ام سطام يمكن هى اللى تقول لام ريم بعد مايعلمها سطام انه متزوج منيره وأنها حامل ويعطيكى العافيه وبآليت ماتتاخرين علينا بالبارت الجاى

تسلمييين حبيبتي يسعدني توآجدك

السلام عليكم ورحمة الله وبركاته

اليوم حبيت اشارك واقولك اللي في قلبي

بصراحه من وقت طويل وانا حاطتها في المفضله

وكل مااجي ابي اقراها وارد عليكي يجيني شيء

بس اصريت اليوم اكملها وارد اعرف اني مقصرة

وقدرك اكبر يالغلا سامحيني من جد رواية رائعة

تجمع بين طيات صفحاتها احاسيس ومشاعر كاتبها

واتمنى لك الافضل دايما بحاول اعطيك رايي بشكل عام لكل شخصية

ومع الوقت ان شاءالله ارد على كل بارت احس باحساسك وانك تبين رد يبرد الخاطر على تعبك

لي عودة دمتي بود

بعد قلبي سوسو , , وربي اسعدتيني بمرورك , , ,

تسلمين حبيبتي وانآ شرفني ردك وكلآمك حبيبتي , ,,

البآرت السآدس عشر
ريم تطلع من البيت وتناظر بيت عمها وتبتسم وتمشي
ريم توصل لسياره وتركب
زآنه وجوآهر بالسيآره..سنننه مو طبيعيه انتي شربتي قهوه ولا فطرتي فطور كامل
ريم ..هههههههههههههههههههههه حرام عليك كلها قهوه وهذي معي
جوآهر بهبال..ألله مشتهيه قهوه عطيني
ريم تعطي جوآهر القهوه..حاره لاتحرقين حالك انتبهي
جوآهر تاخذ القهوه وتشرب..واااو قهوه مرت عمي احبهآ احبهآ
ريم بفخر ..اكيييييد هذي امي حبيبتي
زآنه بفخر..اكيييد هذي حماتي
الكل ..ههههههههههههههههههههههههههه
من السوالف يوصولون للجامعه
ريم تنزل من السياره ..اقول توقعون جود جات
جوآهر تسلم ...اقووول يالله باي تأخرت بروح لخوياتي
البنات..باي
ريم وزآنه يدخلون الجامعه
ريم ..زنو اتصلي على جود ترا ماكلمتها شوفي جات ولا لا.؟
زآنه تطلع جوالها..أوكي
ريم وزآنه يوصلون للوكرات
ريم تفصخ عبايتها ..وتطلع مرايتها من الشنطه وتناظر حالها وتضبط شعرها تفتحه ...ويتناثر على ضهرها مثل السلاسل ...
تطلع من شنطتها عطرها وتتعطر ...
زآنه ..ريوم عطريني عطرك عجبني ..
ريم تعطر زآنه ..ها ردت ..
زآنه تأشر ..لحضه
فجأه زآنه ..هلا جود وينك جيتي ..؟
جود متضايقه ..أيه جيت وينكم ..؟
زآنه خآفت..وش فيه صوتك ..؟
جود بتعب ..لأالا مافي شي وينكم ..
زآنه مستغربه ..باللوكرات
جود ببرود وتعب...يالله جايه
زآنه ..اوكي
زآنه تسكر من ريم وتنآظرهآ...صوتها كأنها متضايقه ...
ريم مستغربه ..يوه وش فيها
فجأه تجي جود رافعه شعرها ومنزله خصلها زي لون الذهب...
حاطه ايلينر سايل بدون كحله داخليه وروج فوشي...
بلوزتها *قيس سودا حزام اسود بالنص تنورتها جنز رصاصي...
ريم تسلم عليها..سلامات الأخلاق قافله ..
جود خافت ان ريم تعرف..لالا بس مانمت كويس امس
ريم مستغربه وتناظر زآنه ..ليييه سلامااات الي مااااخذ عقلك
جود تناظر ريم وبصوت واطي..وجع
زآنه مستغربه من نظرات ريم وبهبال..ليه ليكون انا الي ماخذه عقلك ..
الكل ..ههههههههههههههههههههههههه
ريم ..الا ذكروتي تتوقعون مها جت ..؟
جود بهدوء...هي قالت انها بتطلع من الكويت يوم الجمعه باليل واكيد بيوصلون الفجر
ريم ..طيب خلونا نروح الكلاس ..
البنات يروحون الكلاس وبالطريق..
ريم تطلع جوالها..بكلم مها بشوف جات ولالا..
زآنه ..مايحتاج شوفي دقتها دوليه ...ولالا
ريم وهي تضرب ارقما مها..لا بعد بتحمد لها بالسلامه..
جود تمشي وهي ساكته
ريم تناظر زآنه قبل ماترد وتأشر على جود..هالبنت مو عاجبتني اليوم
جود تبتسم لها..قلت لك فيني النوم
ريم تتصل على مها...دقتها سعوديه يعني وصلت
وفجأه مها ترد وهي ميته نوووم ...ألووو
ريم ..هلا هلا والله الحمد الله على السلامه
مها نايمه ..ألله يسلمك يازعجبك
ريم مببقه عيونها..جد انك حمآآآره عييييب ياحماره مشتاقه لك هب عليك عندك اوف هااا..
مها تبتسم ..ههههههههه ايه والله زين انه عندي
ريم ..هههههههههههههههههه متى وصلتم..؟
مها تتقلب..تقريبا على 5ونص
ريم ..زيين الحمد الله على سلامه
زآنه ...ريوم عطيني مها
ريم تناظر زآنه ..مهو تبيك زآنه ..
مها ميته نوووم ..طيييب
زآنه تاخذ الجوال ..اهلييين يامعوووده
زآنه وهي تبتسم تذكرت ضاري..ياااااالبيه بس يآحلوووهم بس
زآنه ..هههههههههههههه اللبنت خقت لالا انتي يبي لك قعده قووومي تعالي الجامعه بالبريك
مها ميته نوم وتمدد..وييين ميته من النوم بكره بكره بكره لما اشوفك اقول لكم
زآنه ..اوووكي ((زآنه تكلم جود..تبين تكلمين مها
جود تبتسم ..هااا ايه جيبيها
جود تاخذ الجوال وبتعب...اهلين مهو الحمد الله على السلامه
مها وعلى طول عرفت انها متضايقه..الله يسلمك وش فيه صوتك ...؟كأنك تعبانه
جود ماتبي تبين شي...ايه والله خلاص ان شاء الله اكلمك اليوم واقولك لك
