رواية روعة
افكارها حلوه
نجود حيل قاسيه على امها
والعنود رحمتها على قسوة ابوهاوجبروت زوجة ابوها
ان شاء الله ان سلطان بيعوضها
بالتوفيق للكاتبه وبعد اختي نوف
عوافي على النقل
بس والله تطول الكاتبه ماادري ليش
بس عاذرينها ‏
الله يعينها

الله لا يهينك يانوف على النقل ....

والقصة رائعة .. وطرحها مميز .. مع عدم التزام الكاتبة بالوقت ..


منتظرين البارت الجاي على احر من الجمررررر

ودمتي بود يالغالية ..

]بســـــــم الله الرحمن الرحيم







السلام عليكم ورحمة الله وبركاته





قبل ابداء





حبيت ابين ان فيه شخصيات هذا البارت لامستها مجرد لمس بس عشان مااظلمها

لكن كل شخصيه راح تاخذ حقها بأذن الله

وبالنسبه للتأخير انا عارفه اني اتاخر بس انا مااقدر اكتب يوميا واحيانا اصير مشتته واتمنى تعذروني





















اليكم البارت









البــ "11"ـــــــــــــــارت

















لف له سعود مثل الي فزع من كابوس والسكان بين يديه "وكانه ماعاد قادر على ضبط نفسه خاف انه يتوهم



..وش قلت ياعمي




رد له ابو طلال الجمله بحذافيرها لفظا واسلوبا




..انا موافق ازوجك بنتي بس بشرط





وقف السياره لايستوعب الي يصير وسفط على جانب الطريق"و شقت ملامحه ابتسامه مذهوله




..انا من يدك هذي ليدك هذي






















تراجع براسه لورى وكل الاشياء والمشاهد تحوم وخيالات اصحابها تحاوطه

"امه " سعود "موضي "نجود "




..ابي وانا عمك مانفتح هالسيره ونتكلم فيها لااحد الى ان يتم زواج نجود







توقع واستنتج ان الي قاله نتيجه للمكالمه الي غيرت مزاجه واتعبته


.. يعني فيه احد خطبها



من غير مايغير وضعه


..امها طلبتها لولد خالها "لان نجود رافضه تتزوجك



ابتسم بلا شعور منه تيسرت بدون تخطيط سارت الاحداث احسن مما يتمنى "سبحان الله حيلة امه على جدته وحيلة جدته على امه دثرتها قدرة الله
وضغط ام نجود عليه هو الي دفعه انه يقرر هالقرار
لكن شرطه مااعجبه


..طيب وش الحكمه من تأخير زواجنا لين تتزوج نجود


اقعد راسه بتعب والتفت لسعود


..لان جدتك راح تشك انها خطه وهي تدري انك تبي مشاعل ومانبي نصدمها " ونخلي زواجك يصير ترضيه لها



اقتنع بكلام عمه اكتفا بالوعد بعد ماكنت مستحيل ارتباطه" لكن للتأكيد


.. بس اخاف الوعد يطول ولا جدتي تسوي شي ثاني واذا رفضت نجود ولد خالها وش مصيرنا ؟؟








مسك رجله يشجعه ويؤكد له الي قاله




.. لاتخاف "مشاعل لك بس هالموضوع سر بيني وبينك لين يصير وقته








..........................








.. العنود "تعالي معي للمجلس


قرعت طبول قلبها الصغير بين الفرحه والخوف مشت وعيون فوزيه ترتقبها "بالفعل خمنت وتخاف يكون تخمينها صحيح
تعدتهم العنود متجه للطريق الي سلكه ابوها
طلعت منيره من مخبأها بعد ماخاب ظنها ان ابوها يتكلم وتسمع هي "لكن للاسف ماكان بينه وبين امها كلام من يوم المشكله الي صارت
ضربت جدار المطبخ بيدها


..اخ بس لوكنتم مو متزاعلين كان قالك


ساورها الشك لايمكن يكون استدعائه للعنود بعد زيارة رجالين له الا الخطبه حاولت تستنتج شي ثاني لكن لامجال

..انا حاسه ان السالفه فيها خطبه وعرس


تعدت باب المطبخ وتوسطت الصاله وعيونها المصدومه تشرح حالتها


..معقوله يمه يعني شباب وواضح انه غني ويخطب العنود !!


