السلام عليكم

العذر والسموحه ياالغوالي ..
غيابي لضروفي خاصه ..
اصبرو علي بس يومين ثلاث وابشرو بالخير ..

استودعكم الله ..

السلام عليكم
_________


.. ادعي لكل شعبنا السعودي ان ربي يحفظ لنا*قيادتناااا وامنناا واستقرارنااا ...
.. ويرد كيد اعدائنا في نحورهم وكل من اردا بمليكنا وشعبنا وارضنا سوءآ ...
وان ينصر المسلمين المستضعفين في الارض ...
في سورياا وبورما وسائر بلاد المسلمين .. اللهم امين ..

__________________________

[ 43 ]
____




ديمـــه
____


.. دخلت امها وشدت رآسهآ تحوقل وتسترجع ...
.. تنتظرها تنزل للصاله الدآخليه تحت ..
والبنت مآبعد لبست الفستآن الآبيض*
مآغير تقيس وتجرب فسآتينهآ بعد التعديل ..


.. حآولت امهآ تمسك اعصآبها ولاتصرخ عليهآ ..
بس البنت موووليه ...*
ولآ كأن ورآهاا عالم ينتظرونهآ ...

.. شآفت نظرآت امهآ الغآضبه لها ..
وبسرعه رمت اللي بيدهآ وسكرت الشنطه ...
ووقفت وفستآنها بيدها وبنظرة تهديد لأمهآ ..

/ تراااي عروووس ...
والله ان هاوشتووني والآ زعلتووني*
لاعطيكم ثوبكم ذا الاابيض والبس قميص
واطلع السطح *آقاابل حمآم سعود ...

.. بقلة حيله نفضت امهآ يديهاا ..
وتوجهت للقبله ... بتدعي ...
وش حيلتهآ مع ديمه غير الدعآ ....


( يالله يااااكريم تبلى ابن الاجوآد فيتس*
وتعميه عن عيوبتس .. وترزقه طولة البآل والصبر عليتس )....

ابتسمت لامهآ ..
وقربت تحب رآسهاا ...
/ ولو ان دعااتس شكله مسبه فيني ..
بس مآعليه ينفعني ...

.. دخلت غنآدر وعبآيتهآ على كتوفها ...
/ خالتي العيال يبون يصورون مع ديمه ...
خل تنزل تحت تصور معهم قبل يدخل المعرس ..
.. لبست ع عجل ونزلت خطوه خطوه ...
والمصوره قدامهآ توجهها وتصور ...


.. شآفها عزيز .. وابتسم ...
/ اثركم يالحريييم تلعبون علينا بذا الماكيااج
قرب لها وباس رآسها وبآرك لها ..

مسآعد طلتهآ قلبت عليه كثييير موآجع ..
ذكريآته مع آم اصيل تنعآد عليه بهاللحظه ..
وكنهآ البآرحه صآيره ...
.. لكزه عزيز وهو يقول بمزح ...

/ الليله فررررح ...
افردها يآ اخي ...
ومآعليك ام العيآل مصيرهآ بترضى ...

.. عجز يطلع ابتسااامته ...
.. هو وين واللي يظنه عزيز وين ....
رف جفنه وبعد انظآره عن ديمه ...
وركزها ع عزيز ...

/ صاادق الليله فرح ...
وديووم تستااهل الفرحه ...

قرب لها وسلم عليها ...
طلع من جيبه ظرف فلوس *.. وحطه بيدها ...

/ ماعرفت وش اهديتس ...
قلت اخليتس تشترينها ع ذوقتس ..

.. ضحكت وهي تميل له ...
/ ذي هدية العرس .. والا قيمة تكفيخي ذيك الليله ..

ضحك لذكرى ذيك الليله ..
.. يقولها سوي لي شااهي عندي رجال بالمجلس
تقوول له بقواة وجه ..
من مرتك اناا والآ وضيييح ..!
انا اسووي شاهي لضيوف رياض ووبس ...
كفخهاا وفكتها وضحى من بين ايدينه ...
وسوت الشااهي بدالها ...

