كاتب الموضوع :
نسايم نجد
المنتدى :
الارشيف
البارت الثاني
عند صقر
وصل لمكتبه متضايق وكلام ديما يرن في اذنه مقهور من ابوها لكن مايبي يفتح النار بوجهه متاكد لو تكلم معه بموضوعها بياخذها عنده وهو ما يقدر يستغني عنها هي بنته الي رباها وتكفل فيها من كانت صغيره
واكبر قهر من اخته الي انشغلت بعالمها عن بنتها لكن مستحيل يسكت عن اهمالها لها
رفع جواله واتصل على جوال اخته منى
عند منى
في مكتبها جالسه بعد انتهاء الطابور الصباحي وبيدها كاس كافي وتفكيرها مشغول بالفيلا الي تبنيها ناقصها فلوس ماتدري من وين ادبرها اكره ماعندها السلف باقي التشطيبات النهائية والمقاول رافض يشتغل الا بستلام المبلغ مقدم
وهي بتفكيرها سمعت صوت جوالها شافت رقم صقر استغربت
منى / الو هلا صقر
صقر بعتاب / شخبار اختنا القاطعه
منى بارتباك / والله ياخوي مشغوله فوق ما تتصور
صقر بعصبيه / مشغوله حتى عن بنتك خافي ربك فيها وانتي مربية اجيال ترى ديمه تحتاجك
منى بحزن / انت تعرف حبي لبنتي وبغيتها تسكن عندي لكن انتم رفضتو خفتو من ابوها والله يصقر ان همها معي ياكل ويشرب وانا عارفه ان بنتي كارهتني وتلومني اني تزوجت وتركتها اذا كلمتها سمعت البرود بصوتها
لما اجيكم زياره تتحاشاني وتسوي مشاكل مع خوانها
وكملت بصوت باكي / بنتي كارهتني يكفيني وجع الضمير وانا حاسه اني مقصره بحقها
صقر بحنان / لا تلومينها هذا نتيجه متوقعه وهي تشوفك تاركتها ومشغوله بعيالك حاولي ياخوك تتقربين منها اول مره بتصدك وثاني مره وبعده هي الي بتتقرب منك لا ينسونك عيالك ديما
منى بصوت باكي / ديما بقلبي عمري ما نسيتها هي اول فرحتي الله يحنن قلبها علي وتشيل الفكره السوداء الي راسمتها عني
صقر بحزن / الله كريم سامحيني اني ضايقتك على الصبح واني سبب دموعك لكن والله سبقني قلبي قبل تفكيري وتصلت عليك
منى وهي تمسح دموعها بالمنديل / مسموح يالغالي بشر عنك وعن امي والبنات
صقر / الحمد لله كلنا بخير انتي شلونك وشلونه سلطان ووليد وغلا
منى / كلنا بخير مشتاقين لكم ننتظر الاجازه علشان نزوركم
صقر / حياكم الله عطلتك عن شغلك مع السلامه ولا تقاطعين
منى / ان شاء الله مع السلامه
بعد ما قفلت من اخوها حطت راسها على مكتبها وصارت تبكي بحرقه عليها ضغوطات كثيره اولها ديما وصدها لها وهي كل ماشافت شي حلو بالسوق تذكرتها وشرته لها واذا عطته لها اخذته منها ببرود وكلمتها الي تجرح ( تعوضيني بالاغراض هذي عن حرماني منك خالي صقر وجدتي ما تركو علي قاصر ) والمشكله عمرها ما شافتها لابسه من الملابس الغاليه الي شاريتها لها ماتدري وين توديها
ما نستها وهي تبني الفيلا وصممت لها جناح كبير خاص لها تصميمه راقي وبتاثثه باغلى الاثاث وبتحاول فيها تسكن عندها يمكن تقتنع الجناح باسمها مستحيل غيرها يسكنه
وهمها الثاني زوجها البارد الي ما ينفع بشي واعتمادها كله على نفسها وكانه غير موجد من تزوجته ما دفع لها ريال واحد وكل شي عليها وكثر الله خيره انه يدفع اجار الشقه
نفسها تتمناه يكون سند تنسند عليه لاضاقت فيها الدنيا لكن الي عندها يبي من يسنده
صحاه من افكارها صوت طق على الباب رفعت راسها من الطاوله ومسحت دموعها
كانت سميه نائبة المديره عند الباب وهي صديقة منى
سمحت لها بالدخول شافت وجه منى احمر واضح انها باكيه
سميه بخوف / وش فيك منى
منى وهي تبتسم بالم / زين انه انتي الي دخلتي مالي خلق للقال والقيل بالمدرسه
قربت سميه وجلست مقابلها / وش صاير
منى بحزن / الفيلا ياسميه المقاول رافض يشتغل الا باستلام المبلغ مقدم وانا مفلسه
سميه بعصبيه / وظل الحيطه الي عندك ليه ما يساعدك
منى تضحك بحرقه / هههههه صدقتي انه ظل حيطه المصيبه انه ينق علي يبي اكتب نص الفيلا باسمه
