البـ "12"ـــارت




















"




"





"






وقفت تعزم الابتعاد وترك هند للتروي والتفكير الهادي وبداية رحلة الانتقام


..عن اذنك محاضرتي راح تبتدي "والف مبروك زواج ولد عمك "وها مو تنسينا من العزيمه



ابتسمت رغم انها تتمنى تضربها بالكتاب الي تحتضنه يدها



..اكيد "ومشكوره حبيبتي على الاهتمام



قفت عنها وهي تجلس بهدوء بمكانها




..مالقيت الا العنود ياسلطان " العنود !!



لااول مره يشغلها مشغل مهما كان مهم عن كتبها ومحاضرتها "الامر اليوم مهم ويستحق التضحيه







"



"


"




قبلات متعدده وسريعه على خدها وهي مستسلمه ومبتسمه
وتنتظر ندى تنتهي من احتضانها




..الف الف مبروك حبيبتي



حطت شنطتها على الكرسي وجلست "فيها شئ متغير عجزت ندى تكتشفه
لمعه بعيونها مخلوطه بين الفرح والخوف



..الله يبارك فيك وعقبالك ان شاء الله



جلست بحماس عندها اسئله كثيره تحب تقولها



..يارب بس مو الحين " المهم قولي لي وشلون كانت ملكتك انا من اتصلت خالتك وقالت لي وانا على نار



رجعت شعرها ورا اذنها تبعد حرجها



..عادي ماصار شي



استرسلت ندى بااستجوابها مصره تعرف ادق التفاصيل لكن للاسف العنود ماعندها أي تفاصيل



..وزوجك" شكله حلو ؟



هزت كتفها شي بالموضوع يقلقها والكلمه الي رمتها ندى كانت اعصار هب داخلها "زوجك"




..ماشفته ولادري كيف شكله ؟




تعجبت ندى من كلام العنود وحست بعدم الرضا بلهجتها




..ليش ماطلب يشوفك ؟؟





حطت نظرها على ندى تشوف ردة فعلها هل هي مصدومه مثل ماانصدمت او ان الامر عادي مثل ماقالت خالتها



..لا !!



تعاملت ندى مع الموضوع بذكاء ومررت نظرة التعجب بدون ماتنتبه لها وتصرفت بشكل عادي



..خساره "كان ودي اعرف وش صار بينكم



تشجعت وبدت مرتاحه وتناست الموضوع
صار حوار طويل قطعته هند بدخله ماسبقها اسئذان
بملل ونظره مثلت فيها عدم الراحه



..صباح الخير يابنات



مدت يدها تصافحهم وهم يردون



..صباح النور



اشأرت على الكرسي وبنظرة توسل



..ممكن اجلس معكم اريح شوي



ببساطه قبلوا طلبها سمحوا لها بالجلوس
تنهدت وشدت ظهرها ورا ورفعت شعرها للاعلى "حركات تحاول معها تثير اسئلة الجالسات يراقبونها
قدرت تثير فضول ندى بينما ماتجرأت العنود عليها



..خير هند عسى ماشر "شكلك تعبانه!!




اعادت التنهيده بوحده اطول منها واعمق يعتقد من يسمعها عن سببها الي راح تقوله "لكن الحقيقه ان سببها هي النار الي تتوقد داخلها



.. والله ابوي البارح تعب شوي وماقدرت انام لين اتطمن عليه



تعاطفت الاثنين معها وشدت انتباههم بااسلوب متقن



.. عسى ماشر "خير وش فيه



لمعت دموعها حتى تحسن صنعها وتخرج بنتيجه ترضى عنها



..اهه "حسبي الله على الي كان السبب بس



اثارت فضول اكثر واكثر ندى والعنود الي كانت تنظر ببراءه



..ليش وش صاير "وعسى ابوك مافيه شي




مسحت دموعها الكاذبه وناظرت لعيون العنود المصدومه



.. صارت مشكله تعبته "بس الحمدلله الحين هو احسن



مابغوا الاثنين يسألونها اكثر لانها من وجهة نظرهم تعبت ومايبون يزيدون عليها
بعد زفره طويله القتها


..الله يسامحك ياسلطان الله يسامحك




انعقدت حواجب ندى ابدا ماخمنت من هو سلطان لكن الفضول شدها



..من سلطان ؟؟



هزت راسها بتمثيل وبمهاره وعيونها تسترق النظر مرات ومرات على العنود الي تستمع مصغيه للحوار



