كاتب الموضوع :
نسايم نجد
المنتدى :
الارشيف
الي كتبته ماقدرت ازيد عليه كان نفسي افتح لكم الوصيه اليوم لكن ماقدرت ( هذا اقصى حدي بالكتابه وضغطي على نفسي ) في بارت اليوم بيتوضح لكم ليش تركي يكره نوف وفي بارت اليوم ردت فعل شوق بخبر زواج امها
وفيه كثير من الاحداث كنت اتمنى اوصل للوصيه لكن باذن الله بيكون السبت بفتح لكم الوصيه ونقراها سوى
البارت الحادي عشر
عند اميره
بعد ما دخل ابوها وامها غرفتهم دخلت غرفتها
ونزلت عبايتها ودخلت الحمام توضت وصلت العصر ورجعت تاخذ شور ولبست بجامتها ودخلت بسريرها وقبل لا تنام مر عليها طيف تركي شافته اليوم متغير كثير زاد وسامه ورجوله اوعيون العاشق مجملته لها
اميره بحزن / اااااااااه يا تركي يا حبيب الروح ووجعها قولي شلون ادخل قلبك واسكنه مثل ما سكنت الروح قبل القلب ما يشفع لي عندك اني اعشقك واتمنى الوجع يصيبني ولا يصيبك شفت وش سوى فيني حبك
عند مروان
طلع من غرفته ودخل غرفة اخته
مروان بعصبيه / موعدنا الي اليوم انسيه ومن اليوم ورايح ما بي منك مساعده لان غيرك بيساعدني
سلوى كانت منسدحه على فراشها فزت جالسه خافت من كلام اخوها
سلوى بترجي / مروان والله مالي ذنب بمسح الصور والفديو وعد اجيب لك نفس الصور والفديو من جوال ديما اهم شي اكون معك بعملياتك وكل شي مثل قبل
مروان باصرار / اول تجيني الصور والفديو وبعدين نرجع مثل الاول
وطلع من غرفتها وهي جلست تبكي بحسره كانت متحمسه لانها محتاجه لفلوس لان الفلوس الي عندها خلصت وش تسوي بها المصيبه
سلوى بصوت باكي / كله مني ومن غبائي اكيد من كثر ما شفتها وفرحانه فيها مسحتها وانا مدري استاهل الي يسويه فيني مروان
في بيت الجده
عند تركي
مستمر بتامل الصوره كل ما جاء يرجعها مكانها تحت المخدة غير رايه وجلس يتاملها
تركي في نفسه / انهبلت رسمي يا تركي منت قادر تبعد الصوره عنك والله وجها ما ينشبع منه وفيها شي يجذبني لها غصب عني
قطع عليه تامله صوت الباب فز وبسرعه حط الصوره تحت مفرش سريره وحط المخده عليها
مشى عند الباب وفتحه كانت شوق
شوق بابتسامه / من متى صايرين نقفل الباب
تركي بارتباك / ليكون عندك مانع
شوق وبابتسامه خبيثه / لا ما عندي مانع لو ما ني بواثقه فيك كان قلت انك تشوف مواقع او افلام قلة ادب
تركي قرصها باذنها / شواقتي تادبي مع عمك
شوق وهي تفك يد عمها من اذنها / بطول واقفه عند الباب
تركي بجديه / ادخلي محد ما نعك
دخلت شوق وجلست على الكنب وجلس تركي جنبها وبخاطره اساله كثير يسالها عن الهنوف لكن شوق ذكيه خايف تكشفه ويتوهق
شوق بجديه / عمي لازم اسافر فرنسا واتوقع العزا بكره اخر يوم واتوقع انك على وعدك
تركي بجديه / وش عندك بفرنسا
شوق بجديه / نسيت ا ن امي هناك ولازم اسافر اجيبها معي
تركي نسى اتفاقه مع امه بانهم يموتون نوف بعيون عيالها / امك رجعت عند اخوها بالجنوب
شوق بعصبيه وبصراخ / من متى امي عندها اخوان تجي عندهم امي لجت هنا ما تعرف تتصرف امي تربيه فرنسيه تجهل كل شي عن السعوديه
تركي بقسوة / امك رجعت وتزوجت بيوم دفن ابوك
شوق بصراخ / كذاااااااااااااااااااب مستحيل الي تقوله
تركي ببرود / كيفك صدقتي ولا جعلك ما صدقتي هذي سوات امك الي مصدعين راسنا فيها
