كاتب الموضوع :
نسايم نجد
المنتدى :
الارشيف
بارت اليوم بارت لذيذ وحلو ( فيه ردت فعل تركي من الوصيه / وموقف شوق من الوصيه / وظهور الهنوف وردت فعل تركي اذا شافها ) رجاء محب / قراءة البارت من البدايه وعدم طمر السطور للوصول لمبتغاكم
قراءة ممتعه
البارت الثالث عشر
عند تركي
قلب الظرف كان مكتوب بخط ناصر يسلم بيد تركي
فتح الظرف بايدين ترتعيش خوف وطلع الورقه فتحها
وتفاجئ من المكتوب داخلها كانت مكتوبه بخط ناصر
انا ناصر ال ........ اكتب هذي الوصيه قبل موتي واتمنى توصل لاخوي تركي قبل ان ينتهي عزاي
اتمنى منك يا تركي اذا تبي راحتي تنفذ وصيتي مثل ما طلبتها بدون زياده او نقصان
اولا / انقل كل ممتلكاتي بفرنسا وبيتي الي بالرياض ونصيبي بال شركه باسم زوجتي نوف ولقد ثبت البيع باورق رسميه عند محامي ال ..... رقم جواله ........
ثاني / وصيتي لك يا تركي عيالي اهتم فيه ولا تحسسهم باليتم وكون لهم الابو
ثالثا / وصاتي لك يا تركي تتزوج نوف وحلفتك بالله ما تدخل عليها وزواجكم يكون على ورق
رابعا / وصاتي لنوف ترضى بالزوج منك يا تركي واذا رفضت تنجبر على هذا الزواج اهم شي ما تتزوج غيرك
نوف اطلب منك تسامحيني وتبحيني وتحلليني من كل شي واطلبك واترجاك السر الي بينا يموت ويندفن بقبري لمصلحة عيالك
واخيرا اطلب من الكل يسامحني
وصيتي يا تركي لازم تنفذها اذا تبي لي الراحه بقبري
اخوك ناصر
نزلت دموعه بحرقه وقهر عفس الوصيه بين ايدينه ورماها بقسوه وشياطين الدنيا بين عيونه
ضرب بيده على الطاولة ضربه قويه موجعه ليده لكن الوجع الي بداخله اكثر صار يصارخ بهستير ويبكي بحرقه
بصوت باكي كله قهر وحرقه / غبي يا ناصر والله العظيم انك غبي تكتب كل شي باسم الحقيره وهي ما تستاهل باعتك وتزوجة بيوم وفاتك بتذيحني يا خوي وبتجبرني انفذ وصاتك غصب عني
وبتسم يسخريه / زوجتك الي بتزوجني لها ابشرك تزوجت قبل لا اقرا وصيتك
وصار ينتفض يبكي والحرقه / ليش يا خوي بتورطني وتبلشني بزوجتك وانت جابر نفسك عليها علشان عيالك ليه بتجبرني عليها ليه تبي تعذبني بهالزواج بسبتك كرهتها وصارت اكره مخلوق عندي اتمنى الموت ولا اتمنى اسمع اسمها ليش يا خوي تخنقني وتوجعني بشرطك اااااااااااه ذبحتني يا خوي
تذكر حلف ناصر ( انه ما يلمسها ويكون زواجهم على ورق )
وبسخريه وقرف / كثر الله خيرك انك رحمتني من لمسها وقربها تطمن يا خوي مستحيل المسها هالفيلة لو كانت مفسخه قدامي
وبصراخ وبكى موجع / شلووووووون بنفذ وصيتك واريحك بقبرك واتزوجها وهي متزوجه شلون تبيني اضغط على عمري واتزوجها بعد ما دق قلبي لغيرها حرام عليك يا خوي بوصيتك نحرتني دمرتني
صار يدور بالغرفه وداخله بركان ثاير مقهور ما يقدر يرفض لانها وصية ميت ولا يقدر يقبل لان تنفيذها فوق احتماله
تركي وهو يبكي بنحيب / والحل يا ناس شلون بنفذ وصيتك والبقره متزوجه قهرتك يا ناصر وانت ميت وتزوجت علشان تتعذب بقبرك
وبصرخه هزت البيت هز / ما عاشت ولا كانت الي بتخليك تتعذب بقبرك بتزوجها مهما كان الثمن وجيبها خدامه لعيالها
وبصراخ وتفكير جنوني / لاززززززم اسافر الجنوب وبجبره يطلقها واذا رفض ذبحته وغصب عنها تتزوجني مو حبا فيها تنفيذ لوصية ميت
بعد ما حس انه هدا رجع لمكتب اخوه اخذ الوصيه الي رماها على الارض وجلس على الكرسي وفتحها ورجع يقراها من جديد وانتبه للمكتوب بالنهايه لانه بعد ماقرا البدايه من انفعاله انعمى عن النهايه
تركي بتفكير وحيره ودموعه على خده / وش مسوي لها يا ناصر علشان تسامحك و تحلك وتبيحك معقوله الي قالوه عيالك صدق وانك ظالمها ومعذبها
هز راسه رافض يصدق هالكلام
ورجع لتفكيره ودموعه مازالت تنزل بحراره / ابي افهم ليش على كرهك لها تكتب كل الي تملكه باسمها وش السر الي بينكم يوصل انك تترجاها وتطلبها انها تدفنه معك خوف على عيالك لنكشف السر
يارب شلون احل هالالغاز لو بستمر بالحيره بنجن
حس بخنقه طلع من مكتب ناصر ومن البيت وجلس بحديقه جانبيه يتامل الشروق ودموعه على خده الوصيه ثقيلة على روحه
عند مروان
رجع للبيت على اذان الفجر بدال لا يدخل المسجد ويصلي الفجر دخل غرفته وقفل الباب عليه
