كاتب الموضوع :
زهرة سوداء
المنتدى :
قهوة ليلاس
بسم الله نبدأ ومع حماتى كماااااااان ههههههههههههههه جاهزة بيبو ...... يالا بينا
انت سبب الضياع ماذا تتوقع ان تقول لك
هتقولى كده : " ايش راح نسوى دا الحين ياعم الشبح ؟! ........ كله بسبب انت لو ماكنت قلت انك بتعرف قيادة السفن ماكان صار هيك ابدا ......... اشلون بدنا نسوى ؟ ....... ها ...... ليش ما بتنطق يعنى ؟........... تدرى , والله لو اراد ربنا و وصلنا احياء للشاطئ ما راح اعديها ابدا ".
وطبعا هفضل ساكت خااااااالص لانى غلطان .
هى السبب قي الضياع ماذا ستقول لها
لاااااااا من ناحية هقول فهقول اوى ...... خدوا عندكم
" وعاملالى فيها قائدة سفينة وبحارة ...... وشوية شوية هتعوميلى على اليابسة ...... وايه .... طول النهار مصدعانى انا معايا دورات غطس انا معايا دورات غطس ....... اتفضلى ياهانم خرجينا من السعادة اللى رمتينا فيها ........ مبسوطة ........ انا غلطان انى صدقتك لما قلتيلى انك السندباد البححرى فى زمانه "
خخخخخخخخخخخخخخخخخخخخخخخ امممممممممممممممم جايز اقول كده لانى مبحبش البحر
انت اتخذي قراربالذهاب الى اتجاه وهو \هي اراد الذهاب الى الاتجاه ماذا تفعل
لو دفعتلى مبلغ محترم هخليها تقود هى الدفة ....... ههههههههههههههههه لا لا لا بهزر طبعا
بصراحة ممكن اخليها تقود واقف جنبها حاطط ايدى على فمى فى توتر واقول كل شوية : " حاسبى الصخرة ...... حااااااااااااسبى القرش ........ يالهوى الجزيرة هنموت هنموت ....... حاااااااااااااااسبى هنروح بلاش " .
وجدتما مكان للمبيت واتفقتما على المنابه للنوم ماذا تختارين النوم نهارا ام ليلا ولماذا
هخليها تختار ....... وهنفذ بدون مناقشة اللى تختاره طبعا .
من سيتولى تحضير الطعام ولماذا
هى وهخليها تعملنا كبسة بالسمك ....... مش عارف ازاى بس لازم تخترع اممممممممم او جمبرى او وقار او صيادية او هناكل سندوتشات او هنطلب ديليفرى من السفينة اللى جنبنا خخخخخخخخخخخخخخخخخخخخخخخخخخ
هل تتوقعي ان تتشاجري معه\ها
انا اتشاجر معاها ؟ ........ لالالالا ابدا واطلاقا ...... بس لو توترت ممكن اتشاجر شوية ....... لكن لا لااعتقد انى ممكن اتشاجر معاها ابدا ..... دى بيبو ياجماعة ...... فاهمين يعنى ايه بيبو ........ مستحيل اتشاجر معاها ......
كيف تتوقعي ان تكون رفقته\ها
ممتعة جدا و محببة الى قلبى ...
تعب منك في الطريق هل ستعتني به حتى يصح تماما على حساب تاخركم في العوده ام ستطلب منه التحمل والمجابرة
لا هتحمل طبعا واستناها تشفى تمام ....... مفيش اهم من صحة الرفيق ....
تعبت انت هل ستخبره ام ستتابع الطريق مجابرا على نفسك
هو انا يعنى ابن البطة السودا هههههههههههههههههههه هتستحمل هى كمان وتستنى اما اشفى تماما ........ يا اما الواحد ياخد سكينة احتياطى اتقاءا للغدر خخخخخخخخخخخخخخخخخخخ لا طبعا بهزر ...... من شخصيتها عارف انها مش هتكون انانية ....... فيس واثق فى حماته ...
اذا شعر بتعبك
هل ستسمح بان يعتني بك
كمادات و شوربة والجو ده يعنى ........ اوك موافق ...... بس اهم حاجة الليمون على الشوربة خخخخخخخخخخخخخخخخخخخخخخخخخخخخخخخخ
سترفض وتستمر ام سترفض وتطلب الراحه وحدك
مش هرفض يا زهرة اصلا ........ هو انا اطول انها تعتنى بيا ...... دى معاها شيكولاته قد الدنيا ههههههههههههههههههههههه .......
