كاتب الموضوع :
نسايم نجد
المنتدى :
الارشيف
البارت العاشر
بدايه لكشف السر الي مخفيته نووف ومع الايام بيظهر كامل بدون غطاء
عند ماجد
بعد ما قفل من تركي طلع من مكتبه شاف بناته جالسات بالصاله ريما قربت من ابوها
ريما بحزن / بابا متى تطلع ماما
ماجد باس خد بنته / قريب ا ن شا ء الله
مسكها بيدها ومشت معه جلست وجلس على الكنب
اخذ ميار وجلسها بحضنه وصار يبوس فيهاااا
مااجد / عمه سميه بتجي بكره
ريما بفرح وبصراخ / وناااااااااااااسه عمه بتجي بكره
حنين التفتت على ابوها / بابا بنستقبلها بالمطار
ماجد بحب / عمه بتكلم بتقول متى موعد رحلتها اذا قالت طلعنا لها المطار وستقبلنها سوى
في بيت صقر
نزلت ديما مع مرام تحت كان ام صقر بالصاله جلسو واضح عليهم انهم ماشبعو نوم
ام صقر بحنان / شكلكم ما شبعتو نوم وش مقومكم
ديما بقهر / من غيرها عزرائيل البيت
ام صقر بعصبية / بسم الله عليك منهو عزرائيل الي تقولين عنه
دخلت نجود وسمعتهم / انا يمه تقولون الي تقولونه اهم شي اني اشوفهم جالسات قدامي
مرام بكسل / والله حاقدين عليك
ديما بعصبيه / كلها نحاسه بله عليك وش بنسوى الحين
نجود بحب / اول نفطر وبعدين نسولف
ديما بسخريه / الفطور هالمره عصيده ولا خبز بسمن
نجود بابتسامه / اليوم فطور حضري ومعتبر على كيف كيفك
ام صقر بعصبيه / هذي جزاتها انها تصحيكم بدال ما تخيسو من النوم والجوع صدق ما تستاهلون
نجود بابتسامه / معليك منهم يمه اهم شي نفذت الي براسي وقامو
ام صقر بحب / جعل عيني ما تبكيك يا نجود
نجود / يله قدامي على المطبخ نفطر
دخلو المطبخ وفرحو بالفطور المعتبر بان كيك وفطائر زعتر وجبن وفول وعدس وبيض
جلست ديما بسخريه / كل هذا من متى يا نجود
نجود بابتسامه / كله علشان حرم عبود
قربت منها مرام وباستها على خدها / فديتها الناس الذوق يا ليت تعلمين بنت اختك الخبله السنع
ديما بابتسامه / صايرن ندهن سيور مرمر
جلست مرام / مرمر ينشب بحلقك حتى دلعك ماسخ
ديما وهي تاكل من البان كيك تبتسم / احمدي ربك اني ادلعك غيرك يتمنى ادلعه ولا يطول
نجود بابتسامه وهي تاكل فطيرة الزعتر / ليكون انا الي يتمنى الدلع وما حصلته
ديما بابتسامه / يقلبي يا خالتي ولا يهمك بغرقك دلع يا جوجو
نجود وهي تشرب من كاس الحليب / هههههههه بلاها دلعك كانك تنادين شغاله
مرام / ههههههههههه صدقتيني يوم اقول دلعها ماسخ
عند اميره
جالسه سرحانه مهمومه متضايقه لو الحب ينزرع زرعت حبها بقلب تركي
هياء جالسه وعيونها على اميره ما غاب عليها سرحانها وضيقتها
وقفت / اميره تعالي ساعديني بالمطبخ
صحت من افكارها / ان شاء الله
وقفت مشت معها للمطبخ سحبتها هياء ودخلتها غرفة الضيوف
استغربت من حركه هياء لكن من محبتها لهياء استجابت لها
اميره بحزن / ليش جايبتني هنا وش عندك
هياء بجديه / اجلسي ابيك بكلام
جلست اميره بستسلام وبضيقه / قولي الي عندك هذا احنا جلسنا
هياء بحب / اكيد تعرفين غلاك عندي ويوجعني اني اشوفك سرحانه ومهمومه
اميره تنهدت ونزلت دمعه من عيونها / وش تبين اقول يا هيا
هياء مسكت يدها بحنان / قولي الي مضايقك وقالب حالك
ابتسمت اميره بحرقه / وجعي ماله دواء
هيا بخوف / بسم الله عليك وش يوجعك
اميره تضرب صدرها بحرقه / قلبي الغبي يوجعني حب وتعلق بواحد كارهني وفوقه يستحقرني على الي سواه تركي فيني ما حقدت عليه بلعكس عشقته اكثر
هياء بحب / على معزة تركي عندي لكن والله ما يستاهل حبك لو لف الدنيا مالقى الي تحبه وتخاف عليه كثرك هو الخسران
اميره بصوت باكي / تخيلي يا هياء من حبي له فقدت كرامتي وطلبته يرجعني استقبل كلامي بسخريه بدون مراعاة لاحساسي
هياء بحزن / الله يشيل حبه من قلبك
اميره بصوت / يارب يشيل حبه من قلبي ما شفت من حبه الا عذابي ووجعي وضياع كرامتي
