السلاام علييكم



كييفكم ي حباايبي ..
والله مع هالاجاازه الشغل لرآسي
طلعآت وجيآت وزيآرات اهل وسفرآت والله يعيين ..
بس مآحبيت آردكم والله ..
كتبت البآرت بووقت قيآسي ..
وعذروني ع القصور واهماال بعض الآبطاال ...!
اترككم مع البآرت ...

_____________

[ 37 ]
____






ريآآض
_____


اليوم المغرب تمت ملكة مسآعد ولد عمي ببيتنآ ..
وحضر آبو وضحى واثنين من ربعه ..


آحس مسآعد عآدي لآفرحآن ولازعلآن ..
وآبوي قآله يآخذ مرته بأقرب وقت ...
آبوي شآيل هم كلآم النآس عنهآ ..
مهمآ كآن يعتبر آبوي ماهوب محرم لهآ والبيت فيه رجآل ماهم محارمهآ ..


.. دخلت آبآخذ الشآهي بعد ماتنحنحت ..
رآحو الاجنآب بعد مآتعشو بعد صلآة العشآ مبآشره ...
.. وابو وضحى وامهآ وبنتهم ف المقلط ..
تركنآهم يآخذون رآحتهم مع بنتهم ..
..*

.. مآعآد فيه داخل الآ الآهل ..
مريت بالصآله .. وعيووني تلآقط كنهآ سآهر
ادور لي شي ...
.. سمعتني امي ونآدتني أسلم على خالتي آم مسآعد ...
دخلت وكلهم محآرمي وكآشفييين الآ مرت اخوي ودوويمه ..
أنحنيت بحب رآس خالتي بعد مآحلفت انهآ ماتقوم ..
.. وكآنت جنب آمها متغطيه ..
كنت نآوي امد يدي لهآ واسلم ..*
بس الحمآآآر اصيييل ولد ريم سوى فيني وفيهآ حركه ...!
حلفت لآجلده بعقآآآلي ....
.. التبن اول مآ اعتدلت وآقف بعد مآسلمت على ام مسآعد فاجأني وهو يدفني بكل قووته وانا على غفله لين طحت كلي على ديمــه .....


مووقف محرررج ..
لو آنا لحآلنآ خميتهآ وحبييتهآ ..
لكنآ عند النآس وآحراج لهآ ولي ...


.. لحقته بلعن جدفه ..
والله لآ اكسر رقبته ...
تذرى فآبووه ... وآخر همي آبوه ..
والله مآخليه لو يحب سآبع سمآ ....


مسآعد / هههه ووش فيك علييه ..!
وشو مسووي ..

قلت بقهر / والله مآخليك ..
والله لآربيك يآالغبي ..

صرخ اصيل بخووف ..
/ يبه والله قسم قسم دوويمه هي اللي بدت ..
.. مآخذه مني آغراضي اللي شريت من البقآله ..
ومتحديتني .. تقوول سو اللي تقدر علييه ..
.. وآنا سويت اللي قدرت علييه ..

استشطت ..*
عآد وش دخلني آنا بسوآلفكم يآ تنح ...

رد بقهر ..
/ انت صرت *رجلهآ ..
وبفشلهآ عندك عشآن تنقهر ..

لشطته مع كفووفه وآبوه وقف يطلبني
ويستسمح مني ...
.. توعدته بسري .. بس آستفرد فيه ..
آخبر أبووه مآيدآني على عيآله شي ...


قلت بأمر ..
/ آذلف حب رآسهاا واستسمح منهآ
ان رضت عليك خلييتك ..


تكتف ...*
/ لآ والله ...
اضربني آنت ولآهي ..
اصلاا هي مآهيب مسآمحتني ابد ..
*

.. رجعت بآخذ الشااهي واسأل عنهاا
آكيد تبكي آلحيين ...
وآول مآدخلت المطبخ الآ وصوتهآ يلعلع ..

ديمه / يختي اصيل ذآ اتوقع له مستقبل بآهر*
يآ أرهآبي يآدآشر يآنزيل بمستشفى الأمل والآ شهآر ..

ترف / بسم الله على ولد آختي
صح الولد عليله وشقي ..
بس بيعجبتس لآكبر ..
تشوفين آن مآطلع دكتور مثل خآله ...


ديمه / هه مصدقه آن كل من صآر دكتور يعني آنه مميز ..
هين تلقين الشهآده نصهآ غش والنص الثآني رشآوي علشآن ينجح ..
وآخر شي يتعلمون في كروشنآ وعيآلنآ ...
ويآكثر الأخطآء الطبيه التي تثبت هالشي ..


ترف / لآ عآد ..*
كلش ولآ ريآ....

دخلت وآنآ رآفع حآجبي ...
وعيني على شعرهآ القصير اللي لكتوفهآ ...

بدووون لآ أتكلم ...
لفت فجاه وبسررعه ...
وبدون سلآم ولآ كلآم تعدتني تبي تنحآش ...
هه دآ بعدك يآست هآآنم ..


•
•


ديمـــه*
____

.. آوووف قسم بالله مووب جسم رجآل اللي طآح علي ..
تقل رصّآصه مدرعه شآحنه ...*
.. كووعه ضرب بخشمي واهتزت الصور فعيوووني ...
.. وقعدت آعطس بقووه وررى بعض ..
حسبي علييك على الردي والله لآاشرب من دمك ...
.. انتظرته يقووم بسرعه عورني ثقله مره وكتم آنفآسي ..
والآخ تقل طآيح على مرتبة سرير ...

همس لي ...
/ عسى مآتعورتي ..!

بنفس همسه ..
/ ووش رآيك يعني ..
جثه وطآحت علي ..
والله آحسب جدآر طآح علي مهوب آدمي ..

ضحك بشويش وهو يبعد عني ..
/ ههه آحســن ...


