السلااااام عليييكم ..

واخيييييييييييييرااا وصللللللللللللللللت >>فيس فرحاان انه وصل لكم

اولا ابي اشكر فديت ضحكتي على هالمقطوووعه الرااائعه اللي تتحفناا فيهاا بكل جزء تسطره لناا
كلمه راااااااااائعه لاتوفيهاا حقهاا ..
فديت ضحكتك ياضحكه رواايتك رووووووووووعه بروعه حضورك وبروعه ماتخطه كلمااتك من درر قيمه ربي يجعلهاا في ميزان حسنااتك يوم تلقينه ..
واسمحي لي باقتبااس البعض منهاا لزواار مدونتي ..لتعم الفائده ولك الاجر ..

http://www.liilas.com/vb3/t147917-po...o_displaymodes

نجي لمربط الفرس ..

اول شي لفت انتبااهي ياضحكه تشاابه الاسماء وغرابتهاا

سجى وسجايا
ميسم ومياسه

>>فيس يتلخبط دووم وياهم هههههه
سجايا ..
وتضحيتهاا بحبهاا القديم ل نديم ..بسبب المصيبه اللي اسمهاا منذر اتوقع ان منذر كانت ذيك الليله هي الليله الوحيده اللي يسكر فيهاا ومن بعد اللي سوااه بسجاياا تااب ورجع لربه وحااب يكفر عن ذنبه هالخااايس والدليل انه بحث عنهاا لحد مالقاهاا وعرض عليهاا يصلح غلطته ..

سجى
وزواجهاا من قريب صديقتهاا ..من بعد ماتزوجت ماعرفنا لهاا طريق ..تعالي ضحكه ألحين هي متزوجه بالسر والا كيييف ؟؟
واتوقع انها هي المريضه اللي كانت تتعالج عند سجاياا بعد مادخل منذر بطلبه لهاا ..صح والا ؟؟
لان الى الان كل بطلاتناا مالهم علاااقه ببعض ..والاكيييد انك راح تجمعينهم مع بعض ..>>فيس التوقعااات


غصون ..مؤيد ..مدثر ....
اااااااااااه ياشين اللقااافه يانااس تجر وراهاا مصاااايب ..وهالغصوون متسررررعه بشكل قهرتني ..ماتعطي فرصه لأحد يبرر لهاا وجهة نظره ..اففف منهاا ..بس بعد هي ماتنلااام اللي شافته ماكاان شي هييين ..

وهج ام حمودي زوجه حمد..
ترى حتى هناا تشابه اسماء هههه >>فيس التدقيييق ههههههه
رحمت بطلاتنا كلهم لهم مااضي وذكرياات مؤلمه ..بس الحمدلله داام حمد طيب مع حمودي هذا دليل ان معدنه اصيل .. ومثل ماقالت وحده من الاخواات اكييد زوجها كان يسبهاا عند صديقه ويلفق عليهاا قصص ماصاارت بسبب المنكر اللي يشربه والاكيد انه وصااه على ولده قبل يموت وهذا سبب تعلقه بحمودي ..

ردينه والعجوز ام جاس
احساسي ان جااس مو اسمه الحقيقي يمكن جااسم بس غيره بسبب تأثره بموقف صار له بحياته وهو اللي غيره ووصله لهالحااله من الضيااع ..وان شاءالله راح يهتدي على يد ردينه قولوا امييين يابنااات

ميسم
بصرااحه احس اكثر وحده تتعرض للاهاانه والقهر هي ميسم رحمتهاا كل اللي حولهاا يكرهها ويخطط عليهاا ..
بس ياترى من اللي يحبهاا حب حقيقي من بين هالثلاثه ..طارق ..مروان ..اليسع ؟؟؟
اتوقع طاارق ..ومن بعد مايعرف خطه اخوه بيحااول يبعدها عن الشركه او يبعد تفكير اخوه عنهاا

ميااسه وعجوزهاا
يمكن ميااسه احسن حاال من بطلاتنا الباقياات بس هي وعجوزهاا فللله وخااصه لما تتكلم عن عجوزهاا وشايبهاا ههههههههه اتوقع راح تسلم هالعجوز وبيسلم معهاا حفيدهاا المغرور >>فيس يقول ماهقيت وراه رجاا هالحفيد ههههه


فديت ضحكتي ..