هزت راسها بحسره وعظت شفتها


..والله يسويها حظها بنت نوره وتنخطب قبلك



اشتعلت الغيره بصدرها طول عمرها تغار من العنود وتعتبرها ند لها



.. بس هي اكبر مني



توقفت عن التفكير والحركه من خاطر خطر لها



.. بس وش الي يحد رجال الله رازقه انه يتزوج وحده ابوها سواق تاكسي !!


تسربت ظنونها لمنيره وبدت تدور بمخيلتها افكار كثيره


.. وش قصدك



بخبث غمزت بعينها وابتسمت


..قصدي بين "الرجال فيه عيب واخذ له وحده تناسبه "تظنين مايجيب عيال!!


استبشرت بالي سمعته امها لكن مايكفيها كونه مايجيب عيال هي تحسد العنود اقل القليل كيف بزواجها من رجال تعتقد انه مقتدر
فرت من مكانها متجه للمدخل من للمجلس حيث كان ابوها والعنود



"

"

"



رمى سيجارته بعشوائيه على الطفايه قدامه ونبرة امر


..اجلسي


بشعور يعجز عنه الوصف جلست مميله رجليها لجهه وحده على الاراض


..يمكن خالتك قالت لك "الرجال الي كان هنا قبل شوي جا يخطبك



شافها مخفضه راسها للارض وكمل كلامه



..وانا وافقت وانتي مااظن لانه من طرف خالتك وزوجها انك ترفضين



كان يعطيها خبر ماكان ياخذ رائيها او يقنعها على الاقل برفضه او قبوله اذا كانت تخالفه الراي


هذا الشي هون على العنود المسلوبة الاراده الصمت لان مالها كلام


..وعلى فكره اشترطت عليه تكملين دراستك



ماعنا لها الامرالكثير لانها في اخر سنه ومستحيل يفكر ياخذها قبل نهاية الدراسه
تمنت ان ابوها اب طبيعي يحمل عاطفة كثير من الأباء "يحضنها يبارك لها "لكن ابوها طود لايحمل مشاعر الابوه وبين ضلوعه قطعه من حجر


.. وعلى فكره انا مابي منه شي يجهزك وياخذك بملابسك الي عليك



ماتدري اذنها كذبت عليها "ابوها مع جملته الاخيره صوته ارتجف " لا مستحيل مستحيل" معقول الهرم العظيم يهزه تدحرج صخره صغيره من اسفله

ماتدري ليه طلبها وتحس وكأنه يحاول يمثل دور الاب الي يشاور بنته بخطبتها لااكثر انما الواقع انها يبلغها لااكثر
نفخ من سيجارته الثانيه وخطفها بنظره سريعه


..اذا كان عندك شي بتقولينه او طلب اطلبي مادمنا على البر


كان عنده شي يخفيه بنظرته وبصوته يخاف العنود تدركه
ساعدها هدؤئه انها تقول القليل الي عندها


.. انا مااعرفه بس" لوسمحت يبه انا ودي اكلم خالتي واستفسر منها عنه



ما كانت تطلب الجوال للاستفسار لكن تطلبه عشان تسمع كلمة مبروك تمر اذنها تحس باحساس الفرح خارج حدود بيت ابوها
رفع جسمه شوي ونزل الجوال على الارض ودفعه لها

انحنت واخذته وبعينها نظرها تستأذن بالابتعاد عنه
والجواب كان بنظره فهمت منها انه مسموح لها الابتعاد "ابتعدت لكن ماكانت تدرين ان الحوار انسمع وحتى اسئلتها واستفسارتها الي جاوباتها فاطمه كانت مسموعه "مكالمة خالتها وصلتها الى حد السعاده العارمه وعاشت طيف رفعها على متن السحاب



..........................









