السلام عليكم ورحمة الله وبركاته







وهو تقريبا بداية المنعطف الي يعتمد سير الاحداث عليه

وهو طويل جدا كضريبه لتاخيري عليكم ويعتبر عن بارتين طوال وان شالله يعجبكم








الـــبـــ "5"ـــــارت




















الاربـــــــــــــعاء

وسط ضؤضا الجامعه وازعاجها كانت تجلس على المقاعد تتنظر وقت محاضرتها حست بنفس قريب منها وتحيه صباحيه

.. صباح الخير


مدت يدها لها وصافحتها

.. صباح النور


علاقة زملاه لااكثر ولكن الثانيه تمهد لبناء علاقه اقوى بنت الكل يعرف عنها انها بنت رجل اعمال مهم ووحيده مالها اخوان و مع انها ماتعرف تعامل الناس بدونيه لكن ترفض التقرب من أي انسان او تضع حدود لعلاقاتها

.. غريبه قاعده لحالك !!


ابتسمت مجامله لها

.. صديقتي ماجت اليوم


رفعت ساعتها عند عينها

.. طيب امشي معي مابقى شي على المحاضره


..لاهند ماعليه انتي روحي وانا لاحقتك


مشت غير راضيه لكن مظطره تظهر الرضا وعدم الاهتمام

..اوكي باي"
اشرت بيدها ورجعت تراقب الرايح والجاي توسعت عيونها تتاكد من الي تشوفه عن بعد "بالفعل تأكدت مع اقترابها اكثر من المكان المعتاد تواجدهم فيه وقفت ومشت خطوات
" وصلتها وبابتسامه بارده القت تحيتها وبفرحه وعدم تصديق ردت الثانيه

..عنوده وينك ؟ ثلاث ايام بغيت انجن وانا افكر فيك


مازالت تمسك يدها الي تصافحها وجلست معها


..هذا انا مثل القرد لاتخافين عمر الشقي بقي


كانت دموعها تطفر في محاجرها وصوتها تغير

.. عنود حبيبتي قولي وش صاير لك وجهك اصفر وحالتك حاله


زمت شفايفها وحاولت تضبط غرغرت صوتها

..مشاكل فـالبيت " الله يعين بس


ثورت جنونها ازدادت وهي تشوف حالها ووضعها المزري

..وانتي ماتعرفين تعترضين تذكرينهم انك انسانه ماانتي حيوان


ابتسمت ابتسامه ثقيله ونزلت راسها تلف سير شنطتها

.. كل الي صار لاني اعترضت
>>بسرعه رفعت راسها وبرجاء

.. تكفين غيري الموضوع "الي تشوفيه غيض من فيض من الي شفته "بس دبريني "امتحاني راح على وانا حتى عذر طبي ماعندي


هدت وجلست ورتبت على كتفها

..ماعليك بعد المحاضره نروح نكلمها وان شالله تعيده لك


وقفت العنود وضمت اغراضها لصدرها

..يالله الي ضاع يكفيني خلينيا نلحق المحاضره




...............................


..انت مارحت لااهلك !!

متمدد على سريره ومخنوق وضع صعب عليه التعايش معه

.. انا لورحت كنت طلبت اقابلك !!

تهربه كان واضح وعجزه كان لامجال فيه وهذا الي مايرضاه راكان منه

.. فيصل انت صاحي يعني يوم ابوك عايش ماتصدق يجي الاربعاء وتطير لهم ويوم صاروا بحاجتك تخليت عنهم


كان يتمنى راكان يتغاضى عن الموضوع لكن هذا راكان بقدر ماهو يحب يسكت لكن كلامه فيه مصداقيه

.. انا اتصلت فيهم قالوا ماهم محتاجين شي


سخر منه ومن كذبه على نفسه

.. اكيد ياحبيبي "ناس شايفينك كارهم تبيهم يجبرونك تجيهم لاتستغبي يافيصل انت عارف كل هالكلام


بالفعل ازاح الغموض الي يحاول فيصل يلف نفسه فيه ويوهم نفسه بشي غير الحقيقه

.. انا كرهت الطريق على كثر ماحبيته "لاتلومني


بصوت ثابت وبلهجة توبيخ

..الا الومك "من اول اسبوع يافيصل حرام هم مثلك للحين جرحهم جديد وانت المفروض تسد لو جزء بسيط من الفرااغ الي تركه ابوك الله يرحمه "غلط انك بهالسرعه تحسسهم انهم هم عليك


كان ساكت ويسمع لكل كلمه يقولها راكان لكن خلاص ماراح يتراجع حتى وان كان ناوي يراضيهم راح تكون بمره ثانيه

.. ان شالله الاسبوع الجاي اروح لهم وآخذ بخاطر خالتي واعتذر منها


بهدوء يحمل سخريه واضحه

..لا والله ذكي "بعد ايش ياشاطر


راكان بصراحته زاد عليه همه وهو اكتفا من احتماله لعتابه

..خلاص ياراكان غير الموضوع انا مكلمك ودي نطلع نغير جو وانت مصر اتنكد علي


كان هادي حتى بعز ثورته لكن صدمة فيصل زعزعت الحكمه المعروف فيها وهذا سر التقارب بينه وبين راكان

..خلاص بعد العشا امرك ونطلع لااي مكان بس توعدني مره ثانيه مااتسوي حركات بايخه زيك


ضحك ضحكه هاديه

..وانت تخليني اسوي حركات بغير رضاك "اقول بس لاتكون صدقت نفسك انك ولي امري بعد ابوي

.............................