تسلم الايااادي يالغلا ..قصه بكل مافيهاا حماااس ورووعه واكشن وفواائد وموااقف واحدااث ..تجنننننن
اتمنى انهاا تكون في صفوف المكتملااات قرييب ان شاءالله
وماعليك من الردود ترى احياناا تجينا حااله ركوود بس عقب نفرفش ونزعج العاالم بهذرتناا هههههههه

اتمنى تقبليني من ضمن المزعجييين والهذاارين على رااسك ..هههه
تروحين وترجعين لناا بالسلااامه ياارب ..

يا هلا وغلا ...

اول شي شكر كبير كبر السماء على الي ردوا علي...والله فرحت بردودكم ...وبما اني يا دوبني واصله من السفر قلت بنزل البارت وعقب ارد على ردودكم


الجزء 16:

غصون.....

صارلنا ساعتين وحنا نتريى جدام غرفة المعاينة ...نبى اي حد يظهر ويطمنا على اماية....دموعي ما وقفوا من اول ما يينا المستشفى...اماية شكلها وايد تعبانه...كله بسببي...اكيد هي اصطدمت من تصرفي...اكيد تحسفت على سنين عمرها وهي تربيني ...وكانت تتريى نتايج تربيتها ...وبالنهاية اصدمها بتصرفي...امد يدي على ريال غريب...وما حشمت حد منهم...بس والله هو طلعني من طوري...منو يحسب عمره يمد يده علي..مب رايمه احط عيني بعين ابراهيم.....احسه مرة معصب علي وميود روحه بالغصب....سووا الي تبونه بس ردولي اماية ....خلاص مب قادره استحمل اكثر ...وايد تحيروا ...واحس راسي يدور من التعب والخوف على اماية...سرت صوب حجرة المعاينة...وانا اترنح ابى اطمن عليها...بس مؤيد يود يدي
مؤيد:وين سايره
غصون:ابى اطمن على امايه ...وايد تحيروا داخل
مؤيد:اهدي غصون عسب افهج السالفة
غصون:اي سالفة
مؤيد:سالفة مرض اماية
غصون:اي مرض...اماية ما فيها شي...هي بصحتها عمرها ما شكت غير من الضغط
مؤيد:كنا مخبين عليج السالفة...وها طلب اماية ما كانت تباج تحاتينها...اماية فيها سرطان الثدي...
شهقت...وحطيت ايدي على حلجي...مستحيل ...