.. الله يآخذه البزر فشلني عندهم ..
قسم ودك هالمبزره لاسوى احد منهم غلط
يجلد ويعلق عند بآب البيت ..
وكل من مر عليه يجلده ..
اف منه آحرجني واوجعني ..


.. بعد مآطلع ريآض الكل سوى نفسه عآدي
عآدي ولا التفتو علي عشآن لآ يحرجوني ..
*وآنا قربت القهووه مني ..
مآيبعد الغصه والبكيه الآ الاكل ...
.. صبيت لي فنجاال وخذت قطعة بسبوسه محشيه ..
حذفتهآ بفمي كلهآ ورشفت فنجآلي الحآر ..
وأول مارآحت الدمووع وتزحلطت بكيتي ..
قلت لغنآدر اللي جنبي والكل يسمع ..

/ صرآحه ووش ذآ*
مآكنهاا ملكه ..
نبي طقطقه ورقص وسعة صدر ..
ترآ بعد العشآ بنجيب الاستريو وبنرردح ...


.. غنآدر اللي مدده ع الجلسه المرتفعه*
بوضع مريح ...
/ لآ ووش ذآ بلآ سخآفه ..
مآلقيتو ترقصوون الآ وانآ على هالحآل ..!


.. رديت بنذآله
/ انتي الجمهور ..
صفقي وشجعينآ وسمي علينآ ...

جت ترف طيرآن ودآرت بعيونهآ علينآ ..
أشرت لي ...
/ ديييمه تعآلي ... وانا امشي معهآ
.. بسووي الشآهي وآنتي رتبي البيآلآت في صينيه ...


قلت بملل ..
/ اووف منتس ..
كلهآ حبتين ليبتون وفنجآل سكر
ومسويه فيهآ فزعه ....


.. مدت لي الفوطه ..
/ رتبي وآنتي سآكته
الشآهي رجلتس طآلبه ..
ومسآعده مني لتس سويته عنتس ...


دفيتهء عن وجهي وقعدنآ نسوولف بكذآ موضوع ..
.. ومآ انتبهت الآ بعيوون ترف اللي شبحت ورآي وريحة العطر اللي وقفت قلبي ....


.. التفت ... وتفاجأت ..
مآتوقعت بشوفه عقب الفشيله اللي قبل شووي ..
.. ثم آنا منزله غطآي وطرحتي على كتوفي ..
.. طآلعت البآب *ورآه ....
احسه بعيييد مره ومآهوب على مسآفة متر بس ...
.. وكزت رجوولي وهجيت ...
.. ومآدريت الآ يووم تلني بعبآيتي ..
حسبتهآ نآشبه بالكرسي والآشيً.. والتفت بخلصهآ ..
.. الآ وهو يفك عبآيتي ويمسكني بيدي ...
.. وآشر لترف ...
.. عبودي ف الحووش ..
خذي الشآهي واطلعي له ...
وآشر للشغآله ...*
/ هيييه انتي ..
آطلع أكنس حووش برآ ..


حآولت تجآدله ..
لكنه طير عيوونه عليهاا وهجت ..
سكر بآب المطبخ علينآ وتسآند عليه ويده بيدي ..

قلت وقلبي يرقع وبربكه ..
/ آبطلع ......

.. ابتسم ..
/ وريتس في اصييل ..
لحطته بالعقآل وبكمل عليه بعد ....


.. سكت مآرديت ..
الله لآيعيده من مووقف .،
*... حاولت اتفكك منه ..
آخاف يجي آحد يشوفنآ وتكمل بعد ..
.. ثم وجهي بوجهه بلآ غطآ ولآ شي يسترني ..
.. آنا مآودي يشووفني لين آجي ببيته عرووسه ..
.. مآهوب يشبع من وجهي قبل العرس وبعده ...


.. مسكني بقووه ..
وقآل وهو يتأمل وجهي ..
.. آمسي الليله هنآآ ..
آبي آجلس معتس لو نص سآعه بلحآلنآ وبرآحه .. ونسهر سوآ ...
طآلعته بآستنكآر .. وجتني قووه او قوآية ووجه مدري ...


قلت وانآ اسحب يدي بعد مآ حسيت آنه*
مآهوب على بعضه ... وبحده آبي آصحيه او اصحصحه ...
/ آقووووووووووول ...
ترآي بنت عمك وسعووديه لآفح وجهي السمووم لين قلت بس ...
مآنيب ام عبوودي اللي اعلم هو جآ قبل العرس والآ بعده*
كآن فيه عرس من آصله ..
مآهووب صدآقه وقلة حيآ ....


مآحسيت الآ بشي قووي ضرب بووجهي ولفه لف ...
.. يده اللي كنهآ خبزة خبآز طآبعه بووجهي ...
.. مآصدقت ......
التفت عليه الآ وعيوونه تقدح شرآر ..

/ عبوووووودي ولد حلآآآل ماهووب حرآم ..
.. ولآهوووب آنا اللي آخاااوي وآصآدق حريم
واجيب عيآل من الحرآم ...


.. ثمني حكيتس وابلعي لسآنتس
منتيب سفييه جآهله ..
وآن عآد سمعت هالحكي منتس والله لقطع لسآنتس واخيط فمتس ...
دفني وطلع ........!!


•
•


غنآآدر*
____


.. صحيت على يده اللي تمسح على وجهي وشعري ..
.. تذكرت اللي صآر ...
سكرت عيووني بألم وصديت عنه ...
.. سمعته صووته الخشن ينآديني ...
/ غنآآآدر صحيتي ...!


قلت ببحه متجآهله سؤااله ..
/ سقطت ....!

.. رد وهو يضغط على يدي ..
/ لآ الحمد لله ..
بس نزيف وبيعطونتس مثبتآت وابر حديد ..
عندتس فقر دم ...
وبس تخلص الغذايه بينقلونتس لغرفة التنويم ..