دخل فراشه وتفكيره بديما ذبحته ها لبنت من شاف صورتها والفديو وهو فاقد عقله لازم تكون بين احضانه وتطفي ناره وزاده تعلق فيها تصرفها الليله واضح انها ثقيله ما تجي بالتلفونات هذي يبي لها تخطيط على مستوى تذكر صرخت خالها خايف من ردت فعله لو كشف نيته تذكر تهديده انه بيدفنه بمكانه
وزاده خوف انه ضابط والمصيبه بالمباحث
لو يطيح بين يدينه ما يرحمه
عند سلوى
كانت بغرفتها متضايقه بكره الجامعه وهي مفلسه محتاجه لفلوس وخوها معصب متاكده لو طلبت منه بيرفض وبيسمعها كلام قاسي
لو كان جوال الكمرا مسموح فيه بالجامعه كان بكره سحبت منه الصور بسهوله لكن ما تدري وش تسوي لو جتها لبيتها بتشكك فيها لانها ما تزورها
دخلت عليها امها واضح ان السخونه هاده حيلها
ام مروان بتعب / يمه قومي صلي
سلوى بضيقه وبكذب / يمه فيني عذر ما صلي
ام مروان بقهر وحزن / يمك ما صار عذر اتعذرين فيه طول السنه وانتي معذوره حرام يمك صلاتك محاسبه عليها عند ربك
سلوى بعصبيه / قلت لك معذوره صدقتي ولا بكيفك
طلعت ام مروان من غرفة بنتها وهي منقهره على حال عيالها وتساهلهم بالصلاة
عند سلطان
منسدح على فراشه معرض ندى ظهره وطول ليله كانه نايم على جمر حاس بحرقه كاويته مقهور بخاطره يبكي قهر
سلطان في نفسه / تستاهل كل الي صار لك من ايدك والي من ايده ربي يزيده
والحل يا سلطان الي متزوجها مو راضي ابلعها شلون بعيش معها لو طلقتها خسرت الثنتين منى مستحيل تقربني منها على قولتهم العوض ولا القطيعه ( امحق عوض الله لا يوفقك يا خالد يا ساس البلى كل الي فيني بسبت وسوستك كنت راضي بعيشتي وساكت )
عند ندى
مقهوره من سلطان متاكده انه صاحي من حركته الزايده لكن ما تجرئت تتكلم معه خايفه يجرحها او يغلط عليها من بعد ما شافت منى حست بالضعف اذا هي انبهرت منها وانشدت لها ومعجبه بشكلها وباخلاقها ومتاكده لو قارنت نفسها معها بتكون خسرانه
عند منى
طول ليله منسدحه على سريرها داخله نار شابه وتفكيرها عندهم وتحترق لتخيلت سلطان يقرب من زوجته تحس بالغيره تحرقها
منى في نفسها / وش هالاحساس الغبي منو سلطان علشان يهمني ولا اغار عليه وجوده مثل عدمه
انتي مقهوره يا منى ان على النعمه الي ربي عطاها لك سلطان ما شافها وستثارته وحده اقل منك بكل شي يعني لا تغترين بانوثتك الي ما يشوفها احد غيرك سلطان يشوفك مثله
انتفض من ها لتفكير / والله لا قهرك يا سلطان مثل ما قهرتني
من غير احساس فتحت دولابها المهجور وطلعت لها قميص احمر وفوقه روب
دخلت الحمام اخذت شور وتوضت ولبست وتعطرت وحطت لها مكياج خفيف
سمعت اذان الفجر طلعت من غرفتها طقت على باب المجلس
عند سلطان
سمع الطق على الباب متاكد انها منى فز واقف
وفتح الباب وياليته ما فتحه شاف قدامه منى بكل انوثتها وجمالها الي ذابحه ومعذبه
سلطان وعيونه عليها وبحرقه / وش عندك طاقه الباب
منى بابتسامه / قلنا معرس لكن ما ضنتي ان المعرس ما يصلي
مشت وتركته وعيونه تلحقها لين اختفت من قدامه
سلطان في نفسه بفرح / يمكن هذي اشاره لك يا لغبي انها تبيك مثل ما تبيها
استجاب لتفكيره وسكر الباب وراه ولحقها
عند منى
دخلت غرفتها جلست على سريرها وستحقرت تهورها وقلة عقلها وهي الي يشهد لها بالثقل والرزانه
دقائق وباب غرفتها يفتح
عند سلطان
وصل لغرفتها ولما فتح الباب وانفتح تاكد ان الي فكر فيه صح وانها تبيه
دخل الغرفه شافها جالسه بقمة الانوثه والاغراء بلع ريقه شكلها موجع حس برعشه بكل جسمه قرب منها وهو عايش بغيبوبه لذيذه
ما عاد فيه صبر يستحمل صدها وجفاها صحاه من غيبوبته صراخ منى عليه
عند منى
اول ما شافته شافت بعيونه نظرات كانت غايبه عنها من سنين رجعت لها ثقتها بنفسها الي زعزعها بزواجه لما شافته قرب وواضح انه متخدر صرخت
منى بصراخ / بعد عني مستحيل تلمس شعره مني
وبسخريه / ضنتي ان هذي غرفة نومي مو المسجد ويا ليت تطلع تصلي قبل لا تفوتك الصلاه
بصرخه كلها حرقه / المكان الي انام فيه محرم عليك تدخلها
صحى على نفسه وطلع من غرفتها مذبوح صدها له اكبر اهانه
طلع وسكر الباب وراه بكل قوته ما يقدر يتكلم او يجبرها لان كل الي صار منه
بسبب علته بعدها عنه 10 سنين رافض يتعالج خايف من الفضيحه والحين تعافى لكن بعد ما خسرها
دخل الحمام اخذ شور ودخل غرفة منى من غير لا يناظر لها شوفتها تنحره دخل غرفة التبديل لبس وطلع للمسجد
