صباح الخيرات على كل من اسعدنا ومر يفطر عندنا


بما انو اليوم بيكون خامس فطور لي انزله سويت لكم اشياء كثيرة ......... واشياء جديدة حتى انا اول مرة اسويها وطلعت جدا رهيبة ماتوقعت النتيجة ......... وهي صنفين حلا كلمة روعة قليلة بحقهم .... اتمنى تفرحوني وتجربوهم وتعطوني رايكم نبتدي بفطورنا لهذا اليوم



شوربة الفطر


كوب حليب سائل / 3ملاعق فطر مقطع / 3كوب ماء ساخن / ربع اصبع زبدة / 2م زيت / ملعقة كبيرة طحين / مكعب ماجي / بصلة مفرومة /ملعقة بقدونس مفروم للوجه



الطريقة :


يحمر البصل في الزبدة ثم يضاف اليه الفطر شوي بس ونرفعه عن النار


نحط الزيت في القدر ونضيف عليه الطحين شوي وبعدين الحليب ونحركه الين يغلظ قوامه .... بعدين نضيف الفطر والبصل ونصب الموية ونحركها ونحط الماجي ونتركها تغلي شوي ..... وبعدين نقدمها وهي ساخنة مع رشة بقدونس على الوجه



وبالعافية



صينية البطاطس بالدجاج


بطاطس مقطع شرايح ....... دجاج مسلوق بدون عظم .... بصل مقطع ... جبن مبشور .... مكعب ماجي خضار .... علبة قشطة .... ملعقة جبن سائل ... ملعقة مايونيز ..... ملح وبهارات وثوم



الطريقة :


نحمر البصل ثم نضيف عليه الدجاج ونحمره شوي نحط مكعب الماجي والثوم والملح والبهارات ونتركه يتسبك شوي ....



نصف طبقة بطاطس في صينية مدهونة بالزيت ونرش عليه جبن بعدين نحط الحشوة ونصف بقية البطاطس عليه ... نخلط القشطة والجبن والمايونيز ونصبه على وجه البطاطس ونرش عليها الجبن ونغطيها بالقصدير وندخلها الفرن نصف ساعة تقريبا ....







وعوافي عليكم


معكرونة بالدجاج


مكرون حجم صغير مسلوقة وجاهزة / دجاج سلوق ومنظف بدون عظم / بصلة مقطعة / فلفلرومي اخضر بارد/ مكعب ماجي / ملح / بهارات مشكلة



الطريقة :


نحمر البصل في الزيت الى ان يذبل بس ونضيف عليه الفلفل الاخضر ونقلبه دقيقة بس وبعدين نضيف عليه الدجاج والماجي والملح والفلفل نتركه يتسبك شوي وبعدين نخلط معاه المكرونة ونحركه على النار شوي بس ونقدمه على طول


بالهناء والعافية



كباب اللحم


لحم مفروم / بطاطسة وحدة وسط / 2حبة بصل / فلفل رومي اخضر / بيضة / بقدونس / نصف كوب طحين / ملح /فلفل / ليمون عماني مطحون


الطريقة :


نطحن البصل والبطاطس والبقدونس والفلفل الاخضر مع بعض .......... بعدين نضيفهم فوق اللحم ونخلطهم عدل ..... نضيف البيضة و الطحين وبقية المقادير ونخاطهم زين

نشكلهم اصابيع ونقليهم في زيت غزير ونتركهم على نار هادية ونغطي على المقلاية علشان ينضج اللحم من الداخل ونتركه الين يتحمر


هذا شكله بس يمكن الصورة مش واضحة لاني كنت مستعجلة



وبالهناء والعافية



الكيكة المالحة


2بيض / خل ابيض ملء الغطاء حقه / نصف بيالة ماء واذا حيناها سوي خشنة نزيدها شوي / نصف بيالة زيت / 3م ك حليب بودرة / م ص بكنج بودر / ذرة ملح / 4 م ك طحين


الطريقة :


تخلط المقادير في الخلاط ويكون قوامها مثل قوام الكيكة العادية ........ نصب الخليط في صينية وسط مدهونة زيت ودقيق


ثم نضيف عليها : فلفل اخضر مقطع قطع صفيرة مقدار ربع كوب / بقدونس مفروم ربع كوب / جبن ابيض مقطع صغار تقريبا ربع كوب / رشة زعتر / رشة سماق والي مايحبه يستغني عنه



بعدين ندخلها الفرن من تحت الين تستوي ونحمرها من فوق ونقطعها ونقدمها جدا سهلة وخفيفة .......








