كاتب الموضوع :
نسايم نجد
المنتدى :
الارشيف
الاخوات الي يشوفون كره تركي وامه غير مبرر لنوف ناصر تزوجها من غير علمهم ولا شورهم وحطهم امام الامر الواقع وفوق كل هذا مافكرت تشوف اهل زوجها وتتعرف عليهم وتتقرب منهم لكن الي صاير العكس وفوق كل هذا مطنشتهم ومرسله لهم عيالها الرضيع قبل الكبير واهل ناصر يحتاسون معهم
ماتوقع لو ان اي وحده تكون هذي زوجة اخوها وتكون هذي فكرتها عنها بتحبها مستحيل
البارت الثالث
في بيت ام فواز
ام فواز جالسه في الصاله حزينه على حال بنتها الي من بعد الي صار بينهم وهي بغرفتها كل ما دخلت عليها شافتها نايمه او تتظاهر بالنوم ماذقت شي طول النهار
لازم تطلع لها وتغصبها تاكل ولا بتموت
طلعت لغرفة اميره فتحت الباب شافت النور طافي قربت من سرير اميره
ام فواز بحنان / يمه قومي اذا لمك خاطر تعالي معي تغدي
اميره رفعت راسها وبصوت حزين / يمه والله مالي نفس واذا جعت باكل
ام فواز / اجل ماني بماكله شي وبجلس بجوعي وتعرفين الجوع خطر على السكر
اميره استجابت لامها خايفه يرتفع السكر عليها / ان شاء الله
ام فواز / الله يرضى عليك
نزلت مع امها تحت كان الغداء جاهز جلست على الطاوله الصغيره الي بالمطبخ وصارت تتغصب على الاكل
امها اطالعها بحسره وهي تشوف وجه بنتها ذبلان من الحزين لو الحب ينشال كان شالته من قلبها
في فرنسا
عند ناصر
طلع من بيته ركب سيارته وصل للكفي فتح درج القريب من كرسي الراكب وطلع منه ظرف مقفل باحكام نزل ودخل الكفي شوب مواعد صديقه ماجد شافه جالس ينتظره قرب وجلس بالكرسي المقابل
ناصر / السلام
ماجد بطفش / وعليكم السلام كان ما جيت لي ساعه انتظرك
ناصر بجديه / خذ هذا الظروف من ايدي الحين وبعدين عاتبني
ماجد رفع حاجبه مستغرب وصار يقلب بالظرف / شنو هذا
ناصر شوف المكتوب بظهر الظرف
ماجده قلب الظرف وقراء المكتوب / يسلم لتركي ال... يعني يسلم لاخوك وش معناته
ناصر بجديه / هذا الظرف امانه عندك لصار لي شي تسلمه لخوي تركي
ماجد برعب / وش هالكلام الي تقوله جعل عمرك طويل
ناصر بضيق وخنقه / وصاتي تسلم الظرف لتركي قبل لا يخلص عزاي
ماجد بخوف / تعوذ من ابليس وش هالكلام الي تقوله ياخوي خوفتني عليك انت مريض وخاش عني
ناصر بضيق / ماني مريض ما فيني الا العافيه والظرف مهم كثير وابيك تسلمه لخوي بسرعه دخيلك لا تتاخر بتسليمه لتركي
ماجد يطمنه / ان شاء الله ما يحتاج اسلمه لخوك وترجع بالسلامه وترميه
ناصر بحزن / ما ظنتي يا خوك بتشوفني مره ثانيه احساسي يقولي هذا اخر لقاء بينا
ماجد بعصبيه ممزوجه بحزن / فالك ماقبلناه
وبيلطف الجو ومن داخله يحترق خايف من احساس صديقه / انت عازمني بدون ما تشربني شي
ناصر بابتسامه باهته / اطلب الي تبي على حسابي
عند صقر
دخل مكتب ركان ما لقاه انقهر بيتاخرون اكثر بتحقيق بسبته
في بيت ضاحي
ركان بالمطبخ يجهز غداء خاص لبوه وصل عنده وجلس على طرف السرير رفع السرير صار ياكل ابوه بعد ماخلص مسح فم ابوه بمنشفه مبلله
ورجع سدحه على جنبه ما يبي ظهره يستجرح من كثر نومة على ظهره قام وجلس على كنبه منفرده
