السلاام عليكم ..



بأذن الله في بارت الليله ..
انتظروووني ..

مرحبااا ..


اول شي .. اليووم طويت آخر صحيفه من اعمالنا للعام الماضي .. نسأل ان يكون لنا فيها من الحسناات ماهو شفيع لناا ولكم يوم القيامه ..
واستقبلناا عام جديد .. نسأل المولى جل شأنه ان يجعله عام خير وبركه وامن وامان وسلامه واسلاامه علي وعليكم وعلى بلادنا وسائر بلاد المسلمين ..

.. حبيت استقبل العام الجديد معكم ببارت متوااضع .. اتمنى ينال شئ من رضااكم .. لو لم يصل للرضى التاام ..
ثاني شي / اعتذر ثم اعتذر ثم اعتذر عن انشغاالي عن الردود .. واستفساراتكم جاوبت عليهاا بالبارت .. >> شكلي بوضف احد يرد ع لسااني ههه صدقت انهاا بزنس وومن ^ ^


.. توكلناا على الله ..


السلام عليكم ..




[ 16 ]
____


.. من ركبت معــه وقلبهــا يرجف من الخــوف ..
.. هو غامــض بالنسبه لهاا ومبهم ..
ما اهتمت بغمووضه قبل لا تشوفــه ..
ولا حااولت تبحث عن اي شي يخصــه ..
تبـــي تكتشف كل شي بنفسهاا ..
ماهوب مثل طاارق اللي حتى هي مو بس ترف
عرفت وش يحب ووش يكره وكيف شخصيته
من كثر كلاام نجوود عنه ..
توقعت امررين ..
يا انهم يحبوون طارق اكثر من عزاام ..!
او انهم يجلهوون حيااة عزام وطبعه لبعده عنهم ..


.. لكن هـ الحين .....
مااا تبــي تكتشف شي ..
ولاا تعرف عنه اي شي ..

تبــي تبعد عنه لاابعد مدى وبس ...
ناظرت بطرف عينهاا له ..
بس ماا تبينت ملاامحه زين مع هـ الظلام ..
*من ركبــو لهم حواالي السااعه ...
ما سمعت منه الا ...
ترحيـــب وسلاام رسمي ..
و نبذه بسيطه عن وظيفتهاا وعمرهاا .!


بدت اتحس بالراحه وجسمهااكلـه يرتخي حتى جفونهاا ..
السيااره ظلاام .. والمكييف باارد ..
و سيااقته راااكده .. وهدووووووء ..
واهم شي .. قرآن يتلى بصووت خاشع و منخفض من المسجل ...
مااا قدرت تقاااوم النووووم ..
ترااخت يديهاا عن جوالهاا اللي بيدهاا
وطااح على طررف فستااانهاا ..
اللي ما بدلته قبل تمشــي ..


التفت على صوووت بسيط كنه سمعه ..
وحس انهاا نايمه ..
شغل اللمبــه اللي فووق راسه ..
والتفت يشوفهاا ..
.. ناااايمه بعمـــــق .. ووجها لآف للجهه الثانيـــه ..
.. سكـــــر اللمبــه وركـــز على طريقـــه ..
لو سامع كلاام ابووه واخوانــه ..
وممسي الليله فـ الريااض ..
و بكــره تسهل للشرقيـــه ..!


.. بعد ماا يقـــارب السااعتين وقف بـ محطه
و فـــزت بشهقــــه .. ما تدري هي ووين ومع مين ..*
ندى / يمــــــــــه .. ويني فيـــه !!!

بقفاا كفه اللي حطهاا على صدرهاا
رجعهاا للمرتبــه تسند عليهاا *..
دااري انهاا حالمه اكيــد و مفزووعه ..

عزام بهدووء */ سمي بسم الله عليتس
حناا فـ محطه ..
بنعبي ونااخذ كافي ينشطناا ونمشي ..


.. ولااا حرف نطقت ..
تراجعت بخجل وسكتت ..

.. تطمنت شوووي ..
بس لازال عندهاا رغبــه شديده انهاا
ترجع للريااض ولاهلهاا وبيتهم وغرفتهاا
وتنسى العرررس و همـــه ..


.. اخذ 2 كفي وعباا بنزين .. ومشــى ..
.. انقهررت من نفسهاا وعناادهاا
انهاا ما غيرت فستانهاا قبل تركب ..

طاالعت بساعتهاا وتأففت ...
السااعه 2 توهاا .. متى يجي الفجرر ..


حس انهاا طفشت من الطريق مع هـ الفستاان وتكلم ..
/ ما عااد بقاا الا خير ..
سااعه الا ربع ونوصل ...


.. واااول ما طلعت لجنااحهم بالفندق ..
هي دخلت بعد ماا رحب بهاا ..
واستاذنهاا انه بينزل يخلص بعض الامور
مع الرسبشن فيماا هي تبدل والعشاا يوصل ..
.. دخلت تبدل ..
وعكس ما توقعت ..
لقت بـ الغرفه مفتااااح ..
كنهاا مبشرره .. قفلت البااب مرتين ..
ورمت نفسهاا ع السرير ..
و ناااااااااااااااااااااااااااامت ...!



•
•


.. [ تـــرف ]
________


هاالكيس له يوومين جوا الدولااب ..
اكيييد نااسيه ..*
غبي .. مفرووض يحطه قدام عينــه عشان لاينسااه ..


.. جااني فضوول ابي افتحــه ..
بس هو مغلف ولاا عليه بطااقه ..!

كم مرره فتحت بااب الدولااب لعله يمر من عنده ويشووفه ..
بس التنح يمرر من لمه ويسكرر الباااب ..


جاااني احبااط ..
ووجع لايكوون الهديه موب لي بس ..
والاا من فيهاا ..

.. طلعتهاا وقربتهاا لاذني ..
.. *ورجيتهاا بشوويش
يمكن يتبين لي شي ..
لااهي طقم ولا هي سااعه .!


عقدت حواجبهااا بتفكيييير ...*
اجل ووش ممكن تكووووون !*


.. رد هو بابتسامه وهو مستكر فعلهاا */
.. افتحيهـــــــا ..*
بتتاأكدين اكثرر ..


.. نزلتهاا بخجل ووجهاا يتقلب الواان /
ااااااا موووب قصدي ..
بس قلت يمكن ،..،ااااا.....

ضحك /
ههههه قلتي يمكن نسااهاا ..
و فعلاا هذاا الصح .،

هذي صبااحيتس ..
مفرووض امس اعطيتس ايااااها
بس نسسسسيت ..!


.. بلعت ريقهاا وهي تسب نفسهاا
ولقافتهاا .. لوو ماتعرف كل شي بتمووت من الفضوول ...


... قرب واخذهاا من السررير ومدهاا لهاا ..
/ افتحيهااا ...

حست عيونهاا تبي تهل دمووع صرفتهاا ..
*نااظرت للسقف ويمين وشماال تبي ترووح الخجل عنهاا ...


حس باحراجهاا وفتحهاا هو ..
قربهاا عند مجاال نظرهاا وتكلم بهدووووء /
ماادري ذوقي يعجبتس والاا لاا ..
وماا ادري هي تنااسب تكوون هديه لهاالمنااسبه او لاا ..
بس اللي وااثق منه ..
انهاا بتكوون على يدتس شي مميييز ..
وما يستاااهلهاا غيير يدتس ..