هزت هياء راسه باسى / الله يبرد على قلبك
كملت هياء / ترى ولدك ماله ذنب انك تتجاهلين وجوده
اميره تبكي بوجع / اذا شفت ياسر تذكرت نظرات ابوه المستحقره وطلاقه لي بسبب قربه مني الي اثمرت بياسر
هياء بحنان / لا تحاسبين ولدك بغلطت ابوه ولدك بحاجتك لا تيتمينه منك وانتي عايشه
اميره بصدق / ياسر قلبي لكن مدري ليش اذا شفته احس ببرود تجاهه
هياء بجديه / حاولي تتقربين من ولدك صدقيني يسوري فديت روحه بيحببك فيه
اميره وقفت وباست هياء على راسها / الله لا يحرمني من طيبة قلبك الله يجزاك خير
جلستي معك شالت ضيقتي
هياء بابتسامه / حطي في بالك الي صار بينا ما يدري فيه الا رب العالمين
ابتسمت وكملت / ما تقصرين يام سعود يله بندخل الصاله قبل لا تقلبها خالتي علينا
وقفت هيا بحب وبابتسامه / لا تغيب ابتسامتك الحلوه عن وجهك صدقيني ما فيه احد يستاهل تتعذبين بسبته
اميره رجعت لصاله وهياء دخلت المطبخ
في بيت ركان
بعد ما خلصو فطورهم دخلو غرفة ضاحي
صقر با بتسامه وعيونه على ضاحي / محد قدك يا ضاحي تخلصت من العزوبيه عقبالي
ركان بعصبيه / اذكر ربك لا تصك ابوي بعينك وتخرب كل شي
صقر بجديه / الا صدق متى بتبدا ترتب بيتك لاستقبال عجوز ابوك ودرزن البزارين الي معها
ركان بجديه / من الاسبوع الجاي بابدا وابي مساعدتك انت وخواتك
صقر بابتسامه / وش لك بالبنات خل امي هي الي تختار تعرف عجائز ويفهمن بذوق بعض
وكمل بجديه / الا من متى عند مبارك اخت
راكان بجديه / وازيدك من الشعر بيت جاية من فرنسا
صقر / ههههههههههههههه من فرنسا لزوجة لبوك والله حظ الشايب قايم
ركان ضربه كوع / وجع ما رضى على ابوي يا لخايس
عند منى
بعد ما شافت سميه ارتاحت طلعت لبيتها
وهي بطريق اتصلت على المقاول تستعجله يخلص البيت قبل لا ينتهي الشهر
والمقاول بيسلمها البيت كامل بكل شي حتى الاناره متفقه معه على النوعيه وبعضها هي الي جايبتها وبعضها اعتمدت عليه
والاثاث حاجزته والفضل لسميه باختيارات الاثاث نوعيه ممتازه باسعاره معقوله
وصلت للبيت دخلت شافت سلطان جالس على الكنب
سلطان بعصبيه / اخيرا جيتي يا مدام
طنشته ودخلت غرفتها كانت تحط عباتها على الشماعه الا تسمع الباب يفتح التفتت شافته
سلطان / لمتى اسلوبك البايخ معي تطلعين وتجين من غير شوري
منى بسخريه / اخيرا ابو الهول نطق وحسيت من متى لك دور بحياتي الي يهمك انك ما توصلني للمكان الي ابيه وانا فكيتك وعتمدت على غيرك بمشاويري
سلطان / حتى ولو مو عذر اقوم ما لقك وتاركه العيال لحالهم
منى تجلس على السرير وبعصبيه / وغير ها لكلام لانك متاكد اني متحمله العيشه معك علشان هالعيال والا انت صفر على الشمال ورجاء لا تتهمني بتقصيري بحق عيالي لا تنسى اني صايره لهم الاب ولام وانت وجودك صوره بكل شي
سلطان بعتب / هذا الي اخذه منك تقليل لقدري
منى بسخريه / من طق الباب سمع الجواب وهذا جوابي على كلامك
مارد عليها طلع من غرفته وطلع من البيت
وهي طلعت تطمن على عيالها شافت وليد نايم ارتاحت ومرت غرفة غلا شافتها نايمه
طلعت لصاله تمددت على الكنبه
عند نوف
وهي متمدده على سريره سمعت صوت باب الشقه يفتح دخلت عليها المربيه وهي شايله الاغراض
نوف / لماذا تاخرتي
المربيه / الصيدليه بعيده وذهبت لها مشي
اخذت نوف كيس الحفاظات اخذت منه حفاظه وغيرت لبنتها ونومتها بسريرها ووصت عليها المربيه لانها تعبانه لها يومين واكثر ما نامت رجعت لسريرها ونسدحت ومن تعبها نامت
بعد ما تعمقت بالنوم شافت ايدين كثيره تحاول تخنقهااا طلع لها فجئة وجه مستحيل تنساه اول ضحيه من ضحيا ناصر قربت منها وهي غرقانه بدمها مدت يدها بتخنق نوف وبصوت مثل الرعد ( لازم تموووووتين وبذبحك مثل ما ذبحتوني بنتي لازم تدري انك منتي بامها وسرك ينكشف لازم يدرون انك .......
