●●●
●●●
(
البارت الثامن )
القارعة الأولى /
ام جراح:ميسم حبيبتي روحي عطي العاملات من الفطاير
ميسم"فهمت انها طرده وامها بتقول شي":سمي يمه
"قامت ميسم وطلعت برا "
ولأول مرره من سافر جراح يختلي المكان
بـ ام جراح و رنيم..
ام جراح:يمه رنومه ابي اسألك عن شي
رنيم "بحذر":سمي
ام جراح:اعذريني والله اني بسألك بوقت وومكان غلط بس قلبي يحرقني على ضناي احس بحرقه بجوفي الفقد شيين وانا امك والضنا غالي وربي انه ماتمر علي ليله إلا وانا ابكي وانوح على بكري هذا ولد الغالي وانتي راح تعرفين وتجربين ذا الشي و لذة ثمرتكم ان شاءالله انا بسألك بس هوو يوم سافر كان زعلان وإلا رآضين على بعضكم
رنيم"بهتت من كلام وسؤال خالتها بس التزمت بـالصمت"
ام جراح:يابعدي انتي لو عشتي معاه ثلاث سنين تراه عايش عمره كله معي بس ابعد عني من انشغل باشغاله وكبر وتزوج "تنهدت من قلب"ياروحي انتي علميني هوو زعلان
انا قلبي موجعنني عشانه
رنيم"تجمعت الدموع بعيونها وبدت تدعي من قلب على اللي حطها بهالموقف هي طوول عمرها ماتفشي اي امر تعرفه سواء كان يخصهاهي او يخصه هو او اي احد بس هالمره غصب عنها تتبادل هي وامه الهموم والمواجع "تسللت دمعه هاربه من عينها اليمنى واكملت مسيرها لمآ محتهآ ام جراح بيدها قربت ام جراح وباست رنيم بحنيه وامومه "
ام جراح:ياقلبي انتي والله حاسه فيك
بس خلاص ارتاحي لاني عرفت الجواب
"ورفعت يدها تمسح دموعها وبعدها سكرت عيونها ونزلت راسها قريب راس رنيم تبغى تشم ريحته فيها واجهشت بالبكاء"
أنـآدي بغربتك وينك أنـآدي ردلي طيفـك..
وتبــقى يالضنآ غــآلي ومآلي بدنيتي غيرك..
ليــه البحر بلـيـآآ مـآءوليـه الشجر بليااورآق..
ولــيه النـآس زعلانـه وغـآبت منّـه الأشوآق..
أنــــآ مآعـآد أنــآم الليـل غيـآبك شآغلٍ بـآلي..
كفـآيـه مقدر أتحمل عـذآب الشـوق يآغـالـي..
الشوك زآآد في وردي وطيري ضيع الحآنه..
وقلبي تـآيه بعمري اسير وروحي حيرآنـه..
رفعت يدهآ تهون على خالتهآ هي اساساً تحتاج من يهون عليها بس امه كسرت قلبهاحييييل ربتت على ظهرهآ وقالت بصوت حزين يالله طلع من حنجرتهآ الجافه وغصتها خانقتها :خاله لآ تزعلين عليه ادعيله يرجع
ام جراح :حراام حراام عليييه يزعل علينا ومايحس باللي بجووفي انا فقدت الغالي مابي افقد غالييه اكييد فييه شي اكييييد هو ماعمره تركني بدون مايتصل يالله ترحمنا يااربي
رنيم "تحاملت ع نفسها وجلست وضمت خالتها وبككت بكل مافيها وزآد بكآها لمن سمعت امه تشآهق"
"فتحت الباب بهدوء دخلت وجلست ع طرف اول كرسي صادفها مآتتحمل تسمع بكاء امهآ بهالشكل وبدت تبكي بكتمان "
•
•
رتيم" ضامه نفسها":يمااااااه ااااه بططني
يعووررني خلي الناس اللي قدامي يسكتوووون ازعجووني