ومن ذاك اليوم وهي لاشافته بيجي طلعت لغرفتها وقفلتها عليها ..
والا طلعت لعمانها والا لاي مكان لو لسوق حتى ..
بس اهم شي تحرمه من شوفتها وتعآقبه ...


.. فتح بوكه وطلع الفين ومدها لها ..
/ ذيك هديه وهذي بدل تكفيخ ههههه


خذتهاا ...
/ والله ماردهاا ..
اقل من جزااك بعد ...

.. ضحك من قلب ..
ياهوو بيفقدهاا ...

.. تنحنح عزيز بصووت عاالي ...
/ ياااولد ياااولد درب درب ...
المعرس بيدخل ....


رمت مسكة الورد *من يدهاا ..
ورفعت آطراف فستانها ...
وصوتت لامهاا ....
/ يممممممممممممه اابي الحماااام ...!


•
•


ريآض*
____

كنت بأجل زواجي لمن يطلع طارق بالسلامه ..
نسيب وله حق ..
بس حلف ايماان مايتأجل لو يوم عشاانه ...
وبصراااحه انا محتااج لمرأه بحياتي مره ...

ابي احضآن .. آبي دفى ...
ابي ارمي هموومي عليهآ وآشكي لها وتواسيني ....
ولدي كآسر ظهري ....
وشوفته بهالحآل تحسسني بالعجز ...
ومواعيده وسفرااتي لاجله انهكتني ..
انهكتني لانهآ بلآ فايده ....


... الليله بس حسيت اني عريس لاول مره بحيااتي ...
.. من الظهر وانآ عند الحلآق ..
ومعي 2 من اعز اصدقآئي الاطباء ...

.. استمعت بكل لحظه في هاليووم ...
لحد مآدخلت لبيت عمي .... وكنت ع وشك ادخل لديمه ....
لكن اضطريت اجلس بالمجلس نص سااعه مادخلووني تنزفزت الصرآحه ....


.. وش هالحركه .... !
لآزم تلطعني برآ البرنسيسه ...
.. تعووذت من ابليس ورميت كل شي ورى ظهري
لمن نآداااني عزيز ادخل ....
حسيت بشووي تووتر وربكه ...
والتفت لسعود ...
/ سعود ولآعليك امر ..
جيب عبووودي يدخل معي ...


.. ابتسمت له بفررحه ...
الثوووووب عليه طااالع شي ...


.. دخلت وع طوول عيووني زاغت ع الفستآن الابيض ...
.. سلمت وجلست ...
واخوانهاا مسكوناا تعليقاات ..
واللي صدمني حياهااااااااا اللي ماتوقعت بشوفه ...
هههه وجههاا احمر وعيونهاا تلاامع بالدموع ...
.. طالعت الورد بيديهاا يهز هز هههه ...
زييين طلع فيهاا انووثه ...*
وحركات بناات ....!


... جلسنا ساعه ونص تقريباا ...
ثم توجعناا للفندق ...
وتركت عبوودي امانه بيدين امي ...


•
•

هيثم
___


.. لي 3 اياام متزووج ...
وفيني ضييق ماايعلم به الا الله ..
خاصه بعد مادريت صدفه انت ترف بنت خالي حااامل ...
قبل كنت مأمل في انها ترجع لي ..
لاني كنت اسمع طراطيش حكي انها مشاكل مع زوجها وكنها ماتوفقت ...
... غبي ... لو كنت بمكانه اخليها ماتمشي الا على كفي ....


.. تنبهت للصووت الحيااوي اللي يناادي علي ...
... تأملتهاا وسرحت ..،
بسيييطه بكل معاني البسااطه ..
في جمالها هدووئها اتزانها لبسها ...
... بحااول اتقبلهاا وانجح هالزوااج ..
مادام فقدت الامل بترف ...
بتكون نوال او غيرها سيآن عندي ...

انتبهت لحمرة وجهها ...
وحسيت بنفسي واناا من وقت اقزها ومفهي مع نفسي ...
تنحنحت ...
/ هلا نواال ... تبين شي ..!

/ سلامتك بس ابوي مكلمني
يقول تغدو عندي بكره ...

