الرجاء الالتزام بالقوانين والابتعاد عن الردود المخالفه مابي رد مخالف بعد ردي هذا ياجميلات

السلام عليكم و رحمة الله و بركاته


تغلق بسبب الردود المخالفه

موعد البارت غير ثابت .. غالبا يكون الخميس



أضواء

......

تفتح بطلب من الكاتبه عووووووووووووووووووووودا حميدا ام وسن اميرة الادب النتي


ومبروك عليك الشهر قلوب تنبض لتس

السلاام عليكم



الشهررر عليييكم ي الغواالي ..
الله يبلغنا ويااكم صيامه وقيامه ويتقبله منا ..
ويجعلنا من المغفور لهم ذنوبهم ومن عتقاءه من النار ...


بالنسبه للروايه ف رمضان ...
راح تستمر باذن الله ..
لكن البارتات اقصر ...
عشان لاتاخذ من وقتي ووقتكم ..
ونتواصل وماتنسون الاحداث ..

غياابي هالاسابيع قسري ..
تعب نفسي وجسدي الله يلبسكم لباس الصحه والعافيه ...



عذرآ ياقلب مشكورره ربي يسعدك ...
ام الوولييد ربي يتقبل منك ويسعد قلبك ..
اعذريني النفسيه زفت والجوال بجهه وانا بجهه ...



يالله نرووح سوآ للبآرت [ 40]

____________________




سآرۿ
____

محد حآس فيني وفي حرقة قلبي ..
الضره مره .. والغبن يذبح ...
.. لآ ليلي ليل ولآنهآري نهآر ..
من آصبح لين آمسي وجوآلي بيدي ...
آشكي لفلآنه وعلآنه وزآدو نآري حطب ..
ولآ برد قلبي ...
عزي لمنهي مثل حآلي ...
آدور آدور بحلقه مفرغه ...
مآلقيت حل ولآحد نفعني ...
ومشتته كن مآلي عقل ...!



.. رحت لوحده من جآرآتنآ ..
وشكيت لهآ وبكيت ..
تعآطفت معي ورحمتني ...
قالت حل مشكلتي بيدهآ ...
وسلمآن بيرد لي منكس رآسۿ خآضع لي ..
آستبشرت خير .. وحسيت بأمل كبير ..
من سمعت العهود والوعود ...
وش كآن ووش بيكوون ...
وانتظرت حلهآ على أحر من الجمر ...
وهوآجيسي تآخذني وتوديني ..
وش ممكن يكون حلهآ المعجزه اللي بيرد لي سلمآن ..!



.. ومن بكره الضحى جتني ...
فرحت بهآ مره .. وكن الفرج جآني ومآعآد بيني وبين سعآدتي الآ خطوآتهآ ...
.. خفضت صوتهآ بعد مآسكرت البآب علينآ ..
وبهمس قآلت لي ........ !
ام نوري / هذا رقم رجال بعطيس اياه ..
كلميه وهو بيقولس وش يبي منس ...


عقدت حواجبي وسألتها ...
/ وش رجآله ...!
وش دخله بسآلفتنآ ...!

لوت بوزهآ ...
ام نوري / يآ الخبله ذا على يدينه فرجس ..
هذا بيده حل لكل مشاكلس ...
يعرف كل شي وعنده حل لكل شي ...


رديت وقلبي بدا يقرصني ...
/ وش درآه عني وعن مشآكلي ...
وبصفته ايش اكلمه ...!

جآبتهآ على بلآطه ...
ام نوري / الله يخلف عليس ..
ذآ عرآف ..*
ويولف ويذلف ..
بخليه يولفس مع سلمآن ويذلف طبينس عنه ...


قلت بتنآحه ...
/ صرف وعطف ...!
ذآ سحر يعني ..!!!!!

ردت بملل ...
ام نوري / يوووووه منس ...
ماحنا بمسوين *شي غلط ...
بس نبيه يولف لس ...


قلت بصبر ...
/ والمقآبل ....
كم يبي ....!


قالت بتردد ..
/ آآآ يبي شيين بس ....
يبي 8 الآف تحولينهآ لحسآبه ...
وآآآ.... يعني ..... سذا .....آحم ....هذآك ...