يكلم نفسه / يارب تلهمني الحل ياربي مابي اصير عاق فيه لكن مجبور يوجعني قلبي اتركه لحاله لو صار له شي بغيابي والله ما سامح نفسي طول عمري
سمع صوت جواله كان صقر يكلمه من الشغل
صقر بعصبيه / ركان ليش متاخر عندنا تحقيق لازم تواجدك
ركان بتنهديه / بتاكد من نومة الوالد وبعده بجيك
سكر الجوال
جالس وعينه ما فارقت ابوه لين تاكد انه نايم طلع لشغله
في مدرسة منى
كانت منى بمكتبها دخلت عليها بنتها غلا معها شنطتها خلص دومها
منى / حبيبتي ليش طالعه من فصلك
غلا / ماما خلصت اليوم عندي خمس حصص
طالعت منى بالساعه الي قدامها شافتها 11 باقي ساعتين وينتهي دوامها
منى / حبيبتي تعالي اجلسي بتصل على بابا يجي ياخذك
دخلت غلا وجلست على كنب بالغرفه
رفعت جوالها وتصلت على سلطان الي كان بسيارته
منى / الو
سلطان بدون نفس / خير
منى بجديه / تعال اخذ بنتك انتهى دوامها
سلطان بملل / هاتيها معك بمر وليد وبطلعه
منى وهي ماسكه اعصابها / تبيها تجلس ساعتين تنتظرني وانت طالع للبيت مر اخذها
سلطان بطفش / امرنا لله بدق جوالك طلعيها برى
منى / طيب وانا برجع مع سميه
سلطان / احسن علشان انام قبل الصلاة
منى بقهر / يله مع السلامه لا تتاخر عليها
قفلت السماعه والتفتت لبنتها
منى / غلويه اذا وصلتي البيت تغدي ونامي
غلا / طيب
دقائق سمعت صوت الجوال مسكت بنتها بيدها ووصلتها لباب الشارع واتصلت على سلطان تتاكد انه برى وطلعت غلا دقائق ورجعت تتصل عليه تطمن ان بنتها ركبت السياره مع ابوها وبعده رجعت لمكتبها
عند سلطان
ركبت غلا السياره جنب ابوها مرو وليد
وليد فتح الباب الي قدام شاف اخته جالسه وليد بعصبيه / ياليت ترجعين ورى
غلا ببرائة / انا جالسه قبلك
وليد باصرار / خير انا الرجال اجلس قدام وانتي بنت مكانك ورى
غلا / بابا
سلطان ببرود / غلا ارجعي ورا
غلا فتحت الباب بزعل ورجعت ورى وجلس وليد مكانها
حرك سيارته وصلو للبيت نزلو ودخلو دخل سلطان غرفته نزل بدلته العسكريه ولبس قميص نوم رجالي طلع من غرفته شاف وليد وغلا جالسين على السفره ينتظرونه
قرب عندهم وجلسو ياكلون بهدوء خلصت غلا ودخلت غرفتها بدلت مريوله ونامت
ووليد بعد ماخلص دخل غرفته دخل بسريره ونام
وسلطان دخل غرفته ونام
في بيت الجده
دخل سالم وعياله البيت وطلعو فوق يبدلون ملابسهم وبينزلون تحت يتغدون سوا
وصل لغرفته كانت مرتبه ومافيها احد تاكد ان هيا تحت
على طلعته من غرفته شاف امه نازله
قرب منها وباس راسها
سالم / شخبارك يالغاليه
ام سالم / بخير
ومشت امه وتركها تسبقه بنزول الدرج احترام وتقدير لها
سالم دخل بالصاله وامه دخلت المطبخ شافت هيا تحوس بالمطبخ مع الشغالات تساعدهن
ام سالم بعصبيه / كم مره قايله مابي احد يطبخ غير سرين
فزت من صوت خالتها المفاجئ قربت من خالتها وباست راسها
هيا بابتسامه تودد / ما طبخت اهم ماعلينا رضاك ياخالتي
ام سالم هزت راسها وطلعت لقت عيالها وعيال سالم جالسين بالصاله شافو جدتهم وقفو باحترام لها وباسو راسها
جلست بكبريائها المعتاد وسط عيالها
التفتت لسالم تكلمت بجديه / سالم ابيك تقدم لي خياطات من لبنان بفتح لي مشغل خياطه