عند منى
بدلت ملابسها ولبست بجامه ساتره من الي متعوده تلبسهم
وبسطت سجادتها وصلت وطلعت لغرفة وليد قومته يصلى توضا وطلع للمسجد
ودخلت للغرفه الي ينامون فيها الشغلات صحتهم ورجعت لصاله وهي مقهوره لازم تمثل القوة
محتاجه لسميه كثيرررررر اول يوم تغيبه عنها وحست بفقدها محتاجه تشتكي لها
عند صقر
قام على صوت الاذان توضى ولبس وطلع من غرفته نزل ومر غرفة امه طق الباب شاف مكان امه فاضي ونجود نايمه
قرب منها بحنان / نجود قومي صلي وياليت تجهزين لي فطور لرجعت
نجود فتحت عيونها بكسل / ان شا ء الله
صقر بابتسامه / لمتى بتهجرين غرفتك وتبقين عند امي
نجود بحنان/ ما قدر ابعد عن امي واتركها لحالها اخاف لا نامت تحتاج شي ومحد عندها
صقر بصدق / انتي كذا تعودينها على قربك وبتنهار لتزوجتي ياخوك حاولي تبعدين عنها شوي شوي علشان لتزوجتي تكون تاقلمت على بعدك
نجود بجديه / مدامي عندها فراشي وفراشها واحد
صقر بحب / الله يرضى عليك ويوفقك انا طالع مابي اتاخر عن المسجد واطلعي قومي ديما
ام صقر كانت بالحمام وسمعت الكلام الي دار بين صقر وخته بكت من فرحها بعيالها وبكت لانها صدق تعودت على نجود نومتهم سواء وقومتهم سواء مسحت دموعها وطلعت وبسطت سجادتها ودعت بقلبها لعيالها
في شقة سلطان
عند ندى
بعد ما طلع سلطان قامت اخذت ملابسها وطلعت للحمام الخارجي شافت منى جالسه على الكنب ومرسوم الحزن على وجها
متاكده انها هي السبب مهما كان ما في زوجه بتنبسط اذا زوجها تزوج عليها واضح انها ا كانت البارح ضاغطه على نفسها
تعاطفت معها وحنت عليها وتخيلت نفسها مكانها مستحيل بتتصرف مثلها
قربت من منى وجلست مقابلها وبحزن / ادري انك مستحيل بتحبيني او تتقبليني لانك تعتبريني متطفله واخذت زوجك منك
لكن والله ان ها لزواج كنت رافضته وافقت عليه بعد اصرار من ابوي وللاسف رخصني بزواج المسيار وانا كنت ضده طول عمري مسالمه واكره ما عندي اكون سبب عذاب احد وللاسف الي اكره سويته بدون قصدي
منى رفعت عيونها لندى وشافت الدموع تلمع بعيونها
منى بابتسامه حزينه / لا تحملين نفسك فوق طاقتك مالك ذنب انا وسلطان ما بينا أي توافق لكن انجبرت اجلس عنده علشان عيالي ولا ابي اتطلق للمره الثاني واترك عيالي يعانون ويكرهوني مثل ديما
ندى بحيا / ما قلتي لي وش اسمك انا اسمي ندى
منى بابتسامه / منى واذا بتكبريني ام وليد
ندى بابتسامه / بقول لك منى اقرب للقلب بقولك شغله انتي استقبلتيني بالطيب والكرم واكون ماني متربيه اذا قابلت كل هذا بسوء اخلاق مني
والله اذا تبيني ابعد عن زوجك واتركه لك الحين رحت لاهلي وغصبته يطلقني
منى بابتسامه / خليك عنده بترحميني من ذنبه لاني بشيل يدي منه وبيصير مسئوليتك
يكفيني مسئولية عيالي ومدرستي وطالباتي كبرت على مسئولية زوج
ندى بحزن / لا تقولين هالكلام على نفسك توك صغيررره
منى بابتسامه / بنتي بتتزوج وتقولين عني صغيره
ندى بصدمه / من جدك عندك بنت بعمر زواج
منى بابتسامه حزينه / ايه
ندى بصدق / ما شاء الله مو باين عليك
منى بابتسامه / مشكوره وش رايك تكلمين اهلك وتعزمينهم على الغدا اكيد يفكرون فيك ويحاتونك
ندى كل هذا كثير عليها غصب عنها رمت نفسها بحضن منى حاسه الانسانه هذي نادره الوجود كلها حنان وطيبه
منى تفاجئت من حركة ندى لكن ما حبت تردها واضح انها طيبه
منى بحنان / ما قلت شي يستاهل اهلك واجب انك تعزمينهم في بيتك
رفعت ندى نفسها وتبتسم من بين دموعها / والله الي تسوينه كثيرررر مستحيل اقدر اجازيك عليه
منى بابتسامه / كلميهم وبتساعديني نسوي لهم غداء معتبر
ندى وقفت وهي فرحانه / ما عندي الا امي وابوي وانا وحيدتهم
منى بجديه / الله يخليهم لك
وقفت منى / بدخل اجهز الفطور اذا خلصتي تعالي نفطر سوى
تاملت لبس منى كان ساتر استحت من نفسها تلبس جري قدامهم رجعت لغرفتها رجعت البس الي مطلعته وطلعت لها بنطلون جنز وبلوزه حمراء شيفون ساتره اكمامها طويله
رجهت لصاله دخلت الحمام اخذت شور ولبست وطلعت من الحمام لافه شعرها بالفوطه ورجعت للمجلس مسكت جوالها وتصلت على امها
عند ام ندى
بعد ما طلع زوجها لصلاه الفجر صلت وجلست بالصاله وهي مخنوقه متضايقه ودموعها على خدها وتفكيرها ببنتها
سمعت صوت تلفون البيت رفعته / الو
