تسلم يدينك على البارت
انا شكيت شوي ان رولا هي اللي توصل اخبارها بس بعدين شلت الفكرة لما شفت علاقتها بالريم ..
الله يعطيك العافية
متى البارت الجاي بينزل؟؟

انا ابي اعرف من متى هالحب الخطير اللي فجأه حبّــت عيّـــاد ,,

يعني احس حبها مبااااااالغ فيه ,,
والصندق هذا اكيد اذا صفت الاجواء أو اقل شي صارت طبيعيه بينها وبين سيف بيشوفه


سيف لايكون فيه مرض خطير وتذبحيه مانبي نهايات مأساويه ورانا اختبارات P:



الله يعطيك العافيه

الفصلْ الثآمن والعشـرون .... ¤ { عزفٌ عتيقْ 2 – 4 .. ~
.
.
ما أصعبَ اليومَ الذي
يأتي بلحنٍ
لا يعود!.
.
.
ما أحقـِـر الدُنّيـآ و مآ أغبى الحيآة
قالحبُّ في الدنيآ كأثوآب العرآة
قإذا صعدتمْ للسمآء ..
ستـَرون أن العُمـر وقتٌ ضآئعٌ وسطّ الضبآبْ ..
ستـَرون أن النّآس صآرتْ كالذئآبْ
ستـَرون أن النآسْ ضآعتْ في متآهاتْ الخدآع ..
ستـرون الأرضَ تمشي للضيآعْ
ستـَرونَ أشبآح الضمآئر
في الفضآءِ .. تمزقتْ
ستـَرون آلام الضحآيا
في السكـون ِ .. ترآكمتْ
وإذا صعدتمْ للسمآء ..
ستـَرونَ كُل الكـونْ في مرآتنآ
ستـِرونَ وجـه الأرضِ في أحزآننآ .....
حَلقتْ هذي الكلمآتْ في رآسي .. بدأتْ تترددْ لثوآنيْ طويلـة وأنا أتأمل عميـه نآصر لي يده تشد على الكرسيْ .. و عيونـه تتطآلعنيه باستغرابْ ودهشة مفضوحـة .. كنتْ أرتعشْ ودموعـي تنزلْ بقوة .. يلستْ بانهيار على الكرسيْ ضميتْ كفوفي على ويهي حتى أمنعه من انه يشوفْ الدمع لي نضح من عيني .. كرهتْ دموعي .. كرهتْ آلامي وجروحي لي عيتْ تنبري .. كرهتْ حيآتي بينهم .. كرهتْ اليومْ لي طاوعتْ به خاليه وييتهم .. حتى بدأ صندوقْ من الأسرار .. ينثر أوراقْ صفرآ مدفونة بعمر السنين لي اجرحتني .. وآلمتني .... كنتْ يايـه على أمل أكشفْ كل الأوراقْ .. لكن ْ بمجرد مقابلتي له انربطْ لسآني وتلاشتْ افكاري وما بقى غير الدمعْ مع رعشة أطرافي .. صعبْ أمر صعبْ وأكبر من طاقتي وقوة تحملي .. الدكتُـور سعيدْ أطلقْ شرارةْ خلتْ الأمل يظهر بقلبي .. لكنْ الخوفْ من انكار عميه للحقيقة آلمني .. ومنعني من انيه أنطقْ بحرف .. كانْ بودي أصرخْ يا عميه كيفْ مآ أكونْ بنتْ محمد لي عطانيه حبه وحنانه ولا رضى انيه أنام بيوم غير والبسمة على شفاتي ... كيفْ ممكنْ أكونْ بنت غيره ..؟؟ كيفْ تنكر هالشيْ و هو ما أنكره بيوم ...............؟!! كيفْ يا عميه وليشْ ..!!!
عميه ناصر : شو عندج .؟!
شو عنديه يا عميه .. عنديه آلام أثقلتْ هالقلبْ واقتلتْ كل معنى للفرح .. عنديه خزآناتْ دموعْ ما بعد اسكبْ دموعها .. عنديه هم قد البحر وعمقه ..
