كاتب الموضوع :
نسايم نجد
المنتدى :
الارشيف
احب اوضح نقطه للاخوات وسبق وذكرتها بين سطور الروايه
مها عندها عيال غير ثامر لكن مالهم أي اهميه بالروايه لاني مابي اكثر الاحداث على الفاضي
سبق وتكلم ابو فواز وقال ان عيالك يحبون عيال ناصر وسبق وكتبت ان سالم وتركي وماجد وعدنان عند بيت جارهم يلعبون مع عيالهم
مها عندها عيال كبر عيال نوف الكبار وما عندها بنات وسبق وذكرت انها تحب شوق وشوق تحبها واختارت التخصص كان استشارة من مها
ابشركم مها الوحيده الي حياتها مستقره وبيكون لها دور فعال بحياة نوف وبنتها
وكثير يتهمون منى بالانانيه وانها ماكلمة بنتها تطلب منها تجي تسكن عندها لا تنسون ان منى ساكنه بعيد وديما بجامعه وعندها امتحانات وفوقه ان منى كل ماكلمت بنها تزيد اوجعها لانها تحس بنفور بنتها منها
بارت اليوم بارت موووووووجع ومتاكده ان دموعكم الغاليه بتنزل لكن سامحوني
في بارت اليوم انكشاف الحقيقه لكن باقي التفاصل بيكون في النهايه
قراءة ممتعه
الثامن والعشرون والاخير
عند ركان
كان عنده صقر بالمكتب يسولفون
راكان / صقر متى بتقول لهلك يشترون الشغلات الناقصه للبيت
صقر / وش ناقص غير الاثاث
ركان بابتسامه / تعرف المطبخ مافيه الا مواعين عزابي الصحون مشكله وفوقه مكسره وقدور مسوده ومخشه والله لشافتها بتنصدم
صقر بابتسامه / ابشرك امي عندها هوس مواعين وبتساعدك من قلب
تدخل سوقهم اكثر ماتدخل سوق الملابس كل مره اشوف صحون غير وبيالات وكاسات غير من كثرهم حاطه بالصاله دولاب كبير لهم والله انها تحب موعاينها كانها عيالها
راكان / عاد الاثاث لاحقين عليه بشتري كل شي جاهز وباقي كثير لين تجي
صقر / الله يعينك
قطع عليهم صوت جوال صقر رفعه شاف رقم صديقه صاحب مكتب الخدم
صقر بمرح / يا هلا بالغالي
صديقه / صدقتك اني غالي من كثر اتصالاتك
مكلمك ابشرك الخدمه وصلت بنفس المواصفات الي تبيها
صقر وعيونه على راكان / اهم شي انها قبيحه مابي اكسب ذنب ركان
صديقه / ههههههههه ابشرك شكلها مرعب وتطمن بتنحش صديقك من البيت
صقر / ههههه هذا المطلوب
صديقه بجدية / تعال الحين واخذه معك للبيت
صقر بجدية / خلص الدوام بطلع الحين وبامرك وباخذها لبيتنا
صديقه بجديه / اجل انتظرك
صقربجديه / مسافة الطريق وانا عندك
قفل الجوال من صديقه وقف / بطلع بجيب شغالة برنسيسة ابوك
راكان / تاكد انها مثل طلبنا
صقر بابتسامه / قال انها قبيحه وبتهججك وهذا عز الطلب
ركان / انت وصديقك ماعندكم وسط ياحلوه يا تخرع
صقر / لا تاخرني عنه وتضيع علينا
طلع صقر وركان طلع وراه راجع لبيته
عند صقر
وصل لمكتب الاستقدام شاف صديقه واقف عند باب المكتب واقفه جنبه شغاله اندونيسه مقبوله الشكل وعمرها وسط
صديقه بجديه / استلمها واذا ماعجبتك ردها
صقر بجديه / المبلغ بيكون بحسابك
صديقه بجديه / متاكد ان فلوسي بيد امينه لا تدفع الفلوس الا بعد ماتعجبكم ويصير كل شي اوكيه بعده تعال هنا وقع الاوراق وهات معك المبلغ
صقر بصقر / ان شاء الله فهم الشغاله انها بتروح معي
نادى صديقه مترجم ترجم لها الكلام الي يبيه صقر بعده ودع صديقه ومشلى والشغاله وراه اشر لها تجلس وراء فتحت الباب وجلست واضح انها جديد والخوف مرسوم عليها
حرك طريقه لبيتهم
عند تركي
وصل للمطعم نزل ودخل وصار يبحث بعيونه عن اخوه والشخص المجهول شاف من بعيد اخوه ومعه شخص اول مره يشوفه
قرب منهم وعيونه على الشخص وقف سالم ووقف ابو ثامر
سالم بجديه / اعرفكم على بعض هذا اخوي تروكي وهذا فهد صديقي الي بفرنسا
سلم تركي على ابو ثامر وبترحيب / ياهلا فيك وبشر عنك
جلس تركي بالكرسي الفاضي
جلس ابو ثامر ونظراته تلتهم تركي وكلام مها يرن باذنه وهي تعترف اه عن الي سواه مع زوجة ناصر المسكينه ما يتخيل ان فيه ظلم مثل هالظلم يدخل بيتها ويشجع على اغتصابها وفوقه بيخطب بنتها
تركي استغرب من نظرات ابو ثامر الي حرقته ومتضايق من نظراته الي مايدري سببها
تكي بجديه / ابو سعود قالي انك تبيني ضروري
ابو ثامر فاق من على صوت تركي
