مساء الفل

شكرا نوفا على النقل ..

حبيت الرواية كثير واتوقع الجاي بيكون احلا ..

ابغا اسألك .. هذا اسم الرواية والا انتي مغيرة فيه ..

والكاتبة متعودة تتأخر بالبارتات ومالها اوقات محددة والا انتي اللي ماتنزلينها في وقتها ؟؟

جد الرواية خسارة تفقد جودتها وحماسنا معاها بالتأخير وعدم الانتظام في المواعيد ..

والله لايهينك على النقل

;6514098]



بسم الله الرحمن الرحيم




السلام عليكم ورحمة الله وبركاته




صباحكم رضا وقبول


كيف احوالكم





البارت طبعا جاهز وينظركم اذا انتم تنتظرونه


بارت اليوم انقلابات لمعظم الشخصيات وتناول تقريبا كل الشخصيات وهو طويل جدا

فيه ردود افعال ممكن ماتتوقعونها واتمنى تعجبكم

وتنطق صمتكم الي احيانا يحطمني


استلموالبارت


قراءه ممتعه







البــ "10"ــــارت









جلست على مكتب راكان بطلب منه ورمى الاوراق قدامها



..راكان الله يهديك انا قلت لك خلني اسوي لك توكيل ونكتفي بتوقيعك بدال ماانت كل يوم جايب لي اوراق اوقعها


وقف على راسها واشار باصبعها على مكان التوقيع


..هذي شراكه ولازام تكونين على علم بكل شي


ابتدت بمجموعة التواقيع ورفعت راسها له


.. بترجع للشركه ؟؟


.. أي وبعدين بروح لفيصل عازمني على العشا " تامريني على شي



نزلت القلم من يدها ودفعت الملف



.. بعرف وش سويت مع سلطان




لفت للجهه الثانيه وجلس على سريره




..والله يمه سلطان معند ومصر على رايه



تنفست بعمق "شعور بالندم على اقترحها لفكرة الزواج الي تحولت الى عناد



.. اليوم خالة البنت كلمتني وقالت ان ابوها موافق "يعني السالفه وصلت لاابو البنت وصعب نتراجع




..خلاص يمه الكلام ماعاد منه فايده وانتي قلتي صعب ننسحب والله يكتب الخيره



..يــارب



وقف وسحب الملف وعزم الخروج



..انا طالع ولاتسنوني على العشا



قبل يتحرك من مكانه انحنا على الطاوله الصغيره وشال جوالها الي عطاهم نغمة اتصال "كان رقم بدون اسم




مد لها الجوال وكانوع من الفضول وقف ينتظرها ترد" كانت تتعرف على الرقم لكن تعتقد انه مامر عليها
قبل ينقطع وبدون كلام استقبلت المكالمه



نجود من الطرف الثاني وكأن حواسها انشلت " حنجرتها طقطقت وارتعد صوتها



..الو



مافكرت ولاحتى خطر ببالها ولاحاولت تخمن لكن من سمعت صوت البنت ردت


..نعم


حيره شديده شوشت تفكيرها وحسستها انها بمساحه واسعه مالها بدايه ولالها نهايه "ماتدري كيف تعرفها على نفسها وكيف تبدا وكيف راح يكون ردت فعل امها وكيف وكيف "قطع حبل افكارها السؤال



..نعم "من معي؟




قررت تفجر القنبله يمكن اذا عرفتها تقدر هي تسحبها وتقدر تلقى مجال مناسب للكلام




..انا نجود




ماانتبهت لنفسها بعد ماانتبهت للاسم




.. نجود "منـــ




شهقت شهقه ارعبت راكان الي اقترب منها بعد ماوقفت وبدت تنتفض
ماانتبه للاسم الي لفظته
تسابقت دموعها لمجرد انها حست باانفاسها تلفح مسامعها
ماطلبت منها الكلام لكن انهلت هي بالكلام وهي تترتجف ودموعها تغسل وجهها