رديت بنفس هدوئها ...
/ انا بتصل عليه واعتذر ...
مايمدي بنمشي ع الفجر لمكه ...


.. ماحبيت اساافر معها واتحمل تعب سفر
وخسارة فلوس ووضعي معها موب مستقر ..
خليتها داخلي جده ومكه والطايف ...
لحد ما نمون ع بعض ونتعرف ع بعض اكثر ...
... وماتضيع ايام سفرتنا ع مجاملات وحيا ...

•
•

وضحـــى
_______

.. رحت لابوي فـ البر ازاوره *...
ويااوجه الله يآكثر مآغيرتني النعمه ..
.. ماعاد اطيق حر الشمس ..*
ولا لوااهيب الصحرا ورمضآ رمالهآ ...


.. حتى البهم والبل مآعآد احب ريحن المعفن ..
.. وطآل علي ليلهم ونهآرهم ...

.. قعدت معي اميمتي وهي ترق الخبز ..
تبآ تغدينا خبز ومرق لحم ...
وسألتني ...

/ هاااه ياابنت ...
مآفي بطنتس ظنى ...

رديت بضيق ...
/ ما الله كتب شي يايمه ..
عل في الامر خييره ...

ام وضحى /*
اباخذتس عصير لأم رشود كود*
تلقحين على يديهاا ..

رديت / فكيني من ام رشود وصرايرها
ودوياتها اللي ماتنبلع ..

ام وضحى /
ام رشود ماتاخذ دواها الا من البران
طآقه المطر ومن ارض طيبه ...
ويدها فيها البركه ...


سكت ماعاد قلت شي ...
وصرخت يوم حرقتني صاج الخبز ..
/ اووووووووتس ياحر النار حرااااه
ياحلالاه ياخبز الخباز اللي ماتعب فيه غير ريالك ..

ردت امها بانتقاد ...
/ نسيتي عيشت اهلتس ياوضيح
كلشن تعيبين عليه ...!


رديت بصدق ...
/ ياااجعل السيل يسقيهاا من ديره
ايني والله ماانسيتها ولا نسيت لياليهاا
.. لكن ياميمتي ذقت الرااحه بعد الحفاا يمه ..
والله رجيلاتي اللي قبل متفطره من الحيد والشوك ذلحينه تسنها الزبد ...
.. ووجهي اللي تصلخ من الشموس والقوايل
غدا تسنه الورد ...
وحاالي اللي من الشقا والمراح مع البهم ناحل ..
تبطر من النعمه ...
ورا ماتشدون للديره حولنا ..
اقرب لي ولكم وتذوقون الراحه والحياة الشليه ..

ابتسمت امها براحه ..
/ ياجعلني فداتس ..
الله يتمم عليتس ويزيدتس من فضله ..
انا ولدتني امي بذا الخلا الخاالي ..
وفيه بيحفر قبري ...
الا ان دارت بي دواير الدنيا ..،
وابوتس لو يغيب عن بله لو ليله جاه الوسواس والهم ...


.. تنهدت بضييق..
مقعاد امها وابوها في ذا البر لحالهم
ماهوب زين ...
صح حولهم عرب بس مهوب قراب مره
ولاينشد بهم الظهر ...
متى ماذكر لهم ربيع في الديره الفلاانيه*
بيشدون لمه ويخلونهم ...

مسكت برقع امها تطلبها ...
/ هاااا اجل ترااي حلفت ...
بجيب لتس خدامه تعااونتس وترادتس الصوت
انتي والشاايب ... وتعاونتس وتحطب معتس ...
والله ماتردينها ..*


.. عقدت امها حواجبها ..
/ ومنين لتس حق الخدامه ..!

وضحى وبنيتها تبيع بعض ذهبها
وتقدم لامها شغاله ....
/ مساعد حلف ..
ان ماجو للديره ان يجيب لكم خدامه
وانا مارضيت يجيبها من حلاله
عطيته بعض *اللي بقا لي من مهري ..
يجيبها ....

