الله يعافيك من عيوني ....

الجزء الثآلث عشر
تحت بالصاله ...
الجده غطت عينها ....
ام ساري تكلم الجده..خالتي اوديك غرفتك تنامين ..؟
الجده نعسآنه..ايه والله ياليت يابنيتي
زآنه تقوم ..وانا بعد بوديها معك
طبعا الجده لكبر السن تمشي بعصاتها ولازم احد يساعدها ...
زآنه تمسك اليد اليمين وام ساري الي الشمال
ويودونها غرفتها ...
ام ساري ترفع الوساده عنها عشان تحط راسها وهي مرتاحه ...
وزآنه تغطي الجده عشان تنام
ام ساري..خالتي تبين شي.؟
الجده..سلامتكم
زآنه تبوس راس جدتها..يالله تصبحين على الخير يايمه
الجده..تلقين خير ان شاء الله
زآنه وام ساري يطلعون من الغرفه
وفجأه ام ساااري تمسك يد زآنه يدووور راسها ويختل توازنها ..
زآنه خافت وفز قلبها... نوره وش فيك ..؟
ام ساري تحط يدها على راسها ويتغير لون وجها..لأا بس راسي دار فجأه
زآنه خافت اكثر..انادي ريم .؟انادي احد ..؟
ام ساري..لالا الحين يروح خلاص
ام ساري شوي ويرجع توازنها ويروح الدوار
زآنه بخوف..نوره خليني اقول لعمي يوديك المستشفى
ام ساري تبتسم ويبين عليها التعب ..زنو ماله داعي الحين راح
زآنه ..بس مازال على وجهك التعب
ام ساري تخبي تعبها وتمشي..تعالي بس نروح للبنات والحين برتاح
زآنه تبتسم لها..طيب على راحتك
ام ساري وزآنه يروحون للحريم
وكان الوضع شوي متأزم عشان سطام
ام سطام تقوم وتلبس شيلتها ..يالله لميا انا بروح قومي
لميا ..ان شاء الله
ام ساري..بدرري وش فيكم اليوم كلكم رحتو بدري تو اليل
ام سطام..والله ان منشغل بالي على سطام بروح انتظره بالبيت
ام ساري تبتسم ..طيب الله يطمنك عليه
ام سطام ..امين
تطلع ام سطام ولميا من البيت ويروحون لبيتهم
لميا صعدت بغرفتها
وام سطام بالصاله تنتظر سطام
ساري عند الرجال
كان عنده رقم لميا وده انه يكلمها من خذ رقمها ماكلمها ولا مره
بنيان حس انا ساري يبي يصرفه وكل شوي تثاوب
بنيان ..يالله سارري انا بروح البيت تبي شي..
بو ساري..اجلس يابوك وين رايح
بنيان ..لاعمي بروح انام وكذا تبي شي.؟
بو ساري..سلامه قلبك
بنيان ينآظره انه سآكت ولا قآله اجلس..ههههههههههههههههههههههههههههه قول اطلع احسن لك
ساري ميت ضحك..هههههههههههههههههههه ياحلاتك فهمتها يافهيم
بنيان يطلع..يالله مع السلامه
بنيان بفكره وعقله جود مايعرف كيف ملكت قلبه وكيف عرف ان جود تحبه
ساري يقوم..يالله يبه انا بروح اتمشى تبي شي.؟
بو ساري ..اجل حتى انا بدخل داخل البيت اكيد الكل راح بس استنى اتأكد
بو ساري يتصل على ام ساري ..
ترد ..هلا والله
بو ساري..هلا بك في احد زود .؟
ام ساري ..لا مافي كلهم راحو ادخل مابه الاجوآهر وزآنه وريم
بو ساري ..وتاضي وينها ..؟
ام ساري..راحت نامت
بو ساري..وامي وينها..؟
ام ساري..ودينها غرفتها تبي تنام ياعمري غفت عينها
ريم بخوف..يمه ساري جنبه..؟
ام ساري ..بو ساري ساري يمك..؟
بو ساري ..ايه تبينه ..؟
ام ساري..ايه تبيه ريم ..