..هلا بهالصوت" هلا يايمه "وشلونك "اشتقت يانجود اشتقت لك يايمه




وقف سيل مشاعرها وسيل كلامها على طرف لسان نجود" وبفعل صوتها الواثق المقهور وكانها تقول "يكفي كذا"




..لو سمحتي اسمعيني




شعور بالتعب واحساس انها كانت تجري وتلحق الزمان قبل ينتهي وهي ماقالت جزء ولو بسيط من الي كل عمرها تتمنى تقوله وتحلم انه يتلفظ فيه لسانها وتتلقاها اذن نجود وتتقبله نفسها
جلست متهاويه على الكرسي والجوال على اذنها ويدها على منتصف عيونها ووجهها للاسفل



..اسمعك بس لاتسكرين ومادمتي ماتبين تسمعيني خليني اسمعك




عرف راكان مع من تتحاور مااعجبه انفعال عمته وخصوصا انه فهم من الكلام الدائر انها تطلب او تأمر انها تسمعها
لكن خاف من حالة عمته ومن اهتززها قرر يكون قريب



..اهلي بيزوجوني ولد عمي وانا ماابيه "اذاكان عندك استعداد اجلس عندك على الاقل هالفتره لين ينسون السالفه اذا ماكان عندك حل يخلصني من مشكلتي نهائيا



ماتدري ليش انربط على قلبها وقررت تستفيد من هالفرصه الي عمرها ماراح تتعوض
فردت اصابعها على خدها ومسحت اثر الدموع بقوه




..اذا كان عندك استعداد تعيشين عندي على طول انا مستعده اسوي أي شي




لانها تباعدت ان عمها وجدتها راح يوافقون سايستها وتشوف وش نهايتها ولاانها توقعت انها تعاتبها على قطيعتها وان الحاجه لاامها هي الي دفعتها لها وخاب ظنها قررت مظطره تستفيد من العرض الى ان تلقى طريقه تفر منهم




..بس اهلي ماراح يوافقون اجلس عندك على طول




يمكن فكرت بخبث " وحبت تحط مزنه وموضي في عراك تدري انها ماتشكل اهميه للاثنين وان الاهميه هي التحدي ومن يفوز

ناظرت موضي لراكان الواقف على راسها



..اهلك خليهم علي بس انتي وافقي




بلا مباله ولانها تساوت عندها المراره بحياتها هنا او هناك لكن ماتستحمل تتعذب مشاعل بسبتها القت كلمتها



..انا موافقه




تحاملت على ضعفها وعلى كلام الحنان والحنين وعلى بداية الفرحه الي تلاشت واحساس الامومه الي مات قبل يكبر



.. مهما كان الاسلوب الي راح استخدمه!!




اصابتها الريبه لكن عيب نجود انها ماتتراجع صار بعين امها ميزه "ونطقت بعد مايبست عروق موضي




..سوي الي تبين




اخر طلب لها عندها واختبار صعب صعب عاشته بدون ماتستعد له ولا تخطط



..نجود "عطيني رقم عمك




..وش تبين فيه؟؟




ابتسمت لانها توصلت لعفويتها لو سهوا منها




.. انتي خليتي الموضوع لي وخليني اتولاه



تنهدت وسكتت شوي "لكن اخذت موضي طلبها
ملتها الرقم وللاسف مكالمه اولها موجع واوسطها مدمروختامها قاتل



..ورجاء من الحين لين تنهين الموضوع لا تتصلين علي وانا ماقدرتي نرجع زي ماكنا



وسكرت وتركت موضي وكانها عايمه بمكان محجوب عنه انسام الهوا مااستسلمت للاختناق
حطتها بموضع المتحدي ادخلتها بمساومه مع مزنه لكن الي دب التفاؤل لها هي رغبة نجود وهذا سبب قوي يخليها تخوض معركتها بثقه
جاوبت راكان



..وش فيك يمه وش قالت لك



وقفت واستنجدت بيديها وضعطتهم على الطاوله وواجهته بوجهها المحمر وعيونها الغائمه


.. تستنجد فييني ياراكان تذكرتني بعد ماحسيت انها نستني



حالتها كانت مرعبه وعيونها تحمل كلام كثير يحس انها انسانه ثانيه شفايفها مرتجفه ويديها توشك انها تنفلت من قبضها لطرف الطاوله


..وش تبي ؟؟


رفعت كفوفها شوي واعادة تثبيتهم على الطاوله



..راكان تتزوجها




.............................