بققت عيووني من ترددهآ ..
/ وش هذآك وش فيتس تكلمي ..!
وش يبي بعد ...!


ام نوري بتهوين للامر ...
/ يبي منس في التلفوون ترا ...*
ماهوب تجين عنده ...
لآ مغير في السمآعه ...
يعني بينس وبينه بحور و ديآر ...
يبي منس كنس معه بفرآشه ...
وتحآكينه على هالاساس ....

*
حسيت الدنيااااا تدوررر فيني ...
وطنييييين بيفجر آذآني ....!
يآ الله .....!
يآ الله .....!
يآرب رحمتك وعفوووك ...


الى هالدرجه ...
الى هالدرجه ممكن النآس تبيع دينهآ لجل دنيآهآ ...
زنآ اللسآن وسحر ومحرمآت ...!
لآجل ايش ابيع ديني ...!!
لآجل رجآل ...!
عمره لآكآن لي رجآل ولآ عيآل ولآعيشه
مآدمت ارضى على نفسي اعيش بهيمه وآخسر ديني ودنيآي ...
.. يديني ترتعش بشكل خيآلي ....
وآنآ احس بالخجل والخوووف ...
خجل وخوف من ربي ...
نآكل نعمته ونعصييييه على ارضه ...!


حطيت يدي على قلبي اللي يرجف بقووه ...
حسيت آنفآسي ضآقت ...
ربي توفني وآنت رآض عني ..
وثبت قلبي على دينك وتقوآك ....
مسحت عرق جبيني اللي صآر يتصبب من كل جهه ...
بلعت ريقي بصعوووبه وتكلمت وانا احس الحروف تجرح حلقي .... وبهدوء عكس البراكين الثآيره بصدري ...
/ ام نوري روووحي *الله يستر علي وعليتس ...
مآنيب من هل هآلطريق ...
وعسآه يآخذ آربع ويقفي عني العمر كله ...
والله مآيسوى عندي غضب ربي علي ....
*

نفضت عبآيتهآ وقآمت بخوف*
يوم شآفت حآلتي ...
مسكت يدي وهي تلوك علكتهآ بتطنيش ...
/ آنا بروح يآختس ..
ومآدام مآتبين ..
خليه سر بيني وبينس ...
استري علي ولاتعلمين آحد ...
وقفت وطلعت من بيتي ...
وحلفت مآتطبه الآ بعزآي لآمت ....
وشي يتردد ببآلي ..
آستر عليهآ وتمشي في غوآية الحريم الضعوف الجآهلآت ...
والآ آبلغ عنهآ وآفك النآس من شرهآ ...؟


•
•


تــرف
____


.. تعبت والله تعبت ...
.. الحمآل من جهه .. وطآرق من جهه ..
.. كنآ ننتظر زيآرة البروفيسور البريطآني بفآرغ الصبر ...
.. الآطبآ رفضو يعطونآ تقرير عن حآلته ووضعه الآ بعد زيآرة البروفيسور اللي صآدفت جيته دخول طآرق المستشفى ..


... آغمى علي لمن جمعنآ دكتوره المبآشر لحآلته
مع البروفيسور وعمي ابو سلمآن وعزام ...
اصر الدكتور آكون موجوده رغم اعتراض عمي وعيآله
على حضوري ....

.. قرآر البتر صدمنآ كلنآ ...
مآكنت متوقعته آبد ....
بس الدكتور قالنا انه هذا قرار الاطبآء
اللي أيدهم البروفيسور عليه ...
الآ ان زآد لآزم البتر يكون بآقرب فرصه ...
وتهيئته نفسيآ مآلآزم تطوول عشآن رجله
لآ تتعفن آكثر ويصيب الرجل غرغرينآ*
وتنتقل للفخذ ....


.. كنت منهآره تمآمآ ...
لكن آنهيآر طآرق قوآني وخلآني آتحمل غصب عني ....
.. وهو صآر نآر موقده ...
ويتعمد يفرغ غضبه علي ...
وآذا حسيته بيضربني شي آحآول آعطيه ظهري وآتفآدآه ..

/ آنتي يآزفته مآ آبي أكل تفهمييين آنتي ...!
مآنيب بزر تغصبينه ...
والآ تحسبين بيقطعون رجلي يعني مآ أقدر آسوي لتس شي ...
والآ مقدر آوصل لتس ...

