تــابع البــارت الــ(1) ....!!
صرخ عليه : أنته ماتشوف تدعم خلق الله ...
أطالعته بخوف وأنا أحاول أقوم , ضرب الريال ريله بالآرض وراح وهو يتحرطم , وقفت ورفعت يدي أطالعهن بــآلم ... أنجرحن بجروح سطحيه وبعضها طلع منها دم نفخت عليهن لعلي أبردهن وأخوز شوي من الآلم إلي أحس به , مشيت ادور بعيوني ثلاجة الماء .... ما صدقت عيوني يوم شفت مسجد ...وعداله ثلاجة ماء ... مشيت بسرعه صوبها ... وصلت عندها بسرعه وبدون ما أحس مديت يدي وشربت ماي بسرعه .. تخلل الماء لداخل حلجي بسرعه وروىء عطشي .... خوزت يدي عن الزر وأنا أتنفس بتعب ...وبراحه ... مديت يدي وصبيت شوي وخرست به ويهي ...
يلست عدال الثلاجه , ورفعت عيني صوب المسيد أطالعه ..... طال جلوسي , والشمس بدت ترتفع والحراره تزيد .. تحركت صوب المسيد وسرت صوب قسم الحريم ..بتردد رفعت يدي صوب المقبض وفتحت الباب ودخلت , المسجد كان خالي أرتحت بصراحه ... سرت لآخر المصلى ويلست فغمضت عيوني ,, من البراد الي هناك ... مديت ريولي ويدي وأنسدحت على يدي اليمين ....
مر الوقت وأنا مغمضه عيوني بنوم خفيف , فتحت عيوني على صوت فتح الباب ,, يلست وانا شبه واعيه
كانت عاملة النظافه , رديت ظهري على ورا وعدلت الكاب على راسي وخفيت ويهي به ...
يلست أرقابها وهي تقترب مني , سمعت صرختها وهي تقول : انته شو يسوي هنيه هذا مسجد مال حرمه...
اعتدلت يالسه وكنت بنطق , بس هي ماسمحت لي سيده ضربتني بإلي كان بيدها , كان بروش .. وبكل قوه تضربني به , صرخت وانا أترجها أنها ماتضربني بس هي ماكانت تسمح لي أتكلم بس تصارخ وتتوعد ..
طردتني لبرع المسيد , وقفت برع وأنا امسح مكان الضرب , شو فيها هاي ترا أنا حرمه أستغفر الله , مشيت صوب المطاعم ويلست أطالعهن واتأمل الاكل إلي داخل بجوع وألم ... مريت بمحل للكيك ,, ويلست أطالعه بحزن , الله ياحظهم إلي ياكلون ها الاشياء ..
فجآه ,,, أنتبهت لشكلي إلي كان منعكس على زجاج المحل , يااربي هذي أنا ؟؟؟؟
هذا ولد مش أنا أبدا مافيه انوثه , رفعت الكاب عني ويهي وشفته مبقع بألوان حمرا وزرقه , تنفست بعمق ومشيت متخطيه محل الكيك بألم بطني واليوع إلي ذبحني ...اخترت لي زاويه ويلست فيها والعرق يتصبب مني ... غمضت عيوني ودي أنام , مــادري شوفيني كله إلا أبا أنام ... غمضت عيوني لدقايق بالنسبه لي ..
فتحت عيوني وأنا أحس بملابسي كلها مبلله , والتعب والحر خذ مني مأخذه , تكورت على نفسي أنا أسمع صوت خطوات كان واحد من عمال المطعم , فر شيء في الزباله إلي كانت عدالي وراح ...
تنفست وأنا أشم الريحه هذي ريحة أكل , عضيت شفايفي بجوع وشهيه مب قادره أتحمل تجدمت وانا يالسه أطالع أذا حد مار أو لا , وماكان حد .. وقفت بسرعه ويلست أنبش الزباله لقيت بعض العيش والدياي المأكول والسمك والخبز والسلطه ويلست أكل بسرعه , لين حسيت بالشبع ... رديت محلي وأنا مرتاحه الحمدالله أخـــيراً كليت وشبعت ,,,, مرت دقايق بس ... وحسيت بألم فضيع ببطني وطلعت كل إلي كلته ..
يلست وأنا أحس أن حيلي منهد تعبانه , وبطني يعورني , هل صابني تسمم مش معقوله في ها الفتره البسيطه , قمت من محلي ورحت الجهه الثانيه وأنا كارهه الأكل إلي كلته ....