مها حست ان الي بجنبها ماتبيهم يدرون..اوكي خلاص اكلمك لا رجعتي من الجامعه
جود تبتسم..اووكي يالله قلبو الحين بيبتدي الكلآس
مها مو متطمنه ..اوكي وانا برجع انام يالله
جود ..اوكي نوم العوافي
جود تسكر من مها
ريم تاخذ جوالها...انتي مو طبيعيه شفيك ..؟وش الي بتقولين لهآ لآ رجعتي .. ؟
جود في عينها الدمعه ..ريم يرحم امك خليني بحالي قلت لك مافيني شي خلاص
ريم مستغربه ومعصبه..اجل الموضوع مو موضع نوم شي اكبر..
جود تنزل راسها وخآيفه بأي لحضه تتكلم..قلت لك مجرد تعب خلاص ريم تكفين ..لاتحنين تكفين
ريم حست انها مره ضاغطه عليها واكيد مردها بتقول لها
ريم تبتسم لها..ماراح اضغط عليك بس متى ماحبيتي تتكلمين انا موجوده
زآنه بهبال..وانا بعد
الكل..هههههههههههههههه
يدخل الدكتوره وتبدء بالشرح
ريم تطلع النوت بوك حقها وتطلع قلمها وتبدء تكتب مع الدكتوره ونفس الشي زآنه
جود بوسط المحاضره تناظر ريم وقلبها مكسووور عليها وبخاطرها..وربي ماتستاهلين الي يصير معك وربي لييه انتي وش غلطتي بحياتك وش سويتي
فجأه الدكتوره ...جووود جووود
جود سرحانه مو منتبه لدكتوره ..
زآنه تناظر جود..جووود وش فيك
جود تنتبه ..هااا ايش وشو ..؟
ريم تناظر جود وتنزل راسها ماودها تضغط عليها...
الدكتوره مستغربه ..جود اناديك ماتسمعيني
جود متلعثمه مشوشه ..انا اآآآ س اسفه (جود تنزل راسها ..))
الدكتوره ..تطلعين برا ترتاحين وترجعين ..؟
جود تهز راسها بأنو اوكي ..
جود تاخذ شنطتها وهي مره متضايقه جود وهي تطلع دمعت عيونها
وحست انها مره مره مره مخنوقه
جود تطلع من الكلاس وتروح لعند اللوكرات وتجلس على الكراسي وتبكي ...
جود حاسه بالذنب انها تعرف هالشي ولا تقدر تسوي شي ولا تقدر حتى تقول لريم
جود تنزل راسها وتبكي والبنات يروحون ويجون جود تحاول تخفي دموعها بس وآآآضح
بالكلاس..
زآنه مستغربه وتقرب من ريم وبصووت واطي ...ريوم وش فيها ..
ريم مستغربه نفس وطوئه الصوت.. في هالبنت شي ومو طبيعيه
زآنه ...ليكون عشقانه
ريم تبتسم وتبي تضحك وخايفه تنتبه لها الدكتوره ...هههههههههههه
زآنه تناظرها ومتحمسه...جد عشقانه وانا مادري..؟
ريم تبتسم...هي عشقانه بس ماعتقد ان هذا الي مضايقها انا اعرف الي تحبه لو شي عنه كان قالت لي
زآنه متشوقه ..ليش من تحب ..؟وربي بقوم اتوطى ببطنهآ تحب ولا تقولي
ريم تناظرها وتبتسم وتناظر الدكتوره وتكتبت...
زآنه بتشوق اكثر وبصوت واااطي..قوووووولي
ريم تكتب بدفترها ..تحب اخووووك بنيان
زآنه من الفجأه بصوت عالي ..قوووووولي والله
الكل جلس يناظر زآنه والدكتوره نفس الشي..
ريم تناظر زآنه على طول وميتين ضحك...ههههههههههههههههههههههههههه
زآنه تناظر الدكتوره ومنحرجه..اسفه دكتوره وربي ماعيدها وربي
الدكتوره عصبت ...زآنه مو انتي وخويتك كل شوي تقطعون علي الشرح وش سالفتكم اليوم خير..مابقى الا ريم ريم بتسوين مثلها قولي من الحين
ريم توهقت ومآعرفت ترد..أأأأ لا دكتوره مافي شي اسفين ههههههههههههههههههههههه
الدكتوره تخزهم ..وتكمل الشرح
ريم تكتب بالدفتر..الله ياخذك وش سويتي انتي هبله ..؟لا ومع هالدكتوره الحماره ماتطيقنا
زآنه بصوت واطي ومستغربه..ريوم من جدك تحب اخوي.؟
ريم بنفس الصوت ..ايه وربي ماكذب عليك
زآنه تبتسم ..قسسسم بالله كنت حاسه بس اخاف اقول لها تقولي وش هالثقه
ريم تبمسم ..ماتذكرين لما كنا بيتكم ومسك يدي بنيان حسباله انها يدك ماحسيتي انها تضايقت ..؟
زآنه تتذكر وترفع حاجبها..الااا صح وانا اقول وش فيها تضايقت
ريم ..ايه عشان تحب بنيان ياحضي عاد توقعت انك حسيتي
زآنه فآهمه..انا حسيت بس قلت يمكن غلطانه
ويسمعون البنات الشرح ويكتبون ويسولفون
بعد دقايق......ـــــــــــــــــــ
عند جود تطلع جوالها
وتتصل على حسن ..اخوها
حسن يشتغل بنك طبعا حسن يمكن ماوصفته لكم ...بس اقدر اقول انه يشبه جود كثييير بس هو اكثر جآذبيه
طبعا هو حنطي عيونه سودآ وشنبه وذقنه مايلين على اللون الأسود الغآمق طويل وعريض وغير كذآ فيه جآذبيه قويه
حسن كان يشتغل وفجأه يشوف جود تتصل عليه
حسن يرد ..هلاوالله
جود تبكي..حسن انا مو قادره خلاص ماقدر اسكت
حسن يحط القلم ويتنهد حس انها مره تعبانه...أأأأأأه شقولك صعب ياجود تقولين لها صعب انتي بعدين بتدمرين حياتها يمكن هو يبي يخفي عليها هالشي
جود تبكي...بس هو يحبها وربي يحبها انت ماتشوف نضراته لها وهو كان يحبها قبل لايتفارقون اكثر من روحه يعني حتى انا توسل لي ارجع علاقتهم مع بعض وتوسل مها وزآنه والبنات ومابقى احد ماتدخل كان يبكي عشان يتزوجها بهذيك السنين وحتى بعد ماملك عليها رجع يحبها بس ..بس ليه الحين متزوج منيره ..؟