صحت من نومها مفروعه مرعوبه صارت تصارخ صراخ هز البيت هز وصارت تبكي وتصارخ وتنتفض خوووف وتتكلم بهستريا / لاااااااااااااااااا شوق بنتي مستحيييل تموتني يويلي لو درور يويلي السر اندفن مع ناصر مستحيييل ينكشف مستحيل يارب خذني وريحني قبل لا يدرون وانحرم منهم
دخلت عليها المربيه تحاول تهديها لكن الي شافته وحده فاقده عقلها
عند ماجد
كان بالصاله تفاجئ وخاف من صوت الصراخ العالي لان صالتهم لاصقه بالغرفه الي فيها نوف
ريما بخوف / بابا صراخ بنت
ماجد متاكد ان الصوت من شقة ناصر خايف صاير شي لزوجة ناصر وقف وطلع من شقته وطق على شقة ناصر
دقائق فتحت المربيه والخوف واضح عليها
ماجد / من يصرخ
المربيه بخوف / المدام تعبانه وتصارخ خايفه عليها
ماجد دخل ووقف بالصاله وصار يسمع صراخها الهستيري الواضح انه من حرقت قلب
تردد يدخل او لا لكن حرام عليه يدخل ويستغل الوضع ومتاكد انه مراح يفيدها بشي
رفع جواله واتصل على دكتور يعرفه بعد نص ساعه وصل الدكتور
ماجد كلم المربيه / رجاء غطي المدام الدكتور بيدخل عليها
دخلت المربيه ولبست نوف حجابها ونوف تحذفه بهستريا
طلعت لدكتور
وجهت كلامها لماجد / المدام لا تعي كل ما لبستها الحجاب ترميه
ماجد بضيقه / لا حول ولا قوة الا بالله ادخل يا دكتور
دخل الدكتور غرفة نوف شافها تبكي وتصارخ وتهذي بكلمات ما فهمها من شكلها واضح انها منهاره
طلع عند ماجد الي ينتظره بخوف
ماجد بلهفة / وش فيها
الدكتور / المدام منهاره لازم تدخل المستشفى
ماجد با صرار / المدام بالعده عطها العلاج بالبيت وهات لها ممرضه تهتم فيها
رجع الدكتور عند نوف عطاها ابره مهدئة جلس ينتظر يبدا مفعول المهدئ بعد ما شافها نامت طلع
اول ماشافه ماجد / كيفها الحين دكتور
الدكتور / واضح ان لها فترة ما نامت ولا اكلت وفيه شي كبير مضايقها علشان كذا صابها انهيار
ماجد توقع ان انهيارها بسبب ولدها الي با لغيبوبه
ماجد بحزن / متى بتجي الممرضه
الدكتور بجديه / كلمتها دقائق وهي عندكم اهم شي لازم تاكل وتنام واذا تعبت ياليت تتصل فيني
ماجد بصيقه / ان شاء الله
طلع الدكتور وطلع وراه وتفكيره بالهم الجديد وهو ناقص تكمل عليه زوجة ناصر
عند مروان
وصل عند محل لبيع المجوهرات دخل المحل وكان الي يبيع فيه سعودي
مد مروان الساعه وحطها على طاولة الزجاج
مروان بجديه / لو سمحت حبيت ابيع الساعه
البايع ناظر بمروان ورجع يناظر بساعه اخذها وصار يقلبها بيده
البايع باعجاب / هذي الساعه موديلها جديد ما نزل عندنا وباين ان استخدامها نظيف
مروان بعدم صبر / بتشتريها لاني بحاجه لفلوسها ماتبي دورت محل غيرك
البايع / للاسف مبلغ الساعه غير متوفر عندي الحين
مروان بطفش / كان قلت من اول بدال كل هالكلام الي قلته
طلع مروان ركب سيارته رايح لمكان مجوهرات بعيد خايف يعرض الساعه بالمحلات القريبه ويشكون فيه
وصل للمحل ونزل ونفس الكلام ماعنده سيوله لف كذا محل واخيرا قدر يبيع الساعه لكن البايع استغل جهل مروان بسعرها وعطاه ربع القيمه الاصليه 50 الف
سعرها كان 200 الف شاريها زوج نجلاء هديه لها من باريس
اخذ المبلغ وهو طاير من الفرح ومنقهر بنفس الوقت انه بيتشارك مع سلوى المبلغ
في بيت الجده
في مجلس الرجال
تركي جالس مقابل سالم اخوه وكل دقيقه يسرح بمكالمة ماجد ويفكر بالي داخل الظرف
وقف سالم من مكانه وقوم ولده فهد وجلس مكانه جنب تركي
سالم بجديه / تركي وش فيك سرحان منت معنا
تركي بجديه / كلمني ماجد صديق ناصر يقول ان اخوك حاط عنده ظرف باسمي وطالب منه يوصلني قبل لا ينتهي عزاه
سالم بجديه / وليه ما جابه هذي وصيت ميت لازم نعجل بتنفيذها
تركي بجديه / يقول ان عنده ظروف تمنعه وطلب مني اسافر عنده واستلم الظرف
سالم بجديه / طيب سافر له وهات الظرف
تركي بحزن / وانت تشوف ظروفنا تسمح لي اسافر
سالم بعصبيه / انا موجود وعيالنا فيهم خير وبركه وانت بتسافر يوم وراجع
تركي بضيقه / بشوف يمكن ارسل له واحد ثقه
سالم بجديه / اجل ارسل له سعود وماجد
تركي بستغراب / نرسل بزارين لفرنسا لحالهم
سالم بعصبيه / ولدي رجال ولد عمه رجال ويدل الاماكن هناك متى بنشوف عيالنا بزران لازم نحسسهم بالمسئولية ونعتمد عليهم
تركي بتعب / خلاص الي تشوفه بلاها المحاضرات الحين
في الصاله
نزلت شوق مع ساره بعد ما مرتها غرفتها ونزلو سوى دخلو الصاله سلمو على الموجودين
دخلت عليهم هيا / الفطور جاهز
