كاتب الموضوع :
نسايم نجد
المنتدى :
الارشيف
بارت اليوم بنسميه بارت العاشق المتيم تركي
ناويه ابرد حرتكم فيه
قراءة ممتعه
البارت السادس والعشرون
في جناح هيا
بعدم ما طلع سالم قامت من نومها وقلبها ياكلها على حال تركي
نزلت تحت تفاجئت ان الصاله مافيها احد وماعندها القوة تدخل غرفة خالتها وتسالها رجعت لغرفتها اخذت شور ولبست جلابيه بيتي وجلست بصالة الجناح تتفرج على التلفزون وتفكيرها بسالم واخوه
رفعت جوالها وهي متردده تتصل او لا لكن ضغطت على رقم زوجها لكن جواله مغلق رفعت راسها لساعة الجدار شافتها 6 لبست نقابها والجلال وطلعت لغرفة عيالها شافتهم جالسين مع عيال ناصر
هيا بحنان / شلونك تركي انت وماجد
تركي باحترام / الحمد لله كيفك انتي
هياء / الحمد لله ما تصل عليكم عمكم يطمنكم على عمك تركي
تركي سمع نبرة القلق بصوت هيا / عمي الي فيه سخونه ما يحتاج انك تقلقين
هيا في نفسها / والله وعرفت تربيكم امكم
هياء وعيونها على سعود / بتروح لمدرستك ولا بتجلس مع عيال عمك
سعود بابتسامه / بجلس لنا سبوع ختمنا المنهج ومعندنا شي
هياء بابتسامه / بتفطرهم برى ولا اصلح لكم فطور على مستوى يليق بسعود ولد سالم
سعود باس راس امه / تسلم ام سعود ما نبي نتعبها بنطلع نفطر برى نغير من جو البيت
هيا بجديه / عليكم بالعافيه اجل وصلو ساره معكم قبل لا تطلعون
سعود بجديه / عمتي خياش نوم بتاخرنا
يمه شوفيها لاني لو بصحيها بغرقها بالماء
هيا بجدية / اجل بدخل عليها اصحيها
طلعت هيا من غرفة عيالها وصلت لغرفة ساره طقت الباب ودخلت شافت ساره لابسه وتحط مكياج خفيف
هيا بابتسامه / صباح الخير والله ظلمك سعود
ساره بمزح / وش قال الخايس
هياء بابتسامه / تادبي هذا سعود ولد سالم شيخ الشباب
ساره بسخريه / صدق الي قال القرد بعين امه غزال
هيا بابتسامه / ترى سعود بيطلع مع عيال عمهم يفطرون برى اخلصي لا يرحون عاد دوري لك الي يوصلك للجامعه
ساره / اذا ولد ابوه يسويها و بيشوف سارة وش بتسوي فيه
هيا بمزح / اعرفك مجرمه بعدي اجرامك عن سعود ترى مجرم مثلك يمكن يقطعك اوصال
ساره بابتسامه / اذا بيقطعني اوصال انا بفرمه لك وبريحك منه
هيا / انزلي وبجهز شي تاكلينه قبل لا تروحين لجامعتك
ساره بحب / لا تتعبين نفسك ماشتهي افطر واذا بفطر بخلي الثور ولدك يفطرني معهم لان محاضرتي باقي عليها ساعتين
هيا / داعيه عليه امك الي بياخذك
ساره بغرور / يبوس يده وجه وقفا ويسجد سجود شكر ان ساره الضاحي وافقت عليه
هيا وهي تمشي وصلت عند الباب وقبل لا تطلع / انزلي لا تتاخرين وبرجع اشوف عيال ناصر
ساره بحب / فديتهم مشتاقه لهم اذا صاحين بشوفهم قبل لا اطلع
هيا بجديه / تشوفينهم لا جيتي اكيد نايمين
طلعت هياء ودخلت غرفة عيالها شافت فارس وماهر وعدنان نايمين