قلتْ وأنا أمسح دموعي بظهر يدي : لمتى بتنكر انيه بنتْ محمد ..؟!
نزلْ راسه للأوراق لي كانتْ بينْ يده واكتفى بالصمتْ
قال من ورانا بغيضْ: أبعدت اخت عن أخوها.. و حرقتْ قلبْ غادة وخليتها تعآني بالمصحة لسنين .. قتلتْ فرحتها بضناها .. وبعد ياي الحينه تبا تطعنْ بشرفها .. وتنكر أبوة أخوك للريمْ ..
عميه ناصر رفعْ راسه يناظره وقال : ما أنكرتْ شي ولا طعنتْ بشرفْ حد .. الكل فسر الموضوع ع كيفه ..!!
خاليه بزعيجْ : منو اللي فسر ..؟؟ حتى بعد موتْ ولدكْ قلبكْ هذا ما لانْ .. [ كمل وهو يأشر بيدهْ صوبي ] ارحم قلبْ هالمسكينةْ لي دمعتها ما اسكتتْ .. و نفسيتها تعبتْ من مجرد التفكير بأنها تكونْ مجهولة النسبْ
عميه ناصر : يوم انك عارف انها بنتْ محمد شعنه ما خبرتها وفكيتنا من دموعها .. ودعاويها .. !!
خاليه وهو يتجدم عنده : انت ما تحسْ ما تفكر .. احمد ربك انها مسوية لك اعتبار .. وعادة كلمتك انت الصحْ ولا يمكنْ لكلمة ثانية تكسرها أو تنكرها ... حتى أنا خالها لي دوم تصدقه ما حطتْ لكلاميه اعتبار بوجودكْ ... تقول لي يقول عميه هو الصح ... وانت شو سويتْ عيشتها بنار الجذبْ والخداعْ بورقة مالها أصل من الصحة ولا الوجود .....
عميه ناصر : انا كنتْ أدور مصلحتها .. [ صد يطالعنيه ] أنا بعمريه ما أنكرتْ نسبج ولا قلتْ هالرمسه لجْ كانتْ بينْ الكبارْ .. والصمتْ هو كانْ سيدنا بعد رحيلجْ ... انتي لي سعيتي ورا الدمْ ... بفضولجْ
قلتْ بينْ دموعي بزعيجْ : ولو ان كنتْ ما تبانيه قولها وفرني عند خاليه ما كنتْ ملزوم بتربيتي .. لكنْ انكْ تطعنْ بشرفْ أميه وتنكر نسبي ياهي كبيرة يا عميه .. كبيرة ولا يمكنْ انيه أسامحكْ بيوم .. حسبي الله عليكْ .. الله يذوقكْ من كاس الألم لي ذوقتني ياهْ ...
منصور : رييييييييييييم ... هب زينْ عليج يا ريم
صديتْ أطالع منصور لي واقفْ عند باب ْ المكتبْ المبطلْ وأحشادْ كبيرة خلفه تناظر وتسمعْ ...
قلتْ وأنا أأشر على عميه : وهو زينْ عليه يبعدنيه متى ما يبا ويردنيه متى ما يبا ويفرض عليه حياتي .. لا هو لي هبْ زينْ عليه ... كرهنيه الدنيا وما فيها ... قتل ثقتي بكل من حولي .. أبعدنيه عن أحبابي وأخويه .. وأميه وأبويه ... وحتى أحمممد ماتْ بسببه ... [ قلتْ أرمسْ عميه ] دمْ أحمد برقبتكْ يا عميه .. وحتى خالوه عاشة ان ما صحتْ بتكونْ انت السبب بغيابها .... احترقْ يا عميه وذوقْ لي ذقته يمكنْ وقتها تحسْ بالعذآبْ لي تعذبته وبالألم .. حسبي الله عليكْ الله لا يسامحكْ الله لا يسامحكْ ...
