صباح الفراق
صباح الالام
صباح اللقاء
صباح الاحلام المتاخرة

صباحك ابطالك المختلف كلٌ برؤيااااه


علي ورؤية الشيء المستحيل ولقاء الاموات الاحياء بعد طول غياب .. مشهد اقل مايقال عنه
قمة بالروعه والتصوير واسمحي لي اقولك يمكن اكون الوحيدة الي قرت البارت ومابكت عليه
لان تفكيري يتعداهم للي تحت ونظرة غازي كيف بتكون ومشاعره كيف مشتته ومحطمه


هديل واخيرا التقت باحد من اهلها التقت بريحة الحبايب التقت بحضن الاخو الدافي
الحصن المنيع ضد قسوة الزمن لقاء غير منتظر مفاجئ بمعنى الكلمه لدرجة عدم التصديق
رغم كونه امامها برؤيا العين


راجح عسى لك ماتعرف العقل ولا تدل طريقه روح عالج مرتك اول وحل مشاكلك وبعدها
تعال حل مشاكل غيرك الحين وش استفدت غير قطيعة الرحم بينك وبين ابن اخوك
هذا هو كان بياخذها بنفسه وبيرجعها لهم وخربت عليه انه يصلح اخطاءه معها


غازي وه وه يابعد قلبي الله يهونها عليك ويصبرك خلاص ولا يهمك كلها كم ساعه وتلحقها
لاحلى ديرة ولاحلى ناس وهناك زبط امورك وعدلها وبترجع لك وهي ماتشوف الدرب


كنتم مع الموجز لاهم الانباء والان اليكم تفاصيل النشره :


هديل : واخيرا تحقق حلمها الابيض بنظرها وان كان رمادي الي ينتظرها
كل تفكيرها الان منحصر باهلها وشوقها لهم والارتماء باحضانهم وتقبيل ارض الوطن
بعد طول غياب وشوقها لهواها العليل هو صح حر شويتين وبرد ثلاث شويات بس يظل
افضل واروع وانقى هواء نشمه على وجه الارض

و مجرد تفكيرها بوصولها وقرب لحظتها لدفن نفسها بحضن امها شي ثاني :


أعــــودُ إليـــكِ يا أمـــــي *** كما لـــو كنـــتُ عصفـــورا

يملُّ قيــــودَ وحـــــدتـــــهِ *** ففــــرَّ وطـــارَ مغــــــرورا

فهبَّــت نحـــــوهُ النســـــرُ *** فخــــافَ وصـــارَ مذعورا

وراحَ بلهفــــةٍ يســـــــعى *** إلــــى الأوكـــــارِ مقهــورا

إلــــى أنْ عــــادَ مـنْ ندم ٍ *** إلـــــى كفَّــيكِ مســـــرورا

* * *
أحــــنُّ إليـــكِ يـا أمــّــــي *** حنيـنَ كــلّ مـــنْ هجــــروا

وكنــــتُ بكِ أرى الدنـــيا *** فأنــتِ .. ودونـــــكِ البشــرُ

سئمـــتُ أيُّهـــــا السفــــرُ *** فلا تبقـــــي ولا تـــــــــــذرُ

فكــــلُّ جـــــوانحي وجـدٌ *** ووجــــدي كلّــــــــهُ ضجــرُ

ســـأدعو اللـــــهَ يا أمّــي *** ســـــأدعـوهُ وأنتظــــــــــــرُ

* * *


بس لسان الناس ماترحم واذا ابن عمها الي فدته هو واخوها بروحها ونفسها
هو اول من تقول عليها وهذي النقطه تنحسب لك غرووري حتى تكون الضربه
قاسيه وفي الصميم لها وتعرف ان الي جايها مو اقل من الي راح فاكيد راح تواجه
الكثير من الصعاب والكثير من الكلام لدرجة تكره الخروج من البيت ومقابلة الناس
وترجع تذكر غازي وايامها معه وكيف انه ماكان يسمح لاحد يهينها غيره صحيح انه
حبسها رغما عنه بس الحين هي بتحبس نفسها باختيارها وهذا الفرق بين الاثنين
ووقتها بيكون انتقامها للجميع ولضياع سنين عمرها


( صلت ركعتين شكر لله تعالى وهي تبكي وتستغفر..)
اي والله انها وقتها وصلي لك ثنتين بعد اول ماتوصلي بيت اهلك


( تسألت هل كان يقصد جديلتها اللي كانت مصبرته على غيابها..
ولا من جد يقصد دعوتها عليه بهذيك الليلة..)
مجرد انها تتساءل هذي خطوة للامام وانها بدت فعلا تصدق انه يحبها
ويكن لها مشاعر مغايرة للي ببالها


( تحمل خطاياك..مثل ماحملت أنا خطاء غيري..)
ومجرد انها تعاقب المثل بالمثل يعني هنا ان فيه شي بالنص وتصفية حسابات
وكفاية انها قرت الي كاتبه وقبل مايلقاها حتى تتثبت من صدق كلامه


( والله إن تبطي ما أروي ظماك.. )
يازين بس هياط الحريم ومااسرع ماغيرتي رايك وجبرتي خاطره خخخخخخخخخ



( قبلها على كتفها..على الآثر الباقي من ضربة السوط..)
ملامسته لجروحها بحنيه مغايرة للي متعودتها منه وتطببيه لها بلمساته الخاصه
بيكون لها اثرها بنفسها ووقعها المغاير بداخلها


( همس بحب ورضا\ماخليتيها في خاطري...)
وه يالبى قلب غرووري ماهان عليها تخليها بخاطرك


( صدت عنه بقهر وأخذت قميص من ملابسه ولبسته على بلوزتها..)
وهالقميص بيكون حاله من حال الوردة الي اخذتها اول منه واحتفظت فيها ^ ^


( صرخت بخوف\غااااازي بعدهم عني..)
>>فيس يطالعكم بطرف عينه ويقولكم كل هذا ومصرين انها مابترجع له


( .ابي أخوي او زوجي..)
سمعتوا زوجي زووووجي زوووووجي افهموا بئئ


( وكانوا يسألونها أسئلة متأكدين من إجابتها..وهي كانت تجاوبهم بالعكس..)
مووووت حرررره يامسفر الدوووب
تدرين غرووري لما ذكرتي بالبارت السابق فريق الامن الخاص قلت بنفسي بتنفي
عن غازي كل تهمة وبتبرأه من كل شي يالبى قلبها الحرمه المطيعه الساترة لزوجها


( ليه برئتك..؟؟!ليه ماطلبت يحاكمونك ويحبسونك..؟؟
ليه أكرهك ولا أوجعك مثل ما أنت توجعني..؟؟)
جواب اسئلتك عندك بداخل صدرك بجوة قلبك


( كانت رغبتها الاخيرة..تكلمه قبل تتركه..)
رغبتها الاخيرة وقبلها رجعت له الخاتم والايشارب وقبلها سامحته وبراءت ساحته
وقبلها لبست له الي نفسه فيه .... هدوله وكانك ترسلي له رسايل محدده
ابدا بدايه صحيحه ونسيني الي راح وبيكون لنا شان ثاني وحياة ثانيه


( هديل\لن أتي الى إيطاليا مرة أخرى أبداً.. )
على كيفك هو .. الكلام اولا واخيرا للرجال وانت عليك السمع والطاعه


مسفر : ( الغريب بجمود\انتهى لك ولغيرك..البلاغ تم تأكيدهـ من غيرك..)
ياعساك ما تربح خير وعسى لك الجرب فوق ماانت اجرب
الحين الشيطان افضل ماعليه من اعمال زمرته التفريق بين الرجال ومرته
وانت صرت من اعوانه وفرقت بينهم وكانك ناوي هالشي لغرض خاص بنفسك
غازي بنفسه كان بياخذها لاهلها ويعدل وضعه معاها ويثبت لها بالدليل القاطع حبه لها
الا يعني تسوي فيها شهم والبطل المغوار وتقدم كم بلاغ مو واحد بعد
رووووح يابعييييد ربنا ياخدك وينتئم منك ( ينتقم ) ^ ^


( ولا أنتبهت لعيونه اللي تودعها لآخر مرة.. )
مكانك بالظل دايما وابدا وخلي هالشي ببالك حتى ترتاح


( رجعت لــ السعودية لاهلها وناسها.. وهنا ينتهي دورهـ..وهذا اللي يقنع نفسه فيه..)
لا والله مصدق نفسك ضحكتني وانا مالي نفس اضحك ...
لسى ماانتهى دورك باقي لسى .. انتظر شويتين لما يروق شيخ الشباب ويعلمك ان الله
حق وان دخول الحمام الله يكرمكم مو زي خروجه ... يااااااااااااني مشتاقه لغازي وهو يادبك
ويعلمك السنع وياليت غرووري تسمح لي وانا اعطيها كم مشهد من عندي *_*