تركي بجديه / يمه كل ما فتحتي مشروع خسرتي فيه وقفلتيه ارتاحي خلي التجاره لهلها
ام سالم بعصبيه / يا ليت تكرم علينا بسكوتك ما طلبت منك شي
تركي بجديه / حرام الفلوس الي نخسرها بسبب مشاريعك
ام سالم بعصبيه / لو كانت من حلالك تكلم
تركي اضطر يسكت خاف امه تغلط فيه قدام عيال اخوه وتسقط هيبته قدامهم
دخلت عليهم هياء / الغداء جاهز تعالو تغدو
قامو للغداء وهي طلعت فوق تنادي ساره فتحت عليها الغرفه شافتها بارده مظلمه تاكدت انها نايمه ارحمتها ما تبي تخرب عليها نومها سكرت الباب بهدوء وطلعت ودخلت غرفتها
عند صقر
جالس بمكتب ركان ينتظره مقهور من اهماله لشغله والمشكله انه عاذره لكن بتفوته ترقيات بسبب اهماله
وركان ضابط معروف لكن بعد تعب ابوه صار يستغل الفرص ويطلع يطمن على ابوه ويجلس عنده وتاخرت كثير قضايا بسبته
ركان يمتاز بالشده والقوة وشخصيته مرعبه للمتهمين بعكس صقر
عند ركان
دخل مكتبه لقى صقر قدامه وشكله معصب
صقربعصبيه / وبعدين مو حاله كل يوم ناجل القضية لين حضرتك تشرف
جلس ركان على مكتبه وتكلم بضيق / خلها على ربك وش تبيني اسوي ارمي ابوي بشارع والله اهم معلي ابوي والوظيفه بالطقاق
صقر بجديه / طيب جيب له عامل يهتم فيه
ركان بحزن / ابوي مخرف وعاجز وش يضمني انه العامل يرحمه
صقر بعصبيه / اجل تزوج وزوجتك تهتم في ابوك
ركان بابتسامه الم / زوجتي ما يحل لها تنظف ابوي وتسبحه
صقر بجديه / اجل زوج ابوك
ركان عصب / وش ازوج ابوك وهو طايح ومخرف وبعدين من المجنونه الي بتقبل فيه
صقر بجديه / فيه حريم فقرانات وعندهم درزن عيال يبون من يصرف عليهم وانت مراح تقصر مع زوجه ابوك ولا مع عيالها
ركان برفض / تبيني استغل ضعفها وحاجتها وزوجها لابوي مو طبعي ولا اخلاقي
صقر بجديه / انت منت بكاذب على اهلها قولهم حالة ابوك مراح تجبرها توافق غصب عنها
ركان بجديه / طولناها سوالف خلنا نبداء التحقيق
صقر بقهر/ ترى الي بيدخل عليك فاتح شقته ***** ومجمع بنات المسلمين ومصورهم باشكال مخله واستغل الصور ونشرها بمواقع مخله بالانترنت وهدفه التجاره بشرف هالبنات
انفجرت الحميه بركان / دخله بسرعه
طلع صقر وطلب من العسكري احضار المتهم ورجع لمكتبه تارك ركان مع المتهم لحالهم
عند ركان
دخل عليه المتهم و كان قمه بالوسامه والجمال مستغل هالشي لسحب البنات
وقف ركان وهو ينتفض قهر وعصبيه قرب منه وتفاجي الشخص بالكف القوي الي طيحه على الارض نزل وسحبه بقسوه من شعره
صار يتوجع من مسكت ركان لشعره وينتفض من الخوف كانه ورقه بيدينه
شخصية ركان وهيبته تخلي الي يشوفه ينرعب منه شلون وهو طايح بين ايدينه
ركان بصراخ فجر المكان وطالعه بقرف/ انت يالخسيس تستغل جمالك وفاتح شقتك ***** تلعب على بنات المسلمين والله لخلي هالجمال يروح الي استغليت فيه ضعف البنات ما حمدت ربك على هالنعمه
صار يضربه بقسوة وبعد ما شافه منهد تركه من يده ورجع وجلس وراء مكتبه وبداء بالتحقيقات
ركان بعصبيه / قول اسمك
الشخص / فيصل ال ......
ركان بنفس الحده والعصبيه / من متى فاتح الشقه
فيصل منزل راسه /........