ام ليث"مرعوبه":بسم الله علييك ياقلبي بيسكتون بيسكتون هذا ليث جااي
ليث "ضآيق حيييل"وبخفوت :يمه تعالي
ام ليث"قامت معه":الله يستر الله يستر ياربي عله خيير
"طلعوا برا الغرفه و مسك ليث يد امه"
ليث:يممه ضرووري تسوي العمليه اليوم او باكر بسس يبغوون دم وانا فصيلتي ماتناسب لها بسررعه الله يخليك شوفي ميسم وش فصيلتها
ام ليث :يابووي ميسم عسى دمهآ يكفيها هي بروحها تحتاج دم انا بروح اتبرع لها بس ليييه تأخرت لنا ساعتين ننتظرك
ليث :يمه اممم السالفه هم مايبغون دم وبسس
أأأ امم
ام ليث :قووول ياولددي هي شتحتاج شي كاايد
ليث:لالا بسس انا اتصلت على سيف وهالحمار ماارد
ام ليث:قوول ياولدي ..شفيك تقط خيط وخيط
تراها دايم تشكي قوول شفيها الله يخليك
ليث"متورط وخايف ع امه واخته" :يممـ
"انقذه رنين جواله" دخل يده بجيبه وطلع الجوال ورد قبل مايشوف الإسم وابتعد عن امه :نعم
جواد:شفييك ي الليث عسى ماشر انت بالمستشفى شفيكم حد من اهلي فيه شي
ليث:اناماني محاسبك اللحيين بس قلي ويينكم
جواد:انا ادور بالسياره ومدري عن الشباب
ليث:بسررعه تعال لمستشفى .....
جواد:طيب طيب
ليث"قفل من جواد وعاود الإتصالات بسيف وماحصل رد واتصل ع جهاد ومقفل ":اوووف
ام ليث :شفيييكم قللي
ليث:يممه روحي لرنيم لاتحس بشي تراها بتطلع اللحين وورتيم خلاص بترقد بالمستشفى
ام ليث:عطوها مهدئات
ليث:ايه ايه يمه اتصلي على عيال خوالي خليهم يجوون وانا بتصل ع الشباب
ام ليث"دمعت عينها": لا ياولدي لايدري احد عنها ..
ليث:خلاص خلاص انا ابي هاللي ماينفعون يجون "وراح تارك امه "
ام ليث:يارب سترك يارب تربط على قلبي وتشفي بناتي "وراحت عند رتيم"
•
•
جواد وصل للمستشفى وشاف ليث واقف وماسك جواله ومعصصب وركض لعنده :شفيكم ليث شاللي حاصل
ليث"بصوت عالي":بسررعه رووح للغررفه ذييك وقول انا اللي بتبررع وشووف انت تنااسب اولاا بسررعه
جواد"بنخوه":سم
ليث "استند بظهره ع الجدار:لاحول ولاقوة الا بالله
جلس ع الارض منهد ويدعي الله يشفي اخته وينقذونها قام واقف بتعب ومشى لناحية الغرفه مهدود
دخل وشاف جواد منسدح :شراح تسوي
جواد"بعدم استيعاب":بتبرع بكليتي
ليث:والدم
جواد:خلاص اخذولها
ليث"تنهد": جواد قلي انت تبي تتبرع او نجيب غيرك بسرعه
جواد"بخفوت وحزم وحزن غامض ":انا اللي بتبرع
ليث"هزراسه"
•
•
قآم من النوم وفتح فمه يتثاوب بصوت عالي رفع يدينه يتمغط وشاف جواله ورفعه وانصدم من الكم الهائل من الاتصالات والمسجات وتذكر انه مخلي الجوال سايلنت قرأ مسج وقام واقف مصدوم :رتيم ..شفيها
راح بسرعه وسحب ثوبه ولبسه بسرعه
فتح باب الغرفه وطلع منها ونزل من الدرجه بسرعه حتى حس انها طويله درجة بيتهم اليوم فتح باب المدخل وركض للكراج رايح للسيارته ركب فيها شغلها وبعد ماطلع من البيت عينه نزلت ع رجوله وانصدم انه مولابس شوزه