مشهد السوق لطالب وشوق ورشا : فعلا الله يسلم يدك ولافض فوك على هالكلام السنع
والعقال الي سلخهم واليد الي كفختهم ونتفت هالكم شعره الي فرحانين فيها



غازي : يا حرقة قلبك وقهرك من اتفاق العلل عليك الله لايبارك فيهم ولا في خططهم البايخه
كفايته القهر وهو يشوفها بحضن اخوها وصدها عنه بمجرد ماشافته وكانها تاكد له انها بايعته
من اول ثانيه ومن قبل رجوعها لاهلها مع ان كل الشواهد للي يشوف مو الي مايشوف تثبت
انها تحبه وبلاوعي وتكن له شعور غير مرئي والظروف بس هي الي بتخليها تحول اللاوعي
لشيء واضح وملموس ومرئي للجميع
الحين الساعات القليله الي تفصل رحلته عن رحلتها والايام الي بتفرق بينهم بيكون غازي
فيها ضايع ومشتت ومية فكرة وفكرة براسه كيف يقدر يوصل الحبل المقطوع :


غبتم فما سَرَّني من بَعْدِ فُرقتكم ... شيٌ ولا طاب لي من بعدكم طَرَبُ
لا تعجبوا من مماتي بعد بينهمُ ... شوقاً فإنّ حياتي بعدهم عَجَبُ
هم أهل ودَي وإن صدوا وإن هجروا ... وغايتي إن رضوا عنّي وانْ غضبوا
دَعْهُم يجوروا فما للصَّبَ من أَحَدٍ ... يُنجيه منهم إليه منهمُ الهَربُ
فهم أحبة قلبي لا عدمتُهُمُ ... ما دمتُ حَيّاً وإن بانوا وإن قربوا
وكان لي سَبَبٌ أرجو الصلات به ... فانقضى حين ولّوا ذلك السَّبَبُ


( غازي يبتسم\معك على نفس الطيارة..)
ماعليه انت تقول وانا اقول والله يفعل مايريد .. الرحله الي بعدها يابعدي


( غازي بوعيد\اذا لمستي سهيل تعالي أطلقك...)
بقد كرهه لفكرة الطلاق بقد خوفه من الي بعد الطلاق ومسمى كائن بغيض اسمه مسفر


( غازي بصوت عالي\لوو أنت ماجيت كنت بأرجعها..
بس عشانها بأرجعها..ولا أنتوا ماتستاهلون ترجع لكم..)
هذا رد غازي على الي تسأل وتقول وين الي تقولون بيجيب اخوها عشانها
شوفيه بيااخذها بنفسه لاهلها وهالشي ازين لها واحسن


( غازي بوعيد\إن مامسحت بسمتك هذي ما أكون غازي بن جالي..)
يؤبر البي هالرجال شو قدع و ابضاي


( بس من اللي أثار البلاغ مرة ثانية..وحرك الأمن.)
مصير لمبتك تشتغل وتعرفه وتبرد نارك ونارنا فيه


( ورجع يهمس لها بنفس كلماته اللي تطعنها..اليوم عادها عليها ثلاث مرات...)
بسم الله عليك دكتور وتعطيها مضاد ثلاث مرات باليوم وكل مرة بعد موقف اقسى من
الي قبله وشكل هالكلمات الي طعنتها واثارت دموعها هي " احبك وممكن اموت فيك "
لانها اول مرة تسمعها منه واكيد وقعها عليها شديد ومختلف عن باقي كلماته لها


( وهمس في أذنه بصوت واطي ماسمعه الا راجح.. )
اعتقد انه قاله ياخذه لصوفي تهتم فيه حتى ترجع هديل بالسلامه



علي : كان الاخ الكبير والحامي والمدافع والحزين لحرمانه من حقه بالدفاع عن اخته
( يكتم حسرته\ياحظه..)
وليش ان شاء الله تكتم حسرتك هذا الشيخ ولد الشيخ غازي
ولا تفكر بكلام الناس الي اولهم ولد عمك لاتخاف غازي بيشهر زواجه
وبيفاجئكم جميعا واكيد بيدبر حل يستر مصيبة ابوك وعمك


صوفي : الى اخر لحظه نعم الصديقه ومبروك عليك اسم فاطمه ومبروك علي
نجومي المنثورة ببارض غرفة جوجو والي حايستها حوووس


(صوفي\ان شاااءالله هبيبتي....)
اوخص يا هبيبتي مايمديني عالحكي السعودي بنغمة اجنبيه


( صوفي بصدمة\أيتها القزمة لماذا لم تخبريني كي أطلقه من قبل..)
هههههههههههههه يالكذوب يعني كل السنين ساكته عنه والحين بس ذكرتي تطلقينه



سلمان وياسمين : ياسمين صحيح انها حفظت العهد بس من وجهة نظر سلمان
تستاهل الكف لان البنت عايشه بغربه ولحالها وهذا السبب لحاله يكفي حتى تنقض
العهد



( \ياليتها عاكست ظروفها وراسك اليوم مبتور تحت التراب..)
مشكلة العجله والتصرف بغضب والكل ينسى حديث الرسول ( لاتغضب ) وترديده
لهالكلمه ثلاث مرات ماجاء من فراغ


( هزها بين يدينه بقوة ورماها على الأرض..)
ليتها بس تكون حامل وتفقده عشان تترك فوران الاعصاب وتكون رجال تحكم عقلك قبل قلبك


عبدالله : يالبى قلبك ياعبود ومن قدك الحين شكلك بتفتتح روضه خاصه بالاطفال
تعلمهم المنتسوري على طريقة عبود الجاسم


( بصوت مخنوق\أنـــــــــــا ....)
بلحظه من اللحظات فكرت انه ابوها ورجع من الشرقيه وبلغه عبود عنها بماانه شريك معه بالسر
وبلحظه ثانيه فكرت انها عسووله لانها تدري من ولدها بان هديل حيه وبعد سفره عرفت انها ماتت
فلما شافت علي سافر وبعدها كلم عبود وخبره يستقبله بالمطار وشافت فرحته وسعادته بعكس
حزنه وبؤسه بالايام الي راحت فعرفت ان الموضوع فيه هديل مرة ثانيه ومسكته وقررته بالعصا حتى
اخذت منه العلم الاكيد


اعجز عن وصف ابداعك غرووري وجمال ماتكتبين
وبانتظار بارت اليوم ومايحمله من مشاعر تبدعين بوصفها
وفقك المولى لما يحب ويرضى ورزقك سعادة الدارين

السلام عليكم ورحمة الله وبركاته ...


صبــــــــــــاح المحبة والرضا من رب العالمين ...


كيـــــفكم أحبتــــــــــــــــي ..

دقايق وينزل البارت..



الذين يشاهدون محتوى الموضوع الآن : 345 ( الأعضاء 117 والزوار 228) ‏

صدووود, ‏زيزو28+, ‏سمسمs, ‏إبتسامه طفل, ‏امل جدة, ‏رسولي قدوتي, ‏ضيونة, ‏اميرة الورد 93, ‏بعثرة إحساس, ‏eheh, ‏أنوار البتول, ‏noryan, ‏سوزورا, ‏القشراء, ‏ملآأإأآذي أنت, ‏احساس مجنونه, ‏زفرة بوح, ‏صريح القلم, ‏احاسيس منسيه, ‏حورآء إنسية+, ‏الشيخه عهود, ‏ojha, ‏AL.Mas+, ‏عبق الرياحين+, ‏الوسن2, ‏منة الله, ‏حنين عدنان, ‏سوسو الثابتي+, ‏بسمه حياه, ‏الأميرة الواعية, ‏sweet gilr, ‏nouf, ‏عيوني تذبح, ‏HSOoOoOoSa, ‏تمر هندي, ‏عهود24, ‏مانسيتهم, ‏انا الحكايه+, ‏أحبك يالبحر, ‏نزف !, ‏هواجس, ‏هايدي, ‏zenat, ‏ملاك الحرف, ‏جروح غامضه, ‏*روح نجد*, ‏تفكر, ‏عطر العبير, ‏ريمانه+, ‏نبضة ناي, ‏دُرَّةُ آلْكُوَيْتِ, ‏حياتي أمل~, ‏زمن مجروح, ‏ميساء ميسم, ‏nooga, ‏مون فلور Q8, ‏ولكنَ !!, ‏فولتارين, ‏دموع يتيمة, ‏دااااانه, ‏~الغريب~, ‏rosette_libre+, ‏nona-zidan, ‏فياصل, ‏بنت الإسلام, ‏أبداع أنثى+, ‏بســ أمــ(g)ــل ــمة, ‏*مستنياك*, ‏تذكار الغلاااا, ‏*سمر*, ‏نجوم+, ‏حلاتي غير+, ‏بيشو89+, ‏ممزمز120, ‏الهبه, ‏حلا كويت, ‏همسات وردة+, ‏جرح الذات+, ‏queens, ‏راغبة الجنان, ‏ديـ*M*ـوم, ‏برستيج أنثى, ‏أنين الألم, ‏وي وي, ‏ريم سعد+, ‏رمانه عسل, ‏سودوكوو, ‏فرح سوريا+, ‏الكويت موطني+, ‏وضاحي, ‏هــنــوف, ‏rhaf, ‏الحياة حلوه, ‏ريحانة عمودي, ‏sosobb, ‏الروح العذبة, ‏نونااااا, ‏..Amal, ‏عزيزقوم, ‏لمسه دافئه, ‏يتيمة الراحه, ‏كلابي, ‏engdo, ‏غلاالروح, ‏طبعي الوفاء+, ‏انثى, ‏easeel+, ‏متربع في قوطي, ‏ذكريات الماضي, ‏joud204, ‏وحشتني ايامك, ‏بقايا تناهيد, ‏الهاجرية, ‏ديما4, ‏* همس *
لمعرفة المزيد إما غرام يشرح الصدر طاريه و لا صدود و عمرنا ما عشقنا


منوريـــــــــــــــــــــن ...