مر الوقت بسرعه وأستوى قريب المغرب , حسيت بخوف مع مغيب الشمس وطلعت من مكاني ورحت أشرب ماء , ويلست على مقاعد كانن موجدات هناك , غابت الشمس ... وسمعت صوت الآذان ..
ودي أصلي لان ضيعت ثلاث فروض اليوم ... طاحت دمعتي وأنا أتذكر إلي صار أمــس أظن الحين يصلون على آحمــد ... أستغفر الله ... أمتزجت دموعي مع بعض ضحكات طلعت مني .. شكلي أتمنى موته من الخاطر ... قلت بصوت مسموع : أحسن ياليته يموت ..
أداركت عمري وأستغفرت ربي , إذا مات بيسجنوني ويمكن يعدموني بــعد ...خلصت صلاة المغرب وأنا أطالع صوب مصلى الحريم خاطري أروح وأصلي بس صعبه حريم ووايد هناك وصعبه جــدآ أروح صوب مصلى الريايل ...نزلت الكاب على ويهي وأنا أسمع الآقامه والصلآه ...
طال جلوسي وسرحـآني , أصلآ ما اعرف شو آسوي أو وين أروح أحس عمري كأني عايشه حــلم ...
مر الوقت عليه ويت صـلآة العشاء تميت يالسه محلي أسمع الصلآه بكل تفاصيلها وخلصت , والناس تدفقت إلي بتروح لبيتها وإلي بتروح للسوق وللمطاعم علشان تتعشى .. حسيت بيوع بس ماكان شي غير الماء إلي يسد يوعي ..
خــلى المكان إلا من البعض خطيت بخطوات متردده صوب مصلى الحريم وبسرعه دخلته وحمدت ربي أن ماكان حد هناك , دورت بعيوني وين السيادات وكانن في أخر المصلى سرت صوبهن والحمدالله لقيت هناك شيل صلاه ...سرت صوب الحمامات وتيددت وبللت جسمي شوي بالماي ...
صــليت صلاتي الفايته , وبعدها يلست في زوايه من المصلى وحطيت وحده من السيادات تحت راسي وتلحفت بالشيله وغمضت عيوني بنعاس ونمت ...
صوت آذان الفير خلآني أقوم من نومي , فتحت عيوني وويلست أسمع صوت الآذان ... ومن خلص قمت تيددت وصليت صلآتي ....
مشيت بخطوات هادئه , وفتحت الباب ويلست ألتفت يمين ويسار ويوم ماشفت أحد طلعت , الشمس توها طالعه والجو مائل للبروده , رديت قحفيتي على ويهي وركضت بــعيدعن المسيــد يلست أمشي أمبين المحلآت ... إلي توها تفتح ... حطيت يديه على زجاج واحد من المحلات أحاول أتلمس الفستان إلي كان معلق على واجهة المحل ,, كان فستآن آبيض مرصع بجواهر ملونه رووعه مثل إلي في الآفلام هل هذا فستآن زواج حقيقي ..خوزت يديه عن الزجاج وأنا أحآول آني ما افكر في ها الاشيــاء وكملت دربي ... شفت أكسسورات قبضت خاتم باللون الفضي وكان مرسوم عليه ورده وفي نصها لؤلؤه ويحيط بها فصوص باللون الذهبي , دخلته في صبعي وكان شوي وسيع عليه بس صدق عجبني تمنيت أخذه بس رديته بتردد لمحله ...
النهار انتصف وانا أحس بحراره وجوع , يلست وأنا أراقب متى عمال المطاعم بيطلعون وبيرمون الطعام المتبقي , من شفت العامل عق أكياس في الزباله ....
بخطى سريعه سرت صوب الزباله ويلست أنبشها وفتحت الاكياس ومسكت بيدي قطعت خبز كانت داخل الكيس ...
بخوف رديت ورا وأنا اشوف عامل المطعم يطلع , نظر لي بنظره غاضبه وصرخ: انته يالمتسؤل روح يعلك وصاخه ...
تميت واقفه محلي ماأريد أروح أبي أخذ لو شويت أكل أحس أني بموت يوع .. بس العامل قبض عصا وضربني بها ... ويلس يسبني ويهددني إذا يت مره ثانيه ...
ركضت بعيد وأنخشيت في زاويه ودموعي تنزل بآلم رفعت قطعت الخبز إلي كانت في يدي وقضمت منها قضمه ويلست أكلها بشراهه ...