.. وكاانه قااعد ينفخهااا بهوااا ..
الدموووع جفت وجسمهاا تمدد من نشووة الاطرااء ..
زادت ابتساامتهااا ورجفة قلبهاا وهو يمسك بيدهاا يبي يلبسهاا ..
سااعة جلد حمرااا محدده بفصووص مترااصفه من الالمااااس بكل الالواان ..
ومعهاا خمس تبديلاات للسير بخمسة الواان مختلفه ..
بني واسوود وبييج واورنج واخضر عشبي ..


.. سكرهاا عليهاا ومسك يدهاا يتأملهاا
وحلاااوة السااعه بيدهاا ..
وكاانهاا غيير اللي شراهاا ..
طاااالعه احلااا و افخم من مجررد كونهاا سااعه بيد ..
مااحس بنفسه وهو يغمض عيووونه .. ويقربهاا لشفاايفه ويبوسهاا ..
تنحنح يبعد حررجه .. وتركهاا بهدووء /

.. خووذي اغرااضتس اللي تبين ..
والبااقي بنمر البيت ننزله ..
واذا تبين شي من اغرااضتس اللي فالبيت ..


.. صحت من احلااامهاا اللي عاشتهاا لثوااني .. وهمست ببحه ..وعيونهاا حواليه موب عليه ..*

/ بنمر اهلي او اهلك اوول ..!

/ لاا اهلي نتغدى عندهم ..
ثم اوديتس لاهلتس العصر ..
وامرر آخذتس المغرب ..

.. تأكدت من اغراضهاا ..
وعدلت مكيااجهاا .. وتركت شعرهاا مثل مااهو ..
بدلت ملاابسهاا وتعطررت وطلعت ..


•
•



[ هياااا ]
______*


.. طلعت اتقهووى العصرر معهم
بعد ما ارسلي ظافر بنته ..
بغيت ارفض وماا اطلع لهم ..
بس ترااجعت فيني فضووول اشووف حريمه*
ومعااملته لهم ..


ترددت ووش البس .
جلاابيه زرقاا منقووشه بفضي ..
من مستواااهم .. بس لااااا ..
طرت لي فكرره العن ...

... لبست بنطلوون بيج من الكتاان ..
وبدي اورنج كت ..
حطيت حيلي بالتزين والاكسسواارات ..*
اخذت معي جلاال احتياااط ..


.. ملتفين حووول القهووه ولاا احتروني ..
يتقهوون برااحه وسواالف بسيطه ..
ولاا كن ضييفه بتجيهم ..

ترددت ووين اجلس ..
بس شفت الجهه الثاانيه من المركى اللي متسند عليهاا ظاافر فااضيه ..
وحريمه مقاابلااته وبنت على يمينه ..

وقفوو لما حسوو بي وسلموو علي ..
ووحده تحفتني مررره والثاانيه كني ذابحه جدهاا ..
>> تحفت .. سلمت بحفاوه وترحيب*


.. مشيت بثقه وتعديتهم متجهه لظاافر ..
اللي حااسه عيوونه علي من دخلت ..
ويرااقب سلاامهن علي ..

.. انحنيت وحبيت رااسه واناا اقووله ..
/ صبااح الخييير ظاافر ..

مااكنت نااويه اسووي هالشي
بس يووم شفت سلاام القشراا استلعنت عليهاا عشان اعلهاا ..
وماا حبيت اقووله ابو محمد واكبره علي قداامهم ..
هههه بالمووت مسكت نفسي لا اضحك
من شكل ظاافر المنحرج والمتفااجئ من تصرفي ..
حسيته ارررتبك وهو يصررف ويقوول /
نوااال صبي قهوووه لبنت سند ..

ابتسمت واناا الااحظ تخبطه وحررجه /
مممم اخت سند مااهوب بنته ..


.. مد الفنجاال لي واناا متكيه ع الجاانب الثااني وبيني وبينه المركى بس ..
ونظراااته تهديد ووعيد نزلت رااسي بسررعه
ماابي اشووفه وانفجرر بالضحك قدامهم من اوول لقاا ..

قرب لي التمرر ..
وهمس لي ..
/ شغلتس عندي ..
بس استفررررد بتس ..




وفزت اللي اسمهاا *نواال كنهاا مقرووصه ..
دقاايق وطلعت معهاا صينييه فيهاا*
اربع انوااع حلاا ..
قاالت بمررح وهي تقدم لي الصينيه اوول وحده قبل ابوهاا ..
هاالحلاا من يديني ..
مسوويته مخصووص لعيوونتس وعيون ابوي ظاافر ..


قلت بادب /
مديه لابووتس اوول ..



ردت بطيب خااطر /
ابووي ظاافر ماايحب الحلاا ولااياكله
بس شكله من بعدتس بيطيح فيه ..

ابتسم ظاافر لها *وهو يهووب عليها بخيزراانته بمزح وهي تبعد /
هه مااكليت الحلاا واناا اول شباابي
اكله تاالي عمرري ..
يا الله حسن الخاااتمه ..


.. قهرررني ..
اللي يسمعه يقوول ذاا رجله والقبرر ..
ماا كنه باول الاربعين ..!
بس صدق كلاامه كلاام شاايب ..



رديت بدلع اسمع الكل /
يوووه ظاافر تووك عريس وبعز شباابك ..
وبمزح .. بس هاااه ..
تراا ختاامهاا مسك ..
ماعااد نبي راابعه .. *


ام محمد بهمس لام فهيد*
وكبدهاا مندبله منهاا /
جعل تشيب عيووتس ..
والسكوون يسرحون بتس ..

*

سالته بهدووء وهمس */
بنتك هذي !!


.. هز رااسه لاا ..
هذي نواال بنت اخووي ..
بس في مقاام بنتي ..
ولا تسميني الا ابووي ..*

/ كم عمرهاا !!
/ في بحر العشررين ..


.. ماابين عليهاا ..
شكلهاا اصغر ..


سمعت صووت نحنحه وفز اثنيين ..
هو *و نوااال ..
نواال سحبت جلاال امهاا اللي على كتوفهاا
وتغطت وجلست ..

واناا امرني ظافر بصووت حااد وحازم
رغم انخفااضه /
قووومي لبيتس بجيتس هالحين ..


قمت وقاامت معي نواال
تطلعني مع بااب المطبخ اللي*
يطلعني على بيتي ..
او بالاحرى شقتي الصغيييره جداا ..

ساالت نوااال /
من اللي بيدخل !

ردت /
محمد ولد ابووي ظاافر ..
وفهيد اخووي .. وناصر ..


مسكت رااسي بملل /
ووش فيكم قلبتووو رااسي ..
وليش دخلتي ..!
مادامهم اخووانتس .!

محند يعتبر ولد عمي مااهوب اخووي ..
لان ظاافر عمي مااهوب ابووي ..


ونفس الشي ..
سهاام لاكبررت بتغطى من فهيد اخووي ..*


.. داارت عيونهاا بعدم فهم .. وضحكت نواال ..
نواال / اناا وفهيد عياال ناصر اخو عمي ظاافر ..
جاابت امي من عمي ظافر *..
نوره وناصر ..
عمرهم 16 و17بس*

وعياال ام محمد /
محمد 17 و سهاام 7 سنواات ..