وقفت شوق وعيونها بوجه تركي / بالليل وانا بفرنسا رضيت ولا غصب عنك
طلعت من غرفة عمها مستحيل تصدق هالكلام في امها وهي متاكده انهم بيسون أي شي علشان يبعدونهم عن امهم
اخذت نفس عميق يهديها ونزلت تحت جلست بالصاله ماكان فيها احد
دخل عليها عمها سالم / شخبارك شوق وينها امي
شوق بضيقه / لحمد لله جدتي فوق نايمه
سالم / كيف نفسيتها
شوق بضيقه / معليها
انتبه ان شوق مو طبيعيه قرب وجلس جنبها
سالم بحنان / شوق وش الي مضيق صدرك
شوق بحرقه / عمي تركي يتهم امي انها متزوجه بيوم وفاة ابوي مستحيل اصدق امي تسويها
سالم بحب / يمكن امك تزوجت لكن وانا عمك لا تظلمينها يمكن صار لها شي اجبرها على الزواج لاتنسين انكم تركتوها وحيده
شوق بصوت باكي / تفهم وش معنى امي تتزوج بيوم وفاة ابوي
سالم بحنان / مالنا حق نحكم على امك من غير لا نعرف اسبابها
شوق بوجع / مستحيل تسويها الا اذا انغصبت على هالشي لكن كيف وشلون متاكده ان فيه سر ولازم اعرفه
سالم بحب / شوق ادري ان امي وعمك هدفهم يبعدونك عن امكم لا تعطينهم هالفرصه فرضا تزوجت ما جرمت ولا سوت حرام صحيح الي سوته يوجع لكن حقها تتزوج يمكن استعجلت بالتوقيت لكن محد يقدر يمنعها
رمت نفسها بحضن عمها وضمها بقوة وصارت تبكي بحرقه
عند تركي
جالس يلوم نفسه شلون انسحب بالكلام وقال سواد وجه امهم الحين متاكد ان شوق تتعذب بسبت امها
تركي بعصبيه / كلها منها الله يا خذها اذا سمعت اسمها يركبني مليون جني وافقد اعصابي حسبي عليها عجوز بليس متهنيه بحض زوجها وبنتها تكتوي حرقه بسوات امها اااه يامن يمسكني رقبته ولله لافصلها من مكانها
حس انه جالس على نار ما قدر يصبر نزل وشافها بحضن عمها سالم وسالم يناظر بنظرات كلها عتب ولوم ما قدر يتحمل طلع للمجلس
بيت مروان
دخل ابو مروان مع ام مروان التعبانه دخلها غرفتها وساعدها لين وصلت لفراشها وسدحها
ابو مروان / ارتاحي وانا بجلس ماني باطلع لسوبرماركت
ام مروان بصوت تعبان / اطلع ما فيني الا العافيه والدواء خفف عني
ابو مروان / خلاص كلمت الهندي يداوم بدالي
ام مروان بتعب / الله يخليك فوق راسي
ابو مروان بقهر / وينه ولدك الصايع من زمان ما شفته
ام مروان بحزن / ادعي له لا تقول عنه صايع
ابو مروان بحزن / الله يهديه انا ضعفت وبحاجته لكن هو طايش ما يهمه الا نفسه
بعد المغرب
شقة عبدالله
رجع من المسجد شاف نايف جالس على الكنبه
عبد الله / انا الحين طالع عند ام وليد وانت لا طول على اذان العشاء وانت عندي
نايف بابتسامه / بتاخر علشان يمديك تفاتح اختك بموضوعي ويصير عندك وقت تمدحني فيه
عبدالله بابتسامه / تعال بالوقت الي قلته لك يمديني قلت دواوين شعر بمدحك
نايف بابتسامه / ادخل بدل لبسك لا تتاخر على حماتي
عبد الله بصدق / ان شاء الله يصير منت بلاقي حماه مثل ام وليد طيبه وحنونه
نايف / اخلص لا تتاخر
دخل غرفته لبس ثوب وغترته وتعطر وطلع
عند منى
محتاسه بالمطبخ كل شي تقريبا جاهز وتوها باديه بالكبسه الي يحبها عبدالله سمعت صوت الجرس
منى بصوت عالي / وليييييييييد افتح الباب لخالك
فتح الباب ودخل عبدالله مع وليد وصل للمطبخ شاف اخته معرضه الباب ظهرها وتحوس بالمطبخ
عبدالله باعجاب / الله وش هالريحه الي ادوخ