سميه بقهر وعصبيه / وجع يوجعه ليكون بتنهبلين وتكتبين شي بسمه
منى بحزن / للحين بعقلي يكفي انه ما ساعدني بريال وانا ماني بواثقه فيه طلبت منه ياخذ سلفيه من البنك انتفض كانه مقروص ورفض
ويوم زواج اخوه ماخذ سلفيه وعطاها اخوه مهر يقدمه لزوجته
سميه بعصبية / والله شي يقهر اتركيه عنك انا بساعدك
منى بجديه / المبلغ كبير من وين ادبرينه
سميه بجديه / اذا الصديق ما ساعد صديقه بوقت الحاجه ماله عازه
منى بحرقه / ياسميه تعرفيني اكره السلف والدين
سميه بجديه / كم تحتاجين
منى بياس / حاليا مية الف
سميه بابتسامه / بالليل عندك
وقفت منى بتاثر / سميه هذا كثير وصعب اخذ منك فلوس جامعتها لزمن
سميه بحزن / وش لي بالفلوس وانا ارمله وحيده من بصرف عليه وابتسمت من قال اني بتصدق عليك كله سلف وبتردينه
رجعت وجلست براحه منى / مدري شلون ارد جميلك علي لكن مستحيل اخذهم قبل لكتب صك بالمبلغ تعرفين الدنيا حياة وموت
وقفت سميه / يصير خير بعد ساعه اجتماع مدرسات الرياضيات والعلوم ولازم تحضرينه لازم نناقش المناهج المطور
منى اصرار / اكدي عليهم بالحضور
طلعت سميه ومنى حست برتياح وبقلبها تدعي لسميه الي فرجت لها كربتها
عند صقر
تنهد تنهيده قويه بعد ماقفل من اخته حس انه تعجل بمعاتبتها وقف وطلع من مكتبه لمكتب ركان فتح عليه الباب ودخل وجلس بالكرسي المقابل
صقر بابتسامه / وش صار بالدنيا ركان مداوم قبلي
ركان بنفس الابتسامه / الا انت الي متاخر
صقر بابتسامه / جايك من جامعة البنات
ركان / هههههههههه من متى الاخ مطيح عند جامعات البنات كان اخذت صديقك يترزرز قدام البنات يمكن يصير نصيب
صقر / هههههه قالو عني خبل اخذك معي علشان يطيح سوقي ولا وحده اطالعني انت خلك بالاحتياط
ركان بجديه / الا من جد وش لك بجامعة البنات
صقر بمرح / صاير اليوم سواق ديما وصلتها للجامعه وبرجعها
ركان بابتسامه / اخاف تدمن على توصيلات الجامعه
صقر / ههههههههه يازينه من ادمان اشوف الاشكال السنعه بدال مقابل هالمجرمين
ركان بجديه / ياليت تفز بطولك وترجع لمكتبك وراي شغل
صقر بجديه / الليله بتطلع معي للمداهمه ولا بتجلس عند ابوك
ركان / ماضنتي اقدر اطلع ابوي اولى ماقدر اتركه بالليل
صقر هز راسه اسى على حال صديقه وطلع
في بيت الجده
في جناح هيا
صحت من نومها على الساعه 9 اخذت شور ولبست جلابيه ناعمه حمراء ورفعة شعره الاسود بعضاضه
هياء سمارها حلو وملامحه هنديه وبين حاجبها حبة خال زايدتها جمال و كلها ملح جسمها دبدوبه شوي مكبره نفسها بلبسها اخر اهتمامها البس والموضه
بعد ماخلصت دخلت غرفة ولدها يزيد شالته ودخلته الحمام وغسلته ولبسته و اخذت جلالها حطتها على راسها تحسبن اذا شافت تركي تحطه على وجها
نزلت تحت لقت البيت هادئ حمدت ربها ان خالتها مو موجودها مالها خلق لطول لسان خالتها على الصبح
دخلت المطبخ طلبت من الطباخه تجهز لهم فطور وجلست بالصاله دقائق قامت لغرفة الطعام شالت ولدها وافطرت وفطرته معها وبعد ماخلصت طلعت لغرفتها دخلت بصالة الجناح شغلت التلفزون وصارت اتابع برنامج صباحي نسائي
في بيت ام فواز
اميره في غرفتها تقلب بصور زواجها من تركي وعيونها تلتهم صوره بتعطش وشوق ودموعها على خدها طلعت صوره لتركي وهو لابس البشت وضمتها بحرقة ووجع ذبحها الشوق والحب مشتاقه تسمع صوته باي طريقه
رفعت جوالها وقلبت بين الاسماء وضغطت على اسم حبيبي الغايب انتظرت دقائق مافي رد ورجعت تتصل مره ثانيه وهي متلهفه على سماع صوته
في الشركه
في مكتب تركي
مشغول بالاوراق الي بيده سمع صوت جواله طنش ولما شاف الاصرار رفع وشاف رقم غريب اضطر يرفع سمع صوت بكاء
تركي بخوف / الو
اميره قلبها ارتعش من سماع صوته وزادت بكي / .......
