●●●
●●●
(
البارت الرابع )
في إحدى السيارات..يفووح في داخلها رائحةالعطر الرجولي الفخم الذي ينبئ عن فخآمة صاحبه:تكلم ليث برزانه وثقه:يبه الله يخليك لي اعذرني انا هالأيام مشغول واجد ممكن تخلي سيف يجيك بدالي
ابوليث:وليش ياولدي وش انت مشغول فيه
ليث:جراح الله يهديه بيسافر والمشروع حطه فوق راسي وعساني اخلصه قبل يجي وغير هذا شغلي بعد والفروع الباقيه من بيناظرها اعذرني يالغالي والله لو اقدر اجيك كان تركت شغلي وجيتك.
ابوليث:لاحول ولاقوة إلابالله خلاص ياولدي الله يقويك وانابشوف هالسيف عساه يجيني
ليث:الله يخليك لي يالغالي ويطول بعمرك لك اللي تبيه ولااتعب روحك انا بتصل على سيف يجيك
ابوليث:زين الله يجزاك خير ويوفقك وينورعليك ياولدي وجعلني اشوف عيالك
ليث"ابتسم":وعيال عيالي ان شاءالله
ابوليث:ايييه ياكثر هرجك لو انك صادق اول مااجي امش نروح نخطب
ليث:لااا فكني يابوي ناقص وجع راس متى مافضيت هاك الساعه افكر اخطب اولا
ابوليث:الله يهديك بس
ليث:يالله يبه توصي ع شي انا اللحين بسكر
ابوليث:ابد ياولدي انتبه على نفسك وارتاح ولاتشيل هم الاشغال
ليث:سم يابوي لاتشيل هم انت وسلملي ع عمتي والعيال
ابوليث :يوصل يالله مع السلامه واشوفك ع خير
ليث:بامان الله
"جدع جواله بالمرتبه اللي بجمبه واطلق الهواء المكبوت ع صدره":يااارب
"تذكر اخوه سيف واخذ الجوال وظغط ع اسم السيف "
رد سيف :ياهلااا بالليث انورت واسفرت
ليث :هلابك وينك فيه
سيف :ابد توني موصل رنوم لبيت اهلي
ليث:اهاا زيين ابوي يبيك تجي تاخذه من عمتي
سيف"عقد حواجبه":اعوذبالله ايهم اللي بالقصيم وإلآاللي بالرياض
ليث:كم مره نبهتك لااتتكلم كذا عن عماتك ولاتنسا انك قصيمي ولهجتك قصيميه<سيف:بس من سكان الشرقيه ومن عرفت روحي وانا فيها
ليث:اقول خل عنك بس. ترا ابوي بالرياض ويبغاك تجي بأسرع وقت
سيف:إقعد... إكملت بعد عند عمتي خالده
ليث:شقلت انا
سيف:زين زين كلمه ورديناها
ليث:المهم لاتضيع وقتي وانا اخوك رح لابوي تراه ينتظرك من اليوم
سيف"يتنهد":الله يعين خلاص بتصل ع ابوي واشوف عنه
ليث:ايه ابيك كذا
سيف:ولاتنسا بعد اني منب بزر تكلمني كذا تراني قريب بدخل الثلاث والعشرين
ليث:اعذرنا يالشيخ يالله بس تبي شي
سيف:ابد سلامتك وبحفظ الكريم
ليث:مع السلامه
.
.
دخلت بيت اهلها مقهوره مآتعرف كيف تتصرف تبغا تثبت له حقيقتها وتتركه مستحيل تجلس دقيقه وحده بعد مايعرف عنها وعن براءتها"التفتت ع الصاله وشافت امها تكلم بالتليفون جارتها وتتقهوى وt.v مشغل ع إحدى القنوات الإسلاميه وفيه برنامج لتفسير الاحلام"تمنت بهاللحظه انها رجعت لاهلها مثل ماراحت عنهم وخاليه من اللي بداخل احشائها ينمو"
انتبهت ام ليث ع بنتها وعلطول اعتذرت من جارتها وسكرت التليفون وقامت لبنتها ضمتها بشوق وكأنها من سنين ماشافتها:وينك ياقلبي من اسبوع ماشفتك ولاتردين علينا
عسا ولي العهد مااتعبك
اغتصبت ابتسامتها:معليش اعذريني ع القطاعه "وباست راسها".
ام ليث"مسكت يد بنتها":زين يمه تعالي اجلسي وجهك مااعجبني اكيد تعبانه وإلا فيك شي
رنيم:تعبانه شوي وابي ارتاح
:لاايكوون جرااح هو سبب تعبك "كان صوت ليث قوي ومخيف"
التفتت رنيم ع اخوها وجتها الرهبه
ماتدري شتقوول نزلت راسها وبسرعه رفعته :لا موهو بس انت عارف الحمل وتعبه
ليث"قرب عندها وتفرس ملامحها":رنيييييم قلتلك جراح سبب في تعبك
رنيم:لالا بس قلتلك من الحمل بس
ليث:اكيييد
رنيم:ايه اكيد
ليث:نشوووف لكن والله لو جراح متسبب لك بشي والله مااخليه بحاله حتى هو اليوم شكله غرييب وفيه شي وكنت شاك ان بينكم شي
ام ليث:ياولدي اصبر ع اختك خلها ترتاح مو تهجم عليها كذا
ليث:يمه اليوم جراح قهرني يقول بسافر استراليا مده طويله ويوم بحثت بشوف شعنده قلت يمكن دورات اوشي بس مااالقيت له اي شي يعني رايح كذا ليش اكيد ان بينهم شي كبير ومو راجع إلا بعد ماتولد
ام ليث"متفاجئه":اييييش صدق هالكلام رنييم
"طلعت عن الصاله وطلعت لفوق ماتبغى تسمع شي اكثر من كذا خلاص بان معدن جراح هرب وغاب عنها بلامبرر "دخلت الغرفه المخصصه لها قفلت الباب وجدعت روحها ع السرير ماتبغى تفكر بشي لان داهمها النووم وبعدها غرقت بنومها"
.