استغرربت مررره .. كييييف ..!!!

هياا /
ورااه ماجااب ابووتس ظاافر من حريمه الا*
هـ الاربعه بس !!


نواال / لااا ..
ام محمد ماات لهاا*
بنتين بين محمد وسهاام ..
ولاعااد جابت احد بعد سهاام ..


هيا باانانيه /
جعلهاا مااتجيب غيررهم ..
.. مممم طيييب ..

وامتس .. ليش ماجابت الا اثنين من ظافر !!
نوال ببساطه / امي اكبر من ابوي ب 15 سنه
كان عمرها يوم يتزوجها ابوي ظافر 35 سنه ..
وهو شاب اول بخته امي .. وعمره 20 سنه ..
امي جلست 5 سنواات ماحملت من ابوي ظافر ..
ثم يوم تزوج هو ..
حملن حريمه الثنتين مع بعض ..
وام محمد ولدت قبل امي باسبووعين بس ..


طيب .. ليش ابووتس ظافر دخلني على عيااله
هم محاارم لي .. والا*فهيد ماهوب محرم لي ..


نواال باحرااج /
مممم يمكن عشاان لبستس ..
ابووي ظاافر ما يحب البنااطيل ..
وبعدين فهيد ماهووب محرم لتس
يعتبر ولد اخوو رجلتس ..
محارمتس ناصر ومحمد بس ..
ونوره وسهاام بنااته ..



.. تركتهاا بعد نفخت رااسي
ولخبطتني .. ورجعت لشقتي ..
ببدل واطلع اشووف عيااله ..
*

•
•


[ ظااافر ]
_______


.. تلفع وووجهي يووم شفت الشنقيطي عليهاا ..
ماا احب ذا البنااطيل ولاا اواطنهاا ..*
الله يعدمهاا ويقطع واردهاا ..
تسنهاا عاامل لا لبستهن ..


تووعدتهاا في نفسي ..
ذا المرره بتوعدهاا وانبهها ..
والمرره الجاايه ابفررك اذانها ان عادتهاا ..


قرربت ولفحني ريحهاا ..
حيهااا وحي ذاا الطييب الزييين ..


.. شفتهاا تنحني علي احسبهاا بتحتسي في اذني بشي ..
بس يووم حبت راااسي قداام عياالي وحريمي خضني بطني ..
.. وووووووجعه !!!
.. وووش السوااات !!!!


.. صررفت عمرري وانا ارفع صووتي
يصبوون لهاا قهووه ..
ابيهم ماعااد يبحلقوون فيني عقب سواتهاا ..
جت بنت الحلاال وتكت على يميني على المرركى ..
.. مااعمر حرريمي قعدن جنبي لاقد عندناا احد ..
ولاا عمرر حدن منهن تجررت على مركااي ..
مع اني مااقد نهيتهن عنه ..

ام فهيد تستحي ..
وام محمد هقوووتي انهاا ترعبهاا خيزرانتي
اللي اتقلدهاا داايم ..


.. لااحظت خز ام محمد لهاا ..
وعووذت عليهاا في سرري ..
هي بنت عمي ولاا ابي لهاا مضرره ..


.. دخلوو العياال ولااهووب وودي على غير العااده ..
ودي انهاا قعدت تكمل قهوتهاا وسوالفهاا ..
بس مع ذا المنقوود اللي هي لابسته لازم اقومهاا ..


.. ماصدقت العياال ياخذوون فنجاالين قهووه
الا وانا مستااذن منهم ..
/ احم ابروووح اشووف العماال وش سوو
بالعنز اللي امس تطلق ..
مااجاني منهاا بشيرر .. شكل ولادتها تعسرت وفطست ..


.. تسللت منهم ومرريت هيااا في بيتهاا ..
.. شفتها شكل توهاا دااخله ..
لان الجلاال تووه على تسوفهاا ..

مسكتهاا بقهرر /
ذاا البلا اللي انتي لابسته
لاعااد تطلعين به عند عياالي و بنااتي ..
اناا انهاهم عنه وانتي تجينهم تقاامزين به !!
> تقامزين = تطاامرين تركضين ^ ^


هياا /
ووش فيهاا ..
سااتر .. لاطلع لاايد ولا رجل ..!



قاالهاا وهو يرفع البدي اللي لابسته
ويطلع جزء من بطنهاا /
.. ابدن ماافيه شي ..
غيير انتس لادنقتي طلع ظهررتس ..
ولاارفعتي ظهر كرشتس ..
وكرااعينتس تواامى كن مااعليتس الا صرواال بس !!!!!


.. في بيتس لوووو تفصخين ترااه احب مااعلي ..
وفي غييير بيتس ظفر رجلتس لاااا يطلع ..
هـ المرره نبهتس ..
والمرره الجاايه ابادبتس ..


.. كاانت بتطنشه ..
وهي حاايمه كبدهاا منه ومن حرريمه
ومن قواانينهم اللي يحطونهاا ع كيفهم ..
بس تذكررت ام محمد واشتب قلبهاا ..

.. كاانت هااديه وتسمع كلاامه بصمت ..
ومشااعر بداخلهاا متماازجه ..!
حسته خلص كلااامه .. وقربت منه بابتساامه ..
لفت يديهاا حوول خصرره ..
ورفعت نفسهاا ع اطرااف رجولهاا تحب خشمه ..
/ من عيوووووووووني ..
كلااامك اوااامر ..
بس اناا جديده ع الشغل يا معلم
حلمك علي ..


.. العقده اللي بين حواااااجبه انفكت بدوون لاتستااذنه ولايحس بهاا ..
مااضرا بهالشي كله ..
لاا اللبس ولاا الدلع ولاا الكلاام الغنج ..
حرريمه ببراقعن ولا يشيلنهاا الا وقت النوم ..
وغير كذاا علاقته بهن في حدود الاوامر
والنواااهي ..


.. ضمهاا له ..
وهو وده يقوول تسلم عيوونتس
بس عجز يطلعهاا ..
طبيعته جااف .. ولايعررف يلين الحكي ..


.. تذكرر اللي وراااه فجأه .. وكنه صحاا من خدرته ..'
حس بالاحرااج من فهيد ومحمد وناصر ..
بيقولوون زابن عند مررته ومخلينااا ..

زبن >> لجأ ^ ^

.. تركهاا بهدووء .. وهو يتناوول غتررته اللي طااحت من الارض ..
صكي *بيباانتس زين ..
الليله بامسي عند ام محمد ..
وتساان تبين احد من البناات يمسي عندتس
فـ هو ازين ..


.. تضاايقت .. و بقهرر قاالت وهي تنفخ *..
/ ماااابي احد ..

/ بصررتس ماهووب لزووم
بس قفلي على عمررتس
وان بغيتي شي ..
ترا دريشه غرفتس تواازي غرفه ام محمد ..
طقيهاا ونسمعتس ..



استااذن وتركهاا ..
وهي رجعت بذكرياتهاا
للريااض واهلهاا اللي اشغلتهاا حياتهاا
والاحداث اللي فيهاا عنهم ..