تنحنح يبي يكون طبيعي مايبي يبين اشمئزازه للي جالس قدامه لين ياخذ الي يبيه وبعدين بيحاسبه / انا جايك شراي ابي الفله الي جنب فلة اخوك ناصر
تركي بستغراب / وش معنى اخترت هذي الفله
ابو ثامر ويحاول قد ما يقدر يمسك اعصابه / لان اخوك قال لي ان الفلتين الثانيه محجوزه
سالم بجديه / وانا عطيته كلمه انها باذن الله بتكون له لانه شاري جيرتنا والجار الي نعرفه احسن من الي ما نعرفه
تركي ماعجبه كلام سالم عيونه على اخوه / مدامك معطيه وش حقه مناديني ومتعبني كان وقعتو الاوراق بدوني
سالم بصوت عالي / تركي احشمني قدام ضيفي قبل لا يكون صديقي والفله بتكون له باذت الله
ابو ثامر منصدم من اسلوب تركي الهمجي / انا ماجيت افرقكم اذا السالفه فيها مشاكل حد الله بيني وبينها
تركي استحى من انفعاله الي ماله أي مبرر بالايام الاخيره صار مايقدر يضبط اعصابه / حقك على راسي يا بو ثامر لكن الواحد بسبب ضغوطات الشغل يفقد اعصابه وبقولك ابو سعود يفصل وانا البس اتفق معه على كل شي ونتلاقى بالمحكمه نوقع الاوراق
سالم بابتسامه / اليوم باذن الله بنخلص كل شي ولازم تسبقنا للمحكمه
تركي بضيقه / ان شاء الله
سالم بجديه / فيه باب جانبي يربط قلة ناصر بالفله الي بتشريها بنسكرها اذا طلبت او انت جيب عمال يسكرونها اهم شي تكون مرتاح
ابو ثامر بجديه / لا تسكره خل الباب مثل ماهو والي بيتضايق من الثاني بيقفل الباب من عنده
وعيونه على تركي / على معرفتي ان جيرة زوجة ناصر تنشرى بكنوز
وطلع تركي بنظرات احتقار / واكيد انت مع كلامي يا تركي
تركي كان نفسه يقوم ويطيح الطاوله على راس الغثيث الي قدامه
تركي في نفسه / ما لقى يتكلم الا عن الصايعه الضايعه لا وفوقه بيجاورها يتويقح انه يعرفها اكيد ان له سوالف بطاليه معها بيكمل معها الي بفرنسا هنا وما تبي نسكر الباب علشان تسهل له الدخله والطلعه ومحد يكشفكم تحسبني سالم بصدقك
سالم لما جاء طاري زوجة اخوه كل خليه بجسمه تنزف وجع وقهر ورجعت له ضيقته
سالم في نفسه / والحل ياسالم معقوله اسمع بسوالفها البطاليه واسكت لازم اتدخل علشان عيالها وبناتها لكن كيف وشلون مدري
وقف تركي / اسمحولي برجع البيت ارتاح
ابو ثامر / الله معك
ابو ثامر بنفسه / روحه بلا رده سبحان الله سيماهم بوجيهم وها لادمي ما حبيته ولا ارتحت له لكن اذا بغيت من الكلب حاجه قوله ياسيدي
انتظرك توقع اورق بيع الفله في قلبي حره وقهر منك وربي حطك بطريقي
يا قليل النخوه والرجوله زوجة اخوك ماسلمت من شرك ربي حماها من نيتك الشينه
ونصرها عليك واخذت ممتلكات اخوك غصب عنك من اليوم ورايح بوقف في وجهك انت وكل من بيتعرض لها واذا فكرت تاذيها والله لكون ذابحك وشارب من دمك يالخسيس
قطع عليه افكاره سالم / وين رحت يارجال لي ساعه اسولف معك ماترد علي
ابو ثامر بضيقه / صدق دنيا غريبه والاغرب انك تشوف انسان بدون اخلاق يسعى لتدمير انسانه بريئة ويساعد مجرم انه ينتهك عرضها والمشكله تكون قريبه منه بدون مرعاة لا لدين ولا اخلاق مايدري ان الدنيا سلف ودين
سالم استغرب من كلام صديقه وكانه يدري وش كان يفكر فيه شك انه يفكر بصوت مسموع
سالم بصدمه / فيه بشر بهالحقاره الي تقولها
ابو ثامر بقهر / ايه وسئلني عنهم
سالم بستغراب / الا وش جاب هالطاري الحين
ابو ثامر بجديه / انت اول واحد لازم يعرف ليش جاني هالطاري وبهالمكان وبهالجلسه
سالم بجديه / طيب وش يمنعك قول
ابو ثامر بجديه / كل شي بوقته حلو بعد كم يوم بيجي وقتها وبقول لك
سالم بستغراب / صاير غريب من دخل تركي كان تعرفه من زمان اعتفست وانقلبت حالتك لما شفته
ابو ثامر بقرف / لا ماعرفه واول مره اشوفه فيها اليوم
سالم باحراج / اذا منصدم من اسلوب تركي امسحها بوجهي تركي له يومين معتفسه حالته وصار معاد يثمن كلامه
ابو ثامر يتهرب / تراني جعت منت بمغديني
سالم بابتسامه / يخسى الجوع وانا اخو ساره
عند منى
رجعت للبيت مع وليد غلا كانت بالبيت المرحله الابتدائيه اجازتهم قبل المدارس