تعآلي تعآلي هنآ أحسن لتس ...


قلت ودمووعي بحر ... وبقهر بعد مآطفح كيلي ...
وحآم ونفسيه وتعب ....*

/ في ستييين دآهيه ...
لآتآكل ...
لو القطع فـ لسآنك كآن فكيت النآس من شرك ...
*عسآني الموووووت آنآ وآفتك وآفكك من شري ...


هجد فجأه .. وكملت بعد مآ استقوويت وآنا آقرب منه بتحدي ...
/ تحسب آني ميته عليك ...
والآ عبده بين آيديك ..!
آنا بشر لحم ودم وآحسااس ...
منيب جمآد تشخط فيه وتسب ويسكت ...
تعبت والله تعبت ...
ارحمني الله يرحم وآلديك ...
وجلست آبكي بقوووه ...
جمعت الآولي والتآلي وآنهرت على سبب تآفه ...


بكيت لين تعبت ودخت ...
وقفت بسرعه وهذآك آخر عهدي بنفسي ...
مآ صحيت الآ بيدي مغذي ...
ومتسطحه على سرير ...
وامي وخوآتي عندي ...
آه آحس بعيوووني جفآف من البكآ مآ آقدر آفتحهم ..
.. وجيت بتكلم بسألهم وش صآر ...
لكن حسيت شفآيفي تتشقق وبطعم الدم فيهآ ...


.. التفت لآمي ومسحت على شعري ...
قآلت /
بيرقدونتس يومين عندهم ...
جآتس شوي نزيف ...
وجسمتس ضعيف يحتآج مغذي ...


سكرت عيوني وقلت ببحه ..
/ مقدر يمه ...
طآرق ورآي ...*

ردت بصرآمه آعرف وش ورآهآ
/ طآرق مآعليه شر ..
الكل تحت آمره ...
وتعبتس كله منه .. انتي حآمل وتشيلينه وتحطينه
لين طحتي من طولتس من التعب ...


قلت بخدر ...
/ يمه من جدتس ...
بزر هو آشيله وآحطه ..
لولآ الممرضين مآقدرت آحركه سنت وآحد ...
آنآ بس آسآعدهم شوي وادخل معه دورة الميآه
لآ يبلل ملآبسه .. وتنجس ..
والآ الثقل عليهم هم ...
*
لازآلت مصره ..
/ مآعليه ...
انتي بتنومين لين تعآفين ...
ثم تروحين معي البيت ..
مآعآد لتس قعده هنآ
وهو مآعليه شر ...
عنده اللي يخدمه ...
وقت الزيآره بنآخذتس تشوفينه ...

سكت ... فعلآ راي امي صوآب ..
لآزم آبعد عنه شووي آجدد نشآطي*
وآسترد عآفيتي ...
وهو بعد يغير جو عن وجهي ...
ويرتآح شووي من الهوآش علي ...
بعدهآ ..... بوريك الشغل يآطويرق ....


***

يتبع .....

البارت [ 40]






طآآرق
____

*
.. قطع شي من جسمك يعني لك العجز ..
يعني النقصآن ..
يعني اليأس والآحبآط ...
يعني حيآتك توقفت ..
وبتكون محلك سر ...
لآتهش ولآتنش ...
لآتقدم ولآ تأخر ....


بعد مآتقبلت آصآبآتي من الحآدث والكسور اللي فيني ...
.. آنصدمت باللي أعم وآطم ...
مصيبة بتر رجلي ....!
آه يآ خسآرتك يآطآرق ....

.. حطيت كل غضبي ويأسي وعجزي وضعفي برآس ترف ...
.. هي الوحيده اللي بتتحملني ...*
وبتحس بآلنآر اللي فيني ...
.. وشي بصدري يبي يختبر صبرهآ معي ...
وهل هي بتتخلى عني لآقطعو رجلي والآ لآ ...!
الآكيد آنهآ مثلهآ مثل غيرهآ ...
وش تبي برجآل ابتر ظل الحيط ولآظله العآجز ..