تركي بعصبيه / بترد ولا بسكر
اميره ما تقدر تتكلم تشاهق من البكي
تركي زاد خوفه وهو يسمع الشهقات الناعمه / الو من معي
اميره بصوت باكي / اميره ياتركي
تركي بقرف / خير وش تبين
اميره ابلعت حرقتها من نبرة صوته / تركي ابي ياسر
تركي بسخريه / تبين تفهميني ان كل هالبكي والنياح شوق وحب لولدك
اميره وبكلامها تقصد تركي وبصوت باكي / ايه ابكي شوق وحب له ميته اجتمع معه في بيت واحد لكن انت حارمني منه
تركي بعصبيه / عمري ما حرمتك منه واضنك ادلين مكانه محد مانعك لا تشوفينه
اميره بصوت باكي / ابيه يعيش عندي
تركي بعصبيه / حريمتك يعيش عندك
اميره بجرائة / اجل انا اعيش عنده
تركي بعصبيه وسخريه / ما فهمت شلون تعيشين عنده
اميره بجرائة / رجعني يا تركي مو علشانك علشان ولدنا
تركي بعصبيه وسخريه / هههههه تخسين ارجعك ومستحيل يجمعنا بيت واحد ويا ليت تمسحين رقمي واذا بتشوفين ولدك عندك جوال خالتك عارفه رقمها ولا اعطيه لك
اميره بصوت بكي / عارفته مشكور مع السلامه
عند اميره
بعد ما قفلت من تركي رمت نفسها على السرير وهي تبكي بوجع وقهر
اميره بصوت عالي / حرام عليك يا تركي والله احبك واموت فيك ليش تقسى علي وش سويت لك ليش كل هالكره والله اصير لك خدامه لكن رجعني
امها كانت ماره من الغرفه سمعت صوت بنتها تبكي خافت وفتحت الباب شافت حال اميره خافت وقربت منها
ام فواز قربت منها وبخوف / يمه ليش تبكين وش صاير
رفعت راسها من على السرير شافت امها الصور المتناثر وصورة تركي الي حاضنتها
ام فواز بحزن وحرقه / ليه يمه تعذبين نفسك انسيه والله لو ادري ان فيه امل يرجعك سعيت بالموضوع لكن تركي بايع والحب يمك مو بالغصب
اميره بصوت باكي موجع / وش اقول لقلبي الغبي بدال مااكره واحقد عليه وهو مطلقني ما كملت شهرين بدون ذنب حبيته وبجنون لو حبه ينشال من قلبي شلته شفتي يمه اميره القويه وش سوى فيها حب تركي
ام فواز قربت من بنتها وحضنتها / يمه اشغلي نفسك بالشغل بدال قعدتك في البيت وتفكيرك فيه
اميره زادت بكي في حضن امها / اااااااااااااااه ياليت يمه ياليت انشغل عن تفكيري فيه بنجن يمه بنجن
ام فواز وقفتها / ادخلي الحمام وغسلي وجهك ورمي همك لربك
استجابت لامها ادخلت الحمام اخذت شور بارد يمكن يبرد النار الي بداخلها
ام فواز انزلت تحت وهي مقهوره من حال بنتها وضعفها والسبب تركي الي اغلى عليها من عيونها
عند تركي
بعد ماسكر سند راسه على الكرسي وحس بضيقه وخنقه بعد مكالمة اميره متاكد انها تحبه لكن هو بالمقابل يكرهها ماحس براحه الا بعد ماطلقها تذكر اجبار امه له بزواجه منها وزاده كره ونفور لانه مجبور على الزواج بعد الزواج تجنبها طول ماهي عنده وهي بكل مره تحاول تغريه استغرب وكره جرائتها معه
مهما كان فهو رجال بشهاوتها ورغباته بسبب اغرائها له نام معها وندم وستحقر نفسه على تهوره وضعفه والنتيجه طلاقها وانصدم من خبر حملها وتفاجئ يصير حمل من مره وحده حاولت امه باصرار يردها لكنه رفض وبشده وبعد ما ولدت ياسر ارسل لها ورقتها
وبعد ما كمل ياسر اربع سنوات اخذه منها استغرب انها ما رفضت ولا تمسكت فيه وهو مستحيل يحرق قلبها وياخذه منها بالغصب
وطول هالسنوات الي ياسر في بيته ما زارته امه الا بالمناسبات او جدته تاخذه معها اذا زارت اختها علشان يشوف امه مستغرب من مكالمتها اليوم وشوقها لياسر
وقف وحط الجوال بجيبه طالع بساعه 11 ونصف طلع من الشركه ركب سيارته بطريقه لمدرسة سلمان وصلها على الساعه 12
لقى سلمان ينتظره ركب السياره جنب عمه
حرك تركي السياره والتفت على سلمان
تركي بحب / الرجال يسلم اذا ركب
سلمان بحياء / السلام
تركي بابتسامه / وعليكم السلام ليكون تاخرت عليك
سلمان بابتسامه طفوليه / لا توني طالع
في فرنسا
بعد ما طلعت نوف وبنتها من المستشفى ركبو مع السايق
شوق / يمه اش رايك نمر كافي ونشرب لنا شي
نوف / لا بنرجع للبيت خليها مره ثانيه قلبي ماكلني على عيالي
شوق بترجي / يمه مراح نطول عليهم كلها ساعه
نوف باصرار / وساعه عندك مو شي مافي
شوق بزعل / مالي حق عليك كله منشغله عني بعيالك واكيد بعد الي بيجي بطريق بصير منسيه
