تسلم ايدك ام وسونة على البارت الجونان .....وماتشوفين شر ياقلبي .........احداث البارت تبرد القلب وتسر الخاطر


نجود وفياض وهيا

هههههههه جاتني الضحكة من ردة فعل هيوه مفكرة حالها بتاخذ فياض وربي جازاها على قد انانيتها مو هي عادي تتزوج واحد عنده زوجة وعيال هذا ربي عطاها الي تستاهله وهيثم ربي يرزقه بحرمة تسر خاطره على الي سواه مابغينا نفتك من شينة الحلايا هههه اجل ميتة على فياض لو تدري انو ماصدق تخلص منها ليت سند كمل لها السالفة



اما فياضوه هذا درس كبير له لانو هو بعد يحب نجود ولما شاف حالتها ماارتاح قلبه وقد يدعي الخلاص من هالملكة وخصوصا انو العروس مافيها شي يميزها عن نجود بالعكس نجود هي المتميزة عنها


نجود هذا ربي فرجها من عنده وماصار لها شريكة بس لاتخرب على حالها وتصير اخس من الاول لانو هالمرة ماصارت ماتضمن المرة الجاية ماتكون العروس جميلة وتاخذ قلب فياضوه خليها تكسبه وتضمن ماياخذ غيرها لاتخرب بيتها تفكر بحيلة تعلق فياضوه فيها وبنفس الوقت تعاقيه على الي سواه


ترف وطارق

هالطارق ماادري كيف يفكر الحين امه ماتبغي ترف تدخل بيتها يقوم يجبرها تحضر العشاء ولا ويبغي يشوفها العرس قريب ينتظر تصير عنده مو يسبب لها مشاكل هي في غنى عنها

ترف تخلصت من رقمها وشريحتها بس بعد ماراح تتخلص من نوافوه دامه حطها بباله والله يستر منه وعلى الي ناوي عليه


سلمان وريم

سلمان يعني عاشق ريم مسكين كسر خاطر والله متعذب بحبها وهي تزوجت مساعد الي رماها لانو ماخذها بس يحرق قلب سلمان ..........

سلمان غلط ماله حق يمد يده على الولد بدون مايخبرهم السبب لايستغرب قهر ريم منه بس بيتوزجها وهو الي بيربي ولدها لانو محتاج لاب بس الله يستر من مساعد مايوقف بطريقهم للمرة الثانية



ديما ورياض


والله هالاثنين فلة اجل يبشر الاثنين بيكونون ببيت واحد وبغرفة وحدة بعد هههههههههه هي بتعدله وهو بيعدلها لانو الاثنين عوجان



ام وسونة في انتظار البارت القادم ومايحمل من مفاجأت غير متوقعة مثل هالبارت بس وربي انبسطت لنجود

السلام عليك ورحمه الله

ام وسن ما تشوفين شر اجر وعافيهان شاء الله

البااارت رااائع الله يبرد قلبك زي ما بردتي قلبنا بهويه العووبه


فياض ونجود وهويه

آآآآآآآآآآآآآآه واخيرا ما بغينا نفتك من هويه وغثاها جعلك تسلم يا ظااافر انا اشهد انك رجاااااااال الي ما رضيت ان
بنت عمك ياخذهااا واحد غيرك واللحن شبعي يا هويه مو انتي مييته على الرجل وتبين تعرسين على بومره هذا ربي حبك
جاب لك بدل الره ضرتين وسعي صدرك اما ردة فلك رهييبه انتي رضيتي بخويتك تاخذين رجلها وبسبب نيتك الشينه جاك
الي تستاهلينه
فياض هذا ربي وخلصك من هيااااااا وغثاها اللحين التفت لبيتك ومرتك وولا عاد تعيد هبالك وقله عقلك مره ثانيه لان مانضمن وحده عندها ولد يجي ساه الملك ويحجر عليهاااااا وحاول تصلح الي هدمته
نجود اللحين الكوره بملعبك عليك انك تادبين زوجك عشان ما يطالع وحد غيرك وتحاولين تصلحين من حالك وتكسبين زوجك
وتخلينه ما يستغنى عنك
ديمه ورياض
والله طلعتي قوه اما انك ماراح تطبين بيته كري منهاااا لانك راح تكونين راعية البيت وتكونون ت سقف وااحد والله يعينا على
الاكشن بينكم
[COLOR="Blue"]ريم وسلماااان
اخيرا عرفنا الي تهواها يا سلمان والي مسهرتك وشالعه قلبك حسبي الله على مساعد الي فرق بينكم لا اهو الي عاش
معهاااا ولا هو اي تركم لبعض
والصراحه ضربك للودغلط لانك لا انت ابوه ولاعمه ولا خاله كان رحت كلمت حد من اهله وعلمته بالسالفه وهو يتصرف بعدين لاتاخذ بخاطرك من كلام ريم ام ومجوعه على ولدهاااااا
ويارب يجمع بينكم[/COLOR