دخلت البيت وهي تعبانه طول ليلها سهرانه تقرا على وليد ماقدرت تغيب كان عندها ضغط شغل بالمدرسه داومت مواصله لولا امتحانات وليد كان غيبته
شافت غلا عند التلفزون اتابع افلام كرتون
نزلت عباتها وشنطتها وحطتهم على الكنب
دخلت عند الشغاله / لقتها مجهزه الغداء وحاطته على طاولة الطعام
طلعت عند عيالها / وليد غلا تعالو تغدو
غلا / انا تغديت
وليد بحزن / ماشتهي بنام واذا قمت تغديت
منى بحنان / علشان خاطري تغد قبل لا تنام
وليد دخل المطبخ وجلس على الكرسي وبدا ياكل ونظرت امه عليه وبداخلها خايفه من فكرة انها تفقده كل تصرفاته بالفتره الاخيره تصرفات واحد مودع انقلبت شخصيته من الشطانه صاير مسالم وحزين
منى بنفسها / ياربي اذا بتاخذهم يارب اخذني قبلهم ولا تفجعني فيهم يارب ماقدر على وجع الفراق
صارت دموعها تنزل على خدها بدون ماتحس
وليد شاف دموع امه ترك الاكل الي بيده وبحزن / يمه ليش تبكين
منى انتبهت على نفسها ومسحت دموعها / ما ابكي لكن عيوني تحرقني لاني مانمت البارح زين
وليد / طيب نامي
وقفت منى / الحين بنام لكن لا تقوم لين تخلص اكلك
طلعت فوق لغرفتها وقفلت عليها الباب ورمت نفسها على السرير وصارت تبكي بنحيب صعبه على الام ان عيالها الي اغلى عليها من روحها تنتظر باي لحظه انها تفقدهم وتنحرم منهم
عند سميه
رجعت للبيت مع بنات اخوها وفتحت الباب وتفاجئت من الي جالس بالصاله ركضو البنات لابوهم حضنهم ماجد بحب وعيونه على اخته وسميه بقلبها تشكر سيف الي رجع لهم اخوها من جديد
قربت من اخوها وباست راسه ودموعها متحجره بعيونها / الحمد لله على سلامتك واخيرا حن قلبك علينا ورجعت تجلس معنا
ماجد بجديه / من وين جايه مع البنات
سميه بجديه / رحت معهم نزور زوجة ناصر وصديقتها
ماجد وبناته بحضنه / بابا ريما اخذي خواتك وادخلو داخل ابي عمتكم بكلام خاص
دخلو البنات غرفتهم وركز نظره على اخته الي جالسه قدامه تفك حجابها
ماجد بقوه / عطيني رقمها
سميه فتحت فمها من الصدمه
ماجد كرر / ما سمعتي عطيني رقمها
سميه بصدمه / رقم من
ماجد باصرار / زوجة ناصر
سميه بجديه / ليه وش تبي فيها
مد جواله لاخته/ سجلي رقمها تعرفين اخوك يخاف ربه مو راعي بنات
اخذت منه الجوال / ادري انك منت براعي بنات وهذا الي مخليني استغرب وش بينك وبين زوجه ناصر
ماجد بعصبيه / بتسجلين رقمها ولا رحت لها عند خويتها فضحتها وفضحت نفسي عند العالم
سميه / طيب هدي بسجل لك رقمها لك توعدني تقولي وش تبي فيها
ماجد بجديه / اوعدك لرجعت قلت لك لكن الحين اسف ما قدر
سميه بجديه / ما يهم ان كان قبل او بعد اهم شي اكون بالصورة
سجلت رقم نوف بجوال اخوها اخذ الجوال من اخته وقف / انا طالع يمكن اطول برا لا تحاتين
سميه بحب / انتبه لنفسك
ماجد / ا ن شا ء الله
في شقة سلطان
دخل شاف ندى باستقباله بلبس عاري وريحة عطرها منتشر بالمكان تحاول بكل الطرق تكسب قلبه لكن قلبه ملك لغيرها يتمنى من انها تقدر تملك القلب لانه كشف طيب معدنها وحنانها ورقتها الي ما شافها من منى
لكن القلب مو بايده لو بايده سلمه لها هي الي تستحق الحب
سلطان جاملها بابتسامه / الغداء جاهز
ندى بحب / ايه جاهز على ما تبدل ملابسك يكون على الطاوله
دخل غرفته بدل وطلع لقها مجهزه الغداء بتفنن جلس وبدا ياكل
سلطان في نفسه / ليش يا سلطان شاح بقلبك على ندى هي الي تستحق حبك ودور رضاك
منى ما صدقة تطلع من البيت حتى بمكالمه بالغلط ما كلمتك
ندى وعيونها على سلطان الي سرحان ويده بصحن
ندى بحب / سلطان ليكون الغداء ماعجبك
سلطان بابتسامه / حلوووووو
ندى بحب / طيب ليه ماتاكل
سلطان / هذاني اكل انتي اكلي
ندى بحنان / صحه وعافيه على قلبك
سلطان / الله يعافيك
في بيت صقر
ام صقر جالسه بالصاله مع البنات دخل صقر البيت وراه شغاله دخلها المطبخ وطلع عند امه بالصاله قرب من امه وباس راسها
جلس جنب امه / يمه راكان يبي فزعتكم
ام صقر بحب / يبشر بالفزعه تراه بغلاتك
صقر بجديه / يمه زوجة ابوه مابقى الا كم شهر وترجع ومطبخه فاضي مافي مواعين تبيض الوجه عند زوجة ابوه