.. آعآندهآ بأكلي لآنه أكثر شي تهتم له ..
وامتحنت صبرهآ لحد مآ انفجرت بوجهي وآنهآرت اكثر مني ....
... نزلت دمعتي وآنآ آشوفهآ متسطحه ع البلآط البآرد*
مغمى عليهآ وآنآ قدآمهآ زي قلتي ....
كني مكبل بحديد ...
.. تلحلحت بصعوووبه وضغطت ع الجرس بعد جهد ...


.. *شآلوهآ الممرضآت وآنآ عيووني تقلب في السقف وعقلي معهآ ...
مدري وين ودوهآ ولآوش صآر عليهآ ..
بلآ سند .. لآأم ولآ ابو ولآ رجل ... !


.. ليتني مآرفضت آخذ جوآلي ...
كآن اكلم آحد يجي يشوفهآ ...
وكل ممرضه ارسلهآ تطمن لي علي تروح ولآعآد تجي ...
.. خلآآآص ورب البيييت مآعآد بي صبر ولآذرة عقل ...
.. نص سآعه وربي آرسل من ينقذني ..
سلمآن *ومعه خآلتي ام فيآض جآيبين لنآ قهوه وشآهي قبل يجون الزوآر ...
آخذت جوآله ...
وطلبته يطمن على ترف ويطمني ...
..*

.. فتحت فمي بصدمه ..!
حآمل ...!


يعني يوم تعآرضني ع الحمل ونتخآنق بسبته كآنت حآمل ..!
.. حآمل ولآ قآلت لي ...!
والآ يمكن مآدرت .. آكيد مآدرت ...
سكرت عيوووني بألم *وفرحه وحزن ومشآعر مشتته ...
ليت الوضع غير الوضع والحآل غير الحآل ...


سألت امهآ بهدوء ..
/ وشلونهآ الحين ...!

ام فياض / مآعليهآ .. طيبه ان شآء الله
خذت مغذي ويبي لهآ ترتآح وتنآم زين وتآكل زين ...
وبآخذهآ معي للبيت لآطلعت ...

هزيت رآسي آوافقهآ ..
استأذنت وطلعت ...
وغطيت عيووني بذرآعي بيأس ..
مآنيب مسووي العمليه ...
ولآ نيب قآطع رجلي ...
مآبي ولدي والآ بنتي يشوفون ابوهم بلآ رجل ...
رفعت ذرآعي بأنزعآج للبآب اللي يدق ...
وعيوني للبآب اللي دخل منه رجل ملتحي مآعرفه ...
ولآ بعمري شفته ....
سلم وقرب مني ببشآشه ....
حط يده على رجلي بشويش يرقيني ويدعي ...
وقرب مني وبآس رآسي وهو يدعي لي بالشفاء والعآفيه ...
.. قرب الكرسي وجلس .... وعرفني بنفسه ...
/ معك اخوك آبو مصعب ...
.. من آدارة *اللجنه الآجتمآعيه بالمستشفى ..


سكت انتظر وش يبي مني ..
وهو كمل بعد سمى وصلى على النبي ...
/ يآخوي انت عآرف ان الله اذآ حب عبد ابتلآه ...
هل عبده صبور شكور والآ جزوع قنوطً...
وكل مآيعظم البلآء يعظم الآجر بأذن الله ...
وبني آدم مآيدري وش الخيره في آمره ..
ويمكن يكون مبتعد عن الله وهالمصيبه تقربه لله اكثر ..
والحيآه ماتتوقف عند آعآقه وبس ...
آغلب المعآقين مبدعين ..
ومامنعتهم الآعآقه عن تحقيق طموحهم ..
تزوجو واشتغلو وربو عيآلهم وكيفو حالهم مع اعآقتهم
*وهم يحمدون ربهم ويشكرونه ...


كآن يتكلم بسكوون وانا منصت ...
لحد مآ قآلي اسمح لي ...
بدخل عليك اثنين من آصدقآئي ..
ربي آكرمهم وتغلبو على اعآقتهم ...
صوت لهم ودخلوو .....


وآحد أعمى وع كرسي مقطعه رجوله الثنتين ...
طبعآ من حآدث ....
والثآني كآن بعقله وقمة رجولته وبلمح البصر*
فقد عقله بعد مآخسر كل حلآله وحلآل خوآته
اللي دخله بأسهم ....

