●●●
●●●
(
البارت الخامس )
سعود"طفشان":ثااااامر يالله قووووم يااخي مليييت ابي اروح للمزرعه من اسبووع مارحنا امش نتدرب ماباقي شي ع السباااق
ثامر"زهق وعصب ":يااخي فكني وانقلع عني
متى ماقمت رحت معك لاتسوي لي قلق ع الفاضي
سعود:اصحــــــــــــــى ترا ماباقي ع السباق غير ست شهوور
ثامر"بصوت عالي ونعسان":انقللللللع عن وجهي لاصار قبل بشهر تعال قومني
سعود:صدق انك نايم هههههههههه اجل بكيفك انا رايح للمزعه و"بإستهزاء"ولا خلصت الخمس شهور وقمت من النووم تعال وتدرب زيين "وطلع رآيح لغرفته اللي بجانب غرفة ثامر"لبس الملابس الخاصه والمناسبه للخيال "وطلع من الغرفه على دخول اخته امل لجناحهم "
سعود"معقد حواجبه":امووله شجابك الحين
امل:السلام لله "ومدت يدها"
سعود:وعليكم السلام"سلم عليها باليد"
امل"التفتت ع غرفة ثامر":اخووك نايم اكيد
سعود"يهز راسه": نايم روحي حاولي فيه يصحى اعووذ بالله نوومه ثقييل ..
امل:لاا خلاص كيفه خله ياخذ راحته بالنووم وعقب هو بيصحى بروحه
سعود:زين انا ماشي أأأأأأ اممممم وين ولدك
امل"تتنهد بألم":مع ابوه
سعود:اهاا زين يالله اجل سلااام"وطلع برا الجناح وبعد ماسلم ع امه طلع من البيت"
.
.
في الإمآرآت .. تحديداً دبي
وبإحدى المستشفيآت .. وفي العنآيه المركزه
منسدح عـ السرير الأبيض وحووله الاجهزه الضخمه والكثيره الملتفه حوله ومحلول المغذي وابرته المغروزه بيده نآيم لآيشعر ولآ يحس بأحد
عملوا له ثلاث عمليات ومن رحمة ربي عليه انه مآصآبه شي عـ رآسه اصآبته ظربه عـ ظهره وآيقنوابعدهآ انه مآراح يجيه اولاد وكسرين برجله اليسآر واحد بالفخذ والثاني بأخر سآقه ع قدمه وكتف يده اليسار منشعر وعمى مؤقت وحتى الكلام ماراح يتكلم لفتره الله اعلم كم المده ..حالته يرثى لها بإختصآر..
"عند الباب الدكتور ومعآه ممرضتين وآحده ذو الجنسيه الخليجيه والأخرى ذو الجنسيه الأجنبيه"
" الدكتور سعيد تكلم عن حالته وعلمهم وذكرهم ووصاهم بكل شي يخص جراح" وبعد ماخلص من كلامه واستعد لذهابه :خلااص اوك
نيرس كرستين:اوك دكتور
نيرس ليلى:اوكي مشكوور
دخلوا ليلى وكرستين وانتبهت ليلى لجرآح اللي مابان غير وجهه "
ليلى"بميوعه":وااااوحلوو ياحسافه هومرييض
التفتت كرستين بإستغراب تبغى تترجم الكلام اللي قالته ليلى بحكم مكوثها بهالدوله بس ماعرفت
ليلى"التفتت ع كرستين":شفيك حبيبتي اطالعيني جذي يالله اعطيني المضاد انا اللي بعطيه
"وبدأت شغلها بكل هدوء ورويه وهي بأشد اعجابها بالنآئم الغير حاس فيهآ"
.
.
بنفس الدوله وبنفس المكان وبنفس القسم بس الغرفه غير
الدكتور سعيد:هآه شصار كلمتوا اهل المريض السعودي
صلآح:لآوالله اللحين بنكلمهم بس محتارين من نكلم لأن عرفنا ان المريض متزوج وابوه متوفي الظاهر ولقيناجواله ومافيه ارقام بس فيه رقم متصل عليه بس حصلناه مغلق
سعيد:الله يشفيه يارب اللحين هو نآيم وخآيفين عليه بصراحه وحنا اللحين نعمل له اي شي بقدر استطاعتنا
صلاح:الله يشافيه يارب "وقام واقف"يالله اعذرني انا طالع بشوف عن اهله
.
.