مؤيد: ها الي كنا مخبينه عليج ...والمشكلة انه منتشر ...ولا علاج نافع معه
اللحينه فهمت الموضوع ....الكلام الجانبي الي كان بين ابراهيم ومؤيد....وكثرة زيارات اماية لبيت خالتي...وتصرفاتها الغريبة ...ودموعها الي اجوفهم وهي يالسه بروحها...وزيارات مؤيد لبيتنا... سرت ركض صوب الحجرة الي هي فيها...بس تيبست بمكان لما جفت الاجهزة الي عليها...وجهاز التنفس...وهي مب بوعيها....حطيت ايدي بحلجي امنع الشهقة لتظهر....سرت ركض صوبها ...
غصون:اماية نشي...شو استوى بج...والله اسفه ما بعديها ...ما راح اغلط على حد...قومي نسير بيتنا...شو تبين بالمستشفى...انتي اصلا ما تحبين المستشفيات
مؤيد:غصون هدي ان شاء الله بتصير زينه...ادعيلها...
ما حسيت الا والدنيا ظلام ...ورحت بعالم غير عن عالمنا...صحيت والدنيا ظلام...انا وين...اي راسي وايد يعورني ...فجاة تذكرت اماية...ييت اقوم بس مؤيد يود يدي
مؤيد:غصون لا تتحركي ...بتطيحين
غصون:اماية راحت ...ماتت صح...وينها ابى اجوفها
مؤيد:بسم الله عليها..هي صحت وكلمتنا وسالت عنج
غصون:لا تقص علي ...اعرف انها راحت...ابى اجوفها
مؤيد:باخذج تجوفينها ...بس اهدي شويه
ما علي منه ...صحتي مب مهمة اهم شي اماية....قمت من على السرير ...وسحبت الابرة من يدي ...والدم توزع بملابسي والسرير
مؤيد:يا مينونه...شو سويتي...
وقام يضغط على يدي ويحاول يوقف الدم....وصلنا صوب غرفة الانتنسيف كير...خفت ليش اماية بحجرة العناية المركزة...معناته بعدها تعبانه ومؤيد قص علي...جفت عليه بس هو عطاني ابتسامة هاديه ...يعني اطمني...بطلت باب الحجرة جفتها تبتسم بهداوة لابراهيم الي يالس ينب السرير وهو يبوس راسها....ما صدقت عيوني اماية حية...ما ماتت...ركضت صوبها لدرجة انه ابراهيم نقز بمكانه ...لاني ركضت صوبه... الصوب الثاني كان في جهاز يقيس الاكسجين والضغط ....يلست ابوس راسها ويدها ...وهي تبتسم...كنت اجوف عليها...بس فيها شي غريب...هدوئها ...ابتسامتها الهاديه...النور الي ضاهر من ويها...اهم شي انها جدامي اللحينة ...والي تباه اسويه ....
غصون:اماية سامحيني...لا تزعلين علي انا ما اقدر اعيش من غيرج...منو يدلعني ..ويترياني بالحوي لحد ما اوصل من الدوام
مؤيد:وانتي ها المهم عندج...تترياج لما توصلي من الدوام
اماية:....غصون بطلب منج طلب...بس الطلب مرتبط برضاي عليج...جان ما نفذتيه بموت وانا زعلانه عليج
غصون:لا تقولين جي...ما بيستوا بج شي...ان شاء الله بتردين ويانا البيت...وبسوي اي شي تبينه...جم امايه انا عندي
جفتها سكتت...وخذت نفس طويل...كلنا خفنا عليها...لانها فجاة تعبت...وجهاز التنفس بدى يصدر صوت عن انخفاض نسبة الاكسجين بشكل كبير....
غصون:اماية شو صابج...شو تحسين...ردي علي امايه...يلست تاشر علي وعلى مدثر وعملت كروس باصابعها...شو تبين اماية...مب فاهمة عليج....
ابراهيم:غصون ...قومي عن امايه خليها تتنفس ...امايه خذي نفس