.. الحين انت لازام تعلمنا بقرارك


نظره يملاها الغضب طلعت رغما عنه آلمت امه



..الحين صار قراري انا صرت ضحيه لمعاندك انتي وجدتي



مسكت يده وضغطتها وهزتها



..سعود لاتحملني شي فوق طاقتي "انا بغيتك تحتار بدون ضغط من جدتك "لكن حيلتي مامشت عليها
بس هذا مايعني انك ماتقدر ترفض اذا ماانت مقتنع ياسعود ارفض يكفي الي سوته فينا


..محتار يمه محتار انا مستحيل اتزوج غير مشاعل وبنفس الوقت احس ان الطريق انسد علي حتى لو رفضت نجود



ارخت يدها وزفرت



.. انا ماراح ارغمك بس راح اقول لك الي يرضي ضميري ويبري ذمتي "نجود حتى لوكانت قرار جدتك لكن البنت ماشاء الله عليها جامعه كل الصفات الزينه



حرك راسه مايرغب انه يسمع كلام زياده



..انا ماني محتاج احد يعلمني فيها لكن يمه اسلوبكم مستفز صارت حياتي لعبه بايديكم



اوجعها حال سعود احساسه بالاهانه وقتل مشاعره وتحقير حبه وتحط نفسها بموقع الملام لانها توقعت انها تجاري مكر مزنه وتسلطها


.. ماتضيق الاتفرج "وماتدري وش راح يصير بكره


........................[/ E]

]

يقبض على كفها رغم رفضها ومع صدودها عنه ونفورها منه "لكن ماقاومت رجاء مشعل "عرف تركي يمسكها من اليد الي توجعها مشعل بالذات صعب تكسر خاطره صكت اسنانها بعصبيه


..خلاص اتركني ماراح اهج



ضحك على طريقتها ماكانت تخفي عدم رغبتها بالطلعه معه وبينت له ان الطلعه علشان خاطر مشعل ويدري انها مقهوره منه



.. حبيبتي انا لو بكيفي يدي في يدك طول العمر



افلتت يدها واستدارت "خنقتها العبره وخنقها الزحام



..واضح "ولا ماكنت ناوي تسافر



تافف وتملل من سيرة السفر الي صارت تاخذ اغلب وقتهم وتعكر اصفى لحظاتهم " ماكان لها نفس لااختيار أي شي ومالها مزاج لااي شي
لحقها وقرب من اذنها



..تعالي نشرب لنا شي يهدي اعصابنا




تبعته بلا رد الى ان وصل المكان المقصود وجلس وهي مقابلته



..وش اطلب لك ؟؟



اشاحت وجهها عنه وعطته نظرة غضب خافت انها يكون ماشافها طول الوقت لانها كانت تغطي وجهها


..سم




رنت ضحكته عاليه عليها لدرجة انه جلس من كثر ماطلعت عفويه وفيها براءه



.. مايبعونه هنا اذا تبين نطلع ندور لك بمكان ثاني




قلبت الكلام الي تعرف انه مزح ليس اكثر لكن مزاجها متعكر ونفسيتها منحدره
ودموعها قريبه



..اصلا انت تتمنى اني اموت وترتاح مني




ضبط نفسه وسحب يدها الي تغطي عيونها



..خلود "انتي تدرين بقيمتك عندي "لاتضحكين على نفسك وتعذبيها بااوهام مالها وجود الا براسك