غضبت واستات كثيرا
ماذا تفعل ولماذا
مفهمتش السؤال بس لو قصدك انها غضبت طبعا هحاول اصالحها واذكرها ان اهلها منتظرين على الضفة الاخرى واقولها تعشمى فى الله خيرا لغاية مايظهر حوت كبير ابن حلال كده هقولها اتشاهدى بقى ........ ههههههههههههههههههههههههه
تولى هو القيادة وبدا يامر ويامر
انت غير مقتنع بافعاله ماذا تفعل
هحاول انصحها ما استمعتش للنصيحة فى الموقف الدقيق ده هستولى على الدفة وازعق هتخاف لان البنات بتخاف بسرررررعة خخخخخخخخخخخخخخخخخخ وهقود انا ......
ليس لديك الا ملعقةوكوب وصحن واحد من سيبدا الطعام
هنقسمهم ....... تاكل هى مثلا وانا هشرب شاى وبعدين نبدل ....... او تاخد هى الصحن والملعقة والكوب وانا هتصرف ........ الشباب ممكن يتصرف لكن البنت طبعا لانها كائن رقيق تحب المنظرة بقى والاتيكيت واحتمال تطلب منى السكينة والمايونيز وتقولى اتصرف ......
ما اكثر ما سيخيفك
حوت ضخم
ما اكثر ما سيحزنك
ان الحوت ياكلنى
ما اكثر ما سيفرحك
ان الحوت ياكلها هههههههههههههههههههههههه
استمتعي كثيرابرفقته \ها
ووجدتي طريق توصلكما سريع واخرى اطول ما تختارين
بصراحة الاطول ....... رحلة متتكررش ........ بس برضه هاخد رأيها اصل مينفعش ابقى مستمتع بالرحلة معاها وهى عاوزه ترمينى فى البحر ........
وجدتما اهالي المنطقةقدموا لكما طعاما لم ترغباه وعليكما اكله وانتما لا تريدان ماذا تفعل
مش هاكل ....... هقولهم عندى حساسية من التعابين اللى بتقدموها ....... هما غالبا هيقدموا تعابين وهيتكلموا لغات غريبة وهيبقوا اكلى لحوم بشر طبعا ........ هقول التعابين بتجيب وجع فى بطنى بس لو شوية حيات اكون شاكر خخخخخخخخخخخخخخخخخ ........ لا بجد هتظاهر انى باكل وانى سعيد عشان اليوم دا يعدى على خير .....
تاكله وحدك للخروج من المازق
لا طبعا تاكل معايا
تقنعه ان ياكل وحدة
لا برضه هاكل معاها
تتشاركان الاكل
هنتشارك الاكل
ولماذا بكل حاله
مش هاكل لوحدى عشان متظلمنيش ومش هتاكل لوحدها عشان مظلمهاش وهناكل مع بعض عشان نشجع بعض ونبقى اتشاركنا المصيبة السودا دى .......
اعطوكما وسيله نقل تكفي لشخص واحد هل تتشاركان
طبعا بما اننا فى البحر فهتبقى بحرية ....... انا مبعرفش اعوم بس رغم كده والله هخليها هى تركب وتبقى تدعيلى بالرحمة ........
ام تتناوبان
مينفعش نتناوب ....... يا اركب يا اغرق ههههههههههههههههههههههههه
تركب انت اولا ام هو هي
لا تركب هى
واجهتما صعوبات في الرحله
هو السبب الضياع هل تتذمر
اكيد هبقى متضايق شوية
هل تتحمل تذمره لو كنت السبب
اكيد طبقا لقواعد العدل هتحمل زعلها
بنات بزيد اسئله
لم تعرف النوم في الظلام ابدا تخبره
تطلب منه ان يبقى حتى تنام
ههههههههههههههههههههه هو اصلا مش بحب انام الا فى الظلام بس عامة نفرض ....... هفضل سهران حتى الفجر ....... انما اطلب منها تفضل صاحية انانية منى
افزعتك اصوات القرود والحيوانات ولقيت حيوان امامك ماذا
تصرخ تطلب منه المساعد
تتركه هو والحيوان يواجه مصيره
طبعا فى ظروفنا هتبقى اهتزازات فى السفينة واصوات الشعب المرجانية والحاجات دى اممممممممممم هحاول اطمنها و نقرأ قرآن مثلا ....... او نسمع اناشيد مشارى راشد ....... بطمنى وتريحنى شوية ..... اما لو هى خايفة جدا و دا المتوقع هخليها تدخل الحجرة ( القمراية ) والحوت هو الحيوان طبعا هنحاول نهرب منه لكن مش هنستسلمله واحنا ونصيبنا طبعا ......