حسن يهديهآ..وربي عارف انه يحبها اذكر لما تقولين لي وربي بس انتي ماتدرين وش ضروفه ليه تزوج منيره بالذات اصلا هذي مدري وش اسمها جود وش رايك اكلمه وافهم منه كل شي واقول له ان حنا شفناه واني اخو جود ..؟
جود خافت ..لالا اخاف يقول ليه نتدخل بحياته وتكبر السالفه
حسن ..اجل تبين النصيحه ..؟
جود بتعب..ليت على الأقل خفف علي
حسن..لاتجيبين لها طاري وانسي انك شفتيهم بجيها يوم وبتدري منه ولا تعتقدين ان عرفت ريم منك عن سطآم ماراح تتعب وتتضآيق اصلآ لما تشوفك بتربطك بهالمشكله مو بتتضايق منك بس بيصير لما تشوفك على طول راح تتذكر انك انتي قلتي لها واذا تحبينها وتبينها تكون سعيده بالي هي تبيه وتحبه بيني لها انه يحبها وانسي انك شفتيهم وحطي بالك انه حلم
جود تبكي..صعب صعب ياحسن وربي صعب
حسن ..مو تحبين ريم ..؟مو تبين لها الخير...مو تبين تفدينها ..؟
جود تمسح دموعها..هذا الي ذابحني اني ماقدر اسوي لها شي.؟
حسن..اجل سوي الي قلت لك وصدقيني ماراح تخسرين ...
جود تمسح دموعها..ان شاء الله والله احبها وابيها تكون على طول مبسوطه بس الله ياخذه الخاين وربي كرهته
حسن ..ههههههههههههههههههههه اوووف عاد انتي من زمااان ماتحبينه الحين كرهتيييه مررره
جود تبتسم ..هههههههههه وربي بزياده
حسن..اجل يالله روحي لهم وانبسطي
جود..وربي جالسه افكر فيها وفجأه طلعت من الكلآس من التعب
حسن ..اجل يالله ارجعي كلآسك وبلا دلع
جود بدلع ..وربببي مو دلع بس كنت متضايقه عليها
حسن ..اجل يالله روحي وحضري كلآسك ومآفيه الا الخير
جود تمسح دموعها...اوكي يالله اشوفك لاجيت
حسن ..اوكيي يالله فمان الله
جود تسكر من حسن تمسح موعها بالمنديل وتضبط مكياجها ..
تخلص جود من تضبيط المكياج وتروح للكلاس ..
جود تمسك مغبض الباب ترتجف تخاف بس من ملاقاه ريم وتخاف ان هي ماتقدر تمسك حالها من البوح ودها تبوح لزآنه بس يمكن زآنه تقول لريم
جود تدفع مغبض الباب ويهب هوا التكييف وييهب على غرتها
جود تنآظر الدكتوره..الدكتوره ممكن ادخل..؟
الدكتوره تناظر جهه الباب..تفضلي ..
جود طبعا باين عليها انها باكيه بس شي اكيد لو سئلوها البنات راح تنكر
ريم تناظرها الى ان وصلت بجنبهم وجلست
طبعا البنات منتبهين لشرح سكتو من بعد التهزيئه
تقريبا نص ساعه وتطلع الدكتوره ..
ريم فجأه تضايقت وجلست تهآوش...شوفو جودوه وربي لو ماقلتي وش فيك اعفس ابووو شكلك وربي حتى مافهمت الشرح شوفي لاتقولين لي ماكنتي تبكين ...اوكي
زآنه معها..وربي ان مابقى فيني اعصاب الى ان نقلعت هالهبله وش فيك
جود طبعا كعوايدها تلف وتدور الى ان تضيع الموضوع ..ههههههههههههههههههههههه
اقولكم ولا تتهورون ..؟
ريم مبققه عيونها ...اييه وشو ..؟
جود تصرف الموضوع..احم احم كنت متهاوشه مع اخوي حسن هووووووشه كبيرررره وطلعت من الكلاس رحت اكلمه خلاص الحين تراضينا
ريم عصبت...يااااااااااااااحماااااااااااااره من جدك هذا الي قلقتيني عليه وربي ماعندك سالفه قسسسم بالله نفتي دمييي
زآنه تضربها بالشنطه ..وربي ان لو مو يدي توجعني من ضرب ريوم كان جلدتك وش هالسالفه الغبيه يعني مشقيتنا على الفاضي على بالي عندك سالفه صراحه ماتوقعت هذي اخرتها يآهبله
جود تتتصنع الضحك ..ههههههههههههههههههههههههه وربي حسيت لو بقول لكم مافي شي كان جلدتوني
ريم بخوف..ايه جد انتي ماشفتي وجهك وش كان لونه وربي اصفففففر شكلك كنتي تعبااانه
جود بستهبال..والحين
ريم تبتسم لها..يلووومووني ياهبله فيك
البنات ...هههههههههههههههههههههههههههه
ريم..بنات قومو نفطر والله بموووت من الجوع
جود بتعب ..اييه حتى انا جوعانه
زآنه ...يالله سرينا
البنات يطلعون الكفتيريا ...
ريم تاخذ لها سآندوش وعصير
وزآنه عصير...
جود سآندوش وعصير
يجلسون البنات على الطاولات ...وقلبوها فله وضحك...
ــــــــــــــــــــــــــــــــــــــــــــــــــــــــــــ ــــــــــــ
جوآهر تو طالعه من الكلاس مع خويتها نوف...
جوآهر تطلع وهي ساكته
نوف تناظرها...احم احم سعد هنا ...
جوآهر فز قلبهآ..ههههههههههههههههههه الله ياخذ بليسك فز قلبي
نوف..ههههههههههههههههههههه شكلك تحفه يعني لما قلت سعد على طول هلاااا
جوآهر ..ههههههههههههههههههههه حرام عليك قلتي اسمه وربي فز قلبي من زمان ماشفته
نوف مستغربه ...ليش هو مو ولد خالتك على طول..؟
جوآهر بلهفه..الااااااااا بس وين مانشوفهم كثييير يعني اخر مره شفته قبل سبوعين لما رحنا بيت خالتي وجلسنا مع رهف وجا بيدخل كلنا تغطينآ ومر يعني لا هو شافني ولا انا شفته كووويس...