ركان صرخ عليه / الحين مستحي ومنزل راسك ما ستحيت من ربك وهو يطالعك وانت كل يوم بحضن وحده بالحرام
فيصل وعيونه بالارض / من سنه
وكملو تحقيقاتهم
عند نايف
مستاجر شقه مع صديقه عبد الله اخو صقر جاين كلهم من الجنوب
جاء من المدرسه حط كتبه على الطاوله دخل على صديقه لقاه يحوس بالمطبخ
نايف بتعب / وش طابخ غدى لنا
عبد الله بابتسامه / كبسه من الي يحبها قلبك
نايف يبتسم / بتعلمني انك اشطر مني
عبدالله يبتسم / وانا اشطر منك ما يبي لها كلام لاجاء دورك ذبحني الجوع ولا كلينا من المطاعم
نايف بابتسامه / طالع لغرفتي بابدل لبسي واطلع اساعدك نحط الغداء سواء
دخل غرفته لبس ثوب نوم مخطط خاص بالرجال وطلع لصديقه وساعده وبسطو سفره على الارض
بعد اول لقمه تذكر اخوه وانسدت نفسه
نايف وقف / كثر الله خيرك شبعت
عبدالله بصدمه / ما كلت شي
وقف نايف ووصل لباب المطبخ والتفت على صديقه بحزن
نايف بحزن موجع / اكل وانا مدري اخوي اكل ولا لا شايب ببيت كبير بالحاله
عبدالله بجديه وهو مستمر بالاكل / والله اخوك ما يستاهل من يفكر فيه ويحاتيه وهو ما يبي قربك الا عشان فلوسك
طلع من غير لا يرد على صديقه قهر ان الي تغليهم اكثر من الروح يحبونك لمصلحه
عند مبارك
ساكن في بيت شعبي قديم جالس بالصاله الي سقفها من الخشب القديم وبابها من الحديد القديم الاخضر الغرفه مفروشه بفرشه قديمه ومخاد باليه محطوطه على جدران الغرفه
جلس وبايده صحن الرز الابيض وللبن
حط سفره من الجرائد وحط الصحن وصار ياكل بيده بعد ماخلص قام ودخل المطبخ اخذ باقي الرز ورجعه بالقدر للعشا او لغداء بكره
مبسوط بالوحده الي عايشها منها يقلل المصروف
في فرنسا
ناصر رجع من صديقه وهو هادي غير عن العاده لقى شوق اتابع فلم اكشن كانت مندمجه ما نتبهت على دخوله
قطع عليها ناصر / قولي للبقره تجهز الغداء
وقفت لما سمعت صوته باست راسه وتركته ودخلت للمطبخ كانت نوف مشغوله بتقطيع السلطه معطيه الباب ظهرها قربت من امها وحضنتها من ورى صارت توصل لكتوفها التفتت نوف وشافت بنتها وقربت منها وحضنها
نوف بابتسامه / وش الروقان كله علشان بتسافرين الرياض وتشوفين تركي
شوق / ههههههه يا كشفني
نوف بخوف / عفيه شوق روحي تاكدي من اخوانك لين اخلص شغلي لو ابوك يسمع واحد منهم يبكي بيسود عيشتي
شوق مسكت بطنها المنفوخ انتفضت من مسكت بنتها كانها مقروصه
نوف بعدت عن شوق وبعصبية / بطني لا تقربينه ولا تلمسينه اللمس يضر الجنين
شوق بحب / ماما متى بتولدين
نوف بارتباك / مدري يمكن بكره بعده ها الاسبوع
شوق بوجع / والله حرام اسافر واتركك
نوف بمراره والم / تطمني مراح يجيني شي مو اول مره اولد انتبهي على نفسك وخوانك
شوق بحب / ماما حرام عليك صحتك اكلي مانع يريحك من كثرة الولايد
نوف بوجع / ابوك رافض روحي لاخوانك بدال السوالف
طلعت شوق من المطبخ دخلت غرفة اخوانها شافتهم يلعبون والصغير نايم وسالم وتركي وماجد برى عند عيال جارهم معزومين عندهم
عند نوف
بعد ما تركتها شوق حطت يدها على بطنها وصار دموعها تنزل بحراره ووجع
نوف في نفسها / ضحيه من ضحاياك يا ناصر يويلك من ربي الله لا يسامحك خليتني اشاركك بجرايمك
قطع عليها صراخ ناصر
مسحت دموعها بقفا يدها
ناصر بقسوه / يابقره بدخل الحمام اطلع مالقى الاكل على السفره يويلك
نوف بكره / حاضر
طلع وتركها وهي تتسابق مع الوقت دخلت عليها شوق وساعدتها قبل لا يطلع كان كل شي جاهز
