السلام عليكم مساء الورد. الصراحه انا داخله اطل ادور بارت قلت يمكن الكاتبه نزلت شي مع انها مهيب تقصر بالرغم من ظروفها. مير والقى اللي لزين من البارت لقيت مره لولدي يا حيا الله مرة ولدي شوفي من اللحين اقول لك موعد زيا رتي كل جمعه واثنين ياويلك تخربين وليدي وماتجين. مع ان شكلك ملسونه مثل بنتي بس احسن الحي يحييك. ايه وشوفي علميني وشلون اخلي ردي احمر واصفر مثلكم مهوب ابلح كل ماقلت لبنتي علميني تقول بكره تراني خاله ماش منيب حليوه بس ابشري بولد نجدي مزيون
اما بالنسبه للبارت اللي راح ما حر سبدي وقهرني الا سوير وين عزة النفس وين الكرامه كن الدنيا موقفه على رجال لا وبعد عايفس وكارهس وقايل لها. انا اقول لو انا منها إختار اما اجلس عند عيالي واطالب بحقوقي الماديه وحقوق العيال كامله واتنازل عنه كزوج وبالمقابل تدور وظيفه مشروع صغير تكمل دراستها المهم اشغل وقتي بشي مفيد القى فيه نفسي واحترامي. حتى لو يكون عمل تطوعي في جمعيات خيريه واكسب اجر. والخيار الثاني اطلب الطلاق. ومن عافنا عفناه ولا احد يقول لي وش ذنب العيال بعد هي وش ذنبها العيال ابوهم حريص وزوجة ابوهم وحده تخاف الله غير كذ اصلا العيال متضررين بطلاق والا بدون. يعني وضعهم الاسري وضع سئ وترا الصغار يفهمون ويحسون وما اقول الا الله يعظم اجرس ياساره ويصبرس
نشوف كاتبتنا وش رايها. وياليت تبرد قلوبنا في الشايب المنحرف فياض. وفي المغرور طارق اللي مدري وشو عليه شايف نفسه. استودعتكم الله

صباح الخير
ام وسن ابدعتي الله لايحرمنا من روعة قلمك

ديمه ورياض
والله ذا الثنين اخبل من بعض ياصبرهم على انفسهم
بعدين انت غلطتي فيه وحده تقول لزوجها ان ولده ولد حرام تستاهلين اللي سواه فيك
وانت جننتك هالديمه لدرجه انك تبي تعرس في رمضان*
شهر عباده ذا موب شهر عرس *_^
وش طاير عليه بكره تترحم على ايام العزوبيه
بسب خبالها

غنادر وعزيز
الرجال يحبك وميت عليك
بس زيه زي اي رجال الاعتذار ابد موب في بالهم*
تبينه يصبر ثلاثه شهور اجل ماعرفتي عزيز
وش كثر يحبك*
والا يعني جلستك في بيت أبوك بتمنعه منك


سلمان وساره وريم
مسكينه ذا الساره مادامك ماحبيتها ليش جبت منها عيال
والا ماكرهتها الا بعد ما جاك عيال
اعتقد انك عفتها بعد ما تطلقت ريم
حتى لو ماتحبها له حق ولازم العدل بينهم
حرام عليك اللي تسويه فيها

فياض ونجود
اجل صار صديقك ومسوي فيوتو هههههه
لا هالمره طحت ولا احد سمى عليك
خل نجود تأخذ حقها منك
تعبت وهي ساكته

سلمت لنا انآملك المبدعه

هههه جييت طايره احسب فيه باارت 
نبي نحضررر زوواااج ريااض ..
قدمووه قبل رمضاان ...
حطووه مع عرس مسااعد ....


طارق يااربي من ذا الكيد
اقووى من كيد الحريم 

السلام علييييكم





[

[ 38 ]
____






مسآعد
_____

.. آحس الدنيآ بليآهآآ بلآطعم ..
.. حرمت سلمآن منهآ وهذآ هي رجعت له غصب عني وعنهآ ..
.. مكتوووبه له ومن نصيبه مهمآ سوويت ...
.. كآن طيف سلمآن وآقف بيني وبينهآ ..
.. كل شي تسوويه لي آشك في نوآياهآ فيه ..
.. حتى ولدي عزاام ...
لمن آختآرات له هالآسم وسوس لي آبليس
*انهآ مسمييته على عزآم اخو سلمآن*
عشآن تلفت انتبآهه آنهآ للحين تحبه ....