الكل يستعد فكره جديده على عائلة ابوطلال " اكثر من كان متفاعل مع الفكره مشاعل او اكثر من عبرت عن فرحتها" كانت على عكس منى ونجود وام طلال وحتى مزنه الي كانت موافقتها تحت الحاح طلال

.. مالها لازم هالروحه كنا اجتمعنا هنا ولا ببيت ابو سعود "مصاريف عالفاضي بس الله يصلح هالعيال والله لولاهم ماصارت هالطلعه كلها


قربت مشاعل من اذن نجود

.. انا عارفه عشان طلال" كأنه راح يحضر اقص يدي اذا ما طنشهم وطلع يهيت مع اخوياه


بدون كلام مطت شفتها وارتدت لجدتها الي كانت غير ممتنه وتحب تكسر فرحتهم

.. استانسن كن هالبيوت ضايقه فيكن الا تطلعن وتعذبنا معكن



بااسلوب ثقيل وبجمل هاديه

.. والله حنا ماطلبنا من احد كنا منثبرين بالبيت وراضين بس عيالك الي خايفه عليهم هم الي عرضوا الفكره وترى ماراح شي بلاها هالروحه


احتقن وجهها من شدة غضبها واحساسها ان نجود سدت عليها كل المنافذ وضيقت عليها الحصار

.. والله بعد ماتخسروا وتجهزوا تبيني اخليهم يهونون


هزت كتفها بثقه

..وافقتي علشانهم وماتبين الروحه تكنسل علشانهم والثمن حنا الي ندفعه


بعلوصوتها وبعد ماوصلت حدها من العصبيه

.. نجود ماهو كل مااتكلم كلمه ردك جاهز


منى كانت تخاف من معركه جديده ومشاعل بقدر فرحتها بالطلعه بقدر خوفها انها تتبخر من حرارة النقاش الي بدا يشتد "نجود على حق لكن تلومها لانها تعرفها ومع ذلك تناقشها ولكن بما ان الموضوع صار بوسط مشاده بين مزنه ونجود وتتوقع انه راح يتغير كل شي

.. انتي ياجده كل ماشفتينا لمتينا اذا انتي ماانتي راضيه ليش توافقين


بودها تجمع الاثنين بين يدها وتبرد غلها فيهم خصوصا ان افكار نجود بدت تتسرب لمشاعل

.. والله هذا الي ناقصنا انتي بعد صرتي معها

>>التفت لمنى الساكته ..وانتي بعد عندك كلمه قوليها


لكن منى مثل ماهي ماعندها جراءه ترد عليها وكملت وهي تحرك اصبعها

.. الظاهر الحيه قامت تنفث سمها بينا


ابتسمت رغم مرارة الكلام وهي توقف كانت تتمنى ان جدتها تنفعل وتكلم سعود يلغي طلعتهم لكن ايقنت ان التجريح قدر البنات والتكريم قدر العيال

.. صدق ياجده قامت تنفث السم الي طول عمرها تبلعه وتسكت لين ماعادت تتحمله "انا رايحه انام عندي الصباح دوام



نجود لان دوامها الخميس واحتار عمها باامرها اقترح سعود انه وقت نهاية دوامها يرجع ياخذها بعد مايمر منال الي رفض زوجها يروح معهم وترك لها الحريه تروح او تجلس


............................................................ ..



تدثرت بلحافها من وقت قصير تعمدت تخلص الي وراها وتحاول تنام "لكن قبل تنام انفتح باب الغرفه وحست به يجلس قريب منها ويضغط كتفها وبهمس هادي

..العنود


انقلبت للجهه الثانيه ورفعت راسها له

.. نعم عبدالرحمن تبي شي؟؟


.. لا ابوي يقول اطلعي خالتك بعد شوي جايه تاخذك


تعانقت اوجاعها مع دقات قلبها المتسارعه

..عبد الرحمن تكفى اطلع قول له اني نايمه ومابي اروح


رغم صغر عمره لكن احساسه وشخصيته اكبر بكثير من سنه

.. ليش طيب انتي طول الاسبوع محنوقه حتى مع امي وخواتي مالك علاقه روحي لخالتك غيري جو


ابتسامه مخنوقه وسط المها زينت وجهها


..طالبتك عبدالرحمن اطلع سو مثل ماقلت لك


تنهد وقام .. طيب


طلع من عندها وهي رجعت مددت جسمها لكن كانت اقل من دقيقتين ووصلها طارق وبين يديه جوال ابوه

.. ابوي يقول خالتك تبي تكلمك


كانت تتمنى ان خالتها تعدل عن فكرتها لكن فاطمه اعند من اصرار عنود انتزعها من افكارها والجوال بين يديها كان اسم ابو ريان ينير ظلمة الغرفه انطوت احشائها من ذكرى الكلام الموجع الي مر على سماعه اسبوع بالضبط لكن مازال محفور بااقصى روحها فتحت الجوال بتوتر

..الو


سكوت لثواني وصوت همس وبعد لحظات جاها صوت خالتها

.. الو العنود


مسحت دمعها ماتعرف سببها على خدها

..هلا خالتي


بدون مقدمات وبعجله

..بسرعه تجهزي اناقريبه من بيتكم
بصوت مخنوق.. ماقدر ياخاله انا تعبانه" وبعدين الساعه الحين قريب العشر


