل الأول والشيء الوحيد الواصل بينه وبينهم هو فهد

ريم صارت ام لتوأمين مثل القمر منال و سعود ( اسم ابوها)
وحالة أختها مقطعة قلبها وما بيدها حيلة

فيصل عايش حياته لأخته وأمه ويضحي لهم ومأجل زواجة وما هي براسه الفكرة

ايمان حالتها صعيبه وحاولت في معاذ انها تكون وتستقر في الشرقية جنب صديقة روحها وعمرها ومعاذ ابد ما مانع وهي ام لـــ منال الي صار عمرها 6 سنوات وتزنن وكتكوتة


ماجد لوم ايمان تاعبه ومجننة وهالشيء قاعد يتعبه نفسياًً تزوج أخت معاذ ومنال محتلة جزء كبير في حياته ومو قادر ينساها

غدير تزوجت من ارمل بعد طلاقها من فايز بــ 3 سنوات وصارت ام لطفلين من زوجها وزوجة وفية وام حنونة لــ طفلين
وتمر ذكرى فايزفي بالها وتظل ذكرى سعيدة في حياتها ومؤلمة بعض الشيء



النهــــــــــــــــــــــــــــــــــــــــــــــــــــــــ ــاية












حبيت أشكر كل من تابع معي القصة أول بــ أول جزء بــ جزء حدث بـ حدث
القصة عاشت معنا فترة مو قصيرة وأبطالها لهم مكانة بـ قلبي وراح يوحشوني

قبل ماهم يوحشوني انتم الي راح توحشوني وبتوحشني تعليقاتكم وتوقعاتكم واعجابكم وانتقادكم ولهفتي لتعليقكم ع الأجزاء.<<< خنقتني العبرة

راح اوجه الشكر لكل من تابعني بصمت او علق
بــ هالجزء طبعاً مارح أسأل وش توقعاتكم راح أسأل وش الحدث الي ماتوقعتوه وما خطر ع عبالكم وصار

موقف ضايقكم

موقف فرحكم

موقف حزنكم

موقف اعجبكم

هل توقعتم هالنهاية او توقعتوها شي ثاني ووش هي النهاية الي توقعتوها
اوصفوا لي وافرحوني لأنكم ما تتصورون كيف كل ما تتركونه يبث الفرحة في نفسي
هل توقعتم ان هذا الجزء هو الجزء الأخير ؟


أتمنى ان قصتي حازت على اعجابكم الي بكون وسام على صدري افتخر به وشهادة أعتز فيها
ووووووووووووبـــــس أحس إني هذرة واجد ^_^

أحبكم


كلا على حزنه سرى

لـــ عشان الحب .

لي بآآآآآآآآآآآآآآآآآآآآآآآآك مع الردود

رواية حلو يسلمو

فكرة الروايه حلوة يمكن نهايتها الحزينه ما اعجبت الكثير
وعلشان كذا مهجوره !!!!


علشان الحب واضحه موهبتك

لكن ركزي اكثر بالتفاصيل

اتمنى نشوفك بروايه جديدة