كونوا بخيـــــــــــــــــــــــــــر ...


صدووود’’’

السلام عليكم ورحمة الله وبركاته ...

صبـــــــاحكم \\
حمام السلام ..
يحلق فوق أراضيكم..

مســـــــائكم \\
شيخ حكيــــم ..
يردد:صلاتكم..صلاتكم..

كيــــــــــــفكم الــ ليلااااااااااااااااس ..؟؟
أحبتـــــــــــي في كل مكان..؟؟

تسئولات من الغاليات...
كيف قبل الشيخ يزوج هديل لغازي من دون مايسمع رايها..؟؟!
عزيزتي إحنا بمجتمع نثق فيه بأهلية الأب او ولي الأمر..
فــ الفتاة مهما كبرت تبقى تحت جناح ولي أمرها..
ويكون وكيلها في جميع شئونها..حتى بالمحكمة..
بالأعمال الخاصة والمعاملات..
الفتاة عندنا ماتزور الدوائر الحكومية..ولا تراجع معاملاتها بنفسها..
بل وكيلها وولي أمرها ينوب عنها بكل شيء..
الشيخ سأل أبوهديل عن موافقتها..وأبوها أعلن موافقتها..

سؤال من متابعة أخرى..أو عفواً كما تفضلت ليس سؤالاً بل إنتقاداً ..
بانه مايوجد قانون في السعودية يمنع الفتاة من السفر بدون محرم..
عزيزتي هذا قانون حقيقي ومعتمد في المملكة العربية السعودية..
ماتطلع الفتاة من ارض السعودية بدون محرم..
ولا تعيش بدولة أجنبية دون محرم ..
وياعزيزتي هذا أمر من الدين لايجوز لإمراءة السفر دون محرم..
لم أتي بشيء من عندي..
ودليل ذلك قوله صلى الله عليه وسلم :
"لا يحل لامرأة تؤمن بالله واليوم الآخر تسافر مسيرة يوم إلا مع ذي محرم "
والله أعــــــــلم ..


الغاليات اللي سألوا ..وش معنى سهيــــل ..؟؟
سهيل بكلام غازي المقصود منه نجم سهيل..
إذا هديل لمست نجم سهيل..هذاك الوقت بيطلقها..

واللي عاتبوني على موضوع الغياب..
عزيزاتي الظروف لا بيدي ولا بقراري..
البارتز راح توصلكم على موعدها وحتى لو غبت أنا وطولت..
راح أحفظها لكم خلال هالأيام ..
وبتكون في يد إنسانة أمينة راح توصلها لكم على وقتها..
وهذا في حال عاكستني الظروف وأجبرتني أغيب عنكم...

أحبتـــــــــــــي..
لا تشرق شمسي الا بكم..
حفظكم الله ورعاكم..
لايقوى قلبي غيابكم..
فــ إبقــوا بالقرب منـــي..
فبكم أرتقي...

البارت إهـــــداء..
لـــ كل أم تتواجد معنا هنا وخلف الكواليـــس..
ولـــ غاليتي "" أم صبوووحة ""


البارت الســـادس والستــــــون ..



صباح الخير يا حلوه..

صباح الخير يا أميـــرتي الحلوه

مضى عامان يا أمي

على الولد الذي أبحر

برحلته الخرافيه

وخبأ في حقائبه

صباح بلاده الأخضر

وأنجمها، وأنهرها، وكل شقيقها الأحمر

وخبأ في ملابسه

طرابيناً من النعناع والزعتر

أنا وحدي..

دخان سجائري يضجر

ومني مقعدي يضجر

وأحزاني عصافيرٌ..

تفتش –بعد- عن بيدر

عرفت نساء أوروبا..

عرفت عواطف الإسمنت والخشب

عرفت حضارة التعب..

وطفت الهند، طفت السند، طفت العالم الأصفر

ولم أعثر..

على امرأةٍ تمشط شعري الأشقر

وتحمل في حقيبتها..

إلي عرائس السكر

وتكسوني إذا أعرى

وتنشلني إذا أعثر

أيا أمي..

أيا أمي..

أنا الولد الذي أبحر

ولا زالت بخاطره

تعيش عروسة السكر

فكيف.. فكيف يا أمي

غدوت أباً..

ولم أكبر؟

صباح الخير من مدريد

ما أخبارها الفلة؟

بها أوصيك يا أماه..

تلك الطفلة الطفله ..


نزار قبـــــــــــــــــــــاني ...



طلعوا من المطار وعبدالله يسولف لهم..
وصلوا لــ سيارة علي اللي وقفها بمواقف المطار..
عبدالله يضرب جبينه\يوووهـ نسيت..
ترى معي واحد ينتظركم ...
علي بعصبية\أنت علمت أحد..؟؟
عبدالله بزعل\ماعلمتك عشان اعلم أحد...
هديل برجفة\من يا عبدالله..؟؟
بصوت مخنوق\أنـــــــــــا ....

ألتفتت لصاحبة الصوت بقلب مشتاق...
شهقت بحسرة وهي تشوفها مرخية عن وجها ومرتكزة على عصاها..
والرجفة متملكتها وباينة عليها..
هديل بحنين\يـــــــــــابعد حالي يا أنــــــــا..
الجدة تبكي\هدييل..
ضمتها هديل بقوة وهي تصرخ با الآآآآآآآآآآهـ..
الجدة بنحيب\لعنبووك يالدنيا..خمس سنين يا هدييل..
خمس غايبتن عني ومشقيتني..
ياحسرتي عليك يا حسيييين..لمتك على دموعك ولا أنت تنلام يا ابوي..
هديل تبكي بصوت عالي\ياحسرتي على حالي يا عسووولة..
لامت وريحت ولا عشت وأعتقت..
ياما تمنيتك جنبي بعكازك.. تسنديني وترعيني..
كم ناديتك وترجيتك تدعين لي ارجع بالسلامة..
رجعت يا رووحي رجعت..رجعت يا أم حسييين..

الجدة تلم يدينها بضعف على خصر هديل..
وتحط راسها على صدرها..
وهديل تلمها بقوووة..
الجدة بحزن\يشهد الله علي مانسيتك بفرض ولا سنة..
وبتطوعاتي مانسيتك..رجيت ربي وربي ما كسرني..
هديل بألم\كنتي تدرين إني حية..؟؟حسيتي فيني..سمعتيني..؟؟
الجدة\كل ماقلت حية تعوذت من ابليس وقلت اوهام..
ولما اشوف حال أبوك أصدق أوهامي واقول اني بانتظر معه..
وإن شفت اليأس تملكه يأست معه..
ماكذبت قلبي يوم دلني على مكانك..
هديل بغصة\ليه مامنعتيهم من دفني وأنا حية..؟؟
الجدة بآسى\قلت لهم مابتروح لقبرها قبلي..
ما بتوجعني وتسبقني لــ الموت..
قالوا حكمت الله وقضاهـ..
أوجعوني بموتك يا هدييل..أوجعوني..
هديل كاتمة عبرتها\لاتخلينهم يوجعوني ياعسولة تكفين..
لا يجرحوني بكلامهم ولا فعلهم..
لا يطردوني من حياتهم..
الجدة تناظر بعيونها\ابى اشوف وجهك..
أبى اشوف الزمن كبرك مثل ما كبرنا..
غيرتك السنين ولا باقية على عهدي بك..

عبدالله يقاطعهم\والله إن كشفتي لا أحوسكم حووس..
شوفوا الناس يناظرونا..ادخلوا السيارة وبراحتكم..
ضربته الجدة بعصاها..ومسكت هديل تسحبها معها لـ السيارة..
الجدة بعصبية\انت انطم يا قليل السنع..
دواك عندي يالكذووب..