ماكان عندها وقت للنقاش والمعارضه

..عنود انا عند الباب والي تبين تقولينه قوليه اذا وصلنا


محاوله اخيره منها لعلها تثني خالتها عن نيتها ..بســـ


بترت ردها بكلمه اخيره

..مافي بس بسرعه اطلعي لاتلطعينا


ماعاد قدامها الا القبول والاستسلام لرغبة خالتها مرغمه

..دقايق واطلع


قامت بتباطؤ وثقل وبدت تتجهز وكان وجود خالتها عند الباب اختصر عليها انها توقف وتنتظرها وتسمع نغز يؤذيها اكثر من الاذى الي تعانيه

ملل قاتل يحاوطه رغم وجود كل اصدقائه حوله ومع حياة المتعه المزعومه الي يعيشها يضيع جزء كبير من السعاده الحقيقه ماعثر عليها بكل انواع المتعه الي جربها" كان في مكان مبتعد شوي عن اصدقائه وجواله بين يديه ويلعب بملل

.. الظاهر الاخ طلال عنده شي ثاني يشغله عن لعب الورقه


خالد كان يقترب منه وينزل الكيس الي بين يديه ويبتسم "حط طلال شاشة الجوال في وجهه


.. قاعد العب "صدق كلن على همه سرى


بهيام وشجن كاذب

.. يازينه من هم صدقني لو تجرب مره وحده تنسا الدنيا ومافيها


رجع للعبته وبااسلوب سخريه

.. جربت ومانسيت "ومن قالك اني بنسا الدنيا


اقترب منه كان بشتى الطرق يدخل طلال بدوامته الي يدور فيها

.. اجل حياتك حياه الناس مستانسه ومبسوطه وانت جالس لحالك!!


لف لجهته واتكا على يده واستفسر بطريقه جاده

.. خالد تتوقع وش الهدف من الي قاعدين نسويه سهر بالليل ونوم بالنهار وكل يوم على هالحال هذا شي مايملل؟؟


خالد مايحب يخسر طلال ليس لشخصه ولكن لوسامته والي تجر له من تريد العبث وتضيع وقتها

.. شبابنا ونبي نعيشه بكيفنا بدون تعقيد وهذا من حقنا


سكت شوي يفكر بحاله طلال مشكلته الكبيره عناده ولو على حساب نفسه

.. انا بصراحه مليت من هالروتين وودي اغيره


ابتسم بخبث وطلع شي من الكيس ونزله بينه وبين طلال الساهي بلعبته

..والي يغير حياتك كلها


بدون مايلتفت له ومن غير مايشوف اللي طلع من الكيس


..لاتقول كلم بنات لانها تجربه صراحه مااعجبتني وحسيتها تجربه سخيفه" يعني اكلمها واقول لها ياعمري وانا ادري انها تكلم غيري يعني ادري اني لمجرد التسليه انا مارضا على نفسي "عندك شي غيره انا معك


مازالت ابتسامته تتسع وعيونه تترقب ردت فعل طلال الي كان الى الان لاهي ..عرفنا انك ماتحب تكلم بنات"بس هذا شي جديد راح تدعي لي اذا استخدمته


رفع راسه وشاف القاروره الكبيره قدامه ونقز من مكانه بسرعه

..وش هذا ؟؟


وقف خالد وينتابه شي من التوتر طلال مايعرف يرحم اذا عصب

..انت ماتبي تغير روتينك انا جبت لك الي يغير حياتك كلها


احمرت عيونه وثار بوجهه

..خالد "انت تدري اني مااحب هالسوالف وعمري ماحاولت اجربها لاني عارف نهايتها


شاف مقدار عصبيته" اكثر من مره لمح لطلال بمثل هذا الامر لكن طلال اعلن رفضه القاطع لمجرد ان هالامور ماتستهويه ليس لمبداء ولا لقيمه لكن لانه مايحب يكون مسلوب الاراده ويقتقد عقله بسبب مكالمه من بنت او بسبب مسكر "حاول خالد تهديته وبسرعه شال القاروره وحطها داخل الكيس

..خلاص خلاص انت حر ماتبي تجرب مااقدر اغصبك بس قصر صوتك فضحتنا مو كل الموجودين يرضون


زادت ثورته لكن دارا تجمع الشباب ولانه ماصرخ لكن عيونه كانت شعله من نار لانه للمره الثانيه حسسه انه ممكن يقوده بسهوله ومن بين اسنانه تكلم وهو يمسك عضده بقوه حتى حسسه ان عظام يده راح تتفتت بين يديه

.. وحاسب لهم حساب وانا الحيطه الهبيطه قلت انا اطيعك على طول

>>افلت يديه وضرب جانب راسه باصابعه


.. لا ياحبيبي مره ثانيه تداريهم مره تداريني الف مره


كان توتره وارتباكه واضح مايقدر يعلى صوته لان موضوعه مخزي وقد ماتكبر السالفه هو الخسران وكان من الاسلم انه يلملم الموضوع

.. طلال قلنا لك خلاص لاتخليهم ينتبهون انا قلت لك من باب انك اقرب واحد ان رضيت رضيت وانا رفضت ماني بغاصبك وانت رفضت وانتها الموضوع


اخذ فتره يحدق فيه ويصك اسنانه اخيرا جلس وبقرف

..خذ هالوصاخه عن وجهي لااكسرهم على راسك "ولاعمرك بيوم تفكرانك تتهاون فيني لامن باب الصداقه ولامن أي باب ثاني.


لملم اغراضه وطلع وهو يسب نفسه بسكات وترك طلال يهدي ثورته وتسارع نبضات قلبه



.........................................................







