غاليتنا الحبيبه ام وسن آه دايما تجين على الجرح
تعرفين مره سألوا مأذون عن الحكمه التي ينصح بها الناس وش قال؟قال البيت اللي تاخذ منه لا تعطيه وهذا ماحصل لو ترف مو اخت فياض لمل دفع فياض نجود وقسى عليها وتحولت ليلتها نكد
طروق ياحياتي والله انك صادق في الهبلاء كنت متعاطفه معها بس الحين اقول تستاهل الغبيه
عزوز خلك عاقل وش تحاسبها ثاني يوم خير صراحه انك بايخ
رياضوه الحمار تحرك لا تروح البنت وساعتها تقعد تتعذب العمر كله
ام وسون الى الامام دائما في ال

ياقلبي قلباه <ياأميرت الادب النتي

ام وسن نطالب ونحتج ونتظاهر ياقرائك المملوحين بجزئين في الاسبووووووووووووووووع واحد مايكفي وبعدين انتي الا دلعتينا مالنا ذنب <شنطة ام وسن حقت المدرسه هفتني فيها هههههههههههه

بجد ياام وسن ندري بشغالتس وارتباطاتك <لكن هناك قراء مثلي وشرواي نشبه

وهدية لحبايبتس الاصوتو لتس وفالتس الفوز




جزء رهيب

بداية من هوياااااااااااااااااااا <وانقلب السحر على الساحر بديتها بمنحاس للعجيز الضعيفه وشكلتس وقعتي بحب ظافر صدق ماهوب تمثيل وتسذب
ظافر وفرحة قلبه لكن اتوقع تمنى ان الحمل تاخر شوي عشان يتهنى مع هويا ويجدد شبابه شويات

العجيز الضعيفه ياهي بتحر وتطحن والله اني راحمتها وللحين الخبر ماوصلها <وبيشتغل كيد الحريم على اصوله يمكن تحاول تسقط هويا <ماتنلام من حرتها المسيكينه <ولا بتروح تشرب من خلطات عبد الباسط كود تحمل هههههههههههههههه



سوير والله عورتني وربي مدري كيف اواسيها ولا حتى الجمل تنصف قهرررررررر عشره وعيال والنهايه القلب مقفي وعزتي لتس صدق من قال ماينجبر قلب على قلب الشكوى لله مير ياحبيبتي من اقف عنتس وباع بيعيه ولوكان يسوى ضي عويناتس <أمي تقول سيل متعديك لاتنصاه وسلمان ودع واقفى وباع اصبري وتصبري
وتدرين مرده لتس طار ولا وقع
والله مايستاهل قهرتس عليه لكن اتوقع تعبتس هو قهر على حالتس وعمرتس الاضاع ووماتحملتي الصدمه



سلماااااااااااااااااااان اوب حاقده عليك وبس الا لوانك عندي تسان فرمتك بسنوني <مقهوره
يوم انك ماتبيها وقلبك ميال لغيرها ليش تجيب عيال حرام عليك ذنبهم في رقبتك ليش تشتتهم <ويقولون ليش العيال يضيعون من الابوان الا مايستاهلون كلمة اب




نجووووووووووووود وطلع المكبوت وترسبات الماضي واستحقاره لتس كل هذا شايلته في قليبتس وساكته
فياض دابلن تسبدي لك عين تسال <ياكرهي لاها النوعيه يجرح وينسى ويجي يسال وش فيتس

ومامداه يتصالحون الاوهو قالب <نفسي تعطيك نجووووووووووووووووووود درس محترم ياقليل الذوق وش دخلها هي في اخوها يوم انك تحط الحره فيها ولا عشانها مره ومسكينه

نجود سلبيتك خلته يتمادى عليتس كثير قبل صغيره ولتس عذر لكن الحين كبيره وفاهمه وريه شغل ربي عدل شيبة عرعر



طارق هب صدق ماهوب صاحي ولاهو في حاسيته لالا بجد يبي له درووووووووووووووس في كيف التعامل والكلام سااعه وانت منشف ريقها وشاق تسبد الضعيفه وتفجعها بالخبر طيب انقله له بااسلوب افضل ماهوب تفجره في وجها تقول قنبله

وترف تهبين يالمطيوره <صدق هاوشت طارق لكن انتي بعد انعمت بصيرتس وطرتي في العجه طيب ويبي يعرس اركد يابنت الناس <مشكلة ترف عدم ثقتها بنفسها



مشكلتنااااااااااااااااااا يالحريم ضعيفات مضيعين عمارنا واعمالنا على درب هالرياجل <وش عندها قناة بدايه هههههههههههههههههه
مشكلتهم الثنين مجانين ومتسرعين <ماعندهم حل وسط


عزام وندى ياعوب الحرررررررررررررررررررررريم اجل قفلتي الباب من دونه غلطته انه تساهل معتس المره الاولى لكن والله الا بيداويتس هالحين ماكل مره تسلم الجره اكيد بيدور الحول وتطق السنه ماشفتي اهلتس عشان تعرفينن تقفيل البيبان

عزوزو وغنادر هههههههههههههههههههههه <لاتعليق

ريم ورياض وافق شن طبقه



ام وسن لاحرمنا ربي نزف هالقلم

مساااكم فل وكاادي ..






سوري حباايبي ع التأخيير ..
هذاا باارت .. بين ايديكم ..
ولو لو لووو .....
استطعت بنهااية الاسبووع باارت ...
يعني ع الاربعاا او الخميس ...



وان مااكتب ربي وقدرت ...
فراح اعطيكم خبر بأذن الله ..
ونعووضه لاحقاا ....



لا اله الا الله ..
محمدا رسول الله ...

______________





السلاام علييكم*



•
•



[ 20 ]
_____


( فياض / طارق / ترف )
_________________


.. وصل قبل فياض بما انه مابعد ابعد عن البيت ..
شافهاا لابسه ومتغطيه ..
وتبي تطلع للحوش .. تنتظر فياض ..
نزل ونسى باب الريموت مفتووح ..