سالته وانا للحين صآده عنه ..*
و يدي على بطني برآحه ...
/ آحد من اهلنآ درى عني ..

/ لآ بس امي اللي جت معي
ولآ قلت لأحد ...


.. هزيت رآسي ..
امي لآتدري ...
ولآتقول لأحد ليمن اطلع ...


.. وافقني رآيي ..
وجلست يومين منوومه ..
واصريت اطلع على مسؤوليتي ...
وآصريت أطلع لبيت آهلي اريح لي ..
نفسيآ وجسديآ ...
ومن وقتهآ كل مآكلمني آطلع له بعذر واقفل
وان كلمته كلمته بجفآف ورسميه ..
وآن بغى يجيني تعذرت بوجود الجيرآن والآحريم قرآيبنآ ..
ولي آسبوع لآشفته وكلآمي له ينعد على الآصآبع ..


.. صح مآتضررت مره من دفه لي ... لكن ..
.. آبيهآ تكوون درس له ...
آني لي قيمتي وقدري ..
ومآني طوووفه هبييطه يفرغ فيهآ انفعآلآته ..
يبيني آسكت ...

.. محد شك بأن بينآ شي ..
لآنهم درو اني مهدده بالاجهآض وجيت آريح هنآ ..


.. وهو آستخف ..
.. يحآول يمشي الموضوع عآدي ولآ يعتذر ..
.. ويحآول يفرض نفسه علي ووجوده بحيآتي*
بكثرة اتصآلآته وبكل مره يطلب يشوفووني*
وآنآ أعتذر ...


.. والله لآخلي هيبتي بقلبك تسآوي غلآي ..
.. وقدري مآ ينفصل عن غلآي ...



.. جآني عبودي يقولي آرد على جواالي
عزيز يكلمني ومآارد عليه ..
لآني حآطته صآمت وبشنطتي ...
وفتحته لقيت خمس آتصآلآت منه ..
ورسآله منه ...
[ ضروررري اشوووفتس الليله .. لو خمس دقآيق بس .. شوفي لي مكآن او اطلعي لي ]

.. آعرف مآهوب ضروري ولآشي ..
بس يبي يشوفني ومشتآق لي ...


.. رديت .. [ سوري مآقدر آتحرك من فرآشي
آخاااف من النزييف ]

.. آقل من عشر دقآيق الآ وآنا اسمع صووته يتنحنح ..
.. ارتبكت وطآح الجوآل من يدي ...
.. سلم على امي وامه وقرب لي ..
.. جيت بوقف ..*
.. واشر لي آرتآح ..
نزل وحب رآسي ونظرة عيوونه فيهآ عتب ..
وحتى نبرة قووته مآخلت من العتب ..


.. آنسحبو آمي وآمه وآنا مقهورره مآ ابي اجلس معه لحآلي ...
.. ظل فتره سآكت وعينه ع الآرض وأنا توترت ...


.. قلت اقطع الصمت ..
.. اصب لك قهووه ..!

رد بهدوء ..
/ آرتآحي متقهووي ..
وشلونتس الحيين .!



قلت برسميه ..
/ تماام مآعلي ..

.. رفع رجله ع الكنبه المتصله وسألني بنبره غريبه ..
/ كم لتس عند آهلتس ..!


قلت وانآ مستغربه سؤااله ..
/ آممم تقريبآ إسبووع ..

رد بتاكيد ..
/ آسبوع وآربع أيآم ...
.. مآودتس ترجعين بيتس ..
ترآ طوولتي هنآ ..
وآنآ قاعد عزووبي ..*


.. قلت بنفس هدووئه ..
/ آنا للحين آحس بتعب ..
وآنت منت عزووبي ..
عندك امك وآختك ...


.. حط عينه فعيني ..
/ بس آنتي غيير عن آمي وآختي
ومآ يدآري الرجآل كثر حرمته ...

قلت بقهر .. يبي كل شي له ..
/ وآنآ بعد يبي من يدآريني ..
.. وضعي مآيسمح لي آنفعك بشي ولآ افيدك


زفر ..*
/ يعني وشلووون متى بترجعين بيتس ..!

قلت بملل ..
/ ع الآقل ثلآث شهور ..
لين يرتفع حملي ويزوول الخطر ...

حسيته تضآيق مررره ..
عقد حوآجبه ...
/ وكييف بشووفتس ..!
آقعد أرآعي حريمكم وزوآركم على حسآبي ..


.. قلت بتشفي برد كبدي ..
/ عآآد مآبيدي حيله ..
كذآ كلآم الدكتوره ...

.. وقف وبتطنييش ..
/ مآعلي من كلآمهآ ..
تعآلي عندي وآنا آعرف كيف اريحيتس ..
بس الوضع كذآ مآيصررف ...
بخليتس بآقي هالآسبوع والجمعه بآجي آخذتس ...

.. سألني قبل يمشي وهو يلعب بمفتآحه ..
/ آنا مآشي تبين شي محتآجه شي ..!


رديت .. بلآ مشكور ..

.. طلع من جيبه فلووس وحطهآ بيدي ..
انحنى علي ..
.. وضمني ضمه حنوووونه ..
بآسني بشووق وودعني وطلع ...
وآنآ جآمده مآلنت معآآه آبد ...


•
•


سلمآآن
_____


.. آصرت سآره الآ تعزم ريم في بيتهآ
وانا متووتر مرره ...
وآعصآبي بتفلت ..
بس مآحبيت ارد عزيمتهآ وآشكك في نوآيآها ..
.. وودي يكون بينهن أُلفه واخووه ..
.. بلغت ريم وهي توترت مثلي ....
.. حآولت تعتذر لكن سآره أصرت ..