..سلطان هذا ولد عمي "ماعليه بنات اشغلتكم بس من الي احس فيه



لعبتها مشت على ندى الي لايمكن يمشي عليها اساليب من هالنوع




..عادي "قولي اذا كان الكلام يريحك واعتبري انك تكلمين نفسكـ




عضت شفتها تحسرا على حالها المزعوم وبدت برمي قنبلتها




.. ولدعمي من مده خطبني وانا رفضته "ومن كثر مازعل راح خطب وحده ثانيه مدري منين متعرف عليها "ابوي وعمامي كلهم رفضوا لكن هو اصر والبارح تفاجئنا انه خلاص تزوجها




الى الان الكلام عن شخص مااحد يعرفه الا هند وماوصلت الفكره الي حرصت انها توصلها للعنود



..طيب انتي ليش رفضتيه ؟؟



يمكن ماكانت حاسبه حسابها لسؤال لندى لكن سرعة بديهتها افادتها



..مدري شخصيته ضعيفه وشوره بيد زوجة ابوه "حتى زواجه كان تخطيط حريم يعني الي اخذها تعرف صديقة زوجة عمي واقنعتها انها تزوجهم لبعض




صافرة انذار اعلنت الخطر براس العنود الي اخيرا صحت من غفوتها وبدت تربط الاسماء والعلاقات والزمان
ابتلعلت ريقها وعطت ندى نظرة استنجاد انها تسأل وتتاكد من مخاوفها او تنفيها لكن ندى ماانتبهت لااهتزاز شفايفها الي انتبهت له هند وادركت انها اصابت الهدف واحسنت الصنع



.. وابوك ليه يتعب نفسه رجال تزوج خلاص هو حر ينصحونه ويسوون الي عليهم والقرار له




مازال للكلام بقيه ماازلت ندى ماانتبهت ان العنود تتلقى قصف عنيف



..ابوي رباه لانه عمي وصاه عليه وماهان عليه يتزوج وحده من من هالمستوى " البارح كان بيروح فيها لولا ستر الله "ان لو ادري ان هذا كله راح يصير كان وافقت عليه وخلصت "وماخليته يتصرف تصرف يضيع نفسه فيه ويضيعنا



ندى انتقدت هند الي تتعمد المبالغه لانها شافت التأثير بدا واضح على العنود



..ماعليه هند اعذريني بس احس انكم معطين الامر اكثر من حجمه"رباه جزاه الله خير بس حياته شي يخصه




هند وهي تقوم وتحمل شنطتها بعد مااكتفت ووصلت رسالتها



..يمكن "بس تعب ابوي اثر فيني وحسيت اني السبب " ولا سلطان لو كنت مهمته له مارفضته "عالعموم اعذروني لاني اخذت من وقتكم وشيلتكم همي "عن اذنكم انا اتصلت على اخوي وطالعه الحين




مشت من عندهم وعلى طول التفت ندى للعنود كانت بحاله غريبه عيونها تلمع وصامته مثل الجماد شهقت بلا شعور توقعت انها تأثرت بدموع هند وقصتها المختلقه



..العنود وش فيك كل هذا تاثير بسالفة هند




تكلمت وهي على نفس حالة الذهول والوجع



.. تعرفين ياندى اسم .... زوجــي ؟؟



انبهتت ندى من تصرفها وسؤالها وتاكدت ان فيه مصيبه



..هاه "لا ليش؟؟




غمضت عيونها مطولا وسالت دمعه انسحبت على طول خدها



..اسمه سلطان



تأتأأت قبل تستوعب ثم تنطق لكن رد العنود الهادي سبقها



..سلطان الي هند لها ساعه تتكلم عنه





.............................





..صدق يمه وليش ماقلتي لي "انتي عارفه اني بموت بس واشوفها



كانت لاتقل عن فرحته قبل دقايق تلقت الخبر هزتها الفرحه وماعادت تقدر على كتم فرحتها ودسها عن ماجد بالذات تخاف يصير امر يقلب كل الي خططت له "من بلغها ابو طلال الخبر وهي مو مصدقه وتحس انها تحلم حلم جميل وتخاف ماتطول غيبتها فيه


.. هانت " بس قل الله يتمم هالزواج على خير




ابتسم ومسك كتف امه يستفسر عن السر الي اخفوه عنه والي تحرص امه انه مايعرف تفاصيله



.. بس وشلون خطبتوها وهي وافقت وهي على حد علمي ماتبي حتى تزورك "و..........