فجر:هآه هآه شقلت انت توديني
صقر:قلتلك السواق وينه
فجر:اوووف قلتلك رآيح مشوار مع جارتنا
صقر:زين وانا شعلي منك اصبري لما يجي السواق ويوديك
فجر:صقييييير بتذلني يعني عمرك ماوديتني اووووووف وينك ياخوي هادي توديني وتجيبني
صقر"بإستهزاء":طبعاً يدرس برا واذا جاء بيدلعك انتي ووجهك
فجر"التفتت عليه بعصبيه":كل جبببببن انت اصلاً لو فيك خير كان قلت من عيوني اوديك للي تبين بس انت ثووور
صقر"بإستفزاز":اخوو بقره
فجر"اخذت التكايه اللي بجمبها وجدعتها عليه":انطمممم ولاتقولي تعالي فجر ابغاك وإلا سوي لي وإلا اي شي قبل مااااا اذلك مثل ماذليتني "ورقت لفوق زعلانه
صقر:هههههههههههههههههههههههه خلاص تعالي بوديك وقسم رهييبه خدودك الحمرا تقل طماطم
فجر"وقفت بنص الدرج وطالعت فيه تصدقه او لا":نعم
صقر:نعم الله عليك امشي اوديك ترا خمس دقايق وإلا بمشي عنك
فجر:اييه اجلس انتظرني
"وراحت غرفتها سكرت الباب عليها وجلست قدام تسريحتها تتأمل شكلها"
"صقر قام وراح يركب سيارته ينتظرها كان عنده احساس انها بتروح لرنيم بس للحين ماتأكد لانه لعب بأعصابها لعب ونسى يسألها وين ودها تروح مرت خمس دقآيق وعشر وربع سآعه حتى مرت نص ساعه..ملّ من انتظار اخته اتصل عليها كم مره ولاترد عليه "وينها ذي لاتحسبني امزح معها خخخخ صدق خبله"نزل من سيارته ودخل البيت وعـ طول طلع لفوق شافها جالسه بكل برود وتقرا مجله "فتح عيونه مو مصدق جالس ينتظرها وبالأخير ساحبه عليه ولا بعد جوالها عندها مد يده واخذ الجوال وشاف سبع مكالمات منه "
فجر"توها متصله ع رتيم وقالت ان رنيم بعدها نايمه"عجززت تمسك نفسها عن الظحك شكل اخوها بصدمته وخيبته رهييييب واخيراً ذوقته شوي من اللي ذوقها قبل ":ههههههههههههههههههههههههههههههههههههههههههههههآي احسسسسسن شفت كيييف انت شسويت فيني خليتني اذل روحي لك وبالأخير خليتك تنقع بسيارتك "بإستهزاء"ع بالك اني بأجي هههههههههههه ولابعد"تقلد صوته"خمس دقايق وإلا بمشي عنك
"قام صقر وجدع جوالها عليها"ومقهوور منها ماتوقع تسوي الحركه فيه "موته ولا ينتظر احد بالسياره":هييييين هيييييين مردووده لك
قرييب
فجر"هزت كتفها بلا مبالاة":البادي اظلم
"تركها ونزل تحت طالع برا البيت مقهوور"
"اماهي راحت لغرفتها تفتح اللاب توب وتبدأ بسواليفها واستهبالاتها مع صديقاتها "
.
.
صحت من نومهابعد حلم مزعج بدت تسترجع وتتذكر الحلم "ياارب اجعله خييير والله قلبي يعورني آه اووووووف عاداللحين من بيفكنا من تحقيقك ليث" جلست ع السرير وراح فكرها لبعيد "ياترى هوو وينه يشك فيني ويبعد بدوون مآيتأكد ولآيسأل آه متسرع لأبعد حد بلحظه نسآ كل شي وبجنونه وتسرعه مآسأل عن صحة هالكلآم يآآرب إنك تعلم باللي فيني يااارب انك تصيب صاحب الإتصال قهر عظيم وتخرب عليه حياته مثل مااخرب علي حياتي وفرق بيني وبين حبيبي يااارب احفظ لي جرااح ياارب ان ولدي يطلع وابوه عنده
"اكييد كان شاك فيني من قبل اجل لييييييييييييييييش صدق على طووووول يااارب انت تعلم بحااااالي ياااارب"بكت بكل مافيها بكت شك زوجها بكت ضياع بكت بتر حلم سعادتها..تحس بضيييق فضيييع تبغآ تفضفض بس لمييين كل هاذي اسرااار زوجيه ومااتطلع عن اسوااار البيت "قامت واخذت دفتر قدييييم كان عندها قبل ماتتزوج واخذت رفيق الاوراق القلم.. تذكرت ايام زمان قبل زواجها كانت عايشه حياتها مثل اي بنوته دلع ووناسه تزوجت وتغير كل شي فيها وهي بعدها صغيره على إنها إمراءه ..فتحت صفحه بوسط الدفتر ومجرد لمسة القلم للورقه بدت تكتب لآشعوري تكتب بعض مافيهالعلى وعسى يخف احساسها بالألم والضيق والحزن الشديد
"امال كيف ألملمها وأملي هو من مزقني..كلمة تفوه بها سفيه تدمر مابنيناه
تحطم سور الاحلام
وتحرق ذكرانا الجميله لتحولها لرمااااااد
دخانها الألم والوجع
..