.. دخلنآ ورحبت فينآ ببروود ..
وعيونهآ بتآكل رييم آكل ..
سميت عليهآ بنفسي وعوذتهآ ...
وعيآلي رفضو يسلمون على ريم ولآ حتى يقربون لهآ ..


.. ريم كآنت لآبسه فستآن اخضر مخصر جسمهآ ويوصل لنص سآقهآ الآبيض ..
وآيشآرب ملوون ابيض مع اخضر مع آصفر مع بني ...


..غصب عني عيووني تسررق النظرآت لهآ*
بغفله من سآره ...
وأتجآهلهآ بوجود سآره ..
مآبغى اثير غيرتهآ ..


.. بعد مآتعشينآ بسلآم ..
دخلت وهي مبدله جلآبيتهآ الحمرآ
بفستآن ازرق طووويل مفصل ...
ومكثفه مكيااجهآ للآخر ...

*
*
جلسنآ نتقهووى الشآهي ..
وانآ ادعي بقلبي متى نطلع على خير ...
وتكلمت وهي تمد لي بيآلة الشآهي ونظرهآ على ريم ... واحرجتني بكلآمهاا


سآره / هالحين انت خذت اسبوعين عسل على قولتك ..
واكيد بتعووضني ليالي هالاسبوعين ..
ثم ليله لي وليله لهاا ..


سكتت ريم ..
ورديت آنا بهدووء ..
/ يصيير خييير ...


سآره ..*
/ اليوم الجو حلو في الليل ..
تبي ترقد في احووش افرش لك
والآ ترقد دآخل في غرفتنآ ..!


.. تنهدت بضييق ..
مآله دآعي هالكلآم ..
من طرف عيني شفت ريم تحرك خيط شنطتها بتوتر ...


.. رديت بثقل ..
/ آمس رقدت عندتس ..
والليله لريم ...
ووقفت واستأذنت ... وطلعنآ


.. وبعد مآرجعنآ بسآعه .. وكنت على وشك النووم ...*
اتصلت فيني تبكي ..
تقول ولدي محمد الصغير مرتفعه حرارته ويهذي ..
جيت على وجهي مرتآع *وتفآجأت فيه نآيم وبفرآشه ..
لمست حرآرته الآ وهي عآديه ..
وجسمه كله عآدي ..
تنهدت واستغفرررت بسرري ...
رحت ادورهآ بفهم منهآ وش هالحركآت ..
وااول مآفتحت الغرفه حسيت بجسمهآ يضرب بجسمي ...


عقدت حوااجبي اطآلعهاا ..
الا وهي لآبسه قميص نووم احمر ومفتوح من كل جهه ..
.. قلبت كبدي .. وحااولت آبعدهآ عني ..
لصقت فيني آكثر .....

/ سلمآآن أنآ ابيييك ..،
والله آحبك وآعشق ترآب رجليك ...

*
رفعت رآسي آطلب الصبر ..
وهمست وجسمي كله احسه تجمد ..
/ سآره ليت قلبي بيدي ويسمع شور عقلي ..
والله مآ اعزه عليتس ..
مآ فيه آحد يستآهله كثررتس ..
بس والله النفس ومآتهووووووووى ...
وآنا عجزت آتقبلتس ومآبي اتمتع بتس جسد ووبس ...


.. بعدت عني وهي تدمع ..
/ حآآآول يآ سلمآآن ...
.. صديت عنهآ ...
/ حآولت وفشلت ..
عجزت والله عجزت ...


.. وقلت وآنا اعطيهآ ظهري ..
/ لاجت مآهيب ليلتس لاتتصلين فيني*
الآ لشي ضرورري ..
وضروري جدآ ..
مع السلآمه ... وطلعت وتركتهآ ورآي تبكي ..
ووبس ذقت دفى آحضآن ريم ..
نسيت سآره وطوآيف سآره ..،


•
•


سآره
_____


التفكيير بسلمآن بيووديني للجنوون ..
عزمته هو وريم بشووف كيف يشوفهآ ويعاملهاا ..

.. وليتني مآجبت العنى لقلبي ...
عينه ترووح وترجع عليهآ ..
كل مآصد عنهآ طرفه يرف لهآ ..


.. غصيت بلقمتي وآنا آشووفه يقطع لهآ اللحمه قبل عيآلي ..
وآنا من المنسيين كآلعآده ..
حاوولت آكل مثلهآ بالملعقه وتفشلت ..
حسيت كني بزر والاكل يتطاايح منهآ ويوصخ اللي حولي ..
طآلعت لبسها المرتب والحلو بألواانه وبسآطته
واستحيت من جلآبيتي اللي كنهآ مهرجآن ..



بعد العشآ بدلت بفستآن ..
كنت مفصلته كمقآس لثياابي ...
وبعد مآ التفت لي ...

*
.. حآولت آحرجه قدآمهاا
وآفرض ليلآتي عليه ..
بس سكتني بجمله مبهمه ....
*
*
.. ومن طلع معهاا وقلبي يآكلني ...
من بعد هالثووب الاخضر ءكييد بتصيير علووم ...
.. نومت عيآلي بالجزمه ..
وابن امه يرفع رآسه ..
واول مآهدا الوضع ...
رحت آتجهز له ..


آقلهآ آخرب عليهآ ليلتهآ ..
ويمكن ربي يسخره لي وينجذب لي ...
ومآلقيت عذر غير حراره بولدي حموودي ..


.. لكن تنكدت آنآ مآهوب هي ...
ومن آول مآشرقت الشمس وعيني مآغمضت*
اتصلت بمريم تجيني ..
ان قعدت لحآآلي بستخف ...!


•
•


فيآآض
____


بنهبل ...... والله بنهبل ...
من ذآ اللي مصور هالصوره لي ...!
وليييش ... ووش يبي مني ...!