بو ساري ..خذ ساري ريم تبيك
ساري ياخذ الجوال..هلا ريوم
ريم بخوف تقوم عن امها ..ساري طلبتك قول تم
ساري مستغرب ..نعم وشو تم خير وش تبين اول ..؟
ريم بتعب..قول تم اول
ساري ..لحووول تم ها قولي
ريم ..كلم احد من خويا سطام الي معه مرررره وسألهم عنه
ساري يستهبل..سؤال انتي نهبلتي ..؟
ريم شوي وتبكي..ساااااااااري خلاص الله يرحم والديك مررره بموت من الخوف
ساري حس انا السالفه فيها ان وريم مرررره خايفه..طيب طيب الحين اكلم تركي هو خويه الروح بالروح ومايطلع الا معه واسأله عنه مدري ليه مكبرين السالفه اول مره يسويها يعني .؟
ريم فرحانه ..ايييه يالله بسرعه ورد لي خبر على جوالي
ساري ..طيب يالله باي خوذي ابوي
بو ساري ياخذ الجوال ..هلا ريوم ها ارتحتي الحين
ريم ..أيه شوي
بو ساري يسكر من ام ساري ويدخل للبيت
بالخيمه مابقى الا ساري
ساري يتصل على تركي تركي كان بيتهم مو معه سطام وكان مع زوجته
تركي يرد ..هلااا بو فهد هلابك
ساري ..هلا بك شخبارك يارجال مانشوفك
تركي..تدري خلاص الي متزووووووج مستحيييل يفك ويكون على ماكان
ساري..هههههههههههههه الله يعينك شبغيت اقولك سطام مو معك ..؟
تركي مستغرب....سطام ..!!لاوالله اليوم كله ماشفته ليش.. فيه شي.؟
ساري ستغرب اكثر..لا بس اتصل عليه مقفل جواله فمدري وينه
تركي..والله غريبه شوف يمكن طالع يتمشى ومخلص شحنه
ساري ..والله يمكن اجل ماعطلك اخليك واشوفك على خير
تركي ..ان شاء الله تسلم يا هلا
ساري يسكر من تركي ويتصل على ريم
ريم ترد وهي بجنب امها وهي ميته خوف..ها وش قالك ..؟
ساري خاف من كثر خوف ريم ..ريوم كلمته قال ماشافه اليوم
ريم خافت ..ايش يعني حتى مو مع خويه
ساري..يااابنت الحلال لاتخافين مافيا لا الخير صدقييني واكيد مقفل جواله ..
ريم تضايقت اكثر..اوكي ساري خلاص ماقصرت تعبتك معي
ساري...اقول انطمي وش تعبتيني انتي الثانيه وش سويت يالله روحي نامي وبكره نشوف شالسالفه
ريم تبتسم وهي متضايقه ..اوكي يالله تصبح على خير
ساري..تلقين خير ..
ريم تسكر من ساري
سااري يطلع من الخيمه يركب سيارته ويطلع يدور
ساري يدق على جوال لميا وخايف انها ماترد
لميا كانت بغرفتها ...تلبس ثيابها
فجأه ...يدق جوالها
لميا تاخذ جوالها وتناظر الرقم غريب..من رقمه معقول سطام ..؟
لميا ترد مستغربه..نعم ..؟
ساري فز قلللبه ..آآآ الوو
لميا فز قلبها ازود وجلست رجولها ماشالتها من الوناسه ..
لميا بحيا..الوو ايوا
ساري مبسوط..اهلين لميا شخبارك ..؟
لميا مبسووطه..بـ ب ـ بخير الله يسلمك كيفك انت ..؟
ساري وده ينفجر من الوناسه ..انا بخير دامك بخير
لميا مره منحرجه..تسلم
ساري جلس يسولف هو ولميا تقريبا ساعه ...
وكانت بدايه لياليهم الحلوه
ــــــــــــــــــــــــــــــــــــــــــــــــــــــــــــ ـ
ريم متوتره اعصابها وخايفه..
زآنه تمسكها..انهبلتي انتي هدي وش فيك
جوآهر..ريوم من جد ماله داعي توترين اعصابك هذا وجهي ان ماكان مبسوط ولا انتبه لجواله
ريم شوي وتبكي..لأا انا عندي احساس ان به شي او متضايق قلبي يقول كذا
زآنه ..صلي على النبي وتعوذي من بليس هذا بليس يلعب بعقلك شوفي حنا بنروح الحين واذا ماجاك النوم اتصلي علي واجيك اوكي.؟
ريم بخوف..طيب معليش خلآص
زآنه وجوآهر يطلعون من المجلس ويروحوم يسلمون على عمهم ومرت عمهم ..يالله نشوفكم تصبحون على خير
العم ومرته ..تلقون خير ان شاء الله
زآنه وجوآهر يطلعون ..وبحوشهم
زآنه خآيفه..ريم باين عليها مررره متضايقه ..