ألم ترحم ضعف حبيبتك ودمعتها
التي تسربلت
على وجنةٍ كم كنت تداعبها بأنفاسك وتلاعبها شفاك بقبلاتك
الم تشفق لتلك العين التي سحرتك كل ليله
الم ينكسر قلبك
لجسد ارهقته بتعذيبك
أشد من ان
ترهقه بعناقك حبيبي ارجوووك كف عمَّ تنوي إليه
فإن وقع الفأس بالرأس
فلا ترجوا قربي بعد ان اردت بعدي
.."رفعت قلمها وبدت تقرأ كلامهاتنهدت بعد ماسكرت دفترها ومسحت دمعتها
.
.
جواد"يتصل ع سيف ":الووووووه
سيف:ياهلاااا هلاااوالله
جواد:هلاابك كيف العلوووم ..
سيف:بخير علومك انت ادري ادري متصل تقول تعال عندنا انا اصلاً عاارف
جواد:يطوِّوول بعمر البقر صح عليك بس احسن البحر صح
سيف:طال بعمرالبعارين ..خلاص اوك متى تبوون انتم
جواد:خلها الليل سهره وشوِّي ووناسه
سيف:اي والله انك صادق خلاص ابد
خلوو الشوي علي
جواد:اجل من عليه المهم ياخوك انابسكر تبي شي
سيف:يالله انقلع
جواد:وانا ولد ابوي تقولي كذا
سيف:لا اسف يالله"بمياعه"سلااام حبيبي "وسكر ع وجه جواد"
.
.
جواد"يناظر الجوال ويهز راسه"
جهاد :هاه وش قال ولدعمك
جواد:ليه ماسمعتني انت
جهاد:إلآ يعني متى بنطلع
جواد:أنا لاطلعت بتوطا بطن ولدعمك
جهاد:افاا ليه شمسوي لك
جواد"يتصنع العصبيه":يسكر بوجهي الجوال
جهاد"بدهشه كاذبه ودفاع مصطنع":واناوانت عيال ابونا يصك بوجهك هاللي مايستحي انا اوريك فيييه ان ماخليته يغرق بالبحر مااكون اخوك
جواد"بإبتسامه واسعه":كفوو وانت اخووي
خخخخخخخخخ
جهاد:ههههههههههههههه
.
.
نزلت من فوق بعد مااخذت شور منعش لعله ينعشها بعد حلمها المزعج مرت ع الصاله وشافت خالتها ام جراح وميسم دخلت وسلمت عليهم
ام جراح:اهلييين رنومة قلبي كيفك اللحين
رنيم:الحمدالله كيفك انتي خاله
ام جراح:الحمدالله ع كل حال يابنيتي هآه عساك تكلمين جراح كل مااتصل عليه يعطيني مغلق
رنيم"حست بالدموع بعيونها":لا مااتصلت ولاهو بعد
ام جراح:غريبه والله خايفه عليييه هذا ولدي العود وجايه ولد ان شاءالله بس وينه موجعني قلبي عليه
رنيم"خاااله لاااتزوديينهااا علي "بصوت مخنوق من العبره":حتى انا
ام جراح"لاحظت تغير صوت رنيم وغيرت الموضوع ع طوول تخفف ع حرمة ولدها"
..(اللهم اجعلنآ من المقبولين أعمآلهم يـآلله)..
أرائكم تهمني
أنتظركم =)
●●● 
02-08-11, 11:37 PM
] ---
جديد مواضيع قسم الارشيف
العرض العادي