نوف..ههههههههههههههههه حمدي ربك غيرك ميتين على نظره من هالزفت الي عندي
جوآهر ..أمااا لاتقولين ماجبتي راسه ...؟
نوف متحسره ..وييين هذا حنا بنملك وربي ياجوجو احيان لو يشوفني بالصدفه احس انه مو متلهف علي يعني ماحس انه يبيني ...
جوآهر ...بلا هبال تلاقينه منحرج ..وش رايك تبينه يرمي حاله مايصير بتشوفين لاملكتي كيف بيكون معك ..
نوف متأزمه...أمييييييين الله يسمع منك واخينا في الله ماقرر يتقدم ..؟
جوآهر بحيا ..الا بس لما تملك زآنوه بيجي
نوف بحرك خبث..من قالك ليكووون
جوآهر..هههههههههههههههههههههه لاوالله مافي مرسال غرام الا رهف هي الي تنقل اخبارنا وسوالفنا
نوف بنفس النظره ...جوجووووه اكيييد ..؟
جوآهر ...ههههههههههههههه وربي اكيد يعني تتوقعين مني اسوي كذا..؟
نوف بثقه..اكيد لا
جوآهر ترفع حاجبها..اجل كولي هوا وقومي نروح ابي اكل شي حسيت اني ودي بحلى
نوف ..ههههههههههههههه اهم شي انك حسيتي يالله خلينا نروح
جوآهر ..ههههههههههههههههه يالله
جوآهر مع نوف بالكفتيريا
جوآهر تاخذ لها جلكسي ونوف نفس الشي
يجلسون بطاوله ...
جود تشوف جوآهر ونوف ..وتأشر لهم
جود ترفع يدها..جوجو تعالي حنا هنا..
نوف تنتبه لجود..جوجو شوفي جود خويتك ..
جوآهر تناظر من وراها ..وتأشر لها..هلا هلا
جود ..تعالو ...
جوآهر تأشر ..اووكي
جوآهر..نوفه قومي ..
نوف نحرجت ..احس فشله
جوآهر تشيل شنطتها ربرتو(بنفسجيه)...اقووول امشي وانتي ساكته
نوف تحطمت ..ههههههههههههه مالك داعي جوآهر هههههههههههههه حطمتيني
جوآهر ..ههههههههههههههههههههه والله من جد يالله قومي بس
نوف منحرجه ...يوووه طيب يالله من جد احس فشله
جوآهر تناظرها بنص عين ..من الي يتفشل هاااا
نوف تضربها..هههههههههههههههه حرام عليك شآيفه وجهي مغسول بمرق
البنآت .. هههههههههههههه
نوف وجوآهر يمشون بين الطاولات يوصلون لطاولات ريم وخوياتها ...
نوف تسلم على ريم ..اهلين
ريم تقوم تسلم عليها..هلا هلا والله كيفك وين ايامك مانشوفك ..؟
نوف تبتسم ..تسلمييين ياقلبي بخير انتي شخبارك والله جالسه مع بنت عمك
ريم تضحك وترفع غرتها وتبتسم وتطلع بقمه جمآلهآ..ههههههههههههههه اجل مع جوجو
الكل..ههههههههههههههههه
نوف تسلم على زآنه ..هلا هلا والله
زآنه ..اهليييين يابنت من جد مبطي عنك شحالك
نوف ..هلا فييك والله مشتاقه لكم انتي شخبارك انا بخير ...
زآنه ..دوم يارب
نوف تسلم على جود ..اهلين كيفك شلونك .؟
جود تبتسم ...هلا والله كيفك بخير الله يسلمك يسرك حالي ..
نوف تبتسم..انا بخير الحمد الله ماسأل الا عن حالك ...
جود..تسلمين يا ربي ..
جلسو البنات مع بعض ..وسوالف وحكي ...
جوآهر مستغربه ..اجل وين مها عنكم ..؟ماجات من الكويت ...؟
ريم ..الا جات الصبح بس اليوم عندها اوف
جوآهر ..يحليل زين كملت نومها
زآنه ميته ضحك ...ههههههههههههههههههههههههههه وربي كلنا حسدناها على هالنوم ..
جود ...هههههههههههههههههه وربي بتحلم بكوابيس مايسوى عليها
نوف..هههههههههههه ياحياتي تلاقينها كل شوي تنتبه
الكل ..ههههههههههههههههههههههههههههه
ريم تناظر ساعتها ...زنو بكلم السايق نمشي..؟
جوآهر ...ايه والله حنا الدكتور عتذر
زآنه ..حلو اجل يالله كلميه
جود ..اجل حتى انا بتصل على اخوي
ريم تطلع جوالها وتتصل على السايق...
عآبر كان قريب من الجامعه يرد ..يس ..
ريم ..سيد يالله تعال جامعه انت قريبت ولا بعيد .؟
عآبر..لا قريب انا خلاص انت اطلع ...
ريم ..اوكي
ريم تسكر من عابر ..يالله زآنه ترى قريب من الجامعه..
جود تكلم اخوها وتقوله يجيها ..
زآنه وجود وجوآهر وريم يسلمون على نوف...
نوف تسلم عليهم ...ويروحون للوركات
كل وحده تلبس عباياتها...
ريم تسلم على جود..يالله قلبي اشوفك بكره ..
جود تسلم عليها..يالله على خير ان شاء الله
زآنه ..باي جووودي
جود ..بايو قلبي اشوفك
جوآهر ...باي جود نشوفك بايو
جود تبتسم..على خير ان شاء الله
البنات يطلعون من الجامعه وتبقى جود تنتظر اخوها
جود تناظر ريم وهي تطلع وريم وزآنه وجود يمشون ثلاثتهم
جود تناظر ريم من وراها وهي بقمه الحزن... ماتستاهلين الي يصير معك ..ربي يصبرك وربي قويه عليك مدري كيف بتتحملين لا دريتي
ــــــــــــــــــــــــــــــــــــــــــ
البنات يركبون السياره وفجأه لأول مره يركبون مايسولفون ...
زآنه مستغربه من هالوضع ..وش فيكم ساكتات ..
جوآهر مستغربه ..حتى انا ستغربت مو من عوايدنا هههههههههههههههههههه
زآنه ..هههههههههههههههههههههههه
ريم بحاله صمت تفكر ...
زآنه تناظر ريم ..وش فيك ..؟