ندى بشوق / شخبارك
ام ندى بلهفه وشوق / شلونك يمه طمنيني عليك
ندى بحب / الحمد لله طيبه وبخير
ام ندى بحزن / ليكون زوجته ضايقتك
ندى بصدق / زوجته تعزمكم للغداء تبيكم تطمنون علي
ام ندى مستغربه / انتي صادقه ولا تمزحين
ندى با عجاب / ما تتخيلين يمه ها لانسانه فيها طيبه وذوق تجبر الواحد يحبها ويقدرها
ام ندى براحه / يا بنتي ما دامها طيبه معك لا تجرحينها وتضايقينها ترى الي يوجع الحرمه ان زوجها يتزوج عليها
صيري لها الاخت وتقربي منها لا تندفعين وتتقربين من زوجك قدامها خليك ثقيله مثل ما ربيتك
ندى بحب / ان شاء الله يمه تعالي للغداء و تعرفي عليها
ام ندى بجديه / ا ن شاء الله بقول لبوك اكيد بيوافق طول ليله ما نام يفكر فيك
ندى سمعت صوت الباب / يله مع السلامه
ام ندى / مع السلامه
حست براحه بعد ما كلمتها بنتها دخل عليها ابو ندى والحزن مرسوم على وجهه
ابو ندى بضيقه / من تكلمين على هالصبح
ام ندى بفرح / بنتك
ابو ندى بشوق / شلونها ا ن شا ء الله مرتاحه
ام ندى بفرح / مبسوطه وزوجة زوجها عازمتنا للغداء تبينا نطمن على بنتنا
ابو ندى باعجاب / بنت اصول الله يريحها دنيا واخره ويبرد على قلبها
ام ندى / امين
عند ركان
قام على صوت ابوه قرب من ابوه تاكد انه جوعان دخل على السريع المطبخ سواء لها سليلاك بالارز ورجع لبوه عدل سريره وصار يا كله بحب بعد ما خلص نظف فمه وغير له وسمع صوت الاذان دخل الحمام توضاء ولبس ملابسه وطلع للمسجد تقابل مع صقر عن باب المسجد
صقر بجديه / صباح الخير
ركان بجديه / صباح النور
صقر بابتسامه / ترى بجيب فطور معي وبنفطر سواء
ركان بابتسامه / والله كانك عجوز تمشي بقهوتها
صقر بابتسامه / الشرهه على الي مهتم فيك وبيفطرك اجل بفطر مع امي ودور لك من يفطرك والا اقول اكل من سيريلاك ابوك
ركان / ههههههههه تعال شاركني فيه بجهز لي صحن ولك صحن
صقر / هههههههههه رياجيل وش طولنا وضباط بالمباحث وتاليتها كل واحد بيده صحن سيريلاك وياكله ولله بتطلع مقاطع فديو رهيبه
سمعو الاقامه ركان / اعوذ با لله من بليس السوالف اشغلتنا
في بيت الجده
جناح هياء
منسدحه على سريرها والنوم جافا عيونها وتفكيرها كله بشوق وخوانها مقهوره وموجوعه انها طالعه من البيت مكسوره ومجروحه اوجعوها بامها
هيا بنفسها / والله سوات امها ما تنترقع شلون هانو عليها عيالها وتزوجت بيوم دفن ابوهم
الله يصبرك يا شوق وتقدرين تتجاوزين هالشي
سمعت صوت الاذان التفت على سالم شافته غاط بنومه
هيا بحب / سالم قوم صل
سالم فتح عيونه بكسل وتاملها واضح عليها السهر عدل جلسه / ليش ما نمتي
هيا بضيقه / افكر بشوق وخوانها قلبي محروق عليها
سالم بحنان / ارتاحي كلها كم يوم وبنسافر عندها
هيا باصرار / دخيلك سالم خلها اليوم ولا بكره معاد فيني صبر وانا احاتيها كلم اخوك قوله يرجع وحنا بنسافر واذا عندك شغل ارجع وتركني عندهم اذا ما طاعت ترجع معنا
وقف / يصير خير ا ن شا ء الله
دخل الحمام توضى ولبس ملابسه وطلع للمسجد
وهيا دخلت الحمام توضت وطلعت بسطت سجادتها صلت ودخلت بسريرها من تعبها وارهاقها نامت
عند ام سالم
طول ليله تبكي بحرقه تحاول تتظاهر بالنوم ما تبي اختها تقلق عليها ارتاحت وهي تسمع الاذان
امسحت دموعها والتفتت على اختها / مريم قومي صلي
فتحت ام فواز عيونها / من متى ماذن
ام سالم بضيقه / للحين ماقام قومي
قامت ام سالم سبقت اختها للحمام توضت وطلعت وبعده دخلت ام فواز
ابسطت سجادتها وصلت وبصلاتها تدعي بحرقه
طلعت ام فواز شافت اختها تصلي قربت من الدولاب اخذت لها سجاده ابسطتها وصلت
عند ساره
طول ليلها تفكر بشوق ومتضايقه على حال امها وارتحت ان خالتها نايمه عندها بالعزر قدرت تنام صحت على صوت اخوها سالم يطق عليها الباب يصحيها قامت وهي كسلانه دخلت الحمام توضت وصلت ورجعت تنام
في بيت سلطان
دخل وليد شاف امه بالمطبخ قرب منها
وليد بابتسامه / يمه
منى بحب وبابتسامه / عيونها وروحها لا تنام افطر معنا بعرفك على ضيفه جديده
وليد مستغرب / منهي الضيفه ومتى جت
منى بابتسامه / الضيفه جت بالليل وانتم نايمين ومنهي هذي تصير خالتك زوجة ابوك
وليد بصدمه وحزن / ابوي تزوج
منى بابتسامه / وليش تقولها كذا ابوك تزوج علشان يجيلكم اخوان
وليد / ...........