.. الرقم بدون اسم طبعآ ...
والمرسل مآرد علي ...
ارسل صورتين ووبس ...
وقآل عندي غيرهآ كثييير ...
ولآ طلب شي ولآ قآلي ووش يبي ..!
*

*حيرررني مرره ..
من هو وش يبي ووش مصلحته ...!


ارسل له ولآ يرد علي ...
ولآ عطآني اي معلوومه *..

قعدت اقلبهآ برآسي ..
.. معقووله يكون احد من زملآي ...!
والآ طآرق ..!
والآ احد من آخوانهآ ..!
.. لا لا لو من آخوانهآ ماسكتوو ..
ولو من زملآي كآن اعترف وعلق علي..


يمكن آحد يبي يبتزني بهالصور ..!
بس هو لحد الحيين مآطلب شي ...؟


.. جآني وسوآس ...
معقووله يبي يخرب بيني وبين نجوود ..
وبرعب من الفكرره ...
*.. معقوووول يرسلهآ لنجوود ...!



.. فزيت وخذت جوآل نجوود ..
فتحت رقمه السري اللي آنا حافظه ...

.. وع طوول رحت للصور والرسآيل ..
وفتشته من فووق لتحت ..
ومآحصلت ولآ شي ...
آحس أعصآبي احترررقت ..
يعني وشلوون ..!
بقعد على أعصاابي انتظر خرآب بيتي ..!

خذت جواالي وسويت حضر للارقآم
اللي كنت مخزنهآ تحت أسمآء عمآل ...
كهربائي جوهر ... هذي جوآهر
نجآر عبدالملك ... هذي ملآك
حدآد .. هذي فرح حدآد ..
هالثلآث اللي طولت معهن ...
يمكن ست شهور أو آكثر .....
من جنسيآت مختلفه ...


.. صحيت من سرحآني على نجود وهي تخبط ع الطآوله جنبي ...
قلت بربكه ...
/ خيير وش فيتس ..
ووش تبين ..!


.. قآلت بدلع ...
/ اللي مآخذ عقلك ...
آكيد آنآآآ ...

قلت وقلبي يرقع ..
/ هههه من غيرهاا ام عبودي ..
لآقبلها ولآبعدهاا ..
نظرت لي بنظراات غريبه مغصت بطني ...


.. يآووولد هي دآريه والآ مآدرت ..
لآ خيير مآغير اناا اوسووس ...

.. قلت وكني آسوولف ...
/ يووووه الله يقطع هالتقنيآت الجدييده
دخلت ودخلت بالشر على النآس ...


.. تخيلي ..
واخد من زملآي امس وحنا قآعدين
خذ صورتي وانآ جالس اتقهوى معه ..
.. وسوآ لها فوتوشوب مدري وشسمه ولصق بدآل صورته صورة حرمه ...
هههه يآشطنه شيطاان والله ..
لو تشوفينهآ ابد ماتشكيين ..
والله ان تصدقين آنه انا وهي سوى ...

*
*بس وريتس فيه .. كرشته ..
قلت يآوولد أمسحهاا بس لاتنتشر ..
هالحين نمزح وبكره الله يستر تنتشر وتصير فضيحه وهو مآصار شي ..


حتى مره ثاانيه شآل صورتي انآ ..
وحط نفس الحرمه مكآني اناا ..
كنه جاالس معهاا ..
هههه الله يغربله .. وسووس بي ...


.. كنت اسولف لها وعيني مآجت في عينهآ
أخااف تطيح عيني في عينهآ وارتبك وتعرف تسذبي ...

انتظرت تعليقهاا ..
وبعدد شووي قآلت ببروود ..
/ امممم بس اتوقع النااس ماهم مغفلين لهدرجه ...
.. باين الصدق من الفوتوو ...


.. بلعت ريييقي ..
/ لاا هو فناان مرره ..
محتررف ..
تصدقيين حتى اقووله استغل هالهواايه بشي ينفعك ...


.. سكتت وسكت ..
ودعيت بسرري ..
/ ياارب استر علي هالمرره وآتوووب*
ياازييين اللي صفحته بيضاا مايخشى شي ...!


•
•

طاارق
_____

.. ارسلت لها ..
[ نامي عند اهلك اليوم وباخذك بكره ]


.. ابي نبعد عن بعض شووي*
ونراجع حساباتنآ ..
ثم انا مآآقدر بصرآحه بين يوم وليله
آجي واقولهآ أحبتس ....


.. صعب علي ..
لسآني ماهو متعوود ..


وآنا سارح بآفكآري ...
وصلني ردهاااا ...
[ اليووم ودووم ولآعاد تجي ولاترسل والآ تتصل علي ]


رفعت حااجبي باستنكآر ..
*.. هههه وااضح شاايشه ومعصبه مني مرره ..

رديت ...
[ وتقدرين تستغنيين عن حضني ]


انتظررت ردهاا على جمر ..
وشووي ووصلني ..
[ من زيين هالحضن .. حضن أمي ابرك ]



ضحكت من قلب ..
.. ههههه تمددت على السرير برآحه ..
وارسلت بقلة حيا ...
[ امتس ماتجيب لتس عيال .. العيال عندي ووبس ]


ردت [ قلة ادب .. بقفل جواالي لاعاد ترسل ]

تنهدت بضييق ..
.. يااربي منهاا هالبنت ..
بتمووتني نااقص عمر ...
.. لو بس تسمع كلااامي وتسكت ..
.. نمت بمكاانهاا ..*
باخذهاا بكره ونطلع نتغدى ..
واصلح كل شي على شووي شووي ..


•
•


ريااض
_____


زفرت بملل ..
وش يقنع ابووي وعزييز ...