ريم تناظرها ..تدرين اني ماصدقت جود لما قالت انها متهاوشه مع اخوها
زآنه ترفع حاجبها...ليش شكلها كانت صادقه ...
ريم تهز راسها..زآنو مو غريبه علي جود تراها خويتي واعرفها اكثر من ماتعرف حالها وصدآقتنآ مو تو ترآ من بتدآآآئي وحنى اطفآل مع بعض مآتفآرقنآ تجي تقول هالكلمتين بصدق يعني ؟ ..
جوآهر فجأه ..جد وش فيها جود احسها مرررره متضايقه يعني مو على عوايدها ..
ريم ..مدري تخيلي من جينا وهي متضايقه وفجأه بالكلاس جلست تبكي وطلعتها الدكتوره برا ولما هدت رجعت يعني كانت احسن من قبل ماتطلع ..
ولما سألنها قالت متهاوشه مع اخوي واضح انهآ كذبه مو جود الا تبكي على هالشي جود دمعتها مررره عزيزه مو على هالأشياء التافهه ..
زآنه تفكر ..أيه جد جود ماتبكي على هالأشياء بس قلت يمكن كانت الهوشه كبيره
ريم تعلق..ايه بس مو تسوي الي سوته فجأه تبكيي ..؟
جوآهر مستغربه ..طيب ليه ماتأكدتو منها
ريم ..كل شوي قالت مافيني شي مافيني شي لما مسكناها انا وزنو قال لا بس متهاوشه مع اخوي ..
جوآهر ..طيب ممكن جد انها متهاوشه معه ..
ريم تحط يدها على راسها..انتووو ماتعرفون جود..؟اكيد خابرينها ماتبكي الا على الأشياء القوووويه مو على هالأشياء التافهه ..
زآنه مستغربه...حيرتنا اليوم بس صدقيني مردها بتقول ...
ريم ..عاد انا خايفه ان بها شي صراحه ودي اعرف اليوم قبل بكره ..
جوآهر تبتسم..اليوم خبر بفلوس بكره ببلاش نلقاه
ريم تبتسم ..صح عليك انتي صح يالله نصبر لبكره ..
ريم فجأه ..بنات بقول لكم شي ..
جوآهر مستغربه ..وش ..؟
ريم بخجل ...شتقت لسطووووم
البنات ..امااااااااااااا
زآنه مو مستوعبه ...لالالا ماقدر انا ليكوووون
ريم بحسره ..شكله رججججعت اشتآآآق له
جوآهر مبسوطه ..يسسسسسسس هذا الي نبيييييييييييه
ريم بخوف وحيا ..شووفووو بقول لكم شي
زآنه تناظرها. .. انا اقول انتم فيكم بلا تكلمي قولي خلاص
ريم تناظرهم بخجل..الخميسسس...
زآنه تناظرها..ايه .؟
ريم ..انا وسطام .
جوآهر متحمسه ..كمممملي
ريم تبتسم بخجل...كنا انا وياه بالشآليه وجلسنا مع بعضضض
زآنه مو مستوعبه ..اييييييييييييييييييييييش.؟
جوآهر مره مو مصدقه..روحي انصبي علي غيرنا .؟
ريم ..ههههههههههههههههههههههههههههه وربي اني صادقه..
جوآهر مو مصدقه ... نصآبه نصآبه مآتسونهآ
ريم تفتح جوآلهآ .. شووفي صورته وهو بجنب الخيل
زآنه تنآظر هي و جوآهر... اييييييييييييييه هذآ الي نبيييه
ريم وزآنه وجوآهر .. ههههههههههههههههههههههههههه
زآنه مو مركزه ....وش صاير يعني شلون رحتي اصلااااااااا
ريم تبتسم ..امممم لما تأخر ولا عطانا وجه خليت ساري يودينيي الشآليه ورحت له
جوآهر متحمسه ..ايه ايه كملي وبعد
ريم تنحرج..وشسمه هذاك هيييه عيب وش اقول يالله كلو هوا
البنات ..هههههههههههههههههههههههههه
زآنه مبسوطه ..هههههههههههههه ريوم وش صار تكلمي .؟
ريم ..هههههههههههههه ماصار شي بس خلاص ثنينا رتحنآ شوي من التفكير ونبسطنآ تقدرين تقولين كل شي الحين اوكي
جوآهر ..جججججججد وش قلتي له ..؟
ريم ..ههههههههههههههههههههه قلت له اني احبه وهو برضو وعادي سولفنا
زآنه مبسوطه ..ونااااااااااااسه من جد حماره ليش ماقلتي لي وربي احس مو مصدقه
ريم بهبال..شتقت لللللللله
زآنه ..ههههههههههههه اتصلي عليه الحين ..
ريم محتاره ..الحييين صعبه الساعه 1 قويه دقتي عليه الحين اخاف انه بالشركه
زآنه نبسطت ..أيييه احسن بالعكس راح ينبسط يالهبله راح تبسطييينه
ريم محتاره ومنحرجه..من جدكم ..؟
جوآهر متشوقه ..أيييييييه يالله تكفين ...
ريم تطلع جوالها ...وتضغط على رقم سطام ..
يدق الجوال
ريم بخوف ...يووه قام يرن خفت ههههههههههههههههه
زآنه ..ههههههههههههههههههه مالت وش هالحياء الفجأه
طبعا سطام كان نايم عند منيره وسطام كان نايم وهو منيره مانامو الا متأخر ولا راح حتى هو لشغل... نايم عندها وعلى اساس انه مسافر او مشغول او ..اوو
منيره تسمع دقه الجوال وبصوت نايم منيره يتغير صوتها لاكانت نايمه يقرب للمياعه ..
منيره وهي بها النوم..حبيبي قوم جوالك يدق
سطام مابه حيل يقوم ..خليييه خلينا نننام
منيره مو قادره تنام ..انا برد
سطام كان نايم ولا حس بالي قالته له ...
منيره ترد وطبعا كان متغير صوتها ..الووو ..
ريم مبققه عيونها منصدمه هذا مو صوت مزون ولا صوت لميا ولا صوت مرت عمها...الووو ..من معي ..؟
منيره مانتبهت ان هذي ريم ...انتي الي مين متصله على الجوال وتسألين
ريم ستغربت ..نعم ....؟ مو هذا جوال سطام ..؟
منيره نتبهت لصوت ان هذا صوت ريم ...
وتقفل بوجها السماعه وتصرخ ..سطاااااااااام قووووم قوووم انا رديت على ريييم قوووم