سكتت امهاا ...
هي صدق محتااجه احد يساعدها ويرادها الصوت ..،
خص بعد عرس وضحى مرره فقدتها ...
شايبها عند ابله اكثر شي ويجوونه رجاجيل من ربعه .،،
والصبي يقهويهم ويسوي كل شي ...
بس مايلمس شي في خيمتهاا ....


•
•


طآآآرق
_____

مآتحرى لهآ اليوم آبد ...
عرس آخوهآ واكيد مآهيب لمه ...


.. يحس بملل ....
وكل شوي مغير وضعه ... يآجالس يآمنسدح ..
... متى بس يمشي ع رجوله وينطلق عوقه ..!
.. تنهد ....
.. *وصل الفرج بس الله يلهمه الصبر ...
من يوم فصلو رجوله عن بعض وشوقه للمشي
زآد أضعآف آضعآآفه ...


.. فتح جواله يسترجع رسآيلها اللي توسع صدره كل مآضآق ...
ولو انهآ كلهآ هوآش وتحدي وتهديد ووعيد ...
لدرجة آخر مره عطته بلوك من الوآتس من قهرهآ منه ...
وبعد يومين رجعت ضآفته ...


..فتح البآب بهمجيييه وقووه روعته ...
عقد حوآجبه بعصبيه ...
وش ذا التصرف ..!*
من ذا اللي مآعنده ذوق ويفتح البآب بهالطريقه ع مريض ...
كل هالشي خطر ببآله في ثوااني وهو يكلم نفسه ...
ونآوي يعلم اللي عند البآب الادب ...


... فتح عيوووونه ع الآخر ...
وبدهشه ..../
تررررررف .......!
ووش فيتس .....!
ورآتس تلهثين وحآلتس حآله ...


شآلت الطرحه عن وجههآ ...
وخذت نفس وهي تهف ع وجههآ تبي البراد ...
.. نزلت سلة القهوه الشغآله ...
وصحن الحلا والمعجنآت ...
واشرت لها تنتظرها برآ ... وتسكر الباب وراها ...
... جففت وجهها بشويش واخيرآ عطته وجه
والتفتت له ...

/ جيت اتقهوى معك قبل اروح للعرس ..
ودوبني طالعه من المشغل ..
مريت البيت خذت القهوه والشغاله وجيت ع طوول ...
.. شالت عبآيتها تبيه يشوف كشختها ..
وهو مآقصر .. قزها من رآسها لرجولهآ ..
بس ولآ علق ولآعبرهآ ولآكنه شآف شي ...
.. قزهآ من تحت لتحت بطرف عينه ...
يحسبهآ مآحست فيه .. وهي بعد كآنت ترآقب نظرآته بطرف عينهآ ...
وكني مآنيب لمك ...

.. انقهرت دآخلهآ ...
تدري آنهآ لفتت انتبآهه بس ليش مآيقول لو كلمه ..!
تحسسهآ بانوثتهآ وترضي غرورهآ ..
... سألها بغيره ...
/ من اللي جآيبتس السواااق ...!
عسآ منتيب راكبتن معه وانتي تسذآ ..!

تعمدت تثير غيرته ..
وتقهره مثل مآقهرها ..

/ اجل من بيجيبني ..!
المعرس والا ابوه والا اخوه الوحيد ..!
زين حصل السواق وقت يوديني ...

بس الرجعه يمكن ارجع مع عيال عمتي ..
سند والا هيثم ..
هم هناا بس بالقسم الثااني ...
يزورون خوانك الصغار عيال مريم ...
كلمت مريم وقآلت ننتظرتس ..


.. استفزته مررره ...
يعني كنه عاادي عندهاا تركب مع فلان وعلان .
قالت رجلي حسير كسير ...
ادج ع كيييفي لاحسيب ولا رقيب ..!
.. مآيبي يكلمهآ ولآيرد عليهآ ...
... لو نطق بيندم هو وهي ...
.. سفهآ وكلم ع آبوه ...
/ هلآ يبه .. منتب جآيني اليوم ..!
.......
/ زين .. كان مآعليك كلآفه
ترف بعد ف المستشفى ..
ابي توصلهآ بدربك الله يرضى عليك ..
.......
/ مآتقصر جعل عمرك طويل ..
في أمآن الله ..