ترف وطاارق
طويرق وجع وشتبي من البنت ما كفاك لي سويته فيهااااا من قبل وش كيف تبيها تجي للعزيمه وانت لسى ماخذتها لبيتك
اكيد البنت تستحي مدري انت بعقلك تبي امك تلطشهااااا بالكلام
ترووف الله يعينك على هالرجل الخبل الي اذا بغى شيء سواه ولا همه احد ويبعد شر نوافوه عنك
او وسونه تسلم يدينك لاخلا ولاعدم

نجود وطارق شخصيتهم نرجسية
ندى غرورها بيوديها بداهية مع ولد مديرتها يمكن يطلع بخيل ولا سكير ولا راعي بنات
وسلامتك ياعسل

ياقهري ام وسونه كتبت رد يجمد على الشارب وطار.
المهم سلامتك ياالغلا وماتشوفين شر.
اماانت ياطروق يلعن ابو الرومانسيه اللي عندك ههههههههههه ياشيخ رحمت حال المسكينه.اما لو انا مكانها لارقع السماعه في وجهه.
وانت فياضوه مسوي متفضل عليها عساك البلا بس لا اوصيك نجوده ربيه من اول وجديد .
واخيرا عرفنا حبيبتك ياسلوم الله يقربك منها ويبعدك عن النسره اللي عندك

السلااام عليكم ..




من العااايدييييين ي الغواااالي
اللهم اجعله عيداا سعيداا ع جميع المسلميين
وال ليلااس خصووصاا ..



حبيت اعااديكم بباارت ..
لو هو قصييير شووي ..
بس مااحبيت اترككم بدوون حلاااوه *(๑・‿・๑)

.
.


[ 12 ]
____



.. اعاااني كثر مٓـــاتعانـــي واكثر ..
بس الفــٓرق ..*
.. انـــي صبـــور .. وانت النـــوم لكـ رآحه ..


•
•

[ مساااعد ]
________

.. يدري انهااا ماعمــرها حبــته ولاا بـ تحبــه ..
.. و يدري ان الحب بلــــوى لآصار من طرف واحد ..!
.. بس هــو .. كان يبـــي يجبرهاا تحبــه ولو بالقووه ..
.. لحد مااكرهتـٓـه وكرهت جنس الرجاال كلهم ..

.. 4 سنواات من الزوااج ماقدر فيهــا يذوقها لوعة الحب .. اللي هو ذاقها منهاا
.. كل اللي قدر عليـــه يذوقهاا العذااب اشكاال والواان ..

.. يغـــار عليهاا من الهواا الطااير .
لكن ..

.. الغيــره مااهي مبرر لسوايااه فيهاا ..
حس انهاا بتجنــــنه و بيجننهاا هو لو استمرو مع بعض ..


.. واللي كشفه بالصدفه*
مجننــــه اكثرررر و اكثرر ..

.. بــــيوم نزلهاا هي و عيــالها عند اهلهاا ..
*رجع بعد سااعه يراقب بيتهم .. لايكوون طلعت من دون مايدري ..


.. بس هـ المره صـــدق ظنــه ..
.. طاالعه مع السوااق ومعهاا ولدهاا
دووبه يخطي ..
.. شااف سلماان اللي بالصدفه كان طاالع من مجلس اهلهاا ..
كاان سلماان واقف عند سياارته
و عيونه تتبعهاا بدون شعور للي قاعد يسوويه ..
.. بعد ما سكرت بابهاا
زفر بلووووعه و ضرب على صدره ..


.. كاان يرااقبه والدم فاار بجسمه كله
وعروووقه كلهاا انشدت ..
.. هو فااهم الحركات اللي صدرت من سلماان
لانه قد جربهاا وعرفهاا ..
ولو احد جااهل بـ هالامورر كاان ماشك ولاا لحظه ..
بس هي بنت عمه ..*
واولى فيهاا منه ..
تذكر انه سلماان لماا كانو ربع انه بيخطبهاا
بس ينتظر يخلص جاامعته ..
لكن هو ماا انتظر ..
خطب .. وتملك ب اسبووع ..*


.. نزل من سياارته وتوجه له نااوي شر ..
مسكه بجيـــبه ..
لكن سلماان ولا عبره ..
دفــــه عنه وركب سياارته ومشى ..
*رجع وحط حرته بـ ريـــم ..


.. مااخلاا فيهاا عضوو ساالم ..
ومن بعد ماادخلت المستشفى من ضربــه ..
طلقوهااا منـــه بالغصب ..


.. تزووج مرتــين يبي يقهرهاا ..
ولاا وحده عمرت معه اكثر من سنه ..