كمل الشيخ ابو مصعب ...
/ هذا سعد كمل درآسته بعد مآكان فآشل فيهآ
وخلص الجآمعه وهو آعمى ...
والحين يدرس بمعهد النور ....
ومتزوج وعنده عيآل بعد ...

وهذآ فهد صح فقد عقله ...
لكن سبحآن الله كل شي ضيعه الآ الصلآة
تقول مجنون وخبل ... لكن قلبه متعلق بالصلآه
والحين حافظ لنصف القرآن بدار تحفيظ ...

.. تأملتهم بسكوون ...
وحمدت ربي وشكرته ...
من شآف مصآيب النآس هآنت عليه مصيبته ...

طلع مني الشيخ وانا استرجع كل اللي قآله ...
وافكر بحيااتي وش بتكوون ...


......


مر اسبوع وثلاث ايآم ونفسيتي مرره تحسنت ...
وتقبلت البتر والعمليه ...
بس اللي نآقصني شوفة ترف ...
ولآ اتصلت حتى ...
والكل يجي ويروح وهي مآجت ...
ولآ قدرت أسأل عنهآ .. نفسي كآدتني ...
آذا هي مآتبي تسأل عني وتشوفني بكيفهآ ...
خلص آبوي اورآقي ووقعهآ ...
ولبست لبس العمليه وبآنتظآر طبيب التخدير بحزن ...
كآن نفسي آشوفهآ قبل ...


.. فجأه غرفتتي امتلت ..
اطبآ وممرضين وممرضآت ...
والكل يقلب بملفي واللي يقيس ضغطي واللي والليً....
سألت دكتور منآوب ...
/ لو سمحت ووش السآلفه ...
موعد عمليتي 8 والحين 9 ونص ولآبعد خدرتوني حتى ...

.. تكلم الدكتور بأهتماام ...
/ زوجتك رآفضه العمليه ..
وتهدد وتتوعد لو آحد سوآها مابيكون شي طيب ليه ...


اندهشت ..
قبل تترجآني اسويهآ ...*
وغآيبه عني كل الفتره ولاحس ولآ خبر*
والحين تجي تعآرض ...!
بأي حق ...!
مالها دخل .. ابوي خلص اورآقي ووقعهآ *وآنا راضي ...


دقآيق ودخلت ...
قلت بغضب ...
/ وش جآبتس انتي ..!
ماتستحين .. تفاصلين الرجاجيل وتعارضين
وتفصلين وتخيطين مآشاورتي احد ....


عطتني نظره وصدت عني ماكملتني حتىً...
آه بس ليتهآ تقرب شووي ...
والله لآ اهفهآ بكف يخليهآ تلف سبع لفآت ...


صرخت بغضب ...
/ تررررررررررف ومرض ...
ردي علي ....

ببرود وهي بعيده .. وكنها تنتقم مني ..
قرصت عيونها فيني ..
ومن ورا نقابها كلمتني ..
/ انت اوووووص ....
مالك دخل فيني ...
وبسووي اللي آبي ... وبكيفي ...


نآظرتها مذهول وكملت بتطنيش ...
/ بتسووي عمليه بس ماهوب بتر ...
يجي دكتورك ويفهمك ...

قطع حدة كلامنا الدكتور اللي مشرف ع حالتي ...
وتكلم ...
/ اخ طارق .. انآ فهمت زوجتك حالتك وخيرتها بين خيآرين ....
انت عارف البروفيسور الزائر قرر نفس كلامنا ..*
لكن انااااا عندي رااي ثااني ....
واولآ واخيرا هذا شي راجع لكم ..
لكن الاخت زوجتك وافقتني الرااي ..


مادام البتر لابد منه ...
فعندي محاوله اخيره ...
يمكن تصيب ويمكن تخيب ..
ان صابت خير وبركه .. والحمد لله
وان خآبت ماراح يكون هناك اسوأ من البتر كحل اخير ...
وهذا مجهوود شخصي مني واجتهآد ...


كمل ... *وعيني ع ترف ودي اذبحها ..
تكلمه وتشاوره وتاخذ وتعطي معه من وراااي ...!
كن ماوراها رجاال ....