تذكر شي ماحب يقوله لامه محافظه على مشاعرها وحتى مايقتل فرحتها "عدم الاستحباب الي يحسه من راكان تجاه نجود
سكت وبسرعه غير الموضوع



..وو الحين مابقى احد يوقف بطريقي سلطان تزوج وهذا راكان بعده مالك عذر يمه عشان مااعصي واشيب مثلهم



ضحكت وضربت خده" تمدد على رجلها مثل مايحب يسوي دائما واستمر يضحك ويعلق وهي مبسوطه وتضحك عليه



..ضحكونا معكم



سكتوا وهو يقترب ويحب راسها




..صباح الخير يمه




اعتدل ماجد وهي رفعت نفسها تحاول تتخيل ردة فعله اذا عرف بموافقة نجود لكن فشلت



..صباح النور والسرور



بطريقه مرحه هز راسه يتحسر على نفسه



..طبعا من قدك عريس "لا ومااخذ الغاليه الي احرق القلب غيابها اكيد تصير غالي




اهتز في داخل راكان شي لكن مثل العكس العكس تماما "نزل شنطته على الارض وجلس وقبل يتكلم
ضربت موضي كتفه وهي تطالع لراكان تحاول تشوف تاثير الكلام عليه ماجد ماترك لها مجال للتمهيد والقى الخبر بدون تفكير




..راكان غالي ومايحتاج من يقربه مني "مبروك ياراكان



ابتسم على جنب ونزل عيونه ناحية يديه المتشابكه



..الله يبارك فيك " متى ردت عليك ؟؟



تعجبت بعض الشي وردت بشرود



..الحقيقه هي ماكلمتني بس عمها هو الي رد علي قبل شوي وطلب انك تجيه "وترا ابو طلال لوكان يعرف لك رقم كان كلمك انت



هز راسه بالموافقه "عرف انها تخاف ان اتصال ابو طلال تجاهل له لكن الحقيقه هي الي قالتها موضي


.. مو مشكله نجيه هاليومين "بس انتي يمه كلميها وشوفي اذا لها طلبات وخليها تستعجل بالتحليل



ووقف وشال شنطته وعينه على عمته يسمع ردها



..ان شالله بكلمها "ماكلمك سلطان عن زواجه ماقال متى ناوي يحدده



ابتسم على حماسها دائما سلطان في بالها وحتى بعجز فرحتها بزواج اعز اثنين مانسته وشايله همه



..بدري يمه امس الرجال مملك على طول تبينه يحدد خليه ياخذ نفس اول



عقب ماجد احد تعقيباته الطريفه وهو يطالع لراكان



..انا بصراحه يراودني سؤال "انتم ليه طول هالسنين ساكتين وفجئه فكروتو بالعرس
>> غمز بعينه نغزه لراكان ..مدري من الي قلد الثاني انت ولا سلطان ؟؟




ناظر وراه واقرب شي كان قدامه مخده صغيره على الكنب حذفها على وجهه



.. وش رايك تسد فمك



طلع وماجد يضحك عليه او بالاحرى يعبر عن فرحته الي لاتوصف


******
من امس بالليل يتصل وهي ماترد او ترفض المكالمه لكن مصر "تقريبا ينقطع ساعه بالكثير ويرجع يتصل

سمعت صوت جوالها ونفخت



..هذا مايمل" ماينام !!



اخيرا قفلت الجوال وحذفته على السرير ونزلت تحت

كان مشعل يكلم بجواله ومن شافها نازله اشار بيده لها تنزل عرفت انه اتصل بمشعل وانه مايهدى لين يكلمها لكن قررت تعذبه مثل ماعذبها
نفضت يدها واتجهت لمكان ماتجلس امها وخواتها
وتركت مشعل يعتذر من تركي ويبرر ويعطيه وعد انها ترد عليه



....................



طبت على كتفها وضغطتها تشجعها على البوح لكن العنود انسدت كل منافذ النفس عندها صدمه خنقت فرحتها وقضت عليها "والمصيبه لمن تقول ومن بيساعدها وياخذ بيدها او يخلصها ان استدعى الامر
مازال راسها نازل ومركزه بالطاوله الي يجلسون حولها


..طيب يمكن تشابه اسماء !!