جوآهر..أيييه مره يالله من جد حتى انا خفت بس مابينت لها الله يطمنهم
زآنه وجوآهر يدخلون البيت وكل وحده لغرفتها
ريم تقوم وهي مره متوتره ..يالله انا بروح غرفتي تبون شي.؟
بو ساري..لا سلامتك بس وش فيك شكلك متضايقه ..؟ عشآن سطآم .!
ريم نحرجت من ابوهآ..لأا يبه بس فيني النوم
بو ساري يبتسم ...اكيييد..؟
ريم تضحك ومن غير نفس..ههههههههههههههههههههه اكيييد
بو ساري..اجل يالله روحي تصبحين على خير
ريم تصعد تمشي بالدرج ومن الرجف تمسك مقابض الدرابزين وتمشي درجه درجه
ريم توصل لغرفتها وتدخل يدينها من برودتها خافت منها المغابض وبردت من بروده يدينها
ريم تجلس على السرير ..اوووووووف شفيني انا وش فيه هو بعد مقفل جواله يوم اني
تاخذ جوالها وتتصل عليه
...ان الهاتف المطلوب لايمكن الأتصال به الأن
ريم تضايقت اكثر..اووووووووف يالله انت سالفتك شييينه
ريم تتسطح ..وتتقلب على السرير ...
ريم تقوم منزعجه..لا اكيد فيه شي ليكون تعبان ...
ريم تتصل على جود ...
جود كانت تو بتنام كان اليوم مره مبسوطه متقابله مع بنات عمها وفالتها ومبسوطييين مره
جود تو تتغطى وويدق جوآلهآ
جود تطالع جوالها ..ياحياتي تو تتذكر الحين
جود ترد..هلا وغلا ومسهلا
ريم من غير نفس..هلافيك
جود..شخبارك شلووونك
ريم فيها الصيحه ..والله مو بخيييير
جود خافت ..وش فيك ..؟
ريم بتعب ..آآآآه مو شي قولي اشياء
جود خافت اكثر..وش فيك وجعه خوفتييني تكلمي ..
ريم بتعب وقلق..سطام ياجود سطام ماندري وينه مقفل جواله لاادري وينه ولا ادري وين اراضيه
جود تضحك ..هههههههههههههههههههههههه ايواااااااا رجعنا على الخبال والغيره والتفكييير الي ماله داااعي يابنت تلاقينه الحين مع خوياه ولا مع اخوك اكيد مافيه شي عاااادي منعه انه يفتح جواله بلا افكار غبيه
ريم بخوف..لأا المشكله مو بس انا الي مكبره الموضوع حتى مرت عمي وامي
جود شكت من كلام ريم ..طيب وش تقدرين تسوين او وش بتسوين ..؟
ريم تفكر ...مدري على الأقل ابي اعرف هو بخير ولالا
جود تحاول تهدي ريم ..اكيد بخير
ريم تنزل دمعتها ..انا عارفه انه متضايق وهذا الي خلاني اتضايق ازيد
غزل مستغربه ..متضايق..؟ ليش يتضايق..؟
ريم تبكي.. اليوم بعد ماسكرت منك رحت له هو وزآنه كان مرره متضايق واجيه واشوف زنو تبكي اقول لها وش فيك شفتي الي كان خايف قال قلت لزآنه بنقدم الزواج احس انه مخبي شي وثاني شي ماخذ شوري من الزواج وسكت ماقلت شي لأنه مجرد اقتراح و صارت سالفه رحت المطبخ وكنا لحالنا حاول انه يقرب مني وانا بعدت عنه وبينت له اني مابيه بس انحرجت ماكان بيدي وزي الي ناضرته بعصبيه
جود متفاجأه..الله لايعطيييييييييك العااافيه وش سويتي انتي ريم حنا نحاول نضبط الوضع وانتي تجيبين لنا العيد
ريم تبكي اكثر..مادري كل ماشوفه يقرب مني اتذكر انه بعد عني وراح
جود تهزئه ..انتي السبه انتي الي خليتيه يروح وبتخلينه الحين يتندم انه رجع لك انتي خبله ريم لازم تلاقينه وتراضينه ريم هذا حقه وهذا شي انتي تبينه الحين بعد مارجع لك صرتي تبعدينه عنك ريم اصحي انتي ماتقدرين تعيشين من دونه وهو قدر يعيش من دونك يمكن يروح ويمكن تعطه أي وحده الي انتي ماعطيتيه لاتتقيوين ولاتكابرين وتسوين اشياء انتي مو قدها فاهمه انتي مو قد انك تعيشين من دونه صحصحي ريم مآتقدريييييييييين والله مآتدقرين