•
•



.. غداا مختصرر ..
لاهله وامهاا وابوهاا واخوانهاا اللي حضرووه بس ..
*
.. دخلت بانااقه ملفته ..
وفيهاا لمعة وبرريق واطلااالة عروووس ..
وهو داخل قبلهاا يسلم *..
عيووووونه عليهااا ..
وفي نفسسه راااحه انهاا بلبسهاا وماكياجهاا واناقتهاا بتشررفه فأي مكاان ..
و بترضــي ذوووقه .

.. وانه محظووظ لانها بأسمه وملكه وتاابعه له ..



طووووول عمره يعشششق التميز ..
وذوووقه عاالي فـ كل شي ..
واختيااره بدقه حتى في ابسط الامور ..

بس بالزواااااج ..*
ماايؤمن بالذووووق والتمييز ..
مؤمن باانه حظ و نصييييب ..
ومهماا خططت وطلبت وتمنيت وسعيييت
مااالك الا المكتوووب من حلووه ومرره*
زينه و شينه ..
والحمد لله ان النصيب صااب ماخااب ..



فستاان سكرري من الجورجيك يووحي بانهاا لازاالت عرووسه ..
بكم فضفااض واسوااره بكبك اسوود ..
ويااقه مقفله ع الرقبه باازارير سوداا ..
وع الصدر مزموم *بخطووط طووليه مرتبه*
وماسكه ف الخصر ..
وناازل ببسااطه فوق كعب الرجل ..
وكعب اسوداا انيييق ..
*


.. غمض عيوونه يستمتع بريحة عطرهاا
لمن انحنت تسلم على امه اللي ما فكررت تقووم لهاا ..
وفتح عيوووونه بعقده حااجب لمن صحاا من سكرته على نغززه بجنبه ..


.. التفت .. وهمست له نجوود /
.. ماااكن لك يووومين مقاابلهاا وحافظهاا صم ..
اجل لو لك شهرر عنهاا كييف بتنااظرهاا .!


.. انحررج ..
كاانت ترااقبه وهو مااكاان حااس باللي حووله ..
ولا كن بالووجوود الاا هي ..
تنحنح وقرب لهاا بهمس /
ههه اكلي هواا ..
حلاالي واراعيه كيف ماا ابي ..



نجوود /
*الله يهني سعيييد بسعيده ..
بس لاتنساااا فضلي ..
اناا اللي حشيت مخهاا ببطولااتك ..
لييين خليتهاا تمييل لك .. وتواافق ..


طارق بثقه /
بتس او من غيررتس ..
كاانت بتواافق بتوااافق ..


قطع حديثهم *صووت امه الجااف ..
/ وشوو له السفرر والمخااسير
وانت حااط ماورااك ودوونك في ذاا العرس ..
يسد حلاالك اللي كبيته وعساا الله يربح
وماا يخسررك ..


.. رفع نظرره تلقاائي لهاا بيشووف
تأثيرر حكي امه عليهاا
وبنفس الووقت ماايبيهاا تغلط بحق امه ..
تداارك المووقف قبل ترد وتزيد الطيين بله ...
/ الحمد لله .. الخيير وااجد
والمخاسير لاصارات في مواجيبهاا ربح ..


.. ردت العجوز تهزاا به /
اااااااااااايه ..
خل يصببح الصبح .. ونعرف امناا من امكم ..
لياالي العرس ملس .... ولياالي الطلااق ....


.. تضاايق .. وقاطعهاا /
يمـــــــــه الله يرضى علييييتس ..
انا طاالع تبين شي .!

ردت بقهر /
ماابي شي .. سلاامتك ..


حط عينه عليهاا ..
تبييين شي !!*

تررف / .. ايه انتظرر شووي
بطلع معك ...


.. طلعت ورااه ..*
والعجوزز تطحن /
اعقبــــــي ياااااا هي ..
بتستفررد بوليييدي و بتحشاا راسه علي ..


نجوود /
يمممممممه اعووذ بالله
ووش ذاا الظن الشيين !


ام سلماان /
وووووصمه تصم فمتس وتقطع لساانتس *..



•
•


.. [ تــــرف ]
_________


مسكت نفسسسي لا ارد عليهاا لاسبااب ..
لاجل طاارق موجوود ..
و لاني في بيتهـــم ..
ولانهاا عجوزز شمطاا باخذهاا ع قد عقلهاا ..
وابحتسب الاجر .. مع اني اظن مافيهاا اجر ذا العجوز ..


.. كنت حااسه بنظراات الاعجااب من طاارق
وان عيوونه مركزهاا علي ..
مهماا حااول يسوي نفسه متجااهلني*..
ناظرت فـ امه ..
ياعوبهااا عوبااه !!
اخبر العجاايز كلهن وقار وعقل ورزانه ..
وفوق هذا بساطه وسمااحه ..
الاا *ذي جمعت عواابة العجايز كلهم ..




.. لحقته بااقووله لايتااخر علي ..
من يغسل يده من الغداا يجي يااخذني ..
ماانيب حمل امه الغوووله ..*
واستغفررت في نفسي ..


لحقته ومسكته بيده ابي اكلمه ..
فك يده من يدي ومسكني هوو من يدي ..

تررف / ابي من تنفض يدك من الغداا
وانت مووديني ..
وقبل لاتشررب الشااهي حتى ..


ترك يدهاا بهدووء وهو يرفع حااحبه ..
بعد الغدا بنقيل في غرفتي ..
واووديك العصر ..


عفست وجهها وردت بملل تحجج /
مااجبت معي ملااابس ..

قرب يده وهو يدخل اطرااف اصاابعه
بجييب فستانهاا .،
/ شكله مرررريح ..
يمديتس تناامين فيه ..


التفتوو اثنينهم مفزووعين *للي سلم من ورااهم /


ام فيااض تنبههم لوجودهاا
بعد ماشاافت قربهم من بعض ..
لانهاا ظنت فيهم ظن ثااني ..*

/ السلاام علييكم ..

ابتسم وهو يدير وجهه لهاا*
ويقررب يسلم عليهاا ويرحب فيهاا ..

وهي ضمت امهااا بقووه احرجت امهاا ..
دخلهاا طاررق على امه وخوااته في مجلس الحريم ..
ويده على كتوفهاا ببسااطه يمشيهاا معه
ويرحب فيهاا ..
وهي محرررجه من الووضع ..
لازاالت ماابعد تعوودت عليه
حتى لو كاان رجل *بنتهاا ..


.. وقفت ام طاارق بثقل في مكاانهاا
وهي ترحب بهدوووء ..
..*
وام فيااض تقدمت لهاا بشي من الرااااحه ..
وووجه بنتهااا ورجلهاا يطمن وبشرر بالتووفيق والخييير ..
بااااااقي نـــــــدى اللي كلت قلبهاا ..
كلمتهاا الصبااح وكلمت عزاام نسيبهاا
طمنهااا ووعدها بزيااره قرريبه ..
.. بس ما ارتااااحت لنبررته .. وصووووت ندى ماا طمنهاا ..
.. تحسهاا بترررجع لهم قرريب ..*


وبـ لبنااان كان اروع عسل قضووه مع بعض
مع انهم ماجلسوا الا عشرا ايااام ..

*
•
•


.. [ فيااااض ]
__________


انتظررر بس زوااج غناادر وارتااح من الهم ..
واسووي اللي خططت له من اكثرر من شهرر ..