:بالطقااق كيفه ..ومشى مسررع للمستشفى
ماصدق انه وصل بعد ساعه إلاربع نزل من السياره وركض للبوابه دخل وهو يتلفت يدور عن احد من اهله دخل يده بجيبه واخذ جواله واتصل على ليث بعد رنتين رد عليه:الووه ليث وينكم انا بالمستشفى
ليث:بعد ايش جيت
سيف:ليث قلت وينكم
ليث:خلاص ماعاد نحتاجك غيرك قام بالواجب شتبي جاي
سيف"بعصبيه وخوف": ليييث تراها اختي مثل ماهي اختك
ليث:شكننت تسوي وانا طول الوقت ادور عليك
سيف:ماعليك منني وينكم وبسس
ليث:توك قايم من سباتك
سيف:وقسم لاقفل بوجهك
ليث"بعصبيه":بسرعه تعال "وبدا يوصف له مكانهم"
سيف دخل الجوال بجيبه وركض للمكان اللي قاله ليث .. وصل عندهم ودخل الغرفه وانصدم من شاف جواد وعليه اللبس الخاص بالعمليات ومن غير شعور قال :شفيك انت بعد
ليث:شفيييه ياحلووو هذا بيتبرع لأختك بكليته وانت حضرتك نايم
سيف"انصدم": ووش .. نعم..رتيم ..شلوون !
ليث "رن جواله وشاف المتصل. وطلع برا عنهم": نعم
..:........
ليث:لا خلاص الغي الحجز
..:...........
ليث:اتصل عليهم وقل لهم مآيقدر بس عقب بيجي هووبنفسه لاخللص
..:.........
ليث:مشغوول خله بعدين .. مع السلامه
نزل الجوال من اذنه وطالع فيه هز راسه بضيق عميق كل شي تجمع عليه وصار هو المسؤول عنه "تؤ.. أنآ نآقصك ياجراح بعد .. لآحول ولاقوة إلآبالله "
دخل جواله بجيبه ومشى رايح. للغرفه الموجودين فيهآ اخوه و ولد عمه
دخل عليهم بعد ماألقى السلآم وجلس على الكرسي الموجود : جوآد وين اخوك
جواد"عقدحواجبه":كلهم ماادري عنهم
ليث"تنهد تنهيده طويله واستغفر بصوت عالي": استغفرالله جواد اتصلت انا على جهاد ومايرد
جواد:الصدق مدري عنه انا
سيف :غريبه
جواد"رمى براسه ع حافة السرير وقفل عيونه"
سيف:يابن الحلال قلت لك انا بكون بدالك بس انت ماتسمع
جواد"بخفوت والم و وجع نفسي حاد": انا خلاص حللت وكل شي طلع مناسب واللحين بندخل غرفة العمليات
سيف :جواد انت راضي
جواد:كم مره قلت لكم انا راضي واساساً لو مابغيت كان قلت ولا اسكت
•
•
منسدحه و ضآمه نفسها وتتألم الم فضيييع فضييييع وامها بجمبهآ وتقرأ عليهآ
رتيم:يمه سكتي اللي جالسين قدااامي الله يخلييييك ماا ابغى ازعاج
ام ليث:ياقلبي انتي ان شاءالله بيسكتون
"زاد ازعاج زوار المريضه اللي قدامها"
خلااص مافيهاا صبرر تسسكت اكثرر لهم
رتيم بقدر ماتستطيع تخلي صوتها عالي :اسكتووووووووووووووووا ترا فيييه مررضى والله موورايقيين لكم
ام ليث"شهقت": هااو رتوم عييب
رتيم:لالا هم مزعجيين آآآه بطططني ظهرري
ويين الدكاااتره المهمليييين وييييينهم
"دخلت نيرس :مدام هذا دكتور في اجي
ام ليث :زين زين يالله ياقلبي رتومه البسك نقابك
رتيم :لالا مااا اقددر انكتتم ع طوول لبسيني الشيله وخليني اتلثم فيها بسس