التقتت عليه وتركت الي بيدها وقربت منه وضمته انسحبت من حضنه وصارت تتامله
منى بحب / الناس تسلم
عبدالله بمرح / ريحة الاكل نستني السلام
منى بحنان / فديت روحك ليش ضعفان شكلك ما تاكل دخليك عبد الله لا تقطع فيني وتعال عندي وقت الوجبات تاكل شي ينفعك احسن من اكل المطاعم
عبد الله بابتسامه / علشان تملين مني يا بخت من زار وخفف
منى بزعل / الكلام هذا ينقال للاغراب مو للاخوان ولا عادني غريبه
قرب منها وباس راسها / الا اقرب علي من روحي
منى بابتسامه / ترى ريحتك بتصير ريحة طبخ اطلع للمجلس القهوة تنتظرك
عبدالله مسكها بيدها / تعالي معي فيه موضوع بقوله لك قبل لا يجي خويي
منى بخوف / خير قاصرك شي
عبد الله بجديه / امشي معي وبقولك الكلمتين الي عندي
دخلت معه المجلس وصبت له فنجال قهوة ومدته له وقربت منه الحلى / قول يا خوي اسمعك
عبدالله بجدية / ديما خطبها صديقي نايف وشاريها حبيت اسمع رايك بالموضوع قبل لا اكلم صقر
منى حست بوجع يخرق قلبها بنتها بسن زواج وتنخطب وهي بعيده عنها لكن حاولت تكون طبيعيه ماتبي تضايق عبدالله / مالي يدك من صديقك بنتي ما بيها تكرر معاناتي مع ابوها
عبدالله بجديه / الرجال ينشرى اخلاق ودين مشكلته انه وحيد ماله الا اخو وجوده مثل عدمه انسان طماع
منى بخوف / اخاف فيه من صفات اخوه ويعذب بنتي
عبدالله باعجاب / لا والله نايف عكس اخوه طيب وحنون ويشفع له خوفه من ربه وحرصه على صلاته
منى بجديه / انا ما عندي مانع لكن اهم شي رايها
عبدالله بجديه / انتي كلميها وحاولي تقنعينها
منى بوجع / لو تدري انه من طرفي وراضيه على المعرس بترفضه عناد فيني
عبدالله بحزن/ لا حول ولا قوة الا بالله للحين على حالكم ما تغير شي
منى بحزن / ما ضنتي بيتغير شي غير زيادة نفورها مني
عبدالله بحنان / مصيره تلين وترجع لك وتطلب السموحه منك بعد ماتجيب عيال وبتعرف اش كثر تعبتي علشانها وبتجيك ندمانه ادور رضاك
منى تتهرب / الله يعين الا متى بيجي صديقك لاني مسوبه العشاء بدري قلت يمكن منتم براعين سهر
عبد الله بجديه / بعد صلاة العشاء
منى بضيق / بدخل اكمل شغلي تقهو منت بغريب
طلعت من عنده ودخلت غرفتها وتسندت على الجدار وصارت تبكي بحرقه
صعبه على روحها ان بنتها تنخطب وغيرها الي يكلمها وياخذ رايها ويحاول يقنعها وهي منبوذه يمكن لو ما قال لها عبد الله مادرت الا بعد ما يحددون الزواج
دخلت الحمام وغسلت وجها ما تبي تضيق صدر اخوها
طلعت ومرت المطبخ وتاكدت من كل شي ورجعت للمجلس شافت عيالها عند خالهم
في بيت صقر
وصلت ام مرام ونجود سوت فطور معتبر لامها وخالتها
وطلعت عند البنات فوق / ياليت تنزلن امي وخالتي تحت ومسويه فطور لهن ياليت ماتتاخرين
ديما بسخريه / انتي ما تتعبين من دخول المطبخ والحوسه فيه
مرام باعجاب / ما شاء الله عليك عليك نفس بطبخ والله اتمنى نفسي مثلك انا اطبخ تاديت واجب لو بكيفي ماعرفت طريق المطبخ
ديما بابتسامه / اذا تزوجت نجود بنعيش بمجاعه
نجود بابتسامه / يالفالحه تعلمي وصيري مكاني
ديما بابتسامه / الا انتي اتركي الزواج وجلسي عندا منها تبرين بامي وببنت اختك الضعيفونه الي ماتعرف من المطبخ الا اسمه
نجود بابتسامه / ياليت تنزلن تحت الاذان باقي عليه اقل من دقيقه بنتجمع على السفره
