كاتب الموضوع :
همسات وردة
المنتدى :
ركن المطبخ
مساءكم عتق من الرحمن
من زماااااان عن مطبخنا الغالي ,وبصرااااحه ماكان عندي نيه اني برمضان ادخله بتاتا لانه يشغلني شوي
لكن الاخوات العزيزات (همسات وردة-وردة الزيزفون)دعوني مشكورين للمشاركة في موضوعهم الرائع واستجبت لدعوتهم الله يجزاهم خير واكون عند حسن ظنهم
المنيو :
بسبوسة الكاروهات
اللقيمات
كيكة اص بس
الدونات
الخلية
كور الشكولاتة والقرفة والسكر البني
شوربة الخضار
شوربة العدس
سمبوسة بف
سمبوسة عسيرية
دجاج صيني
بيتزا
نبدا بالحلا:
بسبوسة الكاروهات:
المقادير :
1قشطة التاج
2بيضه
نص كاس سكر
نص كاس زيت
كاس الا ربع جوز هند
كاس الا ربع كاس سميد
ملعقة كاسترد
فانيليا ملعقه صغيرة
ملعقه صغيرة بيكنج باودر
الوجه:
قشطة قيمر
الطريقة :
تخلط الخمس مقادير الاولى بالخلاط لين يذوب الجوزهند ثم يضاف السميد وباقي المقادير وتصب في صينيه مدهونه بالزيت
ثم نضع القشطة بكيس ونعمل شبكه او مربعات الي تحبي
تدخل الفرن الى ان تحمر
صب عليها الشيرة وتبرد وبالعافيه
اللقيمات:
المقادير:
كل كاس طحين
له
ملعقه صغيره خميره
ملعقه صغيره نشاء
ملعقه صغيره سكر
ملعقه صغيره زيت
و3 ملاعق حليب بودره
رشة ملح
ثلاث ارباع كاس موية
{ ملاحظه
بغض النظر عن المقادير او العجينه ....اللقيمات سرها بطريقة قليها
يعني الزيت يكون مو حار مره ...وسط
ما يوصل لدرجة الغليان ولا يطلع منه بخار
عشان تطول بالزيت وتتقلب وتحمر براحتها
نحط المقادير الناشفه ....وعقب نضيف الماء
وخليها تخمر لمده ساعه وبعدين ابدي بالقلي وعوافي على قلوبكم
كيكة اص بس:
المقادير:
1 خليط كيك بيتي كروكر شوكلاتة
1 قشطة
1 ظرف دريم ويب
1/2 كوب حليب سايل
3 م.ك كاكاو باودر
1 م.ك نسكافية
الطريقة :
نسوي الكيك زي ماهو مجود بالكرتون بصينيه تشيز كيك صغيره
عشان تطلع الحشوه عريضه اطعم بعدين اذا خلصت حددي الكيكه بالسكين بعدين فرغي اللي بالوسط بالملعقه
و خلي القاعده تصير مو عريضه
* نجيب الكيك الي فضيناه ونخلط معه باقي المقادير بالخلاط
* الخليط بيكون ثقيل فلا ترتاعون نصبه بوسط الكيك ونرش بوجه جلاكسي مبشور او فلك
* نخليه بالفريزر على الاقل اربع ساعات الين مايجمد بعدين يقدم
لان حلاته باارد يرد الروح ..