غصون:ابراهيم...اماية تعبانه... لا تخليها تسير ...اسالها شو تبى ...ليش جي تسوي بيدها
واماية بعدها تاشر بيدها ...وتعيد نفس الحركة...شو تبين اماية
ابراهيم: تباج تعرسين بمدثر
انفجعت....مستحيل اماية تطلب ها الطلب...وهي تعرف الي بيني وبين مدثر...رفعت راسي وجفت عليهم...جفت مؤيد ومدثر مبققين عيونهم ومنصدمين شرواي...ومدثر جنه حد جب عليه مايه باردة...ظهرت من الحجرة من عقب ما ظهرونا الدكاترة...يلست على الكرسي وانا ما احس بعمري...شو استوى ...اماية ما كان فيها شي...كانت تبتسم وي ابراهيم...شو استوى فجاة....جفت ابراهيم يقرا قران ...ومويد ميود راسه ويالس على الكرسي...ومدثر مصدوم وجنه مب مستوعب ...بس شو الي مصدوم منه...طلب امايه ولا حالة اماية....وفجاة ظهر الدكتور ...وعق علينا جملته...ويا ليته ما قالها...بذيج اللحضه تمنيت الدكاترة يختفون من الوجود...تمنيت الارض تنشق وتبلعني...ولا اني اشهد ها اليوم...صرخت...ويلست اقو لا انت تجذب اماية ما ماتت...هي داخل تتريانا...وكنت خلاص بسير صوب الحجرة...لولا براهيم يود يدي ويلس يحضنني ...
ابراهيم:قولي ان لله وان اليه راجعون...اللهم اجرني في مصيبتي واخلف لي خير منها...
رددت وراه بشكل الي ...ان لله وان اليه راجعون ...اللهم اجرني بمصيبتي واخلف لي خير منها...
ابراهيم:خذ اختك...وسيروا البيت...انا بخلص الاجراءات واحصلكم
رفعت راسي ويلست اجوف عليه...جفت عيونه حمر...وكاتم الدموع بالغصب...الحمل صار عليه اكبر...من صغره وهو متحمل مسؤليتنا ...واللحينه بيزيد عليه الحمل...وصلت البيت وانا منهاره...وكانت سارة تتريانا عند الباب وهي ميته صياح...شكله ابراهيم قايلها...يلست بالحجرة وانا اجوف يرانا ببيتنا والمكان زحمة من معارفنا...مر ساعتين...واتصل ابراهيم وقالنا انهم بيدخلون جثة اماية ...عسب نسلم عليها ونجوفها اخر مرة...ما استحملت كلامه يلست اصيح ...وانا ميوده المصحف واقرا...وسارة تحاول تهديني...حدروا قوم ابراهيم الحجرة وهم حاملين جثتها...كانت متغطيه كاملها بالابيض ...وكشف عن ويها وقال مؤيد تعالي سلمي عليها...ما قدرت اقوم...ريولي مب شايلتني...ابى اماية لا تشيلونها لا تدفنونها...يود ابراهيم يدي وقربني من ويه اماية وهو ضاغط على يدي ...ولما جفت ويها وابتسامتها ...صحت بصوت عالي ...واقولها...نشي اماية وين سايره ...وقمت احضنها..واقوله امايه راقده هي جي شكلها لما ترقد...هي ما ماتت بس راقده...نشي امايه بيشولونج جان ما نشيت بيدفنوج....وابراهيم يبعدني ويقول مب زين عليج تسوين فيها جي ...ويقولي قولي باذنها الشهادتين ...وانه الرسول علية الصلاة والسلام قال (لقنو موتاكم لا اله الا الله) .....وحملوا جثة امايه وانا اجوفوهم من باب الصالة ودخلوها سيارة الاسعاف ...وانا اجوف ابراهيم ومؤيد ومدثر يستغفروا ويدعولها وهم حاملين النعش...