/ يعني ووش فيهاا*
لانيب اول واحد ولآ اخر واخد يعرس برمضاان ...
.. عاادي ..
نعرس ونصووم وين المشكله ..


ابو فياض / خبل انت ..
الاجازه بطولها وعرضها ما اعرست
يوم جا رمضان تبي تعرس ..!
.. رمضاان شهر عباده والعرس بيشغلكم
تعبّد وخل بنت الناس تعبد ربهاا ..


طيررت عيووني ..
/ واناا بقولهاا لاتصومين ولاتصلين ...!
.. كنها ببيت ابوهاا .. وش فرق ...

ابوي بصد /
اصلا البنت مايمديها تخلص اشغالهاا
اصلا هي تبي السنه الجاايه*
وانا اللي اقنعتهاا عقب عيد الاضحى ..


ضحكت بتحدي لها ولهم جميعا ..
/ هاهااهااي ...*
عيد الاضحى يمديني آضحي للولد ..

خزني ابووي ..
وقاال منهي النقااش ...
/ انقلع عن ووجهي ترااك قذيتني ..
من يوم قمت وانت تسنك نامسه فووق رآسي ..
عرس برمضاان معصي ..
آقضب ارضك واذكر ربك ..

ويالله وخر عن وجهي دبلت تسبدي ..
قمت بزعل وانا اتحلطم على ابووي
وهو يسبني وما ادري وشو يقوول من تحلطمي ولاوقفني عن هذرتي الا كتف فيااض اللي خبطني ..



*•
•


ديمـه*
_____


معصي ثم معصي ثم معصي ...
لو يطير ويوقع ما تزووجت برمضااان ...
.. يبيني اطبخ له وانشب بالمواااعييين ...


لا والله ولاا يحلم ..
بودع الدلع عند ااهلي ..
اسهر بالليل وانام النهاار ..
ولا ادري عن انواع الفطور لين تقدم لي ..
ثم رمضاان هالسنه غيير ...


بتجي عندنا غنآدر و وضييح ..
وبيطلع ااحلى من كل سنه ...

.. وزيين ان مساعد بيتزووج قبل رمضان باسبوع ..
مع اني فطنت وضووح وحذرتهاا ..
بس هي عاادي عندهاا ..
اتوقع مستحييه من جلستهاا عند عماني ...
كنت ابغى زوااجهم كبيير ..*
وارقص لين يطيح اللي برااسي ..
لكن كلهم قالو الووقت مآيساعد ...



.. ناظرت جواالي للمره الآلف ...
.. مآفي ولارسآله ولآ اتصاال من ذآك اليووم ..
.. يااشيينه لآعصب .. مآينقرب ..
.. جيت لبيتهم بآخذ اغراض من وضحى اوصلها لشقة مساعد ..
ونزلت .. كوود آشوف احد ..
لقيت عبودي مكشخ .. شكله بيطلع مع احد ..
والشغآله طلعت اغراض وضووح ..



رحت له وحبيته مع خده بقووه ..
ناظرت طبعة الرووج بخده ...
وانحشت يووم سمعت صووته يتنحنح ويقوول ..
/ يااااااااوولد ... فيذاا ااااحد ...!


___________


*الى الملتقى 


*

يسعد صباح اللي توه على البال طاري، اللي وصلني منه أحلى رساله…

ليت الفرح في دنيتك دايم ماهو ثواني وليت الحزن لاغاب طول غيابه.


اك وسن الله يعطيك ماتمنيتي بهالجمعه الجامعه والملايكه السامعة

اشطب على البارت كلمه كلمه ولي عودة بأذن الله

السلام عليكم ورحمة الله وبركاته
يحيا الله ام وسن والله اني قاصدتن بتس بس المراقب الدولي يحسبني من شبيحة سوريا كرشني معليه نعيد
فياض عزالله طحت وما حد سمى عليك اجل ياحظ الي صفحة بيضاء اعنبوك انت مجلد اسود وياحليلك حداد وكهربائي
عقبال ممرض لك خططي نجود صح اشفي غليلتس وغليلنا من هالتيس الاربد خليه يبابي مايدري راسه من ساسه
تقول ما طلب شي اصلا جوجو موصيتني افتح لها حساب مع كبار العملاء بتمصك مص ويحليلك بزعمك تولم العصابه قبل الفلقه خويي سوا فتو شوب يالخبل نجود هي البرنامج كله وبتسويلك توقيع يهبل مجانااا بنحط فيه صورتك مع ام 13 وجواهر
وفرح ومرح وملاك وهلاك وقريح وابو زنه صدف لا قالو قلب الحرمه مثل المنجه ما يشيل الا حب واحد والرجال مثل البطيخ مية حب وانت قلبك كيس مكسرات ضاف كل ن زوير وعوير والمنكسر واللي ما به خير مدري وين الهيئه عنك ماتضفك
ووووجججججععع بس حلوه خرشة نجود لك مافبلك يم عبودي ولا بعدك عز الله انه عرفت لك والحين خل ثوارتك تنفعك

رياض منتب صاحي صادقه ديمه وين الاخ مدرعم ولا يبيها تمسي عندهم من يأمن البس الوشيق ما وفرتها بالكفي علشان تسبط في بيتكم ديمه لالالانجين الثور هايج اقضبي ارضتس لين تجي حزة العرس ولا جو اخوان عبودي كلهم وشم هالعيال لابو فياض مافيه كنترول طقه ولحقه بس وش اخبارك بعد الطيحة اجل مرتبه سليب هاي ولا دريم دويم اعقلي ولا علمت امتس ماش مهبل ما ينقال عليكم واذا نويت تعرس يا رياض برمضان عندي الحل سافروا بالسياره لباكستان
وافطروا الشهر كله خبل من يعرس برمضان الحين شعبان وفيها ان عرس+رمضان +رياض+ديمه عز الله تحرروا كل الرقاب الي في العالم ديمه وجع بعد الكف تبين يكلمك ولا ولدك بالحرام انتي قاضضضضيه بنت تعالي وش معنى حركة الروج على خد عبودي ههههههههههههه