تطمن نوعاا ماا .. انه لحق عليهاا قبل تطلع ..
.. لانه لو طلعت بدون اذنه تحلم يرجعهاا ..
*.. فتح الباب بكبره وامرهاا *..

/ ترف ادخلي غرفتس ..

ردت بقهر من وراا غطاهاا ..
/ ماانيييب داااخله ولااعاد ابييك..
.. برووح لاهلي ....

قرب لها ومسكهاا مع زندهاا بقهر ..
/ انتي فااهمه غلط ...*
ادخلي وبعدين نتفااهم ..
وكلمي فياض اللي فزعتيه قوولي له يرجع
محل ماجاا ...


رفع رااسه لمن سمع صووت ورااه ...!
فياض بصووت فض ..
/ وووش الساالفه !!
*

طارق بتصريفه ..
/ كيف دخلت انت !!!

فياض يطنشه ..
ويرفع وجه ترف اللي رمته على صدره ..
/ ووش فيتس ..
ان كاان لتس حق والله لاخذه من عيوونه ..

رد وهو يسحبها منه بقووه ..
ويآمرهاا وهو يصك على ضروسه ..
/ ترف انقلعي داااخل *...

دفه فياض عنهاا بقهر ...
ووش اللي تدخل ...!
ماعليتس منه وانا اخووتس ..
قوولي وش جايتس منه ..!!


.. اخيراا نطقت ..*
بعد مابلعت عبراتهاا ...*
/ يقووول بيعرس ..
ماالنا الااسبووعين وبيعرس ...
ووش بيقولوون النااس عني ..!
بتجي سيررتي على كل لساان ...!



فكهاا فيااض ومسكه مع جيبه*
وعيوونه بتنط من الشر اللي فيه ...
/ ياااااا تبن ...!!!
تبي تفضح اختي ..
ووش انت شاايفن عليهاا !!!؟


.. لو هم بلحاالهم الحين كاان ذبحهاا وارتااح ..
غبيييه .. واخوها اغبى منهاا ...

.. بعد ايدين فيااض عنه ..
وجلس وهو يحط رجل على رجل ..
ويلتفت لترف اللي جلست بخووف ..


همس لها ..
/ شغلتس عندي ..
بس يرووح اخووتس ...


همست بنفس همسه ..
/ بخاااويه اجل بقعد لك !!

رد وعيونه تنطق بشر ...
/ على جثتي تطلعين ..
مااهوب حباا فيتس يالغبيـــه ..
لكن نكااية باخووتس هاللي مستقويتن به ...


.. هو كاان ينقل نظره بينهم وهو يغلي ..
.. يخااف يغرر بهاا بكلمتين وترضى ...

.. ومل من مسااسرهم .. وتطنيشهم له ..
زفر بحده ...
/ تررررف ... رجلتس ورااه يبي يعرس
وهالووقت بالضبط ...


.. ردت بقهرر وتشفي انه بمحل متهم واخووها يقااضيه ..
/ هذاا هو عندك ..
كان بدر مني غلط خله يقوول ...
يبي يعرس نذاااله فيني وفي اهلي ...


.. خلااااااااااص ...
ماعاااد يتحملهاا هي وكلامهاااا اللي يرفع الضغط ..
وقف فجأه .. وسحبهاا بغضب ...
*بيدخلهاا غصبن عن عينهاا ...
وبيرجع يتفااهم مع فيااض ..
ماهووب على مسأله العرس .. لاااا
هذا شي خااص فيه وفي ترف ....
الااا على تدخله اللي مااله داعي في امورهم ...

.. دخلت نجوود وهم يتسااحبوون ترف
وهي تسب غبااآءهاا اللي خلاها تكلم فياض بالذاات ...


صرخت فيهم بقهرر ..
وسلماان براا ف الحووش
ينتظر على جمرر ..
ماايدري ووش الساالفه ..
بس شكلهاا كاايده ....


نجود / باااااااااااااس فكوهااااااااا
حراااااام علييييييكم يانااس ..!
فضحتوهاا ف الله وخلقه ...
مابقاا احد من الجيراان ماسمع هوشتكم ..!
ووش بيقولووون ..!
ياا اخي راعوو البنت ..
قطعتوهااا بينكم حسبي الله عليكم ..،
ضمتهاا على صدرهاا ...
وهناا ترف انتهت من الصياااح والرووعه ...


.. خذتهاا نجود لغرفة الضيووف وسكرت عليهاا
رجعت لفيااض وطاارق بتكمل تهزيء فيهم ..
نفخ نفسه فيااض .. وتكلم بامر ..
/ نجوود انا احتريتس براا
جيبي ترف وتعاالي قبل لايجي علمٍ ثااني ..


طارق / تخساااا تاخذهاا ..
زوجتي وماتطلع من بيتي الا بآمري ..


نجود بغضب ..
/ فيااض صاحي انت !!
ووين تبي تاخذهاا وهي توها عروس !
مهماا كانت المشكله ..
سمعت اختك فوق كل شي ..
بعدين كل مشكله ولهاا حل ..
روح انت الحين .. وانا بفهم ووش الساالفه
و بتنحل بأذن الله ...


.. كلامهاا صدق ..
مهماا كاان هو ف الحقيقه مايبي اخته*
تجي معه فهالوقت بالذاات ..
النااس ماترحم ..
وبيألفوون قصص على طلعتها من بيتهاا ...


رد بجمود /
اناا بطلع ..
وانتظر منتس اتصاال افهم اللي صار كله
عـ......
قاطعه طاارق ببروود *...



/ خذ مرتك معك ..
ماابي احد يدخل بيناا ..
مشااكلي واعرف احلهاا بنفسي ..
وتفضلوو من غير مطروود ..
تعباانييين و بنناام ....


.. هزت راسها بمواافقه ..
وسحبت فيااض معهاا ...
/ فيااض خلاص بكيفهم ...
مايبوناا نتدخل بكيفهم ...
ومهماا كاانت المشكله ترف مالاازم تطلع من بيتهاا حالياا ع الااقل ..
اذاا هدت .. بتكلمك وتطمنك ...