ومن عرف من ديمـــه اللي صار لولـده ..
حس انه انتقااام من سلماان في جا في ولده ..

.. لبس غترته و تووجه لـ سلماان ..!




•
•


.. يا زمـــــاني ..
** *.. جااني منكـ ماكفااني لآتزيـــد ..



[ سلماان ]
________




.. اتصل باخووه .. يفهم نسبااه ع اللي صاار ..
.. مااله خلق يكلم احد ولاا يشرح لاحد ..



خذ عياااله وزوجته بيوصلهم لاهلهاا .،
.. وقبل ماايحرك سيارته ..
تفاجأ بـ اللي معترض في طريقـــه ..


نزل وبعيووونه شرر ..
وبالمقاابل نزل سلماان ..

مساعد /

ليش تمد يدك على ولدي ..!
ماااله ابوو يربـــيه ..

/ لو له ابو يربـــيه
ماالقيته بهالعمـر ويدخن ..

/ ماالك شغل فـــيه*
لو تشووفه سكراان ماالك دخل ..

/ ااااسف ..
لو عاادها مره ثاانيه وشفته بدفنه بارضه
يااتربـــيه .. يا نربــيه لك ..!

/ هه تبي تموووووووت على تربيتــه انت
المقصد ام اصيـــل ماهووب اصيــل ..

نزل رااسه بـ الم ..
ثم رفعه و ناظره بطررف عين ..
/ لو ابــــيهاا وش يردنــــي عن باب اهلهاا ..


/ هه يردك انـــي انا اللي لامسهاا قبلك
وهي فضلتـــــي اللي عفتهاا ورميــتهاا لك ..


.. سكته بكــــــف مباغت ..
طيحه على ظهره فجأه ..
تف علــــيه وحقررره *..*
*
/ لوو انك رجااااااال
مااقلت عن بنت عمك هـ الكلااام ..


.. ركب ومشـــى ..
وسااره اللي قااطه الاذن معهم فتحتهاا منااحه ..
.. اثررررك تحب ريــم ..!
اثرررك تحتريهاا كل هـ السنين ..
ويمكن متوااعدين .. تطلــق وتاخذهاا انتـ...


ربط فرامـــــل ،،
وبغاا يسكتهاا هي بعد بكف ،،

.. بس المكاان والزماان شدوو يده عنهاا ..
هم بالشاارع وعيااله معه .،

همس لهاا وهو يشدهاا له ..
/ كلمه زيــــــاده ..
والطلاااق بالثلااااث ..
بس ولاااااااا نفسس اسمع ..


.. انكتمت ..
تبيه لوو يتزووج عليهاا
لو مااحصل كلـــه تبــي بعضه ..


•
•


.. لآ لاا تقوول يـ الحظ مآلكـ نصيب ..!
** * *.. ترآ قلبــــي من قل الحظووظ مهمووم *../


[ ندى ]
_____


متحمسسسه للعزيمه ..
زماان عن الطلعه والجمعه ..
اليووم اربعاا حلوو ..
اجاازه و طلعة سووق و تغيير جوو ..


.. مسجله في مذكراات جوالهاا
كل الاغرااض اللي تبيهاا ..
.. كاانت طاالعه من حصتهاا متووجهه لغرفة المعلماات ..


سمعت المديره تصووت لهاا ..
اكيد تبي خدمه كـ العااده ..

ندى / سمي استااذه ..
ام يزيد / اقعدي ندى .. ابيتس بساالفه ..


جبينهاا تصبب عرق ..
و الجوو فجأه صار حاار ناار ..
تلاحقت انفاسهاا وهي تحااول تهديها
وتهدي رعششة الخجل اللي باطرافهاا ..


كلمت نفسهاا وهي تشووف*
المديره تحووس بشنطتهاا ..
الله يهديتس ي ام يزيد
لييش الاحرااج ..
لو قاالت ابي رقم اهلتس اخف للاحراج
فشــله تخطبني وجه لووجه ..
مستحيييه ووش اقوولها !!


قطعت هواجيسهاا*
وشي ابيض لاااح قدامهاا ..
استغرربت ..!
وووش ذااا ؟؟


ام يزيد / هذي بطااقة عرس يزيد ..
بيااخذ ابلاا الجوهره زميلتس ..
عااد اناا ماعزمت كل المدرساات
بس اللي اعزهم ..*
*ولا علمت بملكته عشاان ماتنحرج الجوهرره ..

/ صدمــــــه !!
لييييييش الجوهرره واناا لااا !!
اناا اللي خدمتهاا بعيوووني*
ولاا بيووم تعذرت او تأففت ..

لييش الجوووهره واناا احلاا منهاا بكثيرر
وبتخسرر لو قارنت جمالهاا فيني ..!