تنفسي أنقطع والدموع نزلن من عيوني أكثر وأنا آسعل بقوة بسبب أني قصيت بقطعت الخبز , ودي بماي .. بس ماعندي حاولت اتنفس لين رجع تنفسي طبيعي , قمت بسرعه أدور الثلاجه ووصلت صوبها وشربت ماي ...
يلست عدال الثلاجه وأنا أمسح دموعي إلآ مب طايعه توقف , التشرد والضياع إلي أعيشه الحين مؤلم وقاسي, بس أريح من عذاب أحمد إلي كان كل يوم لزم يضربني ويعذبني ... ضميت يدي لصدري وأنا آحاول أكتم شهقاتي العاليه ,,,
مرت الآيام وأنا حيــاتي أمبين المسيد ونفايات المطاعم , الآ أني ما أكل غير خبز منهن لآن كل ما أكل شي ثانيه آرجع ...
في اليوم الــرابع كان الليل قد حل بعد صلآة العشاء بوقت طلعت بروح للمسيد , وأنا ماشيه شفت شيء طايح .. نزلت تحت وشفت أنها 500 درهم ...
فرحه ماتنوصف , رفعتها علـشآن أشوفها زين وبسسرعه خشيتها في جيبي , ومشيت فرحانه ...
بس فجــأة .. حسيت بألم فضيع في بطني ألم ما أقدر أتحمله ,,, حاولت أمششي لين وصلت لاقرب كرسي ويلست عليه بألم , قبضت بطني ودموعي تنزل , أحسسس عمري بموت آلم ما اقدر أتحمله أبدا , احس أحشائي تتقطع تتمزق مية قطعه وأحس بثجل في بطني ثجل فضييييع ....دقايق والآلم شوي راح ...
أرخيت جسمي على الكرسي شوي ومددت ريولي عسى يخفف شي ... حسيت براحه شوي ..
نزلت يدي لجيبي وطلعت الــ500 درهم , وابتسمت أخيرا بقدر أكل شيء عدل واشتري لي شي يعيشني ..
يلست أخطط وأبني أفكار كثيره ... بغمضت عين أنخطفت الـ500 من يدي رفعت عيوني لفوق أشوف من خذها شفت جدامي مجموعة أولاد ومن شكلهم يخوفون , بلعت ريجي وقلت بتردد للي خذ الفلوس: رد فلوسي ...
آطالعني بنظر حقيره وابتسامه خبيثه وقال: توي شايفنك ماخذنها من الآرض بعد تقول فلوسك ...
بلعت ريجي شكله يتحراني ولد , أطالعت الفلوس وقلبي يتقطع ما اقدر أتخلى عنهن ماأقدر أبا أعيش بهن أطالعته بقوه وقلت: بس أنا لاقنها قبلكم ....
ضحك ضحكه شيطانيه وقال: متأكد يمكن أنا شفتها قبلك روح عني خلاص حقي ..
حسيت بالظلم , صح أنها مب فلوسي بس في ها الظروف أنا محتاجتنهن أبا أعيش منهن ماأبا اتم عايشه جي وقفت وقلت: لا أنا لقيتهن قبلك ...
ضحك وهو يرفع الفلوس فوق رفعت يدي أحاول أخذ الـ500 بس ماقدرت لآن اطول عني وأضخم , تجمعت الدموع في عيوني وأنا أصارخ عليه : ردهن لي ...
دفرني بقوة وطحت على الآرض ,رفسني بقوه على بطني صرخت صرخه قويه من الآلم .....
سمعت صوت ضحكاتهم وهم رايحين , حسيت بالقهر والضعف , يلست أصيح بصوت عالي ...ألم بطني إلي زاد أضعاف وآلم فقداني للفلوس إلي كانت ممكن تعيشني شهر على الاقــل ...
قمت واقفه ومشيت بصعوبه علشان آلم بطني إلي كان يمزقني , ووصلت لمكان خالي ويلست فيه ...
بطني يعورني موووت , غمضت عيوني وأنا اتجلب من الآلم , الثجل إلي في بطني حسيته نزل ويعورني أكثر ....
فتحت عيوني وبرعب شفت بركة دم تحتي ...... صدمه شلت حواسي بشوفتي للدم إلي أرعبني ....كتمت نفسي بقوة ...
نهاية الــبارت الــ(1)...
16-06-11, 04:33 AM
جديد مواضيع قسم الارشيف
العرض العادي