ام سالم بحنان / شوق يمه ادخلي افطري من امس مطب الاكل حلقك
شوق بحب / مستحيل يطب الاكل فمي الا اذا اكلتي
ام سالم بتعب / يمه لا تغصبيني على الاكل وانا ما شتهيه
ام فواز وقفت / كلنا بنفطر ولا بتجوعينا يام سالم
وقفت ام سالم وبصوت موجع / امري لله
دخلو كلهم غرفة الطعام وكان الفطور محطوط بشكل يشهي
جلست ام سالم بالصداره وصارت ونظرها بالصحن وتسرح
هياء وعيونها على خالتها / خالتي الله يهداك ما كلتي شي
ام سالم بزفره / هذاني قاعده اكل
هيا سكتت ونزات عيونها بصحنها وصارت تاكل
وام فواز منقهره من تعامل اختها الجاف لهيا تعتبرها جوهره نادر يلقي مثلها بين الحريم يا كثر ما نصحتها لكن ام سالم راسها يابس
واميره جنب امها وشوق جنب هياء
شوق بصوت واطي / عمه فديتك لا يوجعك كلام جدتي تعرفينها هذا اسلوبها
هيا رفعت عيونها لشوق وبحزن / لا تفكرين فيني تعودت على خالتي واعتبرها بمكانة امي الله يرحمها
شوق بابتسامه / تتوقعين اذا ربي بلاني بحماه مثل جدتي باصبر عليها
هياء بابتسامه / اتوقع انك بتذبحينها
شوق بجديه / اجل بتزوج واحد بدون ام علشان ما خذ بامه اعدام
هياء / هههههه يقطع شرك اكلي لا تاكلني جدتك وتقول اشغلتك عن الاكل
عند منى
سمعت صوت اذان الظهر وقفت ودخلت المطبخ شافت الشغاله مجهزه كل شي
مرت على غرفة وليد شافته جالس ومتسند على سريره
قربت منه وجلست على طرف السرير
منى بحنان / ليش جالس على سريرك ما طلعت لصاله
وليد بحزن / الحين صاحي
منى بحب / الظهر اذن توضا وطلع صلي بالمسجد
وقف وطلع من عند امه وبعد دقائق رجع ومنى جالسه بمكانها تراقبه من بعيد لابس ثوبه وطلع من غرفته لحقته وهي خايفه
حطت يدها على راسه ودعت له بينها وبين نفسها / استودعك الله الذي لا تضيع ودائعه
طلع ورجعت للمطبخ تشرف على الطبخ وجهزت بعض الشغلات الخاصه للعشاء
وطلعت من المطبخ مرت غرفة بنتها صحتها لصلاه وبعده دخلت غرفتها توضت وصلت ورجعت للمطبخ تكمل شغلها
بيت ابو مروان
دخل ابو مروان البيت استغرب ان الصاله والمطبخ مافيه احد
دخل غرفته شاف ام مروان منسدحه على سريرها خاف مو عوايدها تنام هالوقت قرب منها وسمعها تون
ابو مروان بخوف / وش فيك يام مروان
ام مروان بتعب / تعبانه وجسمي كله يوجعني
ابو مروان بخوف / قومي يا بنت الحلال اوديك المستشفى
ام مروان بتعب / تعبانه ما قدر اوقف
ابو مروان / بساعدك
وقفت ام مروان وابو مروان عطاها عباتها وغطاها وطلع ساندها ركب سيارته القديمه وصلها لمستشفى حكومي وبعد الفحوصات طلع معها التهاب بالحلق وفلونزا حاده ركبو عليها مغذي وعطوها ابرها خافضه للحراره
بيت صقر
وصل صقر البيت بعد صلاة الظهر وبيده الاغراض تذكر ان بنت خالته نايمه عندهم طق الباب طلعت له انجود
نجود بابتسامه / بشر ان شاء الله عجبكم الفطور
صقر قرب منها وباس خدها / تسلم ايدك خلصنا كل الي حطيتهم ماني قادر اتنفس
نجود بابتسامه / جعله هني وعافيه
مد لها الاغراض اخذتهم منه / يا ليت نجود تسوين لي طريق دايخ ما قدر افتح عيوني بنام
نجود / ادخل البنات بغرفة ديما
دخل غرفته وفسخ ثوبه وبقى بالسروال والفيله ودخل سريره ونام
عند نجود
دخلت غرفة امها وانسدحت جنبها
نجود بحب / يمه وش رايك مدام مرام موجوده وانتي صايمه تعزمين خالتي تفطر عندك
ام صقر بفرح / بكلمها وبغصبها تجي
نجود رفعت تلفون البيت الي بغرفة امها وتصلت على بيت خالتها
كلمت ام صقر اختها وغصبتها تجي تفطر عندها قفلت التلفون من اختها
ام صقربحنا / بتجي خالتك سوي فطور خفيف ماله داعي ترهقين وتتعبين نفسك
نجود بحب / وش ارهق نفسي تعرفيني احب الطبخ وبالمره اكسب اجر افطار صايم
ام صقر بحب / الله لا يحرمك الاجر
في غرفة ديما
بعد ما دخلت ام صقر ترتاح بغرفتها طلعو فوق لغرفة ديما
ديما وهي منسدحه على سريرها ومرام منسدحه على الارض
ديما بجديه / ظهرك بينكسر من نومة الارض تعالي نامي جنبي السرير كبير بيكفينا
مرام بجديه / خليني نايمه على الارض ولا تحشريني بمكان ضيق
ديما بابتسامه / لا يكون خايفه اطيحين وينفقع راسك تطمني راسك ضد الكسر
مرام بعصبيه / وووووووجع الملافظ سعد وانتي اعوذ بالله
ديما بابتسامه خبيثه / وش رايك اكلم لك عبودي وكسب فيك اجر واسمعك صوته
مرام / فكينا من خبالك
ديما عاندتها ورفعت جوالها وتصلت على عبدالله وضغطت على السبيكر
عند عبد الله
رجع من المسجد ودخل المطبخ يحوس بيسوي الغداء سمع صوت جواله بصاله
