[CENTER]السلام عليكم

معلومات كثيرة استفدت منها الله يخليكم

نحن تقريبا دخول طفل للمطبخ ممنوع

أول ما اشوف بنت أخي تدخل أكون قلقة مش من الأدوات لأنها بعيدة عنها

أخاف عليها لأنها مرة دخلت علي و أنا ما منتبهة للموية بالأرض

راحت وقعت على راسها

الحمد لله مافي شر .. بس خفت عليها كثير

و كم أكره السكاكين بالحوض هههههههههههه

لما يكونوا غير ظاهرين من الأواني البقية لازم أقطع يدي

جزاكم الله خير

السلام عليكم


بحكيكم على مواقف بقصه قصيرة وان شاء الله تعجبكم

انا لطوف عمري 13سنه اخذت بالمدرسه درس عن الكيكه

وعجبتني حبيت اجربها لاخواني دخلت المطبخ وسئلت الماما عن مكان اغراض الكيكه وعطتني اياها وكانت مشجعتني ومبسوطه فيني
المهم خلطت المقادير كلها ودخلتها الفرن ورحت اكتب واجباتي قبل تجهز لانها تحتاج 30دقيقه حتى تجهز وانا منغمسه بين كتبي شميت ريحه الكيكه يالله نسيتها بالفرن واحترقت يالله بصلحها واشيل الاطراف وازينها حتى محد يحس المهم زينتها لطوف بشويه كريمه شكو لاته وظبطتها

قطعتها وخليتها تبرد شوي ورحت اصلي العصر واجهز القهوة

خلني اروح اشوف اكيد الحين ابوي واخواني رجعو من الصلاه واقدم لهم قهوة العصر من ايديني الحلوين فديتني

نسيت اقولكم اني انا البنت الوحيدة بين 3اخوان وكلهم رجال اسمالله عليهم

سلمت على ابوي وامي واخواني ورحت جهزت الاغراض ونزلتها
وقدمتها لهم


اخوها الكبير

اووووف لطوف دخلتي المطبخ من وين اشرقت الشمس اليوم

الثاني

ياشيخ تلاقي ما عندها سالفه واكيد تبي تسممنا الله يستر بس


الثالث

خل نشوف شنو ها الابداع اللي مسويته اكيد فاشله وحاطه ملح بدال السكر
وفطسو ضحك
ولطوف المسكينه بدت تتحطم وعلامات الحزن بدت تبان عليها

ابوها
يابنتي حطي خل نشوف بنتي الحلوة شمسويه اكيد شغلها حلو
حتى لو فشلت موب مشكله الشاطر اللي يتعلم من غلطه صح يابابا

لطوف
الحمدلله ابوي رفع معنوياتي موب مثل اخواني كل واحد يهزء فيني

حطيت الكيكه كل واحد بصحنه عطيت امي وابوي كلوها وهي محروقه عادي بس امي قالت انه لازم اكون منتبهه مرة ثانيه ولا هي طعمها حلو
اما الشباب
انتي وجه مطبخ تقومين تجربين علينا كيكتك فيران احنا
لاحول ياشين الوحده لاسوت عمرها سنعه وفطسو من الضحك مره ثانيه
الكبير
وش ذا الكيكه الفاشله مره ثانيه خلي الخدامه او اومي تسويها محنا فيران تجارب عندك سمعتي اختي
جيبيها بس خليني اوديها للقطاوه ياكلونها واخاف يجيها تسمم
الثاني
كفك كفك ياخوي اليييييمه صراحه هههههههه

ولطوف دمعتها خلاص نزلت بسبب اخوانها ما خلو لها مجال تقولهم انها نستها وهي تحل واجباتها وقالت انها اخر مرة تجرب تسوي طبخه لانها ما عجبت اخونها وهزئوها وانجرحت بتهزيئهم وحسسوها انها موب وجه طبخ
خلني بدراستي احسن لي

الام

الله يهديكم ياعيال لذي الدرجه ما عجبتكم الكيكه ولا بس حابين تجرحون اختكم وتتطنزون عليها بدل ما تحمسونها
وتقولون لها الله يعطيك العافيه ياختي تسلم يدينك ونصحتوها انها تنتبه مره ثانيه تقومون تقلبونها مصخره ولا راعيتو وجودي انا وابوكم جالسين تضحكون كنكم بديوانيه شباب ولا كئنها اختكم
ياخسارة والله كل واحد شطوله شعرضه تسوون ها الحركات الله يسامحكم بس اتوقع من اليوم ماراح تدخل المطبخ مره ثانيه والبركه فيكم

وراحت الام تطيب خاطر بنتها


الشباب ؟

خمنو انتو شنو كان موقفهم من بعد كلام امهم

الحين جا دور الهاله تطرح محاور النقااااش ,,,


بناء على القصة بنطرح المحاور الآتيه للنقاش :

_ هل حدث وفشلتي في اعداد طبخة ما ؟


_ واذا نعم / ما هو احساسك عند هذا الفشل ؟


_ هل تكررين المحاوله ؟ من مبدأ سر النجاح ,, الفشل,, ( حاول أن تنجح ,, وستنجح ,, خخخ افتح

ياسمسم ,, ) والا توقفتي وقلتي توبه ماعاااد أدخل ؟؟

_ للمتزوجة / ماهو موقف زوجك من هذا الفشل ؟ وللصبايا الحلوييين / ماهم موقف الوالدة أو

والدك من فشلك

هذا؟

_ هل انبعوا معك سياسة التشجيع ورفع المعنويات ,,, والا اتخذوا سياسة التحطيم وتكسير المجاديف !!!