رفضت تجلس بمجلسهم الخاص واصرت تجلس بغرفة شوق والكل برا
الى ان دخلت خالتها وبيدها صينيه فيها اكل خفيف وكاس عصير "اجبرت نفسها على الابتسامه ووقف وشالت الصينيه وحطتها على الكومدينا وجلست الاثنين على نفس السرير اشرت فاطمه على الاكل

..انتي رفضتي تتعشين معنا مع انا ماتعشينا نستناك بس بخمس دقايق الصحن يكون فاضي


مسحت عليها وعلى كل ماكانت تحتويه مثلت الراحه

.. مشكوره بس والله تعشيت قبل مااجي


ركزت بعيونها هم متوكم ودموع مانشفت داخل عيونها كل هذا وعنود كانت تحاول الهروب بوجهها عن تفحص فاطمه

..ماراح تقولين وش فيك ياالعنود


ارمشت بسرعه وعلى وجهها نفس الابتسامه البارده المقتوله

.. سلامتك بس شغل البيت والمذاكره انتي اكثر وحده عارفه ظروفي


بعد صمت وااستكشاف بصوتها بنظراتها وتفكير في مبرارتها

.. وبعدين !!


همهمت بضحكه صغيره تصرف الموضوع


..وش بعدين هذا انا قلت لك


حطت يدها الدافيه على كتفها وبحيره كبيره

.. عنود انتي متغيره وش فيك ولاتقولين مذاكره وشغل لاني ماراح اصدقك ظروفك ماهي جديده عليك عمرك مااشتكيتي تعبك كان جسدي لكن الي اشوفه تعب نفسي


وقفت دموعها على راس رموشها وتشاغلت بشي غير معلوم المهم انها تبعد وجهها عن نظر خالتها وتحاول تجاهد الغصه الي خنقتها

.. خاله انا مااحب اني الخبطكم اذا جيتكم واشغلك عن زوجك وعيالك في اليومين الي مايكون عندك دوام


اثارت استغراب خالتها واصرت تحط يدها على علتها

.. كلام جديد ولهجه اول مره اسمعها "فهميني وش صاير لاتحرقين قلبي واعصابي


انسلت دموعها وهي متماسكه وتحاول تتحكم بصوتها

.. انا ماابي اخسرك ومابيك تكرهيني


قربت منها اكثر على كتفها اكثر

.. تخسريني ؟؟؟


ارتجفت احشائها بعنف" الكلام كان الم يحضن روحها بقوه وصعب تشده من وسط روحها

.. مابي اخرب بيتك واهدم حياتك "خاله تكفين ماعاد ابي اجي عندك


وجعها كان يتضاعف وهي تشوف حالتها وضياعها تلف وتدور حول جرح ماتقدر تلمسه

.. ليش يالعنود ليش تكلمي قولي ارتاحي وريحيني


كان بكائها بصوت عالي وكلامها متقطع

.. ماراح ترتاحين اذا قلت لك الي بقلبي


صرخت عليها كآخر وسيله تسحب الكلام منها "العنود يجول الحكي ماتدري منين تبدا ارخت راسها ولهجتها

.. مابي زوجك يفكر فيني تفكير ثاني


فاطمه كان استغرابها يزيد تلف وتدور ولا طلعت منها بشي واضح

..وشلون يعني يفكر فيك تفكير ثاني


ابتلعت ريقها وحاولت تسيطر على ارتجاف صوتها وتهدا

.. يعني كل اسبوع اجيكم مدري وشلون يناظر لي


فاطمه بدت تلتمس من لهجتها مشكلتها وتقترب لموضع العله

..انتي شفتي من زوجي شي ؟؟


وقفت بفجيعه اكثر خوفها هاللحظه انها فعلا تكون هدمت بيت خالتها بكلمه طلعت بلحظه ضعف وهي تحرك يدها بمعنى الرفض

..لا لا يشهد الله اني ماشفت منه الا الي تشوفه الاخت من اخوها بس

التعبير كان ثقيل و مؤلم "دققت فاطمه فيها النظر وبهدوء

.. بس وشو من الي قالك هالخرافات ؟؟


دموعها غسلت وجهها وبللت رموشها الظليله

.. منيره وامها هم الي قالوا


وقفت بعصبيه من اقتربت لمشكلتها وعرفت ان ظنونها كانت حقيقه

.. وش قالوا لك


لااول مره تحس ان خالتها بهالعصبيه وهالثوره بسرعه لفظت الكلمه بدون ماتختار حتى الفاظ ارق والين من الي سمعته لكن قالت الكلام بحذافيره وكما سمعته

.. يقولون لو ماكان حاط عينه على ماكان رضى اجيكم


بدون تفكير وبحركه عنيفه رفعت يديها وغرزت اصابعها بعضودها

.. يالغبيه "وقدروا يهزونك ويخلونك كل هالمده تتعذبين وتخليني اشيل همك

اعتلى صوتها ..وين عقلك وين ؟؟

وحذفتها من بين يديها على السرير تمددت نص امتداده كانت كفوفها على السرير وهي تنظر بااستغراب وتساؤل كملت جلوسها ومسحت وجهها بظهر يدها بسرعه

.. يعني ماانتي زعلانه مني


فاطمه كانت دموعها قريبه للانهمار تكره انكسارها وتلومها عليه لكن تحبها وماتتمنى تشوف هالانهزام "بصوت راكد قوي