.. غييرته وسميته محمد ..
ولمن ضربتهآ بمره رآضيتهآ اني رجعت له
اسمه قبل " عزآم "*


.. كل اللي خذتهم بعدهآ كآن عنآد فيهآ وتشفي عليهآ وآبي أقهرهآ ..
مثل مآقهررتني يوم ترفض ترجع لي ....
لكني مآقهرت الآ عمرري ...
آناا وعدتهآ اتغيييير لكنهآ عندت هآلمره ودخلت آهلهآ ..


.. مآ يأست من رجعتهآ لي ...
وكل مرره احررض عيآلي يزنوون على امهم ترجع لي ....
.. بس هي قلبهآ صآر آسوود من جهتي ..
ولآهيب طآيعه تغفر لي زلآتي ...


.. تنهدت بغصه وكل هالوآجييس تطري علي وانا بليلة عرسي ...
... دخلت على وضحى وآنا نآووي آكمل معهآ
حيااتي ..*
اسمهآ مره وسعووديه ومن قبيله معرووفه ...
.. وغيرره مآعآد يهمني ..


.. بالقوووه سحبت الكلآم من حلقي سحب
واناا اسلم عليهآ وعلى امهاا ...
.. مآلفتت انتبآهي بشي .. ولآظنيت تبي تلفته بيوم ..


.. جلستي مآكملت نص سآعه واستأذناا وطلعنآ ...
توجهت لشقتي ... مآلي خلق فنآدق وحجوزآت وخرآبيط ...
.. هذي خليتهآ لاوول فرحتي وآخرهآ ...
.. بعد يومين بنمشي لـ مكه عمره ..
بنعتمر ونطلع لـ جده يوومين وفي الطآيف يوومين او ثلآثه *وبعدهآ برجع ...
** **

... عقدت حوآجبي وآنا آشوفهآ تغطي يدهآ بفمهآ وجزء من خشمهآ ..
سألتهاا بآستغرآب ...
/ ووش تقوولين ...!
انتي ورآتس حآطه يدتس على فمتس ..!
فيتس شي ...!


.. هزت رآسهآ بخجل ...*
/ لآ مآفيني شيه ...
غير مآتعودت آشل برقعي وآوطيه لو قدني رويقده ...!


.. ابتسمت لهآ وأنا آحااول القط كلآمها السريع
يدووب قدرت آفهمه من سرعتهآ ...


.. قلت / عآدي أما رجلتس ..
ومن اليووم ورآيح مإ ابيتس تلبسينه لو عند آهلي ...

ردت بمعآرضه وهي تطير عيووووونهآ العسييله ..،
آه تووني انتبه لعيونهااا مآشآء الله ..
لهآ عيوون ورمووش مآودك يشوفهآ حآسد ...
والإ بااقي تفآصيلهآ عآديه ..
خشمهآ صغير ومربع ..
وفمهآ وآسع ومع ذلك معطيهآ ملح لاجت تحكي ...

/ يآفضحي ...
تبآني آفرع عند النسوآآآن ...!
وهن يعآينن في كشرتي ...!


ضحكت هههه
آحسهآ متعووده تحآكي الرجآل من جرأتها معي ...
.. آكيد دآمهآ وحيدة ابوهآ وبالبر فـ اكيد هي اللي تدبر آموره ...
*/ عآدي عندهن مثل اللي عندتس*
ووجهتس ماشآء الله مآيعيبه شي ..
ليش تلبسين برقع وتضآيقين عمرتس ..!


حسيتهآ تضآيقت وهي تشكي لي حآلهآ
/ اليووم بنيت عمك آشتلن برقعي ..
وحلفن ما آشووف طرفه الآ لاقدني جآيتهن زايره ..
يآفضحي فـ النسوآن ..


قلت بتأييد ..
/ يبون مصلحتس ويريحوونتس منه
وان كاانتس متضاايقه بكره نمر آقرب بسآطه
واشتري لتس درزن برآقع ...


قطع كلآمنا وصوول العشآ ...
.. قلت لهآ تبدل فستآنهآ لين آدخله ...
وفتحت ودخلته .. وجلست انتظرهآ ...


بعد دقآيق طلعت علي بجلآبيه حرير سكريه ..
وبس لفت تبي تجلس انصعقت ....!!!



... شعرهااااااا لنصف فخذهااا ....!
آشقرر وطوووويل .....!
يامآشااااآآ الله .. شي *غرييب ..
اوول مرره آشوف مثل كذآ ونوعيت هالشعر ...


.. بقولهآ تقصر منه شووي آزين ..
الشي لآزاد عن حده آنقلب ضده ...
وطووول شعرهآ زآيد عن الحد وآكثرر ...
جلسنآ ناكل بهدوووء واحسهآ محتآره كيف تآكل ...
او مآجاز لهآ الاكل ...
لكني قبل تقووم قلت بدخل شووي اكلم وكوولي لااتننظرريني ...
آبيهاا تاكل لو شووي برآحتهاا بدون لاتنحرج مني ....