ام ليث:طيب
رتيم "انسدحت بعد ماتلثمت"
دخلت النيرس ومعها عربيه :انتي في آخذ اشاعه اول
رتيم:خااايفه انا
ام ليث:معليش حبيبتي لاتخافين انا معك
وساعدوها ع النزول من السرير وجلست بالكرسي ودفوها لعند غرفة الاشاعه
•
•
يلعب .playstation. يضيع ع روحه سالفة الزعل مع توأمه طفش وزهق قام وترك t.v على حاله مشغل بس وقف اللعبه "اوووووووف
استغفرالله يّ رب شسوي اللحين سيف واكيدنايم وهالدب جويد لحاله طالع"رفع يده وحطها على خصره " طيب انا شسوي بهالحاله صح خلني عقب لاطلعت اتصل على واحد من الشباب احسن لي صرآحه " فتح الدولاب واخذ بنطلون جنز فآتح لونه وتيشيرت بلون البحر " لبسهم ووقف قدام التسريحه وبدا يمشط شعره ورفعه ع فوق ولبس شوزه وطلع من الجناح وقف فجاءه "اووووه صصح تذكرت جوالي وينه " رجع للغرفه وبدأ يدور جواله مآحصله"اييه اكييد تحت او بسيارتي "طلع من الغرفه ومن الجناح كله ونزل للمطبخ يبغى شي ياكله
جلس ع الكرسي وبدأ يآكل من الفطاير الموجوده بصحن صغير فوق الطاوله اكلها و خلصهآ كلهآ "يبغى اي شي يلهيه عن التفكير " قام واقف :الحمدلله لك والشكر يارب
راح للثلاجه وفتحها وشاف بيبسي اخذه وفتحه وشربه مره وحده على دفعتين سكرباب الثلاجه ورمى علبة البيبسي جانب الصحن الموجود فوق الطاوله وطلع من المطبخ ومن البيت ركب سيارته وبدا يدور جواله بعد عشر دقايق من التدوير ماحصل جواله"اوووه يمكن بسيارة جواد او بالبيت كيييفه بروح اتمشى لحالي "
•
•
دخلت ام جراح وميسم. الغرفه بعد ماعرفوا عن رتيم وجواد حييييل ضآيقه خواطرهم
رنيم "طالعت اشكالهم وارتاعت":شفيييكم رتيم فيها شي
ام جراح :لالا ان شاءالله مافيها الا العافيه
رنيم:لأ خالتي امي اتصلت عليك وكلمتك
وطلعتوا خايفين ليه شسالفتكم
ام جراح :بسس يابنتي رتيم بتسوي عمليه بسيطه ان شاءالله
رنيم"شهقت بخوف":عمليه
ام جراح:ياقلبي اقولك بسيطه تراها الزايده
رنيم:لألأ ابغى اشوفها واتأكد
ام جراح:تكذبيني يعني
رنيم:لا بس اكيد ياخاله
ام جراح:اكيد ويالله انتي كتبولك خروج وبتروحين مع ميسم لبيتنا طيب
رنيم:معليش ما ابغى
ام جراح:افا يارنومه شاللي ماتبغينه
رنيم:خلاص معليش اللحين بروح
ام جراح: ايه حبيبتي يالله الله يقويك ويقومك بالسلامه
ميسم: يالله رنومه جمعت كل اغراضك
رنيم: وياك ..الله يعافيك بس مع مين بنروح
ميسم:مع السواق
رنيم:اهاا.. اوك وخلص اوراقي ليث
ام جراح:ايه خلصهآ .. ولآتنسين وانتبهي ابوك سافر وبيرجع اليوم اتصلي عليه وقابليه وهوعاد اكيد بيدري عن رتيم الله يشفيها
رنيم:ان شاءالله اكيد بكلمه واشوفه
"لبست عبايتها وقربت لعند ميسم مسكت يدها
:يالله ميسم امسكيني او جيبي لي عربيه رجولي عجزانه تمشي وكل جسمي تعبان
ميسم:اوك بجيبلك