ام صقر بجديه / طيب كم عمرها زوجة ابوه
صقر بجديه / يمكن كبرك
ام صقر بابتسامه / اجل بشتري لها على ذوقي مراح يعجبها ذوق خواتك
صقر بابتسامه / زوجة ضاحي عجوز فرنسيه
ام صقر بصدمه / وغبره وش له بالفرنسيه وصديقك صوم ابوه وفطره على بصله
ديما بابتسامه / تسمين زواجه من الفرنسيه بصله الا الشايب قام حضه
نجود بسخريه / شلون فرنسيه واخوها مبارك راعي الددسن
صقر بجديه / صحيح اخوها مبارك لكن هي تزوجت وعاشت كل عمرها هناك وعيالها كلهم جابتهم هناك على كلام ركان انها من تزوجت ماجت السعوديه
ام صقر بعصبيه / وش ذا القطاعه ليش ما تسال عن اخوها الشايب الي طايح بالبيت لحاله لو مات محد درى عنه
صقر بقرف / اخوها قطو بسبع ارواح ما ينخاف عليه
ديما / ههههههه عزالله انسدح الشايب من عينك
صقر برجاء / يمه شغالة عجوز ضاحي بالمطبخ ابيكم تفهمونها ابيها تفهم بكل شي وعلموها الطبخ السنع عجوز ضاحي يادوبها تهتم بالبيت ما تقدر تعوبل البيت وضاحي وفوقه عيالها العشره
ديما بصدمه / عشرررررررررره هذا بيتزوج وحده ولا بيتزوج قبيله
صقر بمزح / الظاهر انتي الي بتذبحين الحرمه وعيالها قبل لا يوصلون بعينك
نجود بمزح / وانا اشهد ان عينها حاره وعن تجربه
صقر بجديه / بيطول الغداء لاني دايخ وبنام
ام صقر / انجود حطي الغداء لصقر
صقر وعيونه على ديما / قومي ساعدي خالتك ترى كلها ايام والشغل بيصير كله على راسك
ديما بابتسامه / والمزيونه الي بالمطبخ وش شغلتها
صقر بمزح / لا تخليني اسفرها وشوفي من بيخدمك
ديما يستعطاف / اعرف قلبك حنون وطيب وتحب دمدومه مستحيل تقسى عليها وتسفر الشغاله وتورطني
صقر حضنها بيد وحده بابتسامه / والله مايقدر فيني غيرك يام لسان تعرفين نقطة ضعفي وتستغلينها
ديما وراسها على كتف خالها / تدري صقوري حبيبي شكلي باغار من زوجتك وبصير حماه قشرى بدال امي
صقر بابتسامه الم / حلالك سوي فيها الي تبينه وبكون معك عليها
ديما ما عجبها كلام خالها ماترضى على ساره ومستحيل تسمح لصقر يغلط عليها او يهينها بالكلام هي مثل ماتحب صقر تحب صديقتها ساره
رفعت ديما راسها عن كتف صقر وبزعل / صدقني يا خالي خساره فيك ساره وللاسف ما تزوجها الا الي مايعرف قيمتها
ام صقر بعصبيه / ديماااااااااا احترمي خالك
ديما بصوت باكي / يمه يويلكم من ربي ذنب ساره برقبتكم وش ذنبها قولي اذا ولدك رافضها كزوجه واكيد بتعيش معه ايام سوداء وبيكرها بحياتها
وبصرخه / اذا انت رجال يا خالي طلقهااااااا ريحها منك وريح نفسك منها ساره مستحيل ترضى بطريقتكم فارحمها من العذاب وطلقها
سكتها كف حار على وجها وعيونها على جدتها وبصوت باكي / ليش تضربيني اوجعتك كلمة الحق باصرخ وبقولها
ديما بصراخ باكي / طلقهاااااااااااااااااااا والله حرام فيك ساره
طلعت نجود تركض من المطبخ شافت الجو متكهرب وديما تبكي / وش فيه وش صار ليش تبكي ديما
ديما بصوت باكي / امي عطتني كف علشان قلت كلمة الحق
وكملت بصوت باكي / قولي له يطلق ساره حرام يظلمها اذا ظلموها يبرجع ظلمهم عليك وبيعاملك بدر مثل ما صقر بيعامل ساره
فز قلب نجود خافت من كلام ديما / وش صار وش فتح الموضوع وقلبه لصراخ وهواش صقر استسلم لزواجه من ساره والموضوع تقفل من زمان
عند صقر
واقف وقلبه يعتصر على ديما موجوع على الكف الي جاها من امه ودموعها كانها نار تكويه
ما قدر يفتح فمه ويجادلها لان كل حرف قالته صدق لكن الي ماتعرفه ديما انه رضخ لواقعه لانه اذا طلقها بتنفتح بوجه مشاكل هو بغنى عنها اولها بيفقد صديقه والمشاكل بتتعداهم لاهاليهم
وزواجه من ساره شر لا بد منه
عند ام صقر
من بعد ما ضربت ديما موجوعه على تسرعها بحياتها ما مدت يدها على بناتها ولا على صقر شلون على ديما الي غلاها ما ينوصف
ديما نحرتها لما ذكرتها بظلمها الي تحاول تنساه وتقنع نفسها انه مصلحه للاثنين
كملت نجود بضيقه / استهدو بالرحمن ديما سلمي على راس صقر وعتذري من امي
