صباحكم كادي وورد جوري

لارواحكم الطيبه

جبت لكم فطوري اليوم ومعه عصير مخصوص لبعض الناس *_*

وطبعا لي عودة للردود ولكل من مر وترك بصمته قبله على جبينه >>> يعني اني اصغركم خخخخخخ

طبعا لاحد يشره علي بوصفي لاطباقي لان فيني هسترة اليوم من الصور وتحميلها

بصراحه اكتشفت ان الطبخ اسهل من هالمهمه الي انبليت فيها

تكفين هاله دبري لي طريقه ارسل فيها الصور وانت انشبي فيهم


منتو كذاب ( والي بيكزب ياويله من الله "مسروقه من باب الحارة خخخخ " ) :


اول شي تجيبو الصينيه وترصو عليها حلقات رفيعه من البصل والطماطم

ثم تاخذو رقاق السمبوسه العادي وتقطعوه الى قسمين او ثلاثه حسب كبر الرقاق الي

انتو مشترينه ثم تحطو الحشوة في طرف القطعه وتلفوها ثم ترصوها في الصينيه وهكذا

الحشوة : اي حشوة موجودة عندك او تحمسو بصل مع الزيت ثم الدجاج المفروم والخضار الي

تفضلوها " جزر - بطاطس - فلفل رومي واذا تحبو تحطو ذرة نو بروبلم خخخخخ " مع وضع البهار

والملح والفلفل الاسود وبالاخير ممكن تحطو اي اعشاب عطريه او ممكن شبت او نعناع حسب الرغبه

نرجع للطبق نفسه بعد رص جميع الاسطوانات فيها اذيبو مكعب ماجي في كاس ماء مغلي وصبوه عليه

واتركوه الى ان يتشرب ماءه ودخلوه الفرن على حرارة متوسطه كما في الصورة :








طبعا اختكم في الله ماعندها وقت صورت الصينيه وهي في الفرن

وبعد كذا اصب على الوجه خليط مكون من علبة قشطه و4 ملاعق جبنه سائله

وارجع الصينيه للفرن بس على نار الشوايه وتطلع النتيجه كذا

عاد لو انها محترقه شوي فلاني مشغوله بالاطباق الثانيه فغضوا النظر ولا ترى







فطائر اللبنه / اللبنه بالزعتر :


اسهل عجينه في الدنيا عجينة العشر دقائق

خفيفه وظريفه ولطيفه ( حشى ادميه مو عجينه )

هي عبارة عن : فنجان قهوة من السكر - 2 ملاعق اكل خميرة فوريه - 2 كاس ماء دافئ - ملح

2 كاس دقيق - 2 ملاعق اكل حليب دافئ

ههههههه كل مرة انسى ان الحليب سائل واحطه بودرة من زود الفهاوة

المهم تخلط هذه المقادير مع بعضها بالمضرب اليدوي وتترك لمدة 10 دقائق

بعد ذلك اضيفي 3 كاسات دقيق - 1/2 كاس زيت ثم تعجن جيدا وتستخدم على طول بدون

ماتترك حتى تخمر

ملاحظه :
** لو سويتوا فيها حركة ذكاء وتركتوها عشان تخمر اعرفو ان فطايركم خربت وعليها السلام

ماراح تطلع بالخفه والهواء الي ممكن لو اتبعتو الطريقه الاصليه

** زي ماتلاحظو العجينه كميتها كبيرة ( 5 كاسات دقيق ) فانتبهو لهالشي انا عادة استعمل

نص المقادير واكون لي عجينه صغيرونه على قدي


فطايري اليوم باللبنه فرحت وفردت قطعه من العجينه بعد رش السطح بالدقيق حتى خليتها

معصعصه هههههه يعني نحيفه مرة وشلتها وحطيتها بالصينيه المدهونه بالزيت والدقيق

ثم قصيت الاطراف الزايده بالسكين الرول الخاص بالعجين ثم فردت اللبنه عليها ماعدا الاطراف

وحطيت كثير حتى تكون مقرمشه من برى وطريه ولزيزة من قوة

ثم حطيت طبقه رهيفه ثانيه من العجين المفرود وبرضه وخرت الاطراف الزايده وقفلتها كويس

حتى لاتخرج اللبنه من اطراف الصينيه ودهنت الوجه بالحليب وطلع كذا شكلها







ممكن تحطون مع اللبنه زعتر او زي المحلات لبنه وعسل او جبنه بيضاء

الي تبونه الخيار متروك لكم

والنتيجه





جريـــــــــــــــش :



عاد هالاكله ماحبها ابدا الا في المثلوثه وغيرها مااكلها

نسلق دجاجه واذا حبيتو تنظمو لنادي الكسالى زي اسلقوا صدور دجاج مع بصله وفلفل اسود حبوب