ركض لصاله شاف رقم ديما مشتاق لها حط الجوال على اذنه
عبد الله بلهفه / شخبارك يا حلوه
ديما بحب / بخير بشر عنك وش مسوي
عبد الله بحب / بخير مشتاقين لك
ديما بابتسامه وعيونها على مرام / مشتقت لاحد غيري
عبد الله فهمها / مشتاق لها اكثر من شوقي لك
ابتسمت ديما لمرام الي وجها صار احمر / تراها جنبي تبي تكلمها
عبد الله خاف تاخذ بخاطرها اذا درت انه داري بوجودها وما كلمها
عبد الله بتوتر / ياليت
مدت الجوال لمرام الي مسكته بيدين تنتفض
سمعت صوت عبدالله / شلون مرام
مرام بحياء وارتباك / الحمدلله بخير شلونك انت
عبدالله / الحمد لله بخير شلونها خالتي
مرام بارتباك / الحمد لله
وطولو ساكتين وديما تضحك على حالهم وانقلاب وجه مرام سحبت الجوال من يد مرام
ديما / هههههههههه خوووووووش مكالمه كلها على الصامت
عبد الله تنفس براحه / اشوف فيك يوم
ديما بمزح / اكيد بكلمه واتغزل فيه تحسبني مرامك الي زين ما غمي عليه وجتها سكته وتوهقت فيها
مرام تضربها على راسها
عبد الله بجديه / لا وصيك دمدومه فهميها اخاف تزعل لاني ما تصل عليها والله استحي ولا عندي كلام اقوله
ديما بتخفف عليه / تطمن وحط في بطنك بطيخه صيفي مرام فاهمه هالشي وعاجبها لانها نفس حالتك
عبد الله بفرح / الله يبشرك بالخير وسلمي عليها
ديما بابتسامه / ما تبيني ابوسها لك بالنيابه
عبدالله بعصبيه / عيييييييييييب يا بنت صدق فاسخه الحياء يله روحي لها مع السلامه
سكر الجوال بوجه ديما وهو يضحك من قلبه على ديما وجرائتها تعجبه بكل مافيه تعاملهم مع بعص كاصدقاء وقريبين كثير من بعض وكل شي يعرفه عن ديما ونفس الشي ديما تعرف كل شي عن عبد الله
عبد الله بصوت عالي وهو يتذكر كلام ديما / هههههههه والله ما تستحي هالبنت وربي مشتاق لها وفاقدها كثيرررررر
دخل نواف وسمع اخر كلامه / منو الي فاقدها كثيررررر
عبد الله من غير شعور / دمدومتي وربي تجنن ها لبنت الله يحفظها
نايف بجديه / كلمت صقر بموضوعي
عبد الله تذكر / لا اليوم بزور امها وبفتح معها الموضوع وبنتناقش بموضوعك وبعدها وعد اكلم صقر
نواف بجديه / اذا ما كلمته سافرت عنده وخطبت رسمي
عند مروان
دخل البيت وهو فرحان طلع لغرفة اخته فتح الباب شافها نايمه قرب منها
مروان صراخ / سلووووووووى قومي
فزت سلوى من صراخ اخوها / خير وش صاير
مروان مد يده / هاتي الامانه الي عندك
سلوى بصوت مبحوح من النوم / اول اشوف الفلوس قدامي بعدين ارسل لك المقاطع
طلع رزمه فلوس من جيبه / شوفيها
دخلت سلوى يدها تحت المخده وطلعت جواله وفتحته وصارت تبحث عن الصور والفديو
لكن صدمتها انها مختفيه مالهم أي وجود
سلوى بعصبيه / سويتها يامروان وسرقت الصور ومسحتهم من عندي
مروان بصراخ / مجنونه ما خذت شي من عندك لا تطمعين اكثر من الي طلبتيه ماني بدافع اكثر
سلوى وهي تبحث بكل محتويات الجوال مالقت الصور ولا المقاطع
سلوى بصدمه / مروان الصور والفديو ممسوحه من عندي
مروان بغضب / شلون يا لخبله انمسحت من عندك وانتي عارفه اهميتها عندي
سلوى بقهر / والله كانت بجوالي وتاكدت انها موجوده قبل لا انام والجوال تحت مخدتي مستحيل تنمد يد عليه ما حس فيها
وقف وهو مولع عصبيه / لانك ثوره والشرهه علي الي معطيك فوق حجمك
وبصراخ / مثل ما دبرتي الصور الاولى ادبرين الصور الثانيه بنفس الطريقه
سلوى بخوف / اول مره مشت عليها المره الثانيه اخاف تكشفني واتورط معها
مروان / مو شغلي وهذا جزاء غبائك طلع وصفق الباب وره
وسلوى جلست مقهوره شلون انمسحت الصور وضيعت من يدها كنز
سلوى بصوت عالي / حظي مستحيل يتعدل اموت واعرف شلون انمسحت كل الصور والفديو يقهري ضاعت من يدي العشرين الف
عند مروان
بغرفته يدور فيها مثل المجنون مقهور من اخته
مروان بغضب / الغبيه شلون تمسح الصوره بعت ساعة نجلاء بخساره كله علشان الصور وكل شي طلع بلوشي هييييييين يا سلوى دواك عندي
رفع جواله واتصلت على الدكتوره سميره هذي ثاني مره يتصل فيها بعد اتصال التعارف
سمع صوتها / هلا مروان
مروان بصوت ذايب / كيفك يا روح مروان مشتااااااااااااق لك
سمير بارتباك / شوف يا مروان اتوقع اني ناضجه وحركة المراهقين ما تناسبني
مروان بصوت يدوخ / فديتهم الناضجين الي قدرو على قلبي وسكنوه
فز قلب سميره من غزله الي لامس قلبها / ونهاية المكالمات هذي
مروان بصوت ذايب / زوااااااااااج وعيالي
سميره استحت /.............