نزلت ولحقوها البنات دقيقه واذن المغرب وبدو يفطرون وام صقر بقلبها تدعي لنجود ولديما وام مرام تدعي بقلبها لبنتها
عند ماجد
مر مطعم وشترى غداء متاخر لبناته ورجع للبيت وقبل لا يدخل شقته القى نظره على شقة ناصر
دخل وشاف بناته جالسات مقابل التلفزون
ماجد اخذ كيسه / ريما بابا تعالي ابيك
جته ريما مشى معها وقف عند باب شقته
ماجد بجديه / بابا خذي الكيسه ودقي الجرس وعطيه الي يفتح لك الباب
سمعت ريما كلام ابوها وهو يراقبها بنظراته وصلت لشقة ناصر ودقت الجرس
عند نوف
كانت بغرفتها متمدده على سريره من بعد العصير ما كلت شي سمعت صوت الجرس تركت سريرها ومشت وهي تحس بثقل بجسمها فتحت الباب شافت بنت ومعها اكياس
نوف بابتسامه / اهلين حبيبتي منو تبين
ريما بحياء / بابا يقول هذي لكم
مدت ريما الكيس لنوف اخذته منها
نوف مستغربه / منو بابا وش في الكيسه
ريما / احنا جيرانكم بالشقه الي مقابلكم
شافت الكيسه لمحل معروف لبيع البيتزا
نوف نزلت راسها وباستها على خدها بحنان / مشكوره حبيبتي وقولي لبابا شكرا وماله داعي يكلف على نفسه
ريما معجبه بنوف وحبتها / العفو زورينا بشقتنا
نوف بحب / ا ن شاء الله وانتي حبيبتي زوريني وبلعب معكم العاب حلوه
ريما بفرح / بقول لبابا اذا وافق بنجيك كل يوم
نوف قربت منها وحضنتها / تنورين شقتي وبنتظرك
ريما / ا ن شا ء الله تاخرت على بابا
رجعت ريما ونوف سكرت الباب واخذت الكيسه شافت فيها بيتزا بالخضار ومعجنات فتحت الثلاجه صبت لنفسها كاس عصير وجلست على طاولة الطعام الي بالمطبخ اخذت قطعه بيتزا ماقدرت تكملها والعصير شربت نصه
ورجعت للغرفه اخذت بنتها من المربيه وطلبت منها تتعشى
عند ماجد
رجعت له بنته مبسوطه شاف الابتسامه على وجه بنتها دخل معها الشقه دخل المطبخ مد الكيس للخدامه ورجع لصاله وجلس جنب بنته
ريما تذكرت كلام نوف ريما بابتسامه / بابا البنت تقولك شكرا وليش الكلافه
ماجد بابتسامه / اشوفك فرحانه بالجاره
ريما بحماس / تجنن بابا حبيتها وقالت تعالو عندي بلعب معكم
ماجد بجديه / عيب بابا نضايق الناس وهي تعبانه لازم ترتاح
ريما بزعل / طيب عادي تجينا
ماجد بابتسامه / ايه عادي تجيكم وتصيرون مؤدبات قدامها بلا شطانه
ريما بفرح / حاضر بابا
عند شوق
سحبت نفسها من حضن عمها حست براحه وقلبت كلام عمها براسها عنده حق امها ماغلطت ليش ما تتزج وتبقى على ذكرى واحد مستحقرها وظالمها وهي شاهده على ظلمه وقسوته عليها من حقها تعيش مع انسان يعوضها الحرمان الي عاشته بسبب ابوها
طلعت فوق ودخلت غرفتها الي تنام فيها اذا جت لرياض
انسدحت على سريرها / مستحيل اسمح لعمي وجدتي يكرهوني بامي انا متاكده ان فيه شي جابرها على هالشي وقلبي عمره ما كذب علي لازم اوقف مع امي وادافع عنها بغيابها مستحيل اسمح احد يشوه صورتها عندنا
وهي بافكارها نامت
عند تركي
بالمجلس مقهور من نفسه وبقلبه يسب ويلعن بنوف ما قدر يجلس دخل شاف اخوه جالس بالصاله لحاله
تركي بحزن / شلونها
سالم بعصبيه وقهر / انت مثل الي تقتل القتي وتمشي بجنازته فيه واحد عاقل يرمي الكلام هذا باسلوبك البايخ لو صار لها شي وطاحت جنب اخوها وش بتستفيد
تركي / ..........