بصوت لايعبر عن الحياه ولهجه عبث فيها اليأس


..مستحيل "انتي فكري بكلامها "قالت زوجة ابوه وقالت السالفه امس "مستحيل ياندى مستحيل مافي مجال للشك


ندى تحاول تلقا منفذ بالفعل حظ العنود عاثر وماللفرح بحياتها مكان


..انا شاكه انها تعرفك وتعمدت تقول الي قالته عشان تقهرك


مسحت بكفها دمعه تسربت على خدها


..يمكن " بس مستحيل تكون القصه من خيالها وان ماكانت كلها يكون بعضها



وبختها على قنوطها ترفض على نفسها الراحه وتستكثرها



..وليش لا" يمكن جابت القصه كلها من راسها انتي على نيتك يالعنود وتحسبين الناس كلها زيكـ




رفعت راسها اخير وطالعت لفوق



..معناته في ناس تكرهني "بدايه ماتبشر بخير ياندى



................ ........





..غاليه "غاليه تعالي بسرعه




طلعت من المطبخ تهرول ويبدوا لها ان امها عندها شي مهم
وقفت على راسها ومباشره مدت لها الجوال وبعيونها نظرة استفسار
امها ماجاوبت عليها "توقعت انها احد جارتهم لكن امها ماترد الا ان تسمع اسم المتصل لكن ماانتبهت الابعد فوات الاوان وبعد ماردت



..الــــــــو



الثاني بقلبه عليها غل مايدري وش سببه "وراء هالصوت الناعم انسانه بارده او عنيده ماقدر يحكم لكن الي يعرفه انه مقهور منها


..السلام عليكم


توسعت عيونها نبرته فيها عدم رضا واللهجه الهاديه الي تعودت تسمعها منه اليوم افتقدتها



..وعليكم السلام


بدا بالبحث عن سببها بتصرفها الي اجبره ولااول مره يكلمها بالتلفون كان يغيب كثير وتشفق عليه كثير وتعاني اكثر وهو سافر مع شغله والفتره الي يقضيها عندهم لاهي مع ابوه



..ليش مافتحتي الجوال الي عطيتك اياه




آآآآآآآه يافيصل تعرف تعاتب وتدري ان الحقر يذبح يعني تدري اني اعاني ومع كذا مارضيت على نفسك الي رضيته لي



..مااحتجته بشي ماقصرت مارحت وحنا ناقصنا شي



اسلوبها الواثق ضربه موجعه مايدري وين موقعها
تردد قبل يتكلم لكن صعب يسكت وهو الي كان يغلي


..انا مااشتريته عشان ترمينه



اهتزت شفتها لكن طردت العبره الي اقتحمتها بسرعه



.. انت قلت اذا احتجتوا شي وحنا مااحتجنا شي "ليش ازعجك !



اعتلى صوته بدون شعور منه لكن على اخر جملته انتبه لنفسه وهدا


..بس انا اتصل والقاه مقفل


كانت ترتجف وكانه يشوف فيها خوف من مواجهه بعمرها ماصارت


.. انت ماعندك مشكله لقيته مقفل اتصلت بجوال امي المهم انك تطمنت



فك ازرير ثوبه بالفعل عديمة احساس وبارده بقرارة نفسه نعتها بعيبه ونسى نفسه ولافكر بيوم يحط نفسه بمحلها


.. طيب خلاص اذا احتجتوا شي كلميني "مع السلامه


قمة الالم انك تحس انك عبئ او شخص مفروض على غيرك او تحب وتتعذب وغيرك ينظر لك على انك صوره مافيها روح

مشت لاامها وعطتها الجوال ومباشره مشت للمطبخ تكمل شغلها

مرت ساعات طويله وهي مسكره جوالها تعتقد ان قلبها برد واخذت حقها منه والي جاه يكفي "قررت تفتح الجوال وترد عليه وتقول الي عندها لانه اكيد استوى

فعلا فتحت الجوال ومن نزلته جاه تنبيه برساله وارده على جوالها
ابتسمت تعتقدت انها اذابت بااصرارها عناده فعلا الرساله من "تركي "

الابتسامه حتى منتصف الرساله تنير وجهها لكن انطفت وغابت عن ثغرها مثل ماتعيب شمس النهار


