الجزء الثاني والعشرون


حسنا :مشرف تعال ابيك

مشرف:سمي أم مشاري

حسنا : تروح بيت الوالد علشان تجيب لي شوية اغراض

مشرف : سمي طال عمرك بس انا بودي حرمتي بيت اهلها وبعدين بروح


حسنا : مثل ماتبي بس علم فواز قبل

مشرف : أبشري خلاص بقوله



************************************

في مجلس أبوخالد

عبدالعزيز: قلت له يجي

سعد : لا وش ابي به بشك فينا على طول

قلت لشيهانه سيري علينا

عبد العزيز: ومتى بتجي

سعد : على صلاة العصر انا قلت مرينا نبيك

عبدالعزيز: طيب واذا جت وش نقول لها

سعد : ابد نعلمها انا نبي اوراق تخص مناقصه والاوراق عند صاحب العمل اللي يشتغل عنده رجالك

وهي تبي تتصرف

عبدالعزيز: كيف يعني

سعد : الله يهداك بس مو قلنا خلها تتصرف حرمته بعد كيف يعني


عبدالعزيز: وانت جبتها بس ترى بعدين مانقدر

عليه لو عرف بالسالفه

سعد : وش بيعرفه اسكت ولدك جا

مشعل : مساء الخير

سعد : هلا مسا النور وينك غاط


مشعل : موجود ياعمي

سعد: اجل اسمع الخميس الجاي ملكتك على بنت عمك

مشعل : تقوله صادق حاس اني بحلم

سعد : لا انت بعلم بس الله الله بالعلم الغانم

بنت عمك لاتجت عندك ماابي شئ يكدر خاطرها

مشعل : في عيوني ياعمي


عبدالعزيز: هههههههه ابك انت وراك هجدته

والله مايمرح الله صباحي عنده من الفرحه

مشعل : يبه الله يهديك

عبدالعزيز: احد قال شئ هذي الحقيقه

سعد : خله حقه خلاص اجل سو التحاليل

وانا بعد باخذ البيت تحلل

عبدالعزيز: مشعل شكل التحاليل ماراح تظبط

مشعل : يبه فال الله ولافالك

سعد: هههههههه عبدالعزيز ولدك تروع

مشعل : عمي لو يقولون انك بتموت لو أخذتها باخذها

سعد : خلاص ولايهمك وانا عمك بس لاتموت

ههههههه


**************************************



مشرف : مرحبا ياطويل العمر

فواز: نعم يا مشرف بغيت شئ

مشرف : أبد بس ام مشاري مرسلتني مشوار

وقلت أقولك يمكن تحتاجني


فواز: لاماني محتاجك تقدر تروح

مشرف : بس ياطويل العمر

فواز: قول وش عندك ؟

مشرف : أهلي يبون يروحون معي

فواز: نعــــــــــم

مشرف: قلت اهلي يبون يروحون معي

فواز: وين اهلك أن شاء الله

مشرف: زوجتي ياطويل العمر

فواز: مشرف شكلك تبي من يوعيك اهلك الله يرحمهم

والباقي سلامة فهمك

مشرف: بس ياطويل العمر هي تبي تروح لاهلها وانا مقدر اردها اخاف تزعل


************************************

قلبي عورني من كلمة مشرف تزعل

يارب سامحني محبوبتي في ذمة واحد غيري

وأنا مصيري الجنون

خفت صدق انها تزعل


فواز: خلاص قلها تجهز وعلى طريقك ابيك توديني الشركة

مشرف: سم طال عمرك

**********************************

فواز: ألو مساعد انا حاس اني بموت

مساعد : من غير شر ياطويل العمر

فواز : مساعد انا وهي في مكان واحد احس ان التنفس يضيق

مساعد: سلامتك افتح الشباك

فواز: للحين ماركبت معها بس احس روحي تتطلع

مساعد : طع شوري ياطويل العمر ولاتركب


يمكن تجيك أزمة

فواز: والله لو الموت




*************************************
مشرف: شيهانه ...شيهانه

شيهانه : نعم بغيت شئ

مشرف : أنا ماقلت قبل لاتطلعين الابشيله


شيهانه : انا داخل البيت كل هذا حرص

مشرف: أيه حرص ويالله البسي بتروحين لاهلك


شيهانه : اكيد بس اصبر علي بغير واجهز نفسي

مشرف : لامايحتاج هاتي عباتك بس

شيهانه : ليه صبر شوي نصلي العصر ونمشي

مشرف : لا انا وراي مشوار بعد مااوديك بودي طويل العمر للشركه

شيهانه : خلاص وده وارجع

مشرف : ابشري ياعمه بقول تعال اوديك وبعدين اودي طويلة العمر

شيهانه : عمــــــة!!!!


