كاتب الموضوع :
بنت المطــر
المنتدى :
ركن المطبخ
اقتباس :-
المشاركة الأصلية كتبت بواسطة ام رنا  |
مضيفتنا الكريمه بتجاوبنا على هالاسئله
مرحبا ملايين ولا يسدن ف ذمتيه.. وان زادن فلا باس.. اقربن اقربن فديتكن<<فيس عيووووز خخخخخ
1-متى اول مره طبختي ؟
اول طبخه.. امممممممممم.. سادس
2-اول طبخه طبختيها ؟
شو اول طبخه.. هاي يبي لها يلسه<< فيس متربع.. احيد ع صف سادس.. قلت بسوي كيكه.. زين.. وطبعا كيكه قراوله<<فيس حركات البنات.. جي ما انصدم صدمه حياتيه.. وطلعت سووووووووووده<<فيس مفجووع.. ومن يومها تعقدت من السويت كله<<فيس متعقد خخخخخخخخخخخخ
3-اول طبخه نجحتي فيها وممن تعلمتيها ؟
اول طبخه.. اول طبخه<< فيس يعصر مخه.. المجبوس.. ويدتيه الله يرحمها علمتنيه
4-كتاب طبخ دائما ترجعين له ؟
كتاب<<فيس الاستنكار.. جوفي احيد مرة ف يوم من الايام<<فيس القصص خخخخ.. ابويه الله يهديه عقب سالفه الكيكه اللي احترقت يتحرانيه احب المطبخ<<فيس الاستنكار.. وياب لي كتاب طبخ.. وفديته<<فيس يبوس ابوووه.. طلع يتريا حليله اسوي لهم شي منه.. بس انصدم صدمه حياته يوم جافنيه قطعت صووور الاكلات.. وسويت فيهم حفله لعاريسي<<فيس مبتسم ببراءة
5- متى تجهزين الغدا ومكوناته من الليل او في وقت الطبخ؟
الغدا.. امايه فديتها تطبخ لنا<<فيس يبوس امه.. ويوم اطبخ.. ازهب كل شي ف وقته.. ما فينيه اعقد عمريه وازهب من اليوم اللي قبله<<فيس الراحه خخخخخخخخخخ
6 –هل تستمتعين بالطبخ وتحبينه والا تحسينه واجب ثقيل ؟
على حسب الموووووود<< فيس مزاجي خخخخخ
7-تحرصين على تزيين اطباقك والا بالبركه ؟
يس.. عسب اصووورها<<فيس يحب الصوور اكثر من الاكل.. احس انيه اشبع بس اجوف الصور<<فيس مبتسم
8طبخه تتقنينها وكل ما عملتيها لازم اللي ذاقها يسألك عطيني المقادير وطبعها تحطين لنا الطبخه بمقاديرها
امممممممممممم.. البشاميل.. البيتزا.. الكب كيك.. المقادير.. لازم يعني<<فيسي الهيز
9_اداه في المطبخ لا تستغنين عنها ؟ واذا كان بالامكان صوره لو من النت ؟
اداة فالمطبخ غير الكيمرة<<فيس كيمرته ف مكان خخخخخخخخخخخخ.. كل شي يلا اممممممم.. الخلاط
10- شيف او طباخ تحبين تشوفينه يطبخ ؟
شيف.. ما اتابع التلفزيون.. النت ما يقصر<<فيس التطووور خخخخخخ
واخيرا تخيلي اننا موجودين عندك ومدي لنا سفره من صنع يدك
عاااد هنا انتي وكرمك وياليت تكون بالصور والطريقه
عند الاستطاعه ؟
طبعا ما نبي كلفه حنا خوات
واخيرا كثر الله خيرك واكل طعامكم الابرار وصلت عليكم الملائكه وذكركم الله فيمن عنده
|
مرحبا ملايين ولا يسدن ف ذمتيه.. وان زادن فلا باس.. حياكن ف الرد الثاني<<فيس مطلع ضروسه خخخ
برب لا تردووون
|
29-03-11, 09:23 PM
جديد مواضيع قسم ركن المطبخ
العرض العادي