سالم بعصبيه وقهر / كل هذا كره لامهم الي ما شفتو خيرها من شرها واي مصيبه تصير حطيتوها براسها الي ابي افهمه وش بتستفيدون بحرقة قلب ام على عيالها وحرمان عيال من امهم ما تخافون من ربي حط في بالك الله يمهل ولا يهمل والظلم ظلمات
تركي بقرف / شوق لازم تعرف الي سوته امهم وهذا الي صار لانقصت ولا زدت حرف
لو اني ما تهورت وقلت لها كان امي سبقتني وموتت امهم وعيشتهم ايتام
سالم حط يده على راسه / الله وكبر ما خفتو من الله ترى الله منتقم جبار يا تركي يا خوي خاف ربك لا تظلم هالمسكينه وتحاربها بعيالها
تركي / قولي وينها عن عيالها ا ليش ما كلمت تسال عنهم ومن الاساس ليش ماجت معهم وتراعيهم هي الي ظلمت نفسها ومستحيل اترك لها عيال اخوي تربيهم ويعيشون في بيت رجال غريب هي اختارت حياتها الله يسهل عليها وعيالنا عندنا مراح يقصرهم شي
وقف سالم / لا حول ولا قوة الا بالله
ترك تركي ورجع للمجلس وتركي ركب سيارته بيزور سالم
عند منى
سمعت صوت الجرس تاكدت ان صديق اخوها كل شي جاهز دخلت المقلط وبسطت سفره على الارض وبدت ترتب الاغراض بعد محطت صحن الكبسه طقت الباب
طلع لها وليد / يمه تبين شي
منى بحب / حبيبي قلط ضيوفك العشاء جاهز
دخل وليد / تفضلو على العشاء
وقفو مع وليد ودخلهم مكان الاكل
عند منى
رفعت جواله اتصلت على سميه تشوف ليش تاخرت
منى بجديه / وينك سميه ليش تاخرت
سميه بجديه / وصلت افتحي الباب
فتحت لها الباب وثواني وسميه وشغالتها واقفين قدامها
دخلت سميه وحضنت منى / يله اشوفك على خير
منى بزعل / تعشي وبعدين امشي
سميه بحب / بطلع اخاف تفوتني الطياره
منى / لا وصيك طمنيني لوصلتي
سميه / ان شاء الله وشغالتي مفهمته كل شي
منى بحب / تروحين وترجعين بسلامه والله بفقدك
سميه بصدق / حتى انا بفقدك
عند تركي
وصل للمستشفى وصل لغرفة سالم شافه من وراء الزجاج شاف شكله يوجع القلب
يشوفه وعقله وتفكيره بعيد عنه
سالم اخوه يلومه انه كاره وحاقد على امهم كل الي بسالم بسبتها وهي الي سببت السكته لاخوه يكثر ما فضفض له ناصر موجوع منها
ياما شكى منها بحرقه وقهر كان يقول شغلات مستحيل أي زوج بيتحملها بزوجته لكنه تحمل كل هذا علشان عياله
فيه زوج يتحمل اهمال زوجته بنفسها ياما قال انها تخنقه بريحتها الخايسه ويكثر ما قال لها تنظفي تسنعي لكن اذن من طين واذن من عجين
ويشكي من سمنتها الغير معقوله و سجلها بنادي رياضي وهي طنشت يبها تنحف لكن هي عاجبها جسمها صايره كبر الفيل ولا اهتمت
وشرى لها موانع وهي قدامه ترميها بالزباله
تبي تربطه بالعيال وقدرت اجبرته عليها علشان عياله
تنهد بحرقه وطلع من المستشفى راجع للبيت
في بيت مروان
دخلت تهاني بيت خالتها فتح لها ابو مروان دخلت على غرفة سلوى شافتها منسدحه
تهاني قربت وجلست / وش فيك للحين نايمه المفروض من اليوم بالسوق
سلوى بضيقه / خلاص ما عاد فيه ملاهي ومروان استغنى عنا
تهاني حست بنفضه / شلون استغنى عنا حنا محتاجين لها الشغله الي معيشتنا مثل الناس
سلوى بصوت باكي / كله مني ومن حظي الردي
تهاني بعصبيه / قولي وش هببتي وزعلتي مروان علينا