لامستْ يديني خدي لي التهبْ من الكفْ لي الزقتْ فيه لثوآنيْ قصيرةْ ... رفعتْ نظريه له وأنا أبتسمْ بسخرية .. حتى انته يا خاليه .. صرتْ ضديْ والرمسة لي أقولها ما تعييبكْ .. شليتْ جنطتيه وطلعتْ هاربة من الكل .. وأنا أكتمْ كل دمعاتي .. وأحبسها في محجر عيوني .. مشيتْ بسرعة وكأنْ الموجْ يجذبني ناحيته لعالمْ ملئ بالظلامْ . لعالم ْ أسود من اسودادهم .. وأحقر من حقارتهم .. ربعتْ طالعة من مملكتهم ... ربعتْ وأنا أحاول أغصبْ نفسيه على الابتسامْ والنسيان .. مشيتْ وأنا أحاول أتقبل حياتي اليديدة وأنسى الماضي وغدر كل من فيه لي وطعناتهم بالظهر .. انسي يا ريم لمتى بتمينْ تنبشينْ ورا الماضيْ لي ضعتي بأسبابه ...
حدرتْ مملكة الغرآبْ ... وأنا أخذْ أنفاسْ طويلة متلاحقةْ .. عقيتْ الجنطة على أقربْ كنبة .. وأنا أهد شيلتيه و عباتيه .. وأمشي للغرفة بهدوء .. أول ما بطلتْ البابْ تفاجئتْ بيدهْ لي اسحبتني بقوةْ ..
سيفْ بزعيجْ وهو عاقدْ حواجبه : وينْ كنتي للحينه ..؟؟
قلتْ وأنا أطالعه ببرود : ففلة عميه ناصر
سيف وهو يرص من مسكته لذراعي : وقبلها ...!!! [ خذ نفسْ ] لا تقولينْ بالدختر لأنج ظهرتي مبجر وينْ سرتي ..؟!!
قلتْ ببرود : واللي خبرك انيه ظهرت مبجر ما خبركْ وينْ سرتْ ..؟!!
سيف : لا تردينْ ع سؤالي بسؤال .؟!
سحبتْ يدي من يدينه لي ارختْ قبضتها عطيته ظهريه وقلت : سير للي وصلك الرمسة خله يخبركْ أنا ما عنديه كلام أقوله
سيف وهو يسحبنيه من شعريه بقوة أجبرتني على اطلاقْ صرخه عاليه : يوم برمسجْ تسمعيني وتجاوبيني فاهمة و ما تعطينيه ظهرج ..!!
قلتْ وأنا أمسكْ يده لي تشد على شعريه : سيف لي شفته وسمعته اليوم يكفيني لا تزودها عليه برمستك الفاضية
اكتفى بأنه يدفرنيه على اليدار ويمسكْ رقبتيه بقوة ... كانت نظراته هب طبيعيه .. حسيتْ بالخوفْ ييبسْ عظامي .. بطلتْ عيوني من الخوفْ وأنا أحسْ بقبضته على رقبتي .. حاولتْ أنطقْ لكنيهْ خفتْ ان أي حرفْ يظهر منيه ما يكونْ لصالحيه .. ارتجفتْ شفايفي بخوفْ .. حتى الدمعْ عيا ينزلْ والتصقْ بالجفونْ .. حاولتْ آخذْ أنفاسيْ لكنيه ما قدرتْ
نطقْ بهمسْ : وينْ كنتي .؟!!
رفعتْ يدي ولامستْ يدينه بأطرافْ أصابعي لكن ْ الخوفْ أرخاهم وأجبرهم ع السقوطْ بهدوءْ .. والنفسْ بدأ ينقطعْ .. و جفوني بدتْ ترتخي .. مع بروده لي يزيدْ مع حالي لي بدأ يسوء بشويشْ ..
هدنيه بعد ثوآني حسبتها ساعاتْ أهلكتْ كل ذرآتي رفعْ يده ولامسْ خدي محل الكفْ لي حصلته من خاليه اليومْ مرر أصابعه وهو يعقدْ حوايبه بقوة .. زفر بقوة ... ورمآني ع السرير وهو يقول من بينْ أسنانه : أريد تقرير مفصل للي صار اليوم .. وشو سالفة العلامة لي ع خدج ..؟؟!!
اعتدلتْ يالسة ع طرفْ السرير وأنا أمرر يدي على رقبتيه لي بدتْ تآلمني ...