.
طلع من البيت ومعه شنطة السفر الكبيره ركب سيارته بعد ماركب شنطته باخر السياره.
ومسك خط الإمارات رايح لها بعد مآ اوهم الجميع بأنه مسافر لاستراليا..
.
.
من بعد إشرآق الشمس وغروبهآ إسبوع..
أحداث مرت وانتهت على قارعتنا منهم من عآش اسبوعه بروتينيه عآديه ومنهم عآشهآ بكتله من الاحزان ومنهم ومنهم..
.
.
عند البحر .. من اسبوع وهو على حاله ..
سرحاااان وافكاره تودي وتجيب يعرف مدى صدقها بس يحس انه مستحيل يتعامل معها عادي و واحد بناء بينهم سد عظيم
ذبحه تفكيره يعرف بنت عمه وزوجته اكثر من غيره بس كيف وصل له هالشخص المجهول كيف عرف انها حامل وقليل اللي يعرف عنها
وكيف عرف عن اسمها بالكامل حس ان راسه بينفجر من القهر والغضب الشديدوالغيره جواله مقفل من طلع من السعوديه مايعرف عن اهله ولابشي رن جواله الثاني اللي رقمه جديد شاف رقم غريب ع الشاشه مافكر يرد عليه
رن ثانيه وثالثه وحس بالازعاااج وحطه ع سايلنت وصل مسج لجواله ورفع الجوال وفتح ع المسج المكتوب فيه:""إن كنت صدقت عن الكلام اللي قلته انا عن زوجتك فأنت اكبر غبي ..إتصلت عليك ابيك ترد عشان اتشمت فيك صح بس خيبه مارديت علي عالعموم.. هههههههههههههآي اتمنى لك سفريه ممتعه حبيبي"
اتسعت عيونه من هذا الحقير علطول ظغط ع زر الإتصال بس حصله مقفل هالكلب يتشمت فيني"قام وركب سيارته ومشى فيها بسرعه جنونيه ماكان يناظر لأي شي قدامه بس يبي يروح للمطار حتى مايدري كيف جت هالفكره بباله هولاحاجز ولاشي بس جنونه وتسرعه هو اللي يقوده فجاءه وبدون سابق انذار طلعت عليه شاحنه واصدمت فيه بدأ يفقد وعيه
وهو يهذي بوجع والم ..
بعد مرور وقت وصلت الإسعافات والدفاع المدني وكان يطلع دخان من الشاحنه ينذرهم بأنه راح تنفجر الشاحنه عن قريب اما من يقود الشاحنه فقد توفاه الله..
حاولوا المسعفين والدفاع المدني اخراج جراح من السياره وبعد عناء اخرجوه ورفعوه المسعفين بحذر وادخلوه سيارة الإسعاف بعد ماحطوا عليه اجهزة التنفس وغيرها من الاجهزه ..
.
.
جواد:ياخي ماتلاحظ ان اخوك جراح لا اتصل ولاشي
جهاد:اي والله انك صادق شف شلون امي قلقانه عليه وحالتها حاله راح لأستراليا ولا اتصل ولاشي
جواد:الله يريح امي ويطمنها والله خايف عليها
جهاد:انت ماشفتها امس تبكي تقول فقدنا الغالي قبل خمس سنين وهذا الله يستر عليه ماتدري عنه
جواد:ايييه الله يرحمك يابوي وجراح الله يطمن قلوبنا عليه ويرده بالسلامه
"دخلت ميسم عليهم "
ميسم:اهلاً يالتؤام المتشابه تبون شي بروح لبنات عموو سويت كيكه لذيذه وابي اروح لعلى وعسى نطلع رنوم من غرفتها ونغير مودها
جواد"عقد حواجبه":ليه شفيها هي
ميسم:من راح جراح وهي بغرفتها حتى يوصلون الاكل لها ولاتفتحلهم إلا اذا لزمت عليها امها وتاكل بالغصب
جهاد:اوووف الله يعينها يارب هذا وهو بيطول جراح
ميسم:خله يطول بس يتصل علينا يطمنا
جواد:الله يرجعه سالم يارب
جهاد: يارب وين امي
ميسم:من قامت وهي رايحه لبيت عمي
جهاد :اهاا
"طلعت ميسم ومعها صينية الكيك فتحت الباب اللي بينها وبين عمها واتجهت لباب المدخل دخلت وشافت امها ومرت عمها وبناتها جالسين بالصاله وكل واحد شايل همه فوق راسه"
سلمت عليهم وقدمت لهم الكيك ورتيم راحت تجيب اكواب العصير المثلج "ميسم ورتيم دائماًيحاولون بقدر المستطاع انهم يغيرون من مود اهلهم..ومع ان ميسم ماتصدق تجلس لحالها حتى تبكي فراق اخوها لانهاا تحس انه اكثر واحد ماحسسها فراق ابوها.. كان لها الاب والاخوالمربي بـــس وينه اللحين"
.
.
●●● 
25-07-11, 11:58 PM
جديد مواضيع قسم الارشيف
العرض العادي