ساره حقتس وماجاتس اول مابي اشوفها لا تجيني مدري وش والحين تجيبينها لبيتس وش بتشوفين معرس واخذ اللي
يحلم بها سنين يعني ششششوف وحر جوووف ووش تبين بوجع القلب يالله الحين اشبعي بقميصتس المشقق
وليلتها لها طرتي ولا وقعتي مع اني اكره طاري الجاره بس لو لو الله لا يكتبه علي ولا على كل غالي
لاشوفها ولا تشوفني ليه اغث عمري زود

غنادر عجوووووز الظاهر القعده مع امتس طبعتس بطبوعهي قولون السكوتي منه نموتي عز الله بتجيبين راسه ورجلينه وقلبه وكبده وطحاله وكل معاليقه ما ينفع للرجال الا اخذي حق وعطي حق

من بقى توم وجيري طول الوقت خناق وما يستغنون عن بعض من اوووول اقول طااارق يحبها بس يكابر ترف تحبه وبترجع يبيله قرصة اذن تحرمه المعاير وشوفة النفس يمكن ندى وعزام بيكون لهم دور ماراح عزام يرضى بشقاء اخوه

صصصصح عزام يا مغسل الموتى من يغسلك تنصح طارق وانت لاقط ندى وهي عروس للبران وترمي عليه خنافس وجعول وتنصح روح ودي القط رجال الروايه ووديهم لمجاهل افريقيا فيه قبيله يمدحون حريمه ما خلوا ولا بقوا مكن زين من ادب
بارسلهم اسبوع بعض الحريم لا ملت من الرجال اكلته وحطت الجمجه على الباب وكل مازادت الجماجم زادت هيبتها

اهلين. الله يعطيك العافيه أم وسن على البارت الله يوفقك ويسعدك دنيا واخره
ياربي وش ذا الخمه وش جمعهم في محل واحد حتى رياض اليوم مد يده كن الطق عندهم اكل حلاو الله يرجك ياشيخ منهبل يبيها وتونا مابعد لو شافها رسمي جاها كف الله يستر ماتنلام اخو الحقير. والا استاذ الجامعه المحترم معطيه ربي الزين والعقل ولاهان عليه يراضيها زي الناس بس لازم ينتبه اللي مثل غنادر ماتغلط ومحترمه لكن ردت فعلها اتوقع تجي قويه اذا انغلط عليها وبصراحه تستاهل الدلع كله ماتلقون لي وحده مثلها مره لولدي
اذا كان رياض وعزير اللي كنا نقول هم احسنهم سوو كذا. اجل باقي الخمه مساعد وطارق وكبيرهم الحقير فياض نتوقع منهم كل شي
وبالعكس. بنوتات الروايه كلهم مضرب مثل في الزين والعقل والادب. الي كانت شوي مغروره ندو وياحياتي دق خشمها راعي الابل.
والا من يصبر صبر نجود تزعل وترجع ترضى علشان تحافظ على بيتها بس انا اتوقع من نجود شي قوي بتسويه تادب فيه كبير المهابيل. لاننا كنا قبل نقول فضيحه بس الواضح هذا ماهمه شي اللي يروح يقابل في الاسبواق فهو اكيد متوقع احد بيشوفه بس هذا خالص. استغفر الله
وانا اقرا ردود البنوتات كانو يتكلمون عن مسالة العمر والزواج المبكر هل لها دور في الانحراف. انا عن نفسي اقول ماللعمر اي دور بإستثناء سن المراهقه وتحت العشرين. ياما شفنا شباب في العشرين بعقل ورجولة ودين واخلاق. وشيبان في الخمسين والستين. يتصرفون تصرفات. بزرانوهذولي تشوفينهم اكثر شي اذا سافرو. والله يا هم يفشلون ودك تغمضين اذا شفتي بعض تصرفاتهم

يا الله ننتظر ونشوف رد كاتبتنا. استودعتكم الله

السلام عليكم..

مرحباااااااااا ملاااااااااااييييييين الملاااااين هلا وملياااااااااار غلا .حي الله الحامل والمحمووووووووول ..اسفرت وانوورت واستهلت وامطرت..
الله يهنيتس يااقلبي بالاجازه ويجمعنا واياكم واحباابنا بجنات النعيم قووولوااا آآآآآآآمين ياااقاارين..>> فيس رافع يديه يأمن

شوفي ام سوونه اليوم جاائزه رفعت الضغط يتقاسمونها اثنين بجدااره وبلاااااامناااااااااااازع الثووور الاكبر فياااض والثووووور الثانــي سلمان..هو وساره معه..

فيااض ... ابــــــــــــــــــــــرك السااعات والله يوم انك تمشي وتكلم نفسك والافكار تاخذك وتووديك والانهيااار بيكون نصيبك قريباا بحوول اللي ماتنام عينه...ياااااااحلالاااااااااااااااااااات والله انك تنهااااااااااااااااار ويودونك تعالج نفسياا من الخوووف ..هذا اصلاا اللي ينفع لك انه ينلعب فيك ليييييييين تدخل مرحله الهلوووووسه ولاعاد تدري نجود تدري والا ماتدري وخصوووصااا انك عارف انها عطتك فرصه وحده بس وعقبهااا بتقوولك بااابااااااااااااااي . وبعدين ياااخي استح على وجهك تبي يعني نجود تبلع سالفتك الوصخه ياوصخ ..اجل فتو شووب ؟؟ جعلهم والله يشبوون فيك حريقه ولاتلقى من يطفيك.. اجل تفكر اننا مصدقين انها بتكون اخر مره لك لو ربي ستر عليك.. كــــــــذاااااااااااااااب وستين كذاب بعد . انت لو ربي ستر عليك هالمره بتقول كل مره بتسلم الجره وهاااتيك خيانات زايده... اتوقع نشووووف الاجزاء الجاايه وضعك اكثر سووووء والصوور تهف عليك .. وكل شووي بشكل وكل شوووي بحاله؟ لوو صراحه تتفق نجود مع العله اللي انت متعرف عليها وتمدها بمعلومات او صور عنك انت وهي بترووح فيها بجلطه ..بس لاا نجود اكبر من انها تتعامل مع هالاشكال. بتدبر نفسها ام عبودي بدون ماتحتاج لناس مرتزقه وخونه والله يوقويها عليك يااا الوصخ..