طلعت من عندهم دخلت غرفتها انسدحت على سريرها
عند ساره
لبست عباتها وانزلت تحت لقت سعود وتركي وماجد ينتظرونها ركضت لتركي وحضنته
ساره بحب / شلونك يادب وربي مشتاقه لك
تركي بابتسامه / طيب انتي شلونك
ساره / الحمد لله
قربت من ماجد وحضنته / مجودي شلونك وش فيك ضعفان اكيد الدب تركي ياكل اكلك
ماجد بضيقه / ضعفان لان امي الي كانت تطبخ لنا وتغصبنا ناكل غايبه والاكل الي تسويه شوق الله يديم النعمه ماينوكل
سار حست بحرقه ووجع على فقدان عيال اخوها لامه واكيد انهم حاسين بوجع غيابها
ساره تتصنع الابتسامه / ولا يهمك بتصير عندنا فيل
سعود بجديه / يله لا نتاخر
طلعو من البيت وركب سعود جنب السواق والباقين ورا
ساره بمزح / يادب سمعنا انك بتفطر برا وترى عازمه نفسي معكم
سعود / اعرفك مفجوعه مطاعم اذا سمعتي باسم مطعم نسيتي كل شي وماصار تشوفين غير الاكل وبسخريه / نسيتي ياعمتي الفاضله ان وراك جامعه
ساره بسخريه / ياحبيب عمتك مثل مانسيت ان وراك مدرسه
سعود / انا اليوم ماخذ اجازه
ساره بسخريه / ليكون المدير وانا مادري
سعود / وصلنا المطعم بتنزلين ولا قولي لسواق يوصلك للجامعه
ساره بجديه / بانزل وبفطر على حسابك يالبخيل وبتوصلني للجامعه محاضرتي باقي عليها ساعه
سعود بابتسامه / يله انزلي وفطورك لا يتعدا 20 واذا زاد عليك
ساره تفتح الباب / المشكله مدري على منو طالع بخيل امك كريمه وابوك كريم
سعود بابتسمه / طالع لعمتي ساره
ساره بغرور / لك الفخر تشبهني ماجابته امه الي يشبه ساره
سعود / والكوبه بساره
فتحت ساره باب المطعم واختارو لهم كبينه مغلقه علشان سارة تاخذ راحتها
عند ابو مروان
وصل مع الاسعاف للمستشفى شافهم ينزلون السرير الي فيه ام تهاني سبقهم ودخل داخل بعد الكشف كانت سبب الوفاة جلطه
وصل عن ارسبشن وقع على اوراق الوفاه وبيكون الدفن بعد صلاة العصر
عند تركي
فتح عيونه شاف اخوه جالس بالكرسي جنبه تذكر الي صار وهذيانه لامه صار يلوم نفسه شلون فضح عمره عند امه اكيد مراح تسكت على هذيانه ولا يدري باي وجه بيقابلها فيه
تركي بصوت تعبان / سالم
سالم بحنان / صحيت يوجعك شيئ
تركي بتعب / ناد الممرضه تشيل الاسلاك من يدي بطلع
سالم بجدية / انتظر لين تنزل حرارتك
تركي بتعب / ماله داعي جايبني هنا كلها حراره واذا اخذت بندول بتنزل
سالم بجدية / ما نزلت من الابره والثلج تبيها تنزل من بندول
تركي برتباك / سالم سمعت مني كلام لما ارتفعت حرارتي
سالم / كلام مثل شنو
تركي بضيقه / اسئلك تسئلني خذاريف حراره
سالم بابتسامه / وش مخبي علشان تخاف انك اطلعه بدون ما تدري
تركي بضيقه / الي خايف تدري بفضيحتي درت مدري شلون اخلص نفسي من الوهقه
سالم قرب منه وجلس على طرف السرير / اقول ياخوي ترى اخوك بشده جنبك
تركي بسخريه / وش تبيني اقول لك ما فيه شي ينقال يبيض الوجه اخوك انهبل باخر عمره