بلعت ريقهاا*
وحااولت تخفي الدمعه ..
بـ المووت قدرت ترد رد مختصر ..

/ ع البركه ..
ووقفت وحست بدوووخه ورجعت تجلس بسررعه

ركضت لها ام يزيد /
سلامااات ندى
وووش فيتس !!

/ اااا آحس بدوووخه
من امس تعبااانه ..

ام يزيد / سلاماات
ارتااحي وكلمي احد من اهلتس يجي يااخذتس
وكاانتس بكرره تشاافيتي لا تخليناا
حضورتس ضروري ..


.. ابتسمت بتعب ..
وهزت راسهاا بالمواافقه والدووخه ترجع لهاا ..


•
•



عزيمـــه مختصرره ..
لآل فيااض وعمانهم *..
وال سلماان و خالتهم *..
و سند خوااته ..


[ نجــــود ]
_______


.. امس خذت شور وناامت على طوول
ولاا سمحت له حتى يقولهاا سبب*
تركه للزوااج ..
وهل هو تأجيييل مؤقت ..
والا *انتهى وخلااص ..


.. قاامت الصبااح قبله ..
وجهزت ملااابس لهاا ولعياالها ..
جهزت الفطور وافطررت لحاالهاا ..


اتصلت ب ام فيااض *.،
تخلي السوااق يجيب عياالها
مع الشغااله ..

*
.. وكلمت امهاا وقاالت لهاا
ع الانوااع اللي بتسويهاا .،
مااحبت تجيب من براا*
مداام *العزيمه مختصره ..

.. شاافته ينزل من الدررج
بشوررت بس ..
وهو يصووت لهاا ..
/ مااالقيت شي البسه على هالشورت
تعااالي طلعي لي ..


.. يبي يسحبهاا للغرفه
ويوضح لهاا اللي صاار
ولايبي يترجااها تجي ..


مشت ببروود وطلعت قبله ..
مدت له التي شيرت وقبل لا ترووح ..
مسك يدهاا .. ولفهاا له ..

فيااض / نجووود اناا...

نجوود / لوووو سمحت ..
مو وقت كلاام
عندناا عشاا ومرره مشغووله ..
بـ الاذن ..


.. تركتــــه ولاا حتى سألته عن ايش بيحكي
ولاا عبررته اسااساا ..

*.. خبط بالبااب ورااها بقهر ..
في اللي ماايحفظهااا ..
الشررهه ع اللي يعتذر و يبرر ..


.. نزلت تكمل شغلهاا
وهي تحااول تشغل فكرهاا عنه ..
جوو عياالهاا ..
وارسلت حلوياتهاا مع السوااق ..
انشغلت بعياالهاا ولبسهم ..
ونفسهاا وترتيب اغراضهاا ..


.. سمعته يكلم ولده /
عبوووود قل لامك تجهز المغررب*
بجي ابووديكم ..

لكن ماا انتظررته ..
اذن الظهرر وخذت عياالهاا
ولبسهم ورااحت لاهلهاا ..
ارسلت له .،
[ اناا رحت لاهلي مع السوااق ..
لاا تنتظرناا الليله . بنناام عند اهلي ]
وقفلت جوااالهاا ..


•
•



للنــــدى مع الـــورق والورده ..*
** * *.. همس وذووق وحكآياا امل ورقـه ..



[ نــــدى ]
_______


.. صحت ع السااعه 2 الظهرر
وراسهاا كبر الجبل من ثقله ..
ناامت على بكي ..
وصحت على صدااع ولوعه ..


.. نزلت للصااله وشافت ريااض ياكل ولده ..
بدوون نفس علقت /
ولدك ذاا ماايشبع !!
داايم يدك في فمه تأكله ..!

*
.. خزهاا بنظرره بعد مازاالت دهشته ..
/ قووووولي ماشااء الله*
من خيرررتس ياااكل ..!
من خير ابووه وجده ..
والله ان صاار لولدي شي بذمتس ..

ندى / مااعلييه ذاا....
دق التلفوون ومدت يدهاا بتااخذه
ضربهاا على يدهاا بمزح ..
/ عييييب تردين ورجاال البيت موجوود ..


طيرررت عيوونهاا متعجبه .. وسكتت تسمع

*
ديمـــه /*

ياااختي ساعه عشاان تردين
مروووني برووح معكم انا وامي ..
عزيز مااهووب راايح الا متأخر ..
و مسااعد مهووب راايح ولا سعوود الخبل ..


رد بعد كملت حكيهاا */

اناا مهووب اختس*
ولاا يشررفني اكوون اخووتس ..
مااعندكم سوااق ووش طوول اذااانه !!
خليييه يووديكم ..

.. مااردت ..
طبقت السماعه بووجهه
وهو ماابعد كمل حكييه ..