نوف بحب / من قالك انتي الغلا كله صديقتي وبنتي واختي لكن اخوانك صغار يحتاجون اهتمام وعناية
شوق بمزح / العبي بعقلي بالكلام الحلو خلاص بنرجع للبيت
وصلو للبيت دخلو بالصاله وفكو حجابتهم وانسدلت شعورهم على ظهورهم كانت سمر وسحر يطالعون بافلام كرتوم شافوا امهم ركضو لها ضمتهم بحب
نوف تضم كل وحده بيد / حبيباتي متى صحيتو
سحبتهن وجلست معهن على الكنبه وجلست وحده عن يميها والثانيه يسارها
سمر / من شوي
نوف بحرص / افطرتو ولا باقي
سحر / ايوم ماما افطرنا
نوف بارتياح / الحمد لله
سمر انتبهت للالماسه تلمع بسن امها / ماما حلوه الي حاطته بسنك
نوف / هذي الماسه وش ريكم فيها
سحر ركزت بالسن الي يلمع من الالماسه / حلوه مره ابي اركب مثلهم
نوف / ههههههه لما تكبرين ان شاء الله اركبهم لك
سحر بزعل / ماما انا كبيره
شوق قربت من امها وجلست مقابلها
شوق بحب / يمه طالعه مره حلوه عليك
نوف بفرح / صدق شواقه
شوق بانبهار / تجنن ابتسامتك صايره مدمره مع الالماسه
نوف / هههههههههه فديتك حتى عليك تجنن
وقفت نوف / انا طالعه اتطمن على اخوانك
شوق / انا بكلم سارونه الدبه
رفعت جوالها وتصلت على ساره
في بيت الجده
رجعت ساره بدري من الجامعه طلعت لغرفتها اخذت شور ولبست بجامه وانزلت وجالست بالصاله طفشانه البيت خالي
سمعت صوت جوالها شافت رقم شوق
ساره بفرح / هلا بشواقه وينك من زمان ماكلمتيني يالخايسه والله مشتاقه لك
شوق بمزح / شوي شوي حشا بالعه رادو
دخلل تركي مع سلمان سلمان طلع فوق وتركي دخل الصاله شاف ساره تكلم بالجوال
تركي / السلام
ساره حطت يدها على الجوال / وعليكم السلام
تركي / من الي تكلمينه
ساره / شوق
تركي بفرح / شوق هاتيها بكلمها
ساره بطفش / ااااااوف اذا كلمتها طنشتوني
سحب الجوال من يدها
تركي بحب / هلا بشواقت عمها الي ناسيته
شوق بحب / فديت العم الي مكسر جوال بنت اخوه
تركي بحب / متى تجون شواقتي
شوق بمرح / شكلك تبي الازعاج وطابور العسكر الي بيجون معي
تركي بقرف / لا تقولين ان امك حامل
شوق / هههههههههههه من قالك
تركي بقرف / ما يحتاج امك قطو كل سنه حامل
شوق بعصبيه / عمييييييييي الي يغلط على امي يغلط علي ولي يكرها يكرهني ماشفتو من امي شي علشان تتحاملون عليها امي بحالها حتى زيارت ما تزوركم
تركي اوجعه قلبه كله ولا زعل شواقته / المهم لا تنسين هديتي
شوق بحب / مجهزتها اول شي حطيته بشنطتي هديتك وبحزن والله يعمي احبك اكثر من ابوي
حس بحزنها / شواقتي لك عندي مفاجئة لجيتي
ساره تاشر عليه تبي تكمل مكالمتها لكن مطنشها
تركي بحب / شواقتي انتبهي على نفسك
شوق بابتسامه وحب / عمي تدري ان من بين كل الوجيه اخترت وجهك ارسمه وادخل فيها المسابقه
انتفض قلب تركي بحب / اخاف وجهي يخسرك
شوق / وربي لفوز وقول شوق قالت الا شخبار قردك
تركي يمثل العصبية / انتي القرده ياسر شيخ الشباب رايح محرم لجدته مع السواق
شووق بمزح / اووووووخس يانتفه صاير محرم زوجنياه عمي
تركي بمزح / هههههههه وش يبي بعجوز كبرك
شوق بدلع / وهو يحصل وحده مثلي عيونها زرق
تركي / هههههه وجه مجعد وعيون زرق طاح حظ ولدي اجل
شوق وهي تشوف ابوها داخل / يله عمي مع السلامه وسلم على سارونه الي اكيد بتفجرك بعد ماقفل
تركي / ههههههههههه اصلن بصور شكلها وهي محتره وارسله لك
شوق / فمان الله عمي
عند شوق
دخل ناصر على بنته وهي تكلم عمها شافته انهت المكالمه بسرعه لانه له سبوع غايب عنهم
قامت وباسته على راسه
ابوها بحنان / من كنتي تكلمين
شوق بابتسامه / عمي تركي
رجعت جلست مكانها و جالس ناصر جنبها بالصاله
ناصر بقرف / البقره وينها
شوق مقهوره من ابوها اذا قال بقره ما ترد عليه لان الكلمه توجعها وتجرحها عمرها ما سمعته ينادي امها باسمها يوم كانت صغيره مصدقة ان هذا اسم امها
لما كانت بالابتدائي كانت ام صديقتها جايه زياره للمدرسه
ام لمياء / حبيبي اش اسمك
شوق بابتسامه / شوق ناصر
ام لمياء / وينها امك
شوق / بالبيت
ام المياء / وش اسم امك يمكن اعرفها وشفتها من قبل
شوق ببراءة الاطفال / بقره