.. تعووذ من ابلييس وطلع ..
مهماا كاان اللي بينه وبين طاارق ..
ومهماا كانت تصرفااته لا مسؤوله ومتهورر*
الاا انه فيه شي خفي .. يجذبه لشخصية طارق
.. يحس فيه شي مشترك بينهم ..
مهماا حااول ينااقض نفسه وواقعه ..
ومهماا اظهر العدااااء لطاارق ..
الاا انه ماايتمنى لترف زوج غييره ..
مع ان فيه افضل منه ....
الاا انه يحس زوج اخت مميز يشرفه نسبه ...
ويتمنى لو يتهادن معه ويرجعون مثل قبل ..



•
•


[ تـــرف ]
______


اوقاات الزعل والغضب الواحد يتصرف تصرفاات غبييه
يندم عليهاا بعديين ..
واتصاالي بفيااض غبي جداا ..
لان فياااض ماايتواطن هو وطاارق ..
ولاان فيااض عصبي مرره واذا غضب يضيع ..!


.. حسيت الازعااج اللي براا هداا ..
وسمعت ضرب البااب ..
طليت من الشبااك شفت سياارة فيااض تريوس طاالعه ..
ووراهاا سيااره ثانيه ...؟

.. فزيت من فتحت البااب القوويه ..
ومغصنـــي بطني يوم شفت طارق مقبل علي ..
.. حااولت اقووي نفسي ...
.. بس شكله يخوووف بلد ...
تلااحقت انفااسي وضاقت علي من الرجفه والخووف ..
ادورر صووتي ماالقيته ..
غااص بأقصى بطني ... وعجزت اطلعه ...
وقفت وانا اتلفت حوااليني ادور مهرب والاا مفر ..
.. بس مالقيت منه مفر الا له ...!


بادرني باحتقاار وتهزيء ...
/ عساا اخووتس بس فكتس مني يووم جا ..!!
.. والاا قدر يردني عن اللي انووي ابسويه ..


رديت وعيووني بعيوونه الحمراا من الشر والقشر ..
/ لوما تدخل اختك والاا كان اناا خوية اخووي الحين ..
وابن امك تقدر تمنعني ...


.. توقعت يذبحني بعد هالكلاام ..
يعني بااالعه لسااني من اوول مادخل ..
ويووم حكيت .. قلت هلاااكي ...!


فاجأني بضحكه مع انهااا تهزي ..
الااا انهاا حلووه بعيني ...
واهتز لها قلبي الغبي ..

.. قرب لي ..
بعد ماا انقلب شكله 180 درجه فجآه ...
لف كفه وراا رقبتي .. ونزل رااسي بقووه
حسبت رقبتي انفكت منه ...


صرخت بوجع ..
/ ااااااااااه عورتني الله ياخذك ..

.. ضحك من جديد ..
وشد شعري من وراا ليمن رفع راسي فوق
عشاان اطاالعه ...


وشد بقووه وهو يتوعدني ...
لدرجة اسمع طقطقة تقطيع شعري بيده ...


/ قسسسسسسسم بالله ثم قسسسسم
لو عدتي هالحرررركه مره ثاانيه*
لانسيتس حليب امتس ..

.. احد من اهلي والاا اهلتس
تنقلين له حرف من اللي بيناا
لاادفنتس بهاالبيت قبل يوصلون لتس الفزاعه..
.. هالمرره قلت جااهله وماحذرتس ...
ومن بعد اليوووم لاتلومين الاا نفستس ..
صررررخت بالم ..
ودفني على وراااي بقووه ..
قالي وهو معطيني ظهرره ...


/ رحلتي بعد بكره ..
جهزي شنطتي ..
وانتي بخليتس عند اهلي لين ارجع ..
واشم خبر بس انتس معتبه البااب ..
والله لاذبحتس بدوون يمه ...
>> يمه / اتجااه القبله ...


.. التفت بقهرر ادور شي احذفه فيه ..
ومالقيت غير علبة المناايل ... !
خذتهاا بجنوون والدمع غشى عيوني
ومااحسيت بعمري الاا وهي تضرب بظهره ...



التفت علي بنظره .. طيرت كل جنووني ودفقت عقلي ...
قلت وانا مدري ووش قلت .....
/ آسسسسسفه ماااقصدت ...!

*

•
•

*
[ طااارق ]
_______


.. والله لاعلمهاا كيف تخبي اسرار البيت*
على اصوله ..
.. بس خل ارجع من السفر ..
وتظبط اموري والتفت لهاا ..
ع بالهاا اللي صار موقف وعداا ..!!
لااا .. ياحبيبي ..
والله لاخليهاا تااكل اصابعهاا ندم ..
بس خل ارجع وارووق لهاا ...


.. قلت لهاا كلمتين ع السرييع كانت *في خااطري .. وطلعت ..
وقبل لا اوصل البااب حسيت بشي خفيف*
ضرب على ظهري ..
التفت .. شفت علبة المنااديل بين رجولي ..


صح ماتعورر ..
بس تحتااج تأديب ..
رجعت بالعن خير خيرهاااا ...
وقبل لا اوصل لهاا .. شفت الخووف بعيونهاا
وكاان مثل الفتيييل اللي شبني زوود ...
كنت بأجرم فيهاا ..
لكن حظهاا نطقه لساانهاا يوم قاالت ..
** / آسسسفه مااقصدت ..


.. *ههه كنت بنفجر ضحك على كلمتهاا
اللي من خوفهاا خربطتهاا ..
حاذفتني بكل قوتهاا وماقصدت !!!!!
ع طوول استدرت ولقيتهاا ظهرري
ان ضحكت على كلمتها وقدامهاا بتطيح هيبتي ..
واناا بصراااحه فيني شهووة ضحك رغم كل التعب اللي فيني ...
مريت جنب علبه المنااديل وحذفتهاا من فوق رااسي عليها ..
حااولت اضخم صووتي واناا اقولهاا ...
/ الحركه هذي تنعااد مره ثاانيه*
بقصد والاا بدون قصد اخليتس عبره لمن لايعتبر ...