•
•


رياااض
_____


.. من يووم تملكت وآنا احفظ عبودي كلمة ماما ديمه ...
آبيه يسميهآ ماماا عشآن يتعوود على هالكلمه ..



.. لي آسبووعين مآلمحت زولهآ ولا كلمتهآ
خلهآ تعرف تثمن كلمتهآ وتوزن حكيهآ ...
.. مآنيب مفوت لهآ ولآنص كلمه ...
آصلآآ هي وش خربهآ الآيوم كلن يفوت لهاا
ع آساس أنهآ رجه ومآينشره عليهآ ...


.. بس والله لآعقلهآ واعرفّهآ كيف تصف الحكي الذرب ..
.. واخليهآ أسنع الحرريم ...
**.. وعوآبتهآ عند آهلهآ مآتمشي عندي ...
.. والعبط والهبل اللي ضآحكه فيه ع الكل ...
والله لآ اطلع اللي ورآه ...
.. وعبآيتهآ هاللي مآتحوول من رآسهآ*
والله مآعآد تعلقهآ على رآسهآ الا بشورري ...


.. تزووج مسآعد وانا مآش فيني حره من آبووي
وودي اطلعهآ عـلى احد ....
... ومن ردآة حظي مآشفت العوووبآ بعد ...
.. ووبس رجع مسآعد ابووي حلف عليه يعشييه ...
.. وعزوز حط عزيمته غدآ ..
وآنآ حظي الآقشر مآجآبهآ لي ..،
.. آحس أنهآ متعمده تختفي عني ...
دآيمآ وهي تهجووول في بيتنآ ..
*وآشوفهآ اكثر من خوآتي ...



.. تنهدت ...
.. وودي ترآضيني لو بنص كلمه او تعتذر لي ..
.. كآن بقوول رمضآن كريم وشهر تصآفي وآنا بسآمحتس عشآنه ...
.. بس ولآ كانهآ في الوجود ...
حتى خوآتي اسحب منهم الحكي عنهآ تسحييب
ولآ كأنهآ في الوجود ...


.. بكره رمضآآآن وبصدري ضيييق ..
وودي اشوفهآ وآهنيهآ ونتسآمح ..
.. كلمت غنآدر اللي رجعت بيتهآ بعد زواج مسآعد وليتهآ مآرجعت ..
قبل كآنت آلديم تجي عشآنهآ ويوم رجعت آنقطعت جيآتهآ لبيتنآ ....


.. كنت أسآل غنآدر وهي تجآووب ...
وابتسآمتي كل مآلهاا تتوسع ...
يآحلااااااااااااااووووه .....
عمي وعمتي طالعين لشيخ يقروون عنده ..
مسآعد في بيته ...
عزووز معزوووم ....
وسعووود عند خوويه ...

قلت بفررحه ....
/ غنآدر *خلي ديمه تجهز القهووه
وتنتظررني ف المجلس ...
وآنتي هووينآ ....


.. سكرت السمآعه ورحت اتضبط واتكشخ ..
.. وودي بشي آخذه معي ... بس احترت ووش آخذ ...
يعني مآفي منآسبه ولآشي ...
بس رمضآن ورمضآن ينآسبه الاكل ههه ...
*.. خذت سلة بآتشي ... وعلبة حلآو كوآليتي
هههه لي معهآ ذكريآت مشتركه مع ديمه ..
شريتهآ من مصرووفي هديه لخوآتي ليلة رمضآن ...
متعوودين ليلة رمضآن نجيب حلويآآت لآزم ...
.. كنت بالثآنووي ولآقدرت ادخل فيه حرريم ...
.. لقيتها عند البآب وبفمهآ علكه كبر رآسهآ
ومجدله شعرهآ اثنين لاسفل ظهرهآ ..
ووآقفه عند البآب تنآظر العيآل ولآجتهآ الكره
خذتهاا وصفقت البآب بوجيههم ..


آحرجووني العيآل وهم يقولون قل للخبله اللي ببيتكم تجيب كورتنآ ..*
.. وبس شفتهآ خبطتهآ مع رآسهآ
وخذت الكوره منهآ ..
وهزأتهاا .. انتي يالعجوز تغطي ..
ي الخبله ياللي فيتس مآيخطييتس ...