سطام من هول ماسمع يطيح على الأرض..وش سويييييييييييتي انتي انهبلتي ..
سطام ياخذ الجوال ويقفله ..بذبحك ليه تردين انتي مجنونه انا قايل انتي بتودينا ورا الشمس ..
منيره ماتدري..وربي ياقلبي مادري وربييي مادريت انها هي انا ستغربت وكنت نايمه ماجا على بالي شي
سطام يقوم ولا يرد عليها ودخل الحمام بسرعه وياخذ شوور سرييييع سرريييع ويطلع من الحمام بروب الحمام ..
سطام معصب ويأشر بصبعه..وربي لو مو انتي حامل كانت تصرفت تصرف ثاني معك
منيره تضايقت من قوله فرضا بيضربها ..ليش ناوي تضربني يعني ..
سطام يطلع ملابسه ويلبس ملابسه الداخليه وثوبه وغترته وعقاله ويتوجه لشركه..ولا كان يرد على منيره بأي سؤال من اسألتها
طبعا ريم تضرب الأرقام وتشوفه مسكر
زآنه تناظرها..وش فيك ..
ريم مره متضايقه ..ردت علي بنت ولما اتصلت الحين مقفل
زآنه عرفت ان سطام كان عند منيره حاولت تصرف المووضوع
زآنه تبتسم بسمه حزن ...ههههههههه أي بنت انتي الثانيه يعني اكيد يامزون او لميا
ريم تضايقت ...لالا لا صوت مزون وش يجيبها من بيتها هالوقت ولميا وش يجيب جوال سطام بجنبها وحتى الصوت مو صوت لا مزون ولا لميا ولا مرت عمي
زآنه ماتت خوف وخافت ان ريم تعرف..يمكن دقيتي الرقم غلط..؟
ريم تناظر جوالها وتتصل عليه ومعصبه..اي غلط انا اكلمه دايم على هالرقم وانا مادقيت قلت يمكن غلطت بالأرقام انا دورت رقمه واتصلت عليه ...
جوآهر مستغربه..يعني منو جد منو هذي(طبعا ماتدري عن سطام ومنيره *)
زآنه ترضربها بطنها .. آآآآآآآآ شنو من هذي يمكن بعد هذي مرت عمي
ريم مره عصبت..زنو لا تخليني انفجر لامو صوتهم مو انا ماعرفهم وليه قفل الجوآل ابي افهم وربي لأارمي عليه دبلته وادوس به بالأرض خاين بعد.؟
زآنه ماتت خوف..اي خاييين انتي الثانيه انهبلتي طيب دقي مره ثانيه شوفي يمكن متخربطه انتي بين الأرقام
ريم ترمي الجوال على زآنه ..مااراح اتصل عليه ولا راح اكلمه بالعنه
جوآهر حست من دفاع زآنه عن سطام ان في شي..وسكتت
جوآهر بس ودها تعرف السالفه من زآنه ..
زآنه تاخذ الجوال وتتصل ..مقفل..
زآنه ..شفتي اكيد انتي متصله غلط ليه يقفله لو هو على قولتك خاين ورايح مع بنت ليش يخاف منك كان فتحه وليه خلها هي ترد عليك اكيد انتي داقه غلط ترا انا تصير معي يمكن الرديف
ريم تبكي..خلااااص لا هنا وكفايه
زآنه تسكت ...
جوآهر ..لا اله الا الله
ريم وزآنه ..محمد رسول الله
ريم توصل للبيت ...
زآنه ...ريوم انزل معك
ريم تسكر الباب بقوه ...لا ابي اجلس لحالي
ريم تدخل البآب بسسسرعه وهي متضآيقه
زآنه تضايقت وبصوت مخنوق...أيووواااه هذا الي ماحسبنا حسابه
جوآهر تناظرها وبصوت مخنوق...زآنه فيه شي انتي خافيته عني صح ..؟
زآنه تسكت وتنزل لبيتههم هي وجوآهر ...يدخلون الحوش
جوآهر تمسك زآنه ...زآنه انا قلبي بدئ يألمني وش السالفه قوليلي
زآنه تشيل شيلتها وكانت فيها دموع ..جوجو انتي اكيد بتعرفين بس طلبتك بغلات ابوي ماتقولين السالفه لأحد ولا حتى لخويتك نوف..
جوآهر تمسك راسها..زآنه وربي بديت اخاف اكثر واكثر
زآنه ...خلينا ندخل ونفصخ عباياتنا ونجلس لحالنا بعد الغدا واقولك
جوآهر من الخوف..تكفين وربي احس اني بطيح ..
زآنه تنزل راسها ..الله يعين
زآنه وجوآهر يدخلون البيت
ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــ
ريم تدخل البيت وتشلح عبايتها ولا كانت تشوف من قدامها ماحتى سلمت على جدتها ولا على امها
ام ساري ستغربت ...ريم ...ريم شفيك
ريم تبكي ..يمه خليني لحالي الله يخليك مابي اشوف احد
الجده خافت..بسم الله عليك يمه وش فيك ..؟
ريم ماعطت احد وجه وتصعد فوق وتدخل غرفتها وتسكر على حالها الباب
فجأه تاضي تسمع صوت ريم وتدخل الصاله ..كأن سمعت صوت ريم جت ..؟
ام ساري مو متطمنه..ايه جد واخلاقها مره تجاريه وهاوشت لاحد يكلمني وراحت غرفتها
الجده بخوف طبعآ مره حنونه على العيال ...ياربي وش فيها بنيتي
تاضي حست ان الحال متأزم ..طيب طيب انا بصعد لها فوق وبشوف وش فيها
تاضي تمسك الدربزين وتصعد وتمر بالسيب لغرفه ريم
تاضي تضرب الباب ...ريوووم ريييوم..ريوم حبيبتي افتحي
ريم تصرخ وهي تصيح ...خلوووني لحالي مابي اشوف احد خلووني تكفون خلوني ...
تاضي خافت ريم مره منهاره ..ريم حبيبتي مو زين تجلسين كذا لحالك سمي بالرحمن واطلعي ولا افتحي الباب
ريم نفس الحاله ..تاضي يرررررحم تراب امك خليني وربي ماني طايقه حالي خليني
تاضي حست ان ريم مره تعبانه حبت تخليها لحالها ..اوكي انا بخليك بس برجع لك سمي بسم الله
ريم ماردت عليها
ماغير تسمع شهقات بكيها