وقفت تكمل شغلها بالمطبخ ما يحبها تاكل معهم وهو موجود
شوق وسمر وسحر وعدنان وعادل جالسين يتغدون
بعد ما خلصو دخلت على المربيه جابت عيالها الصغار وحطت فارس جنبها وماهر في حضنها وبدت تاكلهم بعد ماخلصو اكل شالتهم ودخلتهم الحمام سبحتهم ونظفتهم وعطرتهم
دخلت غرفة المربيه عطتهم لها ورجعت
للمطبخ شافت شوق واقفه تغسل المواعين
نوف بعصبيه / وش تسوين
شوق وهي تغسل / مثل ما تشوفين اغسل المواعين
نوف / اتركي الي بيدك وروحي لغرفتك تعرفين ابوك يعصب لشافك تساعديني
شوق ببرود / خله يشوفني ما يهمني حرام كل ضغط الشغل عليك وكرشتك قدامك ابوي لا يرحم وبيمنع رحمة ربي تنزل طنشيه
نوف قربت منها وحضنتها بحب / الله لا يحرمني منك
شوق وهي في حضن امها / ولا يحرمني منك
وسحبت نفسها من حضن امها وكملت غسل ونوف اخذت المنشفه وصارت تمسح المواعين الي تغسلهم شوق بعد ماخلصو طلعو لصاله كانت فاضيه
شوق بابتسامه / فيه فلم اجرامي خطيرررررر وش رايك اطالعينه معي
نوف بجديه / قلبك قوي اطالعين شغلات ما تنتطالع من كثر ماتخوف
شوق وهي تحرك حواجبها / علشان اعرف تفكير المجرمين واقدر افتح شفرتهم
نوف بسخريه / الي يسمعك يقول ماليه يدك انك بتتوظفين بالشرطه
شوق بثقة / باذن الله بتوظف والايام بتثبت لك
نوف بابتسامه / مدام ابوك عايش وعمانك وجدتك امسحي يدك من الوظيفه
شوق بتحدي / نشوف
في جناح سالم
كانت هيا داخله غرفتها بعد الغداء شافت زوجها الحبيب منسدح على سريره امنيتها يرتاح بالها وتعيش معه سعيده ماينغصها شي لكن خالتها منكده عليها حياتها حاولت وحاولت وتحاول تكسبها في صفها لكن هي ما تعطيعها فرصه
سالم بابتسامه / بطولين تتامليني
هيا بابتسامه وعشق / لو اتاملك طول العمر ما ما شبعت ولا مليت
سالم حس بتخوفها / والله ما بدلك بصنف الحريم
هيا دمعت عيونه / يوم كانت غيري بين احضانك كل ما تذكر انفجر غيره
سالم بحب / تعالي لا تضيقين خلقك
قربت منه وجلست على طرف السرير
سالم بحب / تصدقيني لو اقولك
هيا / ......
سالم بعشق / والله الي خلق غلاك بقلبي الي اخذتها حتى وجهها ماعرف شكله ولا جمعني معها فراش
هيا منصدمه / عايش معها سنه ياسالم سنه مو يوم ويومين وتقول هالكلام
سالم بابتسامه / لو عايش معها 10 سنين مافي قلبي غيرك ولا ملت عيني غيرك البنت الي اخذتها امي حطتني بالامر الواقع وخطبتها من اهلها ولما تزوجتها مكره وصعب اطلق البنت من اول ليله هي مالها ذنب
ابتسم وكمل / لما كان يجي دورها انام على الكنبه الي كسرت ظهري
قربت منه وحضنته بقوه وصارت تبكي بوجع وقهر / لما كنت تنام عندها دموعي ماجفت احترق من الغيره
بعدها عن حضنها وشاف وجها احمر من البكي يوجعه قلبه عليها على طيبتها ما سلمت من قسوة امه
سالم بحنان / والحين ان شاء الله ارتاحتي انا قلت لك ها لكلام بينا ما بيه يطلع وقلته لاني اشوف واحس ان داخلك قهر اعرف انه صعبه على الوحده ان زوجها الي تحبه وابو عيالها يكون عند وحده غيرها انتي عارفه ان الزواج كان غصب عني ما حبيت افضح امي عند صديقتها
هيا / اخاف خالتي تزوجك مره ثانيه
سالم ابتسم / حاولي تكسبين امي
هيا / والله حاولت وللحين عندي امل لكن خالتي الله يهداها ماعطتني فرصه
سالم برجاء / حاولي علشان خاطري وخاطر عيالك
هيا بتغير الموضوع / اخوك ناصر بيجي الليله
سالم فهم عليها هو ذكي / ايه