توجهوا لــ السيارة اللي جاء فيها عبدالله وجدته مع السواق..
أما سيارة علي فظلت في مواقف السيارات بالمطار..
عبدالله جلس قدام وذياب بحضنه وما انتبهت عليه الجدة..
وعلي جلس جنب هديل اللي حاضنتها جدتها وتحفاها..

علي يسلم على جدته\مبروك عليك هديل يومه..
قرت عينك بشوفها..
الجدة بزعل\إنقلع ياولد أبوك..
تقهرون المسكينة وتعيشون حياتكم..
تبعدونها عنا وتنسون منها..
علي يناظر أخته\والله ياللي قهرها لأقهرهـ..
ومثل ما ابعدها عنا بأحرمه منها..
هديل بغصة\صدق يا علي..؟؟!
قبلها على كتفها\صدق يا بعد علي..
هديل بخوف\لاتقهرهـ هو وبس..
إقهر اللي يبي يقهرني..
لايوجعوني يا علي..لا يجفوني..
علي يطمنها\نسيتي قلوبنا يا هديل..؟؟
عهدن علي من قهرك لأقهرهـ..ومن زعلك أزعله وأشقيه..
هديل بصوت مبحوح\يومه يقول إنه بيرعاني..
إشهدي يومه عليه..إشهدي على كلامه ووعده لي..

خذوني بعيداً عنه وأحموني دثرني أخي بـك أنتزعني من وطن الغربه
وأزرعني بوطني الذي أشتاق له أقرأ علي تعاويذ الأحتواء وأنفث عن يميني
وعن شمالي .. خذني لهم وإن أعلنو وفاتي فـ قلبي يتوق لهم ..!
دع ظالمي بنار أفعالة يكتوي ..
لن أكون لغيره فقد كرهت الرجال به ومن بعدهِ
فقد ترك خلفه أنثى ميته باردة به تلتهب وتطفئ
فـ روحي بين يدي صغيري ثمرة سنوات القسوة التي حصدت قهراً

حورآء إنسية ..

الجدة تبكي\ياويل حالي عليك يا الضنى..
بأشهد وربي يشهد ما تنضامين بعد اليوم..
هديل بخجل\يومه أنا .....
أنا ماني على خبرك..يومه انا صرت أم..
وهذا ولدي مع عبدالله..
يومه والله العظيم حلال..متزوجة يومه وهذا ولدي..
حلال يومه صدقيني..

لفت عنها الجدة لعبدالله اللي جالس قدام جنب السواق..
ماشافت ولد..ماشافت الا هديل..
جيتي يا ضناي ومعك ضنى..
ياحسرة في قلب أبوك..يا شقى قلبك يا حسين..
كنت حاسة بشيء كبير..
دامك حية فهذا يكفينا..والله ما أوجعك بولدك ولا فيك..
تقولين حلال..؟؟ليه خايفة يا هدييل..؟؟
وش اللي فجعك فديتك..؟؟
الجدة بصرامة\هات الولد..
مد لها عبدالله بــ ذياب..
خذاهـ علي وحطه بحضن جدته..
هديل مسكت يد علي وغرزت أظافرها بكفه من دون ماتحس..
تخاف من ردة فعل جدتها..
راحت من عندهم بنت وبحكم الميتة..
وترجع لهم معها ولد وبعد سنين غياب..
هتفت بقلبها..لا توجعوني..تكفوون..

علي ناظر بيدهـ وكيف شادة عليها بقووة..
رحم حالها ورفع يدها له يطمنها ..

الجدة تناظر في وجه ذياب وتذكر الله..
صاحي ويناظرهم بصمت..
أول مرة يشوف عبايات وحجاب..
قبلته على راسه وجبينه وهي تبكي..
رفعت عيونها لهديل..
الجدة برجاء\تكفين يا بنتي..ابى أشوفك..
تحرك علي في مكانه وغطاها عن السواق بجسمه..
علي\نزلي لثامك..السيارة مغيمة..
هديل تشد على يده أكثر وتهمس\ماني على خبرك يومه..
الجدة بنحيب\تكفييين يا هدييل إرحمي حالي..

سحبت لثامها بهدوء ونزلت راسها..
خجلانة لا ترفعه وتقابل عيون جدتها..
الخوف حاكمها..
غربة تملكتها بينهم..
ليه هذا إحساسي..ليييييييييه؟؟

الجدة رفعت راسه هديل ومسحت دموعها بيدينها المرتجفة التعبانة..
شهقت هديل ومسكت يد جدتها تقبلها وتبكي..
الجدة بحزن\صدقتي ياهدييل..ما انتي على خبري..
هديل بألم\يوومه ابى ارجع بيتنا...
تكفين رجعوني ابى ارتاح..
ضمتها جدتها وخلتها تبكي بحضنها..
الجدة\والله ما أدخل البيت الا وأنتي قبلي..
عبدالله مايل بجسمه عليهم وارجوله قدام..
أخذ ذياب من حضن جدته ورفعه منهم..
علي\إجلس زين يا المطفوق..
عدل جلسته وصار ظهره ل السواق ..
ووجه مقابل هديل وابوهـ..
عبدالله\ياجدت ابوي خفي عليها..
باقي وراها مشوار من الدموع والزعل..
الجدة قبصته بقوة\ولابه خلاف هاه؟؟
بتروح الحراج يالكذووب..؟؟
عبدالله\يوبه شف جدتك تكفخني من أمس وهي منيمتني عندها..
ماتدري ان التنصت جريمة يعاقب عليها القانون..
علي يضحك\كيف درت؟؟
الجدة بحدة\كنت اسمعه يكلمك أمس وطاير من فرحته..
ويقول بيستقبلك في المطار ويحلف..
عبدالله\لعبت علي وخذتني على حين غرة..
تقول من يكلمك ومن بتستقبل..
قلت ابوي..قالت وش تبارك له عليه ومن اللي معه..؟؟
قلت ياليل العجز ********..
ماامداني ابى اشرد منها الا وهي باطحتني بعصاها..
علي مبسوط\أفا قدرت عليك..؟؟
عبدالله\إني مجمع لها كم طيحة وشوته..
وبيجي يوم وانفجر فيها ويصير مالا يحمد عقباهـ..
الجدة\هات الولد لا ترجه معك وقم اجلس زين يالمبزرة..
علي\ههههههههههه صدق يومه كيف عرفتي بهديل..؟؟
الجدة تناظر هديل\قلبي من زمان كان حاس بشيء..
خفت اقول لكم هديل حية ..تقولون خرفت ولا تاخذون بكلامي..
واللي أكد لي حال أبوك وضيقه..
من شوقه للي راحوا ومتى يرجعون..
أعرفه ولدي مؤمن بالقضاء ولا يعترض على الموت..
بس حاله بعد موت هديل شككني..وكل ماتذكرت حالك قبل ماتتركينا..
وكيف ودعتينا..اتعلق برجوعك أكثر..
علي بندم\ليه يومه ماقلتي لي..؟؟
ليه ماعلمتيني بشكك..ماكان غابت كل هالسنين..
الجدة\قلت اني مخرفة وبازيكم اوهام واعلقكم بسراب..
هديل بغصة\ليتك قلتي له يومه..
ليييتك قلتي له وجاني..

عبدالله يبكي\كنت ادري انك مامتي..
جدي قالي إنك كنتي حية وبعدين متي..
تمنى يموت ويروح وراك..
هديل بخوف\أبوي..؟؟
ليييه وش صار عليه؟؟هو يدري اني حية مامت..
ليه يصدق وهم هو سواهـ؟؟
علي سحب عبدالله وجلسه قريب منه وسحب ذياب منه..
هديل برجاء\تكفى ياعلي قلي وش فيه أبوي؟؟
علي بحنية\والله هو بخير وماعليه شر..
تطمني..عبدالله كاتم سرك من سنين..
وكم ترجيته يتكلم ما طاعني..
عبدالله يضم هديل\ماقلت لهم لانه سر جدي..
والسر ما ينباح...
هديل تضمه\المهم إنه بخيــــر ..
وغير هذا ما يهم..

علي يكلم السواق\خذنا على فندق ............
هديل بقهر\ليه يا علي ليه..؟؟
حرام عليك ابى اروح بيتنا تكفى ابى امي..
علي بسرعة\والله بنروح لهم..
بس يا قلبي ما نبى نفجعهم..
هم يحسبونك ميته...وش بتسوي امي اذا شافتك داخلة عليها..
لا يصير فيها شيء..وحتى ابوي وهادي ومحمد..
واختك غادة لازم نمهد لهم..
هديل برفض\لا مالي دخل ما ابى..
ودني لهم الحين..ما اقدر اصبر..
قلبي يوجعني ما اقدر..
يومه تكفين قولي له يوديني بيتنا تكفييييين..
علي يطمنها\والله ماتمسين ليلتك الا في بيتنا..
بس الحين ارتاحي في الفندق وانا باروح اجيب العيال..
محمد وهادي وأحاول امهد لامي..
هديل تبكي\علي لا تقطع فرحتي فيهم..
اباهم يشوفوني تكفى..
علي يبتسم بوجع على حالها\لا تخافين ما باقول لهم انك حية..
بأسولف لهم عنك واردد عليهم سواليفك..
هديل\بانتظرك..واذا ماجيتني جيتكم ولا تلومني..
الجدة\باكون معك في الفندق..وما ارجع الا وانتي معي..