نطقتْ بهدوء : سرتْ عند خالوه عاشة .. وبعدها سرتْ فندق الـ ... [ قلتْ قبل لا يطلعْ منه أي تعبير ] دكتور سعيد اتصل فيه كنت ناسية عنده ورقة تخص أميه وردها حقي .. وبعدها رديتْ البيتْ
قال وهو يمسحْ ويهه ويتجدمْ منيه : هب أنا مخبرنج تسيرينْ الدختر وتردينْ البيتْ بعدها ..
هزيتْ راسيْ وأنا أنزله ...
كمل و أنا أحس بيده تمسكْ يدي ويبدأ يضغط على أصابعي بقوة : هب أنا قايلج ما تقابلينْ أي ريال غريبْ بأي مكانْ [ هزيتْ راسي وأنا أكتمْ الوجع لي حسيته وهو يرفعْ سبابتي باتجاها المعاكسْ حتى حسيتْ به بيتكسر ] هب أنا مخبرتج تسمعينْ رمستيه ولا بتشوفين شي ما يسرج ..!!
قلتْ بعد ما أصدرتْ آه قصيرة وأنا أمسكْ يدينه بيده الثانيه أمنعه من انه يكسر صبعي : سيف دخيلكْ هدني يآلمني
هد سبابتي ومسك البنصر وكرر نفسْ الحركة : والعلامة لي ع ويهج شو سببها
قلتْ بصرخه من الوجعْ : سييييف هد يدي وبخبركْ دخيلك
زاد من قوة الضغط وهو يقول من بينْ أسنانه : ارمسي
قلتْ بألم : خاليييه
هد يدي تأملنيه لثوآني .. وبعدها أطلقْ ضحكة عاليه .. يلستْ أضغط على أصابعي أسكنْ ألمهم ... لكنْ ألمهم راح مع ضحكاته .. فرحانْ يا سيفْ لأن خاليه ضربنيه .. انت تقتلني يا سيفْ تقتلني كل يوم .. قلبي ماتْ على ترابكْ ... و كلها أيام ويتحلل .. والسبب سَمكْ ...
،،،،،،،،،،،،،،،،،،،،،،،،
حدرتْ عندها وأنا أتألمْ من الداخل لانطواءها وعزلتها و ملامح الحزنْ لي اذبلتها .. أوتارها لي كانتْ تعزفْ موسيقا الفرحْ .. انقطعتْ وصارتْ قديمة ما منها فايد .. ابتسمتْ بألم وأنا أشوف الألم مطوي بينْ ابتسامته الهادية ... قعدتْ على يمينها .. و يدي تلامسْ بطنها البارزْ ..
قلت ْ بهدوء : ما تعودت ْ أشوفج بهالحال ..؟!
قالتْ بغبنة : أفتقد أحمد .. أفتقد علي .. أبويه و أميه .. أفتقد الفرحْ لي كانْ مالينا
قلتْ بنفسْ هدوئي : وهذا اللي ببطنج يستاهل ما تاكلينْ ولا تنامين ولا تهتمينْ بصحتج ... أبد ما يستاهل هالعذابْ .. هذا قطعة منج يا سارة .. ان انولد معتل ولا ضعيفْ .. منو بينحط اللوم عليه هب انتي .. [ قلتْ أمنع ألدمعة من انها تتسلل من عيني ] ضناح يستاهل ينولد وأمه ضعيفة ولا لها حسْ بالدنيا ،، قاعد منطوية تندبْ حالها و حال أهلها .. وتنساه وتغرقه بالألم من هو صغير
قلتْ وهيه تمسحْ دمعة نزلتْ على خدها : ما يستاهل أدري انيه غلطانيه بس الحمل كبير يا ريم .. كل من حولي حياته مختبصة .. أبويه ما عاد الأولي .. أميه عايشة ولا هيه عايشة ،، سالم غابْ ولا عاد رجع .. نوفْ ملازمة الدختر مع منصور .. البيتْ الفرح منه غابْ .. حتى الأكل ما عدنا نتشارك به شرا قبل .. يدوه نفسيتها تعبتْ من بعد أحمد وسالم لي ما ندري وين أراضيه ولا حد داري عنها وخوفية أحدر أحصلها هيه بعد غابتْ ...