هي الثانيه هدت من شهقاتها الي بالغت فيها



.. ماهي اوهام انت ماعدت تحبني ولاعدت اهمك ولا ماتسافر وتخليني



رفع راسه وتنهد وصل لمرحله مايقدر على النقاش لانه فعلا بلاجدوى لاهو الي يخفف عنها ولاهي الي تثنيه عن نيته



..لا اله الله "ياخلود الف مره قلت لك لاتحطين نفسك بخيار مع شي غيرك ولاتظنين ان معنى اني بسافر اني مااحبك انا احبك "بس هذا مستقبلي والسفره هذي لو فرطت فيها راح اندم وانتي تندمين انك وقفتي بيني وبينها



.. وتفرط فيني عادي يعني !!



وقف واشار بيده لها ووقفت معه



..انا كان عندي امل ان كلامي يريحك لكن للاسف "اتعبني واتعبك "واحسن حل اني اتركك على راحتك يمكن الايام تثبت لك انك اهم شي بحياتي وتعلمك انك ماتسوامين بمشاعري



طلع وتركها مذهوله ومصدومه وتتلفت في المكان واخيرا تتبعه تجر اذيال الخيبه



...................................



تعتصم غرفتها ولاتطلع الا للضروره الملحه وهو بمااانها بين يديه وتسكن بيته لايمكن يشيل هم
"قلبها نظيف وتحتملني ولاتقدر تقسى علي" يومين ويرق قلبها"


حطت صينية الشاي قريب منه بصمت "وهو يفتعل الغفله وعدم الانتباه لكن قبل تطلع من مكانه بصوت مستفز


..تعالي صبي لي


تراجعت للورا خطوه وهي بجهاد قوي بين لسانها وعقلها والى الان عقلها غلب لسانها



..صب لنفسك اظن تعرف



بطريقته المستفزه لها او الي يصورها بااسلوب سخريه بينما هي الحقيقه الي لايمكن تصير كذب



.. بس انا مااحب اشربه الا من يدك "وتعالي اشربي معي



ابتلعت حنقها وهي تقدم خطوه عشان تهد لسانها المغصوب على السكوت
وترجع خطوه يسحبها عقلها الي يدرك انها مخطئه وتصرفها لايمكن يحل مشكلتها

لكن كانت النهايه انها دخلت الغرفه كالاعصار وسكرت الباب بقوه

وهو من ورا الباب ارسل عباره بصوته الساخر


..لاتكسرين الباب ترا شارينه بفلوس "ولاتدخلينه بمشاكلنا



.........................



رفعت راسها في جزء متاخر من الليل "وهي تحس باانفاس قريبه منها
كانت غاليه تتوسد مخده على بعد خطوات منها وتغفو بدون ماتحس بنفسها
ملامح وجهها الصغيره تعبر عن عظم وجعها
وامتدات جسمها الغض تنبئ انها غير مرتاحه

تربعت على فراشها واخذت وقت تراقب جسدها الراقد
ومجموعه من الكتب كانت تسهر معها "تمنت للحظه انها كتاب يمكن تقدر تعرف منها شعورها
هل ظلموها بزواج من رجل مايحس بحنينها له مايدرك انها شي ملموس
يعتبرها طفله اصغر من طموحاته
اما هي فهو كل شي بحياتها الصامته يختطف عقلها للبعيد ويبعدها حتى عن حضن امها
تحرك جسمها وتلقت وجهها
ابتسمت حمدا لربها انه وهبها نعمه ماتوقعت انها تكون لها بيوم من الايام
بنت تملك حسن الخلق والخلقه
اخذت من جنبها بطانيه وتحركت لها تحبي ورمتها عليها

لامس الدفا جسمها ولامست قبله حانيه خدها الصافي لكن ابدا مافتحت عيونها اللوزيه انما اعتصمت الصمت "امها تحاول انها تستدرجها بسبب تغيير مزاجها
رجعت امها لمكانها وهي لفت للجهه الثانيه
وابدا مالامس النوم عينها الى ان سمعت الاذان وقامت للصلاة


....................