هديل بشوووق\بسرعة وصلنا فندق بسررررعة...
عبدالله يفتن\تبين اسووق بداله..؟؟
علي يوثقه جنبه\إسترح انت لا تقلب السيارة ونموت..
عبدالله يهمس\شف جدتك كيف تناظر الورع..
تقول هي تتذكرك ولا تتذكر جدي حسين..؟؟
علي يبتسم\ظني انها تتذكر جدي انا..
عبدالله بعصبية\صدق مابه حريم يستحون..
علي\يومه عصاك عصاك..
الجدة مدت عصاها وضربت عبدالله على كتفه..
وهو يتخبى ورى هديل اللي تدافع عنه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ياليتني وادعتهم قبل يمشون..
او ليتهم قبل السفر وادعوني..

لو الموادع نظرات بالعيــــون..
يكفيني أملى من عيونه عيوني..

جاني خبرهم في السفر يوم يبكون ..
ولولا غلاي عندهم مابكــــــوني..

دخل الخاتم في إصبعه والإيشارب بجيبه..
ناظر بوجه الحارس اللي قدامه ومشى متجاهل كلامه..
ركب السيارة وأشر لـ السائق يحرك..
أخذ جواله وأتصل بطائرته الخاصة..
تنهد وهو يناظر الخاتم في إصبعه..
وبعدها يناظر الطريق المؤدي لــ المطار.

أقتلعو زيزفونتي من حقلي ولم يعد لحمامتي غصن سلام
هم لم يأخذوها مني فقط هم أخذوني مني أودعت قلبي معها
همستها سراً بتعاويذ هي تعلمها ..!
أكنت أحلم أما ماذا عادت لـ أحضاني بالأمس وهاهم اليوم
يسرقونها لن تأخذوها بسلام ...فـ الأوطان تعمر لـ تُسكن لـ لاتهجر
هي وطني وإنتمائي هي ذاك الذي ينبض بالصدر هي أرضي التي
حرثتها بقسوتي وبذرت بها كرهي .. ولكنها أنبتت صغيراً كـ الملائكة
هو مني ومنها وإليها ينتمي سوف تعودين لي يمامتي كما أعادكِ الموت
لي من قبل .. كوني لي صغيرتي ..!
لن أحتمل هذه المرة بعدكِ عني ..!

حورآء إنسية ...

راحت..ياغازي..
صار بينا قارات ومحيطات..
رجعت لحضن أبوها..
لناس باعتها ماشرتها..
آآآآآهـ يا حظهم بحضنها وعيونها..
بشوفت مبسمها ودلعها..

بيحرموني منها..
بيخفونها عني ..
مابعد برى جرحي الأول بفقدانها ..
فيجرحون من ثاني...

راحت ولاكشفت لعبتك ولعبتها..
لازلت تنهزم بسبايبها..
تفوقت بأصالتها حتى على حالها..
قالت ماهو علشاني..
قالت ماظلمتني..
كذبتي في الثنتين يا بنت حسين..
هروبك مني أكبر ظلم واجهني..
هذي محاولتك الثانية لـ الهروب يا هديل..
والثالة لا تحلمين فيها..

آخر مابينا همس مبحوح..
ونظرات مسروقة..
ماودعتها مثل ما المفروض أوادعها..
واللي سويته في ابوها أنعاد فيني..
حرمته يودعها وحرمتني غلاها..

بس متى ربي بيكتب لقاها..
أول تصبرت بالميت ما يعوود..
بس اليوم وش اللي يصبرني..
وانا أدري إنها حية وترمح بلا رسنها..

ما أذوق الحرمان اللي ذوقتها إياهـ..
ولا يرضيني طيفها باالاحلام..
راجع لها..
ولو خطفتها ورحت إعدام..
مالي قدرة صبر..
ولا لي حكمة حكيم..

قبل الخاتم والإيشارب على خدهـ..
رفع حاجبه وابتسم بسخرية..
مابه خلاف..نعوض سلام الوداع مع سلام اللقاء..
راجع يا المملكة لأبوك يا إيطاليا..
ماعاد لي حاجتن فيــــك..

نزل المطار وقبل لا يدخل..
تقابل مع غريمه ..
وأكثر شخص يتمنى يلتقي فيه..
بينهم حساب كبيــــــــر ...
ولازم يصفونه..

قرب منه بخطوات ثقيلة..
ولاحظ نظرات غريمه تناظره بتحدي..
سلم عليه من كل قلبه بدون أي مجاملة..
سلام أحباب...
مد يده وضربه بكل قوته على وجهه..
مسك ياقة قميصه ورفعه له..
مسفر بتحدي\راحت عليك..مابقى الا ثراها..
ياليتها أثبتت التهم عليك وهجت..
ياالله المهم سجنوك وهربوها..
واليوم إحفى وعساك ماتلقاها..
غازي يبتسم بحقد\احفى وليه ما أحفى..
حمامتــي والغازي بيقنصها..
مسفر بكرهـ\عهدن علي لما تحررت منك لاخذها..
وتعرف وقتها كيف تفقدها..
مد يده وضرب غازي على وجهه..
ضربه غازي على بطنه بقوووة..
غازي بجمود\هذي بس لأنك تفكر بمليكتي..
ونصيحة ماهي من قلب..
رح وإلعب بعيادتك يا ورع...
تركه وقفا عنه بس رجع له بسرعة وضربه على وجهه مرة ثانية..
غازي بوعيد\هذي بس تصبيرة ونلتقي في السعودية..

صد عنه وتوجه لبوابات المطار..
دخل وبعد ساعة سمحوا لطيارته بالإقلاع من المطار متوجهه لـ السعودية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


أندق باب الجناح أكثر من مرة ..
ومن صوت الضرب على الباب تأكدوا إن فيه مصيبة..
تركهم علي من ثلاث ساعات..
وكل شوي يتصل بجوال عبدالله ويطمنهم..
فزت هديل بخوف ووقفت جنب جدتها..
عبدالله شال ذياب اللي أنرعب من صوت الضرب على الباب..
وصار يبكي بصوت عالي..
هديل برجفة\ممـــ.........من اللي بيجـ....ـي..؟؟
عبود كلم علي خله يجي بسرعة..
الجدة بحدة\خذي ولدك وإدخلي وأنا اشوف من اللي عند الباب..
هديل برعب\لا يومه تكفين..
يمكن إخواني ما رضوا فيني..
يمكن احد من قبيلتنا بيذبحني..
تكفين كلمي علي تكفين..

دفت هديل ودخلتها الغرفة وسكرت الباب وهي تهدد..
الجدة بوعيد\والله والله لو يحرقوني ولا يقطعوني ما خليتهم يمسونك بشر..
توجهت لـ الباب وهي تلاحظ عيون عبدالله الزايغة من الخوف..
ولانه فكر بكلام هديل وصدقه..
سالت من عند الباب ..
وجاوبها صوت غاضب مرعب..
عرفت الصوت وتحسرت في قلبها عليه وعلى حالهم..
فتحت الباب وهو دخل بسرعة وأنصدم بوجود جدته بالغرفة.
محمد بقهر\وينها فيه..؟؟
الجدة بعصبية\وش تبي فيها ..؟؟
محمد بقهر\والله ما تمسي في السعودية..
إن تنقلع من حيث جات..لا هي بأصلنا ولا هي بثوبنا..
ناديها بنت اللذين باوديها المطار وتدبر عمرها..
الجدة بقوة\جعلني ماني بام لك ولا لأبوك..
إن خليتك تمس شعرهـ من راسها..
اطلع برا لا بركة فيك ولا في وجهك يالخايس..
عنبوا غيركم مافيكم قلب ولا رحمة..
ماعندكم إحترام لها ولـ اللي سوته علشانكم..
محمد بإستفهام غاضب\امداك تحبينها وتعزينها علينا..
تبريتي مني ومن ابوي علشانها..
لا يصيبك ماصاب علي من جنون..
وأنت يا قليل الخاتمة يا مسود الوجه..
وطول زمانك تتفاخر إنك رجال وكفووو..
رايح تستقبلهم في المطار..من زين الطبووع ولا التربية..
تهبى ما أنت برجال..