هيا بفرح / مشتاقه لها لشوق فديتها
سالم / كلنا مشتاقين لها البيت اذا جت يصير غير
هيا بحب / سالم وش رايك عيالك ينامون تحت ابيها تاخذ راحتها
سالم / بينامون مع عيال عمهم
هيا بجديه / بيجون اخوانها معها
سالم بقهر / اكيد ما تصدق الهانم يجينا ابوهم سفرتهم كلهم معه هذي ما تخاف الله مرسله ولدها ابو سنه ما خافت عليه وينها الامومه عندها الي بفهمه ليش ما تجي معهم واداريهم ولا وظيفتها بس تولد وغيره يبتلش بهالبزران
هيا بابتسامه / يعني لو عندك هالكثر عيال مراح تنبسط
سالم بابتسامه / بانبسط مثل ماخوي منبسط وفرحان فيهم
هيا بابتسامه / خلاص اجل بجيب كثرهم
سالم بابتسامه / علشان اهج منك
هيا بجديه/ تدري وش خاطري فيه
سالم بجديه / وش خاطرك فيه
هيا بصدق / اشوف زوجة اخوك وكون معها صداقه
سالم بابتسامه / اجل ابشري مراح يتحقق الي بخاطرك زوجة اخوك له عشرين سنه من تزوجها ما فكرت تجينا حتى ولو بالغلط
عند منى
بعد ما خلص الدوام دخلت مكتب سميه شافتها تلبس عبايتها
منى بابتسامه / الله يعينك اليوم على توصيلي لبيتي
سميه بجديه / السياره وصاحبتها فدوة لك
منى بحب / تسلمين
لبست منى عباتها ونقابها وطلعت مع سميه وركبت بالسياره ورى جنبها
سميه / وش رايك اعزمك على مطعم نتغداء سوى
منى بتعب / مره ثانيه ادور فراشي بنام تعبانه
سميه بجديه / اجل الليله عشاك عندي وبالمره تاخذي شيك بالفلوس الي تبينها
منى بمرح / هههههههه من متى الشيكات يابزنز ومن
سميه بمرح مشابه / نمشي مع موضة الشيكات
منى بابتسامه / يا خوفي الشيك يكون بدون رصيد
سميه / تطمني برصيد اهم شي مايدري عنه العله الي عندك
منه تنهدت بحسره / الي عندي عايش لنفسه
وصلت لبيت منى / يله انزلي وموعدنا الليله
منى / ان شاء الله
سميه حركت بسيارتها ومنى دخلت البيت كان هادئ طلت على غرف عيالها شافتهم نايمين دخلت المطبخ تشوف الشغاله
ميري / مدام احط غداء
منى بحزن / مالي نفس
ما تحب تاكل الحالها وقبل لا تطلع اكلت سندويشات مع المدرسات
دخلت غرفتها كانت بارده شافت سلطان نايم دخلت غرفة التبديل اخذت ملابسها ودخلت الحمام اخذت شور ولبست ولفت فوطه على شعرها وطلعت من غرفتها مرت المطبخ طلبت من الشغاله تسوي لها شاهي ما تبي تنام واذان العصر باقي عليه اقل من ساعه
عند صقر
رجع للبيت بعد ماخلص دوامه دخل البيت شاف امه جالسه بالصاله قرب منها وباس راسها وجلس جنبها
صقر بابتسامه / ليش جالسه لحالك يالغاليه
ام صقر / ماجاني نوم والصلاة مابقى عنها شي
ام صقر بحب / علامك يابوي تاخرت
صقر بابتسامه / عندي قضية ولازم اخلصها اليوم
ام صقر / الله يكفيك شر شغلك
صقر / امين الا البنات وينهم
ام صقر / نايمات
صقر / الا بقيتو لي غداء تراني ميت جوع
وقفت ام صقر وجلسها بحنان / والله ما تقومين انا بدخل اجيب غداي
وقف ودخل المطبخ وشاف الشغاله وطلب منها تجهزه وتبسط له سفره بالصاله
دقائق وجابت الشغاله الغداء وحطته على الارض وجلس ياكل بعد ماخلص اكله قام يغسل ورجع جلس جنب امه
صقر / يالغاليه اليوم كلمت منى تسلم عليكم
ام صقر بحب / شلونها وشلون عيالها وبوهم
صقر / معليهم بخير
صقر بتردد / يمه كلمي ديما ما يجوز الي تسويه مع امها هذي جنتها ونارها والله اليوم يوم تسالتني عن بنتها تبكي اوجعني قلبي عليها
ام صقر بحزن / ديما الله يهداها رافضه تكلم امها وتبرد قلبها واذا غصبتها تكلمها كلمتها ببرود والمشكله اذا زارتنا امها ما تقابلها زين وكرهت خوانها فيها