.. ودخلت غرفتناا وع طوول ع الحماام
شلت ملاابسي واسترخيت في البانيوو
والموويه الدااافيه تضررب علي ...
وسكرت عيووني واناا احااول ارتب افكااري
وانظم خططي ...
اخذ ترف والاا اخليهاا ورااي ..!
ان خليتهاا مشكله وان خذتهاا مشكلتين ...


.. طلعت بعد ساعه الا ربع ..
وماشفت لهاا اثر ..
ي الله بالطقااق ..*
مصيرهاا تجي تدور رضااي ..
رميت الفووطه بتعب ..
بنااااام دااايخ ...
دق جواالي بمسج ..
ي الله صبااح خييير ..
من اللي فااضي برسل ذا الحزه !


[ ماقصرت ياالذيب .. الامور ضبطت والسفر تأجل لاجل غير مسمى ]

المرسل / عايش عم صديقي خالد ...!

ي الله ..
ليتني ما استعجلت ..
اصلاا كنت مقرر نا اعلمهاا الاا قبل السفر بسااعتين ثلااث ..
بس مادري ووش قردني وخلااني اقولهاا الحين ..!
*
**
.. ي الله ابرقد ..
واذا قمت شفت وش بسووي ..


•
•




[ ديمــــه ]
_______


.. صحيت العصر ..
وغسلت وصليت الظهر والعصر ..
الله لايعااقبني .. لاسهرت اجمع صلوااتي
يااووويلي من ربي ..
لو انه دواام جاامعه كاان حطيت المنبه
وتحسست من الووقت ..
زفرت بضيق على حاالي واهماالي لصلوااتي .. ونفسيتي الزفت ...
وكن ذباانه تلااطم وجهي ...


.. تذكرت الاايه ... ووعيد ربي ..
[ ومن اعرض عن ذكري فإن له معيشةً ضنكا]


.. اكييد هالضيق والملل وعدم التوفيق
من اعرااضي عن ربي وذكرره ...
واهماالي لصلوااتي في وقتهاا ..،
.. سبحاان اذا حرصت على صلوااتي
ووتري وسنة الضحى وماهجرت كتاب الله
احس بسعااااااده وراااااااحه مااقد حسسسيت بهاا ..
وكن بدااخلي رووووح بتطييير من الفرحه ..
واذا تكاسلت عنهاا احس بهمووم الدنياا
كلهاا فووق ظهرري ..*


.. تجددت للصلااه ..
ونويتهاا تووبه ..
وياكثر ماا اتووب وارجع !!!!
دعيت من قلب ....
( يامقلب القلووب والابصاار ثبت قلبي على دينك )
.. الحيااه قصيييره ..
نضيعهاا في نووم ولهوو واكل ومتع الدنياا ..
واخاف يجي يووم الحصااد وزاادي ما يووصلني لمطلبي وغاايتي ..


.. بكييييت بندم .. وحسرره ..
ياكثرر مافرررطت .. ويخووفي من اللي بفرط فيه بعد ..!


..طوويت سجادتي ..
وتكحلت .. وحطيت قلوز يغير نفسيتي ..
.. ونزلت ...
سمعت صووت عزوز ونطيييت الدرج ثنتيين ثنتيين ...


.. ركضت بفرررحه وضميييته بقوووه ..
والعبرره خنقتني ...
/ مبروووووووووك عزييييييز*
يااحظهااا فيك والله .....


ضحك وهو يبعدني عنه ..
والتفت لغناادر وغمز لهاا *..
/ سمعتي وووش تقوول ...


احمر وجهاا من الااحرااج ..
وقربت وبحلقت فيهاا قبل اسلم ..
واحرجتهااا زوود ...
سلمت بحماااس والتفت لعزيز وامي ..
قلت بتهورر ..
/ يممممممممه جوزووووني
عشاااان ازييييين مثل هالعاالم
كل من اعررسس زاااااان ..
هاااه شوووفي غنيد .. قامت تلااصف كنهاا مرايه ملمعه *..
**

قرصتني امي ..
وخبطت كتفي ..
/ بنييت ماعااد يستحن ..
يالله ستررك ..!


ضحك عزيز /
هههههه اذكري الله ياابنت ..
حرمتي ماهيب قد عيوونتس ...

سحبتهاا بدفااشه ونفثت في صدرهاا
/ هااه ترااي نفثت ..
ماهووب بكره يجيهاا آفه وتفطس
وتقوول عينتس بعد ..!


.. ههههه رجمني بمسبحته ..
وامي تهلل وتذكر الله ..
ومتشققه من الونااسه ..


.. قعدت اقهووي غناادر*
واذني راميتهاا عند عزيز وامي ..
يتساسروون واحب مااعلي ..
مسااسر اللي توهم معرسين ..
احس اسراارهم اخطر من النووي وكل اسلحة الابااده ...


.. سمعت امي تسااله بهمس ..
/ بشرر يا ابووي ..!
عسااك مرتااح ...

رد بابتساامه تفطرت منهاا براطمه ..
وهو يمسح بكفه على وجهه ..
/ الحمد لله .. مااقد ارتحت مثل هالرااحه ..
عسى الله يتممهاا علي ....

*
لمعت عيووون امي بفررحه ودمووع ..
هي تحااتي تووفيقه ..
وشاايله هم ان *غنادر بديله لندى ...
ردت امي .. وهي تشد على يده ..
/ والله من يووم دخلت علي وانا امك ..
تمااريت الرااحه في وجهك ..
وربي شرح لي صدري ..
ياعساهاا زواجة الدهر واناا امك ..


.. رفع كف امي وحبه ..
واناا كل شووي التفت لغناادر واسلك لهاا ..
اساالهاا ثم افهي مع امي وعزيز القط بعض سواالفهم الخااثره ..
وياااااحبي للسوااالف الخاثره ....


.. قلت لغناادر ..
ووش راايتس بعزيّز !!

ردت بدلع .. تبي تقهرتي ..
/ عبدالعزيز لو سمحتي *..
والاا دلعيه *عزوز ..