وآخر شي من غبآئي بعد هالتهزيء
سلمتهاا علبة الحلااو تغطيهاا لامي او احد من خوااتي ..
خووفني بكاهاا وهي كنهآ نااقه تحن وتطن بغيت الهيهاا واسكتهاا ..
وبعد وقت اكتشفو انهاا متخبيه وتآكل بالحلااو لحد مآرجعت ههه
حشآ بقره تآكل بلآ شبعه ..


.. المهم ...
دخلت والآكيااس بيدي ...
توقعت الشغآله تفتح لي ....
لكن يوم دخلت والتفت وشفتهآ نزلت اللي معي ...
يآحلااوتييين صدق ...
... مدت يدهآ بخجل وتجآهلتهآ
سحبتهآ احضني آضمهآ ...
همست فـ أذنهآ ....
/ غيييبةٍ من الهييييييئه >> اقصد عزيز ...
حآولت تبعد عني ...،


بس مآفكيتهآ الآ عقب خمسين مدري تسعين بووسه ....
اهم شي ثلااثين بووسه بعدد ايآم رمضآن والبآقي ترجيحي وآبرآآء للذمه ...
شلت آغرآضي بيد .. ومسكتهاا بيد ...
ودخلناا سوآ ...

سألتهاا / مجلسكم ذآ ماله مفتااح ...!
مايقفل ...
*

طاارت عيونهاا وبحده وتحدي سألت ...
/ لاا ماااله مفتااح ..
ووش تبي به ...


ضحكت غصب عني ...
/ ههههه ع فكرره تفكييرتس قليل اادب
اناا قصدي شرريف ...
ماهووب اللي ف بالتس ....


.. جيت بسكر البااب ...
ااابي ااهذ راحتي معهاا واخاف لايطب علينإ احد ....
لكن البآآآب في يد ردعته ......
يد عزيييز ياعلهآ تعلق على رقبته مكسوررره
مثل مآكسر فرحتي .....


نآظرته بصدمه ...
/ انت جيييييت ....!
منت معزوووم ع العشااا ...!
وش جاابك الحيين ...!

*
ضحك بخبث ...
/ لااا معزووم ع القهوووه*
وخلصناا بدرري ...
وربي ارسلني عشآن اشوفم واتفهوى معك


وبنظرره حاده لاخته ...
/ دييييمه ادخلي داااخل ....


مرت من جنبي ومسكت يدهآ بقهر ...
/ خلهآ تتقهوووى معنآ ....

عزيز / وودي ...
بس اناا فيآض اخووك ع وصوول
بيتقهووووى معنآ ....

.. هييين *يا النذآله مدبره والله ..
بس والله مايردني عنهآ الآ حضنهاا وبتشووف ...
**
**
*.. طلعت معصب ...
وهو ضحكه وااصلني برآ ...
ودييمه يقآلهاا مستحيييه ...!



•
•


هيثم
____


.. طلعت وضيييق الدنيااا في صدري كله ...
طبعا مارضو اشووف البنت بعد الملكه ولاقبلهاا حتى ...
.. لكن هياا دبرت لي شوووفه لهاا
وليييتني بقيت على عمااي ولاشفتهاا ...


.. مآتقبلتهاااا ابد ...
والله عجززرت ...
آحس اني مخنوووق وهي على ذمتي ...
ومرآت آحس ووودي آبكي ....
.. هي اجودييه وبنت حلاال وخجووله وماعليهاا
بس العييييب مني آناا ...
انا اللي نفسي طااغييه ومآيمليهاا غيير الترااب ....


.. طلعت للعمرره وانا ادعي ربي الخييره في امرريً....
.. احسه طووق من حديد هالعررس ...
ياارب فك عني الضييقه واجعلني اتقبلهاا ...


.. ماا آبي اظلم البنت معي ...
ونفسي عآيفتهاا وحنآ ع البر لساا ...

لفيت بسياارتي ع جنب الطرريق*
ودخلت شووي *بر ...
فتحت جييبي وغسلت وجهي بالموويه
وكبيت البااقي ع صدري ...
عل وعسى يبررد علي ولو شوووي ...


.. نزلت من السيااره ...
وفتحت جيبي ع الآخر ....
فرركت صدرري بضيييق ودعيت بحزن
/ رربي اجعل لي بعد الضيييق فررج ...
.. تعووذت من ابليس ... وركبت سياارتي ...
وكملت طرريقي لمكه .....


•
•



ديييمه
_____*


.. يااربييه زوااجي ثااني العييد ...
اصر ريااض الا يتعيد علي ....
*واناا مقهورره ...
ماداام ضمنت الرجاال وانا ع ذمته ...
ااابي اتوودع من الحرريه والرااحه ...*
وش يضرره لو قعد سنه بعد ...
وخليناا زواجناا للصيف الجااي ...