واذا كلمتها لفت الموضوع وقلبته على امها
صقر بحنان / ديما وامها موجعات قلبي
ام صقر بحنان / الايام بتحنن قلب ديما على امها لا تشيل هم يكفيك شغلك ومصايبه
سمع صوت الاذان / تركي يالغاليه طالع غرفتي بتوضا وطلع اصلي العصر ويمكن امر ركان ببيته
عند ركان
وصل البيت مع اذان العصر اول مدخل دخل غرفة ابوه شافه مرتاح بنومته دخل الحمام توضا وطلع يصلي
قابل صقر بطريق يسولفون وهم يمشون
صقر بابتسامه / شخبارك مع فيصل ليكون ذبحت الرجال
ركان بجديه / اخذ الي فيه النصيب ما طلع من عندي الا يون اكيد منكسره ضلوعه
صقر بابتسامه / جعلني ما طيح بين ايدينك مجرم
ركان بمزح / ان طحت بين ايديني بكفر فيك
صقر بابتسامه / ترى قهوتي بعد الصلاة عندك
ركان / والله انا رجال عزوبي جيب قهوتك معك وياليت تجيب شي حلو ينوكل معك
صقربمزح / ولا يهمك بجيب قهوتي معي كله فدوة مقابل ذا الوجه البشوشي وصلو للمسجد ودخلو
في فرنسا
العصر
كانت نوف جالسه بغرفة عيالها مشغوله بترتب ملابسهم وتحط الي يحتاجونه ودموعها على خدها
دخل عليها ولدها سالم شاف دموعها اوجعه قلبه قرب من امه وباس راسها
رفعت راسها وبتسمت له من بين دموعها
جلس على ركبته قدام امه وتكلم بحرقه / يمه والله مقهور وموجوع من ابوي والله كلماته القاسيه تطعني قبل لا تطعنك لكن انتي حالفه علي اسكت يمه دخليك لاشوف دموعك ولا وربي ادخل عليه ولا همني انه ابوي
سحبته لحضنها وضمته وتكلمت ووجها دافنته بشعره / الله لا يحرمني منك يا روح امك لكن اذا تحبني وادور رضاي لا تتناشب مع ابوك تعودت على قسوته
سحب نفسه ومسك يدها وباسه / والله ابوي ما يشوف عنده جوهره ويقسى عليها
نوف ابتسمت / كل ولد بامه معجب
سالم بحب / اشوف ام سالم قلبت المثل على مزاجها
نوف بمزح / كيفي الا تغديت
سالم / ايه
نوف بحب / اجل قوم بساعدك اجهز معك شنطتك
سالم بابتسامه / يمه كبرت تراني ماني فارس ولا ماهر الي حتى الدواء تحطينه لهم
نوف بابتسامه / بتبقى بعيني بزر لين اشوفك متزوج
سالم / ههههههههه اجل يله زوجيني علشان اكبر
ضربته على ظهره / ان خلصت جامعه ابشر بالزواج الحين مافي
سالم بمزح / يييييييييوه باقي 3 سنين
نوف بوجع / سالم طالبتك
انتفض سالم / جاك يالغاليه لو تطلبين عيوني ما ترخص لك
نوف بقهر / انتبه لخوانك وخواتك يمه انتبه لهم مابي احد يقول نوف ما عرفت تربي
انتبه لاصحاب اخوانك وخواتك راقبهم من بعيد لا تحسسهم انك شاك فيهم
سالم موجوع موجوع من هالظلم الي يشوفه ومجبر يسكت
سالم بوجع / من عيوني
وقفت ووقفته معها / تسلم العيون وراعيها
مشت مع ولدها دخلته غرفته بيرتب غراضه
نوف بحب / مدامك منت بزر ياله رتب اغراضك
دخلت الصاله شافت تركي وماجد يلعبون بلاستيشن قربت منهم وجلست وسحبت اليد من ماجد
وحطت يدها الثانيه وراه / بالعب دورك علشان اكسر راس تركي ونفوز عليه
تركي بابتسامه / الا بتخسرينه
نوف بايتسامه / والله تلميذتك وانت الي مدرسني كان مدرسني غلط
ماجد باعجاب / يا نصاب امي كم مره اطلعك برى اعترف بالهزيمه بلاها هالمهايط
نزلت راسه وباست خده / فديته حبيب امه الي رفع معنوياتها
تركي بحب / يمه مابي اروح بجلس معك
نوف بوجع / ما شتقت لفهد وعيال عمك
تركي بابتسامه / الا اشتقت لهم
نوف بحب / شريت لهم هديه ولا بيقولون عنك بخيل
تركي / ما شريت الا لفهد