سالم بعصبيه / وش مهبب بفرنسا جاي ومرضت ليكون طايح بالحرام هناك
تركي بحزن / اخوك ابتلى بالعشق ااااااااااه وعشقي ماله دواء ما جاني منه الا المرض والقهر
سالم بستغراب / منهي الي تحبها وانت منت براعي سوالف بطاليه
تركي بابتسامه حزينه / الظاهر عقاب من ربي وانا اتمسخر على الحب والي يحبون واخوك الي يقول مافيه وحده تقدر تدخل قلب تركي شوف حبها جابني للمستشفى ويمكن تاليتها يدخلني قبري
سالم بجديه / منهي بنته وانا بروح معك نخطبها لك ولا تعذب نفسك
تركي بحزن / ااااااااااااه قلبي عشق متزوجه وتحب زوجها
سالم بعصبيه بصوت عالي / متزززوجه ما ضنتي انك معدوم الشهامه تحب وحده متزوجه ترى الدنيا سلف ودين
تركي بحرقه / حبيت صوره وتعلقت فيها ولما شفتها بفرنسا اذبحتني وهي تقول انها متزوجه والموت انه تحب زوجها ولا درت عن هواء داري
سالم بجدية / من وين شفت صورتها وشلون حبيتها ما ضنتي انك خفيف تحب بذا الطريقه
تركي بندم / يا ليتني ما دخلت غرفت شوق ولا فتحت البوم الصور وشفت صورتها الي من اول ماشفتها حبيتها
ابتسم بحرقه / تصدق ان اخوك تركي الثقيل يسرق صورتها من شوق وحاطها تحت مخدته وقبل لانام اضمها لصدري يمكن تطفى لهيب الحب الي بيذبحني
سالم بحزن / طيب منهي
تركي بقهر / حت اسمها ماعرفه حرمتني بنت اخوك اعرفه وماحن قلبها علي وهي عايشه وجعي وحبي لصاحبة الصورة الكلمه الي قالتها لما عرفت اني احبها قالت انها مستحيل تكون لي وما فهمتها الا بعد ماقابلتها وقالت لي انها متزوجه
شفت عذاب اخوك يحب متزوجه ومرقد بالمستشفى بسبتها وهي بحضن زوجها حلاله وانا حتى تفكيري فيها حرام
اااااااااه يا سالم بموت من غيرتي عليها وغيري مستبيح كل قطعه فيها وانا اكتوي بنار الغيره قول عني مجنون مهبول لكن مابيه يقرب منها ولا يلمسها
وكمل بحرقه / ابي اعرف اسمها وين ساكنه ابي المحها من بعيد مدام قربها محرم علي
سالم بعد تفكير / ليكون الصوره لزوجة اخوك ناصر و لا تنسى ان زوجة اخوك متزوجه وشوق تعرف انك تكره امها علشان كذا رافضه تقول لك
تركي بقرف / لو قلبي حب زوجة اخوك قشعته من صدري ورميته بالزباله لان قلب يحب الفيله ينعاف ومالي حاجة فيه
ومستحيل الي سلبت قلبي وروحي وفوقه عقلي تكون زوجة ناصر الي شفتها ملاك شوفتها بلسم تشفى قلب العليل تدري لما شفتها صرت مجنون وفقدت احساسي
وابتسم وهو يتامل يدينه رفعها لانفه وشمها بعمق / بيديني هذي لمست تفاصيل وجها الي عذبتني ياحلوه من احساس وحبيبك قدامك وربي ياسالم احساس حلو لكنه ما كتمل وهي تصدمني انها متزوجه قولي يابو سعود لعلتي دواء ولا ببقى طول عمري عليل ويمكن اموت بسبت علتي
سالم بتاثر / اعرف ان الحب يدخل القلب بدون استاذن ويجبرنا بدون اختيار منا نحب انسانه ممكن تكون انسانه غلط وظروفها غلط مثل حالتك