قلتْ وأنا أناظر الأرضْ : الله المستعانْ يا سارة تحملي وتصبري كلها أيام وترجع الأمور شراتْ قبل .. ماشي يبقى على حاله ..
هزتْ راسها : ان شاء الله ..
،،،،،،،،،،،،،،،،،،،،،،،،،،،،،،،،
مرو شهرينْ طوآل والألم ماليهم والحزنْ عنوآن كل العيونْ .. عميه ناصر بدأ صوته يردْ لكن الحزنْ ما غابْ من عينه بكل مرة ينطرا فيها أحمد بمجالسنا .. خاليه عاد لألمانيا يكمل علاجه من غير لا أرمسه أو أجاوبْ على اتصالاته ويياته لعنديه .. خالوه عاشة .. صحتْ مكسورة الجناحْ بعد شهر ونصفْ صحتْ وأطرافه ثابتة ما تتحركْ وحتى منطوقها غابْ ... ما غير عيونها لي تناظر الكل وتبكي .. سارة بدتْ ترد الشمل للعايلة .. وتحاولْ تسترد الفرحة لي غابتْ بابتسامتها العذبة .. وآلامْ قربْ الولادةْ ما فارقتها .. سيفْ كل ما قلتْ اخيرآ فهمتكْ يا سيفْ أرجعْ أحسْ بالغصة من أفعاله .. يدهْ بدتْ تنمدْ عليه بكل حينْ من هفوة أو بسمة لأيِ كانْ .. عقله بدأ يفسر نظراتْ حمدانْ لي بأن بينا علاقة مدسوسة الشك عمى بصيرته .. والضربْ صار خليله
أما أنا حدرتْ للحجرة بسرعة وأنا أتلفتْ يمينْ ويسار ... حدرتْ وأنا أرجفْ من الأفكار لي دارتْ براسيه من كلامْ سارة لي .. حسيتْ بالخنقة وأنا أبطل الكيسْ وأتأمل لي فيه .. مشيتْ ناحية غرفة الملابسْ بخطواتْ ثابته يوم تأكدت من خلو الحجرة من وجوده .. تراجعتْ بخطوآتي ودسيتْ الكيس ورايه وأنا أسمع صوته يايْ من غرفة الملابسْ
سيف : يا خالد لازم أحصله ............... تدري مقدر آخذ الدوا جيه لازم بوصفة ............... صارلي شهرينْ ويمكن أكثر ما خذته والأعراضْ بدتْ تظهر مرة ثانية كنت متأمل خير من كلامه لكن شكله الا برد شراتْ قبل أعاني ................ لا تبطي يا خالد ترانيه معتمد عليك ولا أشك انيه أرتكبْ جريمة هاليومين والسبة هيه ......... [ ضحك ضحكة قصيرة ] مالت عليك اجلبْ ويهك يالله ............... خلاص بنزلك الحينه اتريا ..
تراجعتْ ومشيتْ وقفتْ عند التسريحة وأنا أدسْ الكيسْ بالدرج ... ادعيتْ الدهشة وأنا أشوفه يطلع من غرفة الملابسْ ...
قلتْ وأنا أطالعه من الجامة : انته متى ييت ..؟؟!
قال ببرود وهو ياخذْ بوكه لي قريبْ يدي : من ساعة ييتْ أبدل
قلتْ بتسآؤل : طالع ..؟؟!!
قال بنفس البرود وهو يهدني ويمشي ناحية البابْ : ما بتأخر ..