ريم تبكي اكثر..طيب قوولي لي وش اسوي وربي حيرانه انا كلمتك وربي مافي بالي شي اسوي ابيك تقولين لي وش اسوي
جود تفكر ..سطام لما يتضايق ماتذكرين وين يروح
ريم ماكان بالها أي شي..لا مادري يمكن بغرفته يجلس بالحوش
جود تفكر اكثر..ريوم فكري اكثر مايحب يروح مكان مايحب يجلس بمكان
ريم تذكرت ..الا يحب يروح الشآليهآت لاتضايق ..ويحب يروح بجنب الخيل الي احبها ويحب يروح يجلس بالبحر هناك
جود..اجل تقدرين تروحين له الحين ..؟
ريم بتوبتر . . الحييين يمكن سآري يوديني . . ؟بس اخآف يهآوش
جود . . الا الا يقدر
ريم خافت ..هااا مادري يمكن بقوله بس احس مالي داعي اروح فشيله اخاف يقول وش يجيبها
جود مستعجله .. اقوووول كلي هوا اجل يالله كلميه الحيين وقولي له واذا وافق ردي لي خبر
ريم خافت اكثر ومتحمسه ..اوكي يالله بكلمه يالله باي
جود بخوف..يالله
ريم تسكر من جود وتتصل على ساري
ساري قد توه مسكر من لميا وكان طاااااير من الفرحه
ساري يدق جواله ويشوف ان ريم هي الي داقه عليه ..
ساري يرد..هلا ريوم
ريم بتعب ..ساري وينك
ساري حس بنبره ريم ..موجود اتمشى تصدقين تو سكرت من لميا ..
ريم مره مبسووط اخيرا كلمتها بس مابينت فرحتها بداخلها الم اكبر
ريم ساكته ولا علقت بشي..
ساري مستغرب توقع انهابتكون مبسوطه..وش فيك اقولك كلمت لميا ساكته .؟
ريم تبتسم ..زين كويس الله يوفقكم سكرت منها ..؟
ساري ..ايه سكرت ريوم شفيك .؟
ريم بحيره..ساري اتصل عليها قولها سطام جا ولا..؟
ساري..ماقالت لي بس هي تقول انه لسى ماجا
ريم بتعب وخوف..طيب تكفى خلنا نروح الشآليهآت اكيد هو هناك تكففى لازم توديني له تكفى
ساري يهديهآ...ريوم بلا جنون وش يوديه هناك من جدك انتي هدي شوي بلا جنووون رجعنا على جنون
ريم عصبت ..ساري وربي مابقى فيني اعصاب عشان اهدى بتوديني ولااكلم راكان ولا غيث وربي تعبانه حس فيني
ساري حس انا ريم مو متحمله شي..طيب طيب يمممه الله يعينه عليك لا عصبتي اللبسي عباتك ترى انا قريب من البيت
ريم بتعب..طيب طيب يالله بلبس وبطلع
ريم تسكر من ساري وتنزل من غرفتها وتلبس عبايتها بأسرع ماعندها
تاضي كانت نازله تاخذ مويه وتسمع صوت بالصاله تطلع لصاله
تاضي مستغربه ..وش فيك لابسه عبايتك وش يطلعك هالوقت ليكون حلمانه
ريم مو معطيتها وجه بس ترد..رايحه لسطام
تاضي مستغربه ومو مستوعبه كلام ريم .. اهآآ اوكي نعممممم ..؟سطام ليه وينه
ريم تطلع من الباب..لأاجيت قلت لك يالله باي
تاضي واقف مستغربه لابسه قميص لنص الساق وشعرها على كتوفها والقميص مايل ونازل لنص كتفها تاضي وتشرب مويه ..جد مجنونه ابصم بالمليون
تاضي تصعد غرفتها ووهي ببالها ريم وسطام
ريم تطلع من البباب بهدوئ عشان مايسمعها احد
وتشوف ساري ينتظرها بسيارته
ريم تركب ..اهلين عسى ماتأخرت عليك
ساري يحرك سيارته ..لا ماتأخرتي تو وصلت
ريم تناظره..تكفى لاتتضايق اني قلت لك كذا بس وربي احس انه متضآيق انا كنت السبب انا الي زعلته اليوم ماعطيته وجه ومن ملكنا ماخليت له مجال يكلمني واليوم ...