صقر بضيقه وغصة / ماله داعي تسلم او تعتذر هي صادقه انا مو رجال لاني ما قدر اطلقها وافقد صديق عمري وفوقه العايلتين تتحارب بسبتنا طبخه طبخوها وغصب من ورا غشمي لازم اكلها
انا الرجال ما قدر ارفض الي بتزوجها وانتي يا ديما قدرتي ترفضين نايف ومحد قدر يفتح فمه لكن انا مثل كبش مقدمينه قربان لبيت الضامي فهمتي ليش ماقدر اطلق صديقتك
ام صقر كلام ولدها زاد عليها صارت تبكي بحرقه
نجود جلست على الكنب مقهوره من تصرف امها وبوها وتشكيلهم لحياة صقر وبنفس اللحظه راحمه امها لان كل الوم صار من نصيبها
نجود بصوت باكي / صقر ادري انك تعاني من هالموضوع يا خوي صل صلاة استخاره واذا ارتحت للموضوع تممه واذا العكس انهيه ولا تفكر الا بمصلحتك وسعادتك انت الي بتعيش معها وانت بتدفع ثمن زواجك
صقر بوجع / الله يعين
ديما كلام صقر ومعاناته اوجعتها وندمت على كلامها الي قالته قربت من صقر ورمت نفسها بحضنه وصارت تبكي بحرقه / سامحني جعل لساني انقطع ولا قلت ها لكلمه انت رجال وافضلهم دخيلك صقر سامحني تعرفني ماقوى على زعلك
صقر يربت على ظهرها بحنان / ما زعلت منك ولا تبكين تعرفين دمعتك كانها جمره تكويني
تاثرت من حنانه اكثر انقلب البكي لنحيب
صقر بمزح / لو مت ما بكيتين هالكثر
رفعت وجها الغرقان دموع وبرعب / الله لا يذوقني حزنك يا شنها الدنيا الي صقر مو فيها الله ياخذ روحي قبل لا ياخذك
صقر بابتسامه / ويا شينها الدنيا الي ديما مو فيها
( ماضنتي يا صقر بيكون هذا كلامك بالمستقبل ويمكن موت ديما بيدك )
ام صقر بصوت باكي / خلاص اوجعتو قلبي ادري اني غلطان وندمان على كل شي لكن ما بيدي اصلح غلطنا سامح امك العجوز يا صقر لو داريه ان هذا الشي بيعذبك والله ما سويتها ولا طعت ابوك فيه لكن معاد ينفع بالموضوع الحكي
صقر حاول يهدي الوضع / خلاص يمه الي صار صار ويمكن زواجي منها فيه خيره لي ما حد يدري بالغيب
نجود وقفت / احط الغداء ولا بتسون اضراب عن الاكل
ديما مسحت دموعه وبتسمت من بين دموعها / تعرفين شعاري لا اضراب على طعام
صقر سحب ديما وجلس معها على الكنب يحاول يهدي الاوضاع وام صقر عيونها على خد ديما صار احمر من ضربتها
ام صقر بحرقه / يمه ديما قومي حطي على وجهك ثلج لا يتورم
ديما شافت دموع جدتها ومتاكده انه ندمانه على ضربها وقفت وحضنت جدتها بحب / ضرب الحبيب مثل اكل الزبيب
بكذب / تصدقين يمه ماحسي بوجع الضربه يدك اخف من الريشه
ام صقر بضيقه / لو يدي خفيفه كان ماورم خدك روحي يمه الله يهداك حطي ثلجه على خدك
ديما سحبت نفسها من حضن جدتها / ابشري
عند ماجد
طلع من شقته ركب سيارته واتصل على رقم نوف ما في رد عاد الا تصال اكثر من مره ولما فقد الامل
ارسل لها رسالة جوال
ياليت تردين على الجوال ابيك بموضوع يهمك واتوقع ماتبين تنضرين
عند نوف
كانت منسدحه على الكنب ومقابله مها تسولف مها سمعت صوت جوالها شافت رقم غريب ماردت دق كذا مره وطنشته
مها بجديه / ليش ماتردين
نوف بجديه / رقم غريب والارقام الغريبه مارد عليه
سمعت صوت نغمة الرساله قرتها ومن خوفها قزت جالسه
مها بخوف / بسم الله عليك ليش كل هالفزه
نوف بخوف ورعب مدة الجوال على مها الي قرته
مها بجديه / اكيد يقصد بكلامه الظرف وهذا شكله يبي يبتزك
نوف وهي تنتفض خوف / وش اسوي ارد عليه ولا اطنشه
مها بجديه / ردي عليه اذا طنشتيه اخاف ينفذ تهديده
دق الجوال بين ايدين مها مدته لنوف / ردي عليه بدون ما يبان انك خايفه مابي يستغل ضعفك خلينا نمشي وراه ونشوف نهايته
اخذت الجوال بيدين تنتفض ردت / الو
ماجد بسخريه / لو تاخرتي دقيقه كان جيت لبيت خويتك والي فيها فيها
زادت رجفتها وخوفها وحست قلبه بيوقف من الخوف وانفجعت اكثر انه يعرف انها عند خويتها
نوف برجفه بصوتها / ممكن تقول سبب اتصالك وكلام التهديد الي مرسله
ماجد بجديه / مابي اطولها وهي قصيره ياليت تطلعين من عند صديقتك للكفتريا الي جنب شقتك انتي وناصر وبكون هناك بنتظارك وبيدي الظرف
نوف لا ارادي شهقت وبخوف / الظرف عندك