سلمان وساره: بالاول ماكنت راح اعلق عليكم الا بكلمه وحده وهي بدون تعليق لكن غصب عني استفزيتوني انتم الاثنين. انتي يااسااره باستمرار مسلسل هدر كرامتس لواحد باايعتس من اوووول .. وتبين الصراحه تستاهلين كل مايصير لتس حقتس وماجاتس الحين انت عارفه العلوم كلها وعارفه انه مايبلعتس وان الساعه المبااركه يوم يطلقتس ويصير كله لريم وانتي بقرررررررره مع مرتبة الشرف ماتفهمين .. واستمري بخبالتس هذااا واكلي من الحره والقهر والمووووت لين تنجلطين وياخذ عزاتس هالسلمان وهو يضحك ومرتاح انه خلص منتس ومن همتس .. يعني هالحركات افهمها لو كان يحبتس او على الاقل يشوفتس بعيونه وقلبه شوووي بس انتي بايعه كرامتس وراميه نفستس عليه.. فاحصدي الحين ثمار هدر وامتهان كرامتس له. اجل جايه تعزمينها وانتي خاابره البير وغطاها . .. وسلمان حقيييييييير وااطي ونذل .مسوي نفسك انك عادل وانك ماتبي تقهر ام عيالك وتحر قلبها وبااول اختبار لك معها فشلت.. هي صراحه تستاهل لانها هدرت كرامتها بس انت حقاارتك مضااعفه لانك ماسويت شي بين لنا انك فعلا تبي هالعدل .الا ميت على ليلتك عند ريم وهذا بس اللي تفكر فيه.. لو سوويت ماسويت مافيه أي شي بيخلينا نتعاطف معك.. وبكل صراحه نفسي ان ريم ما ترتاح لك وتطلبك الطلاب وتذوووق ماذوقته لساره الحماره ..

ريم : انتي ما الوومتس لان الغلط غلط هالحمار اللي انتي ماخذته.... بس انا الومتس على شي واحد وهو روحتس لسااره وانتي اعرف بطبعها .. ياليت مره ثانيه ترفضين أي دعوه منها ترى بكره لو صار شي بتحملتس المسئوليه وانتي تستاهلين..


مساعد..مبروك الملكه وباذن الله تكون ملكة نصارى.. امممممم سالفه حبك لعيالك وانك ماتبي احد يقولهم شي ابد ابد وماتطيق عليهم لو النسمه تخليني اقول ان وضحى لو هي ذكيه بتدخل قلبك من ناحيه عيالك.. ولو ان لك ولد بسم الله علينا حتى الجن ماراح يسخرونه ولايقدرون عليه.. بس ان شااء الله وضحى تقدر عليهم..وان شااء الله ريم بعد تكون عون لوضحى وتنصح عيالها انهم يطيعونها ويحبونها لو هي تبي مصلحةعيالها بتخليهم على اقل شي يحترمون وضحى ولا يغثونها بحياتها..

ديمه ورياض: ياااااااااااااافــــــــــــــــــــري جيبي فريااااااااااااااهــ .>>فيس جدتي لما اضيق بحياتها ياملحي..هخهخهخه
. حتى انت يااارياض مديت يدك..؟؟ منه العوووض وعليييييييييييييه العووووووووووووووض.>> فيس يضرب يديه ببعض..
. الله يخلف على بنيات قصتنا.. كان حظهن اقشر اللي قطهم مع ثيراان مو اواادم.. لاينفع دكتور ولا ينفع موظف ولا ينفع استاذ جامعه.. اقطع هدومي منكم.. واليووم بعد انت ياريااض انضميت للقائمه ومديت يدك على ديمه .. شوف هي غلطت بكلامها مانقول لأ ..بس ديمه تراها ذرووووق يكفي بس لوانك ماسكها من ذراعها ونافضها شوي وانت منفص فيها عيونك والله ان تبلع العافيه ..بس كف وهي توها ببيت اهلها ومابعد جت عندك كبيره كبيره بحقها ياادكتور .. والله الحين لو تقول هونت ومابيه معها حق.. بس تدري انت من تشوف خد ولدك عبيد اللي عليه اثاار روجها والله بتضيع علومك وبتروح تدورها دواره ببيتكم لين تلقاها وبتراضيها.>>فيس متبطح بانتظار الرضاوه..هع

ام سووونه الله يسلم هالايدين ياارب مبدعه مثل ماعودتينا يااعسل.. استانسي بالاجازه وروحي وتعالي وانبسطي الله يوسع صدرتس يارب مثل ما انتي موسعه صدورنا بهالحظور والالتزام ..
بس هاااااااااااااهــ مهوووب تلهين عنا بالروحات والجايات وتنسينا.. ترانا قاعدين اذا الله احيانا هالفتره لا رايحين ولا رادين يعني دونت فورقيت اس يااا ماي هارت انتي..هخهخهخهخه

باتظار البارت الجاي اذا الله احيانا بكل شووق فلا تتركين انتظارنا يطووول ياعسل..