ساري ساكت يسمعها..كملي اليوم وش
ريم ..كان يبي يتكلم معي وانا هربت منه وناظرته نظره تضايق منها
ساري يناظرها وهو يسوق..ريم انتي تحبين سطام صح .؟
ريم تنزل راسهاوتصد تناظر الطريق..لاتسأل وانت تعرف الجواب
ساري بهدوء..انا عارف بس لازم تعوضينه عن الحرمان الي صار ولا تبتعدين عنه ريم سطام حتى يوم قال انه خلاص ماعاد يحبك وانه لما راح لبنان نساك حنى لاطريناك ماتدرين كيف كانت نظراته تتكلم كان يتألم لاتصعبين عليه انتي اختي وهو ولد عمي وخويي حسي فيه لاتصيرين انانيه
ريم تبكي بصمت وبعدها..وربي عااارفه وهذا انا بصلح غلطتي
ساري وهو يسوق..الله بس يوفقكم
ودقايق يوصلون للشآليهآت
ساري يوقف السياره ..يالله انزلي
ريم تناظره ..اول شوف هو موجود ولا وتعال طمني
ساري يناظرها..ماودك تكلمينه ولا تشوفينه ..؟
ريم ..الا بس ودي اطمن اول انه موجود هنا ولالا اخاف ادخل بالليل لحالي
ساري يتنهد..طيب الحين انزل شوي وارجع لك
ريم تمسح دموعها ..طيب لاتتأخر
ساري ينزل ويشوف باب الحوش حق الخيل مفتوح
ساري يدخل ويمشي ..سطام ...سطااام ..؟سطام انت هنا ..؟
سطام يسمعه كان جالسه بجنب زينه الريمان جالس يشكي لها همومها ويحس ان فيها من ريم نفس الصمت نفس النظرات نفس الغروور ونفس الهيبه ..
سطام بتعب مانتبه لصوت..من ...انا هنا
ساري يروح ويدخل..انا ساري يارجال وينك انت وراه مقفل جوالك الكل عافس عليك الدنيا
سطام من غير نفس..ولا شي بس شويه تعب..
ساري مستغرب..وش فيك ..؟
سطام يتحسس على الخيله..ساري الله يخليك خلني لحالي مالي خلق لشي تكفى مالي خلق حتى اتكلم
ساري يتأفف..اوووووووف شكل مووضوعك مره كبير هدي وش فيك
سطام ينظاره من غير نفس..لو لي خاطر اتركني
ساري يحط يده على كتف سطام..طيب ارتاح وانا الي بخليك ترتاح
سطام ..ماقصرت
ساري يناظر فيه ويبتسم بخبث..يالله انا بروح بخليك ترتاح وتنبسط بعد
سطام يناظره ويبتسم ومافهم ..اوكي تسلم
ساري يلمح له وهو يبتسم وبنص ابتسامه ..انتبه لنفسك هااا.؟
سطام مو فاهم ..اوكي شالنظرآآت ؟
سآري وهو يمشي ويبتسم . . ولآ شي يآلله
ساري يمشي ويمشي ويمشي ومايدري وش يقول لريم يكذب عليها ويقول لها مو موجود ولا يقول لها الحقيقه وانه تعبان ماله خلق يشوف احد
وصل ساري لسياره
ريم متحمسه ..ها موجود
ساري يركب ويسكت ...
ريم متضايقه اكثر واكثر..قووول موجود تكفى
ساري..أيييه موجود بس عليه وجه مايسر
ريم تفك الباب تبي تنزل
ساري يمسك يدها..ريم مانصحك تروحين لأنه ماله خلق لشي مير ماخلاني اعرف وش فيه متضايق
ريم تدمع عينها..كفايه ماراح اتركه ..
ساري يبتسم ويترك يد اخته .. هو بالأسطبل
ريم تدمع عينها وتبتسم ..كنت متوقعه
ساري يبتسم ..ماراح انتظرك عارفك بتتأخرين وهو حلالك زوجك مافي مانع
ريم تبتسم ..فديتك يا احلى اخو تسلم لي
ريم تنزل من السياره وتفصخ شيلتها وتحطها على كتوفها
ساري يناظرها تدخل للشآليهآت ويبتسم..وربي هالبنت خبله وانا اخبل منها مطاوعها بالي تقوله
وتركض لما توصل لللأسطبل
وهي تركض تنزل كلبستها وشعرها ينزل على كتوفها وغرتها على وجها كلبستها ماسكه اخررررررر شعرها وصاير مررره بعفويته مو مآسآكه كلبستهآ الا اطرآف شعرهآ
تددخل الأسطبل وتشوفه عند زينه الريمان جالس
يناظرها ويمسح عليها
سطام نتبه للخطوات وماتلفت ورا حسباله انه ساري ..