.. تعوذ من ابليس في نفسه ..
وبأمر ...
/ ضفي عمرتس وغطي صدرتس والبسي عبآتس ..
ابوي جآي ف الطريق ..


.. انقهرت منه ..*
هذآ اللي قدره ربي علييه ..
.. مشت قدآمه وهي تغنج بمشيتهآ ..
للحين بطنهآ مابرز مرره ...
.. بس جسمهآ امتلآ شووي وعطآهآ انوثه واغرآء اكثر ...


.. لبست طرحتهآ ..*
وكآنت بتكلمه لولآ دخول ابو طآرق عليه ..
والفرحه مريحه ملآمحه ..
وبين يديه لفه بيضااا ... وبسعاده صافيه ..
/ هذآ عضيدك ...
سمينآهم محمد ... وآخوه سعد ..
ههههه مآبقآ اسم ماسمينااهم به ..
واخر شي سماهم شايب والله ماعرفه ولايعرفني ...
.. بيطلعون معنا اليوم للبيت ..

.. *جلس وهو مررره مبسووط ..
اول مره يفز للصغار لهالدرجه ..!
حتى عيال سلمان أخوه ماقد فرح بهم هالفرحه ..
.. مايدري هو عشاانهم اخواانه ...
والا عشان بيجي له مثلهم بعد كم شهر ...


.. نساا اللي صار بينه وبين ترف ...
ونآداهابلآ شعور وهو مبسووط واخوه الصغير بين ايديه ...
/ تررررف تعااللي شوووفي ...
بسم الله عليه ..*
ماشاء الله روووعه ..

قربت منه وفعلا الصغير فتنهم بشكله وحجمه*
.. واخر شي تعبيرات وجهه المتضايقه ...
.. وهالطفل عطآهم جو وهو بعده مآدرى عن الدنيا من حواليه ...



•
•


عزااام
_____


.. بعض الرجال عزيمته قووويه ...
ولوه بيموووووت من الشووق مايبين ضعفه لحرمه ....
... ويعتبر الشوق للمره هو الضعف بذاته ...


له 3 اسابييع عنها ...
لا اتصل ولا سأل ...
ماغير ياخذ علومها من ابوها واخوانها بشكل رسمي ...
وكـ سؤال عابر ...


.. وهي اعند منها ماافيه ....
... وتعتبر غلطها مايستحق كل هالجفا منه والهجر ....
... كان التعب كله اليووم عليها ..
بما ان خواتها حوامل ...
وهي الوحيده اللي ماعندها عذر ...
.. تستقبل وتشيك ع كل شي بنفسها ...
*من الطقاقات للصبابات للحلا والمعجناات والضياافه للبوفيه ..
واخر شي تحس رجولها خدرت من المشي والتعب ..
ولو ان خواتها ماقصرو بس الثقل كله عليها وع امها ...*


.. دخلت ع الساعه 4 الفجر تشيك ع الطاولاات ..
لايكون في شي منسي والا حاجه ماشافوها ...
... عبايتها بيدها ..
والسواق وفيااض عند الباب ...
وامها بالسياره تنتظرها ....


.. حطت جزمتها الكعب وعبايتها ع اقرب طاوله ...
ومشت حفياانه بين الطاولاات ...
مررررره فكرهاا مشغوول ..
وكل ماتطرده عن بالها يرجع لها بقوه ...


.. *انحنت تاخذ اسواره من ع السيراميك
وتتحقق هل هي ذهب والا اكسسوار ذهبي ..
واول مارفعت بتعب وتراجع ضرب ظهرها في شي ...
التفتت تشووف ومالمحت الاا بيااض ثياب رجآل من شدة خوفهآ ...
ضربت ع صدرها وصرخت برعب صرخه بسييطه ماقدرت ترفعها اكثر ..
وكل صوتها انقطع ...

.. بثقل تكلم ..
/ سمي بالله ... انا عزآم ...