سلوى بصوت باكي / قالت لتهاني كل الي صار بداية اتفاقها مع مروان وتصويرها لديما الين انمسحت الصور وزعل مروان عليها
تهاني بعصبيه / شلون مسحتيها وضيعتي على نفسك هالمبلغ والله تستاهلين كسر راس
سلوى / خلاص الصور مثل ما ضيعتها راح ارجعها
عند اميره
حست بصداع نزلت تحت لقت امها لابسه عبايتها
اميره / بتروحين لخالتي
ام فواز / ايه انتظر فواز قال بيجي ومدري وش بلاه تاخر
اميره جلست / يمه اعذريني ما قدر اروح معك راسي بينفجر من نومة المغرب
ام فواز بحب / براحتك يمه ما قصرتي يومين واقفه معهم
اميره بتعب / باذن الله بكره بجيهم من بدري
دق جوال ام فواز وعتذر ولدها ما يقدر يجيها زوجتها بالمستشفى بتولد
ام فواز / فواز ما يقدر يجي ثريا بالمستشفى بتولد
اميره بجديه / يمه روحي لثريا محتاجتك اكثر من خالتي وانتي عارفه امها بعيد واذا صار فيه وقت اطلعي من المستشفى لبيت خالتي
ام فواز بجديه / خلاص شورتك وهداية الله بطلع مع السواق للمستشفى واذا فيه مريت خلتك تطمنت عليها وانا واقفه
طلعت ام فواز مع السواق للمستشفى
عند شوق
فتحت عيونها بكسل رفعت جوالها من على الكمودينه شافت الساعه 8 حست نفسها مرتاحه ورايقه رغم كل الي صار دخلت الحمام اخذت شور والبست تنوره طويله سوداء وبلوزه سوداء ونزلت دخلت المطبخ
شوق / ميري ابي عشاء خفيف
دخلت عليها هيا / مساء الخير
التفتت عليها شوق بابتسامه / مساء النور
قربت منها هيا بحنان / تعشيتي ولا باقي
شوق / باقي توني صاحيه
هياء بحب/ تعشي وتعالي لصاله مافي احد
شوق بحنان / عمه اخبار اخواني
هيا بحب / فديتهم معليهم طيبين وبخير
شوق قربت من هياء وحضنتها / يا بخته عمي سالم الي ربي رزقه بقلب طيب وحنون مثلك
هيا بحب / تسلمين حبيبتي
رفعت شوق نفسها / الله يقدرني ورد جمايلك علي وعلى خواني
هيا بزعل / وش ها لكلام انتي عارفه انه يزعلني عارفه غلاكم من غلا عيالي
شوق بحب / وانتي غاليه علي كثير
قطع عليهم ام سالم عونها على هياء بعصبيه / انتي طاقتها سوالف وتاركتني لحالي مع المعزين
هيا نزلت راسها / حاضر خاله الحين بجي عندهم
شوق انفجرت بوجه جدتها / يمه حرام عليك عمتي هيا من حقها ترتاح والمجلس كلها مقهوجيات وانا الي اخرتها وتراني مارضى عليها ومستحيل اسكت اذا احد غلط عليها هي امي الثانيه
ام سالم سكتت وطلعت
شوق قربت من هياء وباست راسها / امسحيها بوجهي والله ما دامني موجوده بهالبيت مراح اسمح لحد يغلط عليك حتى جدتي بوقف بوجها
هيا نزلت دمعتها تحب شوق كثيررر محد يتجرء يغلط عليها بوجدوها ربي معطيها شخصيها قويه وفارضتها على الكل بالاضافه لخوفهم على زعلها
شوق بابتسامه / افا ام خطيبي تدمع عيونها
هياء بابتسامه / ما تركتي احد الا خطبتيه
الطباخه حطت الاكل على طاولة الطعام الي بالمطبخ
شوق مسكت يد هيا وجلستها مقابلها وبدت تاكل
شوق وهي تاكل فطيره / اضمن مستقبلي مع عيال عمي القهر كلهم اصغر مني
هياء بحب / وانا يحصل لي يكون زوجة ولدي مثلك
شوق وهي ترشف من العصير / ههههه علشان اطلع عينك
هيا بابتسامه / اذبحك بصير حماه قشرى
شوق بجديه / ما فيك ريحة قشر
هياء وقفت / اذا بجلس معك بتذبحني جدتك