" مساء الورد "وشلونك حبيبتي اشتقت لك "عذبني صدك عني "وكنت حاب اسمع صوتك " بس للآسف استكثرتي علي اسمع صوتك واطلب منك اني اشوفك لو دقائق قبل اسافر "انا الحين طالع للطياره "وماعندي وقت اعبر عن شوقي لك "
اشوفك على خير
"تركي "


لفت الارض حولها لكن تماسكت وشدت نفسها واتصلت على طول على رقمه "لكن كان جواله مقفل

طلعت من غرفتها تركض مشعل الي كان توه داخل بعد لقائه مع سلطان والي استمر من انهاءه للمكالمه مع تركي الى لحظة اصطدامه بااخته عند باب غرفته
مسك اكتافها وثبته "يشعر انها ماتدري وين تمشي


..خلود وش فيك وين رايحه


عيونها كانت تلمع وصدرها يرتفع وينزل


.. مشعل تركي ماقال لك انه بيسافر اليوم!!


استغرب مشعل من حالها ومن سؤالها


..لا ماقال لي "بس طلب يكلمك يقول عنده كلام وده يقوله لك على طول وانا وعدته اني اقنعك تكلمينه بس طلعت وتوي راجع



ارتخا راسها لمابين اكتافها وانحنت كلها بيأس



..تركي سافر وكان يبي يودعني وانا مارديت عليه



ترك وكرة الباب والتفت لها وهي تتوسله بعيونها وتحط اطراف اصابعها على شفتها


..ان شاء الله بس يوصل يكلمك ويطمنك عليه


حقدت على نفسها كيف قدرت على صده وعلى تجاهله وهو الى آخر لحظه كان مهتم انه يودعها "تمنت انه قال لمشعل اكيد كان بيقول لها لكن هو فضل انه هو الي يبلغها "ماعادت قادره على صلب طولها لكن مشعل مسكها ورفعها قبل تجلس


..اهدي ياخلود اهدي الرجال راح بشغل "لاتصعبين السالفه على نفسك وعليه


مسكها الى ان وصلت غرفتها وطلع لحظات كانت امجاد توقف على راسها وتمسح العرق الي يتصبب من جبهتها "ماكان في البيت من يعاني بمعاناة غيرالا امجاد وجدها الوحيده الي ماتستهتزئ او تشمت ارسلها لها وبقى صاحي تحسبا لااي طارئ
اما امجاد فعطاها الله موهبة التخفيف والمواساه انهت عملها حتى نامت خلود غير مرتاحه




.........................



..مابروح معك يمكن شوفتي تلخبط الدنيا



اعترض ماجد على قرار امه



..لايمه لاازم تروحين انتي امها ومن حقك تكونين معها


كان راكان يسمع بدون مايبدي أي راي وترك النقاش لماجد وامه "موضي كانت مصره وتعتقد ان روحتها ممكن تخرب الي سوته وهي ماهي مستعده تفشل من جديد "والي صبرها سنين يصبرها ايام



..ماني رايحه ياماجد روحتي ماراح تفيد بالعكس يمكن تضر



اصابت موضي التفكير لان ابو طلال قرر مايكلم امه الابعد ماتصير نجود زوجة سلطان وقتها مالها حق ترفض



..راكان كلمها قل لها



رفع يدها ربما لانه مايدري كيف تفكر او لانها هي اعرف منه بهم



..براحتها "يمكن هي تشوف شي حنا مانشوفه "وانت ياماجد لاتفكر تطلبها او تسلم عليها



نفض نفسه بااعتراض قلبه يملاه الشوق وهم ماحسوا بشعوره ويلقون عليه اوامر مايطيق الصبر عليها


..لاه "ماهي حاله "مايكفي ماعطيتوني رقمها بعد ماتبوني اشوفها



حرك اصبعه بتهديد وتأكيد



..اسمع ياماجد من الحين اقولك اذا بتحوس علينا الي سوينها اجلس بمكانك احسن لك


موضي ايدت راكان بالي قاله قربت له وترجته



..ماجد يمه تكفى لاتتهور بكره ان شاء الله تجي هي بنفسها وتشوفها لين تمل منها "بس تكفى الحين امسك نفسك


هزراسه ووقف واشار لراكان يمشي وفعلا تجاوب معه ومشوا

وموضي تتبعتهم بدعواتها



..يارب مثل ماانحرمت منها السنين الي راحت وانحرق قلبي عليها "لاتحرمني منها باقي عمري



.........................