لكن احمد ربك انك من البدايه اكتشفت انها متزوجه علشان ما تتعلق فيها اكثر وتبني احلامك انها تكون لك حاول تتناسى الحب الي بيدمرك لان متاكد صعبة تنسى لكن اشغل نفسك واذا بتسافر يكون احسن
تركي بحرقه / سالم لو سافرت واشغلت نفسك على قولك وصار يضرب صدره بقوه / هي ساكنه هنا مافيه حل الا انك تشيل القلب من مكانه
انا عشقتها والعشق متمكن مني يمشي بعروقي مكان الدم لولا خوفي من ربي كان اجبرت زوجها يطلقها ورجعتها لي
سالم بعصبيه / لو سويتها اخر مابيني وبينك
تركي بضعف وحزن / تطمن ماني بمسويها لانها تحب زوجها ولو طلقتها منه بعذبها اموت ولا اني اكون سبب عذابها اتمنى الوجع يصيبني ولا يصيبها
سالم بضيقه / الله يشيل حبها من قلبك
تركي بوجع / امين
في بيت ام تهاني
تهاني بغرفة امها تبكي بحرقه وخالتها تحاول تهديها وقلبها محروق على اختها
ام مروان بصوت باكي / ادعي لامك بالرحمه
تهاني زاد نحيبها
ام مروان / تعالي معي لبيتنا تستقبلين عزاء امك هناك
تهاني تنتفض من البكي وبداخله حقد وكره انولد لابوها وعايلتها الجديده
ام مروان / يمه لا توجعين قلبي يكفيني اني فقدت اختي لا تكملينها علي امشي معي
استجابت تهاني لخالتها اخذت عباة امها المعلقه على مسمار بالباب لبست وطلعت مع خالتها
فتحت ام مروان الباب شافت بنتها بلبس الجامعه جالسه بالصاله
سلوى انصدمت من شكل تهاني المنهار وشكل امها الي تبكي
وقفت بخوف / يمه وش فيه وش صاير ليش تهاني كذا
ام مروان / خالتك ماتت الله يرحمها
سلوى حست ببروده باطرافها امس خالتها عندهم تسولف واليوم تموت / شلون ماتت والبارح كانت عندنا مافيه الا العافيه
ام مروان بصوت باكي / قومي اخذي بنت خالتك لغرفتك وقفي معها وانا بطلع مع ابو مروان للمغسله بغسل اختي مابي غريب يغسلها وانا موجوده
اخذت سلوى تهاني من حضن امها ودخلتها غرفتها
وام مروان جالسه بالصاله تبكي بحرقها على اختها تنتظر ابو مروان ياخذها تشوف اختها وتودعها
عند ماجد
فاق من المهدي التفت حوله شاف سيف جالس على الكرسي
ماجد بحزن / وش مقعدك على الكرسي ليش مارجعت لبيتك ترتاح
سيف بجديه / شلونك الحين عساك بخير
ماجد بحزن / معاد لحياتي طعم من بعدها
سيف بضيقه / الدنيا ما تتوقف عند موت الي نحبهم وواجب علينا نصبر على فرقاهم وهم سبقونا وحنا بنلحقهم
ماجد بحزن / بناتي شلون بيعشون بدون ام شلون بوصل لهم وفاة امهم اذا انا يارجال ما قدرت اتحمل
سيف بجديه / غصب عنهن بيتقبلن الخبر ومع الزمن بيخف عليهن اليتم وان شاء الله اختك بتوقف جبنهم وبتعوضهن غياب امهم
ماجد بحزن / بطلع للبيت ارتاح
دخل الدكتور فحص على ماجد وكتب له خروج وقبل لا يطلع
الدكتور / تقدر تطلع لكن انتبه على صحتك واضح انك مهمل باكلك ونومك