انا وبشكل مبسط بفهمك ايش اللي حنسوويه ...
راح نجرح رجلك السليمه والمصابه ..
ونخيطهم سوا يعني الجلد يلتئم ع بعض ..ا ....*
عشان الانسجه الحيه اللي بالرجل السليمه تنعش الرجل المصابه ..
ويمكن ترجع خلاياهاا تعيش من جديد ...
ولمن يرجع الاحسااس لكامل الرجل المصاابه ..
راح نسوي عمليه ثاانيه وهي فصل الرجلين من بعض
وخياطة كل وحده على حده ...
عشان ترجع طبيعي ....


لكن لكل عمليه مضاعفات طبعاا ...
اول حاجه .... نسبة نجاحها 1٪ فقط
ثاني حاجه .... مكان الخياطه حتبقى اثآره ...
لذلك اذا انت موافق *من بكره نسويهاا .. *


.. استأذن وطلع ...
وهي رمت نفسها ع الكرسي بتعب ...
قلت بقهر وشوووق وغضب وكل شي ...
/ انتي عوبااااا ...
ماتستحين من الرجاال ...
دكتور يعني صار اخوتس والا ابووتس ..
تكلميته وتشاورينه بلا حياا ...
انتي وش لقفتس ...
ابوي واخوااني هم اللي يتكلموون نيابة عني*
ماهووب انتي ..
ثم منيب موافق ...


وقفت وسكرت البااب ورجعت تشيل نقابها وطرحتهاا
*طالعت وجههاا الاحمر اللي يتلامع من الحر بشوووق ...
.. رجعت قربت مني ... وقالت ببتسآمه وهي تمسك ذقني ...
/ يعني ولآ باركت لي على حملي ...
كلن بآرك لي الا انت ...


صديت عنها وسكت ...
نفسي معآندتني ... والآ ودي آخمها*
وآبرد خآطري ..
رجعت لفت وجهي بيدهآ لهآ .. وبضحكه ..
/ ههه تصد والا مآ تصد ..
والله مآ اطلع لين تبآرك لي .....


خلاااااااااااص عآآآآد ....
مآعآد اقدر اعآند اكثر ....

ضميتهااا وباركت من قلب ...


•
•


ديمـــه
_____


.. آنشب بحلق آمي ليمن تسوي اللقيمآت بدري ...
عشآن آخذ معي لبيت عمآني ....
ويحلفووون علي أقعد آفطر عندهم ...
احس فطورهم آحلآ من فطورنآ مدري الطرآره حلوه ...



.. بس من قآلت لي غنآدر نصيحه آثقلي ..
ولآيشوفتس ريآض كل يووم وانا عآقله ...
نجتمع بعد التراويح ...
انآ وامي وعزوز وغنآدر ....
ويوم استقريت بالبيت وارتحت من الهجووولۿ*
لاحظت في اشيااااء في بيتنآ ماكنت اعرفهاا ...
واسرااار اكتشفتهآ .....


أهاا ... عزوز وغنآدر مش ولآبد وضعهم ..
ووآضح يبي يرآضيهآ ..*
وهي تصدد عنه ..


اممممم آمآ اخطر سر .....
فـ هو ان ابووووووي يشوووف ومآعآدهوب اعمى ...!
من متى مااادري ....
مسكت آمي وقررتهآ وحلفتهآ ... واعترفت اخيراا ...
قآل ايش .... ماتبي تعلم تخآف العين ترجع لآبوي*
وينعمي مره ثآنيه ...
والادهى والامر .. عزوز يدري مآغير مخبين عني وعن سعود ...
لأن بطني مآيضم المآ وثرثآره ...
**

.. رحت لآبووووي بفررحه ...
الحين بيييفهم اشارااتي يحظي *...
.. اشرت له *بيديني اني مو بنته وبروح اسلم نفسي لدار الايتام ...
عشآن مآ قال لي ...
ضحك بصمت لين نزلت دمووعه ضمني لصدره بقوه ...



بعدني وآشر لي ...
من شهر شفت ....
سجدت لربي كثييير عشان اشوفك عرووس ...


حآولت اغير جوه وآبعد دمووعه ...
قلت وامي جآلسه *....
/ مآدآم رجعت تشوف *.. بخطب لك وحده حلوووه
ع الاقل تفتحهاا على شي حلو*
ماهوب وجه امي اللي تسفَّط ....