ماجد بسخريه / اجل ليش مكلمك علشان اشوف جمالك اخلصي علي فا ياليت تجين لحالك ما يحتاج فزعه لاني مالي نيه اضرك
نوف برعب / الحين بجيك
ماجد بتخويف / ان تاخرتي الظرف والي فيه عند الشرطه
نوف بضعف / لا الله يخليك بجي والله بجي لا توديه لشرطه
ماجد بجديه / يله مع السلامه
قفلت من ماجد وصارت تبكي وتندب حطها / مكلم يبيني اقابله بالكفتريا الي جنب شقتنا هذا مراقبني ويعرف كل شي عني قولي شلون افك نفسي من هالمصيبه
مها وقفت وقربت منها / قابليه وانا بكون معك لكن من بعيد واذا حتجتيني بكون جنبك
نوف بصوت باكي / ما يبك تحضرين معي
مها بسخريه / مو على كيفه واذا انتي خايفه يضرك علشاني معك انتي اطلعي بسيارة السواق وانا بطلع بسيارتي وبدخل المطعم وبجلس بطاوله بعيده عنكم لكن اذا شفته بيضرك بربيه
نوف / طيب قومي تجهزي لا نتاخر
نوف دخلت لبست بنطلون اسود وبلوزه بيضا فيها شخبطه بالاسود ولبست حجاب ابيض
طلعت لقت مها تنتظرها على الكنب لما شافتها وقفت وطلعت مع نوف ركبت سيارة السواق ومها بسيارتها
عند ماجد
وصل للكفي وختار طاوله بعيده عن الناس تحسبن لانفعالتهم وصوتهم اذا ارتفع
عند نوف
وصلت للكفي نزلت من السياره برجول تنتفض وصارت تبحث بنظرها عن الشخص مجهول الهويه
نوف في نفسها / شلون بعرفه من بين كل هالبشر
رفعت جوالها وتصلت على ماجد
عند ماجد
عيونه على ساعته والظرف قدامه وداخله رهبه من ها اللقاء بحياته ماشاف ام سالم
اليوم بيشوف المجرمه والضحية بنفس الوقت بيشوف ام بتزوير والتلفيق عيال ناصر مو عيالها حقيقه مره
لو حلفو لها ماصدق لكن فضحها ناصر بخط ايده داخله ينتفض من فكرة جريمتهم البشعه
بيشوف زوجة ناصر الي ياما سمع من صديقه كلمات سب بحقها
قطع عليه صوت جواله
شاف رقمها / وصلتي ولا اطلع لشرطة
نوف بخوف / انا داخله لكن ما عرفك ياليت تحط قدامك علامه او شي استدل عليك فيه الكفي مليان بشر
ماجد بجديه / ادخلي داخل بتشوفين واحد لابس بنطلون جنز وبلوزه بلو اخضر
نوف دخلت ولمحته من بعيد / خلاص شفتك الحين جايه لعندك
ارتحت وهي تشوف مها داخله متجنبتها واختارت طاوله وجلست عليه
وهي مشت برجول متردد قربت من طاولة ماجد الي عيونه بالظرف الي قدمته
ماجد سمع صوت الخطوات رفع راسه
ماجد / نعم اختي
نوف بصوت مرتبك / معك زوجة ناصر
ماجد بعدم استيعاب / مستحيل تكونين زوجة ناصر
نوف بسخريه / ليه ان شا ء الله بكذب عليك
ماجد توقع انها صد يقتها / لو سمحتي نادي خويتك اتفاهم معها لا تصيرين حاجز يحميها مني
نوف سحبت الكرسي وجلست وبسخريه / شكلك ما فتحت الظرف الي قدامك ولا شفت صاحبة الجواز ولا كان تاكدت اني زوجة ناصر
ماجد لا شعور فتح الظرف وطلع الجواز وتامل الصوره والاسم نفس صورة الي قدامه
ماجد بصدمه وذهول من الي يشوفه ناصر كاذب عليه وظالم زوجته لولا كلامه عنها ما وافق على زوجاته معتبر نفسه مجرم مثلهم
ماجد بقهر / ناصر قال انك قبيحه وانك دبه ومهمله بنفسك وكلام اقوى من كذا
وبيتاكد / انتي مسويه شفط وعملية تجميل
نوف كلامه نحر روحه وقلبها كتمت غصتها
وبصوت كله الم وحرقه / ما توقع انك طالبني علشان تقيم شكلي ياليت تقول المهم
لاحظ انها تضايقة وهذا وواضح على صوتها
ماجد / اسف اذا جرحتك لكن صدقيني بدون قصد مني
نوف بتعب نفسي / الله يرحم غاليك عطني الظرف واسترني ربي يستر خواتك وزوجتك واذا عندك بنات يسترهم
ماجد عيونه على نوف بيقيمها يشوف قدامه انسانه كلها طهر وعفاف لكن صديقه دنسها
ماجد بحرقه / صعبة ان الواحد يكشف بعد موت صديقه انه مجرم وقتل ارواح مالها ذنب الا انها قبلت تتزوجه وفوقه ياخذ اطفالهم وينسبهم لام غير امهم انتي خدعه ولازم عيال ناصر يعرفون انك منتي بامهم
نوف بانهيار / ممكن اعرف من انت وشلون طاح الظرف بايدك
ماجد بحزن / انا ماجد صديق ناصر المخدوع الي شهد على زواجاته يعني انا مثلك ساعدت مجرم على اجرامه لكن يشهد علي ربي حاولت امنعه عن الزوجات ويكتفي فيك لكن هو كان يوصفك بابشع الصفات خلتني اتقرف منك
قاطعته نوف / وليه ماسالته ماسالته ليشم اتمم زواجاته الباقيه
