كاتب الموضوع :
ام وسن
المنتدى :
الارشيف
السلااااااااااام عليكم..
يمي يمـــــــــــي احلا حلااوهـ كلتها بهالعيد..
ام سووونه كل عام وانتِ بخير يااعسل بعد الزحمه ..
اخيرا تعرفنا على مسااعد والله امحق معرفه يااا زفت.. طلعت شكاااااااااااك وبعد مسووي نفسك مباحث وواقف عند بيت الريم تراقب اللي رايح واللي جاي مدري هذا من سوء حظك وحسن حظها الي تخلصت منك والا هذاا عقاب من ربي على اللي سويته فيها بهالسنوات الاربع..؟؟ تدري فترة اربع سنوات اعتقد انها فتره مو بسيطه عشان تعرف طباع ريم وتقدر تدخل عليها من االاشياء اللي تحبها يمكن تكون رافضه لك بالاول بس لو اكتشفت هي وش تحب ووش تكره كان وفرت على نفسك مشوااااار طووووويل من العذاب لك ولها..بس مانقول غير هذا اللي ربي كتبه غير انك اصلا غبي وماتعرف تحافظ على النعمه اللي انت فيها..
اللي الحين بس ابي اعرفه هل بيكون اللي صار لولدك اول الطريق عشان ترجعون لبعض او بيكون بدايه لمصيبه كبيره بينك وبين سلمان.. الحين سلمان بيخطب الريم وش ممكن تسووووي ؟؟اول تحرك لك وكعاده أي رجل مجروح بكبريائه بيهددها بانه ياخذ عياله ..وكثير من الامهات تنطلي عليهم الحيله ويبطلون يتزوجون بس الريم ما ادري شكلها مو بالها يم سلمان من الاصل يعني حب من طرف واحد وهالريم حبوها اثنين وهي ماتحب ولا واحد فيهم.. لكن اتووقع ان مساعد يرجع ويخطبها بنفس الوقت اللي بيخطبها فيه سلمان.. ولو كنت منها ما رضيت بمساعد.. وهي طبعا ماتدري عن سلمان ومشاعره ناحيتها فبعد بترفض سلمان..بس لان ابوها يبيها تتزوج ومستحييييييييييل يخليها تجلس بدون زواج فاتوقع انها بتنخطب من الاثنين بوقت واحد وابوها بيخريها بين الاثنين.. فبتجبر انها تتزوج واحد منهم وهالواحد اتووقع انه بيكون مساعد لكن الصراحه اتمنى انه يكون سلمان.
مساعد عاشت معه وخلاها تكره جنس الرجال كله.. بس سلمان شافت اهتمامه بولدها حتى لو هالاهتمام ماعجبها.. بس لو خطبها اتمنى انها تاخذ اللي يعد القصيد فيها الا في حاله ان ساره تسنعت واستوعبت وضعها عدل.. ما احب صراحه ان الرجال يقهر زوجته بوحده ثانيه حتى لو لسبب بس ساره مصختها بزياده لدرجة الغباااء..وان كان ريم فكرت بعيالها بترجح كفه مسااعد على طوووووووووووووول بس عسى لو وافقت عليه يغير تعامله معها 180 درجه..
عنادر وعبالعزيز: يااشيخ لا تستعجل على رزفك وبعدين ياا اخي كان تهوورت وقلت لها اللي تبيه خلنا نشوفها اذا اغمى عليها الا عشانه شي(ن) يستاهل..ههههههههه
تفكرها دلووعه ياا داك..اجل تراك انت اللي بتدلعها وتخليها تسوي كل اللي تبي وبيكون كل شي على قلبك مثل العسل.. بتروح اجل دوره لواشنطن؟؟ هذي والله ابرك الساعات خلك تهنى انت وهي وحنا معكم وعقبها بتشووف انك كسبت الماااسه يااداك..
اقول غنادر والله ذكرتيني بايام العصر الذهبي لي ايام الثاانويه .آآآآآآآآآآآآآهــ سقى الله هذيك الايام والله ايام الاختبارات كان يجي للمدرسه طالبات طالعين من المستشفى للمدرسه ومن المدرسه على المستشفى وكل ماشفناهم نقوووول هو حنا ليش مانسوي مثلهم يا انّا دواافير او ماعندنا احساااس بالمره..>>>فيس بيبكي على هذيك الايام...
مريم : يااويلي عنها بتاخذ شايب وهي توها ..ام سوونه بالله عليتس ماتزوجينها الشيبه ابو الشياب ..زوجيها واحد بالخمسين مو واحد بالسبعين.. خليها يوم انها ما انبسطت بحياتها ترتاح في كبرتها مع واحد يقارب لها بالسن مهوب تاخذ واحد وعقب سنتين يودع الدينا وتاخذ لقب ارمله عقب ماعاشت الخمس طعش الاخيره بلقب عانس.
ندى:تبين الصدق رحمتس مرره مررررره مافيه احد يستحق انه يتعذب بسبب الحب والهبل اللي فيه بس اصحاب العقول براحه..يعني الحين افهم ان اللي كان يمنعتس عن الموافقه على عزيز انتس كنتي تحبين يزيد ..او حبيتيه بعدين؟؟ يعني اتوقع ان عزيز يخطبتس من قبل تتوظفين وتتعرفين على المديره اللي مخليتس شغاله عندها والعين على الثانيه ياا الخبلاااا..تدرين على ان طارق يتطنز على اخوووه بانه بيزوجه اختها الصغيره اتوقع انها بتكون صحيحه وان ندى بتتزوج عزام فعلاااا.
نجي عاد لعديم الاحسااس فياض .. والله تستاهل كل مابتسويه نجود فيك,,جاي وكنك انت اللي مسوي كلش وان الالغاء للزواج من طرفك انت وانك مسووي نفسك مضحي ..روووح طيييييييير ياااشيخ.. ماتعرف تعبر عن اللي بقلبك ولا تعرف تقول لزوجتك انك تحبها ولا تعرف تتكلم معها عدل وتبيها ترضى عليك وتعاملك مثل اوول.. على ان معاملتها من اول خايسه بس الخياااااااااااس مقبل عليك الله يعينك على التعامل الاستفزازي والتعامل الاحتقااري..هخهخهخه
هيا و ظافر: على انتس مقهوره وتحسين انتس مضطهده بهالزواج بس للحين حقود انتي بالله وش عليتس من ترف واختها ..ياربي للحين حاطتهم براستس ومناحستهم؟؟ ومع هذا اتوقع ان ظافر يكون فوق مستوى توقعات الجميع وتشووفين معه وهو ابو الحريم الثلاااث الحياة اللي حلمتي فيها دااااااائما..يعني اتوقع يكون تعامله طيب وحبوب معتس..
ديمه ورياض : الى وين بتوصل قصتكم؟؟؟ اممممممممممم ما ادري بس متوقعه انه بيصير شي غير طبيعي بيخليك تتزوجها غصب عنك وش بالضبط ما ادري بس ديمه مننصيبك وانت من نصيبها.. حتى لو الكل شايف انكم مو مناسبين بعض..المزوج بالسماء مو بالارض على قوولة جدتي..>>فيس حكيم..هخهخهخه
ام سووووووووووونه مشكووره ياقلبي على هالبارت ونبي عاد بارت كله اكشن خاص بطارق وترف وغنادر وعزوز هم اللي فعلا متشووقه مره لحياتهم..
بانتظار بالبارت الجاي اذا الله احيانا فلا تتاخرين علينا يااعسل..
|
10-11-11, 02:00 AM
جديد مواضيع قسم الارشيف
العرض العادي