طلعت من المطبخ ودخلت مجلس الحريم ما كان فيه احد
عند ام سالم
كانت جالسه تغلي من القهر شافت هياء داخله
ام سالم بعصبيه / شرفتي كان قاعدتي بعد
هياء بارتباك / السموحه خالتي وحقك على راسي
ام سالم بعصبيه / يا ردات حظ ولدي الي ربي بلاه بوحده مثلك وترك الزين وبنت الاصل والنسب
شوق بصراخ وعصبيه / بسسسسسسسسسس وبعدين ما تخافين ربي يبلى عمتي ساره بخالها تسمعها نفس كلامك ترى الدنيا سلف ودين
واذا جرحتي عمتي هيا جرحتيني ترى معزتها من معزت امي والي مارضاه على امي مارضاه على عمتي هيا
والله بنت الحسب والنسب الي تقولينها ما تسوى ماطا عمتي هياء عمتي كنز وربي انعم على عمي فيها
هيا ودها تقوم وتبوس راس شوق الي بردت قلبها
ام سالم بعصبيه / اطولين صوتك على جدتك ولا هذي تربية امك لك
شوق بعصبيه ودموعها تنزل / انتي ادورين أي احد تغلطين عليه
وبصراخ / امــــــي تســـــواكم كلكـــم والله لو اسمـــع حرف واحد فيه اهانه لامي ما جلس ببيتكم دقيقه وحده وانسى ان عندي اهل وبيت تنهان امي فيه يحرم علي اجلس فيه
هيا قربت من شوق مسحت دموعها وحضنتها / هدي شوق محد بيجيب سيرة امك الا بكل خير
شوق وهي تنتفض عصبيه / ابي اعرف ليه كل ها لحقد والكره لامي والله امي تحبكم ودايم توصيني عليكم يمه الهدايا الي اجيبها لك والله امي الي شاريتهم وبفلوسها حررررام عليكم والله حراااااااام انا الليله بروح لفرنسا مع اخواني
ام سالم بقسوة وجبروت / امك ماتت
شوق تضحك بوجع / ههههههههههههه حتى الموت بتخلونه بكيفكم بتموتون الي ماتبونه
ام سالم بعصبيه / تبيني اقولك عن سواد وجه امك وانها متزوجه في يوم دفن ابوك
ابوك دافنينه وهي زافينه عروس لغيره وهذي امك يا شوق الي تسوانا ماستحت من الله ولا من خلقه
شوق مستحيل تنكسر وتضعف قدام جدتها لو كانت موجوعه من هالشي وبعصبيه / امي ما سوت شي غلط من حقها تعوض حرمانها بزوج يخاف الله فيها
ما شافت من ابوي الا الظلم والقهر ولدكم ما ريحها وعذبها يمكن ولد الناس يعطيها الي ماعطاه ولدكم
كملت شوق بصراخ / ابوي ظااااااااااااااالم تعرفين وش معنى ظاااااااااااالم حرام تعيش ثانيه بعده من غير لا تتزوج مايستاااااااااااااهل تبقى على ذكراه
سكتها كف حار من جدتها
ام سالم بعصبيه وبقهر / اسكتي يقليله الحياء تسبين في ابوك قدامي
دخل تركي وسط المجلس من غير شعور
شافته هيا وتغطت بجلالها وطلعت من الغرفه وهي موجوعه ومتاثره
تركي دخل على صراخ شوق على جدتها وسمع كلامهم وولع من العصبيه والقهر من كلام شوق الي فضلت امها عليهم وسبها في ابوها انحره وانقهر اكثر انها ممكن تتخلى عنهم بسبتها لكن تفاجئ من صوت الكف
تركي وعيونه على شوق وجها احمر من العصبيه واوجعه يد امه المرسومه على خدها
تركي بوجع / ليش يمه تضربينها
ام سالم بقهر / عا جبك كلامها تقلل من قدر ولدي قدامي ومفتخره بسوات امها
شوق بعصبيه وصوت باكي / والله ما قعد ببيت انضربت فيه دقيقه وحده والحين مسافر اعيش وحيده افضل من اني اعيش عندكم
ام سالم بعصبيه / مالك طلعه من البيت وبتجلسين غصب عنك