**************************************

أبومحمد: خلاص قرب المراد وهانت

كل اللي اخذه مني فواز برجع واولهم أم مشاري

اللي حاطها اخت له وحرمها من العيال كل هالسنين



مطلق : قرت عينك أجل من الحين ياطويل العمر

أبومحمد: ههههه والله صبرت ومادريت انها بتجي هينه لينه


مطلق : يبه بقول لك شئ حسبتها من كل النواحي ؟؟

أبومحمد: وش تقصد ؟

مطلق : يبه اذاخسرنا نسب فوازمصالحنا في


السوق بتدهور اسمه كبير والانسيت ان اغلب

مشاريعنا قايمه على سمعته

أبومحمد : وانا ماراح اطلّق حسنا منه الا لين يعلن أفلاسه وقريب

مطلق : الله يقويك اجل عليه وعلى اللي يتشدد له


كل السنين هذي وهو ينهش فينا وحنا سكوت علشان الورق

عليك فيه اجل وخله يعرف ان الدنيا دواره

**************************************


حسنا : فواز انت هنا وانامن اليوم ادور عليك

فواز: نعم بغيتي شئ


حسنا : الله الله وين رايح موكنت قبل شوي تعبان

ولك ليله مانمت

فواز: تذكرت عندي شغل بالشركة ولازم أخلصه اليوم

حسنا : فواز أي شغل الله يهديك حنا العصر

ومافيه موظفين الحين

فواز : وانت وش عليك عندي أجتماع مهم

حسنا : مهم مع من ؟

فواز : حسنا كم لك معي مادريتي اني


مستحيل اتكلم عن شغلي في البيت والا ماتبتي


حسنا : الله يسامحك قلت كاشخ أكيد اجتماعك مهم

فواز : أكيد مهم روحي عن طريقي خليني


الحق

*************************************

شيهانه : مشرف وين السيارة

مشرف : هناك عندباب الفله

طويل العمر بيروح معنا

شيهانة: مشرف انا مستحيه أركب معه خلاص

رح انا هونت


***********************************


كنت طالع من باب الفله وشفتها تمشي من بعيد


وقلبي نبضه يزيد ويزيد

وشفت مشرف مرخي راسه لها وشكلها تكلمة

حسيتا أن الازمة مو بعيده عني بس ماابيها

ماابي الوجع ماابي افقد حياتي بعد

ما قرب سعدها




الرسالة الرابعة <<إلى من يهمها أمري >>

اشعر أن بي ألم

فتق بقلبي وزاد جراحي

أين من يداويه

أشعر بقربه ودونه

فأنا مازلت انتظره

وانتظر الفرح بقدومه



التوقيع : أملي بالقاء قريب

اهااا اللحين فهمت المجرم ابو محمد خايف من الاوراق اللي عند فواز اللي اخدهم الاخير من خزانة مؤيد .... لكن ماذا تحتوي هذة الاوراق ؟ ولم الخوف منها ؟ ومشاري مو ولد فواز ولد حسنا بس !!!!!!! والمتيم فواز كان بانتظار شيهانته

بانتظار انكشاف الاغطية رويدا رويدا .....

قمم العطشان لا ترويه قطرات فلتجعلها جرعات .
دمت بخير ايها القمم

السلام عليك ورحمه الله وبركاته

تسلم يدينك اخوي قمم على هالابداااااااااع بارت هادي نسبيا بس
شكله الهدووو الي يسبق العااصفه

فواااز ماتنلام وانت تشوف حبيبتك حلال لغير وهم بوسط بيتك تراه قهر ما وراه قهر
بس ان شاء ربي يجمعكم مدري ليييه حبيت انكم تجتمعون بعد هالسنين

بو محمد الله ياخذ يا محراااث الشر وش تبي من الرجال مو انت الي خذت فلوسه وذبحت ابوه
وخليته خادم وهو صغير لا وما كفاك ذبحت مؤيد الي كان حاميه بعد الله
ويوم انك شفته استقوى وصار تاجر زوجته عجوز ابليس عشان تتجسس علييييييه انت وش جنسك
الله يبلاك بلوه ماتقوم منهااااااااا

بو خالد وبو مشعل الله يستر مايندرى وش مخططين له
ومشعل وش عليك مبروووك حددو ملكتك بس حلوووو الي سواه ابوك فيك وهو صادق شكلك الليله صبااحي

اخوي قمم ابدعت وجعلتنا نستمتع لاخلا ولا عدم

يسلمو قمم على البارت بس ليه مقصره اليوم مو بالعادة ترانا متشوقين للاحداث ............ امممم الحين تأكدنا انو مشاري موولد فهد وبيكون الكرت الي بيبتز فيه ابو محمد وبنته عند الضرورة وبنشوف شبيسوي المجرم ابو العصاية حشى لاعياله ولا بنته الا مشتركين معاه في بلاويه بس مابيكون فهد الذكي اذا خلى اوالاوراق ببيته او مكان فيه حسنا


يعني لاشيهانة ولا مشرف ولا حسنا راح يقدرون يوصلون للاوراق وسعد تخطيطه بينقلب عليه خير الفلوس كلها من حق فهد وهم عايشين بفلوس مسروقة وسنين ياكلون الحرام لاخوف من عقاب الاخرة ولا مرض خبيث بالدنيا يعذبهم بس رب العباد فوقهم وقادر بغمضة عين يغير حالهم كله ويصيرون عبرة لغيرهم من الوحوش البشرية


بنشوف مدى اخلاص مشرف لفهد وبنشوف الي بيصير معاهم وكيف فهد بيكسر الشايب وبيجلطه قريب وحتى سعد دام نوى الشر اجل يبشر بسعده والي بيجيه من تخطيطه الخبيث


وحسنا عجوز النار رجال مو طايقها ومعتبرها قطعة ديكور مزعجة غير مرغوب فيها مضيعة عمرها ليه بس علشان ابوها اجل جايها الدور تصحى من غفلتها والحسرة قريب في الطريق


شيهانة ايش بتكون ردة فعلها من طلب اخوانها ولو عرفت مين هو فواز هل بتطيع اخوانها وبتعرف انو صاحب الرسايل هو فهد او لا ......بننتظر ونشوف


في انتظار البارت القادم