سجايا....
وصلت البيت على الظهرية...وانا هلكانه من الشغل...ابى شبريتي وانخمد ...اف ها المغثة شو يبى يايينا اليوم....وايد مصدق عمره انه خطيبي وانه عرسنا اليوم ...اي تصدقون انه عرسي اليوم...عروسة مداومة حلوة صراحة...اماية حاولت فيني اني ما اسير الشغل وويهج بيكون تعبان بالكوشة...بس انا ولا على بالي...مب كافي اني وافقت عليه بالغصب ...من عقب ما يى مكتبي...وعق كلامة ..بالليل جفت اهله عندنا...امه واخته طبعا ما ينبلعون...شو تتوقعون من واحد شرا ها...يطلع منه شي زين...وكلامهم من طرف خشمهم...جنا مب من مستواهم...مع انه مستوانا فوق المتوسط بس هم هوامير...والله ما حد ضربه على يده وقاله تعال اخطب...انا كنت ناويه اكمل حياتي عانس...دام ربي سترني ...بس فكرت بكلامه امايه ما كانت راح تسكت على الوضع اكثر...وافقت عليه على مضض...وما جفته من عقب ياني المكتب ...شو يبى يايينا اليوم...حدرت البيت وانا اجوف امايه تسولف معاه وتضحك...اماية وايد مستويه تعزه...وتعامله شرا ولدها...لو تعرف حقيقته بس ...سلمت عليهم وكنت يايه ارقع فوق...ويا دوبني يايه اسد باب الحجرة جفت امايه واقفه حذا الباب وها الشي كان متوقع
اماية:جى يسلمون الناس على ريلهم...مب جذي انا مربيتنج...المرة السنعة تحترم ريلها...وتبيض ويه اهلها جدام ريلها...بس ظنتني الكلام مب نافع معاج...بدلي وتعالي جوفي فستان عرسج ريلج يايبنه
حلوة صح ...فستان عرسي واصل بيوم عرسي...بقولكم السالفة... الاخت رشا حالفه انها هي الي تفصلي فستان عرسي وتهدي هدية...وقبل ما تظهر قالت بيبني وبينها ما اظمن ذوقج ...على بالها تنرفزني ...مب داريه ولا هامني هاي الشكليات هاي الزيجه بكبرها ما هامتني ....ما بغيت اكسر بخاطر امايه...ولا ها الي جدامي نفسي اقوم واخنقه....جفت الفستان ورقعت صوب حجرتي...برقد واهرب من ها السخافه الي يالسه تستوي...ما مداني ارقد الا واجوف امايه تزقرني...لا ابى ارقد تعبانه وهلكانه ...ما فيني على حشرة الكوافير والميكب...ليش كل هاي المظاهر...ما صدقت خلصت راعية الصالون...ولا كلفت على نفسي اجوف المراية...ابى ها اليوم ينتهي...وصلت الحجرة المخصصة للعروس ...وبدى شغل التصوير...وانا بس ابى اخنق راعية التصوير...يا شيخة حلي عن سماي...مب ناقصتنج انا...يت اماية وتقولي ريلج بيدش عسب نصور...ومنو الي قاله نبى تصوير...وايد لاعب الدور الاخ...دش هو من صوب والمصورة بدت شغلها من صوب...طبعا ولا نفذت حركة من الحركات الي طلبتها...واللوح الي ينبي كان نفس الشعور...ما صدقت انه ظهر ..والاخت المصورة معصبه جنه حد كافخنها ظهرت...وبدت الزفة ...واشتغل الرقص ...جفت سجى يايه صوبي تسلم علي...والفرحة والراحه باين بويها...سبحان الله الله عطاها على قد نيتها...نيتها كانت تصون نفسها...والله رزقها ريل يموت عليها...وولد شرا العسل...يدش القلب على طول...ريلها ابدا ما عايرها باهلها...بالعكس حاطنها فوق راسه...الشي الوحيد الي كان متعبنها ...ومتعب نفسيتها...وايد كانت تفكر بربيعتها ملوك...حاسة بتانيب الضمير...حاسه انها دمرت وضيعت سعادة ربيعتها...حرمتها وخطفت خطيبها...يلست اقنعها انه ها نصيب...هي نصيبها ما كان معاه...وانتي نصيبج معاه...وها الشي كان مكتوب ومقرر ...واذا كان لهم نصيب مع بعض هو كان ماخذنها...بس ربج رادك له...وربيعتج يمكن معرسه بريل يحبها اللحينه واكيد عندها عيال وتكون ناسيه خطيبها الاولي...بس هي ما اقتنعت...الشي الوحيد الي بيقنعها انها لازم تجوفها وتكلمها...اقترحت عليها تروح فريجهم الاولي الي بعيد عن منطقتنا.....وتشرحيلها الى استوى ومع بعض التحفظ...هي رفضت ...قلتلها بيى معاج ووافقت ...حسيتها جنها ياهل...سرت معاها ...وصلنا بيت ربيعتها ...اول ما حطيت يدي على جرس الباب...سجى نقزت وقالت انها غيرت رايها تبى ترجع البيت...يلست اقنعها اذا ما خطوتي هاي الخطوة ما راح تعيشين مرتاحه ...ريحي ضميرج ووضحي لها موقفج...حدرنا صالة بيتهم...ومن عقب السلام والسؤال عن الحال ...سالنا عن ملوك...وامها اشرت على بنية صغيرة وقالت هاي بنتها...الحمد لله ارتحت يعني عرست ...الباجي اسهل...يلسوا مع بعض وسجى وضحتلها موقفها وكل شي صار بعايلتها...ملوك يلست تصيح وهي تعاتبها انها اخفت ها الشي عنها...وتقول انها اكتشفت حبها لولد عمها كان مجرد اعجاب وانها تحب ريلها ...كل ها وانا سرحانه...وما حسيتا لا بامايه تغطيني وتقول بيدش المعرس مع اخوه...