رحمني ربي بتررف اللي ماطلعت حاامل مثل ماسمعنآ تجهز معي ...
وتوعدتهاا ياويلهاا تحمل قبل اخلص جهاازي ...

.. آجل اخليهاا بكره تحمل وتقوول توحمت بالسووق ...
والاا تعبت من المشي وانا حاامل ...
والاا هذا قررف وذااك وع ...!


.. امس آنقهرت ...
وحنآ بالسووق جآنا رجلهآ وزحلقتني ...
خلتني بمحل عطورآت ومآكيآج ورآحت له ..
قآلت شووي وآجي اولحبيبه مآحست بالسآعه وهي تمر ....


واحلااا شي ليله رمضآآن ...
الله يبلغنآ صوومه وقيآمه ...
... العآده ليلة رمضآن وانا عند عمآني ...
بي هالمره *يقآلي عرووس واستحي وبخلي الجمعه عندناا ...
.. طبعآ نجتمع بعد العشآ ونتفرق بعد السحور ...
وع الفطورر لاازم نفطر مع بعض ..
الا يوم تعب ابووي ...
صآر عمي غالبآ يفطر معنا ...


... والحلو ان ريآضووه ذكرني آخيراا ..
وقرر يسلم ع ابووي وامي .. وزين اللي مانسآني ...
.. احترت ووش البس ...
بس قررت فستآن حرير اسود مع رماادي بسيط ...
.. حطيت مرطب ع وجهي وكحل ورووج بس ...
.. خل يشووفني ع حقيقتي ...
.. موب بكرره يتحسب علي وع اهلي ويقوول غشيتوني فيهاا ...


.. فتحت له بخجل وهو طاار مآعبرني ..
شكله يحسبني الشغااله ..،
التفت لي .. ومديت يدي بسلم ...
.. تفاجأت بصرآحه يوم ضمني ...
اوول مرره آحد يسلم علي بهالطرريقه ..
بس بيني وبين عمررري انبسط .. يازينهااهههه ...
احس بدفى وحناااان مع انهآ لحظاات بس ..
*
*

دخلنآ المجلس سوآ وطآر عقلي وانا اشووفه يدور مفتااحه ..
عمى يعميييه ووش نآوووي عليه ذآ ...
والله لو يقررب مني لآخلي اللي مآيشتري يتفرج ...
.. ااي والله .. اجل يستمتع دقاايق ويترك الهم لي ...
.. فرضاا قاال هونت ماعآد ابيهآ ..
والآ مآآت والسر معه ..
انفضح آنآآآ على حسآب نزوآته ...
لااا ياحبيبي .. منيب خبله ولآغبيه ولآسفيهه يضحك علي بكلمتين واسلمه رووحي ....


.. تفاجأت وهو يضحك ....!
وقسم كأنه يقرآ افكااري ...!
/ بلعت رريييقي ... وجيت برد عليه قبل يسكر البااب ...
لكن دخلت عزييييز ريحتني كثيييير ...
مع انه قهررني يووم طردني ...
احب قعدة الرجااجيل وسوالفهم وعلوومهم ..
احسها تزيد ثقاافتي ...
ماهووب مجلس الحرريم اللي كله قييل وقاال ...
.. وفلاانه حامل وفلاانه واالد ..
وشفتي ذيك وش سووت وهذيك وش قاالت ..
ورجلي فعل وقاال ...
وشغاالتي سوت وفعلت ..
وذا بزر طايح عليك وموصخك وذيك بنتهاا عله
عطوهاا اللي تبي بس لاتبكي تزعجني ...


اف بس ...
لو ااني رجاال بس ....
كان هالحين وحده من ثنتين ...
يا ادووج ف الاسوااق بزقاارتي واقزقز خلق الله ... وبكل شاارع لي توقيع بكفرآتي ...


والاا مطووع وربي هآديني ومصلحني ..
ومعي اربع حريم واربعه واربعين ولد ...


استغفر الله بس *.. اللهم لا اعترااض ...
لكل شيء حكمه ..
وربي مآخلااني بنت الا خيره لي ...
يمكن لو ااني ولد اسرفت في بناات العاالم ..
.. واتعبت الشرطه والهيئه وااهلي معي ..
.. اوووووووف يآربي ...
ورى نيتي شينه ...!!


.. دخلت جوآ البيت بسوي قهوه ثانيه
واعزم تررفه وندووش يجن يتقهوون معي ..
ندى من عرس مسااعد مشت للشرقيه
واليووم توهم وااصلين ...
.. وبكرره الفطور عند عمااني متحمسه لاول فطور ...
.. محتااره وش اسووي واخذه معي ...
*.. مع ان امي بتجيب حوافظ جريش وقرصاان للعشا ...
بس اناا لازم اجيب معي حلاا ومعجناات ...