ماجد بقهر / كان يقول انك لما تدرين بزوجه تفتعلين المشاكل وطفشينهم
نوف بابتسامة الم / وصدقته
ماجد بجدية / مستحيل اكذب صديق عمري
نوف بحرقه وقهر / ما قال لك شلون تزوجني
ماجد بصدق / قال انك خطبت اهل
نوف بصرخه الم / كذااااااااااب واذا قريت الورقه عرفة شلون تزوجني
وبحزن / والله ماعرف اهله ولا بعمري شفتهم تصدقني لو اقول لك لو اشوفهم بشارع ماعرفتهم ياكثر ما ترجيته ازورهم حبيتهم من كلام شوق عنهم لكن هم بالمقابل اكرهوني
صديقك الله لا يرحمه وجعل النار مثواه مثل ما كذب عليك اكيد كذب على اهله وحاربوني وكرهوني من قبل لا يشوفوني
ونزلت دموعها بحراره / ما يكفيهم ظلم ولدهم لي اخوه حرمني من عيالي بدون رحمه وياليته كفاه هالشي جاي لفرنسا بجريمه اليهودي مايسويه متفق مع واحد
نزلت عيونها على يدها الي تفركه بقهر / علشان يغتصبني لكن رحمة ربك ذيك اليلة نمت عند بناتك وبدال ما يغتصبوني ويدمروني اكثر اغتصبوا المربيه وبيكمل علي و بيخطف بنتي لكن ربي ردها لي بفضل المربيه
ماجد عيونه عليها يراقب انفعالاتها ولمس الصدق بكلامها وانفجع من الكلام الي تقوله
ماجد بجديه / انتي مثل الي كذب الكذبه وصدقها العيال مو عيالك ومالك حق فيهم والعيال عيالهم
نوف بصوت باكي / لا تقول مو عيالي قسم بالله انهم عيالي الي ربيتهم وتربيت معهم سهرت مع اوجاعهم وافراحهم
احبهم فوق ما تتصور ويحبوني فوق ما تتصور
وابتسمت بحرقه / يحبوني اكثر من ابوهم لانهم حسو بصدق امومتي هم الشي الحلو بحياتي واذا عرفو حقيقتي وكرهوني والله الموت ارحم اذا بتقولهم طالبتك اذبحني وبعده قول لهم مستحيل اتحمل نظرات اتهامات او حقد وكره بعيونهم
ورفعت عيونها لماجد / حط نفسك مكاني اخذوني طفله من بين دفاترها
وابتسمت من بين دموعها / وكان قلمي بيدي
وشالوني ما اهتمو لصراخي او دموعي قلوبهم قاسيه اقسى من حجر الصوان لقيت نفسي بمكان غريب مع رجال غريب وفوقه وحش
دخلوني بشقه كئيبه وسحبني بقسوة لغرفه شفت فيها وحده تتوجع اغصبوني اذبح انسانه بريئه
وبنحيب موجع / للحين صوتها باذني وهي تترجاني اني ماذبحها للحين صورتها ماغابت عن بالي وصرت اشوفها كوابيس
كنت طفله لا حول لي ولا قوة بعد ماخلص جريمته رمى علي طفله مسكتها بيدي وقال هذي بنتك واذا علمتي احد بالي صار بكون مكانها تخيل طفله عمرها 10 سنوات مسئوله عن طفله وهي بحاجه للاهتمام حرمتها من امها وصرت امها معادله صعبه صار لها صدري الامان الي حرمتها منه
قول بعد كل معانتي بتتحمل انك تتعرى قدام عيالك وتظهر جريمتك بسطح صدقني هم بيدمرون اكثر مني
اترجاك لا توجعني يكفيها الدنيا ماقصرت فيني اذا تبيني انكب على رجولك ابوسها الحين صدقني بسويها وبصير ذليله قدامك لكن لا تشوه صورتي بعيون عيالي استرني الله يسترك دنيا واخره يكفي صديقك حرق قلبي ودمرني ويكفني اني منبوذه ومكروهه من اهله ومتاكده انهم ينتظرون الفرصه الي يدمروني فيها
ماجد لولا رجولته كان بكى بنحيب من التاثر من معاناة الانسانه الي قدامه يكفيها اوجاعها ومعاناتها ومن شكلها ان تعاني من تانيب الضمير
ماجد فتح الظرف واخذ منه الورقه الي فيها اعتراف ناصر وحطها بجيبه
ومد لها الظرف وبضيقه / خذي الظرف الله يستر عليك والورقه بتكون عندي تطمني مستحيل اضرك فيها لكن خليها عندي يمكن نحتاجها يوم ما تدرين الدنيا وش مخبيه هذا اعترف من ناصر وبخط يده يمكن احد غريب يكشفك وبتكون هذي الورقه بصالحك زين منك ما نفذتي كلام ناصر وحرقتيه كان بتعضين اصابعك ندم
نوف بخوف / الوحيده الي تعرف بجرايم ناصر زوجته سوزان واذا بتتكلم هي الي بتتضرر
ماجد بصدق / طيعني وارجعي لسعوديه وابعدي عن المكان الي كان شاهد على اوجاعك وفيه مجرمه مثل سوزان لا تستبعدين منها أي شي هي وناصر قتلو وماضنتي ان الواحد بيامن لقاتل
نوف بصوت باكي / بداية اوجاعي هناك انا مثل الي بيهرب من النار لنار
ماجد بجديه / اذا بتسمعين شوري اطلعي من هنا للمطار احجزي وارجعي باسرع وقت يمكن لو انتظرتي يمكن تجيك مصيبه منتي حاطتها في بالك