هزيتْ راسي بهدوء .. وأنا أطالعه وهو يظهر ... مضتْ دقيقة .. حسيتها دهر وأنا أتأمل نفسيه بالمرآية .. وعيني مثبتة على جزء معينْ فيه .. رفعتْ يدي لبطني .. وأنا أحسْ بالغصة وكلامْ سارة يدور براسي
سارة :........ انتي ليش ما سرتي لموعدج عند الدكتورة يمكنْ يكونْ بسبب النزيفْ اللي صابج قبل وقفتْ هالشهور عنج ................. أو يمكنْ تكونين حامل
................. أو يمكنْ تكونين حامل
................. أو يمكنْ تكونين حامل
................. أو يمكنْ تكونين حامل
................. أو يمكنْ تكونين حامل
هزيتْ راسي وأنا أبطل الدرج .. لا لا مستحيل أكونْ حاول ... مشيتْ بسرعه للحمامْ وأنا أرجفْ وأدعي بداخليه ان الكلام لي قالته سارة قبل يكونْ السبب النزيف وماشي غيره ..
،،،،،،،،،،،،،،،،،،،،،،،،،،،،،
ضميتْ نفسي وأنا يالسة بالبانيو و دموعي تحدر من عيني .. والجهازْ بيدي .. لا لا يا ربيه الا الحمل مستحيل أكونْ حامل ....... عقيتْ الجهازْ ع الأرضْ وأنا أحط راسي بينْ ركبي .. لا ياربْ ما أقدر أتحمل سيفْ كيف بتحمل يكونْ عنديه ضنا منه ... وقفتْ وأنا أضربْ بيدي ضرباتْ قوية على بطني .. لازم يموتْ لازمْ .. ماريده يعيشْ .. مستحيل يعيشْ ... طلعتْ من الحمامْ وأنا مازلتْ أبجي .. ودموعي بدتْ تغرقنيه .. بديتْ أدور بينْ الرفوفْ على فوني ... وشهقاتي بدتْ تعلى .. شهقتْ شهقة عالية وأنا أمسكء الفونْ وأضغط ضغطاتْ أدور على رقمه هو من بيخفف عنيه آلامي .. رنْ رنْ رنْ ثلاثْ رناتْ وبعدها ياني صوته الغارقْ بتعبه ..
خاليه : أخيرآ اتصلتي .. شهرينْ وأنا أكلمج و لا تردينْ
كان نحيبي هو الردْ .. وصوتْ بكائي العالي لي أكيد زاد تعبه تعبْ
خاليه : ريم شو فيج ..؟؟
صمتْ
خاليه : ريمووه خبرينه شو مستوي .. سيفْ سوالج شي ..؟؟
هزيتْ راسي بلا وأنا ساكته .....
خاليه : الريم ارمسي لا تعورين قلبيه عليج وأنا بعيد ... يكفي اللي فيه
قلتْ بصوتْ مهزوز : أنا حااامل ..... وبكيتْ
لكنْ هو أطلقْ ضحكاتْ قصيرة بوسطْ سعاله لي اختلطْ بضحكاته ...
قال بعد شوي : وليشْ تصيحينْ ... ها خبر حلو ...
قلتْ وأنا أحاول أتمالكْ نفسي : كيفْ أييب طفل وأنا ما أداني الأطفال .. كيف أييب طفل من شخص ما حبه
خاليه بحده : الريم الموضوع ها تكلمنا فيه وايد .. وانتي اخترتي تستقرينْ مع سيفْ تحبينه أو لا هالشي بينكم .. ربجْ يمكنْ بعد هالولد يكونْ بداية يديدة بحياتكم
قلتْ وأنا أمشْ دموعي : بس أنا ما اداني اليهال .. و لا أعرف لهم .؟!!
ضحكْ ضحكة قصيرة : هذا الطفل بيكونْ ضناج قطعة منج .. مستحيل تكرهينه .. من تشوفينه بين أحضانج بتحبينْ الحياة و بتعرفينْ معنى الفرح ...
هزيتْ راسيه : لا لا لا لازم أنزله [ رديتْ أصييح ] أنا بنزله مستحيل أخليه
خاليه بحدة : هالأيام صايرة رمستج ما تنطاقْ .. ريموه وين عقلج .. شو صارلج .. انتي واعية للي تقولينه
مسكتْ بطني وأنا أصيحْ : حرام يعيشْ ونحن الاثنينْ نكون أمه وأبوه .. أخافْ أقسى عليه .. و أبوه يآذيه


يتبع الفصل التاسع والعشرون الاحد ان شاءالله