_ عندما نطبخ طبخه ,, نتعرض أحيانا لانتقادات من أزواجنا ,, أو امهاتنا ,, اذا ما عجبتهم الطبخه لأي سبب ,,

ملح زايد أو غير ,,,

هل تتقبلين هذه الانتقادات ؟؟ وتسعين الى تطوير نفسك وعدم الوقوع فيها مرة أخرى ؟؟ والا تنزعجين

وتتضايقين ,, بحكم حساسية الصبايا ,,

_ الى الأم ,,

ماهو موقفك اذا نجحت ابنتك / أو فشلت في طبخه معينه ؟؟؟ هل تشجعينها وتقووين من عزايمها ,, :q6b5

: خخخخخ والا تقولين لها لاعاااد تطبخين وخلج في مذاكرتج ,,,

_ آخر شي ,,,

اذكروا لنا مواقف فشل أو نجاح تعرضتوا لها ,,,

تحياااتي لكم جميعا ,,,,

وجودكم وردودكم ,,, يشرفني ويسعدني ,,,

يا صباح الخيير يا صباااح الورد
هلووول احسنتي الاختيار للطوووف
لطوووف يا بنت وش ذا الابداع
قصه قصيره روعه وبجداره


نجي للمحاوررر

اوووه كثير وياماااا

_ واذا نعم / ما هو احساسك عند هذا الفشل ؟
شين وماهو حلووووو مثل هاللي يرقص خخخخ

_ هل تكررين المحاوله ؟ من مبدأ سر النجاح ,, الفشل,, ( حاول أن تنجح ,, وستنجح ,, خخخ افتح

ياسمسم ,, ) والا توقفتي وقلتي توبه ماعاااد أدخل ؟؟

لاا احاول واحاول واحاول لمن افلح مثل الكيك عندي عقده اسمها كيك وياما سويت كيك وهبط والا صار رخو والا صار بسكوت على غفله نادرا ما تنجح معي كيكه مع اني اقوم بكل خطوات نجاح الكيك المهم في الاخخير نجحت الحمد لله الاصرار على النجاح وعدم الاستسلام اهم شي

_ للمتزوجة / ماهو موقف زوجك من هذا الفشل ؟

وللصبايا الحلوييين / ماهم موقف الوالدة أو

والدك من فشلك

هذا؟

لا نو كومنت الحمد لله

_ هل انبعوا معك سياسة التشجيع ورفع المعنويات ,,, والا اتخذوا سياسة التحطيم وتكسير المجاديف !!!
الله يرحمهم اهلي ابوي ما عنده مجامله اذا زين يقول ويمدح بس اذا ما اعجبه يقعد ينصح ان البنت لازم تعلم عشان زوجها ما يدعي على اهلها ههههه الله يرحمه
اما امي فكانت حريصه وتعلمنا من قلب واذا فشلنا ما تيأس تقول عيديه عادي محد جا من بطن امه متعلم

_ عندما نطبخ طبخه ,, نتعرض أحيانا لانتقادات من أزواجنا ,, أو امهاتنا ,, اذا ما عجبتهم الطبخه لأي سبب ,,

ملح زايد أو غير ,,,

هل تتقبلين هذه الانتقادات ؟؟ وتسعين الى تطوير نفسك وعدم الوقوع فيها مرة أخرى ؟؟ والا تنزعجين

وتتضايقين ,, بحكم حساسية الصبايا ,,
والله اتضايق لان مو بكيفي طلعت فاشله الطبخه
وانا ودي انها زينه عشان انمدح

_ الى الأم ,,

ماهو موقفك اذا نجحت ابنتك / أو فشلت في طبخه معينه ؟؟؟ هل تشجعينها وتقووين من عزايمها ,, :q6b5
امدح لا نجحت واهاوش لا فشلت خخخخ تو صاير موقف رنوو لا عبه بالكاكاو يقالها بتسوي حلى واخذت لها هوشه معتبره

: خخخخخ والا تقولين لها لاعاااد تطبخين وخلج في مذاكرتج ,,,
لاا ودي ادخلها المطبخ معي من الان حتى لو فشلت هههه بس هي ما تبي الا على مزاجها

_ آخر شي ,,,

اذكروا لنا مواقف فشل أو نجاح تعرضتوا لها ,,,

ما يحضرني شي بس لاتذكرت جيبته لكم

اشكركن هلوله ولطووفه على هالمحلور وبانتظار تفاعل البنات