وهج.....

واخيرا زهب الغدا....شبيت الفحم ...وسرت تسبحت ..وعقبه بخرت البيت ...وقررت اريح ظهري شوي... ما مداني اريح ظهري الا واسمع صراخ ياى من تحت...ها صوت حمد وينادي اسمي....بسم الله ليكون حمودي جاسه شي...نزلت من على الدري...يمة ولدي...هو كان يتكلم بس انا ما كنت اسمعه عقلي وقلبي عند ولدي وينه ما اجوفه بالصالة...ليكون بالمستشفى...يودت يده وانا اجوف عيونه حمر ما ادري من الصياح من العصبية ...
وهج:وينه باي مستشفى...لا تحاول تجذب علي...شو سويت فيه كان امانه عندك ...ما تعرف يعني شو امانه
حمد:منو الي وين...واي مستشفى واي امانه
وهج:ولدي وينه ...حمودي وينه شو سويت فيه...
حمد:انتي صاحيه حمودي راقد بحجرته...ليش جي تفاولين عليه
الحمد لله...اذا ولدي بخير كل شي دونما ذلك يهون...ييت ايلس على الكرسي ..بس هو شد على يدي ويلس يسحبني سحب صوب المطبخ...
حمد: والله شكلي بدفنج اليوم بالمطبخ...جان على بالج اني مثل ريلج الاولي مدمغ...وتقصين علي...فبعدج ما عرفتيني ...لخليج تتمنين الموت ...انتي وحده ما تستحين جليلة خاتمه...مضيعه المذهب وما تربيتي معلوم اشقى تتربين واخوج صالح...الى عقج علي ..بروحه مستبلي فيج وجان بيده ذابحنج من زمان ومتخلص من عارج...انا تستغليني تلعبين من وراي...ما صدقتي اني ظهرت وقلتي بكلم حبيب القلب...وين مواعدتنه ...باي شقة...ليكون ببيتي بعد...والله انه حمودي حسافه عليج...لاحرمج منه...انتي ما تستاهلينه اصلا...
كله ها وهو شاد على يدي ويهزني ...حسيت يدي بتنجلع ...عن شو يتكلم ها...اي حبيب قلب ها شو يقول ...انا شو سويتله...
وهج:حرام عليك بتجلع يدي...شو تبى فيني ...مب قلت اعتبر نفسي مب موجوده ...
ما تركني اكمل كلامي رماني رمي على طاولة الطعام...لدرجة انه اندق ويهي بالاب توب...
حمد:جوفي ...جوفي سواد ويهج..ما تتوبين انتي...ما تخافين ربج...معرسه وتغازلين وتكلمين رياييل غير...مسودة الويه ليش تسوين جي بعمرج...ما تخافين على سمعة ولدج...شو ذنبه انج امه...بس والله لاربيج ..لتكون نهايتج على يدي...
رفعت راسي وانا مب فاهمه شي...والله مب فاهمه شو يقصد...اصلا متى مداني اكلم حد وانا من امس بس معرسه...رفعت راسي ويت عيني على اللاب وعلى الصفحة المفتوحة...لا ارجوك لا تعيد الماساة الاولية...لا ترجعني لنقطة الصفر
وهج:حسبي الله ونعم الوكيل ...حسبي الله ونعم الوكيل
حمد:على منو تتحسبين...بعدين انتي من وين تعرفين ربج...انتي الي مثلج يستحي يذكر اسم ربه...الا ودموعه تنزل...
وهج:والله ما كلمت حد...بعمري ما كلمت ريال غريب...ليش انتو الريايل جي...ليش ترمون الحريم المحصنات...ومن غير دليل...ما تعرف عقوبته عند ربك
حمد:اي محصنات...اللحينه انتي تعتبري نفسج محصنه...لا وتقولين من غير دليل...انا بروحي رجعت المسانجر عقب ما حذفتيه...سالم ياب اللاب وطلب مني اعيد المحادثه المحذوفه...وليتني ما رجعت المحادثه...وعقب ما جفت نظرة سالم...الا لحد اللحينه مب قادر انساها...تمنيت انج تكونين جدامي لكنت ذبحتج ولا اشوف ذيج النظرة من ربيعي...
وهج:بس خلاص اسكت...يكفي ظلم...ها المهم عندك انك تنتقم لنظرة ربيعك...اي غلطت ..ايوا كلمت ماسنجر وي ريال غريب...ادري غلط وقبل ما اغطئ بحق ريلي غلطت بحق ربي...بس والله كانت لحضه ضعف لحضه قهر...لحضه وصل السيل الزبى...قهرني ذبحني..ودمرني...بس ما كلمت الريال الغريب كلام غزل...مجرد ما قالي اسمه ووين يدرس...وانا بغبائي قلتله اسمي ومن قهري قلتله مشكلتي على طول...بس قبل ما اكمل تذكرت ربي...لاني مب جي..كنت ابى اطلع الي بخاطري...وهو ظهر جدامي ما ادري اشقى ظهر محادثته جدامي ....ولانها كانت لحضه قهر ...