سطام من غير نفس..ماقلت لك اتركني ياساري وش رجعك خلني لحالي
ريم تقرب الخطا اكثر واكثر سطام مايناظر من وراه
ريم تقرب منه اكثر واكثر واكثر وتكون قريبه منه مايفصل بينهم جدار
ريم تمد يدها لحضه وترجعها لحضتين تمد يدها وترجعها

هنآ ينتهي البآرت الرآبع

تتوقعون وش بيصير الحين بينهم سطآم بيصرفهآ ولا بينبسط لجيتهآ
وش بيصير بينهم ..
زآنه هل بتسكت مآرآح تتكلم ولا بتقول لريم ؟
كل هذآ تعرفون بالبآرت الخآمس


البآرت الخآمس
ريم ترجف يدها تحط يدها على على كتف سطام
سطام حسباله انه يد ساري يلمس اليد ويشوف كف ولمسته مثل المخمل
سطام يناظر وراه من الشخص الي حط يده عليه..
سطام بلهفه ويفز قلبه..ريم ..
ريم تناظره وتنزل دمعتها..ليش خوفتني عليك ليه مقفل جوالك
سطام يوقف ويفز قلبه من مكانه وكنه شاف جنته بأرضه ..انتي وش جابك الحين وشلون جيتي مع ساري.؟
ريم تبتسم والدمع محلي عينها وبكيها بصمت وماتناظر بعينه..ايه
سطام يناظرها وقلبه نبضاته تألمه .. آآ احس ان انتي مو حقيقه
ريم نفس الحاله وتبكي ...ليه سويت فيني كذا ليه مقفل جوالك خوفتني
سطام يبتسم وقلبه مازال يدق..جد ...؟خفتي علي..؟
ريم تغمض عيونها للحضات وفجأه
ترمي حالها بحضن سطام وتشده لنفسها وكنها تحاول تدخله بجسمه ويكونون روحين بجسد وتبكي بتعب
سطام فاتح يدينه منذهل من هالموقف كان يفكر فيها طول اليوم ولما حاول يقرب منها العصر ومنعته من قربه والحين هي بحضنه
سطام يحط يدينها على ضهر ريم ويضمها لصدره ومتردد بحطته يدينه ويلمس ضهرها وشعرها المغطيه
سطام من الشوق غمض عيونه بأقوى ماعنده ويضم ريم لقلبه ومن قوه ضمته كان وده يدخلها بقلبه مايطلعها
ريم كانت قصيره بنسبه لسطام
كانت توصل بدايه صدره
كانت تضمه وهي تصيح ودقات قلبها تزيد وتزيد متمسكه بثوبه كأنها طفل متمسك بأمه خايف تضيع
سطام وهو يضم ريم ونبرت صوته مبحوجه ..طيب لاتبكين خلاص هذا انا موجود خلاص لاتبكين ريوم انا بدون شي لاشفتك تعبت اشوف دموعك اتعب ازود
ريم تبكي ماعلقت ..
سطام يسكت
ريم تبتعد عن سطام وتلف وجهها وضهرها عنه ..
سطام يناظر ريم وهي ماتناظره ..ريم انتي الي ماتبيني
ريم تروح للخيل حقتها وكانت الدموع على خدها ...
سطام يروح يمها..ريم جاوبيني مو انتي الي ماتبيني ريم كلما اقرب منك انتي تبعتدين مو انا الي ابي ابتعد عنك
ريم ساكته ولاتكلمت ..
سطام يقرب من ريم ..ريم ردي علي ريحيني ماتوقع انك تعبتي اكثر مني
ريم انتي شفتي وش قد انا عانيت ريم انتي شفتي وش سويت عشان اتناسى لأن مستحيل انسى يمكن اتناسا ويمكن اكذب على الكل وقول ريم شي وراح
ريم تناظره ..سطام ماكان بيدي انت اجبرتني على اني ابتعد عنك انت...