تاضي بخوف..بسم الله عليك وش فيك ..
تاضي تنزل وهي مره خايفه مع من متهاوشه وشفيها ماحد يدري..
ام ساري تشوف تاضي..ها وش فيها..؟فتحت لك
تاضي معبسه ..لالا مير تبكي خفت عليها ...انا بكلم زآنه اكيد تدري وش السالفه
الجده ميته خوف لأن شكل ريم مره كان يخوف من الأنهيار...ايه يمه كلميها تأكدي
تاضي تاخذ جوالها وتتصل على زآنه ..
زآنه كانت بالصاله مأأأساه وخايفه تنتظر وش بيصير من مصايب..
زآنه تناظر جوالها
تضوو تتصل بك ...
زآنه ترد بتعب..هلا والله
تاضي ..اهلين هلا والله كيفك ..؟
زآنه بتعب..بخير الحمد الله
تاضي..اقول انتو سالفتكم سالفه وش فيكم ريم وش فيها دخلت تبكي وكأن ميت عليها احد
زآنه تبي تبرر ان الوضع طبيعي..جد تبكي ..؟ليه شفيها غرييه كنت معها قبل شوي ماشفتها تبكي ...متى بكت ..؟
تاضي..تقول نوره من اول مادخلت شافتها تبكي ولا حتى سلمت عليهم وقالت لهم خلوني انا رحت لها اضرب عليها الباب مافتحت لي وجلست تتوسل اني اتركها لحالها زآنه فيه شي قولي لي ...
زآنه تعذر..لا ولا شي انا علمي علمك اصلا خوفتيني ليكون فيها شي
تاضي مستغربه..يوه والله مادري وربي خفت خلاص بشوف وش سالفتها
زآنه ترقع...اوكي طمنيني عليها اخاف اتصل عليها ماترد..
تاضي..اوكي خلاص يالله باي
زآنه تسكر من تاضي وترسل على طول رساله لريم ...
ريوم حبيبتي بنعرف وش السالفه وانا متأكده انك غلطتي بالرقم بس لاتقولين لمرت عمي وامي سلطانه ليه انتي زعلانه جيبي لهم أي عذر خلينا ندبر حل
...جاااري الأرسال
تاضي تروح لنوره ام ساري والجده ...تقول ماتدري وش فيها وان هي قبل شوي معها مابها شي غريبه وش فيها تبكي يعني حتى هي مستغربه
الجده بتعب ...انا الي بصعد لها والله مايدعيني قلبي
ام ساري بخوف..لا خالتي وين تصعدين تعبين حالك
الجده ..بصعد بلهآ مافيه تعب ماقدر اصبر
تاضي تناظرهم.. يمه نخليها شوي تهدى شوي واكيد بتنزل
الجده بخوف..وربي انه نشف دمي اعوذ بالله من الشيطان الرجيم ..
ام ساري بخوف ..ياربي وش فيها بنتي
ــــــــــــــــــــــــــــــــــــــــــــــــــــــــــــ ــــــــــــ
ريم بالغرفه جالسه على الأرض مسنده ظهرها على السرير ومخبيه وجهها وكنها مخبيه نور القمر بستاره وكن الستاره شعرها ...ونور القمر وجهها
ريم تبكي وتتصل على سطام وسطام مقفل جواله واصل بالشركه متحري أي اتصال من أي احد..
ريم تتذكر ..وتتصل على ساري
ساري كان بمكته وجالس يضبط الأوراق عشان مابقى شي على الدوام .
طبعا سطام عشان يستر على حاله اول ماوصل الشركه راح لعمه بو ساري ولساري وكان بوجههم بحيث لو ان ريم تتصل على احدهم يقولون انه موجود
ريم تتصل على ساري
ساري يرد وهو رايق ..هلا هلا وغلا
ريم تمسح دموعها ..اهلين ساري كيفك
ساري مستغرب من ان اخته تبكي..وش فيك تبكين
ريم ..لالا بس مرشحه ماخذه برد شوي وينك ..؟
ساري ماصدق..ريموووه واضح تبكين
ريم مالها ابد مزاج...ساري خلاص قلت لك مرشحه
ساري حس ان اخته مررره معصبه ...طيييب طيبب مرشحه ولا يهمك
ريم ..وينك ..
ساري يضبط الأوراق...والله بالشركه شوي واطلع ليه تبين شي.؟
ريم ..طيب شوف بس لاتبين شي اوكي ..
ساري مافهم ..لا ابين وش..؟
ريم ..يعني لو بجنبك احد لا تبين له انك تسولف معي عن شي اوكي
ساري مستغرب ...يؤ طيب تامرين وش بغيتي
ريم بتعب وخوف ...سطام موجود بالشركه ..؟
ساري متأكد انه توه شايفه ..ايه موجود ليه ..؟تبينه
ريم بخوف...لالا بس انت متأكد شفته ..اليوم والحين .؟
ساري ..ايه الا الضاهر شفته توه طالع من مكتبي
ريم بتعب ...مابي الضاهر اكيد اكيد شفته ...؟
ساري مررره مستغرب من هالسؤال...اييه تبين اناديه لك الحين ايه وربي توي شفته وش فيك انتي ..؟اقولك توه طالع من مكتبي
ريم رتاحت شوووي ...اوكي خلاص طيب ...باي
ساري مو فآهم..هيه هيه وش فيك انتي
ريم بتعب..مافيني شي يالله ساري اشوفك لا جيت مره مشغوله ...
ساري انفك راسه من الي سوته اخته ...اوكي طيب يالله شوي وبنجي انا وابوي ..
ريم ..اوكي باي
ساري ...باي
ريم تسكر من ساري وترتاح شووووي ان سطام ماكان مع بنت وانه كان بالشركه بس منو البنت الي ردت عليها من هذي وش جيبها لجوال سطام
ريم تحط جوالها على الطاوله وتدخل الحمام تمسح وجهها بالمويه وتمسح الكحل السايح وتضبط كحلها ...وتحط لها قلوس بروان هااادي
تروح لخزانتها تطلع لها بنطلون شمواه مع جنز من برشكا** وتيشيرت براون
ريم تحط ملابسها الجامعه بالسله **
وتروح تفتح الباب وتطلع من غرفتها والجوال مو معها
ريم تنزل من الدرج وكانت تنزل بهدوء مو عارفه وش تبرر لهلها وش الي صار وش سبب هالبكى ..