.. دق من جديد ..
و تحمس للهواااش /

.. انتي مااا تفهمييين ..
لاا عااد تدقين لاا ادق رااستس ..


نزره فيااض المعصب خلقه /
ريااااااااض ياااغبــــي*
انااا فياااض ..
ووش ترطن انت !!!


.. انحررج مااعرف ووش يقوول /
ههه سورري فيااض
شغااله حبشيييه اذتناا
كل شووي متصله وتزعجناا ..


/ مااعليه ..
من بيرووح من خوااتي معي*
ترا سياارتي فااضيه
بمرهم ع العشاا ..

/ الظاهر سيارتي تكفي
بس امي و ابووي*
وريم واناا ونـ... ركلهاا برجله
ينبهها ووش يقول ..


هزت راسها بتأكيد وكمل ..
ونـــدى بس ..

سكر منه ..
وهي خذت عبوودي تغسل له
و تبدل ملاابسسه ..


.. ماايستاااااهل تحررق دمهاا عشاانه
وهو ولااا سآئل فيهاا .. تنهدت ..
حوووووووووبتك يااعزيز
كل ماا احااول انسااه ..
القى صوررته بين عيوووني ..*
*

.. نزلت عبوود عند ترف
ورااحت تشووف وش موجوود بدولاابهاا
ينااسب لعشاا الليله ..


•
•


لآ تخلف الظن بـ ظنوون واوهاام ..
** * * *.. ترا من بعدكـ الحاال مااغدت حاال .


[ سلمااان ]
________

ماارضت سااره تحضر العزيمــه من بعد ماادرت*
من هــي اللي يكتب لهاا اشعاره ..
ومن هــي اللي سهرته اياام ولياال ..
ومن هــي عذبــــته بكوود وصاالهـــا ..


.. نزل من سياارته ونفسيته في الحظيظ ..
من ريـــم لـ مسااعد لـ ساااره ..
لوماا ابووه كاان مااحضرهاا ..


.. انتبه ع البوري اللي ينبهه ..
رفع راااسه الا هــو ريااض ..
/ ههه يـ الااخ ..
لااي قااره وصلت !!


.. ابتسم بمجاامله /
ههه حوولك قريب ..


شااف ام فيااض تمسي عليه ..
وتووه ينتـــبه ..
رد السلاام وزااد بالحفااوه ..
واعتــٓذر بـ احرااج ..

يـ ام فيااض اعتذر عن *اللي سوويته
باصيل من حرصي علييه والله
الولد في سن حررج وفقدت اعصاابي
يووم شفته بـ هالحاال
وهو حسبة ولدي ..



ردت بمواسااه /
الا جزااك الله خيير
والله اني اقووله
مااهووب سلماان ضااربه الا وهو متسبب
مسووي شين كاايد ..


وراا كاانت ريم تطحن طحن ..
مع انهاا يوم درت عن السبب
ضرربته فووق الضررب اللي خذه
و فيااض بعد عطااه نصيـــبه ..


الا انهاا انقهرررت منه ..
بسبته الووولد هج لابووه
وقاام يبكي ويتشكى له ..
انهم يضربوونه و مهمليــنه وانهم وانهم ..
واللحيين جاا له حجه يااخذ عيااله ..


.. دعت في قلبهاا /
الله ياااخذك انت وهاللقااافه اللي فيك
ولد النااس وش دخلك فيـــه ..



كاان متأكد انهاا تسمعه اذا هي معهم
واذا ماهي بـ معهم فـ الحكي بيوصلهاا اكيد ..

وماايدري ووش نظرتهاا عنه
وردت فعلهــا تجااه اللي سواه ..


•
•



.. مااصدق انهاا مااجت !
.. هو مأكد عليهــا ..
وووش الساالفه ..!
تغلــــي والا عنااد ..


[ طااارق ]
_______


حااول ماايبين العصبــيه بصووته بس فشل ..
كل مايقولهاا سووي كذاا تسووي عكسه ..
سأل بحده /


من جدتس عنوود والا تمزحيــٓن ؟؟
ترف ماااجت !!

نجوود /
خييييييرر*
اجل تبيهاا تجي وعرسهاا*
بااقي عليه اقل من شهر !!

ببراءه سأل /
ليييييه ووش فيهاا !!

نجوود / من جدك !!
عساا مااشر ..
اكيد لو بغت تجي اصلاا اهلهاا ماراح يرضوون ..
يااحبي لك بس ..


حك ذقنــــه بحيييره /
اجل يبي لهاا زيااره بكره ،،
وفي بيت اهلهاا بعد
عشاان احرجهم ومايقدروون يرفضوون ..
.. طلع للرجاال وهو محبـــط ..
كم له ماشاافها ..!
بداا ينساا ملاامحهاا اصلاا ..