شيئ اخر
ماذا لو هاجمكما قرش او حوت ما ذا تفعل خصوصا انه رفيقك بلم مو قادر يمشي
هقود انا السفينة وهى عليها تصرخ لغاية ماحد يسمعنا ........ والله المستعان بقى
انت تكره العناكب شفت عنكوب بتفسح على ثوب رفيقك ماتفعل
هضربه بالرصاص خخخخخخخخخخخخخخخخخخخخخخخ لالالا بهزر هصرخ واقولها : "بيبو انصحك نصيحة لوجه الله يا ست الكل ...... اوعى تخافى يوم من الايام من العناكب لانها ارق المخلوقات ........... عنكبوووووووووت بدماغيييييين على ثوبك يا بيبوووووووووووووووو " هههههههههههههههههههههههههههههههههههههههههه
انتهت الرحله ووجتما العمار
ضايقك كثيرا هل ستفكر بقطع علاقتك معه
ابدااااااااااااااااا ....... يعنى هقطع معاها قدام العمار ؟ ....... اتغدى واخد واجبى وبعدين اقطع معاها ............ لا والله بجد هبقى فى منتهى السعادة انى قدرت احافظ عليها وابقى قد المسئولية هودعها مع امل تجدد اللقاء و احكى عن اللى حصل فى ليلاس .......
سعدت برفقته ماذا تقول له
" بيبو انا عاوز اقولك انى بجد فرحت بالرحلة دى رغم انك كنتى مزعجة شوية ........ وسعيد بالتعرف عليكى اكتر و متزعليش لو كنت تصرفت معاكى تصرف وحش ....... الموت لما بيكون قريب الانسان بيخاف وبيفكر فى حاجات كتير بتنسيه اللحظة الحلوة اللى عاشها فى حياته ......... لكن رغم اللى واجهناه كانت رحلة حلوة بالنسبة لى وعمرى ماهنساها ابدا ......... استنودعك الله واتمنى اسمع عنك كل خير ........ سلام " .
هى : " عبدالله "
هستدير ببطء ودمعة فى عينى .....
هى بتأثر : " انا كمان فرحت بجد بمعرفتك وعاوزه اقولك ....... لا اله الا الله " .
انا بتأثر : " محمد رسول الله ...... عن اذنك " .
هى : " عبدالله " .
هستدير ببطء و دمعة كمان فى عينى ....
هى بتأثر : ابقى تعالى زورنا يا عبدالله " .
انا بتأثر : " اكيد ان شاء الله ....... مع السلامة " .
هى : عبد الله "
هستدير بغضب وانا اصرخ : " ما تخلصى الطيارة فاضلها ساعة واحدة ...... ماقلنا سلام واشوفك على خير ...... هبات هنا يعنى " .
هى بغضب : " تصدق انا غلطانة انى بسلم عليك " .
انا بغضب : يعنى انا اللى طايق الوقفة هنا ...... كنتى هتموتينا بتحكماتك " .
هى بغضب : ليه ان شاء الله هو انا اللى رميتك فى السفينة وقلتلك اعملنا رحلة " .
انا بغضب : " انا غلطان انى عرفتك وعملت معاكى رحلة زى دى ........ عن اذنك ياهانم " .
هى : " بالسلامة والقلب داعيلك يا اخويا ........ حلوة والله " .
خخخخخخخخخخخخخخخخخخخخخخخ لا مؤاخذه ياجماعة نسيت انى برد على موضوع مش بكتب رواية هههههههههههههههههههههههههههه احم بعتذر ......
احسست انه تضايق منك ماذا تقول له
هقولها اسف لو تسببت لك فى اى زهق ..... مكنش قصدى اضايقك .........
طلب منكما عندما وصلتما ايضاح السبب بضايعكما
هو السبب
ماذا تفعل
هقول انا السبب بس الحمد لله عدت على خير .......
انت السبب ماذا تفعل
هقول انا السبب بس الحمد لله عدت على خير .......
ماذا تتوقع ان يكون افضل ما حصل لك برفقته
التعرف عليه اكثر
اسوء ما حصل
العنكبوت و الحوت وانها خدت الكوب والملعقة واكلى لحوم البشر
سؤال اخير ما رايك بالموضوع
بأمانة ربنا موضوع رووووووووووووووعة ......... عشت معاه تخيل كبير وفرحت بيه جدااااااااااااااا ...... والله رغم البلاوى اللى الواحد تخيلها بس صحبة بيبو خففت من وطأة الاحداث ......
بيبو اعتز بمعرفتك كثيرا وكلامى فى هذا الموضوع من باب المزاح وانا احترمك واقدرك واعتبرك اخت غالية وعزيزة على قلبى واتمنى لك دوما السلامة واهلك ........ سعدت بتخيلاتى معك
احلى تحية ليكى
زهرة ...
بجد ابدعتى فى الموضوع ويستحق التميز فعلا ..... واشكرك على هذه الرحلة
واختار بعدى لامى مع حسن الخلق
|
23-09-11, 12:55 AM
جديد مواضيع قسم قهوة ليلاس
العرض العادي