مروان بخباثه / بعد روحي الي يستحون فليها معي انا مروانك ملكك حلالك
من جرءات مروان شالت حاجز الحياء وبدت تسولف معه براحه هذي المكالمه استولى مروان قلب سميره كانت محتاجه من يروي عاطفتها ولقت انسان مخادع قدر يرويها باسلوبه الخبيث
في فرنسا
عند مها
رجعت للبيت شايلة شنطت اوراقها وملفاتها المهمه دخلت المكتب حطتهم وطلعت وجلس بالصاله
كانت سرحانه وتفكر بجرائم ناصر وردت فعل عياله لو انكشف هالسر ( تخاف تسكت وتكون شيطان اخرس ) لكن الي يجبرها تسكت خوفها على دمار عياله الابرياء الي مالهم ذنب الا ان ابوهم ناصر وبيضيعون بمجتمع ما يرحم
تنهدت بحرقه / يارب افرجها من عندك ورشدني لطريق الصح
دخل عليها ولدها ثامر وشاف امه سرحانه قرب منها وباس اسها
ثامر بابتسامه / الي ماخذ عقل ام ثامر يتهنى فيه
مها بابتسامه / اكيد انت وخوانك وابوك
ثامره بابتسامه / يا قلبي عليك يابو ثامر طلعت اخر واحد
مها بابتسامه / لا يسمعك ابوك ويصدقك وش عاد بيفكني منه
ثامر بجديه / يمه كلمتي خالتي نوف
مها بحرقه / وش صاير
ثامر بخوف / من سافر سالم اتصل على جوال مغلق
مها / خالتك قالت ان ابو سالم مات
ثامر بصدمه / عمي ماااااااااات شلون وكيف
موجوعه ان ولدها ينادي ناصر بعمي / الي فهمته انه مات ما خذت منها تفاصيل موته
ثامر برجاء / يمه ولي يعافيك بسافر اوقف جنبه لحين هو بحاجتي
مها بجديه / صعبه يا ثامر كلها كم شهر وبنرجع لسعوديه وبنستقر هناك
ثامر بزعل / شايفتني بزر ماني برجال اقدر اسافر يرضيك ان صديقي يحتاجني ولا اكون جنبه
مها بجديه / شوف يا ثامر اذا رضى ابوك انك تسافر ماني بواقفه بوجهك لكن لاتطلب مني اقنعه واتدخل بينكم
ثامر / خلاص اتفقنا وابوي باذن الله بقدر اقنعه
مها / ا ن شا ء الله اهم شي لاصار وسافرت تهتم بنفسك وتتصل علي بالدقيقه مابي احاتيك
ثامر / ا ن شاء الله
عند منى
جهزت الاكل وحطته على السفره بالصاله الا على دخلت وليد راجع من المسجد جلس على السفره وجلست جنبه غلا دقائق والباب ينفتح ويدخل عليهم سلطان غسل يده وجلس ومنى تاكل بصمت
بعد ماخلص سلطان اكله / صبي لي كاس لبن
اخذت للبن وصبت له كاس ومدته له وهي ساكته
خلصت وقامت غسلت يدها ورجعت لصاله شافت وليد قام يغسل يده
منى بجديه / يا ليت ياسلطان تفضي نفسك الاسبوع الجاي بنسافر للجنوب
سلطان مستغرب / عسى ما شر ليش السفر للجنوب
منى بجديه / بزور اهلي من زمان عنهم
سلطان بجديه / ما بقى عن الاجازه الا شهرين اليومين هذي كلها بتصير في الطريق
منى داريه ان زوجها معه حق لكن ماتبي تكسر بنفس وليد / خلاص من الحين اخذ اجازتك مع اجازتنا مو ادور لنا حجج مالها داعي
سلطان ببرود / من هنا للاجازه يصيرر خير
منى بجديه / يا ليت الليله تكون موجود بالبيت اخوي عبدالله وصديقه بيتعشون عندي
سلطان ببرود/ والله عبدالله جاي لك مو لي وانا معزوم على زواج
وقفت منى وتكلمت بقهر / بسلامتك من متى وانت موجود الله يخلي وليد هو رجال البيت بيستقبل خاله ويضيف ضيوفه
دخلت غرفتها دخلت الحمام اخذت شور ودخلت بسريرها ونامت
بيت الجده
في مجلس الرجال
الموجود ين بالمجلس ابو فواز وسالم وعياله وعيال ناصر وتركي
وقف ابو فواز / اسمحو لي طالع للبيت برتاح وبالليل راجع ان شاء الله
سالم / خذ راحتك ومقصرت
رفع جواله وتصل على بنته
في الصاله
ام سالم جالسه مع اختها والبنات بغرفة الضيوف
عند اميره
كانت تسولف سوالف عاديه مع ساره وشوق سمعت صوت جوالها طلعته من شنطتها شافت رقم ابوها
اميره بحب / هلا بالغالي