استوعبت اخيرا ورفعت انظارها من صدره لوجهه ..
ماتحملت الموقف ....
خوف وشوق وارتبااك وكل المشاااعر ...
ع طوول عطته قفاهآ بدون لآترد ...
.. ماتبيه يشووف وش بيصير لهآ الحين ...


.. لفها له بقوه وقهر ونيته يعلمها انها مآهمته*
يوم تعطيه قفآها ...
.. تراجع وهو يشوف وجهها وخشمها احمر وعيونها تلآمع بالدمووع ...

.. طلَّع كلاامه بنبره غييير عن اللي كان نآويهآ ..
/ وش فيتس خفتي ..!

تنحنحت تبعد الصيحه عن حلقهآ ...
/ آححححم ايه حسبتك واحد من العمال*
اللي تبع القاعه ...


وبمكآبره ...
/ امتس قالت لي انتس دآخل بلحآلتس
قلت احي اطلعتس لايدخل اخد من العمال مادرى عنتس ...


.. وووووبس ....! *سكت وسكتت ع كذا ...
والوضع مربك من كثرة الهدووووء ...


.. هي نظرآتها ع الآرض ماتدري*
وش تقول والآ وش تسووي...!
.. وهو يرآقبهآ بهدوء وكأنه يتصيَّد عليها آثر شوق والآ وله ...

.. قطعت الصمت الممل اخيرآ ...
وبانفآس طلعت متوآتره ...
/ انااااا برووح البس عباايتي واطلع ...


مرت من جنبه ...
بس يده الا مسكت يدهآ خلتهآ ترتد له بقوووه ...
.. طآلعت فيه بآستغرآب ...
ومآ امداهآ تحاااول تبرر تصرفه الآ وهي بين احضاانه ....

.. والآفعااااال تعبيرهااا اقوى من الكلاااام ...
.. كانت تنتظر منه كلمة اشتقت لتسً..
لكن بضمته ولو مانطق كل الشووووق ...


بعدها عن صدره بهدوء ...
وتكلم برصآنه وهدوء مآظهر فيها اي دلاله
ع اللي صآر قبل شوي ....
/ تروحييين معي ...!
وكمل .. لبيتناا ...


... عرفته وعرفت اسلووبه ..
لو تجلس عند اهلها سنه والا سنين ...
لايمكن يعتذر لها ...
ولا ينطق بكلمة حب او شوق مثل ماكآنت تعتقد انها واجب بين كل الآزواج ...


وببسآطه ردت ...
مآكن بينهم شي وشويآت ...
ونست انهآ قالت بتأدبه وتعلمه احترامهآ ...
وبتمشيه ع كيفها و ع طريقتها اللي تبي*
..

/ اذا بتجلس اليوم ف الرياض
خليها ع المغرب ...
الحين ميته تعب واابي انام ...


هز راسه يوافقها ومقدر لتعبهآ
اللي باين بوجههآ رغم الماكيااج ...
/ اووك .. كنت ابسري الحين مافيني نوم ..
بس الحين نامي وارتاحي وبالليل امرتس ونمشي ...



.. كل شي يبداااا صغير ويكبر ....
الا المشااكل تبدا كبيييره وتنتهي صغيييره ...
كذا يقولون ...
.. حساافة سهر الايام واللياالي وحرقة الاعصااب والبكاا ...
... واخرتها فرج من ربي من اسهل مآيكون ...


•
•


ريآآآض
______


.. مهمآ قالو عليها عاديه ومربوشه وفيهآ ومآفيهآ ....
... الآ ان عيني تشوف فيهآ شي مآشافوه ...!
... علقت بشتي وتوجهت لها وهي ع الكنبه بفستآنها الابيض ....
/ خلييتس بفستاانتس للفجر ....
ابي احس اااني عرريس طوول هالليله ...


.. ومهما لبست وفعلت وترگت ..*
تظل دييييمه اللي اعرفها ...
مايغيرها لبس ولا وضع ولاتتقيد بحالات ...
ردت ببتساامه مشااغبه ...

/ اوووك وانت بعد البس بشتك للفجر ..
ابي احس اني عروسه ...