صرررررررخت بقووووه /
وااااااااااااااااو ي حركااات*
هههههههههههههه
اجل عبـــ....


فضحتهااهههه .. وقرصتني ووجههاا موولع احمر
بعد ما التفتوو لناا امي وعزيز ...

.. كتمت ضحكتي ما ابي احرجهاا اكثر *..
تنحنحت وقلت اقلد دلعهاا ...
/ ااااااا عبدالعزيز ...
اااقصد عزوزززي ....


.. طالعتهاا شفتهاا تفرك طرف فستاانهاا ..
ورحمتهاا والله ..
*خااصه عيوون عزيز بتااكلهاا ..
هب ياهوو ماكنه قد شااف بناات ابد !!!

.. لو مايشووف من البناات .. الاا اناا ..
.. اكفي عن البناات كلهن ..


.. تااملتهاا ..
وتذكرت خشتي يوم شفتهاا *اوول ماقمت النوم ..
.. كشيت على عمري بنفسي ..
بس قلت ارفع لعمري ..
.. *ولوو اهم شي الاخلااق ...!


.. سمعناا صووت مسااعد مع عيااله ..
وجاا بيدرعم بدوون لا يتنحنح ..
نااسي اخيناا ف الله ان عزيز اعرس ..
وجاا في بيتناا انثى اخرى ..
ولاازم يفرمل ويتنحنح كل ماادخل وطلع ..


.. بسم الله ..
نط عزيز وسحب جلاال امي اللي طاايح وراهاا
وحذفه عليهاا .. وهو يقوول لمسااعد بصووت عاالي ..
/ لحظه لحظه مساااعد ..


فتحت الجلاال عليهاا .. ورجعت لوراا ..
وبعد ما تأكد *عزيز انهاا تغطت كلهاا*
رجع لمكاانه وقاال لمسااعد يقلط ..
مممم شكل مسااعد انحرج ..
سلم ع عزيز وباارك له ..
وباارك لغناادر بعد ما سلم عليهاا ...
.. خذ له فنجاال وطلع ...


بعدهاا ..*

عزيز قال لغنادر تلبس ..
وقاالي الحقه يبيني في كلمة رااس ..

قبل لا اقووم همست باذن غنادر بمرح ..
/ ههههه ياحظي اكيييد رجل ...


.. قبل لا اطلع التفت عليهاا
شفتهاا تمسح دموعهاا من الضحك ..
وغمزت لهاا وانا ااشر لهاا تدعي لي ..
ورفعت يديهاا لي .. كنهاا تدعي ...


وااااااااي ..
ودي اصور عزيز وهو يشااورني ..
عشااان الذكرى بس ..
.. يعني بشوف شكلي وانا مستحيه وخجلانه ..
بس اخااف ينقد علي ..
والاا يعصب مثل امي و يهوون ..


•
•


[ عبدالعزيز ]
________


.. حسيت بهمس قريب مني ..
رغم نوومي الثقييل الا انه دخل قلبي وعقلي من عذووبته ..


.. ما فتحت عيوووني ...
.. ابي اسمع زود ولاا ابي اصحى كانه حلم ...
غنادر بحيا وهمس */*

.. عزوز ... عزوز قووم ..
*.. خذت نفس .. ورجعت تحاول ترفع صوتهاا اكثر ...
*
ماسمعت رد ولاا اي حركه منه ..
.. قربت تهزه كتفه بشوويش ..
وهي تنحني عليه تبيه يسمعهاا ...


.. وانا استوعبت مكاااني وان البارحه عرسي ..
وان هذي غناادر ماهيب ندى ....
.. رحمتها وهي تحااول تقومني ..
.. بغيت افتح عيووني .. عشاان تدري اني صحيت خلااص ..
بس قلت ياولد .. رزق وجااك لاتطيره من يدك ..
خل اتشمشم هالريح الطيب ..*
والاا شبعت قمت ...

... حسيت اني طولت عليهاا
وبديت اطفشهاا ...
فتحت عيوووني *فجأه ههه وهي شهقت بخووف وترااجعت ورى ويدهاا على صدرهاا ..


... ولااول مره اقووم من النووم واضحك ...
قلت ببحة النوم ..
/ هههه وش فيتس ..!
ارتعتي من عيووني *...!


ردت بتوتر وخجل ...
/ اااول مره ادري ان عيوونك كبار !!
ماتوقعتهاا .... وسكتت .....


.. عيووني وسيعه وفيهاا شوي بروز ...
واذا فتحتهم ع الااخر .... اكيد بترتااع ههه ..


.. دخلت وغسلت ....
قلت واناا اتمغط برااحه بعد ماطلعت ...
/ بنفطر ثم نمر اهلي ثم اهلتس ...


.. افطرناا وانا عيووني تذرع كل سنتي فيهاا ..
.. مممم احس الاا الااكيد اني مااهقيت بنصف زينهاا ولا بربعه يجي حلاالٍ لي ...


.. اناا صح متعلم ومثقف ..
لكني بعد رجاالٍ رااعي بر وغنم ...
ومااهنا زود زييين .. ولا فلااحه ..*
وكنت ابرضى باي وحده شكلهاا مقبوول*
واخلااقهاا طيبه ..


.. بس عقب شووفي لها ..
مااهقيت نفسي بتقبل باقل منهاا ..
اهب ياالانساان وشلوون طمااع ...
ااايه .. صدق ..
ما اجمل الدين والدنياا اذا اتجمعت معاا ..
قضيناا مفطرريين ..
وهي دخلت تلبس .. واناا ماااش ماانيب عزيز اللي اناا خاابر ..
ماانيب ذااك الصبور اللي صاام عن الحريم
حول 30 سنه ...
*

.. قمت اختررش كني حبة قهووه في مقلاه ..
مااغير وودي الحقهاا كل شووي واطل في وجهاا ....


ياااااشييين اللي ماابعد شااف خير ..!
ووين اشووف هالخير واناا مافي حيااتي شفت بنت الاا ديمه ..
وليتهاا تعد من البناات بس ...