.. بس ترف حلفت ان قهوتهآ والمه ..
وصعب تترك اهلهآ والفطور عندهم بكرره ...
وطلبت اجيهاا اساعدهاا وانا ماصدقت خبر ..

.. قلت لعزيز ..
ورد علي رياض اللي الظاهر سمعه او ترف قوصيته ...


/ ترااي راجع لبيتناا على كل حاال
كآن بيخااويني آحد أبركهآ من سآعه ...
لكن عزيز رجع يكلمني وهو يضحك ..
وقاال شوي وآجيكم دآخل ونتفآهم ...


•
•


عزييز*
____


.. يآكوووود زعلهآ .....
.. ويآوويش بآارضيهآ ...
.. حآرمتني من روحهآ حوول الشهر بحجة هالولد ...!


.. جبتهآ من بيت آهلهآ غصب عنهآ
بعد مآ اصررييت اني مآ عآد اقدر اخليهآ اكثر من كذآ ...
.. بس للحيين آحسهآ بعييده عني ...
..، وتحاول تتجآهلني وهذآ اللي حرق قلبي ..

*
.. اول ليله نآمت مع ديمه بغرفتهآ ..
صحيت بالليل ومآلقيتهآ جنبي ...
رحت ادورهآ ولآحصلتهآ الا بغرفة دييمه ..
لآآ وبعد ناايمه معهآ بنفس السرييير ...!


ديمه خطرر ع الانسآن الطبييعي كيف لآصآرت حآمل ودلوووعه مثل غندورتي ...
*ديووم معهآ رجل ورفسه توودي ورى الشمس ...
.. قربت لهآ ومسكت يدهآ بهدووء
همست بأذنهاا اصحيهآ ...
مآآبي ازعج ديييمه وترتآع ثم تتصرف برجولهآ ...


.. وقفتهآ ومشيتهآ معي ...
جلستهآ ع السرير ودمي فآير مرره ...
سآعه ادور عليهآ وآنا صااحي من عز نوومي ...
.. وآخر شي ترووح لهآلخبله وهي على هالوضع ...
عطتني قفآه ونآآمت بعد ماطلبت مني ااجل النقآش لبكره .. تعبآنه وتبي تنآم ..
تعووذت من ابليس ورجعت آناام ....!


.. وبليلة رمضآن ...
مآصدقت ديووم تقوول برووح لعمآني ...
اابي آخذ راحتي معهآ*
ولاتزعجنآ ديمه .. كل شووي تطق البآب ابي غنآدر ...!
الظاهر هي رجلهآ ماهووب آناا ...
وعلى كثر ماهاوشهآ على هالشي مآتتوووب ..
.. بس مآعلييه بكرره تتزووج وتعرف كيف خصوصيآت المتزووجين ...



.. شفت غنآدر تلبس ..
بغيت امنعهآ ..
لكن طرت ببآلي فكرره ...
واول ماوصلنآ بيت عمااني ...
ذا الخبله نزلت قبل مآتوقف السيآره ..
وتركت البآب مفتوووح ...
كن بيت عمآني بيطييير ..
والآ فيه شي بيفوتهآ ان تأخرت ثووااني ...


.. طالعت اللي جنبي ...
على مهل تفتح البآب وتتحرك ..
.. مسكت يدهآ .... انتظرري شوويً...

ولمن تاكدت ان ديمه دخلت آمرتهآ ...
/ سكرري بآبتس ...


وتوجهت لوجهتي وهي بعيونهآ سؤاال تنتظر آجاابته ...



•
•


ترررف
_____


تعبت مع دييمه في جهآزهااا
وكل شي تتريق عليه وتعلق ومآتلخذ الآمور بالجد ...


وجن جنونهآ وحنا بمحلآت اللآنجرري ...
ماخلت شي مآشرشحته بالتعلييق ....
.. حلفت ان مآ انطمت لين اقولهآ تكلمي*
اني لاخليهآ بالسووق واكلم ريآض يتولى امرهآ ...


.. كنت متضآيقه ومتوتره ...
طآرق كآن يسآيرني ع الرجعه للبيت ..
لكن بعد زواح مسآعد صار يهدد ...
وبسووي وبسووي ...



وااكثر شي آقلقني ...
ووش درآه انا بأي سووق ...!
واصلآ وش درآه اني طآلعه للسووق ...!