وقفت نوف وبامتنان / عمري بحياتي مراح انسى جميلك الله يخليك لبناتك ويعوضك
ماجد بجديه / اعتبريني اخوك واذا احتجتيني بتلقيني لك عون معليك الا تكلمين سميه
نوف بجديه / جعلك سالم لهنا وما قصرت ومشاكلي لازم احلها بنفسي ادعي ان الله يقويني ويعيني على الايام الي بتقابلني
ماجد بصدق / الله يعينك
مشت وعيون ماجد تلحقها طلعت برى الكفي دقائق ولحقتها مها
مها مسكتها بيدها وبعصبيه / ليشت تبكين يعني مافاد فيك دروسي
نوف بضيقه / قلت لك دموعي قريبه يمكن مع الايام اقدر امنعها
مها بجديه / واضح من شكله انه رجال اجودي
وش صار بالمقابله
نوف بتعب / الله يعافيك مابي اتكلم بالموضوع ترى مقابلتي معه استنزفت اعصابي ونفسيتي دمار
مها بحنان / فديتك لا تضيقين على روحك بنرجع البيت واسوي لك عصير ليمون يهدي اعصابك
اعترافها لماجد استنزفها للاخر حتى الكلام معاد لها خلق عليه ركبت السياره جنب مها
نوف بضيقه ووجع / اطلعي للمطار بحجز لي رجعه لسعوديه
مها بجديه / وش له المطار واذا بترجعين بطيارة ابو ثامر
لكن بالاول لازم تخلصين اوراق بنتك علشان تقدر ترجع معك
نوف برجاء / مها الله يعافيك ابي ارجع بكره
مها بستغراب / وش صار بينكم يخليك تستعجلين برجعه
نوف بضيقه / مهاااااااا ترى والله ضايقه فيني الدنيا وماني متحمله ملابسي الي لابستهم لا تزيدينها علي
مها بستسلام / طيب انا بخلص اوراق بنتك وباذن الله بكره بالليل بتسافرين مع اني بفقدك لكن كلها ايام وباذن الله بنجتمع
نوف لفت راسها اطالع بطريق وداخلها هموم تهد جبال
بالمستشفى
تفاجئ ثامر من صديقه شافه يلبس لبسه الي جابه له ثامر
ثامر بستغراب / وش عندك منزل لبس المستشفى ولابس لبسك
سالم بجديه / بسافر للجنوب بقابل امي لمتى اجل لقائي معها
انا ماصرت اقدر انام وتفكيري يودي يمين وشمال لازم اشوفها وافهم منها
ثامر / طيب شلون بنروح
سالم / اكيد بطياره
ثامر بجديه يبي لنا وقت على مانحجز
سالم بجديه / تطمن حجزت لنا تذكرتين وبتكون الرحله بعد ساعتين لازم نطلع الحين يادوب نلحق على الطياره
ثامربصدمه / طيب شلونا اسافر كذا من دون لاحط خبر عند ابوي
سالم بجديه / اذا السالفه فيها ابوك اجلس ابرك مابي لك تتمشكل معه
ثامر بجديه / تعرف ابوي مراح يمانع لكن لازم احط عنده خبر قبلها
سالم بجديه / جوالك بجيبك اتصل عليه وقوله انك بتسافر
ثامر بجديه / مالي الا هالحل
سالم بجديه / لا تجيب طاري اني بروح معك لان ابوك ما يدري اني فقت من الغيبوبه واكيد بيمانع اني اروح ونبتلش
اخذ جواله واتصل على ابوه
عند ابو ثامر
كان بالمطعم مع سالم يتغدون سمع صوت جواله شاف رقم ولد
ابو ثامر بحب / هلا شخبارك يابوك واخبار خويك
ثامر بجديه / الحمد لله يبه انت فاضي ابيك بامر ضروري
ابو ثامر بابتسامه / اكيد خلصت فلوسك
ثامر بارتباك / لا ابي اسافر واغير جو
ابو ثامر بستغراب / غريبه شلون بتترك صديقك وتسافر بدونه
ثامر برتباك / كلها يومين وراجع منها ارفه عن نفسي
ابو ثامر بجديه / وين ناوي تسافر
ثامر بجديه/ للجنوب الجو هناك حلو بهالوقت
ابو ثامر باهتمام / الله معك ولا اطول اكثر من يومين واذا ناقصك حاجه قولي
ثامر بفرح / جعلك سالم يله يادوب الحق ارتب اغراضي ونلحق على الطياره
ابو ثامر بابتسامه / واثق من موافقتي علشان كذا حاجز
ثامر بابتسامه / اعرفك ما تردني لانك تثقف فيني وتاكد اني قد الثقه وانا ولدك الي ربيته
ابو ثامر بجديه / يله فمان الله
عند ثامر
التفت لصديقه / ابشرك الوالد وافق و بروح معك وانا مرتاح
طلع مع سالم من المستشفى اخذو تكسي يوصلهم للمطار
بهالبارت نهاية الجزء الاول من الروايه والخميس باذن الله نبداء الجزء الثاني لروايه وهو جزء الوسط مليئ بالاحداث المشوقه
ادري ان البارت الاربعاء لكن عندي مشاغل ماقدر انزله بوقته لكن مالغيته اجله يوم فتحملوني جدولي مخربط هالايام
اختكم نسايم نجد
|
07-06-11, 03:24 AM
جديد مواضيع قسم الارشيف
العرض العادي