طالعت امي الا وجهها احمررر من الغضب ...
وحذفتني بالفنجاال مع كعب رجلي بغيت امووت ...
مسك ابوي وجههآ الاحمر بيده ...
وقرب وبآس رآسهااا ....
حركآآت يبووي ..*


دق التلفون ورديت لانه رقم عمااني اللي طالع لي ...*
/ مرحبااا الف بنت ال ابو فيآض ...
لاتلزمين منيب جآيتكم ....


ريآض / هههه لآ منيب ملزم ...
لاتجين بس ردي على جوآلتس ...


تنحنحت لان عزيز جآلس ولآودي يدري ...
قلت عشان مايحس عزيز ...
/ جواالي فووق ...
وانا تحت ... وش تبون ...


/ اهااا وش نبي ...!
اجل عزوز عندتس ... والا مسااعد ...
نبي نطلع سوا لكفي بعد الترااويح ..
ساعه ونرجع ...


ياربي بطييير والله من الفرحه ...
امووت بالكفيهااات ...
قلت بنحنحه ... وبهمس ..
/ ماعندي علم ....
كلمو السلطات واستأذنو ...


رد / اوووك اجل تجهزي ...
وانا بدق لجوااله ...
مع ان مآله داعي ...
قولي بروح مع ريآض وخلصنآ ....


رديت اقطع فروضه وحلوله ...*
/ مع السلامه ..
نراكم في وقت لآحق ... وسكرت ...
والغبي ثوااااني ودق ع جواال عزيز*
وانا قمزت فووق اتجهز ...


•
•


مسآعد*
_____


.. رجعنآ لشقتنآ ...
ونمنآ ع طوول ...
ومن صحيت رحت آجيب عيآلي ..
ابيهم يستقروون معي ..*
وهي تتعوود عليهم ....


.. كنا ع الغدآ .. نآكل بصمت ...
وكلن عينه بصحنه ...
فجأه قآل أصيل ...
/ يبه آمي حآمل ... سمعتهآ تعلم امي نوره ...
يعني بيجي لنآ اخو ويآرب اخت بعد ...


انتفض جسمي وارتعشت يدي ...
صحيح شي متوووقع لكن صدمني ...
ماكنت آتخيل بيجي لهآ عيآل من غيري ...


سكت ومآعلقت وكملت أكلي ...
وردت وضحى ..
/ يمشاءالله ... بيجي لكم اخو والا اخت *من امكم ...
*وان شاء الله بعد من ابوكم ...
يعني بيجي عندكم اخوان وخوات وااجد ...


نفض اصيل يده ووقف بعدواانيه ...
/ ماالي اخوان الا عيآل امي بس ...
عيآلتس لحآلتس ماهم اخواااني ...


صرخت فيه ...*
/ ووووووولد بس ..
احترم عمتك ...

صرخ هو بعد قبل يهج للشاارع ...
/ عماا يعميهآ ...
مهيب عمتي ولا ابيهاا ...
وخلها تنقلع لاهلهاا مانبيهاا ...


جيت بلحقه ومسكتني وضحى ..
/ خله عنك الورع مابعد تعود عليّا
وبكره بيعقل ويهجد ...


تنهدت ...
عسا هالولد ماهوب نقمه علي ...
من صغرته مشقيني ومشقي اللي حواليه ...
وواضح اني بتعب معه لين يتقبل وضحى ...



•
•


*هيثم
____


صرخت بوجهي باعترااض ..
/ وش تقوول انت ..
تبي تخرب علاقتي بظافر بعد مازانت لي ...
ماهيب لعبه عندك ..
شوي ابيها شوي مآ ابيها ..


/ هيااا افهميني ...
البنت ما ارتحت لهاا ...
يعني آخذها ونتغربل بعياال بينا واخرتها طلااق ..!
وعياال*
***
*
هيآ / لآ اجل طلقهآ واخرب بيت آختك ..
البنت آجوديه وحبوبه وبتشوف الدنيآ على يديك انت
يعني انت اللي بتشكلهآ على كيف مآتبي ...
البنت هآديه وربة بيت ولآتعودت الدلع الزآيد وقنوعه
آبوهآ شآد عليهآ ...
وعندك بتلقى الرآحه وبتتمسك فيك وتجي خآتم بصبعك ..
.. موب مثل بنآت جمآعتنآ ..
جوآل ونت ودش وطلعآت واسواق ...
ولآكلمتهآ ردت من طرف خشمهآ اوووف .. ملل .. طفش ..
.. ابي واابي وااابي ...
ولو تجيب لها الشمس بيد والقمر بيد ماتشبع ولآتقنع ...