ماجد بضيقه / ممكن تشيل المغذي
قرب منه الدكتور وفك سلك المغذي وطلع
طلعو ماجد وسيف من المستشفى ركب ماجد جنب سيف
سيف بجدية / بطلع لمطعم ناكل شي قبل لا ترجع للبيت
ماجد بتعب / مالي نفس وصلني لبيتي
سيف ماهتم لكلامه وصل لمطعم قريب من المستشفى / انزل
ماجد بضيقه / قلت لك مالي نفس وش له موقف هنا
سيف باصرار / انا لي نفس لي يومين مطب الاكل حلقي ومستحيل اكل الا اذا اكلت
ماجد بحزن / لا تجبرني على اكلن ماشتهيه
سيف بجدية / يارجال انزل وباذن الله بيجوز لك الاكل وبتاكل
استجاب لصديقه نزل ودخل المطعم جلسو على طاوله طلب سيف فطور خفيف وعصير برتقال
لما جاء الا كل اجبر سيف ماجد ياكل وماجد اكل ارضاء لصديقه لكنه يحس طعم الاكل مر بحلقه
عند نوف
وصلت للمطعم مع مها وختارو طاوله وجلست مها مقابله لنوف
مها بجدية / متى بترجعين لسعوديه
نوف بضيقه / ضاع جوازي
مها بعصبيه / وتقولينها ببرود
نوف بجديه / تبين الصراحه كارهه رجعتي لسعودية وما تخيل نفسي اعيش هناك لكن الي مضيق صدري الاوراق الي مع الجواز الي فيها دماري
مها بجديه / سئلتي سميه عنها على قولتك هي كانت موجوده يوم مشكلتك مع سوزان
نوف بجديه / لا ما سالتها ولو كانت عندها قالت لي قلبي يقول انه مع سوزان واكيد محضره لي مصيبه
مها بعصبيه / تقولينها ببرود اجل لازم نبلغ السفاره عن ضياع جوازك بكره تقتل قتيل وتحط جوازك مكان الجريمه وتركبك التهمه
وانتم ياغافلين لكم الله
نوف بقهر/ لا تبلغين الشرطه بعدين اروح فيها ولا نسيتي مصيبة ناصر الي كاتبها
مها بجديه / ان شا ء الله الظرف طايح بشقتك ومن خوفك ما نتبهتي له وتعرفين الواحد اذا دور على الشي بوقته مايلقاه
نوف بجدية / افطري بنطلع لسوق بشتري شغلات ناقصه شدونه
مها وعيونها على الجرسون الي يوزع الصحون على الطاوله / يبيلك تشترين لبس ساتر يصلح تلبسينه هناك
نوف باصرار / لبسي نفسه مستحيل اغيره
مها بجديه / ليكون منتي بلابسه عباية وغطى
نوف بضيقه / مثل مامشي بفرنسا بحجاب بمشي هناك بنفس الشكل
مها بابتسامه / ناويه تجلطين الشباب الي هناك تراهم ما يصدقون يشوفون زول حرمه يبلشونها شلون لو كانت بجمالك وبدون عبايه
نوف بقرف / هذي مشكلتهم مو مشكلتي
مها بجديه / لكل حادث حديث مصيريك تلتزمين بعادات السعوديه وانتي ماتشوفين قدامك
نوف وهي تاكل من الفطيره / محد بغاصبني على شي مابيه واذا سويته بطيب نفس وكرم مني
مها بضيقه / نظرتك لسعوديه واهلها موجعتني لكن م اقدرت طول هالسنين اغيرها وحببك فيها انتي مصيبتك تشوفينها بالاشخاص السيئن ومنعميه عيونك عن الزينين يعني انا سعوديه وصديقتك ليش ما حبيتها لاني منها
نوف بضيقه / غيري السالفه الي تغثني
مها وهي تشرب الكبتشينو / ما قول الا الله يحببك فيها غصب عنك
عند ام سالم