ابو فواز بتعب / حبيبتي خلصتو انا تعبان طالع البيت بترجعون معي ولا بتجلسون عند خالتك
اميره / انا طالعه معك لكن بشوف امي
ابو فواز / انا بنتظركم بالسياره لا طولون علي
اميره / ان شاء الله
قفلت من ابوها والتفتت على البنات / يله اشوفكم على خير برجع البيت مع ابوي وبالمغرب وانا عندكم
ساره بحب / ما قصرتي اميره
شوق بحب / الواحد ما يبين معدنه الا بالشده وانتي معدنك اصلي يا ميره
اميره بابتسامه / الي سويته واجب أي وحده غيري سوته يله مع السلامه
طلعت لصاله / يمه بترجعين مع ابوي للبيت ولا بتبقين عند خالتي
ام فواز / لا بجلس عند ام سالم
ام سالم باصرار / والله ما تجلسين عندي وزجك ما جاء الا البارح له حق عليك
ام فواز وقفت و بزعل / الله يهداك وش له تحلفين
ام سالم / اطلعي لبيتك مع زوجك وبالليل تعالي
ام فواز / ا ن شا ء الله
طلعت ام فواز مع بنتها وبخاطرها تجلس مع اختها الي مو بطبيعتها اليوم
عند ام سالم
طلعت وام سالم وقفت وطلعت فوق لغرفتها ترتاح دخلت الغرفه شافت شوق منسدحه وهي صاحيه قربت من سريرها ونسدحت جنب شوق وهي ساكته قربت منها شوق وحضنت جدتها
شوق بحب / اليوم بحضنك بدال ما تحضنيني ولا ما تبين حضني ومستصغرته
ام سالم بصوت موجوع / الله لا يحرمني منك ومن حضنك ويخليكم لي ياعيال الغالي ولا يفجعني فيكم
شوق بحنان / يمه دخيلك ارحمي نفسك كل الي صار ربي كاتبه من خلقنا بالدنيا واكيد انتي تعرفين هالشي
ام سالم بحرقه / الله يصبرنا خليني انام يمه
تحت
كانت ساره تحت جاسه بالصاله مع التوائم وهياء طالعه لغرفتها تنام دخل سالم وتركي لصاله
سالم قرب من بنات اخوه وحضنهم وباسهم
سالم بحب / كيفهم حبيباتي
سمر بصوت باكي / نبي ماما
سحر بكت / عمي بنسافر عند ماما ونشوف النونو
تركي واقف مقهور ومستغرب من تعلق بنات اخوه وعيالهم الغير طبيعي بامهم ما يرضون عليها الكلمه برغم من تطنيشها لهم
طنشهم وطلع لغرفته وقفل الباب وراه فسخ ثوبه وعلقه وانسدح على سريره وحط راسه على المخده تذكر الصوره
رفع المفرش وطلع الصوره وتسند على سريره وبيده الصوره اكلها بنظراته المتفحصه
تركي بستغراب / وش بلاك يا تركي لشفت الصوره يفز قلبك الهنوف فيها شي مو طبيعي الواحد ما يمل من مطالع وجها وربي انها احلى من كل الي شفتهم هذي ملاك وفيها سحر غريب
لكن مشكلتها التفسخ الزياده معقوله تكون هذي لبستها قدام الشباب وما تتحجب
انتبه على نفسه / وش يخصك ان شاء الله تمشي بدون هدوم
انتفض ان غيره يشوفها كذا / لازم اسال شوق عن لبس خويتها
حط الصوره على صدره وضمها وابتسم / والله الصوره لعبت فيك شلون لو شفتها واقع اكيد بتضيع علومي
ونهاية ها لصوره يا تركي لو قلت انك بتتزوجها البنت صغيره عليك كثيررررر
ابتسم / والله وهبلتيني يا لهنوف وصرت اكلم نفسي من متى يا تركي صرت خفيف وتشقلبك صوره
رفعها من على صدره وصار يمرر اصبعه على ملامح وجها حس روحه تعلقت بصاحبة الصوره
في جناح هيا
دخل سالم شافها نايمه دخل الحمام اخذ شور قرب منها شافها غاطه بنومها ما حب يزعجها فتح دولابه وطلع له ثوب لبسه ونزل تحت دخل المجلس وانسدح على الكنب ما يبي ينام بغرفته ويطول بالنومه
بالصاله
ساره حست بتعب مسكت البنات بيدها وطلعت لغرفتها
ساره بتعب / سموره سحوره يله اخذو شور علشان تلبسون واعدل شعركم
سحر اخذت فوطتها ودخلت الحمام دقائق طلعت لابسه الفوطه ودخلت سمر الحمام وسحر دخلت غرفة التبديل لبست وطلعت
جلست على كرسي التسريحه قامت ساره من سريرها وقربت من سحر ومشطت شعرها