اخذ مكانه في جلسته اصدقائه "اصدقاء السؤ "
الجلسه لاتحلو بدونه
كان متغير وفيه مايقلقه لكن خالد بالذات يسعى ان يسحبه من غمرة التفكير والاحساس بالذنب
التفوا حوله وكلمات التشجيع عبرت اذنه لكن قلبه كان موصد عنها


.. زين الشيخ طلال جالس بينا وتارك زاوية الشؤم الي له كم يوم معتكف فيها


اشاج عنهم وجه يرفض ان يكون ساذج ومنجرف وراء كلامهم الكاذب



..اكيد حن على الجلسه واللعب



خالد عرفه من نظرته ان الكلام ماجدى معه وبسرعه سحب الورق



..يالله خلونا نلعب ولو اني عارف انا متعبين نفسنا على الفاضي مدام طلال موجود



قام من بينهم وهم يرفعون روسهم ويحدقون فيه النظر
لكن بدون كلام لان الي يعرفونه ان ثورة طلال ماينفع معها التحايل تركوه يطلع ويتجه لسيارته
شي داخل طلال متغير حياة اللعب واللهو ماعادت تروق له لكن كيف يحسس ابوه انه انتصر عليه اذا غير حياته
جلس فسيارته "فكر يتصل بسعود لكن خاف انه ينحرج معه ويتكرر موقفه البارح قرر يرجع للبيت اخيرا يمكن الضيقه الي يعيشها لانه يفتقد البيت




..
****
حياتهم خليط من المشحنات و المحبه مشاكل وخلافات" اليوم هي بسيطه تنتهي بمجرد كلمه وابتسامه لكن العمر قصير ويحب الانسان ان يقضيه صافي الذهن بلا الم بلا قسوه
هي تحبه حتى الجنون "لكن لحظات تشعر انه قاسي ويتعمد مضايقتها "تضعف امام ابتسامته مثل ماتضعف امام نفسها تعرف عيبها عز المعرفه لسانها يعجزها" وسعد يستفزها

هو يحبها حتى الثماله "جزء من حياته لايمكن اقتصاصه يحب فيها الزعل السريع والرضا الاسرع يرى فيها طفله "في عفويتها "في حنانها "في انفعالتها"
يرفض النقاش في مشكله غير موجوده ويعلم انه احيانا يؤذي انسانيتها "هي من اعانه على اكتشاف ضعفها واللعب في مشاعرها
الخلفات ملح الحياه ولكن ماذا اذا زاد الملح وتعدى حد المعقول ستصبح الحياه اجاج لانستطيع ابتلاعها
هكذا هو سعد ومنال


جلست تنتظره يطلب العشا في مطعم فخم "ماتدري وش المناسبه لكن تجاوبت "اذا هبت رياحك فااغتنمها "
دخل عليه تشق وجهه ابتسامه عريضه


..وش رايك بالمكان



القت نظره ورفعت راسها للاعلى مكان رائع وراقي ورمانسي يصلح للحظه من لحظات الصفاء



..حـــلو "بس لو خليتني اجيب سديم معي



هز راسه باستياء منها



..لاحول ولاقوة الابالله "الحين انا مطلعك عشان نستانس وانتي تفكرين بسديم!!



اعتذرت بسرعه منه قبل ينقلب مزاجه



..خلاص حبيبي خلاص "بس انت تعرف اني مااستانس الاوهي معي



هدا لانه بلحظه جميله مايبي يشوها



..ماسالتيني وش مناسبة هالعزيمه




هزت كتفها وتناولت كاس الماء



..مدري يمكن ترضيه للي سويته فيني امس



عقد حواجبه يتذكر من كثر ماتصير بينهم مشاكل مايقدر يحصيها



..وش سويت لك امس ؟؟



رفعت حواجبها واتسعت عيونها



..نسيت !! نسيت موضوع السوق كنت جاهز وطلعت وقلت لي خمس دقايق وارجع وماشفتك الاآخر الليل