.. طلعت من البيت وتوجهت لمحل دايماا
اخذ اغرااضي منه ..
شرريت ست تغييراات كاامله
وشراباات وجزمتين ..
وعطورر جديده ..
وشنطه جديده ..
مااراح اخذ من بيتي ولاا قطعه ..
بخلي كل شي جديد في جديد ..


.. مااحاولت ارجعهاا بعد تسقيطهاا ..
ما دامهاا ماطلبت تررجع ..
وفرصــــه اسووي اللي ابي ..


.. ومن اسبووع ماكلمتهاا ولاا كلمتني ..
.. هييييين نجووود ..
من اليوووم وطاالع بتشوفين فيااض غير اللي عرفتييه ..
بس خلي هـ الاسبووع يعدي على خيير
و غناادر تسهل لبيت رجلهاا ..


•
•




[ نجوووود ]
________



.. اضحك و اسوولف وكن الباال مرتااح ..
.، مااصدق يطلعني من المستشفى عشاان يقطني عند اهلي ويرتااح مني ..


.. ولا كلف على خااطرره حتى يسلم علي
ولوو بالتيلفووون !!

.. اغطي غياابه عند اهلي ..
ماا ابيهم يكرهوونه او يحقروونه ..
واقوول كلمني وبيكلمني وتووه مكلمني ..


.. مسكت الجواال بيدي ..
وانا اجااهد نفسي لاا اتهورر واكلمه !
قلبت الرساايل ..
ولااا عمرره ارسلي مسج الا ..
سووي لاتسووين .. شووفي كذاا حطي ذااك..

اوووف مليييييت ..
حياااتي معه ممله .،
قررت ارمييه وراا ظهرري ..
اذاا هو ما سأل ولاا تعنــــى يدور علي ..
ما رااح التفت له وألد فيه ..


طلعت شرريحتي وبدلتهاا بثاانيه ..
ابي ارتاااااااااااح من الانتظااار
ومن الااامل اللي ماامنه الا الم ..


.. وسررحت بدوون شعور في نظراات طاارق *
لتررف ..
كلهااا اعجاااب .. ويمكن حب !!
يتاابعهاا في كل همسه ولمسه لهاا ..
عينه ماا رفعهاا من عليهاا ..
ويووم بغاا يطلع عبرهاا وسألها اذا تبي شي ..

انقلبت على جنب ودمووعي تصب ..
يمكن *لانهم عرساان جدااد ..
يمكن كاان فيااض ينااظرني مثله ..
زااااااااادت دموووعي ..

الله يساااامحك يافياااض ..



.
.

[ ديمـــــه ]
________


.. كل ماذكرت رياض الزفت مغصني بطنــي ..
لو عزيز شاايفه كان توطى فـ بطنه ..
.. بس بيعجن بطني قبلــــه ..
ملقوووفه .. ووش ودااني هنااك ..
لاهم محارم لي ولا المعرس يقرب لي ..
ولاا العرووس اختي ..
بس ووووش اسووي ..
آحب اشووف المعرس اذا هو ينااسب العرووس شكليا او لاا ..
خااصه تــــرف .. اويلااه لو لي شنب بس ..
والا لو عمي يرضى يزوج سعوود الزفت ..
عاادي اكبره منه بعشر سنين موب مشكله ..
اذاا عجزت يعرس عليهاا هههه
اااااه وافكااري الزفت ..
لو تسمعني ترف تبرت مني ..


.. لي اسبووع من بعد العرس واناا حابسه نفسي عنهم ..
مااا جيتهم ولاقربت لمهم ..
خلااص مااعاد اتحمل الحكرره ..
لو ماهو عرس عزوز بكرره والا كاان رحت لهم الليله واللي يصير يصير ..



.. ممم مسكتني امي تعطيني محااضره لبكره ..
طبعاا كالعااده .. لاشئ جديد ولاا نتاائج تذكر ... بعد هالمحااضره ..

ام مسااعد /

اسمعي يابنت ..
بكرره الله الله بالركااده ..
وايااني وايااتس والخفه والرجه والمطاامر ..
تراا الحريم فـ العرووس ماغير يتصيدن البناات لعياالهن ..
وبناات عمتس ماشاء الله كلهن اعرسن وافلحن الاا انتي ..
الله يرضى عليتس ياا امي ..
خلتس عقل وثقل ..
وان شفتس تكركرين قطعت لساانتس ..
خلي ضحكتس ابتساامه بس ..
و.....


نطيت احب رااسهاا واقولهاا ابشرري تم تم ..
لاني حاافظه الدرس عن ظهر قلب ..
بس لارحت للقااعه انسى ذااااااكرتي بالبيييت ..!


.. مسكتني امي ..
/ ماابعد كملت كلاامي يابنت ..

ترجتهاا / يمممممه والله والله عررفته وحاافظته
.. بس خل ارووح تأخرت على مسااعد ..



رفعت فنجاالها وناظرت بنتها بطرف عينها /
استأذنتي عزيز !!


ديمه بملل وعجل /
يوووه استأذنتس ومسااعد
يكفي عن عزيز ..
بعدين مارحت للسند والهند
*كلها ملااهي وحذفة عصاا عن بيتناا ..


وببتساامه /
بعدييين لادرا ان الرووحه كلهاا على حسااب غنووده وتوديعهاا للعزووبيه
بيوافق وهو يضحك ..



حبت رااس امها واستااذنت ..


•
•


[ غنـــــادر ]
________


طلعت وامي كاارهه روحتي ..
وبالموووت طاعت توافق ..
ولولاا واسطة ابوي كان ماوافقت ..


.. حبي لهاا ديووم هي صاحبة الفكرره ..
طلعت انا وريم وعيالهاا
ونجود وعنود اختهاا وديووم ..
وبغيناا ترف بس رفض طويرق يسمح لها تجي ..


ومصاادفه لقيت ثنتين من زميلااتي ..
وبنات خاالة نجوود وعمانهم ..
استحييييييت مرره ..
ندمت اني جيت ..*
وش بيقولوون !
عرسهاا بكره وتلعب ع المرجيحه !!



.. جلست ع الطاوله انا وعنوود ..
وديووم راحت تطلب لنا مويه ..
نجوود وريم ماا ارتااحو .. ولا جلسوو
كلهم مع عياالهم ..


.. سووالفنا انا وعنوود عااديه ..
عن الدراسه والتخصص والبعثه ..
خاصه انها مستووى ثااني وعندها خلفيه ..
وانا احااول اشغل نفسي عن الهم اللي ورااي بكره
واستمتع بلحظااتي ..
واراقب الناس بفضااوه بدوون لا العب ..
احس الكل دااري عن زواجي انه بكره ..
*

بغيت اطلع بس جلست عشان خاطر ديمه ..
هي اللي رتبت ونسقت وسوت حفله صغيره ع قدناا ..


.. دق جواال نجود اللي بشنطتهاا*
وخذته عنوود وهي تلفت تدورهاا ..

ومااحسيت الا بـ هاللي مقابلتني فجأه ..
ارتعت وسميييت .. هبلتني وصحتني من سرحاني ..
عجوز ووراهاا افريقيه سمراا عاصبه راسهاا
بمنديل اورنج ..
وخدودهاا مخططه وبدقنهاا تاتوو مشوههاا ..
اسناانهاا بيااض الثلج عداا سن واحد ذهبي ..


