أخيرا طريقة المضرووووبه ,,, بينكم
المكونات ,,
4 أكواب جريش مغسول ومنقوع لمدة ساعة أو أكثر ,,,
دجاجه مقطعه ومغسولة زين ,,,,
المكونات اللي تشوفونها في الصورة ,,
وهي بالتقريب :
5 م ص بهارات كاري مدراس أو بهارات الدجاج + 2 ونص م ص بابريكا + 3 م ص معجون الثوم والزنجبيل + 2 م ص
قرفه مطحونه +4 م ص أجينا موتو + 2 م ط جريش مطحون ( يعطينا قوام غليظ للمضروبه ) + 4 بصلات كبار شوي
( مفرومه ) + 4 حبات ليمون أسود + 4 قرن فلفل حار+ حوالي كوبين كزبره خضرا وشوية شبت مفروم + 4
طماطم ,, بعد كبار ولونهم أحمر ,, نقشرهم ويزال البذر ,, + 4 م ص صلصة ناندوز + وشطه حاره (( هذي انا
اسوييها عن طريق تجفيف الفلفل الأحمر الحار وبعدين أجرشه مع ورق غار مجفف ,, ممكن تستغنين عنه
بالشطه الكريستال ,, أو الحاره اللي تنباع بالكيلو عند اللي يبيع الأجبان ,, وهذي صورة الشطه اللي انا
سويتها ,, واستخدمها في معظم الأكلات ,,
الحين تابعوا الصور وبتعرفون الطريقه ,,,,
نحمس البصل لين يصير لونه بني هالشكل ,,
نضيف الثوم ثم البهارات ,,,
بعدين الدجاج ,,,
ثم الطماطم ,,
ونقلب شوي الى أن يتسبك الخليط ,,,
نضيف حبات الفلفل الحار والليمون الأسود ,, وبعدين نصب حوالي اربع غلايات ماي حار للقدر وممكن نحتاج
زياده ,, عشاان جذيه خلي جنبج مقدار غلاية تكونين مذوبه فيها مكعب ماجي ,, مع اضافة شوية يهارات
للماي ,, اذا اضفتي ماي خالي ,, بتضيع نكهة البهارات ,, عووووولم ,,, هههههههههه
نترك القدر لمدة 45 دقيقة الى أن ينضج الدجاج جيدا ,, نطلعه من القدر ونشيل العظام ونرجعه مره ثانيه ,,
نضيف الجريش بعد ماصفيناه من الماي ,,
وهنا نضيف الجريش المطحون ,, ونحرك شوي ,, ثم نغطي القدر ,, ونخفف على النار ,,مع التحريك من وقت لآخر ,, و حاولي وانتي تحركين ,, تهرسين حبااات الجريش بالملعقه الخشب ,, بس لا تحكين قاااعدة القدر وتطلعين حكاكة القدر ,,, 
المضروبة تحتاج وقت طويل شوي ,, مثل الهريس ,, نطول بالنا ونحاسب مايحترق القدر علينا ويضيع تعبنا ,,
الوقت ممكن يكون من ساعتين ونص الى ثلاث ساعااات وأحيانا أكثر شوي ,, حتى نستوي حباات الجريش ,,,
وفيه بعض المكونات تقدرين تستغنين عنها إذا ماتحبينها ,,
وهنا مضروبتنا جاااهزه ,,, وفيه ناااس عندي استعجلو وخربوا التزيين علي ,, بس حصلوا لهم ززززف وهواااش من
الزييين ,,, بس ترى ماتنلااام بنتي ,, هههههههه
وهذا الصحن ,, ورشي فوقه شطة كريستااال وليمووون ,,, واااااو ,,, رووووعه ,,,
اتمنى الطريقه تعجبكم وتكوووون سهله عليكم ,,, وبالعاااافيه على قلوبكم ,,, وأول وحده بتسوي المضروووبه لها
تحياااتي ,,,
18-08-11, 01:14 PM
جديد مواضيع قسم ركن المطبخ
العرض العادي