.. مآدريت الا وهو يتصل علي ...
ولمن مآرديت ارسل ...
[ انا عند بااب السوق .. تعآلي بسررعه ]


رديت ....
[ بنت عمي معي .. مااقدر اتركهآ لحالهآ بالسووق ]


ارسل [ اجل اطلبي 2 قهووه وصرفي بنت عمك شووي .. ضروري اكلمك ]


.. خليت ديمه بمحل عطوراات ...
... واكدت عليهآ لو اجلس مليوون سنه مآتحرك من مكآنها لين آجيهآ ....


.. ورحت ادور عليه بعيووني*
ف الكفي اللي وآعدني فيه ....


... ثوآني وجلس قبآلي ...
نآظرته بربكه .... ورديت سلآمه ...
... وهو سكت بس يتأملني ويطآلع بعيوووني ...

.. آستحيت من نظرآته ...
شكله مفهي ولآهو حآس باللي حووله ...
قطعت نظرآته بسواالي ...
/ كيفك ..!


.. تكلم بعد فتره وهو يشد من ظهره اللي كاان مريحه ع الكرسي ويتآمل ...
/ مآنيب طيب ...
وآنتي ولآحتى سألتي ...

.. سكت مآاردي بويش آرد ...
ووش آقوول ووش آخلي ...!

اختصرت الكلآم بكلمه ...
/ وش تبي طيب ..!


رفع حآجبه متعجب من ردي ...
/ ووش آبي ...!!!!
ابي زوووجتي ....
اللي مهملتني وتاركتني عزووبي ...
*

تلفتت حوالينآ ..
المكآن ابد مآيسآعد ولآ الوقت بعد ...
تنهدت ...
/ طآرق بنت عمي معي وآنا تآركتهـ...


قآطعني ..
/ يآ سلااااام ....!!!
باللهي ...!

بنت عمتس آهم من رجلتس ...!
ثم بأذن من رحتي للسووق ...!
مآكن ورآتس واالي ولآ تآلي ..!


تنهدت بضييق ..
/ طآآررق ارجووووك ...
بعدين نتفآهم ...



ضرب ع الطآووله بدون شعورر
واوول مآحس بنفسه ....
زفر بضييق وتلفت حوآليه ...
شاف العيوون عليه تراجع وريح ظهره ع الكررسي ...
واول مآخذ نفس رجع يقرب لي ...
/ قوووومي معي نطلع ...
.. وفـ البييت نتفااهم ...


.. صح خفت من عصبييته المجنوونه
لكنآ بمكآن عآم ومستحييل يمد يده علي ...
.. قربت له اكثرر ...
والمساافه بيننآ قليله ..
وقلت بتحدي ...
/ معك مآنيي رآيحه ...
ورح تفآهم مع آبووي ماهووب معي ..
وهذي آخر مره اسمح لك تدق علي او ترسل ...
.. او تجبررني آقاابلك ....


.. صر عيوووونه بتحدي اكبرر ...
/ هذآ اخر كلآم عندتس ...!
*

هزيت رآسي بثقه ...
ورد بثقه آكبر ...
/ بترجعيييين ورجلتس فووق رقبتس ..
وطآرق مايقوول كلام مآهوب وآثق منه ...


.. وقف بقهرر وعطيته قفااي وتركته ..
وصووت خطواات النآس من حوولي خطفت قلبي ..
كل خطووه اتخيلهاا له ..*
وانه بيسحبني بذل وغصب عني ...


.. مشيت مسآفه والتفت بخووف ..
بس مآله اثر ...
ارتحت صح ... بس قلبي عوررني حيييل ...


•
•

.. طاارق
______


.. مآتوقعتهآ بالعنآد ذا كله ..
عجزت آسايرهاا وآهاديهآ وهي كنهآ ماتسمع ...

هددتهآ وتوعدتهآ ...
وآبد بدووون آحسااس ..


كنت معشم نفسي آني بآخذهاا ليلة زواج مسآعد
وباصلح اللي بينآ ....
.. بس انصدمت بعد ما انلطعت سآعه الا ربع عند البآب برسالتهاا ..
[ روح لاتننظر .. انا على سريري ببيت آهلي ]


جن جنوووني ...
ورب البيييت لو ما الوقت متأخر لاجيها ومن شعرهآ آركبهآ سيارتي
واردهآ بيتي ...


.. للحين وضعي معهآ مبهم ..
اهلهاا واضح من استقبالهم انها مآقالت لهم شي ..
خآصه ريااض اللي شكررني اني تركتهاا نجهز مع زوجته .،،!
.. تفاجأت ....
ولاعندي خبر ...!
زوجتي تطلع وتدخل واناا اخر من يعلم ...


