ردودكم تهمني
و اقتراحاتكم تفرحني
ومناقشاتكم تسرني

فلا تبخلو علي بها

هههههههههه عجبني عمار عم زياد جزء رووووعه الصراااحه ابدااع بس اشوا سمر لحقت نفسها استمر ننتظر التكمله على احر من الجمر

مساء الخير والانوار على الجميع اليوم يوم جميل من اولى المطر ماوقف من الصبح والحين هذا البارت الاجمل
طبعن في كل مرى اقول سلمت اليادي المبدعه وسلمى منطوقك الراقي والمبدع فانت قدوتي من الكتاب لقد قلت وساقول (لديك قدره ممكن ان البعض يفقدها من الكتاب وهي انك تستطيع ادخال حدث بحدث اخر بكل سهول وتصنع بين هذان الحدثان حدث اوصدفى تكون هي قنبلت الجزء فمثلا موقف سمر ونومها عند زياد كان جميع من يقرأ البارت يقول :(مراح يصير شئ راح يرجعون من المطار وينامون دون اي موقف وهنا اضهرت موهبتك واضهرت موقف كان الاجمل في الجزء وهذهي قدره عظيمه على التفكير والابداع ومهما قلت فلن ااصل شئ من ابداعك فبختصار (انت رائع مهمى عملت) نتضرك مع جديدك موفق بأذن الله

تابع الجزء السادس والعشرون :

في غرفة ابوخالد
طلع من الحمام و هو ينشف شعره بالفوطه
و تكلم بقلق لام خالد اللي جالسه ع كرسي التسريحه و تزين شعرها

: تدرين خايف من ردت فعل امي
حاسها بتنصدم بالحقيقه
يعني كذا*
اخاف تتعب علينا
ثم بعدها مراح اسامح روحي ابدا

ام خالد بثبات ورزانه : لا موب لهالدرجه
بالعكس بتفرح صدقني
وثانيا انت لازم تقوي قلبك وتتكلم
و الاهم من ذالك ان عمتي عندي احساس انها شاكه بالموضوع من البدايه
لان لما زارت زياد بالمستشفى وجلست معها بعدها

قالت لي بأن زياد دخل قلبها بسرعه
و حاسه انها تعرفه ومنها و فيها
فهالشي بيسهل علينا ان شاءالله*
لاتحاتي بتيسر ان شاءالله

لبس كابه عالسريع : امين الله يسمع منك
انا نازل تحت تجي معي

: انزل انت وانا بصحي العيال و انزل بعدك

: طيب ع راحتك

طلع و نزل وشاف سالم جالس يقرا الجريده ع طاوله الطعام


: اهلااااااااا و مرحباااا والله اني صاادق
حياااك ربي
ليه محد قالي انك هنا


قرب له سالم و هو فرحان و يضحك ؛ هههه سلمت جعلني فداك
مابغيت ازعجكم لانكم معزومين الليله عندي بالبيت *قلت اترككم ترتاحون بعد تعب السفر واشوفكم العصر بس عاد هداوي و سلييم ماقدرت اتركهم
و امي بعد تبغاهم


ضمو بعضهم بحب
و هم مبتسمين
: ياجعلك ماتخلا ابد ارتحنا ربي لك الحمد وانتهينا
بس عاد سمر اكيد للحين نايمه هي وبنت عمها عارفهم يعبون نوم و بنتي مايشبعها الا ال12 ساعه جعلني فداها

اما العيال ام خالد بتصحيهم حتى البنات اللحين يصحون انت اجلس خلنا نفطر سوا

: ابد جعلك سالم والله اني مانيب مشتهي العيشه ابد ولاني بهاويها
انت خابر معدتي غدت ماتستقبل اي شي
ولا بأي حزه
وغير ذا انا متفطر عند ام هدى
وان كثرت بنظر

انت افطر وانا باخذ العيال


مسك ابو خالد اخوه
؛ و الله ماتقوم من الطاوله لو تشربلك كاسة مويه وجودك ع السفره يكفي
وانا اساسا مخبر الخدم ع الساعه 10 الفطور زاهب انت اجلس ع ما انادي زياد و خاله
و ام خالد بتصحي العيال

سالم عقد حواجبه : زياد و خااله ؟؟؟!!