شربت ماء ودخلت تنام لكن تفاجئت بمنيره داخله من خارج الغرفه والجوال بيدها
عدلت مخدتها وتلحفت



..انتي من شريتي هالجوال وانتي غايبه مانشوفك


سكرت الجوال وحطته بين ملابسها


..يعني حرام افرح فيه مثل باقي خلق الله مايكفي ان لي سنه وانا اجمع من مكافئتي عشان اشتريه ومايكفي اني شايلته واخاف احد يشوفه كأني سارقته



تثاوبت وحطت يدها على فمها



.. والله عاد هالكلام تقولينه لاابوك مو لي انا ماعندي مانع لو تشترين عشر جوالات


اتجهت للمبه وسكرتها


..اقول نامي بس بكره ورانا فزعه انتي ماانتي شايله هم التوصيل مدرستك جنب البيت وبدقيقتين توصلين



فعلا غطت وجهها وغمضت عيونها



.. تصبحين على خير




تذكرت شي وضحكت ضحكه خفيفه




..اسكتي ماشفتي امي اليوم وش سوت بعنيد



ازاحت الغطا عن وجهه وكل علامات التعجب عليه



..وش سوت




ضحكت بهمس وحطي يدها على وجهها




.. طلبت منها تفضي الدولايب وتنظفها وتغسل كل الي فيها وترجعها وبعدين تنظف البيت كله



جلست بقهر وبعدم رضا تكلمت


..والله حرام الي تسويه امي فيها يعني لاانها ماتتكلم ماتخاف الله فيها "امي ماهي عاجزه عن شغل البيت او على الاقل شغل البيت يصير بيننا هي روح ويحق لها ترتاح



..امممممه ومن قال لك انها ما عيت بس امي هددتها باابوي وتعرفين ابوي مايضرب يذبح




..الله يستر بس من عواقب الي يسوونه فيها



..اقول نامي بس شكلها خلصت وتبي تنام وحنا مانمنا نبكي عليها



فعلا كانت عنود داخله بعد ماخلصت شغلها وشغلت الضو وتوجهت لمكان ملابسها



..هيه اعميتينا سكري االضو



رمقتها بعين الاحتقار وكملت شغلها



.. مااحد قال لي انه ممنوع ادخل الغرفه



حركت يدها تاشر وهي تتكلم



.. مااحد منعك بس احترمي غيرك



ضحكت بسخريه



..هه مدري من الي يتكلم عن الاحترام




وقفت ناويه على الشر لولا وقوف جواهر السريع



.. احترمي نفسك ياعنيد قبل اوريك شي مايعجبك




جواهر شافت اسلم حل انها تحايل العنود لانها بطبعها مسالمه لولا استفزاز منيره" لكن منيره مستحيل تقصر الشر من نفسها



..خلاص العنود الحين ابوي يقوم بااصواتكم وتصير سالفه ماننخلص منها للصبح
عشان خاطري روحي كملي الي جيتي عشانه وكأنك ماتسمعينها وتعالي نامي ورانا دوامات بكره



هزت راسها بينما انفاسها تتسارع وقررت تقصر الشر لان منيره هوايتها خلق المشاكل



................... TE]

]
.. انت ماعندك شغل غيري "ياخي حل عني شوي


كان يعبث بااوراقه وسلطان يسحبها بعد ماحاسها بين يديه


.. قل لي وين القاك لبيتنا ماتجي وبمكان عام ماتطلع قلت خلني اطب عليه بشغله المكان الوحيد الي القاكـ فيه