*
.. عرفت منه هم بااي سووق ورحت لهم ..
وبعد جدآل وافقت تقآبلني ...
.. جلست وانآ ماشووف غيرهآ بالمكاان ...
وهي كآن واضح عليهاا القلق وانهآ تبي الفكه مني بأسرع وقت ...


.. وللاسف ...
رجعت مثل مآجيت ..
وبعد تحديهآ قررت احط النقط ع الحرووف ..
.. واروح اتفااهم مع ابوهاا
وان كآن لهم حق علي يآخذوونه بس يردونهآ لي ....!


***
*
كلمت عزام ابيه يمرني لان سيآرتي معه
وهو قآل آنه ترك سيارتي بالورشه وبكره تطلع ...
ودق علي اطلع لانه جااي مع تآكسي ...


.. ركبت وضييق الدنياا فيني ..
طالعت سااعتي يمدي ع الووقت ...
الساعه ماجت ثمان لسا ...
قلت لعزام يوصلني بيت عمااني ...
مآلي خلق اتفآهم مع صاحب التاكسي البنقالي واشرح له وصف البيت ...


... رفعت رآسي وانا احس بالظلآم حوالينآ ..
وعزام قدام ومشغوول ع اللاب اللي فآتحه ويطقطق ...
.. فتحت فمي بقووله يهدي من السررعه ..
وانا افتح الشباك بتعرف ع المكان ...



بس هي ثواااااني آسررع من لمح البصرر ...
الا وسيآرتناا ترنح يمين ويسآر ...
والشاحنه اللي قدامناا تحااول تتفآدى سيارتناا بدوون جدووى ..
وكأننآ مستقصدين نصدم فيهآ ...
وكآنها مخييره مآهيب مسيييره ...


.. اخر شي سمعته اصوآآت وانا وآحد معي نتشهد ...
واسمع كلمات ... واصواات صراخ ..
الموووووت الموووووت‏​ الموووووووت ....!



•
•


تررررف
______


.. استغربت ...
مالنا ساعتين بالسووق واتصل فيني ريااض
وباصرار قاالي اطلع وانا ديمه ...


.. طلعت واناا متنرفزه مرره ...
من ديمه وطاارق وريااض ونفسسي ...


.. شفته توجه لغير طريق البيت ..
سألته ...،
ووين بترووح ...

رد برسميه ...
/ ورقه ضروريه بشغلي باجيبهاا واجي ...
وصلناا وقالنا ننزل معه ..
افضل من الانتظاار ...


.. دخلناا ورااه ..
وحسيت بربكه الاطباا والممرضين وحركااتهم السريعه وقت الاسعااف ..
همست لديمه ....


/ الله يخلف علينا وعلى المسلمين ...
شكله حادث ..!


.. طلع دكتور سعودي *وكلم ريااض ... وهو يمسح العرق عن وجهه ..
/ حالة وفااة والثااني نرجيه والثالث طيب ..


.. رد عليه رياض بالانقليزي ...
ثم لف عليناا ..
دخلناا مكتبه وسكر البااب ..
.. قرب وضمني لصدرره وبطمأنينه قاالي اذكري الله ...
ترف قولي لا اله الا الله ..


تنحت بصدمه ..
ووش دخلني انا يقوولي هالكلاام ...
ثوواني ودق جوااله لف يده حوااليني
وبالثاانيه رد ع جوااله ...
/ لاا والله ..
اللي توفى البنقاالي ..
كان سكران ومحشش ...

وعزام هذا هو يبي يجيكم اذا تطمت على اخوه
لاتقولون لندى شي لين تشووفه ..
هو بنفسه بيجيهاا ...

.. طاارق شووي مكود عليه الحادث
بس الحمد لله ..
دام فيه نفس ونبض فهو بخير ...


.. كنت اسمعه وعقلي مشتت عجزت اجمع شي ...
.. واوول ماسمعت اسمه لفت فيني الدنياا ..
سكر الحواال وشد علي وضمني له ..


قلت بضعف ...
/ هو حي والاا ميييت
امنتك بالله قول الصدق ...


رفع صووته بثقه ..
/ ورب البييت طيب ..
واصحاا مني ومنتس ..
بس فيه كسور بلييغه ورضووض ..
وراح نخليه بالعناايه 24 سااعه ..
لين يتعدى مرحلة الخطر ...

*
*
.. همست لنفسي
/ كله مني اناا السبب ..
اناا ادعي عليه داايم
هذا ربي استجااب لداعي وباسرع مما ظنيت ..
*
**

*.. ثواني ودخل عزام وانصدمت منه
.. هذا اللي طيب ..!
اجل طاااارق كيييف ..!


_________________




انتهى الى لقااآ قريب ..



** * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
*
*
*