..انا زعلانه عليك خليتي ناس مثلهم يسممون افكارك


ابتسمت ابتسامه شقت كل ملامح الحزن واليأس واختلطت دموع حزنها بدموع تعتقد انها دموع فرحها

..المهم اني مااخسرك


اسرعت وجلست معها مكان ماتجلس وبعتب

.. اذا راح تتاثرين بكل كلمه تسمعينها راح تخسريني وتخسرين نفسك "خليك قويه الحياه محتاجه منا قوه وصبر لاتصيرين لقمه سهله


كانت عبارت مرت عليها لكن تظن انها سوف تقيم في مخيلتها مادمت تتنفس لكن القوه احيانا سلاح لايجدي الكثره تغلب الشجاعه وهم عندهم العوامل المساعده الي تخولهم يكونون هم الحلقه الاقوى "الكثره "وتخاذل العنود " مره اخرى مررت يدها الصغيره على وجهها ومسحت اثر الدموع

.. ماخلوا لي مجال ادافع عن نفسي مايبون يسمعوني يرفضون يعاتبون انفسهم ويتراجعون عن الي يسوونه لي


كلمات صارمه كانت وشم عميق تغلغل في مكان غير معلوم حتى لها

..لاتساعدينهم قاومويهم حاولي هذا حقك كفايه الي تنازلتي عنه


انبح صوتها وضاع" الي قالته خالتها تعرفه لكن صعب صعب تنفيذه "لاهم مقدرين سكوتها ولاخالتها فاهمه حقيقة وضعها باامكانها تتكلم لكن نهاية آمالها على طرف لسانها "والي ينحر روحها سبب العداوه والكره الي يضمرونه لها

.. ياليتني بس اعرف سبب هالكره انا وش ضريتهم فيه !!


مسحت شعرها وابتسمت لها كدعم لنفسها المتعبه

.. مو لازام تضرين انسان عشان يكرهك احيانا الغيره تكون اقوى سبب للكره




ابتسمت بتهكم كلام مااقنعها

.. من ايش يغارون "من اليتم والضعف "


فاطمه امنيتها تنتشلها من حياة اليأس والتناقص بالذات

.. ليه تنقصين من نفسك "هم مااهم احسن منك بشي متعلمه وحلوه
>> وبااسلوب ضاحك ومحاوله لتطرية الجو
.. وانا احبك ولاحبي لك مايعني لك شي !!


ابتسمت ابتسامه صادقه ومعبره

.. هذا الشي الوحيد الي حتى انا احسد نفسي عليه


سحبتها من اكتافها وضمتها فتره وابتعدت عنه مسافه وركزت بعيونها وبلهجه جاده وهي تمسك يديها

.. العنود الحياه ماتتوقف والايام الصعبه تمر مثل ماتمر الايام الحلوه بس الشاطر هو الي يتجاوزها بكل سلبيايتها ومايسمح لها تعلم بروحه


رنين كلامها كان عذب ومقنع ولها ثاثير يشبه السحر على علاج وجعها

.. ان شالله


بحماس وبسرعه شدت على يدها

.. بكره ان شالله ام ماجد بتجي عشان بس تشوفك ابيك تكشخين وتجهزين لك لبس من الحين


ماقدرت ترفع راسها من شدة الحرج" تنحنحت

.. الملابس الي جبتيها كلها خذتها منيره


عقدت حواجبها لاتنكر قهرها المتزايد لكن بعد تفكير ضبطت انفعالها

..وليش منيره ان شالله تاخذهم


بنفس الحرج وبنفس النبره المخنوقه

.. لااني مارضيت اخليها تلبس منهم ابوي قال لها تاخذهم


مسحت ظهر يدها برفق

.. وانتي ليش سكتي


رفعت راسها ونهال الكلام من بين شفايفها

.. انا ماني خايفه من الضرب لاني تعودت عليه ولاخايفه من أي عقاب لانهم مابقى نوع من انواع العقاب ماذقته
>>هدت نبرة صوتها وكملت

..اكثر شي اخاف منه يحرمني من دراستي

ويحرمني من تحقيق حلمي وحلم امي


غمضت عيونها باالم لكن استدركت وابتسمت

..ولايهمك مثل ماجبناهم نجيب غيرهم "الي تشتريه الفلوس سهل وقريب

]الخميس

كان يوم ممتع ومشوق التجهيزات قائمه تكفلت فيها ام سعود وحلفت ام طلال ماتتكلف بشي "اكثر من كان متحمس ويحس بشي من التجديد كانت مشاعل "ومع ان اهل البيت كانوا ابدا مايشجعون لكن تكتفي بحماسها ونشوتها

.. فريتي راسي من كثر مادرتي وش قاعده تسوين اذا كانت خالتي شيخه حلفت امي ماتسوي شي


وقفت على كلمتها وبغيض

.. اجهز نفسي احاول استمتع اعيش جو الطلعه مادام مااحد راضي يحسسني فيه


شافت اللعبه الي تحتفظ فيها من سنين بين يديها ومتعلقه فيها تعلق غريب "عروسه بلبس وردي ومحشوه بالقطن "وهي تحطها على السرير وكأنها تكلمها بصوت هادي

..تدرين احيانا ودي اخذ هالعروسه وارميها بالزباله



خافت تكون منى جاده بالي قالته وتحرمها من قطعه تعتبرها اثمن ماتملك
قربت منها

..ياويلك يامنى لو تفكرين تلمسينها لمس "شي يخصني واحتفظ فيه مالك حق تتصرفين فيه


كانت تجلس على سريرها وراسها لتحت لانها كانت تعدل لبس جزمتها

..زين لاتموتين والله الي يسمعك يقول بنتك


طلعت بدون ماترد عليها بعد ماحطت لعبتها على وسادتها واتجهت لمكان ماتجلس جدتها الي تلبس عبايتها وقريبه من الباب ويبدوا انها تنتظر من يااخذها لحظات ويدخل طلال

..يالله ياجده سعود برا يستناك


وهي تتكي على عصاها وترفع عبايتها على راسها

.. لحاله !!


