خبز الخمير
من أحلى وألذ أنواع الخبز الخفيفه والصحيه ,, لإحتواءه على التمر والبيض والحلوه ( الشمر ) ,,, خبز الخمير يؤكل
الصباح ,, وصار عندي تقليد كل ويك اند لازم يكون البلاليط حاضر يوم الجمعه والسبت خبز الخمير ,, وصااروا
العيااال الله يحفظهم متعودين على هالشي ,,,
المقادير ,,
2 ك طحين رقم 2 ( الأسمر ) بس مو طحين البر ,, انتبهوا + بيضه + رشة ملح + 1 م ك سكر + م ص حلوه
( الشمر ) 7 حبات تمر منقوع في ماي دافي ,, وتعجنينه ثم تصفينه بالمصفاة + 2 ك الى 3 ك ماي دافي
نصفي التمر بالمصفاة ,, ثم نعجن جميع المقادير ,, الى ان يصبح عندنا عجينه مثل عجينة البان كيك ,, تترك في
مكان دافي طول الليل ,, والصباح نسوييها وبتشوفون الطريقه بالصور ,,,
هنا العجينه ,, بس مالحقت أصور المقادير ,, بس اعتقد كل ألمور واضحه ,, مافيها شي ن غريب ,, هههه
نصب كميه بسيط على التاوه الحاره ,, بعد مانهنها بشوية زيت ,,
نحرك بالملعقه بحركه دائرية حتى يتوزع الخليط ,, ويتكون عندنا قرص رقيق ,,
شوفوا شلوون القرص رقيق ,, ترى اذا كان سميك ,, يكون مب حلو ,, ونصب شوية زيت على أطراف القرص ,, ونتركه يتحمر شوي ,, واحنا نضغط بالملعقه عليه عشان يتحمر ,,
نقلبه على الجهه الثانيه ,,
وهذا قروص خبز الخمير جاهزه ,, بالعافيه ان شاء الله ,, العض يحب يرش عليها شوية سكر أو عسل ,, وآنا احبها
بدون أي اضافات ,,ماأحب شي ثاني يغير الطعم الأصلي لها ,,,
روووووعه وسهله ,, لاتفوتكم ,,, جربوها ,,,
22-06-11, 07:01 PM
جديد مواضيع قسم ركن المطبخ
العرض العادي