نزلت ذياب بين ألعابه ووقفت عند الباب تسمع صوت اخوها الغالي..
محمد اللي كانت علاقتها فيه مثل الماء بصفاها..
مايدلعها أحد كثرهـ..ولا يتفوق عليه أحد بحنيته عليها وعلى غادة..
اليوم بعد ما عرف إنها حية جاء يطعنها بكلامه وذمه..
يبي يرميها لــ الزمن ويغربها من جديد..
بكت ويدينها ترتجف وتضم حالها..
أجل لو يدري إن عندي ولد..
لو يدري بحياتي وش صار فيها..
هذا وأنت محمد الغالي..
أجل وش انتظر من عيال عمي وقبيلتي..
متى بتصلون علي الجنازة..
متى بتتقاسمون الشرف بثاركم مني..
يارب عدلـــــــــــها يارب..

عبدالله بقهر\رجال غصب عن اللي مايرضى..
أستقبلتها وبأعزها وأحميها..
إحمد ربك وإشكرهـ إنها جات..
بدل ماتقول بتوديها المطار وتتحلف فيها..
يوم انك ماتباها ليه جيت..؟؟
محمد بصراخ\وش ابي فيها..؟؟
وحدة مثلها ما تشرف..
رح نادها انا حلفت ما تمسي الا من حيث جات..
مالها في الرياض مكان..

ضربته الجدة على كتفه وهي تبكي..
الجدة\إذبحني أشوووف..
كسرني وإقلع عيوني..
قبل لا تمسها وتشقيها..
محمد برجاء\يومه تكفين انتي راعية الأصول والحق..
ولدك ماجابها الا عشان يفضحنا بين الناس..
ترضينها علينا..؟؟على ولدك وعياله ..؟؟
مانبيها يوومه الله الغني عنها مانبيها..

هديل تبكي بحسرة\ليه يا محمد...؟؟
وش انا كسرتكم فيه..؟؟صرت أنا فضيحة ولا أحدن يبيني..
ماترضون على حالكم في بنتكم..
ما قهرتكم مثل ماقهرتوني..
ولا نسيتكم مثل مانسيتوني..
صنتكم وربي يشهد علي..حفظتكم في ديني وقلبي..
لاتصير مع الزمن على أختك يا محمد..
لا تكسبون ذنبي بذنب جديد..

من أول ماسمع كلمت ليه يا محمد..
وهو مفتح عيونه على وسعها ويناظرها..
مصدووم ومفجوووع فيها..
كل كلامها صم أذانه عن كل كلام..
لا سمع بكى جدته ونحيبها..
ولا إهتم لكلام عبدالله وتهديدهـ..
ركز عيونه عليها تبكي وترتجف بقووة..
نزلت دموع من عينه..
وهمس لنفسه إنه أنجن ولا عاقبه رب العالمين وسكنوهـ..

ناظر جدته ومد يده\هـ......هــديــــــل..
ششو.....في ههديل هنـــ.....ـا..
الجدة\إيوه هديل هنا..
يا أمك لا تقسون على لحمكم..
شوفتكم وعرضكم لا تظلمونها..
محمد يشهق\هديـــل..!
همست بعتب\لبيــــه..

طاح على ركبه وجدته تمسكه تبي تسنده..
الجدة\محمد ياولدي..جعلني فداك لا تقهرنا..
محمد بشقى\هديل حية يووومه..
انا جنيت ولا مت ولا ربي رحمنا..
ركضت له وجلست على الارض جنبه..
مدت يدينها بخوف لا يصد عنها..
هديل بنحيب\ربي رحمنا يا محمد..
والله انا حية مامت..
شفني..شف الشقاء فيني..
شف هذا انت في عيوني..

مسك يدينها بقوووة وسحبها له..
ضمها وهو يرتجف ويصرخ..
محمد بصراخ\اللهم لك الحمد ولك الشكر..
يارب إنه حلم لا تصحيني..
وإن صدق لا تاخذ عقلي..
أنتي حية يا روح محمد...؟؟
أنتي هديل يا هديل..؟؟
هديل تبكي وتضمه\والله هديل..
صدق يا محمد..ما أنت تحلم ولا انت مجنون..
أنا حية ورجعت لكم يا أخوووي..
رجعت لا تضيعوني تكفووون..

محمد بشووق\هلا بك وهلا بشوفك ونبضك..
وين كنتي..؟؟وش اللي صار عليك؟؟
عزيناك وبكيناك..ترحمنا عليك..
وينك يا هديل ويييينك؟؟
هديل\ماخنتكم..ولا رحت طالبة الدنيا..
محمد بغبنة\واثق فيك ولو رجعتي بعد عشر سنين..
بس علميني ليه رحتي عنا؟؟
هديل بآسى\رحت أدور لراحتكم وسعادتكم..
محمد بعتب مرير\بموووتك..؟؟
تسعدينا بمووتك؟؟
هديل بفرح\يا محمــــــــــد انا رجعـــــت..
إفرحوا فيني..ابى أفرح..

بعدها عنه وقف ووقفها..
وعبدالله وقف جدته ..
ناظرها بابتسامة\والله إنك حية..
هديل براحة تبتسم\إي والله..
محمد\وأرحبي يا الغالية..

جلس وهو موثقها جنبه ويناظر فيها..
محمد\حليانة يا بنت أمك..
هديل تبتتسم\يافدييييت الطاري..
ليه ماجبتها معك..؟؟
محمد بفشلة\جعلني فداك يا هديل لا تزعلين علي..
ترى ماقصدتك بكلامي..ومستحيل أقوله عليك..
عبدالله\لا تنسى تعتذر لي تراك أخطيت علينا..
محمد بقهر\البلا من ابوك..
قال تراني تزوجت ايطالية وحطيتها في الفندق..
باروح اطلق حنان وأرجع اخذها لبيتي..
هاوشته وكنت باتضارب معه..بس ربكم ستر..
سالته عن اسم الفندق..
وجيت حالف ان ارجعها من حيث جات..ولا تعيش معه بعد ام عبدالله..
اجل يبدل الثريا بالثرى..
عبدالله\يا جعلك سالم يا عمي الدووب..
اثرك فازع لامي..؟؟
الجدة تضحك\كل الهوشة بسبت عليان..
عنبوا ابليسه لا يجون هلك ويذبحونا كلنا..
محمد يقبل هديل على جبينها\بنتنا ولاحد له عندنا شيء..
هديل برضا\دامكم جنبي فما اخاف الدنيا ومكرها..
محمد بحب\والله إن ترحبيــــــن ...
هديل\ههههههههههههه والله أحبك..
محمد\يازين الحكى من الدلووعين..
عبدالله\ولدك يبكي...

فتح عيونه وناظرها بقووة..
محمد\ولدك..؟؟
الجدة\رووحي يومه لولدك وانا افهمه..
وقفت وراحت تجيب ذياب..
رجعت لهم ومدته لمحمد..
خذاهـ منها وسلم عليه بهدوء..
الكل لاحظ كيف تغير حاله وصد عنهم..

همست لحالها..
إنجرحي..هذا قيمة رجوعك..
إنجرحي وإكتــــــــــــمي..

هديل تمسك ذراعه\حلال يا محمد..
أنا متزوجة يا أخوي..
لف لها\مــــــــــن..؟؟
هديل برجفة\غـ..........ـــازي..
محمد بتفكير\منهو ذا..؟؟ما نعرفه؟؟
هديل بغصة\من الجالي..أخو سعود اللي قتله هادي..

نزلت راسها بسرعة..
ماتبى تشوف نظراته المكسورة..
غمضت عيونها وهي تسمع شهقات جدتها المصدومة باسمه..
بانت لهم السالفة..
وعرفوا اللي صار من دون ما يسالون..
السنة اللي ماتت فيها..
رجع فيها هادي..
تزوجها عشان يحرر رقبت هادي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

رفع راسه بصدمة من سؤاله له...
وش اللي يخليه يذكرها ويسأل عنها..
وهو ولا مرة سواها..
هادي بإستفهام\مافهمت قصدك..
سلمان يكتم غيضه\سألتك عن هديل..
وين دفنوها..؟؟وكيف ماتت..؟؟
هادي بعتب\طيب قل الله يرحمها..
سلمان بقهر\جاوبني على سؤالي..
هادي\ماتت في حادث سيارة..
ودفنوها بقرية بعيدة بآخر الرياض..
سلمان بجمود\وليه يدفنونها بعيد عنا..؟؟
ماعندنا مقابر؟؟أو مانصلي على الميت؟؟
هادي بضيق\أنت جايبني هنا عشان تستفسر عن موت هديل..؟؟
سلمان\ايه..استفسر ابى اعرف كل شيء..
هادي\أمرها مايخصك..ماتت من سنين والله يرحمها..
سلمان بغضب\الله لا يرحم فيها عظم ..
هادي مفجوع\...............................
سلمان بصراخ\إيه الله لا يبارك فيها ولا في ذكرها..
خسيسة و........و.................
أختك ماماتت يوم قالوا ماتت..
أختك هاربة من الديرة..رايحة تدشر وتصيع..
ناسية من هي بنته وش يكون اصلها..
أوهمتنا بموتها عسى الموت يلفاها وشردت..
بس وين بتروح مني..والله لأوريها قدرها الحقيــــرة...