الدونات:
هذا الرابط حقها ارجعوا لها
http://www.liilas.com/vb3/t147278.html
الخلية:
برضوا هذا رابطها ارجعوا لها
http://www.liilas.com/vb3/t147787.html
كور الشكولاتة:
المقادير:
كاس ونصف مويه
ملعقة كبيرة خميرة
ملعقة كبيرة سكر
ذرة ملح
تخلط مع بعض شوي ويضاف لها
4ملاعق حليب بودرة
علبة زبادي
فنجال قهوة زيت
تقريبا 4كاسات طحين
وتعجن وتخمر لمده ربع ساعه
يعمل الخلطة التالية:
(نصف كاس سكر بني-ربع كاس شكولاته بودرة-نصف كاس قرفة)
تحشة الكور بجبنة كيري ثم توضع في قالب زبدة بعد تذويبه ثم توضع على الخلطه وتبعدها في صينية القوالب الصغيرة وتدخل الفرن وبعد اخراجها تسقى بالنستلة والهرشي
الاطباق الرئيسية:
شوربة الخضار بالكريمة:
المقادير:
حبتين بطاطس وسط
3 حبات كوسا
حبة بصل ابيض صغيرة
حبة حزر متوسطة الحجم
صدر دجاج
مكعبين ماجي
كوبين حليب طازج
3 حبات جبن كيري
الطريقة:
في قدر نسلق البطاطس و الكوسا مع راس البصل لمدة ساعة
بعد مايستوي الخضار نخلطة بالبلاندر مع الحليب والجبن
نبشر حبتين جزر وحبة كوسا ونحطهم على جنب وصدر الدجاج يقطع شرايح مرررة خفيفة
في مقلاة صغيرة نحمر شرايح صدر الدجاج مع ملعقة زبدة صغيرة ومكعب ماجي ورشة فلفل اسود
ونضيف الخضار المبشور ونحرك الى ان يذبل لمدة دقيقتين ونضيف هالكشنة على الشوربة ونتركها على نار متوسطة
الى ان تغلي ونذوق اذا تحتاج لملح او زيادة فلفل اسود
واذا ثقيلة نضيف حليب
وبالعافية
شوربة العدس
المقادير:
حبتين بصل صغيرة
حبتين ثوم
حبتين طماطم
3حبات جزر
2كوسة
كوب عدس
2ماجي
بهارات(كمون-فلفل-كزبرة-كركم)-ملح
كزبرة خضراء للزينة
الطريقة:
نقطع البصل والثوم قطع كبيرة ونحمسه مع شوي زيت زيتون وبعدها نضيف عليه الطماطم مقطع قطع كبيرة ونشوحه شوي ونضيف الخضار والعدس والماجي والبهارات ونستمر بالتقليب ونضيف له الماء واخليها على نار هادية لمده ساعه الا ربع تقريبا واطفيها واخليها تبرد شوي بعدين بالخلاط كلها وارجعها مره ثانيه للقدر واخليها تطبخ ربع ساعه واطفي عليها وعوااااافي لقلوبكم
سمبوسة البف:
المقادير والطريقة
3كاسات طحين المقاس كاس جبن كرافت مع ملعقة كبيرة نشا وذرة ملح تخلط مع بعض ويضاف لها ثلاث ارباع بيالة زيت وكاس موية وتعجن جيد وتترك لترتاح ثم تفرد
السمبوسة العسيرية:
المقادير:
2كاس دقيق بر( منخول)_1 كاس دقيق ابيض_ملعقة صغيره خميره_بياله زيت_3 ملاعق كبيره حليب بودره_ماء للعجن
الطريقه :
نخلط القادير الجافه مع بعض ونضيف الزيت والماء بالتدريج حتى تكون عندنا عجينه مثل عجينه الفطاير واهم شي (التخبيط )بالعجينه علشان تكون ناجحه وتترك في مكان حار لمدة ساعه وعقب تفردينها وتحشينها بالحشوة الي تحبين وتقلى
دجاج صيني:
المقادير والطريقة
صدور دجاج مقطع طوال ويوضع في بيض مع ملح اندونيسي وفلفل اسود يتنقع فيه بعدين يوضع في دقيق ابيض ثم يقلى الين مايكون مقرمش ويتغير لونه ثم ينشال
يقطع بصل وفلفل رومي وجزر قطع كبيرة ثم يشوح في زيت زيتون لمدة عشر دقايق ونضيف الدجاج ويقلب جيدا ونضع نصف كاس صلصة صويا معتدلة مع اربع ملاعق كبيرة كتشب وملعقتين كبيرة صلصة وتحل في اربع كاسات ماء ساخن ثم تسكب على الدجاج وتقلب جيدا ويمكن اضافة صلصة سومطرة الحارة وتغرف في وقتها قبل ان تنشف من الصوص وتقدم وبصحه وعافية
البيتزا:
العجينة
كاس موية
ملعقة كبيرة خميرة
ملعقة كبيرة سكر
رشة ملح
تخلط مع بعض ثم يضاف لها
علبة زبادي
4ملاعق كبيرة حليب بودرة
نصف بيالة زيت
واخيرا تعجن على اتوقع 5كاسات دقيق لحد ماتتماسك العجينة يعني قابل للزيادة
الحشوة:
بالخلاط 5طماطم
حبة فلفل رومي
بصلة كبيرة
حبتين ثوم
شوي موية
حبة ماجي
زعتر بري
صلصة
كتشب
تخلط جميعها بالخلاط ثم تصب في قدر فيه شوي زيت زيتون حار ونخليها تطبخ لحد ماتتسبك بدون اضافة أي بهارات بس شوي ملح
والباقي تعرفونه تقرصون العجينة وتحطون الحشوة
شكلي دخت اخاف احوس عليكم واجيب العيد الحالي والمالح مع بعض
وبس ياحلواتي وتوته توته خلصت الحتوتة
اتمنى تعجبكم اطباقي وسامحوني على التقصير
|
22-08-11, 02:27 AM
جديد مواضيع قسم ركن المطبخ
العرض العادي