سطام بتعب..انا الي قلت لك ابتعدي انا الي قطعت علاقتي بك ..؟انا الي كل ماقرب منك تبتعدين ..؟عشان كلام هبال رحتي قطعتي كل شي هذا حب .؟ بالله عليك من رحت عنك نسيتيني
ريم تتنهد..لا
سطام يلومهآ..اجل وشو قولي لي
ريم تعبت ..خفت اني خذتك من غيري
سطام يبتسم ..طيب وش الجديد اكيد هالشي صح
ريم تلف عليه وتناظره بقهر ..انا اخذتك من احد .؟
سطام يناظرها ويبتسم ..ايه
ريم تضايقت وترجع تناظر الخيل..من من.؟
سطام يمسك يدها ويمسك ذقنها ويخليها تناظره..انتي خذتيني من العالم كله خليتي بحياتي كل الناس ريم خليتيني اعيش مع طيفك لاتحسبين يوم اني ماكنت اشوفك ترى كنت اشوفك وكنت اشوفك في الزوايا كنت اشوفك في منامي كنت اشوفك في طلعتي في دخلتي في روحتي كنتي عيوني ولحد الحين زينه الريمان جلست بجمبها وكني اشوفك
ريم تناظر ولا ردت عليه وتبتسم ...
سطام يروح لها بجنب الخيل وهي معطته ضهرها..قولي لي ماتبيني ..؟ان كنتي ماتبيني قولي صدقيني ماراح تشوفيني بالسعوديه طول عمرك ولا راح تسمعين عني خبر
ريم ترفع عيونها تناظره وتقرب منه وتحط يدها على خده ..يآطيب حضي كآن انآ حلم دنيآك ,يالي تقول اني امآنك وخوفك ,, تحبني ؟ادري حكآلي محيآك رعشه يدينك ورتبآكه حروفك
سطام يناظرها مبسووووط..وربي ماخابت ضنوني فيك
ريم تناظره..وبعد هالبعد كله صدقني حبك مانقص الا زاد
سطام يلمس شعرها بقفاء يدينه..طيب ليش مارضيتي لي اليوم احضنك ..؟
ريم تبتسم خجلانه وتناظر الخيله...قلت لك خآيفه و آآآ .. ومدري تذكرت كل شي
سطام يناظرها ويلمس خدها ويبتسم..تركبين على الخيل.؟
ريم تبتسم وتناظره بخجل..من العصر ودي اركبه
سطام يمسك يدها ..طيب يالله بس بفتح بابها
سطام يروح ويفك الباب ويركب السرج ويطلع زينه الريمان
ويطلع السوط عشان تهاب...
ريم كانت لابسه بجامه زرقا زروقتها غااااااااااااامقه وزي ماتعرفون نهايه الشتاء تكون باااااااااارده بجامتها (اويشو) كم وفضفاضه ..
سطام يناظرها..طيب تبين تركبينها بعبايتك ..؟
ريم تضحك على شكلها ..ههههههههههههههههه والله ماحسيت اني مآفصخت عبآيتي سطام عاد لازم تفتح جوالك يالله افتحه وطمن امك اكيد مره متضايقه
سطام وهو يفتح جواله ..ههههههههههههههههه عادي عاذرك عاذرك شفتيني
ريم تناظره بدلع ..لا حبيبي مو عشانك روح احلم
سطام يناظرها بشوق..دلوعه ماتغيرتي
سطام يفتح جواله ويتصل بسسسرعه على امه ...
ام سطام متسطحه بالصاله وتسمع جوالها يدق
ام سطام تفز ترد ..الو
سطام مبسوط..هلا يمه
ام سطام بخوف..هلا يمه وينك .؟خوفتنا عليك عسى مافيك شي
سطام يهدي امه..لا يا الغاليه مافيني شي بس كان الجوال مقفل والحين شحنته
ام سطام هدت..يعني مافيك شي.؟
سطام..لا يمه مافيني الا العافيه
ام سطام..طيب متى بتجي البيت.؟
سطام يناظر ريم ..والله يمه شكلي بجي على الصبح
ام سطام خايفه على ولدها..طيب انتبه لنفسك
سطام ..ان شاء الله يمه تبين شي.؟
ام سطام..سلامه قلبك
سطام..فمان الله
ام سطام..مع السلامه
سطام يسكر من امه ويناظر ريم
ريم متدربه من صغرها على الخيل وت
ريم تركب زينه الريمان وتمشي بها بين الزرايع
سطام يجي من وراها وهو يمشي..
سطام ويبتسم ..وجهه مثل البدر سبحان من سوا هالصوره بس الزين مايكمل حلوه وجآهله ومغروره
ريم تناظر وبنضره كلها دلع..يعني انا مغروره ...؟
سطام يستهبل عليها..مغرورتييين
ريم تناظره وبنفس النظره ..طييييب
ريم تضرب الخيل برجلها وتخليها تسرع وتركض بها
سطام يركض وراها..انتظري يالمجنوونه امزح عليك وش فيييك لاتطيحين انتبهي
ريم تضحك وهي تركض..ههههههههههههههههههههه وش تبي مو انا مغرووره
سطام يوقف فجأه ويركض للأسطبل ويطلع خيله الصيود لونها اسود طووويله واحلى من زينه الريمان ..