سالت العجوز بعد فترة تأمل وهي تحلطم
ماادري شتبي ...

/ تبين شي ياخااله !!
ام حمود ببكي / اااه خوذي وانا امتس
ازهمي لي على ولدي حمود ..
كود يرد علي ..*
جاايتن مع حريم عياالي وخلني ..
مدري وينهن ولا دورني ..
حبة الضغط ما كلتها ..
وابرة السكر مادقيتهاا واحس انه بيغشى علي ..
الله لايربحهن من حريم ..
ولا يذوقتس حرة العياال وحريمهم ..



غنادر برحمه تنااولت جوالهاا /
اي واحد ياخااله !
اللي مسجل باسم حمود ولدي ..

ام حمود / الله الله ..
اتصلت ومدته لهاا ..
وهي انفجرت تبكي وتشرره وتلوومه ..
وسكرت منه وهي تمسح دموعهاا ..


.ام حمود /
الله يفررج لتس همتس
ويرزقتس بولد الحلاال اللي يسعدتس ..

وبخجل /
وانا امتس وديني للباب تساان ماهوب كليف عليتس ..
حمود حولناا ... ماهوب بعيد ..


وقفت بخفة نفس وحب للخدمه /
ابشرري خااله ..
هااتي يدتس ..
وبهمس اشاارت للي وراهاا كنهاا صنم ..
هذي شغالتس ياخااله !


ام حمود /
هذي خدامة مرت ولدي ..
حيااة جعلهاا للمماات ..
قشراا تسنهاا راعيتهاا ..


شاورت للشغاله تلحقهم وهي سانده ام حمود
وقلبهاا متقطع عليهاا ..
يااا الله من هالعاالم ..
ماعااد في قلووبهم رحمه !
همهم الدنياا ومتعتها بس ..
والااخره اخر شي يفكروون فيه ..
والا هالمسكينه تنترك بلحاالهاا ..!
ضغط *وسكر وكبرر وهزل .!
حسبهاا الله بس ..*


وافتهاا ديمه بطريقهاا وهي مابعدت الا خطوتين ..
همست لهاا /
بوودي الخااله عند البااب واجيتس ..
دقاايق بس ..



..التفتت ام حموود لها ..
/ البسي عبااتس وانا امتس ..
ابيتس تحطيني في يد حموود لا اضيع ..
انا مدري وش قردني وخاويتهن ..
والا تسان فريشي مالي قومتن منه ..
بس حموود جعل عيني ماتبكيه ..
حلف ان قعدت ان يقعدن ..
وان راحن فانا الاوله ..
واناا يالله حسن الخااتمه ..
ماعااد ابي الا الحق يجي والحق بامي وابووي ..


.. ابتسمت غناادر وهي تلبس عبايتهاا ..
و تسمع احباطهاا
واحساسهاا انها صارت هامش ماله فاايده
وينتظر الازااله بس ..
/ فيتس الخيير والبركه ياخاله
من دونتس البيت ماافيه نورر ..

تنهدت بمرااره /
ايييييه دربن كلناا واطينــه ..
الله يعجل لي بالفرج ارتااح واريح ..


خنقتهاا العبرره من نبرتهاا
الياائسه من الحيااه ..
ومن يديهاا المجعده بجفااف ..
وحاولت تواسيهاا وتغيير جوهاا /
يوووه ياخااله ..
اطلعي في الشاارع الحين
وشووفي كم وااحد بيرقمناا يبيتس ..


ابتسمت بخجل ..
وهي تلصق ف الزواايه اللي عند البوابه من جواا ..
وكلمتهاا تعاالي واناا امتس ..
طلعي بخااخ الصدر من ذا البقشه ..
احس بكتمه من ذا الغطاا ..

نزلت راسهاا بشوويش للشنطه وهي تبي تدور بعجله ..
لكن تفاجأت بالعطرر القوووي اللي دخل في جيوبها الانفييه بقووه ..
حست الدنياا حولهاا تلف وتدور والابواب والنااس وكل الصورر مقلووبه ..
وبعد كذاا ماعااد تحس بشي سووى ثقل النوووم ..*
وهي تحااول تسيطر عليه بفشل ..

*
.. اشرت بصراامه للزنجيه اللي وراهاا ..
وهمست /
امسكيهاا والحقيني ..



*الوووضع عااادي ..
ولافي مجاال للشك والريبه ..
همست لحارسة الامن بضعف وجزع /
بنتي داااخت من ذا الالعااب جعلها ما تباارك ..
افززعـــي لي بماااء ياختس
*ارش وجههاا لين تطلع لاخوهاا ..
في التفااتهاا لزميلتهاا تبي توصيهاا ع المويه ..
انسلت بخفه هي و الخااادمه بدوون لايحس فيهم احد ..

**

•
•


[ سلمــــان ]
________


.. مآ بعد الضيق الآ الفـــرج ..
ولآ بعد العسر الآ يســـر ..


.. ماصدقت رسآلة فياض الآ بعد مآ اتصلت فيه وآكدها لي ..
طلب آني اتمم الآمر قبل مايستجد جديد بـ الآمور ..
شكلها مغصووبــه ..
لو آنه غيرهاا مآرضيتهاا على نفسي تنغصب علي ..
كل شي الآ الآكـــراه فـ الزوااج ..
بس معهاا .. لويت ذرآع هـ الكرآمه وبآخذها بآخذهاا لو هي ماتبي ..


.. ماالي الا اربع ساعاات واصل للشرقيه ..
ومسكت الطريق رااجع للريااض ..
ومانمت الا لمن خلصت تحااليلي ..
وارسلت لـ فياض اني جاهز ..


ساعتها بس ...
رميت نفسي ع السررير ونمت نووومه هنيه ..
ماااا ذقتهاا من اياام الجاامعــه ..
والاهناا .. ان سااره ماهيب فـ البيييت ..




•
•


[ ســـآره ]
_______


.. انصدمت ان له يومين هناا ولا كلمني ولآ حتى جآ يآ خذني ..
وجوااله يا مقفل يا ماايرد بـ استثناااء مره رد علي وصووته مبحووح من النوم ..

سألته بانفعآل *حاولت امسك نفسي /
انت هنااا فـ الريااض !!


*
رد بانزعااج /
اذا صحصحت جيت اخذكم
مع السلااامه ...


.. رميت السمااعه بقهر وبكيت ..
حتى يوم زوااج اخواانه ماشاافني ..
وانا مكلفه ع نفسي وكوافيره ومكيااج وخراابيط .. كله عشاانه !!
يمكن يغييير من رايه شي ..



ارسل لعنود يوم مارديت ع جواالي
خلي ساره وعياالي يرجعوون مع خوالهم ..!
انا ماشي للشرقــيه ..

.. دايمااا يحطمني ويحبطني ..
غسلت وجهي وقلت اتزين له واتجهز ..
مشتاااقه له .. وباموووت من الشووق ..


.. وصلنا البيت ومسك يدي عند البااب ..
/ نووومي العياال وتعاالي ابيتس ..