..لا اظن معه وحده من خواته


مشت وهي تتحلطم وطلال ومشاعل يستمعون لها

..ياويله كانه جايب معي نجد ام لسان طويل والله اني لاانزلها واخليها تروح مع عمها وانا اروح مع ولدي


وهي تلتفت لطلال الواقف يستمع لها ويبتسم

.. وانت ليه ماتروح معنا !!


..لاياجده مواعد اخوياي بعد شوي وبعد العشا الحقكم


بعدم رضا وبلهجه تملاها الحده

.. مصيبه هالاخويا ملهينك عن اهلك


اتسعت ابتسامت الي يثق انها تنسا الدنيا معها

.. لا والله انا لو انشغل عن الدنيا كلها عن زوزو ماانشغل


قاومت ابتسامتها وهي تقفي

.. والله انك قاويني ياولد لطيفه اشهد انها يوم جابتك ماخليت للي بعدك ملح


رنت ضحكته مع نهاية كلمتها ومشاعل واقفه وتستمع الغزل الي تبادلوه ولاكانها موجوده والاحتى تجراءت تشاركهم مزحهم
رمقها بنظره غريبه لها اكثر من صفه ولكن مالها أي تفسير

..وش موقفك روحي ساعدي امك .


بااستهزا الكلام كان على طرف لسانها وهي الي تعرف ان اكثر واحد متعب امها هو طلال وحاله
لكن استدارت بالفعل لاامها الي كانت تنهي شغل البيت قبل تطلع

.......................................



بهمس وصوت خامل

.. انا ماقدر افرض قراري عليه هو الرجال وهو الي يتصرف


كانت ترقد على حضن امها الي تعبث بشعرها ومثل كثير من المرات تحاول تجذب الكلام منها

..بس لازام اذا شاورك تعرفين بأيش تردين عليه انتي بعد لك حق تقولين وش تبين


غمضت عيونها وهي تحس بانامل امها شعرها على

.. وش ابي يعني غير اني اكون معك هذا شرطي وهذا الي ابيه منه


.. هو ماراح يرميني بس انتي لاتخليني المنظار الي تشوفين حياتك منه


حان وقت قفل الموضوع الى هنا كان مسموح في النقاش

..خليه لين يتكلم ذاك الوقت اقول اذا كان عندي شروط


ابعدت يدها عنها وغاليه جلست تستمع لمتبقى من الكلام

.. راح يتكلم هو قبل يسافر فتح معي الموضوع وقلت له يأجله لين اخلص عدتي


همت بالوقوف

.. خلاص من الحين لين تنتهي العده يصير خير "انتي الحين لازام تتغدين علشان علاجك


قالت اخر كلمه مشت او بالاصح هربت وراحت تجهز غدا امها

...........................................


كان اول الواصلين سعود وجدته ودانه ووحده من الشغالات "الفتت بكل ارجاء المكان وسعود يتبعها وكأنه ينتظر تعليقها على ذوقه

..هاه وش رايك ؟؟


ابتسمت له بهدوء وحب

.. يسلم ذوقك تجنن ماشاء الله


مااكفته بكلمتها ليس لانه لايثق بنفسه ولا لانه لايملك خبره لكن شي ما وشخص واحد يهمه اعجابه

..صدق والله يعني تتوقعين ان ذوقي يعجبهم


زمت شفايفها وتسألت

..من هم ؟؟

تلخبط ماكان عنده جواب سريع لكن استدرك

..كلهم ابوي امي عمي وعيال عمي


حطت يدها على فمها وضحكت

.. راح يعجبهم بس والله يااخوي الي مو عاجبه الوضع الي جالسه برا وتتحلطم


ضحك على كلمتها يعرف ان جدته ماتعارضه وراح تطلع غبنها في غيره

..عاد الله يعينك عليها انتي وبنات عمك بتطلع حرتها فيكم


جلست وبكل
الجديه

.. انا اشوفها بالكثير مره كل اسبوع لكن الله يعين الي عايشه معهم وتتحكم فحياتهم


سعود مثله مثل الكل جدته معروفه بالنسبه له لكن يلوم الي يتركون لها فرصه تقرر لهم كيف يعيشون

.. بس هم يقدرون يتحررون من سيطرتها بدون مايغضبوها يعني يكسبون برها ويكسبون راحة روسهم


وهي تعبث بشنطتها تدور على جوالها الي تلقا رساله

.. بس هي تعتبر استقلالهم عصيان لها جدتي اصعب من مماتتوقع ياسعود بس لانك رجال هي تحبك وتلين لطلباتك لكن بنات عمي الحلال حرام عليهم

>>فتحت الجوال

..هذي منال تبيني اكلمها


وقف

.. ولاتنسين تكلمين نجود وتعرفين بالضبط متى تطلع عشان نمرها

فتحت جوالها واتصلت بمنال الي كانت تسب نجود لانها اظطرت تترتبط في وتتاخر

.................................................