ريم توصل تحت ...وتدخل الصاله...
ريم تناظرهم ..السلام عليكم ..
الكل ينظارها ...وعليكم السلام
الجده تناظرها وتدمع عينها ..وش فيك يايمه وش له بكيتي قبل شوي
تاضي ساكته حست مالها داعي تتكلم
ريم بتعب ..يمه كنت تعبانه بس رتحت ونزلت
ام ساري بخوف..وش تاعبك يمه قولي لي
ريم تبتسم ..ولا شي تعب بسيط وخلاص ان شاء الله راح
تاضي تبتسم لها..وجع ياحماره خوفتينا عليك
ريم تبتسم بتعب...طيب انا كنت متضايقه وتعبانه انتم وش له تتضايقون
الكل ..هههههههههههههههههههههه
ام ساري..والله موتينا خوف مادري وش فيك انتي ماشفتي حالك وربي كأنك منهاره
ريم تجلس..الحمد الله كنت تعبانه ومتضايقه من شي وخلاص
نص سآعه ويدخل بو ساري وساري
الرجال..ألسلام عليكم
الكل ..وعليكم السلام
ريم تروح لأبوها وتبوس راسها ..هلا يبه
بو ساري..هلا هلا والله هلا وغلا
ويضم بنته ويشوف وجهها كأنها تبكي...علامك.؟
ريم تبتسم ..ولا شي يبه
بو ساري..لا بك شي وش فيك احد زعلك
ريم ..لالا بس كان راسي يألمني خذيت بندول والحين كويس
بو ساري يناظر بنته...اكيد ..؟
ريم تبتسم ..ايه يبه اكيد
بو ساري يناظر ام ساري ..يالله يانوره ميت من الجوع حطي الغدا..
ام ساري تقوم..ان شاء الله
ريم وتاضي..بنجي معك
ريم وتاضي يروحون مع ام ساري
يدخلون المطبخ ريم ساكته تشيل الأغراض وهي ساكته
تاضي تناظرها ...وربي فيك سالفه قوووويه
ريم بصوت واطي ماتسمعه غير تاضي...ظلمته ..
تاضي تقرب منها وهي شايله مو المويه ...منو ظلمتي..؟
ريم بنفس الصوت ..سطام
تاضي تناظرها ..وش سويتي
ريم ..بسرعه بسرعه بقولها لك كلمته وشكلي دقيت عليه بالغلط وردت علي بنت واقوللها من انتي قالت انتي الي متصله وتسألين وسكرت بوجهي وهي صوتها كأنها نايمه
تاضي مستغربه ..نعممممممممممم
ريم تبتسم ...هههههههههه اسمعي واتصل مره ثانيه واشوفه مقفل وكنت شاكه انه مع بنت
ام ساري تهاوش..يالله يابنات اخلصو
ريم تأشر..طيب طيب يمه جايات
ام ساري تروح غرفه الطعام ...
تاضي بحماس..كملي..
ريم ..كلمت ساري قلت له موجود هو ولالا قال الا موجود قلت اكيد قال اكيد انا تو شايفه شكلي اتصلت عليه غلط كسر خاطري والي اكد لي انه يقولي انه كان توه طالع من عنده
تاضي ..مسكين ولد اخوي كل مره تظلمينه ماراح تفهمين انه يموت فيك
ريم تبتسم ...عاد انا بتأكد من السالفه وبقوله ليه جواله مقفل بس لما يتصل علي لأن جواله اكيد فيه موجود بشوف مكالماتي
تاضي..ههههههههههه وربي غيوووووووووووووووور
ريم ...ههههههههههههههههههههههههههه انا من حقييي اغييييير
تاضي وريم يروحون غرفه الطعام
ريم وهي تمشي تغني..انا من حقي اغير حولك العالم كثيير كلهم يبغون قربك. لاكن ادري قدري في قلبك كبير..لو تدور الكون كله مابتلقى مثل طيبي..حتى كلمه ياحبيبي مني غير...مثلي ماصار بحياتك ولا ولاعمره بيصير..
ام ساري تناظرها..لالا من جد بنتي فيها انفصام بالشخصيه ساعه تبكي ومتضايقه وساعه مبسوطه وتغني
الكل ..هههههههههههههههههههههههههه
الكل يتغدى وكان مبسوط بس ريم تضايقت انها ظلمته وخافت انه به شي ليه مقفل جواله
تغدو الأهل راحو وجلسو يتقهوون
عند بيت بو بنيان زآنه وجوآهر بغرفه زآنه
جوآهر تصرخ مو مستوعبه ...لالالا من جدك انتي تتكلمين متزوج منيره بنت عمتي وريم ماتدري انتي انجنيتي من جدك انتي
زآنه في عينها الدمعه ...وربي ماكذب عليك والي ردت عليها اليوم مليون في الميه منيره لأنها سكرت السماعه بوجهه وسطام اكيييد قفل الجوال
جوآهر منزله راسها وتبكي...لا تكفين لا الا ريم تكفين الا ريم مستحيل ريم معها يصير كذا عشان كذا من البدايه مابغاها وصارت الهوشه لا وليه يتزوجها ...
زآنه تمسح دموعها...انتي تدرين منيره كبيره وهي تحب سطام وعمتي مدري وش سوته يقولي اجبرتي اني اتزوج منيره حتى بدون مهر تخيلي
جوآهر تبكي..حسبي الله عليها كانها عفست حياه الرجال الله لا يوفقها
زآنه ..جوجو عيب هذي عمتك
جوآهر تبكي..اي عمه هذي خرابه شوفي وش سوت بحياتهم وهي تدري ان سطام يحب ريم مو بس هي العايله كلها تدري انهم يحبون بعض ليش تسوي كذا
زآنه متضايقه ..هي قصدها ان بعد مانفصلو بالبدايه اكيد ماراح يرجعون وبنتها تحبه وهي اكبر منه بسنه وهو جالس عندهم فزوجته اياها بس اكيد بطريقه بشعه
جوآهر معصبه ..ليه هو الزواج لعبه بيدها الله لايوفقها لادنيا ولا اخره
زآنه متضآيقه ...مانقول الا حسبي الله ونعم الوكيل

هنآ ينتهي البآرت
هل جوآهر بتسكت مآرآح تقول لريم وبيمشي المووضوع طبيعي ؟
ريم وش بتسوي بعد مآسمعت صوت منيره ؟
رآح تعرفون بالبآرت الي بعده