عصبت ام لمياء / عيب وحرام تقولين عن امك بقره بعدين ربي يزعل عليك وطيحين بالنار لازم تحبين امك وتحترمينها علشان ربي يحبك
شوق بدموع / ابوي يقول عنها بقره
ام المياء اوجعها قلبها ماتدري وش ترد على شوق
ام المياء ضمت شوق وكلمتها بحنان / لكن امك لها اسم روحي اسئليها عنه وبكره تعالي هنا قوليه لي
رجعت للبيت وهي تبكي استقبلتها نوف بحنان وقربت منها ومسحت دموعها وحضنتها
شوق بصوت باكي / ام لمياء سالتني اش اسم امك قلت بقره هاوشتني قالت بطيح بنار قلت ابوي يناديك بقره
نواف حست بقهر ووجع في نفسها / حسبي الله عليك يا ناصر الله لا يوفقك اذا انا نسيتني اسمي يمكن لو تناديني نوف مارديت عليك تعودت على بقره
نوف بحنيه / اسمي نوف يله اطلعي لغرفتك وبدلي ملابسك مسويه كيكه انتي الا بتقصينها معي وتحطينها بصحون
شوق ابتسمت / وووواو ماما صرت كبيره
قربت منها نوف باستها بحب وتاشر بصبعها ما بيني وبينك الا قد كذا وتاشر باصبع يدها كلها
قامت شوق ترفع نفسها تبي تطول اكثر
نوف تبتسم / لاحقه على الكبر
رجعها للواقع صوت ابوها / ليش ما تجاوبيني
نزلت دمعه على خد شوق بعصبيه / ما عندنا بالبيت بقر
اوجعه قلبه على بنته كله ولا دمعت احد من عياله مستعد يفجر الي كان السبب شلون لو كان هو
قرب منها وحضنها / تبكي روح ابوها
شوق ببكاء / مابي اتدخل بينك وبين امي
موعشان خايفه منك لا لان امي حالفه علي ما ادخل نفسي باموركم وانتم كبار تتفاهمون
ناصر بيغير الموضوع / البقره جهزة شنطتك وشنطة اخوانك
شوق وقفت متنرفزه ومنقهره لسان ابوها تعوده على هالكلمه طنشته ومشت تاركته ودخلت غرفتها
في بيت الجده
سكر تركي الجوال وهو مبسوط اذا تضايق يكلمها هي الوحيده الي تقدر تغير مزاجه يحبها حب ما ينوصف ينتظر جيتها على احر من الجمر
ساره بزعل / قايله مستحيل اكلمها بعدك
جلس على كنبه منفرده
تركي بحقد / مدري شلون الشوك يطلع ورده
ساره بعصبيه / حرام عليكم تكرهون امها حتى ما شفتوها ولا تدرون عنها ولا ضرتكم بشي
تركي بقرف / الكتاب امبين من عنوانه ولا فيه ام تترك عيالها يسافرون بعيد عنها شهر وثلاث من غير لا تجي معهم شلون ام يطاوعها قلبها ولدها ابو سنه يغيب عن نظرها زوجة اخوك هذي مكينة تفريخ
ساره بشوق / نفسي اشوف شكلها مدري تشبه شوق ولا اخوانها مع ان كل واحد منهم شكل
تركي بقرف / وش تشوفين وحده مامعها الا خامس ابتدائي وكل سنه والده تتوقعين شكلها عارضة ازياء ولا مثل الفنانات الي تشوفينهم بالتلفزون اتوقع ان امي اكشخ منها
ساره باستغراب / مستغربه ان اخوك راضي بكثرة العيال توها ما كملت الثلاثين وعندها 10 وحامل
تركي بجديه / هذا الي يتزوج جاهله بتمسكه بالعيال
دخلت عليهم امهم وركض ياسر لابوه / من الجاهله الي بتمسكه بالعيال
حضن تركي ولده وحطه بحضنه / من غيرها ام سالم 2
ام سالم بعصبيه / وقطع يجعلها الماحي الي يمحاها عن الوجود مدري اخوك ليش ماطلقها وحذفها عند اهلها والله لزوجه ست البنات
تركي بجديه / والقبيله الي عنده وين بتودينهم
ام سالم بعصبيه / اعيالنا لنا لو تموت ما شافتهم ولا تاخذ واحد منهم هي مو كفو تصير ام وهي بالاجازات حاذفتهم علينا من غير لا تجي معهم وتجلس هناك علشان تصيع لحالها لارقيب ولا عتيد
تركي بقرف / من بيطالعها عجوز شايبه وعايبه
ساره تحس باختناق من كلامهم / خلاص حرام عليكم اكلتو الحرمه وانت يا تركي وش لك بسوالف الحريم
تركي بعصبيه / مقهووووور من زوجة اخوك ومن اخوك الي عاجبه كثرة هالعيال
بكره بيجون الي مريض ولي تعبان ولا يهتم فيهم غير شوق الضعيفه الي صارت ام من بدري
ام سالم بحب / بعد قليبي شوق شيلوها الهم بدري والله كامله والكامل وجه الله هي الي فيهم تبرد القلب
ساره / يمه دخيلك لا تضايقينها وتسبين امها قدامها والله انها تنقهر
ام سالم بقهر وعصبية / اذا سمعت طااريها يركبني مليون جني ولا فيه حرمه عاقل تترك زوجها يسافر بعيالها والرضيع معه ماقالت اشوف اهله لو شفتها صدفه ماعرفتها ماتبيني انقهر ولله اني ميته قهر
تركي بامر / ساره قولي للخدم يجهزون غرفة شوق اياني وياكم احد من اخوانها الصغار ينام معها جايه اجازه خلوها ترتاح منهم