سلطان كان واقف عند الصاله ويسمع حوارهم وهو مقهور من نفسه شلون كان مقفل عيونه عنده جوهره بين يدينها ماعرف قيمتها الا بعد ما ضيعها
دخل مجلس الحريم شاف ندى ترفع المفارش وترتب الغرفه تاملها وهو ساكت وحرقه بصدره تزود
سلطان بضيقه / خلصتي ترتيب
ندى بجديه / اسمي ندى متاكده انك ما تعرف اسمي
سلطان بارتباك / معليه اذا خلصتي اطلعي بالصاله تعرفي على وليد واخته
ندى بخوف / اخاف ما يتقبل وجودي
سلطان في نفسه / انا بكبري ماني بمتقبل وجودك وشوفتك اكره شي على نفسي لكن الشكوه لله
سلطان ببرود / امه حطت عنده خبر واشوفه متقبل وجودك
ندى / الحين طالعه
طلعت شافت وليد جالس بالصاله ويطالعها بنظرات حقد
منى شافت نظرات ولدها منى بابتسامه / وليد حبيبي سلم على خالتك ترها طيبه وتحبكم
ندى قربت وهي فاهمه نظراته وارتاحت من كلام منى وصلت عنده وقف ومد يده ومدت يدها باسته على خده
ندى بحب / شخبارك وليد
وليد ببرود / الحمد لله
رجع وجلس ودخلت المطبخ عند منى / تحتاجين مساعده
منى بابتسامه / تسلمين كلمتي اهلك
ندى بابتسامه / ايه وانبسطت امي كثير باتصالي بتحاول تجي بعد ما يوافق ابوي
منى بجديه / ليش يرفضون يزورونك اذا رفضو عطيني رقمهم وبحاول بطريقتي اقنعهم يجون
ندى بامتنان / جعلك سالمه
منى بجديه / اجل الحين بوصي على ذبيحه وبطبخها بايدى تقديرا لهلك
ندى بحب / ما تقصرين ماله داعي الكلافه
منى بجديه / ما فيه كلافه على الاقل نكسب شوفت امك واتعرف عليها
ندى بابتسامه / متاكده امي بتحبك
منى بجديه / تحملي عيالي بالبدايه مراح يتقبلونك ومع الوقت بيحبونك تعرفين بزران وتفكيرهم
ندى بصدق / عيالك عيالي والام لا غلطو عليها عيالها بتتحملهم وتلتبس لهم العذر
منى بابتسامه / هي فترة بسيطه وبنقل فلتي والشقه بتكون لكم
ندى بصدق / والله يا منى والشاهد علي رب العالمين اني حبيتك واشوفك الاخت الي انحرمت منها واكره معلى نفسي نفترق وافقد الاخت الي ربي رزقنيها بعد صبر سنين
منى بجديه / البعد بالقلوب مو بالمساكن فيه ناس ساكنين ببيت واحد وغرفه وحده وهم بعيدين عن بعض وناس ساكنين بعيد عن بعض تشوفينهم قريبين من بعض ويتواصلون بالزيارات او الاتصالات
وكل بنت تبي تعيش ببيت خاص فيها مع زوجها وياخذون راحتهم بدون منغصات
وصدقيني يا ندى الطيب الي اسويه معك خوف من ربي اني اظلمك وانتي مالك ذنب وينتقم لي ببنتي الي غلاها من غلا روحي
ندى غصب عنها دمعت عينها ما لقت أي رد ممكن يعبر عن الي بداخله مالقت اصدق من دمعتها
عند اميره
قامت على اذان الفجر كانت كسلانه ومتضايقه طول ليلها تفكر بتركي الي سبب عذابها درت انها مسافر مع عيال اخوه لفرنسا قالت لها امها يوم اتصلت عليها بالليل تسالها اذا تحتاج شي ترسله لها
اميره بحزن / يارب ارحمني من حبه الي صاير مثل الوسم بقلبي مافيه امل ينشال
دخلت الحمام توضت وصلت ونزلت جلست بالصاله شافت ابوها وفواز راجعين من المسجد وقفت لهم باست ابوها على راسه وحضنت اخوها
اميره بحب / مبرررروك البنوته اكيد بتسميها اميره على بنتكم الوحيده
فواز بابتسامه / الله يبارك فيك تصديقين اول ما شفتها تذكرتك ما خذه كثير من ملامحك
اميره بفرح / صدق دخيلك بشوفها
فواز بابتسامه / مجنونه بتشوفينها الفجر علشان يشوتونك برا المستشفى وبعدين حبيبة ابوها نايمه مابي نكدر نومتها
ابو فواز قرب من بنته وحضنها بيده / بتوديها الحين تشوفها وذا فيهم خير يمنعون بنت ابوها تشوف نتفتك
اميره بفرح / افهم اني اطلع البس عباتي
ابو فواز بجديه / اول سوي لي شي اكله لاني بروح لبيت خالتك وبعدين تسهلو
اميره بابتسامه / دقائق والفطور جاهز
تركت ابوها وفواز دخلو بالصاله جلسوعلى الكنب
وهي بعد دقائق طلعت بالفطور حطته بطاوله قدامه ابوها
فواز بزعل / اشوف الفطور مختصر شكلك ناسيتني ولا معبرتني
اميره بحب / بلعكس انا عازمتك على فطور برى بالمطعم الي تختاره بمناسبة البنوته الجديده
فواز بجديه / اجل اطلعي غرفتك ولبسي عباتك بنفطر اول وبعدين نروح للمستشفى
اميره / ا ن شا ء الله
دخلت غرفتها اخذت شور سريع ولبست وبعده لبست عباتها ونزلت شافها فواز وقف طلعو للمستشفى
في فرنسا
عند شوق
قامت على صوت اخوها ماهر قامت شافت الساعه 5 دخلت المطبخ صلحت له رضاعه ورجعت عنده اخذته من سريره ورضعته بعد ما شبع غيرت له وشالته طلعت فيه ماتبي فارس والبنات يصحون