عابسه بنظرها وتتحرك بعجله وترتب اغراضها واغراض بنتها
اما هو فكان يجلس ويراقبها وبنته بحضنه ويلاعبها وقفت شوي وجته بسرعه وتناولت البنت من حضنه وهو ساكت عودها على الرضا السريع سوا اخطت او كانت على حق لكن هالمره قهرها بسكوته واحساسها انه مازال على نفس درجة التعصيب" كلمها

.. جهزي لي ملابس وحطيهم بشنطه صغيره

حاولت تسكت وتبلع الكلام لكن للاسف تصرف اكبر منها

.. وين رايح ان شالله ؟؟


بكل ثقه وبرود

..طالع للبر مع اخوياي


بركان تفجر مع اخر حرف تلفظ فيه بالغصب اقنعته انها تروح مع اهلها وكان رضاه مشروط انه ماراح يوديها ويجيبها ومع كذا يستذلها وكأنها طلبت منكر

..يـــأسلام ولك كم يوم مضيق الدنيا على لاني بروح مع اهلي ورفضت عزيمتهم عشان تحرجني والحين تقول بتطلع مع اخوياك!!


كان برده وبنظرته مثل الصقعيع

..والله انا رجال اروح بكيفي واقعد بكيفي لكن انتي حرمه لازام اكون راضي بروحتك ومقتنع


نار اشتعلت بين عيونها من غيضها منه يحب في ابسط مناسبه ينكد عليها

..بس انت مارفضت وماهان عليك تعطيني ولو نظرة رضا تريحني فيها


..لاني ماني راضي


بعلو صوتها الي افزع بنتها

.. طيب ليش سمحت لي وخليتني احمل سعود مسؤلية روحتي ورجعتي


وقف متوجه لها

.. لانك راح تسوين لي زعلانه وتكرهيني في البيت وانا بصراحه مالي خلق


دموعها السريعه تتابعت من قهرها يسكتها بدون اقتناع

..قلت انت تنكد عشان يرتاح ضميرك


مشا عنها وهي ترتجف من قهرها

.. فسريها زي ماتبين

.....................................................




كان يجلس بينهم يتناسا بينهم وحدته وهمومه يحبهم باختلاف اطباعهم "مرح ماجد"وهدوءسلطان "وغموض راكان "وحتى روح الطفوله بيزيد جلسه حلوه يمر معها الوقت مثل لمح البصر
يزيد يقبل والشاي بين يديه

..ماجد امي تبيك داخل


يذكر انها طلبت منه يوصلها لمشوار لوحده تعرفها لكن ماقالت من هي وقف

..عن اذنكم


سحب سلطان صينية الشاي

..اذنك معك بس لاتسرع


عقب يزيد يفرح اذا لقا مجال للتعليق على واحد منهم

.. اكيد يسرع مستانس على السياره الجديده
ضحك بااستهزاء

..هههه دمك خفيف " اقول بس رح ذاكر دروسك ونام


انزعج مهما حاول لايمكن يقدر يستفز احد منهم راكان الاهي بجهاز الكمبيوتر قدامه

.. ماجد امك تنتظرك داخل رح لها ولاتكثر الهرج


مشى بدون نقاش وتركهم التفت فيصل لراكان


..يااخي اذا انك بتقعد على هالجهاز لاعاد تقول لي تعال


وهو مندمج بشغله

.. ومن قال لك اني ميت عليك" العزيمه هذي من ام ماجد هي الي قالت اتصل عليه يتغدا معكم


ابتسم فرح لااحساسه انه شخص مقرب منها

.. الله يعطيها العافيه وعزيمتها تكفيني


سلطان يمد بيالة الشاي له

.. لاتفكر انه يرفع عيونه قبل مايلخص شغله "بس ماعليك منه خلنا نستانس وهو متى ماتذكرنا حنا موجودين" اليوم قاعدين ماورنا شي


حدث نفسه بسر <وراي ياسلطان مسؤليه اتهرب منها مااعرف اقوم فيها على وجهها الصحيح ولااقدر اتخلى عنها >




........................................


..وش فيك ساكته ؟؟


سعود وسديم بين يديه وماسكه السكان انتبه لمنال الشارده

.. هه ابد بس سرحت شوي


وهو يحرك يد سديم وكانها تسوق

..غريبه امس كنتي متحمسه وش الي تغير اليوم


تحايلت وحاولت تغير مزاجها

.. لا ولا شي بس ماقلت لي المكان حلو!!


بثقه بالغه ..اكيد مادام ذوقي يكون حلو "بس ليش سعد ماجا معنا؟؟


ذكر اسمه رجعها لزعلها منه لكن مع هذا ماتحب تشوه صورته عند احد

.. ااا يقول تعبان ومايبي يتعرض للهوا


..طيب قربنا نوصل " اتصلي فيها وقولي لها تتجهز




"


"

"
بعد اتصال منال فيها لبست وتجهزت وابتسام واقفه معها تنتظر زوجها وتتحاور معه بمواضيع متفرقه


.. طولوا عيال عمك !!