غمز بعينه وكمل .. بس والله ماانت هين ياسليطين مكتب وسكرتير



كان يفرق الملفات ويتصفحها بسرعه



.. سليطين بعينك " قل وش تبي وخلصني ماني فاضي لك الشغل لفوق راسي



فضى يده من الاوراق وتراجع وحط رجل على رجل



.. انا والله ماابي بس اليوم فاضي قلت امرك واثقل دمي عليك



.. قول وفعل والله "خلص توكل ثقلت دمك وخلصت



.. لا" ودي نطلع انا وياكـ الليله نغير جو وش رايك؟؟



صفط ملفاته على جنب وحط يديه عليهم



..الليله مرتبط



بعيونه حكي كثير واسا اكثر كان شعاع انعكس على انظار مشعل الي يعرفه



.. وش ارتباطه الي مضيق صدرك




وكان نفسه انسدت عن الشغل اخذ القلم واولجه بجيبه




..اليوم موعدنا مع الرجال الي بخطب بنته



..لحالك ؟؟



ابتسم بسخريه



.. وانا من لي يروح معي



اخفض راسه وفرك اصابعه بتوتر



..تبيني اكلم ابوي عشان يجي معك" ترا ابوي قلبه طيب


رفع يده برفض



..لا ابوك الي جاني منه يكفيني انا بروح لحالي ومو مهم حتى لو يرفضون




..طيب كلم أي واحد من عمامي يجي معك صعبه ياسلطان تروح لحالك




..لاصعبه ولا شي انا اعرف اتصرف واعرف اتكلم واعرف ادير حياتي بدونهم" الا اذا كنت تجي معي انا مااقول لا




.......................



بوقت مبكر وقبل دخول المحاضرات
سلمت وجلست مع ندى تشرب قهوه وتدخل بحوارت كثيره مع ندى الي ماتخلص حوارتها


.. وش فيها اختك ماتعرف تسلم ترا السلام لله


سحبت منديل ومسحت يدها وابتسامه غير مباليه


.. اختي الله يهديها أي احد فيه ريحتي تكرهه



..اكيد ريحتك خايسه



رمت المنديل على وجهها ورفعت الكاس وشفت منه



.. مااحد خايس غيرك



ماردت عليها وانشغلت تفتح شنطتها وتطلع الجوال منها
اتسعت عيونها وناظرت للرقم وناظرت للعنود


العنود اصابها التوجس والخوف من نظرة ندى



..من الي متصل ؟؟



ندى بلهجه تناقض شخصيتها



..العنود انتي معطيه رقمي خالتك



زاد خوفها معقوله تكون خالتها اكيد الامر كبير



..اي انا عطيتها رقمك مثل ماعطيتك رقمها


اشارت بااصبعها على جوال ندى



.. خالتي هي الي تتصل ؟؟




رد ندى كان انها مدت الجوال لها وهي اخذته ويدها ترتجف ياترى وش صار وش الشي الي اجبرها تتصل على جوال ندى الي حفظته عندها تحسبا لااي طارئ


فتحته وحطت الجوال على اذنها


سمعت صوت خالتها الي فرحت انها هي الي ردت

ندى كانت كل حواسها منصبه على العنود وهي تتكلم وتتبادل مع خالتها السلامات حتى لوكانت عيونها تطلب منها تستعجل وتقول الي عندها

من معالم وجه العنود اتضح لندى ان خالتها وبسرعه بدت تدخل بصلب موضوعها وتشرح الي تبيها تنفذه
لحظات ولحظات والعنود تسمع وعيونها تستدير في المكان مثل الي غاب عن وعيه كلمات متكرر ترددها " انا "من " ليش " متى " طيب " زين

اخيرا انتهت المكالمه مدت يدها المرتجفه لندى الي كلمتها اكثر من مره
لكن بدون ماتحس العنود بوجودها