.. سمعت طقطقت كعبهاا على الرخاام ..
واويلااااه .. قاام قلبي يطقطق مثله ...
اوووووووف وووجع ووش ذاا اللي صاابني ..!


.. كاانت تكلمني وانا والله مادري ووش تقوول ...
.. ما اسمع غير خبط قلبي ..
وعيووني ما تشووف غير ذا الورده اللي قداامي ..،


غناادر / عبدالعزيز ووش فيك !
اسألك اناا ....!


.. بلعت ريقي .. وقلت وانا اقرب لهاا..
/ هااا وش فيني .. !*!!!
ابجاااوب كل اسألتس دااخل ...


•
•


[ هياااا ]
_______


.. قهوويت ظاافر وفطررته ..
واناا كل شووي اسرح .. وشلون بفاتحه ..
..
.. تكلم وعيوونه تدور بووجهي ...
/ هووووياا *.. في بطنتس علم ..!
وووش عندتس ...!
مااغير تبوسمين لعمرتس ..
.. قعده عند اهلتس تراا ماافيه ..
رجاال اختس يمسي بعض اللياال هنياا
ولا يصلح تقعدين وهو فيه ..!


.. رديت واناا اركز عيووني على وجهه
ارااقب ردة فعله بتدقيق ... وببتساامه ..
/ ااااه ابشرررك ... انا حاااامل ...


.. كان مرتخي ع المركى وممد رجووله قداامه ..
.. من سمع كلاامي فز ونصب قعدته وكفكف رجوورله ...
/ تقوووولينه صااادقه !!!!!!!!


قلت بعتب ودلع ...
/ لااااا اكذب يعني !


رد يسترخي *ووجهه تبدلت ملااامحه من الاستغراب للرااحه والفرحه وابتساامه بسيطه ...
/ عمى امدااااااااتس ...!!
لي 6 شهور شارن لي نااقه ولاابعد لقحت ..
وانتي في شهر ونص قلتي به !!!



.. شهقت بزعل ....
وانفجررت فييييه ...
/ هــــيء تشبهني بناااقه !!!!!
وليته تشبيهن زين *الا تنظلني بس .. !
.. لاا اله الاا الله *..
الشرهه علي اللي *مبشرتك .. وبجيب لك زود خير..


.. قمت وتلني بيدي لين بغى يخلعهاا من مكانهاا ..
ظافر / ههههههه امزح معتس ياا بنت ..
الله يبشرتس بالخيير ...
والله اني شفقاان على صغيير*
ومشتهييه شهووه ...
الحمد لله .. *الله يتمه على خير ..
وايقوومتس بالسلاامه ...


ورد يده لمخبااه وطلع لي رزمه فلووس*
رمااها بحضني ...


/ هذي بشاارتس ياآم هيثم ..،
*وبمزح / ... ههه ذا الدراهم مكتوبتن لتس
كنت ابشتري بهاا نااقه هههه ..
.. شفتي بركاات الناااقه ...


.. دخلتهم في صدري بفرحه ...
.. الله يباارك في النياق ورااعي النيااق ...


.. قلت بلقااافه ...
/ ظااافر الاا ام محمد وراهاا ماعاد جابت احد عقب سهام بنتك !!!


رد بثقل / كتبت ربي ..
سآلت بفضوول / ادري كل شي كتبت ربي ..
بس وووش السبب !!


رد بطوولة باال ..
/ الوحده تنشد عن اللي لهاا
واللي مالهاا فيه لاتنشد عنه ..



قهررني واجابااته الباارده ..
.. قلت ابي استدرجه ..،
/ ممم يعني فيهاا شي يمنعهاا من الحمل ..!
وبخبث كملت */ والاا ما تنااااااام معهااا ..!


.. كان رافع فنجااله بيرشف منه ..
.. وما امدااني اكمل كلمتي الاا وضاارب بفنجااله الجداار ..
صررخ فيني بغضب ...
/ اقطعـــــــي ..
.. لاعااد اسمع منتس ذاا الهرج لااقلب نهاارتس ليل ...
شين ماا يعني لتس لا تنشدين منه ..
وطلع وضرب البااب ورااه ...


.. بسم الله ...
وراااه عصب ...!
اووف منه يقهرر ..
طنشته .. هو وحريمه ..
وطلعت الفلووس من صدري وقعدت اعدهم ..
ضحكت بفرحه ..
/ هههههه اشووا ان الزعل ماجا الا بعد*
ماعطااني البشااره ...
وكشيت ورااه وطلعت لسااني اغيضه
وهو قد طلع من زمن جدي ...



•
•


[ مريـــم ]
_______


.. شفت سلماان جا ..
واستااذنت منهم اخليهم على راحتهم ..
كلمني ابوه .. وشكل احدٍ موصيه ..
لانه طلبني نروح للدكتوره مثل ماطلبت هياا*

.. استحيت ارده وانا اشوفه احرص مني ..
.. ادري ماهوب حرصه كله على العيال
الاا علي انا بالذاات ..*
يبي لي ظناا عقب عينه يرفعووني ..
يالله المستعاان ..*
الله العاالم من الااول ..
والاا *بطوول عقبه والا بلحقه ما ابطيت ..


.. عند الدكتوره ..
/ المدام يمكن مو محتااجه منشطاات ....
لكن بما انهاا في هالعمر المتقدم*
فالفرص طبعاا اقل ..
ولاازم مانضيع الوقت ..

طبعاا لازم تكونون على بينه من نتاايج المنشطاات ..
احتماال التوآئم واارد بشكل كبير ..
والعدد علمه عند الله ..
ممكن يكوون واحد او اثنين اكثر او اقل العلم عند الله ..


ابو سلماان بتفااؤل /
خيير و ببركه ..
عسااهم اثنين والاا ثلاااثه
اللي من الله حياهاا الله ...
***

.. استخرت وببدا فيهاا هالشهر
حماس ابو سلماان اخجلني ..