.. حسييييت بالحرااره تشتعل فـ خدودي واذااني ..
.. اووجعني قلبي من الفررحه ..
يمكن بيصلح خطااه ..
هو له 3 سنين هااجر فراشي معه ..
وهذاا الجرح اللي مااقدرت اقوووله لاحد ..
وهو عذره ما آبرى جرووووحي ..
كل ماحااولت اقرب له ...
صدني بااي طريقه ....


لدرجة تأكدت انه ممسوس او معيوون او مصروف عني ..
.. لحد ما وقفت له وانهررت قدااامه بيوم زواج اخوانه *..
بعد ماذليت نفسي له بماا فيه الكفاايه ..

ساره / حراااام عليييك ..!
وش سوووويت لك اناا ..
انت عاارف بغلااك عندي ..
ليش تجرحني كذا وتهجررني !!
لاتقوولي شكلتس ولبستس .. وعياالتس ..
لانك ماتشووف علي الا الشين ..
والزين ماكنك تشوووفه ..
تنتقدني ف الصغيره قبل الكبيررره ..
ولاا عمرك مدحتني بشي ..*
اسمع من النااس ثناا اكثر منك ..


سلماان بتأثر قرب لهاا وحضنها يهديهاا ..
/ اااااه ياساااره ..
العيـــب ماهوب منتس ..
العيوووب كلها من هذاا ..

وبعدهاا عنه وهو يضرب بجهه قلبه ..
رفع وجهها بين ايديه وعينه بعيـــنها ..
وتكلم بصدق وشفاافيه ..*

/ انتي ياساره فيتس الزين والشين ..
مثلتس مثل كل هالعاالم .. ماافيه احد كاامل بهالكوون الا اللي خلقنااا ..
ولو ماافيتس من المميزاات الا طيبة قلبتس ..
تكفي شفيع لتس ان اي انساان يحبتس ..

بس اناا عيوووووني ماتنااظر الا بقلــبي ..
وهذا اكبر عيــــــوبي ..

هجرت الفرااش لاني ظلمتس و ظلمت نفسي
*..
ظمهاا له وكلااهم يعااني بمرااره ..
همس لهاا بلووعه /
اللي يبناا عيت النفس تبغيـــه .. واللي نبيه عياا القدر لآ يجيـــبه ..

.. بعدهاا عنده بشوويش .. وتكلم بعجز عجز يخفيـه ..
/ سااره .. انا ماانيب جابرتس على شي ..
تبين القعده معي ..*
ترا مالتس منها مكسب الا عياالتس وضمتس لهم تحت جنااحي ..
ولا تطاالبيني بشي لين انا اعطيتس من طيب خاطر ..

تبين سرااحتس .. فـ هو حقتس*
والحق ماينزعل منه ..
اكيد تبين عياال ورجل يباادلتس المشااعر وهذا
كله ماهووووب عندي ولا بيدي اعطيتس ايااه ..

جلست بثقل ...
كلااامه قضى ع البااقي من الامل اللي عندهاا ..
وحرمها من التمني وترجي صلاح الحاال ..
يأس مااابعده يأس تشربته روحهاا ..
وهي ماتستااهل ..
ذنبهاا حبت .. وبذرت الحب بارض غير ارضهاا ..
والارض ماتبي الا اللي تشتهييه ..
قضت عليها و حرمتهاا فرص الحيااه ..


.. تابع كلاامه ..
بيريح ضميره ويفهمهاا وضعهاا
وكيف هي بحيااته ...
/ لاتستعجلين بـ الرد ..
فكري على مهلتس ..
*واللي تبينه انا حااضر ..
ولاا نيب زعلاان من اي اختياار ..
ان قعدتي فـ انتي ع العين والرااس ..
وان فارقتي الله يسعدتس ويرزقتس من فضله ..


وقفت برجفه والامل بروحهاا كنه بقايا جمر تحت رمااد /
ولوو قعدت .. فيه امل ترجع لي ولو بعد حين ..!


.. نزل رااسه بيأس وماتكلم ..
ماايبي يوعدهاا بشي مايقدر عليه ..
ومتأكد ان ماامنه امل ...


.. غمضت عيونهاا وببحه جااهدت صوتهاا يطلع ..
/ عطني فرصه افكرر ...


سلماان / خذي فرصه قد ماتبين
رااضي بكل اختيارااتس ..
انا طاالع للشررقيه يومين ثلااث ورااجع ..

حب راسها وتركهاا ورااه شبح انساانه ..


•
•


[ مريــــم ]
_______


.. كنت اقهووي ابو سلماان ..
وجوده في حيااتي غيررها كثيير ..

.. اول كنت اقووم واتقهوى لحاالي ..
لان هيا وهيثم مايقومون الا الظهر ايام الاجازه
وبالدووام اقعد لحاالي ..
وهـ الحين لقيت من يتقهووى معي ..
ويسولف علي ..*
ويعلمني وين رااح ووين جا*
ويهتم من علوومي واخباري وصحتي وعينه علي ..

.. ماكنت متوقعه بـ يكون له دور في حيااتي ..
.. لكن ه الحين وبهالاشهر القليله اللي قضيتهاا معه ..
حيااااتي كلهاا تدور حوووله وحوااليه ..
/ ووش فيتس مارقدتي زين امس ..!
وجهتس اصفر ..


مريم بخجل /
ماافيني الا العاافيه ..
بس قلبي مشغوول على هيا
وهي الله يهديهاا ما عاد اتصلت .،

ابوسلمان /*
انتي خابره الارسال عندهم ضعيف
ولازم يرقون على جبل عشان يكلموون
والهواائي ماهووب زين ..
كلن يسمعكم ..
ورجلهاا كلمتس وطمنتس عليهاا ..
والخميس هذا رجلهاا بيكرمها وعازمنا ..
والخميس اللي رده بنعزمهم حناا ..
بنتناا وبنحط لهاا زواره ونعزم البعيد والقريب ..

انتعش صدرهاا بفرحه .. ردت بوقار /
الله يجزااك الجنه ..
مااقصرت جعل عمرك طوويل ..


ابو سلماان /
*خليناا من هوياا ورجلهاا ..
ابيتس بساالفتين ..

هزت راسها بطاعه ..
وردت بادب /
سم .. ووش تبي ...


قبل ماينطق .. دق جوالهاا .. وردت وهي ودهاا
ان ماحد دق وقطع سوالفها مع ابو سلماان ..

مريم / هلاا
ساره بحررقه / تعااالي مررريم بمووووت
بمووووووووووت تعااالي اخذيني


فزت مريم وااقفه وهي تضرب بصدرهاا*
وتشر لابو سلماان يقوم يشغل السياره ..
وهو فز بدوون لايفهم شي ولا يستفسر
مااهووب ووقته ..

*
/ سمي بالرحمن ..
عشر دقاايق وانا عندتس ..!


.. وصلت لهاا اختهاا وابو زوجهاا مفزوعين ..
فتحت لهم البااب وجثت ع ركبهاا من هول الفاجعه ..
بووووجع نطقت /
سلمااااااااااان بيتملك المغرب ..


كاان هذا احد المواضيع اللي يبي ابو سلمان
يكلم مريم فيه ..!



*•
•


[ ريـــاض ]
________


.. احس ولدي مع القرآءه تحسن تحسن طفيف ..
امي كل ماتشووفه تقرآ عليه وتنفث ..
وهو على طول يستسلم ويناام ..
وصاار هاادي ومساالم عكس قبل اذا احد احتك فيه ..