ظغطت راسه بكفها المجعد " كان القلق يظهر رغم قسوتها
ارخا عيونه بتعب وسحب يدها وضمها بيده


.. وانت ماتعرف تقول انك تعبان" لولا ستر الله ثم جيت سعود كنت ميت بمكانك ولااحد درا عنك


غاب عن مزنه مع قلقها "سبب جيت سعود المهم ولدها سالم وقدام عيونها ويكفيها الي خسرته

ام طلال كانت تراقبه تطمئن نفسها "هو لها الاب والاخ والابن وفقده يتم لها وفقد العزوه والسند


..اجيب لك شي تاكله ياابوطلال انت ماتعشيت


ضغطت رجلها مشاعل ووقفت


..لايمه انا راح اسوي له شي خفيف انتي ارتاحي


طلعت من المكان وعيون ابوها تتبعها


بينما نهرت مزنه منى الصامته وتمسك عضده وتضغطه بيدها



.. بس ورمتي يده من كثر ماتظغطين فيها" روحي ساعدي اختك


ضحك رغما عنه لانها ماانتبهت انها بلا شعور وش تسوي وهو متحمل الالم من يدها وصبت اهتمامها على منى


..خليها يمه انا مرتاح للمسة يدها"

التفت لمنى الساكته رغم تعابير القلق والخوف


.. لاتخافين يابنتي انا بخير



ابتلعت ام طلال غصتها لو كان صار له شي كبير مصير بناتها بيد طلال الي لاهي بملاذاته


.. عسى الله يطول بعمرك ولايفجعنا بك "هاه ان شالله انك احسن الحين



..قلت لك يابنت الحلال انا بخير تعوذو من االشيطان"لاتخلوني اصدق اني مريض "



.. ان شاء الله "انك بخير


كانت تقول كلامها وهو يفتقد نجود الي اختفت عن انظارهم
لمتهم حوله حسنت حالته وارحت قلبه وهدت اعصابه
وان كان صف ناقص بدون طلال لكن لسانه يبقى يلهج بدعوات صادقه له بالهدايه



..وين نجود ؟؟؟


"

"

"



سلمت عليه وتطمنت على وضعه بعيونه كلام "شكت ان امها كلمته وان الي جاه بسبب مكالمتها
ممكن تكون ضغطت عليه وجرجته وهو مايحتمل الجرح
قامت من عندهم واتجهت لصومعتها وانفردها بنفسها
راودتها فكره مجنونه انها تتصل وتسألها "اذا كان سبب تعب عمها مكالمتها "لكن تراجعت في اخر لحظه
وماحبت تحسسها انها مستعجله او مستميته لمساعدتها
تركت كل شي للايام وتركتها تتصرف وتشوف اخر وعدها لها

الحمدلله على سلامتك



كان يقابل ابو ندى بعد مده من الانقطاع تلت استقباله لمشعل


..الله يسلمك "كيف حالك وكيف الشغل



..الحمدلله بخير و الشغل تمام التمام



قالها وهو يرفع السماعه ويطلب شي يشربونه



.. هاتوا لنا القهوه



سكر السماعه وتوجه له بانظاره وباابتسامته المعهوده


.. ماجبت مشعل معك



بلباقه وبلهجة فخر سيطرت عليه



..لا والله مشعل رجال لاهي بوظيفته ومايقدر يجي معي



ثبت نظارته على وجهه وسحب الملف الي يختص بهم



.. الله يوفقك "ماشاء الله عليه نبيه ومتكن من شغلنا على ان ماله علاقه فيه



انتشا بفخر واصابه الاعتزاز وربما شئ من الغرور



..حاولت فيه ياابو ندى انه يجي ويساعدني ويغنيني عن العمال "مهما كان هو راعي حلال ومصلحة الشغل تهمه بس الله يهديه "يقول احب شغلي وماني مخليه



بدا بتصفح الملف الوقت بدا يداهمهم وشغلهم مايننظر



.. الحين يابو مشعل الدراسه خلصت وتقدر تشوفها واذا لك ملاحظات نناقشها عشان نوقع ونبدا على بركة الله


بدو بنقاشاتهم وشغلهم والبدايه الي يطمح لها ابو مشعل من سنوات


.......................................


غــــــــــــاليه


من بين اغراضه شافته بمكانه مالمسته من حطته بهالمكان وماتنوي تستخدمه الى ان يجد جديد بمصيرها
ماتبي تتعلق بسراب يهرب منها وهي ماعادت تقدر على الصمت اكثر وماتقدر على الكلام
ضمته بيدها حلقة وصل ممكن تقربه لوحده بغير عقلية غاليه الدقيقه حتى بااختيارها للكلام
تعودت تدرس ابسط انفعالتها وتتحكم بنفسها
وماعندها رغبه ترتبط اكثر وتجتهد انها تثبت نفسها باامل معطوب
نظرات طويله تسرح بعالم واسع مااستوعبت الا على طرقات الشغاله تستدعيها
مسحت البلل الي تسرب على خدها بلا احساس منها وطلعت تمارس دورها بحياة شخص لشخصين وقلب واحد يحمل اكثر من طاقته

................................