ساره بجديه / واخونها من بيهتم فيهم
تركي بجديه / عندكم بدال الشغاله عشر
في فرنسا
عند ناصر
بعد ما تركته شوق دخل غرفة المربيه شاف نوف شايله ماهر اول ما شافته نزلته بسريره وطلعت تاركه له المكان
وقفها صوته الساخر الحاقد / طول عمرك بقره ما تعرفين السنع جهزي شنطة العيال واياني وياك تنسين شي
نوف وهي معرضته ظهرها وتكلمت بحقد / طيب أي اوامر ثانيه
ناصر بوقاحه / بعد ما نسافر بتجيك سوزان ومعها الغرض اخذيه منها وعطيه ظرف بدرج الكمودينه وبعده كلميني وبشريني بوصول الامانه
نوف تجمدت مكانها بردت اطرافها و سكرت عيونها تبلع غصتها ودموعها تنزل بحراره حست قلبها بينخلع من ضلوعها نفسها تصرخ بعالي صوتهااااااااا وتقول خلااااااااص ارحمني
طلعت تاركته يلعب مع عياله المفروض تتعود على وجود سوزان الي بسببها هي وناصر انحرمت من لذة النوم وصار ليلها كوابيس
لكن نفسها الطاهره رافضه الي يصير لكن ضعفها وخوفها مخليها تنفذ اوامره وترضى فيها وهي ساكته مالها سند تشكي له
بحاجه انها تبكي وتفضي من الهم والوجع الي خانقها ماتبي تدخل غرفة شوق وتشوفها تبكي وتسئلها ماتبي أي تحقيقات معها الي فيه كفايه وزود ماتبي تدخل الصاله وتخوف بناتها دخلت اقرب حمام سكرت عليها وصارت تبكي بصوت عالي وبحرقه موجعه وتحول البكى لنحيب وانين موجع صار حلقها يوجعها من قو البكي تبي دموعها تبرد النار الي داخلها بعد ساعه من البكي فتحت الماء البارد وغسل وجها الاحمر من كثر البكي اخذت نفس عميق
وطلعت من الحمام وحمدت ربها انها سمعت تسكير باب البيت تاكدت ان ناصر طلع بعض ما بث سمومه فيها دخلت الصاله كانت خاليه جلست فيها وارتاحت شوي وبعده دخلت على المربيه تطمن على عيالها شافت فارس وماهر نايمين وعادل وعدنان يلعبون بالعابهم
سالت عن سمر وسحر قالت المربيه انهم بغرفة شوق دخلت كانت شوق تجرب فيهم مكياج الخدع
نواف شافتهم تفاجئت / بسم الله الرحمن الرحيم وش مسويه بوجيه خواتك صاير شكلهم مرعب
كانت ملبسه سمر باروكه بيضاء وحاطه مكياج عجائز ومركبه تلبيسه سوداء على اسنانها ( صايره عجوز صغيره )
وسحر مسويه لها مكياج اجرامي مسويه علامة جرح عميقة بوجها ومعرضه حواجبه وصاير شكله مجرم
شوق بابتسامه / اتعلم فيهم يمكن استفيد من هالمكياج بحياتي الشخصية
نوف باستغرب / وش تستفيدين من هالتشويه وربي بغيت اهج من الغرفه
شوق بجديه / يمكن ادخل الشرطه الجنائية بينفعني بشغلي
نوف بعصبيه / من قال ان احد بيرضى بالخبال الي براسك لو تموتين لا ابوك ولا عمانك بيرضون لك هالوظيفه
شوق بحب / لوقتها يصير خير
نوف باصرار / غسلي القرف الي بوجه خواتك
اخذت شوق المناديل الخاصه لمسح المكياج وبدت تمسح وجه خواتها بعد ماخلصت
شوق / ارتحتي يالغاليه
نوف بحزن موجع / شوق حبيبتي لسافرتي عند جدتك انتبهي على اخوانك ترى ماهر متعبته الاسنان وحطيت علاجاته بشنطته الخاصه وخوك فارس يكح حطيت علاجه بشنطته دخيلك شوق نوميهم معك مابي احد يصير مسئول عنهم غيرك
شوق مقهوره من ظلم ابوها ومقهوره من سلبيت امها
ضمت امها بحب / يمه من عيوني لا تشيلين هم انتبهي على الحلو الي ببطنك يارب يكون بنت
نوف بوجع ومرار / ان شاء الله
شوق بحب / اليوم بشتري الهدايا تروحين معي
نوف بضيقه / ماقدر اروح بجهز شنط اخوانك بكره سفركم
شوق بحب / تبين شي يا لغاليه
نوف بابتسامه / مثل العاده من كل شي ثنين واحد لي واحد لك
شوق تبوس امها بخدودها / من عيوني وبشتري الكتب الي تحبين تقرينها تبنها فرنسي والا انجليزي ولا بالعربي
نوف برعب / اووووص لا يجي ابوك ويسمعك والله ليذبحني اني خالفته وسويت الي ابيه من غير شوره
شوق بابتسامه / اكيد بالفرنسي
في الجامعه
عند ديما
بعد سوالفها مع خالها قلبت عليها المواجع دخلت الجامعه متجنبه صديقاتها بعد ماخلصت محاضراتها طلعت للكفتريا
كانت سرحانه قطع عليها صوت صديقتها مرام جلست مقابلها
مرام تصير بنت خالة صقر وهي متملكة على عبدالله وصديقة ديما ونجود