.. تكتف بعنآد ...
/ مهوب كل البنآت كذآ ..
وهي بتصير مثلهن لاشآفت الخير ... والرآحه ...


ردت بمحآوله اخيره ...
/ وش خسرآن انت ...!
البنت وجتك بأيسر مهر وببسآطه وبلاتكآليف تكسر الظهر ..
ولاتشرطو ولاشي ....


لآتجيبون عيآل لين تشوفوون وضعكم بعد سنه ...
ان مشى كان بهآ ..
وان ماتوفقتو .. لك الخيآر ..*
تطلقون والاتاخذ غيرهآ ...
وآنا واثقه ان البنيَّه بتجوز لك ...

.. فرك جبينه بحيره ...
بشوفها مره ثاانيه واستخير ...
والله يكتب لي ولها الخير ....


•
•


ندى
___

..*
*نآظرته بخجل ...
وبعد تردد وتفكير طوويل ...
مسكت يده بصمت وجلسته ...


ابتسم ...
/ حلقتس فيه حكي ...
لهالدرجه اللي بتقولينه يخجل ويقلب وجهتس احمر ...


بلعت ريقي وانا امسح جبيني ..
مهماا كآن للحين مآبعد تجرأت عليه مره ...
ولآ اخمن ردة فعله بعض الاحيآن ..
وهيبته تخليني اجفل من قربه آحيان ...


قلت بتأتأه ...
/ ااااعزآم ...
لنا 3 شهور من سقطت ..
وابي نترك الموانع واحمل ...


بهدوء ...
/ بس الدكتوره قالت لتس 6 شهور ع الاقل ...
ثم فكري بالحمل ...


قلت بعصبيه ..
/ ماعلي منهاا ...
3 يكفي خلاااص ...


مسك ذقني يهديني ..
/ هانت تحملي 3 شهور بعد ..
مابقا شي ...


صديت بزعل وخيبة رجآ ...
/ بكييييفك ....
ماتبي مني عياال بكييفك
حتى انا ماا ابي ...


ابتسم ...
/ انا ما قلت ما آبي منتس ...
قلت نصبر شووي ...

بعدت عنه بعصبيه ...
نفسيتي زفت ...
انصدمت لمن نزلت علي بنفس اليوم اللي كنت مقرره*
اشتري تست الحمل ...
وهي اساساا متأخره اسبووعين ...
وبطني وصدري يعوررووني ..
ونفسي مسدووده وتعبااانه جسمياا ونفسياا ...


قلت بتهور ... ورفعت صووتي بصراخ اهدده ..*
/ لاتجي بكره تترجااني احملي واابي ولد ...
منيب على كيفك ...
يكون بعلمك ...
مافي حمل قبل سنتين فااااهـ......


.. لف يدي اللي الوح بها في وجهه
لمن حسيت كتفي طق من الااالم والعوار ...
دفني ع قفااي وحمد لله ان طرف السرير
ردعني لا اطيح ع الارض ...


اسوود وجهه واظلم ...
وانحنى علي وعرووق جبينه ورقبته برزت بشكل مخيف ..
/ لابغيت الوولد مآترجيتس
وان مآجآ منتس بيجي من غيرتس ...
ولسآنتس ذا اللي يلعلع بقصه ان عآد سمعته
ويدتس ان لآحت بوجهي تهدد وتوعد قلدتها رقبتس ...
فاااااااااااااهمۿ


هزيت رآسي بخوووف ...
ذآ جن مآهووب آنس ...
مرعب بشكل .....!


ركل الطآوووله اللي جنبي وصرخت بخووف
آحسب الضرب فيني مهوب فيهاا ...


وبس سمعت صووت صفقة البااب
لميت نفسي وررركض ع الحماام ...
وبس شفت وضعي كييف صآر وحآلي ...
طحت مغمى علي .........!

_________

( انتهى )

__________*
*
*
*
*[رقم البارت >> [ 40]
نسيت اضيفه 