"جابت العربيه ووقفت ورا رنيم"
ميسم:يالله قلبوو اجلسي
رنيم"جلست بهدوء وبدت ميسم تمشي فيها": ميسم وديني لرتومه
ميسم:هآآه .. لالا مايصلح اللحين هي تعبانه
وبيضرك هالشي انتي
رنيم:ماراح يضرني شي
ميسم:إلآ انآ اعرفك بتتأثرين على طوول
رنيم:ميسموه قلتلك وديني
ميسم : اوك براحتك
"طلعوا من اللفت ومشت فيها للقسم الموجود فيها رتيم"
ميسم:رنومه بخليك شوي بس
رنيم:وين بتروحين
ميسم: لحظه "وراحت عنهآ "
طلعت جوالها من الشنطه واتصلت على ام ليث
ميسم:الووو
ام ليث:هلاا
ميسم: خاله معي رنيم وملزمه تشوف رتومه
ام ليث : اووه لا لاتخلينها تجي
ميسم:طيب انا شسوي لها
ام ليث:انتم وينكم بخلي ليث يجي عندكم
ميسم"تتلفت تشوف شي يدله عليهم": اممم ايييوه حنآ عند... " وقالت لها عن المكان"
ام ليث:ايه خلاص اللحين يجيكم اليث
ميسم: اوك .. يالله سلآم
" بعد خمس دقايق وصل عندهم اليث "
ميسم: هذا اخوك انا ببتعد عنكم وبجلس بالكراسي اللي ورا
رنيم:طيب
ليث"تعبآن ويحاول يلهي اخته:السلآم عليكم "باس راسها" شخبارك ياخاله هآه صآيره بالكرسي اكبر مني
رنيم"ابتسمت بتعب": خاله بعينك انا اكبر منك يالشايب ؟
ليث:له له توصل انك تقولين لي يالشايب هذي انا ما ارضاها ابداً انا بعدني صغير ويامحلاتي
رنيم:ايه صح .. ليث
ليث:عيونه
رنيم:قوول الصدق شفيها رتيم
ليث:ويعني بكذب عليك رتومه مثلك وغيرآنه منك وبقوه بعد
رنيم:شفيها
ليث"يتنهد": بتسوي عمليه
رنيم: طيب عملية ايش
ليث : للحين ماقالوا وشي
رنيم: لآآ يعني مخبين علي
ليث: لأماخبينا ولاشي
رنيم: اجل ليه خالتي تقول انها بتسوي الزايده
ليث: هاه احم .. لأ هم مابعد حددوا بالضبط واللحين هي تسوي اشاعه
رنيم"هزة راسها": اوك براحتكم .. انا اللحين تعبانه حييل ماراح اقول شي
ليث" رفع يده فوق كتفها": ايييوه انتي اللحين روحي وارتاحي واذا جاء ابوي من عماتي تعالي معه
رنيم: لاآآ اخاف يجون معاه عماتي دامهم مجتمعين كلهم جميع
ليث: لا لا تخافين ماراح يجون .. وانا قايل لهم ومهددهم من دون مايعرف ابوي عني
و واعدوني مايجون إلا بِـ أنفاسك
رنيم: شكراً .. ريحتني بس ليه ماقلتلي من قبل
ليث: مايحتاج اقولك .. وش راح تسوين لاعرفتي
رنيم"بتنهيده": ريحتني الله يريحك
ليث: آمين .. هذا اللي ابي منك دعواتك لي
رنيم: ادعيلك لاتخاف
ليث: يوووه صح انتي معك ميسم
رنيم: ايه خخ تأخرت عنها
ليث: يالله ياقلبي اجل اخليك .. "باس راسها"
اهتمي بنفسك وبحبيب خاله
رنيم: انت شكلك بتخليني اقوم وابوس راسك اووف صدق خليتني عجووز
ليث: هههه شسوي بعد .. ولا تقومين ولاشي
اللي انا ابي منك تهتمين بصحتك وبالبيبي
رنيم: ان شاءالله
ليث: يالله اجل .. السلام عليكم "وراح"
ميسم"قامت بعد مازهقت منهم وراحت لرنيم":احلفووو بس لاطعيني انتظركم تخلصون ..