قامت شافت شوق بحضنها رفعت الجوال شافت الساعه 10
ام سالم / شوق يمه قومي
شوق فتحت عيونها / يمه عمي تركي رجع
ام سالم بضيقه / مدري راحت علي نومه ماكلمت ولا سئلت عنه
وقفت شوق وقربت من دولاب جدتها كان لها ملابس بدولاب جدتها فتحت الدولاب اخذت لها بنطلون جنز وبلوه ورديه دخلت الحمام اخذت شور ولبست بالحمام وطلعت لافه شعرها بفوطه
لما شافت ام سالم شوق طلعت دخلت الحمام توضت وطلعت بسطت سجادتها صلت الضحى ولبست جلابيه بيتي
طالعت بشوق الي تنشف شعرها بالاستشوار
ام سالم بحنان / خلصتي يمه
شوق بجدية / باقي شوي
ام سالم / بانزل لا تتاخرين علي نبي نفطر سوا
لمت شوق شعرها بسرعه / نازله معك
مسكت يد جدتها وفتح باب الغرفه نزلت تحت كانت الصاله فاضية
جلست ام سالم على الكنب وشوق دخلت المطبخ طلبت من الشغاله تصلح لهم فطور ورجعت تجلس عند جدتها
ام سالم بعصبية / زوجة عمك هاالدعله نايمه ماتشبع من النوم
شوق بضيقه / يا يمه عمتي تقوم الصباح تفطر عمي وعيالها قبل لا يروحون وترجع لغرفته تشتغل فيها وش له تجلس تحت ومافي احد
ام سالم بسخريه / نسيت انك محاميتها ما ترضين عليها
شوق بضيقه / يمه ليه تنكدين على نفسك وعليهم احلفك بالله عمتي هيا عمرها رفعت صوتها عليك او حرضت عمي ليه ماتحبينها والله مثل طيبة عمتي مراح تلاقين
ام سالم بسخريه / هذا الي ناقص ترفع صوتها وتحرض ولدي علي
شوق برجاء / يمه علشان خاطري واذا كان لي غلى عندك اتركي عمتي بحالها والله عيالها تنكسر وجيهم اذا سبيتي امهم قدامهم يرضيك يمه احد يهينك او يغلط عليك قدام اعمامي
ام سالم مقتنعه بكلام شوق علشان كذا سكتت ما جادلتها
هيا كانت نازله وسمعت كلام شوق مع جدتها كان كلامها مثل البلسم الي برد على قلبها يكفيها نظرة شوق لها ووقوفها بوجه جدتها علشانها
هياء بنفسها / والله يشوق غلاك بقلبي يزود كل يوم اكثر من الي قبله انتي بنتي الي ما جبتها وضنتي لو عندي بنت ماوقفت بوجه جدتها علشاني مثلك وقدرت تسكتها
رجعت هيا لغرفتها تبي تنظر نص ساعه وبعده وتنزل ماتبيهم يكشفون انها سمعت كلامهم
عند تركي
طلع من المستشفى وركب جنب اخوها سرحان يفكر بمواجهة امه بعد مافضح نفسه
سمع صوت اخوه / انزل وصلنا
تركي بضيقه / الله يعيني على امك
سالم بجديه / ما ضنتي انك بتخاف من امي انزل واذا غلطت عليك واجبك تتحملها
نزلو دخلو الصاله شافو شوق وامهم جالسات
ركضت شوق لعمها تركي المرسوم الحزن والتعب على وجهه
شوق بحب / الحمد لله على سلامتك
تركي قرب من الكنب وجلس / الله يسلمك سخونه ما يحتاج اروح للمستشفى
شوق رجعت عند جدتها ام سالم اكلت تركي بنظراتها
ام سالم بسخريه / جالس تخذرف وتهذي وتنتفض من الحمى وتقول بسيطه
تركي بضيقه / يمه اذا عندك كلام ياليت تاجلينه بعدين شوفت عينك تعبان ومالي خلق لاي مجادل