اذن تلفوني...كنت حاطه منبه للاذان...ربي كان يبى ينبهني انه الي اسويه غلط...ما رقدت ذيج الليلة...طول الليل وانا اصلي واستغفر..شكرت ربي ...تعرف ليش...لانه ما مت ذيج اللحضه...كنت بموت على معصية...ربي يحبني ...ربي رحمني...بس يالك سالت نفسك ليش سويت جي ...ادري مب مبرر...بس ربيعك قهرني ...وراني الويل بدنيتي...دمرني...شو كان ذنبي...شو ذنبي اذا خواتي رفضوا اخوانه...شو ذنبي انه امهكانت تبى تنتقم لكرامة عيالها...ليش ما فكر فيني ...لشخصي لذاتي...ليش ما كانوا ايقنوا انه الزواج قسمة ونصيب...ليش ما ايقنوا انه الواحد لمن يولد ينكتب له منو بياخذ واشقى تكون حياته...ليش ما رضوا بقسمة وبقضاء ربنا...ليش م عرفوا انه الخيرة فما اختارها الله...امور الزواج ما فيها كرامة فيها نصيب...ليش دمر نفسه...ضيع نفسه عسب اخوانه...وكل واحد عايش حياته...ومرتاح..وهو ضيع دنياه واخرته...ما بقى شي حرام ما سواه...ما بقى نوع من انواع الظلم ما مارسه علي...خمر وكان يشرب...وزنا كان يزني...وقمار وكان يلعب...صلاة وما كان يصلي ...ضيع عمره...وضيع ولده ...بالرغم من كل ها استحملته...احتسبت عند ربي...كنت اريد ثواب الصبر وما شكيت...حاولت اهديه...حاولت اجربه لربه...ربيت ولدي على القران والصلاة...كنت اعرف انه وايد يحب ولده...وانه كان نقطة ضعفه ...فعسب جي كنت اعلمه يطلب من ابوه يوديه المسيد كل صلاة...كنت استقصد انه يجوف ولده يصلي جدامه...يقرا القران جدامه...غلفنا انا وولدي له هديه كانت عباره عن قران...وعطيته حمود يعطيه بعيد ميلاده...علمت حمود يرسم صور لابوه وهو يصلي واكتب بابا احنا وايد نحبك...بالرغم من انه كان ياهل مب فاهم شي...ما يعرف ليش يرسم ابوه وهو يصلي...واخر محاولة قبل ما يروح لربه بساعات بس...رسمت اصابع حمود الخمسه على ورقة ...وبكل اصبع رسم ريال يصلي مكتوب عليه انا احبك بابا...والاصبع الثاني بابا العب وياي...والاصبع الثالث رسمتله بروحي باب مكتوب عليه الينه...رسمت ريال ميود يد ولده سايرين الينه...وكتبت عليه اسمه واسم حمودي...والباجي حمودي رسم فيهم ....وعلقنا الصورة على باب غرفته ...وكوبي بجيب كندورته...وكوبي بسيارته...وكوبي بمحفظته...جربت كل الطرق بس هو عقب ما جاف الصور ...عصب قال انتي تبين تكرهين ولدي فيني...تبين تعلمينه انه ابوه مب صالح...تبين تفتحين عيونه على عيوب ابوه...وشدني من شعري ودشني الغرفة ورمى علي صور ...صوره مع البنات بالشقق ...سكرت عيوني ما ابى اجوف الصور ...صور خليعه...صور حرام انك تجوفها...لانها تعتبر زنى...وان العين لتزني وان زناها النظر...بعمري كله ما جفت شرا هاي الصور ولا شرا هاي المناظر ...حتى وانا اجوف التلفزيون لما تيي شرا هاي المناظر اغض بصري...ما ابى عيوني تشهد ضدي يوم القيامة...وهو لما جافني اسكر عيوني...حاول يبطلهم بالغصب.....خفت يضيع عيوني وما اقدر اجوف عقب...منو بيربي ولدي منو بيداريه...ولما بطلت عيوني...جفت دموعه...كان يصيح...وظهر من الحجرة ...وظهر من حياتنا ..ومن الدنيا عقب ذيج الدموع

الحمدلله على السلاامه ...وسلاامه الاسفاار
وهج
بطله هذا الجزء بدوون مناازع ....على قولتكم غمضتني وااااايد
سجاايااا
اهمم شي انهاا تزوجته وسترر عليهاااا ....وبعدين لكل حااادث حديث
سجى
الحمدلله انها توفقه في زوااجهااا وتصلحت اموورهااا
منتظريت الجزء القاادم على خييير ....موفقه حبيبتي ,,,,,

غصون وسجايا نفس المصير بس زين من ام غصون انها اجبرتهم
سجايا وش بيصير لها عقب العرس

وهج تحززززن مسكينه لا مع والاول ولا الثاني

متحمسه اعرف وش بيصير بميسم

روايتك روعه مشالله الله يجزاك خير دعويه وفوائد 