الجوال الى الان مغلق كان طول الوقت يتصل والجواب واحد
اكتسحه الغضب وهو ابعد صفه عن فيصل لكن حاول يفسر تصرفها ويلقى له مبرر
ضغط جواله بيده مع اقبال راكان عليه


..وش فيك كسرت الجوال بيدك



نزل نظره ليده الي تضغط الجوال بعنف ارخاها وتنفس واستغفر بنفسه



..فيصل وش فيك ؟؟




سهد عيونه وارخا ظهره لورى



..لا مافيه شي



نزل اكواب القهوه وجلس دفع واحد لفيصل وشف من الثاني



.. راح تسافر هالاسبوع للقريه ؟؟



كأن راكان يتقصد الكلمه ويعنيها


..مدري حسب اشغالي "ليش


عدل شماغه وحط رجل على رجل



.. كنت ابيك تحضر ملكة سلطان



ابتسم بفرحه وبصدق



.. تصدق نسيت "متى الملكه




.. المفروض اليوم التحليل يطلع "وبكره ان شاء الله الملكه



.. زين اجل هونا عن السفر ملكة سلطان اهم



وكوبه قريب من وجهه هز راسه وباابتسامة سخريه



..عاد انت تدور العذر



مارد فيصل عليه انما ناظر بعيد عنه وسرح لاابعد ابعد من امتداد نظره



.......................



ينسا بشغله كثير ممايتمنى ينساه" تزوره افكاره لكن يتحامل عليها طول عمره يصبر على امور كثيره


غطس بكومه من الملفات عله يضيع بين اورقها تفكيره بالمستقبل "او يقراء بحروفها الي تخفيه الايام الجايه
من اعلى قمه من الاندماج نزل على طرقات اصابع مشعل على الطاوله


.. وين يالحبيب دقيت الباب ولاانت بالدنيا !!



نزل القلم من يده بتعب




.هلا مشعل "وينك غاط ماعاد تبين ؟؟



جلس بروحه المرحه الي تنثر زهوها وصفائها بروح القريبين منه



.. قلت اجرب يمكن تحس على دمك وتتصل انت



مالت شفته بتحفظ وحذر



..لاتجرب لانك راح تفشل " انا دائما الي اغلبك



تهكم وقلد كلامه وسلطان يضحك



..مستانس انك قاطع "وانا الي دائم افتقدك



..للاسف هذا الي محببني فيك



ابتسم ومسك ياقة ثوبه بطريقه مسرحيه



..شكرا "هذا من ذوقك




حرك يده بسخريه



.. اقول لاتذوب علينا "وش عندك جاي




رجع لوضعه الطبيعي وانرسمت فجئه الجديه بملامحه



..انا الحقيقه جايك بحاجه وودي انك تنفذها



مشعل طول عمره يعطي بلا مقابل ومستحيل يطلب بيوم "بشك اجاب




..ايش اخدم بالي اقدر عليه



تنفس نفس عميق متوتر" حب تكون بدايته من سلطان وبعدها يتجه للطرف الثاني




.. انا ناوي اقنع ابوي يجي يحضر ملكتك




تراجع بظهره للوراء امر مااستغربه وكان متوقعه من مشعل



.. اذا كان رفض يجي معي في الوقت الي المفروض انه يكون معي بعد كذا ماطنيت انه بيطاوعك ويجي



مشعل هو الثاني كان متوقع ان سلطان مايرفض لكن للعلم وعشان ماينصدم ويكون مستعد




.. انا بس ابي منك انك ماتحاول تجادله مهما سمعت منه




ابتسم سلطان يحب في مشعل حرصه على ربط الحبال المقطعه وجمع القلوب الصاده




..مشعل الي تشوف انه صح سوه انا ماعندي اعتراض على أي تصرف انت تسويه



...