جلست بالصاله تحاول تنومه بعد ما تعبت نام وقفت فيه ورجعته لسريره
ودخلت الحمام توضت وبسطت سجادتها صلت ورجعت تاخذت شور ولبست تنوره سوداء طويله وبلوزه بنفسجيه فيها شغل خفيف على الرقبه والاكمام
وبعده طلعت لغرفة اخوانها قومتهم لصلاه بعد ما تاكدت انهم قامو راحت للغرفة الي نايم فيها عمها استغربت انه مو موجود
رجعت لغرفتها اخذت جوالها من درج التسريحه شغلته وشافت رسايل كثيره كلها من الهنوف
قربت من شباك غرفتها شافت عمها جالس وحاط وجهه بين ايدينه خافت صاير شي
لبست حجابها على السريع وطلعت للحديقه قربت من تركي الي التفكير والقهر ذابحه
جلست بالكرسي الي مقابله وبخوف / عمي
رفع تركي راسه على صوت شوق متفاجئ من وجودها وكاره انها تشوف ضعفه
وبصوت مبحوح / خير وش تبين ليش طالع برى وتاركه اخوانك
شوق بخوف / عمي ليش تبكي سالم صاير له شي
تركي بضيقه / ما صار لاحد شي انا الي متضايق ومخنوق مو عيب ولا حرام تنزل دموعي اذا بتبرد الحرقه والنار الي بداخلي
شوق بحزن / وش الي حارقك قول لشواقتك
تركي يبي يفضفض ولا بيطب ساكت وما صدق ان شوق تحثه يتكلم
تركي ودمعته نزلت على خده / ابوك محملني وصيه ثقيله علي ولا قادر انفذها الظروف عاكست بتنفيذها
شوق برعب / قول وش وصية ابوي
تركي بحرقه وقهر / طالب مني اتزوج امك وامك الحين متزوجه قول لي شلون اريحه بقبره
شوق بصدمه / هذا جنون مو وصيه عمي دخيلك لا تتهور وتسوي شغلات مالها داعي
ابوي ليه بيحكم على امي طول عمرها بتعاسه حرام اتركوها تفرح بدون تدخلاتكم ابوي مارحم امي وعذبها وهو حي وبيعذبها وهو ميت
تركي بصوت باكي / تعتبريني عذاب لامك اذا تزوجتها
شوك بقوه / ايه انت بتكمل الي ابوي سواه بامي ابوي كاره امي وعايش معها ومعذبها وانت بتكمل طريقته انت تكرها وحاقد عليها بتتزوجها علشان ادمرها اكثر من ابوي
لكن حريمتكم يصير هالشي وزواجك من امي مستحيل يصير وبوقف بوجهك وبمنعه
حتى لو كانت مو متزوجه مستحيل اوافق تتزوجها لانك مثل ابوي ماتستاهلونهاااااا
ورجاء عمي ابعد عن امي تراني اول من بيحاربك لو قربت منها
تركي بعصبيه / من قال اني ميت على امك وذابح نفسي علشان اتزوجها والله اذا بتزوجها جابرتني عليها وصية ابوك وبيصير زواج بالاسم مستحيل اعيش مع امك ببيت واحد
ما يحتاج كل الي تقولينه ما توقع بتكونين مبسوطه وانتي متاكده ان وصية ابوك معلقه ما نفذتها
ولو فرضن تزوجتها هذا من مصلحتكم لانكم بتعيشون معها غير كذا لو تموت ماعشتو عندها ومع رجال غريب ما نعرف شي عن اخلاقه
شوق بعصبيه وبصراخ / اذا بغينا نعيش مع امنا مراح نحتاج منكم الموافقه والرضى بنعيش عندها غصب عنكم لكن مدامها شافت حياتها ما نبي نخربها عليها يكفيها سود الايام الي عاشتها عند اخووووووووك ما نبي نصير مع الزمن عليها اهم شي تكون سعيده وخواني بعيش عندهم وبربيهم لين يكبرون واذا على الزواج فانا زاهده فيه وكارهته
تركي شاف انفعال شوق غصب عنه سكت ما يبي يقهرها ويوجعها اكثر
بعد الكلام الي قالته لعمها صار الجو بينهم هدوء يطالعون ببعض ساكتين
نوف تفكر بصمت / يا ليت يمه تكونين مبسوطه وربي عوضك خير عن ابوي لكن قلبي مو مرتاح لين اشوفك بعيوني واتاكد انك عايشه براحه ما يكدرها شي
وتركي يفكر / شلون اوصل لك واتزوجك وانتي متزوجه يارب تكونين عايشه بجحيم مع الي متزوجته وموريك الويل يمكن تبرد حرقة قلبي
الطريقه الوحيده علشان تصيرين وبغصه نطق كلمة زوجتي لازم اسافر واغصبه يطلقها بطيب بالغصب لازم يطلقك مستحيل ارتاح ووصية ناصر معلقه
قطع عليهم افكارهم صوت جوال شوق كانت الهنوف سكرته بضيقه / وهذي ناقصتها تتصل علي الحين
تركي بهدوء / من يتصل عليك بهالوقت
شوق بطفش / من غيرها الهنوف
فز قلبه نفسه يشوفها وهي قريبه منه ويشوفها واقع حي قدامه لكن ظروفه وضيقته ما تسمح له يقابل احد
رجع جوالها يدق شافت رقم الهنوف طنشت مالها خلق لها
شافت اصرار الهنوف ردت بطفش / خير وش عندك متصله من صباح الله خير
الهنوف بزعل / والله ما صدقت اسمعه يدق وربي قلبي ما كلني عليك يا لخايسه
شوق بحزن / ما خايس غيرك وبعدين كنت بالسعوديه وتعرفين جوالي ما خذه معي اذا سافرت
الهنوف بشوق / قولي وش اخبارك
شوق بحزن / اخباري حزينه