: سالفه طويله بحكيها لكم لي اجتمعنا كلنا ع خير عند امي العصر

: سمر توني شايفها وقالت لي ان عندكم موضوع مهم*
الله يستر


: سمر ؟؟؟ متى شفتها!؟

؛ تو قبل 10 دقايق من نزولك
كانت جالسه تقول تكلم الطباخ و توها صاحيه و صعدت بعد ماسلمت عليها


مادقق ابو خالد بالموضوع كثير ومشى
: اها
طيب انا دقايق و جايك

: خذ راحتك


طلع ابوخالد متوجه للجناح الخارجي اللي فيه زياد و عمار
وصل و شاف عمار جالس عند البلكونه الارضيه اللي داخله مع الجناح بتكتيك اوربي *مميز

و معه زياد
و كانت البلكونه تطل ع الجزء الخلفي من الحديقه
و المنظر و الجو بالصباح خياال

كانو جالسين
و كل واحد ماسك كوبه بيده و يشربون الحليب الصباحي الدافي

تقدم منهم ابوخالد
وبينت اشكالهم الجذابه
زياد لابس بنطرون اسود و تيشيرت اسود و فوقه قميص رسمي بيج

اما عمار فلابس ترنق بني مع تيشيرت بيج

جمالهم و نقاوة بشرتهم و صفائهم التركي البحت
كان يجذب غصب
جمال زياد خاصه لما يبتسم كانت صورته ملكيه
تبهر الي يناظره و يجذبهم له
وعمار لايقل عنه جمال
فكانت معروفه عائله عمار بالجمال
و زياد اخذ هذي الصفات من خواله


ابوخالد من برا
وقف عند سور البلكونه قدامهم وابتسم : ياصباح الخييير*



زياد خاف لايكون جاي بخصوص موضوع سمر
لكن
لما شاف وجهه
قام و ابتسم لعمه : هلابك عمي صباحك انوار و سرور
سلم عليه و قرب منه عمار كذالك و سلمو ع بعض بابتسامه
عمار بابتسامه : صباحك نور و سرور


ضحك ابوخالد ع لهجته المكسره و اللي محليته اكثر : ههههههه ياهلابك زود و عسالله ينور عليك دنياك

زياد ضحك: ههههه من الصبح وانا احفظه

: هههههه محليته اللهجه

عمار حك راسه : زياد لا افقه ماذا تقولون

زياد بابتسامه جذابه : فديتك الغالي
يقول عمي صباحك مليء بالسرور و الانوار انت كذالك
وانا قلت له انني من الصباح و انا احفظك هذه الكلمات

ابتسم ومارد*

ابوخالد : يلا امشو معي بنفطر سوا
زياد بحرج : لا عمي ارجوك انتو خذو راحتكم وحنا باذن الله الجايات اكثر صدقني

ابوخالد : لاتخليني ازعل منك
انت مكانك داخل البيت و اللحين دامك من الاهل فانا بسكنكم بالملحق اقرب لنا يفصلنا عنكم الحوش

زياد : عمي بارك الله فيك انا ماابغا احشركم في بيتكم
وثانيا انا و خالي بنشتري شقه برا و نسكنها
مااقدر اجلس هنا الا الوقت اللي ادور فيه ع مكان لنا
لان حتى خالي مايبغا يجلس هنا ويثقل عليكم
وبحاول ادور مكان قريب منكم و مراح ابعد عنكم
كل يوم بشوفكم
و بشوفلي وظيفه اتوظف فيها الين احس نفسي قادر اني امسك شركات ومقاولات بكفايه تامه
تغنيني عن اي شراكه

ابوخالد بين عليه الضيق : زياد ياولدي حنا ماصدقنا تقرب عندنا و تبغا تستقل لوحدك

قاطعه زياد : لاتنسى ان خالي معي مقدر اتركه لو ع حساب حياتي ياعمي
عمي انتو ع عيني و ع راسي
لكن خالي حياتي كلها متعلقه فيه و لايمكن افرط فيه ابدا
و لو بغا روحي فداه
و ماتغلا عليه
ارجوك لاتضغط علي

: طيب اتركنا من هالمواضيع نتناقش فيها بعدين
اللحين ابغاك تجي تفطر معنا و سالم هناك ينتظرك لاتردني وامش انت وخالك

ابتسم من غير حيله
: ابشر اللحين اجي*
بس بقول لخالي

لف ع عمار : خالي هيا بنا عمي اصر علينا ان نكن بجانبهم ع الفطور

عمار بابتسامه : حسنا لا بأس

لف زياد و ابتسم لعمه : مشينا

: يلا


دخلو البيت

و شافو الكل موجود ع الطاوله
ام خالد و سالم و هدى و سمر و خالد و سلمان
كلهم ابتسمو لما دخلو ابوخالد واللي معه


ابتسمو زياد وعمار وابوخالد
: السلام عليكم

: وعليكم السلام

قام سالم ناحيتهم : ياااامليون مرحبااا
حياكم الله تو مانورت الديره يازياز

: تسلم الله يحفظك

سلم ع عمار بابتسامه وكلمه بالانقلش : كيف حالك ياعمار*

ابتسم عمار و رد عليه : بخير احمد الله
: معك سالم اخ لابو خالد

بادله عمار الابتسامه: اهلابك حياك الله تشرفنا

جلسو ع الطاوله بالترتيب الاتي

ع راس الطاوله ابو خالد
ع يمينه ابو هدى و بعده خالد ثم سلمان ثم عمار
و ع يساره ام خالد بعدها هدى و من ثم سمر
و زياد جلس مقابل لابوخالد ع الراس الثاني




الجزءالسابع والعشرون غدا