حك راسه بحرج وابتسم يصرف حركته



..آسف حبيبتي "لكن مو هذا السبب



رفعت نظرها شوي وغمضت تحاول تخمن لكن فتحت عيونها



..ماعرفت "انت قل لي



على وجهه ابتسامه وتفاصيل تحمل خبر حلو



..ترقيت




شرقت بالمويه الي تشربها وسعلت شوي الفرحه سيطرت عليها وافقدتها التحكم بنفسها



..والله "الف مبروك "الحمدلله الحمدلله ماضاع تعبك على الفاضي




زادت فرحته من فرحتها رد متحمس وحاس بلذة الوصول الى الغايه الصعبه وطعم المشاركه


..الله يبارك فيك "وان شاءالله تكون فاتحة خير علي



رفعت نظرها ورفعت يدها



..يــــــارب "متى عرفت "وليش ماقلت لي



سحب الكرسي للامام وتعدل عليه



..امس " بس قلت نحتفل لحالنا لآن اخواني يطالبوني بعزيمه وانا وعدتهم بااقرب وقت



تجمدت ملامحها توقف مسير الابتسام وتحولت انفعالاتها الى التعجب



..اخوانك يدرون؟؟




ماادرك نتيجة الي قاله عليها ومايدري انها احرقها بدون مايشعر



..اكيد انا من عرفت بلغتهم ماتتصورين وش كثر فرحوا



التهب داخلها قبل خارجها حست بالتهميش



..يعني خليتني على الاخر ومافكرت تقول لي الا بعد ماعلمتهم




انتبه انها تبدلت لكن ماعرف السبب "خف حماسه ورد بحذر



.. انا ماخليتك للاخر بس اهلي من حقهم يعرفون ويفرحون وانتي هذا انا قلت لك




..وليش كان مخليها للصدفه مصيري اعرف مع الايام اهم شي هم



عصب من اسلوبها ومن هجومها الي بلا مبرر



..منال ماله داعي هالكلام خلاص عرفتي "لاتكبرين السالفه



ابعدت عيونها عنه وكوب الماء يدور بين يديها بعصبيه




..بس كنت اتوقع انه اول من يعرف انا "لاني انا الي كنت اسهر معك وماخليتك انا الي كنت معك وولا واحد منهم دارا عنك " لين حصلت هالترقيه الي متكاثر على حتى تفرحني فيها



يمكن منال بردها وردة فعلها غلطانه "لكن حقها انها مثل ماكنت مع خطوه بخطوه المفروض انها تحصد معه نتيجة تعبها


..ماتكاثرت عليك الفرحه "وانتي لاتمننين علي بوقفتك جنبي هذا حقي عليك ترا ماسويتي شي غير الي يسويه غيرك هذا واجبك



هنا وصل للطريقه الي تستفزها لكن الى الآن ماتقدر تعلي صوتها وكلامها كان من بين اسنانها


.انت كل شي تعتبره واجب وعمرك ماقدرت أي شي اسويه


خبط الطاوله بيده واخفض صوته


..انا من زمان قايل انك نكد" احسن شي تنثبرين فالبيت مانتي كفو طلعات


وقفت وهي تهتز من الغيظ وبسرعه لبست نقابها وعدلت عباتها وطلعت وهو وراها


........................





استقبلهم بثقل رجل يحمل في وجهه السماحه والوقار راكد في كلامه يحمل بنظرته تعب نفسي وبمشيته هزيمه وقلة حيله
دخلهم المجلس كان راكان هو من يتصدر الكلام اما ماجد فكان صامت يذبحه الخذلان كل جيته مع راكان حتى يشوفها لكن للاسف ماسمحوا له يشوفها "
بدا الحوار رتيب وعادي راكان رجل عملي وماعنده وقت للمقدمات دخل في الموضوع وخصوصا ان ابو طلال عارف سبب زيارتهم



.. انا ياابو طلال كنت ناوي اكلمك بنفسي لكن عمتي رفضت وطلبت مني انها هي الي تفاتحك وانا جاي اعيد الي طلبته منك



ابو طلال يستمع وهو موطي راسه للاراض شعور غريب يحس بالذنب يحس انه اقترف ذنب بحق نفسه وبحق امه


..وانا ردي قلته لعمتك " بس ودي انكم تستعجلون وبااقرب وقت تملكون



ماتعجب من كلامه اكيد له اسبابه وطلبه كان موافق جدا لراكان



..ابشر " انتم خلصوا من عندكم وانا اقدر اخلص كل شي بثلاث ايام


اتفقوا ان الملكه تكون خلال ثلاث ايام لان راكان عنده علاقات ووممكن يخلص امور التحليل بوقت قياسي والتكتم كان الامر الي حرصوا عليه