ضربه كل قوته..ورماه على الأرض..
وكمل ضرب وسب وشتم فيه..
ورغم ان سلمان اكبر واضخم من هادي..
بس ماقدر يصد ضرباته القاسية..
هادي بقهر\ما الحقير الا أنا وأنت..
يالخسيس ماخليت عليها كلمة الا وقلتها..
تبي تدري هي وين راحت تدشر..
وين راحت تصيع وتوطي راسنا..راحت لغازي بن جالي..
راحت له بدل عني وعنك..خذاها وتنازل عن رقابنا..
تزوجها وحلف مايرجعها ولا نعرفها..
قهر ابوي وامي وقهرنا كلنا..والله اعلم وش سوا فيها..؟؟
تبى تنتقم لأصلك وعرضك..روح لمقابر إيطاليا..
رح وتلقاها تنتظر من يزورها ويذكرها..

وقف وصار يدور في مكانه ويحكي لسلمان كل شيء عرفه عنها..
كيف عرف انها حية..
وراح يدور عليها مع غازي بس مالقاها..
قاله انها ماتت بالفندق وماقدر يطلعها..
كان يتكلم والغصة تخنقه ويضيق صدرهـ...

هادي بزعل\والحين عرفت ليه انا وانت حيين..
عرفت ليه عفوا عنا ورجعونا..حتى الحق العام طيحوهـ..
رب كلمه قالت لصاحبها دعني..
لاتذكرها لا في خير ولا في شر..
ولا تكلمني ولا تعرفني من اليوم إلين نقابلها قدام ربي ونتحاسب..

ركب سيارته ومشى بسرعة..
وسلمان لازال جالس على الارض...
ويفكر بكل كلام هادي...
خذاها بذنب مالها فيه..
ولا حن ذبحنا أخوهـ...
لو قصنا نكون مظلومين وعند ربي برائتنا..
بس خذاها وصرنا ظالمين وعند ربي جزانا..

بس هي حيــــــــــــة...
ياهادي إرجع تراها حية..
علي راح يجيبها..
يكذب عليك الخسيسة أختك ما ماتت..
هديل حية يا هادي حيييية...

أبتسم ودمعته محبوسة في عينه..
يافرحتك برجوعها يا هادي..
قرة عينك بشوفها..

وقف بسرعة وحرك سيارته لبيت هله..
اتصل براكان وطلبه يرجعون الرياض الليلة..
عند راكان وقال مايقدرون..
بس سلمان حلف عليه يرجعون ولو على الفجر..
خاف راكان من عناد اخوهـ وقاله بيمشون بعد المغرب..
ويتوعد فيه اذا ماوراه سالفة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

دخل عبدالله البيت ومعه محمد..
كانت أمهم وغادة في الصالة..
جلس عبدالله عند جدته وشال هديل من حضنها..
عبدالله\هاتي أختي..وغدة حبيبتي..تعالي أبيك شوي..
غادة بسخرية\انت يا نص نصيص..ماتتعلم ماتتربى..
يعني ركووني يكفخك ويعلمك الحكي صح ولا تتعلم..
قلي وش نسوي فيك عشان تفهم ..؟؟
عبدالله يوقف\عمتي تكفين تعالي أبيك شوي..

وقفت معه وهي تفكر بجدية..
ماهو من عوايده يقول عمتي..
مشت معه لغرفتها دخلوا ونزل هديل في حضنها..
غادة تبوس هديل\وش فيك عبوود..؟؟صاير معك شيء متهاوش مع أحد..؟؟
عبدالله ودموعه بعيونه\تشبه عمتي هديل...
غادة تناظره بهدوء\الله يرحمها..لا ماتشبها..
عبدالله بغصة\هديل كيف ماتت..؟؟
انا ماني مصدق إنها ماتت..
غادة مفجوعة\عبدالله وش ذا الكلام..
هديل ماتت الله يرحمها..والموت حق..لاتتكلم كذا وتفكر بشيء غلط..
عبدالله بتصميم\طيب ليه ما دفنوها عندنا..؟؟
ليه جدي دفنها هناك بسرعة وماخلا احد يشوفها..
غادة\لأنه......... لانه ماقدر يرجع بسرعة...
ككـــ........ كـانت القرية بعيدة......وماعندهم اسعاف ينقل جثتها...
ووو...............وهي ماتت والأرض كلها لربي...
عبدالله\ليه ترتجفين..؟؟
غادة بقهر\انت ليه تفتح هذا الموضوع..؟؟
عبدالله\لأني أحس إنها حية وبترجع لنا قريب..
قلت لك ماني مقتنع إنها ميته..ما اصدق لحتى أشوفها بعيوني...
غادة تبكي\عبدالله جعلني فداك لا تقول كذا..
هديل ماتت يا قلبي..لا توهم نفسك بشيء مستحيل..
عبدالله\تحسبيني مجنون..
ابيك تفكرين مثلي..إن هديل يمكن تكون حية وبترجع لنا..
غادة بعصبية تمسح دموعها\تبيني اشاركك وهم وجنون..؟؟
لا ..اسمع ياعبيد إذا ما شلت هذي الأفكار من بالك قلت لأبوك يتصرف معك..
عبدالله يخفي ابتسامته\لا لا تقولين لأبوي..بيهاوشني..
خليه سر بيني وبينك..بس هذا ما يمنع إنك تفكرين برجوعها..
باروح لغرفتي..أبيك تشوفين وش مخبي من أبوي..
لا تروحين ولا تطلعين من غرفتك...
ولا تدرين ما اثق فيك بأقفل عليكم وارجع..
غادة\تعال يالملقوووف رجع المفتاح على الباب لا تقفل علي..

خرج بسرعة وقفل الباب وهو يقول لها إنه بيرجع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

فتح الباب ودخل بهدوء..
ناظر المكان الهادي ومافيه أحد..
توجه لــ الدرج وكان بيطلع بس سمع صوت بالصالة الجانبية..
رجع كم خطوة ودخل عليها...
كانت جالسة قدامها القرآن مفتوح..
تقرأ مع صوت الشيخ في الجهاز..

قرب منها بشووق لها..
أشتاق لها ولريحتها..
أشتاق لرضاها عليه..لــ نصايحها وهوشتها..
جلس على ركبه عندها..
رفعت راسها وهي تصدق وتقفل المصحف..
طفى الجهاز وهو يصدق معها..
دمعت عينها وهي تشوفه قدامها..
قطعته بعد تعذيبه لهديل وحرمانها من هلها..
غضبت عليه ومارضت تكلمه..
جرحها يوم رضى بزعلها..
يوم حرم نفسه منها ينتقم لهديل من حاله..

مدت يدينها له وهو وقف سحبها وضمها له بقووووة..
حس بجسمها يهتز وصوتها يعلى بعتاب..
قبلها على راسها وجبينها وهو يحضنها بشوووق وإعتذار..
أم غازي\مارحمت حالي ولا حنيت على أمك..
جرحتني بصدك..وانا قلبي يوجعني على حالك..
مابغيت منك حال ولا مال..
مابغيت الا اعرف وشهي أحوالك..
كنت ابى أتطمن عليك..وش صار فيك عقبها..
اتاريني طلعت منسية يا ولد بطني..
ناسي أمك وهاجرها..خاف الله فيني..
خاف الله في أمك يا غازي لا تعذبني أكثر تكفى..

نزل راسه قبل يدينها وكتوفها..
غازي بحب\قليل خاتمة..وقاسي جلموود..
ذنوبي كثرت يومه..وسكتي مسدوودة..
إن رجعت عذبتك معي واشقيتك..
وإن ظليت هناك عذبتك وأشقيتك..
حالي مثل العطشان بنص البحر..
الماء حوله من كل جهه ولا يقدر يشرب..
رحمني ربي يوم رجعها علي..
ابى اكفر ذنوبي يومه..وذنبي منك يوجعني..

حط يدها على قلبه\مل من القسوة والتعذيب..
أنجرح بأبووهـ..أنفجع في بنته..
تجبر على زوجته..تمرد على أمه..
أما يتعدل ويرضى بحكم ربه..
أو أقطعه من وريده وارميه..
قسى وتجبر وذاب بعيونها يومه..
ما طيحه الا عيونها وهمسها المخنوق..

ضمته وهي تبكي وتقبله على صدره ..
ام غازي بزعل\راضية عليك من زمان..
بس كنت مشتاقة اشوفك واتطمن عليك..
ربك بيصلح الحال يا غازي ..