وقف تركي / وينه ياسر
ام سالم بجدية / له ايام ينام عند امه
تركي بعصبية / من غير شوري
ام سالم بعصبيه / مثل مانت ابوه هي امه ومثل مالك حق فيه لها حق فيه اطلع ارتاح والعصر اطلع جيبه
تركي تعبان مايقدر يجيبه بتعب / اذا تحسنت طلعت اجيبه واذا ما قدرت قولي لسعود يطلع مع السواق يجيبه الليله ينام بالبيت
مشى تركي ودخل غرفته رفع فراشه مالقى صورتها تذكر انها كانت مع امه متاكد ان امه مستحيل تتركها له صار يطالع تحت السرير وحولينه لكن المكان نظيف قرب من الزباله الي عند باب الحمام شاف الصوره معفسه ومرميه رفعه
تركي بحزن / الله يسامحك يمه ليش ترمينها بالزباله ما تدرين ان روح والدك وقلبه متعلق فيها ما بقى لي الا هالصوره وبتبعدينها عني
صار يحاول يرجع الصوره مثل اول لكن بقى بعض العفسات اخذها وضمها لقلبه
خاف احد يدخل عليه مو ناقص رفع فراشه وحطها تحت ورجعه مثل اول
انسدح على سريره ومن التعب نام
عند ماجد
بعد ماخلص من الفطور ركب مع سيف سيارته وصله لشقه طلع معه لفوق
ماجد بتعب / ما قصرت ماله داعي تطلع معي لفوق
سيف باصرار / بوصلك لباب الشقه وبنزل
وصله سيف لباب الشقه وبعده نزل وركب سيارته بطريقه لبيته
عند سميه
سمعت صوت المفاتيح تفتح الباب اوجعها قلبها لما دخل اخوها وشافت ضعفه قربت منه وباسته على راسه
سميه / عظم الله اجرك
ماجد بصوت مبحوح / الله يجزاك خير
سميه / ادخل غرفتك ارتاح مابي بناتك يشوفنك وانت تعبان
ماجد بحزن / بناتها لازم يدرن عن موت امهم
سميه بضيقه / بقول لهم انت ارتاح
ماجد بتعب / ماتقصرين
مشى ماجد من قدام سميه دخل غرفته رجع له الحزن اضعاف مضاعفه الغرفه جمعتهم الحين بقى وحيد فيها فتح دولاب ملابسها اخذ فستان كانت تحبه ودايما تلبسه طلعه من الدولاب وصار يشمه حضنه بقوة وصار يبكي بحرقه
انسدح على سريره وثوب نوره بحضنها عايش على الاطلال
عند سمية
دخلت على البنات ماتدري كيف بتقول لهم الخبر
قربت من ريما وحنين كانت بسريرها / حنين تعالي
قامت حنين من سريرها وقربت من عمتها حضنتها
سميه بحزن / ريما انتي وحنين تعرفون ان لازم علينا نصبر والي يصبر له اجر كبير
ريما بخوف / امي صار لها شي
سميه بحزن / امك رحمها ربي من اوجها واخذها عنده
ريما صارت دموعها تنزل بحراره / امي ماتت مراح اشوفها مره ثانيه
سميه بضيقة / باذن الله نشوفها بالجنه
حنين صارت تبكي / عمه خلاص امي مراح نشوفها
سميه بصوت مبحوح / حنونه بالجنه بنشوفه ادعو لها بالجنه بدال ما تبكون تصدقو عنها امك بحاجه لصدقه اكثر من دموعكم
صارو البنات يبكون بحرقه على امهم وسميه تحاول تهديهم ولما عجزت حضنتهم وتركتهم يبكون بحضنها وهي تبكي متاثره على حالهم
لنا لقاء باذن الله السبت
اختكم نسايم نجد
|
31-05-11, 10:19 AM
جديد مواضيع قسم الارشيف
العرض العادي