هو مضبط نفسه ع اسااس بيشوفهاا ..*
ومهيء نفسسه لهاالشي ..



شااف عزام اخووه تووه دااخل ..
ضحك بــنفسه ..
تذكر ردة فعل اخووه عن زوااجه ..
وعصبـــته عليـــه ..
لييش يتزووج قبله وهو اكبر منه ولاا شااوره ..
كيف يتزووج اللي اصغر منــه وهو لاا
كاان انتظر لين يتملك ع الاقل ..


حط يده على فمه يمنع ضحكته ..
وهو يتخيييل جديته في الحكي ..
واتصاالااته له ولابووه وهو زعلاان و يهااوش ..
وكل مرره يجيهم لاازم يفتح هـ السييره ..
وكأنه عااانس زوجوو اختهاا قبلهاا وهي انقطع نصيبهاا ..



.. وصل لعنـــده بـ السلاام وهو مااحس ..
ركله بشووويش في رجله
بدوون مايحسوون اللي حوااليه ..
رفع راااسه وشااف نظرررته المتوووعده ..
وقف يسلم وهو بالقووه ماااسك نفسسه ..



همس في اذنه /

شغلك عندي ..

رد عليه بمزززح /
.. ههههه تراااي حجزت اختهاا الصغيره *لك ..

عزاام / انقلع ..
خذت الزين وتخلي لي الشين !!



طارق /
ههه يمكن ازين من اللي عندي
واني مفضلك على نفسسي ..
حتى مخلي لك الصغيييره
واناا مااخذ البوومه ع قوولة امي ..


.. ابتعدو عن بعض لمن اشر لهم ابووهم*
يشرفوون على صب الشااهي ..

..


بمجلس الحريم ..
ام سلماان كاانت غييير
كنهاا مبدله ..
خااصه بعد ماعرفت ان زواج فياض هوون ..


.. استانست يووم درت ان سااره مااجت
قلعتهاا هي وخواتهاا ..
مع ان ودهاا ان هوياا جاايه عشاان تشفى فيهاا ..


.. مررت العزيمه بسلااااام
عدااا فياااض اللي مااكله الغضـــب اكل ..



•
•

ع القهووه الصبااح*
______________

ابو فياض /

ووش راايك بنت ابو سلماان ..
يقولوون عنده بنت مجوز ..
وتجي هي واختهاا سواا دربهم وااحد ..


ريااض / ووش كبرهاا !!
اذا هي صغيرره مرره ماا بيهاا
اناا ابي وحده عااقله ورزينه


ردت تـــرف /
لاا مااعليهاا عااقله*
بس وراا ماتاخذ ديوومه !

حذفهاا بـ فصم تمرته /
ياازينتس سااكته
مااعاد الا هـ الخبله آخذهاا

ام فيااض بثقل /
ريااااض وش هـ الحتسي !!
عيب بنت عمك ..

رياض بتصريفــه /
الل غنوووده ووين هي !
متى بتخلص اختبــاراتهاا
ماالها شوفه !!

ترف / بااقي لهااا يوووووووميــن
ونفتك الحمد لله من هـ الازمــــه

ضحك فياض اللي تووه دااخل على تنهداتها /
هههه لهاالدررجه مستعجلــه ع العــرس ..
اثقـــلي يااابنت !


استحت وبشهقـــه /

والله مااهوب قصدي شي ..
اناا قصدي انهاا مسببه عزاا بالبيت عشاان اختــبارتها


امهاا تحااول تغير الساالفه /
الا غناادر ووش بقاا لها من جهازهاا
تراا ماعااد معهاا وقت !!


ترف /*

هي قاالت لي اجهز لها اي شي لاني اعرف ذوقهاا ..
بس بااقي الذهب اذا خلصت تشتريه
وبااقي الاكسسواراات ..

والفستان ريم تقوول نااخذه جااهز ووبس
هي كل شي يلبــق لهاا

.. دعت امهاا /
ي الله ان تووفقكن وترزق ريـٓم و ندى ..

ريم / يمممممممممه*
انااا مااابي اتزوووج ..

قطعهاا ابوها /
ورااه !
الا بأذن الله ..
بس يجي هااب الريح السناافي
وتروحين في فاالتس ان شاء الله ..

.. سكتت ..
مااتبي تجاادل ابوهاا
وقتهاا لكل حاادث حديث ..


•
•


.. مشووووشه ع الآخر ..
تحااول تجمع تركيزهاا و ترااجع اللي حفظته ..
بس الارهاااق مبهذلهاا ..
من امس مانامت الا سااعتين ..
وبحبة منووم ..


.. سكررت الكتااب *بتعب ..
لاهي قادره تناام وترتااح*
ولاا قاادر تذااكر بتركيز وتستفيد من وقتهــاا ..
للمره الراابعه ترااجع الحفظ*
وفي كل مرره تلقاا اشياا ناسيتهاا ..