رنيم: معليش حبيبتي .. عديها هالمره
ميسم: بعديها لعيون حبيب عمته مو لعيونك
رنيم: طيب .. خلاص احس اني انتهيت حددي محتاجه نووم
ميسم: بتنامين .. يالله قومي هذي السياره او تبين اقومك انا
رنيم : هه قمت بنفسي
" شغل السواق السياره ومشى فيهم "
بعد ساعه إلآ ربع وصلوا البيت ..
"دخلت البيت تعبآنه ماصدقت تدخل الصاله حتى تنسدح جت عندها ميسم "
ميسم :رنيم تبغين شي اجيبلك
رنيم "رفعت يدها وحطتها ع بطنها وهزت راسها نفي"
ميسم"ابتسمت بوجع ورفعت يدها ليد رنيم ومسكتها": ان شاءالله بيرجع وبيرجع قرييب ويعافيك ربي ويشافيك وتجيبين لنا البيبي المزيون
رنيم"صدت عن ميسم وخانقتها العبره":قولي شفيها رتيم
ميسم:فيها الزايده
رنيم:قولي الصدق "والتفتت عليها" لا تكذبين
ميسم:ماكذبت و هي بتسوي عمليه "قامت بتطلع من الصاله" تبين اجيب لك شي
رنيم : بطلع لوحده من الغرف بروحي وبقفل علي
ميسم:اوك خوذي راحتك بس اخاف يجون جهاد او"حست بالغصه" او جـ ـواد
رنيم: خلاص برجع بيت اهلي
ميسم:لالا خلك عندي انتي حاطينك امانه ولازم احتفظ واعتني فيك
رنيم "قامت بتثاقل": امشي بروح لغرفتك
ميسم:قولي والله
رنيم:شفيه وليش احلف
ميسم: بتروحين غرفتي وليش انا مامليت عينك
رنيم:وين تبغيني اروح اجل
ميسم:غرفة جراح القديمه
رنيم"جتهاضيقه": انابروح لبيت اهلي خلاص
ميسم:رنيموو والله ماترووحيين
رنيم:ميسم راسي بينفجر خلصيني وين بروح
ميسم: تعالي انا اعلمك وين بتروحين "مسكت يدها ومشت فيها حتى وصلوا للفت ودخلوا"
رنيم:ليش جبتيني هنا خالتي ماترضى احد يدخل فيه
ميسم:لأ انتي حاله استثنائيه
رنيم"من التعب فيها مقفله عيونها ومرتخي جسمها وكل ثقلها صاير ع ميسم"
"طلعوا من اللفت ومشت فيهاميسم لجناح جراح القديم "
رنيم"شمت ريحة عطر جراح المعروف "فتحت عيونها بصدمه وعبرتها خنقتها:ميسم لييييه ..ليييه .. ليييه جبتيني هنآآ
ميسم:ماعليه انتي تعبانه اللحين ريحي بعدين بتروحين بيت اهلك
رنيم"هزت راسهاوانسدحت ع السريروميسم رفعت اللحاف تغطيهآ "
ميسم:التكييف بارد او حلوو ؟
رنيم"ببحه":حلوو ودآفي
ميسم"ابتسامه خافته": زين يالله اخليك بروحك ونوم العافيه
رنيم"دفنت راسهآ اكثر بالوسآده وتشهق من عطر جراح "
ميسم"تتأملهآ بحزن وبعدها راحت "
رنيم"تنهدت من قلب من سمعة صكة باب الغرفه طآحت دمعه لآمعه من عينهآ رفعت اللحاف وغطت روحها فيه وقفلت عيونهآ
وبدت تعيد الذكريآت بحلوها وبمرها
" لأ خلاص كآفي تفكير .. هذي الأقدار
مالنآ فيهآ يد .. لآزم انام عشان اصحى واشوف شفيها رتومه .. آهـ يآرب تنزل علينآ راحة من عندك "
•
•
مآآذا عنهم ..!!
،
أرآئكم تهمني
أنتظركم
.
.
●●● 
08-09-11, 12:07 PM
جديد مواضيع قسم الارشيف
العرض العادي