وبعد ماينضج الدجاج ينتف وحطي حرة اي احد قاهرك فيه نتفي اهل الدجاجه

صفي مرقة الدجاج واعيديها للقدر مع الدجاج المنتف وضعي معها الجريش المنقوع مسبقا

وتترك الى ان تستوي مع التقليب المستمر ووضع الملح والكمون والماجي مكعبات

** اذا ماقلبتيها باستمرار بتجلسي تنظفي القدر لغاية السحور وانت تدعكي فيه ولا فيري

بيفيدك ولاشي

** لكل دجاجه او مايعادلها من الصدور 2 1/2 جريش

اذا نضج الجريش ضعي عليه 2 كاس لبن او اكثر حسب ماتشوفيه ويحرك قليلا ثم يوضع في

طبق التقديم ويزين بالقرفه الناعمه والليمون الاسود العماني والكمون والبصل المحمر وسمنه او زبدة









المحشي :



محشيي اليوم للنباتيين يعني مافيه مفرومه ولا شي الي بالمفرومه بنزله بيوم ثاني ان شاء الله

حشوة الخضار : راس ثوم مفروم يحمس حتى يصفر ثم يوضع عليه 5 بصلات مقطعه شرائح وتحمس

حتى تشقر ثم كاس ارز صنوايت مغسول بدون نقع ويحمس جيدا حتى يبدا بالالتصاق ثم يوضع عليه

عصير 5 حبات طماطم واتركه على النار حتى يتسبك مع وضع الملح والفلفل الاسود والبهار

ثم ارفعه من على النار واضع عليه كميه من البقدونس والشبت والكزبرة واقل منهم بقليل نعناع







تحشى الخضار المرغوبه بهذه الحشوة ثم ترص في قدر باسفله شرائح بصل وبطاطس

( انا احط هالشرائح عشان لاسمح الله احترق الاكل الخضار المحشي لاتحترق الي تحت

هو الي ينحرق )

ثم اصب على الوجه الصوص :

ثوم مفروم يحمس مع الزيت ثم اضع عليه صلصه وبعدها عصير 5 حبات طماطم وكعبين ماجي وملح

وماء حتى تغلي ثم اصبه على القدر مع رمي عروق الفلفل عليه لاضفاء لسعة حرارة للاكل








العصير :

عصير سعودي شامبين :




علبة عصير راوخ تفاح كبيرة تصب في الجيك ويوضع معها شرائح تفاح وبرتقال الجميع بدون

نزع القشور وبضع اوراق نعناع اتركهم ساعه تقريبا و قبل التقديم بقليل اضع السفن اب

وعليكم بالعافيه ( طبعا صور العصير سارقتها من عمو قوقل )



http://t3.gstatic.com/images?q=tbn:A...feQlI_MR5e_FUw




عصير المانجو الختيييير :



ليتر عصير مانجو "يعني اربعه كاسات " - علبة زبادي - فيمتو

يخلط عصير المانجو بالخلاط الكاس مع الزبادي ثم يصب في الكاسات المسكوب بداخل

كل منها ملء غطاء فيمتو بشكل متعرج وشوفو الطعم شلون مو طبيعي وغريب



http://t1.gstatic.com/images?q=tbn:A...Xlae97pGA82CEv


عصير الليمون بالنعناع :


كاسه عصير ليمون مع 3 فناجين سكر وليتر ماء مثلج وورقات من النعناع في خلاط العصير

واسهل والذ عصير بدون مرارة الليمون



http://t0.gstatic.com/images?q=tbn:A...OcAn4bzHtsVqMA




عاد اليوم مافيه حلو مافضيت اصور المرة الجايه ان شاء الله

ويلا الله الله في الردود السنعه واي انتقادات اتقبلها بصدر رحب

اختكم المحبه في الله شوشو




لاتنسوني من دعائكم

زيزو ابشرك بعد مداولات ومشاورات واجتماعات مغلقه ( هيئة الامم المتحدة على غفله خخخخخخ )

قررنا الاتي :

تقليص عدد الايام من عشرة الى خمسه ايام

وبناءا على ذلك يتم توهيق عضوة اخرى من اختياري او اختيار الهاله
.
.
.
عاد الحين البنات بينحاشون مني لااوهقهم ههههههه

يالله يالسنعات قربوا وقدموا طلب لا يصير امرا لا فضلا

>>> هااااااا شرايك بمفاجاتي اليوم زيزو

يالله بسرعه على سجادتك ادعي لي قبل مااسحب عرضي وطيبتي

تروح مني وترجع لي حالة النذاله القشراء