ماجد/ وانا شريت هديه ليزيد
نوف بحب / طيب ليش ما شريتو لعمانكم
تركي بجديه / عمي تركي اكيد شوق شاريه له
نوف بجديه / ما يكفي لازم كل واحد منكم يشتري لعمه هديه بيعرفون انكم تحبونهم ما نسيتوهم
تركي بحيره / مدري وش اشتري لهم
نوف بحب / انا شريت هديه لسالم وتركي وغلفتها لكم
ماجد / وش شريتي
نوف / تركي هديته ساعات لعمه سالم وتركي لكن موديلها يختلف
وماجد هديته جوال فخم لعمه تركي وجوال لعمه سالم
وكملت بحرص / لا تقولون امي الي شاريتها مو حلو لان عمانكم المفروض ما تنسونهم
ماجد وتركي / ان شاء الله
تركي / وياسر ولد عمي تركي
نوف بابتسامه / هديته مع عدنان
مدت يد البلاستيشن لولدها وقامت
وجلست على الكنب دخلت عليهم شوق لابسه حجابها وبتطلع لسوق
نوف / الحين طالعه لسوق
شوق / ايه ويله يابطل انت وهو اتركو عنكم اللعب وتعالو معي السوق
نوف بتاكيد / شوق اشتري هدية غاليه لجدتك واذا الفلوس الي عندك ما تكفي بعطيك
شوق مدت يدها / انتي كريمه وانا استاهل
وقفت نوف ودخلت غرفة شوق واخذ المحفظه وطلعت بطاقتها ورجعت ومدتها لشوق اخذتها منها شوق ورجعت تجلس على الكنب
نوف بتاكيد / لا تنسين عمتك هيا وعمتك ساره
شوق / يمه والله ما نسيتهم وبشتري لهم هدايا غاليه وتبيض الوجه
نوف بتاكيد / وعمك سالم لا تنسينه مو تشترين لتركي وسالم تنسينه
شوق / اصلن هدية عمي تركي من زمان بالشنطه
نوف بحرص / قولي لاخوك سالم يوصلك
شوق / قلت له قال مشغول بترتيب اغراضه وبيطلع بعد ما يخلص مع ثامر بيشتري الناقص
التفت نوف لتركي وماجد الي مشغولين باللعب / تركي ماجد يله اطلعو مع اختكم ولا تتاخرون
تركو اللعب والتفت ماجد لشوق / قولي لشوق الي ما تتعب من المشي
تركي يسخريه / واكيد بنصير لك حمالين لاغراضك الي تكسر الظهر
شوق بابتسامه / وهل في ذلك شك
باست شوق راس امها / توصين على شي
نوف بابتسامه / لا تنسين الي طلبته
شوق بمزح / وانا اقدر يا قميل
طلعت شوق مع اخوانها لسوق سمعت صوته البغيض وراها
ناصر / جهزتي شناط العيال
نوف بدون ما تلتف عليه ماتحب اطالع وجه الي تشوفه اقبح وجه
نوف بكره / ايه وشوق طلعت مع اخوانها تشتري هدايا
ناصر / رحلتنا تقدمت بتكون الليله كلميها لا تتاخر
نوف بوجع / الساعه كم
ناصر / بعد العشاء
نوف بحزن / ليش تقدم السفر وصار الليله
ناصر بسخريه / ليكون البقرة عندها مانع
نوف / ..............
مشت وتركته ودخلت غرفة شوق وكلمتها وحطت خبر عندها بتقديم سفرهم
ودخلت غرفة سالم الي شكله محتاس بترتيب اغراضه قربت من عنده وصارت ترتب معه
نوف بابتسامه / لا تسوي نفسك رجال على امك شكلك حايس بترتيب اغراضك
سالم بابتسامه / البركه فيك مخربتنا ما نعرف نرتب اغراضنا
نوف / حبيبي ابوك قدم رحلتكم وبتصير اليوم بعد العشاء اذا ناقصك شي اطلع اشتريهم وانا بكمل ترتيب اغراضك
خوانك خلصت من ترتيب اغراضهم وسكرت شناطهم وحطيتها برى وانت اخر واحد تتقفل شنطته وبعدك شوق
سالم / باقي شغلات ضروري لازم اشتريها موصيني عليها سعود
نوف سحبته وطلعته برى الغرفه / وش تنتظر اطلع السوق وشتري الي ناقصك
سالم سحب يد امه وباسها بحب / والله من غيرك ما نقدر نعيش
نوف بحب ودموعها بطرف عينها / وانا من غيركم ميته بدون روح
باس راسها وطلع
موعدنا باذن الله السبت بنفس الوقت
توقعاتكم
اختكم نسايم نجد
|
07-03-11, 05:15 PM
جديد مواضيع قسم الارشيف
العرض العادي