الهنوف بخوف / سلامتك وش صاير
شوق بصوت باكي / ابوي مات
الهنوف بصدمه وحزن / الله يرحمه لازم اقابلك الحين
شوق بصدمه / صاحيه تجيني الحين
الهنوف باصرار / جايتكم الحين لبيتكم ماهمني كلامك مستحيل اتركك
شوق / انتظرك
الهنوف / مسافة الطريق وانا عندك
قفلت الجوال ولتفتت على عمها / الخبله بتجيني الحين
تركي وقلبه يرفرف وبابتسامه / افهم اني مطرود
شوق بجديه / لا عادي اصلن الهنوف ما تتحجب
تركي ولع قهر وغيره شلون احد يشوفها بذاك الجمال والفتنه الي مستحيل احد يشوفها ولا تجذبه وينبهر فيها وممكن تتعرض للاذى والتحرش من الي ما يخافون الله
لكنه اضطر يكتم شعوره ما يبي ينفضح عند شوق متاكد انه مراح يسلم من لسانها
وقف / انا داخل بالغرفة ارتاح
عند شوق
جلست تنتظر الهنوف بعد دقائق شافت سيارة سواقهم واقف عند مدخل الحديقه وقفت
نزلت الهنوف وشافت شوق من بعيد مرسوم عليها الحزن اوجعها قلبها عليها تعرف محبة شوق لا بوها ما تدري كيف استقبلت خبر وفاته قربت منها وحضنو بعض
الهنوف بصوت باكي / ليش ما كلمتي وقلتي لي علشان اكون جنبك لو بالتلفون
شوق بصوت باكي / محتاجتك يالهنوف
رفعت نفسها عن شوق / وانا جنبك مستحيل اتركك
شوق بحزن / يله ندخل داخل جلست الحديقه ما تصلح بهالوقت
دخلو داخل وجلسو على الكنب بالصاله
شوق بحزن / وش تشربين تعرفين جالسه بالبيت بالحالي مع خواني
الهنوف مستغربه / وينها امك
شوق بضيقه / بالسعوديه بتقضي العده هناك
الهنوف بجديه / الحين بتصل يرسلون وحده من شغالاتنا الي مثل الهم على القلب
شوق بحيا / ما قلت لك علشان تجيبين شغاله
الهنوف مااهتمت بكلام شوق رفعت جوالها اتصلت على امها وطلبت منها ترسل شغالتها الخاصه
عايلة الهنوف عايله غنيه كثيرررررررر ابوها يملك الكثير من محلات الالماس
شوق بزعل / ليش كذا يالهنوف
الهنوف بابتسامه / هذي شغالتي مو من شغالات البيت وبعدين نسيتي ان الدراسه باقي لها يومين واخوانك من بيجلس معهم ويراعيهم
شوق بضيقه / قولي وش تشربين
الهنوف بابتسامه / بصراحه ابي افطر جايتك جوعانه
شوق بابتسامه / يا صعب طلبك الحين وش يعرفني بالطبخ امي مخربتني حتى سلق البيض ماعرفه
الهنوف وقفت وبابتسامه / بساعدك ونعفس لنا عفيسه ناكلها
شوق / ههههههههه
عند تركي
دخل غرفة ناصر ونسدح بسريره حاول ينام وكل ما قفل عيونه شاف الصوره الي تعلقت بروحه قدامه مشاعر لذيذه غزت قلبه غصب عنه ما عاد فيه صبر يبي يشوفها
ترك سريره وفتح شنطته طلع له قميص اسود من ارماني مع بنطلون جنز
دخل الحمام اخذ شور ولبس وتسبح بالعطر قرب من التسريحه يتاكد من شكله
تركي بابتسامه / وش فيك يا تركي والله وصرت خفيف حايس بعمرك علشان بنت
سمع صوت برى بالصاله
طلع من الغرفه برجول تنتفض بيذبحه احساس الترقب والشوق واللهفه
دخل الصاله انصدم كانت فاضيه سمع اصوات وضحك بالمطبخ وصل للمطبخ تنحنح
شوق تكلم الهنوف / هذا عمي طبعه طبع السعوديه لازم يتنحنح علشان يخبرنا بوجوده
الهنوف بحب / فديت السعوديه واهلها
تركي سمع صوتها وهي تتفدى السعوديه ذاااااااب
شوق / عمي ادخل
دخل تركي منزل عيونه بالارض بخاطره يرفع راسه ويشوف الي جذبته وتملكته من صوره شلون لاشافها واقع حي من كثر تسارع دقات قلبه خاف يصير فيه شي
رفع عيونه بشويش وعيونه تبحث عن حبيبته المنتظره كانت صدمة حياته وعمره ان الي يشوفها واقع مو صاحبة الصوره الي قدامه ما فيها شي يجذبه جمالها مثل غيرها
طلع من المطبخ ودخل بصاله وجلس على الكنب توقع شوفته للهنوف تزيل ضيقته انصدم ان الهنوف الي بصوره تطلع مو الهنوف وهو مقهور من تعلقه الغير طبيعي بهالصوره كانه اول مره يشوف صور لبنات
معقوله يكون بعلم والصوره لوحده غير الهنوف ما قدر يتحمل بيتاكد من شوق نادها
تركي بضيقه / شووووووووق
عند الهنوف
بعد ما طلع تركي الهنوف بمزح / يويل قلبي عمك صاروخ دمار والي يعافيك اخطبيني له بتزوجه ببلاش واذا يبي المهر بدفعه له
شوق بابتسامه / ما لومه عمي يوم هج اكلتيه بعيونه
سمعت صوت عمها يناديه
شوق / الهنوف كملي شغلي بشوف وش عنده
طلعت عند عمها كان جالس سرحان بافكاره قربت منها
شوق بجديه / عمي تبي شي
تركي بامل / من الي عندك
شوق بابتسامه / هذي صديقتي الهنوف
تركي بدون شعور / مستحيل هذي مو صاحبة الصوره
شوق مستغربه / أي صوره