.. استلقت على ظهرهاا وعيونهاا للسقف ..
وغصب عنهاا عقلهاا يردد اللي حفظته ..

.. دق جوالهاا ورفعته بدوون لاتحرك جسمهاا
ولا تشووف مين .. الغاالب اذا مو امهاا
احد من زميلااتهاا ..


سمعت صووت خشن خلااها تفز من الروووعه ..
ردت بحده / نعــــم ..

ابتسم لانه متأكد انهاا مااعرفتـــه /
انعم الله عليتس ..
اناا عبدالعزيز ..
ووش اخباارتس !

.. استغربت ووش عنده دااق !!
بعديـــن هي مو مقتنعه بـ التعاارف*
بـ الفوون حتى لو كاانو مملكين ..

كلهاا اسبووعيــن وياخذهاا كلهاا
مااهوب يسمع صوتهاا بس ..

كشررت /
هلاا حيااك ..

.. حس ان اتصااله غير مرغووب فــٓيه*
وان هذي مبرة ملل مااهيب خجل.. كمل */

.. ووش اخباار اختبارااتس !!
..عسى كل شي تماام ..

ردت بطفش /
تماام كل شي تماام ..

/ لوو تبين مسااعده والا نااقصتس شي امرري
لايردتس الا لساانتس

.. ضحكت من غير مزااج
بااقي ماادتين ة تخلص*
وهذا تووه يسأل ..!

ودهاا تنهي المكاالمه باسرع وقت /
لاا شكرا مااقصرت ..

/ حبيت اقوولتس اني حجزت*
لـ واشنطن ..*
عندي دوره هنااك ثلااث شهور
وبنرجع بحوول الله ..

.. بغت تنااقشه في البعثه والتخصص*
بس موو وقته*
لااهي راايقه
ولا مستعده تسمع شي يضيق صدرهاا ..

تردد لماالااحظ سكوتهاا وبهمس /
مممم غنااادر ..
ابي اااااااممممم ..
لااا لااا خلااااص ولااشي ..
ي الله فماان الله ..


استحى من نفســٓه
ونفث هواا من صدره
وووش فيييه !!
بغااا يتهوررر و يرااهق على آخر عمــره
.. بس كذاا .. ابي بووسه واناا ماا احس بالشووق لعاا فعلاا ..!
هذي نزووووه *ماهيييب شوووووق ..
.. مسح على وجهه ..

.. الحمد لله ..*
الركااده زيـــنه
لو اني قاايل لهاا*
يمكن اطيح من عيـــنهاا
اول مكاالمه واقوول لهاا كذا ..!
كاايدري كييف هـ الكلمه جت على طرف لساانه..
والا هوو مانوواهاا ..
ااااااه الااا ..
من قرب زوااجك وتفكيــٓره يبعده عن ندى
ويقــــربه لغنــادر و ليلة زوااجهم ..

.. دعاا من قلب ..
يااارب الهمني الصبــر*


•
•


.. اليووم اخرر يووم لهاا بـ الاختــباارات ..
نزلت بمريولهاا وشنطتهاا عند بيت عمهاا
سيده من المدرسه لبيت عمانهاا ..


[ ديمـــه ]
_______



.. شاافت عبوودي وطنشته
خلااص ماالها دخل فيه
بكره يجيه شي بيقولوون انتي ..

.. سلمت على ام فيااض واستااذنت بتطلع للبناات فوق ..
ندى وريم وترف ..
اماا غناادر بااقي لهاا اخر مــــاده ..

.. كاان يووم حلوو لهاا ..
تغدت معهم ..*
وطلعت للسووق معهم ..
وسهروو وانبسسسطت مرره ..
حست انهاا صدق عطلت ومجاازه ..


.. اتصل فيهاا عزيز ع الساعه 2 الفجر
بيمرهاا ولاا رضى تناام عندهم كـ العااده
بماا ان ريااض موجوود ..


.. تجهزت ونزلت تحتريـــه مع البناات تحت ..
.. ومرت عمهاا توقظت ..
ونزلت تشووف البناات ..
فقررت تصلي الوتر قبل ترجع تناام ..
فرشت سجاادتهاا وصلت ..
وجلست تقراا اذكارهاا وتسبح وتهلل ..

دقيقـــــه الا وغنــــادر ناازله بتعب ..
ورمت بثقلهااا في حظن امهٓــا وووبكت ..


ارتااعت امهاا وسمت عليهاا واستفسررت عن بكااها ..
ردن بصيااح وانهياااار /
يممممممممممممممممممممه موو قاادره اراجع*حرررف من اللي حفظته ..
مااااااااااابي اختبــــر ..
ابي اانااااااام مااااا اقدر ..