شوق بصراخ هستيري / وريني شلون بتغصبيني على الجلسه الحين طالعه غرفتي وباخذ خواني وخلو احد يمنعني والله لسويها فضيحه ولا همني احد
تركتهم ودخلت غرفتها وسحبت شناطهم من حسن حظهم اغلب الشنظ ما نفتحت طلبت من الشغاله تنزلهم
لبست عباتها ودخلت عن المربيه واخذت اخونها الصغيرين ودخلت غرفة ساره
شوق بصوت باكي / سمر سحر يله بنسافر فرنسا
سحر وسمر / والله
شوق بصوت باكي / بسرعه طلعو شناطكم انتظركم تحت
ساره متفرجه ومصدومه ما تدري وش السالفه خافت صاير لامهم شي اضطرت تسكت وهي تشوف البنات ينزلون من عندها
عند ام سالم
بعد ما تركتهم شوق انهارت تبكي بحرقه / هي الي اوجعتني وحدتني امد يدي عليها مستحيل اقدر امنعها وهي عنيده وبتسوي الي براسها وماهمها احد
دخيلك يا تركي اطلع معها فرنسا يومين وحاول تلين راسها وترجعها اعرف محبتها لك بتسمع كلامك
وصارت تبكي بحرقه / ما اقدر على بعد عيال الغالي الي باقين لي من ريحته
تركي بحزن موجع / ان شاء الله اهم شي ارتاحي
عند هياء
طلعت لصاله تبكي متاثره من الموقف الي صار قدامها منقهره من قسوة خالتها على شوق وتبكي على سفر شوق واخوانها الي تعودت على وجودهم
دخل عليها سالم ونصدم وهو يشوفها تبكي
قرب منها بخوف/ هياء ليش البكاء
هياء بوجع / شبة حريقه بين خالتي وشوق وخالتي ضربت شوق كف وشوق حلفت ما تجلس بالبيت والحين طالعه تجهز اغراضها واغراض اخوانها
سالم بضيقه وقهر / وصلت ان امي تمد يدها على اليتيمه ان لله وانا اليه راجعون
هياء بصوت باكي / اجرحوا امها قدامها وهي ما ستحملت وانفجرت بجدتها
سالم بحزن / امي وينها
هياء / مع تركي بمجلس الحريم
وقف مسكت يده وجلسته / لا تدخل عندها امك الحين معصبه اخاف تنفجر فيه دخيلك لا تروح لها ما يرضيني تهينك وتوجعك بكلامها
عن شوق
نزلت تحت كان عمها سالم بالصاله وجنبه هياء
سالم قرب من شوق بحنان / لا توجعيني بدموعك الي تحرقني
رمت نفسها بحضن عمها / عمي دخيلك بطلع من ها لبيت برجع فرنسا مع اخواني
سالم يمسح على شعرها بحنان / ان شا ء الله مالك الا طيبة الخاطر
عند تركي
رفع جواله واتصل على صديقه
تركي بجديه / طيارتك الخاصه محتاجه الحين
عادل بجديه / وش عندك
تركي / محتاجها بسافر فرنسا ضروري مع عيال اخوي
عادل بجديه / الطياره وصاحبه تحت امرك
تركي بامتنان / ما تقصر نردها لك بالافرح
سكر من عادل
التفت على امه المنهاره من البكي ومقهوره على انها مدت يدها تعرف بنت ولدها عزيزه ما تنكسر ولما اضربتها اكسرتها مستحيل تلين لها وترجع معها مثل الاول
تركي بجديه / خلاص بنسافر الليله واذا طولنا اسبوع وراجعين وسعي صدرك
ام سالم بحرقه / اوسع صدري وانا كسرت شوق مستحيل تصفى من ناحيتي وموجوعه عيالي بيعيشون بعيد عني
تركي قرب منها وباس راسها / تحملي كلها ايام وهم بحضنك
طلع لصاله شاف شوق بعباتها ومجمعه اخوانها حولها
تركي بجديه / جاهزه شوق
شوق من غير لا طالعه ومقهوره منه / ايه ما تشوفني بتوديني ولا اتصرف
تركي بجديه / انتظريني اجهز شنطتي واذا نزلت طلعنا للمطار
توقعكم
اختكم نسايم نجد
|
28-03-11, 02:31 PM
جديد مواضيع قسم الارشيف
العرض العادي