.. قال لي وهو يسوولف ..
/ ترا بفصل الدورين عن بعض ..
اعرف ام سلماان مالها خشير في رزقهاا
..
وعشاان تاخذين راحتس بعد ..
ان بغا اخوتس يجي يمسي عندتس
والا لابغن خوااتس يتجمعن عندتس
والاتس في بيتس حره ماالاحدن عندتس شي ...


.. رديت واناا اردد العبرره ..
ابو سلماان رجع لي حناان امي وابووي اللي فقدته سواا ..
.. وشاال عني همووم وهي ماهيب له ...
.. قلت /

الله يجزاااك الجنه يابو سلماان
ما ادري وين اودي جماايلك فيني وفي خواتي واخواني ...


رد وهو يمسك يدي*
ويضغط عليهاا ..
/ افااا عليتس بس ...
ماسوويت شي ..
انتم اهلي ومسؤوليتي ...
وغمز لي وهو يضحك ..

/ بس الله يهديتس
لوو انتس موافقتن علي قبل عشر سنين ..!
ولو ان خاطري فيتس من قبل 20 سنه ..
*يس يومهاا ماتهقوويت فيتس ..
اناا معي مره ..
وانتي ابوتس وامتس حيين مابعد ماتو الله يسكنهم الجنه ...
.. بس شووفي دبرت ربتس ..
مكتوبتن لي من قبل *تلفين بمهاادتس ..
بس ربي ماجمعني بتس الا بعد اربعين سنه ..*

.. عجزت انطق ..
معرووفه اعجزني عن كل الكلاام ..
كني ماعشت من عمري الا هالشهرين ..


•
•


[ سااره ]
______



عزتي لمن حب مقفي ..
كنت احس بهالشي من خذت سلماان
لكن كنت احاول اتجااهل واعمي عيووني
عن صده لي وهجراانه ..


بغيت امووت لين حملت ..
وجبت ثلااثه كلهم على بعض ابيهم يربطووني فيه ..
لكني كنت احس ببعده بعد كل ولااده لي اكثر واكثرر ..
.. نظرته نظرره عاشق محرووم ..
وسرحاانه سرحاان الموجوع من مرارة الفقد ..
.. الوااحد يعرس ويسمن ..
وهو كل مااله وثياابه تخط عليه من نقص الحاال...
.. يتهمووني بالتقصيير والاهماال*
والرجاال موولي .. ماهووب يمي ابد ..
.. حاااولت وحاااولت وحاااولت مية مرره*
ابي اجذبه لاحضااني ..
واحتوويه بحنااني ..
بس هو حاط بيناا حوااجز من شووك
كل مااقربت له .. جرحتني في مقتل ..
.. في لحظاات ضعفه .. يدور حضن يدفيه .. ويغلط ويناديني باسمهاا *...
ضمينـــــي ياريم .. حيييييل ضمينـــي ...
ضرب بيده على محل قلبـــه وقال بهمس موجووع ....../

ي قَلبــْــيے .. *
تكــفى وقف !*
ترآك صآير حـيل توجعني ..


.. وفي عز مرضه والمه .. يهذي باسمهاا ..
.. وحتى بساعاات فرحته هي شريكته ماهووب اناا ..
اناا مجرد متفرج ... لفريق خسراان ..
ابطااله اناا وعياالي ..!
*



.. ماكنت ادري من تكوون ۿ الريم
اللي سرقته قلبه ورووحه ..
وخلته لي جسد ماافيه عرق ينبض بحيااة ...!
*.. وبين عشيه وضحاهااا ....
جااني والدنيااا مااهيب ساايعته من الفرحه ..
.. استغربت شكله .. وكنه بشر ثاااني ...
ضمني بقوووووووه ... وقااالي بالم وامل ...

/ هااااااانت هااانت ياسااره ..
*.. الخاافق لقى علاااجه ..
لقى علاااجه وبتبري العله ...


هه لااول مره يشااركني فرحته ..
ولاا يغلط باسمي ....
لانهااا فرحه له ولهاا واناا الجمهور اللي يبيه يصفق له ويباارك ويهني ....

... كنت وقتهاا اجهل معنااه ...
والامور عندي ظن و وسااوس ..
مااهقيت ان الظن حقيقه ..
والوساااوس لهاا اسااس ...


.. ما انتبهت انه فرحته الخراافيه ...
تزااامن طلااق ريم بنت خاالي ...!


.. ويوم ذبحني بخبر ملكته عليهااا ...
بغيت انجن .....
مااخليت احد ماشكيت له ...
ولافضخت نفسي عنده ...


لكن اللي صحاني من غفووتي وتخبطي *..
هو وحده من الجيراان اللي شكيت لهم ...


قاالت لي يمكن انتي منفووسه عنده
او مربووط له *عمل صرف عنتس ..
بنرووح لحرمه تقرا عليتس ....
وللااااسف ......
.. طلبت مني اسمي واسم امي ..
*واسمه واسم امه .. واثررر منه ...
واربعه الاااف قبل تعقد شي ....؟!


.. طلعت من عندهاا واناا كني مصفووعه
على وجهي ....!
.. صرت اتلفت في هالحررييم اللي ماسكين سراا عندهاا ....!
هل كلهم باعووو دينهم بدنيااهم !!!
هل رضووو بمس سقر عشاان *احد من الخلق ونسو الخاالق ..!
نسوو او تناسووو من امره بين الكااف والنوون ...
.. نسوو ان الله يعلم الجهر وماايخفى ..!
والاا كلهم جوو على عمااهم مثلي !!!
والاا جااهلييين زيي !!!!


.. حسييت بدووخه ..
ومعدتي تقلب *علي ...
يااااصغر هالدنيااا بعيني وياحقاراتهاا
اللي تخلي الوااحد يبيع دينه عشاان دنيااه ..
*
.. بالموووت قدرت ادل طريقي واطلع *..
وانا احس اني في وحل حثاااله ..
ابي اطلع قبل تخسف بي الارض من غضب ربهاا ..
والاا تطبق علينا السما من شد ما تستر ...!