سطام يطلعها من الأسطبل ويركبها ويروح ورى ريم ...
ريم وصلت للبحر وكانت تركض قريب منه
سطام يركض ويدورها خاف فجأه مالقاها ...ويسمع خطى حصان بجنب البحر
سطام يركض ويروح لجهه البحر... وريم تناظر من وراها..
ريم تناظر ..ههههههههههههههه جيت ..وش تبي مو انا مغروره وش تبي ..
سطام وهو فوق الخيل..مغرووره ومجنونه بعد ..
ريم تسرع الخيل وتركض ..
سطام ..ههههههههههههههههه مايمديك تبعدين
سطام يركض ورا ريم ..وقفي عاد ..ريووووم
ريم توقف فجأه وتناظره بحب ..ريوم ..؟
سطام مستغرب ويقرب منها من جهه الخيل..وش فيك ..؟
ريم تناظره وحست بسكين بقلبها ماقدرت تجلس على الخيل ازود وتنزل من على الخيل..وتمشي سطام ستغرب ونزل من الخيل
ريم تمشي ومكتفه يدينها
سطام يقرب منها ويمش بجنبها وحس تضايقت...وش تذكرتي ..؟
ريم تناظره وتبتسم ..خابرني ..؟
سطام يمسك يدها وكأنها زي الحرير صغيره ضاعت بيد سطام
سطام وهو ماسكها..ومن قال اني نسيت خابرك اكثر من انك انتي خابره حالك
ريم تضحك..ههههههههههههههههه زين كويس
سطام ..يالله وش ذكرتي ..؟
ريم تبتسم ..والاشي
سطام فاهمها..طيب يانصابه وش فكرتي فيه
ريم تضحك وتحط يدها على فمها ..ههههههههههههههههههههه
سطام ..ههههههههههههههههه يالله قولي
ريم تناظره ..تذكرت ريوم كيف كنا ندقق عليها..؟
سطام تذكر ..ههههههههههههههههههههههههههه يالله ايااام ماصدق لحد الحين متذكرتها
ريم تتذكر..هههههههههههههههههه وربي كل ماتذكر لما تقولي ريم اقولك يعني زعلان ههههههههههههههههههههههههههههه
سطام ..هههههههههههههههههه حتى انتي لما تقولين لي سطام اقولك الحين انتي ليه زعلانه هههههههههههههههههه
ريم ..ههههههههههههههه وربي قبل لما اتذكرها اموت ضحك
سطام ..ههههههههههههههههه واذآ انتي مو زعلآنه وش تنآديني ..؟
ريم تبتسم وتناظره بخجل وتحاول تبعد
سطام يسحبها..لالا لاتحاولين قولي يالله
ريم..هههههههههههههههههههههه وش اقوول
سطام ..قولي لا صرتي مو زعلانه وش تقولين
ريم بهبال.. امممممممم اقول لك ولد عمي
ريم وسطام ..ههههههههههههههههههههههههههههههههه
سطام يمسك يدينها..جد ريوم وش تقولين من زمان ماحد دلعني
ريم تناظره وتبتسم..امممم لازم اقولها.؟
سطام متحمس..وربيي مره متحمس تكفين
ريم ..ههههههههههههههههههه سطوم
سطام يحمل ريم ويكض بها..
ريم بين يدينه..هههههههههههههههههههههه نزلني يامجنون لااطيييح
سطام فجأه يدق جواله ...
سطام يحط ريم على الأرض
سطام يطلع جواله من جيبه
ويشوف ..الغاليه تتصل بك

هنآ ينتهي البآرت تتوقعون سطآم مين متصل عليه من هي الغآليه ؟
بيرد عليهآ ولالا ؟وش بيصير اكثر بين ريم وسطآم

ارائكم تهمني ,,,,

الله يعطيكي العافيه علي البارت والتلفون كان من منيره اللي هي الغاليه بس هل ريم بتسمع المكالمه ؟وشنو راح تكون ردة فعلها وشنو بكون رد سطام عليها

الله يعطيكى العافيه واضن انه ماراح يرد على منيره لانها هى الغاليه علشان ريم روايه رائعه