وبالعافية عليكم



نجي للحلو الصنفين الي بحطهم انصحكم تجربوهم واحد ياخذ وقت شوي والثاني سهل وسريع ولذيذ بصراحة الاثنين حلوين اتمنى مايكونو مكررين


كيكة مع الكريم كراميل


5بيضات / 12 م حليب بودرة / فانيليا / 4م زيت / 1/4 2ك ماء / 1/4 1ك سكر بودرة / نصف باكيت كيك ابيض بتي كروكر او اي نوع تفضليه


الطريقة :


نحرق كاسة سكر ونصبها في صينية ونتركها تبرد .........


لعمل الكريمة :

نأخذ 3بيضات مع عشر ملاعق حليب مع 2كأس ماء فقط وربع كاس سكر ورشة فانيليا ونخلطها في الخلاط ....... ثم نصب الخليط على السكر المحروق بحذر على ان يكون برد عدل



طريقة الكيكة :


ناخذ 2 ملعقة الحليب الباقية وع 4 ملاعق زيت مع ربع كوب الماء مع نصف باكيت الكيك مع البيضتين ونخلطهم زين


ثم نصب المزيج بحرص شديد على منتصف خليط الكريمة ..........


ثم نحط الصينية داخل صينية اكبر فيها موية حمام مائي يعني وندخلها الفرن على نار وسط الين تستوي الكيكة والكريمة


بعد مانطلعها من الفرن نتركها تبرد وندخلها الثلاجة علشان تبرد زين ثم نقلبها في طبق بحيث تكون طبقة الكريمة من فوق ونقطعها ونقدمها







وصحتين



السينابون الكذاب


1ك سكر / نصف ك ماء / بيالة زيت / بيضة / 2م قرفة مطحونة / 2 مكعب جبن كيري / رشة فانيليا / نخلطهم كلهم في الكاس


للوجه

نصف علبة حليب محلى / 6 مكعبات جبن كيري / بعد نخلطهم في الكاس


للزينة


شكولاته مسيحة او حليب محلى مع كاكاو بودرة نخلطهم زين

والاهم من هذا كله كيس صامولي اي نوع تحبونه



الطريقة :



نقطع الصامولي حلقات متساوية الارتفاع ........ نصفها في صينية مدهونة وتكون الصينية الي قاعدتها تنفتح بس الي مش متوفرة عندها تجيب صينية وتبطنها بورق المنيوم بشكل مرتب مايخرب شكل الحلا


ناخذ شريحة الصامولي ونغمسها في الخليط الي فيه قرفة وبشكل سريع مانشبعها فيها ونصفها بشكل مرتب انا افضل الصينية تكون مدورة





نرش عليها خلطة الوجه وندخلها الفرن لمدة عشرين دقيقة الين تجمد وتتماسك ........ نطلعها من الفرن ونتركها تبرد



وهذي بعد ماطلعتها من الفرن




اخر شي نرش عليها الكاكاو بشكل عشوائي ........ وتقدم ساخنة شوي او باردة مثل ماتحبون





وبالعافية عليكم اتمنى اني كفيت ووفيت

صدودة ماشاء الله على السفرة بصراحة تشهي يعطيك ربي الف عافية ماقصرتي ..... راح اجرب حلاك عجبتني طريقته ... والشوربة بعد اذا جربت اي صنف بصوره وبحط الصور ......تسلم ايدك وفي انتظار فطورك خخخخخ

تسلموووون على هالمجهووود يا حلوييين



بصرااحه قمه في السنااعه


واعجبتني اطباااق بقووول لاختي تسويها لاني بصراااحه


مالي في الحمس والطبخ حدي حلوياااات وسلطااات



صدووودي وش ذا يا بنت خلاااص بجيش اخذ كووورس لا اله الا الله عليش

قلت لس فووول اوبشن يا الغلاااااا

وننتظر فطووورش

فديت الذربة أم السناعة يارب


تسلم يمينج و عساج ع القوة


و تعزمين دايما و أبدا


---------------------------

الحلا من طريقته يشهي إن شاء الله اطبقه قريب


و المهلبيه عاد ما عليها كلام طبقي المفضل


و الله يرحم الوالدة و يغفرها يا رب




صدووود



ربي يعطيج ألف مليون عافية


..
..
..