.. ضحكت من قلب ....
وقلت باحرجهاا ...
/ بنت استحي ترااتس عروس الليله ...
وغمزت لها بعييني ...
وحمدلله ... قلب وجهها احمرر ...
يعني طبيعيه مثلها مثل هالبناات بس يبي لها صنفررره وترجع لانوثتها ووضعها الطبيعي ...

.. قلت اطلعها من احراجهاا ...
/ تذكرين كبستس ذيك الليله ...*
سحورتس برمضاان يوم تخنفسين علينا وتزعلين ....
.. ترا والله ماذاقناهاا مثلتس ...
احترقت وطلعنا نتسحر برا ...
وعطيت سحورتس سعود مدري وصله لتس والا ...



.. انقهرررت وسعود الكلب يقوول كلناها عنتس
وكبينا باقيهاا مع النعمه ....
زعلت من جد ... وخذت بخاطرها ع رياض ...
بس الحين ودها بشووفة سعوود ..
وتطلع هالسحور من عيوونه ...



.. دخل بدل ويغسل وهي بالصاله ..
تحس نفسها *ابو الهول هي وتسريحتها ...
ازعجه دق جوالها وهو بالحمام ..
واضح ماسمعته ...
لانه دق كذا مره ...
.. فتح شنطتها بيطلعه *لها ويعطيها ايااه ...
وهاله المنظرر ....
وش ذااا شنطة عزبه والا شنطة عرووس ...
والله لو هو بيوديها للربع الخاالي ..!
.. شوكولاا وكييك وسن توب ميني ...


رجع الجوال وسكر شنطتها لايحرجها ..
جلس جنبها وقال ببراءه ...
كني اسمع صوت جواال يدق ..
بس موب نغمتي يمكن جواالتسً...
وبخبث .../*
وينه فيه اجيبه لتس ....!

فزت مثل المقروووصه ...
/ انااااااا اجيييبه ...
مايحتااج انت ...
ويسررعه طارت للغررفه ...


.. طلب تشكييييله واسعه من المشوياات والمقبلاات والسلطات ...
.. وعزم يلزم عليهاا بالاكل ...
واذا شبع يدخل ويحسسها انه بيكلم ولاهوب يمها ...
عشان تاخذ راحتها ف الااكل ...
..واضح احد موصيهاا تاخذ احتياطهاا*
والا امهاا حاطتها لها خايفه لاتستحي بنتها ولاتاكل ...


.. بس حلوو تنبه لهالنقطه ..
...والا كان بيتركها براحتهاا ...


__________
انتهى 🌹
سامحووني ع القصور حبايبي ...

لآآآآآآآآآآآآآآآآآآآآآآآآ أم وسن قصيروون ما يروي لهفة شوقنا

أهلين ام وسن وحشتينا حييييييل أخبارك يا فتاة بجد المنتدى له طعم غيير معك يا وجه الخير

ترف زين تسوين في طارق خليه شووف و حر جووف :)


نروح لعزاام بطل الأبطال وياليت كل بناتنا الغاليات يفهمون هالنقطة والمشاكل اذا كبرتيها تكبرة صغرتيها تصغر بيدك انت

تسلم الايادي ام وسن
البارت حلو رغم قصره
هيثم الواحد لازم يرضى بقسمته
عزام التصرفات احيانا ابلغ من الفعل
طارق محد قادر عليك الا ترف ترسم لك الحدود
ديمه ورياض حركاتهم هي نكهة الروايه

السلام عليكم
الغالية ام وسن
نادرا ما اعلق على موضوع في المنتديات
فانا متابعة جيدة لك من خلف الكواليس اقدر لك كل ما تكتبين من
رواياتك الرائعة التي تمس الكثير من واقع مجتمعنا
أعجبني أسلوبك و أفكارك في الكتابة فانا اتخذ من مواقف ابطال
روايتك مواقف لي استخدمها في الحياة


فهنيئا لك فكرك واسلوبك الذي أتوقع بل واجزم بانه أسلوبك
في تعاملك مع من حولك
كل تقديري لك
فإلى الامام دائماً ولا تحرمينا طلتك
أبدا
تحياتي لك كاتبتنا الرائعة والمبدعة