ضربت بكفها على ظهر كف العنود الشارده


..العنود وصمخ


شهقت مثل الغريق الي يغطيه الماء وهو يتطاول عليه طلبا للنجاه


..هــــاه


ضربه ثانيه كانت اعنف شوي افاقت فيها العنود من
غيبوبتها


..هويتي ببير ماله قاع قولي آمين "اكلمك قولي لي وش فيك ليش وجهك انصفق


مدت نظرها على المساحه الكبيره الي ورا ندى كانها
تدور على احد



.. من "انا "مدري




وقفت وكانت ضربتها هالمره على مقدمة راسها



..وش فيك تمأمين "وقولي وش صار



وقفت نظرها وثبتت لكن بعيد عن انظار ندى



.. الليله راح يجي واحد يخطبني من ابوي



جلست بعد ماكانت واقفه نصف وقفه واصابها بالبدايه مثل انذهال العنود


..هاه "يخطبك "من قال لك


اخذت نفس طـــــــــــويل وفرغته من صدرها


..خالتي



بلهجه غريبه لكن تحمل صفة الهدوء



.. وخالتك وش دراها ؟؟




ناظرت لها نصف نظره مقتوله



..الخطبه اصلا من طرف خالتي لانه ولد زوج صديقتها



خضت راسها لحظات وكأنها افاقت من نومه طويله



.. وخالتك تعرفه



..مدري مدري



رجعت ندى لوضعها وبسرعه تنبهت لشي



.. اسمعي عنيد انتبهي لاتقولين لمنيره وامها ولا حتى جواهر لين تتأكدين




بثقل رفعت عيونها لها



..بس ابوي راح يعلمهم اكيد اذا جاه الرجال



مااهتمت لكل للي قالته العنود وابتسمت بخبث



..تتوقعين حلو خطيبك



ابتسمت لاشعوريا حست بشئ من النشوه "مجرد فكرة ان أي بنت تخطب شئ يحسسها باعتزازها بنفسها




.. يعني ممكن انا اتزوج ويصير لي بيت وعيال




بتهكم اعادت كلامها



..يعني ممكن اتزوج ويصير عندي بيتـــ ... خبله انتي خبله الي تزوجو احسن منك باايش ؟؟




دغدغ الفرح مشاعرها وراودها شعور لذيذ ماتدري مصدره ولاسببه



.. يمكن الحظ هو الي دايم يعاكسني"انا اول مره انخطب يعني معقوله اتزوج



..لا "هذا كلام ناس متشائمين " ياما ناس تزوجوا من اول خطبه "عالعموم الله يوفقك



ضمت نفسها بحالميه وسبحت مع خيالها للبعيد



.. بس يمكن مااعجبه



فتحت عيونها وبااستهبال مثلت طريقتها وسبلت عيونها



..ياعيني ياعيني "لاتذوبين علينا وبعدين يجي عريس الغفله وما يلقى عروس "الاصدق ماقلتي لي وش اسمه ؟؟


وقفت اهتزاز جسمها المتأرجح روحه ورجعه فجئه



..مدري




تناولت الشنطه من جنبها وخبطتها فيها



..انا قايله خبله "في وحده ماتعرف اسم خطيبها!!



انقلبت المسأله من الدهشه الى الفرح الى المزح



.. انا "لاحقين على اسمه ورسمه بس خليه يجي



ضحكت من قلبها



..بس يا خوف قلبي تجي منير تخرب كل مخطاطاتك



انقلبت فجئه نظرتها لنظره اعمق من ندى الحقيقه



.. العنود خليها مزح الى ان تصير حقيقه عشان ماتنصدمين


شهقت ووقفت مسرعه وعينها على الساعه بيدها وقبل تترك للعنود مجال للرد



.. المحاضره نسيناها مع سوالفنا عن عرسك عساك ماتعرسين قولي أمين



تجاوبت معها العنود وقامت مرتاعه



..بسرعه بسرعه "الله يسامحك ياخاله هذا وقت خطبه وزواج الحين وشلون اقدر اركز



قادتها مع يدها ومشت قبلها


.. تبي تركيز الاخت" انتي خلينا ندخل وعمرك ماتركزين



................................ [ E]