مرام بزعل / دمدومه وش فيك وش الي قالبك شايفه علي شي ليش تتهربين مني وانا اختك وصديقتك لا تصدقين الي تسمعينه من الناس الي بتفرقنا
ديما بوجع / مرام مالك دخل بالسالفه انا متضايقه من موضوع شخصي
مرام بحنان / من متى ديما تخش شي عن مرام او انا اخش شي عنك قولي
ديما صارت دموعها تنزل / ماساتي الابديه يا مرام
مرام بجديه / الله اخذ منك شي وعوضك باشياء عندك جدتك تحبك وخال ما يدري شلون يرضيك وخاله عوضتك عن الاخت
يمكن لو عشتي بين امك وابوك بتتعذبين بسبب مشاكلهم وجرحهم لبعض
الحين كل واحد عايش حياته ومبسوط فيها وانتي الحمد لله مشوف عليك قصور
ديما وهي تبكي / والله الكلام الي تقولين صح وانا عارفته لكن مدري ليه احس بهالنقص الغبي احس فيه ومعذبني
مرام بحنان وحب / وسعي صدرك ودعي ربي يعوضك بالزوج الصاله الي يكون لك ابو وام وكل شي حلو بحياتك
ديما بجديه / شايله فكرة الزواج من راسي بجلس عند جدتي
مرام / الله يخليها لك لاجدتك بدوم لك ولا خالك ولا حتى خالتك هذي سنة الحياة لازم نتزوج
ديما مسحت دموعها وغمز لها بخبث / شخباره زوجك الخايس من ملك عليك ما صار يكلمني شكل المكالمات تحولت عليك
مرام تمثل العصبيه / هييييه ماسمح لك تقولين عن عبودي فديته خايس وبلا نق من ملكنا ما كلمني الا مره وحده وكان يكلم مدرس ولا مدير كل مكالمته رسميه
ديما بحب / فديته عبودي حياوي
مرام / يله اشوفك على خير بطلع للبيت
ديما / الله معك انتظر اتصال من خالي صقر بيطلعني
تكلمت سلوى وراهم بمرح / اااااااه ياقلبي اخيرا بشوف صقر كان الله داري بنيتي امس تمنيت اشوفه واليوم بشوفه
ديما / هههههههههههه من قال بخليك تشوفينه
سلوى بتمسكن / يرضيك دمدمومه تصير شوفت خالك حسره بقلبي اعرف قليبك طيب ما ترضين
مرام بابتسامه / بعدي عن ولد خالتي ناويه تكرهينه بصنف الحريم وهو للحين ما تزوج
سلوى بابتسامه / الا بيقولكم بكره بتزوج شفت عيون وحده بالجامعه خذت قلبي وسرت
والتفتت لمرام / ليش جالسه مو انتي تقولين بطلع روحي والقلب داعي لك
جلست مرام / عناد فيك بجلس وبنكلم صقر وبنقوله لا تجي
سمعت جوال ديمه يدق
سلوى / بسرعه ردي
رفعت جواله كان صقر يستعجلها واقف برى ينتظرها
اخذت عبايتها ولبستها ولبست نقابها وخذت شنطتها من على الطاوله
ديما بابتسامه / مرام امسكيها لا تتحرك لين اتصل عليك
مرام / هذا يوم المنى
مشت ديما ومرام متمسكه بقوه بسلوى الي ميته ضحك من مرام ومسكتها
سلوى / هههههه يالجنيه فضحتيني ببنات الجامعه كانك ماسكة وحده منها خطر خايف انها تاذي الناس
مرام / ههههههههههه وانتي منك خطر
سمعت جوالها يتصل كانت ديما
مرام / يله افرااااااااج
عند صقر
ركبت ديما جنبه / السلام
صقر / وعليكم السلام
حرك سيارته والجو بالسياره هادي قطع الهدوء صوت صقر
صقر / وسعي صدرك واضحكي مابي امي تشوف حالتك مقلوبه لو تدري عن الي مضايقك بتنجرح هي تحبك وتغليك اكثر منا
التفتت عليه / تطمن خالي كله ولا زعل امي
صقر بابتسامه بحب / تغدي مو تقولين نفسي مسدوده
ديما / هههههههههههه ازعل عن كل شي الا الاكل
وصلو للبيت / انزلي براجع لشغلي عندنا تحقيق مهم لا تنسوني اتركو لي غداء
ديما / ان شاء الله
نزلت ودخلت البيت وصقر حرك راجع لشغله
عند ديما
دخلت الصاله لقت جدتها تسمع قران بقناة المجد
قربت من جدتها وجلست جنبها وباست راسها وحضنتها
ديما بحب / شخبار امي اليوم
ام صقروهي تمسح على ظهر ديما / طيبه شلون مع الجامعه
ديما رفعت نفسها عن حضن جدتها / الحمد لله الا وينها نجود
ام صقر / بالمطبخ
ديما بابتسامه / يحب بنتك هذي للمطابخ
ام صقر بحب / روحي يمه بدلي لبسك وانزلي ساعدي خالتك وجهزو الغداء لين يجي صقر
ديما بحب / من عيوني وصقر بيتاخر يقول يتركون غداي لين اجي
وقفت ودخلت المطبخ شافت نجود مشغوله
ديما / الله الريحه ادوخ وش طابخه لنا
نجود بحب / برياني دجاج والحلى الي تحبينه
ديما قربت من نجود وضمتها / فديتها نجود الي مسويه الغداء والتشيز كيك
نجود / اطلعي بدلي لا تتاخرين ان تاخرتي تغدينا وخليناك
ديما / لا صاروخ وراجعه
طلعت فوق نزلت عبايتها ونقابها وعلقتهم ونزلت تحت لقت نجود ترتب الاكل على السفره جلست جنب جدتها وبدت تاكل