استاذنوا من عنده وهو واقف يودعهم كان طلال داخل
هيئته ولبسه ماعجبت راكان لكن سكت ورد على سلامه بلباقه
وصافحه وعيونه تتفحصه وحتى بعد مااتجه لماجد كان يراقبه "ومثل راكان مايفوته نظرة ابوه له وانه ابدا مادار بينهم أي نقاش لكن دخل لداخل البيت وهم طلعوا


"


"


"


"


"


دخلت من المطبخ وكانت عينها بعينه "اسرعت وهي تتمايل بمشيها من لمحها مقبله ناحيته ترك يد جدته الي تقبض يده ووقف حتى وصلته وحضنته



.. طلال مابغيت تجي يايمه وينك لك كم يوم ماشفتك



ابعد عن حضنها ورجع يجلس مثل اول وعيونه تراوغ
عن الاثنين


..كنت مسافر يمه وتوني راجع



مسحت عيونها بطرف شيلتها وجلست




.. والي يسافر مايقول اعلم اهلي لمتى وانت تحرق قلبي عليك



عصبت مزنه من اسلوب ام طلال وخافت يرق قلبه القاسي عليها وخافت من نظرته الغير معتاده



.. بس يابنت الحلال ولدك صار رجال يقدر يروح ويجي ومايشاور احد


هزت امه راسها بينما دخل الابو وبقلبه ثقل لايوصله وصف



.. الرجال الي يسمى رجال مايمر الرجال ويتعداهم كنه مستحي منهم



كان كلامه يعبر ان مصابه فيه" عن الفرق بينه وبين سعود وبين راكان وحتى ماجد وهو اصغر منه
اما طلال فكان مذهول من هجوم ابوه وصمت جدته



.. انا سلمت عليهم ودخلت ولا لازام اجلس معهم


تاوه بنفسه من رد طلال ومن مكابرته على الغلط والادهى انطلاق مزنه المفاجئ


..انت وش بلاك انت ومرتك من شفتوا وجهه توليتوه اتركوه بكيفه



وقف ومشى على طول بلا ماينتظر او ينظر وراه وترك وراه ام حزينه واب مكسور وجده مقهوره "لكن مستحيل يجادل ابوه لان شي بداخله يرفض يطيل معه النقاش ويرفض التجاوب معه والمشي وفق مايبي
التفت لاامه الواصله قمة غضبها


..وانا مااقدر اقول لولدي كلمه يمه يعني انا مايحق لي انصحه


..الولد ماسوى شي يخليك تزعله "وبعدين من هم الرجال الي تبي طلال يقابلهم


سكت وابتلع ريقه وتلعثم وبصعوبه نطق لانه ماعنده خبره بالكذب او التصريف


..هذولا عيال واحد من اخوياي "جايين يسلمون علي



انعقدت ملامح وجهها" تشوف المراوغه بعيونه وتحاول تصطاد زله تسحب من خلالها مايحاول يخفيه


..ومن هو خويك هالي طلعوا عياله عن غفله


احتقر نفسه رجال بمثل عمره ووضعه يكذب والادهى انه يخاف من امه "تنهد من اعماقه


..ماتعرفينه يمه "توفى من زمان الله يرحمه





.. وش طراك على عياله كأنه متوفي مبطي؟؟



..يمه رجال جايين ببيتي تبين اقولهم ليش جاييين



قال الي قاله وهرب بأكذوبة العصبيه ودخل لغرفة بعيدا عن تفحص امه الي قلبها نغزها " ومن غرفته اجرا اتصال مااستغرق ثواني كان بينه وبين نجود الجالسه بغرفتها لانها هالطريقه اسلم طريقه حتى ماتثار الشكوك

قبل يطلع لشغله دورها توقع انها نايمه بمكان ثاني لانها مانامت بغرفتها ماحصلها ولا قومته مثل عادتها توجه للمطبخ كان فاضي مشى للمجلس الي تستقبله فيه ضيوفها "كانت تفرش في الارض وتحتضن بنتها ونايمه

ايام قليله مرت حتى توصلنا لليوم الي انتظرته موضي الي اليوم الي تباعدت وصوله لكنه وصل