هدت امهاا وضمتهاا تهديهاا ..
وهي تمسح على ظهرهاا /
مااعليييه الا لايعودهاا من درااسه
ولا من اختباار ..
ماهووب لاازم تختبررين ..
ولاا تحفظين ..
ارقدي وارتااحي و اخواانتس بيجيبوةن لتس عذر طبـــي ..
اهم شي ريحي اعصاابتس وارقدي ..

ردت ببكاا مرير/
يممممممممممه تكفيييييييين
ماااقدر اسكررر عيوووونـــي
قلبـــــي مهموووووم ولاا قدرت اذااكر *..


سمت عليهاا /
هذا من هم الدرااسه والعرس
واجتمع فووقهن قل اكل ونووم ..
جيبوو لي عباايتهاا ياابناات ..

تفرقوو البناات اللي مجتمعين عليهاا
يسموون عليهاا ويدعوون لهاا ..
اللي جااب عبايتهاا واللي جزمتهاا
واللي شربهاا عصيرر ..

اتصلت في ريااض جوااله مقفل ..
اامرت ريم تطلع له تصحيييه ..
بس وقفتهاا ديممه /


خاااله عزيز عند البااب بياخذني
خليهاا تركب نوديهاا حناا
ريااض بيتأخر عليكم ماقاام ..

استحسنت رايهاا ام فيااض
ولبست وسندت لهاا هي و ديمــٓه ..


.. شاافهم ساندينهاا ونزل ..
ماايدري من ..!
بس يبي يسااعد وووبس ..

عبدالعزيز / عساا مااشر !!
ووش فيكم ..
من ذي !!

.. شرحت له ديمه المختصر المفيييد ..
*وهو لاااعت كبده ..
شكلهااا مدلعه ذي ..
من اختباار تطيح كذااا ..!


.. عطوهاا مغذي ومنووم ..
وناامت لحد الساعه 6 الصبااح ..
رجع ديمــــه *وطمن خواتهاا عليهاا ورجع لهم ..
.. وهو في خااطره ..
والله البلششه .. دلع بناات وبلشناا به ..

.. صحت وفزت جاالسه ..
/ ابي اروووح اختبر ..

طمنتهاا امهاا /
.. الدكتورر قاال بيعطيتس عذر تنوويم
وانتس كنتي في الطواررئ ..

هزن راسهاا بنفي /
لا *بختبر وارتااح
لو اجيب صفررر بكييفه
اهم شي ارتااح ..
*

.. رجعهم للبيت
وهو رااح يناام له 3 ساعاات قبل تبدا محاظرااته ..
وبقلبــــه هم قد الجبااال من ذا الدلع المااصخ ..

•
•


.. ماعااد دااومت ..
فيهاا من الضييق اللي يكفيهاا ..

[ هياااا ]
______

كل شي جاا بسررعه خيااليه ..
المهر من بكرره جاابه ..!
العرس حدده بعد اسبووع !!

وكنهاا معهاا سررب بزاارين*
لاهي بنت ولاا عذرااا من حقهاا تفرح بزوااج
وطقطقه وفررحه ..
ب الاخيير .. رضت ..
.. كل شي جاا غصب عنهاا
بتووقف على هذي يعني ..


.. بس احلاا شي ..
*انهاا بتتزووج قبل ترف واختهاا ..
وبيجي لهاا عدر ماتحظر عروسهم ..




.. والوووعد قدااام يااظاافر ياولد العم ..


*•
•



.. فتح له ابو فيااض مجلسه وهو مستغرب جيته ذاا الحزه ..
العياال في اشغاالهم ..*
والبناات في دوامااتهم ..
حيااه و قهوااه ..
وعرف مقصده .........!!!!

ابو سلماان بحزم */

اناا ي ابو فيااض شااري نسبكم اوول وتاالي
وابي اللي يقربني منكم اكثر واكثرر ..
واناا وانا اخووك غي خااطري عروس*
ولاانيب لااقي اطيب من مريم بنت اختك ..

وقلت اخطبهاا منك اوول يوم انك كبيررهم ..
وتااخذ رايهاا ..
ثم نخطب رسمي من اخوهاا وعمامهاا ..


.. رد ابو فيااض برحمه لبنت اخته /
والله مدري وووش اقوولك
انت خاابر البنت ترد اللي يجيهاا
من يومهاا بنت صغييره
وشلوون هالحيين يوم كبرت !!


با صراار /
هذااك اوول*
يووم اخيينهاا تحت جنااحهاا
هالحين كلهم طاارو
ولاا عاد بالعش الاا هي ..
خلهاا تملاا عشهاا فريخاات
كوود تلااحق عمرهاا ببزرين والا ثلااثه ..!


ابو فيااض باقتنااع /
اشورهاا وارد لك خبررر ...


•
•


- الى ملتقى -*
**