ضمها له أكثر وراح تفكيرهـ لها..
لقيت امي يا هديل..
عساك لقيتي أمك..
حضنتيها..شكيتي لها..
بكيتي بحضنها ونمتي..
ولا حالك على خبري..
تاكلين أظافرك وزايغة بعيونك من الخوف..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛


جلست تنتظر محمد مشتاقة تخلص سالفتها عن هديل..
مع إنها أستغربت سؤاله لما قال لها سولفي عن هديل بشيء ما اعرفه..
ترحمت عليها وبدأت تسولف له عنها..
شوي تبتسم وبعدها تعقد حواجبها وتغمض عيونها لا تبكي..
وهو يبتسم وبعدها يضحك...
قال لها\يومه تومنين ان الله يحي العظام وهي رميم..
أم علي تستغفر\لا إله الا هو..ما امره الا كن فيكون..
محمد قبل راسها وقام\بأروح السيارة وارجع عندي لك مفاجئة يحبها قلبك..
أم علي\تعال أكمل سالفة هديل...
محمد يبتسم\لما رجعت ما بتكملينها..لاتروحين..

خرج لهم وأشر لعلي يدخلهم..
دخل علي وجدته وذياب بين يدين علي..
وقفت تناظرهم قربت بتسلم على علي..
بس وقفت وهي تشوف الولد في يدهـ..
ناظرت بإستغراب وهو يبتسم لها..
جلست الجدة وهي تحس برجفة في عظامها..
وبعد دقايق دخل محمد وابتسامته شاقة وجهه والفرح باين عليهم..

سكتت لانهم ساكتين..
تناظرهم لانهم يناظرونها..
عقدت حواجبها تنتظرهم يعلمونها ليه قلبها يخفق بقوووة..

أعـــــودُ إليـــــكِ يا أمّـي
أعـــــودُ لنبـــــــــعِ أحلامـي

لأغفـــــو بيـــــنَ عينيــكِ
وأغســـــل دربَ أيــامـــــي

وأغـــرفُ منْ ســنا الدمعِ
ضيــــاءَ مـــدادِ أقلامــــــي

فأنــــتِ قصيدتـــي الأولى
وأنـــتِ عبيـــــر إلهامــــي

وأنـــتِ أخـــي وأنــتِ أبي
وأخــــــــوالــي وأعمــامي..

سمعت همس مخنووق\يووومــــــــه...
لفت بسرعة لراعية الصوت..
وشافتها واقفة قدامها دموعها على وجها..
جسمها كله يرتجف..
شفايفها تتحرك بس مايطلع كلام...
شهقت ولوحت بيدها قدام عيونها..
وكأنها تشوف سراب تبيه يختفي قبل لا تصدق وجودهـ

صارت تردد\لا إله الا الله..لا إله الا الله..
هديل بحسرة\يووووووووووومــــــه...
كان ردها شهقات ودموع وتمد يدينها لها..
ركضت لها وضمتها بقوووووة وهي تصرخ وتبكي..
أم علي\آآآآآآآآآآآآآآآآآآآآآآآآآآهـ بنتـــــــــــــــي ..بنتييي رجعت..
يوووومه بنتي جاااات...هدييييييييييييل يووومه هديييل..
آآآآآآآآآآآآهـ ياقلبي قولوا إنه صدق...قولوا إنها رجعت تكفووون..
رفعتها عنها وقبلتها على جبينها وخدودها وعيونها..
نزلت لرقبتها وكتوفها وهي تقبل بسرعة وترجع تضمها...
هديل بنحيب\رجعت يووومه...رجعت يا روحي..
يادوا جروحي ياجبرة كسوووري..
يوووومه أشتقت لريحتك..أشتقت لحضنك وأنفاسك..
يوووومه أنا رجعت..ربي رحمني ورجعني..
يووومه ضمينييييييييييييي..ضميني بقوووة..

خانتها أرجولها جلست على الأرض وهديل بحضنها..
ضمتها لها اكثر..
ام علي بإنهيار\ياربــــــــــــــــي..إلطف بحااالي..
هديل يومه أنتي جيتي..؟؟أنتي حية يوومه..؟؟
سمعتك تناديني يا قلب أمك..وصلني شوقك..
ياربي ما اكرمك..ياربي ما ارحمك..

ضمت نفسها لامها أكثر ولمت نفسها بحضنها..
هديل برجاء مخنووق\يووومه تكفين دخليني جواتك..
يووومه خبيني ابى اظل داخلك..لا تبعديني عنك تكفييين..
ما ابي احد..ابيك أنتي بس...تكفيني عن العالم كله..
ضمييييييييييني يووومه شدي علي...
مشتاقة اضمك واسولف لك..مشتاقة ابكي على صدرك..
مشتاقة لهواشك لي ونصحك..يوووووومه بأمووووت من لهفتي عليك يومه..
لا شفت خير ولا عشت براحة..كل ما أبتسمت تذكرتك وصديت عن كل مايفرحني بغيابك..
يومه لا عرفت أكمل حياتي ولا أقطع الرجاء فيكم..
أناديك كل يوم وكل ليلة..أترجاك ماتنسيني ولا تغفلين عني..
يووومه لا يكون نسيتيني..؟؟لا يكون حطيتي غيري في مكاني..؟؟

شدت شعرها ورفعت راسها لها..
ام علي\ياجرحن في قلبي يا هديل..
يا فجيعتي يوم مووتك..كبرتني وشيبت ركبي..
طاح الجمل من سكين وحدة وهي موووتك..
وينك فيه يومه..؟؟وين الغيبة؟؟
وش اللي اجبرك تنسين امك وتسلييين عني..؟؟
ليه مارديتي يوم أناديك..ليه ماحنيتي علي ورجعتي بيوم موتك..؟؟

هديل تقبلها على يدينها وتنزل تقبل ركبها وارجولها..
مسك راس أمها ودفنته في صدرها وهي تشهق..
هديل بألم\إسمعيه...اسمعي قلبي المشتاق لك..
اسمعي ونينه وحسرته عليك وعلى حالي..
ارحمي همسه باسمك..نبضاته كلها لك أنتي..
يوووومه ربي رحمني ورجعني...
كنت باموووت وأنا أنتظر شوفك..
عمت عيني عن كل شيء وما جزعني الا خوفي ما اشوفك مرة ثانية..
رجيت الظلام يعتقني يوم القاك ويرجع بعدها بثواني..
يووومه صبرت وما حسبت ان فيني صبر..
قلبي مايبيني يبيك أنتي..يوووومه خبيني جواااتك تكفيييين..

وصل لهم وهو يحبي ودخل بينهم ولم يدينه حوالين هديل..
هديل تضمه بحضن أمها..
وتهمس لها برجاء\يووومه ولدي..
هذا ولدي كان أمي بغيابي عنك..كان ابوي بغربتي..
يوومه ضميه معي..ضمينا حن يتامى بدووونك ...

أم علي تضمه بينها وبين هديل..
وتقبله على وجهه ورقبته ويدينه..
أم علي\ياربييييييييي زدني فرح..
زدني سروووور..زدني من نعيمك ورحمتك..
يارب ماخاب من رجاك ودعاك..
ماخاب من سألك ترجع الميت حي..

بعدت راس ولدها ماتبيه يشاركها بامها..
تبيهم ياخذوونه ويبعدون عنهم..
أمي لي لحالي..أتركوني أروي ظماي بحضنها..
خلوووني مع أمـــــــــــــــــــــي ...




الى الملتقى بإذن الله تعالى فجر السبت ...


كونـوا بخيـــــــــــــــــر ..


صدووود’’’

السلام عليكم و رحمة الله و بركاته

صباح الخير و الرضا من الرحمن

أول شيء تسلم ايدينج على هالبارت اللي كله مشاعر

و ثاني شيء ألف شكر على الإهداء وصل يا قلبي توها امي قاعدة تصلي

و تجهز عشان تروح ادوام و وريتها الإهداء و أمي تقولج ...

" الله يحفظج و يخليج لعين ترجيج و يخلي لج أميراتج و يبلغج فيهم يارب "

==================
(( هديل ))

و الله شفت عليها تموت من شفتها لشوفة امها .. اللقاء فاق التوقعات و اللقى

بعد غياب يستنزف كل المشاعر و شلون بحالتهم اللي اللقى كان بعد موت و عذاب

و حلة حيلة عنجد ابدعتي صدوووي .. و الله يستر من لقاها بهادي و أبوها اللي

اتوقع اللوم بيذبحه بعد ما يعرف اللي صارلها كله ...

=================
(( غازي ))

حكايته حكايه مع مسفر الحقد اللي بينهم طويل مو بس من سالفه هديل في

شيء أكبر .. و اتوقع هالشيء له علاقه بموت بنته رسل .. سين سؤال من

هي زوجه غازي الاولى هل ممكن تكون قريبه من مسفر و هذا سبب الحقد

و اتوقع زواجه منها هو اللي جرحهمن ابوه ...

=====================

سلمتي صدووودي

..
..
..