ناظرت للساعه

.. الحين ان شالله على وصول


بخبث ورد بذهنها كلام وعادتها لسانها يشتغل قبل عقلها

..اقول نجود


كانت لاهيه بترتيب شنطتها ..همممم


اقتربت من اذنهاوهمست

..ولد عمك مزيون ؟؟


بسرعه رفعت راسها الي قالته اثار ريبتها .. وانتي وش عليك مزيون ولا لا انتي متزوجه ولاظنتي يصلح تاخذين اثنين


رفعت يديها لفوق بدعوه


..عسى الله ياخذك قولي آمين



وهي تصد عنها بنظرها


..وانتي معي


رجعت قربت منها


.. يالخبله انا ابي لك الخير ولد عمك اذا كان زين لفي عليه



بااستنكار عقدت حواجبها


.. والله الي اعرفه ان الرجال هو الي يخطب البنت متى انعكست الدنيا


غمزت بعينها


..الدنيا تغيرت وزي مايقولون حلال على الشاطر



..وش الي حلله !!انا ماناقصني شي عشان ارخص بنفسي "اصلا انا مرتاحه كذا بلا رجال بلا هم"هذا انتي تزوجتي وش زدتي علي



هالمره كانت جاده وكلامها ليس مناوره


.. يمكن ماراح تفهمين الي يزودك بس يكفي ان الله انعم على بولد يجنن



كانت ترفع راسها وعيونها بعيون ابتسام الي تتكلم بحماس فجئه هبط جفنها


..الله يخليه لك بس كل واحد ياخذ نصيبه وقسمتي تجيني وانا فمكاني



حركت فمها


.. انتي حره بس النصيحه بجمل



ضربت بيدها على صدرابتسام


..وفري نصايحك واطلعي اكيد رجلك برا لاتلطعينه



بهيام لايخلو من الاصطناع


..الله يخليه لي ولا يحرمني منه " وش رايك تروحين معي لبيتي وخلي ولد عمك المزيون يروح هو واخته


مطت شفايفها "جنونها غير معقول واقتراحتها متهوره اقتنصت فرصه تستفزها وهي تعرف غيرتها على زوجها ولو كانت تشك شك بسيط ان نجود ممكن تروح معها ماعرضت عليها

.. زوجك مزيون ؟؟


صكت اسنانها عليها وعلى مزحها السخيف


.. والله لاذبحك يانجيد واقطعك واحطك فااكياس "الحين ولد عمك مكان شاغر وانتي ضايقه عينك على زوجي



ضحكت على غير عادتها


..انتي الي عرضتي وانا وحده استغل الفرص



بتر كلمتها اتصال منال الي تطلب منها تطلع "طلعت وصوت ابتسام الغاضبه يبتعد شوي شوي



........................................................






وقفت قدام الاغراض الجديده الي جابتها فاطمه وهي تحس بحرج كرههها بكل شي حتى انها تلبس وتتزين مثل غيرها" خالتها موظفه وزجها حالته ميسوره لكن يعز عليها حالها وان اكثر من يستفيد من راتب خالتها هي توجهت للتسريحه ومسكت الروج بيد والماسكار بيد ثانيه ونظرها يدور بينهم نزلتهم فجئه وانعكاس صورتها في المرايه قريب منها تحسست وجهها بيدها "وان ماكانت جميله لدرجه كبيره لكن جمالها معقول اضافه الى ان النظر لها يريح العين <مملوحه > بشره حنطيه خشم صغير وفم عادي" وعيون هي اكثر شي يميزها باانسداحها ورموشها الكثيفه لكن نحف وجهها يضيع جمالها "البشاعه فيها كانت من الداخل انثى مشوهه من الداخل تحتاج لمن يملك براعه حتى يعيد بناء الهدام فيها "كانت تشبهه الصنم في وقفتها وعيونها الثابته على صورتها الخارجيه

فزعت من الطرقه السريعه على الباب انتفضت ومده شافت نفسها اخذت وقت كبير

..ادخلي


كانت فاطمه وعلى وجهها اكبر ابتسامه لكن انطفت من وضع العنود مثل ماهي صافنه صامته اقتربت بحذر منها وبكلام منتقا

.. العنود للحين مالبستي ؟


لفت لها وهي واقفه جنبها

.. لا كنت قاعده اختار شي يناسب
>> هربت عنها بعيونها قبل تغلبها دموعها

.. انتي الله يهداك مكثره خليتيني احتار


لاحظت لمعة دموعها وعرفت احساسها رتبت على كتفها

..ولو الوقت يمديني كنت جبت لك اكثر انا ماعندي اغلى منك

مالت شفتها بعجز تحاول تبتسم لكن محاوله فاشله

.. مشكوره الله يخليك لي

زادت الضغط على كتفها

.. ويخليك "الحين بسرعه البسي وروحي شوفي شوق مثلك محتاره ماتدري وش تلبس


فاطمه عاجزه عن مداواة جروح العنود والحيله الوحيده انها تنسيها على الاقل اذا كانت عندها

.. انا بلشت بنفسي وهي تبيني اساعدها


ضحكت لها مع انحلال شي بسيط من عبوس ملامحها

.. هي تثق فيك انتي بس قولي لها وراح تطيعك "وانا رايحه اشوف الشغاله وش سوت

قبل تطلع وقفت مع صوت العنود

..خاله


رجعت ادراجها وبالقرب منها وقفت

..نعم


فركت اطراف اصابعها

.. صحيح موضي بنتها ماتبيها وو و وتكرهها


بتعجب ردت على سؤالها بسوأل

..من قالك


هزت كتفها ..اااا الظاهر انك وانتي تكلمينها شوق تسمعكم هي الي قالت لي


تنهدت بعمق

.. والله مدري وش اقول لك بس البنت انجبرت تكره امها


كلمات كصقيع الثلج

.. ناس ماتعرف قيمة النعمه


لفتها من كتفها وواجهتها


..عنود حبيبتي حنا ماندري وش ظروف البنت "انا الحياه علمتني مااحكم على الناس من الي نسمعه الله يكون بعونها