تركي وقف وبتهرب / ارجعي لصديقتك بدخل انام
شوق تاملت عمها وستغربت كشخته المبالغ فيها وبابتسامه خبيثه / عمي غريبه ليش كاشخ وعطرك يوصل لسابع جار
تركي بارتباك / كنت بطلع مواعد صديق ناصر لكن كلمني وعتذر
شوق بذكاء / صدقتك يا عمي تراني شواقتك كاشفتك يا بختك يا لهنوف كل ها لكشخه لك غريبه مع اني اعرفك ثقيل مو مرجوج بنات
تركي بعصبيه وبقهر واحباط / ادخلي داخل عند صديقتك لا يصير شي ما يعجبك
شوق مشت ولتفتت عليه بتنرفزه / بدخل واذا تبيني اتوسط لك عندها انا حاضره يبخت من جمع راسين بالحلال
تركي بصرخة قهر / شووووووووق
ركضت شوق عارفه انها زودتها معه وخافت يسوي تهديده
عند تركي
رجع لغرفته وانسدح على السرير وتفكيره بصاحبة الصوره زاده حماس يعرف
من تكون واضح من الصور قربها من شوق وخوانها
تركي في نفسه / من تكونين يا صاحبة الصوره يالي مدوخه تركي معقول ابقى بحسرتي ولا اعرفك ولا اشوفك بعد ما منيت نفسي بشوفتك اتحطم
يارب وش سر انجذابي لها والمشكله مشفت منها الا صوره يمكن اخلاقها شينه او مرتبطه
انرعب من فكرة انها تكون مرتبطه / والحل يا تركي المصايب طاحت على راسك منها وصية ناصر بزواجك من الفيله الي بتجبر نفسك عليها وكملت علي صاحبة الصورة المجهوله من تكونين يا بنت وين مكانك هنا ولا بالسعوديه ولا في بلد ثاني
صورتك من اول نظره اجذبتني وسحرتني والله مو تركي الخفيف الي تهزه بنت وشلون صوره هزتني وقلبت حالي مستغرب من نفسي شلون انهبلت وتعلقت واحبيت صوره
وبتفكير / ليكون هذا عقاب من ربي على سواتي با ميره وربي كاتب اني اتعذب بحب سراب
لازم اصلح غلطتي مع اميره ورجعها يمكن العقاب يخف ويرحمني ربي والقى صاحبة الصوره او يشيلها من بالي
عند نوف
فتحت عيونها بكسل حاسه بضيقه تخنقها بسبب مكالمه تركي
لكن مستحيل تستسلم لهم وهم بيمنعونها من عيالها الهواء الي تتنفسه لازم تصير قويه علشان عيالها وبتحارب الكل وبتكسبهم
نوف / لازم اصير قويه افسخ ثوب الخوف الي لبسنيه ناصر ومبارك ماني محتاجه لاحد لازم اصير قويه علشان عيالي وبحاربك ياتركي وباخذهم غصب عنك
متى تنتهي العدة واتخلص من هالسجن واشوفكم ياحبايبي ومسكت سلسالها واتطمن عليك يا روح امك واشوفك متعافي متاكده الي قاله تركي كذب بيحرق قلبي عليكم
الي ابي اعرفه ليش كل هالكره والحقد وانا ما ضريته بشي من صوته وطريقته بالكلام نسخه من اخوه حقير وكريه
طيب يا تركي بتشوف نوف جديده ابرد فيك قهري من اخوك وبنتفم منه فيك انت الي جبتها لنفسك ( اتقو شر الحليم اذا غضب ) يكفيني طول هالسنين اني حليمه جاء وقت الغضب
مستغربه تعلق شوق فيك ( ياما تحت السواهي دواهي )
في شقة ماجد
صحت سميه وابتسمت وهي تشوف حنين بحضنها باستها دخلت الحمام توضت وصلت وقومت البنات الي بالعزر قامو طلعت لصاله وهي طفشانه تذكرت منى شافت الوقت بدري استحت تتصل عليها بهالوقت
دخلت المطبخ تحوس مع الشغاله تشغل نفسها لكن طبيعتها اجتماعيه ماتحب الجلسه وحيده
بخاطره تطلع وطق على الشقه الي جنب شقة اخوها
جلست على الكنب وبيدها شاهي بحليب شغلت التلفزون وصارت تقلب بالقنوات بدون هدف حذفت الريموت عنها واتصلت على اخوها
عند ماجد
كان نايم وساند راسه على الكرسي مقابل نوره صحاه صوت جواله رفعه شاف رقم سميه
ماجد بصوت مبحوح من النوم / هلا سميه
سميه بضيقه / سامحني ازعجتك وصحيتك لكني طفشانه وحبيت اسئلك
ماجد بستغراب / تسئليني عن شنو
سميه بجديه / الشقه الي مقابل شقتكم من فيها
خاف ان الحاله رجعت لزوجة ناصر
ماجد بخوف / خير ليه تسالين عنها
سميه بابتسامه / والله نفسي توسوس لي اطق عليهم الشقه واتسلى عندهم بدال الطفش الي حاسه فيه
ماجد ارتاح / هههههههههه يا طويلة العمر هذا شقة صديقي ناصر وزوجته لحالها بالشقه من كم يوم مات زوجها والحين بالعده ما تقدر لا تطلع ولا تدخل
سميه بفرح / يله مع السلامه
ماجد بابتسامه / وهذا الي مكلمتني عشانه
سميه بابتسامه / بصراحه ايه بصلح لي فطور خفيف وبصبح عليها
ماجد بجديه / يمكن الحرمه نايمه اخري فطورك على الساعه 9 مو الساعه 6
سميه بتصرفه / ان شاء الله يله مع السلامه وسلم لي على نوره
ماجد بجديه / يوصل يله فمان الله
توقعاتكم
موعدنا بكره باذن الله
اختكم نسايم نجد
|
03-04-11, 02:51 AM
جديد مواضيع قسم الارشيف
العرض العادي