بحثت بكل مكاان عن علااج له ..
مع يقيني ان مااله امل بالشفا الا من الله ..

شفت بالنت حاله ولدها نفس حالة عبودي ..
وبديت اطبق اللي قاالته بالتدريج ..
منعته عن الحليييب و مشتقاته ..
وايضاا لاحظت الفررق ..
ولو انه لايذكر للي يتابعه عند بعد ..
الا لاني قريب منه لااحظت ..
ولااحظت انه فرق مايستهاان فيه ..
باقي الجزء الاهم ..
بامنعه عن القمح كلـــه ..
صحيح انها ماهي حقيقه علميه ..
ولا عليهاا تجارب ودراساات ..
لكنها تجربه لام طفل متووحد ..
*بجهودهاا الشخصيه ..
وحبيت اطبقهاا ..
وقررت اشربه ماء زمزم كل يووم ..
عل وعسى يتحسن ..


.. رجعت للبيت الساعه9 بالليل ..
شفت امي بالحمام مع عبوودي تغير له ..
انقهرررت وتضاايقت ..
امي اللي تغيرله !!!!!


نفخت بضيييق /
يمــــــه الله يرضى عليتس ..
انتــــي اللي تبدلين له !
وين الشغاله والا حدا البناات !!

*ام فياض /*
ولدك غلااه من غلااك ..
ومثل ماغيرت لك وانت صغيير بغير له ..
هو ولدي بعد ..
والشغالـــه ما استآامنها عليه ولا ابيها تلمسه ..
وخواتك فـ الملااهي .. نسيت !


تناولت ولدي منها وانا فيني ضيق الدنيا كله /
يمــــه .. ابي اتزووج ..
آخطبي اي وحده ..
بس اهم شي تكوون اخلااق ودين ..
وحنووونه على ولدي ..

حبيت راسهاا وخذت ولدي بطلع فيه
انومه معـــي ..
ماا ابي اشيلهاا هم طفل آخر عمرهاا
وليته طفل طبيعي ..
الا يحتااج عناايه خاصه ..


مسكتني امي وهي تاخذه مني /
*والله مايمســي الا فـ حضني ..
ياقلب امه ..*
ضمته وحضنه عندي تسوى الدنيا ومافيهاا

*
تكلمت بخجل /
يمــه بيسهرتس ويشغلتس ..
انا باخذه معي والا رقد جبته ..


ام فياض /
اجل تراه امانه عندك
لاتعصب عليه ولا تهااوشه ..
اعرفك الا عصبت ضيعت امك من ابوك !


ضحكت /
هههه الله يرضى عليتس يمه .
ذااك اوول قبل يجي عبوود ..


.. ضميته وشلته معي ..
وامي صدى دعاويها يتردد فـ اذني ..



•
•

[ انتهى .. لا اله الا انت سبحانك اني كنت من الظالمين ]

السلام عليكم ورحمة الله وبركاته

ام وسن حرام عليك عاد غنادر احسها مسكينه ماتعرف تفك عمرها الله يستر من الجاي
سلمان
مؤلم احساسه بظلمه لساره وظلمه لنفسه واتمنى يتعوض مع ريم اللي احسها صعبه اطباعها بتصدمه بعد القا


وبانتظارك

ياهلا ام و سونة نورتي برجعتك ...... القلوب عند بعضها امس كنت افكر فيك وبروايتك وتفاجأت انك منزلة البارت تسلم ايدك يالغلا بس قلبي عورني على غنادر


غنادر الله يهديها ليه تطلع مع وحدة ماتعرفها الزمن صار يخوف اتمنى يكون احد شافهم ولحقها تكفين غنادر اذا صار فيها شي بينفضح ابوها وامها بتروح فيها عروس زواجها اليوم الثاني وهالعجوز الله ياخذها هي وامثالها شهالاجرام والوحشية

وبعدين هي ماكانت لحالها كيف ضمنت انو الي ببالها بيصير والمصيبة معاها جيش مو رايحة لحالها او بالحمام واستفردت فيها عندي احساس انو ربي بيحميها واحد بيشوف الي صار ان شاء الله ديوم تكون لاحقتها وشافت الي صار وتصرخ تلم الناس على هالعجوز .... والله لو هي ميته اهون من انها تنخطف ويلعبون عيال الحرام بشرفها


فياضوه وربي هذا ماعنده احساس ولاضمير شناوي عليه بعد بدل مايصلح وضعه يزيده ونجود بعد عليها لوم كبير بدل ماتناظر طارق كيف يطالع ترف تشوف ترف كيف تتعامل مع زوجها لانو هي مقصرة معاه ولا تلومه لحاله تبيه يتغزل فيها وهي ماتبي تقدم تنازلات اجل تتحمل تفكيرها الغبي


سويرة اعتقد سلمن كان صريح معاها ولمح لها انو يبي غيرها زوجة وطلع هاجرها من سنين خلاص تتحمل اجل ولا بينفعها الي تسويه لانو خواتها تزوجو رجال متزوجين وهي تشمتت في الناس وفي ام زوجها وكانت مبسوطة بحرقة قلب نجود يوم فياض يخطب هيا الحين جاء دورها تذوق حرقة القلب ومااعتقد لامريم ولا ابو سلمان بيوقفون معاها لانو هالشي هم صعب ويمكن زواج سلمان خيرة لها ويتعدل حالها بدل ماهي معلقة والقرار عندها ياتكمل معاه وتعتدل يا تطلق وتشوف نصيبها ........... الظاهر حظها هي وخواتها ماجا الا بالطباين ويمكن مساعد يدري ويخرب الملكة والله يستر


ترف وطارق بدايتهم لحد الان حلوة بس ام طارق مابتتركهم بحالهم بس ماراح يربيها الا ابو سلمان

ندى المغرورة مفكرة عزام سهل وبيسكت على الي سوته اكيد علمها قدرها وخلاها تندم على تقفيلة الباب تستاهل مو هي تكبرت على ولد عمها وناظرت في غيره ولا طالته اجل هذا جزاء غرورها وعدم اهتمامها بسمعة ابوها يوم ترجاها توافق على عزوز بس عزام قدرها


هويا والله ماني بهينة زين والله تلحلحتي وماراح يعلم ظافر الحب الا انتي وحركاتك والله زين عرفتي تغاري من ام محمد هالشي من صالح ظافر هو الربحان اتوقع انها بتخرب ليلة النسرة ام محمد وبتدق الدريشة خخخخخخخخ واعتقد ظافر بيبات عندها بس كيف ماادري كيد الحريم هههههههه


رياض زين انو فكر يعالج ولده حتى لو بشي مو مضمون بس اسمه حاول ومافي شي بعيد عن رب العالمين ... واعتقد بنت الحلال بتكون ديوم وخصوصا انها هي الي بتنقد غنودة من المصيبة الي بتطيح فوق راسهم وبتكبر بعين الكل ان شاء الله البارت الجاي يكون زواج وفرح مو حزن ونحيب


ام وسونة شغلتينا على غنادر لدرجة ماقدرت اعلق اكثر ابي اعرف شبيكون مصير غنودة لاتتأخرين علينا في انتظارك