.. دخلت البيت وخوااتي مابعد جو من العرس ..
.. بدوون تردد اتصلت في ريم ...
بعدين سكرتهاا ... قبل يدق ..
من بكره الصبااح .. دقيت ..،
والغير متوقع ردت علي ...
وقبل انطق بحرف *... ردت بصووت باكي
لانهاا عرفت من اكوون ..

ريم بتبرير */ ورب البيييييت يا سااره
مااالي وجه اقاابلتس ...
.. والله ماابغيييته ولاا بعمرره طراا علي*
.. ولاا في نيتي اجرح بنت عمتي
واذووقهاا المر في اعز ماا تملك ...


اناا كنت راافضه الزوااج كلياا
وشلوون وهو رجل بنت عمتي وابو عياالهاا

لكن احلف لتس ..
انه سعى لي مااسعيت له ..
وكنت برده بس نصيبه سااقه ...
*يعلم ربي لو يبي يطلقني ذا الليله
انهااا ابرك سااعه ولاا احس خااطرتس*
بحرف ...

*
رديت ب الم وهدوووء ...
/ اااااه يااارييم ...
انااا ابييه وهو يبيتس ...!
*

زواجتس منه ماهوب مقدم شي ولاا ماخر
اناا كنت انتظر هالشي من سنيين ..
.. ووقووع المكرووه اهوون من انتظااره ...


.. سلماان ترااه روووحي ياريم ..
كاان بيدتس سعاادته لا تبخلين عليه ..
يعلم ربي ان كلاامي لتس كن جمر يحرق جووفي ..
لكن شووفته وهو كسير يرجي طيفتس يمر احلاامع كسر قلبي وذووب عيووني الثنتين *..
و شووفتي له عقب مالقااتس ...
ردت له روحه وسرقت مني حتى الهواا ..



امنت بالله .. وعليه توكلت ..
كاان لي والاا لتس نصيب مع سلماان
بنعيشه ...
وان كتب ربي لحداناا فراقه ...
ف الله يصبر كل مغبوون ..
والحين يا بنت خاالي ..
ربي كتب وقدر عليناا نتشاارك في رجاال ...
.. لكن مانبي نتشاارك في غييره ..
.. طوول ما اناا على ذمته ما ابي اشووفتس
في بيتي ..
ولاا انا بطب لتس بيت ...
*لاا ابي لسااني يخاطب لساانتس ..
والحين ....
في اماان الله ...



سكرت منهاا وانهرت ابكي ..
مدري اللي سويته صح والاا غلط ..!
*
*
*

•
•


[ سلماان ]
________


.. من بعد مارجعت من بيت طارق
لقيت جواالي فيه كذا رسااله*
** ...

.. فتحت اوول ثلااث ...
كلهاا كوول من ريم !!!!!!!
والراابعه *منهاا بعد .....
[ سلماان الله يوفقك .. مثل مادخلناا بالمعروف*
نطلع بالمعرووف .. وبدون مشااكل ]


.. ووش فيهاا ذي ..!
انهبلت ..!
مسحتهاا بغضب و قهر ..
وفتحت الخامسه ..
من خواات ساره من جوالهاا مرسلين ...
[ ساره شوي تعباانه .. بمستشفى ..... ]


.. توجهت لسااره ..
ابتطمن عليهاا ثم اشووف ساابفة الخبله ذي !





*



[ انتهـــى ]*
_______






*





*




**





*









*
*


*


*
*

السلام عليكم..
ام سووووووووووووووووووونه مشتااااااااااااااااقه مرررررره مرررررره لمحلي هنااااااا..
ترى والله اقرأ كل جزء ينزل بس الوقت والله مافيه وكل ماقريت جزء دعيت لتس ان ربي يسعدتس مثل ما انتي مسعدتنا واكثر بعد..
ما ابي اقووول انا معتس حتى لو مارديت لاني ما احبها وانا اقراها بالردود فكيف عاد اللي يكتب وبتعب ويبدع.. وباذن الله باذن بحاول اكووون متوااجده هنا وانتي تستاهلين ان الواحد يفرغ نفسهع للرد عليتس مثل ما انتي مفرغه نفستس عشان توسعين صدورنا وتكونين متواجده معنااا وتحاولين تكونين ملتزمه وما تتركينا مثل ما غيرتس سواااا>>>فيس يقصد ناس ثانين حبهم ولا اهتموا فيهم..تهي تهي تهي..
المهم ام سوونه حبيت اقووولتس عزيز وغنااادر جنااااااااااااااان ويهبلون و رحمت عزوزو اللي طلع حبه لندى خراط وخبال طلع كله افتتان بجمالها وشكلها وجته اللي غطت عليها وعلى الاسطووره الكاذبه اللي بعقله..

اما عاد ديمه فهي الابدااااااااع الحقيقي هناا ..تجنن هالبنت عليهااا خباااااااااااااااااال مااشفته على احد ..بعد التفكير اقووووول امممممممممممم يمكن انا..هخهخهخهخه

رياض صراحه محله فاااضي.. ياليت نشووف له تواجد مع ديمه بالجزء الجاي.. اما صراحه اللي قهرني بجد سلمان.. يقهرررر يقهرررررررر يقهرررررررررر ويحر القلب سلمانوه يوم انك تحب ريم حبتك القراده حبها بينك وبين نفسك يااحقير .. ابغضك ابغضك الله ياخذ عمرك .. فرحان ان ريم صارت لك وعرفت اسم سااره.. على انها كانت تبط كبدي بس انت ماخليت لاحد عقب خبالك خبال..

ام سوونه الحين لازم اطلع بس قلت مستحيييل ادخل ولا اقول لام سوونه اني اعتذر عن عدم توفري حاليا>>حشى مكامله تلفون مب ادميه..هخهخهخهخه

لي عوده اذا الله احيانا باقرب فرصه...
دمتي بود ياغاليه..

اتعــــــــــــــــــــــب اقووووووووووووووووووووووووووووووول اقووول مبدعه يااااام وســـــــــــــــن


كل شخصيااااااااااااااااااااااااااااااات الروايه فلـــــــــــــــــــــــه مرررره يوسعووون الصدرخااااصة مع اللهجه اللي تجنن

الله يسعدك يامبدعه