ديما باعجاب / تسلم يدك ياحلى طباخه معاد اقدر اتنفس من كثر ماكلت
ام صقر / جعله هني وعافيه
ديما / شلون بنام بعد الشبعه حاسه بتخمه
نجود / بسوي لنا شاهي اخضر
ديما قامت / زين تسوين
وقفت وطلعت غسلت يدها وجلست على الكنب بالصاله
طلعت ام صقر من غرفة الطعام وهي منقهره من ديما
ام صقر بعصبية / ليكون ضيفه اكلتي وغسلتي يدك من غير لا تساعدين خالتك بشيل الاغراض
ديما بتعب / يمه ابي افهم الشغاله ليش كل شهر ندفع لها راتب الا علشان تريحنا الي اشوفه احنا الي مريحينها
ام صقر / بكره لتزوجتي مراح تاخذين الشغاله معك مراح ينفعك الا نفسك
ديما / قبل لا تزوج باقول لنجود تعلمني
ام صقر تركتها رايحه تغسل ايدينها
ونجود طلبت من الشغاله تشيل الاغراض وصلحت شاهي اخضر ووزرعته بكاسات وجابته لقت امه توها تجلس على الكنب مدت كاس لامها وكاس لديما الي كانت سرحانه واضح عليها الضيقه
نجود جلست جنب ديما وحطت االصحن بطاوله جانبيه قريبه منهم وتكلمت بصوت واطي نجود بحنان / ديما وش الي مضايقك
انتبهت عليها ديما / ماني متضايقه لكن تعبانه من الدوام الجامعه
نجود بحنان / اجل اشربي الشاهي وطلعي ارتاحي
ديما بحب / ان شاء الله
بعد ماخلصت من الشاهي طلعت لغرفتها اخذت شور ولبس بجامه ونامت
العايله الجديده بيت ابو مروان
سلوى صديقة ديما ومرام من سنتين كاذبة على الكل انها من اسره غنيه وساكنه بافخم الاحياء والحقيقه انها من اسره فقيره معدومه امها وابوها شياب لها اخوين
مروان وعمره 30 وهو اكبر داشر ومغازلجي يكشخ على حساب البنات الي متعرف عليهم ولسلوى الفضل بصيدات اخوها وهي تساعده مع بنت خالتها الي تعشق مروان بجنون
ومروان يشتري لهن ملابس وشغلات على الموضه يطمعهن فيها
وخوها سامي بالثانويه
كانت واقفه تنتظر اخوها مروان عند الجامعة
شافت سيارته من بعيد قربت منها وركبت قدام جنب اخوها حرك السياره
مروان بوقاحه / بشري ان شاء الله صدتي لي صيده دسمه
سلوى بابتسامه / أيه دكتورة الرياضيات عانس وبطرانه ورقمها مسجلته بجوالي
مروان بطفش / ما تعرفين تصيدين الا العجائز
سلوى / هههههههههه العجائز هن الي بطرانات ويلعبن بالفلوس لعب
مروان / الخميس انتي وبنت خالتك تدخلون ملاهي نسائية جايب معي بودره نوعيه جديده تبخينها بوجه الوحده تمشي معك مسيره
سلوى باعجاب / يا خطير من وين جايبها
مروان / واحد من الربع جايبه لي ابيك اذا شفتي وحده شكلها راعية فلوس تاخذينها على جنب وتبخين البودره بوجها وبتمشي معك براضاها تطلعين معها برى الملاهي وبنتظركم بالسياره ولازم بنت خالتك تكون معك تساعدك لان المخدر مدته ساعه
سلوى باجرام / سهله ما يبي لها شي اهم شي كم تدفع
مروان بوقاحه / على حسب الضحيه
سلوى بوقاحه / كالعاده فيه ابتزاز بالصور
مروان بخبث وجرائة / هههههههه استمتع فيها وانتم عليكم التصوير مثل العاده
وصلو لبيتهم بحي فقيررررر معدوم والبيت قديم متهالك
نزلت ودخلت البيت ومروان حرك بسيارته تارك المكان
كانت امها العجوز باستقبالهم
ام مروان / يمه سلوى بدلي لبسك وتعالي تغدي
سلوى بقرف / وش غدانا اكيد عدس
ام مروان / الحمد لله كله نعمه
سلوى / مابي اكلت بالجامعه بطلع ارتاح
دخلت غرفتها الي الخاليه من الاثاث وملابسه باكياس معلقه بمسامير بالجدار والغرفه فرشتها قديمه وعلى الجدار مرايه معلقه مكسور نصها
اخذت فراش قديم وبسطته على الارض واخذت شرشف وانسدحت
تتمنى تعيش بعز وتاكل اكل سنع وتسكن بيت فخم بدال الخرابه الي ساكنتها لكن من وين وابوها شايب يشتغل بسوبرماركت باخر الشارع يدوب الي ياخذه يكفي اجار الخرابه الي ساكنينها
ومروان عاطل عايش على نصبه على البنات
اضطرت تشتغل مع اخوها وتكسب اموال بالحرام تساعدها تلبس لبس نظيف غالي ولا تعيش اقل من بنات الجامعه
سلوى وخوها لهم دورمهم بالروايه وحده من بطلاتنا المحبوبات بتصير ضحيه من ضحاياهم ( ادعو ربي يجيب العواقب سليمه )
موعدنا بكره نفس الوقت
توقعاتكم
اختكم نسايم نجد
|
05-03-11, 08:54 PM
جديد مواضيع قسم الارشيف
العرض العادي