دقائق وطلعت سمر ودخلت ولبست نفس فستان سحر وطلعت عند عمتها
ساره بابتسامه / لازم التطقيم البايخ
سمر بابتسامه / حتى ماما وشوق يلبسون نفس بعض
ساره / يعني التطقيم مرض بالعايله
خلصت من بنات اخوها / انا تعبانه بنام اذا ما فيكم نوم اطلعو برى مابي ازعاج
سمر بحزن / وين نطلع ماما مافي علشان نلعب معها
سحر برجاء / عمه يله العبي معنا
ساره بتعب / برتاح من الفجر قايمه ما نمت وعد باليل العب معكم العبه الي تختارونها
سمر / خلاص بننزل تحت بنطالع الرسوم المتحركه وبالليل تلعبين معنا
ساره / حاضر اطلعو وقفلو النور والباب وراكم
طلعو البنات وساره من التعب نامت
عند ماجد
بعد ما طلع من شقة ناصر طلع للمستشفى يزور نوره
دخل غرفتها كانت نايمه والحزن مرسوم على وجها
طلع من الغرفه ومر الكفتريا طلب شي خفيف ياكله
اخذ فطائر وعصير اكلهم على السريع ورجع فوق لغرفة نوره
وصل ودخل سمع ونات موجعه فز قلبه على وجعها
قرب من سريرها وجلس على كرسي جنبها
وسحب يدها وباسها بحب وحنان / يا روحي تحملي العلاج ادري ان موجع لكن اصبري
نوره فتحت عيونها المليانه دموع وبصوت تعبان / شخبار البنات مشتاقه اشوفهم يا ماجد قبل ما موت
ماجد بوجع / لا تذبحيني بالكلام الي متاكده انه يوجعني باذن ربي بتقومين بسلامه وتفرحين ببناتك
نوره تبكي / كان نفسي جبت لبناتي اخو لكن هذي حكمت ربك
ماجد بزعل / انتي تعرفين اني راضي وما شكيت وبناتي عندي احسن من مليون ولد انتي ارتاحي ولا تضغطين على نفسك بالكلام
سكرت نوره عيونها شافها نامت طلع برا الغرفه وصار يبكي بحرقه والم
عند نوف
فتحت عيونها بكسل وحاسه بصداع بيفجر راسها وقفت وحست بدوخه رجعت تجلس على السرير ما تذكر شي من الي صار طلعت تطمن على بنتها شافتها نايمه بمكانها
رفعت عيونها لساعه الي معلقه على الجداره كانت 5 تفاجئت من الساعات الي نامتها بدون ما تحس
طلعت من الغرفه دخلت المطبخ اخذت خبز ودهنته بجبنه وصبت لها عصير ورجعت لصاله وجلست على الكنبه وبدت تاكل تحس بالاكل مثل الشوك بحلقها
اكلت ربع الخبزه وشربت العصير صارت تفكر وش صار قبل لا تنام اخر شي تذكر الحلم المرعب الي شافته صارت دموعها تنزل بحرقه
عند سميه
رجعت البيت بعد ما طلعت تشتري هدايا لبنات اخوها الي تحبهم ومتعلقه فيهم وهديه لاخوها
طلعت لغرفتها وحطت الهدايا بشناط وملابسها والاغراض الي تحتاجهم بشنطه خاصه
رفعت جوالها وتصلت على منى تبي تشوفها قبل لا تسافر
عند منى
كانت مشغوله بالمطبخ جهزت الحلى وشغلات جانبيه مع العشاء سمعت صوت جوالها طلعت لصاله واخذته من فوق التلفزيون
شافت رقم سميه / هلا وغلا
سميه بحب / شخبارك
منى بجديه / الحمد لله بخير شلون استعدادك لسفر
سميه بجديه / كل شي جاهز منى تقدرين تجين عندي ودي اشوفك قبل لا سافر
منى بحب / تعالي عندي مشغوله اخوي بيزورني ما قدر اجيك
سميه / خلاص بمرك واسلم عليك قبل لا اطلع المطار
منى بحب / حياك الله وبالمره تتعشين عندي
سميه / منى ابي اترك شغالتي عندك اذا ماعندك مانع ما لقيت لها حجز
منى بجديه / هاتيها ماعندي مانع اهم شي فهميها وضعها اخاف تضرب عندي ولا تسوي شي بنفسها وابتلش
سميه بجديه / اهم شي توافقين على الاجازه
منى بجديه / طيب كم يوم تبين اجازه
سميه / شهر احتياط اذا زانت الظروف بدري رجعت وقطعت اجازتي
منى / خلاص اعتبري نفسك ما خذه اجازه
سميه / يله مع السلامه مابي اشغلك
منى / بنتظرك مع السلامه
توقعاتكم
اختكم نسايم نجد
|
27-03-11, 05:32 PM
جديد مواضيع قسم الارشيف
العرض العادي
